Tag: ରେଢାଖୋଲ

ରେଢ଼ାଖୋଲ: ରେଢାଖୋଲ ଉପଖଣ୍ଡ ସାମ୍ବାଦିକ ସଂଘ ପକ୍ଷରୁ ସ୍ଥାନୀୟ ଏନ୍ ଏସି, ଭୀମ ଭୋଇ କଲ୍ୟାଣ ମଣ୍ଡପ ଠାରେ ଜାତୀୟ ପ୍ରେସ ଦିବସ ପାଳନ ହୋଇଯାଇଛି। ସଂଘ ସଭାପତି ରମାକାନ୍ତ ମହାନନ୍ଦଙ୍କ ସଭାପତିତ୍ଵରେ ଆୟୋଜିତ ସଭାରେ ମୁଖ୍ୟଅତିଥି ଭାବରେ ଯୁବ ବୈଜ୍ଞାନିକ ଶେଷ କିଷାନ, ମୁଖ୍ୟବକ୍ତା ଭାବରେ ଭୀମଭୋଇ ମହାବିଦ୍ୟାଳୟର ଇଂରାଜୀ ଅଧ୍ୟାପକ ଅଂଜନ କୁମାର ମିଶ୍ର ଯୋଗ ଦେଇଥିଲେ।

ଗଣମାଧ୍ୟମ ମୋ’ଜୀବନର ମୋଡ ବଦଳାଇଛି ଯାହା ପାଇଁ ଆଜି ମୁଁ ପରିଚୟ ସୃଷ୍ଟି କରିପାରିଛି ଗଣମାଧ୍ୟମ ଯୋଗୁଁ ଆଜିର ଦିନରେ ବଣର ମଲ୍ଲୀ ଏବେ ବଣରେ ଫୁଟି ମଉଳି ନଯାଇ ଲୋକଚନକୁ ଆସିପାରୁଛି , ବିଭିନ୍ନ କ୍ଷେତ୍ରରେ କୃତକାର୍ଯ୍ୟ ହୋଇଥିବା ବ୍ୟକ୍ତିମାନଙ୍କୁ ଖୋଜି ସାମ୍ନା କୁ ଆଣିପାରୁଛି ଆଜିର ଗଣମାଧ୍ୟମ ବୋଲି ଯୁବ ବୈଜ୍ଞାନିକ ଶେଷ କିସାନ ନିଜର ବକ୍ତବ୍ୟରେ କହିଛନ୍ତି।

ସେହିପରି ଦେଶ ଗଠନରେ ଗଣମାଧ୍ୟମର ଗୁରୁତ୍ଵ ପୂର୍ଣ୍ଣ ଭୂମିକା ରହିଛି , ଆଜିର ମିଡ଼ିଆ ବଜାରରେ ଖବର ଗୁଡ଼ିକର କିଣା ବିକା ଚାଲିଛି ସେଥିପାଇଁ ସକରାତ୍ମକ ରିପୋର୍ଟ, ତଦନ୍ତ ମୂଳକ ଖବର ଉପରେ ଗୁରୁତ୍ବ ଦେବା ସହିତ ଖବର ଭିତରେ ଲୁଚି ରହିଥିବା ଖବର ଲୋକଙ୍କ ପାଖକୁ ପହଞ୍ଚିଇବା ଗଣମାଧ୍ୟମର ମୁଖ୍ୟ ଲକ୍ଷ୍ୟ ହେବା ଦରକାର ବୋଲି ମୁଖ୍ୟବକ୍ତା କହିଥିଲେ।

ଜାତୀୟ ପ୍ରେସ ଦିବସ ପାଳନ ଅବସରରେ ସଂଘ ସମ୍ପାଦକ କନ୍ଦର୍ପ ବେହେରା ବିବରଣୀ ପାଠ କରିଥିବା ବେଳେ ବରିଷ୍ଠ ସାମ୍ବାଦିକ ପ୍ରସନ୍ନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ, ସାମ୍ବାଦିକ ଜୟନ୍ତ ଖଡିରତ୍ନ, ଶରତ ପ୍ରଧାନ, ଶଙ୍କର ପୃଷ୍ଟି , ତପନ ବିଶ୍ବାଳ, ଅରୁଣ ପ୍ରଧାନ, ଯଶୋବନ୍ତ ନାରାୟଣ ସାହୁ, ସୁଶାନ୍ତ ନାଗ , ଅନୀଲ ପୃଷ୍ଟି, ବିନୋଦ କୁମାର ସେଠୀ, ସୁଧିର ସୁନା, ବିଦ୍ୟାଧର ମାଝୀ, ସରୋଜ କୁମାର ସାହୁ, ମଦନ ବେହେରା ସମେତ ଉପଖଣ୍ଡର ସମସ୍ତ ସାମ୍ବାଦିକ ଉପସ୍ଥିତ ଥିଲେ।

