ଭୁବନେଶ୍ବର: ଶେଷରେ ବିଜେଡିରୁ ଇସ୍ତଫା ଦେଇଛନ୍ତି ବରିର ପୂର୍ବତନ ବିଧାୟକ ଦେବାଶିଷ ନାୟକ। ସେ ଆଜି ନିଜର ଇସ୍ତଫା ପତ୍ର ଦଳର ସଭାପତି ନବୀନ ପଟ୍ଟନାୟକଙ୍କ ପାଖକୁ ପଠାଇ ଦେଇଛନ୍ତି। ତେବେ ସେଥିରେ ସେ କୌଣସି କାରଣ ଉଲ୍ଲେଖ କରି ନାହାଁନ୍ତି। ତେବେ ପୂର୍ବରୁ ଦେବାଶିଷ ଦଳ ଛାଡିବେ ବୋଲି ଜଣାପଡିଥିଲା।
ଦେବାଶିଷଙ୍କୁ ଦଳ ପ୍ରାୟ ଏକ ଘରକିଆ କରି ରଖିଛି। ଗତ ନିର୍ବାଚନରେ ବରୀରୁ ଦଳ ଟିକେଟ ଦେଇ ନ ଥିଲା। ହେଲେ ସୁନନ୍ଦା ଦାସ ବିଜେଡିରୁ ଛିଡା ହୋଇ ଜିତିଥିଲେ। ଦଳ ଏଥର ପୁଣି ଥରେ ତାଙ୍କୁ ଟିକେଟ ଦେବାର ସମ୍ଭାବନା ରହିଛି। ତେବେ ଦେବାଶିଷଙ୍କୁ ଦଳ କୌଣସି ସ୍ଥାନରେ ଥଇଥାନ କଲା ନାହିଁ। ଫଳରେ ସେ ଅସନ୍ତୋଷ ହୋଇ ଦଳରୁ ଇସ୍ତଫା ଦେଇଥିବା ଜଣାପଡିଛି।
ତେବେ ସେ ଖୁବ ଶିଘ୍ର ବିଜେପିରେ ମିଶିବେ ବୋଲି ଜଣାପଡିଛି।
