Author: Samikhsya Bureau

ନୂଆଦିଲ୍ଲୀ : ଗତ 24 ଘଣ୍‌ଟାରେ ଦେଶରେ 48 ହଜାର 648ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ 563ଜଣଙ୍କ ମୃତ୍ୟୁ ହୋଇଛି। ଦେଶରେ କରୋନା ମୃତ୍ୟୁସଂଖ୍ୟା 1 ଲକ୍ଷ 21 ହଜାର 90କୁ ବୃଦ୍ଧି ହୋଇଛି । ସେହିପରିମୋଟ୍‌ ଆକ୍ରାନ୍ତଙ୍କ ସଂଖ୍ୟା 80 ଲକ୍ଷ 88 ହଜାର 851କୁ ବୃଦ୍ଧି ହୋଇଛି । ଦେଶରେ ଏବେ ସୁଦ୍ଧା ମୋଟ୍‌ ଆକ୍ଟିଭ୍‌ କେସ୍‌ 5 ଲକ୍ଷ 94 ହଜାର 386 ରହିଥିବାବେଳେ ସୁସ୍ଥଙ୍କସଂଖ୍ୟା 73 ଲକ୍ଷ 73 ହଜାର 375 ରହିଛି । ଆଇସିଏମଆର ସୂଚନା ଅନୁସାରେ ଦେଶରେ ମୋଟ୍‌ 10 କୋଟି 77 ଲକ୍ଷ 28 ହଜାର 088 ନମୁନା ପରୀକ୍ଷଣ ହୋଇଛି । ଦିଲ୍ଲୀରେ କରୋନା ମାମଲାରେ ବୃଦ୍ଧି ଘଟିଛି । ପର୍ବପର୍ବାଣୀ ପାଇଁ ଭିଡ ଓ ବାୟୁର ଗୁଣବତ୍ତା ଖରାପ ହେବା ଯୋଗୁଁ ସେଠାରେ ଶ୍ବାସ ସମ୍ବନ୍ଧୀୟ ରୋଗ ବଢିବାରେ ଲାଗିଛି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ମିଳିଥିବାସୂଚନା…

ନୂଆଦିଲ୍ଲୀ : ଚଳିତ ବର୍ଷ ହାଡଭଙ୍ଗା ଶୀତ ନେଇ ଆଇଏମଡି ପକ୍ଷରୁ ପୂର୍ବାନୂମାନ ଲଗାଯାଇଥିଲା । ଏହା ମଧ୍ୟରେ ଦେଶର ରାଜଧାନୀ ନୂଆଦିଲ୍ଲୀ ତାପମାତ୍ରାରେ ଆଉ ଏକ ରେକର୍ଡ ଭାଙ୍ଗିଛି । ଅକ୍ଟୋବର ମାସର ତାପମାତ୍ରାରେ ଦିଲ୍ଲୀ 26 ବର୍ଷର ରେକର୍ଡ ଭାଙ୍ଗିଛି । 26 ବର୍ଷରେ ପ୍ରଥମ ଥର ଲାଗି ଅକ୍ଟୋବର 29 ତାରିଖରେ ତାପମାତ୍ରା ସର୍ବନିମ୍ନ 12.5 ଡିଗ୍ରୀ ସେଲସିୟସ ରେକର୍ଡ କରାଯାଇଛି ।ଏହା ପୂର୍ବରୁ 1994 ଅକ୍ଟୋବର ମାସରେ ସବୁଠାରୁ କମ ତାପମାତ୍ରା ରେକର୍ଡ କରାଯାଇଥିଲା । ଏହି ସମୟରେ ତାପମାତ୍ରା ସାଧାରଣତଃ 15 ରୁ 16 ଡିଗ୍ରୀ ରହୁଥିବା ବେଳେ ଚଳିତ ବର୍ଷ ତାପମାତ୍ରା ସର୍ବନିମ୍ନ ସ୍ତରକୁ ଛୁଇଁଛି । ଶେଷ ଥରପାଇଁ  31 ଅକ୍ଟୋବର 1994 ମସିହାରେ ଦିଲ୍ଲୀର ତାପମାତ୍ରା 12.3 ଡିଗ୍ରୀ ରହିଥିଲା । ସେହିପରି 1937 ମସିହାରେ ସବୁଠାରୁ କମ 9.3 ଡିଗ୍ରୀର ତାପମାତ୍ରା ରେକର୍ଡ କରାଯାଇଥିବା ନେଇ ଦିଲ୍ଲୀ ପାଣିପାଗ…

କଟକ : କରୋନା ମହାମାରୀକୁ ଦୃଷ୍ଟିରେ ରଖି ଚଳିତ ବର୍ଷ କଟକ ବାଲିଯାତ୍ରା ଉପରେ କଟକଣା ଲାଗିଛି । ସହରରେ କୋଭିଡ୍‌ ସ୍ଥିତି ପାଇଁ ଜିଲ୍ଲା ପ୍ରଶାସନର ନିଷ୍ପତ୍ତି । ଏନେଇ ସୂଚନା ଦେଇଛନ୍ତି କଟକ ଜିଲ୍ଲାପାଳ ଭବାନୀ ଶଙ୍କର ଚୟନି । ସେହିପରି ସାମୂହିକ ଭାବେ ବୋଇତ ବନ୍ଦାଣ ଉତ୍ସବ ପାଳନକୁ ମଧ୍ୟ ବାରଣ କରାଯାଇଛି । ସେହିପରି ଧବଳେଶ୍ବରରେ ବି ବଡଓଷା ପାଳନ ସମ୍ଭବ ନୁହେଁ ବୋଲି ସୂଚନା ଦେଇଛନ୍ତି ଜିଲ୍ଲାପାଳ ।ଭିଡ ଓ ଗହଳିକୁ ଦୃଷ୍ଟିରେ ରଖି ଚଳିତ ବର୍ଷ ବାଲିଯାତ୍ରା ହେବନି ବୋଲି କହିଛନ୍ତି କଟକ ଜିଲ୍ଲାପାଳ । ସୂଚନାଯୋଗ୍ୟ, ଯଦିଓ ରାଜ୍ୟରେ କରୋନା ମାମଲା ହ୍ରାସ ହେଉଛି, କିନ୍ତୁ ପାର୍ବଣକୁ ଦୃଷ୍ଟିରେ ରଖି ଅଧିକ ସତର୍କ ନିଆଯାଉଛି । ଶୀତଋତୁରେ କରୋନା ମାମଲା ବୃଦ୍ଧି ପାଇବାର ସମ୍ଭାବନା ରହିଛି । ଅପରପକ୍ଷରେ ୟୁରୋପ, ଫ୍ରାନ୍ସ ଜର୍ମାନୀ ଆଦି ରାଷ୍ଟ୍ରରେ ଶୀତ ଯୋଗୁଁ କରୋନାର ଦ୍ବିତୀୟ…

