Author: Samikhsya Bureau

ଖୋର୍ଦ୍ଧା: ଓଡିଶା ଦକ୍ଷତା ବିକାଶ ପ୍ରାଧିକରଣ ତରଫରୁ ଖୋର୍ଦ୍ଧା ଜିଲ୍ଲା ପ୍ରଶାସନ ଦ୍ଵାରା ଆସନ୍ତା ୬ ତାରିଖରେ ଦିବା ୧୦ ଘଟିକା ସମୟରେ ଖୋର୍ଦ୍ଧା ପୌର ପରିଷଦ କଲ୍ୟାଣ ମଣ୍ଡପ ଠାରେ ଆୟୋଜିତ ହେବାକୁ ଥିବା ପ୍ରସ୍ତାବିତ କ୍ଷୁଦ୍ର ନିଯୁକ୍ତି ମେଳା ତଥା ପରାମର୍ଶ ଶିବିରର ପ୍ରସ୍ତୁତି ପ୍ରକ୍ରିୟା ଚୁଡାନ୍ତ ପର୍ଯ୍ୟାୟରେ ପହଞ୍ଚିଛି। ଏହି ନିଯୁକ୍ତି ମେଳାରେ ୧୨ ଟି ପ୍ରତିଷ୍ଠିତ ବେସରକାରୀ ନିଯୁକ୍ତି ପ୍ରଦାନକାରୀ ସଂସ୍ଥାର ନିଯୁକ୍ତି ଦାତାମାନେ ଯୋଗଦାନ କରିବେ। ଯେଉଁ ନିଯୁକ୍ତି ଆଶାୟୀ ପ୍ରାର୍ଥୀ/ପ୍ରାର୍ଥୀନୀମାନେ ପ୍ରତ୍ୟକ୍ଷ ନିଯୁକ୍ତି ପାଇଁ ଇଚ୍ଛୁକ ଅଛନ୍ତି, ସେମାନେ ଏହି ନିଯୁକ୍ତି ପ୍ରଦାନକାରୀ ସଂସ୍ଥାଗୁଡିକ ମାଧ୍ୟମରେ ନିଯୁକ୍ତିର ସୁଯୋଗ ନେଇପାରିବେ। ଏତଦବ୍ୟତୀତ ଏହି ନିଯୁକ୍ତି ମେଳାରେ ମଧ୍ୟ ଓଡିଶା ଦକ୍ଷତା ବିକାଶ ପ୍ରାଧିକରଣଙ୍କ ସହ ବୁଝାମଣା ପତ୍ର ସ୍ବାକ୍ଷର କରିଥିବା ୬ ଗୋଟି ଦକ୍ଷତା ବିକାଶ ତାଲିମ ପ୍ରଦାନକାରୀ ସଂସ୍ଥାର ପ୍ରତିନିଧିମାନେ ଅଂଶଗ୍ରହଣ କରିବେ। ଯେଉଁ ନିଯୁକ୍ତି ଆଶାୟୀ ପ୍ରାର୍ଥୀ/ପ୍ରାର୍ଥୀନୀମାନେ ଦକ୍ଷତା ବିକାଶ…

ଭୁ‌ବନେଶ୍ବର: ଆଜି ଅଙ୍ଗନବାଡ଼ି କର୍ମୀଙ୍କ ଆନ୍ଦୋଳନ ସାମୟିକ ଭାବେ ସ୍ଥଗିତ ହୋଇଛି। ରାଜ୍ୟ ସରକାରଙ୍କ ସହ ଆଲୋଚନା ପରେ ଏହି ଆନ୍ଦୋଳନକୁ ସାମୟିକ ଭାବେ ସ୍ଥଗିତ ରଖାଯାଇଛି। କିନ୍ତୁ ଏହାକୁ ଫେବ୍ରୁଆରି ୨ୟ ସପ୍ତାହ ପର୍ଯ୍ୟନ୍ତ ସ୍ଥଗିତ ରଖାଯାଇଛି। ଏନେଇ ଅଙ୍ଗନବାଡ଼ି କର୍ମୀ ସଂଘ ସଭାପତି ସୂଚନା ଦେଇଛନ୍ତି। ସୂଚନା ଅନୁଯାୟୀ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଓ ଅଙ୍ଗନବାଡ଼ି କର୍ମୀମାନଙ୍କ ମଧ୍ୟରେ ଆଜି ଆଲୋଚନା ହୋଇଥିଲା। ଏହି ବୈଠକରେ ଅଙ୍ଗନବାଡ଼ି କର୍ମୀମାନଙ୍କ ୮ ଦଫା ଦାବି ନେଇ ଆଲୋଚନା ହୋଇଥିଲା। ଫେବ୍ରୁଆରି ୨ୟ ସପ୍ତାହରେ ଏହା ଉପରେ ଆଲୋଚନା କରାଯିବ ବୋଲି ମୁଖ୍ୟ ଶାସନ ସଚିବ କହିବା ପରେ ଏହାକୁ ସାମୟିକ ଭାବେ ସ୍ଥଗିତ ରଖାଯାଇଥିଲା। କିନ୍ତୁ ଦାବି ପୂରଣ ନହେଲେ ପୁଣି ରାଜରାସ୍ତାକୁ ଓହ୍ଲାଇବୁ ବୋଲି ସଂଘର ସଭାପତି କହିଥିଲେ। ଉଲ୍ଲେଖ ଯୋଗ୍ୟ ଯେ, ଦୀର୍ଘ ଦେଢ଼ମାସ ହେବ ଦରମା ବୃଦ୍ଧି ଓ ଅନ୍ୟାନ୍ୟ ସମସ୍ୟା…

