Tag: ଭାରତ

ନୂଆଦିଲ୍ଲୀ: ଭାରତ ଠାରୁ ଦିନିକିଆ ସିରିଜ ୨-୧ରେ ପରାଜିତ ହେଲା ପରେ ମଧ୍ୟ ଇଂଲଣ୍ଡ ଦଳ ୱାର୍ଲ୍ଡ ସୁପର ଲିଗ ତାଲିକାରେ ଶ୍ରେଷ୍ଠରେ ରହିଛି। ଯାହାକି ଭାରତୀୟ ଦଳ ଏହି ତାଲିକାରେ ଆଫଗାନିସ୍ଥାନ ଏବଂ ବାଂଲାଦେଶ ପଛରେ ରହିଛି। ଇଂଲଣ୍ଡ ଦଳ ୪୦ ଅଙ୍କ ପାଇ ୧ ନମ୍ବରରେ ରହିଥିବା ବେଳେ ଭାରତ ୨୯ ଅଙ୍କ ସହ ସପ୍ତମ ସ୍ଥାନରେ ରହିଛି। ୱାର୍ଲ୍ଡ ସୁପର ଲିଗରେ ଅଷ୍ଟ୍ରେଲିଆ ୪୦ ଅଙ୍କ ପାଇ ଇଂଲଣ୍ଡ ସହ ସମକ୍ଷକ ଅଛି। ହେଲେ ଭଲ ରନରେଟ ଯୋଗୁଁ ତାଲିକାରେ ଇଂଲଣ୍ଡ ପ୍ରଥମ ସ୍ଥାନରେ ଥିବା ବେଳେ ଅଷ୍ଟ୍ରେଲିଆ ଦ୍ଵିତୀୟ ସ୍ଥାନରେ ରହିଛି।

ସୂଚନା ଯୋଗ୍ୟ ଯେ, ଏହି ଲିଗର ଜିତିବା ଟିମକୁ ୧୦ ଅଙ୍କ ମିଳୁଥିବା ବେଳେ ମ୍ୟାଚ ଟାଇ କିମ୍ବା ରଦ୍ଦ ହେଲେ ୫ ଅଙ୍କ ଏବଂ ହାରିବା ଟିମକୁ କୌଣସି ଅଙ୍କ ମିଳିନଥାଏ। ତାଲିକାରେ ଭାରତ ଉପରକୁ ନ୍ୟୁଜିଲାଣ୍ଡ, ବାଂଲାଦେଶ, ଆଫଗାନିସ୍ଥାନ ଏବଂ ୱେଷ୍ଟଇଣ୍ଡିଜ ଦଳ ରହିଛନ୍ତି। ଏହି ୪ ଟି ଦଳ ସମାନ ସଂଖ୍ୟକ ଅଙ୍କ ୩୦ ଅଙ୍କ ଲେଖାଏଁ ହାସଲ କରିଛନ୍ତି। କିନ୍ତୁ ଭଲ ରନରେଟ କାରଣରୁ ନ୍ୟୁଜିଲାଣ୍ଡ ତୃତୀୟ ସ୍ଥାନରେ ଥିବା ବେଳେ ଆଫଗାନିସ୍ଥାନ ଚତୁର୍ଥ, ବାଂଲାଦେଶ ପଞ୍ଚମ ଏବଂ ୱେଷ୍ଟଇଣ୍ଡିଜ ଷଷ୍ଠ ସ୍ଥାନରେ ଅଛନ୍ତି।

ଭାରତୀୟ ଦଳ ଏହି ୱାର୍ଲ୍ଡ ସୁପର ଲିଗରେ ମୋଟ ୬ ଟି ମ୍ୟାଚ ଖେଳିଛି। ଯେଉଁଥିରେ ଦଳ ୩ଟି ରେ ଜିତିଥିବା ବେଳେ ୩ ଟି ରେ ପରାଜିତ ହୋଇଛି। ପେନାଲ୍ଟି ଓଭର ଯୋଗୁଁ ଭାରତକୁ ମୋଟ ଅଙ୍କରୁ ୧ ଅଙ୍କ କାଟି ଦିଆଯାଇଛି। ଯାହାଫଳରେ ଦଳକୁ ୨୯ ଅଙ୍କ ପ୍ରାପ୍ତ ହୋଇଛି।