ରାଉରକେଲା: ଆପତ୍ତିଜନକ ସାମଗ୍ରୀ ଚାଲାଣ ବେଳେ ରାଉରକେଲାରେ ଉତ୍ତେଜନା ପ୍ରକାଶ ପାଇଛି।ଟାଙ୍ଗରପାଲି ଥାନା ଅନ୍ତର୍ଗତ ହେକେଟ ରୋଡରେ ଆଜି ଭୋର ସମୟରେ ଏକ ସ୍କର୍ପିଓର ନିଆଁ ଲଗାଇ ଦେଇଛନ୍ତି ଦୁର୍ବୃତ୍ତ। ଖବରପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଲିଭାଇଥିଲେ। ତେବେ ଗାଡିଟି ସମ୍ପୂର୍ଣ୍ଣ ଭାବେ ଜଳି ଯାଇଛି। ସ୍କର୍ପିଓରେ ଚାଲାଣ କରୁଥିବା ଜଣେ ମହିଳା ସମେତ ତିନିଜଣଙ୍କୁ ନିସ୍ତୁକ ମାଡ ମଧ୍ୟ ମାରିଥିବାର ଅଭିଯୋଗ ହୋଇଛି । ମିଳିଥିବା ସୂଚନା ଅନୁସାରେ ଟାଙ୍ଗରପାଲି ଥାନା ହେକେଡ୍‌ ରୋଡ୍‌ରେ ସ୍କର୍ପିଓଙ୍କୁ କିଛି ଦୁର୍ବୃତ୍ତ ଜାଳି ଦେଇଛନ୍ତି । ଉକ୍ତ ଗାଡ଼ିରେ ଜଣେ ମହିଳାଙ୍କ ସମେତ ତିନି ଜଣ ଥିଲେ। ଗାଡ଼ିରେ ଆପତ୍ତିଜନକ ସାମଗ୍ରୀ ଥିବା ଜାଣିବା ପରେ 10ରୁ 12 ଜଣ ଯୁବକ ବାଇକ୍‌ରେ ଆସି ବିଭିନ୍ନ ସ୍ଲୋଗାନ ଦେଇ ଗାଡ଼ିରେ ନିଆଁ ଲଗାଇ ଦେଇଥିଲେ। ପୋଲିସ୍‌ ଘଟଣାର ତଦନ୍ତ ଆରମ୍ଭ କରିଛି।

ଅମରାବତୀ:  ଆନ୍ଧ୍ରପ୍ରଦେଶର ପୂର୍ବ ଗୋଦାବରୀଠାରେ ଶୁକ୍ରବାର ସକାଳେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ବିବାହ ଭୋଜିରୁ ଫେରିବା ବେଳେ ଭାରସାମ୍ୟ ହରାଇ ଓଲଟି ପଡ଼ିଲା ଭ୍ୟାନ୍। ବିଳମ୍ୱିତ ରାତିରେ ଏହି ଅଘଟଣ ଘଟିଛି। ଏଥିରେ ଛଅ ଜଣଙ୍କର ମୃତ୍ୟୁ ଘଟିଛି। ଆନ୍ଧ୍ରପ୍ରଦେଶର ଇଷ୍ଟ ଗୋଦାବରୀ ଜିଲ୍ଲାର ଥାନ୍ତିକୋଣ୍ଡାରେ ଏହି ଦୁର୍ଘଟଣା ଘଟିଛି। ମିଳିଥିବା ସୂଚନା ଅନୁସାରେ ବିବାହ ସମାରୋହରେ ସାମିଲ୍‌ ହୋଇ ଶ୍ରୀ ଭେଙ୍କେଟଶ୍ବର ସ୍ବାମୀ ମନ୍ଦିରରୁ ଫେରୁଥିବାବେଳେ ସଡକ ଦୁର୍ଘଟଣାର ଶିକାର ହୋଇଛନ୍ତି । ଭ୍ୟାନରେ ମୋଟ୍ 30 ଜଣ ଯାତ୍ରୀ ଥିଲେ ବୋଲି ଜଣାପଡ଼ିଛି। ଭ୍ୟାନ୍‌ଟି ନିୟନ୍ତ୍ରଣ ହରାଇ ଓଲଟି ପଡିଥିଲା। ଘଟଣାସ୍ଥଲରେ ଉଦ୍ଧାର କାର୍ଯ୍ୟ ଜାରି ରହିଥିବାବେଳେ ସମସ୍ତ ଆହତଙ୍କୁ ରାଜମୁନ୍ଦରୀ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି। (ଏଜେନ୍ସି)

