Categories
ଆଜିର ଖବର ଜାତୀୟ ଖବର

ଦିଲ୍ଲୀ ହାଇକୋର୍ଟରୁ ଉଦ୍ଧବ ଠାକରେଙ୍କୁ ଝଟକା: ନିର୍ବାଚନ ଆୟୋଗଙ୍କ ନିଷ୍ପତ୍ତି ବିରୋଧରେ ଆବେଦନ ଖାରଜ

ନୂଆଦିଲ୍ଲୀ: ଦିଲ୍ଲୀ ହାଇକୋର୍ଟରୁ ଉଦ୍ଧବ ଠାକରେଙ୍କୁ ଏକ ଝଟକା ଲାଗିଛି। ନିର୍ବାଚନ ଆୟୋଗ (ECI) ଙ୍କ ନିଷ୍ପତ୍ତି ବିରୋଧରେ ଆବେଦନକୁ ଦିଲ୍ଲୀ ହାଇକୋର୍ଟ ଖାରଜ କରିଛନ୍ତି। ଶିବସେନାର ନାମ ଏବଂ ନିର୍ବାଚନ ଚିହ୍ନ ଫ୍ରିଜ୍ କରିଥିବା ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ଉଦ୍ଧବ ଠାକରେ ଚ୍ୟାଲେଞ୍ଜ କରିଥିଲେ। ହାଇକୋର୍ଟ କହିଛନ୍ତି ଯେ, ନିର୍ବାଚନ ଆୟୋଗ ଶୀଘ୍ର ଚିହ୍ନ ଏବଂ ଦଳ ବଣ୍ଟନ କାର୍ଯ୍ୟ ଶେଷ କରିବା ଉଚିତ।

ମହାରାଷ୍ଟ୍ରରେ ଉପ-ନିର୍ବାଚନ ଏବଂ ପୌର ନିର୍ବାଚନକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ଦଳର ଉଭୟ ଦଳକୁ ଅସ୍ଥାୟୀ ଭାବରେ ଏକ ନୂତନ ନାମ ଏବଂ ନିର୍ବାଚନ ଚିହ୍ନ ପ୍ରଦାନ କରିଥିଲେ। ଉଦ୍ଧବ ଠାକରେ ତାଙ୍କ ପିଟିସନରେ କହିଥିଲେ ଯେ, ସେ ୩୦ ବର୍ଷ ଧରି ଦଳ ଚଳାଉଛନ୍ତି, କିନ୍ତୁ ନିର୍ବାଚନ ଆୟୋଗଙ୍କ ନିର୍ଦ୍ଦେଶ ଅନୁଯାୟୀ ସେ ତାଙ୍କ ପିତା ଦେଇଥିବା ନାମ ଏବଂ ନିର୍ବାଚନ ସଙ୍କେତ ବ୍ୟବହାର କରିବାରେ ଅସମର୍ଥ। ସେ କହିଛନ୍ତି ଯେ, ନିର୍ବାଚନ ଆୟୋଗଙ୍କ ଏହି ନିଷ୍ପତ୍ତି ଯୋଗୁଁ ଦଳର ରାଜନୈତିକ କାର୍ଯ୍ୟକଳାପ ସମାପ୍ତ ହୋଇଛି। କୋର୍ଟରେ ହାଜର ହେବା ପରେ ଉଦ୍ଧବଙ୍କ ଓକିଲ କହିଛନ୍ତି ଯେ, ମାମଲା ସମାପ୍ତ ନହେବା ପର୍ଯ୍ୟନ୍ତ ନିର୍ବାଚନ ଆୟୋଗ ଏହି ଚିହ୍ନକୁ ଫ୍ରିଜ୍ କରିପାରିବେ ନାହିଁ।

ତେବେ ନିର୍ବାଚନ ଚିହ୍ନ ଏବଂ ଦଳର ନାମ ବଣ୍ଟନ ସହ ଜଡିତ ପ୍ରକ୍ରିୟା ଉପରେ ଶୀଘ୍ର ନିଷ୍ପତ୍ତି ନେବାକୁ ହାଇକୋର୍ଟ ନିର୍ବାଚନ ଆୟୋଗଙ୍କୁ କହିଛନ୍ତି। ବାସ୍ତବରେ ଉଭୟ ଉଦ୍ଧବ ଠାକରେ ଏବଂ ଏକନାଥ ସିନ୍ଦେ ଗୋଷ୍ଠୀ ଶିବସେନାର ନାମ ଏବଂ ଚିହ୍ନ ଦାବି କରିଥିଲେ।

Categories
ବିଶେଷ ଖବର

ଗୁଜୁରାଟରେ ଦୁଇଟି ପର୍ଯ୍ୟାୟରେ ହେବ ମତଦାନ, ଡିସେମ୍ବର ୮ ରେ ଘୋଷଣା ହେବ ଫଳାଫଳ

ନୂଆଦିଲ୍ଲୀ: ଗୁଜରାଟ ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗ ତାରିଖ ଘୋଷଣା କରିଛନ୍ତି। ରାଜ୍ୟର ୧୮୨ ଆସନ ବିଶିଷ୍ଟ ବିଧାନସଭା ପାଇଁ ଦୁଇଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟ ଭୋଟ୍ ଡିସେମ୍ବର ୧ ତାରିଖ ଏବଂ ଦ୍ୱିତୀୟ ପର୍ଯ୍ୟାୟ ଡିସେମ୍ବର ୫ ତାରିଖରେ ଅନୁଷ୍ଠିତ ହେବ। ଡିସେମ୍ବର ୮ ତାରିଖ ରେ ଭୋଟ୍ ଗଣନା କରାଯିବ। ଗୁଜୁରାଟରେ ବର୍ତ୍ତମାନ ଚାରି କୋଟି ୯୦ ଲକ୍ଷରୁ ଉର୍ଦ୍ଧ୍ଵ ଭୋଟର ଅଛନ୍ତି। ନିର୍ବାଚନ ଆୟୋଗଙ୍କ କହିବାନୁସାରେ, ଏଥର ୫୧ ହଜାର ୭୮୨ ହଜାର ମତଦାନ କେନ୍ଦ୍ର ନିର୍ମାଣ କରାଯାଇଛି।

ମୁଖ୍ୟ ନିର୍ବାଚନ କମିଶନର ରାଜୀବ କୁମାର ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଗୁଜୁରାଟ ବିଧାନସଭା ନିର୍ବାଚନରେ ତିନି ଲକ୍ଷ ୨୪ ହଜାର ୪୨୨ ନୂତନ ଭୋଟର ପ୍ରଥମ ଥର ପାଇଁ ଭୋଟ୍ ଦେବେ। ରାଜ୍ୟରେ ସ୍ଥାପିତ ମତଦାନ କେନ୍ଦ୍ରଗୁଡ଼ିକର ଅତିକମରେ ୫୦ ପ୍ରତିଶତ ୱେବ୍ କାଷ୍ଟିଙ୍ଗ ବ୍ୟବସ୍ଥା ହେବ।

ଗୁଜୁରାଟରେ ବର୍ତ୍ତମାନ ଚାରି କୋଟି ୯୦ ଲକ୍ଷରୁ ଉର୍ଦ୍ଧ୍ଵ ଭୋଟର ଅଛନ୍ତି। ପ୍ରତ୍ୟେକ ବୁଥରେ ହାରାହାରି ୯୪୮ ଭୋଟର ଅଛନ୍ତି। ଏଥିମଧ୍ୟରୁ ୧୦ ହଜାର ୪୬୦ ଭୋଟରଙ୍କ ବୟସ ୧୦୦ ବର୍ଷରୁ ଅଧିକ। ଏଥି ସହିତ, ନଅ ଲକ୍ଷ ୮୭ ହଜାର ଭୋଟରଙ୍କ ବୟସ ୮୦ ବର୍ଷରୁ ଅଧିକ। ସେହିଭଳି ଚାରି ଲକ୍ଷ ୬୧ ହଜାରରୁ ଅଧିକ ଯୁବକ ଭୋଟର ଅଛନ୍ତି। କେବଳ ମହିଳାମାନଙ୍କ ପାଇଁ ୧୨୭୪ ମତଦାନ ବୁଥ ସ୍ଥାପନ କରାଯିବ।

Categories
ବିଶେଷ ଖବର

ଆଜି ଘୋଷଣା ହେବ ଗୁଜୁରାଟ ନିର୍ବାଚନ ତାରିଖ!, ମଧ୍ୟାହ୍ନ ୧୨ଟାରେ ସାମ୍ବାଦିକ ସମ୍ମିଳନୀ କରିବ ଇସି

ନୂଆଦିଲ୍ଲୀ: ଗୁଜୁରାଟରେ ଅନୁଷ୍ଠିତ ହେବାକୁ ଥିବା ବିଧାନସଭା ନିର୍ବାଚନର ତାରିଖ ଆଜି ମଧ୍ୟାହ୍ନ ୧୨ ଟାରେ ଘୋଷଣା କରାଯାଇପାରେ। ଆଜି ନିର୍ବାଚନ ଆୟୋଗର ଏକ ସାମ୍ବାଦିକ ସମ୍ମିଳନୀ ହେବ, ଯେଉଁଥିରେ ତାରିଖ ସମ୍ପର୍କରେ ସୂଚନା ଦିଆଯିବ। ଗୁଜୁରାଟ ବିଧାନସଭା ନିର୍ବାଚନ ପାଇଁ ବିଜେପି ଏବଂ କଂଗ୍ରେସ ନିଜର ଆଭିମୁଖ୍ୟକୁ କଡାକଡି କରିସାରିଛନ୍ତି। ଏଥି ସହିତ ଆମ୍ ଆଦମୀ ପାର୍ଟିର ପ୍ରବେଶ ଏଥର ପ୍ରତିଯୋଗିତାକୁ ଆହୁରି ଆକର୍ଷଣୀୟ କରିପାରିଛି।

