ଭୁବନେଶ୍ବର: ଚଳିତ ବର୍ଷ ପ୍ରଭୃ ଶ୍ରୀ ଲିଙ୍ଗରାଜ ମହାପ୍ରଭୁଙ୍କର ପ୍ରସିଦ୍ଧ ମହାଶିବରାତ୍ରୀ ପର୍ବ ଆସନ୍ତା ୧୫ ତାରିଖ ରବିବାର ଦିନ ଅନୁଷ୍ଠିତ ହେବ। ଏହି ପରିପ୍ରେକ୍ଷୀରେ ଆଜି ଭୁବନେଶ୍ବର ଲୋକସେବା ଭବନ ସ୍ଥିତ ଆଇନ ବିଭାଗର ସମ୍ମିଳନୀ କକ୍ଷରେ ସମ୍ବନୟ ବୈଠକ ଅନୁଷ୍ଠିତ ହୋଇଯାଇଛି। ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥୀରାଜ ହରିଚନ୍ଦନଙ୍କ ଅଧ୍ୟକ୍ଷତାରେ ଏହି ବୈଠକ ଆୟୋଜିତ ହୋଇଥିଲା। ଏଥିରେ ସେବାୟତ, ମନ୍ଦିର ପ୍ରଶାସନ ଓ ବିଭିନ୍ନ ସରକାରୀ ବିଭାଗ ଉପରେ ନ୍ୟସ୍ତ କରାଯାଇଥିବା ଦାୟିତ୍ବ ଓ ଆନୁଷଙ୍ଗିକ ବ୍ୟବସ୍ଥା ସମ୍ପର୍କରେ ଆଲୋଚ଼ନା କରାଯାଇଛି। ଉକ୍ତ ବୈଠକରେ ଶାନ୍ତିପୂର୍ଣ୍ଣ ଭାବେ ମହାପ୍ରଭୁ ଲିଙ୍ଗରାଜଙ୍କ ନୀତି ସମ୍ପନ୍ନ ହେବା, ସଠିକ୍ ସମୟରେ ମହାଦୀପ ଉଠିବା, ଶୃଙ୍ଖଳିତ ଦର୍ଶନ, ଶୂନ୍ୟ ଅଘଟଣକୁ ଗୁରୁତ୍ବ ଦେବା ସହ ଟ୍ରାଫିକ ସୁପରିଚାଳନା, ପାରିପାର୍ଶ୍ବକ ରାସ୍ତାଗୁଡିକୁ ପରିଷ୍କାର ପରିଚ୍ଛନ୍ନତା, ପାଣି ଓ ବିଦ୍ୟୁତ୍ ବ୍ୟବସ୍ଥା ଆଦି ବିଷୟ ଉପରେ ବ୍ୟାପକ ଆଲୋଚନା କରିବା ସହ ଶୃଙ୍ଖଳିତ…
Author: Samikhsya Bureau
Dhauli Kalinga Festival: ଭୁବନେଶ୍ବରର ପ୍ରସିଦ୍ଧ ଧଉଳି ପାଦଦେଶରେ ଆୟୋଜିତ ହୋଇ ଆସୁଥିବା ୨୨ତମ ଧଉଳି-କଳିଙ୍ଗ ମହୋତ୍ସବ ଆଜି ସଂଧ୍ୟାରେ ଉଦଯାପିତ ହୋଇଯାଇଛି। ଏହି ସଂଧ୍ୟାରେ ରାଜ୍ୟପାଳ ହରିବାବୁ କୁମ୍ଭମପାଟି, ଆଇନ, ଅବକାରୀ ଓ ପୂର୍ତ୍ତ ମନ୍ତ୍ରୀ ପୃଥୀରାଜ ହରିଚନ୍ଦନ ଯୋଗ ଦେଇଥିଲେ। ଶେଷ ସଂଧ୍ୟାରେ ଆୟୋଜକ ସଂସ୍ଥା ଓଡିଶା ଡ୍ୟାନସ ଏକାଡେମୀର ନୃତ୍ୟଶିଳ୍ପୀ ପରିବେଷଣ କରିଥିଲେ ନୃତ୍ୟାଭିନୟ ପଥ ରଜାପଥ। ଓଡିଶୀ ନୃତ୍ୟ ଗୁରୁ ତଥା ଏକାଡେମୀର ସମ୍ପାଦିକା ପଦ୍ମଶ୍ରୀ ଅରୁଣା ମହାନ୍ତିଙ୍କ ନୃତ୍ୟ ନିର୍ଦ୍ଦେଶନାରେ ନୃତ୍ୟଶିଳ୍ପୀମାନଙ୍କ ଏହି ନୃତ୍ୟାଭିନୟ ଦର୍ଶକଙ୍କୁ ବେଶ ଆକର୍ଷିତ କରିଥିଲା। ଏହା ଶାସ୍ତ୍ରୀୟ ନୃତ୍ୟ, ଲୋକନୃତ୍ୟ ଏବଂ ସମସାମୟିକ ନୃତ୍ୟର ଏକ ସମାହର ଥିଲା। ସେହିପରି ଏହି ସଂଧ୍ୟାରେ ଅନ୍ୟତମ ଆକର୍ଷଣ ଥିଲା କଥକ ନୃତ୍ୟ। କୋଲକାତାର ନୃତ୍ୟଦିଶାର ନୃତ୍ୟଶିଳ୍ପୀମାନେ ଏହି ନୃତ୍ୟ ପରିବେଷଣ କରିଥିଲେ। କଥକ ନୃତ୍ୟ ଗୁରୁ ସୌଭିକ ଚକ୍ରବର୍ତ୍ତି ଏବଂ ତାଙ୍କର ଛାତ୍ରଛାତ୍ରୀଙ୍କ ଏହି ନୃତ୍ୟ ବେଶ ଆକର୍ଷଣୀୟ ହୋଇଥିଲା।…
ନବୀନଙ୍କ ପୁଣି କାର୍ଯ୍ୟାନୁଷ୍ଠାନ: ପୁଣି ଥରେ ବିଜେଡି ସୁପ୍ରିମୋ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ନିକଟରେ ଅରବିନ୍ଦ ମହାପାତ୍ର ଏବଂ ସନାତନ ମାହକୁଡଙ୍କୁ ନିଲମ୍ବନ କରି ନବୀନ ଚର୍ଚ୍ଚାରେ ରହିଛନ୍ତି। କିଛିଦିନ ବ୍ୟବଧାନରେ ନବୀନ ପୁଣି ଥର ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଆଜି ଦଳ ବିରୋଧୀ କାର୍ଯ୍ୟ ପାଇଁ ବ୍ରହ୍ମଗିରି ନିର୍ବାଚନମଣ୍ଡଳୀ କୃଷ୍ଣପ୍ରସାଦ ବ୍ଲକ ଅଧ୍ୟକ୍ଷା ଶ୍ରୀମତୀ ସରୋଜିନୀ ତରାଇଙ୍କୁ ଦଳରୁ ନିଲମ୍ବନ କରାଯାଇଛି। ଏ ନେଇ ଦଳ ତରଫରୁ ଉପସଭାପତି ପ୍ରତାପ ଜେନାଙ୍କୁ ଦସ୍ତଖତରେ ଏକ ନୋଟିସ ଜରୀ କରାଯାଇଛି। ଏଥିରେ କୁହାଯାଇଛି ଯେ, ଦଳ ବିରୋଧୀ କାର୍ଯ୍ୟ ପାଇଁ କୃଷ୍ଣପ୍ରସାଦ ବ୍ଲକ ଅଧ୍ୟକ୍ଷା ସରୋଜିନୀ ତରାଇଙ୍କୁ ନିଲମ୍ବନ କରାଯାଇଛି। ଏହା ତୁରନ୍ତ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦିଆଯାଇଛି।
