Author: Samikhsya Bureau

ପୁରୀ: ଶ୍ରୀକ୍ଷେତ୍ର ପୁରୀର ଶରଧାବାଲିସ୍ଥିତ ଶ୍ରୀଗୁଣ୍ଡିଚା ମନ୍ଦିର ନିକଟବର୍ତ୍ତୀ ମୁକ୍ତାକାଶ ରଙ୍ଗମଞ୍ଚରେ ସୋମବାର ସନ୍ଧ୍ୟାରେ ବିଂଶତମ ଲୋକମେଳା ଓ ୧୩ ତମ କୃଷି ମେଳା ୨୦୨୨ ଉଦଘାଟିତ ହୋଇଯାଇଛି। କେନ୍ଦ୍ର ଜନଜାତି ବ୍ୟାପାର ଏବଂ ଜଳ ଶକ୍ତି ରାଷ୍ଟ୍ର ମନ୍ତ୍ରୀ ବିଶ୍ବେଶ୍ବର ଟୁଡୁ ଏହି ଲୋକ ମେଳା ସମେତ ଜାତୀୟ ସ୍ତରର କୃଷି ପ୍ରଦର୍ଶନୀକୁ ଉଦଘାଟନ କରିଛନ୍ତି। ଏହି ମେଳା ଆସନ୍ତା ୨୪ ତାରିଖ ପର୍ଯ୍ୟନ୍ତ ଚାଲିବ। ମେଳା ପରିସରରେ ବିଭିନ୍ନ ଲୋକ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଉଛି। ଏଥିସହିତ ଜନଜାତି ସମ୍ପ୍ରଦାୟ ଦ୍ବାରା ପ୍ରସ୍ତୁତ ବନ୍ୟଜାତ, କୃଷି ଓ ପାରମ୍ପରିକ ସାମଗ୍ରୀର ଷ୍ଟଲ୍ ମଧ୍ୟ ପଡ଼ିଛି। ଅଣଲାଭକାରୀ ସ୍ବେଚ୍ଛାସେବୀ ସଂଗଠନ ଶ୍ରୀ ଶ୍ରୀକ୍ଷେତ୍ର ସୂଚନା (ଏସଏସଏସ) ପକ୍ଷରୁ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି। ଏସଏସଏସ ସଂଗଠନ ଲୋକ କଳା ଏବଂ ଅଭିବ୍ୟକ୍ତିକୁ ପ୍ରୋତ୍ସାହନ କରିବା ସହିତ ସମାଜର ସାମାଜିକ-ସାଂସ୍କୃତିକ ଚରିତ୍ରକୁ ସୁରକ୍ଷା ଏବଂ ପ୍ରୋତ୍ସାହନ ଦିଗରେ କାର୍ଯ୍ୟ କରିଥାଏ। ବିଂଶତମ…

ନୂଆଦିଲ୍ଲୀ: ଅଗ୍ନିପଥ ପ୍ରତିରକ୍ଷା ନିଯୁକ୍ତି ଯୋଜନା ବିରୋଧରେ ବିରୋଧ ଯୋଗୁଁ ଟ୍ରେନ୍ ଚଳାଚଳ ପୁଣି ବାଧାପ୍ରାପ୍ତ ହୋଇଥିଲା ଏବଂ ଆଜି ୬୦୦ ରୁ ଅଧିକ ଟ୍ରେନ୍ ବାତିଲ କରାଯାଇଥିଲା। ରେଳବାଇ ଏକ ବିବୃତ୍ତିରେ କହିଛି ଯେ, ପ୍ରଭାବିତ ୬୧୨ ଟି ଟ୍ରେନ ମଧ୍ୟରୁ ୬୦୨ ଟି ଟ୍ରେନ ଟ୍ରେନ ବାତିଲ, ୨୨୩ ଟି ମେଲ ଆଉ ଏକ୍ସପ୍ରେସ ଟ୍ରେନ ଏବଂ ୩୭୯ ଟି ଯାତ୍ରୀବାହୀ ଟ୍ରେନ ବାତିଲ କରାଯାଇଛି। ଚାରୋଟି ମେଲ୍ ଏବଂ ଏକ୍ସପ୍ରେସ ଟ୍ରେନ୍ ଆଂଶିକ ବାତିଲ୍ ହୋଇଥିଲା। ସବୁଠାରୁ ଅଧିକ ପ୍ରଭାବିତ ଜୋନ୍ ପୂର୍ବ କେନ୍ଦ୍ରୀୟ ରେଳବାଇ ଥିଲା, ଏହାର ମୁଖ୍ୟ କାର୍ଯ୍ୟାଳୟ ହାଜିପୁରରେ ଅବସ୍ଥିତ ଏବଂ ଏଥିରେ ସୋନପୁର, ସମସ୍ତିପୁର, ଦାନାପୁର, ପି ଦୀନଦୟାଲ ଉପାଧ୍ୟାୟ ଏବଂ ଧନବାଦ ଡିଭିଜନ ଅନ୍ତର୍ଭୁକ୍ତ। ଏହି ଜୋନରେ ପ୍ରାୟ ୩୫୦ ଟ୍ରେନ୍ ବାତିଲ୍ କରାଯାଇଥିଲା। ଦିଲ୍ଲୀରେ, ଭାରତୀୟ ଯୁବ କଂଗ୍ରେସ (IYC) କର୍ମକର୍ତ୍ତାମାନେ କନ୍ନାଟ୍ ପ୍ଲେସ୍ ନିକଟସ୍ଥ ଶିବାଜୀ ବ୍ରିଜ୍…