ବାଙ୍ଗିରିପୋଷି: ମହୁମାଛି ଆକ୍ରମଣରେ ଚାରିଜଣ ଗୁରୁତର ହୋଇଛନ୍ତି । ମୟୂରବଞ୍ଜ ଜିଲ୍ଲା ଦୁଆରଶୁଣି ଘାଟିରେ ଏହି ଘଟଣା ଘଟିଛି । ଗୁମ୍ଫା ବୁଲିବାକୁ ଯାଇଥିବା ବେଳେ ମହୁମାଛି ଆକ୍ରମଣର ଶିକାର ହୋଇଛନ୍ତି । ତିନିଜଣଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ଅନ୍ୟ ଜଣଙ୍କୁ ଉଦ୍ଧାର କରିଛନ୍ତି ଅଗ୍ନିଶମ ବାହିନୀ କର୍ମଚାରୀ । ସେମାନଙ୍କର ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଛି।

ନୂଆଦିଲ୍ଲୀ, ସକାଳୁ ଉଠିବା ମାତ୍ରେ ଆମେ ଯାହା ପ୍ରଥମେ ଖୋଜପଛୁ ତାହା ହେଉଛି ଚା। ପ୍ରାୟ ସମସ୍ତଙ୍କର ସକାଳେ ଚା ପିଇବାର ଅଭ୍ୟାସ ଅଛି। ଅନେକ ଲୋକଙ୍କ ଅଭ୍ୟାସ ଏପରି ଯେ ସେମାନେ ଯଦି ସକାଳେ ଏକ କପ୍ ଚା ପିଉ ନାହାଁନ୍ତି, ତେବେ ଦିନସାରା ସେମାନଙ୍କ ମୁଣ୍ଡ ବିନ୍ଧା ହୁଏ। କିନ୍ତୁ ଆପଣ ଜାଣନ୍ତି କି ସକାଳେ ଖାଲି ପେଟରେ ଚା ପିଇବା ଆପଣଙ୍କ ସ୍ୱାସ୍ଥ୍ୟ ପାଇଁ କେତେ କ୍ଷତି କାରକ। ଜାଣନ୍ତୁ ତାହା କଣ 1-ଚା’ରେ ପ୍ରଚୁର ନିକୋଟିନ୍ ଥାଏ, ଯାହା ନିଦ ଆସିବାରେ ସମସ୍ୟା ସୃଷ୍ଟି କରେ। ଏହା ସ୍ୱାସ୍ଥ୍ୟ ପାଇଁ ମଧ୍ୟ ବହୁତ କ୍ଷତି କାରକ। 2-ଚା’ରେ ଅଧିକ ପରିମାଣର ନିକୋଟିନ୍ ଥିବାରୁ ଏହାକୁ ଖାଲି ପେଟରେ ପିଇବା ଦ୍ୱାରା ପେଟରେ ଅଲସର ପରି ବେମାର ସୃଷ୍ଟି ହୋଇପାରେ। 3-ଯଦି ଆପଣ ସକାଳେ ଖାଲି ପେଟରେ ଚା ପିଅନ୍ତି, ତେବେ ଏହା ଅମ୍ଳତା ଏବଂ ଶରୀରେ…

ନୂଆଦିଲ୍ଲୀ, ଆଜି ଚାରୋଟି ରାଶି ଉପରେ ପ୍ରଭୃ ବିଷ୍ଣୁଦେବଙ୍କର ଆର୍ଶିବାଦ ଯୋଗ ରହିଛି। ଏହି ରାଶିର ବ୍ୟକ୍ତିମାନେ ସେମାନଙ୍କର ଦିନଟି ବେସ୍ ସୁଖମୟ ହେବା ସହିତ ହଠାତ ଧନ ପ୍ରାପ୍ତିର ସମ୍ଭାବନା ଯୋଗ ରହିଛି। ଏହି ରାଶିର ବ୍ୟକ୍ତିମାନଙ୍କର ଭାଗ୍ୟ ବେଶ୍ ମଜବୁତ ରହିବ। ସବୁକ୍ଷେତ୍ରରେ ଚାହିଁବା ମୁତାବିକ ସଫଳତା ହାସଲ କରିବେ। ଗଣନା ଅନୁସାରେ ଏହି ଯୋଗ ରହିଥିବାର ଜଣାପଡିଛି। ବହୁଦିନର ସଂପତ୍ତି ବିବାଦର ସମାଧାନ ହେବାର ଲକ୍ଷଣ ମଧ୍ୟ ପ୍ରକାଶ ପାଇଛି। ଏହି ଚାରୋଟି ରାଶି ଉପରେ ଶନିଦେବଙ୍କର ମଧ୍ୟ ଶୁଭଦୃଷ୍ଟି ରହିଛି। ଆପଣ ଅଚାନକ ଏକ ସଫଳତା ହାସଲ କରିବେ। ପିଲାମାନଙ୍କର ଏକ ସଫଳତାର ଏକ ବଡ ଖବର ଶୁଣିବାକୁ ମିଳିବ। ଯାହାକୁ ନେଇ ଆପଣ ସମାଜରେ ଗର୍ବ କରିବେ। ଫଳରେ ଆପଣଙ୍କର ସମାଜରେ ଏକ ପ୍ରତିଷ୍ଠା ମିଳିବ। ବିଷ୍ଣୁଦେବଙ୍କ ଆର୍ଶିବାଦରେ ଆପଣଙ୍କର କ୍ୟାରିୟରରେ ମଧ୍ୟ ଏକ ବଡ ସଫଳତା ମିଳିବାର ଯୋଗ ରହିଛି। ସମାଜର ଅନୁଭବି…

