ରଞ୍ଜିତ ପଣ୍ଡା
କୁଜଙ୍ଗ: ପିପିଏଲ ପକ୍ଷରୁ କୁଜଙ୍ଗ ବ୍ଳକର ବିଭିନ୍ନ ଅଞ୍ଚଳରେ ପାନୀୟ ଜଳ ପ୍ରଦାନ କରାଯାଇଛି । ସରକାରୀ ସ୍ତରରେ ଗ୍ରାମର ଲୋକମାଙ୍କର ପାନୀୟ ଜଳର ଆବଶ୍ୟକତା ପୂରଣ କରାଯାଇ ପାରୁନଥିବା ବେଳେ ପିପିଏଲର ଏହି ଉଦ୍ୟମ ପାଇଁ ସ୍ଥାନୀୟ ଲୋକ ସନ୍ତୋଷ ପ୍ରକାଶ କରିଛନ୍ତି । କୁଜଙ୍ଗବ୍ଳକ ଅନ୍ତର୍ଗତ କୋଠୀ, ବିଶ୍ୱାଳୀ, ଭୂତମୁଣ୍ଡାଇ ଆଦି ପଞ୍ଚାୟତରେ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗ ପକ୍ଷରୁ କୋଟି କୋଟି ଟଙ୍କା ବ୍ୟୟରେ ପ୍ରକଳ୍ପ ବର୍ଷବର୍ଷ ଧରି ଆରମ୍ଭ କରାଯାଇ ଅଧାପନ୍ତରି ଆଭାବେ ପଡ଼ି ରହିଛି । ଏହା ଲୋକମାନଙ୍କର କାର୍ଯ୍ୟରେ ଆସି ପାରୁନାହିଁ । ଏହାକୁ ହୃଦୟଙ୍ଗମ କରି ପିପିଏଲ ପକ୍ଷରୁ ବଗଦିଆ ପଂଚାୟତର ଡ଼ାଳିମ୍ବପୁର, ରଇତସାହି, ନୂଆସାହୀ, କୋଠୀ ପଞ୍ଚାୟତର କୋଠୀ, ଲୁଣକୁଆ ଏବଂ ଭୂତମୁଣ୍ଡାଇ ପଞ୍ଚାୟତର ବରେଇ ଗ୍ରାମରେ ଟ୍ୟାଙ୍କର ଯୋଗେ ବିଶୁଦ୍ଧ ପାନୀୟ ଜଳ ପ୍ରଦାନ କରାଯାଇଛି । ପିପିଏଲର ପାନୀୟ ଜଳ ଟ୍ୟାଙ୍କର ସମ୍ପୃକ୍ତ ଗ୍ରାମ ମାନଙ୍କୁ ଆସିବା ପରେ ସାଧାରଣରେ ସଂସ୍ଥାକୁ ପ୍ରଶଂସା କରାଯାଇଛି ।