ଭୁବନେଶ୍ୱର: ଦେଶର ଐତିହ୍ୟକୁ ମନେ ନ ରଖିପାରିଲେ ଆମର ପାଠପଢ଼ା ପୂର୍ଣ୍ଣାଙ୍ଗ ହେବ ନାହିଁ। ଆମର ପାଠପଢ଼ା ସେବେ ପୂର୍ଣ୍ଣାଙ୍ଗ ହେବ ଯେବେ ଆମେ ଆମର ଐତିହ୍ୟକୁ ମନେ ରଖିବା ବୋଲି ମଙ୍ଗଳବାର ଭୁବନେଶ୍ୱର ସ୍ଥିତ ଆଞ୍ଚଳିକ ଶିକ୍ଷା କେନ୍ଦ୍ର (ଆରଆଇଆଇ) ଠାରେ ଆୟୋଜିତ ପାଞ୍ଚଦିନିଆ ଜାତୀୟ କଳା ଉତ୍ସବ ୨୦୨୨-୨୩କୁ ଉଦଘାଟନ କରିବା ଅବସରରେ କହିଛନ୍ତି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହିପରି ଦେଶର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ପାଇଁ ଶ୍ରୀ ପ୍ରଧାନ ସବୁ ସ୍କୁଲକୁ ଅପିଲ କରିଛନ୍ତି। ଭାରତ ସରକାରଙ୍କ ରାଷ୍ଟ୍ରୀୟ ଶିକ୍ଷା ଗବେଷଣା ଏବଂ ପ୍ରଶିକ୍ଷଣ ପରିଷଦ(ଏନସିଇଆରଟି) ଏବଂ ସ୍କୁଲ ଶିକ୍ଷା ଓ ସ୍ୱାକ୍ଷରତା ବିଭାଗ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଶ୍ରୀ ପ୍ରଧାନ କହିଛନ୍ତି ଯେ ଆମର ଦେଶର ଶିକ୍ଷା ବ୍ୟବସ୍ଥାରେ କଳା ଏବଂ ସଂସ୍କୃତିର ନିବିଡ ସମ୍ପର୍କ ରହିଆସିଛି। କଳା, ସାହିତ୍ୟ ଏବଂ ସଂସ୍କୃତି ଶିକ୍ଷାର ଏକ…

ସୀତାରାମ ଅଗ୍ରୱାଲ ଚିଲିକା: ଏସିଆର ବୃହତ୍ତମ ଲବଣ ହ୍ରଦ ଚିଲିକା ହ୍ରଦରେ ସବୁ ବର୍ଷ ପରି ଚଳିତ ବର୍ଷ ମଧ୍ୟ ଆସିଛନ୍ତି ଲକ୍ଷାଧିକ ବିଦେଶୀ ପକ୍ଷୀ। ତେବେ ଆସନ୍ତାକାଲି ଅନୁଷ୍ଠାନିକ ଭାବେ ପକ୍ଷୀ ଗଣନା ଅନୁଷ୍ଠିତ ହେବ ବୋଲି ଆଜି ଚିଲିକା ବନ୍ୟପ୍ରାଣୀ ବନଖଣ୍ଡ ପକ୍ଷରୁ ଚନ୍ଦ୍ରାପୁଟ ସ୍ଥିତ ଆଦ୍ର ମୃତ୍ତିକା ଗବେଷଣା ଏବଂ ତାଲିମ ପ୍ରତିଷ୍ଠାନ ପରିସରରେ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦିଆଯାଇଛି। ଆସନ୍ତାକାଲି ସକାଳ ୬ ରୁ ମଧ୍ୟାହ୍ନ ୧୨ ଘଟିକା ଯାଏଁ ଚିଲିକା ବନ୍ୟପ୍ରାଣୀ ଡିଭିଜନ ଅନ୍ତର୍ଗତ ସାତପଡ଼ା, ରମ୍ଭା, ବାଲୁଗାଁ, ଟାଙ୍ଗୀ ଏବଂ ଚିଲିକା ରେଞ୍ଜରେ ୨୧ ଗୋଟି ଟିମ ପକ୍ଷୀଗଣନାରେ ନିୟୋଜିତ ହେବେ। ତେବେ ଟାଙ୍ଗି ଜୋନରେ ୮ଟି ,ବାଲୁଗାଁରେ ୬ ଟି,ସାତପଡ଼ାରେ ୪ଟି,ରମ୍ଭା ରେ ୨ଟି ଏବଂ ଚିଲିକାରେ ଏକ ଗୋଟି ଟିମ ନିୟୋଜିତ ରହିବେ।ପ୍ରତି ଟିମରେ ୬ ରୁ ୭ ଜଣ ଗଣନାକାରୀ ଯୋଗଦେବେ। ପ୍ରତିବର୍ଷ ଭଳି ଗଣନା…

ଭୁବନେଶ୍ବର: ଶିଖରଚଣ୍ଡୀ ମନ୍ଦିର ଓ ଏହାର ପାରିପାର୍ଶ୍ବିକ ଅଞ୍ଚଳର ଉନ୍ନୟନ କରାଯାଇ ଏହାକୁ ଭୁବନେଶ୍ବର ସହରର ଅନ୍ୟତମ ଆକର୍ଷଣ କେନ୍ଦ୍ର ଭାବରେ ବିକଶିତ କରାଯିବ। ୫୩.୬୪ ଏକର ଅଞ୍ଚଳରେ ଏହି ଉନ୍ନତି କାର୍ଯ୍ୟ କରାଯିବ ଏବଂ ଏଥିପାଇଁ ୨୫ କୋଟି ଟଙ୍କା ଖର୍ଚ୍ଚ କରାଯିବ। ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଏହି ମାଷ୍ଟରପ୍ଲାନକୁ ଅନୁମୋଦନ ଦେଇଛନ୍ତି। ସୂଚନାଯୋଗ୍ୟ ଯେ ଗତ କିଛି ଦିନ ତଳେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ୫-ଟି ସଚିବ ଶ୍ରୀ ଭି.କେ. ପାଣ୍ଡିଆନ ଶିଖରଚଣ୍ଡୀ ମନ୍ଦିର ପରିଦର୍ଶନ କରି ଏହାର ମାଷ୍ଟରପ୍ଲାନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଥିଲେ । ଉନ୍ନୟନ ଯୋଜନାକୁ ପରିବେଶ ଉପଯୋଗୀ କରିବାପାଇଁ ସେ ପରାମର୍ଶ ଦେଇଥିଲେ। ଆଜି ସଂଧ୍ୟାରେ ଅନୁଷ୍ଠିତ ଏକ ବୈଠକରେ ବିଡିଏର ଉପାଧ୍ୟକ୍ଷ ଶ୍ରୀ ବଲବନ୍ତ ସିଂହ ଏଥିପାଇଁ ପ୍ରସ୍ତୁତ ମାଷ୍ଟରପ୍ଲାନ ସଂପର୍କରେ ଏକ ଉପସ୍ଥାପନା ରଖିଥିଲେ। ଏହି ଯୋଜନା ଅନୁଯାୟୀ ମନ୍ଦିର ଓ ଏହାର ଆଖପାଖ ଅଞ୍ଚଳର ୫୩.୬୪ ଏକର…

