ରମେଶ ମହାନ୍ତି ଜଗତସିଂହପୁର: ଜଣେ ଭଦ୍ରମୁଖା ପିନ୍ଧା ବ୍ୟକ୍ତି ନିଜର ଶକ୍ତି ପ୍ରଦର୍ଶନ କରିବା ନିମନ୍ତେ ହିନ୍ଦୁ ସଂସ୍କୃତି ପରମ୍ପରାକୁ ଜଳାଞ୍ଜଳି ଦେବା ଭଳି ଏକ ଅଭାବନୀୟ ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ସୂଚନାନୁଯାୟୀ ତିର୍ତ୍ତୋଲ ଥାନା ଅନ୍ତର୍ଗତ ପଣ୍ଡୁଆ ପଞ୍ଚାୟତ ସ୍ଥିତ ମୁଣ୍ଡିଦା ଗ୍ରାମରେ ଗ୍ରାମବାସୀଙ୍କ ପକ୍ଷରୁ ଗ୍ରାମ୍ୟ ମନ୍ଦିରରେ ଜଗନ୍ନାଥଙ୍କ ନୂତନ ବିଗ୍ରହ ପ୍ରତିଷ୍ଠା ଉତ୍ସବ ଚାଲିଥିବା ବେଳେ ଏହି ପ୍ରତିଷ୍ଠା ଉତ୍ସବକୁ ବିରୋଧ କରି ଭଣ୍ଡୁର କରିବା ପାଇଁ ମନ୍ଦିର ନିକଟରେ କୈଳାସ ସ୍ୱାଇଁ ନାମକ ବ୍ୟକ୍ତି ବାଲିଘର ନାମକ ଏକ ସଂସ୍ଥାର ବାର୍ଷିକ ଉତ୍ସବ କରିବା ଆଳରେ ନିଜର ଶକ୍ତି ପ୍ରଦର୍ଶନ କରିବା ପାଇଁ ଅନେକ ପ୍ରଭାବଶାଳୀ ବ୍ୟକ୍ତିଙ୍କୁ ଆମନ୍ତ୍ରିତ କରାଯାଇଥିଲା ବୋଲି କୁହାଯାଉଛି। ଏମିତିକି ଗ୍ରାମରେ ବିଗ୍ରହ ପ୍ରତିଷ୍ଠା ହେଉଥିବାରୁ ଗ୍ରାମବାସୀ ମାନେ ଆମିଷ ପାଳନ କରିବା ସହିତ ଶାକାହାରୀ ଥିବା ବେଳେ ମନ୍ଦିର ସମ୍ମୁଖରେ ଅନୁଷ୍ଠିତ ବାଲିଘର ଉତ୍ସବରେ…
Author: Samikhsya Bureau
କନ୍ଦର୍ପ ବେହେରା ରେଢ଼ାଖୋଲ: ରେଢ଼ାଖୋଲର ଡାକ୍ତରଖାନାର ଉପଖଣ୍ଡ ଚିକିତ୍ସାଧିକାରୀ ବିପିନ୍ ବିହାରୀ ସାହୁ ଭିଜିଲାନସ୍ ହାତରେ ଧରାପଡ଼ିଛନ୍ତି। ସେ ଜନୈକ ରୋଗୀଙ୍କ ସମ୍ପର୍କୀୟ ଠାରୁ ଅପରେସନ୍ ପାଇଁ ୫୫୦୦ଟଙ୍କା ଲାଂଚ ନେବା ବେଳେ ସମ୍ବଲପୁର ଭିଜିଲାନସ୍ ହାତରେ ଧରାପଡ଼ିଛନ୍ତି। ପୂର୍ବରୁ ଶ୍ରୀ ସାହୁ ଏମିତି ବହୁ ରୋଗୀମାନଙ୍କ ଠାରୁ ଲାଞ୍ଚ ନେଉଥିବା ଅଭିଯୋଗ ହୋଇ ଆସୁଥିଲେ। ଏପରିକି ସେ ଡାକ୍ତରଖାନାରେ ନିୟମିତ ନ ରହି ବେସରକାରୀ ଡାକ୍ତରଖାନାରରେ କାମ କରୁଥିବାର ମଧ୍ୟ ଅଭିଯୋଗ ହେଉଥିଲା।
ଚେନ୍ନାଇର ଏକ ସରକାରୀ ଡାକ୍ତରଖାନାରେ କରୋନା ଟିକା ଗ୍ରହଣ କଲେ ଉପରାଷ୍ଟ୍ରପତି ଏମ ଭେଙ୍କେୟା ନାଇଡୁ
ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସକାଳେ ନୂଆଦିଲ୍ଲୀସ୍ଥିତ ଏମସ୍ ରେ କରୋନା ଟିକା ଗ୍ରହଣ କରିଛନ୍ତି। ତାଙ୍କୁ ଯେ ଟିକା ଦେଇଛନ୍ତି ସେ ହେଉଛନ୍ତି ଏମସର ବରିଷ୍ଠ ନର୍ସ ସିଷ୍ଟର ନିଭେଦା। ସେ ହେଉଛନ୍ତି ପୁଡୁଚେରୀ ବାସିନ୍ଦା। ତାଙ୍କୁ ଗତକାଲି ଅଫିସ ତରଫରୁ ଖବର ଗଲା ଯେ ସୋମବାର ଦିନ ସକାଳୁ ଅଫିସ ଆସିବେ। ସାଧାରଣ ଡ୍ୟୁଟି ଭାବେ ସେ ସକାଳୁ ଆଶି ଅଫିସରେ ପହଁଚିଥିଲେ। ତେବେ ଅଫିସରେ ଆସି ଜାଣିଲେ ଯେ, ଆଜି ସେ ପ୍ରଧାନମନ୍ତ୍ରୀଙ୍କୁ କରୋନା ଟିକା ପ୍ରଦାନ କରିବେ। ଏହାକୁ ଜାଣିବା ପରେ ନିଭେଦା ବେଶ ଖୁସି ହୋଇପଡିଥିଲେ। ପ୍ରଧାନମନ୍ତ୍ରୀ ଆସିବା ପୂର୍ବରୁ ସବୁ ପ୍ରକାରର ପ୍ରସ୍ତୁତି କଲେ ନିଭେଦା। ମୋଦୀ ଆସିବା ପରେ ସେ ସାଧାରଣ ରୋଗୀ ପରି କରୋନା ଟିକା ପ୍ରଦାନ କରିଥିଲେ। ଟିକା ଦେଇ ସାରିବେ ପରେ ପ୍ରଧାନମନ୍ତ୍ରୀ ନିଭେଦାକୁ ପଚାରିଲେ ଟିକା ଦେଇଦେଲଣି। ୟେସ ସାରେ ବୋଲି ନିଭେଦା କହିଲେ।…
ଭୁବନେଶ୍ବର, ଆଜି ହେଉଛି ସବ୍ୟର୍ଚ୍ଚିତାଙ୍କ ବାହାଘର। ଅର୍ଥାତ ଅଭିନେତା ସବ୍ୟସାଚୀ ମିଶ୍ର ଏବଂ ଅଭିନେତ୍ରୀ ଅର୍ଚ୍ଚିତା ସାହୁଙ୍କ ବାହାଘର। ରାଜସ୍ଥାନର ଏକ ବିଳାସ ପୂର୍ଣ୍ଣ ସ୍ଥାନରେ ଏହି ବାହାଘର ଚାଲିଛି। ସେଥିପାଇଁ ଏକ ଟିମ ରାଜସ୍ଥାନ ଯାଇଛନ୍ତି। ଆଉ କିଛି ସମୟ ପରେ ତାଙ୍କର ବାହାଘର ଅନୁଷ୍ଠିତ ହେବ। ତେବେ ଆଜି ସକାଳୁ ଉଭୟଙ୍କର ହଳଦୀ ଲଗା ଉତ୍ସବ ଆୟୋଜିତ ହୋଇଛି। ହିନ୍ଦୁ ଧର୍ମର ପଂରପରା ଅନୁସାରେ ବର କନ୍ୟା ବେଦୀକି ଯିବା ପୂର୍ବରୁ ହଳଦୀ ପାଣିରେ ଗାଧୋଇବେ। ସେହି ଅନୁସାରେ ଉଭୟଙ୍କୁ ବର୍ତ୍ତମାନ ହଳଦୀ ଲଗା କାର୍ଯ୍ୟ ସମାପ୍ତ ହୋଇଛି।
ଭୁବନେଶ୍ୱର: ଆଜିଠୁ ଦ୍ଵିତୀୟ ପର୍ଯ୍ୟାୟ ଟିକାକରଣ ପ୍ରକ୍ରିୟା ଆରମ୍ଭ ହୋଇଛି। ବରିଷ୍ଠ ନାଗରିକ ଏବଂ ଏକାଧିକ ରୋଗରେ ଆକ୍ରାନ୍ତ ଥିବା ୪୫ ବର୍ଷରୁ ଊର୍ଦ୍ଧ୍ଵ ବୟସ୍କମାନଙ୍କୁ ଆଜି ଟିକା ଦିଆଯାଉଛି। କୋ-ଓ୍ୱିନ୍ ଆପରେ ପଞ୍ଜୀକୃତ କରିଥିବା ଲୋକେ ଏହି ଟିକାକରଣ ପ୍ରକ୍ରିୟାରେ ସାମିଲ ହୋଇଛନ୍ତି। ତେବେ ଆଜି ଅନଲାଇନରେ ପଞ୍ଜୀକରଣ କରିବା ସମୟରେ କିଛି ତ୍ରୁଟି ଦେଖାଯାଇଥିଲା। ସେଥିପାଇଁ ରାଜ୍ୟରେ ଅଫଲାଇନରେ ବି ପଞ୍ଜିକରଣ କରିପାରିବେ ବୋଲି ଏନେଇ ସ୍ୱାସ୍ଥ୍ୟ ବିଭାଗ ସବୁ ଜିଲ୍ଲାପାଳ, ମହାନଗର ନିଗମ କମିଶନର ଓ ସିଡିଏମଓଙ୍କୁ ଚିଠି ଲେଖିଛି। ଚିଠିରେ ଟିକା ନେବାରେ ବରିଷ୍ଠ ନାଗରିକ ଯେଭଳି ଅସୁବିଧାର ସମ୍ମୁଖୀନ ନହୁଅନ୍ତି ସେଥିପ୍ରତି ଦୃଷ୍ଟି ଦେବାକୁ ନିର୍ଦ୍ଦେଶ ରହିଛି। କିନ୍ତୁ ଟିକା ନେବାକୁ ଆଗ୍ରହୀ ବ୍ୟକ୍ତିଙ୍କର କିଛି ଗୁରୁତ୍ୱପୂର୍ଣ୍ଣ ତଥ୍ୟ ରଖିବାକୁ କୁହାଯାଇଛି। ଯେଉଁମାନେ ଟିକା ନେବାକୁ ପଞ୍ଜିକରଣ କରିବେ ସେମାନଙ୍କର ମୋବାଇଲ୍ ନମ୍ବର, ପରିଚୟ ପ୍ରମାଣପତ୍ର, ପରିଚୟ ପ୍ରମାଣପତ୍ରରେ ଥିବା ନମ୍ବର, ନାଁ, ଜନ୍ମ ତାରିଖ,…
