ମୁମ୍ବାଇର ଜୁହୁରେ ଅଭିନେତ୍ରୀ ସାଇ ମଞ୍ଜ୍ରେକର
Author: Samikhsya Bureau
ମୁମ୍ବାଇର ଜୁହୁର ଏକ ସାଲୋନ୍ରେ ଅଭିନେତ୍ରୀ ରିଦ୍ଧିମା ପଣ୍ଡିତ
ସମୀକ୍ଷା ବ୍ୟୁରୋ ଭୁବନେଶ୍ବର : ଭୁବନେଶ୍ୱର ସହର ଉପକଣ୍ଠ କଳାରାହାଙ୍ଗ ଗ୍ରାମପଞ୍ଚାୟତର ଇଞ୍ଜଣା ଗ୍ରାମରେ ସ୍ଥାନୀୟ ଯାଦବ ସଂଘ ଆନୁକୂଲ୍ୟରେ ପଞ୍ଚୁଦୋଳ ଅବସରରେ ଲଉଡ଼ି ଓ ରାମତାଳି ପ୍ରତିଯୋଗିତା ସଭାପତି ହରିହର ବେହେରାଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଅତିଥି ଭାବେ ଓ-ଟିଭି ର ଡେପୁଟି ଆଉଟ୍ପୁଟ୍ ଏଡ଼ିଟର ଦେବବ୍ରତ ପୋଢ, ଉତ୍କଳ ଯାଦବ ମହାସଭା ସାଂସ୍କୃତିକ ସେଲ୍ ସଂଯୋଜକ ଲକ୍ଷ୍ମୀଧର ବେହେରା, ଲକ୍ଷେଶ୍ୱର ଆଞ୍ଚଳିକ ଓଡ଼ିଶୀ ସଂକୀର୍ତ୍ତନ ମହାମଣ୍ଡଳୀ ମହନ୍ତ ନଳିନୀ କୁମାର ସ୍ୱାଇଁ, ଅଧିକାରୀ ଚୈତନ୍ୟ ସାହୁ, ସାମ୍ବାଦିକା ଚିତ୍ରାଙ୍ଗଦା ପ୍ରଧାନ ପ୍ରମୁଖ ଯୋଗଦାନ କରିଥିଲେ । ଓଡ଼ିଶାର ଜଗନ୍ନାଥ ସଂସ୍କୃତି ଓ ରାଧାକୃଷ୍ଣ ଚେତନାର ଏକ ଅପୂର୍ବ ସମନ୍ୱୟ ଓ ଏହି ଆଧ୍ୟାତ୍ମିକ ଲୋକକଳାକୁ ବଞ୍ଚାଇ ରଖିବାରେ ରାଜ୍ୟର ଯାଦବ ସମୁଦାୟ ଯେଉଁ ନିରନ୍ତର ଉଦ୍ୟମକୁ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମରେ ୧୨ ଗୋଟି ଲଉଡ଼ି ମେଳ ଲଉଡ଼ି ନୃତ୍ୟ ପରିବେଷଣ କରିଥିଲେ…
ହାଇଦ୍ରାବାଦ : କୋରୋନା ଭାଇରସ୍ ଆତଙ୍କ କାରଣରୁ ପ୍ରାୟ ସମସ୍ତ ଫିଲ୍ମ କଳାକାର ନିଜ ଫିଲ୍ମର ସୁଟିଂ ବନ୍ଦ ରଖିଥିବା ବେଳେ ପ୍ରଭାସ୍ଙ୍କ ଅପ୍କମିଙ୍ଗ ଫିଲ୍ମ ଜାନ୍ର ସୁଟିଂ ଜାରି ରହିଛି । ଜର୍ଜିଆରେ ଏହି ଫିଲ୍ମର ସୁଟିଂ ଜାରି ରହିଥିବା ବେଳେ ଫିଲ୍ମ ସେଟ୍ରୁ ଏକ ଭିଡିଓକୁ ଇନ୍ଷ୍ଟାଗ୍ରାମରେ ସେୟାର କରିଛନ୍ତି ପୂଜା ହେଗ୍ଡେ । ଫିଲ୍ମର ନାୟିକା ରହିଥିବା ପୂଜା ଏହି ଭିଡିଓଟିକୁ ସେୟାର କରିଥିବା ବେଳେ ଏହି ଭିଡିଓଟି ଭାଇରାଲ୍ ହୋଇଛି । ପୂଜା ଏକ ଝରକା ବାହାରକୁ ବାହାରି ବରଫ ବର୍ଷାରେ ଭିଜୁଥିବାର ଦେଖିବାକୁ ମିଳିଛି । ମାର୍ଚ୍ଚ 15ରୁ ଏହି ଫିଲ୍ମର ସୁଟି ଆରମ୍ଭ ହୋଇଛି । ଏହି ଭିଡିଓ ପରେ ପୂଜାଙ୍କ ଫ୍ୟାନ୍ ମାନେ ତାଙ୍କୁ କୋରୋନା ଭାଇରସ୍ରୁ ସତର୍କ ରହିବା ପାଇଁ କହିଛନ୍ତି । https://www.instagram.com/p/B90txuxFH-O/?utm_source=ig_embed&utm_campaign=embed_video_watch_again ଏହି ଫିଲ୍ମ ପାଇଁ ପ୍ରଭାସ୍ 10 କିଗ୍ରା ଓଜନ ହ୍ରାସ କରିଥିବା ବେଳେ ଫିଲ୍ମରେ…