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଚଳିତବର୍ଷ କୋଭିଡ଼୍ କଟକଣା ହେତୁ ସାରା ରାଜ୍ୟରେ ଅକ୍ଟୋବର ୨୯ରେ ପାଳନ ହେଉଥିବା ପ୍ରାକୃତିକ ବପର୍ଯ୍ୟୟ ପ୍ରଶମନ ଦିବସ ଆଜି ଭି.ସି. ମାଧ୍ୟମରେ ଅନୁଷ୍ଠିତ ହୋଇଛି। ଓସଡ଼ମାର ପରିଚାଳନା ନିର୍ଦ୍ଦେଶକ ତଥା ରାଜ୍ୟ ରିଲିଫ୍ କମିଶନର ପ୍ରଦୀପ କୁମାର ଜେନା ରାଜ୍ୟର ସମସ୍ତ ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ବିଡ଼ିଓମାନଙ୍କୁ ଜାତୀୟ ବିପର୍ଯ୍ୟୟ ପ୍ରଶମନ ଦିବସ ପାଳନର ତାତ୍ପର୍ଯ୍ୟ ସପଂର୍କରେ ଅବଗତ କରାଇଥିଲେ। ଗଂଜାମ ଜିଲ୍ଲାରେ ଅତିରିକ୍ତ ଜିଲ୍ଲାପାଳ ଅମୀୟ କୁମାର ସାହୁ ଏଥିରେ ଅଂଶଗ୍ରହଣ କରିଥିଲେ। ଗଂଜାମ ଜିଲ୍ଲା ପ୍ରାକୃତିକ ବପର୍ଯ୍ୟୟକୁ ସଠିକ୍ ରୂପେ ପରିଚାଳନା କରୁଥିବାରୁ ଗଂଜାମ ଜିଲ୍ଲାପାଳଙ୍କୁ ପ୍ରଶଂସା କରାଯାଇଥିଲା। ଗଂଜାମ ଜିଲ୍ଲାରେ ୧୯୯୦, ୧୯୯୫, ୨୦୦୩, ୨୦୦୬, ୨୦୦୭, ୨୦୦୮, ୨୦୦୯ ମସିହାରେ ହୋଇଥିବା ବନ୍ୟା, ୧୯୯୬, ୨୦୦୨, ୨୦୦୯, ୨୦୧୧, ୨୦୧୫ ମସିହାରେ ଅନାବୃଷ୍ଟି ମରୁଡ଼ି, ୧୯୯୯ ମହାବାତ୍ୟା, ୨୦୧୦ ଘୂର୍ଣ୍ଣିବାତ୍ୟା, ୨୦୧୨ ବନ୍ୟା, ୨୦୧୩ରେ ଫାଇଲିନ୍‌, ୨୦୧୪ରେ ହୁଡ଼୍‌ହୁଡ଼୍‌,…

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଚଳିତବର୍ଷର ଆଇପିଏଲ୍ ନିଜର ଶେଷ ପର୍ଯ୍ୟାୟରେ ପହଞ୍ଚିଥିବାବେଳେ ଆଇପିଏଲ୍ ବେଟିଂ ମଧ୍ୟ ଆଶାତୀତ ଭାବେ ବୃଦ୍ଧି ପାଉଛି। କୋଟି କୋଟି ଟଙ୍କାର କାରବାରରେ କିଛିବ୍ୟକ୍ତି ମଧ୍ୟସ୍ଥି ସାଜି ନିଜକୁ କୋଟିପତି କରୁଥିବାବେଳେ ନିରୀହ ଛାତ୍ର, ଯୁବକ ଟଙ୍କା ହାରି ସ୍ୱର୍ବସ୍ୱାନ୍ତ ହୋଇ ଆତ୍ମହତ୍ୟା କରିବାକୁ ବାଧ୍ୟ ହେଉଛନ୍ତି। ବ୍ରହ୍ମପୁର ସହରରେ ଗତ କିଛିଦିନ ହେଲା ଆଇପିଏଲ୍ ବେଟିଂ ଆଶାତୀତ ଭାବେ ବୃଦ୍ଧି ପାଇବାକୁ ଲାଗିଥିଲା। ଏନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ବ୍ରହ୍ମପୁର ଏସ୍‌ପି ପିନାକ ମିଶ୍ର ତତ୍ପର ହୋଇ ଖୋଦ୍ ନିଜେ ଏହି ମାମଲାରେ ଅନୁସନ୍ଧାନ ଜାରି ରଖିଛନ୍ତି। ତେବେ ଦକ୍ଷିଣ ଓଡ଼ିଶା ତଥା ରାଜ୍ୟର ସବୁଠାରୁ ବଡ଼ ତଥା ଆଇପିଏଲ୍ ବେଟିଂର ବେତାଜ ବାଦଶାହା ବ୍ରହ୍ମପୁର ଅଂଚଳ ଜନୈକ କିଙ୍ଗପିନ୍‌କୁ ବ୍ରହ୍ମପୁର ପୋଲିସ୍ ଅଟକ ରଖିଥିବା ଜଣାପଡ଼ିଛି। କିଙ୍ଗପନ ସହ ତା’ର ୪ ରୁ ୫ ସହଯୋଗୀକୁ ପୋଲିସ୍ ଅଟକ…

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଆଜି ଗଂଜାମ ଜିଲ୍ଲାରେ ୨୦ ଜଣ ନୂତନ ସଂକ୍ରମିତ ଚିହ୍ନଟ ହୋଇଥିବାବେଳେ ୨୦ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଗତକାଲି ୩୬୫୩ ଟି ସ୍ୱାବ୍ ପରୀକ୍ଷା ହୋଇଥିବାବେଳେ ସମୁଦାୟ ସ୍ୱାବ୍ ପରୀକ୍ଷା ସଂଖ୍ୟା ୫୩୬୧୧୪ରେ ପହଞ୍ଚିଛି। ସୁସ୍ଥ ହାର ୯୮.୧ ପ୍ରତିଶତ ରହିଛି। ୧୭ ଜଣ ସ୍ଥାନୀୟ ଏବଂ ୩ ଜଣ କରୋନା ଯୋଦ୍ଧା ଆଜି ଚିହ୍ନଟ ହୋଇଛନ୍ତି। ବ୍ରହ୍ମପୁର ମହାନଗର ନିଗମ ଅଂଚଳରେ ସର୍ବାଧିକ ୯ ଜଣ ସ୍ଥାନୀୟ ସଂକ୍ରମିତ ଏବଂ ଜଣେ କରୋନା ଯୋଦ୍ଧା ଅଛନ୍ତି। ବେଗୁନିଆପଡ଼ା ବ୍ଲକ୍‌ରେ ୨, ଭଂଜନଗର, ଗଂଜାମ, ହିଂଜିଳିକାଟୁ, ପୋଲସରା ବ୍ଲକ୍‌ରୁ ଜଣେ ଲେଖାଏଁ ଚିହ୍ନଟ ହୋଇଥିବାବେଳେ ଅନ୍ୟାନ୍ୟ ସ୍ଥାନର ୨ ଜଣ ଚିହ୍ନଟ ହୋଇଛନ୍ତି।

