ବାଣପୁର: ଆଜି ଖୋର୍ଦ୍ଧା ଜିଲ୍ଲା ବାଣପୁରସ୍ଥିତି ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ “ଜାତୀୟ ବିଜ୍ଞାନ ଦିବସ” ଖୁବ୍ ଆକର୍ଷଣୀୟ କାର୍ଯ୍ୟକ୍ରମ ସହ ପାଳନ କରାଯାଇଛି। ଏହି ଦିବସର ଗୁଣାତ୍ମକମାନ ବୃଦ୍ଧି ନିମନ୍ତେ ଅନେକ ବିଜ୍ଞାନମନସ୍କ ଛାତ୍ରଛାତ୍ରୀମାନେ ବିଜ୍ଞାନ ସମ୍ବନ୍ଧୀୟ ପ୍ରବନ୍ଧ, ବକୃତା, ପ୍ରକଳ୍ପ, ପ୍ରୟୋଗ ଓ ପ୍ରଦର୍ଶନୀରେ ଅଂଶ ଗ୍ରହଣ କରି ନିଜର ଅନ୍ତର୍ନିହିତ ବିଜ୍ଞାନିକ ମନୋବୃତ୍ତିକୁ ପରିପ୍ରକାଶ କରିଥିଲେ।
ଆଜି ଶିଶୁ ମାନଙ୍କ ମାର୍ଗଦର୍ଶନ ପାଇଁ ଉପସ୍ଥିତ ଥିଲେ କଲିକତାର ସାହା ଇନଷ୍ଟିଚ୍ୟୁଟ ଅଫ ନିଉକ୍ଲିୟର ଫିଜିକ୍ସର ପ୍ରଫେସର ପଦ୍ମଜା ପ୍ରସାଦ ମିଶ୍ର ବିଜ୍ଞାନ ସମ୍ବନ୍ଧୀୟ ମହତ୍ୱବାଣୀ ସମସ୍ତ ଶିଶୁ ମାନଙ୍କ ମନରେ ପ୍ରଭାବ ପକାଇ ଜିଜ୍ଞାଂଶୁ ମନୋବୃତ୍ତିର ବୀଜବପନ କରିଥିଲେ। କୃତି ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରାଯାଇଥିଲା। ଅନୁଷ୍ଠାନର ସମସ୍ତ ସେବବ୍ରତୀ ଓ ଛାତ୍ରଛାତ୍ରୀ ମାନଙ୍କର ପୂର୍ଣ୍ଣ ସହଯୋଗରେ କାର୍ଯ୍ୟକ୍ରମର ସଫଳ ରୂପାୟନ କରାଯାଇଥିଲା।