Categories
ଅନ୍ତରାଷ୍ଟ୍ରୀୟ ଆଜିର ଖବର

ନେପାଳରରେ ଯାତ୍ରୀବାହୀ ବିମାନ ନିଖୋଜ: ୪ ଭାରତୀୟଙ୍କ ସମେତ ୨୨ ଯାତ୍ରୀ କରୁଥିଲେ ଯାତ୍ରା

ନୂଆଦିଲ୍ଲୀ: ଭାରତର ପଡୋଶୀ ଦେଶ ନେପାଳରୁ ବଡ ଖବର ଆସିଛି। ନେପାଳରେ ଏକ ଯାତ୍ରୀବାହୀ ବିମାନ ନିଖୋଜ ହୋଇଯାଇଛି। ବିମାନରେ କ୍ରୁ, ଚାରିଜଣ ଭାରତୀୟ ଏବଂ ତିନି ଜଣ ଜାପାନୀ ନାଗରିକଙ୍କ ସମେତ ମୋଟ ୨୨ ଜଣ ଯାତ୍ରୀ ଅଛନ୍ତି। ଏହି ବିମାନଟି ପୋଖରା ଠାରୁ ଜୋମସମ୍ ଅଭିମୁଖେ ଯାତ୍ରା କରୁଥିଲା। ପରେ ଏୟାର ଟ୍ରାଫିକ୍ କଣ୍ଟ୍ରୋଲ୍ (ଏଟିସି) ସହିତ ଏହାର ସମ୍ପର୍କ ନଷ୍ଟ ହୋଇଗଲା।

ଅଧିକାରୀ କହିଛନ୍ତି ଯେ, ଗତ ଅଧ ଘଣ୍ଟା ଧରି ବିମାନର ଏଟିସି ସହିତ କୌଣସି ସମ୍ପର୍କ ହୋଇନାହିଁ। ବିମାନଟି ୧୦.୩୫ ପର୍ଯ୍ୟନ୍ତ ଏଟିସି ସହିତ ଯୋଗାଯୋଗରେ ଥିଲା। ବର୍ତ୍ତମାନ ବିମାନ ବିଷୟରେ ଜାଣିବା ପାଇଁ ଏକ ହେଲିକପ୍ଟର ପଠାଯାଇଛି। ଯେଉଁଠାରେ ବିମାନକୁ ଶେଷ ଥର ପାଇଁ ଯୋଗାଯୋଗ କରାଯାଇଥିଲା ସେହି ସ୍ଥାନକୁ ହେଲିକପ୍ଟର ପଠାଯାଇଛି ବୋଲି ଜୋମସମ ବିମାନବନ୍ଦର ଏଟିସି ସୂଚନା ଦେଇଛି। ନେପାଳୀ ସେନାର ମୁଖପାତ୍ର ନାରାୟଣ ସିଲୱାଲ କହିଛନ୍ତି ଯେ, ନେପାଳର ସେନାର ଏକ ମି -୧୭ ହେଲିକପ୍ଟର ନିକଟରେ ଲେଟେ, ମଷ୍ଟେଙ୍ଗ ଅଭିମୁଖେ ଯାତ୍ରା କରିଛି, ଯେଉଁଠି ବିମାନ ଦୁର୍ଘଟଣାଗ୍ରସ୍ତ ହେବାର ସମ୍ଭାବନା ରହିଛି।

Categories
ଆଜିର ଖବର ଜାତୀୟ ଖବର

ୟୁକ୍ରେନ ପଡ଼ୋଶୀ ରାଷ୍ଟ୍ରରୁ ସ୍ଵତନ୍ତ୍ର ବେସାମରିକ ବିମାନ ଯୋଗେ ଆଜି ଫେରିଲେ ୪୧୦ ଭାରତୀୟ

ନୂଆଦିଲ୍ଲୀ: ‘ଅପରେସନ ଗଙ୍ଗା’ ଅଧୀନରେ ୟୁକ୍ରେନରେ ଫସି ରହିଥିବା ଭାରତୀୟ ନାଗରିକମାନଙ୍କର ଉଦ୍ଧାର ପ୍ରକ୍ରିୟା ଜାରି ରହିଛି। ୟୁକ୍ରେନର ପଡ଼ୋଶୀ ରାଷ୍ଟ୍ରରୁ ୨ଟି ସ୍ଵତନ୍ତ୍ର ବେସାମରିକ ବିମାନ ଜରିଆରେ ଆଜି ୪୧୦ ଜଣ ଭାରତୀୟ ନାଗରିକ ସ୍ଵଦେଶ ପ୍ରତ୍ୟାବର୍ତ୍ତନ କରିଛନ୍ତି। ଏଥିସହିତ, ୟୁକ୍ରେନରେ ଫସି ରହିଥିବା ଭାରତୀୟମାନଙ୍କୁ ଉଦ୍ଧାର ଲାଗି ୨୨ ଫେବୃଆରୀ, ୨୦୨୨ରେ ସ୍ଵତନ୍ତ୍ର ବିମାନ ଚଳାଚଳ ଆରମ୍ଭ ହେବା ପରଠାରୁ ଏବେସୁଦ୍ଧା  ପ୍ରାୟ ୧୮ ହଜାର  ଭାରତୀୟମାନଙ୍କୁ ଫେରାଇ ଅଣାସରିଛି। ୭୫ଟି ସ୍ଵତନ୍ତ୍ର ବେସାମରିକ ବିମାନ ଜରିଆରେ ଏବେସୁଦ୍ଧା ଫେରିଥିବା ମୋଟ ଭାରତୀୟମାନଙ୍କ ସଂଖ୍ୟା ୧୫ ହଜାର ୫୨୧ରେ ପହଞ୍ଚିଛି। ଏଥିପୂର୍ବରୁ, ଅପରେସନ ଗଙ୍ଗା ଅଧୀନରେ ଭାରତୀୟ ବାୟୁସେନାର ୧୦ଟି ବିମାନ ଜରିଆରେ ୨୦୫୬ ଜଣ ଯାତ୍ରୀ ଫେରିଛନ୍ତି ଏବଂ ୩୨ ଟନ ରିଲିଫ ସାମଗ୍ରୀ ପଠାଯାଇଛି।

ଭାରତକୁ ଆସିଥିବା ବେସାମରିକ ବିମାନ ମଧ୍ୟରେ ବୁକାରେଷ୍ଟରୁ ୨୧ଟି ବିମାନ ଜରିଆରେ ୪୫୭୫ ଜଣ ଯାତ୍ରୀଙ୍କୁ ଅଣାଯାଇଛି। ସୁଚେଭାରୁ ୯ଟି ବିମାନ ଜରିଆରେ ୧୮୨୦ ଜଣ ଯାତ୍ରୀ, ବୁଦାପେଷ୍ଟରୁ ୨୮ଟି ବିମାନ ଜରିଆରେ ୫୫୭୧ ଜଣ ଯାତ୍ରୀ, କୋସିଚେରୁ ୫ଟି ବିମାନ ଜରିଆରେ ୯୦୯ ଜଣ ଯାତ୍ରୀ, ସେସେଜୋରୁ ୧୧ଟି ବିମାନରେ ୨୪୦୪ ଜଣ ଭାରତୀୟ ଏବଂ କିଭରୁ ଗୋଟିଏ ବିମାନରେ ୨୪୨ ଜଣ ଭାରତୀୟଙ୍କୁ ସ୍ବଦେଶ ଫେରାଇ ଅଣାଯାଇଛି।

Categories
ଆଜିର ଖବର ଜାତୀୟ ଖବର

ୟୁକ୍ରେନର ପଡ଼ୋଶୀ ରାଷ୍ଟ୍ରରୁ ସ୍ବତନ୍ତ୍ର ବିମାନ ଯୋଗେ ଆଜି ଫେରିଲେ ୨୧୦୦ ଭାରତୀୟ

ନୂଆଦିଲ୍ଲୀ: ଅପରେସନ ଗଙ୍ଗା ଅଧୀନରେ ୟୁକ୍ରେନରେ ଫସି ରହିଥିବା ଭାରତୀୟମାନଙ୍କୁ ଉଦ୍ଧାର କାର୍ଯ୍ୟ ଜାରି ରହିଛି। ଆଜି ୟୁକ୍ରେନର ପଡ଼ୋଶୀ ରାଷ୍ଟ୍ରମାନଙ୍କରୁ ଆଜି ୧୧ଟି ସ୍ବତନ୍ତ୍ର ବେସାମରିକ ବିମାନ ଜରିଆରେ ୨୧୩୫ ଜଣ ଭାରତୀୟଙ୍କୁ ସ୍ବଦେଶ ଫେରାଇ ଅଣାଯାଇଛି।

ଏଥିସହିତ, ଏବେ ସୁଦ୍ଧା ୧୫ ହଜାର ୯୦୦ରୁ ଅଧିକ ଭାରତୀୟଙ୍କୁ ଉଦ୍ଧାର କରାଯାଇସାରିଛି। ଅପରେସନ ଗଙ୍ଗା ଅଧୀନରେ ୨୨ ଫେବୃଆରୀ ୨୦୨୨ ଠାରୁ ସ୍ବତନ୍ତ୍ର ବିମାନ ଯୋଗେ ଭାରତୀୟମାନଙ୍କୁ ଉଦ୍ଧାର ପ୍ରକ୍ରିୟା ଆରମ୍ଭ ହୋଇଥିଲା। ଏବେ ସୁଦ୍ଧା ୬୬ଟି ସ୍ବତନ୍ତ୍ର ବେସାମରିକ ବିମାନ ଜରିଆରେ ୧୩ ହଜାର ୮୫୨ ଜଣ ଭାରତୀୟଙ୍କୁ ଫେରାଇ ଅଣାଯାଇଛି। ସେହିପରି ଏବେ ସୁଦ୍ଧା ଭାରତୀୟ ବାୟୁସେନାର ୧୦ଟି ବିମାନରେ ୨୦୫୬ ଜଣ ଯାତ୍ରୀ ସ୍ବଦେଶ ପ୍ରତ୍ୟାବର୍ତ୍ତନ କରିଛନ୍ତି। ଅପରେସନ ଗଙ୍ଗାର ଅଂଶବିଶେଷ ସ୍ବରୂପ ବାୟୁସେନାର ବିମାନ ୨୬ ଟନ୍‌ ରିଲିଫ ସାମଗ୍ରୀ ୟୁକ୍ରେନକୁ ପଠାଇଛି।

ଆଜି ଫେରିଥିବା ସ୍ବତନ୍ତ୍ର ବେସାମରିକ ବିମାନ ମଧ୍ୟରୁ ୯ଟି ନୂଆଦିଲ୍ଲୀରେ ଏବଂ ୨ଟି ମୁମ୍ବାଇରେ ଅବତରଣ କରିଛି। ବୁଦାପେଷ୍ଟରୁ ୬ଟି, ବୁକାରେଷ୍ଟରୁ ୨ଟି, ରେସେଜୋରୁ ୨ ଏବଂ କୋସିଚେରୁ ଗୋଟିଏ ବିମାନ ଫେରିଛି।

ଆସନ୍ତାକାଲି ୮ଟି ବିମାନ ଭାରତରେ ପହଞ୍ଚିବ। ବୁଦାପେଷ୍ଟରୁ ୫ଟି, ସୁଚେଭାରୁ ୨ଟି ଏବଂ ବୁକାରେଷ୍ଟରୁ ଗୋଟିଏ ବିମାନରେ ୧୫୦୦ ଭାରତୀୟଙ୍କୁ ଫେରାଇ ଅଣାଯିବ।