ଉଲ୍ଲେଖ ଯୋଗ୍ୟ ଯେ, ଭାରତ ଗତ ରବିବାର ଦିନ ଇଂଲଣ୍ଡ ବିରୋଧରେ ୨-୧ରେ ଦିନିକିଆ ସିରିଜ ଜିତିଥିଲା। ସିରିଜର ଅନ୍ତିମ ମ୍ୟାଚକୁ ଭାରତ ୭ ରନରେ ଜିତିଥିଲା। ଦଳ ପ୍ରଥମେ ବ୍ୟାଟିଂ କରି ୩୨୯ ରନ କରିଥିବା ବେଳେ ଇଂଲଣ୍ଡ ନିର୍ଦ୍ଧାରିତ ୫୦ ଓଭରରେ ୩୨୨ ରନ କରିବାରେ ସକ୍ଷମ ହୋଇଥିଲା।

ଚେନ୍ନାଇ: ଇଂଲଣ୍ଡ-ଭାରତ ମଧ୍ୟରେ ଚାଲିଥିବା ଦ୍ଵିତୀୟ ଟେଷ୍ଟରେ ଭାରତର ବିରାଟ ବିଜୟ ହୋଇଛି। ଚତୁର୍ଥ ଦିନରେ ବିରାଟ ବାହିନୀ ଇଂଲଣ୍ଡକୁ ଧରାଶାୟୀ କରିଛି। ଫଳରେ ଚାରି ମ୍ୟାଚ ବିଶିଷ୍ଟ ସିରିଜକୁ ଭାରତ ୧-୧ରେ ବରାବର କରିବାରେ ସଫଳ ହୋଇଛି। ଇଂଲଣ୍ଡ ଗତକାଲି ୫୩/୩ ରନରୁ ଖେଳ ଆରମ୍ଭ କରି ଆଜି ବାକି ସମସ୍ତ ୱିକେଟ ହରାଇ ୧୬୪ ରନରେ ସୀମିତ ରହିଥିଲା। ଭାରତ ୩୧୭ ରନ ବ୍ଯବଧାନରେ ଜିତି ଦ୍ଵିତୀୟ ଟେଷ୍ଟକୁ ନିଜ ନାମରେ କରିଛି।

ଇଂଲଣ୍ଡ ବ୍ୟାଟିଂ:

୧- ଜୋସେଫ ବର୍ନ୍ସ-୨୫

୨- ଡମ ସିବ୍ଲି- ୩

୩- ଡାନ ଲୱରେନ୍ସ- ୨୬

୪- ଜ୍ୟାକ ଲିଚ- ୦୦

୫- ଜୋ ରୁଟ- ୩୩

୬- ବେନ ଷ୍ଟୋକ୍ସ- ୮

୭- ଓଲ୍ଲୀ ପୋପ- ୧୨

୮- ବେନ ଫୋକ୍ସ- ୨

୯- ମୋଇନ ଅଲି- ୪୩

୧୦- ଓଲ୍ଲୀ ଷ୍ଟୋନ- ୦୦

୧୧- ଷ୍ଟୁଆର୍ଟ ବ୍ରଡ଼- ୫( ଅପରାଜିତ)

ଭାରତ ବୋଲିଂ:

ଅକ୍ଶର ପଟେଲ ସର୍ବାଧିକ ୫ ଟି ୱିକେଟ ନେଇଥିବା ବେଳେ ରବିଚନ୍ଦ୍ରନ ଅଶ୍ଵିନୀ ୩ ଟି ଏବଂ କୁଳଦୀପ ଯାଦବ ୧ ଟି ୱିକେଟ ଅକ୍ତିଆର କରିଥିଲେ।

