Author: SM Network

ଭୁବନେଶ୍ବର: ଧାମନଗରରେ ଥିବା ମୁସଲମାନ ସମ୍ପ୍ରଦାୟର ପ୍ରସିଦ୍ଧ ଧାର୍ମିକ ସ୍ଥଳ ଖାନୱାରେ ଏକ ପାଣି ଟାଙ୍କୀ ସହିତ ଜଳଯୋଗାଣର ସୁବ୍ୟବସ୍ଥା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨ କୋଟି ଟଙ୍କା ମଞ୍ଜୁର କରିଛନ୍ତି। ୫-ଟି ତଥା ନବୀନ ଓଡିଶା ଅଧ୍ୟକ୍ଷ ଭି.କେ. ପାଣ୍ଡିଆନଙ୍କ ଧାମନଗର ଗସ୍ତ ଅବସରରେ ଖାନୱାର ଏକ ପ୍ରତିନିଧି ଦଳ ତାଙ୍କୁ ଭେଟି ଏ ବିଷୟରେ ଅନୁରୋଧ କରିଥିଲେ। ଶ୍ରୀ ପାଣ୍ଡିଆନ ଏହି ଅନୁରୋଧ ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଅବଗତ କରିଥିଲେ। ସେମାନଙ୍କ ଅନୁରୋଧକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ପାଣି ଟାଙ୍କୀ ଓ ଜଳଯୋଗାଣ ସୁବିଧା ପାଇଁ ଟଙ୍କା ମଞ୍ଜୁର କରିଛନ୍ତି। ସୂଚନାଯୋଗ୍ୟ ଯେ  ପୀରବାବା ହୁଜୁର ମୁଜାହିଦ ଏ ମିଲାତପେଙ୍କ ଅନୁଗାମୀମାନେ ପ୍ରତିଦିନ ବହୁ ସଂଖ୍ୟାରେ ଖନୱାକୁ ଆସିଥାନ୍ତି। ପୀରବାବା ହୁଜୁର ମୁଜାହିଦଙ୍କ ଉର୍ସ ଉତ୍ସବ ସମୟରେ ଏଠାରେ ବିଶେଷ ଭିଡ ପରିଲକ୍ଷିତ ହୋଇଥାଏ। ସେଠାରେ ଜଳଯୋଗଣରେ ଉନ୍ନତି ହେବା ଦ୍ୱାରା ଛାତ୍ରଛାତ୍ରୀ, ତୀର୍ଥଯାତ୍ରୀ, ଉର୍ସ ମୁଜାହିଦ ଏ…

ରେଢାଖୋଲ (କନ୍ଦର୍ପ ବେହେରା): ସାହିତ୍ୟ, ସଂସ୍କୃତିଧର୍ମୀ ଫିଚର ପତ୍ରିକା ‘ସୁଚିତ୍ରା’ ର ସାରସ୍ବତ ସମ୍ନାନ ପାଇଁ ସାରସ୍ବତ ସାଧକ ମାନଙ୍କର ନାମ ଘୋଷଣା କରାଯାଇଛି। ପ୍ରତିବର୍ଷ ପରି ଚଳିତବର୍ଷ ମଧ୍ୟ ଓଡ଼ିଶାର ଖ୍ୟାତନାମା ସାରସ୍ୱତ ସାଧକଙ୍କୁ ‘ସୁଚିତ୍ରା ସାରସ୍ୱତ ସମ୍ମାନ – ୨୦୨୩ ‘ରେ ସମ୍ମାନୀତ କରାଯିବାକୁ ସ୍ଥିର କରାଯାଇଛି। ମମତା ପଟ୍ଟନାୟକ (ଭୁବନେଶ୍ବର) ଙ୍କୁ “ସାରସ୍ବତ ସାଧନା ସମ୍ମାନ୨୦୨୩”, ଗଳ୍ପ ପାଇଁ ଲକ୍ଷ୍ମୀ ଚାନ୍ଦ (ଭୁବନେଶ୍ବର), କବିତା ପାଇଁ ପିନାକୀ ମିଶ୍ର (କେନ୍ଦୁଝର), ପ୍ରବନ୍ଧ ପାଇଁ ସୁଜିତ କୁମାର ପୃଷେଠ (ବରଗଡ) ଓ ଶିଶୁସାହିତ୍ୟ ପାଇଁ ପ୍ରଶାନ୍ତ କୁମାର ମଙ୍ଗରାଜ (ପୁରୀ) ଏହି ସମ୍ମାନ ପାଇବେ। ସେହିପରି ହରିହର ସାହୁ (ସମ୍ବଲପୁର)ଙ୍କୁ କବିପୀତାମ୍ବର ବିଶ୍ୱାଳ ସ୍ମୃତି ସମ୍ମାନ ଓ କୁଳମଣି ମେହେର(ଅନୁଗୋଳ)ଙ୍କୁ “ଯୁବ ପ୍ରତିଭା ସମ୍ମାନ” ପ୍ରଗତି ବଳ (ପୁରୀ)ଙ୍କୁ ସୁଚିତ୍ରା “ପ୍ରଚ୍ଛଦପଟ୍ଟ ଶିଳ୍ପୀ” ସମ୍ମାନ ପ୍ରଦାନ କରାଯିବ ା ଆସନ୍ତା ଜାନୁଆରୀ ମାସରେ ସୁଚିତ୍ରା ର ବାର୍ଷିକ ଉତ୍ସବରେ…