Categories
ଅନ୍ତରାଷ୍ଟ୍ରୀୟ ଆଜିର ଖବର

ୟୁକ୍ରେନରେ ଅସ୍ତ୍ରବିରତି ଘୋଷଣା କଲା ଋଷ, ଭାରତୀୟମାନଙ୍କୁ ଉଦ୍ଧାର କରିବାରେ ହେବ ସହାୟ

ନୂଆଦିଲ୍ଲୀ: ଋଷ ଓ ୟୁକ୍ରେନ ଯୁଦ୍ଧ ମଧ୍ୟରେ ଏକ ଭଲ ଖବର ମିଳିଛି। ସାମୟିକ ଅସ୍ତ୍ରବିରତି ପାଇଁ ଋଷ ଘୋଷଣା କରିଛି। ଭାରତ ସମୟ ଅନୁଯାୟୀ ୧୧ ଟା ୩୦ ମିନିଟରୁ ଏହି ଅସ୍ତ୍ରବିରତି ଲାଗୁ ହୋଇଛି। ଏହା ପ୍ରାୟ ସନ୍ଧ୍ୟା ୫ ଟା ଯାଏଁ ଲାଗୁ ରହିବ। ୟୁକ୍ରେନରେ ମାରିୟୁପୋଲ ଏବଂ ଭୋଲନୋଭାଖାରେ ଅସ୍ତ୍ରବିରତି ଉଲ୍ଲଂଘନ କରାଯିବ। ଗ୍ରୀନ କରିଡର ନିର୍ମାଣ ପାଇଁ ଅସ୍ତ୍ରବିରତି ଘୋଷଣା କରାଯାଇଛି। ଫଳରେ ଏହି ଦୁଇ ସହରରୁ ଭାରତୀୟମାନଙ୍କୁ ନିରାପଦ ଉଦ୍ଧାର କରିବା ପାଇନ ସହଯୋଗ ମିଳିବ।

Categories
ଆଜିର ଖବର ଜାତୀୟ ଖବର

ଗଙ୍ଗା ଅଭିଯାନରେ ୟୁକ୍ରେନରୁ ଫେରିଲେ ଆଉ ୬୨୯ ଭାରତୀୟ

ନୂଆଦିଲ୍ଲୀ: ଆଜି ସକାଳେ ୟୁକ୍ରେନରେ ଫସି ରହିଥିବା ୬୦୦ ରୁ ଅଧିକ ଲୋକ ତିନୋଟି ବାୟୁସେନା ବିମାନ ଦ୍ୱାରା ଭାରତ ଫେରିଛନ୍ତି। ଏହି ତିନୋଟି ବିମାନ ନୂଆଦିଲ୍ଲୀ ନିକଟ ହିନ୍ଦନ ଏୟାରବେସରେ ଅବତରଣ କରିଛି। ଯୁଦ୍ଧ ଗ୍ରସ୍ତ ୟୁକ୍ରେନର ପଡୋଶୀ ଦେଶ ରୋମାନିଆ, ହଙ୍ଗେରୀ, ସ୍ଲୋଭାକିଆ ଏବଂ ପୋଲାଣ୍ଡରୁ ଭାରତ ନିଜ ନାଗରିକମାନଙ୍କୁ ସ୍ଥାନାନ୍ତର କରୁଛି। କାରଣ ଋଷର ସାମରିକ ଆକ୍ରମଣ ଯୋଗୁଁ ଫେବୃଆରୀ ୨୪ ତାରିଖରୁ ୟୁକ୍ରେନ୍ର ଏୟାର ସ୍ପେସ୍ ବନ୍ଦ ରହିଛି।

ଭାରତୀୟ ବାୟୁସେନା ବିବୃତ୍ତିରେ କୁହାଯାଇଛି ଯେ, ବର୍ତ୍ତମାନ ପର୍ଯ୍ୟନ୍ତ ଭାରତୀୟ ବାୟୁସେନା (IAF) ଅପରେସନ୍ ଗଙ୍ଗାର ଅଂଶ ଭାବରେ ୨ ହଜାର ୫୬ ଯାତ୍ରୀଙ୍କୁ ଫେରାଇ ଆଣିବା ପାଇଁ ୧୦ ଟି ବିମାନ ଚଳାଚଳ କରିଛି। ତିନୋଟି ବାୟୁସେନା ବିମାନ ଶୁକ୍ରବାର ହିନ୍ଦନ ବିମାନବନ୍ଦରରୁ ବିମାନ ଉଡ଼ାଣ କରିଥିଲା। “ଏହି ବିମାନଗୁଡିକ ରୋମାନିଆ, ସ୍ଲୋଭାକିଆ ଏବଂ ପୋଲାଣ୍ଡରୁ ୬୨୯ ଭାରତୀୟ ନାଗରିକଙ୍କୁ ସ୍ଥାନାନ୍ତର କରିଛି। ଏହି ବିମାନଗୁଡିକ ଦ୍ଵାରା ଭାରତରୁ ୧୬.୫ ଟନ୍ ରିଲିଫ୍ ସାମଗ୍ରୀ ମଧ୍ୟ ଏହି ଦେଶକୁ ପଠାଇଛି।”

Categories
ବିଶେଷ ଖବର

ୟୁକ୍ରେନରେ ଥିବା ଭାରତୀୟଙ୍କ ପାଇଁ ମାର୍ଗଦର୍ଶିକା, ନିଜ ସମ୍ପର୍କୀୟ ଫସିରହିଥିଲେ ଏସବୁ ଜାଣିବା ଜରୁରୀ

ନୂଆଦିଲ୍ଲୀ: ୟୁକ୍ରେନ ଉପରେ ଋଷର ଆକ୍ରମଣ ଜାରି ରହିଛି। କ୍ରମାଗତ ୮ ଦିନ ଧରି ୟୁକ୍ରେନ ଉପରେ ଋଷ ବୋମା ବିସ୍ଫୋରଣ କରିଛି। ଋଷର ଏହି ଆକ୍ରମଣ ଦ୍ଵାରା ୟୁକ୍ରେନରେ ଥିବା ଭାରତୀୟ ନାଗରିକମାନଙ୍କ ଜୀବନ ସୁରକ୍ଷା କରିବା ପାଇଁ କେନ୍ଦ୍ର ସରକାର ପ୍ରୟାସ ଜାରି କରିଛି। ତେଣୁ ଭାରତ ସରକାର ନାଗରିକମାନଙ୍କୁ ସେଠାରେ ଫେରାଇ ଆଣିବା ପାଇଁ ବିମାନ ପଠାଉଛି। ଗଙ୍ଗା ଅଭିଯାନରେ ଭାରତୀୟମାନଙ୍କୁ ଉଦ୍ଧାର କରାଯାଉଛି।

ଆଜି ପର୍ଯ୍ୟନ୍ତ ଏହି ଗଙ୍ଗା ଅଭିଯାନରେ ୬ ହଜାରରୁ ଉର୍ଦ୍ଧ୍ଵ ଭାରତୀୟ ନାଗରିକଙ୍କୁ ସ୍ଵଦେଶ ଫେରାଇ ଅଣାଯାଇଛି। ତେବେ ଫସି ରହିଥିବା ବାକି ଭାରତୀୟଙ୍କୁ ଖୁବ ଶୀଘ୍ର ସ୍ଵଦେଶ ଫେରାଇ ଅନାଯିବ ବୋଲି କେନ୍ଦ୍ର ସରକାର ଦାବି କରିଛି। ଏହା ଭିତରେ ୟୁକ୍ରେନରେ ଫସିରହିଥିବା ଭାରତୀୟ ମାନଙ୍କ ପାଇଁ କେନ୍ଦ୍ର ସରକାର ଏକ ମାର୍ଗଦର୍ଶିକା ଜାରି କରିଛନ୍ତି।

ଆବଶ୍ୟକ ପଦକ୍ଷେପ/କ’ଣ କରିବେ?:

– ସୂଚନା ସଂଗ୍ରହ କରି ଅନ୍ୟ ଭାରତୀୟମାନଙ୍କୁ ପଠାନ୍ତୁ।

– ମାନସିକ ସ୍ତରରେ ଦୃଢ଼ ରୁହନ୍ତୁ/ଭୟଭୀତ ହୁଅନ୍ତୁ ନାହିଁ।

– ନିଜକୁ ଛୋଟ ଛୋଟ ଦଳ/ଦଶ ଜଣ ଭାରତୀୟ ଛାତ୍ରଛାତ୍ରୀଙ୍କ ଏକ ଦଳରେ ସଂଗଠିତ କରନ୍ତୁ/ସେହି ଦଳ ମଧ୍ୟରେ ସହଯୋଗୀ/ଯୋଡ଼ି ବ୍ୟବସ୍ଥା କରନ୍ତୁ/ ପ୍ରତି ଦଶଜଣିଆ ଦଳରେ ଜଣେ ସଂଯୋଜକ/ଉପସଂଯୋଜକଙ୍କୁ ଚୟନ କରନ୍ତୁ।

– ଆପଣଙ୍କ ଉପସ୍ଥିତି ଏବଂ ପରିସ୍ଥିତି ସମ୍ପର୍କରେ ଆପଣଙ୍କର ସହଯୋଗୀ/ଛୋଟ ଦଳର ସଂଯୋଜକ ସବୁବେଳେ ନିଶ୍ଚିତ ଭାବେ ଜାଣିବା ଉଚିତ୍‌।

– ଏକ ହ୍ବାଟ୍ସ ଗ୍ରୁପ୍‌ ତିଆରି କରନ୍ତୁ, ସମସ୍ତ ସୂଚନା, ନାମ, ଠିକଣା ମୋବାଇଲ ନମ୍ବର ଏବଂ ଭାରତରେ ଯୋଗାଯୋଗ ଠିକଣାକୁ ପ୍ରସ୍ତୁତ କରନ୍ତୁ/ନୂଆଦିଲ୍ଲୀ କିମ୍ବା ଦୂତାବାସରେ ଥିବା ନିୟନ୍ତ୍ରଣ କକ୍ଷକୁ ନିଜର ଜିଓଲୋକେସନ ହ୍ବାଟ୍ସଆପରେ ଶେୟାର କରନ୍ତୁ/ପ୍ରତି ୮ ଘଣ୍ଟାରେ ଥରେ ସୂଚନା ଅପଡେଟ୍‌ କରନ୍ତୁ/ପ୍ରତି ୮ ଘଣ୍ଟାରେ ଥରେ ନିଜ ଦଳ/ସହଯୋଗୀ/ଦଳର ସଂଯୋଜକଙ୍କ ସଂଖ୍ୟା ଗଣନ୍ତୁ ଏବଂ ସେମାନଙ୍କର ଅବସ୍ଥିତି ସମ୍ପର୍କରେ କଣ୍ଟ୍ରୋଲ ରୁମ୍‌/ହେଲ୍ପଲାଇନ ନମ୍ବରକୁ ରିପୋର୍ଟ କରନ୍ତୁ।

– ଫୋନ ବ୍ୟାଟେରୀକୁ ସଂରକ୍ଷିତ କରି ରଖିବା ପାଇଁ କେବଳ ସଂଯୋଜକ/ଉପସଂଯୋଜକ ହିଁ ସ୍ଥାନୀୟ କର୍ତ୍ତପକ୍ଷ/ଦୂତାବାସ/ଭାରତରେ ଥିବା ନିୟନ୍ତ୍ରଣ କକ୍ଷ ସହିତ ଯୋଗାଯୋଗ କରିବେ।

ସୁରକ୍ଷିତ ରହିବାର ମାର୍ଗଦର୍ଶିକା:

– ସବୁ ସମୟରେ ଅତ୍ୟାବଶ୍ୟକ ସାମଗ୍ରୀର ଏକ କିଟ୍‌ ପ୍ରସ୍ତୁତ ରଖନ୍ତୁ କିମ୍ବା ୨୪ ଘଣ୍ଟା ହାତ ପାଖରେ ରଖନ୍ତୁ

– ଅତ୍ୟାବଶ୍ୟକ ସାମଗ୍ରୀ କିଟ୍‌ରେ ଆପଣଙ୍କର ପାସପୋର୍ଟ, ପରିଚୟ ପତ୍ର, ଅତ୍ୟାବଶ୍ୟକ ଔଷଧ, ଜୀବନରକ୍ଷାକାରୀ ଔଷଧ, ଟର୍ଚ୍ଚ, ଦିଆସିଲି, ଲାଇଟର, କ୍ୟାଣ୍ଡେଲ, ନଗଦ ଟଙ୍କା, ଏନର୍ଜି ବାର୍ସ, ପାୱାର ବ୍ୟାଙ୍କ, ପାଣି, ଫାଷ୍ଟଏଡ୍ କିଟ୍‌, ହେଡ୍‌ଗିୟର, ମଫଲର, ଗ୍ଲୋଭ୍ସ, ଶୀତ ଜ୍ୟାକେଟ, ଶୀତରୁ ରକ୍ଷା ପାଇବାର ସକ୍ସ ଏବଂ ଗୋଡ଼କୁ ଭଲ ଭାବେ ଫିଟ୍‌ ହେଉଥିବା ହଳେ ଜୋତା ରଖନ୍ତୁ ।