ଚେନ୍ନାଇ: ଇଂଲଣ୍ଡ-ଭାରତ ମଧ୍ୟରେ ଚାଲିଥିବା ଦ୍ଵିତୀୟ ଟେଷ୍ଟର ଦ୍ଵିତୀୟ ଦିବସର ଖେଳ ଜାରି ରହିଛି। ଭାରତ ଟସ ଜିତି ପ୍ରଥମେ ବ୍ୟାଟିଂ କରିଥିଲା। ବିରାଟ ବାହିନୀ ପ୍ରଥମ ଇନିଂସରେ ସମସ୍ତ ୱିକେଟ ହରାଇ ୩୨୯ ରନ ସଂଗ୍ରହ କରିଥିଲା। ଜବାବରେ ଇଂଲଣ୍ଡର ପ୍ରଥମ ଇନିଂସରେ ବ୍ୟାଟିଂ ବ୍ୟାଟିଂ ବିପର୍ଯ୍ୟୟ ଦେଖିବାକୁ ମିଳିଛି। ଜୋ ରୁଟଙ୍କ ଦଳ ମାତ୍ର ୧୩୪ ରନରେ ସମସ୍ତ ୱିକେଟ ହରାଇ ବିପଦରେ ପଡିଛି। ତେବେ ଭ୍ରମଣକାରୀ ଦଳ ୨୧୮ ରନରେ ଭାରତ ଠାରୁ ପଛରେ ଅଛି।

ଇଂଲଣ୍ଡ ବ୍ୟାଟିଂ:

୧- ଜୋସେଫ ବର୍ନ୍ସ- ୦୦

୨- ଡମ ଶିବ୍ଲି- ୧୬

୩- ଡାନ ଲରେନ୍ସ- ୦୯

୪- ଜୋ ରୁଟ- ୦୬

୫- ବେନ ଷ୍ଟ୍ରୋକ୍ସ- ୧୮

୬- ଓଲ୍ଲୀ ପୋପ- ୨୨

୭- ବେନ ଫୋକ୍ସ- ୪୨

୮- ମୋଇନ ଅଲ୍ଲି- ୦୬

୯- ଓଲ୍ଲୀ ଷ୍ଟୋନ- ୦୧

୧୦- ଜ୍ୟାକ ଲିଚ- ୦୫

୧୧- ଷ୍ଟୁଆର୍ଟ ବ୍ରଡ- ୦୦

ଭାରତ ବୋଲିଂ:

ରବିଚନ୍ଦ୍ରନ ଆସିନୀ ସର୍ବାଧିକ ୫ ଟି ୱିକେଟ ନେଇଥିବା ବେଳେ ଇଶାନ୍ତ ଶର୍ମା, ଅକ୍ଶର ପଟେଲ ଦୁଇଟି ଲେଖାଏଁ ଏବଂ ମହମ୍ମଦ ସିରାଜ ୧ ଟି ୱିକେଟ ଅକ୍ତିଆର କରିଥିଲେ।