ଭୁବନେଶ୍ୱର: ଓଡ଼ିଶାରେ ପ୍ରଥମ ଥର ପାଇଁ ଜଣେ ରୋଗୀଙ୍କର ପରିସ୍ରା ନଳୀରେ ରକ୍ତସ୍ରାବ ହେଉଥିବା ସମସ୍ୟାକୁ ସମ୍ ଅଲ୍ଟିମେଟ ମେଡିକେୟାରର ଡାକ୍ତରମାନେ ପ୍ରୋଷ୍ଟେଟିକ୍ ଧମନୀରେ ସୁପର ସିଲେକ୍ଟିଭ୍ ଆନ୍‌ଜିଓ-ଏମ୍ବୋଲାଇଜେସନ୍ ପଦ୍ଧତିରେ ସଫଳତାର ସହ ଚିକିତ୍ସା କରିପାରିଛନ୍ତି। ସମ୍ମମ୍‌ର ୟୁରୋଲୋଜି ବିଭାଗର କନ୍‌ସଲଟାଂଟ ଡାକ୍ତର ପ୍ରିୟବ୍ରତ ଦାସଙ୍କ ସହିତ ଇଂଟରଭେନ୍‌ସନାଲ୍ ରେଡିଓଲୋଜିଷ୍ଟ ଡାକ୍ତର ସମ୍ବିତ୍ ପଟ୍ଟନାୟକ ଏବଂ ଡାକ୍ତର ଜିତେନ୍ଦ୍ର କୁମାର ବରାଡ ମିଳିତ ଭାବେ ଏହି ସଫଳ ଅସ୍ତ୍ରୋପଚାର କରିଛନ୍ତି। ଡାକ୍ତର ଦାସ କହିଛନ୍ତି ଯେ ଓଡ଼ିଶାରେ ଏହି ପଦ୍ଧତିରେ ପ୍ରଥମ ଥର ପାଇଁ ଚିକିତ୍ସା କରାଯାଇଛି। ରୋଗୀ ଜଣକ ଆଡ୍‌ଭାନ୍ସଡ କାର୍ସିନୋମା ପ୍ରୋଷ୍ଟେଟ୍ ସମସ୍ୟାରେ ପୀଡ଼ିତ ଥିବା ବେଳେ ତାଙ୍କର ବାରମ୍ବାର ରକ୍ତସ୍ରାବ ହେଉଥିଲା। ତେଣୁ ରକ୍ତସ୍ରାବକୁ ବନ୍ଦ କରିବା ପାଇଁ ଆମକୁ ପ୍ରୋଷ୍ଟେଟିକ୍ ଧମନୀ ବନ୍ଦ କରିବାକୁ ପଡ଼ିଥିଲା। ଏହି ପ୍ରକ୍ର୍ରିୟାକୁ ସୁପର ସିଲେକ୍ଟିଭ୍ ଆନ୍‌ଜିଓ-ଏମ୍ବୋଲାଇଜେସନ୍ କୁହାଯାଏ ବୋଲି ଡାକ୍ତର ଦାସ କହିଛନ୍ତି। ପୂର୍ବରୁ ଏହିଭଳି ସମସ୍ୟା ଜଡ଼ିତ…

ଭୁବନେଶ୍ୱର: ଜାନୁଆରୀ ୨୩ ତାରିଖରୁ ଡିସେମ୍ବର ୨୩ ତାରିଖ ପର୍ଯ୍ୟନ୍ତ ରାଜ୍ୟ ଖାଦ୍ୟ ସୁରକ୍ଷା ଯୋଜନା ହିତାଧିକାରୀଙ୍କୁ ଏକ ବର୍ଷ ପାଇଁ ମାଗଣାରେ ଚାଉଳ ଯୋଗାଇଦେବାକୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ଜାନୁୟାରୀ ୨୦୨୩ ଠାରୁ ୧୨ ମାସ ପର‌୍ୟ୍ୟନ୍ତ ହିତାଧିକାରୀଙ୍କୁ ମାଗଣାରେ ରାଜ୍ୟ ଖାଦ୍ୟ ସୁରକ୍ଷା ଯୋଜନା ଅଧୀନରେ ୫ କିଲୋଗ୍ରାମ ଚାଉଳ ପ୍ରଦାନ କରାଯିବ। ଏଥିପାଇଁ ମୋଟ ୧୮୫ କୋଟି ଟଙ୍କା ଖର୍ଚ୍ଚ ହେବ। ଏହି ଅତିରିକ୍ତ ଖର୍ଚ୍ଚ ରାଜ୍ୟ ସରକାର ଭରଣା କରିବେ। ରାଜ୍ୟ ସରକାର ‘ରାଜ୍ୟ ଖାଦ୍ୟ ସୁରକ୍ଷା ଯୋଜନା’ ନାମକ ରାଜ୍ୟ ଯୋଜନା ଅଧୀନରେ ଅନ୍ତର୍ଭୁକ୍ତ ହିତାଧିକାରୀଙ୍କୁ ପ୍ରତି ମାସରେ ୧ ଟଙ୍କାରେ ୫ କେଜି ଚାଉଳ ଅକ୍ଟୋବର ୨୦୧୮ ଠାରୁ ପ୍ରଦାନ କରି ଆସୁଛନ୍ତି।  ବର୍ତ୍ତମାନ ଏହି ଘୋଷଣା ପରେ ହିତାଧିକାରୀ ଆଉ କୌଣସି ପଇସା ଦେବାକୁ ପଡିବ ନାହିଁ। ଏହି ହିତାଧିକାରୀମାନଙ୍କୁ ରାଜ୍ୟରେ ଚାଲିଥିବା…

ନୂଆଦିଲ୍ଲୀ: ଇଣ୍ଟରନେଟ୍ ଆମ ଦୁନିଆକୁ ସଂପୂର୍ଣ୍ଣ ଭାବେ ବଦଳାଇ ଦେଇଛି। ଆଜିର ସମୟରେ, ପ୍ରତ୍ୟେକ ଲୋକ ଛୋଟ ଏବଂ ବଡ ଜିନିଷ ପାଇଁ ଇଣ୍ଟରନେଟ୍ ଉପରେ ନିର୍ଭର କରନ୍ତି। ଇଣ୍ଟରନେଟ୍ ସାହାଯ୍ୟରେ ସମ୍ପର୍କ ଗଢିବା ଏବଂ ଖରାପ ହେବାରେ ମଧ୍ୟ ଲାଗିଛି। ଏଭଳି ପରିସ୍ଥିତିରେ ଆଜିକାଲି ଅନେକ ଡେଟିଂ ଆପ୍ ବଜାରକୁ ଆସିଛି। ଏହି ଡେଟିଂ ଆପ୍ସର ସାହାଯ୍ୟରେ, ଆଜିକାଲି ଲୋକମାନେ ସେମାନଙ୍କର ସାଥିମାନଙ୍କୁ ଭେଟନ୍ତି। କିନ୍ତୁ, ସେଗୁଡିକ ବ୍ୟବହାର କରିବା ପୂର୍ବରୁ ଆପଣ ସାବଧାନ ହେବା ଆବଶ୍ୟକ କାରଣ ପ୍ରକୃତରେ କ’ଣ ସତ ତାହା ଆପଣ ଜାଣନ୍ତି ନାହିଁ। ଯଦି ଆପଣ ମଧ୍ୟ ଦୀର୍ଘ ସମୟ ଧରି ଡେଟିଂ ଆପ୍ ମାଧ୍ୟମରେ ଆପଣଙ୍କ ସାଥୀଙ୍କୁ ଡେଟ୍ କରୁଛନ୍ତି ଏବଂ ସାକ୍ଷାତ କରିବାକୁ ଚିନ୍ତା କରୁଛନ୍ତି, ତେବେ ଆମେ ଆପଣଙ୍କୁ ସେହି ସଙ୍କେତ ବିଷୟରେ କହୁଛୁ, ଯାହା ଦ୍ଵାରା ଆପଣ ସାକ୍ଷାତ କରିବାକୁ ବିଚାର କରିପାରିବେ। ସେହି ସଙ୍କେତଗୁଡ଼ିକ ହେଲା- ୧- ଭିଡିଓ…