– ଖାଦ୍ୟ ଓ ପାଣି ସଞ୍ଚୟ କରନ୍ତୁ ଓ ଅନ୍ୟମାନଙ୍କୁ ବାଣ୍ଟନ୍ତୁ, ଯଥାସମ୍ଭବ ପେଟପୂରା ନଖାଇ ଅଳ୍ପ ଅଳ୍ପ ଖାଆନ୍ତୁ । ଯଥେଷ୍ଟ ପାଣି ପିଅନ୍ତୁ । ଯଦି ଖୋଲା ସ୍ଥାନ/ପଡ଼ିଆରେ ରହିଛନ୍ତି, ବରଫ ତରଳାଇ ପାଣି ପ୍ରସ୍ତୁତ କରନ୍ତୁ ।

– ବର୍ଷା/ଶୀତ/ଝଡ଼/ବାଧ୍ୟତାମୂଳକ ଭାବେ ତଡ଼ି ଦିଆଯିବା/ଉଦ୍ଧାର ପରିସ୍ଥିତିର ସମ୍ମୁଖିନ ହେଲେ ଗ୍ରାଉଣ୍ଡ ମ୍ୟାଟିଂ/ସୁରକ୍ଷା ପାଇଁ ପ୍ରତ୍ୟେକ ବ୍ୟକ୍ତିଙ୍କ ପିଛା ଗୋଟିଏ ବଡ଼ ଗାର୍ବେଜ୍‌ ବ୍ୟାଗ ରଖନ୍ତୁ।

– ଆଘାତପ୍ରାପ୍ତ କିମ୍ବା ଅସୁସ୍ଥ ହେଲେ – ନିୟନ୍ତ୍ରଣ କକ୍ଷ/ହେଲ୍ପ ଲାଇନ/ହ୍ବାଟ୍ସଆପରେ ପରିସ୍ଥିତି ସମ୍ପର୍କରେ ସୂଚନା ଦିଅନ୍ତୁ ଏବଂ ପରାମର୍ଶ ଲୋଡ଼ନ୍ତୁ।

– ମୋବାଇଲରୁ ସମସ୍ତ ଅନାବଶ୍ୟକ ଆପ୍ସ ଡିଲିଟ୍‌ କରି ଦିଅନ୍ତୁ, ବ୍ୟାଟେରୀ ସଞ୍ଚୟ କରିବା ଲାଗି କମ୍‌ କଥା ହୁଅନ୍ତୁ/କିମ୍ବା ଅଡିଓ ମୋଡ୍‌ରେ କଥା ହୁଅନ୍ତୁ।

– ଘର ଭିତରେ ରୁହନ୍ତୁ, ବିଶେଷ କରି ମାନ୍ୟତାପ୍ରାପ୍ତ ନିରାପଦ ସ୍ଥାନ, ବେସମେଣ୍ଟ, ବଙ୍କରରେ ଆଶ୍ରୟ ନିଅନ୍ତୁ।

– ଯଦି ଆପଣ ରାସ୍ତାରେ ଅଛନ୍ତି, ତା’ହେଲେ ରାସ୍ତା କଡ଼କୁ ଚାଲିଯାଆନ୍ତୁ, କୋଠା ଆଢ଼ୁଆଳରେ ରହି ଯାଆନ୍ତୁ, ଆକ୍ରମଣର ଶିକାର ନହେବା ପାଇଁ ତଳକୁ ମୁଣ୍ଡ କରି ଚାଲନ୍ତୁ, ରାସ୍ତା ପାରି ହୁଅନ୍ତୁ ନାହିଁ, ସହରର କେନ୍ଦ୍ରସ୍ଥଳୀ, ସହରତଳି ଅଞ୍ଚଳକୁ ଯାଆନ୍ତୁ ନାହିଁ।  ସହରାଞ୍ଚଳରେ ଅଧିକ ସତର୍କତାର ସହିତ ରାସ୍ତା କଡ଼କୁ ଚାଲିଯାଆନ୍ତୁ।

– ପ୍ରତ୍ୟେକ ମାନ୍ୟତାପ୍ରାପ୍ତ ଦଳରେ ଏକ ଧଳା ପତାକା/ଧଳା କପଡ଼ା ରଖନ୍ତୁ ଯାହା ସଙ୍କେତ ଦେବାରେ କାମରେ ଆସିପାରିବ।

– ରୁଷ ଭାଷାରେ ଦୁଇ ତିନୋଟି ବାକ୍ୟ ଶିଖନ୍ତୁ (ଉଦାହରଣ ସ୍ବରୂପ : ଆମେ ଛାତ୍ରଛାତ୍ରୀ, ଆମେ ପ୍ରତିପକ୍ଷ ସୈନିକ ନୋହୁଁ, ଦୟାକରି ଆମର କ୍ଷତି କରନ୍ତୁ ନାହିଁ, ଆମେ ଭାରତୀୟ) ଏଠାରେ ରୁଷ ଭାଷାରେ କେତୋଟି ବାକ୍ୟ ଦିଆଗଲା:
Я студентизИндии (ମୁଁ ଜଣେ ଭାରତୀୟ ଛାତ୍ର)
Я некомбатант (ମୁଁ ଜଣେ ସାଧାରଣ ଲୋକ)
Пожалуйстапомогите (ଦୟାକରି ମୋତେ ସାହାଯ୍ୟ କରନ୍ତୁ)

– ଅଣନିଃଶ୍ବାସୀ ଲାଗିଲେ, ନିୟମିତ ଗଭୀର ଶ୍ବାସ ନିଅନ୍ତୁ, ରକ୍ତ ସଞ୍ଚାଳନ ଠିକ୍‌ ରଖିବା ଲାଗି ଅଙ୍ଗପ୍ରତ୍ୟଙ୍ଗ ସଞ୍ଚାଳନ କରନ୍ତୁ।

– ଜରୁରିକାଳୀନ କିଟ୍‌ ବ୍ୟତୀତ ସର୍ବନିମ୍ନ ବ୍ୟକ୍ତିଗତ ଉପକରଣ ପ୍ୟାକ କରନ୍ତୁ, ବିଶେଷ କରି ଲମ୍ବା ଉଠାଣି ଯାତ୍ରା/ଚାଲିବା ପାଇଁ ଅନୁକୂଳ ଛୋଟ ବ୍ୟାକପ୍ୟାକ୍‌।

– ଅତି କମ ସମୟ ମଧ୍ୟରେ ସୂଚନା ମିଳିବା କ୍ଷଣି ଆଗକୁ ବଢ଼ିବା ଲାଗି ପ୍ରସ୍ତୁତ ରୁହନ୍ତୁ/ଧୀର ହୋଇଯିବା, ଥକିଯିବା ଏବଂ ଭିଡ଼ ଏଡ଼ାଇବା ପାଇଁ ବଡ଼ ବ୍ୟାଗ ସାଥୀରେ ଆଣନ୍ତୁ ନାହିଁ।

– ସାମରିକ ଚେକପୋଷ୍ଟ କିମ୍ବା ପୁଲିସ/ସଶସ୍ତ୍ର ବାହିନୀ/ବିଦ୍ରୋହୀଙ୍କ ଦ୍ବାରା ଅଟକ ରହିଲେ- ସହଯୋଗ କରନ୍ତୁ/ନିୟମ ମାନନ୍ତୁ/ସେମାନଙ୍କ ସମ୍ମୁଖରେ ପାପୁଲି ଖୋଲା ରଖି ହାତ ଉପରକୁ କରନ୍ତୁ/ନମ୍ର ବ୍ୟବହାର କରନ୍ତୁ/ଆବଶ୍ୟକ ସୂଚନା ଦିଅନ୍ତୁ/ ଯୁକ୍ତିତର୍କ ନକରି ସମ୍ଭବ ହେଲେ ନିୟନ୍ତ୍ରଣ କକ୍ଷ/ହେଲ୍ପଲାଇନ ସହ ଯୋଗାଯୋଗ କରନ୍ତୁ।

– ନିୟନ୍ତ୍ରଣ କକ୍ଷ/ହେଲ୍ପଲାଇନର ମାର୍ଗଦର୍ଶିକା ଅନୁଯାୟୀ କର୍ତ୍ତୃପକ୍ଷଙ୍କ ସହଯୋଗରେ ଉଦ୍ଧାର ପାଇଁ ଯାତ୍ରା ଆରମ୍ଭ କରାଯିବା ଉଚିତ୍‌।

କ’ଣ କରିବେ ନାହିଁ:

– ସବୁବେଳେ ବଙ୍କର/ବେସମେଣ୍ଟ/ଆଶ୍ରୟସ୍ଥଳୀରୁ ବାହାରକୁ ବାହାରନ୍ତୁ ନାହିଁ

– ସହରତଳି/ଜନଗହଳି ସ୍ଥାନକୁ ଯାଆନ୍ତୁ ନାହିଁ

– ସ୍ଥାନୀୟ ଆନ୍ଦୋଳନକାରୀ କିମ୍ବା ବିଦ୍ରୋହୀଙ୍କ ସହ ଯୋଗ ଦିଅନ୍ତୁ ନାହିଁ

– ସୋସିଆଲ ମିଡିଆରେ କୌଣସି କମେଣ୍ଟ କରନ୍ତୁ ନାହିଁ

– ଅସ୍ତ୍ରଶସ୍ତ୍ର କିମ୍ବା ବିସ୍ଫୋରଣ ହୋଇନଥିବା ଗୁଳିଗୋଳା ଉଠାନ୍ତୁ ନାହିଁ

– ସାମରିକ ବାହନ/ବାହିନୀ/ସୈନିକ/ଚେକ୍‌ ପୋଷ୍ଟ/ବିଦ୍ରୋହୀଙ୍କ ସହିତ ଫଟୋ/ସେଲଫି ଉଠାନ୍ତୁ ନାହିଁ

– ଯୁଦ୍ଧ ପରିସ୍ଥିତିର ଭିଡିଓ ରେକର୍ଡିଂ ଏବଂ ଲାଇଭ୍‌ କରନ୍ତୁ ନାହିଁ

– ସତର୍କ ସାଇରନ ବାଜିବା କ୍ଷଣି, ଯେଉଁଠି ସମ୍ଭବ ତୁରନ୍ତ ଆଶ୍ରୟ ନିଅନ୍ତୁ । ଯଦି ଆପଣ ଖୋଲା ସ୍ଥାନରେ ଅଛନ୍ତି, ପେଟ ମାଡ଼ି ତଳେ ଶୋଇ ପଡ଼ନ୍ତୁ ଏବଂ ପିଠିରେ ପକାଇଥିବା ବ୍ୟାଗରେ ମୁଣ୍ଡକୁ ଘୋଡ଼ାଇ ଦିଅନ୍ତୁ।

– ବନ୍ଦ ସ୍ଥାନରେ ନିଆଁ ଜଳାନ୍ତୁ ନାହିଁ

– ମଦ ପିଅନ୍ତୁ ନାହିଁ/ନିଶା ସେବନ ଠାରୁ ଦୂରେଇ ରୁହନ୍ତୁ

– ଶୀତପ୍ରକୋପ/ପାଦ ଘା’ ଠାରୁ ଦୂରେଇ ରହିବାକୁ ଓଦା ସକ୍ସ ପିନ୍ଧନ୍ତୁ ନାହିଁ। ଯେଉଁଠି ସମ୍ଭବ, ଆପଣଙ୍କର ଜୋତା ଓହ୍ଲାଇ ଦିଅନ୍ତୁ ଏବଂ ସକ୍ସ ଓ ଅନ୍ୟାନ୍ୟ ପୋଷାକପତ୍ର ଶୁଖାଇ ଦିଅନ୍ତୁ ।

– ଦୁର୍ବଳ/ଭାଙ୍ଗି ଯାଥିବା କୋଠାରେ ଆଶ୍ରୟ ନିଅନ୍ତୁ ନାହିଁ ଏବଂ ଧ୍ବଂସାବଶେଷ ଠାରୁ ଦୂରେଇ ରୁହନ୍ତୁ