ଭୁବନେଶ୍ୱର: ବର୍ତ୍ତମାନ ରାଜ୍ୟରେ ପ୍ରଶାସନିକ ଅରାଜକତା, ସାମାଜିକ ସ୍ଥାଣୁତା, ରାଜନୈତିକ ଅପାରଗତା ଯୋଗୁଁ ଏକ ବିରାଟ ସରକାର ବିରୋଧୀ ଜନମତ ସୃଷ୍ଟି ହୋଇଛି। ଦୀର୍ଘ ୨୪ ବର୍ଷର ବିଜେଡ଼ି ସରକାରକୁ ପରିବର୍ତ୍ତନ କରି ଲୋକେ ବିଜେପିକୁ ଭୋଟ ଦେଇ ସରକାରକୁ ଆଣିଥିଲେ। ହେଲେ ଅର୍ଥନୈତିକ ଅବ୍ୟବସ୍ଥା, ବିପର୍ଯ୍ୟସ୍ତ ଆଇନ ଶୃଙ୍ଖଳା, ଅପରିଣାମଦର୍ଶୀ ନିଷ୍ପତ୍ତି ରାଜ୍ୟବାସୀଙ୍କ ଉପରେ ଭାରି ପଡ଼ି ଚାଲିଛି । ପରିସ୍ଥିତି ଏପରି ଜଟିଳ ହୋଇପଡ଼ିଛି ଯେ, ଜନସାଧାରଣ ସନ୍ଦିହାନ ଅବସ୍ଥାରେ। ପ୍ରାୟତଃ ସାରା ରାଜ୍ୟରେ ସରକାରଙ୍କ ଦାୟିତ୍ୱହୀନତା ପାଇଁ ଗଳିକନ୍ଧିରେ ଏକ ସ୍ୱତନ୍ତ୍ର ରାଜନୈତିକ ବିକଳ୍ପ ପାଇଁ ବ୍ୟାପକ ଆଲୋଚନା ପର୍ଯ୍ୟାଲୋଚନା ନେଇ ଗୁଞ୍ଜରଣ ସୃଷ୍ଟି ହୋଇଛି । ସରକାର ଗଠନର ଦୁଇବର୍ଷ ବି ପୂରିନି, କାହିଁକି ଏଭଳି ପରିସ୍ଥିତି ସୃଷ୍ଟିହେଲା ଓ ରାଜ୍ୟରେ ଏକ ରାଜନୈତିକ ବିକଳ୍ପର ଆବଶ୍ୟକତା ସମ୍ପର୍କରେ ବ୍ୟାପକ ଆଲୋଚନା ପାଇଁ ଆମ ଜନତା ଅଧିକାର ନିଷ୍ପତ୍ତି ନେଇଥିଲା । ଏହି ପରିସ୍ଥିତିରେ ଶନିବାର…
ଭୁବନେଶ୍ବର: ଭାରତୀୟ ରାଜନୀତିର ପ୍ରତିଷ୍ଠିତ ବ୍ୟକ୍ତିତ୍ବ, ଓଡ଼ିଶାର ଗର୍ବ, ଆନ୍ଧ୍ରପ୍ରଦେଶ ଓ ଛତିଶଗଡ଼ର ପୂର୍ବତନ ରାଜ୍ୟପାଳ, ଶ୍ରୀଯୁକ୍ତ ବିଶ୍ୱଭୂଷଣ ହରିଚନ୍ଦନଙ୍କ ଦ୍ୱାରା ରଚିତ ଓଡ଼ିଆ ପୁସ୍ତକ ‘ଏ ମାଟି କଥା କହେ’ ଏବଂ ଇଂରାଜୀ ପୁସ୍ତକ ‘ବକ୍ସି ଜଗବନ୍ଧୁ: ଦ ଗ୍ରେଟ୍ କମାଣ୍ଡର’ର ଲୋକାର୍ପଣ ହୋଇଯାଇଛି। ରାଜ୍ୟପାଳ ଡ ହରିବାବୁ କୁମ୍ବମପାଟି ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହାକୁ ଲୋକାର୍ପଣ କରିଛନ୍ତି। ଭୁବନେଶ୍ବରର କୃଷି ବିଶ୍ବବାଦ୍ୟାଳୟର କୃଷି ଶିକ୍ଷା ସଦନ ପ୍ରେକ୍ଷାଳୟରେ ଆୟୋଜିତ ଏହି ଉତ୍ସବରେ ଲେଖକ ବିଶ୍ବଭୂଷଣ ହରିଚନ୍ଦନ ଉପସ୍ଥିତ ରହି ନିଜର ଅଭିବ୍ୟକ୍ତି ପ୍ରକାଶ କରିଥିଲେ। ପାଇକ ପୁଅ ଭାବେ ପରିଚିତ ବିଶ୍ବଭୂଷଣ ହରିଚନ୍ଦନଙ୍କ ଏହି ଦୁଇଟି ପୁସ୍ତକ ଓଡିଶାର ପାଇକ ବିଦ୍ରୋହ ଏବଂ ପାଇକ ବିରତ୍ବର ଗାଥା ବର୍ଣ୍ଣିତ କରାଯାଇଛି। ପୁସ୍ତକ ସଂପର୍କରେ ଖୋଦ ବିଶ୍ବଭୂଷଣ ହରିଚନ୍ଦନ ନିଜର ପାଇକ ଚେତନାକୁ ପରିପ୍ରକାଶ କରିଥିଲେ। ପୁସ୍ତକ ଦ୍ବୟକୁ ଉନମୋଚନ କରି ରାଜ୍ୟପାଳ କୁମ୍ବମପାଟି ବିଶ୍ବଭୂଷଣଙ୍କ ଏହି…