ନୂଆଦିଲ୍ଲୀ: ବିହାରରେ ଭାରତୀୟ ଜନତା ପାର୍ଟି ବିଧାୟକ ହରିଭୂଷଣ ଠାକୁର ଅଗ୍ନିପଥ ଯୋଜନାକୁ ବିରୋଧ କରୁଥିବା ଯୁବକଙ୍କୁ ଜିହାଦୀ ବୋଲି କହିଛନ୍ତି। ବର୍ତ୍ତମାନ ଏହି ପ୍ରତିକ୍ରିୟାରେ ୟୁପିରେ ପିଲିଭୀତରୁ ବିଜେପି ସାଂସଦ ବରୁଣ ଗାନ୍ଧୀ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ଯେତେବେଳେ କୃଷକମାନେ ସେମାନଙ୍କର ଅଧିକାର ପାଇଁ ରାସ୍ତାକୁ ଆସିଲେ, ସେତେବେଳେ ସେମାନେ ଖଲିସ୍ତାନି କୁହାଯାଉଥିଲା। ମାତା ଭାରତୀଙ୍କ ସେବା କରିବାର ଲକ୍ଷ୍ୟ ନେଇ ଦେଶପ୍ରେମୀ ଯୁବକମାନେ ନିଜ ହାଡକୁ ତରଳାଇଥାଏ, ତା’ପରେ ଯାଇ ସେମାନଙ୍କୁ ସେନାରେ ଚାକିରି କରେ। ଗଣତନ୍ତ୍ରରେ ଶାନ୍ତିପୂର୍ଣ୍ଣ ବିରୋଧ କରିବାର ସମସ୍ତଙ୍କର ଅଧିକାର ଅଛି। ଉଲ୍ଲେଖ ଯୋଗ୍ୟ ଯେ, ଆଜି ବିଜେପି ବିଧାୟକ ହରିଭୂଷଣ ଠାକୁର ବଚୋଲ ଏହି ଯୋଜନାକୁ ବିରୋଧ କରୁଥିବା ଯୁବକମାନଙ୍କୁ ଜିହାଦୀ ବୋଲି କହିଥିଲେ। ସେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ମଧ୍ୟ ଟାର୍ଗେଟ କରିଥିଲେ। ବଚୋଲ୍ କହିଥିଲେ ଯେ, ମୁଁ ସ୍ପଷ୍ଟ ଭାବରେ କହିବାକୁ ଚାହେଁ ଯେ ଏହି ସ୍କିମ୍…

ନୂଆଦିଲ୍ଲୀ: କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି। ତେବେ ଡାକ୍ତରମାନେ ତାଙ୍କୁ ଘରେ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି। ତାଙ୍କୁ ଗତ କିଛି ଦିନ ହେବ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ କରୋନା ସଂକ୍ରମଣ ପରେ ଜଟିଳତା ପାଇଁ ଚିକିତ୍ସିତ ହେଉଥିଲେ। ଜୁନ୍ ୨ତାରିଖରେ ଶ୍ରୀମତୀ ଗାନ୍ଧୀ କରୋନାରେ ସଂକ୍ରମିତ ହୋଇଥିଲେ। ସେବେଠାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଉଲ୍ଲେଖ ଯୋଗ୍ୟ ଯେ, ସୋନିଆ ଗାନ୍ଧୀଙ୍କୁ ଜୁନ୍ ୨୩ ତାରିଖରେ ମନି ଲଣ୍ଡରିଂ ମାମଲାରେ ହାଜର ହେବାକୁ କୁହାଯାଇଛି। ପାର୍ଟିର ସାଧାରଣ ସମ୍ପାଦକ ଜୟରାମ ରମେଶ ସୋନିଆ ଗାନ୍ଧୀଙ୍କୁ ଟ୍ୱିଟ୍ କରି ଡାକ୍ତରଖାନାରୁ ଡିସଚାର୍ଜ ହୋଇଥିବା ସୂଚନା ଦେଇଛନ୍ତି। ସୋନିଆ ଗାନ୍ଧୀଙ୍କୁ ଜୁନ୍ ୧୨ ତାରିଖରେ ସାର୍ ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଥିଲା। ଜୟରାମ ରମେଶ କହିଛନ୍ତି ଯେ, ଆଜି ସନ୍ଧ୍ୟାରେ କଂଗ୍ରେସ ସଭାପତି ସାର୍ ଗଙ୍ଗାରାମ ହସ୍ପିଟାଲରୁ ଡିସଚାର୍ଜ ହୋଇଛନ୍ତି ଏବଂ ତାଙ୍କୁ ଘରେ ବିଶ୍ରାମ ନେବାକୁ…

ନୂଆଦିଲ୍ଲୀ: ଦଳ ଅଲଗା ହୋଇପାରେ, କିନ୍ତୁ ରାଜନେତାଙ୍କ ମଧ୍ୟରେ କଦାପି ସ୍ଥାୟୀ ଶତ୍ରୁତା ନାହିଁ। ରାଜନୀତି ବ୍ୟତୀତ ଭିତରର ସମସ୍ତ ଦଳର ନେତାଙ୍କ ମଧ୍ୟରେ ପାରସ୍ପରିକ ସମନ୍ୱୟ ପ୍ରାୟତଃ ଦେଖାଯାଏ। ରାଜସ୍ଥାନରେ ଏଭଳି ଏକ ମାମଲା ସାମ୍ନାକୁ ଆସିଛି। ରାଜ୍ୟର ପାଞ୍ଚ ଡଜନରୁ ଅଧିକ ରାଜନେତାଙ୍କ ବିରୋଧରେ ପଞ୍ଜୀକୃତ ହୋଇଥିବା ଦଶ ବର୍ଷରୁ ଅଧିକ ପୁରୁଣା ରାଜନୈତିକ ମାମଲା ପ୍ରତ୍ୟାହାର କରିବାକୁ ରାଜ୍ୟର ଅଶୋକ ଗେହଲୋଟ୍ ସରକାର ନିଷ୍ପତ୍ତି ନେଇଛନ୍ତି। ବର୍ତ୍ତମାନ ସରକାର ଦଶ ବର୍ଷରୁ ଅଧିକ ପୁରୁଣା ଧାରଣା-ପ୍ରଦର୍ଶନ, ରାସ୍ତା ଅବରୋଧ ଏବଂ ସରକାରୀ କାର୍ଯ୍ୟରେ ବାଧା ସୃଷ୍ଟି କରିବାର ମାମଲା ପ୍ରତ୍ୟାହାର କରିବାକୁ ଯାଉଛନ୍ତି। ବିଜେପିର ପ୍ରାୟ ୪୮ ଜଣ ନେତା ଅଛନ୍ତି ଯେଉଁମାନଙ୍କ ବିରୋଧରେ ଏଭଳି ମାମଲା ରହିଛି। ଏଥିମଧ୍ୟରେ ଲୋକସଭା ବାଚସ୍ପତି ଓମ ବିର୍ଲା, ବିଜେପି ବିଧାୟକ ଚନ୍ଦ୍ରକାନ୍ତ ମେଘୱାଲ, ପୂର୍ବତନ ବିଧାୟକ ଭବାନୀ ସିଂ ରାଜୱତ ଏବଂ ପୂର୍ବତନ ବିଧାୟକ ଅନିଲ ଜୈନ ଅଛନ୍ତି।…

ସୀତାରାମ ଅଗ୍ରୱାଲ ବାଲୁଗାଁ: ଆଜି ମଧ୍ୟାହ୍ନରେ ଅଖିଳ ଭାରତ କ୍ଷେତ ମଜଦୁର କିସାନ ସଭା (ଅ.ଆଇ.କେ.ଏମ.କେ.ଏସ) ଦାମିଆ ବରବରା ଓ ନୀଳାଦ୍ରି ପ୍ରସାଦ ପଂଚାୟତର ଆଞ୍ଚଳିକ କମିଟି ପକ୍ଷରୁ ଶତାଧିକ ପୁରୁଷ ଓ ମହିଳା ମାନେ ପଦଯାତ୍ରା କରି ବାଲୁଗାଁ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ଧାରଣା ଦେଇଥିଲେ। ସେମାନଙ୍କ ଅଭିଯୋଗ ହେଲା କି, ଗତ କିଛି ମାସ ହେଲା ଉକ୍ତ ଦୁଇ ପଞ୍ଚାୟତର ଆଦିବାସୀ ଓ ପାରମ୍ପରିକ ବନବାସୀଙ୍କ ଉପରେ ବରବରା ଫରେଷ୍ଟ ବିଟର ବନ କର୍ମଚାରୀମାନେ ଜୋର ଜୁଲମ ଅତ୍ୟାଚାର କରୁଛନ୍ତି ଏବଂ ସେମାନଙ୍କ ଲଙ୍ଗଳ, ଜୁଆଳି, କାତି, କୁରାଢ଼ୀ ଏବଂ ମୋବାଇଲ ଆଦି ଛଡାଇ ନେଇଯାଉଛନ୍ତି ଏବଂ ଏହାର ପ୍ରତିବାଦ କଲେ ବନ କର୍ମଚାରୀମାନେ ଗିରଫର ଭୟ ଦେଖାଇ ମୋଟା ଅଙ୍କର ଟଙ୍କା ନେଉଛନ୍ତି। ଏହି ପରିପ୍ରେକ୍ଷୀରେ ପଞ୍ଚାୟତବାସି ବାଲୁଗାଁ ବନାଞ୍ଚଳ ଅଧିକାରୀଙ୍କୁ ଏକ ଚାରି ଦଫା ଦାବିପତ୍ର ପ୍ରଦାନ କରିଛନ୍ତି। ଦାବିଗୁଡ଼ିକ ହେଲା ବନ…

ନୂଆଦିଲ୍ଲୀ: ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ଏବଂ ମନ୍ତ୍ରୀ ନବାବ ମଲିକଙ୍କୁ ବିଧାନ ପରିଷଦ ନିର୍ବାଚନରେ ​​(ମହାରାଷ୍ଟ୍ର ଏମଏଲସି ପୋଲ) ଭୋଟ୍ ଦେବାକୁ ଅନୁମତି ଦିଆଯାଇ ନାହିଁ। ସୁପ୍ରିମକୋର୍ଟ କହିଛନ୍ତି ଯେ, ବର୍ତ୍ତମାନ ବ୍ୟବସ୍ଥା ଅନୁଯାୟୀ ଜେଲରେ ଥିବା ବ୍ୟକ୍ତି ଭୋଟ୍ ଦେଇ ପାରିବେ ନାହିଁ। ଜନ ପ୍ରତିନିଧୀଙ୍କୁ ଛାଡ ଦେବା ପାଇଁ ଆବେଦନରେ ଉଠାଯାଇଥିବା ଆଇନଗତ ପଏଣ୍ଟଗୁଡ଼ିକ ପରେ ବିଚାର କରାଯିବ। ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ଏବଂ ମନ୍ତ୍ରୀ ନବାବ ମଲିକ ବମ୍ବେ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ଆବେଦନ କରିଥିଲେ। ଏହା ପୂର୍ବରୁ ଏମଏଲସି ନିର୍ବାଚନରେ ​​ଭୋଟ୍ ଦେବା ଲାଗି ସେମାନଙ୍କ ଆବେଦନକୁ ବମ୍ବେ ହାଇକୋର୍ଟ ପ୍ରତ୍ୟାଖ୍ୟାନ କରିଥିଲେ। ମନ୍ତ୍ରୀଙ୍କ ତରଫରୁ କୋର୍ଟରେ ବରିଷ୍ଠ ଆଡଭୋକେଟ୍ ମୀନାକ୍ଷୀ ଆରୋରା କହିଛନ୍ତି ଯେ, ପୋଲିସର ସୁରକ୍ଷା ଅଧୀନରେ ବିଧାନସଭାକୁ ଯିବାର ସୁଯୋଗ ରହିବା ଉଚିତ୍। ଆମେ ଜାମିନ ଖୋଜୁ ନାହୁଁ। ଭୋଟ୍ ଦେବାର ଏହା…

ମୁମ୍ବାଇ/ଭୁବନେଶ୍ୱର: ଭାୟାକମ୍‌୧୮ ପକ୍ଷରୁ ୨୦୨୩ରୁ ୨୦୨୭ ପର୍ଯ୍ୟନ୍ତ ଭାରତୀୟ ଉପ ମହାଦେଶରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍‌) ମ୍ୟାଚ୍‌ଗୁଡ଼ିକର ଡିଜିଟାଲ ଷ୍ଟ୍ରିମିଂ ଅଧିକାର ହାସଲ କରାଯାଇଛି। ପ୍ରତି ସିଜନର ୧୮ଟି ମ୍ୟାଚ୍ ପାଇଁ ଏହା ଭାରତ ଡିଜିଟାଲ୍ ଅଧିକାରର ସ୍ୱତନ୍ତ୍ର ପ୍ୟାକେଜ୍ ମଧ୍ୟ ହାସଲ କରିଛି। ବିଶ୍ୱସ୍ତରରେ ଭାୟାକମ୍‌୧୮ ପ୍ରମୁଖ କ୍ରିକେଟ୍ ପ୍ରେମୀ ଦେଶ ସମେତ ପାଂଚ ଆନ୍ତର୍ଜାତିକ ପ୍ରାନ୍ତ ମଧ୍ୟରୁ ତିନିଟିରେ ଟେଲିଭିଜନ ସମେତ ଡିଜିଟାଲ୍ ଅଧିକାର ହାସଲ କରିଛି। ଏ ସମ୍ପର୍କରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍‌ର ନିର୍ଦେଶିକା ନୀତା ଅମ୍ବାନି କହିଛନ୍ତି ଯେ, “କ୍ରୀଡ଼ା ଆମର ମନୋରଂଜନ କରିବା ସହ ଆମକୁ ଅନୁପ୍ରାଣିତ କରେ ଏବଂ ନିକଟତର କରାଏ। କ୍ରିକେଟ୍ ଓ ଆଇପିଏଲ୍ ଶ୍ରେଷ୍ଠ କ୍ରୀଡ଼ା ଓ ଭାରତର ଶ୍ରେଷ୍ଠତାକୁ ଉପସ୍ଥାପନ କରୁଥିବା ବେଳେ ଏହି କ୍ରୀଡ଼ା ଓ ଆକର୍ଷଣୀୟ ଲିଗ୍ ସହିତ ଆମେ ଆମର ସହଯୋଗିତାକୂୁ ଦୃଢ଼ କରିଥିବାରୁ ବେଶ ଗର୍ବିତ। ଆମେ କରୁଥିବା ପ୍ରତ୍ୟେକଟି ଜିନିଷ…