– ବିସ୍ଫୋରଣ ସମୟରେ ଭଙ୍ଗା କାଚ ଆଘାତ ପାଇବା ଠାରୁ ସୁରକ୍ଷିତ ରହିବା ଲାଗି କାଚ ଝରକା ଠାରୁ ଦୂରେଇ ରୁହନ୍ତୁ।

– ଚେକପୋଷ୍ଟରେ ସୁରକ୍ଷାକର୍ମୀ ନମାଗିବା ପର୍ଯ୍ୟନ୍ତ ହଠାତ୍‌ ଆଗକୁ ବଢ଼ି ନିଜର ଜିନିଷ/କାଗଜପତ୍ର ପାଇଁ ପକେଟ ଖୋଜନ୍ତୁ ନାହିଁ। ସଶସ୍ତ୍ର ବ୍ୟକ୍ତିବିଶେଷଙ୍କ ସମ୍ମୁଖିନ ହେବା ସମୟରେ ହଠାତ୍‌ କିମ୍ବା ଚଞ୍ଚଳ ଗତିରେ ଏପଟସେପଟ ହୁଅନ୍ତୁ ନାହିଁ।

Categories
ଆଜିର ଖବର ଜାତୀୟ ଖବର

ସ୍ୱତନ୍ତ୍ର ବେସାମରିକ ବିମାନ ଜରିଆରେ ୟୁକ୍ରେନରୁ ଫେରିଲେଣି ୬୨୦୦ରୁ ଅଧିକ ଭାରତୀୟ

ନୂଆଦିଲ୍ଲୀ: ୟୁକ୍ରେନରେ ଫସି ରହିଥିବା ଭାରତୀୟମାନଙ୍କୁ ଫେରାଇ ଆଣିବା ଲାଗି ‘ଅପରେସନ ଗଙ୍ଗା’ ଅଧୀନରେ ଭାରତ ଏକ ବ୍ୟାପକ ଉଦ୍ଧାର ଅଭିଯାନ ଜାରି ରଖିଛି। ଦ୍ରୁତ ଗତିରେ ଭାରତୀୟମାନଙ୍କୁ ଫେରାଇ ଆଣିବା ଲାଗି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସହ ନିବିଡ଼ ସହଯୋଗରେ ବୈଦେଶିକ ବ୍ୟାପାର ମନ୍ତ୍ରଣାଳୟ ସମସ୍ତ ପ୍ରକାର ପ୍ରୟାସ କରୁଛି। ଦ୍ରୁତ ଉଦ୍ଧାର ପ୍ରକ୍ରିୟାରେ ଇଣ୍ଡିଆନ ଏୟାର ଲାଇନ୍ସ ନିଜର ସବୁ ସମ୍ବଳକୁ ବିନିଯୋଗ କରୁଛି। ଚାରି ଜଣ କେନ୍ଦ୍ର ମନ୍ତ୍ରୀ – ହରଦୀପ ସିଂ ପୁରୀ, ଜ୍ୟୋତିରାଦିତ୍ୟ ଏମ ସିନ୍ଧିଆ, କୀରନ ରିଜିଜୁ ଏବଂ ଜେନେରାଲ ଭି.କେ. ସିଂ ଉଦ୍ଧାର କାର୍ଯ୍ୟ ତଦାରଖ ଓ ସହାୟତା କରିବା ଲାଗି ୟୁକ୍ରେନ ନିକଟବର୍ତ୍ତୀ ଦେଶକୁ ଯାଇଛନ୍ତି। ଭାରତୀୟ ବେସାମରିକ ବିମାନ ସହିତ ଭାରତୀୟ ବାୟୁସେନାର ବିମାନ ନିୟମିତ ଭାବେ ଅଟକ ରହିଥିବା ଭାରତୀୟ ଛାତ୍ରଛାତ୍ରୀଙ୍କୁ ଲଗାତାର ଉଦ୍ଧାର କାର୍ଯ୍ୟରେ ନିୟୋଜିତ ରହିଛନ୍ତି।

ଉଦ୍ଧାର ପ୍ରକ୍ରିୟା ଫେବୃଆରୀ ୨୨ ତାରିଖରୁ ଆରମ୍ଭ ହୋଇଥିଲା। ବର୍ତ୍ତମାନ ସୁଦ୍ଧା ୬୨୦୦ରୁ ଅଧିକ ଭାରତୀୟ ଫେରି ଆସିଛନ୍ତି। ଆଜି ୧୦ଟି ସ୍ୱତନ୍ତ୍ର ବେସାମରିକ ବିମାନ ଜରିଆରେ ୨୧୮୫ ଜଣ ଭାରତୀୟ ସ୍ୱଦେଶ ଫେରିଛନ୍ତି।

ଆଜି ବୁକାରେଷ୍ଟରୁ ୫ଟି, ବୁଦାପେଷ୍ଟରୁ ୨ଟି, କୋସିକେରୁ ଗୋଟିଏ ଏବଂ ରେସେସୋରୁ ୨ଟି ବେସାମରିକ ବିମାନ ଜରିଆରେ ଭାରତୀୟମାନେ ସ୍ୱଦେଶ ଫେରିଛନ୍ତି। ଏହାବ୍ୟତୀତ, ଭାରତୀୟ ବାୟୁସେନାର ୩ଟି ବିମାନ ଆଜି ଅଧିକ ଭାରତୀୟମାନଙ୍କୁ ନେଇ ସ୍ୱଦେଶ ଫେରୁଛି। ବେସାମରିକ ବିମାନଗୁଡ଼ିକର ସଂଖ୍ୟା ବୃଦ୍ଧି କରାଯାଇଛି। ୭୪୦୦ରୁ ଅଧିକ ଭାରତୀୟ ଆସନ୍ତା ଦୁଇ ଦିନ ମଧ୍ୟରେ ସ୍ୱତନ୍ତ୍ର ବିମାନ ଯୋଗେ ଭାରତକୁ ଫେରିବେ। ଆସନ୍ତାକାଲି ୩୫୦୦ ଭାରତୀୟ ଏବଂ ମାର୍ଚ୍ଚ ୫ ତାରିଖରେ ୩୯୦୦ ଭାରତୀୟ ସ୍ୱଦେଶ ଫେରିବେ ଆଶା କରାଯାଉଛି।

Categories
ଆଜିର ଖବର ଜାତୀୟ ଖବର

ସ୍ଵଦେଶ ଫେରିଲେ ୧୦୦୦ ଛାତ୍ରଛାତ୍ରୀ, ଆଗାମୀ ୪୮ ଘଣ୍ଟା ମଧ୍ୟରେ ୪ ହଜାର ଭାରତୀୟଙ୍କୁ ଆଣିବା ଯୋଜନା

ନୂଆଦିଲ୍ଲୀ: ଆଜି ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧର ଅଷ୍ଟମ ଦିନ। ଏହି ସମୟରେ, ଅପରେସନ୍ ଗଙ୍ଗା ଅଧୀନରେ ପ୍ରାୟ ଏକ ହଜାର ଛାତ୍ରଛାତ୍ରୀ ଏପର୍ଯ୍ୟନ୍ତ ପାଞ୍ଚଟି ବିମାନରେ ଭାରତ ଫେରିଛନ୍ତି। ଆସନ୍ତା ୪୮ ଘଣ୍ଟା ମଧ୍ୟରେ ୪ ହଜାରରୁ ଅଧିକ ଛାତ୍ରଛାତ୍ରୀଙ୍କୁ ସ୍ଵଦେଶ ଫେରାଇ ଆଣିବା ପାଇଁ ଯୋଜନା ଅଛି ବୋଲି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ କହିଛି। ୟୁକ୍ରେନରେ ଫସି ରହିଥିବା ଭାରତୀୟ ନାଗରିକମାନେ ସ୍ୱତନ୍ତ୍ର ବିମାନ ଯୋଗେ ପୋଲାଣ୍ଡରୁ ଦିଲ୍ଲୀରେ ପହଞ୍ଚିଥିଲେ, ଏହି ସମୟରେ ସେମାନଙ୍କୁ କେନ୍ଦ୍ର ମନ୍ତ୍ରୀ ମୁଖତାର୍ ଅବ୍ବାସ ନାକଭି ସ୍ୱାଗତ କରିଥିଲେ।

କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି ଯେ, ଅପରେସନ ଗଙ୍ଗା ଅନୁଯାୟୀ ୩ ହଜାର ୭୨୬ ଭାରତୀୟଙ୍କୁ ଆଣିବା ପାଇଁ ଯୋଜନା ହୋଇଛି। ଏଥି ସହିତ ଭାରତୀୟ ବାୟୁସେନା ମୁଖପାତ୍ର କହିଛନ୍ତି ଯେ, ଭାରତୀୟ ନାଗରିକଙ୍କୁ ଥଇଥାନ କରିବା ପାଇଁ ୟୁକ୍ରେନ ନିକଟବର୍ତ୍ତୀ ବିଭିନ୍ନ ସ୍ଥାନକୁ ଭାରତୀୟ ବାୟୁସେନା ଆହୁରି ତିନୋଟି ବିମାନ ଚଳାଚଳ କରୁଛି।

କେନ୍ଦ୍ର ମନ୍ତ୍ରୀ ମୁଖତାର୍ ଅବ୍ବାସ ନକଭି କହିଛନ୍ତି ଯେ, ଅପରେସନ୍ ଗଙ୍ଗା ଅଧୀନରେ ଭାରତର ସମସ୍ତ ନାଗରିକଙ୍କୁ ଫେରାଇ ଆଣିବା ହେଉଛି ଭାରତର ସାମର୍ଥ୍ୟ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପ। ଏତେ ସଂଖ୍ୟକ ସାଧାରଣ ନାଗରିକଙ୍କୁ ଯୁଦ୍ଧ ଦେଶରୁ ଫେରାଇ ଅଣାଯାଉଛି। ପ୍ରଧାନମନ୍ତ୍ରୀ ଏହି ଅଭିଯାନର ନିରନ୍ତର ନେତୃତ୍ୱ ନେଉଛନ୍ତି। ଭାରତୀୟ ନାଗରିକମାନେ ପୋଲାଣ୍ଡରୁ ଦିଲ୍ଲୀରେ ପହଞ୍ଚିବା ପରେ ବିମାନବନ୍ଦରରେ ଭାରତ ମାତା କି ଜୟର ସ୍ଲୋଗାନ ଦେଇଥିଲେ। ଏହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

ୟୁକ୍ରେନରେ ଫସି ରହିଥିବା ଭାରତୀୟଙ୍କ ପାଇଁ ହେଲ୍ପଲାଇନ ନମ୍ବର ଜାରି: ୨୪ ଘଣ୍ଟା ଯୋଗାଇବ ସାହାଯ୍ୟ

ନୂଆଦିଲ୍ଲୀ: ୟୁକ୍ରେନରେ ଚାଲିଥିବା ଭୟଙ୍କର ପରିସ୍ଥିତିକୁ ଦେଖି ଭାରତ ସେଠାରେ ଫସି ରହିଥିବା ନାଗରିକମାନଙ୍କୁ ଥଇଥାନ କରିବା ଅଭିଯାନକୁ ଜୋରଦାର କରିଛି। ଏହି ପର୍ଯ୍ୟାୟରେ, ବର୍ତ୍ତମାନ ଭାରତ ସରକାର ପୋଲାଣ୍ଡ, ରୋମାନିଆ, ହଙ୍ଗେରୀ ଏବଂ ସ୍ଲୋଭାକିଆ ରିପବ୍ଲିକର ସୀମାରୁ ଭାରତୀୟ ନାଗରିକମାନଙ୍କୁ ସ୍ଥାନାନ୍ତର କରିବାରେ ସହାୟତା କରିବାକୁ 24×7 ହେଲ୍ପଲାଇନ ଆରମ୍ଭ କରିଛନ୍ତି। କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ସୋସିଆଲ ମିଡିଆରେ ଟୁଇଟ୍ କରି ଏ ବିଷୟରେ ସୂଚନା ଦେଇଛନ୍ତି।