ତେବେ ଗୁଜୁରାଟ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଆମ୍ ଆଦମୀ ପାର୍ଟି (AAP) ମଙ୍ଗଳବାର ଦିନ ୨୨ ଜଣ ପ୍ରାର୍ଥୀଙ୍କ ତାଲିକା ପ୍ରକାଶ କରିଛି। ଦଳ ଏପର୍ଯ୍ୟନ୍ତ ୧୦୮ ପ୍ରାର୍ଥୀଙ୍କ ନାମ ଘୋଷଣା କରିଛି। ଆମ୍ ଆଦମୀ ପାର୍ଟି ହେଉଛି ଏକମାତ୍ର ରାଜନୈତିକ ଦଳ ଯିଏ ଗୁଜୁରାଟ ନିର୍ବାଚନ ପାଇଁ ୧୦୦ ରୁ ଅଧିକ ପ୍ରାର୍ଥୀ ଘୋଷଣା କରିଛି। ଗୁଜୁରାଟରେ ମୋଟ ୧୮୨ ଟି ବିଧାନସଭା ଆସନ ରହିଛି।

୨୦୧୭ ଗୁଜରାଟ ବିଧାନସଭା ନିର୍ବାଚନରେ ​​ସମସ୍ତ ୧୮୨ ଟି ଆସନର ଫଳାଫଳ ଘୋଷଣା ହେବା ପରେ ବିଜେପି ୯୯ ଟି ଆସନ ସହିତ ସଂଖ୍ୟା ଗରିଷ୍ଠତା ହାସଲ କରିଥିଲା। ସେପଟେ କଂଗ୍ରେସ ୮୦ ଟି ଆସନ ପାଇଥିଲା। ଯଦି ଉଭୟଙ୍କ ମଧ୍ୟରେ ପାର୍ଥକ୍ୟ ଦେଖାଯାଏ, ତେବେ କେବଳ ୧୯ ଟି ଆସନର ପାର୍ଥକ୍ୟ ଥିଲା।

୧୯୯୫ ମସିହାରୁ ଗୁଜୁରାଟରେ ବିଜେପି କ୍ଷମତାରେ ଅଛି। ନରେନ୍ଦ୍ର ମୋଦୀ ଗୁଜୁରାଟର ୨୨ ତମ ମୁଖ୍ୟମନ୍ତ୍ରୀ ହୋଇଥିଲେ ଏବଂ କ୍ରମାଗତ ୧୩ ବର୍ଷ ଏହି ପଦରେ ରହିଥିଲେ। ଲଗାତାର ତିନି ଥର ମୁଖ୍ୟମନ୍ତ୍ରୀ ହେବା ପରେ ମୋଦୀ ୨୦୧୪ ରେ ଦେଶର ପ୍ରଧାନମନ୍ତ୍ରୀ ହୋଇଥିଲେ ଏବଂ ପରେ ଆନନ୍ଦିବେନ୍ ପଟେଲ ଗୁଜୁରାଟର ପ୍ରଥମ ମହିଳା ମୁଖ୍ୟମନ୍ତ୍ରୀ ହୋଇଥିଲେ।

Categories
ଆଜିର ଖବର ଜାତୀୟ ଖବର

ଆଜି ଘୋଷଣା ହୋଇପାରେ ଦୁଇଟି ରାଜ୍ୟର ନିର୍ବାଚନ ତାରିଖ, ଅପରାହ୍ନ ୩ ଟାରେ ସାମ୍ବାଦିକ ସମ୍ମିଳନୀ

ନୂଆଦିଲ୍ଲୀ: ଆଜି ଅପରାହ୍ନ ୩ ଟାରେ ଏକ ସାମ୍ବାଦିକ ସମ୍ମିଳନୀ କରିବା ନେଇ ନିର୍ବାଚନ ଆୟୋଗ ସୂଚନା ଦେଇଛନ୍ତି। ଏହି ସାମ୍ବାଦିକ ସମ୍ମିଳନୀରେ ଗୁଜରାଟ ଏବଂ ହିମାଚଳ ପ୍ରଦେଶର ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇପାରେ ବୋଲି ଅନୁମାନ କରାଯାଉଛି। ତେବେ ତାରିଖ ଘୋଷଣା ହେବା ପରେ ଉଭୟ ରାଜ୍ୟରେ ଆଦର୍ଶ ଆଚରଣ ବିଧି ଲାଗୁ ହେବ। ଉଭୟ ରାଜ୍ୟରେ ବର୍ତ୍ତମାନ ବିଜେପି କ୍ଷମତାରେ ଅଛି।

Categories
ଆଜିର ଖବର ଜାତୀୟ ଖବର

ଉଦ୍ଧବ ଠାକରେଙ୍କୁ ମିଳିଲା ମଶାଲ ଚିହ୍ନ: ଜାଣନ୍ତୁ କ’ଣ ରହିଲା ଦଳର ନାମ

ନୂଆଦିଲ୍ଲୀ: ନିର୍ବାଚନ ଆୟୋଗ ଉଦ୍ଧବ ଠାକରେଙ୍କୁ ‘ମଶାଲ’ ଚିହ୍ନ ଦେଇଛନ୍ତି। ଉଦ୍ଧବ ଠାକରେ ଗୋଷ୍ଠୀର ଦଳର ନାମ ହେବ ‘ଶିବସେନା- ଉଦ୍ଧବ ବାଲାସାହେବ ଠାକରେ’। ନିର୍ବାଚନ ଆୟୋଗ (ଇସିଆଇ) ଆଗାମୀ ବିଧାନସଭା ନିର୍ବାଚନ ପାଇଁ ମଶାଲ ଚିହ୍ନକୁ ଉଦ୍ଧବ ଠାକରେ ଦଳକୁ ଅନ୍ତରୀଣ ଆଦେଶରେ ବଣ୍ଟନ କରିଛନ୍ତି। ନିର୍ବାଚନ ଆୟୋଗର ଏହି ନିଷ୍ପତ୍ତି ପରେ ଉଦ୍ଧବ ଠାକରେ ଗୋଷ୍ଠୀର ନେତା ଭାସ୍କର ଯାଦବ କହିଛନ୍ତି ଯେ, ଏହାକୁ ଏକ ବଡ଼ ବିଜୟ।

ଏଥି ସହିତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଦଳର ନାମ ବାଲାସାହେବ ଆଞ୍ଚି ଶିବସେନା ହେବ। ଚିହ୍ନ ସମ୍ବନ୍ଧରେ ଏକନାଥ ସିନ୍ଦେ ଗୋଷ୍ଠୀ ଦ୍ୱାରା ପଠାଯାଇଥିବା ତିନୋଟି ପରାମର୍ଶକୁ କେନ୍ଦ୍ରୀୟ ନିର୍ବାଚନ ଆୟୋଗ ଗ୍ରହଣ କରି ନାହିଁ। ଏହାପୂର୍ବରୁ ଆଜି ଉଦ୍ଧବ ଠାକରେ ଦଳ ଏବଂ ଏକନାଥ ସିନ୍ଦେ ଦଳ ନିର୍ବାଚନ ଆୟୋଗଙ୍କୁ ତିନୋଟି ବିକଳ୍ପ ଚିହ୍ନ ଏବଂ ନାମ ଦେଇଥିଲେ।

ଏହା ପରେ ନିର୍ବାଚନ ଆୟୋଗ ଏହି ଚିହ୍ନ ଏବଂ ନାମଗୁଡ଼ିକର ଅନୁସନ୍ଧାନ କରିଥିଲେ। ଧାର୍ମିକ ସଂଯୋଗକୁ ଦର୍ଶାଇ ଶିବସେନାର ପ୍ରତିଦ୍ୱନ୍ଦ୍ୱୀ ଦଳ ପାଇଁ ନିର୍ବାଚନ ଚିହ୍ନ ଭାବରେ ତ୍ରିଶୂଲ ଏବଂ ଗଦା ବଣ୍ଟନ କରିବାକୁ ନିର୍ବାଚନ ଆୟୋଗ ମନା କରିଦେଇଥିଲେ। ଆସନ୍ତା ଅକ୍ଟୋବର ୧୧ ତାରିଖ ସୁଦ୍ଧା ୩ ଟି ନୂତନ ଚିହ୍ନର ତାଲିକା ଦେବାକୁ ନିର୍ବାଚନ ଆୟୋଗ ସିନ୍ଦେ ଗୋଷ୍ଠୀକୁ କହିଛନ୍ତି।

ଦଳରେ ଚାଲିଥିବା ବିବାଦ ମଧ୍ୟରେ ଶନିବାର ଦିନ ନିର୍ବାଚନ ଆୟୋଗ ଶିବସେନାଙ୍କ ଧନୁ ଓ ତୀରର ଚିହ୍ନକୁ ଫ୍ରିଜ୍ କରିଦେଇଛନ୍ତି। ନଭେମ୍ବର ୩ ତାରିଖରେ ଅନ୍ଧେରୀ (ପୂର୍ବ) ବିଧାନସଭା ଆସନରେ ହେବାକୁ ଥିବା ଉପ-ନିର୍ବାଚନରେ ​​ଦଳର ନାମ ଏବଂ ନିର୍ବାଚନ ଚିହ୍ନ ‘ଧନୁ-ତୀର’ ବ୍ୟବହାର କରିବାକୁ ଆୟୋଗ ଉଭୟ ଦଳକୁ ବାରଣ କରିଥିଲେ।

Categories
ବିଶେଷ ଖବର

ଶିବସେନା ବନାମ ଶିବସେନା: ନିର୍ବାଚନ ଆୟୋଗଙ୍କୁ ପାର୍ଟିର ନାମ ଏବଂ ଚିହ୍ନ ପ୍ରଦାନ କଲେ ଉଦ୍ଧବ-ସିନ୍ଦେ ଗୋଷ୍ଠୀ

ମୁମ୍ବାଇ: ଶିବସେନାର ଉଦ୍ଧବ ଠାକରେ ଏବଂ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଗୋଷ୍ଠୀ ଆନୁଷ୍ଠାନିକ ଭାବରେ ତିନୋଟି ବିକଳ୍ପ ଚିହ୍ନ ଏବଂ ସେମାନଙ୍କ ପସନ୍ଦର ନାମ ନିର୍ବାଚନ ଆୟୋଗଙ୍କ ନିକଟରେ ଦାଖଲ କରିଛନ୍ତି। ଆୟୋଗ ଶନିବାର ରାତିରେ ଦଳର ‘ଧନୁ-ତୀର’ ଚିହ୍ନ ଉପରେ ପ୍ରତିବନ୍ଧକ ଲଗାଇ ଉଭୟ ଗୋଷ୍ଠୀକୁ ବିକଳ୍ପ ଚିହ୍ନ ଏବଂ ପାର୍ଟି ନାମ ଦେବାକୁ କହିଥିଲେ। ଆୟୋଗର ସୂତ୍ର ନିଶ୍ଚିତ କରିଛି ଯେ, ବିକଳ୍ପ ଚିହ୍ନ ଏବଂ ନାମ ଉଭୟ ଗୋଷ୍ଠୀ ଦ୍ୱାରା ଦାଖଲ କରାଯାଇଛି।

ଅନ୍ୟ କୌଣସି ଦଳ ଏହି ଚିହ୍ନଗୁଡିକ ବ୍ୟବହାର କରୁଛନ୍ତି କି ନାହିଁ ତାହା ବର୍ତ୍ତମାନ ନିର୍ବାଚନ ଆୟୋଗ ଅନୁସନ୍ଧାନ କରିବ। ଏହି ଚିହ୍ନଗୁଡିକର ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି କି ନାହିଁ ତାହା ମଧ୍ୟ ଆୟୋଗ ଅନୁସନ୍ଧାନ କରିବ। ନିର୍ବାଚନ ଆୟୋଗର ଜଣେ ପୂର୍ବତନ କାର୍ଯ୍ୟକର୍ତ୍ତା କହିଛନ୍ତି ଯେ, “ଚିହ୍ନ ବଣ୍ଟନ କରିବା ଆୟୋଗର ଅଧିକାର। ଏଭଳି ପରିସ୍ଥିତିରେ ଏହା (ଆୟୋଗ) ଏକ ଚିହ୍ନ ବଣ୍ଟନ କରିପାରନ୍ତି, ଯାହା ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ (ସିଇଓ) ଙ୍କ ସହ ଉପଲବ୍ଧ ସ୍ଵତନ୍ତ୍ର ଚିହ୍ନ ତାଲିକାରେ ଅଛି।

ଶନିବାର (ଅକ୍ଟୋବର ୮) ଦିନ ନିର୍ବାଚନ ଆୟୋଗ ଉଭୟ ଶିବସେନା ଗୋଷ୍ଠୀକୁ ନଭେମ୍ବର ୩ ତାରିଖରେ ଉପ-ନିର୍ବାଚନରେ ​​ଅନ୍ଧେରୀ ପୂର୍ବ ବିଧାନସଭା ଆସନରେ ଦଳର ନାମ ଏବଂ ଚିହ୍ନ ବ୍ୟବହାର କରିବାକୁ ବାରଣ କରିଥିଲେ। ଦଳକୁ ନିୟନ୍ତ୍ରଣ କରିବା ପାଇଁ ପ୍ରତିଦ୍ୱନ୍ଦ୍ୱୀ ଗୋଷ୍ଠୀର ଦାବି ଉପରେ ମଧ୍ୟବର୍ତ୍ତୀକାଳୀନ ଆଦେଶରେ ଆୟୋଗ ଆଜି ସୁଦ୍ଧା ତିନିଟି ଭିନ୍ନ ନାମ ଏବଂ ସେମାନଙ୍କ ପସନ୍ଦର ଚିହ୍ନ ନାମ ଦେବାକୁ କହିଥିଲେ।

ରବିବାର ଦିନ ଉଦ୍ଧବ ଠାକରେ ଉପ-ନିର୍ବାଚନ ପୂର୍ବରୁ ବିଳମ୍ବ ନକରି ତ୍ରିଶୂଲ, ମଶାଲ ଏବଂ ଉଦୟ ସୂର୍ଯ୍ୟଙ୍କ ମଧ୍ୟରୁ ଗୋଟିଏ ପ୍ରତୀକ ଏବଂ ନାମ ବଣ୍ଟନ କରିବାକୁ ଆୟୋଗଙ୍କୁ ଅନୁରୋଧ କରିଥିଲେ। ଏହି ଉପ-ନିର୍ବାଚନରେ ​​ଠାକରେ ଗୋଷ୍ଠୀ ଲଢୁଛି। ଏହି ଉପ-ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ସିନ୍ଦେ ଗୋଷ୍ଠୀର ସହଯୋଗୀ ଭାରତୀୟ ଜନତା ପାର୍ଟି ମଧ୍ୟ ନିଷ୍ପତ୍ତି ନେଇଛି। ନାମାଙ୍କନପତ୍ର ଦାଖଲ କରିବାର ଶେଷ ତାରିଖ ହେଉଛି ଅକ୍ଟୋବର ୧୪ ତାରିଖ। ଏଭଳି ପରିସ୍ଥିତିରେ ଖୁବ ଶୀଘ୍ର ଉଭୟ ଗୋଷ୍ଠୀର ବିକଳ୍ପ ଚିହ୍ନ ଏବଂ ନାମ ଉପରେ ଆୟୋଗ ନିଷ୍ପତ୍ତି ନେବାର ସମ୍ଭାବନା ରହିଛି।

ଏଥି ସହିତ ଶିବସେନାଙ୍କ ନାମ ତଥା ଚିହ୍ନ ଉପରେ ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ଦିଲ୍ଲୀ ହାଇକୋର୍ଟରେ ଉଦ୍ଧବ ଠାକରେଙ୍କ ଦଳ ଚ୍ୟାଲେଞ୍ଜ କରିଛି। ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ସ୍ଥଗିତ ରଖିବାକୁ ଉଦ୍ଧବ ଠାକରେ ଦଳ ଦାବି କରିଛନ୍ତି। ଅକ୍ଟୋବର ୮ ତାରିଖରେ, ଭାରତର ନିର୍ବାଚନ ଆୟୋଗ ଶିବସେନା ଚିହ୍ନ ଏବଂ ନାମକୁ ଫ୍ରିଜ୍ କରିଦେଇଥିଲେ।

Categories
ଆଜିର ଖବର ଜାତୀୟ ଖବର

ଶିବସେନା ବନାମ ଶିବସେନା: ଆସନ୍ତାକାଲି ଶେଷ ଦିନ, ଠାକରେ ଦଳ ବାଛିପାରେ ଏହି ନିର୍ବାଚନୀ ଚିହ୍ନ

ନୂଆଦିଲ୍ଲୀ: ସୋମବାର ସୁଦ୍ଧା ନିର୍ବାଚନ ଚିହ୍ନ ପାଇଁ ବିକଳ୍ପ ପ୍ରଦାନ କରିବାକୁ ନିର୍ବାଚନ ଆୟୋଗ ଉଦ୍ଧବ ଠାକରେ ଦଳକୁ କହିଛନ୍ତି। ସୂଚନାନୁସାରେ, ଠାକରେ ଦଳ ନିର୍ବାଚନ ଆୟୋଗଙ୍କୁ ମଶାଲ, ସୂର୍ଯ୍ୟ ଉଦୟ କିମ୍ବା ତଲୱାରର ଚିହ୍ନ ମାଗିପାରନ୍ତି।

ବାସ୍ତବରେ, ନିଜର ଆଦର୍ଶ ଅନୁଯାୟୀ ନିର୍ବାଚନ ଚିହ୍ନର ମେଳ ଖାଉ ନ ଥିବାରୁ ଠାକରେ ଦଳ ଦ୍ଵନ୍ଦ୍ଵରେ ପଡିଛି। ନିର୍ବାଚନ ଚିହ୍ନର ତାଲିକା ନିର୍ବାଚନ ଆୟୋଗଙ୍କ ନିକଟକୁ ପଠାଇବାକୁ ଠାକରେ ଦଳ ପ୍ରସ୍ତୁତ ହେଉଛନ୍ତି।

Categories
ବିଶେଷ ଖବର

ନିର୍ବାଚନରେ “ମିଥ୍ୟା ପ୍ରତିଶୃତି” ଉପରେ ନଜର ରଖିବା ପାଇଁ ଇସି ନେଲା ଏହି ବଡ ପଦକ୍ଷେପ

ନୂଆଦିଲ୍ଲୀ: ନିର୍ବାଚନରେ ମାଗଣା ଉପହାରକୁ ନେଇ ଦେଶରେ ଚାଲିଥିବା ବିତର୍କ ମଧ୍ୟରେ ନିର୍ବାଚନ ଆୟୋଗ କହିଛନ୍ତି ଯେ, ନିର୍ବାଚନ ପ୍ରତିଶ୍ରୁତି ଦେଉଥିବା ରାଜନୈତିକ ଦଳମାନେ ଏହି ପ୍ରତିଶ୍ରୁତି ପାଇଁ କିପରି ଅର୍ଥ ଜମା କରିବାକୁ ଯୋଜନା କରୁଛନ୍ତି ତାହାର ସବିଶେଷ ତଥ୍ୟ ଦେବା ଉଚିତ୍। ନିର୍ବାଚନ ଆୟୋଗଙ୍କ ଦ୍ଵାରା ଦିଆଯାଇଥିବା ପରାମର୍ଶରେ ନୂତନ ନିୟମ ପ୍ରତି ଦଳଗୁଡ଼ିକ ଭୋଟରଙ୍କ ନିକଟରେ ଅଧିକ ଉତ୍ତରଦାୟୀ ରହିବେ। ନିର୍ବାଚନ ଆୟୋଗ ରାଜନୈତିକ ଦଳମାନଙ୍କୁ ଚିଠି ଲେଖି ସେମାନଙ୍କ ଘୋଷଣା ପତ୍ରରେ ଦିଆଯାଇଥିବା ପ୍ରତିଶ୍ରୁତି ପାଇଁ ଅର୍ଥ ସଂଗ୍ରହ କରିବାର ଉପାୟ ଏବଂ ଅର୍ଥର ସବିଶେଷ ତଥ୍ୟ ମାଗିଛନ୍ତି। ଅକ୍ଟୋବର ୧୯ ତାରିଖ ସୁଦ୍ଧା ଦଳଗୁଡିକ ପ୍ରସ୍ତାବିତ ପରିବର୍ତ୍ତନଗୁଡିକର ଜବାବ ଦେବାକୁ ପଡିବ। ନିର୍ବାଚନ ଆୟୋଗ ତାଙ୍କ ଚିଠିରେ କହିଛନ୍ତି ଯେ, କେବଳ ସେହି ପ୍ରତିଶ୍ରୁତି ଉପରେ ଭୋଟରଙ୍କ ବିଶ୍ୱାସ ଲୋଡ଼ାଯିବା ଉଚିତ ଯାହା ପୂରଣ ହେବା ସମ୍ଭବ ଅଟେ।