କନ୍ଦର୍ପ ବେହେରା
ରେଢାଖୋଲ: ସରକାର ଗାଁ ମାନଙ୍କର ବିକାଶ ପାଇଁ ବହୁ ଯୋଜନା କାର୍ଯ୍ୟକାରୀ କରିଛନ୍ତି। ଏଥି ସକାଶେ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ହେଲେ କୌଣସି କାମରେ ଆସୁନି। ରାଜନୈତିକ ନେତା ମାନେ ଗାଁ କୁ ଗାଁ ଯାଇ ଅଭାବ ଅସୁବିଧା ସଂପର୍କରେ ବୁଝା ସୁଝା କରିବା ଏଠି ସାତ ସପନ। କେବଳ କିଛି ଠିକାଦାର ସେମାନଙ୍କର ହାତବାରିସୀ ସାଜିଛନ୍ତି। ଯେଉଁଠି ବିକାଶ ହେବା କଥା ସେଇଠି କାମ ହେଉନି। ଏଥି ସକାଶେ ଅତୀତରେ ନାକଟିଦେଉଳ ବ୍ଲକ୍ ରେ ମାଓ ମାନଙ୍କର ସଂଗଠନ ଗଢି ଉଠିଥିଲା। ମାଓ କବଳରେ ନାକଟିଦେଉଳ ଅତୀତରେ ଥିଲା। ମାଓ ମାନଙ୍କ ପାଇଁ ବହୁ ରାସ୍ତା, ପୋଲ ହୋଇଥିବା ବେଳେ ମାଓ ସଂଗଠନ ନିରବି ଯିବାରୁ ସବୁ ଫସର ଫାଟିଯାଇଛି।

ସେମିତି ଗାଁ ରହିଛି ନାକଟିଦେଉଳ ବ୍ଲକ୍‌ରେ ଯେଉଁ ଗାଁ କୁ ବର୍ଷା ଦିନେ ଯିବାକୁ ରାସ୍ତା ନାହିଁ କି ପୋଲ ବି ନାହିଁ। ସେଇ ଗାଁ ଗୁଡିକ ହେଲା କେଲୋ ବଳମ୍ ପଂଚାୟତର ବେତଝରଣ, ଧଳତଇଲା, ଡିମିରିିକୁଦା, ରଞା, ଗଞାବାହାଳ ଏବଂ ନୂତନ ଗଞାବାହାଳ। ଏହି ଗ୍ରାମ ଗୁଡିକ ବର୍ଷା ଦିନରେ ବ୍ଲକ୍ ପ୍ରଶାସନ ଠାରୁ ବିଚ୍ଛିନ୍ନ ହୋଇପଡେ ନାଳ ଥିବାରୁ। ଗ୍ରାମବାସୀ ବାଧ୍ୟ ହୋଇ ପାଖା ପାଖି ୨୫ ରୁ ୩୦ କିଲୋମିଟର ଦେଇ ନାକଟିଦେଉଳ ବ୍ଲକ୍ କୁ ଆସିଥାନ୍ତି। ଏହି ଗ୍ରାମ ଗୁଡିକର ମୁଖ୍ୟ ପ୍ରତିବନ୍ଧକ ହେଲା ଝରଝରି ନାଳ। ସେଇ ଗୋଟିଏ ନାଳ ଏହି ଗାଁ ଗୁଡିକୁ ୩ ଟି ସ୍ଥାନରେ ପ୍ରତିବନ୍ଧକ ସୃଷ୍ଟି କରୁଛି।

ଗାଁ ଲୋକମାନେ ବାଧ୍ୟହୋଇ ତିନୋଟି ସ୍ଥାନରେ ପୋଲ ନିର୍ମାଣ କରି ବ୍ଲକ୍ କାର୍ଯ୍ୟାଳୟକୁ ଯିବା ଆସିବା କରୁଛନ୍ତି। ଏହି କାଠ ପୋଲ ପାଇଁ ବ୍ଲକ୍ ପ୍ରଶାସନ ଗୋଟିଏ ବି ଟଙ୍କା ଦେଇ ନ ଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି। ଏହି ଗାଁ ଗୁଡିକର ଲୋକଙ୍କ କଥା କୌଣସି ନେତା ଶୁଣୁ ନ ଥିବା ଅଭିଯୋଗ ହେଉଛି। ଭୋଟ ଆସିଲେ ହାତୀ ଦେବୁ ଘୋଡା ଦେବୁ କହି ନେତା ମାନେ ଭୋଟ ଭିକ୍ଷା କରି ପାଂଚ ବର୍ଷ ପର୍ଯ୍ୟନ୍ତ ଆଉ ଦେଖା ଦିଅନ୍ତି ନାହିଁ। ବର୍ଷା ହେଲେ ଏହି ଗାଁ ଗୁଡିକର ପାଖା ପାଖି ୭୦୦ ଲୋକ ବହୁ ଅସୁବିଧାର ସମ୍ମୁଖିନ ହେଉଛନ୍ତି। ସେଇ ନାଳ ଉପରେ ପୋଲ ନିର୍ମାଣ ହେଲେ ବ୍ଲକ୍ ଏବଂ ଡାକ୍ତରଖାନାକୁକୁ ଆସିବା ପାଇଁ ୯ କିଲୋମିଟର କମିଯିବ।

ଏହି ଗାଁ ଗୁଡିକରେ ପିଇବା ପାଣିର ଘୋର ଅଭାବଦେଖା ଯାଇଛି। ବର୍ଷା ଦିନେ ଗାଁ ଗୁଡିକୁ ଆମ୍ବଲାନସ୍ ଆସିପାରେ ନାହିଁ। ଆମ୍ବୁଲାନସ୍ ଆସୁପାରି ନ ଥିବାରୁ ରୋଗୀ ମୃତ୍ୟୁ ମୁଖରେ ପଡେ। ଗାଁ ରେ ଥିବା ଛାତ୍ରଛାତ୍ରୀମାନେ ପାଠ ପଢାରେ ଘୋର ଅସୁବିଧାର ସମ୍ମୁଖିନ ହେଉଛନ୍ତି।