କଟକ: ଏଣିକି ରାଜ୍ୟ ଭିଜିଲାନସ ବିଭାଗ ସୂଚନା ଅଧିକାର ନିୟମ ପରିସରକୁ ଆସିଲା। ଏ ନେଇ ଆଜି ଓଡିଶା ହାଇକୋର୍ଟ ନିର୍ଦ୍ଦେଶ ଜାରୀ କରିଛନ୍ତି। କୋର୍ଟ କହିଛନ୍ତି ଯେ, ଦୁର୍ନିତି ଏବଂ ମାନବିକ ଅଧିକାର କୌଣସି ଗୁପ୍ତ ତଥ୍ୟ ନୁହେଁ। ଏହାକୁ ସର୍ବସାଧାରଣରେ ପ୍ରକାଶ କରିବା ଉଚିତ। ଏଥିସହିତ ପବ୍ଲିକ ଡୋମେନରେ ଏହାକୁ ରଖିବା ଆବଶ୍ୟକ ବୋଲି କୋର୍ଟ କହିଛନ୍ତି। ସରକାର ଭିଜିଲାନସ ବିଭାଗ ଗୁପ୍ତ ତଥ୍ୟ ଉପରେ କାର୍ଯ୍ୟ କରୁଥିବାରୁ ତାହାକୁ ଆରଟିଆଇ ଅଧିନକୁ ଆଣି ନ ଥିଲେ। ଏହାକୁ ନେଇ ହାଇକୋର୍ଟରେ ଏକାଧିକ ମାମଲା ଋଜୁ କରାଯାଇଥିଲା। ସେସବୁକୁ ବିଚାରକୁ ନେଇ ହାଇକୋର୍ଟ ଏହି ନିର୍ଦ୍ଦେଶ ଜାରୀ କରିଛନ୍ତି।

ନୂଆଦିଲ୍ଲୀ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବର୍ତ୍ତମାନ ଇଟାଲୀର ରାଜଧାନୀ ରୋମରେ ପହଞ୍ଚିଛନ୍ତି। ସେଠାରେ ତାଙ୍କୁ ଭରତୀୟ ରାଷ୍ଟ୍ରଦୂତ ଡ. ନୀନା ମାଲହୋତ୍ରା ସ୍ବାଗତ କରିଥିଲେ। ନବୀନ ଭୋର 4ଟାରୁ ନୂଆଦିଲ୍ଲୀ ଏୟାରପୋର୍ଟରୁ ଇଟାଲୀ ଅଭିମୁଖେ ଯାତ୍ରା କରିଥିଲେ। ସେ ଆଜି ଅପରାହ୍ନ 3ଟା 30 ମିନଟରେ ପହଞ୍ଚିଥିଲେ। ରୋମରେ ମୁଖ୍ୟମନ୍ତ୍ରୀ ବିଶ୍ରାମ କରିବା ପରେ ସେ ଜାତିସଂଘର ବିଶ୍ବ ଖାଦ୍ୟ କାର୍ଯ୍ୟକ୍ରମର ମୁଖ୍ୟ କାର୍ଯ୍ୟାଳୟକୁ ଯିବେ। ସେଠାରେ ସେ ମୁଖ୍ୟ ଅଧିକାରୀଙ୍କୁ ସାକ୍ଷାତ କରିବା ସହିତ ଓଡିଶାର ଖାଦ୍ୟ ଉତ୍ପାଦନ ଉପରେ ନିଜର ବକ୍ତବ୍ୟ ରଖିବେ। ଏଥିସହିତ ସେ ଭାଟିକାନ ସିଟରେ ପୋପଙ୍କୁ ସାକ୍ଷାତ କରିବେ। (ଫଟୋରେ ଇଟାଲୀରେ ଅବସ୍ଥାପିତ ଭାରତୀୟ ରାଷ୍ଟ୍ରଦୂତ ଡ ନୀନା ମାଲହୋତ୍ରାଙ୍କ ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ)

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: କଳାହାଣ୍ଡି ଜିଲ୍ଲାରେ ବ୍ୟାପକ ଭାବେ ଧାନ ଉତ୍ପାଦନ ହେଉଥିବା ବେଳେ ପଡୋଶୀ ନବରଙ୍ଗପୁର ଓ କୋରାପୁଟ ଜିଲ୍ଲାରୁ ଧାନ ଉଠାଣ ପାଇଁ ଯୋଗାଣ ବିଭାଗ କଳାହାଣ୍ଡିର ମିଲର୍ସମାନଙ୍କୁ ଦାୟୀତ୍ୱ ଦେଉଥିବାର ସୁଯୋଗ ନେଇ ପରିବହନରେ ବ୍ୟାପକ ଅନିୟମିତତା କରୁଥିବା ଅଭିଯୋଗ ହେଉଛି। ଏସଂପର୍କରେ କଳାହାଣ୍ଡି ଜିଲ୍ଲା ଯୋଗାଣ ନିଗମ କାର୍ଯ୍ୟାଳୟ ପତ୍ର ସଂଖ୍ୟା ୧୦୬୦ ତା.୦୭.୦୪.୨୦୨୨ ଯୋଗେ ମିଳିଥିବା ତଥ୍ୟ ଅନୁସାରେ ଲଡୁଗାଁସ୍ଥିତ ଶ୍ରୀ କହ୍ନେୟା ଏଗ୍ରୋ ପ୍ରଡକ୍ଟସ (SKAP ) ତରଫରୁ କୋରାପୁଟରୁ ଧାନ ଉଠାଣ କରାଯାଇଥିବା କଗଜାତ ଦାଖଲ କରାଯାଇଥିବା ଜଣାପଡିଛି। କୋକସରା ବ୍ଲକ ଉପାଧ୍ୟକ୍ଷଙ୍କ ଘନିଷ୍ଠ ସହଯୋଗୀ ଭାବେ ପରିଚିତ ନୀଲେଶ ଅଗ୍ରୱାଲଙ୍କ ସ୍ୱାକ୍ଷରିତ ପରିବହନ ସଂକ୍ରାନ୍ତୀୟ କାଗଜାତ ଯୋଗାଣ ନିଗମ ପଦାଧିକାରୀଙ୍କ ଦ୍ୱାରା ଯୋଗାଇ ଦିଆଯାଇଛି। ତଦନୁସାରେ CG 15A 3366 LPT1613/42 TATA ଟ୍ରକ, CG 05A 8195 LPT1613/42 TATA ଟ୍ରକ, CG 04A 6754 LPT1613/42…

କନ୍ଦର୍ପ ବେହେରା ରେଢାଖୋଲ: ରାଜ୍ୟ ସରକାର ସ୍ୱାସ୍ଥ୍ୟସେବାକୁ ଗୁରୁତ୍ୱ ଦେବା ସହ ଏଥି ସକାଶେ କୋଟି କୋଟି ଟଙ୍କା ଖର୍ଚ୍ଚ ମଧ୍ୟ କରୁଛନ୍ତି। ହେଲେ ଡାକ୍ତରଖାନାରେ ଡାକ୍ତର ଅନୁପସ୍ଥିତି ଯୋଗୁଁ  ରୋଗୀମାନେ ନାହିଁ ନ ଥିବା ଦୁର୍ଦ୍ଦଶା ଭୋଗୁଛନ୍ତି। ଏପରି ଏକ ନିଚ୍ଛକ ଘଟଣା ରେଢାଖୋଲ ଡାକ୍ତରଖାନାରେ ଦେଖିବାକୁ ମିଳିଛି। ଏଠାକାର ଏସ୍‌ଡିଏମ୍‌ଓ ମାସାଧିକ କାଳ ଅନୁପସ୍ଥିତ ରହୁଥିବା ବେଳେ କୈାଣସି ରାଜନୈତିକ ନେତାଙ୍କର ଏ ଯାଏଁ ନଜରକୁ ଆସି ନଥିବା ଘଟଣା ଜଣା ପଡିଛି। ଅନୁସନ୍ଧାନରୁ ଯାହା ଜଣା ପଡିଛି, ମୁରବି ଥାଇ ନ ଥିଲା ପରି ଚାଲିଛି ସମ୍ବଲପୁର ଜିଲ୍ଲାର ଉପଖଣ୍ଡ ଚିକିତ୍ସାଳୟ ରେଢାଖୋଲ ଡାକ୍ତର ଖାନା। କାରଣ ଏହାର ଏସ.ଡି.ଏମ. ଓ ଡାକ୍ତର ଜଳନ୍ଧର ମେହେର କେବେ ଡାକ୍ତରଖାନା ଆସନ୍ତି ଆଉ କେବେ ଆସନ୍ତିନି ଜାଣିବା ମୁସକିଲ। ନିଜ ଭବାନିପାଟଣା ସ୍ଥିତ କ୍ଲିନିକରେ ମାସର ଅନେକ ଦିନ ଉପସ୍ଥିତ ରୁହନ୍ତି ବୋଲି ଜଣା ପଡିଛି। ଡାକ୍ତର ମେହେର…

ଭୁବନେଶ୍ବର: ଆଜି ଅଭିନେତ୍ରୀ ବର୍ଷା ପ୍ରିୟଦର୍ଶନୀ ତାଙ୍କର ସାମାଜିକ ଗଣମାଧ୍ୟମରେ ଏକ ଫଟୋ ପୋଷ୍ଟ କରିଛନ୍ତି। ଯାହାକୁ ନେଇ ତାଙ୍କର ଫ୍ୟାନମାନେ ପାଗଳ ହୋଇଯାଇଛନ୍ତି। କାରଣ ବର୍ଷା ଏହି ଫଟୋରେ ଏକ ନୂଆ ଲୁକରେ ଆସିଛନ୍ତି। ବର୍ତ୍ତମାନ ରଥଯାତ୍ରା ପାଇଁ ଚାରିଆଡେ ଜଗନ୍ନାଥମୟ ହୋଇଯାଇଛି। ଏହି ସମୟରେ ବର୍ଷା ସେହି ଠାକୁରଙ୍କ ଆଗରେ ଛିଡା ହୋଇ ଏହି ଫଟୋ ନେଇଛନ୍ତି। ଏହି ଫଟୋରେ ବର୍ଷା ଏକ ନାଲି ରଂଗର କୁର୍ତ୍ତା ପିନ୍ଧିବା ସହିତ ସେହି ରଂଗର ଓଢଣୀ ମଧ୍ୟ ପକାଇଛନ୍ତି। ସେହିପରି ତାଙ୍କର କାନଫୁଲ ମଧ୍ୟ ବେଶ ଭିନ୍ନ ଢଙ୍ଗରେ ହୋଇଛି। ଏହି ଫଟୋଟି ପୋଷ୍ଟ କରିବା ପରେ ତାଙ୍କ ଫ୍ୟାନମାନେ ବେଶ ପସନ୍ଦ କରିଛନ୍ତି।