ଚିଠି ଅନୁଯାୟୀ, ଆୟୋଗ କହିଛନ୍ତି ଯେ, ନିର୍ବାଚନ ଘୋଷଣା ପାତ୍ର ସ୍ପଷ୍ଟ ଭାବରେ ସୂଚିତ କରିବା ଉଚିତ ଯେ ପ୍ରତିଶ୍ରୁତିର ସ୍ୱଚ୍ଛତା, ସମାନତା ଏବଂ ବିଶ୍ୱସନୀୟତାକୁ ଦୃଷ୍ଟିରେ ରଖି ଆର୍ଥିକ ଆବଶ୍ୟକତା କିପରି ଏବଂ କେଉଁ ମାଧ୍ୟମରେ ପୂରଣ ହେବ। ଆୟୋଗର ଆଦର୍ଶ ନିର୍ବାଚନ ସଂହିତାରେ ପ୍ରସ୍ତାବିତ ସଂଶୋଧନ ଅନୁଯାୟୀ, ନିର୍ବାଚନ ଘୋଷଣା ପତ୍ରରେ ନିର୍ବାଚନ ପ୍ରତିଶ୍ରୁତିର ଯଥାର୍ଥତା ଦେଖାଯିବା ଉଚିତ।

ନିର୍ବାଚନ ଆୟୋଗଙ୍କ ପ୍ରସ୍ତାବକୁ ଜବାବ ଦେଇ ଆମ୍ ଆଦମୀ ପାର୍ଟି (ଏଏପି) କହିଛି ଯେ, ସରକାର ଟିକସଦାତାଙ୍କ ଟଙ୍କା ରାଜନେତା, ସେମାନଙ୍କ ପରିବାର ସଦସ୍ୟ ଏବଂ ବନ୍ଧୁମାନଙ୍କ ପାଇଁ ନୁହେଁ ବରଂ ଜନସାଧାରଣଙ୍କୁ ସୁବିଧା ଯୋଗାଇବା ଉଚିତ୍। ଦଳ କହିଛି ଯେ, ଲୋକଙ୍କୁ ବିଦ୍ୟୁତ୍, ଜଳ, ବିଦ୍ୟାଳୟ ଏବଂ ଅନ୍ୟାନ୍ୟ ସୁବିଧା ଯୋଗାଇବା ଯେକୌଣସି ସରକାରର ମୁଖ୍ୟ ଦାୟିତ୍ଵ ଅଟେ।

Categories
ଆଜିର ଖବର ଜାତୀୟ ଖବର

ଅଖିଳେଶ ଯାଦବଙ୍କ ଗୁରୁତର ଅଭିଯୋଗ, ବିଜେପି ନିର୍ଦ୍ଦେଶରେ ଯାଦବ-ମୁସଲିମଙ୍କ ଭୋଟ୍ କାଟିଦେଲେ ଇସି

ଲକ୍ଷ୍ନୌ: ସମାଜବାଦୀ ପାର୍ଟିର ରାଷ୍ଟ୍ରୀୟ ସମ୍ମିଳନୀ ଆଜି ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀରେ ଅଖିଳେଶ ଯାଦବ ପୁଣି ଥରେ ସମାଜବାଦୀ ଦଳର ରାଷ୍ଟ୍ରୀୟ ସଭାପତି ଭାବରେ ନିର୍ବାଚିତ ହୋଇଛନ୍ତି। ଏହି ସମୟ ମଧ୍ୟରେ ଅଖିଳେଶ ଯାଦବ ନିର୍ବାଚନ ଆୟୋଗଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।

ଏସପି ମୁଖ୍ୟ କହିଛନ୍ତି ଯେ, “ଆମେ ଆଶା କରିଥିଲୁ ଯେ ନ୍ୟାୟ ପ୍ରଦାନ କରାଯିବ। କିନ୍ତୁ ବିଜେପି ନିର୍ଦ୍ଦେଶରେ ନିର୍ବାଚନ ଆୟୋଗ ଜାଣିଶୁଣି ଆମ ଯାଦବ ଏବଂ ମୁସଲମାନ ଭାଇମାନଙ୍କ ଭୋଟ୍ ହଠାତ୍ ହଟାଉଛନ୍ତି। ଏମିତି କୌଣସି ବିଧାନସଭା ନାହିଁ, ଯେଉଁଥିରେ ଯାଦବ ଏବଂ ମୁସଲମାନ ଭାଇ ଓ ଭଉଣୀମାନଙ୍କର ୨୦ ହଜାର ଭୋଟ୍ କାଟି ଦିଆଯାଇ ନାହିଁ। ଅନେକ ବୁଥରେ ନାମ ନାମ କାଟି ଦିଆଯାଇଛି କିମ୍ବା ଅନ୍ୟ ବୁଥକୁ ସ୍ଥାନାନ୍ତରିତ କରାଯାଇଛି। “

Categories
ଆଜିର ଖବର ଜାତୀୟ ଖବର

ଉଦ୍ଧବ ଠାକରେ ଗୋଷ୍ଠୀକୁ ଝଟକା: ଇସିଙ୍କ କାର୍ଯ୍ୟାନୁଷ୍ଠାନ ଉପରେ ରୋକ ଲଗାଇବାକୁ ମନା କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ଶିବସେନାର ଉଦ୍ଧବ ଠାକରେ ଗୋଷ୍ଠୀକୁ ଝଟକା ଲାଗିଛି। ସୁପ୍ରିମକୋର୍ଟଙ୍କ ଦ୍ଵାରା ଉଦ୍ଧବ ଠାକରେ ଗୋଷ୍ଠୀକୁ ଝଟକା ଲାଗିଛି। ସେହି ଗୋଷ୍ଠୀ ଏବେ ବଡ଼ ଅସୁବିଧାର ସମ୍ମୁଖୀନ ହୋଇଛି। ଦଳର ନିର୍ବାଚନ ଚିହ୍ନ ସମ୍ପର୍କରେ ନିର୍ବାଚନ ଆୟୋଗଙ୍କ କାର୍ଯ୍ୟାନୁଷ୍ଠାନ ରୋକ ଲଗାଇବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି। ବିଧାୟକଙ୍କ ଅଯୋଗ୍ୟତା ନିଷ୍ପତ୍ତି ନେବା ପୂର୍ବରୁ ନିର୍ବାଚନ ଆୟୋଗ ଦଳୀୟ ଚିହ୍ନ ଉପରେ ଶୁଣାଣି କରିବା ଉଚିତ ନୁହେଁ ବୋଲି ଉଦ୍ଧବ ଠାକରେଙ୍କ ଗୋଷ୍ଠୀ ଦାବି କରିଥିଲା।

Categories
ବିଶେଷ ଖବର

ବିପଦରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଆସନ?, ପତ୍ନୀ କଳ୍ପନା ସୋରେନ ହୋଇପାରନ୍ତି ମୁଖ୍ୟମନ୍ତ୍ରୀ

ରାଞ୍ଚି: ଝାଡଖଣ୍ଡରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବିଷୟରେ ନିର୍ବାଚନ ଆୟୋଗର ନିଷ୍ପତ୍ତି ଯେକୌଣସି ସମୟରେ ଆସିପାରେ। ଏହି ସମୟରେ ସିଏମ ସୋରେନ ପଦବୀ ଛାଡିବାର କଳ୍ପନା ମଧ୍ୟ ତୀବ୍ର ହୋଇଛି। ଏଥି ସହିତ ମୁକଳ୍ପନା ସୋରେନ ମୁଖ୍ୟମନ୍ତ୍ରୀ ହୋଇପାରିବେ ବୋଲି ବିଜେପି ଦାବି କରିଛି। ମୁଖ୍ୟମନ୍ତ୍ରୀ ପଦ ସୋରେନ ପରିବାରରେ ରହିବ ବୋଲି ବିଶ୍ୱାସ ରହିଛି। ଏହି ସମୟରେ ରାଜ୍ୟରେ ରାରାଜନୈତିକ ଆଲୋଚନାର ଶବ୍ଦ ଥିବାରୁ ଶାସକ ମିଳିତ ମେଣ୍ଟର ବିଧାୟକମାନେ ଶନିବାର ଦିନ ମୁଖ୍ୟମନ୍ତ୍ରୀଙ୍କ ବାସଭବନରେ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ। ବୈଠକ ପରେ କଂଗ୍ରେସ ଏବଂ ଜେଏମଏମ ର ନେତାମାନେ କହିଛନ୍ତି ଯେ, ହେମନ୍ତ ସୋରେନଙ୍କ ନେତୃତ୍ୱରେ ମିଳିତ ମଞ୍ଚ ସମ୍ପୂର୍ଣ୍ଣ ଅକ୍ଷୁର୍ଣ୍ଣ ରହିଛି। ମିଳିତ ସରକାରର ୪୯ ଜଣ ବିଧାୟକଙ୍କ ମଧ୍ୟରୁ ୪୧ ଜଣ ଉପସ୍ଥିତ ଥିଲେ, ଯେଉଁମାନେ ପହଞ୍ଚି ନଥିଲେ, ସେମାନେ ଦଳର ନେତୃତ୍ୱ ଏବଂ ସିଏମ୍ ହାଉସକୁ ସେମାନଙ୍କ ଅନୁପସ୍ଥିତିର କାରଣ ସମ୍ପର୍କରେ ପୂର୍ବ ସୂଚନା ଦେଇଥିଲେ।

