ସାତିଦିଆ ବିଦେଶ ଗସ୍ତରେ ଥିବା କେନ୍ଦ୍ର ପଶୁସଂପଦ, ଦୁଗ୍ଧ ଓ ମତ୍ସ୍ୟସଂପଦ ଏବଂ ଏମଏସଏମଇ ମନ୍ତ୍ରୀ ପ୍ରତାପ ଷଡଙ୍ଗୀ ଆଫ୍ରିକା ଗସ୍ତ ବେଳେ ଏକ ଦ୍ବିପାକ୍ଷିକ ଚୁକ୍ତିନାମା ସ୍ବାକ୍ଷର କରିଛନ୍ତି। ସେ ଭାରତର ରାଷ୍ଟ୍ରପତି ରାମନାଥ କୋବିନ୍ଦଙ୍କ ଏବଂ ରିପବ୍ଲିକ ଅଫ ଗୁନିଆର ରାଷ୍ଟ୍ରପତିଙ୍କ ଉପସ୍ଥିତରେ ଏହି ସ୍ବାକ୍ଷର କରିଛନ୍ତି। କୋନାକ୍ରିସ୍ଥିତ ହୋଟେଲ ସିରାଟୋନ ଗ୍ରାଣ୍ଡରେ ଆୟୋଜିତ ଏକ ସରକାରୀ କାର୍ଯ୍ୟକ୍ରମରେ ଏହି ଚୁକ୍ତିନାମା ସ୍ବାକ୍ଷରିତ ହୋଇଛି। ମନ୍ତ୍ରୀ ପ୍ରତାପ ଷଡଙ୍ଗୀ ଗତ ରବିବାରଠାରୁ ଆଫ୍ରିକା ଗସ୍ତରେ ଭାରତର ରାଷ୍ଟ୍ରପତିଙ୍କ ସହିତ ଯାଇଛନ୍ତି। ଏହି ଗସ୍ତରେ ପ୍ରତାପ ଆଫ୍ରିକାର ବିନିନ୍, ଦ ଗାମ୍ବିଆ ଏବଂ ରିପ୍ଲବିକ ଅଫ ଗୁନିଆ ଗସ୍ତ କରିଛନ୍ତି। ତାଙ୍କ ସହିତ ସାଂସଦ ଦିଲ୍ଲୀପ ଘୋଷ ମଧ୍ୟ ଯାଇଛନ୍ତି। ପ୍ରତାପ ଷଡଙ୍ଗୀ ମନ୍ତ୍ରୀ ହେବା ପରେ ତାଙ୍କର ଏହା ହେଉଛି ପ୍ରଥମ ବିଦେଶ ଗସ୍ତ। ମନ୍ତ୍ରୀ ହିସାବରେ ସେ ନିଜ ବିଭାଗର ବିଭିନ୍ନ କ୍ଷେତ୍ରରେ ଉନ୍ନତି ପାଇଁ ଆଫ୍ରିକୀୟ…
Author: Samikhsya Bureau
ମୁମ୍ବାଇର ସାକିନାକା ଅଞ୍ଚଳର ଚାନ୍ଦିବାଲିଠାରେ ପ୍ରବଳ ବର୍ଷା ହୋଇଛି। ଏହି ବର୍ଷା ଫଳରେ ପାଚେରୀ ଭୁଷୁଡି ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇଜଣ ଗଭୀର ଆହତ ହୋଇଛନ୍ତି। ମୁମ୍ବାଇର ଅନେକ ସ୍ଥାନରେ ବର୍ଷା ଲାଗି ରହିଛି। ପ୍ରବଳ ବର୍ଷା ଯୋଗୁଁ ମୁମ୍ବାଇର କିଛି କିଛି ସ୍ଥାନରେ ଜଳମୟ ହୋଇଛି। ବର୍ଷା ସମୟରେ ଚାନ୍ଦିବାଲି ଅଞ୍ଚଳରେ କିଛି ଲୋକ ପାଚେରୀ ପାଖରେ ଠିଆ ହୋଇ ବସ୍କୁ ଅପେକ୍ଷା କରିଥିବାବେଳେ ଅଚାନକ ପାଚେରୀ ଭୁଷୁଡି ପଡ଼ିଥିଲା। ଏହି ଦୁର୍ଘଟଣାରେ ଚନ୍ଦ୍ରକେନ୍ତ ସେଟ୍ଟି ନାମକ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି।
ଓଡ଼ିଶା ଫେରିବେ ଜଗା କାଳିଆ । ଦିଲ୍ଲୀ ଏମ୍ସରୁ କଟକ ସ୍ଥାନାନ୍ତର ପାଇଁ ନିଷ୍ପତ୍ତି ହୋଇଛି । ଖୁବଶୀଘ୍ର ସେମାନଙ୍କୁ ଭୁବନେଶ୍ବର ସ୍ଥାନାନ୍ତରିତ କରାଯିବ ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ମନ୍ତ୍ରୀ ନବ ଦାସ । ତେବେ ଦୁହିଁଙ୍କର ଚିକିତ୍ସା ଏସ୍ସିବିର ନ୍ୟୁରୋ ସର୍ଜରୀ ବିଭାଗରେ ହେବ । ତେବେ ଭୁବନେଶ୍ବର ଏମ୍ସ ସ୍ଥାନାନ୍ତର ପାଇଁ ଯୋଜନା ରହିଥିଲା । କିନ୍ତୁ ଭୁବନେଶ୍ବର ଏମ୍ସ କର୍ତ୍ତୃପକ୍ଷ ଏଥିରେ ରାଜିନୁହଁନ୍ତି ବୋଲି କହିଛନ୍ତି ସ୍ବାସ୍ୟ ମନ୍ତ୍ରୀ । ଦୀର୍ଘ ଦୁଇବର୍ଷ ହେଲାଣି ଦିଲ୍ଲୀ ଏମ୍ସରେ ଜଗା କାଳିଆ ଦିଲ୍ଲୀ ଏମ୍ସରେ ଚିକିତ୍ସିତ ହେଉଛନ୍ତି । ଦିଲ୍ଲୀରୁ ଭୁବନେଶ୍ବର ଆସିବାକୁ ଜଗାକାଳିଆଙ୍କ ଅଭିଭାବକ ବ୍ୟସ୍ତ ହୋଇପଡିଛନ୍ତି । କଟକ ଏସ୍ସିବିରେ ଜଗା କାଳିଆ ଚିକିତ୍ସା ହେବ ବୋଲି ସୂଚନା ଦେଇଛନ୍ତି ମନ୍ତ୍ରୀ ।
