କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ଥାନା କତରାପାଲି ଗ୍ରାମରେ ଆଜି ସଂଧ୍ୟାରେ ଏକ ଚିପସ୍ ବୋଝେଇ ଟ୍ରାକଟରରୁ ଖସି ପଡ଼ି ଜନୈକ ଯୁବକ ମୃତ୍ୟୁବରଣ କରିଥିବା ଖବର ହସ୍ତଗତ ହୋଇଛି। ମୃତକଙ୍କ ଘର ମାରଓ୍ବାଡି ମୁଣ୍ଡା ଗ୍ରାମର ପିଙ୍କୁ ମାହାର ବୋଲି ଜଣାପଡ଼ିଛି।
ଖବରରୁ ପ୍ରକାଶ ଯେ, ନାକଟିଦେଉଳ ଥାନା କତରାପାଲିରୁ ଚିପସ୍ ଲୋଡ଼୍ କରି ଫେରୁଥିବା ଟ୍ରାକଟର (ଓଡ଼ି ୧୫ ଇ –୫୧୦୯)ରୁ ଯୁବକ ଜଣଙ୍କ ଖସି ପଡ଼ିଥିଲେ। ଘଟଣା ସ୍ଥଳରେ ହିଁ ଯୁବକର ମୃତ୍ୟୁ ହୋଇଥିବା ସୂଚନା ମିଳିଛି। ଟ୍ରାକଟରର ମାଲିକ ନାକଟିଦେଉଳ ଥାନା ଗୌଡପଡ଼ା ଗ୍ରାମର ପିଣ୍ଟୁ ଧଳଙ୍କର ବୋଲି ଜଣାପଡ଼ିଛି।
ପୋଲିସ୍ ଘଟଣା ସ୍ଥଳରେ ପହଂଚିଛି ନାକଟିଦେଉଳ ଥାନାରେ ଏକ ମାମଲା ରୁଜୁ ହୋଇଥିବା ବେଳେ ପୋଲିସ୍ ତଦନ୍ତ କରୁଛି। ରେଢ଼ାଖୋଲ ଡାକ୍ତରଖାନାରେ ଶବ ବ୍ୟବଚ୍ଛେଦ ପାଇଁ ପଠାଯାଇଛି।