ନୂଆଦିଲ୍ଲୀ: କୋଭିଡ-୧୯ ମାମଲାର ବୃଦ୍ଧି ଏବଂ ଭାରତରେ ଜେଏନ.୧ ଭାରିଆଣ୍ଟର ପ୍ରଥମ ମାମଲାର ଚିହ୍ନଟକୁ ଦୃଷ୍ଟିରେ ରଖି ରାଜ୍ୟମାନଙ୍କୁ କେନ୍ଦ୍ର ଏକ ମାର୍ଗଦର୍ଶିକା ଜାରି କରିଛି। କୋଭିଡ ପରିସ୍ଥିତିର ନିରନ୍ତର ମନିଟରିଂ ବଜାୟ ରଖିବାକୁ ରାଜ୍ୟମାନଙ୍କୁ ଅନୁରୋଧ କରାଯାଇଛି। ରାଜ୍ୟଗୁଡିକ ନିୟମିତ ଭାବରେ ଜିଲ୍ଲାୱାରୀ SARI ଏବଂ ILI ମାମଲା ରିପୋର୍ଟ ଏବଂ ତଦାରଖ କରିବାକୁ ପଡିବ। ବହୁ ସଂଖ୍ୟକ RT-PCR ପରୀକ୍ଷା ସହିତ ପର୍ଯ୍ୟାପ୍ତ ପରୀକ୍ଷଣ ନିଶ୍ଚିତ କରିବାକୁ ରାଜ୍ୟମାନଙ୍କୁ ପରାମର୍ଶ ଦିଆଯାଇଛି। ଜେନୋମ ଶିକ୍ୱେସିଂ ପାଇଁ INSACOG ଲାବୋରେଟୋରୀକୁ ପଜିଟିଭ ନମୁନା ପଠାଇବାକୁ ମଧ୍ୟ ପରାମର୍ଶ ଦିଆଯାଇଛି। ଆଜି ଅପଡେଟ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଭାରତରେ ୨୬୦ ଟି ନୂଆ କରୋନା ଜୀବାଣୁ ପଞ୍ଜିକୃତ ହୋଇଥିବାବେଳେ ସକ୍ରିୟ ମାମଲା ୧,୮୨୮ କୁ ବୃଦ୍ଧି ପାଇଛି। ସକାଳ ୮ ଟାରେ ଅପଡେଟ୍ ହୋଇଥିବା ତଥ୍ୟ ଅନୁଯାୟୀ, କରୋନା କାରଣରୁ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୫,୩୩,୩୧୭…

ଭୁବନେଶ୍ୱର/ସୁନ୍ଦରଗଡ଼: ସ୍କୁଲ ସ୍ତରରୁ ଛାତ୍ରଛାତ୍ରୀମାନଙ୍କ ଭବିଷ୍ୟତର କ୍ୟାରିୟର ସ୍ୱପ୍ନକୁ ପୂରଣ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଶିକ୍ଷା ଭିତ୍ତିଭୂମିକୁ ସୁଦୃଢ଼ କରାଯାଉଛି। ଏହି କ୍ରମରେ ଖଣି ପ୍ରଭାବିତ ସୁନ୍ଦରଗଡ଼ ଜିଲ୍ଲାରେ ବିଭିନ୍ନ ସରକାରୀ ହାଇସ୍କୁଲ ଏବଂ ଓଡ଼ିଶା ଆଦର୍ଶ ବିଦ୍ୟାଳୟକୁ ନୂଆ ରୂପ ଦିଆଯାଉଛି। ଏଥିପାଇଁ ଓଡ଼ିଶା ଖଣିଜ ପଦାର୍ଥ ଧାରକ ଅଞ୍ଚଳ ଉନ୍ନୟନ ନିଗମ (ଓମ୍ବାଡସି) ପାଣ୍ଠିରୁ ଆର୍ଥିକ ସହାୟତା ଦିଆଯାଉଛି। ରାଜ୍ୟ ସରକାରଙ୍କ ‘୫ଟି’ ଅଭିଯାନ ଅଧୀନରେ ଚାଲିଥିବା ହାଇସ୍କୁଲ ରୂପାନ୍ତରଣ କାର୍ଯ୍ୟକ୍ରମରେ ସୁନ୍ଦରଗଡ଼ ଜିଲ୍ଲାର ସରକାରୀ ହାଇସ୍କୁଲଗୁଡ଼ିକର ରୂପରେଖ ବଦଳିଛି। ଓମ୍ବାଡସି ସହାୟତାରେ ୩୪୭ଟି ହାଇସ୍କୁଲରେ ସ୍ମାର୍ଟ କ୍ଲାସରୁମ୍, ଆଧୁନିକ ବିଜ୍ଞାନାଗାର, ଆଇସିଟି ଲ୍ୟାବ୍ ଏବଂ ଇ-ଲାଇବ୍ରେରି ଆଦି ବ୍ୟବସ୍ଥା କରାଯାଇଛି। ପିଲାମାନେ ସ୍ମାର୍ଟ ବୋର୍ଡରେ ପାଠ ପଢ଼ିବା ସହ ଆଧୁନିକ ବିଜ୍ଞାନାଗାରରେ ଉପଲବ୍ଧ ନୂଆ ନୂଆ ବିଜ୍ଞାନ ଉପକରଣର ବ୍ୟବହାର କରୁଛନ୍ତି। ଆଇସିଟି ଲ୍ୟାବ ଯୋଗୁଁ ଛାତ୍ରଛାତ୍ରୀମାନେ ସ୍କୁଲ ସ୍ତରରୁ କମ୍ପ୍ୟୁଟର ଶିକ୍ଷା ପାଉଛନ୍ତି।…

ଚିଲିକା (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଚିଲିକା ବ୍ଲକର ପଞ୍ଚୂପଲ୍ଲି ଭୀମ ବଳବନ୍ତରାୟ ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁବ ଓଡ଼ିଆ ନବୀନ ଓଡ଼ିଆ ଆନୁକୁଲ୍ୟରେ ସାମାଜିକ କାର୍ଯକ୍ରମର ୩ୟ ଦିବସରେ ପ୍ରାଥମିକ ସହାୟତା ଓ ପରିମଳ କାର୍ଯକ୍ରମ ଅନୁଷ୍ଠିତ ହୋଇଛି। ଅଧ୍ୟକ୍ଷ ଦେବେନ୍ଦ୍ର ନାଥ ବିଶ୍ଵାଳଙ୍କ ସଭାପତିତ୍ବରେ ଏହି କାର୍ଯକ୍ରମ ଆରମ୍ଭ ହୋଇ ସଫଳତାର ସହିତ ସମାପନ ହୋଇଛି। ଆଙ୍କୁଲାଚଟୀ ସ୍ଥିତ ବାଲୁଙ୍କେଶ୍ୱର ଦେବଙ୍କ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଛାତ୍ର ଛାତ୍ରୀ ମାନେ ଏକ ସଚେତନତା ପଦଯାତ୍ରାରେ ବ୍ୟାନର ଓ ପ୍ଲା କାର୍ଡ ଧରି ସହର ପରିକ୍ରମା କରି ସଚେତନତାର ବାର୍ତା ବାଣ୍ଟିଥିଲେ। ସମାଜ ସେବା କାର୍ଯକ୍ରମ ଅଧିକାରୀ ତଥା ଯୁବ ରେଡକ୍ରସ୍ ପରାମର୍ଶଦାତା ଅଧ୍ୟାପକ ରବି ଶଙ୍କର ହୋତା ଙ୍କ ନେତୃତ୍ୱରେ କଲେଜର ସମସ୍ତ ଛାତ୍ର ଛାତ୍ରୀ ହାତରେ ଗ୍ଲୋବ ଓ ମୁଁହ ରେ ମାସ୍କ ପରିଧାନ କରି ମନ୍ଦିର ପ୍ରାଙ୍ଗଣ, ଚତୁଃ ପାର୍ଶ୍ଵ ଓ ରାସ୍ତା…

ଟାଙ୍ଗୀ (ସୀତାରାମ ଅଗ୍ରୱାଲ): ଦାମୀ ଗାଡ଼ିରେ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଟାଙ୍ଗୀ ପୋଲିସ ଧରିବାରେ ସଫଳ ହୋଇଛି। ଚାଲାଣକାରୀମାନେ ନୂଆ ଉପାୟରେ ଗଞ୍ଜେଇ ଚାଲାଣ କରି ବେଆଇନ ଭାବେ ମୋଟା ଅଙ୍କର ଟଙ୍କା ରୋଜଗାର କରିବାକୁ ଚେଷ୍ଟା କରୁଥିଲେ। ହେଲେ କୁହୁଡି ନିକଟ ୧୬ ନମ୍ବର ଜାତୀୟ ରାଜପଥରେ ଟାଙ୍ଗୀ ପୋଲିସର ଗାଡି ମୋଟର ତନଖି ବେଳେ ସେମାନେ ଧରା ପଡିଥିଲେ। ସେମାନଙ୍କ ନିକଟରୁ ୫୩ କେଜି ଗଞ୍ଜେଇ ଜବତ କରାଯାଇଛି। ଏବଂ ସେଥିରେ ସାମିଲ ଥିବା ଦୁଇ ମହିଳାଙ୍କ ସମେତ ୪ ପୁରୁଷଙ୍କୁ ପୋଲିସ ଗିରଫ କରିଛି। ତେବେ ଚାଲାଣକାରୀମାନଙ୍କ ନିକଟରୁ ଟାଙ୍ଗୀ ପୋଲିସ ୩ ହଜାର ଟଙ୍କା ଓ ୭ ଟା ମୋବାଇଲ ଫୋନ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ଉତ୍ତମ ସାହୁ (୨୯ ବର୍ଷ), ନାରାୟଣ ସାହୁ (୩୯ବର୍ଷ), ଅଜୟ ସାହୁ (୨୧ବର୍ଷ), ଶଙ୍କର ପ୍ରଧାନ (୩୧ବର୍ଷ), ଅନିତା ପଣ୍ଡା (୩୩ବର୍ଷ), ପିଙ୍କୁ…

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଟାଙ୍ଗୀ ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଆଜି ଜିଲ୍ଲାପାଳଙ୍କ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଆଜି ମୋଟ ୧୩୭ ଗୋଟି ଆପତ୍ତି ଅଭିଯୋଗ ଦାଖଲ ହୋଇଥିବା ବେଳେ ସେଥିମଧ୍ୟରୁ ୧୨୮ ଗୋଟି ଅଭିଯୋଗ ବ୍ୟକ୍ତିଗତ ଥିଲା ଓ ବାକି ୫ ଗୋଟି ବିଭିନ୍ନ ଗ୍ରାମର ସାମୁହିକ ସମସ୍ୟା ଥିଲା। ଉକ୍ତ ଅଭିଯୋଗମାନଙ୍କ ମଧ୍ୟରୁ ସ୍ଥଳ ବିଶେଷରେ ୩ ଗୋଟି ଅଭିଯୋଗର ତତ୍କାଳ ସମାଧାନ କରାଯାଇଥିଲା। ତେବେ ଜଣେ ହିତାଧିକାରୀଙ୍କୁ ୫୦୦୦/-ଟଙ୍କା ‌ରେଡକ୍ରସ ଆର୍ଥିକ ସହାୟତା ରାଶି ପ୍ରଦାନ କରାଯାଇଥିଲା। ଆଜିର ମିଳିତ ଜନଶୁଣାଣି ଶିବିରରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଅଧ୍ୟକ୍ଷତା କରିଥିବାବେଳେ, ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ବାଦଲ କୁମାର ମହାନ୍ତି, ଉପ-ଜିଲ୍ଲାପାଳ ଦୀପ୍ତିରଞ୍ଜନ ସେଠୀ, ସି ଡ଼ି ଏମ୍ ଓ ଡଃ ଆର୍ତ୍ତଵନ୍ଧୁ ନାୟକ, ବିଡିଓ ରେଶମା…

ନୂଆଦିଲ୍ଲୀ: ଜ୍ଞାନବାପି ମାମଲାରେ ଏଏସଆଇର ଅତିରିକ୍ତ ନିର୍ଦ୍ଦେଶକ ବାରଣାସୀର ଜିଲ୍ଲା ଜଜଙ୍କୁ ସିଲ୍ ରିପୋର୍ଟ ପ୍ରଦାନ କରିଛନ୍ତି। ମିଳିଥିବା ସୂଚନା ଅନୁଯାୟୀ, ଏହି ରିପୋର୍ଟ ୧୫୦୦ରୁ ଅଧିକ ପୃଷ୍ଠାର ରହିଛି। ଜ୍ଞାନବାପିଙ୍କ ସର୍ବେକ୍ଷଣବେଳେ ଏଏସଆଇ ଖଣ୍ଡିତ ମୂର୍ତ୍ତି, ମାଠିଆ ଚିହ୍ନ ଭଳି ୨୫୦ଟି ଅବଶେଷ ପାଇଥିଲା। ଡିଏମଙ୍କ ତତ୍ତ୍ୱାବଧାନରେ ଏଗୁଡ଼ିକୁ ଲକରରେ ଜମା କରାଯାଇଥିଲା। ଏହି ସମସ୍ତ ଅବଶେଷକୁ ମଧ୍ୟ କୋର୍ଟରେ ଉପସ୍ଥାପନ କରାଯାଇଛି। ସର୍ଭେ ରିପୋର୍ଟ ଉପସ୍ଥାପନ ହେବା ପୂର୍ବରୁ ମୁସଲମାନ ପକ୍ଷ କୋର୍ଟରେ ଆବେଦନ କରିଥିଲେ। ସର୍ବେକ୍ଷଣ ରିପୋର୍ଟକୁ ସିଲ୍ କଭରରେ ଉପସ୍ଥାପନ କରାଯିବା ସହ ବିନା ସତ୍ୟପାଠରେ କାହାକୁ ସାର୍ବଜନୀନ କରିବାକୁ ଅନୁମତି ଦିଆଯାଉ ନାହିଁ ବୋଲି ଦାବି ହୋଇଛି। ସୁରକ୍ଷା ମଧ୍ୟରେ ୫ ଜଣିଆ ଟିମ୍ ଜିଲ୍ଲା ଜଜ୍ କୋର୍ଟରେ ପହଞ୍ଚି ରିପୋର୍ଟ ଦାଖଲ କରିଥିଲେ। ଏଏସଆଇ ଡାକ୍ତରୀ କାରଣ ପାଇଁ ୭ ଦିନ ସମୟ ମାଗିବା ପରେ ଜିଲ୍ଲା ଜଜ୍ ଏଏସଆଇକୁ ରିପୋର୍ଟ ଦାଖଲ…