ଭୁବନେଶ୍ବର: ହିନ୍ଦୁ ଧର୍ମରେ ସାମୁଦ୍ରିକ ଶାସ୍ତ୍ରର ବିଷେଶ ମହତ୍ବ ରହିଛି। ସାମୁଦ୍ରିକ ଶାସ୍ତ୍ରରେ ମଣିଷ ଶରୀରର କିଛି ଅଙ୍ଗ ଓ ଚିହ୍ନ ଆଧାରରେ ଭବିଷ୍ୟତ ସମ୍ପର୍କରେ ଅନେକ ଜିନିଷ ଜାଣିହୁଏ। ଏହା ଦ୍ବାରା ମଣିଷର ଆର୍ଥିକ ଓ ସାମାଜିକ ସ୍ଥିତିର ମଧ୍ୟ ଅନୁମାନ କରାଯାଇପାରିବ। ସାମୁଦ୍ରିକ ଶାସ୍ତ୍ରର ରଚନା ଋଷି ସମୁଦ୍ର କରିଥିଲେ। ତାଙ୍କ ନାମାନୁସାରେ ଏହି ଶାସ୍ତ୍ରର ନାମ ସାମୁଦ୍ରିକ ଶାସ୍ତ୍ର ରଖାଯାଇଛି। ଏହି ଶାସ୍ତ୍ରରେ ଶରୀରର ଅଙ୍ଗରେ ଆକୃତି ତଥା ଅଙ୍ଗରେ ବର୍ଣ୍ଣିତ ଚିହ୍ନ ଦ୍ବାରା ବ୍ୟକ୍ତିର ସ୍ବଭାବ, ବ୍ୟବହାର ଓ ଭବିଷ୍ୟ ସମ୍ପର୍କରେ ସୂଚନା ମିଳିଥାଏ। କୁହାଯାଏ ଶରୀରର ଅଙ୍ଗ ବ୍ୟକ୍ତିର ବ୍ୟକ୍ତିତ୍ବ ସମ୍ପର୍କରେ ସୂଚନା ଦେଇଥାଏ। ସେହିପରି ହାତ ପାପୁଲିରେ ଥିବା ଚିହ୍ନ ତଥା ରେଖା ଦ୍ବାରା ଆର୍ଥିକ ସ୍ଥିତି ସମ୍ପର୍କରେ ମଧ୍ୟ ସୂଚନା ମିଳିଥାଏ। ସମୁଦ୍ର ଶାସ୍ତ୍ର ଅନୁସାରେ ଯଦି କୌଣସି ବ୍ୟକ୍ତିଙ୍କର ପାପୁଲିର ତ୍ରିଭୁଜ ପରି ଚିହ୍ନ ରହିଛି ତେବେ ସେହି ବ୍ୟକ୍ତି ଜୀବନ…

ଭୁବନେଶ୍ବର: ବିଶିଷ୍ଟ ସିନେ ପ୍ରଯୋଜକ ତଥା ବରିଷ୍ଠ ସାମ୍ବାଦିକ ଆଳୟ ମହାନ୍ତିଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ବୟସ ହୋଇଥିଲା। ସେ ଭୁବନେଶ୍ବର କ୍ୟାପିଟାଲ ହସପିଟାଲରେ ଚିକିତ୍ସା ହେଉଥିବା ଅବସ୍ଥାରେ ମୃତ୍ୟୁବରଣ କରିଛନ୍ତି। ତାଙ୍କ ପାର୍ଥିବ ଶରୀରକୁ ହସ୍ପିଟାଲରୁ ୟୁନିଟ -୬ ସ୍ଥିତ ସରକାରୀ ବାସଭବନକୁ ଅଣାଯିବା ପରେ ସେଠାରେ ବହୁ ସାମ୍ବାଦିକ ଓ ବୁଦ୍ଧିଜୀବୀ ଯୋଗଦେଇ ଶେଷ ଦର୍ଶନ କରିଥିଲେ । ଏହା ପରେ ପାର୍ଥିବ ଶରୀରକୁ ନିଜ ଗାଁ ଜଟଣୀକୁ ନିଆଯିବ। ପୁରୀ ସ୍ୱର୍ଗଦ୍ୱାର ତାଙ୍କର ଅନ୍ତେଷ୍ଟି କ୍ରିୟା ହେବ ବୋଲି ପରିବାର ସୁତ୍ରରୁ ଜଣାପଡିଛି। ଆଳୟ ଶୂନ୍ୟ ସ୍ୱରୂପ, ଆଶା ଭଳି କଳାତ୍ମକ ଫିଲ୍ମ ନିର୍ମାଣ କରିଥିଲେ। ଶୂନ୍ୟସ୍ୱରୂପ ପିଲ୍ମକୁ ଜାତୀୟ ପୁରସ୍କାର ମିଳିଥିଲା। ଭୁଲ ବୁଝିବନି ମତେ ଫିଲ୍ମରେ ବି ସେ ପ୍ରଯୋଜକ ଥିଲେ।ବାଲିଘର ଓ ମରୀଚିକା ସିରିଏଲ୍ ରେ ମଧ୍ୟ ପ୍ରଯୋଜନା କରିଛନ୍ତି। ତାଙ୍କ ବିୟୋଗରେ ଉଭୟ ଚଳଚିତ୍ର ଏବଂ…