ଆସନ୍ତା ୪ ତାରିଖରେ ବଙ୍ଗୋପସାଗରରେ ହେବାକୁ ଥିବା ଲଘୁଚାପ ଟଳିଯାଇଛି। ଚୀନ ସାଗରରେ ବାତ୍ୟା ଯୋଗୁଁ ଲଘୁଚାପ ଅପସରିଯାଇଛି। ଭାରତୀୟ ପାଣିପାଗ କେନ୍ଦ୍ର ତରଫରୁ ଏହି ସୂଚନା ମିଳିଛି । ଲଘୁଚାପ ଟଳିଥିବାରୁ ଏବେ ଓଡ଼ିଶାରେ ବଡ଼ ବର୍ଷା ହେବନି। କାଁଭାଁ ବର୍ଷା ଲାଗି ରହିଲେ ବି ଚାଷକୁ ସୁହାଇଲା ଭଳି ବର୍ଷା ହେବନି। ତେବେ ପୁଣି ଥରେ ୭/୮ ଦିନ ପରେ ଲଘୁଚାପ ସମ୍ଭାବନା ଥିବା ପାଣିପାଗ ବିଭାଗ ଆକଳନ କରିଛି। ପୂର୍ବରୁ ଅଗଷ୍ଟ ୪ତାରିଖରେ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବାର ସମ୍ଭାବନା ଥିବା ପାଣିପାଗ ବିଭାଗ ଆକଳନ କରିଥିଲା। ସାରା ରାଜ୍ୟରେ ୧୯ ପ୍ରତିଶତ କମ ବର୍ଷା ହୋଇଛି, ଜୁନ୍ ମାସରୁ ଆଜି ଯାଏ ହୋଇଛି ୧୯% କମ ବର୍ଷା ହୋଇ
ସମୀକ୍ଷା ବ୍ୟୁରୋ ବାଣପୁର ବ୍ଲକ୍ କୁଲେଇ ପଞ୍ଚାୟତର ବିଞ୍ଝଳା ଗ୍ରାମର ସାଇରାମ ମହିଳା ସ୍ବୟଂ ସହାୟକ ଗୋଷ୍ଠୀର ସଭାନେତ୍ରୀ ସୁପ୍ରିୟା ଆଜି ଋଣ ଆତ୍ମସାତ୍ ଅଭିଯୋଗର ସ୍ପଷ୍ଟୀକରଣ ରଖିଛନ୍ତି। ଏକ ଲିଖିତ ଚିଠି ମାଧ୍ୟମରେ ସେ ଏହି ଋଣକୁ ସ୍ବୟଂ ସହାୟକ ଗୋଷ୍ଠୀ ନାମରେ ଆଣି ନଥିବାର କହିଛନ୍ତି। ସେ ଆଣିଥିବା ଋଣ ତାଙ୍କର ନିଜସ୍ବ ବୋଲି କହିବା ସହିତ ଯଦି ଏହି ସମ୍ପର୍କିତ କୌଣସି ବ୍ୟାଙ୍କ୍ ନୋଟିସ୍ ଆସେ, ତାହା ସେ ନିଜେ ଭରଣ କରିବେ ବୋଲି ଲିଖିତନାମାରେ ଦର୍ଶାଇଛନ୍ତି।ଏହି ମାମଲାଟି ତାଙ୍କ ନାମରେ ମିଥ୍ୟାଭିଯୋଗ ବୋଲି ସେ କହିଛନ୍ତି। ସୂଚନା ଅନୁସାରେ ଶ୍ରୀମତୀ ମହାରଣା ବାଣପୁରସ୍ଥିତ ୟୁକୋ ବ୍ୟାଙ୍କରୁ ୫ ଲକ୍ଷ ଟଙ୍କାର ଋଣ ସାଇରାମ ମହିଳା ସ୍ବୟଂ ସହାୟକ ଗୋଷ୍ଠୀ ନାମରେ ଆଣିଥିଲେ। କିନ୍ତୁ ଏ ସମ୍ପର୍କରେ ଗୋଷ୍ଠୀର କୌଣସି ସଦସ୍ୟଙ୍କୁ ନ ଜଣାଇ ସମସ୍ତ ଟଙ୍କା ନିଜ ପାଖରେ ରଖିଥିଲେ। ଏନେଇ ବ୍ୟାଙ୍କ ପକ୍ଷରୁ ନୋଟିସ୍…
ଆଜି ରାଜ୍ୟସଭାରେ ଆତଙ୍କବାଦ ନିରୋଧୀ ବିଲ ସଂଶୋଧନ ୨୦୧୯ ପାସ୍ ହୋଇଛି । ଏହି ବିଲ ସପକ୍ଷରେ ୧୪୭ ଜଣ ଭୋଟ ଦେଇଥିବା ବେଳେ ବିପକ୍ଷରେ ୪୨ଜଣ ଭୋଟ କରିଥିଲେ । ତେବେ ଏହି ବିଲ ଉପସ୍ଥାପନା କରିବା ସମୟରେ ଗୃହମନ୍ତ୍ରୀ ଅମିତ ଶାହା ଓ ବିପକ୍ଷ ମଧ୍ୟରେ ବହୁ ବାକ୍ ଯୁଦ୍ଧ ହୋଇଥିଲା। ବିଲ ପାସ୍ ହେବା ପୂର୍ବରୁ କଂଗ୍ରେସ ପକ୍ଷରୁ ରାଜ୍ୟସଭା ସାଂସଦ ପି ଚିଦାମ୍ବରମ ଏବଂ ଦିଗବିଜୟ ସିଂହ ସରକାରଙ୍କୁ ପ୍ରଶ୍ନ କରିଥିଲେ । ଏହାର ଉତ୍ତରରେ ଗୃହମନ୍ତ୍ରୀ ଅମିତ ଶାହା କହିଛନ୍ତି କି, ଆତଙ୍କବାଦ ସହ ଲଢେଇ କରିବା ଏହି ବିଲର ଉଦ୍ଦେଶ୍ୟ । ଆତଙ୍କବାଦ ବିପକ୍ଷରେ ଏକଜୁଟ ହେବା ନିହାତି ଆବଶ୍ୟକ । ସଂସ୍ଥା ସହ ଲିଙ୍କ୍ ନଥିଲେ ବି ବ୍ୟକ୍ତିଙ୍କୁ ଆତଙ୍କବାଦୀ ଆଖ୍ୟା ଦିଆଯାଇପାରିବ । ଅନେକଗୁଡ଼ିଏ ଦେଶ ଆତଙ୍କବାଦୀ ପାଇଁ ଆଇନ୍ କରିଛନ୍ତି ବୋଲି କହିଛନ୍ତି ଗୃହମନ୍ତ୍ରୀ ।
ମଞ୍ଚେଶ୍ୱର ଥାନା ଅଧୀନ ପାଣ୍ଡରା ଅଞ୍ଚଳରେ ଶୁକ୍ରବାର ଏକ ଦୁର୍ଘଟଣା ଘଟିଛି। ସେଫ୍ଟିଟାଙ୍କିରେ ପଶି କାମ କରୁଥିଲାବେଳେ ଟାଙ୍କି ଫଲ୍ସ ଖସି ୩ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ସୂଚନା ଅନୁସାରେ ଶୁକ୍ରବାର ଅପରାହ୍ଣ ସମୟରେ ଶ୍ରମିକମାନେ ପାଇଖାନା ଟାଙ୍କିରେ ପଶି କାମ କରୁଥିଲେ। କାମ କରୁଥିବା ସମୟରେ ସେମାନଙ୍କ ଉପରେ ଟାଙ୍କର ଫଲ୍ସ ଖସିପଡିଥିଲା। ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ୩ ଶ୍ରମିକଙ୍କୁ ମୃତ ଘୋଷଣା କରିଥିଲେ। ଜନୈକ ଲୋକଙ୍କ ଘର ତିଆରି କାମରେ ନିୟାଜିତ ଥିଲେ ଏହି ତିନି ଶ୍ରମିକ ।
ସୁପ୍ରିମକୋର୍ଟରେ ରାମ ଜନ୍ମଭୂମି-ବାବ୍ରୀ ମସ୍ଜିଦ ଜମି ବିବାଦ ମାମଲାର ଆଜି ଶୁଣାଣି ହୋଇଛି । ଗତକାଲି ଏହି ସମ୍ପର୍କିତ ମଧ୍ୟସ୍ଥତା କମିଟି ରିପୋର୍ଟ ଦାଖଲ ହୋଇଥିଲା । ଆଜି ଏହି ରିପୋର୍ଟ ଉପରେ ସୁପ୍ରିମ୍କୋର୍ଟ ଶୁଣାଣି କରିଛନ୍ତି । ଆଲୋଚନା ମାଧ୍ୟମରେ ମାମଲାର ସମାଧାନ କରିବା ପାଇଁ ସୁପ୍ରିମକୋର୍ଟ ମଧ୍ୟସ୍ଥତା କମିଟି ସ୍ଥାପନ କରିଥିଲେ । କିନ୍ତୁ ମଧ୍ୟସ୍ଥତା କମିଟିରେ ମଧ୍ୟ ଏହି ସମ୍ବନ୍ଧୀୟ କୌଣସି ନିଷ୍କର୍ଷ ବାହାରି ପାରିନାହିଁ । ଅଯୋଧ୍ୟା ମାମଲାର ଶୁଣାଣି ଆସନ୍ତା ୬ ତାରିଖରୁ ଓପନ୍ କୋର୍ଟରେ ଦୖେନିକ ଶୁଣାଣି କରାଯିବ ବୋଲି ସୁପ୍ରିମ୍କୋର୍ଟ ନିର୍ଦ୍ଦେଶ ଦେଇଛନ୍ତି । ମାମଲାର ଶୁଣାଣି କରି ମୁଖ୍ୟ ବିଚାରପତି ରଂଜନ ଗୋଗେଇ କହିଛନ୍ତି ଯେ, ଏହି ମାମଲାରେ ବିଭିନ୍ନ ଦିଗକୁ ଧ୍ୟାନ ଦିଆଯିବ । ଏହି ମାମଲାକୁ ଆଲୋଚନା ବା ସହମତି ଭିତ୍ତିରେ ସମାଧାନ କରିବା ପାଇଁ ତିନିଜଣିଆ ମଧ୍ୟସ୍ଥତା କମିଟି ଗଠନ କରାଯାଇଥିଲା । କିନ୍ତୁ ଏହି…
କେଦାର ମିଶ୍ର “ମୁଁ ନରେନ୍ଦ୍ର ମୋଦୀଙ୍କୁ ବିରୋଧ କରେନାହିଁ, ତାଙ୍କୁ ପ୍ରଶ୍ନ ପଚାରେ”- ନିଜର ଭୋଜପୁରୀ ଭାବ ମିଶା ହିନ୍ଦୀରେ ଏମିତି କିଛି କହିଲାବେଳେ ରବିଶ କୁମାର ଭିନ୍ନ ଏକ ଗ୍ରହର ସାମ୍ବାଦିକ ମନେହୁଅନ୍ତି। ଯେତେବେଳେ ସାରାଦେଶର ଗଣମାଧ୍ୟମ ନିଜକୁ ଶାସକ ଦଳର ବିଶ୍ଵସ୍ତ କରାଇବାର ପ୍ରତିଯୋଗିତାରେ ମରାମରି