ହେମାଙ୍ଗ ପ୍ରସାଦ ରାଉଳ ବ୍ରହ୍ମପୁର: ଗଂଜାମର ପ୍ରସିଦ୍ଧ ପର୍ବ କୁମାର ପୂର୍ଣ୍ଣିମୀ ଯେତେ ପାଖେଇ ଆସୁଛି ଜୁଆଖେଳର ମାତ୍ରା ସେତେ ଅଧିକ ଦେଖିବାକୁ ମିଳିଛି। ବ୍ରହ୍ମପୁର ପୋଲିସ୍ ଏବଂ ଗଂଜାମ ପୋଲିସ୍ ପକ୍ଷରୁ ଜୁଆଆଡ୍ଡା ଚଢ଼ାଉକୁ ବ୍ୟାପକ କରିଥିବା ଦେଖିବାକୁ ମିଳିଛି। ଗତ ୨୪ ଘଣ୍ଟା ମଧ୍ୟରେ ଗଂଜାମ ପୋଲିସ୍ ପକ୍ଷରୁ ବିଭିନ୍ନ ଗ୍ରାମରେ ୧୨ଟି ଜୁଆଆଡ୍ଡା ଚଢ଼ାଉ ହୋଇ ୬୩ ଜଣକୁ ଗିରଫ କରାଯାଇଥିବାବେଳେ ୧ଲକ୍ଷ ୪୮ହଜାର ୭୮୦ ଟଙ୍କା ଜବତ ହୋଇଛି। ସେହିପରି ୮ଟି ଅବକାରୀ ଚଢ଼ାଉ ହୋଇ ୮ ଜଣକୁ ଗିରଫ କରିବା ସହ ୨୮୯.୯ ଲିଟର ମଦ ଜବତ ହୋଇଛି। ସେହିପରି ବ୍ରହ୍ମପୁର ପୋଲିସ୍ ପକ୍ଷରୁ ଗତ ୨୪ ଘଣ୍ଟା ମଧ୍ୟରେ ୪ଟି ଜୁଆଆଡ୍ଡା ଚଢ଼ାଉ ହୋଇ ୨୫ ଜଣକୁ ଗିରଫ କରାଯାଇଥିବାବେଳେ ୩ଟି ଅବକାରୀ ଚଢ଼ାଉ କରାଯାଇ ୩ ଜଣ ଗିରଫ ସହ ୫୭ ଲିଟର ମଦ ଜବତ ହୋଇଛି। ଆଗକୁ ମଧ୍ୟ ଏହି…

ରମେଶ ମହାନ୍ତି ଜଗତସିଂହପୁର: ପ୍ରଳୟଙ୍କରୀ ୧୯୯୯ ମହାବାତ୍ୟାକୁ ଆଜି ୨୧ ବର୍ଷ ପୁରଣ ହୋଇଛି। ପ୍ରକୃତିର ଏହି କରାଳ କାଳରେ ସଂମ୍ପୂର୍ଣ୍ଣ ଧ୍ୱଂସ ହୋଇଯାଇଥିବା ଜିଲ୍ଲାରେ ସର୍ବାଧିକ ଲୋକ ମୃତ୍ୟୁ ମୁଖରେ ପଡିଥିବା ବେଳେ ପ୍ରାୟ ୩ଲକ୍ଷ ବାସଗୃହ ସଂମ୍ପୁର୍ଣ୍ଣ ନଷ୍ଟଭ୍ରଷ୍ଟ ହୋଇଯାଇଥିଲା। ଦୁଇ ଦଶନ୍ଧିରୁ ଅଧିକ ସମୟ ଅତିକ୍ରାନ୍ତ ହୋଇସାରିଥିଲେ ମଧ୍ୟ ଏବେବି ତାହା ଲୋକଙ୍କ ହୃଦୟରେ ଭୟର ବାତାବରଣ ସୃଷ୍ଟି କରିଥାଏ। ଏହି ମହାବାତ୍ୟାର ବାର୍ଷିକୀ ଉପଲକ୍ଷେ କରୋନା ପରିସ୍ଥିତି ଯୋଗୁଁ ସରକାରଙ୍କ ନିର୍ଦ୍ଦେଶାନୁସାରେ ଜିଲ୍ଲାରେ କୌଣସି କାର୍ଯ୍ୟକ୍ରମ କରାଯାଇନଥିଲେ ମଧ୍ୟ ଏହି ମହାବାତ୍ୟାରେ ମୃତ୍ୟୁ ବରଣ କରିଥିବା ଜିଲ୍ଲାବାସୀଙ୍କ ଆତ୍ମାର ସଦଗତି ନିମନ୍ତେ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଥିବା ସ୍ମୃତି ସ୍ତମ୍ବରେ ପ୍ରଦୀପ ଉଜ୍ୱଳନ କରାଯାଇ ଜିଲ୍ଲା ପ୍ରଶାସନ ତରଫରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ଏଥିରେ ଜିଲ୍ଲାପାଳ ସରୋଜ କୁମାର ମିଶ୍ରଙ୍କ ସହିତ ଅତିରିକ୍ତ ଜିଲ୍ଲାପାଳ ଚିନ୍ମୟୀ ବିଶ୍ୱାଳ, ପ୍ରକଳ୍ପ ନିର୍ଦ୍ଦେଶକ ସରୋଜ କାନ୍ତ ମହାନ୍ତି, ଉପଜିଲ୍ଲାପାଳ…