ନୂଆଦିଲ୍ଲୀ: ଆଜିକାଲି ଲୋକମାନେ କେବଳ ଆଖି, କେଶ କିମ୍ବା ହାତ ପ୍ରତି ଧ୍ୟାନ ଦିଅନ୍ତି ନାହିଁ, ବରଂ ସେମାନଙ୍କ ଓଠର ମଧ୍ୟ ଯତ୍ନ ନିଅନ୍ତି। ଏଭଳି ପରିସ୍ଥିତିରେ ଏକ ସାଧାରଣ ସମସ୍ୟା ସମସ୍ତଙ୍କ ଦ୍ୱାରା ଦେଖାଯାଏ। ଆଜିକାଲି ଲୋକଙ୍କଠାରେ କଳା ରଙ୍ଗର ଓଠର ସମସ୍ୟା ଦେଖାଯାଏ। ଓଠ ଗୋଲାପୀ ନଥିଲେ ଲୋକମାନେ ଚିନ୍ତିତ ହୁଅନ୍ତି। ସେମାନେ ଭାବନ୍ତି ଯେ, କଣ ଉପାୟ ଅଛି, ଯାହାଦ୍ଵାରା ସେମାନଙ୍କର ସମସ୍ୟାର ସମାଧାନ ହେବ। ଆସନ୍ତୁ ସେହି ଟିପ୍ସ ବିଷୟରେ ଜାଣିବା: ୧- ଆପଲ୍ ସାଇଡର୍ ଭିନେଗାର ବ୍ୟବହାର କରନ୍ତୁ: ଓଠକୁ ଗୋଲାପୀ କରିବା ପାଇଁ, ଅଳ୍ପ ବୁନ୍ଦା ଆପଲ୍ ଭିନେଗାରକୁ ପାଣିରେ ମିଶାଇ ପ୍ରତିଦିନ ଓଠରେ ଲଗାନ୍ତୁ, ଏହା ଆପଣଙ୍କ ଓଠକୁ ଗୋଲାପୀ କରିଦେବ। ୨- ଲେମ୍ବୁ, ଆଳୁ ବ୍ୟବହାର କରନ୍ତୁ: ଆପଣ ପ୍ରତିଦିନ ରାତିରେ ଓଠରେ ଲେମ୍ବୁ, ଆଳୁ ଏବଂ ବିଲାତି ରସ ଲଗାନ୍ତୁ ଏବଂ ସକାଳେ ଉଠିବା ପରେ ଏହାକୁ ଧୋଇ ଦିଅନ୍ତୁ, ତେବେ ଏହି…

ସୀତାରାମ ଅଗ୍ରୱାଲ ବାଣପୁର: ମା’ ଭଗବତୀ ମନ୍ଦିରର ହେବ ନବ କଳେବର। ୫-ଟି ସଚିବ ଭି କେ ପାଣ୍ଡିଆନ ନଭେମ୍ବର ମାସରେ ମନ୍ଦିର ଦର୍ଶନ କରି ଏ ନେଇ ଅନୁଷ୍ଠାନିକ ଭାବେ ଘୋଷଣା କରିଥିଲେ।  ତେବେ ଇତି ମଧ୍ୟରେ ଦେଢ଼ ମାସ ବିତିଯାଇଥିବା ବେଳେ ମନ୍ଦିର ଓ ଏହାର ଆଖପାଖ ଅଞ୍ଚଳକୁ ନୂଆ ରୂପ ଦେବା ପାଇଁ ରାଜ୍ୟ ସରକାରଙ୍କ ବିଭିନ୍ନ ବିଭାଗୀୟ ଅଧିକାରୀଙ୍କ ବାଣପୁର ଗସ୍ତ ଜାରି ରହିଛି। ଏହି ପରିପ୍ରେକ୍ଷୀରେ ଆଜି ପୂର୍ତ୍ତ ସଚିବ ଆଇଏଏସ୍ ବୀର ବିକ୍ରମ ଯାଦବ ମନ୍ଦିର ପହଞ୍ଚି ସ୍ଥିତି ପରଖିଛନ୍ତି। ଶ୍ରୀ ଯାଦବ ମନ୍ଦିର ଭିତର ଏବଂ ବାହାର ପାର୍ଶ୍ୱ ପରିଦର୍ଶନ କରି ପୁର୍ବରୁ ଦିଆଯାଇଥିବା ବ୍ଲୁ ପ୍ରିଣ୍ଟ କୁ ପରଖିଛନ୍ତି। ତତସହିତ ବସ ଷ୍ଟାଣ୍ଡ, ପାର୍କିଂ ସ୍ଥଳ ଏବଂ ନୂତନ ପ୍ରସ୍ତାବିତ ରିଙ୍ଗ ରୋଡ ପାଇଁ ବିଭିନ୍ନ ଅଞ୍ଚଳ ବୁଲି ତାହାର ସ୍ଥିତି ଅନୁଧ୍ୟାନ କରିଛନ୍ତି। ସମସ୍ତ ପ୍ରକଳ୍ପ ନକ୍ସା ଚୁଡାନ୍ତ…

ନୂଆଦିଲ୍ଲୀ: ପଞ୍ଜାବରେ ଖାଲିସ୍ତାନକୁ ସମର୍ଥନ କରି କାନ୍ଥରେ ପୁଣି ଥରେ ସ୍ଲୋଗାନ ଲେଖାଯାଇଛି। ଏଥର ଶ୍ରୀ ମୁକ୍ତସର ସାହିବରେ ଥିବା ଏସଏସପି କାର୍ଯ୍ୟାଳୟର କାନ୍ଥରେ ଏହି ସ୍ଲୋଗାନଗୁଡ଼ିକ ଲେଖାଯାଇଛି। ଏଠାରେ ଦ୍ୱିତୀୟ ଥର ଏପରି କାର୍ଯ୍ୟ କରାଯାଇଛି। ଏହାପୂର୍ବରୁ ମଧ୍ୟ ଏହି କାନ୍ଥରେ ଏଭଳି ସ୍ଲୋଗାନ ଲେଖିବାର ମାମଲା ସାମ୍ନାକୁ ଆସିଥିଲା। ପଞ୍ଜାବରେ ମାହୋଲ ଖରାପ କରିବା ପାଇଁ ନିରନ୍ତର ଉଦ୍ୟମ କରାଯାଉଛି। ଶିଖ୍ ଫର ଜଷ୍ଟିସ୍ (SFJ) ଦ୍ୱାରା ଏକ ଭିଡିଓ ମଧ୍ୟ ଜାରି କରାଯାଇଛି। ଭିଡିଓରେ କୁହାଯାଇଛି ଯେ, ପ୍ରତ୍ୟେକ ଘରେ ଆତଙ୍କ ଖେଳିଯାଇଛି। କେବଳ ଏତିକି ନୁହେଁ ଏହି ଭିଡିଓରେ ରାହୁଲ ଗାନ୍ଧୀଙ୍କୁ ମଧ୍ୟ ଧମକ ଦିଆଯାଇଛି। ବାସ୍ତବରେ, ଜାନୁଆରୀ ଦ୍ୱିତୀୟ ସପ୍ତାହ ଅର୍ଥାତ ଜାନୁୟାରୀ ୧୧ ତାରିଖ ୨୦୨୩ରେ ରାହୁଲ ଗାନ୍ଧୀଙ୍କ ଯାତ୍ରା ପଞ୍ଜାବରେ ଆରମ୍ଭ ହେବାକୁ ଯାଉଛି। ଦ୍ୱିତୀୟ ଥର ପାଇଁ ରାହୁଲ ଗାନ୍ଧୀଙ୍କୁ ଧମକ ଦିଆଯାଇଛି। ପଞ୍ଜାବର ରାସ୍ତାରେ ଚାଲିକି ଦେଖାଅ ବୋଲି…