ନୂଆଦିଲ୍ଲୀ: ଲୋକସଭାରେ ବିରୋଧୀ ସାଂସଦମାନେ ହଙ୍ଗାମା କରିବା ପରେ ଲୋକସଭାରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ୩୧ ଜଣ ସାଂସଦଙ୍କୁ ନିଲମ୍ବିତ କରାଯାଇଛି। ବିରୋଧୀ ସାଂସଦଙ୍କ ପ୍ଲାକାର୍ଡ ଦେଖାଇବା ପାଇଁ ବାଚସ୍ପତି ଏହି ପଦକ୍ଷେପ ନେଇଛନ୍ତି। ନିଲମ୍ବିତ ସାଂସଦଙ୍କ ମଧ୍ୟରେ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ ମଧ୍ୟ ଅଛନ୍ତି। ଶୀତକାଳୀନ ଅଧିବେଶନର ଅବଶିଷ୍ଟ କାର୍ଯ୍ୟ ଦିବସ ପାଇଁ ସମସ୍ତ ସାଂସଦଙ୍କୁ ନିଲମ୍ବିତ କରାଯାଇଛି। କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ବିରୋଧୀ ସଦସ୍ୟଙ୍କୁ ନିଲମ୍ବନ କରିବାକୁ ଦାବି କରିଥିଲେ। ଏହାପରେ ବାଚସ୍ପତି ଏହି ସଦସ୍ୟମାନଙ୍କୁ ନିଲମ୍ବିତ କରିଥିଲେ। ସୂଚନାଯୋଗ୍ୟ, ଶୁକ୍ରବାର ପୂରା ଅଧିବେଶନ ପାଇଁ ୧୩ ଜଣ ସାଂସଦଙ୍କୁ ନିଲମ୍ବିତ କରାଯାଇଛି। ଏହା ସହିତ ଏପର୍ଯ୍ୟନ୍ତ ୪୪ ଜଣ ବିରୋଧୀ ସାଂସଦଙ୍କୁ ଗୃହରୁ ନିଲମ୍ବିତ କରାଯାଇଛି। ସାଂସଦଙ୍କ ନିଲମ୍ବନ ପରେ ଲୋକସଭାକୁ ମଙ୍ଗଳବାର ପୂର୍ବାହ୍ନ ୧୧ଟା ପର୍ଯ୍ୟନ୍ତ ମୁଲତବୀ ରଖାଯାଇଛି। ଉଲ୍ଲେଖଯୋଗ୍ୟ, ବାଚସ୍ପତି ଓମ୍ ବିର୍ଲା ସମସ୍ତ…

ବାଣପୁର (ସୀତାରାମ ଅଗ୍ରୱାଲ): ଆଜି ଗମ୍ଭାରୀମୁଣ୍ଡା ଠାରେ ଭାରତୀୟ ଜନତା ପାର୍ଟି ସିଦ୍ଧେଶ୍ଵରୀ ମଣ୍ଡଳର‌ ଚ଼ିନ୍ତନ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଚ଼ିଲିକା ନିର୍ବାଚ଼ନ ମଣ୍ଡଳୀର ଲୋକପ୍ରିୟ ତଥା ରାଜ୍ୟ ବିଜେପିର ବରିଷ୍ଠ ନେତା ପୃଥ୍ୱୀରାଜ ହରିଚ଼ନ୍ଦନ, ଖୋର୍ଦ୍ଧା ଜିଲ୍ଲା ଭାଜପା ସାଧାରଣ ସମ୍ପାଦକ ଦୁଷ୍ମନ୍ତ ହରିଚ଼ନ୍ଦନ, ଶିକ୍ଷାବିତ୍ ତଥା ଦଳର ପୁରୁଖା ନେତା ଗୋଲକ ବିହାରୀ ପଟ୍ଟନାୟକ, ବରିଷ୍ଠ ନେତା ରମେଶ ଚନ୍ଦ୍ର ସାମନ୍ତସିଂହାର, ମାଧବ ପ୍ରଧାନ, ଗମ୍ଭାରୀମୁଣ୍ଡା ପଞ୍ଚାୟତର‌ ସମିତିସଭ୍ୟା ଅନିତା ପ୍ରଧାନ‌, ମଣ୍ଡଳ ସାଧାରଣ ସମ୍ପାଦକ ତପନ ପ୍ରଧାନ, ବିସ୍ତାରକ ଦେବେନ୍ଦ୍ର ପାଇଟିଆଲ୍, ଶରତ ଛାଟୋଇ, ପ୍ରକାଶ ବେହେରା, ପ୍ରଭାଶିଷ ପ୍ରଧାନ, ଦେବେନ୍ଦ୍ର ହରିଚ଼ନ୍ଦନ ଯୋଗ ଦେଇଥିଲେ। ଏହି ବୈଠକରେ ଦଳର ଆଗାମୀ କାର୍ଯ୍ୟକ୍ରମ ବିଷୟରେ ବିସ୍ମୃତ ଆଲୋଚ଼ନା ହେବା ସହ ସଂଗଠନ କୁ ବୁଥ୍ ସ୍ତରରେ ଆହୁରି ଦୃଢ଼ କରିବା ପାଇଁ ଆଲୋଚ଼ନା ହୋଇଥିଲା। ଏହି ବୈଠକରେ ମଣ୍ଡଳ ର ସମସ୍ତ ଛାମୁଆ ନେତା…

