ସମୀକ୍ଷା ବ୍ୟୁରୋ
ଭୁବନେଶ୍ୱର, ପ୍ରସିଦ୍ଧ ନାଟ୍ୟକାର ଗୋ ପାଳ ଛୋଟରାୟଙ୍କ ସରଳ ଓ ନିରାଡଞ୍ଚର ବ୍ୟକ୍ତିତ୍ୱରେ ଆନ୍ତରିକତା ଓ ବୌଦ୍ଧିକତା ଭରି ରହିଥିଲା। କଟକ ସହିତ ତାଙ୍କର ନିବିଡ଼ ସଂ ପର୍କ ରହିଥିଲା ବୋଲି ସାଂସଦ ପ୍ରଶାନ୍ତ ନନ୍ଦ ପ୍ରକାଶ କରିଛନ୍ତି। ଆଜି ସନ୍ଧ୍ୟାରେ କେତକୀ ଫାଉଣ୍ଡେସନ୍ ଟ୍ରଷ୍ଟ ଆନୁକୂଲ୍ୟରେ ଅନୁଷ୍ଠିତ ‘ଆଇ ଆମ୍ ଉଇଥ୍ ନେଚର’ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ନାଟ୍ୟକାର ଗୋପାଳ ଛୋଟରାୟଙ୍କୁ ନିଜ ଅଭିନେତା ଜୀବନର ଦ୍ରୋଣ ଭାବରେ ଅଭିହିତ କରିଥିଲେ। ଗୋପାଳ ଛୋଟରାୟଙ୍କ ସହିତ ଏକ ଅବିସ୍ମରଣୀୟ ଅନୁଭୂତିର ଅବତାରଣା କରି ନନ୍ଦ ତାଙ୍କ ଉଦ୍ଦେଶ୍ୟରେ ନମ୍ର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ରାଷ୍ଟ୍ରୀୟ ଲଳିତ କଳା କେନ୍ଦ୍ରରେ ଅନୁଷ୍ଠିତ ଏହି କାଯ୍ୟକ୍ରମରେ ଗୋପାଳ ଛୋଟରାୟଙ୍କ ରଚିତ ଓ ଫାଉଣ୍ଡେସନ୍ ପ୍ରକାଶିତ ‘ଫେରିଆ’ ଓ ‘ ପରକଲମ’ ନାଟକ ଏବଂ ଆତ୍ମଜୀବନୀ ‘ ପଥିକ’ ଲୋକାର୍ପିତ ହୋଇଥିଲା। ବିଶିଷ୍ଟ ସମାଲୋଚକ ପ୍ରଫେସର ଡ. ଯତୀନ୍ଦ୍ର ନାୟକ ‘ ପଥିକ’ ଉପରେ ଆଲୋଚନା କରି ଗୋଟିଏ ଆତ୍ମଜୀବନୀର ସ୍ୱାତନ୍ତ୍ର୍ୟ ଉପରେ ବକ୍ତବ୍ୟ ରଖିଥିଲେ। କାର୍ଯ୍ୟକ୍ରମରେ ଦେବଦାସ ଛୋଟରାୟଙ୍କ ଲିଖିତ ସିନେମା ଗୀତର ଏକ ସଂକଳନ ମଧ୍ୟ ଉନମୋଚିତ ହୋଇଥିଲା। ବିଶିଷ୍ଟ ଲେଖିକା ଶ୍ରୀମତୀ ବିୟତ୍ ପ୍ରଜ୍ଞା ତ୍ରିପାଠୀ କାର୍ଯ୍ୟକ୍ରମ ସଂଯୋଜନା କରିଥିବାବେଳେ କେତକୀ ଫାଉଣ୍ଡେସନ୍ର ଟ୍ରଷ୍ଟି ଚିତ୍ରଶିଳ୍ପୀ ଶ୍ରୀ ରାମହରି ଜେନା କାଯ୍ୟକ୍ରମରେ ଅଧ୍ୟକ୍ଷତା କରିଥିଲେ। ଏହା ପରେ ଗୋ ପାଳ ଛୋଟରାୟଙ୍କ ନାଟକର ଊଦ୍ଧୃତାଂଶ ଶ୍ରୀ ଦେବଦତ୍ତ ପତି ଓ ସାଥିମାନଙ୍କ ଦ୍ୱାରା ଅଭିନୀତ ହୋଇଥିଲା।