ଭୁବନେଶ୍ବର: ବର୍ତ୍ତମାନ ରାଜନୀତି ଖବରକୁ ପଛରେ ପକାଇ ଓଡିଶାର ଅନିମେଶ ପ୍ରଧାନ ବେଶ ଚର୍ଚ୍ଚାରେ ଅଛନ୍ତି। କାରଣ ହେଲା ଆଜି ପ୍ରକାଶ ପାଇଥିବା UPSC ର ସିଭିଲି ସର୍ଭିସ ପରୀକ୍ଷାରେ ସର୍ବ ଭାରତୀୟ ସ୍ତରରେ ସେ ଦ୍ବିତୀୟ ହୋଇଛନ୍ତି। ଏହି ପରୀକ୍ଷାରେ ପ୍ରଥମ ହୋଇଛନ୍ତି ଲକ୍ଷ୍ନୌର ଆଦିତ୍ୟ ଶ୍ରୀବାସ୍ତବ। ତେବେ ଓଡିଶାର ଅନିମେଶ ପ୍ରଧାନ କିଏ ତାହା ଜାଣିବା ପାଇଁ ସମସ୍ତଙ୍କର ଆଗ୍ରହ ସୃଷ୍ଟି ହେବା ସ୍ବାଭାବିକ। ଅନିମେଶ ହେଉଛନ୍ତି ଅନୁଗୁଳ ଜିଲ୍ଲା ତାଲଚେରର ଭାଲୁଗାଡିଆ ଗ୍ରାମରେ ଯୁବକ। ବାପାଙ୍କ ନାମ ହେଉଛି ପ୍ରଭାକର ପ୍ରଧାନ। ସେ ହିଙ୍ଗୁଳା କଲେଜର ଅଧ୍ୟକ୍ଷ ଥିଲେ। 2017 ମସିହାରେ ତାଙ୍କର ପରଲୋକ ଘଟିଛି। ସେହିପରି ତାଙ୍କର ମାତଙ୍କ ନାମ ହେଉଛି ଅରୁଣା ପ୍ରଧାନ। ତାଙ୍କର ମଧ୍ୟ ଗତ ଜାନୁୟାରୀ ମାସରେ ପରଲୋକ ଘଟିଛି। ବାପାମା ଛେଉଣ୍ଡ ହୋଇଥିଲେ ମଧ୍ୟ ଅନିମେଶଙ୍କ ପ୍ରବଳ ପରିଶ୍ରମ ଆଜି ସାରା ଭାରତ ବର୍ଷରେ ତାଙ୍କର ପରିଚୟ ସୃଷ୍ଟି କରିପାରିଛି।…
Author: Samikhsya Bureau
ଭୁବନେଶ୍ବର: ଆଜି ରାଜ୍ୟରେ ନାହିଁ ନ ଥିବା ତାତି ଅନୁଭୂତ ହୋଇଛି। ଆଜି ରାଜ୍ୟରେ ପରିଲକ୍ଷିତ ହୋଇଛି ଚଳିତ ବର୍ଷର ଏ ପର୍ଯ୍ୟନ୍ତ ସର୍ବୋଚ୍ଚ ତାପମାତ୍ର। ଆଜି ରାଜ୍ୟର ତାପମାତ୍ରା ୪୩ ଡ଼ିଗ୍ରୀ ଟପିଛି। ଯାହା ଏ ପର୍ଯ୍ୟନ୍ତ ପ୍ରବାହିତ ହୋଇଥିବା ସର୍ବାଧିକ ତାପମାତ୍ର। ଆଜି ବାରିପଦାରେ ଚଳିତ ସିଜିନରେ ସର୍ବୋଚ୍ଚ ତାପମାତ୍ରା ୪୩.୬ ଡ଼ିଗ୍ରୀ ହୋଇ ରାଜ୍ୟର ଉତ୍ତପ୍ତ ସହର ଭାବେ ପରିଗଣିତ ହୋଇଛି। ସେହିପରି ଆଜି ରାଜ୍ୟର ୨୯ ସହର ରେ ଦିନ ତାପମାତ୍ରା ୪୦ ଡ଼ିଗ୍ରୀ କିମ୍ବା ତାଠାରୁ ଅଧିକ ରେକର୍ଡ କରାଯାଇଛି। ସେହିପରି ଆଜି ୧୮ଟି ସହରରେ ୪୧ ଡ଼ିଗ୍ରୀ କିମ୍ବା ତାଠାରୁ ଅଧିକ ଦିନ ତାପମାତ୍ରା ରେକର୍ଡ କରାଯାଇଛି। ଭୁବନେଶ୍ବର ପାଣିପାଗ ବିଭାଗ ଅନୁସାରେ ଏହି ତାତି ଆହୁରି ଲାଗି ରହିବ। ଏପରିକି ଦିନର ତାପମାତ୍ରା ୪୫ ଡିଗ୍ରୀ ଟପିବ ବୋଲି କୁହାଯାଉଛି।
ଭୁବନେଶ୍ୱର: ବିଏସକେୱାଇ ସ୍ୱାସ୍ଥ୍ୟ କାର୍ଡ ଓଡ଼ିଶାବାସୀଙ୍କୁ ସଶକ୍ତ କରିଛି ଏବଂ ଆତ୍ମବିଶ୍ୱାସ ଓ ଗ୍ୟାରେଣ୍ଟି ଦେଇଛି ଯେ ସେମାନେ ରୋଗରେ ପୀଡିତ ହେଲେ ସେମାନଙ୍କ ପାଖରେ ଏହି ସ୍ୱାସ୍ଥ୍ୟ ନିଶ୍ଚିତତା କିମ୍ବା ଗ୍ୟାରେଣ୍ଟି ଅଛି। ସେମାନେ ସରକାରୀ ଡାକ୍ତରଖାନାରେ ମାଗଣାରେ ଚିକିତ୍ସା ସୁବିଧା ପାଉଛନ୍ତି ଯାହାର କୌଣସି ସୀମା ନାହିଁ। ଏଥି ସହିତ ବିଏସ୍କେୱାଇରେ ମହିଳାଙ୍କ ପାଇଁ ୧୦ ଲକ୍ଷ ଟଙ୍କା ଏବଂ ପୁରୁଷଙ୍କ ପାଇଁ ୫ ଲକ୍ଷ ଟଙ୍କା ରହିଛି । ହେଲେ ଗରିବ ଲୋକଙ୍କୁ ମିଳୁଥିବା ଏହି ସ୍ୱାସ୍ଥ୍ୟସେବା ବ୍ୟବସ୍ଥାକୁ ନେଇ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ରାଜନୀତି କରୁଥିବା କହିଛନ୍ତି ବିଜେଡିର ରାଷ୍ଟ୍ରୀୟ ମୁଖପାତ୍ର ତଥା ସାଂସଦ ଡକ୍ଟର ସସ୍ମିତ ପାତ୍ର। ଡକ୍ଟର ପାତ୍ର ଆଜି ଏଠାରେ ଗଣମାଧ୍ୟମକୁ କହିଛନ୍ତି ଯେ ସରକାରୀ ଡାକ୍ତରଖାନାରେ କୌଣସି ସୀମା ନଥାଇ ମାଗଣା ସ୍ୱାସ୍ଥ୍ୟସେବା ଯୋଗାଇ ଦିଆଯାଉଛି। ବିଏସ୍କେୱାଇ ପାଇଁ ଓଡ଼ିଶାରେ ୬୫୨ଟି ଡାକ୍ତରଖାନା ଏବଂ ୧୬ଟି ରାଜ୍ୟରେ ୧୬୪ଟି…
ଭୁବନେଶ୍ୱର: ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ କେନ୍ଦୁଝର ଜିଲ୍ଲା ତେଲକୋଇ ନିର୍ବାଚନ ମଣ୍ଡଳୀର ବିଜେଡିର ପୂର୍ବତନ ବିଧାୟକ ତଥା ପୂର୍ବତନ ଚେୟାରମ୍ୟାନ ଶ୍ରୀ ବେଦବ୍ୟାସ ନାୟକ ନିଜ ସମର୍ଥକଙ୍କ ସହ ଆନୁଷ୍ଠାନିକ ଭାବେ ବିଜେପିରେ ଯୋଗଦାନ କରିଛନ୍ତି। ଶ୍ରୀ ନାୟକଙ୍କ ସହ ବିଜେଡି ନେତା ଅକ୍ଷୟ କୁମାର ରାଉଳ, ଶ୍ରୀଧର ନାଏକ, ପୂର୍ବତନ ସରପଂଚ ମନୋଜ କୁମାର ନାଏକ, ଦେବାନନ୍ଦ ନାଏକ ବିଜେପିରେ ଯୋଗ ଦେଇଛନ୍ତି। ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ରାଜ୍ୟ ମୁଖ୍ୟ ମୁଖପାତ୍ର ସଜ୍ଜନ ଶର୍ମା ନୂତନ ସଦସ୍ୟଙ୍କୁ ଉତରୀୟ ପ୍ରଦାନ କରି ସ୍ୱାଗତ ଜଣାଇଥିଲେ । ପାର୍ଟୀରେ ସାମିଲ ହୋଇଥିବା ନୂତନ ସଦସ୍ୟଙ୍କୁ ୮୯୮୦୮୦୮୦୮୦ ନମ୍ବରରେ ଡାୟାଲ କରାଇ ଶ୍ରୀ ଶର୍ମା ସଦସ୍ୟତା କରାଇଥିଲେ। ଏହି ମିଶ୍ରଣ ପର୍ବରେ ରାଜ୍ୟ ସମ୍ପାଦକ ଶ୍ରୀ ସରୋଜ କର ଉପସ୍ଥିତ ଥିଲେ।
ଭୁବନେଶ୍ୱର: କଳାହାଣ୍ଡି ଜିଲ୍ଲା ଅନ୍ତର୍ଗତ ଲାଞ୍ଜିଗଡ଼ ଓ ନର୍ଲା ନିର୍ବାଚନମଣ୍ଡଳୀର ଶତାଧିକ ବିଜେପି ଓ କଂଗ୍ରେସ କର୍ମୀ ଆଜି ଶଙ୍ଖଭବନ ଠାରେ ଧର୍ମଶାଳା ବିଧାୟକ ତଥା କଳାହାଣ୍ଡି ଜିଲ୍ଲା ପର୍ଯ୍ୟବେକ୍ଷକ ପ୍ରଣବ ବଳବନ୍ତରାୟ ଓ ରାଜ୍ୟସଭା ସାଂସଦ ଡକ୍ଟର ସସ୍ମିତ ପାତ୍ରଙ୍କ ଉପସ୍ଥିତିରେ ବିଜେଡିରେ ଯୋଗ ଦେଇଛନ୍ତି। ଦଳରେ ସାମିଲ୍ ହୋଇଥିବା ସମସ୍ତ ବିଜେପି ଓ କଂଗ୍ରେସ କର୍ମୀଙ୍କୁ ଶ୍ରୀ ବଳବନ୍ତରାୟ ଓ ଡକ୍ଟର ପାତ୍ର ଉପଢୌକନ ଦେଇ ଦଳକୁ ସ୍ୱାଗତ କରିଥିଲେ। ଆଜି ବିଜେପି ଓ କଂଗ୍ରେସ କର୍ମୀଙ୍କ ଯୋଗଦାନ ଫଳରେ ବିଶେଷକରି ଲାଞ୍ଜିଗଡ଼ ଓ ନର୍ଲା ନିର୍ବାଚନ ମଣ୍ଡଳୀରେ ଦଳୀୟ ସଂଗଠନ ଆହୁରି ମଜଭୂତ ହେବ ବୋଲି ଶ୍ରୀ ବଳବନ୍ତରାୟ ଓ ଡକ୍ଟର ପାତ୍ର କହିଥିଲେ। ଏହି ଅବସରରେ ବିଜେଡ଼ିରେ ସାମିଲ୍ ହୋଇଥିବା ସମସ୍ତ ବିଜେପି ଓ କଂଗ୍ରେସ ନେତାମାନେ ପ୍ରତିକ୍ରିୟାରେ କହିଥିଲେ ଯେ, ମୁଖ୍ୟମନ୍ତ୍ରୀ ତଥା ବିଜେଡ଼ି ସୁପ୍ରିମୋ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଲୋକାଭିମୁଖୀ କାର୍ଯ୍ୟ, ସ୍ୱଚ୍ଛ…