ହେଉଛନ୍ତି, ସେତେବେଳେ ନିରନ୍ତର ସରକାର ବିରୋଧୀ ସ୍ଵରକୁ ଅତ୍ୟନ୍ତ ଦୃଢତାର ସହିତ ଉପସ୍ଥାପନ କରିବାରେ ରବିଶ କୁମାରଙ୍କର ଏକ ନିର୍ଦ୍ଦିଷ୍ଟ ଭୂମିକା ରହିଛି। ସେ ବୋଧହୁଏ ଆମ ସମୟର ଅଳ୍ପ କେତେଜଣ ସମ୍ପାଦକଙ୍କ ଭିତରୁ ଜଣେ, ଯିଏ ଆଜି ମଧ୍ୟ ଲୋକଙ୍କ ପାଖକୁ ଯାଇ ଖବର ସଂଗ୍ରହ କରନ୍ତି। ତାଙ୍କ ସାମ୍ବାଦିକତା ନ୍ୟୁଜରୁମର ଶୀତ ତାପନିୟନ୍ତ୍ରିତ ବିଳାସର ସାମ୍ବାଦିକତା ନୁହେଁ, ତାହା ରାସ୍ତା ଓ ଗାଁରେ ଧୂଳି ଓ ଖରାର ସାମ୍ବାଦିକତା। ସାଧାରଣ ମଣିଷ, ଯାହାର ଭାଷା ଶାସନ ପାଖରେ ପହଞ୍ଚେ ନାହିଁ, ରବିଶ କୁମାର ସେହି ଲୋକର କଥା କହନ୍ତି।…
ବହୁ ଚର୍ଚ୍ଚିତ କୁନ୍ଦୁଲି ଗଣ ଦୁଷ୍କର୍ମ ଓ ଆତ୍ମହତ୍ୟା ମାମଲାର ଶୁଣାଣି କରିଛନ୍ତି ହାଇକୋର୍ଟ । ୪ ସପ୍ତାହରେ ଏହି ମାମଲାର ତଦନ୍ତ ସାରି ରିପୋର୍ଟ ଦେବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଏହି ଘଟଣାର ଏସ୍ଆଇଟି ତଦନ୍ତ ଲାଗି ମଧ୍ୟ ପ୍ରସ୍ତାବ ଦେଇଛନ୍ତି ହାଇକୋର୍ଟ । ପୋଲିସ୍ ରିପୋର୍ଟରେ ସନ୍ତୁଷ୍ଟ ନ ହେଲେ ଏସ୍ଆଇଟି ଗଠନ କରିବାକୁ ପ୍ରସ୍ତାବ ଦେଇଛନ୍ତି କୋର୍ଟ । କେନ୍ଦ୍ର ଓ ରାଜ୍ୟସ୍ତରୀୟ ଏଜେନ୍ସି ଅଧିକାରୀଙ୍କୁ ନେଇ ଏସ୍ଆଇଟି ପ୍ରସ୍ତାବ ଦେଇଛନ୍ତି କୋର୍ଟ । ସେପ୍ଟେମ୍ବର ୪ ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ । ୨୦୧୭ ମସିହା ଅକ୍ଟୋବର ୧୦ ତାରିଖରେ କୋରାପୁଟ ଜିଲ୍ଲା ମୂଷାଗୁଡ଼ାର ଜଣେ ନବମ ଶ୍ରେଣୀର ଛାତ୍ରୀ କୁନ୍ଦୁଲି ହାଟପଦାକୁ ଫଟୋ ଉଠାଇବା ପାଇଁ ଆସିଥିଲେ । ସେଠାରୁ ସେ କାମ ସାରି ଫେରୁଥିବା ବେଳେ ଖାନ୍ଦା ଘାଟିର ୪ଜଣ ଯବାନ ତାଙ୍କୁ ଗଣବଳାତ୍କାର କରିଥିଲେ ।
ଆଜି ସୁପ୍ରିମକୋର୍ଟ ଶ୍ରୀମନ୍ଦିର ସଂସ୍କାର ମାମଲାର ଶୁଣାଣୀ କରିଛନ୍ତି । ମାମଲାରେ ପକ୍ଷଭୂକ୍ତ ହେବାକୁ ଶଙ୍କରାଚାର୍ଯ୍ୟଙ୍କ ପକ୍ଷରୁ କରାଯାଇଥିବା ଆବେଦନକୁ କୋର୍ଟ ଖାରଜ କରିଦେଇଛନ୍ତି । ଶଙ୍କରାଚାର୍ଯ୍ୟ ଏଥିରେ ପକ୍ଷଭୂକ୍ତ ହୋଇପାରିବେ ନାହିଁ ବୋଲି କୋର୍ଟ କହିଛନ୍ତି । କିନ୍ତୁ ସେ ଚାହିଁଲେ ଏହି ପ୍ରସଙ୍ଗରେ ନିଜର ମତାମତ ଦେଇ ପାରିବେ । ଏହାକୁ କୋର୍ଟ ଉପଯୁକ୍ତ ମନେ କଲେ ଗ୍ରହଣ କରିବେ । ଏହି ମାମଲାର ଶୁଣାଣି ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଘୁଞ୍ଚାଇଲେ ସୁପ୍ରିମ୍କୋର୍ଟ । ଶ୍ରୀମନ୍ଦିର ପ୍ରଶାସନ ପକ୍ଷରୁ ଓକିଲ ଶ୍ବେତକେତୁ ମିଶ୍ର ଏହି ସମ୍ବନ୍ଧୀୟ ସୂଚନା ଦେଇଛନ୍ତି ।