Tata Steel Result: ଟାଟା ଷ୍ଟିଲ୍ 2025-26 ଆର୍ଥିକ ବର୍ଷ (Q3FY26) ପାଇଁ ଅକ୍ଟୋବର-ଡିସେମ୍ବର ତ୍ରୈମାସିକ ଫଳାଫଳ ଆଜି ଘୋଷଣା କରିଛି। ଏଥିରେ ସେପ୍ଟେମ୍ବର ତ୍ରୈମାସିକରେ 3,102 କୋଟି ଟଙ୍କା ତୁଳନାରେ 2,689 କୋଟି ଟଙ୍କାର ନିଟ୍ ଲାଭରେ 13.3% କ୍ଷତି ରିପୋର୍ଟ କରିଛି। ଟାଟା ଗ୍ରୁପର ବହୁରାଷ୍ଟ୍ରୀୟ ଷ୍ଟିଲ୍ ପ୍ରମୁଖ କମ୍ପାନୀର ଚଳିତ ଆର୍ଥିକ ବର୍ଷର ତୃତୀୟ ତ୍ରୈମାସିକରେ କାର୍ଯ୍ୟରୁ ରାଜସ୍ୱ 3% ହ୍ରାସ ପାଇ 57,002 କୋଟି ଟଙ୍କାକୁ ଆସିଛି। ଯାହା ପୂର୍ବ ସେପ୍ଟେମ୍ବର ତ୍ରୈମାସିକରେ 58,689 କୋଟି ଟଙ୍କା ଥିଲା। କାର୍ଯ୍ୟକ୍ଷମତା ଉପରେ, ଡିସେମ୍ବର ତ୍ରୈମାସିକରେ ଟାଟା ଷ୍ଟିଲ୍ର ସୁଧ, ଟିକସ, ମୂଲ୍ୟହ୍ରାସ ଏବଂ ଆମୋର୍ଟାଇଜେସନ୍ ପୂର୍ବରୁ ଆୟ (EBITDA) 7.8% ହ୍ରାସ ପାଇ 8,200 କୋଟି ଟଙ୍କାକୁ ଯାଇଛି। ଯାହା FY26 ର ଦ୍ୱିତୀୟ ତ୍ରୈମାସିକରେ 8,896 କୋଟି ଟଙ୍କା ଥିଲା। ମାର୍ଜିନ୍ 15.2% ରୁ କ୍ରମାଗତ ଭାବରେ 14.4% କୁ ହ୍ରାସ ପାଇଛି। Read…
ଭୁବନେଶ୍ବର: ପ୍ରତି ବର୍ଷ ଫେବୃଆରୀ, ମାର୍ଚ୍ଚ ମାସ ଆସିଲେ, ଆସିଯାଏ ସ୍କୁଲ୍ କଲେଜ୍ରେ ପରୀକ୍ଷାର ସମୟ। ଛାତ୍ରଛାତ୍ରୀଙ୍କର ମନୋବଳ ଦୃଢ କରିବା ପାଇଁ କେବଳ ପିତାମାତା, ଶିକ୍ଷକ ଶିକ୍ଷୟିତ୍ରୀ ନୁହନ୍ତି, ଦେଶର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆରମ୍ଭ କରିଛନ୍ତି ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ। ଆଜି ଏହି ପରିପ୍ରେକ୍ଷୀରେ ପରୀକ୍ଷା ପେ ଚର୍ଚ୍ଚାର ନବମ ସଂସ୍କରଣ ୨୦୨୬ ଶିକ୍ଷା ବର୍ଷର ପରୀକ୍ଷାର୍ଥୀ ମାନଙ୍କ ସହ ଭୁବନେଶ୍ବର ୟୁନିଟ୍ ୧ ସ୍ଥିତ ସରକାରୀ ଉଚ୍ଚ ବିଦ୍ୟାଳୟରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ପ୍ରଧାନମନ୍ତ୍ରୀଙ୍କ ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ ଦେଖିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ଛାତ୍ରଛାତ୍ରୀ ମାନଙ୍କ ସହ କଥାବାର୍ତ୍ତା ହୋଇ ପରୀକ୍ଷା ସମୟର ପ୍ରସ୍ତୁତି ଏବଂ ପାଠପଢା ସମୟର ପ୍ରସ୍ତୁତି ବିଷୟରେ ପରାମର୍ଶ ଦେଇଥିଲେ। ପ୍ରେସରରେ ନୁହେଁ, ପେସେନ୍ସ ରଖି ପାଠ ପଢିଲେ ପରୀକ୍ଷାର ପ୍ରସ୍ତୁତି ଉଚ୍ଚୋକୋଟୀର ହେବ। ପରୀକ୍ଷା ସମୟରେ ଏହି ଦୁଇଟି ଜିନିଷ ପ୍ରତ୍ୟେକ ପିଲାଙ୍କ…
ଭୁବନେଶ୍ବର: ଜରାଜୀର୍ଣ୍ଣ ଅବସ୍ଥା ପୁରୀରେ ପଡିରହିଥିବା ଅନ୍ନପୂର୍ଣ୍ଣ ରଂଗମଞ୍ଚର ପୁନଃଉଦ୍ଧାର କରାଯିବ। ପୁଣିଥରେ ହସିବ ଏହି ରଂଗମଞ୍ଚ। ଏ ନେଇ ପୂର୍ତ୍ତ, ଆଇନ ଓ ଅବକାରୀ ମନ୍ତ୍ରୀ ପୃଥୀରାଜ ହରିଚନ୍ଦନଙ୍କ ଅଧ୍ୟକ୍ଷତାରେ ଏକ ବୈଠକ ଭୁବନେଶ୍ବରରେ ଅନୁଷ୍ଠିତ ହୋଇଯାଇଛି। ଟାଟା କନସଲ୍ଟିଂ ଇଞ୍ଜିନିୟରସ୍ ଲିମିଟେଡ ଦ୍ୱାରା ଏହାର ଏକ ଡିଜାଇନ୍ ପ୍ରସ୍ତୁତ କରାଯାଇଥିବା ବେଳେ ପୁନଃନିର୍ମାଣ କାର୍ଯ୍ୟ ଓବିସିସି ଦ୍ବାରା କରାଯିବ। ଅନ୍ନପୂର୍ଣ୍ଣ ରଂଗମଞ୍ଚ ଓଡ଼ିଆ ଭାଷା,ସାହିତ୍ୟ ଓ ସଂସ୍କୃତି ଭାରତୀୟ ସାଂସ୍କୃତିକ ପରମ୍ପରାରେ ଏକ ସମୃଦ୍ଧ ଓ ଗୌରବମୟ ସ୍ଥାନ ଅଧିକାର କରିଛି। ପୁନଃନିର୍ମାଣ ପରେ ଏହି ଥିଏଟର ଓଡ଼ିଶାର ଲୋକକଳା, ନାଟ୍ୟ ଶୈଳୀ, ଶାସ୍ତ୍ରୀୟ ନୃତ୍ୟ ଓ ସଂସ୍କୃତିକୁ ଉଜ୍ଜୀବିତ କରିବାରେ ବିଶେଷ ସହାୟକ ହେବ ବୋଲି ଆଶା କରାଯାଉଛି। ଚିଲିକା ନିର୍ବାଚନ ମଣ୍ଡଳୀର ବାଲୁଗାଁ ଲମ୍ବୋଦରପୁର ଗ୍ରାମରେ ଜନ୍ମ ନେଇଥିବା ଏହି ଥିଏଟର ଏକଦା ସାରା ରାଜ୍ୟରେ ଚହଲ ପକାଇଥିଲା। ଏହି ବୈଠକରେ ଓ.ବି.ସି.ସି.ର ମୁଖ୍ୟ ମହାପ୍ରବନ୍ଧକ…