ସମୀକ୍ଷା ବ୍ୟୁରୋ ଭୁବନେଶ୍ବର : ପଶ୍ଚିମବଙ୍ଗର ଦାର୍ଜିଲିଂରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ 5 ଜଣ ଓଡିଆଙ୍କ ମୃତ୍ୟୁ ଘଟିଛି । ଗାଙ୍ଗଟକରୁ ସିଲିଗୁଡି ଯାଉଥିବା ବେଳେ ଘାଟିରୁ ଗାଡିଟି ଖସିଯିବାରୁ 5 ଜଣ ମୃତ୍ୟୁ ଘଟିଛି । ଏହି ଦୁର୍ଘଟଣାରେ 5 ଜଣଙ୍କର ମୃତ୍ୟୁ ଘଟିଥିବା ବେଳେ 3 ଜଣ ଆହତ ହୋଇଛନ୍ତି । ପରିବାରର ସ୍ବାମୀ, ସ୍ତ୍ରୀ, ଜ୍ବାଇଁ ଏବଂ ଦୁଇ ସମ୍ପର୍କୀୟ ମଉସା ମାଉସୀ ପ୍ରାଣ ହରାଇଛନ୍ତି । ଆହତ ମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ 3 ଆହତଙ୍କ ଅବସ୍ଥା ଗୁରୁତର ରହିଥିବା ଜଣାପଡିଛି ।
ମୁମ୍ବାଇ : ଆସନ୍ତା ତିନି ବର୍ଷ ପର୍ଯ୍ୟନ୍ତ ୟେସ୍ ବ୍ୟାଙ୍କର ଅଂଶଧନ ବିକ୍ରି କରିବ ନାହିଁ ଭାରତୀୟ ଷ୍ଟେଟ୍ ବ୍ୟାଙ୍କ । ଏସ୍ବିଆଇର ମୁଖ୍ୟ ରଜନୀଶ୍ କୁମାର ମଙ୍ଗଳବାର ଏହି ସୂଚନା ଦେଇଛନ୍ତି । ୟେସ୍ ବ୍ୟାଙ୍କର 605 କୋଟି ଅଂଶଧନକୁ ଭାରତୀୟ ଷ୍ଟେଟ୍ ବ୍ୟାଙ୍କ 6050 କୋଟି ଟଙ୍କା ବିନିମୟରେ କିଣିଥିଲା । ନିୟମ ଅନୁଯାୟୀ 26 ପ୍ରତିଶତ ଅଂଶଧନକୁ ତିନିବର୍ଷ ପର୍ଯ୍ୟନ୍ତ ରଖିବାର ଥିବା ବେଳେ 23 ପ୍ରତିଶତ ଅଂଶଧନକୁ ତିନିବର୍ଷ ମଧ୍ୟରେ ବିକ୍ରି କରିବାର ବ୍ୟବସ୍ଥା ରହିଥିଲା । ମାତ୍ର ମଙ୍ଗଳବାର ଏସ୍ବିଆଇ ମୁଖ୍ୟ ରଜନୀଶ୍ କୁମାର କୌଣସି ଅଂଶଧନ ବିକ୍ରି ନ କରିବା ପାଇଁ ସୂଚନା ଦେଇଛନ୍ତି । ମଙ୍ଗଳବାର ୟେସ୍ ବ୍ୟାଙ୍କର ଅଂଶଧନ ମୂଲ୍ୟ 58.65 ଟଙ୍କାରେ ପହଞ୍ଚିଛି । ଉଲ୍ଲେଖଯୋଗ୍ୟ ଯେ, ଏସ୍ବିଆଇର 6050 କୋଟି ନିବେଶ ବ୍ୟତିତ ଅନ୍ୟାନ୍ୟ ଘରୋଇ ବ୍ୟାଙ୍କ ପକ୍ଷରୁ 3950 କୋଟି ନିବେଶ କରାଯାଇଛି । (ଏଜେନ୍ସି)
ତେହେରାନ୍ : ଚୀନ୍ ପରେ ଇଟାଲୀ ଏବଂ ଇରାନ୍ରେ କୋରୋନା ଭାଇରସ୍ ଏହାର ପ୍ରଭାବ ବିସ୍ତାର କରିବାରେ ଲାଗିଛି । କୋରୋନା ପ୍ରଭାବରୁ ଚୀନ୍ ଧୀରେ ଧୀରେ ମୁକ୍ତ ହେଉଥିବା ବେଳେ ଇରାନ୍ରେ ଏହା ସଙ୍କଟଜନକ ପରସ୍ଥିତି ସୃଷ୍ଟି କରିଛି । ମଙ୍ଗଳବାର ଇରାନ୍ ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ ଇରାନ୍ରେ ମୃତ୍ୟୁ ସଂଖ୍ୟା 988 ଛୁଇଁଛି । ଏହି ସମୟ ମଧ୍ୟରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା 16169ରେ ପହଞ୍ଚିଥିବା ବେଳେ 5389 ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଇରାନ୍ରେ ସମୁଦାୟ 1.4 କୋଟି ଲୋକଙ୍କର ସ୍କ୍ରିନିଂ ହୋଇଥିବା ନେଇ ଇରାନ୍ ସ୍ବାସ୍ଥ୍ୟମନ୍ତ୍ରୀ ସଇଦ୍ ନାମାକି ସୂଚନା ଦେଇଛନ୍ତି । (ଏଜେନ୍ସି)
ଭୁବନେଶ୍ବର : କରୋନା ଭାଇରସ୍ ସଂପର୍କରେ ସତକର୍ତା ଏବଂ ସଚେତନତା ତଥା ରାଜ୍ୟ ସରକାରଙ୍କ ପ୍ରସ୍ତୁତି ସଂପର୍କରେ ଆଜି ଅପରାହ୍ନରେ ସୂଚନା ଓ ଲୋକସଂପର୍କ ବିଭାଗ ତରଫରୁ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗ୍ଚୀ ଗଣମାଧ୍ୟମକୁ ସୂଚନା ଦେଇଛନ୍ତି । ଏହି ପ୍ରେସ୍ ମିଟ୍ରେ ରାଜ୍ୟକୁ ଆସୁଥିବା ବିଦେଶୀ ନାଗରିକଙ୍କ ପଞ୍ଜୀକରଣ ସମେତ ବିଭିନ୍ନ ପ୍ରତିଷେଧକ ବ୍ୟବସ୍ଥା ସମ୍ପର୍କରେ ଶ୍ରୀ ବାଗ୍ଚୀ ସୂଚନା ଦେଇଥିଲେ। ୧. ବର୍ତ୍ତମାନ ସୁଦ୍ଧା ବିଶ୍ୱର ୧୬୨ ଦେଶର ୧,୮୩,୧୧୬ ଜଣ ବ୍ୟକ୍ତି କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଛନ୍ତି। ୨. ଭାରତରେ ଆଜି ସୁଦ୍ଧା ସଂକ୍ରମିତଙ୍କ ସଂଖ୍ୟା ୧୨୬ ଥିବାବେଳେ ୩ ଜଣଙ୍କର କରୋନା ଭୂତାଣୁ ଯୋଗୁଁ ମୃତ୍ୟୁ ହୋଇଛି। ୩.ଏ ପର୍ଯ୍ୟନ୍ତ ୦-୯ ବର୍ଷ ବୟସର କୌଣସି ଶିଶୁଙ୍କର କରୋନା ଭୂତାଣୁ ଯୋଗୁଁ ମୃତୁ୍ୟ ହୋଇନାହିଁ। ୪. ବିଦେଶରୁ ଓଡ଼ିଶାକୁ ଆସୁଥିବା ବ୍ୟକ୍ତିବିଶେଷଙ୍କ ପାଇଁ ରାଜ୍ୟ ସରକାରଙ୍କ ପକ୍ଷରୁ…
ନୂଆଦିଲ୍ଲୀ: ନିର୍ଭୟା ଗଣଦୁଷ୍କର୍ମ ମାମଲାର ଦୋଷୀ ସାବ୍ୟସ୍ତଙ୍କ ପତ୍ନୀ ଛାଡପତ୍ର ପାଇଁ କୋର୍ଟରେ ଆବେଦନ କରିଛନ୍ତି। ଦୋଷୀ ଅକ୍ଷୟ କୁମାର ସିଂଙ୍କ ପତ୍ନୀ ଏହି ଆବେଦନ କରିଛନ୍ତି। ସେ ବିହାରର ଔରଙ୍ଗାବାଦର ସ୍ଥାନୀୟ କୋର୍ଟରେ କରିଛନ୍ତି। ସେ କହିଛନ୍ତି ଯେ ମାର୍ଚ୍ଚ 20 ରେ ତାଙ୍କ ସ୍ୱାମୀ ଫାଶୀ ଦିଆଯିବାକୁ ଯାଉଥିବାରୁ ସେ ବିଧବା ଜୀବନ ବଞ୍ଚିବାକୁ ଚାହୁଁନାହାଁନ୍ତି। ଅକ୍ଷୟଙ୍କ ପତ୍ନୀ ପୁଣିତା କହିଛନ୍ତି, “ମୋ ସ୍ୱାମୀ ନିର୍ଦ୍ଦୋଷ। ତାଙ୍କୁ ଫାଶୀ ଦିଆଯିବା ପୂର୍ବରୁ ମୁଁ ଆଇନଗତ ଭାବେ ଛାଡ଼ପତ୍ର ହେବାକୁ ଚାହୁଁଛି।” ପୁଣି ତାଙ୍କ ଓକିଲ ମୁକେଶ କୁମାର ସିଂ ଔରଙ୍ଗାବାଦରେ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ମୋର କ୍ଲାଇଣ୍ଟ (ଅକ୍ଷୟ କୁମାର ସିଂଙ୍କ ପତ୍ନୀ ପୁଣିତା ସିଂ) ତାଙ୍କ ସ୍ୱାମୀଙ୍କଠାରୁ ଛାଡପତ୍ର ପାଇବାକୁ ଅଧିକାର ପାଇଛନ୍ତି। ସେଥିପାଇଁ ମୁଁ ପରିବାର କୋର୍ଟରେ ଏକ ନିବେଦନ କରିଛି। ହିନ୍ଦୁ ବିବାହ ଆଇନର ଧାରା 13 (2) (II) ଅନୁଯାୟୀ…