ଏହି ଗାଁ ଗୁଡିକ କିପରି ବର୍ଷା ଦିନେ ସୁବିଧାରେ ଯାଇ ପାରିବେ ପ୍ରଶାସନ ଧ୍ୟାନ ଦେବାର ଆବଶ୍ୟକତା ରହିଛି। ପ୍ରଶାସନ ଧ୍ୟାନ ନ ଦେବାରୁ ଗ୍ରାମବାସୀ ବାଧ୍ୟ ହୋଇ ୩ ଟି ସ୍ଥାନରେ କାଠ ପୋଲ ନର୍ମାଣ କରି ବିପଦସଙ୍କୁଳ ଅବସ୍ଥାରେ ଯିବା ଆସିବା କରିୁୁଛନ୍ତି। ସରକାର ଏହି ଗାଁ ସଂଯୋଗ କରୁଥିବା ଝର୍‌ଝରି ନାଳ ଉପରେ ପୋଲ ନିର୍ମାଣ କରିବାକୁ ଗ୍ରାମବାସି ଦାବୀ କରିଛନ୍ତି। ନ ହେଲେ ଆଗାମୀ ଦିନରେ ଆନ୍ଦୋଳନ କରିବାକୁ ପଛାଇବେ ନାହିଁ ବୋଲି ଗ୍ରାମବାସୀମାନେ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି।

କନ୍ଦର୍ପ ବେହେରା

ରେଢାଖୋଲ: ରେଢାଖୋଲ ଭୀମ ଭୋଇ ମହାବିଦ୍ୟାଳୟରେ ଓଡିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର ଏକ ଅଧ୍ୟୟନ କେନ୍ଦ୍ର ଉଦ୍‌ଘାଟିତ ହୋଇଯାଇଛି।

ରେଢାଖୋଲ ଭୀମଭୋଇ କଲେଜରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଉଚ୍ଚ ଶିକ୍ଷାମନ୍ତ୍ରୀ ଇଂ ରୋହିତ କୁମାର ପୂଜାରୀ ମୁଖ୍ୟ ଅତିଥି ଭାବରେ ଯୋଗଦେଇ ଅଧ୍ୟୟନ କେନ୍ଦ୍ର ପାଇଁ ଏକ ସ୍ୱତନ୍ତ୍ର ପ୍ରକୋଷ୍ଠ ର ଉଦ୍‌ଘାଟନ କରିଥିଲେ। ଏହା ସହିତ ଉଦ୍‌ଘାଟନୀ ସମାରୋହରେ ଭୀମଭୋଇ ମହାବିଦ୍ୟାଲୟ ଏକ ଅଗ୍ରଣୀ ଶିକ୍ଷାନୁଷ୍ଠାନ ଭାବରେ ପ୍ରତିଷ୍ଠିତ କରିବା ପାଇଁ ଉଦ୍ୟମ କରିବେ ବୋଲି ପ୍ରତିଶୃତି ଦେଇଥିଲେ।

ରାଜ୍ୟ ମୁକ୍ତ ବିଶ୍ୱ ବିଦ୍ୟାଳୟର କୁଳପତି ପ୍ରଫେସର ଡଃ ଅର୍କ କୁମାର ଦାସ ମହାପାତ୍ର ସମ୍ମାନୀତ ଅତିଥି ଭାବରେ ଯୋଗଦେଇ ମୁକ୍ତ ବିଶ୍ୱବିଦ୍ୟାଳୟର ଆଭିମୁଖ୍ୟ ଏବଂ ଭବିଷ୍ୟତର ଯୋଜନା ସଂପର୍କରେ ଆଲୋକପାତ କରିଥିଲେ। ଏଠାରେ ମୁକ୍ତ ବିଶ୍ୱ ବିଦ୍ୟାଳୟ ହେବା ଦ୍ୱାରା ଗ୍ରାମାଂଚଳର ପିଲାମାନେ ପାଠ ପଢିବାର ସୁଯୋଗ ପାଇ ପାରିବେ ବୋଲି ପ୍ରକାଶ କରିଥିଲେ।

ଅନ୍ୟମାନଙ୍କ ମଧ୍ୟରେ ମୁକ୍ତ ବିଶ୍ୱବିଦ୍ୟାଳୟର କୁଳ ସଚିବ ପ୍ରଫେସର ଡ. ମାନସ ରଞନ ପୂଜାରୀ, ଆଂଚଳିକ ଶିକ୍ଷା ନିର୍ଦ୍ଦେଶକ ସମ୍ବଲପୁର ପ୍ରଫେସର ଡ.ପ୍ରଭାବତୀ ଗୁରୁ ସ୍ୱତନ୍ତ୍ର ଅତିଥି, ରେଢାଖୋଲ ଉପଜିଲ୍ଲାପାଳ ପବିତ୍ର ବେହେରା ସ୍ୱତନ୍ତ୍ର ଅତିଥି ଭାବରେ ଯୋଗଦେଇ ଏହି କେନ୍ଦ୍ର ହେବା ଦ୍ୱାରା ଅଂଚଳରେ ଶିକ୍ଷାର ବିକାଶ ଏବଂ ପ୍ରସାରରେ ସହାୟତା ହେବ ବୋଲି ବକ୍ତା ମାନେ ମତପ୍ରକାଶ କରିଥିଲେ।