ଭୁବନେଶ୍ବର: ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଗୁରୁବାର ଦିନ ଭୁବନେଶ୍ୱରସ୍ଥିତ ତାଙ୍କ ସରକାରୀ ବାସଭବନରେ ହିନ୍ଦୀ ଫିଚର ଫିଲ୍ମ ‘ଗୋଦାନ’ର ପ୍ରିମିୟର ଦେଖିଥିଲେ। ଏହି ଅବସରରେ ଗଣମାଧ୍ୟମକୁ ବାର୍ତ୍ତା ଦେଇ ମୁଖ୍ୟମନ୍ତ୍ରୀ ଏହି ଚଳଚ୍ଚିତ୍ରକୁ ସାରା ରାଜ୍ୟରେ ‘ଟାକ୍ସ ଫ୍ରି’ ହେବ ବୋଲି ଘୋଷଣା କରିଥିଲେ। ମୁଖ୍ୟମନ୍ତ୍ରୀ ଏହା ମଧ୍ଯ ଘୋଷଣା କରିଥିଲେ ଯେ ଓଡ଼ିଶାରେ ଖୁବ ଶୀଘ୍ର ଗୋ-ଅନୁସନ୍ଧାନ କେନ୍ଦ୍ର ସ୍ଥାପନା କରାଯିବ। ଚଳଚ୍ଚିତ୍ର ଦେଖିବା ସମୟରେ ମୁଖ୍ୟମନ୍ତ୍ରୀ ଭାବ ବିହ୍ଵଳ ହୋଇ ପଡ଼ିଥିଲେ ଏବଂ କହିଥିଲେ ଯେ ‘ଗୋଦାନ’ ଏକ ସମ୍ପୂର୍ଣ୍ଣ ପାରିବାରିକ ଚଳଚ୍ଚିତ୍ର, ଯାହା ପିଲାମାନଙ୍କୁ ପିତାମାତାଙ୍କ ସହ ଯୋଡି ରଖିବା ସହ ସନାତନ ଧର୍ମର ମୂଲ୍ୟବୋଧ ବୁଝାଇବାର ଏକ ଦୃଢ଼ ବାର୍ତ୍ତା ଦେଉଛି। ମୁଖ୍ୟମନ୍ତ୍ରୀ, ଚଳଚ୍ଚିତ୍ରର ବିଷୟବସ୍ତୁ ଏବଂ ସାମାଜିକ ମୂଲ୍ୟବୋଧ, ସାଂସ୍କୃତିକ ପରମ୍ପରା ଏବଂ ପାରିବାରିକ ନୀତିକୁ ପ୍ରଶଂସା କରିଥିଲେ। ସେ କହିଥିଲେ ଯେ ଗୋଦାନ ଭଳି ପ୍ରାସଙ୍ଗିକ ସିନେମା ସାମାଜିକ ସଚେତନତା…
Odisha Budget 2026: ଆମ ସରକାର ହେଉଛି ଲୋକଙ୍କ ସରକାର । ଆମ ପାଇଁ ଲୋକଙ୍କ ସ୍ୱର ହେଉଛି ଭଗବାନଙ୍କ ସ୍ୱର । ତେଣୁ ସରକାରଙ୍କ ବଜେଟ ପ୍ରସ୍ତୁତ ପ୍ରକ୍ରିୟା ଏବେ ସଚିବାଳୟରୁ ବାହାରି ଲୋକଙ୍କ ପାଖକୁ ଯାଇଛି। ଜନସାଧାରଣଙ୍କ ଠାରୁ ସେମାନଙ୍କ ବହୁମୂଲ୍ୟ ମତାମତ ଆହ୍ୱାନ କରି ଅନୁଧ୍ୟାନ ଓ ତର୍ଜମା ପରେ ବଜେଟରେ ସ୍ଥାନୀତ କରାଯାଉଛି । ଏହା ସବୁ ଦୃଷ୍ଟିରୁ ଲୋକଙ୍କ ବଜେଟ ହେବ ବୋଲି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ପ୍ରାକ୍ ବଜେଟ ପରାମର୍ଶ ସଭା ଅବସରରେ କହିଛନ୍ତି । ଲୋକସେବା ଭବନ କନ୍ଭେନସନ୍ ହଲ ଠାରେ ଆୟୋଜିତ ପ୍ରାକ୍ ବଜେଟ ପରାମର୍ଶ ସଭା ବୈଠକରେ ମୁଖ୍ୟମନ୍ତ୍ରୀ ବିଶେଷଜ୍ଞ, ନାଗରିକ ସମାଜ ଓ ବିଭିନ୍ନ କ୍ଷେତ୍ରର ପ୍ରତିନିଧିମାନଙ୍କ ସହିତ ପ୍ରାକ୍ ବଜେଟ ପରାମର୍ଶ ଆଲୋଚନା କରିଛନ୍ତି। ନିକଟରେ ଆରମ୍ଭ ହୋଇଥିବା ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା ଜନମତରୁ ସଂଗ୍ରହ କରାଯାଇଥିଲା । ଆହୁରି…
ଭୁବନେଶ୍ୱର: ଓଡ଼ିଶା ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ସାରା ରାଜ୍ୟରେ ପାଳନ କରାଯିବ ଓଡ଼ିଆ ପକ୍ଷ। ଏପ୍ରିଲ ମାସ ୧ ତାରିଖ ଓଡ଼ିଶା ଦିବସ ଠାରୁ ନେଇ ଏପ୍ରିଲ ୧୪ ତାରିଖ ଓଡ଼ିଆ ନବବର୍ଷ ପର୍ଯ୍ୟନ୍ତ ଓଡ଼ିଆ ପକ୍ଷ ପାଳନ କରାଯିବ। ଗତବର୍ଷ ପ୍ରଥମ ଥର ପାଇଁ ସାରା ରାଜ୍ୟରେ ଓଡ଼ିଆ ପକ୍ଷ ପାଳନ କରାଯାଇଥିବା ବେଳେ ଚଳିତ ବର୍ଷ ଏହାକୁ ଆହୁରି ଭବ୍ୟ ରୂପେ ଯେପରି ପାଳନ କରାଯିବ ସେ ନେଇ ସଂସ୍କୃତି ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୂରଜଙ୍କ ଅଧ୍ୟକ୍ଷତାରେ ଆଜି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଓଡ଼ିଆ ପକ୍ଷ ପାଳନ ସମୟରେ ଅନୁଷ୍ଠିତ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମକୁ ତୃଣମୂଳ ସ୍ତରରେ ଆୟୋଜନ କରାଇବା ଏବଂ ଏଥିରେ ସମସ୍ତ ଜନସାଧାରଣଙ୍କ ଅଂଶୀଦାରିତାକୁ ସୁନିଶ୍ଚିତ କରାଇବା ଉପରେ ସଂସ୍କୃତି ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୂରଜ ଗୁରୁତ୍ୱାରୋପ କରିଛନ୍ତି। ଓଡ଼ିଆ ପକ୍ଷ ପାଳନ ସମୟରେ ଓଡ଼ିଶା ସରକାରଙ୍କ…
ଭୁବନେଶ୍ବର: ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ରାଜ୍ୟର ୧୭ଟି ଜିଲ୍ଲାର ୫୬ଟି ତହସିଲ୍ରେ ୫୭ଟି ନୂଆ ସବ୍-ରେଜିଷ୍ଟ୍ରେସନ୍ କାର୍ଯ୍ୟାଳୟ ଉଦ୍ଘାଟନ କରିଛନ୍ତି। ଏହାଦ୍ବାରା ଆଜିଠାରୁ ରାଜ୍ୟର ସମସ୍ତ ୩୧୭ଟି ତହସିଲ୍ରେ ସବ୍-ରେଜିଷ୍ଟ୍ରେସନ୍ କାର୍ଯ୍ୟାଳୟ କାର୍ଯ୍ୟକ୍ଷମ ହେଲା। ଏଥିରେ କଟକ ତହସିଲ୍ ଅଧିନରେ ଏକ ଅତିରିକ୍ତ ସବ୍ରେଜିଷ୍ଟ୍ରେସନ୍ କାର୍ଯ୍ୟାଳୟ ମଧ୍ୟ ରହିଛି। ଏହି ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ, ପୂର୍ବରୁ ଜମିଜମା ସଂକ୍ରାନ୍ତୀୟ କାମ ପାଇଁ ଲୋକଙ୍କୁ ଜିଲ୍ଲା ମୁଖ୍ୟାଳୟକୁ ଯିବାକୁ ପଡୁଥିଲା। ଏଥିପାଇଁ ଆମେ ସଂକଳ୍ପ ନେଇଥିଲୁ, ସରକାରଙ୍କ ପାଖକୁ ଲୋକେ ଆସିବେ ନାହିଁ, ସରକାର ଯିବେ ଲୋକଙ୍କ ପାଖକୁ। ତେଣୁ, ସମସ୍ତ ତହସିଲ୍ରେ ସବ୍-ରେଜିଷ୍ଟ୍ରେସନ କାର୍ଯ୍ୟାଳୟ କାର୍ଯ୍ୟକ୍ଷମ କରି ଆମେ ଏ କ୍ଷେତ୍ରରେ ଏକ ମାଇଲଷ୍ଟୋନ୍ ହାସଲ କରିଛୁ। ଉଭୟ ତହସିଲ୍ ଓ ରେଜିଷ୍ଟ୍ରେସନ କାର୍ଯ୍ୟାଳୟ ଉତ୍ତମ ସମନ୍ବୟ ରଖି କାର୍ଯ୍ୟକରି ପାରିବେ ଏବଂ ରେଜିଷ୍ଟ୍ରେସନ ପରେ ମ୍ୟୁଟେସନ ପଟ୍ଟା ସହଜରେ ହେବା ସହିତ, ରେଜିଷ୍ଟ୍ରେସନ୍ କ୍ଷେତ୍ରରେ…
ଭୁବନେଶ୍ୱର: ଆଜି ସକାଳ ସମୟ ୦୮:୫୧ ଘଟିକା ସମୟରେ ପୂର୍ବ ତଟ ରେଳପଥର ଖୋର୍ଦ୍ଧା ରୋଡ୍ ଡିଭିଜନ ଅନ୍ତର୍ଗତ ଜଖପୁରା ୟାର୍ଡ ସେକ୍ସନ ନିକଟରେ ଟ୍ରେନ୍ ନମ୍ବର ୨୨୬୧୧ ଚେନ୍ନାଇ-ନିୟୁ ଜଲପାଈଗୁଡ଼ି ଏକ୍ସପ୍ରେସ ଲାଇନଚ୍ୟୁତ ହେବା ପରେ ଦିବା ୧୩:୦୫ ଘଟିକା ସମୟରେ ପୁନଃ ରେଳ ଚଳାଚଳ ସ୍ୱାଭାବିକ ହୋଇଥିଲା । ଏଠାରେ କହିରଖୁଛୁ ଯେ ଏସି ୨-ଟାୟାର କୋଚ୍କୁ ୧୩:୩୦ ସମୟରେ ପୁନଃସ୍ଥାପନ କରାଯାଇଥିଲା, ତା’ପରେ ପ୍ରଥମ ଜେନେରାଲ କୋଚ୍କୁ ୧୩:୫୦ ଘଟିକା ସମୟରେ ଏବଂ ଦ୍ୱିତୀୟ ଜେନେରାଲ କୋଚ୍କୁ ୧୪:୪୫ ଘଟିକା ସମୟରେ ପୁନଃସ୍ଥାପନ କରାଯାଇଥିଲା। ଏହା ପରେ ସମସ୍ତ ଆବଶ୍ୟକୀୟ ସୁରକ୍ଷା ଯାଞ୍ଚ କରାଯାଇଥିଲା। ପୂର୍ବ ତଟ ରେଳପଥର ମହାପ୍ରବନ୍ଧକ, ବରିଷ୍ଠ ଅଧିକାରୀ ମାନଙ୍କ ସହିତ ଘଟଣାସ୍ଥଳରେ ପହଞ୍ଚି ପୁନରୁଦ୍ଧାର କାର୍ଯ୍ୟକୁ କଡ଼ାକଡ଼ି ତଦାରଖ କରିଥିଲେ। ପୂର୍ବ ତଟ ରେଳପଥ ମଧ୍ୟ କର୍ତ୍ତବ୍ୟରତ ରେଳ ସୁରକ୍ଷା ବଳ କର୍ମଚାରୀଙ୍କ ଉଦାହରଣୀୟ ସତର୍କତା ଏବଂ ଉପସ୍ଥିତ ବୁଦ୍ଧିକୁ ମଧ୍ୟ…