ଆଜି ବିଧାନସଭାରେ ଚାଷୀମୃତ୍ୟକୁ ନେଇ ଆଲୋଚନା ସରଗରମ ହୋଇଛି । ଚାଷୀ ମୃତ୍ୟୁ ସମ୍ପର୍କିତ ମୁଲତବୀ ଆଲୋଚନା ବେଳେ ମୁହାଁମୁହିଁ ହୋଇଛନ୍ତି କୃଷି ମନ୍ତ୍ରୀ ଅରୁଣ ସାହୁ ଓ କଂଗ୍ରେସ ବିଧାୟକ ନରସିଂହ ମିଶ୍ର । ରାଜ୍ୟରେ ଚାଷୀ ଆତ୍ମହତ୍ୟା ଅଭିଯୋଗର ସତ୍ୟତା ନାହିଁ କହିଲେ ଅରୁଣ ସାହୁ । ମନ୍ତ୍ରୀଙ୍କ ଉକ୍ତିର ଖୋଲା ଚ୍ୟାଲେଞ୍ଜ କରିଛନ୍ତି ନରସିଂହ ମିଶ୍ର । ପ୍ରତି ଚାଷୀ ମୃତ୍ୟୁର ତଦନ୍ତ ରିପୋର୍ଟ ଜିଲ୍ଲାସ୍ତରରୁ ଆସିଥାଏ ବୋଲି କହିଛନ୍ତି ନରସିଂହ ମିଶ୍ର । ସରକାର ସମସ୍ତ ରିପୋର୍ଟ ବିଧାନସଭାରେ ଉପସ୍ଥାପନ କରନ୍ତୁ ବୋଲି କହିଛନ୍ତି କଂଗ୍ରେସ ବିଧାୟକ ନରସିଂହ ମିଶ୍ର । ଚାଷୀ ଆତ୍ମହତ୍ୟା କରୁଥିବା ବିଜେଡ଼ି ସାଂସଦ ପ୍ରସନ୍ନ ଆଚାର୍ଯ୍ୟ ମାନିଥିଲେ । ସରକାର ସମ୍ବିଧାନ ଓ ଆଇନ୍କୁ ଉଲ୍ଲଂଘନ କରୁଛନ୍ତି ବୋଲି କହିଛନ୍ତି ନରସିଂହ ମିଶ୍ର । ମୁଲତବୀ ଆଲୋଚନା ବେଳେ ପୋଡ଼ିୟମ୍ ପାଖରେ ବିଜେପି ସଦସ୍ୟ ହୋହଲ୍ଲା କରିଛନ୍ତି ।
ନ୍ୟାସନାଲ୍ ମେଡ଼ିକାଲ୍ କମିଶନ (ଏନ୍ଏମ୍ସି) ବିଲ୍ ବିରୋଧରେ ସାରା ଦେଶରେ ଚାଲିଛି ଡାକ୍ତରଙ୍କ ଧାରଣା । ଦିଲ୍ଲୀର ଏକ ଡାକ୍ତରଙ୍କ ପ୍ରତିନିଧିଦଳ ଶୁକ୍ରବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଡ. ହର୍ଷବର୍ଦ୍ଧନଙ୍କ ସହ ସାକ୍ଷାତ କରିଛନ୍ତି । ଏହି ସାକ୍ଷାତକାରରେ ହର୍ଷବର୍ଦ୍ଧନ ମୁଖ୍ୟ ଡାକ୍ତରଙ୍କ ସହ ଆଲୋଚନା କରି ଏହି ବିଲ୍ର କିଛି ନିୟମର ଥିବା ଦ୍ବନ୍ଦ୍ବକୁ ଦୂର କରିବା ସହ ଦେଶ ଓ ରୋଗୀଙ୍କ ହିତ ପାଇଁ ଡାକ୍ତରଙ୍କ ଆନ୍ଦୋଳନକୁ ପ୍ରତ୍ୟାହୃତ କରିବା ପାଇଁ ଅପିଲ୍ କରିଛନ୍ତି । ଏନ୍ଏମ୍ସି ବିଲ୍ ବିରୋଧରେ ଡାକ୍ତରଙ୍କ ଧାରଣା ପ୍ରଦର୍ଶନ ଆଜି ତୃତୀୟ ଦିନରେ ପହଞ୍ଚିଛି । ଗୁରୁବାର ଦିନ ମୋଦି ସରକାର ରାଜ୍ୟସଭାରେ ଏନ୍ଏମ୍ସି ବିଲ୍କୁ ପାସ୍ କରାଇଥିଲେ । ପୂର୍ବରୁ ଏହା ଜୁଲାଇ ୨୯ ତାରିଖରେ ଲୋକସଭାରେ ପାସ୍ ହୋଇଥିଲା ।
ଉତ୍ତରପ୍ରଦେଶର ବହୁଚର୍ଚ୍ଚିତ ଉନ୍ନାଓ ପୀଡିତା ମାମଲାରେ ଶୁକ୍ରବାର ସୁପ୍ରିମକୋର୍ଟ ପୁଣି ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି। ପୀଡିତାଙ୍କ ଚିକିତ୍ସା ଦିଲ୍ଲୀ ନୁହେଁ, ଲକ୍ଷ୍ନୌରେ କରାଯିବ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ପୀଡିତାଙ୍କ ପରିବାର ଲକ୍ଷ୍ନୌରେ ଚିକିତ୍ସା ଚାହୁଁଛନ୍ତି ବୋଲି ତାଙ୍କ ଓକିଲ କହିବା ପରେ ସୁପ୍ରିମକୋର୍ଟ ଏହି ନିଷ୍ପତ୍ତି ନେଇଛନ୍ତି। ସେହିପରି ସୁରକ୍ଷା ଦୃଷ୍ଟିକୋଣରୁ ପୀଡିତାଙ୍କ ଦାଦାଙ୍କୁ ରାୟବରେଲି ଜେଲରୁ ତିହାଡ ଜେଲ୍କୁ ସ୍ଥାନାନ୍ତରିତ କରାଯିବ ବୋଲି ସୂଚନା ଦେଇଛନ୍ତି ସୁପ୍ରିମ୍କୋର୍ଟ । ସୂଚନାଯୋଗ୍ୟ, ଉନ୍ନାଓ ବଳାତ୍କାର ପୀଡିତା ଓକିଲ ଏବଂ ମାଉସୀଙ୍କ ସହ କାର୍ରେ ଯାଉଥିବାବେଳେ ଏକ ଟ୍ରକ୍ ଧକ୍କା ଦେଇଥିଲା। ଘଟଣାସ୍ଥଳରେ ତାଙ୍କ ମାଉସୀଙ୍କ ମୃତ୍ୟୁ ହୋଇଥିଲା। ପୀଡିତା ଜଣଙ୍କ ଗୁରୁତର ଅବସ୍ଥାରେ ଡାକ୍ତରଖାନାରେ ଚିକତ୍ସିତ ହେଉଛନ୍ତି। ଏହି ଘଟଣାରେ ଭାଜପା ବିଧାୟକ କୁଳଦୀପ ସେନଗାର ଗିରଫ୍ ହୋଇଛନ୍ତି।
ପୁଣି ବିବାଦରେ ରସଗୋଲା । ଓଡ଼ିଶାକୁ ରସଗୋଲା ଜିଆଇ ମାନ୍ୟତା ମିଳିଥିବା ବେଳେ ଏହା ପୂର୍ବରୁ ପଶ୍ଚିମବଙ୍ଗକୁ ମଧ୍ୟ ମିଳିଥିଲା । ଯାହାକୁ ନେଇ ପୁଣି ବିବାଦ ସୃଷ୍ଟି ହୋଇଛି । ଦୀର୍ଘ ଦିନରୁ ରସଗୋଲାକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ରହିଥିଲା । ପଶ୍ଚିମବଙ୍ଗ ଓ ଓଡ଼ିଶା ରସଗୋଲାକୁ ନିଜର ବୋଲି ଦାବୀ କରୁଥିଲେ । ଓଡ଼ିଶା ରସଗୋଲାକୁ ଜିଆଇ ଟ୍ୟାଗ୍ ମିଳିବା ପୂର୍ବରୁ ପଶ୍ଚିମବଙ୍ଗକୁ ମଧ୍ୟ ଜିଆଇ ଟ୍ୟାଗ ମିଳିଥିଲା । ଏହା ଉପରେ ଓଡ଼ିଶା ପକ୍ଷରୁ ରମେଶ ଚନ୍ଦ୍ର ସାହୁ ନାମକ ଜଣେ ବ୍ୟକ୍ତି ଆବେଦନ କରିଥିଲେ । ପଶ୍ଚିମବଙ୍ଗ ରସଗୋଲାକୁ ମିଳିଥିବା ଜିଆଇ ଟ୍ୟାଗ ରଦ୍ଦ ପାଇଁ ସେ ଆବେଦନ କରିଥିଲେ । ତେଣୁ ପଶ୍ଚିମବଙ୍ଗକୁ ମିଳିଥିବା ଜିଆଇ ଟ୍ୟାଗ ବିରୋଧରେ ଶୁଣାଣି ହେବ । ପଶ୍ଚିମବଙ୍ଗ ସରକାରଙ୍କ ୨ଟି ବିଭାଗକୁ ଜିଆଇ ବିଭାଗ ପକ୍ଷରୁ ନୋଟିସ ଜାରି କରାଯାଇଛି । ସେପ୍ଟେମ୍ବର ୬ରେ…
ନିଜର ମନ୍ତବ୍ୟ ପାଇଁ ଗୃହରେ ଦୁଃଖ ପ୍ରକାଶ କଲେ ବିଧାୟକ ବିଷ୍ଣୁ ସେଠୀ । ଦୁଃଖ ପ୍ରକାଶ ସହ ଗୃହର ବିବରଣୀରୁ ବାଦ୍ ଦେବାକୁ ଅନୁରୋଧ କରିଛନ୍ତି । ମୁଁ ଉଦ୍ଦେଶ୍ୟମୂଳକ ଭାବେ କହି ନଥିଲି ବୋଲି କହିଛନ୍ତି ବିଷ୍ଣୁ । ବିଷ୍ଣୁଙ୍କ ଦୁଃଖ ପ୍ରକାଶ ପରେ ରୁଲିଂ ଦେଲେ ବାଚସ୍ପତି । ବିଧାନସଭା ବିବରଣୀରୁ ବାଦ୍ ଦେବାକୁ ମଧ୍ୟ ବାଚସ୍ପତି ରୁଲିଂ ଦେଇଛନ୍ତି । ମିଡିଆ ମଧ୍ୟ ଏ ସମ୍ପର୍କିତ ଖବର ଆଉ ପ୍ରକାଶ ନ କରିବାକୁ ରୁଲିଂ ଦେଇଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର । ଗତକାଲି ବିଷ୍ଣୁ ସେଠୀ ସଂସଦରେ ତିନି ତଲାକ ବିଲ୍ ପାରିତ ହେବା ନେଇ ବିଧାନସଭା ଗୃହରେ ମନ୍ତବ୍ୟ ରଖୁଥିଲେ । ଏହି ସମୟରେ ସେ ଟ୍ରିପଲ୍ ତଲାକ୍ ପାଇଥିବା ମସୁଲମାନ ମହିଳାଙ୍କ ପ୍ରତି କିଛି ଆପତ୍ତିଜନକ ମନ୍ତବ୍ୟ ଦେଇଥିଲେ । ଯାହାକୁ କେନ୍ଦ୍ର କରି କଂଗ୍ରେସ ଓ ବିଜେଡ଼ି କର୍ମୀ ହଙ୍ଗାମା ଆରମ୍ଭ…