ଅପରେସନ୍ ଗଙ୍ଗା ଅଧୀନରେ ସରକାର ଏହି ହେଲ୍ପଲାଇନ ଆରମ୍ଭ କରିଛନ୍ତି। ୟୁକ୍ରେନରୁ ଲୋକଙ୍କୁ ସ୍ଥାନାନ୍ତର କରିବାର ମିଶନକୁ ଅପରେସନ୍ ଗଙ୍ଗା ନାମରେ ନାମିତ କରାଯାଇଛି। ତାଲିକାରେ ଏହା ଦେଖାଯାଇପାରେ ଯେ, ଅସୁବିଧାଜନକ ଅଞ୍ଚଳରେ ଫସି ରହିଥିବା ଲୋକମାନେ ସ୍ଲୋଭାକିଆ, ରୋମାନିଆ, ପୋଲାଣ୍ଡ ଏବଂ ହଙ୍ଗେରୀର ହେଲ୍ପଲାଇନ ନମ୍ବରକୁ କଲ କରିପାରିବେ ଯାହା ଦ୍ଵାରା ଯଥାଶୀଘ୍ର ସେଠାରୁ ସେମାନଙ୍କୁ ସ୍ଥାନାନ୍ତର କରାଯାଇପାରିବ।

Categories
ଆଜିର ଖବର ଜାତୀୟ ଖବର

ଗତ ୨୪ ଘଣ୍ଟା ମଧ୍ୟରେ ୧,୩୦୦ ରୁ ଅଧିକ ଭାରତୀୟଙ୍କୁ କରାଗଲା ସ୍ଥାନାନ୍ତର: ବୈଦେଶିକ ମନ୍ତ୍ରୀଙ୍କ ସୂଚନା

ନୂଆଦିଲ୍ଲୀ: ଋଷର ଆକ୍ରମଣ ପରେ ୟୁକ୍ରେନର ପରିସ୍ଥିତି ଅଧିକ ଭୟଭୀତ ହେବାରେ ଲାଗିଛି। ଏଭଳି ପରିସ୍ଥିତିରେ ୟୁକ୍ରେନରେ ଫସି ରହିଥିବା ପ୍ରତ୍ୟେକ ଭାରତୀୟ ନାଗରିକଙ୍କୁ ଯଥାଶୀଘ୍ର ସ୍ଥାନାନ୍ତର କରିବା ପାଇଁ ଭାରତ ପକ୍ଷରୁ ସମସ୍ତ ପ୍ରୟାସ କରାଯାଉଛି। ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଆଜି କହିଛନ୍ତି ଯେ, ଗତ ୨୪ ଘଣ୍ଟା ମଧ୍ୟରେ ୟୁକ୍ରେନରୁ ୧,୩୭୭ ଭାରତୀୟ ନାଗରିକଙ୍କୁ ସ୍ଥାନାନ୍ତର କରାଯାଇଛି। ସୋସିଆଲ ମିଡିଆରେ ସୂଚନା ଦେଇ ବୈଦେଶିକ ବ୍ୟାପାର ମନ୍ତ୍ରୀ ଲେଖିଛନ୍ତି ଯେ, ଗତ ୨୪ ଘଣ୍ଟା ମଧ୍ୟରେ ପୋଲାଣ୍ଡରୁ ୬ ଟି ବିମାନ ଭାରତ ଅଭିମୁଖେ ଯାତ୍ରା କରିଛି। ୧୩୭୭ ରୁ ଅଧିକ ଭାରତୀୟ ନାଗରିକଙ୍କୁ ୟୁକ୍ରେନରୁ ଅଣାଯାଇଛି।

ୟୁକ୍ରେନରେ ଭାରତୀୟ ନାଗରିକଙ୍କୁ ସ୍ଥାନାନ୍ତର କରିବା ପାଇଁ ଆରମ୍ଭ ହୋଇଥିବା ଅପରେସନ୍ ଗଙ୍ଗା ଅଧୀନରେ ଭାରତ ଆସନ୍ତା ତିନି ଦିନ ମଧ୍ୟରେ ୨୬ ରୁ ଅଧିକ ବିମାନ ଚଳାଚଳ କରୁଛି। ୟୁକ୍ରେନର ବିମାନ ମାର୍ଗ ବନ୍ଦ ହେତୁ ରୋମାନିଆ, ହଙ୍ଗେରୀ, ପୋଲାଣ୍ଡ ଏବଂ ସ୍ଲୋଭାକିଆ ରିପବ୍ଲିକର ବିମାନ ବନ୍ଦରଗୁଡିକ ଭାରତୀୟମାନଙ୍କୁ ଥଇଥାନ କରିବା ପାଇଁ ବ୍ୟବହୃତ ହେଉଛି। ଗତକାଲି ବୈଦେଶିକ ସଚିବ ହର୍ଷ ବର୍ଦ୍ଧନ ଶ୍ରୀଙ୍ଗଲା ଗଣମାଧ୍ୟମକୁ କହିଛନ୍ତି ଯେ, ୟୁକ୍ରେନର ରାଜଧାନୀ କିବରେ କୌଣସି ଭାରତୀୟ ନାହାଁନ୍ତି।

Categories
ବିଶେଷ ଖବର

ୟୁକ୍ରେନରେ ଫସି ରହିଥିବା ଭାରତୀୟଙ୍କ ପ୍ରତ୍ୟାବର୍ତ୍ତନ ପାଇଁ ଆରମ୍ଭ ହେଲା ଟ୍ୱିଟର ହ୍ୟାଣ୍ଡେଲ, ହେଲ୍ପଲାଇନ ନମ୍ବର ଜାରି

ନୂଆଦିଲ୍ଲୀ: ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଭାରତ ସେଠାରେ ନାଗରିକଙ୍କୁ ଉଦ୍ଧାର କାର୍ଯ୍ୟ ପ୍ରକ୍ରିୟାକୁ ଜୋରଦାର କରୁଛି। ସମ୍ପ୍ରତି ଭାରତୀୟମାନଙ୍କୁ ଫେରାଇ ଆଣିବାରେ ସାହାଯ୍ୟ କରିବାକୁ ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ଆରମ୍ଭ କରିଛି। ଏହି ଟ୍ୱିଟର ହ୍ୟାଣ୍ଡେଲର ନାମ OpGanga Helpline ରଖାଯାଇଛି। ୟୁକ୍ରେନରୁ ଭାରତୀୟ ନାଗରିକମାନଙ୍କୁ ସ୍ଥାନାନ୍ତର କରିବାରେ ସାହାଯ୍ୟ କରିବା ପାଇଁ ଅପରେସନ୍ ଗଙ୍ଗା ସ୍ୱତନ୍ତ୍ର ଭାବେ ଡିଜାଇନ୍ ହୋଇଛି।

ପୋଲାଣ୍ଡ, ରୋମାନିଆ, ହଙ୍ଗେରୀ ଏବଂ ସ୍ଲୋଭାକିଆରେ ଭାରତ ୨୪ ଘଣ୍ଟିଆ ନିୟନ୍ତ୍ରଣ କକ୍ଷ ସ୍ଥାପନ କରିସାରିଛି। ଯାହା ଦ୍ଵାରା ସଙ୍କଟଗ୍ରସ୍ତ ଭାରତୀୟମାନେ ଶୀଘ୍ର ଏହି ଦେଶଗୁଡ଼ିକ ସହିତ ୟୁକ୍ରେନ ସୀମା ଦେଇ ସ୍ଥାନାନ୍ତରିତ ହୋଇପାରିବେ। ୟୁକ୍ରେନର ବିପଦ ଅଞ୍ଚଳରେ ଏବେ ମଧ୍ୟ ହଜାର ହଜାର ଭାରତୀୟ ଫସି ରହିଛନ୍ତି। ସେଠାରେ ଫସି ରହିଥିବା ଭାରତୀୟମାନଙ୍କୁ ସାହାଯ୍ୟ କରିବା ପାଇଁ ଭାରତ ସରକାର ୨୪ ଘଣ୍ଟିଆ ହେଲ୍ପଲାଇନ ଆରମ୍ଭ କରିଛନ୍ତି।

ହେଲ୍ପଲାଇନ ନମ୍ବର ପ୍ରଦାନ-

ବୈଦେଶିକ ବ୍ୟାପାର ମନ୍ତ୍ରଣାଳୟର ସରକାରୀ ମୁଖପାତ୍ର ଅରିନ୍ଦମ ବାଗଚି ମଧ୍ୟ ସୋସିଆଲ ମିଡିଆରେ ଏକ ଟୁଇଟରେ ଏହି ସୂଚନା ଦେଇଛନ୍ତି। ଅରିନ୍ଦାମ ବାଗଚି ଟ୍ୱିଟ୍ କରିଛନ୍ତି ଯେ ୟୁକ୍ରେନ – ଓପଙ୍ଗା ହେଲ୍ପଲାଇନରୁ ଭାରତୀୟମାନଙ୍କୁ ସ୍ଥାନାନ୍ତର କରିବାରେ ସହାୟତା କରିବା ପାଇଁ ଏକ ଉତ୍ସର୍ଗୀକୃତ ଟ୍ୱିଟର ହ୍ୟାଣ୍ଡେଲ ବ୍ୟବସ୍ଥା କରାଯାଇଛି। ସମସ୍ତ ସମ୍ବନ୍ଧୀୟ ପ୍ରଶ୍ନ ପାଇଁ ଦୟାକରି @opganga ସହିତ ଯୋଗାଯୋଗ କରନ୍ତୁ।

ଭାରତୀୟମାନଙ୍କୁ ଘରକୁ ଆଣିବା ପାଇଁ ୟୁକ୍ରେନକୁ ଯାଉଥିବା ଏକ ଏୟାର ଇଣ୍ଡିଆ ବିମାନ ଦିଲ୍ଲୀ ଫେରୁଛି। ବାସ୍ତବରେ, ୟୁକ୍ରେନ କହିଛି ଯେ, ଏହାର ପୂର୍ବ ଅଞ୍ଚଳରେ ଋଷର ସାମରିକ କାର୍ଯ୍ୟାନୁଷ୍ଠାନ ମଧ୍ୟରେ ଏହାର ଆକାଶ ସୀମା ବନ୍ଦ ହୋଇଯାଇଛି। ଏହି ସମୟରେ ଋଷ ଏବଂ ୟୁକ୍ରେନ ମଧ୍ୟରେ ତିକ୍ତତା ହ୍ରାସ କରିବାକୁ ଭାରତ ନିବେଦନ କରିଛି ଏବଂ ପରିସ୍ଥିତି ଏକ ବଡ଼ ସଙ୍କଟରେ ପରିଣତ ହୋଇପାରେ ବୋଲି ଚେତାବନୀ ଦେଇଛି।

Categories
ଆଜିର ଖବର ଜାତୀୟ ଖବର

ଆସିବେ ୟୁକ୍ରେନରେ ଫସି ରହିଥିବା ଭାରତୀୟ, ଆସନ୍ତାକାଲି ଛାଡିବ ୨ ଟି ଏୟାର ଇଣ୍ଡିଆ ବିମାନ!