ଭୁବନେଶ୍ବର, ଆଜି ଗଂଜାମ ପୋଲିସକୁ ଏକ ବଡ ସଫଳତା ମିଳିଛି। ପୁରୁଷୋତ୍ତମପୁର ପୋଲିସ ଜବତ କରିଛି ଏକାଥରେ 3 କୋଟି 50 ଲକ୍ଷ ଟଙ୍କାର ଚୋରା ସୁନା ଅଳଙ୍କାର। ଏଥିରେ ଭଳିକି ଭଲି ସୁନା ଚେନ, ହାର ପ୍ରଭୃତି ରହିଛି। ଏତେ ପରିମାଣର ସୁନା ଅଳଙ୍କାର ଜବତ କରିବା ଗଂଜାମ ପୋଲିସ ପାଇଁ ଏକ ରେକର୍ଡ। ସେତିକି ନୁହେଁ 4 ଲକ୍ଷ 44 ହଜାର 5 ଶହ ଟଙ୍କା ମଧ୍ୟ ପୋଲିସ ଜବତ କରିଛି। ସୁନା ଅଳଙ୍କାର ବ୍ୟତିତ ଚୋରୀ ଷ୍ଟାବଲାଇଜର, ଡିଭିଆର, ମୋବାଇଲ ଫୋନ ସହିତ ଘର କାନ୍ଥ ଭଙ୍ଗା ମେସିନ ମଧ୍ୟ ଜବତ କରାଯାଇଛି। ଏ ନେଇ ପୋଲିସ 15 ଜଣ ଅଭିଯୁକ୍ତଙ୍କୁ ଗିରଫ କରିଛି ବୋଲି ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ ସୂଚନା ଦେଇଛନ୍ତି। ଗିରଫଙ୍କ ମଧ୍ୟରେ 5 ଜଣ ଚୋରା ସୁନା ଗ୍ରହଣକାରୀ ମଧ୍ୟ ଅଛନ୍ତି।
ଭୁବନେଶ୍ବର: ଆଜି ରାଜ୍ୟରେ ୮୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୫୦ ଜଣ ଚିହ୍ନଟ ହୋଇଥିବା ବେଳେ ୩୬ ଟି ଲୋକାଲ କେସ୍ ରହିଛି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୩୭ ହଜାର ୨୭୭ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୩ ଲକ୍ଷ ୩୪ ହଜାର ୫୭୧ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୭୩୭ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୧୯୧୬ କୁ ବୃଦ୍ଧି ହୋଇଛି। ଆଜି ମୋଟ ୧୬ ଟି ଜିଲ୍ଲାରୁ ୮୬ ଆକ୍ରାନ୍ତ ଚିହ୍ନଟ ହୋଇଛନ୍ତି। ସର୍ବାଧିକ ସମ୍ବଲପୁର ଜିଲ୍ଲାରୁ ୧୬, ଅନୁଗୁଳ ଜିଲ୍ଲାରୁ ୧, ବାଲେଶ୍ଵର ଜିଲ୍ଲାରୁ ୭, ବରଗଡ ଜିଲ୍ଲାରୁ ୧, ବଲାଙ୍ଗୀରି ଜିଲ୍ଲାରୁ ୩, କଟକ…
ଗଂଜାମ ପୋଲିସ ହେଡ କ୍ବାଟର ପରିଦର୍ଶନରେ ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ
ଭୁବନେଶ୍ୱର: ବରିଷ୍ଠ ଆଇପିଏସ୍ ଅଧିକାରୀ ସତ୍ୟଜିତ୍ ମହାନ୍ତି ଆଜିଠାରୁ ଏକ ନୂଆ ଦାୟିତ୍ଵ ନେଇଛନ୍ତି। କଟକ ଓପିଏସସି କାର୍ଯ୍ୟାଳୟରେ ସେ ଅଧ୍ୟକ୍ଷ ଭାବେ ଦାୟିତ୍ଵ ନେଇଛନ୍ତି। ପୋଲିସ ସେବାରୁ ସ୍ବେଚ୍ଛାକୃତ ଅବସର ନେଇଥିବା ବରିଷ୍ଠ ଆଇପିଏସ୍ ଅଧିକାରୀ ତଥା ଅଗ୍ନିଶମ ବିଭାଗ ନିର୍ଦ୍ଦେଶକ ସତ୍ୟଜିତ୍ ମହାନ୍ତି ଓଡିଶା ଲୋକସେବା ଆୟୋଗର ଅଧ୍ୟକ୍ଷ ଭାବରେ ଆଜି ଦାୟିତ୍ବ ଗ୍ରହଣ କରିଛନ୍ତି। ସେ ୧୯୮୮-ବ୍ୟାଚ୍ ଆଇପିଏସ୍ ଅଧିକାରୀ ଶ୍ରୀ ମହାନ୍ତିଙ୍କୁ କଟକସ୍ଥିତ ନରାଜ ଠାରେ ଗତକାଲି ପୋଲିସ ସେବାରୁ ଅବସର ନେଇଥିଲେ। ପରେ ସେ ଭୁବନେଶ୍ୱରର ଓଡିଶା ପୋଲିସ୍ ଟ୍ରେନିଂ ଏକାଡେମୀରେ ଏକ ବିଦାୟୀ ସଭା କାର୍ଯ୍ୟକ୍ରମରେ ଯୋଗ ଦେଇଥିଲେ। ଅଗ୍ନିଶମ ବିଭାଗ ନିର୍ଦ୍ଦେଶକ ଭାବେ ନିୟୋଜିତ ହୋଇଥିବା ଶ୍ରୀ ମହାନ୍ତି ଟ୍ୱିନ୍ ସିଟିର ପୋଲିସ୍ କମିଶନର ଭାବେ ମଧ୍ୟ ଦାୟିତ୍ଵ ନିର୍ବାହ କରିଥିଲେ। ଦାୟିତ୍ଵ ନେବା ଅବସରରେ ସେ କହିଛନ୍ତି ଯେ, ଆଗାମୀ ଦିନରେ ନିୟମିତ ଭାବେ ଶିକ୍ଷାବିତଙ୍କ ପରାମର୍ଶରେ ଓପିଏସସି ପରୀକ୍ଷା…
ଭୁବନେଶ୍ବର, ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା ଟୀକା ଗ୍ରହଣ କରିଛନ୍ତି। ବିଧାନସଭା ପରିସରରେ ଥିବା ଚିକିତ୍ସାଳୟରେ ସେ ଏହି ଟୀକା ଗ୍ରହଣ କରିଛନ୍ତି। ଟୀକା ନେବା ପରେ ମୁଖ୍ୟମନ୍ତ୍ରୀ ସମସ୍ତ ସ୍ବାସ୍ଥ୍ୟ କର୍ମିଙ୍କୁ ଧନ୍ୟବାଦ ଦେଇଛନ୍ତି। ଏଥିସହିତ ଟୀକା ବାହାର କରିଥିବା ବିଶେଷଜ୍ଞଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି। ଏହି ଟୀକାକରଣ କାର୍ଯ୍ୟରେ ସମସ୍ତେ ସାମିଲ ହେବା ପାଇଁ ମୁଖ୍ୟମନ୍ତ୍ରୀ ଆହ୍ବାନ ଦେଇଛନ୍ତି। ଆଜି 60 ବର୍ଷରୁ ଉର୍ଦ୍ଧ ବ୍ୟକ୍ତିମାନଙ୍କୁ ଟୀକାକରଣ କାର୍ଯ୍ୟ ଆରମ୍ଭ ହୋଇଛି। ଏଥିରେ ପ୍ରଥମେ ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୀକା ଗ୍ରହଣ କରିଥିଲେ। ଏହି ଟୀକାକରଣ ଓଡିଶାରେ ଉଭୟ ସରକାରୀ ଏବଂ ବେସରକାରୀ ଚିକିତ୍ସାଳୟରେ ପ୍ରଦାନ କରାଯାଉଛି।
ଭଦ୍ରକ: ଭଦ୍ରକ ଗ୍ରାମା ଳ ଥାନା ଇଚ୍ଛାପୁର ଗ୍ରାମର ସୁନିତା ମଣ୍ଡଳ ଏବଂ ବନ୍ତ ଥାନା କଂଟି ଗଡ଼ିଆ ଗ୍ରାମର ମନୋଜ ଓଝା। ଉଭୟେ ପଢୁଥିଲେ ପାଳିଆ ବିରଂଚି ନାରାୟଣ ମାଧବାର୍ଜୁନ ମହାବିଦ୍ୟାଳୟରେ। ପାଠ ପଢା ସହିତ ଆରମ୍ଭ ହୋଇଥିଲା ଦୁହିଁଙ୍କର ପ୍ରେମ ସମ୍ପର୍କ। ଉଭୟେ ବିବାହ ପାଇଁ ପ୍ରସ୍ତାବ ଦେବା ପରେ ପରିବାର ଲୋକେ ଏହାକୁ ଅସ୍ୱୀକାର କରିଥିଲେ। ଦୀର୍ଘ ୭ ବର୍ଷ ଧରି ସୁନିତା ଓ ମନୋଜଙ୍କର ପ୍ରେମ ଚାଲିବା ପରେ ବିବାହକୁ ଅସ୍ୱୀକାର କରିବାରୁ ସୁନିତା ମନୋଜଙ୍କ ବିରୁଦ୍ଧରେ ଗ୍ରାମାଞ୍ଚଳ ଥାନାରେ ୨୦୧୯ ମସିହାରେ ଅଭିଯୋଗ କରିଥିଲେ। ପୁଲିସ ଦଫା ୩୭୬ରେ ଏକ ମାମଲା ରୁଜୁ କରିଥିଲା। ମାମଲା ରୁଜୁ ହେବା ପରେ ମନୋଜ ଫେରାର ଥିଲେ। ମାତ୍ର ପୁଲିସ ଗତ ଜାନୁଆରୀ ୨୮ ତାରିଖରେ ମନୋଜଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ମନୋଜଙ୍କ ଗିରଫ ପରେ ସୁନିତା ନିଜ ପ୍ରେମକୁ ସାକାର କରିବାକୁ ଯାଇ…
ଭୁବନେଶ୍ୱର: ବିଗତ କିଛି ଦିନ ଧରି ବିଭିନ୍ନ ଗଣମାଧ୍ୟମର ପ୍ରଶ୍ନର ଉତର ରଖି କେନ୍ଦ୍ର ତୈଳ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଲେ ଯେ ତୈଳ ଦର ଏବଂ ରନ୍ଧନ ଗ୍ୟାସ ଦର ବୃଦ୍ଧି ଶୀତଦିନ ଯୋଗୁଁ ଅଧିକ ହେଉଛି ଶୀତଦିନ ସରିଗଲେ ଦର ହ୍ରାସ ପାଇବ। ଦ୍ୱିତୀୟ ପ୍ରମୁଖ କାରଣଟି ଡିଜେଲ ଏବଂ ପେଟ୍ରୋଲ ତଥା ଗ୍ୟାସର ଚାହିଦା ବୃଦ୍ଧିଯୋଗୁଁ ଏବଂ ଅର୍ନ୍ତଦେଶୀୟ ବଜାରରେ କଂଚା ତୈଳ ବା ଗ୍ୟାସଲୋନିର ଦର ବୃଦ୍ଧି ଯୋଗୁଁ ଏ ବୃଦ୍ଧି ଘଟୁଛି। କିନ୍ତୁ ଏହି ତିନୋଟି ଯାକ କାରଣ ସଂପୂଣ୍ଣରୂପେ ଅସତ୍ୟ ଉପରେ ପର୍ଯ୍ୟବେସିତ ଏବଂ ଏହା ଏକ ମନଗଢ଼ା କାହାଣୀ ବୋଲି ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ ଏକ ପ୍ରେସ ବିବୃତିରେ କହିଛନ୍ତି। ୨୦୧୭ ମସିହା ଠାରୁ କ୍ରମାଗତ ଭାବରେ ଅର୍ନ୍ତଦେଶୀୟ ବଜାରରେ ଗ୍ୟାସୋଲେିନ ବା କଂଚା ତୈଳର ଦାମ ବହୁ ମାତ୍ରାରେ କମିଯାଇଛି। ଯଦି ଶୀତଦିନ ଯୋଗୁଁ ତୈଳ ଏବଂ…
ଭଦ୍ରକ: ଭଦ୍ରକ ଜିଲ୍ଲା ଚାରିଗାଁ ପଞ୍ଚାୟତ ଚକ୍ରାପାଢୀ ଗ୍ରାମର କୃଷ୍ଣଚନ୍ଦ୍ର ରଣାଙ୍କ ପୁଅ ଶକ୍ତି ସ୍ୱରୂପ (୧୫) ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି। ସେ ଆଜି ଦିବା ୧୧ଟା ସମୟରେ ଘର ନିକଟରେ ଥିବା ନିମ୍ବ ଗଛରୁ ପତ୍ର ତୋଳିବା ପାଇଁ ଯାଇଥିଲେ। ଏହି ସମୟରେ ସେ ଇଲେଭେନ କେଭି ତାର ସଂସ୍ପର୍ଶରେ ଆସିଥିଲେ। ତାଙ୍କ ବେକରେ ଜୀବନ୍ତ ତାର ଲାଗିଯିବା ବେଳେ ସେ ପୋଡ଼ିଯାଇ ମୃତ୍ୟୁବରଣ କରିଥିଲେ। ଏହି ଖବର ପ୍ରଚାରିତ ହେବାପରେ ପରିବାର ଲୋକେ ନାବାଳକର ମର ଶରୀରକୁ ଆଣି କ୍ଷତିପୂରଣ ଦାବୀରେ ବରପଦା ଆଗରପଡ଼ା ପୂର୍ତ୍ତର୍ବିଭାଗ ରାସ୍ତାର କୁଆଁଶମଢିଆ ଛକଠାରେ ରାସ୍ତାରୋକ କରିଥିଲେ। ଖବରପାଇ ଜିଲ୍ଲାପରିଷଦ ସଭ୍ୟ ପ୍ରଶାନ୍ତ ଦାଶ, ଚାରିଗାଁ ସରପଞ୍ଚ ବନମାଳୀ ବେହେରା, ସାଂସଦ ପ୍ରତିନିଧି ଶ୍ରୀନାଥ ମହାନ୍ତି, ଯୁବନେତା ସତ୍ୟସାଧନ ବେଜ, ପୂର୍ବତନ ସମିତିସଭ୍ୟ କୃଷ୍ଣଚନ୍ଦ୍ର ସାହୁ, ଯୁବନେତା ଧରଣୀଧର କରଙ୍କ ସମେତ ଆଗରପଡ଼ା ଥାନାଧିକାରିଣୀ ସୁକାନ୍ତି କେରେଇ…
ଭୁବନେଶ୍ୱର: ପତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ ମାର୍ଚ୍ଚ ୫ ତାରିଖରେ ବିଜୁ ଜୟନ୍ତୀ ପାଳିତ ଧୁମ୍ ଧାମ୍ରେ ପାଳନ କରା ଯିବ। ଚଳିତ ବର୍ଷ ପ୍ରତ୍ୟେକ ନିର୍ବାଚନ ମଣ୍ଡଳୀରେ ବିଜୁ ଜୟନ୍ତୀ ପାଳନ କରା ଯିବ ବୋଲି ଜଣା ପଡିଛି। ମିଳିଥିବା ସୂଚନା ଅନୁସାରେ ବିଜୁ ଜନତା ଦଳର ସକ୍ରିୟ ସଦସ୍ୟମାନଙ୍କୁ ନେଇ ଏକ ବୈଠକ ଆୟୋଜନ କରାଯିବ। ସେଥିରେ ଦୁଇ ଦଶନ୍ଧି ଧରି ବିଜୁ ଜନତା ଦଳର ସଫଳ ଯାତ୍ରା ବିଷୟରେ ଆଲୋଚନା କରାଯିବ। ଏହି ବୈଠକରେ ଦଳର ସମସ୍ତ ସଦସ୍ୟ ତଥା ଛାତ୍ରଛାତ୍ରୀ ଯୁବନେତା, ଯୁବନେତ୍ରୀ ଯୋଗଦେବେ। ରାଜ୍ୟର ବିକାଶ ଦିଗରେ ବିଜୁ ବାବୁଙ୍କ ଅବଦାନ ଅତୁଳନୀୟ। ତାଙ୍କରି ମାର୍ଗଦର୍ଶନରେ ଓଡ଼ିଶା ଅବିରତ ବିକାଶ ଦିଗରେ ଆଗେଇ ଚାଲିଛି। ସେ କେବଳ ଓଡ଼ିଶା ପାଇଁ ନୁହେଁ ବରଂ ଦେଶ ପାଇଁ ମଧ୍ୟ ଅନେକ କିଛି ଅବଦାନ ଦେଇଛନ୍ତି। ଓଡ଼ିଶାରେ ସ୍ୱଚ୍ଛଶାସନ, ଦାରିଦ୍ର୍ୟ ଦୂରିକରଣ ଠାରୁ ଆରମ୍ଭ…
ମାଲକାନଗିରି: ପଂଚାୟତ ନିର୍ବାଚନ ପାଖେଇ ଆସିଲାଣି। ବିଭିନ୍ନ ରାଜନୈତିକ ଦଳଗୁଡିକ ଏବେ ଗଡ ସଜାଡିବା ଆରମ୍ଭ କଲେଣି। କିନ୍ତୁ ମାଲକାନଗିରି ଜିଲ୍ଲା ଅନ୍ତର୍ଗତ ଚିତ୍ରକୋଣ୍ଡା ବ୍ଲକରେ୨ ୦୧ ୭ ମସିହା ରେ ପଂଚାୟତ ନିର୍ବାଚନ ହୋଇପାରିଲା ନାହିଁ। ମାଓବାଦୀଙ୍କ ଆଗରେ ସରକାର ଏକ ପ୍ରକାର ହାର ମାନିଲା କହିଲେ ଅତ୍ୟୁକ୍ତି ହେବ ନାହିଁ। ମାଓବାଦୀ ଚିତ୍ରକୋଣ୍ଡା ବ୍ଲକର ୧୮ଟି ପଂଚାୟତରେ ନିର୍ବାଚନ କରାଇଦେବେ ନାହିଁ ବୋଲି ଧମକ ଦେବା ପରେ ଲୋକେ ଏବଂ ପ୍ରଶାସନ ଏଠାରେ ନିର୍ବାଚନ କରିବା ପାଇଁ ସାହସ ଜୁଟାଇ ପାରିଲା ନାହିଁ। ଭୋଟ ଦେଲେ ଲୋକଙ୍କ ଅଙ୍ଗୁଳି କଟାଯିବ ବୋଲି ମାଓବାଦୀ ଧମକ ଦେବା ପରେ ଲୋକେ ନିଜ ଘରୁ ପଦାକୁ ବାହାରିଲେ ନାହିଁ। ସେହିପରି ଜିଲ୍ଲା ପ୍ରଶାସନ ତରଫରୁ ଯଦି କେହି ଚିତ୍ରକୋଣ୍ଡା ବ୍ଲକରେ ନିର୍ବାଚନ ସଂପର୍କିତ କିଛି ବା କାର୍ଯ୍ୟ କରନ୍ତି ତେବେ ମୃତ୍ୟୁ ଦଣ୍ଡ ମିଳିବ ବୋଲି ଚେତାବନୀ ଦେବା ପରେ ସରକାରୀ…