ଭୁବନେଶ୍ବର: ଆଜି ରାଜ୍ୟରୁ ୧ ହଜାର ୯୦୮ ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଖୋର୍ଦ୍ଧାରୁ ସର୍ବଧିକ ୨୨୨ ଜଣ ସୁସ୍ଥ ହୋଇଥିବା ବେଳେ ସୁନ୍ଦରଗଡରୁ ୧୭୦, ଅନୁଗୁଳରୁ ୧୨୬, କେନ୍ଦ୍ରାପଡାରୁ ୧୦୨, କଟକରୁ ୧୦୦, ବଲାଙ୍ଗୀରିରୁ ୯୬, ବାଲେଶ୍ବରରୁ ୮୯, ମୟୂରଭଞ୍ଜରୁ ୮୦, କଳାହାଣ୍ଡିରୁ ୭୬, ଜଗତସିଂହପୁରରୁ ୭୩, ନୂଆପଡ଼ାରୁ ୬୮, ଝାରସୁଗୁଡାରୁ ୫୫, ଢେଙ୍କାନାଳରୁ ୪୯, ଯାଜପୁରରୁ ୪୮, ପୁରୀରୁ ୪୭, ନବରଙ୍ଗପୁରରୁ ୪୫, ସମ୍ବଲପୁରରୁ ୪୫, କନ୍ଧମାଳରୁ ୪୨, କେନ୍ଦୁଝରରୁ ୪୨, ବରଗଡରୁ ୩୭, ସୋନପୁରରୁ ୩୭, ମାଲକାନଗିରିରୁ ୩୫, ରାୟଗଡରୁ ୩୪, କୋରାପୁଟରୁ ୩୩, ବୌଦ୍ଧରୁ ୩୨, ନୟାଗଡରୁ ୩୦, ଭଦ୍ରକରୁ ୨୫, ଗଞ୍ଜାମରୁ ୨୦, ଗଜପତିରୁ ୫, ଦେବଗଡରୁ ୪ ଏବଂ ଷ୍ଟେଟ ପୁଲରୁ ୪୧ ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ…

ଭୁବନେଶ୍ୱର : ରାଜ୍ୟରେ ବାଲେଶ୍ୱର ସଦର ଓ ତିର୍ତ୍ତୋଲ ଉପନିର୍ବାଚନ ଚଳଚଞ୍ଚଳ ହୋଇପଡିଛି ରାଜନୀତି । ଏହାରି ମଧ୍ୟରେ ଆଜି ବାଲେଶ୍ୱର ସଦର ପାଇଁ ପ୍ରଚାର କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ବାଲେଶ୍ୱରବାସୀଙ୍କ ପାଇଁ ନବୀନ ନିବାସରୁ ଡିଜିଟାଲ ପ୍ରଚାର କରିଛନ୍ତି ବିଜେଡି ସୁପ୍ରିମୋ । ବାଲେଶ୍ବର ବିକାଶ କଥା ସେ ନିଜେ ବୁଝିବେ ବୋଲି କହିଛନ୍ତି । ବାଲେଶ୍ବର ବିକାଶକୁ ପରବର୍ତ୍ତୀ ସ୍ତରକୁ ନିଆଯିବ, ସ୍ବତନ୍ତ୍ର ଧ୍ୟାନ ଦିଆଯିବ ବୋଲି କହିଛନ୍ତି ନବୀନ । ଏହା ସହ ନବୀନ କହିଛନ୍ତି ଯେ, ‘ ବାଲେଶ୍ୱର ଯାଇଥିଲେ ବହୁତ ଜନସମାଗମ ହୋଇଥାନ୍ତା । କାହାର ଜୀବନକୁ ବିପଦରେ ପକାଇବାକୁ ଚାହାନ୍ତିନି ବୋଲି କହିଛନ୍ତି ନବୀନ । କରୋନାକୁ ଦୃଷ୍ଟିରେ ରଖି ସେ ବାଲେଶ୍ବର ଯାଇନଥିବା କଥା କହିଛନ୍ତି । କୋଭିଡ୍‌ ସ୍ଥିତି ସ୍ବାଭାବିକ ହେବା ପରେ ସେ ବାଲେଶ୍ବର ଯିବେ ବୋଲି କହିଛନ୍ତି ।  ଏହି ଅବସରରେ ମହାବାତ୍ୟାକୁ…

ଭୁବନେଶ୍ବର : ଆଜି ରାଜଧାନୀ ଭୁବନେଶ୍ବରରୁ 93 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂତନ 88 କରୋନା ଆକ୍ରାନ୍ତଙ୍କ ମଧ୍ୟରେ 21 ଜଣ କ୍ବାରେଣ୍ଟାଇନ୍‌ରୁ ଚିହ୍ନଟ ହୋଇଥିବାବେଳେ 72 ଜଣ ଲୋକାଲ କଣ୍ଟାକ୍ଟ କେସ୍‌ ବୋଲି ବିଏମ୍‌ସି ଟୁଇଟ୍‌ ଯୋଗେ ସୂଚନା ଦେଇଛି। https://twitter.com/bmcbbsr/status/1321763836160999427?s=20 ସେହିପରି ଆଜି 254 ଜଣ ସୁସ୍ଥ ହୋଇଛନ୍ତି । ନୂତନ 93 ଆକ୍ରାନ୍ତଙ୍କୁ ମିଶାଇ ରାଜଧାନୀ ଭୁବନେଶ୍ବରରେ ମୋଟ ସଂକ୍ରମିତଙ୍କ ସଂଖ୍ୟା 28 ହଜାର 985ରେ ପହଞ୍ଚିଛି । ସେହିପରି ଏବେ ସୁଦ୍ଧା 27 ହଜାର 80ଜଣ ସୁସ୍ଥ ହୋଇଥିବାବେଳେ 162ଜଣଙ୍କର ମୃତ୍ୟୁ ହୋଇଛି । ଭୁବନେଶ୍ବର ମହାନଗରରେ ଏବେବି 1 ହଜାର 722ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।