ଚେନ୍ନାଇ: ଦ୍ଵିତୀୟ ଟେଷ୍ଟର ପ୍ରଥମ ଦିନ ଶେଷ ସୁଦ୍ଧା ଭାରତ ୬ ୱିକେଟ ହରାଇ ଇଂଲଣ୍ଡ ବିପକ୍ଷରେ ୩୦୦ ରନ ସଂଗ୍ରହ କରିଛି। ଟସ ଜିତି ଘରୋଇ ଦଳ ପ୍ରଥମେ ବ୍ୟାଟିଂ ଆରମ୍ଭ କରିଥିଲା। ପ୍ରାରମ୍ଭିକ ବ୍ୟାଟ୍ସମ୍ୟାନ ଶୁଭମାନ ଗିଲ କୌଣସି ରନ କରିବା ପୂର୍ବରୁ ଓଲ୍ଲୀ ଷ୍ଟୋନଙ୍କ ବଲରେ ଏଲବିଡବ୍ଲୁ  ଆଉଟ ହୋଇଥିଲେ। ତାଙ୍କ ସ୍ଥାନ ପୂରଣ କରିବାକୁ ଚେତେଶ୍ଵର ପୂଜାରା ପଡ଼ିଆକୁ ଆସିଥିଲେ। ହେଲେ ସେ ଜ୍ୟାକ ଲିଚଙ୍କ ବଲରେ ମାତ୍ର ୨୧ ରନ କରି ଆଉଟ ହୋଇଯାଇଥିଲେ। ପରେ ଅଧିନାୟକ ବିରାଟ କୋହଲୀ ବ୍ୟାଟିଂରେ ବିଫଳ ହୋଇ ଶୂନ୍ୟରେ ଆଉଟ ହୋଇଥିଲେ।

ଭାରତ ୮୬ ରନରେ ୩ ଟି ୱିକେଟ ହରାଇ ବିପଦରେ ପଡିଥିବା ବେଳେ ପ୍ରାରମ୍ଭିକ ବ୍ୟାଟ୍ସମ୍ୟାନ ରୋହିତ ଶର୍ମା ଏବଂ ଅଜିଙ୍କ୍ୟ ରାହାଣେ ଦଳ ପାଇଁ ୧୬୨ ରନ ଯୋଡ଼ିଥିଲେ। ରୋହିତ ୧୬୧ ରନରେ ଜ୍ୟାକ ଲିଚଙ୍କ ବଲରେ ଏବଂ ଅଜିଙ୍କ୍ୟ ମୋଇନ ଅଲିଙ୍କ ବଲରେ ଆଉଟ ହୋଇ ପ୍ୟାଭିଲିଅନ ଫେରିଥିଲେ।

ପ୍ରଥମ ଦିବସ ଖେଳ ଶେଷ ସୁଦ୍ଧା ୱିକେଟ କିପର ରିଷଭ ପନ୍ତ  ୩୩ ରନ ଏବଂ ଅକ୍ସର ପଟେଲ ୫ ରନ କରି ବ୍ୟାଟିଂ ଜାରି ରଖିଛନ୍ତି। ତା’ ପୂର୍ବରୁ ରବିଚନ୍ଦ୍ରନ ଅଶ୍ଵିନୀ ମାତ୍ର ୧୩ ରନ କରି ଜୋ ରୁଟଙ୍କ ବଲରେ ଆଉଟ ହୋଇଯାଇଥିଲେ।

ଇଂଲଣ୍ଡ ପକ୍ଷରୁ ଜ୍ୟାକ ଲିଚ ଏବଂ ମୋଇନ ଅଲି ୨ ଟି ଲେଖାଏଁ ୱିକେଟ ଅକ୍ତିଆର କରିଥିବା ବେଳେ ଓଲ୍ଲୀ ଷ୍ଟୋନ ଏବଂ ଜୋ ରୁଟ ୧ ଟି ଲେଖାଏଁ ୱିକେଟ ହାସଲ କରିଛନ୍ତି।

ଚେନ୍ନାଇ: ଭାରତ ଏବଂ ଇଂଲଣ୍ଡ ମଧ୍ୟରେ ପ୍ରଥମ ଟେଷ୍ଟର ଚତୁର୍ଥ ଦିନ ଖେଳ ଜାରି ରହିଛି। ଇଂଲଣ୍ଡ ଟସ ଜିତି ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ସମସ୍ତ ୱିକେଟ ହରାଇ ୫୭୮ ରନ ସଂଗ୍ରହ କରିଥିଲା।