ସମୀକ୍ଷା ବ୍ୟୁରୋ ଭୁବନେଶ୍ବର : କରୋନା ସତର୍କତା ନେଇ ହାଇକୋର୍ଟ ଓକିଲ ସଂଘ ନିଷ୍ପତ୍ତି ନେଇଛି । ମାର୍ଚ୍ଚ 31 ପର୍ଯ୍ୟନ୍ତ କୋର୍ଟ କାର୍ଯ୍ୟ ନ କରିବାକୁ ସଂଘର ନିଷ୍ପତ୍ତି । ଭିଡ ଏଡାଇବାକୁ କୋର୍ଟ ନ ଆସିବାକୁ ନିଷ୍ପତ୍ତି ନେଲେ ଓକିଲ । ଭିଡରୁ ସଂକ୍ରମଣ ବ୍ୟାପୁଥିବାରୁ ଓକିଲଙ୍କ ସୁରକ୍ଷା ପାଇଁ ପଦକ୍ଷେପ ନିଆଯାଇଛି । ରାଜ୍ୟରେ ପ୍ରଥମ କରୋନା ରୋଗୀ ଚିହ୍ନଟ ହେବା ପରେ ଏହାକୁ ନେଇ ଅଧିକ ସତର୍କ ହୋଇ ଯାଇଛନ୍ତି ରାଜ୍ୟ ସରକାର । ଏହାର ମୁକାବିଲା ପାଇଁ ବିଭିନ୍ନ ପଦକ୍ଷେପ ମାନ ଗ୍ରହଣ କରୁଛନ୍ତି । ଏହାକୁ ଦୃଷ୍ଟିରେ ରଖି ଓଡ଼ିଶା ହାଇକୋର୍ଟ ମଧ୍ୟ ମଙ୍ଗଳବାରଠାରୁ କେବଳ ଜରୁରୀ ମାମଲାରେ ଶୁଣାଣି କରିବେ ବୋଲି ଘୋଷଣା କରିଥିଲେ। କୋର୍ଟ କୋଠରୀ ଭିତରେ ଏବଂ ବାହାରେ ଜନସମାଗମକୁ ଏଡ଼ାଇବାକୁ କୋର୍ଟ ଅନୁରୋଧ କରିଛନ୍ତି।
ପାକିସ୍ତାନ : କରୋନା ଭାଇରସ ସାରା ବିଶ୍ବରେ ଚହଳ ପକାଇଥିବାବେଳେ ଏବେ ଏହା ୟୁରୋପ ସହିତ ଏସିଆରେ ମଧ୍ୟ ପ୍ରବଳ ବେଗରେ ବ୍ୟାପିବାରେ ଲାଗିଛି । ଭାରତର ଅନ୍ୟତମ ପଡୋଶୀ ଦେଶ ପାକିସ୍ତାନରେ ମଧ୍ୟ କରୋନା ବେଶ୍ ଭୟଙ୍କର ଭାବରେ ମାଡ଼ି ଚାଲିଛି । ପାକିସ୍ତାନରେ କରୋନା ଯୋଗୁଁ ଜଣକର ମୃତ୍ୟୁ ହୋଇଥିବାବେଳେ ଏହି ରୋଗରେ ଗତ 24 ଘଣ୍ଟା ମଧ୍ୟରେ 130ରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ମିଳିଥିବା ସୂଚନା ଅନୁସାରେ ପାକିସ୍ତାନର ଲାହୋରଠାରେ ମଙ୍ଗଳବାର ଦିନ ଜଣେ ବ୍ୟକ୍ତିଙ୍କର କରୋନା ଜନିତ ମୃତ୍ୟୁ ଘଟିଛି । ପାକିସ୍ତାନରେ ଅଚାନକ ଭାବରେ କରେନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି । ମୃତ ବ୍ୟକ୍ତି ଜଣକ ନିକଟରେ ଇରାନରୁ ଫେରିଥିଲେ । ପାକିସ୍ତାନରେ ସର୍ବମୋଟ 185ଟି ମାମଲା ସାମ୍ନାକୁ ଆସିଛି । ସେହିପରି ଭାରତରେ କରୋନା ଜନିତ ମୃତ୍ୟୁ ସଂଖ୍ୟା 3କୁ ବୃଦ୍ଧି ପାଇଛି । (ଏଜେନ୍ସି)