ପ୍ରକାଶ ଥାଉ କି ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସହ ଜଡିତ ଦୁଇଟି ପ୍ରସଙ୍ଗରେ ନିର୍ବାଚନ ଆୟୋଗ ଏବଂ ସୁପ୍ରିମକୋର୍ଟରେ ଶୁଣାଣି ଶେଷ ହେବା ପରେ ସମ୍ଭାବ୍ୟ ନିଷ୍ପତ୍ତି ସମ୍ପର୍କରେ ଏହି ବବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଥିଲା। ସୂଚନାଯୋଗ୍ୟ ଯେ, ଅଫିସ ଅଫ ପ୍ରଫିଟ ସହ ଜଡିତ ବିବାଦରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବିରୋଧରେ କେନ୍ଦ୍ରୀୟ ନିର୍ବାଚନ ଆୟୋଗରେ ବିଜେପି ଦେଇଥିବା ଅଭିଯୋଗ ଉପରେ ଶୁଣାଣି ଶେଷ ହୋଇଛି ଏବଂ ଏହି ନିଷ୍ପତ୍ତି ଶୀଘ୍ର ଆସିବାର ସମ୍ଭାବନା ରହିଛି। ସେହିଭଳି ସୁପ୍ରିମକୋର୍ଟ ଖଣି ଲିଜ୍ ଏବଂ ସେଲ କମ୍ପାନୀଗୁଡିକରେ ପୁଞ୍ଜି ବିନିଯୋଗ ଅଭିଯୋଗ ସମ୍ପର୍କରେ ଆବେଦନ ଉପରେ ଶୁଣାଣି ଶେଷ କରିଛନ୍ତି ଏବଂ ଏହାର ନିଷ୍ପତ୍ତି ସଂରକ୍ଷିତ ରଖିଛନ୍ତି। ଉଭୟ ନିର୍ବାଚନ ଆୟୋଗ ଏବଂ ସୁପ୍ରିମକୋର୍ଟଙ୍କ ଆଗାମୀ ନିଷ୍ପତ୍ତି ରାଜ୍ୟର ରାଜନୀତି ସମୀକରଣ ଉପରେ ପ୍ରଭାବ ପକାଇପାରେ। ତେବେ ଉଭୟ ଜେଏମଏମ ଏବଂ କଂଗ୍ରେସର ନେତା କହିଛନ୍ତି ଯେ ଶନିବାର ବୈଠକରେ ଏହି ପ୍ରସଙ୍ଗରେ କୌଣସି ଆଲୋଚନା ହୋଇନାହିଁ। ରାଜ୍ୟ ତଥା ଜନସାଧାରଣଙ୍କ ସ୍ୱାର୍ଥ ସହ ଜଡିତ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉପରେ ଏହି ବୈଠକ ଡକାଯାଇଥିଲା।

କଂଗ୍ରେସ ବିଧାନସଭା ଦଳର ନେତା ତଥା ସଂସଦୀୟ ବ୍ୟାପାର ତଥା ଗ୍ରାମ୍ୟ ଉନ୍ନୟନ ମନ୍ତ୍ରୀ ଝାଡଖଣ୍ଡ ସରକାର ଆଲାମଗିର ଆଲାମ କହିଛନ୍ତି ଯେ, ଏହି ବୈଠକରେ ମୁଖ୍ଯତଃ ରାଜ୍ୟର ବିଭିନ୍ନ ଅଞ୍ଚଳରେ ମରୁଡ଼ି ପରିସ୍ଥିତି, ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ତଥା ବିଧାୟକମାନେ ସମ୍ମୁଖୀନ ହେଉଥିବା ସମସ୍ୟା ଉପରେ ଆଲୋଚନା କରାଯାଇଥିଲା। ଏହି ପ୍ରସଙ୍ଗରେ ସମସ୍ତ ବିଧାୟକ ନିଜର ମତ ଦେଇଛନ୍ତି। ଉତ୍ତମ ସମନ୍ୱୟ ସହିତ ଏହି ସମସ୍ୟାର ସମାଧାନ ପାଇଁ ଶୀଘ୍ର ପଦକ୍ଷେପ ନିଆଯିବ ବୋଲି ନିଷ୍ପତ୍ତି ନିଆଯାଇଛି।

Categories
ଜାତୀୟ ଖବର ବିଶେଷ ଖବର

ପ୍ରକାଶ ପାଇଲ ରାଷ୍ଟ୍ରପତି ନିର୍ବାଚନ- ୨୦୨୨ ପାଇଁ ବିଜ୍ଞପ୍ତି

ନୂଆଦିଲ୍ଲୀ: ରାଷ୍ଟ୍ରପତି ନିର୍ବାଚନ, ୨୦୨୨ ପାଇଁ ଭାରତର ନିର୍ବାଚନ ଆୟୋଗଙ୍କ ପକ୍ଷରୁ ୧୫ ଜୁନ, ୨୦୨୨ରେ ଗେଜେଟ୍‌ ବିଜ୍ଞପ୍ତି ପ୍ରକାଶ ପାଇଛି। ନିମ୍ନ କାର୍ଯ୍ୟସୂଚୀ ଅନୁଯାୟୀ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ:

୧). ଜୁନ, ୨୯, ୨୦୨୨, ପ୍ରାର୍ଥିପତ୍ର ଦାଖଲର ଶେଷ ତାରିଖ;

୨). ଜୁନ ୩୦, ୨୦୨୨, ପ୍ରାର୍ଥିପତ୍ର ଯାଞ୍ଚ ତାରିଖ;

୩). ଜୁଲାଇ ୨, ୨୦୨୨, ପ୍ରାର୍ଥିପତ୍ର ପ୍ରତ୍ୟାହାରର ଶେଷ ତାରିଖ;

୪). ଜୁଲାଇ ୧୮, ଆବଶ୍ୟକ ହେଲେ ଏହି ତାରିଖରେ ନିର୍ବାଚନ ହେବ।

ଏଥିପୂର୍ବରୁ ୧୩ ଜୁନ, ୨୦୨୨ରେ ପ୍ରକାଶ ପାଇଥିବା ଆଉ ଏକ ବିଜ୍ଞପ୍ତିରେ ନିର୍ବାଚନ ଆୟୋଗ ରାଜ୍ୟସଭା ମହାସଚିବ ପି. ସି. ମୋଦୀଙ୍କୁ ରାଷ୍ଟ୍ରପତି ନିର୍ବାଚନ, ୨୦୨୨ ପାଇଁ ନିର୍ବାଚନ ଅଧିକାରୀ ଭାବେ ନିଯୁକ୍ତ କରିଥିଲେ। ସେହିପରି ରାଜ୍ୟ ସଭା ସଚିବାଳୟର ସ୍ବତନ୍ତ୍ର ପ୍ରଭାରୀ ଅଧିକାରୀ (ଓଏସଡି) ଭାବେ ମୁକୁଲ ପାଣ୍ଡେ ଏବଂ ଯୁଗ୍ମ ସଚିବ ତଥା ମୁଖ୍ୟ ଦୁର୍ନୀତି ନିବାରଣ ଅଧିକାରୀ ସୁରେନ୍ଦ୍ର କୁମାର ତ୍ରିପାଠୀଙ୍କୁ ସହାୟକ ନିର୍ବାଚନ ଅଧିକାରୀ ଭାବେ ଦାୟିତ୍ବ ଦିଆଯାଇଥିଲା।

ରାଷ୍ଟ୍ରପତି ଏବଂ ଉପ-ରାଷ୍ଟ୍ରପତି ନିର୍ବାଚନ ନିୟମାବଳୀ, ୧୯୭୪ର ନିୟମ ୩ ଅଧୀନରେ ରହିଥିବା ଆବଶ୍ୟକତା ଅନୁଯାୟୀ ନିର୍ବାଚନ ଅଧିକାରୀ ୧୫, ଜୁନ ୨୦୨୨ ବୁଧବାର ଦିନ ଏକ ସର୍ବସାଧାରଣ ନୋଟିସ ଜାରି କରିଛନ୍ତି। ଏଥିରେ ଦର୍ଶାଯାଇଛି ଯେ:

ପ୍ରାର୍ଥୀ କିମ୍ବା ତାଙ୍କର ପ୍ରସ୍ତାବକ ଅଥବା ଅନୁମୋଦନକାରୀ ତାଙ୍କର ପ୍ରାର୍ଥିପତ୍ରକୁ ନିମ୍ନ ସ୍ବାକ୍ଷରକାରୀଙ୍କୁ ତାଙ୍କର କାର୍ଯ୍ୟାଳୟ କୋଠରୀ ସଂଖ୍ୟା ୨୯, ତଳ ମହଲା, ସଂସଦ ଭବନ, ନୂଆଦିଲ୍ଲୀ ଠାରେ ଦାଖଲ କରିପାରିବେ। ଅନ୍ୟଥା କୌଣସି ଅପରିହାର୍ଯ୍ୟ କାରଣବଶତଃ ନିମ୍ନ ସ୍ବାକ୍ଷରକାରୀଙ୍କ ଅନୁପସ୍ଥିତି କ୍ଷେତ୍ରରେ ସହାୟକ ନିର୍ବାଚନ ଅଧିକାରୀ ଭାବେ ନିୟୋଜିତ ସ୍ବତନ୍ତ୍ର ପ୍ରଭାରୀ ଅଧିକାରୀ (ଓଏସଡି) ଶ୍ରୀ ମୁକୁଲ ପାଣ୍ଡେ ଏବଂ ରାଜ୍ୟ ସଭା ସଚିବାଳୟର ଯୁଗ୍ମ ସଚିବ ଏବଂ ମୁଖ୍ୟ ଦୁର୍ନୀତି ନିବାରଣ ଅଧିକାରୀ ଶ୍ରୀ ସୁରେନ୍ଦ୍ର କୁମାର ତ୍ରିପାଠୀଙ୍କୁ ଉକ୍ତ କାର୍ଯ୍ୟାଳୟରେ ୨୯ ଜୁନ, ୨୦୨୨ ସୁଦ୍ଧା ଯେକୌଣସି ଦିନ (ସରକାରୀ ଛୁଟିକୁ ଛାଡ଼ି) ପୂର୍ବାହ୍ନ ୧୧ଟାରୁ ଅପରାହ୍ଣ ୩ଟା ମଧ୍ୟରେ ଦାଖଲ କରିପାରିବେ।