ଭୁବନେଶ୍ବର: ରାଜ୍ୟର ବିଭିନ୍ନ ସ୍ଥାନର ବନାନ ଇଂରାଜୀ ଓ ଓଡିଆରେ ଭିନ୍ନ ଭିନ୍ନ ଲେଖାଯାଉଛି। ବିଭିନ୍ନ ବିଭାଗ ଭିନ୍ନ ଭିନ୍ନ ବନାନ ଲେଖୁଛନ୍ତି। ସେସବୁକୁ ସଂଶୋଧନ କରି ଗୋଟିଏ ପ୍ରକାରର ଲେଖିବା ପାଇଁ ରାଜସ୍ବ ବିଭାଗ ଆରମ୍ଭ କରିଛି ପଦକ୍ଷେପ। ଏ ନେଇ ବିଭାଗ ତରଫରୁ ବିଜ୍ଞପ୍ତି ପ୍ରକାଶ ପାଇଛି। ସାଧାରଣରେ ଖୋର୍ଦ୍ଧା ନାମ ଓଡିଆରେ କେଉଁଠି ଖୋର୍ଦ୍ଧା, ଖୁରଧା ବା ଖୋରଧା ଲେଖୁଛନ୍ତି। ହେଲେ ବିଭାଗ ତାହାକୁ ସଂଶୋଧନ କରି କେବଳ ‘ଖୋରଧା’ ଲେଖା ହେବ ବୋଲି ନିଷ୍ପତି ହୋଇଛି। ସେହିପରି ଇଂରାଜୀରେ ଏହାର ବନାନ Khoradha ଲେଖା ହେବ। ଅନ୍ୟପକ୍ଷରେ ବାଣପୁର କୁ ଇଂରାଜୀରେ କିଏ Banpur କିମ୍ବା Banapur ଲେଖୁଛନ୍ତି। ବର୍ତ୍ତମାନ ତାହା ସଂଶୋଧିତ କରାଯାଇ Banapur ଲେଖାଯିବ ବୋଲି ଏହି ବିଜ୍ଞପ୍ତିରେ କୁହାଯାଇଛି। ଏଥିରେ ରାଜ୍ୟର ମୋଟ ୭ଟି ଜିଲ୍ଲାର ଇଂରାଜୀ ନାଁ ସଂଶୋଧନ କରାଯିବା ସହିତ ମୋଟ୍ ୧୧ ଜିଲ୍ଲାର ୨୪ଟି ସ୍ଥାନର ଇଂରାଜୀ…
ଜାଖପୁରା/ଓଡିଶା: ଆଜି ସକାଳ ପ୍ରାୟ ୮:୫୧ ମିନିଟରେ ଟ୍ରେନ ନଂ ୨୨୬୧୧ ଚେନ୍ନାଇ-ନୂଆ ଜଳପାଇଗୁଡ଼ି (MAS–NJP) ଏକ୍ସପ୍ରେସ ଜଖପୁରା ୟାର୍ଡ (JKPR) ଦେଇ ଯାଉଥିବା ସମୟରେ ସାମାନ୍ୟ ଲାଇନଚ୍ୟୁତ ହୋଇଛି। ରେଳ ଅଧିକାରୀଙ୍କ ଅନୁଯାୟୀ, ଟ୍ରେନଟି ବହୁତ ଧୀର ଗତିରେ ଯାଉଥିବା ସମୟରେ ୟାର୍ଡ ସୀମା ମଧ୍ୟରେ ଗୋଟିଏ ଏସି କୋଚ୍ ଏବଂ ଦୁଇଟି ଜେନେରାଲ କୋଚ୍ ଲାଇନଚ୍ୟୁତ ହୋଇଥିଲା। ଯାତ୍ରୀଙ୍କର କୌଣସି ଜୀବନହାନି କିମ୍ବା ଆହତ ହେବାର ରିପୋର୍ଟ ନାହିଁ। ତେବେ ଏହି ଦୁର୍ଘଟଣାରେ କୌଣସି ଯାତ୍ରୀବାହୀ ଟ୍ରେନ ପରିଚାଳନା ପ୍ରଭାବିତ ହୋଇନାହିଁ। ପ୍ରଭାବିତ ଯାତ୍ରୀମାନଙ୍କୁ ଉପଯୁକ୍ତ ସ୍ଥାନ ଦିଆଯାଉଛି ଏବଂ ଲାଇନଚ୍ୟୁତ କୋଚ୍ ଗୁଡ଼ିକୁ ଅଲଗା କରାଯାଉଛି। ଯାତ୍ରୀଙ୍କ ସୁବିଧା ସୁନିଶ୍ଚିତ କରିବା ପାଇଁ, ଆବଶ୍ୟକତା ଅନୁସାରେ ଅତିରିକ୍ତ କୋଚ୍ ଟ୍ରେନରେ ସଂଲଗ୍ନ କରାଯିବ। ଘଟଣା ପରେ, ଭୁବନେଶ୍ୱର ଏବଂ ଖୋର୍ଦ୍ଧା ରୋଡ୍ ରୁ ଦୁର୍ଘଟଣା ରିଲିଫ୍ ଟ୍ରେନ (ARTs) ଏବଂ ଖୋର୍ଦ୍ଧା ରୋଡ୍ ରୁ ଦୁର୍ଘଟଣା ରିଲିଫ୍…
ଭୁବନେଶ୍ୱର: ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା କେନ୍ଦ୍ରାପଡ଼ା ସାଂସଦ ଶ୍ରୀଯୁକ୍ତ ବୈଜୟନ୍ତ ପଣ୍ଡା ଦୁବାଇରେ ନିଖୋଜ ଥିବା ଓଡିଆ ଯୁବକ ଅନନ୍ତ କୁମାର ସାହୁଙ୍କୁ ଉଦ୍ଧାର କରି ଓଡ଼ିଶା ଫେରାଇ ଆଣିବା ପାଇଁ ଦୁବାଇରେ ଅବସ୍ଥାପିତ ଭାରତୀୟ ରାଷ୍ଟ୍ରଦୂତ ହସ୍ତକ୍ଷେପ ଲୋଡିଛନ୍ତି। ସୂଚନାଯୋଗ୍ୟ, କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ କଣ୍ଟିପୁର ଗ୍ରାମର ମାନସ କୁମାର ସାହୁଙ୍କ ପୁଅ ଅନନ୍ତ ଦୀର୍ଘଦିନ ଧରି ଦୁବାଇର ଏକ ଘରୋଇ କମ୍ପାନୀରେ କାର୍ଯ୍ୟରତ ଅଛନ୍ତି। ପରିବାର ଲୋକ ଅନନ୍ତଙ୍କ ସହିତ ଗତ ଜାନୁୟାରୀ ୨୧ ତାରିଖ ଦିନ ଶେଷ ଥର ପାଇଁ କଥାବାର୍ତ୍ତା ହୋଇଥିଲେ। ଗତ ଜାନୁୟାରୀ ୨୨ ତାରିଖ ପର ଠାରୁ ଅନନ୍ତଙ୍କ ମୋବାଇଲ ବନ୍ଧ ଅଛି ଏବଂ ତାଙ୍କ ସହିତ କୌଣସି ଯୋଗାଯୋଗ ହୋଇପାରୁନାହିଁ। ଅନନ୍ତଙ୍କ ସହକର୍ମୀଙ୍କ କହିବା ଅନୁଯାୟୀ ଗତ ଜାନୁୟାରୀ ୨୧ ତାରିଖ ବିଳମ୍ବିତ ରାତିରେ ଅନନ୍ତ ତାଙ୍କର ସବୁ ଜିନିଷ ପତ୍ର ନେଇ ପଳାଇଥିଲେ। ସେବେଠାରୁ ତାଙ୍କର…