ସମୀକ୍ଷା ବ୍ୟୁରୋ ଭୁବନେଶ୍ବର : ସାମାଜିକ ଦୂରତ୍ବ ନେଇ ରାଜ୍ୟ ସରକାରଙ୍କ ତରଫରୁ କମିଟି ଗଠନ କରାଯାଇଛି । ଏପିସି ପ୍ରଦୀପ୍ତ ମହାପାତ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟି ସାମାଜିକ ଦୂରତ୍ବ ନେଇ ଗାଇଡ ଲାଇନ୍ ଜାରି କରିଛି । ସାମାଜିକ ଦୂରତ୍ବ ରଖିବାକୁ କର୍ତ୍ତୃପକ୍ଷ 144 ଜାରି କରିପାରିବେନି । ଜିଲ୍ଲାପାଳ, ମାଜିଷ୍ଟ୍ରେଟ୍ କିମ୍ବା ପୋଲିସ୍ କମିଶନର ମଧ୍ୟ ଏହାକୁ ଲାଗୁ କରିପାରିବେନି । 144 ପରିବର୍ତ୍ତେ ସାମାଜିକ ସଚେତନ ଦ୍ବାରା ଦୂରତ୍ବ ରଖିବା ନେଇ ଏହି କମିଟିରେ କୁହାଯାଇଛି। ନିଜ ସହ ସମାଜକୁ ସୁରକ୍ଷିତ ରଖାଯିବା ନେଇ ଗାଇଡ୍ଲାଇନ୍ ଜାରି କରାଯାଇଛି । ଶିକ୍ଷାନୁଷ୍ଠାନ ବନ୍ଦ, ପରୀକ୍ଷା ସ୍ଥଗିତ ନେଇ ଗାଇଡଲାଇନ୍ରେ ସୂଚନା ଦିଆଯାଇଛି । ସେହିପରି ବାହାଘର ଆଦି ଉତ୍ସବରେ 50 ମଧ୍ୟରେ ଅତିଥି ସୀମିତ ରଖିବା ନେଇ ନିର୍ଦ୍ଦେଶ ଦିଆଯାଇଛି । ଅତ୍ୟନ୍ତ ଜରୁରୀ ନଥିବା ସାମାଜିକ ଉତ୍ସବ ସ୍ଥଗିତ ପାଇଁ ନିର୍ଦ୍ଦେଶ ରହିଛ…
ସମୀକ୍ଷା ବ୍ୟୁରୋ ଭୁବନେଶ୍ବର : ହୋମ କ୍ବାରେଣ୍ଟାଇନ୍ରେ ରହିଛନ୍ତି ଗଜପତି ମହାରାଜ ଦିବ୍ୟସିଂହ ଦେବ । ବିଦେଶରୁ ଫେରି କ୍ବାରେଣ୍ଟାଇନ୍ରେ ରହିଲେ ଗଜପତି ମହାରାଜା । ସପରିବାର ସହ ନିଜ ଭୁବନେଶ୍ବର ଘରେ ହୋମ କ୍ବାରେଣ୍ଟାଇନ୍ରେ ରହିଲେ ଗଜପତି ମହାରାଜ । ଆମେରିକା ଗସ୍ତ ସାରି ଗଜପତି ମହାରାଜା ସପରିବାର ସହ 15ରେ ଓଡ଼ିଶାକୁ ଫେରିଥିଲେ । ଆଜି ସରକାରଙ୍କ ଅନଲାଇନ୍ରେ ରେଜିଷ୍ଟ୍ରେସନ କରିଥିଲେ ଗଜପତି। ରେଜିଷ୍ଟ୍ରେସନ କରି ନିଜ ଘରେ ହୋମ୍ କ୍ବାରେଣ୍ଟାଇନ୍ରେ ରହିଛନ୍ତି ଗଜପତି ମହାରାଜା । ଭୁବନେଶ୍ବର ଘରେ 14 ଦିନ ଯାଏଁ ହୋମ କ୍ବାରେଣ୍ଟାଇନ୍ରେ ରହିବେ ଗଜପତି । ଗଜପତିଙ୍କ କାର୍ଯ୍ୟାଳୟ ତରଫରୁ ଏହି ସୂଚନା ମିଳିଛି ।
ନୂଆଦିଲ୍ଲୀ : ନୌସେନାରେ ମହିଳା ଅଧିକାରୀଙ୍କ ସ୍ଥାୟୀ କମିଶନ ମାମଲାରେ ଆଜି ସୁପ୍ରିମକୋର୍ଟଙ୍କ ବଡ଼ ରାୟ ଦେଇଛନ୍ତି । ମହିଳା ନୌସେନାଧିକାରୀଙ୍କୁ ମିଳିବ ସ୍ଥାୟୀ କମିଶନ୍ ନିଯୁକ୍ତି ମିଳିବା ନେଇ ଉଚ୍ଚତମ ନ୍ୟାୟାଳୟ ଆଦେଶ ଦେଇଛନ୍ତି । ନୌସେନାରେ ପୁରୁଷ ଅଫିସରଙ୍କ ପରି ମହିଳା ଅଫିସରଙ୍କୁ ମିଳିବ ସମାନ ଅଧିକାର। କମାଣ୍ଡ ପୋଷ୍ଟିଂରୁ ବି ବଞ୍ଚିତ ହେବେନି ଯୋଗ୍ୟ ମହିଳା ଅଧିକାରୀ। ନୌସେନାରେ ମହିଳା ଅଧିକାରୀଙ୍କୁ ସ୍ଥାୟୀ କମିଶନ ନିଯୁକ୍ତି ସଂକ୍ରାନ୍ତ ମାମଲାର ବିଚାର କରି ରାୟ ଶୁଣାଇଛନ୍ତି ଜଷ୍ଟିସ୍ ଡିଓ୍ୱାଇ ଚନ୍ଦ୍ରଚୂଡ଼। ଏନେଇ କେନ୍ଦ୍ରକୁ ଅବଗତ କରାଯାଇଛି। ଲିଙ୍ଗଗତ ଭିତ୍ତିରେ ନୁହେଁ, ବରଂ ଅଧିକାରୀଙ୍କ ଯୋଗ୍ୟତା ଆଧାରରେ ଏନେଇ ନିଷ୍ପତ୍ତି ନିଆଯାଉ ବୋଲି କହିଛନ୍ତି ଉଚ୍ଚତମ ନ୍ୟାୟାଳୟ।ସାମାଜିକ ଓ ମାନସିକ କାରଣ ଦର୍ଶାଇ ମହିଳା ଅଧିକାରୀଙ୍କ ପ୍ରତି ଭେଦଭାବ କରିବାକୁ ବରଦାସ୍ତ କରାଯାଇ ପାରିବନି ବୋଲି ଉଚ୍ଚତମ ନ୍ୟାୟାଳୟ କହିଛନ୍ତି ।
ସମୀକ୍ଷା ବ୍ୟୁରୋ ଭୁବନେଶ୍ବର : ଏଣିକି ଦିନ 10ଟା ରୁ ଅପରାହ୍ନ ୪ଟା ପର୍ଯ୍ୟନ୍ତ ଆହାର କେନ୍ଦ୍ରରେ ଆହାର ଦିଆଯିବ। କରୋନା ପାଇଁ ଆହାର କେନ୍ଦ୍ର ଗୁଡ଼ିକରେ କଟକଣା ମଧ୍ୟ ଜାରି କରାଯାଇଛି। ଆହାର କେନ୍ଦ୍ର ଖୋଲା ରହିବା ସମୟକୁ ବୃଦ୍ଧି କରାଯାଇଛି। ଆହାର କେନ୍ଦ୍ରରେ ଭିଡ଼ ନିୟନ୍ତ୍ରଣ କରିବାକୁ ସରକାର ଏଭଳି ସତର୍କତାମୂଳକ ପଦକ୍ଷେପ ଗ୍ରହଣ କରିଛନ୍ତି। ନଗର ଉନ୍ନୟନ ବିଭାଗ ପକ୍ଷରୁ ଏନେଇ ସବୁ ଜିଲ୍ଲାପାଳ, ମୁନିସିପାଲ୍, କର୍ପୋରେସନଙ୍କୁ ଚିଠି ଲେଖାଯାଇଛି। କରୋନା ସଂକ୍ରମଣକୁ ଆଖିରେ ରଖି ଆହାର କେନ୍ଦ୍ରଗୁଡ଼ିକ ସଂପର୍କରେ ନିର୍ଦ୍ଦେଶନାମା ଜାରି କରାଯାଇଛି। ପ୍ରତି ଆହାର କେନ୍ଦ୍ରର ପ୍ରବେଶ ପଥରେ ହ୍ୟାଣ୍ଡଓ୍ବାସ୍ ଓ ସାବୁନ ରହିବ। ସେହିପରି ଆହାର କେନ୍ଦ୍ର ଠାରେ ଲାଗୁଥିବା ଲାଇନରେ ଜଣେ ବ୍ୟକ୍ତିଙ୍କ ଠାରୁ ଆଉ ଜଣେ ବ୍ୟକ୍ତିଠାରୁ ଦେଢ଼ ମିଟର ରହିବ ଦୂରରେ ରହିବେ। ଆହାର କେନ୍ଦ୍ର ଗୁଡିକୁ ପରିଷ୍କାର ପରିଚ୍ଛନ ରଖିବାକୁ ପରାମର୍ଶ ଦିଆଯାଇଥିବାବେଳେ କେନ୍ଦ୍ର ବାହାରେ ପାନୀୟ…
ରମେଶ ମହାନ୍ତି ଜଗତସିଂହପୁର: କରୋନା ଭୂତାଣୁର ଦ୍ରୁତ ସଂକ୍ରମଣକୁ ଦୃଷ୍ଠିରେ ରଖି ଜଗତସିଂହପୁର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଜିଲ୍ଲାର ମା’ଶାରଳାଙ୍କ ମନ୍ଦିର ସମେତ ମନ୍ଦିର ଓ ଧର୍ମାନୁଷ୍ଠାନ ଗୁଡିକରେ ୧୪୪ ଧାରା ଜାରି କରିଛନ୍ତି। ଜିଲ୍ଲାର ଯେ କୌଣସି ସ୍ଥାନରେ ୫ ଜଣରୁ ଉର୍ଦ୍ଧ ବ୍ୟକ୍ତି ବିଶେଷ ଏକାଠି ନହେବା ବିଶେଷତଃ ଶାରଳା ମନ୍ଦିର, ଗୋରେଖନାଥ ମନ୍ଦିର,ଧ୍ୟାନକୁଦ ମନ୍ଦିର, ଶିଆଳୀ ବେଳାଭୂମି,ଏବଂ ଜିଲ୍ଲାର ଅନ୍ୟାନ୍ୟ ସମସ୍ତ ମନ୍ଦିର , ମସଜିଦ୍,ମାର୍କେଟ ସ୍ଥାନ,ମଣ୍ଡପ, ସମୁଦ୍ର ବେଳାଭୂମୀ ମାନଙ୍କରେ ୫ ଜଣରୁ ଅଧିକ ଲୋକ ଏକାଠି ନହେବାକୁ କଟକଣା ଜାରି କରାଯାଇଛି। ଏଥି ସହିତ ସାମାଜିକ ଉତ୍ସବ, କର୍ମକର୍ମାଣୀରେ ଏହି ନିୟମ ଲାଗୁ କରାଯାଇଛି।