କଞ୍ଚନପୁରରେ ବଜ୍ରାଘାତରେ ନାବାଳକ ସହ ୪ ଛେଳି ମୃତ

Published: Jun 3, 2023, 7:37 pm IST

କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ବ୍ଲକ୍ କଞ୍ଚନପୁର ଗ୍ରାମରେ ଆଜି ଅପରାହ୍ନ ୩ଟା ବଜ୍ରାଘାତରେ ଜନୈକ ନାବାଳକ ସମେତ ୪ ଟି ଛେଳି ମୃତ୍ୟୁବରଣ କରିଥିବା ଖବର ହସ୍ତଗତ ହୋଇଛି।

ପ୍ରକାଶ ଯେ, କିସିଣ୍ଡା ଥାନା କଂଚନପୁର ଗ୍ରାମର ଲିଙ୍ଗରାଜ କିସାନଙ୍କ ପୁଅ କବିଲାସ କିସାନ (୧୪) ନିଜ ଘର ବାରଣ୍ଡାରେ ବସିଥିବା ସମୟରେ ଅପରାହ୍ନ ୩ ଟା ସମୟରେ ବଜ୍ରାଘାତରେ ଅଚେତ ହୋଇ ପଡ଼ିଥିଲେ। ତାଙ୍କୁ ତୁରନ୍ତ ନାକଟିଦେଉଳ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା ହେଲେ ଡାକ୍ତର ସେଠାରେ ମୃତ୍ୟୁବରଣ କରିଥିବା ସୂଚନା ଦେଇଥିଲେ। ସେହି ପରିବାରର ୪ଟି ଛେଳି ମଧ୍ୟ ବଜ୍ରାଘାତରେ ମୃତ୍ୟୁବରଣ କରିଥିବା ଜଣା ପଡ଼ିଛି। ମୃତ୍ୟୁବରଣ କରିଥିବା ପରିବାରଙ୍କୁ ତୁରନ୍ତ ପ୍ରଶାସନ ସହଯୋଗ କରିବାକୁ ଦାବୀ ହେଉଛି।

Related posts