ଭୁବନେଶ୍ୱର: ଓଡ଼ିଶା ସରକାରଙ୍କ ଅଧୀନରେ କାର୍ଯ୍ୟରତ ୧୫ଜଣ ଅର୍ଥସେବା ଅଧକାରୀଙ୍କ ସ୍ୱତନ୍ତ୍ର ସଚିବ ପଦକୁ ଉନ୍ନିତ ହୋଇଛନ୍ତି। ଅର୍ଥ ବିଭାଗର ନୋଟିଫିକେଶନ ନଂ-୨୦୦୮୭/ଏଫ୍ ତା ୨୯.୭.୨୧ ଅନୁସାରେ ନିହାର ରଞ୍ଜନ ସ୍ୱାଇଁ, ମଧୁସୂଦନ ଏକାଡ଼େମୀର ନିର୍ଦ୍ଦେଶକ ଅଶୋକ କୁମାର ମହାନ୍ତି, କଣ୍ଟ୍ରୋଲର ଅଫ୍ ଆକାଉଣ୍ଟସ୍ ଦିଲ୍ଲୀପ କୁମାର ଶତପଥୀ, ସ୍ଥାନୀୟ ପାଣ୍ଠିର ନିର୍ଦ୍ଦେଶକ ଭାବେ ନିଯୁକ୍ତି ପାଇଛନ୍ତି।
ଏଠାରେ ସ୍ମରଣ କରାଇ ଦିଆଯାଇପାରେ ଯେ ନିକଟରେ ଓଡ଼ିଶା ଅର୍ଥ ସେବା କ୍ୟାଡ଼ର ପୁର୍ନଗଠିତ କରାଯାଇ ୧୦୪ଟି ନୂତନ ପଦବୀ ସୃଷ୍ଟି କରାଯାଇଥିଲା। ଏହି ପୁର୍ନଗଠନ ଦ୍ୱାରା ସ୍ଥାନୀୟ ପାଣ୍ଠି କ୍ଷେତ୍ରରେ ଅଧିକ ସ୍ୱଚ୍ଛତା, ଦ୍ରବ୍ୟକର ଓ ସେବା କର ଆଦାୟ ଏବଂ ତଦାରଖ ସହିତ ଟ୍ରେନିଂ ଏବଂ ଆର୍ଥିକ ସଂସ୍କାର କ୍ଷେତ୍ରରେ ଅଧିକ ଅଗ୍ରଗତି କରାଯାଇ ପାରିବ।
ଏହି ପୁନର୍ଗଠନ ଦ୍ୱାରା ଅର୍ଥ ସେବା ଅଧିକାରୀ ମାନଙ୍କର ବହୁତ ଦିନର ଦାବି ପୂରଣ କରିବା ସହିତ ସରକାରଙ୍କର ବିଭିନ୍ନ ବିଭାଗରେ ଆର୍ଥିକ ସୁପରିଚାଳନା ସଠିକ୍ ଭାବରେ କରାଯାଇ ପାରିବ।