ଏପରିକି ସମସ୍ତ ପ୍ରକାର ସାଂସ୍କୃତିକ କାର୍ଯ୍ୟକ୍ରମ, ସାଧାରଣସଭା,ସେମିନାର୍,କର୍ମଶାଳା ,କନଫରେନ୍ସ ଓ ଜନସମାବେଶ ଉପରେ କଟକଣା ଜାରି କରାଯାଇଛି। ଏହାର ବ୍ୟତିକ୍ରମ ହେଲେ ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଜାରି କରାଯାଇଛି।
ସମୀକ୍ଷା ବ୍ୟୁରୋ ଭୁବନେଶ୍ବର : ଚାରି ମାସର ଆଗୁଆ ଭତ୍ତା ବଣ୍ଟନ ପାଇଁ ସରକାର ଘୋଷଣା କରିଛନ୍ତି । ଖୁବଶୀଘ୍ର ଏପ୍ରିଲ୍, ମେ, ଜୁନ୍ ଓ ଜୁଲାଇ ପାଇଁ ଭତ୍ତା ବଣ୍ଟନ ହେବ। ଏ ସମ୍ପର୍କରେ ସୂଚନା ଦେଇଛନ୍ତି ସାମାଜିକ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା। ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବାର କହିଛନ୍ତି ମନ୍ତ୍ରୀ ଅଶୋକ ପଣ୍ଡା। ଆଗୁଆ ଭତ୍ତା ମିଳିଲେ ରାଜ୍ୟର 48 ଲକ୍ଷ ହିତାଧିକାରୀ ଉପକୃତ ହେବେ ବୋଲି ସୂଚନା ରହିଛି। ସେହିପରି ଆଗୁଆ ତିନି ମାସର ପିଡିଏସ୍ ସାମଗ୍ରୀ ଦିଆଯିବା ନେଇ ଯୋଜନା ଚାଲିଛି ବୋଲି କହିଛନ୍ତି ରଣେନ୍ଦ୍ର ପ୍ରତାପ ସ୍ବାଇଁ।
ସମୀକ୍ଷା ବ୍ୟୁରୋ ଭୁବନେଶ୍ୱର: ଚଳିତ ବର୍ଷର ମାଟ୍ରିକ୍ ପରୀକ୍ଷା ସରିଯାଇଛି। ଏବେ ପାଳି ଖାତା ମୂଲ୍ୟାୟନର। କିନ୍ତୁ କରୋନା ଯୋଗୁଁ ଏନେଇ ମଧ୍ୟ କଟକଣା ଜାରି କରାଯାଇଛି । କରୋନା ପାଇଁ ମାଟ୍ରିକ୍ ଖାତା ମୂଲ୍ୟାୟନ ବେଳେ କିପରି ସତର୍କତା ଅବଲମ୍ବନ କରିବ, ସେ ନେଇ ସବୁ ଡିଇଓ, ବିଇଓ ଓ ଚିଫ୍ ଏକ୍ଜାମିନରଙ୍କୁ ଭିଡିଓ କନଫରେନସିଂ ଜରିଆରେ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି । ପରୀକ୍ଷା କେନ୍ଦ୍ରରେ ଗହଳି ରୋକିବାକୁ ସବଜେକ୍ଟ ଓ୍ୱାଇଜ୍ ଖାତା ଦେଖା ହେବ। ତିନୋଟି ପର୍ଯ୍ୟାୟରେ ଖାତା ଦେଖା ହେବ ବୋଲି ନିର୍ଦ୍ଦେଶ ରହିଛି । ସକାଳ 8ଟା 30ରୁ ଅପରାହ୍ନ 4ଟା 30 ଯାଏଁ ଖାତା ଦେଖା ହେବ । ସେହିପରି ଖାତା ମୂଲ୍ୟାୟନକାରୀମାନେ ସାନିଟାଇଜର୍ ବ୍ୟବହାର କରିବା ସହ ନିଜ ମଧ୍ୟରେ ଦୂରତା ରକ୍ଷା କରିବା ପାଇଁ ନିର୍ଦ୍ଦେଶ ଦିଆଯାଇଛି । ମାର୍ଚ୍ଚ 19ରୁ ଏପ୍ରିଲ୍ 10…