ଭୁବନେଶ୍ୱର: ଉଚ୍ଚଶିକ୍ଷା କ୍ଷେତ୍ରରେ ନିଜର ଉତ୍କର୍ଷ ବଜାୟ ରଖି ଶିକ୍ଷା ଓ ଅନୁସନ୍ଧାନ (ସୋଆ) ନ୍ୟାସ୍‌ନାଲ୍ ଆସେସ୍‌ମେଂଟ ଆଣ୍ଡ ଆକ୍ରେଡିଟେସନ୍ କାଉନ୍‌ସିଲ୍ (ନାକ୍‌)ର ତୃତୀୟ ପର୍ଯ୍ୟାୟ ମୂଲ୍ୟ ନିର୍ଦ୍ଧାରଣ ପ୍ରକ୍ରିୟାରେ ସର୍ବୋଚ୍ଚ ଏ++ ଗ୍ରେଡ୍ ହାସଲ କରିଛି । ମୋଟ ୪.୦୦ ସ୍କୋର୍‌ରୁ ସର୍ବାଧିକ ୩.୮୮ କ୍ୟୁମୁଲେଟିଭ୍ ଗ୍ରେଡ ପଏଂଟ ଆଭରେଜ (ସିଜିପିଏ) ହାସଲ କରି ଏହି କୃତିତ୍ୱ ହାସଲ କରିଛି ସୋଆ। ମେ ୧୦, ୨୦୨୨ରୁ ଆଗାମୀ ୭ ବର୍ଷ ପର୍ଯ୍ୟନ୍ତ ନାକ୍‌ର ଏହି ସ୍ୱୀକୃତି ବଳବତର ରହିବ। ପାଠ୍ୟକ୍ରମର ଦିଗ, ଶିକ୍ଷା ପ୍ରଦାନ ଓ ଶିକ୍ଷା ଗ୍ରହଣ ଏବଂ ମୂଲ୍ୟାୟନ, ଗବେଷଣା, ନବୀକରଣ ଓ ବିସ୍ତାର, ଭିତିଭୂମୀ ଓ ଶିକ୍ଷା ଗ୍ରହଣ ସଂଶାଧନ, ଛାତ୍ରଙ୍କ ସହଯୋଗ ଏବଂ ପ୍ରଗତି, ପ୍ରଶାସନ, ନେତୃତ୍ୱ ଏବଂ ପରିଚାଳନା, ଶୈକ୍ଷିକ ମୂଲ୍ୟବୋଧ ଏବଂ ସର୍ବୋତମ ଅଭ୍ୟାସ ଭଳି ସାତଟି ମାନଦଣ୍ଡକୁ ନେଇ ମୂଲ୍ୟାଙ୍କନ କରାଯାଇଥିଲା। ଗତ ମେ ୪ ତାରିଖରୁ ୬ ତାରିଖ…

ଭୁବନେଶ୍ୱର : ପ୍ରମୁଖ ଶାସନ ସଚିବ ଶ୍ରୀ ସଂଜୟ କୁମାର ସିଂ ଆଜି ପୂର୍ବାହ୍ନରେ ସୂଚନା ଓ ଲୋକସଂପର୍କ ବିଭାଗର ଦାୟିତ୍ୱ ଗ୍ରହଣ କରିଛନ୍ତି । ବିଭାଗୀୟ ନିର୍ଦ୍ଦେଶକ ଶ୍ରୀ ଇନ୍ଦ୍ରମଣି ତି୍ରପାଠୀ, ନିର୍ଦ୍ଦେଶକ(ବୈଷୟିକ) ଶ୍ରୀ ସୁରେନ୍ଦ୍ର ନାଥ ପରିଡ଼ା, ଯୁଗ୍ମ ସଚିବ ବିଷ୍ଣୁପ୍ରିୟା ସାହୁ ଏବଂ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ରହି ତାଙ୍କୁ ସ୍ୱାଗତ ଜଣାଇଥିଲେ । ଦାୟିତ୍ୱ ଗ୍ରହଣ ପରେ ପ୍ରମୁଖ ଶାସନ ସଚିବ ଶ୍ରୀ ସିଂ ବିଭାଗର ବିଭିନ୍ନ କାର୍ଯ୍ୟାବଳୀ ସଂପର୍କରେ ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଥିଲେ । ବିଶେଷ କରି ବିଶ୍ୱପ୍ରସିଦ୍ଧ ପୁରୀ ରଥଯାତ୍ରା ଯେପରି ସୁଚାରୁ ରୂପେ ଅନୁଷ୍ଠିତ ହେବ ଏବଂ ଜାତୀୟ ସ୍ତରରେ କାର୍ଯ୍ୟ କରୁଥିବା ବିଭିନ୍ନ ଆଧ୍ୟାତ୍ମିକ ଟିଭି ଚାନେଲ୍‌ଗୁଡ଼ିକ ଦ୍ୱାରା ରଥଯାତ୍ରାର ସିଧା ପ୍ରସାରଣ ପୂର୍ବକ ସାରା ଦେଶର ଭକ୍ତମାନଙ୍କୁ ରଥଯାତ୍ରା ସଂପର୍କରେ ଅବଗତ କରାଇବେ, ସେ ବାବଦରେ ପ୍ରମୁଖ ଶାସନ ସଚିବ ଶ୍ରୀ ସିଂ ଗୁରୁତ୍ୱ…

ନୂଆଦିଲ୍ଲୀ: ଗୋଟିଏ ପଟେ ସେନାବାହିନୀରେ ନୂତନ ନିଯୁକ୍ତି ନେଇ କେନ୍ଦ୍ର ସରକାର ଆଣିଥିବା ଅଗ୍ନିପଥ ଯୋଜନା ବିରୋଧରେ ଦେଶର ଅନେକ ସ୍ଥାନରେ କ୍ରମାଗତ ବିରୋଧ ପ୍ରଦର୍ଶନ କରୁଥିବାବେଳେ ଅନ୍ୟ ପଟେ ନୂତନ ନିଯୁକ୍ତି ସମ୍ପର୍କରେ ସ୍ଥଳସେନା ଆଜି ବିଜ୍ଞପ୍ତି ଜାରି କରାଯାଇଛି। ଏଥିପାଇଁ ପଞ୍ଜୀକରଣ ଜୁଲାଇରୁ ଆରମ୍ଭ ହେବ। ସ୍ଥଳସେନାରେ ପାଞ୍ଚଟି ବିଭିନ୍ନ ବର୍ଗର ଅଗ୍ନିବୀର ବାହିନୀ ରହିବେ। ଏହି ବର୍ଗ ହେଉଛି ….. ୧- ଜେନେରାଲ୍ ଡ୍ୟୁଟି, ୨- ଟେକ୍ନିକାଲ, ୩-କ୍ଲର୍କ, ୪- ଟ୍ରେଡ୍ସମ୍ୟାନର ଦୁଇଟି ଶ୍ରେଣୀ ରହିବ, ଗୋଟିଏ ଯାନ୍ତ୍ରିକ ଏବଂ ଗୋଟିଏ ସାଧାରଣ। ଅନ୍ୟପକ୍ଷରେ ଅଗ୍ନିପଥ ଯୋଜନା ସମ୍ବନ୍ଧରେ ଭାରତ ବନ୍ଦର ବ୍ୟାପକ ପ୍ରଭାବ ଦୃଶ୍ୟମାନ ହେଉଛି। ନୂଆଦିଲ୍ଲୀ ନିକଟସ୍ଥ ଶିବାଜୀ ବ୍ରିଜରେ ଏକ ଟ୍ରେନ୍ ଅଟକି ରହିଛି। ତେବେ ପୋଲିସ ଅନେକ ଲୋକଙ୍କୁ ଗିରଫ କରି ଟ୍ରେନର ଟ୍ରାକ ସଫା କରିଛି। ଅଗ୍ନିପଥ ଯୋଜନା ବିରୋଧରେ ୧୮୧ ମେଲ ଏକ୍ସପ୍ରେସକୁ ବାତିଲ କରାଯାଇଛି। ଏହା ସହିତ…