ମହାବିଦ୍ୟାଳୟର ଅଧ୍ୟକ୍ଷ ଦିଲ୍ଲିପ କୁମାର ଦାଶ ଅଧ୍ୟକ୍ଷତା  କରିଥିବା ବେଳେ ଅଧ୍ୟାପକ ଅଞ୍ଜନ କୁମାର ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିଲେ। ଅନ୍ୟମାନଙ୍କ ମଧ୍ୟରେ ଅଧ୍ୟୟନ କେନ୍ଦ୍ରର ସଂଯୋଜକ ଅଧ୍ୟାପକ ରାମଚନ୍ଦ୍ର ଭୋଇ, ଡ. ଦିବ୍ୟଲୋଚନ ରାଉତ, ଡ.ରବି ଚନ୍ଦ୍ର ସିଂ, ଉମାକନ୍ତ ସ୍ୱାଇଁ, ମୋତିଲାଲ୍ ପ୍ରଧାନ ପ୍ରମୁଖ ସହଯୋଗ କରିଥିଲେ।

ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଏବଂ ଛାତ୍ରଛାତ୍ରୀଙ୍କ ସମେତ ପୁରାତନ ଛାତ୍ରଛାତ୍ରୀ ଏବଂ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇଥିଲେ।

କନ୍ଦର୍ପ ବେହେରା

ରେଢ଼ାଖୋଲ:  ବେଆଇନ ନିଶା କାରବାର କଫ ସିରଫ ଚାଲାଣ କରୁଥିବା ଦୁଇ ଅଭିଯୁକ୍ତ ଙ୍କୁ ଗିରଫ କରିଛି ରେଢ଼ାଖୋଲ ପୋଲିସ। ସୂଚନା ଯୋଗ୍ୟ ଯେ ବୌଦ୍ଧ ଅଞ୍ଚଳ ରୁ କଫ ସିରଫ୍ ଧରି ଦୁଇ ଅଭିଯୁକ୍ତ ରେଢ଼ାଖୋଲ ପଟକୁ ଆସୁଥିବା ବେଳେ ରେଢ଼ାଖୋଲ ପୋଲିସ୍ ସେମାନଙ୍କୁ ଧରିଥିଲା।

ଅଭିଯୁକ୍ତ ମାନେ ହେଲେ  ସମ୍ବଲପୁର ଜିଲ୍ଲା ଅଁଇଠାପାଲି ଥାନା ବୁଢ଼ାରଜା ଅନ୍ତର୍ଗତ ପ୍ରଧାନପଡା ର ଡବୁଲୁ ଦାସ(୩୦) ଏବଂ ବୌଦ୍ଧ ଜିଲ୍ଲା ଅନ୍ତର୍ଗତ ବଗିଚା ସାହିର ସିତାଂସୁ ଶେଖର ପୁରୋହିତ(୫୧) କୁ ଗିରଫ କରିଛି। ଅଭିଯୁକ୍ତ ମାନେ  କଫସିରଫ  ତଥା ବିଭିନ୍ନ ନିଶା କାରବାର ରେ ଜଡିତ ଥିବା ଜଣାପଡିଛି।

ଜଣେ ଅଭିଯୁକ୍ତର  ସ୍ବାସ୍ଥ୍ୟବସ୍ଥା ଖରାପ ହେବାରୁ କୋଭିଡ ଟେଷ୍ଟ, ତଥା ସ୍ବାସ୍ଥ୍ୟଯାଞ୍ଚ ପାଇଁ ପୋଲିସ ପ୍ରଥମେ ରେଢ଼ାଖୋଲ ଉପଖଣ୍ଡ ଚିକିତ୍ସାଳୟ କୁ ଆଣିଥିଲା ହେଲେ ଅଭିଯୁକ୍ତ ଡବୁଲୁ ଦାସ କୈାଣସି ମତେ ସେଠାରୁ ପୋଲିସ କୁ ଚକମା ଦେଇ ଦଉଡ଼ି ଖସି ପଳାଇବାକୁ ଚେଷ୍ଟା କରିଥିଲା ।

କିନ୍ତୁ ପୋଲିସ ତାକୁ ଗୋଡ଼ାଇ ଗୋଡ଼ାଇ ପୁଣି ଧରିବାରେ ସଫଳ ହୋଇଥିଲା। ପୋଲିସ୍ ର ଅବହେଳା ଯୋଗୁଁ ନିଶାବେପାରୀ ଡାକ୍ତରଖାନା ଭିତରୁ ଚମ୍ପଟ ମାରିବାକୁ ଉଦ୍ୟମ କରିଥିବାରୁ ପୋଲିସ୍ ପ୍ରତି ସନ୍ଦେହ ସ୍ରୁଷ୍ଟି ହେଉଛି। ଏହି ଭଳି ଏକ ନିଶା ବେପାରି ଓ ପୋଲିସ ଛକାପଞ୍ଝା ଯୋଗୁଁ ରେଢ଼ାଖୋଲ ଅଞ୍ଚଳ ରେ ବେଶ୍ ଚର୍ଚ୍ଚା ବିଷୟ ପାଲଟିଛି।