କଟକ: ନିର୍ଗୁଣ୍ଡି ଟୋଲ ଗେଟ୍ ନିକଟରେ ଆଜି କେନ୍ଦ୍ରାଚଂଳ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଚଢ଼ଉ କରାଯାଇ କାର୍ ସହିତ ୧୧୪ କେଜି ଗଞ୍ଜେଇ ଜବତ କରାଯାଇଛି। ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି। ଗିରଫ ଦୁଇ ଅଭିଯୁକ୍ତ ହେଲେ ଝାଡ଼ଖଣ୍ଡ ରାଜ୍ୟର ରାକେଶ କୁମାର ପରମାଣିକ (୨୫) ଓ ମହେଶ ଦାଶ (୨୫)। କାର୍ ନଂ ଜେଏଚ୦୫ସିଓ-୩୦୭୦ ଯୋଗେ ଝାଡ଼ଖଣ୍ଡ ରାଜ୍ୟକୁ ଏହି ଗଞ୍ଜେଇ ଚୋରା ଚାଲାଣ ହେଉଥିଲା। କୌଣସି ସୂତ୍ରରୁ ଖବର ପାଇ ଅବକାରୀ ବିଭାଗ ପକ୍ଷରୁ ଚଢ଼ଉ କରାଯାଇ କାର୍ ଟିକୁ ଧରାଯାଇଥିଲା। ଯାଂଚ୍ ବେଳେ ଗାଡିରୁ ଏହି ୧୧୪ କେଜି ଗଞ୍ଜେଇ ଜବତ କରାଯାଇଥିଲା। ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧୧ ଲକ୍ଷ ହେବ ବୋଲି ବିଭାଗୀୟ ସୂତ୍ରରୁ ସୂଚନା ମିଳିଛି।
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୧୫ ହଜାର ୫୧୦ ନୂଆ କରୋନା ପଜିଟିଭ ଚିହ୍ନଟ ହୋଇଥିବାବେଳେ ୧୦୬ ଜଣଙ୍କ ମୃତ୍ୟୁ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୧କୋଟି ୧୧ ଲକ୍ଷ ୧୨ ହଜାର ୨୪୧ ରେ ପହଞ୍ଚିଛି। ସେହିପରି ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୧ ଲକ୍ଷ ୫୭ ହଜାର ୧୫୭ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୧ କୋଟି ୭ ଲକ୍ଷ ୮୬ ହଜାର ୪୫୭ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୧ ଲକ୍ଷ ୬୮ ହଜାର ୬୨୭ ଆକ୍ଟିଭ୍ କେସ୍ ରହିଛି।
ଭୁୁବନେଶ୍ୱର: ଖରାର ପ୍ରକୋପ ବୃଦ୍ଧି ପାଉଥିବାରୁ ଆଜି ଠାରୁ ସକାଳୁଆ ସ୍କୁଲ ହେବ। ନିଷ୍ପତି ଅନୁଯାୟୀ ନବମ ଓ ଏକାଦଶ ଶ୍ରେଣୀ ସକାଳ ୭ଟାରୁ ୯ଟା ଯାଏଁ ଚାଲିବ ଏବଂ ଦଶମ ଓ ଦ୍ୱାଦଶ ଶ୍ରେଣୀ ସକାଳ ୯ଟାରୁ ଦିନ ୧ଟା ଯାଏଁ ଚାଲିବ। ଏନେଇ ସବୁ ଡିଇଓମାନଙ୍କୁ ଗଣଶିକ୍ଷା ଅତିରିକ୍ତ ସଚିବ ଚିଠି ଲେଖି ଜଣାଇଛନ୍ତି। ମାର୍ଚ୍ଚ ୧ ତାରିଖରୁ ଏହି ମାର୍ଗଦର୍ଶିକା ଲାଗୁ ହେବ। ଗଣଶିକ୍ଷା ବିଭାଗର ସୂଚନା ଅନୁଯାୟୀ ଗତକିଛି ଦିନ ଧରି ରାଜ୍ୟରେ ତାପମାତ୍ରା ବୃଦ୍ଧି ପାଉଥିବା ଲକ୍ଷ୍ୟ କରାଯାଉଛି। ଏଣୁ ସମ୍ଭାବ୍ୟ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରସ୍ତୁତି