ନୂଆଦିଲ୍ଲୀ: ଜୁନ୍ ୨୦ ତାରିଖରେ ରାଜ୍ୟରେ ଆତଙ୍କବାଦୀଙ୍କ ସଂଖ୍ୟା ସମ୍ପର୍କରେ ଜମ୍ମୁ କାଶ୍ମୀର ପୋଲିସ ସୂଚନା ଦେଇଛି। ପୋଲିସର ସୂଚନାନୁସାରେ, ଚଳିତ ବର୍ଷ କାଶ୍ମୀରରେ ୩୨ ଜଣ ବିଦେଶୀ ଆତଙ୍କବାଦୀଙ୍କୁ ମିଶାଇ ୧୧୪ ଜଣଙ୍କର ମୃତ୍ୟୁ ଘଟିଛି। ଏହାସହିତ ଗତ ୨୪ ଘଣ୍ଟା ମଧ୍ୟରେ ହତ୍ୟା କରାଯାଇଥିବା ୭ ଜଣ ଆତଙ୍କବାଦୀଙ୍କ ବିଷୟରେ ମଧ୍ୟ ପୋଲିସ ମଧ୍ୟ କହିଛି। କାଶ୍ମୀରର ଇନ୍ସପେକ୍ଟର ଜେନେରାଲ୍ ପୋଲିସ୍ (ଆଇଜିପି) ବିଜୟ କୁମାର କହିଛନ୍ତି ଯେ ଚଳିତ ବର୍ଷ କାଶ୍ମୀର ଉପତ୍ୟକାରେ ୩୨ ଜଣ ବିଦେଶୀ ଆତଙ୍କବାଦୀଙ୍କ ସମେତ ମୋଟ ୧୧୪ ଆତଙ୍କବାଦୀ ନିହତ ହୋଇଛନ୍ତି। ଗତ ୨୪ ଘଣ୍ଟା ମଧ୍ୟରେ କାଶ୍ମୀରରେ ୭ ଜଣ ଆତଙ୍କବାଦୀ ନିହତ ହୋଇଛନ୍ତି। ଏହି ୭ ଜଣ ଆତଙ୍କବାଦୀଙ୍କ ମଧ୍ୟରୁ କୁପୱାରା, କୁଲଗାମରେ ୨ ଜଣ ଏବଂ ପୁଲୱାମାରେ ୨ ଜଣ ଆତଙ୍କବାଦୀ ନିହତ ହୋଇଛନ୍ତି।

ଭୁବନେଶ୍ୱର: ସବୁଠୁ ପସନ୍ଦର ଡିଜିଟାଲ୍ ସେବା ପ୍ରଦାନକାରୀ ଭାବେ ନିଜର ଏକ ନମ୍ବର ସ୍ଥିତିକୁ ଆହୁରି ସୁଦୃଢ଼ କରି ରିଲାଏନ୍ସ ଜିଓ ୨୦୨୨ ଏପ୍ରିଲ୍ ମାସରେ ପ୍ରାୟ ୭୧,୦୦୦ ନୂଆ ମୋବାଇଲ୍ ଗ୍ରାହକ ଓ ୮୧୦୦ରୁ ଅଧିକ ଜିଓଫାଇବର ହାଇସ୍ପିଡ୍ ବ୍ରଡ୍‌ବ୍ୟାଣ୍ଡ୍ ଗ୍ରାହକ ଯୋଡ଼ିଥିବା ଟ୍ରାଇ ପକ୍ଷରୁ ଜାରି କରାଯାଇଥିବା ସଦ୍ୟତମ ଟେଲିକମ୍ ଗ୍ରାହକ ତଥ୍ୟରୁ ଜଣାପଡ଼ିଛି। ଏହା ସହିତ ଓଡ଼ିଶାରେ ଜିଓର ମୋଟ ମୋବାଇଲ ଗ୍ରାହକ ସଂଖୃା ୧.୩୪ କୋଟିକୁ ବୃଦ୍ଧି ପାଇଥିବା ବେଳେ ରାଜ୍ୟରେ କଂପାନି ମୋଟ ଉପରେ ୪୧.୩ ପ୍ରତିଶତ ଗ୍ରାହକ ବଜାର ଅଂଶ ହାସଲ କରିଛି। ଏଥି ସହିତ ଗୁରୁତ୍ୱପୂର୍ଣ୍ଣ କ୍ରମରେ ସକ୍ରିୟ ମୋବାଇଲ୍ ଗ୍ରାହକ ସଂଖ୍ୟାରେ ଜିଓ ଉଲ୍ଲେଖନୀୟ ବୃଦ୍ଧି ହାସଲ କରିବା ସହ ୨୦୨୨ ଏପ୍ରିଲ୍ ସୁଦ୍ଧା ଏହା ୯୯.୯୧ ପ୍ରତିଶତରେ ପହଂଚିଛି। ରାଜ୍ୟର ମୋଟ ସକ୍ରିୟ ମୋବାଇଲ ଗ୍ରାହକଙ୍କ ମଧ୍ୟରୁ ଜିଓ ପ୍ରାୟ ୪୫% ବଜାର ଅଂଶ ହାସଲ କରିଛି। ଟ୍ରାଇ…

