ମୁମ୍ବାଇ: ବଲିଉଡ୍ ଅଭିନେତ୍ରୀ ତାପସୀ ପାନ୍ନୁ ନିଜର ଅପ୍କମିଙ୍ଗ ଫିଲ୍ମ ରଶ୍ମୀ ରକେଟ୍ର ପ୍ରଥମ ପୋଷ୍ଟର ରିଲିଜ୍ କରିଛନ୍ତି । ଚଳିତ ମାସର 26 ତାରିଖରୁ ଏହି ଫିଲ୍ମର ସୁଟିଂ ଆରମ୍ଭ କରାଯିବ । ଏହି ଫିଲ୍ମରେ ତାପ୍ସୀ ଜଣେ ସ୍ପ୍ରିଣ୍ଟର ଭୂମିକାରେ ନଜର ଆସିବେ । ପୂର୍ବରୁ ଦୁଇଟି ସ୍ପୋର୍ଟସ୍ ଡ୍ରାମା ସୁର୍ମା ଏବଂ ସାଣ୍ଡ କି ଆଙ୍ଖରେ ନଜର ଆସିଥିବା ବେଳେ ଅପ୍କମିଙ୍ଗ ଫିଲ୍ମ ସାବାସ୍ ମିଥୁରେ ମିଥାଲି ରାଜ୍ଙ୍କ ଚରିତ୍ରରେ ନଜର ଆସିବାକୁ ଯାଉଛନ୍ତି । ଫିଲ୍ମଟିରେ ଗୁଜରାଟର ଜନୈକା ଧାବିକାଙ୍କ ଜୀବନ ଏବଂ ସଂଘର୍ଷ ଦେଖିବାକୁ ମିଳିବ । ନନ୍ଦା ପେରିୟାସାମୀ ଫିଲ୍ମର କାହାଣୀ ଲେଖିଥିବା ବେଳେ ଆକର୍ଷ ଖୁରାନା ଏହାର ନିର୍ଦ୍ଦେଶନା ଦେଉଛନ୍ତି । (ଏଜେନ୍ସି)
Tags: rashmirocket, TAPSEEPANNU