ହେଲେ ଭାରତ ସମସ୍ତ ୱିକେଟ ହରାଇ ମାତ୍ର ୩୩୭ ରନ କରିବାରେ ସକ୍ଷମ ହୋଇଛି। ଇଂଲଣ୍ଡ ଦଳ ପ୍ରଥମ ଇନିଂସରେ ୨୪୧ ରନରେ ଆଗୁଆ ଅଛି। ଇଂଲଣ୍ଡର ପ୍ରଥମ ଇନିଂସରେ ଜୋସେଫ ବର୍ନ୍ସ ୩୩ ରନ କରିଥିବା ବେଳେ ଡମ ସିବ୍ଲି ୮୭, ଅଧିନାୟକ ଜୋ ରୁଟ ୨୧୮, ବେନ ଷ୍ଟ୍ରୋକ୍ସ ୮୨ ରନ, ଜସ ବଟଳର ୩୦ ରନ ଏବଂ ଓଲ୍ଲୀ ପୋପ ୩୪ ରନ କରିଥିଲେ। ଭାରତୀୟ ଦଳ ପକ୍ଷରୁ ଇଶାନ୍ତ ଶର୍ମା ୨ ଟି ୱିକେଟ ନେଇଥିବା ବେଳେ ଜସପ୍ରିତ ବୁମରା ୩ ଟି, ଅଶ୍ଵିନୀ ୩ ଟି ଏବଂ ସାହାବଜ ନଦୀମ ୨ ଟି ୱିକେଟ ଅକ୍ତିଆର କରିଥିଲେ।

ସେହିପରି ପ୍ରଥମ ଇନିଂସରେ ଭାରତ ପକ୍ଷରୁ ରିଷଭ ପନ୍ତ ସର୍ବାଧିକ ୯୧ ରନ କରିଥିବା ବେଳେ ୱାସିଙ୍ଗଟନ ସୁନ୍ଦର ଅପରାଜିତ ୮୫, ଚେତେଶ୍ଵର ପୂଜାରା ୭୩ ରନ, ଅଶ୍ଵିନୀ ୩୧ ରନ ଏବଂ ଶୁବମାନ ଗିଲ ୨୯ ରନ ସଂଗ୍ରହ କରିଥିଲେ। ଇଂଲଣ୍ଡ ପକ୍ଷରୁ ଡମ ବେସ ସର୍ବାଧିକ ୪ ଟି ୱିକେଟ ଅକ୍ତିଆର କରିଥିବା ବେଳେ ଜେମ୍ସ ଆଣ୍ଡର୍ସନ, ଯୋଫ୍ରା ଆର୍ଚର ଏବଂ ଜାକ ଲିଚ ୨ ଟି ଲେଖାଏଁ ୱିକେଟ ହାସଲ କରିଥିଲେ।

ବ୍ରିସବେନ୍: ଅଷ୍ଟ୍ରେଲିଆ ବିରୋଧ ନିର୍ଣ୍ଣାୟକ ଟେଷ୍ଟରେ ଭାରତୀୟ ଦଳର ଐତିହାସିକ ବିଜୟ ହୋଇଛି। ଏହି ବିଜୟ ସହ ଭାରତୀୟ ଦଳ ବର୍ଡର-ଗାଭାସ୍କର ଟ୍ରଫିକୁ ୨-୧ରେ ଜିତି ନେଇଛି। ଭାରତ ସିରିଜ ଜିତିବା ସହ ଆଇସିସି ବିଶ୍ଵ ଟେଷ୍ଟ ଚାମ୍ପିୟନଶିପର ଏକ ନମ୍ବର ସ୍ଥାନକୁ ଉନ୍ନିତ ହୋଇଛି। ଏବଂ ନିର୍ଣ୍ଣାୟକ ଟେଷ୍ଟରେ ପରାଜୟ ପରେ ଅଷ୍ଟ୍ରେଲିଆ ତୃତୀୟ ସ୍ଥାନକୁ ଖସିଆସିଛି। କେବଳ ଏହି ଟେଷ୍ଟ ବିଜୟ କାରଣରୁ ଭାରତକୁ ୩୦ ପଏଣ୍ଟ ମିଳିଛି। ଏହି ୩୦ ପଏଣ୍ଟକୁ ମିଶାଇ ବିଶ୍ଵ ଟେଷ୍ଟ ଚାମ୍ପିୟନଶିପରେ ଭାରତ ୪୩୦ ପଏଣ୍ଟ ହାସଲ କରିଛି।