ଭୁବନେଶ୍ୱର:  କାର୍ତ୍ତିକ ମାସ ପାଇଁ ହବିଷ୍ୟାଳୀଙ୍କ ପାଇଁ ଲାଗୁ ହେଲା କଟକଣା ।ଜିଲ୍ଲା ପ୍ରଶାସନ ପକ୍ଷରୁ ଏହି କଟକଣା ଜାରି ହୋଇଛି । ଯଥା ସମ୍ଭବ ହବିଷ୍ୟାଳୀ ଘରୁ ବାହାରନ୍ତୁ ନାହିଁ ବୋଲି କୁହାଯାଇଛି । କାର୍ତ୍ତିକ ମାସ ପାଇଁ ହବିଷ୍ୟାଳୀଙ୍କ ପାଇଁ ଲାଗୁ ହେଲା କଟକଣା । ଜିଲ୍ଲା ପ୍ରଶାସନ ପକ୍ଷରୁ ଏହି କଟକଣା ଜାରି ହୋଇଛି । ଯଥା ସମ୍ଭବ ହବିଷ୍ୟାଳୀ ଘରୁ ବାହାରନ୍ତୁ ନାହିଁ ବୋଲି କୁହାଯାଇଛି । କଟକଣା ଅନୁସାରେ, ଅତିଆବଶ୍ୟକ ନହେଲେ କାର୍ତ୍ତିକ ବ୍ରତ ପାଇଁ ପୁରୀ ଆସନ୍ତୁ ନାହିଁ । ହବିଷ୍ୟାଳୀଙ୍କୁ ନଆସିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଛି । ଯିଏ ଆସୁଛନ୍ତି ସାମାଜିକ ଦୂରତା ରକ୍ଷା କରିବାକୁ ପରାମର୍ଶ ଦିଆଯାଉଛି। ଚଳିତ ବର୍ଷ ପୁରୀରେ ହବିଷ୍ୟାଳି ଶିବିର ନ କରିବାକୁ ପ୍ରଶାସନ ନିଷ୍ପତ୍ତି। କୋଭିଡ ପାଇଁ ହବିଷ୍ୟାଳିଙ୍କୁ ପୁରୀ ନ ଆସିବାକୁ ମଧ୍ୟ ବାରଣ କରାଯାଇଛି।ପ୍ରଶାସନ ନିଷ୍ପତ୍ତି ନେଇ…

ଭୁବନେଶ୍ୱର : ଯୋଡି ହେଲା ୯ ବର୍ଷର ବାଳକର କଟି ଯାଇଥିବା ଅଙ୍ଗୁଳି । ସମ୍ ହସ୍ପିଟାଲ୍ ଡାକ୍ତରଙ୍କର ସଫଳ ଅସ୍ତ୍ରୋପଚାର ଯୋଗୁଁ ନିଜ ଅଙ୍ଗୁଳିଟିକୁ ଫେରିପାଇଲା ବାଙ୍କି ଡମ୍ପଡା ଅଂଚଳର ରାମଚନ୍ଦ୍ର ବେହେରାଙ୍କ ୯ ବର୍ଷର ପୁଅ ରିତିସ ରଞ୍ଜନ ବେହେରା। ଶିକ୍ଷା ଓ ଅନୁସନ୍ଧାନ (ଡିମ୍ଡ ଟୁ ବି ୟୁନିଭର୍ସିଟି) ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ ବର୍ଣ୍ଣସ୍, ପ୍ଲାଷ୍ଟିକ୍ ଓ କସ୍ମେଟିକ୍ ସର୍ଜରୀ ବିଭାଗର ସର୍ଜନ ଡାକ୍ତର ସୁଶାନ୍ତ କୁମାର ମିଶ୍ରଙ୍କ ସଫଳ ଅସ୍ତ୍ରୋପଚାର ଯୋଗୁଁ ରିତିସର କଟା ଆଙ୍ଗୁଠି ଯୋଡି ହୋଇପାରିଛି । ଗତ ଅଗଷ୍ଟ ୩୧ ତାରିଖ ଦିନ ନିଜ ଘରର ଲୁହା ଗେଟଟିକୁ ବନ୍ଦ କରୁଥିବା ସମୟରେ ହଠାତ୍ ଗେଟ ଫାଙ୍କରେ ଡାହାଣ ହାତର ବିଶି ଆଙ୍ଗୁଠିଟି ପଶିଯାଇ ପାପୁଲିରୁ ସମ୍ପୁର୍ଣ୍ଣ ଅଲଗା ହୋଇଯାଇଥିଲା । ବାପା ରାମଚନ୍ଦ୍ର ବେହେରା ସଂଗେ ସଂଗେ କଷ୍ଟରେ ଜର୍ଜରିତ ଥିବା ପୁଅ…