ଭୁବନେଶ୍ବର: ଆଜି ଅପରାହ୍ନରେ ଆରମ୍ଭ ହୋଇଛି ପ୍ରଭୃ ଲିଙ୍ଗରାଜଙ୍କ ରଥଟଣା। ହଜାରହଜାର ଭକ୍ତଙ୍କ ଗହଣରେ ପ୍ରଭୃ ଶ୍ରୀଲିଙ୍ଗରାଜ ଋକୁଣା ରଥରେ ବିଜେ କରି ରାମେଶ୍ବର ମନ୍ଦିରକୁ ଗମନ କରିଛନ୍ତି। ଡାହୁକର ଡାକରା ପରେ ଭକ୍ତମାନେ ପ୍ରଭୃଙ୍କ ରଥକୁ ଟାଣିଟାଣି ନେଇଛନ୍ତି। ଆଜି ପ୍ରଭୃଙ୍କ ରଥଯାତ୍ରା ଥିବାରୁ ପୁରୁଣା ଭୁବନେଶ୍ବରର ରଥରୋଡ ଲୋକାରଣ୍ୟ ହୋଇଉଠିଛି। ସୁରକ୍ଷିତ ଭାବେ ପ୍ରଭୃ ରାମେଶ୍ବର ମନ୍ଦିରରେ ପହଞ୍ଚିବା ପାଇଁ ମନ୍ଦିର ପ୍ରଶାସନ ତଥା ପୋଲିସ ପ୍ରଶାସନ ତରଫରୁ ବ୍ୟବସ୍ଥା କରାଯାଇଛି। ଏଥିପାଇଁ ୧୨ ପ୍ଲାଟୁନ ଫୋର୍ସ, ୨ ଜଣ ଅତିରିକ୍ତ ଡିସିପି, ୬ ଜଣ ଏସପି, ୧୫ ଜଣ ଇନିସପେକ୍ଟର ମୁତୟନ ହୋଇଛନ୍ତି। ଏହାସହିତ ୫୦ରୁ ଅଧିକ ସବଇନିସପେକ୍ଟର ଓ ଟ୍ରାଫିକ୍ ଅଧିକାର ନିୟୋଜିତ ଅଛନ୍ତି। ଅନ୍ୟପଟେ ପ୍ରବଳ ଖରା ଓ ହିଟୱେଭକୁ ଆଖିରେ ରଖି ଭକ୍ତଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ମଧ୍ୟ କରାଯାଇଛି। ସମସ୍ତଙ୍କ ପାଇଁ ଆବଶ୍ୟକ ପିଇବା ପାଣି ବ୍ୟବସ୍ଥା ସହ ଭକ୍ତଙ୍କ ଉପରେ…
Ram Navmi: ଆସନ୍ତାକାଲି ପବିତ୍ର ରାମ ନବମୀ। ହିନ୍ଦୁ ଧର୍ମରେ ଏହି ଦିନଟି ହେଉଛି ଏକ ପବିତ୍ର ଦିନ। ଏହି ଦିନ ପ୍ରଭୃ ଶ୍ରୀରାମ ଜନ୍ମ ଗ୍ରହଣ କରିଥିଲେ। ସେଥିପାଇଁ ସାରା ଭାରତରେ ଏହି ଦିନକୁ ରାମ ନବମୀ ଭାବେ ପାଳନ କରାଯାଉଛି। ତେବେ ସମସ୍ତେ ଏହି ଦିବସକୁ ବେଶ୍ ଭକ୍ତିପୂତ ଭାବେ ପାଳନ କରିବେ ସତ, ହେଲେ ଏହି ଆଧୁନିକ ଯୁଗରେ ମୋବାଇଲରେ ଶୁଭେଚ୍ଛା ବାର୍ତ୍ତା ମଧ୍ୟ ପଠାଇବେ। ଏହି ପରିପ୍ରେକ୍ଷୀରେ ରାମ ନବମୀ ଉପଲକ୍ଷେ ଆମେ କେତେକ ଶୁଭେଚ୍ଛା ବାର୍ତ୍ତା ପ୍ରଦାନ କରୁଛୁ। 1-ରାମ ନବମୀର ଶୁଭ ଅବସରରେ, ମୁଁ ତୁମ ଜୀବନରେ ସବୁଠାରୁ ପ୍ରେରଣାଦାୟକ ସୁଯୋଗ ଏବଂ ବଡ଼ ସଫଳତା କାମନା କରୁଛି। ଆପଣଙ୍କୁ ରାମ ନବମୀ ଶୁଭ କାମନା। 2-ଆପଣ ଏବଂ ଆପଣଙ୍କ ପରିବାରକୁ ରାମ ନବମୀ ଶୁଭ କାମନା। ଭଗବାନ ଶ୍ରୀରାମ ଆପଣଙ୍କୁ ଉତ୍ତମ ସ୍ୱାସ୍ଥ୍ୟ ଏବଂ ସଫଳତା ଦେଇ ଆଶୀର୍ବାଦ କରନ୍ତୁ। ଶୁଭ ରାମ…
ନୂଆଦିଲ୍ଲୀ: ଘୋଷଣା ହେଲା ୟୁନିୟନ ପବ୍ଲିକ ସର୍ଭିସ ଦ୍ବାରା ପରିଚାଳିଚ ସିଭିଲ ସର୍ଭିସ ପରୀକ୍ଷା ୨୦୨୩ର ଫଳ। ଏଥିରେ ନିଯୁକ୍ତି ପାଇଁ ମୋଟ ୧,୦୧୬ ଜଣ ପ୍ରାର୍ଥୀଙ୍କୁ ମନୋନୟନ କରାଯାଇଛି। ଚଳିତ ବର୍ଷ ଆଦିତ୍ୟ ଶ୍ରୀବାସ୍ତବ ପ୍ରଥମ ସ୍ଥାନ ଅଧିକାର କରିଛନ୍ତି, ଦ୍ୱିତୀୟ ସ୍ଥାନରେ ଅଛନ୍ତି ଅନିମେଶ ପ୍ରଧାନ ଏବଂ ତୃତୀୟ ସ୍ଥାନରେ ଡୋନୁରୁ ଅନନ୍ୟା ରେଡ୍ଡୀ ଅଛନ୍ତି। ଜାଣନ୍ତୁ ପ୍ରଥମ ୨୦ ତାଲିକା… ଆଦିତ୍ୟ ଶ୍ରୀବାସ୍ତବ ଅନିମେଶ ପ୍ରଧାନ ଡୋନୁରୁ ଅନନ୍ୟା ରେଡ୍ଡୀ ପି କେ ସିଦ୍ଧାର୍ଥ ରାମକୁମାର ରୁହାନୀ ଶ୍ରୀଷ୍ଟି ଦବାସ୍ ଅନମୋଲ ରାଠୋର ଆଶିଷ କୁମାର ନାଉସିନ୍ ଔଶ୍ବର୍ଯ୍ୟାମ ପ୍ରଜାପତି କୁଶ ମୋଟୱାନୀ ଅନିକେଟ୍ ଶାଣ୍ଡିଲିଆ ମେଧା ଆନନ୍ଦ ଶାର୍ଯ୍ୟ ଆରୋରା କୁନାଲ ରାସ୍ତୋଗୀ ଆୟାନ୍ ଜୈନ୍ ସ୍ବାତୀ ଶର୍ମା ୱାର୍ଦ୍ଧା ଖାନ୍ ଶିବମ କୁମାର ଆକାଶ ବର୍ମା UPSC ଦ୍ବାରା ପରିଚାଳିତ ସିଭିଲ୍ ସର୍ଭିସେସ୍ ପରୀକ୍ଷା ସେପ୍ଟେମ୍ବର ୨୦୨୩ ରେ ହୋଇଥିଲା। ୨୦୨୩ ର ଲିଖିତ…
ଭୁବନେଶ୍ବର: ପୁଣି ରାଜ୍ୟରେ ତାତି ଫେରିଛି। ଆଜି ରାଜ୍ୟର ବିଭିନ୍ନ ସହରରେ ତାପମାତ୍ର ବେଶ ବୃଦ୍ଧି ପାଇବାରେ ଲାଗିଛି। ଭୁବନେଶ୍ବର ପାଣିପାଗ ବିଭାଗ ଅନୁସାରେ ଆଜି ଦିନ ୨ଟା ୩୦ ସୁଦ୍ଧା ଭୁବନେଶ୍ବର ସହିତ ଆଉ ଦୁଇଟି ସହରରେ ସର୍ବାଧିକ ତାତି ଅନୁଭୂତ ହୋଇଛି। ସେଗୁଡିକ ହେଲା.. ଆଜି ଦିନ ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା ଭୁବନେଶ୍ୱର: ୪୧.୯°C ଚାନ୍ଦବାଲି: ୪୧.୬°C ଝାରସୁଗୁଡା: ୪୧.୪°C ବାଲେଶ୍ୱର: ୪୦.୫°C ସମ୍ବଲପୁର: ୪୦.୩°C କେନ୍ଦୁଝର: ୪୦°C ରାଉରକେଲା:୩୯.୯°C ହୀରାକୁଦ: ୩୯.୫°C ଗୋପାଳପୁର:୩୫.୬°C ପୁରୀ:୩୪.୮°C ପାରାଦୀପ: ୩୪.୨°C
ଭୁବନେଶ୍ବର: ନିର୍ବାଚନ ପାଖେଇ ଆସୁଥିବା ବେଳେ ବିଜୁ ଜନତା ଦଳ ସେତେ କଠୋର ହେବାରେ ଲାଗିଛି। ଦଳ ବିରୋଧୀ କାମର ପ୍ରମାଣ ମିଳିଲେ ଦଳ ତୁରନ୍ତ ପଦକ୍ଷେପ ଗ୍ରହଣ କରୁଛି। ସେମିତି ଆଜି ଦଳ ଜଣେ ନେତ୍ରୀଙ୍କୁ ଦଳ ବିରୋଧୀ କାର୍ଯ୍ୟ ପାଇଁ ବିଜେଡିରୁ ନିଲମ୍ବିତ କରିଛି। ସେ ହେଲେ ମୀନତି ଦେବତା। ଆଜି ଦଳ ତରଫରୁ ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ଏକ ନିର୍ଦ୍ଦେଶନାମା ଜାରୀ କରାଯାଇଛି। ଏଥିରେ କୁହାଯାଇଛି ଯେ, ବିଜୁ ମହିଳା ଜନତା ଦଳର ଉପସଭାପତି ଏବଂ ସମ୍ବଲପୁର ଓ ଦେଓଗଡ ଜିଲ୍ଲାର ପର୍ଯ୍ୟବେକ୍ଷକ ମୀନତି ଦେବତାଙ୍କୁ ଦଳରୁ ନିଲମ୍ବନ କରାଯାଇଛି। ଏହା ତୁରନ୍ତ କାର୍ଯ୍ୟକାରୀ ହେଲା ବୋଲି କୁହାଯାଇଛି।
ଭୁବନେଶ୍ବର: ନିର୍ବାଚନ ପାଖେଇ ଆସୁଥିବାରୁ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଡିଜିଟାଲ ପ୍ରଚାର ଆରମ୍ଭ କରିଦେଇଛନ୍ତି। ପୂର୍ବରୁ ସେ ଫୋନ କରି ଲୋକଙ୍କ ଭଲମନ୍ଦ ଓ ବିକାଶ କାମ ସଂପର୍କରେ ଅବଗତ ହୋଇଥିଲେ। ହେଲେ ଆଜି ନବୀନ ପଟ୍ଟନାୟକ ଭିଡିଓ କଲ କରି ବିଭିନ୍ନ ଲୋକଙ୍କ ସହିତ ବିକାଶ କାମ ଉପରେ ଆଲୋଚନା କରିଛନ୍ତି। ଏ ନେଇ ଏକ ଭିଡିଓ ମୁଖ୍ୟମନ୍ତ୍ରୀଙ୍କ ସମାଜିକ ଗଣମାଧ୍ୟମରେ ପୋଷ୍ଟିଂ କରାଯାଇଛି। ଏଥିରେ ନବୀନ ପାଞ୍ଚ ଜଣଙ୍କ ସହିତ କଥା ହେଉଛନ୍ତି। ପ୍ରଥମ ଭିଡିଓରେ ସେ ପୁରୀର ସ୍ବର୍ଣ୍ଣଲତା ବିଶୋଇଙ୍କ ସହିତ କଥା ହୋଇ ବିଭିନ୍ନ ଉନ୍ନୟନ ମୂଳକ କାମ ବିଷୟରେ ଆବଗତ ହୋଇଛନ୍ତି। ସେହିପରି ସେ ସମ୍ବଲପୁରର ଆରତୀ ନାୟକ, ଖୋର୍ଦ୍ଧାର ପ୍ରକାଶ ହାତୀ, ପୁରୀର ବିଜୟଲକ୍ଷ୍ମୀ ପାଣିଙ୍କ ସହିତ ନବୀନ କଥା ହୋଇଛନ୍ତି।
ଭୁବନେଶ୍ବର: ଆଜି ବିଜେପି ଓଡିଶା ବିଧାନସଭା ପାଇଁ 21 ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି। ତେବେ ଏଥିରେ ପୂର୍ବରୁ ଘୋଷଣା ହୋଇଥିବା ରଣପୁର ଆସନରେ ଦଳ ପ୍ରାର୍ଥୀ ବଦଳାଇଛି। ପୂର୍ବରୁ ବିଜେପି ରଣପୁର ପାଇଁ ତାପସ ମାର୍ଥାଙ୍କ ନାମ ଘୋଷଣା କରିଥିଲା। ହେଲେ ସେହି ଅଞ୍ଚଳର ବରିଷ୍ଠ ନେତ୍ରୀ ସୁରମା ପାଢୀଙ୍କୁ ଅବଜ୍ଞା କରାଯାଇଥିଲା। ଏହାର ପ୍ରତିବାଦ ପରେ ବିଜେପି ପ୍ରାର୍ଥୀ ପରିବର୍ତ୍ତନ କରି ସୁରମାଙ୍କ ଉପରେ ଭରସା କରିଛି। ସେହିପରି ପଟାଙ୍ଗୀରେ ମଧ୍ୟ ଦଳ ପ୍ରାର୍ଥୀ ପରିବର୍ତ୍ତନ କରିଛି। ପଟାଙ୍ଗୀରେ ଚୈତନ୍ୟ ହନ୍ତାଳଙ୍କ ସ୍ଥାନରେ ଚୈତନ୍ୟ ନନ୍ଦିବାଲିଙ୍କୁ ଦଳ ପ୍ରାର୍ଥୀ କରିଛି। ତେବେ ରଣପୁର ପଟାଙ୍ଗୀ ପରି ଆଉ କେତେକ ସ୍ଥାନରେ ବିଜେପି ପ୍ରାର୍ଥୀ ପରିବର୍ତ୍ତନ କରିପାରେ ବୋଲି ଜଣାପଡିଛି।
ଭୁବନେଶ୍ବର: ଗତକାଲି ରାତିରେ ଘଟିଥିବା ମର୍ମୁନ୍ତୁଦ ବସ ଦୁର୍ଘଟଣାର ଆହତମାନଙ୍କୁ କଟକ ଏସସିବି ଡାକ୍ତରଖାନାରେ ଭେଟିଛନ୍ତି 5ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ଆଜି ବଡି ସକାଳୁ ସେ ହସପିଟାଲ ଯାଇ ସେଠାରେ ଚିକିତ୍ସା ସୁବିଧା ପଚାରି ବୁଝିଛନ୍ତି। ସେମାନଙ୍କ ଚିକିତ୍ସାରେ ଯେପରି କୌଣସି ଅସୁବିଧା ନ ହୁଏ ସେଥିପାଇଁ ହସପିଟାଲ କର୍ତ୍ତୁପକ୍ଷଙ୍କ ସହିତ ଆଲୋଚନା କରିଛନ୍ତି। ବର୍ତ୍ତମାନ ଏହି ଦୁର୍ଘଟଣାରେ ପାଞ୍ଚ ଜଣଙ୍କ ମୃତ୍ୟୁ ହୋଇଥିବା ବେଳେ 46 ଜଣଙ୍କୁ କଟକରେ ଚିକିତ୍ସା କରାଯାଉଛି। ସେମାନଙ୍କ ମଧ୍ୟରୁ 5 ଜଣ ଯାତ୍ରୀଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ବସଟି ଗତକାଲି ପୁରୀରୁ କୋଲକତା ଅଭିମୁଖେ ଯାତ୍ରା କରୁଥିବା ବେଳେ ଯାଜପୁରସ୍ଥିତ ଧର୍ମଶାଳା ନିକଟରେ ଏକ ବ୍ରିଜ ତଳକୁ ଖସିପଡିଥିଲା।