ତେବେ ଆଇସିସି ଟେଷ୍ଟ ଚାମ୍ପିୟନଶିପରେ ଭାରତ ଏପର୍ଯ୍ୟନ୍ତ ୧୩ଟି ମ୍ୟାଚ୍ ଖେଳିଛି। ସେଥିରୁ  ୯ଟି ମ୍ୟାଚରେ ବିଜୟ ହାସଲ କରିଥିବା ବେଳେ ୩ଟିରେ ପରାଜିତ ହୋଇଛି ଏବଂ ଗୋଟିଏ ମ୍ୟାଚକୁ ଡ୍ର ରଖିଛି।

ଏହି ଟେଷ୍ଟ ଚାମ୍ପିୟନଶିପରେ ଭାରତ ୪୩୦ ପଏଣ୍ଟ ହାସଲ କରି ପ୍ରଥମ ସ୍ଥାନରେ ରହିଥିବା ବେଳେ ୪୨୦ ପଏଣ୍ଟରେ ନ୍ୟୁଜିଲ୍ୟାଣ୍ଡ ଦ୍ବିତୀୟ ସ୍ଥାନରେ ଅଛି ଏବଂ ଅଷ୍ଟ୍ରେଲିଆ ୩୩୨ ପଏଣ୍ଟ ସହ ତୃତୀୟ ସ୍ଥାନରେ ରହିଛି।

ସିଡନୀ: ଭାରତ-ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ ଚାଲିଛି। ଆଜି ଦ୍ଵିତୀୟ ଦିନରେ କଙ୍ଗାରୁ ଦଳ ୩୩୮ ରନ ସଂଗ୍ରହ କରି ସମସ୍ତ ୱିକେଟ ହରାଇଛି। ପ୍ରଥମ ଦୁଇଟି ଟେଷ୍ଟରେ ବିଫଳ ହୋଇଥିବା ଷ୍ଟିଭେନ୍ ସ୍ମିଥ ସର୍ବାଧିକ ୧୩୧ ରନ୍ ହାସଲ କରିଛନ୍ତି। ଏହା ଥିଲା ସ୍ମିଥ୍ ଙ୍କ କ୍ୟାରିୟରର ୨୭ତମ ଶତକ। ରବୀନ୍ଦ୍ର ଜାଡେଜା ଷ୍ଟିଭେନ୍ ସ୍ମିଥଙ୍କୁ ରନ୍ ଆଉଟ୍ କରି ଅଷ୍ଟ୍ରେଲିଆର ପ୍ରଥମ ଇନିସକୁ ସମାପ୍ତି କରିଥିଲେ। ଏହା ସହିତ ମାର୍ଣ୍ଣସ ଲାବୁସେନ୍ ୯୧ରନ୍ ଓ ଓ୍ୱିଲ ପୁକୋଭସ୍କି ୬୨ ରନ୍ କରିଛନ୍ତି। ଗତକାଲି ଅଷ୍ଟ୍ରେଲିଆ ଦଳର ଅସମାପ୍ତ ୧୬୬/୨ ରୁ ଖେଳ ଆରମ୍ଭ କରିଥିଲା।

ଆଜି ଅଷ୍ଟ୍ରେଲିଆ ଦଳ ବାକି ସମସ୍ତ ୮ ଟି ୱିକେଟ ହରାଇ ମୋଟ ସ୍କୋରରେ ୧୭୨ ରନ ଯୋଡି ପାରିଥିଲା। ଭାରତୀୟ ଦଳ ଆଜି ଭଲ ବୋଲିଂ ପ୍ରଦର୍ଶନ ଜାରି ରଖି ଅଷ୍ଟ୍ରେଲିଆକୁ ୩୩୮ ରନରେ ଅଲଆଉଟ କରିଦେଇଥିଲେ।