ପ୍ରତ୍ୟେକ ପ୍ରାର୍ଥିପତ୍ର ସହିତ ସେହି ସଂସଦୀୟ କ୍ଷେତ୍ରର ମତଦାତା ତାଲିକାରେ ଆବେଦନକାରୀଙ୍କ ସମ୍ବନ୍ଧୀୟ ପ୍ରବିଷ୍ଟୀ (ଏଣ୍ଟ୍ରି)ର ଏକ ପ୍ରାମାଣିକ କପି ସଂଲଗ୍ନ ହେବା ଉଚିତ୍‌ ଯେଉଁ କ୍ଷେତ୍ରରେ ନିର୍ବାଚକ (ଇଲେକ୍ଟୋର) ଭାବେ ପଞ୍ଜିକୃତ ହୋଇଛନ୍ତି।

ପ୍ରତ୍ୟେକ ପ୍ରାର୍ଥୀ ମାତ୍ର ୧୫ ହଜାର ଟଙ୍କାର ଅର୍ଥରାଶି ଜମା କରିବେ କିମ୍ବା ଜମା କରାଇବେ। ଏହି ଅର୍ଥରାଶି ନାମାଙ୍କନ ପତ୍ର ଦାଖଲ କରିବା ସମୟରେ ନିର୍ବାଚନ ଅଧିକାରୀଙ୍କ ପାଖରେ ନଗଦ ଆକାରରେ ଜମା କରାଯାଇ ପାରିବ; ଅଥବା ପୂର୍ବରୁ ଭାରତୀୟ ରିଜର୍ଭ ବ୍ୟାଙ୍କ କିମ୍ବା ସରକାରୀ ରାଜକୋଷ (ଟ୍ରେଜେରୀ)ରେ ଜମା କରାଯାଇ ପାରିବ, ଏହି କ୍ଷେତ୍ରରେ କଥିତ ଜମା ରାଶିର ରସିଦ ନାମାଙ୍କନ ପତ୍ର ସହ ସଂଲଗ୍ନ କରିବା ଜରୁରି ଅଟେ।

ପ୍ରାର୍ଥିପତ୍ର ଦାଖଲ ଫର୍ମ କାର୍ଯ୍ୟାଳୟରୁ ନିର୍ଦ୍ଧାରିତ ସମୟରେ ମିଳିପାରିବ;

ଆଇନର ଧାରା ୫ ବିର ଉପଧାରା (୪) ଅଧୀନରେ ରଦ୍ଦ କରାଯାଇଥିବା ପ୍ରାର୍ଥିପତ୍ର ବ୍ୟତୀତ ଅନ୍ୟ ପ୍ରାର୍ଥିପତ୍ରଗୁଡ଼ିକୁ ଯାଞ୍ଚ ପାଇଁ ୩୦ ଜୁନ, ୨୦୨୨ ଗୁରୁବାର ପୂର୍ବାହ୍ନ ୧୧ଟା ସମୟରେ କୋଠରୀ ସଂଖ୍ୟା-୬୨, ପ୍ରଥମ ମହଲା, ସଂସଦ ଭବନ, ନୂଆଦିଲ୍ଲୀକୁ ନିଆଯିବ;

ପ୍ରାର୍ଥିପତ୍ର ପ୍ରତ୍ୟାହାର କରିବାର ସୂଚନା ନିଜେ ପ୍ରାର୍ଥୀ କିମ୍ବା ତାଙ୍କର କୌଣସି ପ୍ରସ୍ତାବକ କିମ୍ବା ଅନୁମୋଦନକାରୀଙ୍କ ଦ୍ବାରା ନିମ୍ନ ସ୍ବାକ୍ଷରକାରୀଙ୍କୁ ପାରାଗ୍ରାଫ (i)ରେ ନିର୍ଦ୍ଦିଷ୍ଟ ସ୍ଥାନରେ ୨ ଜୁଲାଇ ୨୦୨୨ ଅପରାହ୍ଣ ୩ଟା ପୂର୍ବରୁ ଦିଆଯାଇପାରିବ। ତେବେ ଯେଉଁ ପ୍ରସ୍ତାବକ ଏବଂ ଅନୁମୋଦନକାରୀ ପ୍ରାର୍ଥିପତ୍ର ପ୍ରତ୍ୟାହାର ପାଇଁ ସୂଚନା ଦେବେ ସେମାନେ ପୂର୍ବରୁ ଲିଖିତ ଭାବେ ଅଧିକାର ପ୍ରାପ୍ତ ହୋଇଥିବା ଆବଶ୍ୟକ।

ମତଦାନ ହେବାର ସ୍ଥିତିରେ ସୋମବାର ୧୮ ଜୁଲାଇ, ୨୦୨୨ ସକାଳ ୧୦ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ନିୟମ ଅନୁଯାୟୀ ନିର୍ଦ୍ଧାରିତ ସ୍ଥାନରେ ମତଦାନ ଅନୁଷ୍ଠିତ ହେବ।

ସବୁ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶର ଗେଜେଟରେ ନିର୍ବାଚନ ଅଧିକାରୀଙ୍କ ଦ୍ବାରା ଜାରି ହୋଇଥିବା ଏହି ବିଜ୍ଞପ୍ତି ଏବଂ ସର୍ବସାଧାରଣ ନୋଟିସକୁ ପ୍ରକାଶିତ କରିବା ଲାଗି ଆବଶ୍ୟକ ବ୍ୟବସ୍ଥା କରାଯାଇଛି।

ନିର୍ବାଚନ ପ୍ରକ୍ରିୟା ସଂକ୍ରାନ୍ତରେ କୌଣସି ପ୍ରକାରର ପ୍ରଶ୍ନ ପଚାରିବା ଲାଗି ଶ୍ରୀ ପି.ସି. ମୋଦୀ, ରାଷ୍ଟ୍ରପତି ନିର୍ବାଚନ, ୨୦୨୨ ପାଇଁ ନିଯୁକ୍ତ ନିର୍ବାଚନ ଅଧିକାରୀ ତଥା ରାଜ୍ୟସଭା ମହାସଚିବଙ୍କୁ ତାଙ୍କର କାର୍ଯ୍ୟାଳୟ (କୋଠରୀ ସଂଖ୍ୟା ୨୯, ତଳ ମହଲା, ସଂସଦ ଭବନ, ନୂଆଦିଲ୍ଲୀ)ରେ ସବୁ କାର୍ଯ୍ୟ ଦିବସ ମାନଙ୍କରେ (ସରକାରୀ ଛୁଟିକୁ ଛାଡ଼ି) ଅପରାହ୍ଣ ସାଢ଼େ ୩ଟାରୁ ସାଢ଼େ ୪ଟା ମଧ୍ୟ ପଚରା ଯାଇପାରିବ । ଶନିବାର ସମେତ ନାମାଙ୍କନ ପତ୍ର ଦାଖଲ ପାଇଁ ଧାର୍ଯ୍ୟ ଅବଧି ମଧ୍ୟରେ ନିର୍ବାଚନ ଅଧିକାରୀ ଏ ସମ୍ପର୍କରେ ସୂଚନା ଦେଇପାରିବେ ।

Categories
ଆଜିର ଖବର ଜାତୀୟ ଖବର

ଟିଏମସି ବିଧାୟକଙ୍କ ବିରୋଧରେ ନିର୍ବାଚନ ଆୟୋଗଙ୍କ କାର୍ଯ୍ୟାନୁଷ୍ଠାନ, ପ୍ରଚାର ଉପରେ ଲାଗିଲା ପ୍ରତିବନ୍ଧକ

କଲିକତା: ଆଚରଣ ବିଧି ଉଲ୍ଲଂଘନ କରିଥିବାରୁ ନିର୍ବାଚନ ଆୟୋଗ ଟିଏମସି ବିଧାୟକ ନରେନ୍ଦ୍ରନାଥ ଚକ୍ରବର୍ତ୍ତୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ପଶ୍ଚିମବଙ୍ଗରେ ଚାଲିଥିବା ଉପ-ନିର୍ବାଚନରେ ସାଧାରଣ ସଭା, ରାଲି, ରୋଡ୍ ଶୋ କିମ୍ବା ସାକ୍ଷାତକାର ପାଇଁ ନିର୍ବାଚନ ଆୟୋଗ ନରେନ୍ଦ୍ରନାଥ ଚକ୍ରବର୍ତ୍ତୀଙ୍କୁ ମାର୍ଚ୍ଚ ୩୦ ତାରିଖ ସକାଳ ୧୦ ଟାରୁ ରାତି ୮ ଟା ପର୍ଯ୍ୟନ୍ତ ପ୍ରତିବନ୍ଧ ଲାଗିଛି।

ବାସ୍ତବରେ, ଟିଏମସି ବିଧାୟକ ନରେନ୍ଦ୍ରନାଥ ଚକ୍ରବର୍ତ୍ତୀଙ୍କ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ବିଜେପି ନେତାଙ୍କୁ ଧମକ ଦେଉଥିବାର ଅଭିଯୋଗ ହୋଇଛି। ଭିଡିଓରେ, ଟିଏମସି ବିଧାୟକ କହୁଥିବାର ଦେଖିବାକୁ ମିଳୁଛି ଯେ, ବିଜେପି ସମର୍ଥକମାନେ ଭୋଟ୍ ଦେବାକୁ ବାହାରକୁ ଆସନ୍ତୁ ନାହିଁ। ଯଦି ସେମାନେ ବିଜେପିକୁ ଭୋଟ୍ ଦିଅନ୍ତି, ତେବେ ସେମାନଙ୍କୁ ଦେଖାଯିବ। ଏହି ଭିଡିଓରେ ବିଧାୟକମାନେ ମଧ୍ୟ କହିଛନ୍ତି ଯେ, ଯେଉଁମାନେ ବିଜେପିକୁ ଭୋଟ୍ ଦିଅନ୍ତି ନାହିଁ ସେମାନେ ବେଙ୍ଗଲରେ ରହି ବ୍ୟବସାୟ ଏବଂ ଚାକିରି କରିପାରିବେ।