ଶ୍ରୀନଗର: ବିଏସଏଫ ପୁଣି ଥରେ ଆତଙ୍କବାଦୀ ଷଡଯନ୍ତ୍ରକୁ ବିଫଳ କରିଛି। ଅମୃତସରର ଅଜନାଲା ସେକ୍ଟରରେ ବିଏସଏଫ ଯବାନମାନେ ଜଣେ ପାକିସ୍ତାନୀ ଅନୁପ୍ରବେଶକାରୀଙ୍କୁ ମାରି ବଡ଼ ସଫଳତା ହାସଲ କରିଛନ୍ତି। ବର୍ତ୍ତମାନ ଏହି ଅଞ୍ଚଳର ସର୍ଚ୍ଚ ଅପରେସନ ଚାଲିଛି। ଏହି ଅନୁପ୍ରବେଶକାରୀଙ୍କୁ ରାମଦାସ ଅଞ୍ଚଳ ନିକଟ ବିଓପି ଚନ୍ନା ନିକଟରେ ଏନକାଉଣ୍ଟର କରାଯାଇଛି। ବିଏସ୍ଏଫ୍ ଡିଜି ପ୍ରଭାକର ଯୋଶୀ ଏହି ସୂଚନା ଦେଇଛନ୍ତି। ଏହି ବିଷୟରେ ସୂଚନା ପ୍ରଦାନ କରି ବିଏସଏଫ କହିଛି ଯେ, ଆଜି ସକାଳ ପ୍ରାୟ ୮.୩୦ ସମୟରେ ବିଓପି ଚନ୍ନା ଗୁରୁଦାସପୁର ସେକ୍ଟରର ବିଏସ୍ଏଫ୍ ଯବାନମାନେ ଜଣେ ସଶସ୍ତ୍ର ପାକ୍ ଅନୁପ୍ରବେଶକାରୀଙ୍କ ସନ୍ଦେହଜନକ କାର୍ଯ୍ୟକଳାପ ଦେଖିଥିଲେ। ଅନୁପ୍ରବେଶକାରୀ ପାକିସ୍ତାନ ପାର୍ଶ୍ୱରୁ ସୀମା ଆଡକୁ ଆସୁଥିଲେ। ବିଏସ୍ଏଫ୍ ଯବାନମାନେ ତାଙ୍କୁଏନକାଉଣ୍ଟର କରିଥିଲେ। ଏହି ଅଞ୍ଚଳର ବଡଧରଣର ଅନୁସନ୍ଧାନ ଚାଲିଛି।

ସୀତାରାମ ଅଗ୍ରୱାଲ ବାଲୁଗାଁ: ଗତକାଲି ରାତିରେ ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ନାଭାଲ ଫାଣ୍ଡି ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଏକ ସଡ଼କ ଦୁର୍ଘଟଣା ଘଟିଯାଇଛି। ଯେଉଁଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବାର ଜଣାପଡିଛି। ନାଭାଲ ଫାଣ୍ଡି ଅଧିକାରୀ ଦିଲ୍ଲୀପ ସାହୁଙ୍କ ସୂଚନା ମୁତାବକ ଗତକାଲି ରାତିରେ ଖଡ଼ିକାପଲ୍ଲି ଗ୍ରାମର ରବୀନ୍ଦ୍ର ସ୍ୱାଇଁ (୬୨) ନିଜ ସାଇକେଲ ଯୋଗେ ଖଡ଼ିକାପଲ୍ଲି ଛକରୁ ସୁବୁଦ୍ଧିପାଟଣା ଯିବା ପାଇଁ ଜାତୀୟ ରାଜପଥ ଅତିକ୍ରମ କରୁଥିବା ବେଳେ ହଠାତ ବାଲୁଗାଁରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ କାରଟି ରବୀନ୍ଦ୍ରଙ୍କୁ ଶକ୍ତ ଧକ୍କା ଦେଇଥିଲା। ଫଳରେ ରବୀନ୍ଦ୍ର ଗୁରୁତର ଆହତ ହୋଇଥିବା ବେଳେ ସ୍ଥାନୀୟ ଲୋକମାନେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବାଲୁଗାଁ ମେଡିକାଲ ପଠାଇଥିଲେ। ହେଲେ ମେଡିକାଲରେ ରବୀନ୍ଦ୍ରଙ୍କ ମୃତ୍ୟୁ ହୋଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ବାଲୁଗାଁ ଥାନାରେ କେସ ନମ୍ବର ୧/୨୩ ରେ ଏକ…

ନୂଆଦିଲ୍ଲୀ: ୧୯୭୧ ମସିହାରେ ଭାରତ-ପାକିସ୍ଥାନ ଯୁଦ୍ଧର ଚିତ୍ର ସେୟାର କରି ପଡୋଶୀ ଦେଶକୁ ତାଲିବାନ ନେତା ଅହମ୍ମଦ ୟାସିର ଚିନ୍ତାରେ ପକାଇଛନ୍ତି। ବାସ୍ତବରେ, ଅହମ୍ମଦ ୟାସିର ୧୯୭୧ ମସିହାରେ ଇସଲାମାବାଦକୁ ପରିହାସ କରି ପାକିସ୍ତାନର ଭାରତରେ ଆତ୍ମସମର୍ପଣ କରିବାର ଚିତ୍ର ସେୟାର କରିଛନ୍ତି। ଏହି ଚିତ୍ର ପାକିସ୍ତାନର ଭାଙ୍ଗିବା ଏବଂ ବାଂଲାଦେଶ ଗଠନକୁ ଦର୍ଶାଉଛି। ତାଲିବାନର ନେତା ଅହମ୍ମଦ ୟାସିର ମଧ୍ୟ ପାକିସ୍ତାନକୁ ଆଫଗାନିସ୍ତାନଠାରୁ ଦୂରେଇ ରହିବାକୁ ଚେତାବନୀ ଦେଇଛନ୍ତି। ପ୍ରକାଶ ଯେ ଆଫଗାନିସ୍ତାନକୁ ପାକିସ୍ତାନ ଯୁଦ୍ଧର ଧମକ ଦେଇଛି ଏବଂ ଏହି ସମୟରେ ଆଫଗାନିସ୍ତାନ ଭାରତକୁ ସମର୍ଥନ କରୁଥିବା ଏହି ଚିତ୍ର ସେୟାର କରିଛି। ଆଫଗାନିସ୍ତାନ ଭିତରେ ଥିବା ତହରିକ-ଏ-ତାଲିବାନ ପାକିସ୍ତାନ (ଟିଟିପି) ଠିକଣାକୁ ଟାର୍ଗେଟ କରିବା ପାଇଁ ପାକିସ୍ତାନର ଆଭ୍ୟନ୍ତରୀଣ ମନ୍ତ୍ରୀ ରାଣା ସନାଉଲ୍ଲାଙ୍କ ଏକ ଧମକପୂର୍ଣ୍ଣ ବିବୃତ୍ତି ଚର୍ଚ୍ଚାରେ ରହିଛି। ପାକିସ୍ତାନୀ ନ୍ୟୁଜ୍ ଚ୍ୟାନେଲକୁ ଦେଇଥିବା ଏକ ସାକ୍ଷାତକାରରେ ମନ୍ତ୍ରୀ ରାଣା ସନାଉଲ୍ଲା କହିଛନ୍ତି ଯେ, ଯଦି…