କନ୍ଦର୍ପ ବେହେରା
ରେଢ଼ାଖୋଲ: ରେଢାଖୋଲ ଉପଖଣ୍ଡ ଅନ୍ତର୍ଗତ ନାକ୍ଟିଦେଉଳ ବ୍ଲକ୍ ର ସର୍ବ ପୂରାତନ ଶିକ୍ଷା ଅନୁଷ୍ଠାନ ନାକ୍ଟିଦେଉଳ ମହାବିଦ୍ୟାଳୟ ସମ୍ମୁଖରେ ତା ୨୨.୭.୨୦୨୨ ରିଖ ଦିନ ନାକ୍ଟିଦେଉଳ ଉଚ୍ଚ ମାଧ୍ୟମିକ ଵିଦ୍ୟାଳୟ ଓ ସ୍ନାତକ ମହାଵିଦ୍ୟାଳୟ ର ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ମାନେ ୨୦୦୮ ପରବର୍ତ୍ତୀ ସମୟର ଅନୁଦାନ ପ୍ରଦାନ ଦାଵୀରେ ଧାରଣାରେ ଵସି ଥିଲେ। ଓଡ଼ିଶା ରାଜ୍ୟ ଵେସରକାରୀ ଅଧ୍ୟାପକ କର୍ମଚାରୀ ସଂଘ ଡାକରା ରେ ଏହି ସତ୍ୟାଗ୍ରହ ଓ ଧାରଣା ଆୟୋଜିତ ହୋଇଥିଲା।

ଉକ୍ତ ଧାରଣାରେ ନାକ୍ଟିଦେଉଳ ଉଚ୍ଚ ମାଧ୍ୟମିକ ଵିଦ୍ୟାଳୟର ପରୀକ୍ଷାଗାର ସହାୟକ ଜିତେନ୍ଦ୍ର ପଣ୍ଡା, ଅଫିସ୍ ସହାୟକ ଅମିତ୍ ବିଶ୍ଵାଳ ଓ ସ୍ନାତକ ମହାଵିଦ୍ୟାଳୟ ର ଅଧ୍ୟାପିକା ପୁଷ୍ପାଞ୍ଜଳି ରଵନା ଏବଂ ଅଧ୍ୟାପକ ଭଜମୋହନ ପ୍ରଧାନ ଭାଗ ନେଇଥିଲେ। ରାଜ୍ୟ ବେସରକାରୀ ଅଧ୍ୟାପକ କର୍ମଚାରୀ ସଂଘର ଡାକରାରେ ୯୬ ଦିନ ଧରି ଭୁବନେଶ୍ୱର ରେ ଧାରଣା ଦିଆଯାଇଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି ସମାଧାନ କରାଯାଇ ନାହିଁ। ୨୦୦୮ ରୁ ପରିଚାଳନା କମିଟି ତରଫ ରୁ ନିଯୁକ୍ତି ପାଇଥିବା ସବୁ ମହାବିଦ୍ୟାଳୟ ର ଅଧ୍ୟାପକ ଓ କର୍ମଚାରୀ ମାନଙ୍କୁ ଅନୁଦାନ ଦେଵା ଲାଗି ରାଜ୍ୟ ଉଚ୍ଚ ଶିକ୍ଷା ମନ୍ତ୍ରୀ ଙ୍କ ଦୃଷ୍ଟି ଆକର୍ଷଣ ଉଦ୍ଦେଶ୍ୟରେ ସତ୍ୟାଗ୍ରହ ଚାଲୁ ରହିଛି।

କନ୍ଦର୍ପ ବେହେରା

ରେଢାଖୋଲ: ରାଜ୍ୟ ସରକାର ସ୍ୱାସ୍ଥ୍ୟସେବାକୁ ଗୁରୁତ୍ୱ ଦେବା ସହ ଏଥି ସକାଶେ କୋଟି କୋଟି ଟଙ୍କା ଖର୍ଚ୍ଚ ମଧ୍ୟ କରୁଛନ୍ତି। ହେଲେ ଡାକ୍ତରଖାନାରେ ଡାକ୍ତର ଅନୁପସ୍ଥିତି ଯୋଗୁଁ  ରୋଗୀମାନେ ନାହିଁ ନ ଥିବା ଦୁର୍ଦ୍ଦଶା ଭୋଗୁଛନ୍ତି। ଏପରି ଏକ ନିଚ୍ଛକ ଘଟଣା ରେଢାଖୋଲ ଡାକ୍ତରଖାନାରେ ଦେଖିବାକୁ ମିଳିଛି। ଏଠାକାର ଏସ୍‌ଡିଏମ୍‌ଓ ମାସାଧିକ କାଳ ଅନୁପସ୍ଥିତ ରହୁଥିବା ବେଳେ କୈାଣସି ରାଜନୈତିକ ନେତାଙ୍କର ଏ ଯାଏଁ ନଜରକୁ ଆସି ନଥିବା ଘଟଣା ଜଣା ପଡିଛି।