ଭାରତ ପକ୍ଷରୁ ରବୀନ୍ଦ୍ର ଜାଡେଜା ସର୍ବାଧିକ ୪ଟି ଓ୍ୱିକେଟ ଅକ୍ତିଆର କରିଥିଲେ। ଯଶପ୍ରୀତ ବୁମରାହ ଓ ନଭଦୀପ ସାଇନି ଦୁଇଟି ଲେଖାଏଁ ଓ୍ୱିକେଟ ହାତେଇଛନ୍ତି। ମହମ୍ମଦ ସିରାଜ ଓ ଅଶ୍ୱିନ ନେଇଛନ୍ତି ଗୋଟିଏ ଲେଖାଏ ଓ୍ୱିକେଟ।

ସିଡନୀ: ସିଡନୀରେ ଆରମ୍ଭ ଭାରତ-ଅଷ୍ଟ୍ରେଲିଆ ମଧ୍ୟରେ ଚାଲିଥିବା ତୃତୀୟ ଟେଷ୍ଟର ପ୍ରଥମ ଦିନର ଖେଳ ଶେଷ ହୋଇଛି। ପ୍ରଥମ ଦିନ ଖେଳ ଶେଷ ସୁଦ୍ଧା କଙ୍ଗାରୁ ଦଳ ମାତ୍ର ୨ ୱିକେଟ୍ ହରାଇ ୧୬୬ ରନ ସଂଗ୍ରହ କରିନେଇଛି। ସିଡନୀ ଟେଷ୍ଟରେ ଅଷ୍ଟ୍ରେଲିଆ ଅଧିନାୟକ ଟିମ୍ ପେନ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ। ହେଲେ ଚତୁର୍ଥ ଓଭରରେ ହିଁ ଡେଭିଡ୍ ୱାର୍ଣ୍ଣରଙ୍କୁ ଆଉଟ୍ କରିଥିଲେ ଦ୍ରୁତ ବୋଲର ମହମ୍ମଦ ସିରାଜ। ୱାର୍ଣ୍ଣର ଆଉଟ୍ ହେବା ପରେ ଲାବୁସଚେଞ୍ଜ ବ୍ୟାଟିଂ କରିବାକୁ ଆସିଥିଲେ। ଓପନର ପୁକୋଭସ୍କି ଏବଂ ଲାବୁସଚେଞ୍ଜ ଅଷ୍ଟ୍ରେଲିଆ ଲଢ଼ୁଆ ବ୍ୟାଟିଂ ଜାରି ରଖି ୬୨ ରନର ପାର୍ଟନରଶିପ ଖେଳିଥିଲେ। ପୁକୋଭସ୍କି ଆଉଟ୍ ହେବା ପରେ ପ୍ରଥମ ଦୁଇଟି ଟେଷ୍ଟରେ ସହଜରେ ଆଉଟ ହୋଇଥିବା ଷ୍ଟିଭ୍ ସ୍ମିଥ ପଡିଆ ମଧ୍ୟକୁ ଆସିଥିଲେ। ହେଲେ ସେ ଆଜି ଭଲ ବ୍ୟାଟିଂ ପ୍ରଦର୍ଶନ କରି ଭାରତକୁ ୱିକେଟ୍ ନେବାର ଅନ୍ୟ କିଛି ସୁଯୋଗ ଦେଇନଥିଲେ। ଭାରତ ତରଫରୁ ଦ୍ରୁତ ବୋଲର ନବଦୀପ ସୈନୀ ଓ ମହମ୍ମଦ ସିରାଜ ଗୋଟିଏ ଲେଖାଏଁ ୱିକେଟ୍ ନେଇଥିଲେ।