Categories
ଅପରାଧ ଆଜିର ଖବର ଜାତୀୟ ଖବର

ପାଞ୍ଚଟି ନିର୍ବାଚନ ରାଜ୍ୟରୁ 85 ଲକ୍ଷ ଲିଟରରୁ ଅଧିକ ମଦ ଜବତ: ପଞ୍ଜାବରେ ସର୍ବାଧିକ

ନୂଆଦିଲ୍ଲୀ: ନିର୍ବାଚନ ଆୟୋଗର କଡା ପ୍ରତିବନ୍ଧକ ହେତୁ ନିକଟରେ ନିର୍ବାଚନର ସମ୍ମୁଖୀନ ହୋଇଥିବା ପାଞ୍ଚଟି ରାଜ୍ୟରେ 85 ଲକ୍ଷ ଲିଟର ମଦ ଜବତ କରାଯାଇଛି। ଏହି ରାଜ୍ୟଗୁଡିକ ମଧ୍ୟରୁ ପଞ୍ଜାବରୁ ସର୍ବାଧିକ ମଦ ଜବତ କରାଯାଇଛି, ଯାହା ସମୁଦାୟ ଉଦ୍ଧାର ହୋଇଥିବା ମଦର 70 ପ୍ରତିଶତ ଅଟେ। ନିର୍ବାଚନ ଆୟୋଗ ଦ୍ଵାରା ପ୍ରଦାନ କରାଯାଇଥିବା ତଥ୍ୟ ଅନୁଯାୟୀ ଏହି ସମୟ ମଧ୍ୟରେ 575.39 କୋଟି ଟଙ୍କା ମୂଲ୍ୟର ନିଶା ସାମଗ୍ରୀ ଜବତ କରାଯାଇଛି। ନିର୍ବାଚନ ସମୟରେ ନଗଦ, ମଦ, ନିଶା ଦ୍ରବ୍ୟ, ମାଗଣା ଉପହାର ଏବଂ ମୂଲ୍ୟବାନ ଧାତୁର ଗତିବିଧି ଯାଞ୍ଚ କରିବା ପାଇଁ ନିର୍ବାଚନ ଆୟୋଗ ସ୍ଵତନ୍ତ୍ର ଟିମ ନିୟୋଜିତ କରିଥିଲେ।

ପାଞ୍ଚଟି ରାଜ୍ୟରେ ନିର୍ବାଚନ ସମୟରେ ଜବତ ହୋଇଥିବା ସାମଗ୍ରୀର ମୋଟ ମୂଲ୍ୟ ହେଉଛି 1,061.87 କୋଟି, ଯାହାକି 2017 ମସିହାରେ ପାଞ୍ଚଟି ରାଜ୍ୟରେ ହୋଇଥିବା ନିର୍ବାଚନ ସମୟରେ 299.84 କୋଟି ଟଙ୍କା ଜବତ ହୋଇଥିବା ସମସ୍ତ ସାମଗ୍ରୀର ଦେଢ ଗୁଣରୁ ଅଧିକ ଅଟେ। ପଞ୍ଜାବ, ଉତ୍ତରପ୍ରଦେଶ, ଗୋଆ, ଉତ୍ତରପ୍ରଦେଶ ଏବଂ ମଣିପୁରରୁ ଜାନୁଆରୀ 85 ରେ ନିର୍ବାଚନ ଘୋଷଣା ହେବା ପରଠାରୁ ମୋଟ 85,27,227 ଲିଟର ମଦ ଜବତ କରାଯାଇଛି।

ପଞ୍ଜାବରେ ସର୍ବାଧିକ 36.79 କୋଟି ଟଙ୍କା ମୂଲ୍ୟର 59,65,496 ଲିଟର ମଦ ଜବତ କରାଯାଇଛି। ଏହା ପରେ ଉତ୍ତରପ୍ରଦେଶରେ 22,94,614 ଲିଟର ମଦ ଜବତ କରାଯାଇଛି ଯାହାର ମୂଲ୍ୟ 62.13 କୋଟି ଟଙ୍କା। ଉତ୍ତରପ୍ରଦେଶରେ 97,176 ଲିଟର ମଦ 4.79 କୋଟି ଟଙ୍କା, ଗୋଆରେ 95,446 ଲିଟର ମଦ ଏବଂ ମଣିପୁରରେ 73 ଲକ୍ଷ ଟଙ୍କା ମୂଲ୍ୟର 74,495 ଲିଟର ମଦ ଜବତ କରାଯାଇଛି।

ପାଞ୍ଚଟି ରାଜ୍ୟରୁ 575.39 କୋଟି ଟଙ୍କା ମୂଲ୍ୟର ନିଶା କାରବାରରେ ପଞ୍ଜାବ ମଧ୍ୟ ଆଗୁଆ ରହିଛି। ପଞ୍ଜାବରେ 376.19 କୋଟି ଟଙ୍କା ମୂଲ୍ୟର ଡ୍ରଗ୍ସ ଜବତ କରାଯାଇଛି। ନିର୍ବାଚନ ଆୟୋଗ ମଧ୍ୟ 154.52 କୋଟି ଟଙ୍କା, 117.44 କୋଟି ଟଙ୍କା ମୂଲ୍ୟବାନ ଧାତୁ ଏବଂ ପାଞ୍ଚଟି ରାଜ୍ୟରୁ 106.52 କୋଟି ଟଙ୍କା ମାଗଣା ଉପହାର ଜବତ କରିଛି।

Categories
ବିଶେଷ ଖବର

କୋହଳ ହେଲା ପ୍ରଚାର କଟକଣା, ନୂତନ ନିର୍ଦ୍ଦେଶାବଳୀ ଜାରି କଲେ ନିର୍ବାଚନ ଆୟୋଗ

ନୂଆଦିଲ୍ଲୀ: କରୋନା ସଂକ୍ରମଣ ହ୍ରାସ ପାଉଥିବାରୁ ପ୍ରଚାର ପାଇଁ କେନ୍ଦ୍ରୀୟ ନିର୍ବାଚନ ଆୟୋଗ ଆଉ କିଛି ରିହାତି ଦେଇଛନ୍ତି। ପୂର୍ବରୁ ନିର୍ବାଚନ ପ୍ରଚାର ସକାଳ ୮ ଟାରୁ ରାତି ୮ ଟା ପର୍ଯ୍ୟନ୍ତ ନିର୍ଦ୍ଧାରଣ ହୋଇଥିଲା। କିନ୍ତୁ ବର୍ତ୍ତମାନ ରାତି ୧୦ ଟାରୁ ସକାଳ ୬ ଟା ପର୍ଯ୍ୟନ୍ତ ପ୍ରଚାର ଉପରେ ପ୍ରତିବନ୍ଧକ ଲଗାଯିବ। ପଡିଆର କିମ୍ବା ରାଲି ସ୍ଥାନରେ ସର୍ବାଧିକ କ୍ଷମତାର ୫୦ ପ୍ରତିଶତ ସହିତ ସଭା ଅନୁଷ୍ଠିତ ହୋଇପାରିବ। ପଦ ଯାତ୍ରା ପାଇଁ ଅନୁମତି ଦିଆଯାଇଛି, କିନ୍ତୁ କେବଳ ସୀମିତ ସଂଖ୍ୟକ ଲୋକଙ୍କ ସହିତ ପଦ ଯାତ୍ରା କରାଯାଇପାରିବ।

କରୋନା ଦିନକୁ ଦିନ ହ୍ରାସ ପାଉଥିବା ମାମଲାକୁ ଦୃଷ୍ଟିରେ ରଖି କେନ୍ଦ୍ରୀୟ ନିର୍ବାଚନ ଆୟୋଗ ଏହି ରିହାତି ପ୍ରଦାନ କରିଛନ୍ତି। କାରଣ ଜାନୁୟାରୀ ୨୧ ତାରିଖରେ, ଯେଉଁଠାରେ ପ୍ରାୟ ୩.୫ ଲକ୍ଷ ମାମଲା ରୁଜୁ ହେଉଥିଲା, ଆଜିର ଦିନରେ ଏହି ସଂଖ୍ୟା ୫୦ ହଜାରକୁ ହ୍ରାସ ପାଇଛି।

ଫେବୃଆରୀ ୧୪ ତାରିଖରେ ତିନୋଟି ରାଜ୍ୟରେ ମତଦାନ ଅନୁଷ୍ଠିତ ହେବ। ଯେଉଁଥିପାଇଁ ଆଜି ସନ୍ଧ୍ୟା ୬ ଟାରୁ ପ୍ରଚାର କାର୍ଯ୍ୟ ଶେଷ ହୋଇଛି। ଫେବୃଆରୀ ୧୪ ତାରିଖରେ ଗୋଆ ଏବଂ ଉତ୍ତରାଖଣ୍ଡର ଗୋଟିଏ ପର୍ଯ୍ୟାୟରେ ନିର୍ବାଚନ ହେବ। ତେଣୁ ସେଠାରେ ଆଉ ନିର୍ବାଚନ ପ୍ରଚାର ହେବ ନାହିଁ। ଏଥିସହିତ ୟୁପିର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ପାଇଁ ପ୍ରଚାର କାର୍ଯ୍ୟ ବନ୍ଦ ହୋଇଯାଇଛି। ଦ୍ୱିତୀୟ ପର୍ଯ୍ୟାୟରେ ନଅଟି ଜିଲ୍ଲା – ସାହାରନପୁର, ବିଜନୋର, ମୁରୁଦାବାଦ, ସମ୍ଭଲ, ରାମପୁର, ଅମରୋହା, ବନ୍ଦାୟୁ, ବରେଲି ଏବଂ ଶାହାଜାହାନପୁରର ୫୫ ଟି ବିଧାନସଭା ଆସନ ପାଇଁ ଫେବୃଆରୀ ୧୪ ତାରିଖରେ ମତଦାନ ଅନୁଷ୍ଠିତ ହେବ।