ଅନୁସନ୍ଧାନରୁ ଯାହା ଜଣା ପଡିଛି, ମୁରବି ଥାଇ ନ ଥିଲା ପରି ଚାଲିଛି ସମ୍ବଲପୁର ଜିଲ୍ଲାର ଉପଖଣ୍ଡ ଚିକିତ୍ସାଳୟ ରେଢାଖୋଲ ଡାକ୍ତର ଖାନା। କାରଣ ଏହାର ଏସ.ଡି.ଏମ. ଓ ଡାକ୍ତର ଜଳନ୍ଧର ମେହେର କେବେ ଡାକ୍ତରଖାନା ଆସନ୍ତି ଆଉ କେବେ ଆସନ୍ତିନି ଜାଣିବା ମୁସକିଲ। ନିଜ ଭବାନିପାଟଣା ସ୍ଥିତ କ୍ଲିନିକରେ ମାସର ଅନେକ ଦିନ ଉପସ୍ଥିତ ରୁହନ୍ତି ବୋଲି ଜଣା ପଡିଛି। ଡାକ୍ତର ମେହେର ଯେ, ବର୍ଷେ ହେଲା ରେଢାଖୋଲ ଉପଖଣ୍ଡ ଚିକିତ୍ସାଳୟକୁ ବଦଳି ହୋଇଛନ୍ତି ଭବାନିପାଟଣା ବାସି ଶୁଣି ଆଶ୍ଚର୍ଯ୍ୟ ହୁଅନ୍ତି।

ଅପର ପକ୍ଷରେ ରେଢାଖୋଲ ହସ୍ପିଟାଲରେ ରୋଗୀ ହେଉକି, ସାମ୍ବାଦିକ ଯିଏ ଏସ ଡି ଏମଙ୍କୁ ଭେଟିବାକୁ ଚାହିଁଲେ ଗୁରୁବାର ଆସିବାକୁ କୁହନ୍ତି। ଗୁରୁବାର ପରେ ସେ ଦିନେ କି ଦୁଇଦିନ ରହି ଶନିବାରକୁ ଆଉ ନ ଥାନ୍ତି, ଫଳ ସ୍ୱରୁପ ରୋଗୀ ଓ ସମ୍ପର୍କିୟ ମାନେ ଅନେକ ସମୟରେ ହଇରାଣ ହରକତ ହୁଅନ୍ତି।

ଏଇ ଗତ ୧୬/୦୫/୨୨ ର କଥା  ରେଢାଖୋଲ ହସ୍ପିଟାଲରେ ଅତାବିରା ଅଂଚଳର ଜଣଙ୍କର ଶବ ଘଂଟା ଘଂଟା ଧରି ଶବବାହକ ଗାଡି ନ ପାଇ ପଡି ରହିଲା। ସେତେବେଳକୁ ଡାକ୍ତର ମେହେର ଭବାନିପାଟଣାରେ ଥିବା ବେଳେ,ଏକମାତ୍ର  ଡ୍ରାଇଭର ୨ଦିନ ଛୁଟିରେ ଯାଇଥିଲେ, ଡ୍ରାଇଭର ଜଣଙ୍କ ଦଶମାସ ହେଲା ଦରମା ପାଇନଥିବା ବେଳେ ତାଙ୍କ ଛୁଟି ସମୟରେ ସ୍ୱାସ୍ଥ୍ୟ ପ୍ରଶାସନ ତରଫରୁ କୌଣସି ବିକଳ୍ପ ବ୍ୟବସ୍ଥା ହୋଇନଥିଲା, ଯାହା ସ୍ୱାସ୍ଥ୍ୟ ପ୍ରଶାସନର ଅପାରଗତାକୁ ପଦାରେ ପକେଇ ଦେଇଥିଲା। ଏଠାକାର ସ୍ଥାନିୟ ବୁଦ୍ଧିଜୀବି ଘୋର ନିନ୍ଦା କରିଥିବା ବେଳେ  ଶେଷରେ ଛୁଟିରେ ଥିବା ଡ୍ରାଇଭରକୁ ଡକାଇ ଶବକୁ ଘରକୁ ପଠାଗଲା। ଶେଷଯାଏ ଡାକ୍ତର ମେହେରଙ୍କ ଦେଖା ମିଳିନଥିଲା।

ଡାକ୍ତରଖାନାରେ ରୋଗୀଙ୍କ ପ୍ରତି ଅବହେଳାକୁ ଖବର କାଗଜରେ ପ୍ରକାଶ କଲେ, ଡାକ୍ତର ମେହେରଙ୍କ ଦୁବ୍ୟବହାରର ଶିକାର ହେବାକୁ ପଡେ ବୋଲି କୁହନ୍ତି ସ୍ଥାନୀୟ ସାମ୍ବାଦିକ। ନିଜ ପତିଙ୍କ ସୁବିଧା ଅସୁବିଧା କେବେ ନ ବୁଝି, ସ୍ଥାନ କାଳ ପାତ୍ର ନ ଦେଖି ଡାକ୍ତର ମେହେର ମୋର ପତିଙ୍କୁ ବର୍ଷଟେ ହେଲା ଦୁର୍ବ୍ୟବହାର କରି ଆସୁଛନ୍ତି ବୋଲି କୁହନ୍ତି ବରିଷ୍ଠ ଶିଶୁ ରୋଗ ବିଶେଷଜ୍ଞ ଡାକ୍ତର ରାମକୃଷ୍ଣ ପତିଙ୍କ ସ୍ତ୍ରୀ ମାନିନୀ ମିଶ୍ର।