ନୂଆଦିଲ୍ଲୀ: କୋଭିଡ୍-୧୯ର ନୂଆ ଭାରିଏଣ୍ଟ ସାରା ବିଶ୍ୱର ବୈଜ୍ଞାନିକଙ୍କ ଚିନ୍ତା ବଢ଼ାଇ ଦେଇଛି। କରୋନାର ଜେଏନ୍-୧ ଷ୍ଟ୍ରେନ୍ ପୂର୍ବ ଭାରିଆଣ୍ଟ ତୁଳନାରେ ଅଧିକ ସଂକ୍ରାମକ ହୋଇପାରେ। ନିକଟରେ କେରଳରେ ଜେଏନ୍-୧ ଭାରିଏଣ୍ଟର ଏକ ମାମଲା ସାମ୍ନାକୁ ଆସିଛି। ଜଣେ ୭୮ ବର୍ଷୀୟ ବୃଦ୍ଧାଙ୍କ ଆରଟି-ପିସିଆର ପଜିଟିଭ୍ ନମୁନାରେ ଏହି ଭାରିଆଣ୍ଟ ଚିହ୍ନଟ ହୋଇଛି। ମହିଳାଙ୍କଠାରେ ଇନଫ୍ଲୁଏଞ୍ଜା ଭଳି ରୋଗର ସାମାନ୍ୟ ଲକ୍ଷଣ ଦେଖିବାକୁ ମିଳିଥିଲା। ଏବେ ସେ ସୁସ୍ଥ ହୋଇଛନ୍ତି। ଜେଏନ୍-୧ ଭାରିଆଣ୍ଟ ସମଗ୍ର ବିଶ୍ୱରେ କୋଭିଡ୍ ମାମଲା ବଢ଼ାଉଛି। ସିଙ୍ଗାପୁରରେ ସପ୍ତାହକ ମଧ୍ୟରେ ୫୬ ହଜାର ନୂଆ ମାମଲା ସାମ୍ନାକୁ ଆସିଛି। ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) କହିଛି ଯେ ଭୂତାଣୁ ବିକଶିତ ହେଉଛି ଏବଂ କ୍ରମାଗତ ଭାବରେ ବଦଳୁଛି। ଡବ୍ଲୁଏଚଓ ଜେଏନ-୧କୁ ବିଏ.୨.୮୬ର ଏକ ସବ୍-ଭାରିଏଣ୍ଟଭାବେ ବର୍ଣ୍ଣନା କରିଛି। ଏହାର ସ୍ପାଇକ୍ ପ୍ରୋଟିନରେ କେବଳ ଗୋଟିଏ ଅତିରିକ୍ତ ମ୍ୟୁଟେସନ୍ ରହିଛି। କୋଭିଡ୍ ସହ ଇନଫ୍ଲୁଏଞ୍ଜା ଏବଂ ଅନ୍ୟାନ୍ୟ ଭୂତାଣୁ…

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପାଇଁ ପ୍ରସ୍ତୁତିକୁ ତ୍ୱରାନ୍ୱିତ କରିବା ଉଦ୍ଦେଶ୍ୟରେ କଂଗ୍ରେସର ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ ସଂସ୍ଥା କଂଗ୍ରେସ କାର୍ଯ୍ୟକାରିଣୀ କମିଟି (ସିଡବ୍ଲ୍ୟୁସି) ଡିସେମ୍ବର ୨୧ରେ ଏକ ବୈଠକ ଡାକିଛି। ଇଣ୍ଡି ମେଣ୍ଟ ବୈଠକର ଦୁଇଦିନ ପରେ କାର୍ଯ୍ୟକାରିଣୀ ବୈଠକ ଡକାଯିବା ନିଷ୍ପତ୍ତି ସ୍ପଷ୍ଟ ଯେ କଂଗ୍ରେସ ନେତୃତ୍ୱ ୨୦୨୪ରେ ଆଗାମୀ ଲୋକସଭା ନିର୍ବାଚନରେ ଆସନ ବଣ୍ଟନଠାରୁ ଆରମ୍ଭ କରି ସମସ୍ତ ପ୍ରସଙ୍ଗରେ ଦଳରେ ବ୍ୟାପକ ସହମତି ପାଇଁ ଭିତ୍ତିଭୂମି ପ୍ରସ୍ତୁତ କରିବାକୁ ଚାହୁଁଛି। ଲୋକସଭା ନିର୍ବାଚନ ପାଇଁ ପ୍ରସ୍ତୁତ ହେଉଛି କଂଗ୍ରେସ ଲୋକସଭା ନିର୍ବାଚନରେ ଦଳର ରାଜନୈତିକ ଆଶାକୁ ବଢ଼ାଇବା ପାଇଁ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ଯାତ୍ରାର ଦ୍ୱିତୀୟ ପର୍ଯ୍ୟାୟ ଆରମ୍ଭ ନେଇ ମଧ୍ୟ ବୈଠକରେ ନିଷ୍ପତ୍ତି ନିଆଯାଇପାରେ। ୫ଟି ରାଜ୍ୟ ନିର୍ବାଚନ ଫଳାଫଳ ଆସିବା ପରେ କଂଗ୍ରେସ କାର୍ଯ୍ୟକାରିଣୀ କମିଟିର ଏହା ପ୍ରଥମ ବୈଠକ ହେବ ଏବଂ ସ୍ୱାଭାବିକଭାବେ ଦଳର ପ୍ରଦର୍ଶନର…

ନୂଆଦିଲ୍ଲୀ: ଆସନ୍ତା ମାସ ୨୨ ତାରିଖରେ ଅଯୋଧ୍ୟାର ଭବ୍ୟ ରାମ ମନ୍ଦିରରେ ରାମଙ୍କୁ ପ୍ରତିଷ୍ଠା କରାଯିବ। ଏହାର ପ୍ରସ୍ତୁତି ଜୋରସୋରରେ ଚାଲିଛି। ନିର୍ବାଚନ ବର୍ଷରେ ରାମ ମନ୍ଦିର ନିର୍ମାଣ ରାଜନୀତିରେ ଉଷ୍ମତା ବଢ଼ାଇବା ସହ ବିଜେପିର ଶକ୍ତି ମଧ୍ୟ ବଢ଼ାଇବ। ବିଜେପିଠାରୁ ଆରମ୍ଭ କରି ରାଷ୍ଟ୍ରୀୟ ସ୍ୱୟଂସେବକ ସଂଘ ଓ ବିଶ୍ୱ ହିନ୍ଦୁ ପରିଷଦ ସମସ୍ତେ ଏଥିପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ବିଜେପି ପାଇଁ ବଡ଼ ପ୍ରସଙ୍ଗ ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ ବିଜେପିର ନିର୍ବାଚନୀ ପ୍ରତିଶ୍ରୁତି ମଧ୍ୟରୁ ଅନ୍ୟତମ। ଏବେ ଯେତେବେଳେ ଏହା ବାସ୍ତବ ରୂପ ନେବ, ସେତେବେଳେ ଦଳ ଏହାକୁ ନିଜର ଏକ ପ୍ରତିଶ୍ରୁତିଭାବେ ଲୋକଙ୍କୁ କହିବ। କେବଳ ଉତ୍ତରପ୍ରଦେଶରେ ବିଜେପି ଏଥିପାଇଁ ପ୍ରସ୍ତୁତ ହେଉନାହିଁ। ଏପରିକି ମଧ୍ୟପ୍ରଦେଶଠାରୁ ଆରମ୍ଭ କରି ରାଜସ୍ଥାନ, ଛତିଶଗଡ଼, ତେଲେଙ୍ଗାନା ପର୍ଯ୍ୟନ୍ତ ପ୍ରତ୍ୟେକ ରାଜ୍ୟର ବିଧାନସଭା ନିର୍ବାଚନରେ ମଧ୍ୟ ବିଜେପି ଅଯୋଧ୍ୟାରେ ରାମ ମନ୍ଦିର ଦର୍ଶନ ପାଇଁ ରାମ ଭକ୍ତମାନଙ୍କୁ ପ୍ରତିଶ୍ରୁତି…