ଓ ପ୍ରତିକାରମୂଳକ ପଦକ୍ଷେପ ନେବା ପାଇଁ ଜିଲ୍ଲା ଶିକ୍ଷା ଅଧିକାରୀ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧୀନସ୍ଥ ସମସ୍ତ ନିର୍ଦ୍ଦେଶକଙ୍କ ନିମନ୍ତେ ମାର୍ଗଦର୍ଶିକା ଜାରି କରିଛନ୍ତି। ପୂର୍ବରୁ ଜାରି କରାଯାଇଥିବା କୋଭିଡ୍ ମାର୍ଗଦର୍ଶିକାର ଅନୁପାଳନ ସହିତ ଏହି…
ନୂଆଦିଲ୍ଲୀ, ଆଜି ସକାଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀସ୍ଥିତ ଏମସ୍ ହସପିଟାଲରେ କୋଭିଡ ଟୀକା ଗ୍ରହଣ କରିଛନ୍ତି। ସେ ହେଉଛନ୍ତି ଦ୍ବିତୀୟ ପର୍ଯ୍ୟାୟର ପ୍ରଥମ ଟୀକା ନେଇଥିବା ବ୍ୟକ୍ତି। ଏମସରେ ପ୍ରଧାନମନ୍ତ୍ରୀ ଭାରତ ବାଓଟେକ ଦ୍ବାରା ପ୍ରସ୍ତୁତ କୋଭାକ୍ସିନ ଟୀକା ଗ୍ରହଣ କରିଛନ୍ତି। ଏହି ଟୀକା ଭାରତ ଦ୍ବାରା ସଂପୂର୍ଣ୍ଣ ଭାବେ ପ୍ରସ୍ତୁତ ହୋଇଛି। ଟୀକେ ନେବା ପରେ ସେ ଭାରତର ସମସ୍ତଙ୍କୁ ଏଥିରେ ସାମିଲ ହେବା ପାଇଁ ଅନୁରୋଧ ମଧ୍ୟ କରିଛନ୍ତି। ସେ ଆହ୍ବାନ ଦେଇ କହିଛନ୍ତି ଯେ ଆସନ୍ତୁ ସମସ୍ତେ ମିଳିମିଶି ଭାରତକୁ କରୋନା ମୁକ୍ତ ଦେଶଭାବେ ଗଢି ତୋଳିବା। ଆଜିଠାରୁ ସାରା ଦେଶରେ 60 ବର୍ଷରୁ ଉର୍ଦ୍ଧ ବ୍ୟକ୍ତିଙ୍କୁ ଟୀକା ପ୍ରଦାନ କରାଯାଉଛି। ଏଥିସହିତ 45 ବର୍ଷରୁ ଉର୍ଦ୍ଧ ରୋଗୀଙ୍କ ମଧ୍ୟ ଏଥିରେ ଅନ୍ତର୍ଭୁକ୍ତ କରାଯାଇଛି।
ନୂଆଦିଲ୍ଲୀ, ଦୂବଘାସ ବେଶ ଛୋଟ,। ସମସ୍ତେ ଜାଣନ୍ତି ଏହା କେବଳ ପୂଜାପାର୍ବଣରେ ବ୍ୟବହାର ହୁଏ। ହେଲେ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଦୂବଘାସ ଆମର ବହୁ ରୋଗକୁ ମଧ୍ୟ ଭଲ କରିଥାଏ। ଆସନ୍ତୁ ଜାଣିବା ଏହି ଦୂବ ଦ୍ବାରା କେଉଁ ରୋଗ ଭଲ ହୋଇଥାଏ। 1-ଯଦି ନାକ, କାନ ବା ମୁହଁରୁ ରକ୍ତ ସ୍ରାବ ହେଇଛି ତେବେ ଭଲ ଦୂବଘାସ ଆଣି ପାଣିରେ ସଫା କରନ୍ତୁ। ତାହାକୁ ବାଟି ରସ ବାହାର କରନ୍ତୁ। ସେହି ରସରେ କିଛି ମହୁ ମିଶାଇ ଦିନକୁ ଚାରିପାଞ୍ଚ ଥର ସେବନ କରନ୍ତୁ। ଦେଖିବେ ରକ୍ତସ୍ରାବ ବନ୍ଦ ହୋଇଯିବ। 2-ଯଦି ମୁତ୍ର କିମ୍ବା ମଳରେ ରକ୍ତ ପଡେ ତେବେ ମଧ୍ୟ ଦୂବ ରସରେ ଖିର ମିଶାଇ ଦିନକୁ ଚାରିଥର ସେବନ କରନ୍ତୁ। ଦେଖିବେ ରକ୍ତସ୍ରାବ ବନ୍ଦ ହୋଇଯାଇଛି। 3-ଯଦି କୌଣସି ମହିଳାଙ୍କର ଗର୍ଭ ନଷ୍ଟ ହୋଇଯାଉଛି କିମ୍ବା ମୃତ ଶିଶୁ ଜନ୍ମ ହେଉଛି ତେବେ ଦୂବ ସହିତ…