ଡାକ୍ତର ମେହେର ଭବାନିପାଟଣାରେ ବେଶୀ ସମୟ ରହୁଥିବାରୁ ଖାଲି ଫୋନରେ ଅଧିକା  ଡ୍ୟୁଟି କର ବୋଲି ଧମକ ଦିଅନ୍ତି ଡାକ୍ତର ମେହେର ବୋଲି ଜଣା ପଡିଛି। ଦୁଇ ଦିନ ତଳେ ରେଢାଖୋଲରେ ସାପ୍ତାହିକ ବଜାରର ଦିନ ଥରବାରୁ ରୋଗୀଙ୍କ ସଂଖ୍ୟା ଅଧିକ ଥିଲା,ଡାକ୍ତର ପତି ସକାଳୁ ରାଉଣ୍ଡ ଦେଇ, ଡେ ଡ୍ୟୁଟି ଦିନ ୧୨ଟାରୁ ରାତି ଆଠଟା କରିବା ପରେ ଆଠଟାରୁ ରାତି ପାଖା ପାଖି ୯ଟା ଯାଏ ରାଉଣ୍ଡ ଦେଇ ଘରକୁ ଫେରିବା ବେଳକୁ ଖୁବ ମୁଣ୍ଡବ୍ୟଥା ହେଉଥିଲା, ଡାକ୍ତର ନିଜେ କଷ୍ଟରେ ଛଟପଟ ହେଉଥିବା ବେଳେ, ଏସଡିଏମଓ ଭବାନିପାଟଣାରୁ ଫୋନ କରି ମେଡିସିନ ରାଉଣ୍ଡ ଦେବାକୁ କହିଲେ, ଡାକ୍ତର ପତି ମୁଁ ଶାରୀରିକ ଭାବରେ ଅସମର୍ଥ ବୋଲି କହିବା ପରେ, ଏସଡିଏଓ ଦୁର୍ବ୍ୟବହାର କରି ଦେଖିନେବି ବୋଲି କହିଥିଲେ ବୋଲି ଡାକ୍ତର ପତିଙ୍କ ପତ୍ନୀ ମାନିନୀ ମିଶ୍ର ଅଭିଯୋଗ କରିଛନ୍ତି।

ଏପରି ପରିସ୍ଥିତିରେ ଜଣେ ଡାକ୍ତର କେମିତି ରେଢାଖୋଲରେ ରହି ରେଢାଖୋଲ ଜନସାଧାରଣଙ୍କୁ ସେବା ଦେବେ ବୋଲି ଦୁଃଖର ସହ ପ୍ରକାଶ କରିଛନ୍ତି ଶିଶୁରୋଗ ବିଶେଷଜ୍ଞଙ୍କ ପତ୍ନୀ ମାନିନୀ ମିଶ୍ର। ଠିକ ସେହିପରି ଅନେକ ସମୟରେ ହସପିଟାଲର ଷ୍ଟାପ ନିଜ ନାଁ କୁ ଗୋପନ ରଖି କୁହନ୍ତି ଯେ ସୁବିଧା ଅସୁବିଧା ବୁଝିବାକୁ କେହିବି ନାହାନ୍ତି, ଛୁଟିଟେ ନେବାକୁ ଏପ୍ଲିକେସନ ଦେବାକୁ କଣ ଭବାନିପାଟଣା ଯିବୁକି ବୋଲି ପ୍ରକାଶ କରିଛନ୍ତି।

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଚାରମାଳ ଥାନା ଅନ୍ତର୍ଗତ ସରପାଲ ଗ୍ରାମରେ ରବିବାର ସକାଳୁ ଗ୍ରାମର ପୋଖରୀ ରେ ବୁଡି ଜଣେ ବାଳିକାର ମୃତ୍ୟୁ ହୋଇଛି , ମୃତ ବାଳିକା ଜଣକ ହେଲେ ଅନୁଗୁଳ ଜିଲ୍ଲା କୋଶଲା ଅଞ୍ଚଳର ଝିଣ୍ଟିପାଲ ଗ୍ରାମର ସିନୁ ପ୍ରଧାନ ବୟସ ୫ ବର୍ଷ ବୋଲି ଜଣାପଡ଼ିଛି।

ସୂଚନାଯୋଗ୍ୟ ଯେ ବାଳିକା ଜଣକ ନିଜ ମାଉସୀ ଘର ସରପାଲ ଗ୍ରାମ କୁ ଗତକାଲି ବୁଲିବାକୁ ଆସିଥିଲେ , ହେଲେ ଆଜି ସକାଳ ୧୦ ଘଟିକା ସମୟରେ ମାଉସୀ ଓ ଘରର ଅନ୍ୟ ଛୁଆମାନଙ୍କ ସାଙ୍ଗରେ ଗ୍ରାମରେ ଥିବା ପୋଖରୀକୁ ଗାଧୋଇବା ପାଇଁ ଯାଉଥିଲେ। ହେଲେ ଗାଧୋଉଥିବା ସମୟରେ ସିନୁ ପାଣି ଭିତରକୁ ଚାଲିଯାଇ ବୁଡିଯାଇଥିଲେ। ପାଖରେ ଗାଧୋଉଥିବା ମାଉସୀ ସିନୁ କୁ ଉଦ୍ଧାର କରି ରେଢ଼ାଖୋଲ ଡ଼ାକ୍ତରଖାନାକୁ ଆଣି ଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ସଂକ୍ରାନ୍ତରେ ଚାରମାଳ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିଛି।