ନୂଆଦିଲ୍ଲୀ: ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହେତୁ ୟୁକ୍ରେନରେ ଫସି ରହିଥିବା ହଜାର ହଜାର ଭାରତୀୟଙ୍କ ପାଇଁ ଏକ ଆଶ୍ଵସ୍ତି ଖବର ରହିଛି। ସେମାନଙ୍କୁ ଉଦ୍ଧାର କରିବା ପାଇଁ ଭାରତ ସରକାର ୨ ଟି ଏୟାର ଇଣ୍ଡିଆ ବିମାନ ପଠାଇବାକୁ ନିଷ୍ପତ୍ତି ନେଇଛନ୍ତି। ଏହି ଦୁଇଟି ବିମାନ ଶନିବାର ଭୋର ୨ ଟାରୁ ଉଡ଼ାଣ ଆରମ୍ଭ କରିବ। ଏହି ବିମାନ ରୋମାନିଆର ରାଜଧାନୀ ବୁଖାରେଷ୍ଟ ଦେଇ ଲୋକଙ୍କୁ ଭାରତ ଆଣିବ।

ଏହାପୂର୍ବରୁ, ଭାରତୀୟ ଉଦ୍ଧାରକାରୀ ଦଳ ରୋମାନିଆ ସୀମାରେ ପହଞ୍ଚିଛନ୍ତି। ଯେଉଁଠାରୁ ୟୁକ୍ରେନର ରାଜଧାନୀ କିଭକୁ ମାତ୍ର ୧୨ ଘଣ୍ଟା ଯାତ୍ରା କରି ପହଞ୍ଚାଇ ପାରିବେ। ଉଦ୍ଧାରକାରୀ ଦଳ ଭାରତୀୟ ଲୋକଙ୍କୁ ବୁଖାରେଷ୍ଟକୁ ଆଣିବେ। ଏହା ପରେ ଏହି ଲୋକମାନେ ବିମାନରେ ଚଢିବେ। ବେସାମରିକ ବିମାନ ଉଡ଼ାଣ ପାଇଁ ଆକାଶ ସୀମା ବନ୍ଦ ଥିବାରୁ ଭାରତୀୟ ନାଗରିକମାନେ ନିରାପଦରେ ଘରକୁ ଫେରିବା ପାଇଁ ବୁଖାରେଷ୍ଟ ବିମାନରେ ଯାତ୍ରା କରିବେ।

ଗୁରୁବାର ଦିନ ବୈଦେଶିକ ବ୍ୟାପାର ମନ୍ତ୍ରୀ ଭି.ମୁରଲୀଧରନ୍ ୟୁକ୍ରେନରେ ଫସି ରହିଥିବା ଭାରତୀୟଙ୍କ ପରିବାରକୁ ଆଶ୍ୱାସନା ଦେଇଛନ୍ତି ଯେ, ସେଠାରେ ପ୍ରାୟ ୧୮ ହଜାର ଭାରତୀୟଙ୍କୁ ଫେରାଇ ଆଣିବା ପାଇଁ ଭାରତ ସରକାର ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରୁଛନ୍ତି। ୟୁକ୍ରେନରେ ବିମାନ ଉଡ଼ାଣ ବନ୍ଦ ଥିବାରୁ ବିକଳ୍ପ ବ୍ୟବସ୍ଥା କରାଯାଉଛି।

ଅନେକ ଭାରତୀୟ ନାଗରିକ କିଭରେ ଥିବା ଭାରତୀୟ ଦୂତାବାସରେ ଆଶ୍ରୟ ନେଇଥିଲେ। ଦୂତାବାସ ପରିସରରେ ଗୁଳି ବିନିମୟ ହେବାର ଖବର ମଧ୍ୟ ରହିଛି, କିନ୍ତୁ ଏଥିରେ କୌଣସି କ୍ଷୟକ୍ଷତି ହୋଇ ନାହିଁ। ଶାନ୍ତ ରହିବାକୁ ଭାରତୀୟ ଦୂତାବାସ ଲୋକଙ୍କୁ ନିବେଦନ କରୁଛି। ସେମାନଙ୍କୁ କୁହାଯାଉଛି ଯେ, ଶୀଘ୍ର ଏକ ବିକଳ୍ପ ମାର୍ଗ ଦେଇ ସେମାନଙ୍କୁ ବାହାର କରିବା ପାଇଁ ଏକ ଯୋଜନା ପ୍ରସ୍ତୁତ କରାଯାଉଛି।

Categories
ବିଶେଷ ଖବର

ଉତ୍ତେଜନା ମଧ୍ୟରେ ଭାରତୀୟଙ୍କୁ ୟୁକ୍ରେନ ଛାଡିବା ଏବଂ ଯାତ୍ରା ସ୍ଥଗିତ ରଖିବା ପାଇଁ ପରାମର୍ଶ ଦେଲା ଦୂତାବାସ

ନୂଆଦିଲ୍ଲୀ: ଋଷ ଏବଂ ୟୁକ୍ରେନ ମଧ୍ୟରେ ବଢୁଥିବା ତିକ୍ତତାକୁ ଦୃଷ୍ଟିରେ ରଖି ଭାରତୀୟ ଦୂତାବାସ ଭାରତୀୟ ନାଗରିକଙ୍କ ପାଇଁ ଏକ ପରାମର୍ଶ ଜାରି କରିଛି। ୟୁକ୍ରେନରେ ରହୁଥିବା ଭାରତୀୟମାନଙ୍କୁ, ବିଶେଷକରି ଛାତ୍ରମାନଙ୍କୁ ସାମୟିକ ଭାବେ ଦେଶ ଛାଡିବାକୁ ଦୂତାବାସ କହିଛି। ବର୍ତ୍ତମାନ ୟୁକ୍ରେନରେ ୨୦ ହଜାରରୁ ଅଧିକ ଭାରତୀୟ ଅଛନ୍ତି।

ଦୂତାବାସ ପକ୍ଷରୁ କୁହାଯାଇଛି ଯେ, ଯେଉଁ ଛାତ୍ରମାନେ ଏଠାରେ ରହିବା ଆବଶ୍ୟକ କରନ୍ତି ନାହିଁ, ସେମାନେ ୟୁକ୍ରେନ ଛାଡିବା ଉଚିତ୍। ୟୁକ୍ରେନକୁ ଅଣ-ଅତ୍ୟାବଶ୍ୟକ ଭ୍ରମଣରୁ ଦୂରେଇ ରହିବାକୁ ଭାରତୀୟମାନଙ୍କୁ ପରାମର୍ଶ ଦିଆଯାଇଛି। ଦୂତାବାସ ମଧ୍ୟ ଭାରତୀୟ ନାଗରିକମାନଙ୍କୁ ୟୁକ୍ରେନରେ ସେମାନଙ୍କର ଉପସ୍ଥିତି ବିଷୟରେ ସୂଚନା ପ୍ରଦାନ କରିବାକୁ କହିଛି। ଯାହା ଦ୍ଵାରା ଆବଶ୍ୟକ ହେଲେ ଦୂତାବାସ ସେମାନଙ୍କ ସହ ଯୋଗାଯୋଗ କରିପାରିବ।

ଜାନୁଆରୀ ୨୬ ତାରିଖରେ କିଭରେ ଥିବା ଭାରତୀୟ ଦୂତାବାସ ୟୁକ୍ରେନରେ ରହୁଥିବା ଭାରତୀୟମାନଙ୍କୁ ଶୀଘ୍ର ପଞ୍ଜୀକରଣ କରିବାକୁ କହିଥିଲେ। ଏକ ପ୍ରକାଶନରେ ଦୂତାବାସ କହିଛି ଯେ, ‘ୟୁକ୍ରେନରେ ରହୁଥିବା ସମସ୍ତ ନାଗରିକଙ୍କୁ ଭାରତୀୟଙ୍କ ସଂଯୋଜନା ସମ୍ବନ୍ଧରେ ଫର୍ମ ପୂରଣ କରିବାକୁ ଅନୁରୋଧ କରାଯାଇଛି। ଯେଉଁ ଛାତ୍ରମାନେ ଭାରତରୁ ଅନଲାଇନ୍ ଶିକ୍ଷା ନେଉଛନ୍ତି, ସେମାନେ ଫର୍ମ ପୂରଣ କରିବା ଉଚିତ୍ ନୁହେଁ। ଗତ କିଛି ମାସ ମଧ୍ୟରେ ୟୁକ୍ରେନ ଉପରେ ତିକ୍ତତା ବୃଦ୍ଧି ପାଇଛି। ଋଷ ଏବଂ ନାଟୋ ପରସ୍ପରକୁ ଋଷ-ୟୁକ୍ରେନ ସୀମାରେ ସୈନ୍ୟ ବୃଦ୍ଧି କରୁଥିବା ଅଭିଯୋଗ କରୁଛନ୍ତି।

ଋଷକୁ ଏହି ଆକ୍ରମଣ ପ୍ରସ୍ତୁତ କରିଥିବା ନେଇ ଆମେରିକା ଏବଂ ୟୁକ୍ରେନ ଅଭିଯୋଗ କରିଛନ୍ତି। ଏହି ସମୟରେ ମସ୍କୋ ଏହି ଅଭିଯୋଗକୁ ମିଥ୍ୟା ବୋଲି କହିଛି ଏବଂ ଆକ୍ରମଣ କରିବାର ଉଦ୍ଦେଶ୍ୟ ନାହିଁ ବୋଲି କହିଛି। ହ୍ବାଇଟ ହାଉସର ମୁଖପାତ୍ର ଏହା ପୂର୍ବରୁ କହିଥିଲେ ଯେ, ଯଦି ୟୁକ୍ରେନ ଏବଂ ଋଷ ମଧ୍ୟରେ ଯେଉଁ ଦେଶ ତିକ୍ତତାକୁ ହ୍ରାସ କରିବାକୁ ପଦକ୍ଷେପ ନିଏ, ତେବେ ଭାରତ ସମେତ ଆମେରିକା ସେହି ଦେଶକୁ ସ୍ୱାଗତ କରିବ।

ୟୁକ୍ରେନ ସୀମା ନିକଟରେ ଋଷର ସୈନିକମାନେ କ୍ରମାଗତ ଭାବରେ ଠୁଳ ହୋଇଥିବାର ଖବର ମଧ୍ୟ ରହିଛି। ଏଥି ସହିତ, ଧୀରେ ଧୀରେ ଅନେକ ଅତ୍ୟାଧୁନିକ ଅସ୍ତ୍ରଶସ୍ତ୍ର ଏବଂ ଯନ୍ତ୍ରପାତି ଏଠାରେ ଜମା କରାଯାଉଛି। ହ୍ୱାଇଜର୍, ଟ୍ୟାଙ୍କ, ବୁଡ଼ାଜାହାଜ ଏବଂ କ୍ଷେପଣାସ୍ତ୍ର ଏବଂ ଅନ୍ୟାନ୍ୟ ମାରାତ୍ମକ ଅସ୍ତ୍ରଶସ୍ତ୍ରର ନିରନ୍ତର ନିୟୋଜନ ବୃଦ୍ଧି ପାଉଛି।

ଋଷ ପୂର୍ବରୁ କଳା ସାଗରରେ ଅନେକ ବୁଡ଼ାଜାହାଜ ନିୟୋଜିତ କରିସାରିଛି। ସମତଳ ଅଞ୍ଚଳରେ ମଧ୍ୟ ଆଧୁନିକ ଅସ୍ତ୍ରଶସ୍ତ୍ର ସହିତ ସୈନିକଙ୍କ ସଂଖ୍ୟା ବୃଦ୍ଧି କରାଯାଉଛି। ଆମେରିକାର ଅଧିକାରୀମାନେ ଦାବି କରିସାରିଛନ୍ତି ଯେ, ୟୁକ୍ରେନ ସୀମା ନିକଟରେ ୧ ଲକ୍ଷରୁ ଅଧିକ ଋଷ ସୈନିକଙ୍କ ସମାବେଶ ହେଉଛି।

ବେଜିଂ ଅଲିମ୍ପିକ୍ସ ଶେଷ ହେବା ପୂର୍ବରୁ ଋଷ ୟୁକ୍ରେନ ଉପରେ ଆକ୍ରମଣ କରିପାରିବ ବୋଲି ଆମେରିକା ମଧ୍ୟ ଦାବି କରିଛି। ଏଭଳି ପରିସ୍ଥିତିରେ ଆମେରିକା ନିଜ ନାଗରିକମାନଙ୍କୁ ଯଥାଶୀଘ୍ର ୟୁକ୍ରେନ ଛାଡିବାକୁ ନିର୍ଦ୍ଦେଶ ଦେଇଛି। ଅନେକ ଦେଶ ମଧ୍ୟ ସେଠାକୁ ଯିବାକୁ ମନା କରୁଛନ୍ତି ଏବଂ ସେଠାରେ ରହୁଥିବା ନାଗରିକମାନଙ୍କୁ ଫେରି ଆସିବା ପାଇଁ ନିବେଦନ କରୁଛନ୍ତି।

Categories
ଅନ୍ତରାଷ୍ଟ୍ରୀୟ ଅପରାଧ ଆଜିର ଖବର ଜାତୀୟ ଖବର

୨୦ ଜଣ ଭାରତୀୟଙ୍କୁ ମୁକ୍ତ କଲା ପାକିସ୍ତାନ, ଆହୁରି ବନ୍ଦୀ ଅବସ୍ଥାରେ ଅଛନ୍ତି ୫୬୮ ମତ୍ସ୍ୟଜୀବୀ

ନୂଆଦିଲ୍ଲୀ: ସାମୁଦ୍ରିକ ସୀମାରେ ୱାଘା ସୀମା ଦେଇ ପାକିସ୍ତାନକୁ ପ୍ରବେଶ କରିଥିବା ଅଭିଯୋଗରେ ଗିରଫ ହୋଇଥିବା ୨୦ ଜଣ ଭାରତୀୟ ମତ୍ସ୍ୟଜୀବୀଙ୍କୁ ପାକିସ୍ତାନ ହସ୍ତାନ୍ତର କରିବ। ପାକିସ୍ତାନର ଜଣେ ବରିଷ୍ଠ ଜେଲ ଅଧିକାରୀ ଏହି ସୂଚନା ଦେଇଛନ୍ତି। କରାଚିର ଲାଣ୍ଡି ଜେଲରେ ରଖାଯାଇଥିବା ମତ୍ସ୍ୟଜୀବୀମାନେ ରବିବାର ଦିନ ଭାରତର ଗଣତନ୍ତ୍ର ଦିବସ ପୂର୍ବରୁ ମାନବିକତା ଦୃଷ୍ଟିରୁ ମୁକ୍ତ ହୋଇଛନ୍ତି। ଏହି ମୁକ୍ତ ମତ୍ସ୍ୟଜୀବୀମାନେ ପାକିସ୍ତାନୀ ସୀମାକୁ ବେଆଇନ ଭାବେ ପ୍ରବେଶ କରିବା ଏବଂ ବିନା ଅନୁମତିରେ ମାଛ ଧରିବା ପାଇଁ ଗିରଫ ହୋଇଥିଲେ। ତାଙ୍କୁ ସାମାଜିକ କଲ୍ୟାଣ ପାଇଁ କାର୍ଯ୍ୟ କରୁଥିବା ‘ଇଧୀ ଫାଉଣ୍ଡେସନ’ ଦ୍ୱାରା ଲାହୋରକୁ ନିଆଯାଇଥିଲା।

ପାକିସ୍ତାନୀ ଜେଲରେ ଚାରି ବର୍ଷ ବିତାଇଥିବା ମତ୍ସ୍ୟଜୀବୀ ଭାବେଶ ଭିକା କହିଛନ୍ତି ଯେ, ସେ ଯାଉଥିବା ଡଙ୍ଗାଟି ଭାସିଯାଇ ପାକିସ୍ତାନୀ ଜଳ ଭିତରକୁ ପ୍ରବେଶ କରିଥିଲା। “ଆମ ପାଖରେ ଜାଣିବାର କୌଣସି ଉପାୟ ନଥିଲା ଯେ ଆମେ ପାକିସ୍ତାନୀ ସୀମା ଅତିକ୍ରମ କରିଛୁ।

ସାମୁଦ୍ରିକ ସୀମା ଉଲ୍ଲଂଘନ କରି ପାକିସ୍ତାନ ଏବଂ ଭାରତ ପରସ୍ପରର ମତ୍ସ୍ୟଜୀବୀଙ୍କୁ ଗିରଫ କରିବାରେ ଲାଗିଛନ୍ତି।

ତେବେ ଏହି ୨୦ ଜଣ ଭାରତୀୟ ମତ୍ସ୍ୟଜୀବୀ ମୁକୁଳିବା ପରେ ବର୍ତ୍ତମାନ ଏହି ଜେଲରେ ୫୬୮ ଜଣ ଭାରତୀୟ ମତ୍ସ୍ୟଜୀବୀ ଥିବା ପାକିସ୍ଥାନ ପକ୍ଷରୁ କୁହାଯାଇଛି।

ଭାରତ ଏବଂ ପାକିସ୍ଥାନ ଚଳିତ ବର୍ଷ ପ୍ରାରମ୍ଭରେ ବନ୍ଦୀମାନଙ୍କ ତାଲିକା ବିନିମୟ କରିଥିଲେ, ଯାହା ଅନୁଯାୟୀ ଅତି କମରେ ୬୨୮ ଜଣ ଭାରତୀୟ ବନ୍ଦୀ ପାକିସ୍ତାନରେ ଅଛନ୍ତି। ସେମାନଙ୍କ ମଧ୍ୟରୁ ୫୭୭ ଜଣ ମତ୍ସ୍ୟଜୀବୀ ଅଟନ୍ତି। ଭାରତ ପାକିସ୍ତାନ ସହ ୩୫୫ ଜଣ ପାକିସ୍ତାନୀ ବନ୍ଦୀଙ୍କ ତାଲିକା ବାଣ୍ଟିଛି, ସେଥିମଧ୍ୟରୁ ୭୩ ଜଣ ମତ୍ସ୍ୟଜୀବୀ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

କାବୁଲ ବିମାନବନ୍ଦର ନିକଟରୁ ୧୫୦ ଜଣଙ୍କୁ ଅପହରଣ କଲା ତାଲିବାନ!: ସେମାନଙ୍କ ମଧ୍ୟରୁ ଅଧିକାଂଶ ଭାରତୀୟ

ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନର ଉଗ୍ରରୂପ ଜାରି ରହିଛି। ତାଲିବାନ କାବୁଲ ବିମାନବନ୍ଦରରୁ ୧୫୦ ଜଣଙ୍କୁଅପହରଣ କରିନେଇଛି। ଅପହୃତଙ୍କ ମଧ୍ୟରୁ ଅଧିକାଂଶ ଭାରତୀୟ ବୋଲି ସୂଚନା ମିଳୁଛି। ସୂଚନାନୁସାରେ, ଆଫଗାନିସ୍ତାନ ନାଗରିକ ଏବଂ ଆଫଗାନିସ୍ତାନ ଶିଖଙ୍କ ବ୍ୟତୀତ ସେମାନଙ୍କ ମଧ୍ୟରୁ ଅଧିକାଂଶ ସାଧାରଣ ଭାରତୀୟ ନାଗରିକ ଅନ୍ତର୍ଭୁକ୍ତ। ଏହି ଲୋକମାନଙ୍କ ମଧ୍ୟରେ ଜଣେ ବ୍ୟକ୍ତି ତାଙ୍କ ପତ୍ନୀଙ୍କ ସହ ଥିଲେ ଏବଂ ତାଲିବାନଙ୍କ କବଳରୁ ରକ୍ଷା ପାଇବାରେ ସଫଳ ହୋଇଥିଲେ ବୋଲି କହିଛନ୍ତି।

ସମରୁକ୍ତ ବ୍ୟକ୍ତିଙ୍କ କହିବା ଅନୁଯାୟୀ, ଆଜି ରାତିରେ ଏହି ଲୋକମାନେ ଏକ ଗାଡିରେ ବିମାନବନ୍ଦରରେ ପହଞ୍ଚିଥିଲେ, କିନ୍ତୁ ସମନ୍ୱୟ ଅଭାବରୁ ଏହି ଲୋକମାନେ ବିମାନ ବନ୍ଦରରେ ପ୍ରବେଶ କରିପାରିନଥିଲେ। ଏହାପରେ ଅସ୍ତ୍ରଶସ୍ତ୍ର ବିନା କିଛି ତାଲିବାନ ଆସି ଲୋକଙ୍କୁ ମାଡ ମାରିଥିଲେ ଏବଂ ପରେ ସେମାନଙ୍କୁ କାବୁଲର ତାରଖିଲକୁ ନେଇ ଯାଇଥିଲେ।

ବ୍ୟକ୍ତି ଜଣକ କହିଛନ୍ତି ଯେ, ସେ ଏବଂ ତାଙ୍କ ପତ୍ନୀ କାରରୁ ଡେଇଁ ପଳାଇବାରେ ସଫଳ ହୋଇଥିଲୁ। କେବଳ କିଛି ଲୋକ କାରରୁ ଡେଇଁବାରେ ସକ୍ଷମ ହୋଇଥିଲେ, କିନ୍ତୁ ଅନ୍ୟ ଲୋକଙ୍କ ସହିତ କ’ଣ ହେବ ସେ କହିପାରିବେ ନହିଁ। ସେମାନଙ୍କୁ ଅନ୍ୟ ଏକ ଫାଟକରେ ବିମାନ ବନ୍ଦରକୁ ନିଆଯାଉଛି ବୋଲି ତାଲିବାନମାନେ କହିଥିଲେ। କିନ୍ତୁ ସେମାନେ ବିମାନବନ୍ଦରକୁ ନେଇଛନ୍ତି କିମ୍ବା ଅନ୍ୟତ୍ର ନେଇଛନ୍ତି ତାହା ସ୍ପଷ୍ଟ ହୋଇନାହିଁ। ଯଦିଓ ଏହି ଘଟଣାରେ ତାଲିବାନର କୌଣସି ମନ୍ତବ୍ୟ ନାହିଁ। ଅନେକ ଥର ଯୋଗାଯୋଗ କରିବା ପରେ ମଧ୍ୟ ତାଲିବାନ ଏହାର ଉତ୍ତର ଦେଇନଥିଲା। ଏହି ପ୍ରସଙ୍ଗରେ ତାଲିବାନ ମୁଖପାତ୍ରଙ୍କ ତରଫରୁ କୌଣସି ମନ୍ତବ୍ୟ ଦିଆଯାଇ ନାହିଁ।

Categories
ଜୀବନ ଶୈଳୀ ବିଶେଷ ଖବର ବ୍ୟକ୍ତିତ୍ୱ ସଂସ୍କୃତି

ପରକୀୟା ପ୍ରୀତିରେ ପୁରୁଷଙ୍କୁ ପଛରେ ପକାଇଲେ ମହିଳା

ନୂଆଦିଲ୍ଲୀ: ଭାରତୀୟମାନେ ସେକ୍ସ ତଥା ଶାରିରୀକ ସମ୍ପର୍କକୁ ନେଇ ଏବେବି ବେଶ୍‌ ରକ୍ଷଣଶୀଳ। ବିଶେଷକରି ମହିଳାମାନେ ବିବାହ ପରେ ନିଜ ସ୍ବାମୀଙ୍କ ଛଡା ଅନ୍ୟ କାହା ପ୍ରତି ଶାରିରୀକ ସମ୍ପର୍କ ରଖି ନଥା’ନ୍ତି। ଭାରତରେ ଏହାକୁ ଏକ ପ୍ରକାରର ଅପରାଧ ବୋଲି ବିବେଚନା କରାଯାଏ। ସାମାଜିକ ଦୃଷ୍ଟିକୋଣରୁ ମଧ୍ୟ ଏହାକୁ ଖରାପ ନଜରରେ ଦେଖାଯାଇଥାଏ। କିନ୍ତୁ ମିଳିଥିବା ଏକ ରିପୋର୍ଟ ଅନୁସାରେ ଭାରତୀୟ ମହିଳାମାନେ ଭାରତୀୟ ପୁରୁଷଙ୍କଠାରୁ ଅଧିକ ପରକୀୟା ପ୍ରୀତି କରିଥା’ନ୍ତି ବୋଲି ଜଣାପଡିଛି। ଏକ୍ସଟ୍ରା ମ୍ୟାରେଟିଆଲ୍‌ ଡେଟିଂ ଆପ୍‌ର ଆସିଥିବା ଏକ ରିପୋର୍ଟ ଅନୁସାରେ ଭାରତୀୟମାନେ ଏବେ ଏହି ପ୍ରସଙ୍ଗକୁ ନେଇ ବେଶ୍‌ ବୋଲ୍ଡ ହୋଇଯାଇଛନ୍ତି।

ଏକ୍ସଟ୍ରା ମ୍ୟାରିଟିଆଲ୍‌ ଡେଟିଂ ଆପ୍‌ ଗ୍ଲୀଡେନ୍‌ର ସର୍ଭେ ଅନୁସାରେ ୫୩ ପ୍ରତିଶତ ଭାରତୀୟ ମହିଳା ପରକୀୟା ପ୍ରୀତିକୁ ସ୍ବୀକାର କରିଛନ୍ତି। ସେମାନେ ନିଜ ସ୍ବାମୀଙ୍କ ଛଡା ଅନ୍ୟ ପୁରୁଷ ସହ ଅନ୍ତରଙ୍ଗ ସମ୍ପର୍କରେ ରହିଥିବାର ଜଣାଇଛନ୍ତି । ସେହିପରି ବିବାହ ପରେ ଅନ୍ୟ ସ୍ତ୍ରୀ ସହିତ ସମ୍ପର୍କ ରଖୁଥିବା ପୁରୁଷଙ୍କ ସଂଖ୍ୟା ୪୩ ପ୍ରତିଶତ ବୋଲି ଜଣାପଡିଛି।