ନୂଆଦିଲ୍ଲୀ: ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନ ୨୦୨୪ ପାଇଁ ସବୁ ଦଳର ପ୍ରସ୍ତୁତି ଜୋର ଧରିଛି। ବିଜେପିକୁ କେନ୍ଦ୍ରରୁ ହଟାଇବା ପାଇଁ ଦଳ ‘ଇଣ୍ଡି ମେଣ୍ଟ’ ତା’ର ଅଭିଯାନ ଆରମ୍ଭ କରିଛି। ଇଣ୍ଡି ମେଣ୍ଟରେ ସମସ୍ତ ପ୍ରମୁଖ ଓ ଛୋଟ ଛୋଟ ଦଳ ଏକାଠି ଲଢ଼ିବାକୁ ନିଷ୍ପତ୍ତି ନେଇଛନ୍ତି। ସେପଟେ କିଛି ଦଳ ‘ଏକଲା ଚଲୋ’ର ରଣନୀତିକୁ କାର୍ଯ୍ୟକାରୀ କରୁଥିବା ଦେଖିବାକୁ ମିଳିଛି। ଆମ୍ ଆଦମୀ ପାର୍ଟି ପକ୍ଷରୁ ମଧ୍ୟ ସମାନ କିଛି ଦେଖିବାକୁ ମିଳିଛି। ଆପ୍ ସୁପ୍ରିମୋ ଅରବିନ୍ଦ କେଜ୍ରିୱାଲ ରବିବାର ପଞ୍ଜାବର ସମସ୍ତ ୧୩ଟି ଲୋକସଭା ଆସନ ଏବଂ ଚଣ୍ଡିଗଡ଼ର ଗୋଟିଏ ଲୋକସଭା ଆସନ ଜିତିବା ପାଇଁ ଭଟିଣ୍ଡାର ଲୋକଙ୍କୁ ଆହ୍ୱାନ ଦେଇଛନ୍ତି। ଏଥିରୁ ଜଣାପଡ଼ୁଛି ଯେ ଆପ୍ ଏକାକୀ ନିର୍ବାଚନ ଲଢ଼ିବାକୁ ଚିନ୍ତା କରୁଛି। ଆପ୍‍ ଇଣ୍ଡି ମେଣ୍ଟ ଅଂଶ ବିଶେଷ ନୁହେଁ। ଚଳିତ ଲୋକସଭାରେ ପଞ୍ଜାବରେ ‘ଇଣ୍ଡିଆ’ ମେଣ୍ଟର ଦଳଗୁଡ଼ିକର ୯ଟି ଆସନ…

ନୂଆଦିଲ୍ଲୀ: ମଙ୍ଗଳବାର ବିରୋଧୀ ମେଣ୍ଟ ‘ଇଣ୍ଡିଆ’ର ବୈଠକ ବସିବ। ଏହି ବୈଠକରେ ପ୍ରମୁଖ ରାଜ୍ୟଗୁଡ଼ିକ ମଧ୍ୟରେ ଆସନ ବଣ୍ଟନ ଆଲୋଚନା ଉପରେ ଗୁରୁତ୍ୱ ଦିଆଯାଇପାରେ। ନିକଟରେ ହୋଇଥିବା ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି (ବିଜେପି)ଠାରୁ କଂଗ୍ରେସର ପରାଜୟ ପରେ ଡିସେମ୍ବର ୩୧ ପୂର୍ବରୁ ବୁଝାମଣା ଓ ମିଳିତ ରଣନୀତିକୁ ପୁନଃ କାର୍ଯ୍ୟକାରୀ କରିବାକୁ କିଛି ନେତା ଜୋର ଦେଉଛନ୍ତି। ଆଗାମୀ ଲୋକସଭା ନିର୍ବାଚନରେ ବିଜେପି ବିରୋଧରେ ଲଢ଼ିବା ପାଇଁ ଏକାଠି ହୋଇଥିବା ବିଭିନ୍ନ ବିରୋଧୀ ଦଳର ନେତାଙ୍କ ସମ୍ମୁଖରେ ମୁଖ୍ୟ ଚ୍ୟାଲେଞ୍ଜ ହେଉଛି ଶାସକ ଦଳର ମୁକାବିଲା ପାଇଁ ଏକ ବିକଳ୍ପ ସାଧାରଣ କାର୍ଯ୍ୟକ୍ରମ ପ୍ରସ୍ତୁତ କରିବା। ଡିସେମ୍ବର ୩୧ ପୂର୍ବରୁ ଆସନ ବୁଝାମଣା ମିଳିତ ଅପରେସନ ରଣନୀତି ପ୍ରସ୍ତୁତ କରିବା ଏବଂ ଲୋକଙ୍କ ସମ୍ମୁଖରେ ଏକ ସାଧାରଣ କାର୍ଯ୍ୟକ୍ରମ ଉପସ୍ଥାପନ କରିବାରେ ସାହାଯ୍ୟ କରିବା ପାଇଁ ଡିସେମ୍ବର ୩୧ ପୂର୍ବରୁ ଆସନ ବଣ୍ଟନ କରାଯିବା ଉଚିତ ବୋଲି ବିରୋଧୀ…