ସ୍କୁଲ ପିଲାଙ୍କ ବସ୍ତାନି ବୋଝ ପ୍ରସଙ୍ଗରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ପ୍ରତିକ୍ରିୟା ଦେଇ କହିଛନ୍ତି ଯେ, ବ୍ୟାଗ୍ ବୋଝରେ କୋମଳମତି ଶିଶୁମାନେ ଭାରସାମ୍ୟ ହରାଇ ବସୁଛନ୍ତି । ଏ ସମ୍ପର୍କିତ ଆଇନ୍କୁ କଡାକଡି ଲାଗୁ କରିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି । ଆଜିଠାରୁ ଜିଲ୍ଲାପାଳମାନେ ସ୍କ୍ବାର୍ଡ ଜରିଆରେ ଏହାର ତଦାରଖ କରିବେ । ନିଜେ ସ୍କୁଲ ବୁଲି ଏ ସମ୍ପର୍କରେ ତଦାରଖ କରିବେ ବୋଲି କହିଛନ୍ତି ମନ୍ତ୍ରୀ ସମୀର ଦାଶ ।ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ସ୍କୁଲ ବ୍ୟାଗ୍ ଓଜନକୁ ନେଇ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟର ଯେଉଁ ନିର୍ଦ୍ଦେଶାବଳୀ (ଗାଇଡ୍ ଲାଇନ) ରହିଛି ତାକୁ ପାଳନ କରିବା ପାଇଁ ରାଜ୍ୟ ସରକାର କଡ଼ା ନିର୍ଦ୍ଦେଶ ଦେଇଛନ୍ତି।
ତାମିଲ୍ ଫିଲ୍ମ କତ୍ଥୀର ହିନ୍ଦି ରିମେକ୍ରେ ନଜର ଆସିବାକୁ ଯାଉଛନ୍ତି ବଲିଉଡ୍ ସୁପରଷ୍ଟାର ଅକ୍ଷୟ କୁମାର । କିଛିଦିନ ପୂର୍ବରୁ ଅଜିତ କୁମାରଙ୍କ ବୀରମ୍ ର ହିନ୍ଦି ରିମେକ୍ ସମ୍ପର୍କରେ ଘୋଷଣା କରିଥିବା ଅକ୍ଷୟ ଏ ଆର ମୁରୁଗାଦୋସଙ୍କ କତ୍ଥୀରେ ନଜର ଆସିବେ ବୋଲି ଜଣାପଡିଛି । ମିଶନ ମଙ୍ଗଲର ନିର୍ଦ୍ଦେଶକ ଜଗନ ଶକ୍ତି ଏହି ଫିଲ୍ମର ନିର୍ଦ୍ଦେଶନା ଦେବେ । ଫିଲ୍ମର ନାମ ଇକ୍କା ରହିବା ନେଇ ଅକ୍ଷୟ ସ୍ପଷ୍ଟ କରିଛନ୍ତି । ଏହି ଫିଲ୍ମଟି ଉଭୟ ତାମିଲ ଏବଂ ତେଲୁଗୁରେ ନିର୍ମିତ ହୋଇଥିବା ବେଳେ ଫିଲ୍ମଟି ବ୍ଲକ୍ବଷ୍ଟର ରହିଥିଲା । ମିଶନ ମଙ୍ଗଲ ରିଲିଜ୍ ପରେ ଏହି ଫିଲ୍ମର ସୁଟିଂ ଆରମ୍ଭ ହେବ ବୋଲି ନିର୍ଦ୍ଦେଶକ ଜଗନ ଶକ୍ତି ସୂଚନା ଦେଇଛନ୍ତି । ମିଶନ ମଙ୍ଗଲରେ ଅକ୍ଷୟଙ୍କ ବ୍ୟତିତ ବିଦ୍ୟା ବାଲାନ, ତାପସୀ ପାନ୍ନୁ, କୀର୍ତ୍ତୀ କୁହ୍ଲାରୀ, ସୋନାକ୍ଷୀ ସିହ୍ନା, ନିତ୍ୟା ମେନେନ ଏବଂ ଶର୍ମନ ଯୋଶୀ ପ୍ରମୁଖ…
କାଶ୍ମୀର ପ୍ରସଙ୍ଗରେ ମଧ୍ୟସ୍ଥତା ଲାଗି ପୁଣି ଥରେ ପ୍ରସ୍ତାବ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ଏହି ପ୍ରସଙ୍ଗରେ ଭାରତରର ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ପ୍ରତିକ୍ରିୟା ଦେଇ କହିଛନ୍ତି ଯେ, ଏହି ପ୍ରସଙ୍ଗରେ ତୃତୀୟ ପକ୍ଷଙ୍କ କୌଣସି ଆବଶ୍ୟକତା ନାହିଁ । ଏହା ଦ୍ବିପାକ୍ଷିକ ପ୍ରସଙ୍ଗ । ବ୍ୟାଙ୍କକରେ ଆଜି ଭାରତୀୟ ବିଦେଶିକ ମନ୍ତ୍ରୀ ଏସ ଜୟଶଙ୍କର ଆମେରିକାର ବୈଦେଶିକ ମନ୍ତ୍ରୀ ମାଇକ ପିମ୍ପୋଓଙ୍କ ସହ ଆଲୋଚନା କରିଛନ୍ତି । ଦୁଇ ଦେଶର ପ୍ରତିନିଧିଙ୍କ ମଧ୍ୟରେ ଦ୍ୱିପାକ୍ଷିକ ସ୍ତରରେ ଆଲୋଚନା ହୋଇଥିଲା । ବୈଠକ ପରେ ଜୟଶଙ୍କର କାଶ୍ମୀର ପ୍ରସଙ୍ଗରେ କେବଳ ପାକିସ୍ତାନ ସହ ଆଲୋଚନା ହେବ ବୋଲି କହିଛନ୍ତି ଜୟଶଙ୍କର । ଜୟଶଙ୍କର ଓ ମାଇକ ପାମ୍ପିଓ ଆର୍ଥିକ ଓ ବ୍ୟବସାୟିକ ନୀତି ଉପରେ ଚର୍ଚ୍ଚା କରିଛନ୍ତି । ଦୁଇ ଦେଶ ମଧ୍ୟରେ ସମ୍ପର୍କ ଭଲ ରହିଥିବା ବେଳେ ବ୍ୟବସାୟିକ ଦୃଷ୍ଟିରୁ କିଛି ବିବାଦ ରହିଛି ।…