ଭୁବନେଶ୍ବର: ସୁନ୍ଦରଗଡ ଲୋକସଭାର ବିଜେପି ପ୍ରାର୍ଥୀ ସାଂସଦ ଜୁଏଲ ଓରାମଙ୍କ ବିରୋଧରେ ଅଭିଯୋଗ କରିଛି ବିଜେଡି। ଏକ ପ୍ରତିନିଧି ଦଳ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଏହି ଅଭିଯୋଗ କରାଯାଇଛି। ଏଥିରେ ଜୁଏଲ ନିର୍ବାଚନ ଆଚରଣ ବିଧି ଉଲ୍ଲଂଘନ କରିଛନ୍ତି ବୋଲି ଦଳ ଲିଖିତ ଭାବେ ଜଣାଇଛି। ଏଥିରେ ଅଭିଯୋଗ କରାଯାଇଛି ଯେ, ଜୁଏଲ ଏକ ନିର୍ବାଚନ ପ୍ରଚାର ସଭା କରିବା ପାଇଁ ରାଜଗାଙ୍ଗପୁର ବ୍ଲକ ବାଲିଗଡ ସରକାରୀ କଲ୍ୟାଣ ମଣ୍ଡପ ଭଡା ନେଇଥିଲେ। ଏହାକୁ ସ୍ଥାନୀୟ ଲୋକେ ପ୍ରବଳ ବିରୋଧ କରିଥିଲେ। ହେଲେ ଜୁଏଲ ସ୍ଥାନୀୟ ବିଜେପି ବିଧାୟକ ପ୍ରାର୍ଥୀଙ୍କୁ ସାଙ୍ଗରେ ଧରି ଏକ ଶୋଭାଯାତ୍ରାରେ ସେଠାକୁ ଯାଇଥିଲେ। ହେଲେ ସରକାରୀ କଲ୍ୟାଣ ମଣ୍ଡପରେ ନିର୍ବାଚନ ସଭା କରିବାକୁ ସ୍ଥାନୀୟ ଲୋକେ ବିରୋଧ କରିବାରୁ ସଭା ବାତିଲ କରିଥିଲେ। ତେବେ ଏହା ନିର୍ବାଚନ ଆଚରଣ ବିଧି ଉଲ୍ଲଂଘନ ବୋଲି ବିଜେଡି ଦାବୀ କରିଛି। ଏହା ଉପରେ ପଦକ୍ଷେପ ନେବା…
ଭୁବନେଶ୍ବର: କେନ୍ଦ୍ରାପଡା ଜିଲ୍ଲାର ଆଳି ନିର୍ବାଚନ ମଣ୍ଡଳି ବିଭିନ୍ନ ସମୟରେ ଚର୍ଚ୍ଚାରେ ରହିଥାଏ। କାରଣ ଏହି ନିର୍ବାଚନ ମଣ୍ଡଳିର ବିଧାୟକ ହେଉଛନ୍ତି ବିଜେଡିର ଟାଣୁଆ ନେତା ତଥା ମନ୍ତ୍ରୀ ପ୍ରତାପ ଦେବ। ତେବେ ଏଥର ନିର୍ବାଚନରେ ପ୍ରତାପଙ୍କ ସହିତ ଜଣେ ଯୁବା ପ୍ରାର୍ଥୀ ଲଢେଇ କରିବେ। ସେ ହେଉଛନ୍ତି ଦେବସ୍ମିତା ଶର୍ମା। କଂଗ୍ରେସ ତାଙ୍କୁ ଆଳିରେ ପ୍ରାର୍ଥୀ କରିଛି। ତେବେ ଦେବସ୍ମିତା ହେଉଛନ୍ତି ଆଳିର ପୂର୍ବତନ କଂଗ୍ରେସ ବିଧାୟକ ଦେବେନ୍ଦ୍ର ଶର୍ମାଙ୍କ ଝିଅ। ଦେବେନ୍ଦ୍ର ଶର୍ମା ଏଥର ନିର୍ବାଚନରେ ପ୍ରତିଦ୍ବନ୍ଦିତା କରିବେ ନାହିଁ ବୋଲି ଘୋଷଣା କରିଛନ୍ତି। ତାଙ୍କ ବଦଳରେ ଝିଅ ଦେବସ୍ମିତା ଛିଡା ହେବ ବୋଲି ସେ କଂଗ୍ରେସକୁ ଜଣାଇ ଦେଇଥିଲେ। ସେହି ଅନୁସାରେ ଦଳ ଦେବସ୍ମିତାଙ୍କ ନାମ ଘୋଷଣା କରିଛି। ଦେବେନ୍ଦ୍ର କହିଛନ୍ତି ଯେ ତାଙ୍କର ଦେହ ଭଲ ରହୁ ନ ଥିବାରୁ ସେ ଆଉ ନିର୍ବାଚନରେ ଭାଗ ନେବେ ନାହିଁ। ତେବେ ସେ ନିର୍ବାଚନ ମଣ୍ଡଳି ରାଜନୀତିରେ…
ଭୁବନେଶ୍ବର: ପ୍ରକାଶ ପାଇଛି ଶ୍ରୀମନ୍ଦିରର ନୂଆ ପାଞ୍ଜି। ପଣା ସଂକ୍ରାନ୍ତୀରୁ ଓଡିଆ ନବ ବର୍ଷ ଆରମ୍ଭ ହେଉଥିବାରୁ ଏହି ଦିନ ଶ୍ରୀମନ୍ଦିର ପକ୍ଷରୁ ଏହି ନୂଆ ପାଞ୍ଜି ପ୍ରଚଳନ ହୋଇଛି। ଏହି ପାଞ୍ଜି ଅନୁସାରେ ଶ୍ରୀମନ୍ଦିର ନୀତିକାନ୍ତି କରାଯିବ। ତେବେ ଏଥର ତିଥି କ୍ଷୟ ରହୁଥିବାରୁ କେତେକ ପର୍ବ ପର୍ବାଣୀର ଦିନ କାଣ୍ଟଛାଟ ହୋଇଥିବାର ପରିଲକ୍ଷିତ ହୋଇଛି। ନୂଆ ପାଞ୍ଜି ଅନୁସାରେ ଏଥର କାର୍ତ୍ତିକ ମାସରେ ପଞ୍ଚୁକ ୫ ଦିନ ପରିବର୍ତ୍ତେ ୪ ଦିନ ହେବ। ଫଳରେ ଶ୍ରୀଜିୟୁଙ୍କର ସୁନାବେଶ ଚତୁର୍ଦ୍ଧଶୀରେ କରାଯିବ। ଏଥର ଲକ୍ଷ୍ମୀ ନୃସିଂହ ବେଶ କରାଯାଇପାରିବ ନାହିଁ। ପ୍ରତିବର୍ଷ ପଞ୍ଚୁକ ପାଞ୍ଚ ଦିନ ହେଉଥିବାରୁ ଚତୁର୍ଦ୍ଧଶୀରେ ଲକ୍ଷ୍ମୀ ନୃସିଂହ ବେଶ ଏବଂ ପୂର୍ଣ୍ଣିମାରେ ସୁନାବେଶ ବା ରାଜଧିରାଜ ବେଶ କରାଯାଏ। ହେଲେ ଏଥର କ୍ଷୟ ଥିବାରୁ ଲକ୍ଷ୍ମୀନୃସିଂହ ବେଶ ହୋଇପାରିବ ନାହିଁ। ଚତୁର୍ଦ୍ଧଶୀରେ ପୂର୍ଣ୍ଣିମା ପଡୁଥିବାରୁ ସେହିଦିନ ଶ୍ରୀଜିୟୁଙ୍କର ସିଧା ସୁନାବେଶ କରାଯିବ। ସେହିପରି ରଥଯାତ୍ରା ସମୟରେ…