ମୁଙ୍ଗେର: ଦୁର୍ଗାପୂଜା ଭସାଣ ବେଳେ ବିହାର ମୁଙ୍ଗେର ଗୁଳିକାଣ୍ଡ ଘଟଣାକୁ ନେଇ ପରିସ୍ଥିତି ଅଶାନ୍ତ ହୋଇପଡିଛି । ଏହି ଗୁଳିକାଣ୍ଡରେ ଜଣଙ୍କର ମୃତ୍ୟୁ ହୋଇଥିଲା । ଏହି ଘଟଣାକୁ ତିନି ଦିନ ବିତି ଯାଇଥିଲେ ମଧ୍ୟ ଉତ୍ତେଜନା କମି ନାହିଁ । ଏହି ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି ଭାରତୀୟ ନିର୍ବାଚନ କମିଶନ । ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ ମୁଙ୍ଗେର ଜିଲ୍ଲାର ଏସପି ଲିପି ସିଂହ ଓ ଜିଲ୍ଲା ମାଜିଷ୍ଟ୍ରେଟ ରାଜେଶ ମୀନାଙ୍କୁ ପଦରୁ ହଟାଇ ଦିଆଯାଇଛି। ଏଥିସହ ପୂରା ଘଟଣାର ତଦନ୍ତ କରିବାକୁ ମଗଧ ଡିଭିଜନାଲ କମିଶନର ଅସଙ୍ଗବା ଚୁବା ଆଓ ନିର୍ଦ୍ଦେଶ ଦେଇଛନ୍ତି। ତଦନ୍ତ କାର୍ଯ୍ୟକୁ ସାତ ଦିନ ମଧ୍ୟରେ ସାରି ରିପୋର୍ଟ ଦେବାକୁ କୁହାଯାଇଛି। ଡିଏମ ଓ ଏସପି ଏବେ ମୁଙ୍ଗେର ଜିଲ୍ଲାରେ ନଥିବାରୁ ତୁରନ୍ତ ଏହି ପଦକୁ ପୂରଣ କରିବାକୁ ମଧ୍ୟ ନିର୍ଦ୍ଦେଶ ମିଳିଛି। ଏହି ଗୁଳିକାଣ୍ଡକୁ ନେଇ ଶାସନ ଏନ୍‌ଡିଏକୁ ଟାର୍ଗେଟ୍‌ କରିଥିଲେ…

ନୂଆଦିଲ୍ଲୀ : ପ୍ରଦୂଷଣ ରୋକିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ବଡ ପଦକ୍ଷେପ ଗ୍ରହଣ କରାଯାଇଛି । ଦିଲ୍ଲୀ-ଏନସିଆର ଅଞ୍ଚଳରେ ପ୍ରଦୂଷଣ ନିୟମ ଉଲ୍ଲଂଘନ କଲେ ଏଣିକି 1 କୋଟିର ଅର୍ଥ ଦଣ୍ଡ ସହିତ 5 ବର୍ଷର କାରାଦଣ୍ଡ ପ୍ରଦାନ କରାଯିବ । ଏ ନେଇ କେନ୍ଦ୍ର ସରକାରଙ୍କ ପକ୍ଷରୁ ଏକ ଅଧ୍ୟାଦେଶ ଜାରି କରାଯାଇଛି । ରାଷ୍ଟ୍ରପତିଙ୍କ ମୋହର ବାଜିବା ପରେ ଆଜିଠାରୁ ଏହି ଆଇନ କଡାକଡି ଭାବରେ ପାଳନ କରାଯିବ । କେନ୍ଦ୍ର ସରକାର ଅଧ୍ୟାଦେଶ ଜରିଆରେ ଦିଲ୍ଲୀ-ଏନସିଆର ଅଞ୍ଚଳରେ ପ୍ରଦୂଷଣ ରୋକିବାକୁ ନୂଆ ଆଇନ ଆଣିଛନ୍ତି। କେବଳ ଦିଲ୍ଲୀ-ଏନସିଆର ନୁହେଁ, ଏହାର ଆଖପାଖ ଅଞ୍ଚଳରେ ମଧ୍ୟ ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ସରକାର ଏହି ଅଧ୍ୟାଦେଶ ଆଣିଛନ୍ତି। ତତ୍କାଳ ଭାବେ ଏହି ଆଇନକୁ କାର୍ଯ୍ୟକାରୀ କରାଯିବ। ଦିଲ୍ଲୀ ଏନସିଆର ସମେତ ହରିୟାଣା, ପଞ୍ଜାବ, ଉତ୍ତର ପ୍ରଦେଶ ଏବଂ ରାଜସ୍ଥାନରେ ଏହି ନିୟମ କଡାକଡି ଭାବରେ ଲାଗୁ କରାଯିବ…

ପ୍ୟାରିସ୍ : ଫ୍ରାନ୍ସରେ ଇସଲାମ ମୌଳବାଦୀଙ୍କ ତାଣ୍ଡବ ଦିନକୁ ଦିନ ବଢିବାରେ ଲାଗିଛି । ଗୁରୁବାର ଏକ ଚର୍ଚ୍ଚ ବାହାରେ ଜଣେ ମହିଳାଙ୍କ ସମେତ 3 ଜଣଙ୍କୁ ହତ୍ୟା କରାଯାଇଛି । ଇସଲାମ ବିରୋଧୀ କାର୍ଟୁନ ସେୟାର କରିବା କାରଣରୁ ମହିଳାଙ୍କ ବେକ କାଟି ଦିଆଯାଇଥିବା ଜଣାପଡିଛି । ନାଇସ ସହରର ନଟ୍ରେ ଡାମ ଚର୍ଚ୍ଚ ବାହାରେ ଏହି ଘଟଣା ଘଟିଥିଲା । ଏହି ଆକ୍ରମଣ ପରେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି ।ଅଭିଯୁକ୍ତ ଜଣକ ଏକ ଧାରୁଆ ଛୁରୀରେ ଆକ୍ରମଣ କରିବାରୁ ମହିଳାଙ୍କ ସମେତ ତିନି ଜଣଙ୍କର ପ୍ରାଣହାନି ଘଟିଥିଲା । ନାଇସ ସହରର ମେୟର ଏହି ଘଟଣାକୁ ଆତଙ୍କବାଦ ସହିତ ତୁଳନା କରିଥିବା ବେଳେ ଉଦ୍ଧାର କାର୍ଯ୍ୟ ପାଇଁ ସ୍ଥାନୀୟ ପୋଲିସ ଏବଂ ଦମକଳ ବାହିନୀ ମୁତୟନ କରାଯାଇଛି । ନିକଟରେ ମହମ୍ମଦଙ୍କ କାର୍ଟୁନ ଦେଖାଇଥିବା କାରଣରୁ ଜଣେ ଶିକ୍ଷକଙ୍କୁ ହତ୍ୟା କରାଯାଇଥିବା ବେଳେ ଏହି ଘଟଣାକୁ ନେଇ…