ନୂଆଦିଲ୍ଲୀ: ପୁଣି ଥରେ ସାମ୍ବାଦିକଙ୍କ ପେନସନ ପରିମାଣ ବୃଦ୍ଧି ପାଇଛି। ଏଥର ମାସିକ ପାଞ୍ଚ ହଜାର ଟଙ୍କା ପରିବର୍ତ୍ତି ସେମାନେ ପାଇବେ ଆଠ ହଜାର ଟଙ୍କା। ଏହିପରି ଏକ ବଡ ନିଷ୍ପତି କରିଛି ଉତ୍ତରାଖଣ୍ଡ ରାଜ୍ୟ ସରକାର। ଆଜି ମୁଖ୍ୟମନ୍ତ୍ରୀ ପୁଷ୍କରସିଂ ଧାମି ଏହି ଘୋଷଣା କରିଛନ୍ତି। ଉତ୍ତରଖଣ୍ଡ ରାଜ୍ୟ ପୂର୍ବରୁ ସାମ୍ବାଦିକମାନଙ୍କୁ ପେନସନ ପ୍ରଦାନ କରିଆସୁଛି। ସେତିକି ନୁହେଁ, ଯେଉଁମାନେ ଡେରାଡୁନ ଆସିବେ ସେମାନଙ୍କୁ ମଧ୍ୟ ରାଜ୍ୟ ସରକାରଙ୍କ ତରଫରୁ ରହିବାର ବନ୍ଦୋବସ୍ତ କରାଯିବ। ସେ ନେଇ ସଂପୃକ୍ତ ସାମ୍ବାଦିକମାନେ ପୂର୍ବରୁ ଲୋକସଂପର୍କ ବିଭାଗକୁ ଅବଗତ କରାଇବେ। ଆଜି ଏ ନେଇ ରାଜ୍ୟ ସରକାର ଏକ ନିର୍ଦ୍ଦେଶନାମା ଜାରୀ କରିଛନ୍ତି।

ନୂଆଦିଲ୍ଲୀ: ଅଗ୍ନିପଥ ଯୋଜନା ବିରୋଧରେ ଦେଶରେ ବିକ୍ଷୋଭ ପ୍ରଦର୍ଶନ କରାଯାଉଛି। ଏହି ପ୍ରଦର୍ଶନରେ ଅନେକ ଟ୍ରେନ୍ ଜଳି ଯାଇଛି। ଜନସାଧାରଣଙ୍କ ସମ୍ପତ୍ତି ବହୁ ପରିମାଣରେ କ୍ଷତିଗ୍ରସ୍ତ ହୋଇଛି। ସୂଚନା ଅନୁଯାୟୀ, ଅଗ୍ନିପଥ ଯୋଜନା ବିରୋଧରେ ଦଙ୍ଗା ବିସ୍ତାର ପାଇଁ ପ୍ରାୟ ୩୫ ହ୍ଵାଟସ୍ ଆପ୍ ଗୋଷ୍ଠୀ ଦାୟୀ। ଏହି ହ୍ଵାଟସ୍ ଆପ୍ ମାଧ୍ୟମରେ ସମଗ୍ର ଦେଶରେ ଅଗ୍ନିପଥ ଯୋଜନା ବିରୋଧରେ ମିଥ୍ୟା ଖବର ପ୍ରଚାରିତ ହେଉଥିଲା, ଯାହା ପରେ ସାରା ଦେଶରୁ ହିଂସା ଓ ଅଗ୍ନିକାଣ୍ଡର ଖବର ସାମ୍ନାକୁ ଆସିଥିଲା। ଗଣମାଧ୍ୟମ ଖବର ଅନୁଯାୟୀ, ହିଂସାକୁ ବଢାଇବା ପାଇଁ କଡା କାର୍ଯ୍ୟାନୁଷ୍ଠାନ ଗ୍ରହଣ କରି କେନ୍ଦ୍ର ସରକାର ଏହି ମାମଲାରେ ଦାୟୀ ୩୫ ଟି ହ୍ଵାଟସ୍ ଆପ୍ ଉପରେ ପ୍ରତିବନ୍ଧକ ଲଗାଇଛନ୍ତି। ଏହା ସହିତ ଏହି ହିଂସାର ୧୦ ମାଷ୍ଟରମାଇଣ୍ଡ ଲୋକଙ୍କୁ ମଧ୍ୟ ଗିରଫ କରାଯାଇଛି। ଅଗ୍ନିପଥ ଯୋଜନାରେ ଅଗ୍ନିବୀରଙ୍କ ନିଯୁକ୍ତି ସମ୍ପର୍କରେ ମିଥ୍ୟା ଖବର ପ୍ରସାରଣକୁ ରୋକିବା ପାଇଁ କେନ୍ଦ୍ର…

ନୂଆଦିଲ୍ଲୀ: ଚଳିତ ବର୍ଷ ଶେଷରେ ଟି-୨୦ ବିଶ୍ୱକପ ଅଷ୍ଟ୍ରେଲିଆରେ ଖେଳାଯିବ। ଏହି ଟୁର୍ଣ୍ଣାମେଣ୍ଟ ପୂର୍ବରୁ ସବୁଠାରୁ ବଡ ପ୍ରଶ୍ନ ହେଉଛି, ଦୀନେଶ କାର୍ତ୍ତିକ ଏବଂ ଋଷଭ ପନ୍ତଙ୍କ ମଧ୍ୟରୁ କିଏ ହେବ ବିଶ୍ଵକପ ଦଳରେ ସାମିଲ? ଏହି ସମୟରେ ପୂର୍ବତନ ଭାରତୀୟ କ୍ରିକେଟର ଇରଫାନ ପଠାନ ଟି-୨୦ ବିଶ୍ୱକପ ପାଇଁ ଭାରତର ଖେଳାଳି ଏକାଦଶ ଚୟନ କରିଛନ୍ତି। ଋଷଭ ପନ୍ତଙ୍କୁ ୨୦୨୨ ଟି-୨୦ ବିଶ୍ୱକପ ପାଇଁ ଭାରତର ଏକାଦଶ ଖେଳାଳିରେ ଅନ୍ତର୍ଭୁକ୍ତ କରିନାହାଁନ୍ତି ପୂର୍ବତନ ଅଲରାଉଣ୍ଡର। ଲଗାତାର ରନ୍ ସ୍କୋର କରିବାକୁ ପନ୍ତ ସଂଘର୍ଷ କରୁଛନ୍ତି। ଦକ୍ଷିଣ ଆଫ୍ରିକା ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ମଧ୍ୟ ସେ ମାତ୍ର ୫୮ ରନ୍ ସ୍କୋର କରିପାରିଛନ୍ତି। ଏହାପୂର୍ବରୁ ପନ୍ତ ନ୍ୟୁଜିଲ୍ୟାଣ୍ଡ ବିପକ୍ଷ ତିନି ମ୍ୟାଚ ବିଶିଷ୍ଟ ସିରିଜରେ ମାତ୍ର ୩୩ ରନ୍ ସଂଗ୍ରହ କରିଥିଲେ। ପନ୍ତ ଏପର୍ଯ୍ୟନ୍ତ ଟି-୨୦ ଇଣ୍ଟରନ୍ୟାସନାଲରେ ଚମତ୍କାର କରିବାକୁ ସକ୍ଷମ ହୋଇନାହାଁନ୍ତି। ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି-୨୦…