ଭୁବନେଶ୍ବର: ଯାଜପୁର ଜିଲ୍ଲା ବାରବାଟୀ ଛକ ଅଞ୍ଚଳ ରେ ଏକ ଯାତ୍ରୀ ବାହୀ ବସ ଫ୍ଲାଏ ଓଭର ତଳକୁ ଖସିବା ଘଟଣାରେ 5 ଜଣ ବ୍ୟକ୍ତି ପ୍ରାଣ ହରାଇବା ଖବର ପାଇ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଦୁଃଖ ପ୍ରକାଶ କରିଛନ୍ତି। ଶୋକସନ୍ତପ୍ତ ପରିବାରବର୍ଗକୁ ଗଭୀର ସମବେଦନା ଜଣାଇବା ସହିତ ମୃତ ବ୍ୟକ୍ତିମାନଙ୍କ ନିକଟତମ ଆତ୍ମୀୟଙ୍କ ନିମନ୍ତେ ୩ ଲକ୍ଷ ଟଙ୍କା ଲେଖାଏ ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି। ଏହା ସହିତ ଆହତ ବ୍ୟକ୍ତି ମାନଙ୍କ ପାଇଁ ଉପଯୁକ୍ତ ଚିକିତ୍ସା ବ୍ୟବସ୍ଥା କରିବା ପାଇଁ ମୁଖ୍ୟମନ୍ତ୍ରୀ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ଏବଂ ସେମାନଙ୍କର ଆଶୁ ଆରୋଗ୍ୟ କାମନା କରିଛନ୍ତି।
ଭୁବନେଶ୍ବର: ଆଜି ସଂଧ୍ୟାରେ ଯାଜପୁରର ଧର୍ମଶାଳା ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି। ପୁରୀରୁ କୋଲକତା ଯାଉଥିବା ବସଟି ଏନଏଚ 6 ବାରବାଟୀ ବ୍ରିଜ ନିକଟରେ ନିୟନ୍ତ୍ରଣ ହରାଇ ତଳକୁ ଖସିପଡିଥିଲା।ଫଳରେ ପାଞ୍ଚଜଣଙ୍କର ମୃତ୍ୟୁ ହୋଇଥିବାର ଜଣାପଡିଛି। ଦୁର୍ଘଟଣା ପରେ ସ୍ଥାନୀୟ ଲୋକେ ଏକାଠି ହୋଇ ଉଦ୍ଧାର କାର୍ଯ୍ୟ ଜାରୀ ରଖିଛନ୍ତି। ଆହତମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଗୁରୁତର ଥିବା କେତେକ ଯାତ୍ରୀଙ୍କୁ କଟକ ସ୍ଥାନାନ୍ତରିତ କରାଯାଇଛି। ଘଟଣା ସ୍ଥଳରେ ଏସପି ଏବଂ ଉଦ୍ଧାରକାରୀ ଦଳ ପହଞ୍ଚି କାର୍ଯ୍ୟ ଆରମ୍ଭ କରିଛନ୍ତି। ସେଠାରେ 16ଟି ଆମ୍ବୁଲାନସ ନିୟୋଜିତ କରାଯାଇଥିବା ଜଣାପଡିଛି। ଏଥିସହିତ ଏକ ଡାକ୍ତରୀ ଦଳ ମଧ୍ୟ ଘଟଣାସ୍ଥଳକୁ ଗସ୍ତ କରିଛନ୍ତି। ତେବେ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି ଅନୁମାନ କରାଯାଇଛି। ବସଟିର ନାମ କାଳିଆ ନନା ବୋଲି ଜଣାପଡିଛି।
ନୂଆଦିଲ୍ଲୀ: ଆଜି ବିଜେପିରେ ସାମିଲ ହୋଇଛନ୍ତି ବିଜେଡିର ପୂର୍ବତନ ବରଗଡ ସାଂସଦ ପ୍ରଭାସ ସିଂହ। ସେ ନୂଆଦିଲ୍ଲୀର ବିଜେପି କାର୍ଯ୍ୟାଳୟରେ ବିଧିବଧ ଭାବେ ବିଜେପିରେ ସାମିଲ ହୋଇଛନ୍ତି। କିଛିଦିନ ତଳେ ସେ ବିଜେଡିରୁ ଇସ୍ତଫା ପ୍ରଦାନ କରିଥିଲେ। ସେ 2014ରେ ବରଗଡରୁ ବିଜେଡି ସାଂସଦ ଥିଲେ। ପ୍ରଭାସ ବରଗଡ ଜିଲ୍ଲା ବିଜେଡି ସଭାପତି ମଧ୍ୟ ଥିଲେ। ସେ ଏଥର ଟିକେଟ ପାଇବା ପାଇଁ ଆଶା ରଖିଥିଲେ। ହେଲେ ବିଜେଡି କଂଗ୍ରେସରୁ ଆସି ବିଜେଡିରେ ସାମିଲ ହୋଇଥିବା ପରିଣୀତା ମିଶ୍ରଙ୍କୁ ଟିକେଟ ଦେଇଥିଲା। ଯାହାକୁ ନେଇ ପ୍ରଭାସ ଅସନ୍ତୁଷ୍ଠ ହୋଇଥିଲେ। ସେ ବିଜେପିରେ ମିଶିବା ପରେ କହିଛନ୍ତି ଯେ, ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକଶିତ ଓଡିଶାରେ ନିଜକୁ ସାମିଲ କରିବା ପାଇଁ ବିଜେପିରେ ସାମିଲ ହେଲି। ତେବେ ବିଜେପି ବରଗଡ ପାଇଁ ସାଂସଦ ପ୍ରାର୍ଥୀ ପୂର୍ବରୁ ଘୋଷଣା କରିସାରିଥିବାରୁ ପ୍ରଭାସଙ୍କୁ ଦଳ କଣ କରିବ ସେ ନେଇ ଚର୍ଚ୍ଚା ଚାଲିଛି।
ଭୁବନେଶ୍ୱର: ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ବିଜେଡି ନେତ୍ରୀ ତଥା ପୂର୍ବତନ ରାଜ୍ୟ ମହିଳା କମିଶନ ଅଧ୍ୟକ୍ଷା ଶ୍ରୀମତୀ ଜ୍ୟୋତି ପାଣିଗ୍ରାହି ବିଜେପିରେ ସାମିଲ ହୋଇଛନ୍ତି। ତାଙ୍କ ସହିତ ରାଜ୍ୟ କାଜୁ ନିଗମର ପୂର୍ବତନ ଅଧ୍ୟକ୍ଷ ତଥା ବଲାଙ୍ଗୀରର ବରିଷ୍ଠ ଆଇନଜୀବି ଶ୍ରୀ ସରୋଜ କୁମାର ପାଣିଗ୍ରାହୀ ମଧ୍ୟ ଆନୁଷ୍ଠାନିକ ଭାବେ ବିଜେପିରେ ଯୋଗଦାନ କରିଛନ୍ତି । ସେହିପରି ବିଜେଡି ରାଜ୍ୟ ସମ୍ପାଦକ ଶ୍ରୀ ସରୋଜ କୁମାର ସାହୁ, ନୂଆପଡା ଜିଲ୍ଲା ଯୁବ ବିଜେଡି ସଭାପତି ହରିଶ୍ଚନ୍ଦ୍ର ପଣ୍ଡା ଆଜି ନିଜ ଶତାଧିକ ସମର୍ଥକଙ୍କ ଗହଣରେ ବିଜେଡି ଦଳ ଛାଡି ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଛନ୍ତି । ତାଙ୍କ ସହ ଟେକରାମ ସାହୁ, ଟୁକୁ ସାହୁ, ଡ.ଅଶୋକ ସାହୁ, ଭରତ ପ୍ରଧାନ, ଘନଶ୍ୟାମ ସାହୁ, ଖେଳୱାନ କେଉଟ, ନାରାୟଣ ମାଝୀ, ପିଲାଲାଲ ଜଗତ, କହ୍ନେୟା ଭାଇ, ଶ୍ରୀକାନ୍ତ ପ୍ରଧାନ, ଅନନ୍ତ ସାହୁ, ଦୁଖୁ ଭାଇ, ବୈରାଜ ସାହୁ,…
ଭୁବନେଶ୍ବର: ଶେଷରେ କଂଗ୍ରେସରୁ ବହିସ୍କୃତ ହୋଇଛନ୍ତି ଜଟଣୀ ବିଧାୟକ ସୁରେଶ ରାଉତରାୟ। ଏ ନେଇ ଆଜି ଏଆଇସିସି ତରଫରୁ ସୂଚନା ପ୍ରଦାନ କରାଯାଇଛି। ଏଥିରେ କୁହାଯାଇଛି ଯେ, ଦଳ ବିରୋଧୀ କାର୍ଯ୍ୟ ପାଇଁ ତାଙ୍କୁ ୬ ବର୍ଷ ପାଇଁ ବହିଷ୍କାର କରାଯାଇଛି। ତେବେ ଏହାକୁ ନେଇ ସୁରେଶ ରାଉତରାୟ ଦୁଃଖ ପ୍ରକାଶ କରି ନାହାଁନ୍ତି। ସେ କହିଛନ୍ତି ଯେ, ଦଳର ଏହି ନିଷ୍ପତିକୁ ସ୍ବାଗତ କରୁଛି। ହେଲେ ଦଳ ପାଇଁ ମୁଁ ଯେମିତି କାମ କରୁଥିଲି ସେମିତି କରିବି। ତେବେ ସୁର ରାଉତରାୟଙ୍କୁ ଦଳରୁ ବହିସ୍କାର କରିବାର ମୁଖ୍ୟ କାରଣ ହେଲା ତାଙ୍କ ପୁଅ ମନ୍ମଥଙ୍କ ପାଇଁ ପ୍ରଚାର କରିବା। ପୁଅ ବିଜେଡିରୁ ଭୁବନେଶ୍ବର ଲୋକସଭା ପ୍ରାର୍ଥୀ ହୋଇଥିବାରୁ ତାଙ୍କ ପାଇଁ ସେ ପ୍ରଚାର କରୁଛନ୍ତି। ଏହା ଦଳ ବିରୋଧୀ କାର୍ଯ୍ୟ କହି ଦଳ ବହିସ୍କାର ଆଦେଶ ପଠାଇଛି।