ରମେଶ ମହାନ୍ତି ଜଗତସିଂହପୁର: କରୋନା ଭୂତାଣୁ ସଂକ୍ରମଣ ରୋଗର ନିୟନ୍ତ୍ରଣ ଓ ପ୍ରତିଷେଧକ ଚିକିତ୍ସା ଏବଂ ଜନସାଧାରଣଙ୍କ ଜୀବନ ସୂରକ୍ଷାକୁ ଦୃ୍ଷ୍ଟିରେ ରଖି ଜଗତସିଂହପୁର ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ପାରାଦ୍ୱୀପ ସହର ଓ ଏହାର ଆଖପାଖ ଅଂଚଳରେ ୧୪୪ ଧାରା ଜାରି କରିଛନ୍ତି। ପାରାଦ୍ୱୀପ ସହର ମଧ୍ୟରେ ଥିବା ସର୍ବସାଧାରଣ ସ୍ଥାନ ଓ ବ୍ୟକ୍ତିଗତ ସ୍ଥାନରେ ୪ଜଣରୁ ଅଧିକ ଲୋକ ଏକାଠି ନହେବା, ସମୁଦ୍ରକୂଳରେ ଥିବା ବାଲିଯାତ୍ରା ପଡିଆ, ଜବାହାର ଗେଷ୍ଠହାଉସ୍ ଠାରେ ଏକତ୍ରୀତ ନହେବା ପାଇଁ କଟକଣା ଜାରି କରାଯାଇଛି। ଏଥିସହିତ ଗେଷ୍ଟହାଉସ୍, କଲ୍ୟାଣମଣ୍ଡପ, ହୋଟେଲ, ଯାତ୍ରୀ ନୀବାସ, ଧର୍ମଶାଳା ଏବଂ ସର୍ବସାଧାରଣ କିମ୍ବା ବ୍ୟକ୍ତିଗତ ସ୍ଥାନରେ କୌଣସି ସାମାଜିକ ଓ ଧାର୍ମିକ ଉତ୍ସବ ଆୟୋଜନ କରାଯାଇପାରିବ ନାହିଁ। ସରକାରୀ କାର୍ଯ୍ୟାଳୟ, ଶିଳ୍ପ କାରଖାନା ଓ ଅନୁଷ୍ଠାନଗୁଡିକ ସମ୍ମୁଖରେ କୌଣସି ରାଜନୈତିକ ଶୋଭାଯାତ୍ରା, ବିକ୍ଷୋଭ, ଧାରଣା ଓ ସାଧାରଣସଭା ଆୟୋଜିତ ହୋଇପାରିବ ନାହିଁ ବୋଲି ଜିଲ୍ଲାପାଳ ଆଦେଶନାମା ଜାରି…
ନୂଆଦିଲ୍ଲୀ : କରୋନା ସଙ୍କଟକୁ ଦୃଷ୍ଟିରେ ରଖି ସମସ୍ତ ପ୍ରକାର ସତର୍କତାମୂଳକ ପଦକ୍ଷେପ ନିଆଯାଉଛି। ଏହି କ୍ରମରେ ଦେଶରେ ରହିଥିବା ସମସ୍ତ ଐତିହାସିକ ସ୍ଥଳୀ ତଥା ପର୍ଯ୍ୟଟନ ସ୍ଥଳୀକୁ ଆସନ୍ତା ମାର୍ଚ୍ଚ 31 ପର୍ଯ୍ୟନ୍ତ ବନ୍ଦ କରାଯିବାର ଘୋଷଣା କରାଯାଇଛି । ତାଜମହଲ, ରେଡ ପୋର୍ଟ ଏବଂ କୁତବ ମିନାର ସମେତ ଦେଶର ସମସ୍ତ ଐତିହାସିକ ପର୍ଯ୍ୟଟନ ସ୍ଥଳୀକୁ ଆସନ୍ତା 31 ମାର୍ଚ୍ଚ ପର୍ଯ୍ୟନ୍ତ ବନ୍ଦ ରହିବ। କେନ୍ଦ୍ର ପର୍ଯ୍ୟଟନ ମନ୍ତ୍ରୀ ପ୍ରହ୍ଲାଦ ପଟେଲ ଏହି ସୂଚନା ଦେଇ କହିଛନ୍ତି ଯେ, “କରୋନା ଭାଇରସକୁ ଦୃଷ୍ଟିରେ ରଖି ସମସ୍ତ ଏଏସ୍ଆଇ ସଂରକ୍ଷିତ ସ୍ମାରକୀ ଏବଂ ଭାରତର କେନ୍ଦ୍ରୀୟ ସଂଗ୍ରହାଳୟ ମାର୍ଚ୍ଚ 31 ପର୍ଯ୍ୟନ୍ତ ବନ୍ଦ ରହିବ। ଏହାପୂର୍ବରୁ ସରକାର କରୋନା ଭାଇରସକୁ ବିଭିନ୍ନ ପରାମର୍ଶ ଜାରି କରିଛନ୍ତି। ଭାରତରେ କରୋନାକୁ ମହାମାରୀ ଘୋଷଣା କରାଯାଇଛି। ଦେଶରେ ଗତ 24 ଘଣ୍ଟା ମଧ୍ୟରେ କରୋନା ସମ୍ପର୍କିତ ନୂତନ 11ଟି ମାମଲା ସାମ୍ନାକୁ ଆସିଛି।…