କନ୍ଦର୍ପ ବେହେରା
ରେଢାଖୋଲ: ସ୍ୱାଧୀନତାରେ ୭୫ ବର୍ଷ ପାଳନ ଉପଲକ୍ଷେ ଦେଶରେ ଅମୃତ ମହୋତ୍ସବର ଜାଗରଣ ସୃଷ୍ଟି କରିବା ନିମନ୍ତେ ରେଢାଖୋଲରେ ଏକ ବାଇକ୍ ରାଲି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସାରା ଦେଶରେ ସର୍ବଭାରତୀୟ କ୍ରୀଡାଭାରତୀ ଆନୁକୁଲ୍ୟରେ କ୍ରିଡା ଶିକ୍ଷକ ନରେନ୍ଦ୍ର କୁମାର ଦେହୁରୀଙ୍କ ତତ୍ୱାବଧାନରେ ରେଢାଖୋଲ ଭୀମଭୋଇ ଛକଠାରୁ ଏକ ବାଇକ୍ ରାଲି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଏହି ବାଇକ୍ ରାଲିରେ କ୍ରିଡା ଶିକ୍ଷକ ପ୍ରକାଶ ଚନ୍ଦ୍ର ପଣ୍ଡା, ସୁକାନ୍ତ ପ୍ରଧାନ, ଜୀବନାନନ୍ଦ ବେହେରା, ରଞ୍ଜନ କୁମାର ସାହୁ, କୁମୁଦ ବନ୍ଧୁ ସାହୁ, ବିରେନ୍ଦ୍ର ବେହେରା, ଆଶିଷ କୁମାର ବିଶ୍ୱାଳ ଓ ବିଜ୍ଞାନ ଶିକ୍ଷକ ଦୁଃଖିଶ୍ୟାମ ପ୍ରଧାନ ପ୍ରମୁଖ ବାଇକ୍ ରାଲିରେ ବଇଣ୍ଡା ପର୍ଯ୍ୟନ୍ତ ଯାଇଥିଲେ। ଏହି ବାଇକ୍ ରାଲିକୁ ରେଢାଖୋଲ ଏନ୍‌ଏସିର ଅଧ୍ୟକ୍ଷ ଶିବରାମ ସାହୁ ଉଦ୍ଘାଟନ କରିଥିଲେ।

ସମ୍ବଲପୁରରୁ ଆସୁଥିବା ଅନ୍ୟଏକ ବାଇକ୍ ରାଲି ଦଳକୁ ରେଢାଖୋଲରେ ସମ୍ବର୍ଦ୍ଧନା ଦିଆଯାଇଥିଲା। ଏହି ବାଇକ୍ ରାଲିରେ ଯାଉଥିବା ବେଳେ ନିକଟସ୍ଥ ରାଜପଥ ରେ ଥିବା ସ୍ୱାଧୀନତା ସଂଗ୍ରାମୀ, ଶହୀଦ ମାନଙ୍କର ପ୍ରତିମୂର୍ତିରେ ମାଲ୍ୟାର୍ପଣ କରାଯିବା ସହ ସେମାନଙ୍କ ଦେଶ ପ୍ରତି ଥିବା ବଳିଦାନ ଓ ତ୍ୟାଗ ସଂପର୍କରେ ସ୍ମୃତିଚାରଣ କରାଯାଉଥିଲା।

କନ୍ଦର୍ପ ବେହେରା
ରେଢ଼ାଖୋଲ: ରେଢାଖୋଲ ରାସ୍ତାର ପଣ୍ଡକିମାଲ ଚ‌ଉରା ଛକରେ ଗୁରୁବାର ବିଳମ୍ବିତ ରାତିରେ ଏକ ଅଜଣା ଗାଡ଼ି ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ଖବର ହସ୍ତଗତ ହୋଇଛି। ମୃତକ ଜଣଙ୍କ ହେଲେ ରେଢାଖୋଲ ଥାନା ପଣ୍ଡକିମାଳଗ୍ରାମ ମୁଣ୍ଡାସାହିର ମହେନ୍ଦ୍ର ମୁଣ୍ଡା। ସେ ରାତିରେ ପଣ୍ଡକିମାଳକୁ କୌଣସି ଏକ କାମରେ ଆସି ଘରକୁ ଫେରୁଥିବା ସମୟରେ ଏକ ଅଜଣା ଗାଡ଼ି ତାକୁ ଧକ୍କା ଦେଇ ଫେରାର୍ ହୋଇଥିଲା। ଘଟଣା ସ୍ଥଳରେ ହିଁ ତାଙ୍କ ମୃତ୍ୟୁ ହୋଇଥିଲା।

ଆଜି ଭୋରରୁ ଗ୍ରାମର କିଛି ଲୋକ ଶବ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ, ଦୁର୍ଘଟଣା ସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ଶବକୁ ଜବତ କରିବା ସହ ରେଢ଼ାଖୋଲ ଉପଖଣ୍ଡ ଡ଼ାକ୍ତରଖାନାକୁ ଶବଟିକୁ ଆଣି ବ୍ୟବଚ୍ଛେଦ କରାଯାଇଥିଲା। ରେଢ଼ାଖୋଲ ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣା ପଡ଼ିଛି।