ମାଲକାନଗିରି ଜିଲ୍ଲାରେ ଲଗାଣ ବର୍ଷା ଜାରି ରହିଛି। ଫଳରେ କୋରକୋଣ୍ଡା ଓ ଏମ୍ଭି-୩୬ ପୋଲ ଉପରେ ୫ ଫୁଟ୍ର ପାଣି ପ୍ରଭାବିତ ହେଉଛି। ତେଣୁ ମାଲକାନଗିରି-ବାଲିମେଳା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି। ଏଥିଯୋଗୁ ଯାନବାହାନ ଚଳାଚଳରେ ବାଧା ସୃଷ୍ଟି ହୋଇଛି। କୋରକୁଣ୍ଡା, ଏମ୍ଭି ୯୬ ଓ ଏମ୍ଭି ୩୭ ପୋଲ ଉପରେ ପାଣି ଚାଲିଥିବାବେଳେ ବାଲିମେଳା-ମାଲକାନଗିରି ଓ କାଲିମେଳା-ମୋଟୁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ଗତ ୨୯ ତାରିଖରେ ଜିଲ୍ଲାରେ ଲଗାଣ ବର୍ଷା ହୋଇଥିବାରୁ ବନ୍ୟା ସ୍ଥିତି ଉପୁଜିଥିଲା। ବର୍ଷା ଯୋଗୁ ପୋଟେରୁ, କାଙ୍କୋରକୋଣ୍ଡା, କନ୍ୟାଶ୍ରମ, ଏମ୍ଭି ୯୦ ଓ କୋରକୁଣ୍ଡା ଭଳି ସ୍ଥାନରେ ଥିବା ପୋଲ ଉପରେ ବର୍ଷା ଜଳ ପ୍ରବାହିତ ହୋଇଥିଲା। ତେଣୁ ମାଲକାନଗିରି-କାଲିମେଳା, କାଲିମେଳା-ପଡିଆ, କାଲିମେଳା-ମୋଟୁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଥିଲା। ପୋଲ ଉପରେ ପାଣି ପ୍ରଭାବିତ ହୋଇଥିବାରୁ ଉଭୟ ପଟେ ଗାଡ଼ି ମୋଟର ଅଟକି ରହିଥିଲା।
ଏସିଆର ନୋବେଲ୍ ପୁରସ୍କାର କୁହାଯାଉଥିବା ସମ୍ମାନଜନକ ରମଣ ମାଗାସେସ୍ ପୁରସ୍କାରର ଘୋଷଣା କରାଯାଇଛି । ଚଳିତ ବର୍ଷ ପାଇଁ ଏହି ପୁରସ୍କାରରେ ପୁରସ୍କୃତ ହେଉଥିବା ବ୍ୟକ୍ତିଙ୍କ ଭିତରେ ରହିଛନ୍ତି ଭାରତୀୟ ସାମ୍ବାଦିକ ରବିଶ୍ କୁମାର । ଭାରତୀୟ ସାମ୍ବାଦିକତା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଯୋଗଦାନ ପାଇଁ ତାଙ୍କୁ ଏହି ପୁରସ୍କାରରେ ସମ୍ମାନିତ କରାଯିବ । ରବିଶ୍ କୁମାର ଏହି ପୁରସ୍କାର ପାଇବାରେ ୧୧ତମ ଭାରତୀୟ ଅଟନ୍ତି। ଫିଲିଫାଇନ୍ସର ପୂର୍ବତନ ରାଷ୍ଟ୍ରପତି ରମଣ ମାଗାସେସ୍ଙ୍କ ସ୍ମୃତି ଉଦ୍ଦେଶ୍ୟରେ ଏସିଆର ନିଜ ନିଜ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ବ୍ୟକ୍ତି ତଥା ସଂସ୍ଥାକୁ ଏହି ପୁରସ୍କାରରେ ସମ୍ମାନିତ କରାଯାଇଥାଏ । ରବିଶ୍ କୁମାରଙ୍କ ବ୍ୟତୀତ ଚଳିତ ଥର ଏହି ପୁରସ୍କାର ସମ୍ମାନରେ ମିଆଁମାର୍ର ସୋ ବିନ୍, ଥାଇଲାଣ୍ଡର ଅଙ୍ଗହାନା ନିଲ୍ପାଇଜିତ୍, ଫିଲିଫାଇନ୍ସର ରେମଣ୍ଡ ଓ ଦକ୍ଷିଣ କୋରିଆର କିମ୍ ଜଙ୍ଗ ପ୍ରମୁଖ ସମ୍ମାନିତ ହେବେ । ପ୍ରାୟ ୧୨ ବର୍ଷ ପରେ ଜଣେ ଭାରତୀୟ…