ଭାରତ ଯୋଡୋ ଯାତ୍ରାର ପ୍ରଭାବ କର୍ଣ୍ଣାଟକ ନିର୍ବାଚନ ଫଳାଫଳରେ ସ୍ପଷ୍ଟ ଦେଖାଯାଉଛି: ଅଶୋକ ଗେହଲୋଟ୍

Published: May 13, 2023, 12:09 pm IST

ନୂଆଦିଲ୍ଲୀ: କର୍ଣ୍ଣାଟକ ବିଧାନସଭା ନିର୍ବାଚନର ପ୍ରାରମ୍ଭିକ ଭୋଟ ଗଣତିରେ ଶାସକ ଦଳ ବିଜେପି ଠାରୁ କଂଗ୍ରେସ ବହୁତ ଆଗରେ ଅଛି। ଏହାକୁ ନେଇ କଂଗ୍ରେସ ନେତାମାନେ ବହୁତ ଉତ୍ସାହିତ ଅଛନ୍ତି। ବର୍ତ୍ତମାନ ଗଣତିକୁ ଦେଖିଲା ପରେ କଂଗ୍ରେସ ନେତାମାନେ ବୟାନ ଦେବା ଆରମ୍ଭ କରିଦେଇଛନ୍ତି।

ତେବେ ଏହା ଭିତରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ କହିଛନ୍ତି ଯେ, ଭାରତ ଯୋଡା ଯାତ୍ରା ସମୟରେ କର୍ଣ୍ଣାଟକରେ ଯେଉଁ ପରିବେଶ ଦେଖାଯାଉଥିଲା, ଆଜି ଏହାର ପ୍ରଭାବ କର୍ଣ୍ଣାଟକ ନିର୍ବାଚନ ଫଳାଫଳରେ ସ୍ପଷ୍ଟ ଦେଖାଯାଉଛି। ୟୁପିଏ ଅଧ୍ୟକ୍ଷ ସୋନିଆ ଗାନ୍ଧୀ, କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ, ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱରେ କଂଗ୍ରେସ ନେତାମାନେ ଏକ ବଡ଼ ଅଭିଯାନ କରିଥିଲେ। ସାମ୍ପ୍ରଦାୟିକ ରାଜନୀତିକୁ ପ୍ରତ୍ୟାଖ୍ୟାନ କରି କର୍ଣ୍ଣାଟକ ବିକାଶ ରାଜନୀତିକୁ ବାଛିଛି। ଆଗାମୀ ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ ଏବଂ ତେଲେଙ୍ଗାନା ବିଧାନସଭା ନିର୍ବାଚନରେ ​​ମଧ୍ୟ ଏହା ପୁନରାବୃତ୍ତି ହେବ।

Related posts