ନୂଆଦିଲ୍ଲୀ: ହିନ୍ଦୁମାନେ କେଉଁ ପ୍ରକାର ମାଂସ ଖାଇବା ଉଚିତ୍ ସେନେଇ କେନ୍ଦ୍ର ମନ୍ତ୍ରୀ ଗିରିରାଜ ସିଂଙ୍କ ବିବୃତ୍ତି ଉପରେ ବିବାଦ ଗଭୀର ହେବାରେ ଲାଗିଛି। ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ଚର୍ଚ୍ଚିତ ନେତା ଏବଂ ରାଜ୍ୟସଭା ସାଂସଦ ମହୁଆ ମାଞ୍ଝି ମଧ୍ୟ ଏହାକୁ ନେଇ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ, କିଏ କ’ଣ ଖାଇବ? ଦିଲ୍ଲୀରେ ଜେଏମଏମ ସାଂସଦ କହିଛନ୍ତି ଯେ, ”କ’ଣ ଖାଇବ ଏବଂ କ’ଣ ଖାଇବା ଉଚିତ ନୁହେଁ, ଗିରିରାଜ ସିଂ କହିବାକୁ କିଏ? ନିର୍ବାଚନ ସମୟରେ ଏପରି ଜିନିଷ ଆସିବ। ମୁଁ ଆଶ୍ଚର୍ଯ୍ୟ ଲାଗୁଛି ଯେ ଗିରିରାଜ ସିଂ କାହିଁକି ଏପରି କହୁଛନ୍ତି?” ଘଟଣା କଣ?: କେନ୍ଦ୍ର ମନ୍ତ୍ରୀ ତଥା ବିଜେପିର ଫାୟାରବ୍ରାଣ୍ଡ ନେତା ଗିରିରାଜ ସିଂ ରବିବାର ଦିନ ଏକ ବଡ଼ ବିବୃତ୍ତି ଦେଇଥିଲେ। ସେ କହିଥିଲେ ଯେ, ହିନ୍ଦୁମାନେ ହଲାଲ ମାଂସ ଖାଇବା ବନ୍ଦ କରିବା ଉଚିତ୍। ସେମାନେ କେବଳ ଝଟକା ମାଂସ…

ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ତଥା ବିଜେପିର ଫାୟାରବ୍ରାଣ୍ଡ ନେତା ଗିରିରାଜ ସିଂ ରବିବାର ଦିନ ଏକ ବଡ଼ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ, ହିନ୍ଦୁମାନେ ହଲାଲ ମାଂସ ଖାଇବା ବନ୍ଦ କରିବା ଉଚିତ୍। ସେମାନେ କେବଳ ଝଟକା ମାଂସ ଖାଇବା ଉଚିତ୍। ଝଟକା ମାଂସରେ ପଶୁକୁ ଗୋଟିଏ ଝଟକାରେ ବଧ କରାଯାଏ। ବିଜେପି ନେତା ତାଙ୍କ ସଂସଦ ନିର୍ବାଚନମଣ୍ଡଳୀ ବେଗୁସରାଇରେ ତାଙ୍କ ସମର୍ଥକଙ୍କୁ ପ୍ରତିଜ୍ଞା ନେବାକୁ କହିଛନ୍ତି ଯେ, ବର୍ତ୍ତମାନଠାରୁ ସେମାନେ ହଲାଲ ମାଂସ ଖାଇ ସେମାନଙ୍କର ଧର୍ମକୁ ଭ୍ରଷ୍ଟ କରିବେ ନାହିଁ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ମୁସଲମାନମାନଙ୍କ ଉପରେ ତୀକ୍ଷ୍ଣ ବିବୃତ୍ତି ପାଇଁ ଜଣାଶୁଣା ଗିରିରାଜ ସେମାନଙ୍କୁ ପ୍ରଶଂସା କରିଛନ୍ତି। କେନ୍ଦ୍ର ମନ୍ତ୍ରୀ କହିଛନ୍ତି ମୁଁ ସେହି ସମସ୍ତ ମୁସଲମାନମାନଙ୍କୁ ପ୍ରଶଂସା କରୁଛି ଯେଉଁମାନେ ନିଷ୍ପତ୍ତି ନେଇଛନ୍ତି ଯେ ସେମାନେ କେବଳ ହଲାଲ ମାଂସ ଖାଇବେ। ବର୍ତ୍ତମାନ ହିନ୍ଦୁମାନେ ମଧ୍ୟ ସେମାନଙ୍କର ଧାର୍ମିକ ପରମ୍ପରା ପ୍ରତି ସମାନ…

ନୂଆଦିଲ୍ଲୀ: ଜମ୍ମୁ-କଶ୍ମୀରରୁ ଧାରା-୩୭୦ ଉଚ୍ଛେଦ ନେଇ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ମୋଦି ସରକାରଙ୍କ ମନୋବଳ ବୃଦ୍ଧି ପାଇଛି। ଯେଉଁମାନେ ଏହାକୁ ନେଇ ରାଜନୀତି କରୁଛନ୍ତି ସେମାନଙ୍କୁ ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ପଷ୍ଟଭାବେ କହିଛନ୍ତି ଯେ ବିଶ୍ୱରେ ଏପରି କୌଣସି ଶକ୍ତି ନାହିଁ ଯାହା ଧାରା-୩୭୦କୁ ପୁନଃ କାର୍ଯ୍ୟକାରୀ କରିପାରିବ। ସୁପ୍ରିମକୋର୍ଟଙ୍କ ସମର୍ଥନକୁ ଦର୍ଶାଇ ସେ ଧାରା-୩୭୦ ଉଚ୍ଛେଦକୁ ଦୃଢ଼ ସମର୍ଥନ କରି କହିଛନ୍ତି ଯେ ବିଶ୍ୱର କୌଣସି ଶକ୍ତି ସମ୍ବିଧାନର ଉଚ୍ଛେଦ ବ୍ୟବସ୍ଥାକୁ ଫେରାଇ ଆଣିପାରିବ ନାହିଁ। ସେ କହିଛନ୍ତି ଯେ ଧାରା-୩୭୦ ଉଚ୍ଛେଦ ଜମ୍ମୁ, କଶ୍ମୀର ଏବଂ ଲଦାଖ ଅଞ୍ଚଳରେ ବିକାଶର ଏକ ନୂତନ ଯୁଗ ଆଣିଛି, ଯାହା ଏକଦା ଆତଙ୍କବାଦ ପାଇଁ ପରିଚିତ ଥିଲା ଏବଂ ବର୍ତ୍ତମାନ ପର୍ଯ୍ୟଟନର କେନ୍ଦ୍ର ପାଲଟିଛି। ଧାରା-୩୭୦କୁ ନେଇ ଦ୍ୱନ୍ଦ୍ୱ ସୃଷ୍ଟି କରୁଛନ୍ତି ସ୍ୱାର୍ଥପର ନେତା: ମୋଦି ଏକ ସାକ୍ଷାତ୍‍କାରରେ ମୋଦି କହିଛନ୍ତି, ଧାରା-୩୭୦ ପରେ ଜମ୍ମୁ-କଶ୍ମୀର ଓ ଲଦାଖ ସମ୍ପୂର୍ଣ୍ଣ…