ଗ୍ଲୀଡେନ୍‌ର ମାର୍କେଟିଂ ଡାଇରେକ୍ଟରଙ୍କ ମତରେ ରୋମାନ୍ସ ଓ ଧୋକ୍କା ମାମଲାରେ ଭାରତୀୟ ମହିଳା ବେଶ୍‌ ଖୋଲା ଚିନ୍ତାଧାରା ରଖୁଛନ୍ତି । ମହିଳାମାନେ ନିଜ ପାର୍ଟନର୍‌ ସହ ସମ୍ପର୍କକୁ ପ୍ରଭାବିତ ନ କରିବା ପାଇଁ ସେହିପରି ପରିବେଶ ସୃଷ୍ଟି କରିଥା’ନ୍ତି ।  ମହିଳାମାନେ ନିଜ ପାର୍ଟନରଙ୍କୁ ହଇରାଣ ନ କରି ଅନ୍ୟ ଏକ ପ୍ରେମ ସମ୍ପର୍କକୁ ଆରାମରେ ଆରମ୍ଭ କରିପାରନ୍ତି ବୋଲି କହିଛନ୍ତି ଗ୍ଲୀଡେନ୍‌ର ମାର୍କେଟିଂ ଡାଇରେକ୍ଟର। ଏହି ସର୍ଭେରେ ଦିଲ୍ଳୀ, କୋଲକାତା, ମୁମ୍ବାଇ, ଚେନ୍ନାଇ, ବାଙ୍ଗାଲୋର, ହାଇଦ୍ରାବାଦ, ପୁଣେ, ଅହମଦାବାଦ ପରି ବଡ ବଡ ସହରର ୧୫୦୦ ଲୋକଙ୍କୁ ନେଇ ଅନଲାଇନ୍‌ ଜରିଆରେ ସର୍ଭେ କରାଯାଇଥିଲା।

ସେହିପରି ପ୍ରତ୍ୟହ ନିଜ ସ୍ବାମୀଙ୍କ ବ୍ୟତୀତ ଅନ୍ୟ ପୁରୁଷଙ୍କ ସହିତ ଶାରିରୀକ ସମ୍ପର୍କ ରଖୁଥିବା ମହିଳାଙ୍କ ସଂଖ୍ୟା ୪୦ ପ୍ରତିଶତ ବୋଲି ପଡିଥିବାବେଳେ ପୁରୁଷଙ୍କ କ୍ଷେତ୍ରରେ ଏହା ୨୬ ପ୍ରତିଶତ ବୋଲି ଜଣାପଡିଛି।  ସେହିପରି ୪୭ ପ୍ରତିଶତ ବ୍ୟକ୍ତି ନିଜ ପାର୍ଟନର୍‌ଙ୍କ ଛଡା ଅନ୍ୟ ପ୍ରତି କାଜୁଆଲ ରିଲେସନ୍‌ସିପ୍‌ରେ ରହିଥିବାର ସ୍ବୀକାର କରିଥିବାବେଳେ ୪୬ ପ୍ରତିଶତ ଓ୍ବାନ୍‌ ନଇଟ୍‌ ଷ୍ଟାଣ୍ଟକୁ ସ୍ବୀକାର କରିଛନ୍ତି।

ସେହିପରି ୪୮ ପ୍ରତିଶତ ଭାରତୀୟଙ୍କ ମତରେ ଏକ ସମୟରେ ଦୁଇଜଣଙ୍କୁ ପ୍ରେମ କରିବା ସମ୍ଭବ ବୋଲି କହିଛନ୍ତି। ୪୬ ପ୍ରତିଶତ ଭାରତୀୟମାନେ ନିଜ ପାର୍ଟନର୍‌ଙ୍କୁ ଧୋକ୍କା ଦେବା ପରେ ବି ତାଙ୍କ ପ୍ରତି ପ୍ରେମ କମି ନଥିବାର କହିଛନ୍ତି । ସେହିପରି ୩୭ ପ୍ରତିଶତ ଲୋକେ ଧୋକ୍କା ମିଳିବାର ଜାଣିବା ପରେ ତାଙ୍କ ପାର୍ଟନର୍‌ଙ୍କୁ କ୍ଷମା କରିଦେଉଥିବାବେଳେ ୪୦ ପ୍ରତିଶତ ପରିସ୍ଥିତିକୁ ଦେଖି କ୍ଷମା କରାଯିବା ଉପରେ ମତ ରଖିଥିଲେ।

Categories
ବିଶେଷ ଖବର

ଭାରତକୁ ଶାସନ କରୁଥିବା ଇଷ୍ଟଇଣ୍ଡିଆ କମ୍ପାନୀର ମାଲିକ ଏବେ ଜଣେ ଭାରତୀୟ

ନୂଆଦିଲ୍ଲୀ: ଦୀର୍ଘ ୨୦୦ ବର୍ଷ ଧରି ଭାରତକୁ ଶାସନ କରିଥିବା ଇଷ୍ଟଇଣ୍ଡିଆ କମ୍ପାନୀ ଏବେ ଭାରତୀୟଙ୍କ ହାତରେ। ଜଣେ ଭାରତୀୟ ଏବ ଏହି କମ୍ପାନୀର ଶାସନ ଦାୟିତ୍ୱରେ ଅଛନ୍ତି। ଯେଉଁ କମ୍ପାନୀ ଦିନେ ଭାରତକୁ ଶାସନ କରି ଭାରତୀୟଙ୍କ ଉପରେ ଅତ୍ୟାଚାର କରୁଥିଲା। ସେହି କମ୍ପାନୀର ମାଲିକ ଏବେ ଜଣେ ଭାରତୀୟ। ଉଦ୍ୟୋଗପତି ସଞ୍ଜୀବ ମେହଟ୍ଟା ଆଜି ତାହାର ମାଲିକ ଅଛନ୍ତି।

ସୂଚନା ଯୋଗ୍ୟ ଯେ, ବର୍ତ୍ତମାନ ଏହି କମ୍ପାନୀ ସାମ୍ରାଜ୍ୟବାଦୀ ନୀତିରେ ଚାଲୁ ନାହିଁ। ଏହା ଏକ ବ୍ୟାବସାୟିକ କମ୍ପାନୀ ଭାବେ କାମ କରୁଛି। ଏହାର ମୁଖ୍ୟ ବ୍ୟବସାୟ ହେଉଛି ଚା’ ଏବଂ ମସଲା।

ଉଲ୍ଲେଖ ଯୋଗ୍ୟ ଯେ, ଇଷ୍ଟଇଣ୍ଡିଆ କମ୍ପାନୀ ୧୮୭୪ ମସିହା ପର୍ଯ୍ୟନ୍ତ ଭାରତରେ ଶାସନ କ୍ଷମତା ଉପଭୋଗ କରିଥିଲା। ଏହାପରେ ଏହି କ୍ଷମତା ବ୍ରିଟିଶ ରାଜ ପରିବାର ହାତକୁ ଚାଲିଯାଇଥିଲା ଏହା ପରେ୧୮୭୪ ଜୁନ୍‌ ୧ରେ କମ୍ପାନୀ ଔପଚାରିକ ଭାବେ ବନ୍ଦ ହୋଇଗଲା। କମ୍ପାନୀ ଦୀର୍ଘ ବର୍ଷ ଧରି ବନ୍ଦ ରହିବା ପରେ ପୁଣି ଥରେ ୨୦୦୩ରେ ଆରମ୍ଭ କରିବାର ପ୍ରସ୍ତାବ ଉଠିଲା। ଚା ଏବଂ କଫି କାରବାର ପାଇଁ ଏହାର ଶେୟାର ହୋଲଡର ପୁନର୍ବାର କାର୍ଯ୍ୟକ୍ଷମ କରିବାକୁ ଚେଷ୍ଟା ଆରମ୍ଭ କଲେ।

ତେବେ ଭାରତୀୟ ମୂଳ ଉଦ୍ୟୋଗୀ ସଞ୍ଜୀବ ମେହଟ୍ଟା ବହୁ ଚେଷ୍ଟା କରି ୨୦୦୫ରେ କମ୍ପାନୀକୁ ନିଜ ନାମରେ କରିଥିଲେ। ଏହା ପରେ ସେ ଚା, କଫି ଏବଂ ଅନ୍ୟ ଖାଦ୍ୟ ପଦାର୍ଥ ବ୍ୟବସାୟ ଉପରେ ଧ୍ୟାନ ଦେଲେ। ଶେଷରେ ଏହାକୁ ସେ ସମ୍ପୂର୍ଣ୍ଣ କମ୍ପାନୀରେ ରୂପାନ୍ତରିତ କରିଦେଲେ।

ଏ ସମ୍ପର୍କରେ ସଞ୍ଜୀବ ମେହଟ୍ଟା କହିଛନ୍ତି ଯେ, “ଇଷ୍ଟ ଇଣ୍ଡିଆ କମ୍ପାନୀ ଆକ୍ରମଣାତ୍ମକ ହୋଇ ଏକ ସାମ୍ରାଜ୍ୟବାଦ ନୀତିକୁ ବିଶ୍ଵାସ କରି ଆସୁଥିଲା। କିନ୍ତୁ ବର୍ତ୍ତମାନର ଏହି କମ୍ପାନୀର ମୂଳଲକ୍ଷ୍ୟ ରହିଛି ସଦ୍‌ଭାବ।

ହେଲେ ଯେଉଁ କମ୍ପାନୀ ଭାରତକୁ ଗୋଲାମ କରି ରଖିଥିଲା, ତାହାର ମାଲିକ ହେବାର ଅଧିକାର ପାଇବା ଲାଗୁଛି ଯେମିତି ହଜାଇଥିବା ସାମ୍ରାଜ୍ୟ ଫେରି ଆସିଲା।” ତେବେ ବର୍ତ୍ତମାନ ଏହି କମ୍ପାନୀ ବ୍ୟବସାୟ କ୍ଷେତ୍ରରେ ବ୍ରିଟେନରେ ବହୁତ କ୍ଷାତି ଅର୍ଜ୍ଜନ କରିଛି।

ମେହଟ୍ଟା ମୁମ୍ବାଇରେ ଏକ ଗୁଜରାଟୀ ପରିବାରରେ ଜନ୍ମ ହୋଇଥିଲେ। ୧୯୨୦ ମସିହାରେ ସଞ୍ଜୟ ମେହଟ୍ଟାଙ୍କ ଜେଜେ ବାପା ଗଫୁରଚନ୍ଦ ମେହଟ୍ଟା ୟୁରୋପରେ ହୀରା କାରବାର କରୁଥିଲେ। ଏହି କାରବାରକୁ ଆହୁରି ବ୍ୟାପକ କରିଥିଲେ ସଞ୍ଜୟଙ୍କ ପିତା ମହେନ୍ଦ୍ର। ୧୯୩୮ରେ ଗଫୁରଚନ୍ଦ ଭାରତ ଫେରି ଆସିଥିଲେ। ସଞ୍ଜୀବଙ୍କ ଶିକ୍ଷା ପ୍ରଥମେ ମୁମ୍ବାଇରେ ହୋଇଥିଲା। ପରେ ସେ ପଢିବା ପାଇଁ ଲସ୍‌ ଏଞ୍ଜଲ୍ସ ଚାଲିଯାଇଥିଲେ।

୧୯୮୩ରେ ସେ ବାପାଙ୍କ ବ୍ୟବସାୟ ସମ୍ଭାଳିବା ପରେ ଏହାକୁ ହଂକଂ ଏବଂ ଆମେରିକା ପର୍ଯ୍ୟନ୍ତ ବିସ୍ତାର କରିପାରିଥିଲେ। ଏହାପରେ ସେ ୧୯୮୯ରେ ଭାରତ ଛାଡ଼ି ଲଣ୍ଡନରେ ସ୍ଥାୟୀ ଭାବେ ରହିଲେ। ମେହଟ୍ଟା ନିଜ ପତ୍ନୀ ଏବଂ ପୁଅ ଅର୍ଜ୍ଜୁନ, ଝିଅ ଅନୁଷ୍କା ସହ ଲଣ୍ଡନରେ ରୁହନ୍ତି। ସେ ଭାରତରେ ମଧ୍ୟ ବ୍ୟବସାୟ ଜାରି ରଖିଛନ୍ତି।