ଚିଲିକା (ସୀତାରାମ ଅଗ୍ରୱାଲ): ଆଜି ଚାରି ଗୋଟି ରାଜ୍ୟ ଯଥା ଛତିଶଗଡ, ରାଜସ୍ଥାନ, ମଧ୍ୟପ୍ରଦେଶ ଏବଂ ତେଲେଙ୍ଗାନାର ନିର୍ବାଚନ ଫଳାଫଳ ପ୍ରକାଶ ପାଇଥିବା ବେଳେ ୩ ଗୋଟି ରାଜ୍ୟରେ ବାଜିମାତ କରିଛି ବିଜେପି। ଏହି ପ୍ରରିପ୍ରେକ୍ଷୀରେ ଚିଲିକା ନିର୍ବାଚନମଣ୍ଡଳୀ ଅନ୍ତର୍ଗତ ବାଣପୁର ନଗର ମଣ୍ଡଳ ବିଜେପି ଆଜି ବିଜୟ ଉତ୍ସବ ପାଳନ କରିଛି। ଏହାକୁ ନେଇ ସାରା ଦେଶରେ ବିଜେପି କର୍ମୀ ଖୁସି ମନାଉଥିବା ବେଳେ ବାଣପୁର ନଗର ମଣ୍ଡଳ ବିଜେପି ତରଫରୁ ମଧ୍ୟ ଉକ୍ତ ଉତ୍ସବ ପାଳନ କରାଯାଇଛି।
ସଂନ୍ଧ୍ୟାରେ ବିଜେପି ନଗର ମଣ୍ଡଳ ସଭାପତି, କାର୍ଯ୍ୟକାରୀ ସଭାପତି, ସମସ୍ତ ନିର୍ବାଚିତ କାଉନସିଲର ଏବଂ କର୍ମକର୍ତ୍ତା ମାନେ ମା’ ଭଗବତୀ ମନ୍ଦିର ସମ୍ମୁଖରେ ବାଜା ବଜାଇ, ବାଣ ଫୁଟାଇ, ମିଠା ବାଣ୍ଟି ଉକ୍ତ ବିଜୟ ଉତ୍ସବ ପାଳନ କରିଥିଲେ। ଅନୁରୂପ ଭାବେ ମା’ ଙ୍କ ନିକଟରେ ଦୀପ ଦାନ ମଧ୍ୟ କରିଥିଲେ ବିଜେପି କର୍ମୀ।
ଏହି ଅବସରରେ ସମସ୍ତ ବିଜେପି କର୍ମୀମାନେ ବାଜାର ତାଳେ ତାଳେ ନାଚୁଥିବାର ଦେଖିବାକୁ ମିଳିଥିଲା।