କଲିକତା: ପଶ୍ଚିମବଙ୍ଗ ପୁଣି ଥରେ ଚର୍ଚ୍ଚାକୁ ଆସିଛି। ଏଥର କିନ୍ତୁ ବିଜେପି ଏବଂ ଟିଏମସି ନେତାଙ୍କ ମଧ୍ୟରେ ସଂଘର୍ଷର ଖବର ନୁହେଁ, ବରଂ ବନ୍ଦେ ଭାରତ ଟ୍ରେନ୍ କୁ ନେଇ ଚର୍ଚ୍ଚା ହେଉଛି। ବାସ୍ତବରେ ନିକଟରେ ପଶ୍ଚିମବଙ୍ଗରେ ଆରମ୍ଭ ହୋଇଥିବା ବନ୍ଦେ ଭାରତ ଏକ୍ସପ୍ରେସ ଟ୍ରେନରେ ପଥର ଫିଙ୍ଗିବା ଘଟଣା ସାମ୍ନାକୁ ଆସିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ନୂଆ ଜଲପାଇଗୁଡିରୁ ହାୱଡା ଫେରୁଥିବା ମାଲଦା ଜିଲ୍ଲାର କୁମାରଗଞ୍ଜ ନିକଟରେ ବନ୍ଦେ ଭାରତ ଏକ୍ସପ୍ରେସ ଉପରେ ପଥର ଫିଙ୍ଗାଯାଇଛି। ପଥର ଫିଙ୍ଗିବା କାରଣରୁ ଉକ୍ତ ଟ୍ରେନର ସି-୧୩ ବଗି କ୍ଷତିଗ୍ରସ୍ତ ହୋଇଥିବା କୁହାଯାଉଛି। ଏଥି ସହ ଭାରତୀୟ ଜନତା ପାର୍ଟି ଏହି ଘଟଣାରେ ତୀବ୍ର ପ୍ରତିକ୍ରିୟା ପ୍ରକାଶ କରି ଟିଏମସି କର୍ମୀଙ୍କୁ ବନ୍ଦେ ଭାରତ ଟ୍ରେନକୁ ପଥର ଫିଙ୍ଗିଥିବା ଅଭିଯୋଗ କରିଛି। ବିଜେପି ନେତା ଶୁଭେନ୍ଦୁ ଅଧିକାରୀ ଏହାକୁ ଟିଏମସିର ଷଡଯନ୍ତ୍ର ବୋଲି କହିଛନ୍ତି। ପ୍ରକାଶ ଯେ, କେନ୍ଦ୍ର ସରକାର ଭାରତୀୟ ରେଳର…

କଳାହାଣ୍ଡି: ଜୟପାଟଣା ବ୍ଲକ ଅନ୍ତର୍ଗତ ଏକ ପ୍ରଧାନମନ୍ତ୍ରୀ ସଡକ ନିର୍ମାଣ କାର୍ଯ୍ୟ ନିମ୍ନ ମାନର ହେଉଥିବା ସମ୍ପର୍କରେ ଏକ ଦୈନିକ ଖବର କାଗଜରେ ସମ୍ବାଦ ପ୍ରକାଶ ପାଇଥିଲା। ସମ୍ପୃକ୍ତ ଠିକାଦାର ଓ ତାଙ୍କର ଦୁଇ ସହଯୋଗୀ ସାମ୍ବାଦିକ ରାଜୁ ପାହାଡ଼ଙ୍କୁ ଫୋନ ଯୋଗେ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଜୀବନରେ ମାରିଦେବା ପାଇଁ ଧମକ ଦେବା ଘଟଣାକୁ ନେଇ ଜିଲ୍ଲା ସାମ୍ବାଦିକ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏ ସମର୍କରେ ଜୟପାଟଣା ଥାନାରେ ସାମ୍ବାଦିକଙ୍କ ପକ୍ଷରୁ ଲିଖିତ ଅଭିଯୋଗ କରଆଯାଇଛି। କଳାହାଣ୍ଡି ସାମ୍ବାଦିକ ସଙ୍ଘ ଜିଲ୍ଲା ସଭାପତି ମହମ୍ମଦ ଅଲ୍ଲୀଙ୍କ ନେତୃତ୍ୱରେ ଏକ ପ୍ରତିନିଧି ଦଳ କଳାହାଣ୍ଡି ଏସପି ଅଭିଳାଷ ଜି ଙ୍କୁ ଭେଟି ସମ୍ପୃକ୍ତ ଠିକାଦାର ଓ ତାଙ୍କ ସହଯୋଗୀ ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଲିଖିତ ଅଭିଯୋଗ କରିଛନ୍ତି। ଅନ୍ୟ ମାନଙ୍କ ମଧ୍ୟରେ ଏସୟୁଯେ ରାଜ୍ୟ ଉପ ସଭାପତି ଦୁଷ୍ମନ୍ତ କୁମାର…