ନୂଆଦିଲ୍ଲୀ: ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମଙ୍କୁ ବିଷ ଦିଆଯାଇଥିବା ଖବର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କରାଚିରେ ତାଙ୍କୁ ବିଷ ଦିଆଯାଇଥିବା କୁହାଯାଉଛି। ପାକିସ୍ତାନୀ ସୋସିଆଲ ମିଡିଆରେ ଭାଇରାଲ ହେଉଥିବା ଖବର ଅନୁଯାୟୀ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଦାଉଦଙ୍କୁ ବିଷ ଦିଆଯାଇଥିବା ଖବର କୌଣସି ରିପୋର୍ଟରେ ପ୍ରମାଣିତ ହୋଇନାହିଁ। କୁହାଯାଉଛି ଯେ, ଯେଉଁ ଡାକ୍ତରଖାନାରେ ଦାଉଦଙ୍କୁ ଭର୍ତ୍ତି କରାଯାଇଛି, ସେଠାରେ କଡା ସୁରକ୍ଷା ରହିଛି। ଡାକ୍ତରଖାନାର ସେହି ମହଲାରେ ଦାଉଦ ଏକମାତ୍ର ରୋଗୀ। କେବଳ ଡାକ୍ତରଖାନାର ବରିଷ୍ଠ ଅଧିକାରୀ ଏବଂ ସେମାନଙ୍କର ଘନିଷ୍ଠ ପରିବାର ସଦସ୍ୟ ସେହି ମହଲାରେ ପ୍ରବେଶ କରିପାରିବେ।

ନୂଆଦିଲ୍ଲୀ: ଜାମିନ ଏବଂ ଆଗୁଆ ଜାମିନ ଆବେଦନକୁ ତ୍ୱରାନ୍ୱିତ କରିବା ଏବଂ ଏହାର ସମାଧାନ ସୁନିଶ୍ଚିତ କରିବା ପାଇଁ ସୁପ୍ରିମକୋର୍ଟ ସମସ୍ତ ହାଇକୋର୍ଟଙ୍କୁ ନିର୍ଦ୍ଦେଶ ଦେଇଛନ୍ତି। ଏକ ଠକେଇ ଓ ଜାଲିଆତି ମାମଲାର ଶୁଣାଣି ସମୟରେ ଜଷ୍ଟିସ୍ ସିଟି ରବି କୁମାର ଓ ଜଷ୍ଟିସ୍ ସଞ୍ଜୟ କୁମାରଙ୍କୁ ନେଇ ଗଠିତ ଖଣ୍ଡପୀଠ ନିକଟରେ ଏକ ରାୟରେ କହିଛନ୍ତି ଯେ ଆଗୁଆ ଜାମିନ ଆବେଦନ, ଜାମିନ ଆବେଦନ ଉପରେ ନିଷ୍ପତ୍ତି ସ୍ୱାଧୀନତା ସହ ଜଡ଼ିତ। ତେଣୁ ଏହାର ତୁରନ୍ତ ଶୁଣାଣି କରି ସମାଧାନ କରାଯିବା ଦରକାର। ଖଣ୍ଡପୀଠ କହିଛନ୍ତି ଯେ ୨୦୨୨ରେ ସର୍ବୋଚ୍ଚ ନ୍ୟାୟାଳୟ ସମାନ ମତ ଦୋହରାଇଥିଲେ ଏବଂ ଜାମିନ ଆବେଦନ ଗ୍ରହଣ କରିବାର ପ୍ରବୃତ୍ତିକୁ ସମାଲୋଚନା କରିଥିଲେ ଏବଂ ଏହାପରେ ଅଯଥାରେ ନିଷ୍ପତ୍ତିକୁ ସ୍ଥଗିତ ରଖିଥିଲେ । ଖଣ୍ଡପୀଠ ତାଙ୍କ ଡିସେମ୍ବର ୧୧ ଆଦେଶରେ କହିଛନ୍ତି ଯେ ବିଭିନ୍ନ ଅଦାଲତରେ ଉକ୍ତ ପରିସ୍ଥିତିର ପୁନରାବୃତ୍ତିକୁ ଦୃଷ୍ଟିରେ ରଖି ରେଜିଷ୍ଟ୍ରି ଏହି…

ନୂଆଦିଲ୍ଲୀ: ନିକଟରେ ‘କ୍ୟାସ୍ ଫର୍ କ୍ୱେରି’ ମାମଲାରେ ମହୁଆ ମୋଇତ୍ରା ତାଙ୍କ ସାଂସଦ ପଦବୀ ହରାଇଛନ୍ତି। ଏବେ ସଂସଦର ସଦସ୍ୟତା ପୁନରୁଦ୍ଧାର ପାଇଁ ସେ ସଂଘର୍ଷ କରୁଛନ୍ତି। ସଂସଦକୁ ଫେରିବା ପରେ ତାଙ୍କର ଅନେକ ‘ଇଫ୍ ଆଣ୍ଡ୍ ବଟ୍’ ରହିଛି । ମହୁଆଙ୍କୁ ବହିଷ୍କାର କରିବା ଚର୍ଚ୍ଚାର ବିଷୟ ପାଲଟିଛି। ଟଙ୍କା ପାଇଁ ପ୍ରଶ୍ନ ପଚାରିବା ଅର୍ଥାତ୍ ପ୍ରଶ୍ନ ପାଇଁ ନଗଦ ଟଙ୍କାର ଖେଳ ବହୁତ ପୁରୁଣା। ସବୁଠାରୁ ପୁରୁଣା ମାମଲା ହେଉଛି ଏଚ୍ ଜି ମୁଦ୍‍ଗଲଙ୍କର। ତାହା ଥିଲା ୧୯୫୧ ମସିହାର କଥା। ମହୁଆଙ୍କ ସହ ୧୩ ଜଣ ସାଂସଦ ଏହିଭଳି ମାମଲାରେ ସଦସ୍ୟତା ହରାଇ ସାରିଛନ୍ତି। ୨୦୦୫ମସିହାରେ ୧୧ ଜଣ ସାଂସଦ କ୍ୟାସ ଫର କ୍ୱେରି ମାମଲାରେ ସଦସ୍ୟତା ହରାଇଥିଲେ। ମହୁଆଙ୍କ ବହିଷ୍କାର ପ୍ରସଙ୍ଗରେ ସଂସଦରେ ଆଲୋଚନାବେଳେ ମୁଦ୍‍ଗଲ ପ୍ରସଙ୍ଗ ମଧ୍ୟ ସ୍ଥାନ ପାଇଥିଲା। ସଂସଦରେ ନୈତିକତା କଥା ଆସିଲେ ଆପେ ଆପେ ତାଙ୍କ ନାଁ ଆସିଯାଏ। କ’ଣ…