ଭୁବନେଶ୍ବର: ସୁନ୍ଦରପଦା-ଜଟଣୀ ରାସ୍ତା ପାର୍ଶ୍ୱରେ ଥିବା ଲ୍ୟାଣ୍ଡମାର୍କ ଫେଜ୍-୨ ଆପାର୍ଟମେଣ୍ଟ କମ୍ପ୍ଲେକ୍ସ ପରିସରରେ ରହିବା ଏବଂ ଚିନ୍ତା କରିବାର ଏକ ସ୍ମାର୍ଟ ଉପାୟ ଭାବରେ, ଫ୍ଲାଟ୍ ମାଲିକ ସଂଘ ସର୍ବଦା ଅନ୍ୟମାନଙ୍କ ତୁଳନାରେ ଗୋଟିଏ ପାଦ ଆଗକୁ ଚିନ୍ତା କରିଆସିଛି। ଏହାର ଚିରସବୁଜ ମାନସିକତାକୁ ଧ୍ୟାନରେ ରଖି, ଲ୍ୟାଣ୍ଡ ମାର୍କ ଫେଜ୍-II ଫ୍ଲାଟ୍ ମାଲିକ ସଂଘ ଉଦ୍ୟାନ, ଗଛଲତା, ସବୁଜିମାର ବିକାଶ ଏବଂ ରକ୍ଷଣାବେକ୍ଷଣ ଏବଂ ନିର୍ଦ୍ଦିଷ୍ଟ ରବିବାରରେ ଏହାର “ଗ୍ରୀନ୍ ଗାର୍ଡେନ୍ ଗେଟ-ଟୁଗେଦର” ର ଆୟୋଜନ ସହିତ ଏକ ଛୋଟ ଉତ୍ସବ ଉପରେ ବିଶେଷ ଧ୍ୟାନ ଦେଇ ଆସୁଛି। ଗତ ରବିବାର “ଗ୍ରୀନ୍ ଗାର୍ଡେନ୍ ଗେଟ-ଟୁଗେଦର” କାର୍ଯ୍ୟକ୍ରମ ସକାଳ ୯ଟା ରେ ଆରମ୍ଭ ହୋଇଥିଲା ଏବଂ ଚା ଏବଂ ଜଳଖିଆ ସହିତ ସୁନ୍ଦର ସକାଳର ମଜା ନେବା ବ୍ୟତୀତ ବାସିନ୍ଦାମାନେ ଏକ ଆଶ୍ଚର୍ଯ୍ୟଜନକ ଉପହାର ମଧ୍ୟ ପାଇଥିଲେ – ଶାଗ – ଏବଂ ସେମାନେ ଏହି ଆଭିମୁଖ୍ୟକୁ ପ୍ରକୃତରେ ପସନ୍ଦ…
ପୁରୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୁରୀରେ ପହଞ୍ଚି ଶ୍ରୀଜିୟୁଙ୍କୁ ଦର୍ଶନ କରିଛନ୍ତି।ପ୍ରଥମେ ସେ ଶ୍ବେତଗଙ୍ଗାରେ ପିଣ୍ଡଦାନ କରିବା ପରେ ମନ୍ଦିର ପ୍ରବେଶ କରିଥିଲେ। ସେ ସିଂହଦ୍ବାରରେ ପହଞ୍ଚିବା ପରେ ତାଙ୍କୁ ଶ୍ରୀମନ୍ଦିର ପ୍ରଶାସନ ଏବଂ ସେବାୟତଙ୍କ ତରଫରୁ ସ୍ବାଗତ କରାଯାଇଥିଲା। ଏହାପରେ ସେ ଅରୁଣ ସ୍ତମ୍ଭ ନିକଟରେ ସାଧାରଣ ଭକ୍ତଙ୍କ ପରି ମୁଣ୍ଡିଆ ମାରି ଭିତରକୁ ପ୍ରବେଶ କରିଥିଲେ। ଶ୍ରୀମନ୍ଦିର ଭିତରେ ରାଷ୍ଟ୍ରପତି ପ୍ରାୟ 45 ମିନିଟ ଧରି ପରିକ୍ରମା ସହତି ପୂଜା ଅର୍ଚ୍ଚନା କରିଥିଲେ। ରାଷ୍ଟ୍ରପତିଙ୍କ ନାମରେ ଏକ ବାନା ବନ୍ଧାଯାଇଥିଲା। ଏହାପରେ ରାଷ୍ଟ୍ରପତି ମା ଲକ୍ଷ୍ମୀ ଓ ମା ବିମଳାଙ୍କ ନିକଟରେ ପୂଜା କରିଥିଲେ। ସେଠାରେ ସେ କିଛି ସମୟ ପାଇଁ ବସିଥିବାର ଦେଖାଯଇାଥିଲା। ପଂରପରା ଅନୁସାରେ ମା ଲକ୍ଷ୍ମୀଙ୍କୁ ଦର୍ଶନ କରିବା ପରେ ତାଙ୍କ ବେଢାରେ କିଛି ସମୟ ପାଇଁ ବସିଥିବାର ବିଧି ରହିଛି। ଏହାପରେ ରାଷ୍ଟ୍ରପତି ମନ୍ଦିର ବେଢା ପରିକ୍ରମା କରିଥିଲେ। ଫେରିବା ବାଟରେ ରାଷ୍ଟ୍ରପତି…
ଭୁବନେଶ୍ବର: ବାରିପଦାର ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ (MSCB) ବିଶ୍ୱବିଦ୍ୟାଳୟର ବାୟୋଟେକ୍ନୋଲୋଜି ବିଭାଗର ଗବେଷକମାନେ ମୟୂରଭଞ୍ଜ ଜିଲ୍ଲାର ଶିମିଳିପାଳ ଜାତୀୟ ଉଦ୍ୟାନରେ ମିଳୁଥିବା ଲାଇକେନ୍ରେ ଗୁରୁତ୍ୱପୂର୍ଣ୍ଣ କର୍କଟ ରୋଗ ପ୍ରତିରୋଧୀ ଯୌଗିକ ଆବିଷ୍କାର କରି କର୍କଟ ରୋଗ ପ୍ରତିରୋଧୀ ଔଷଧ ବିକାଶ ଗବେଷଣାରେ ଏକ ନୂତନ ଆଶା ସଞ୍ଚାର କରିଛନ୍ତି। ଏହି ସନ୍ଧାନ ନିକଟ ଭବିଷ୍ୟତରେ କର୍କଟ ରୋଗ ପ୍ରତିରୋଧୀ ଯୌଗିକ ଗବେଷଣାରେ ନୂତନ ଅଶାର ସଂଚାର କରିବ। ଏହି ଆବିଷ୍କାର ସହିତ, ବୈଜ୍ଞାନିକ ମାନେ ଲାଇକେନ୍ରେ ଆଣ୍ଟି-ଅକ୍ସିଡାଣ୍ଟ ଏବଂ ଆଣ୍ଟି-ମାଇକ୍ରୋବିଆଲ ଗୁଣ ଥିବା ଯୌଗିକଗୁଡ଼ିକୁ ମଧ୍ୟ ଚିହ୍ନଟ କରିଛନ୍ତି କାରଣ ଶିମିଳିପାଳର ସୁନ୍ଦର ଜଙ୍ଗଲ 148 ପ୍ରଜାତିର ଲାଇକେନ୍ର ଦେଖାଯାନ୍ତି I ଓଡ଼ିଶା ସରକାରଙ୍କ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବିଭାଗ ସହାୟତାରେ ବାୟୋଟେକ୍ନୋଲୋଜି ବିଭାଗର ପ୍ରଫେସର ବିଶ୍ୱଜିତ ରଥଙ୍କ ମାର୍ଗଦର୍ଶନରେ MSCB ଗବେଷକମାନଙ୍କ ଦ୍ୱାରା ଲାଇକେନ୍ ଉପରେ ଗବେଷଣା କରାଯାଉଛି। ଲକ୍ଷ୍ନୌ ସ୍ଥିତ ଜାତୀୟ ଉଦ୍ଭିଦ ଗବେଷଣା ପ୍ରତିଷ୍ଠାନ ମଧ୍ୟ…
ନୂଆଦିଲ୍ଲୀ: ଆଜି ଗଣମାଧ୍ୟମକୁ ସମ୍ବୋଧିତ କରି କେନ୍ଦ୍ର ରେଳ ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ୨୦୨୬-୨୭ କେନ୍ଦ୍ରୀୟ ବଜେଟରେ ଓଡିଶା ରେଳ ଭିତ୍ତିଭୂମିର ବିକାଶ ପାଇଁ ଐତିହାସିକ ପ୍ରୋତ୍ସାହନ ରାଶି ପାଇଛି , ଯାହା ପୂର୍ବ ଭାରତରେ ରେଳ ପରିଚାଳିତ ବିକାଶକୁ ତ୍ୱରାନ୍ୱିତ କରିବା ପାଇଁ ଭାରତ ସରକାରଙ୍କ ଦୃଢ଼ ପ୍ରତିବଦ୍ଧତାକୁ ପ୍ରତିଫଳିତ କରେ। ମନ୍ତ୍ରୀ ସୂଚନା ଦେଇଛନ୍ତି ଯେ ଓଡିଶା ପାଇଁ ବାର୍ଷିକ ହାରାହାରି ରେଳ ବଜେଟ ଆବଣ୍ଟନ ୨୦୦୯-୧୪ ଅବଧିରେ ଏହା ₹୮୩୮ କୋଟିରୁ ବୃଦ୍ଧି ପାଇ ୨୦୨୬-୨୭ ମସିହାରେ ₹୧୦,୯୨୮ କୋଟିକୁ ଅଭୂତପୂର୍ବ ଭାବେ ବୃଦ୍ଧି ପାଇଛି, ଯାହା ପ୍ରାୟ ୧୩ ଗୁଣ ଅଧିକ । ସେ କହିଥିଲେ ଯେ ଏହି ନିରନ୍ତର ନିବେଶ ଫଳରେ ସମଗ୍ର ରାଜ୍ୟରେ ରେଳ ଭିତ୍ତିଭୂମିର ବ୍ୟାପକ ପରିବର୍ତ୍ତନ ଆସିଛି, ବର୍ତ୍ତମାନ ₹୯୦,୬୫୯ କୋଟିରୁ ଅଧିକ ମୂଲ୍ୟର କାର୍ଯ୍ୟ ଜାରି ରହିଛି। ଏଥିରେ ନୂତନ ଲାଇନ ନିର୍ମାଣ, ଦୋହରୀକରଣ…
ଭୁବନେଶ୍ବର: ଆଜି ସଂଧ୍ୟାରେ ଭୁବନେଶ୍ବରରେ ପହଞ୍ଚିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ନିର୍ଦ୍ଧାରିତ ସମୟରେ ବାୟୁ ସେନାର ଏକ ସ୍ବତନ୍ତ୍ର ବିମାନରେ ସେ ପହଞ୍ଚିଥିଲେ। ବିମାନ ବନ୍ଦରରେ ରାଜ୍ୟପାଳ ଡ ହରିବାବୁ କୁମ୍ଭମପଟି, ମୁଖ୍ୟମନ୍ତ୍ରୀ ମୋହନ ମାଝୀ ଏବଂ ବରିଷ୍ଠ ଅଧିକାରୀଗଣ ତାଙ୍କୁ ସ୍ବାଗତ କରିଥିଲେ। ଆଜି ରାଷ୍ଟ୍ରପତି ଲୋକଭବନରେ ରାତ୍ରିଯାପନ କରିବେ। ଆସନ୍ତାକାଲି ରାଷ୍ଟ୍ରପତି ସ୍ବତନ୍ତ୍ର ହେଲିକାପ୍ଟରରେ ଯାଜପୁର ଗସ୍ତ କରିବେ। ସେଠାରେ ସେ ମା ବିରଜାଙ୍କୁ ଦର୍ଶନ କରିବା ସହିତ ସ୍ବତନ୍ତ୍ର ପୂଜା କରିବେ। ରାଷ୍ଟ୍ରପତି ମନ୍ଦିରରେ ପ୍ରାୟ ଦେଢ ଘଣ୍ଟା ଧରି ରହିବେ ବୋଲି ଜଣାପଡିଛି। ଏହାପରେ ସେ ସେଠାରୁ ବାଲେଶ୍ବର ଫକୀରମୋହନ ବିଶ୍ବବିଦ୍ୟାଳୟର ସମାବର୍ତ୍ତନ ଉତ୍ସବରେ ଯୋଗଦେବେ। ସେଠାରୁ ଅପରାହ୍ନରେ ରାଷ୍ଟ୍ରପତି ପୁରୀ ଯିବେ। ସେଠାରେ ସେ ମହାପ୍ରଭୃଙ୍କୁ ଦର୍ଶନ କରିବା ସହିତ ପିଣ୍ଡ ଦାନ କରି ପୁରୀ ଲୋକଭବନରେ ରାତ୍ରିଯାପନ କରିବାର କାର୍ଯ୍ୟକ୍ରମ ରହିଛି। ଏହାପରେ ଚାରି ତାରିଖ ସକାଳୁ ରାଷ୍ଟ୍ରପତି ରାଇରଂଗପୁର ଗସ୍ତ କରିବେ।…