ନୂଆଦିଲ୍ଲୀ: ଭାରତ ଏବଂ ଶ୍ରୀଲଙ୍କା ମଧ୍ୟରେ ୩ ଟି ଟି-୨୦ ମ୍ୟାଚ୍ ଖେଳାଯିବ। ଏହି ସିରିଜର ପ୍ରଥମ ମ୍ୟାଚ୍ ଆଜି ମୁମ୍ବାଇର ୱାନଖେଡେ ଷ୍ଟାଡିୟମରେ ଖେଳାଯିବ। ଏଥି ସହିତ, ଏହି ଟି-୨୦ ସିରିଜ୍ ପରେ ଦିନିକିଆ ସିରିଜ୍ ଖେଳାଯିବ। ତେବେ ଶ୍ରୀଲଙ୍କା ବିପକ୍ଷ ଟି-୨୦ ସିରିଜରେ ହାର୍ଦ୍ଦିକ ପାଣ୍ଡ୍ୟା ଟିମ୍ ଇଣ୍ଡିଆର ଅଧିନାୟକ ହେବେ। ଏଥିସହ ରୋହିତ ଶର୍ମା, ବିରାଟ କୋହଲି, କେ.ଏଲ୍ ରାହୁଲ ଏବଂ ଋଷଭ ପନ୍ତଙ୍କ ଭଳି ଖେଳାଳି ଟି-୨୦ ସିରିଜରେ ଦଳର ଅଂଶ ହେବେ ନାହିଁ। ଏହା ପରେ ରୋହିତ ଶର୍ମା ଏକଦିବସୀୟ ସିରିଜରେ ଦଳର ଦାୟିତ୍ୱ ଗ୍ରହଣ କରିବେ। ଲାଇଭ୍ ବ୍ରୋଡକାଷ୍ଟ ଏବଂ ଷ୍ଟ୍ରିମିଂ ଏଠାରେ ଦେଖନ୍ତୁ: ୩ ଟି-୨୦ ସିରିଜର ପ୍ରଥମ ମ୍ୟାଚ୍ ଆଜି ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯିବ। ଏହି ମ୍ୟାଚ୍ ଭାରତୀୟ ସମୟ ସନ୍ଧ୍ୟା ୭ ଟାରୁ ଆରମ୍ଭ ହେବ। ଏଥି ସହିତ ଷ୍ଟାର ସ୍ପୋର୍ଟସ ନେଟୱାର୍କରେ ଏହି ମ୍ୟାଚ…

ଭୁବନେଶ୍ବର: ଅନେକ ଅସୁବିଧା ଏବଂ ବିଭିନ୍ନ ଆହ୍ୱାନ ସତ୍ତ୍ୱେ ପୂର୍ବତଟ ରେଳପଥ ରାଜସ୍ୱ ଲୋଡିଂ ସହିତ ନୂତନ ଲାଇନ ନିର୍ମାଣ, ସୁରକ୍ଷା ସମ୍ବନ୍ଧୀୟ କାର୍ଯ୍ୟ ଏବଂ ଅନ୍ୟାନ୍ୟ ଭିତ୍ତିଭୂମି କାର୍ଯ୍ୟ ସହିତ ଦୋହରୀକରଣ ପ୍ରକଳ୍ପ ଏବଂ ଟ୍ରାଫିକ୍ ସୁବିଧା କ୍ଷେତ୍ରରେ ନୂତନ ଅଧ୍ୟାୟ ସ୍ଥାପନ କରିବାକୁ ଯାଉଛି। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ କ୍ରମାଗତ ପ୍ରକଳ୍ପ ସମୀକ୍ଷା ଏବଂ ମହାପ୍ରବନ୍ଧକ ରୂପ ନାରାୟଣ ସୁନକରଙ୍କ ଉପଦେଶ ଯୋଗୁଁ ଏହା ସମ୍ଭବ ହେବାକୁ ଯାଉଅଛି। ଚଳିତ ଆର୍ଥିକ ବର୍ଷର ଡିସେମ୍ବର 2022 ପର୍ଯ୍ୟନ୍ତ ପୂର୍ବତଟ ରେଳପଥ 175.32 ନିୟୁତ ଟନ ମାଲ ପରିବହନ କରିଛି ଯାହା ଗତ ଆର୍ଥିକ ବର୍ଷର 169.39ନିୟୁତ ଟନ ତୁଳନାରେ 5.93 ନିୟୁତ ଟନ ଅଧିକ ଏବଂ ପ୍ରାୟ 3.5% ଅଭିବୃଦ୍ଧି ଆଣି ପାରିଛି। ମାଲ ପରିବହନରୁ ଆୟ ଦୃଷ୍ଟିରୁ, ପୂର୍ବତଟ ରେଳପଥ ଏହି ସମୟ ମଧ୍ୟରେ 14247.88 କୋଟି ଆୟ କରିଛି ଯାହା 13134.98 କୋଟି ତୁଳନାରେ ଗତ…

ସ୍ୱାସ୍ଥ୍ୟ ଟିପ୍ସ: କଦଳୀ ହେଉଛି ଏକ ଶୁଭ ଫଳ। ଏହାକୁ ବିଭିନ୍ନ ପୂଜାପାର୍ବଣରେ ବ୍ୟବହାର କରାଯାଇଥାଏ। ଏହାର ଗଛ ମଧ୍ୟ ପୂଜାରେ ବ୍ୟବହାର କରାଯାଏ। କଦଳୀ ଫଳ ଠାରୁ ଆରମ୍ଭ କରି ପତ୍ର ଏବଂ ଏହାର ମଞ୍ଜା ମଧ୍ୟ ବ୍ୟବହାର ହୁଏ। ତେବେ କଦଳୀ ଦ୍ବାରା ଅନେକ ରୋଗ ଭଲ ହୋଇଥାଏ। ଜାଣନ୍ତୁ  କଦଳୀ ଖାଇଲେ କେଉଁ ପ୍ରକାରର ଉପକାରରେ ଆସେ.. ୧- ପାଚିଲା କଦଳୀ ଡାଇରିଆ ଏବଂ ଆଜମା ରୋଗୀଙ୍କ ପାଇଁ ବେଶ ଉପାଦେୟ। ୨- ଅଧାପାଚିଲା କଦଳୀ କୋଷ୍ଠକଦ୍ଧତା କ୍ଷେତ୍ରରେ ବେଶ ସହାୟକ ହୋଇଥାଏ। ୩- କଦଳୀ ଚକଟାରେ ଅଳ୍ପ ଲୁଣ ମିଶାଇ ଖାଇଲେ ଡିସେଣ୍ଟ୍ରି ରୋଗ ଭଲ ହୋଇଥାଏ। ୪- ଦୈନିକ ଗୋଟିଏ ପାଚିଲା କଦଳୀ ଖାଇବା ଦ୍ବାରା ଡାଇବେଟିସ, ହୃଦରୋଗ, ରକ୍ତଚାପ ନିୟନ୍ତ୍ରଣ ଭିତରେ ରହେ। ୫- ଯଦି ଚର୍ମ ପୋଡିଯାଇ କଳା ଦେଖାଯାଉଥାଏ ବା ମଳିନ ପଡିଯାଏ ତେବେ କଦଳୀ ମଣ୍ଡ ସେହି ସ୍ଥାନରେ ପ୍ରତିଦିନ…