Categories
ଆଜିର ଖବର ଜାତୀୟ ଖବର

ଜାନୁୟାରୀ 22 ତାରିଖ ପର୍ଯ୍ୟନ୍ତ ବୃଦ୍ଧି ହେଲା ଶାରୀରିକ ସମାବେଶ, ଶୋଭାଯାତ୍ରା କଟକଣା

ନୂଆଦିଲ୍ଲୀ: ଭାରତ ନିର୍ବାଚନ ଆୟୋଗ ଆସନ୍ତା 22 ତାରିଖ ପର୍ଯ୍ୟନ୍ତ ଶାରୀରିକ ସମାବେଶ ଏବଂ ରୋଡ୍ ସୋ ଉପରେ ପ୍ରତିବନ୍ଧକ ବଢାଇ ଦେଇଛନ୍ତି। ତେବେ ନିର୍ବାଚନ କମିଶନର ରାଜନୈତିକ ଦଳଗୁଡିକ ପାଇଁ ଏକ ସୁବିଧା ପ୍ରଦାନ କରିଛନ୍ତି। ତାହା ହେଲା ହଲ ଭିତରେ 50 ପ୍ରତିଶତ କ୍ଷମତାରେ ସଭା କରିପାରିବେ। ଅନ୍ୟପକ୍ଷରେ ତିନିଶହ ଲୋକଙ୍କୁ ନେଇ ସଭା କରିପାରିବେ। ତେବେ କମିସନର ଯେତେବେଳେ ଅନୁମତି ପ୍ରଦାନ କରିବେ ସେତେବେଳେ ଏହା ଲାଗୁ ହେବ।

Categories
ଆଜିର ଖବର ଜାତୀୟ ଖବର

ମମତା ସରକାରକୁ ନିର୍ବାଚନ ଆୟୋଗର ନିର୍ଦ୍ଦେଶ, ଉପ-ନିର୍ବାଚନ ଫଳାଫଳ ପରେ ହେବ ନାହିଁ ​​ବିଜୟ ଉତ୍ସବ

କୋଲକୋତା: ପଶ୍ଚିମବଙ୍ଗର ତିନୋଟି ବିଧାନସଭା ଆସନରେ ଉପ-ନିର୍ବାଚନର ଫଳାଫଳ ପୂର୍ବରୁ ନିର୍ବାଚନ ଆୟୋଗ ରାଜ୍ୟ ସରକାରଙ୍କୁ ଚିଠି ଲେଖି କୌଣସି ପ୍ରକାର ଉତ୍ସବ ପାଳନ ନକରିବାକୁ ନିର୍ଦ୍ଦେଶ ଦେଇଛି। ଏହି ଚିଠିରେ ନିର୍ବାଚନ ଆୟୋଗ ରାଜ୍ୟର ମମତା ସରକାରକୁ କହିଛି ଯେ, ଉପ-ନିର୍ବାଚନ ପାଇଁ ଭୋଟ୍ ଗଣତି ସମୟରେ କିମ୍ବା ଫଳାଫଳ ଘୋଷଣା ହେବା ପରେ କୌଣସି ପ୍ରକାରର ବିଜୟ ଉତ୍ସବ/ଶୋଭାଯାତ୍ରା ପାଳନ ହେବ ନାହିଁ। ଏଥିସହ ନିର୍ବାଚନ ପରେ କୌଣସି ହିଂସା ନହେବା ପାଇଁ ସମସ୍ତ ଆବଶ୍ୟକୀୟ ପଦକ୍ଷେପ ନେବାକୁ ନିର୍ବାଚନ ଆୟୋଗ କହିଛି। ସୂଚନାଯୋଗ୍ୟ, ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳ ଘୋଷଣା ହେବା ପରେ ରାଜ୍ୟରେ ବ୍ୟାପକ ହିଂସା ଓ ଅଗ୍ନିକାଣ୍ଡ ଘଟିଥିଲା। ସେହି ହିଂସା ପାଇଁ ବିଜେପି ଟିଏମସି ସମର୍ଥକଙ୍କୁ ଦାୟୀ କରିଥିଲା।

ବର୍ତ୍ତମାନ ଭବାନୀପୁର ଆସନରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କ ନିକଟମ ପ୍ରତିଦ୍ଵନ୍ଦୀ ବିଜେପିର ପ୍ରିୟଙ୍କା ଟିବରୱାଲେଙ୍କ ଠାରୁ ୩୪ ହଜାର ୯୭୦ ଭୋଟରେ ଆଗୁଆ ଅଛନ୍ତି।

Categories
ଆଜିର ଖବର ଜାତୀୟ ଖବର

ଅକ୍ଟୋବର ୩୦ ରେ ହେବ ତିନୋଟି ଲୋକସଭା ଏବଂ ୩୦ ଟି ବିଧାନସଭା ଆସନ ପାଇଁ ଉପ-ନିର୍ବାଚନ

ନୂଆଦିଲ୍ଲୀ: ଦେଶରେ ତିନିଟି ଲୋକସଭା ଏବଂ ୩୦ ଟି ବିଧାନସଭା ଆସନ ପାଇଁ ଅକ୍ଟୋବର ୩୦ ତାରିଖରେ ଉପ-ନିର୍ବାଚନ ଅନୁଷ୍ଠିତ ହେବ। ଏ ସମ୍ପର୍କରେ ନିର୍ବାଚନ ଆୟୋଗ ଆଜି ଏକ ବିଜ୍ଞପ୍ତି ଜାରି କରିଛନ୍ତି। ଦାଦରା ନାଗର ହାଭେଲି, ଦାମନ ଏବଂ ଦିୟୁ ଏବଂ ମଧ୍ୟପ୍ରଦେଶର ଖଣ୍ଡୱା ଏବଂ ହିମାଚଳ ପ୍ରଦେଶର ମଣ୍ଡି ଲୋକସଭା ଆସନ ପାଇଁ ଉପ-ନିର୍ବାଚନ ଅନୁଷ୍ଠିତ ହେବ। ଏହା ସହିତ ୧୪ ଟି ରାଜ୍ୟର ୩୦ ଟି ବିଧାନସଭା ଆସନରେ ମଧ୍ୟ ନିର୍ବାଚନ ଅନୁଷ୍ଠିତ ହେବ।

ଜାଣନ୍ତୁ କେଉଁ ରାଜ୍ୟରେ କେତୋଟି ବିଧାନସଭା ଆସନ ପାଇଁ ଉପ-ନିର୍ବାଚନ ହେବ?:

୧- ଆନ୍ଧ୍ରପ୍ରଦେଶ- ଗୋଟିଏ ଆସନ।

୨- ଆସାମ- ପାଞ୍ଚଟି ଆସନ।

୩- ବିହାର- ଦୁଇଟି ଆସନ

୪- ହରିୟାଣା- ଗୋଟିଏ ଆସନ।

୫- ହିମାଚଳ ପ୍ରଦେଶ- ତିନୋଟି ଆସନ।

୬- କର୍ଣ୍ଣାଟକ- ଦୁଇଟି ଆସନ।

୭- ମଧ୍ୟପ୍ରଦେଶ- ତିନୋଟି ଆସନ।

୮- ମହାରାଷ୍ଟ୍ର- ଗୋଟିଏ ଆସନ।

୯- ମେଘାଳୟ – ତିନୋଟି ଆସନ।

୧୦- ମିଜୋରାମ- ଗୋଟିଏ ଆସନ।

୧୧- ନାଗାଲାଣ୍ଡ- ଗୋଟିଏ ଆସନ।

୧୨- ରାଜସ୍ଥାନ- ଦୁଇଟି ଆସନ।

୧୩- ତେଲେଙ୍ଗାନା- ଗୋଟିଏ ଆସନ।

୧୪- ପଶ୍ଚିମବଙ୍ଗ- ଚାରିଟି ଆସନ।

Categories
ଆଜିର ଖବର ରାଜ୍ୟ ଖବର

ତିର୍ତ୍ତୋଲ ଉପନିର୍ବାଚନ ନିମନ୍ତେ ଯୋଗଦେଲେ ନିର୍ବାଚନ ଆୟୋଗଙ୍କ ଖର୍ଚ୍ଚ ପର୍ଯ୍ୟବେକ୍ଷକ

ରମେଶ ମହାନ୍ତି

ଜଗତସିଂହପୁର: ତିର୍ତ୍ତୋଲ ବିଧାନସଭା ନିର୍ବାଚନମଣ୍ଡଳୀର ଉପନିର୍ବାଚନ ନିମନ୍ତେ ଭାରତୀୟ ନିର୍ବାଚନ ଆୟୋଗଙ୍କ ଦ୍ୱାରା ଖର୍ଚ୍ଚ ପର୍ଯ୍ୟବେକ୍ଷକ ଭାବେ ଯୋଗେଶ ଶୁଖଦେବ୍ ଚିତ୍ତେ, ଆଇ,ଆର୍,ଏସ୍ ରବିବାର ଦିନ ଯୋଗଦେଇଛନ୍ତି। ସେ ପ୍ରତିଯୋଗୀ ପ୍ରାର୍ଥୀ ଓ ରାଜନୈତିକ ଦଳର ଖର୍ଚ୍ଚ ବିବରଣୀ ତଦାରଖ କରିବେ। ତାଙ୍କର ମୋବାଇଲ୍ ନଂ – ୭୭୫୨୦୯୦୯୭୬ ଓ [email protected] ରେ ଯୋଗାଯୋଗ କରିବା ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ସେ ସ୍ଥାନୀୟ ସର୍କିଟ ହାଉସ୍ ରେ ଅବସ୍ଥାନ କରୁଛନ୍ତି।