Tag: ମା’ ଭଗବତୀ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁରର ଅଧିଷ୍ଠାତ୍ରୀ ଦେବୀ ମା’ ଭଗବତୀଙ୍କ ଗୁଣଗାଥା ଉପରେ ଆଧାରିତ “ଦୁଃଖ ନାଶିନୀ ମା’ ଭଗବତୀ” ନାମକ ଏକ ସୁନ୍ଦର ଭଜନ ମୁକ୍ତି ଲାଭ କରିଛି। ଯାହାକି ଏସକେଜେ ପ୍ରଡସ୍କନ ୟୁଟୁବ ଚ୍ୟାନେଲ ମଧ୍ୟମରେ ପ୍ରସାରିତ ହୋଇଛି।

ବୋରିଗାଁ ଗ୍ରାମର ରାଜା ଜେନାଙ୍କ ପ୍ରଯୋଜନାରେ ଏହି ଭଜନଟି ପ୍ରସ୍ତୁତ ହୋଇଛି। ସୋରଡ଼ା ମାଟିର ସୁପରିଚିତ କଣ୍ଠଶିଳ୍ପୀ ପିତାମ୍ବର ଗୌଡ଼ ଏହି ଭଜନରେ କଣ୍ଠ ଦାନ କରିଛନ୍ତି। କିରଣ ମୁଳି ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ଗୀତିକାର ଗଙ୍ଗାଧର ଦଳାଇ ଓ ସସ୍ମିତା ସାହୁ ଭଜନ ଲେଖିଛନ୍ତି ଏବଂ ମନୋଜ ଗୌଡ଼ ଏହାକୁ ସମ୍ପାଦନ କରିଛନ୍ତି।

ଏହି ଭଜନଟି ମୁକ୍ତିଲାଭ ହେଲା ପରେ ଏସକେଜେ ପ୍ରଡ଼କ୍ସନର ଟିମ୍ କହିଛି ଯେ, ମହାମାରୀ କରୋନା ସମସ୍ତଙ୍କ ସୁଖ ଓ ଜୀବିକା ହରାଇ ନେଲେ ମଧ୍ୟ ମା’ ଙ୍କ କୃପାରୁ ଭଜନଟି ପ୍ରସାରିତ ହୋଇପାରିଛି। ମା’ ଭଗବତୀଙ୍କ ସୁନ୍ଦର ଭଜନଟି ଶ୍ରୋତାମାନଙ୍କ ହୃଦୟକୁ ଛୁଇଁବ ବୋଲି ଆଶା କରୁଛୁ। ଏହି ବର୍ଷ ଭଳି ପ୍ରତି ବର୍ଷରେ ମା’ ଙ୍କର ଗୋଟିଏ ସୁନ୍ଦର ଭଜନ ଆପଣ ମାନଙ୍କ ସମ୍ମୁଖରେ ପ୍ରସାରିତ କରିବୁ। ତେଣୁ ଭଜନଟିକୁ ଶୁଣି ମା’ ଙ୍କର କୃପା ଲାଭ କରନ୍ତୁ ବୋଲି ଏସକେଜେ ପ୍ରଡ଼କ୍ସନର ଟିମ୍ କହିଛି।

ନିମ୍ନରେ ଥିବା ଲିଙ୍କଟିକୁ କ୍ଲିକ କରି ମା’ ଙ୍କ ଭଜନଟିକୁ ଶୁଣିପାରିବେ-

ସୀତାରାମ ଅଗ୍ରୱାଲ

ବାଣପୁର: ଓଡ଼ିଶାର ଅନ୍ୟତମ ପ୍ରସିଦ୍ଧ ଶକ୍ତିପୀଠ ମଧ୍ୟରୁ ଖୋର୍ଦ୍ଧା ଜିଲ୍ଲା ବାଣପୁରର ମା’ ଭଗବତୀ ପୀଠ ଅନ୍ୟତମ। ସେଇ “ମା” ଭଗବତୀଙ୍କ ଦର୍ଶନ ପାଇବା ପାଇଁ ଭକ୍ତ ଯେ ସଦା ବ୍ୟାକୁଳ।

ସେହି ପରିପ୍ରେକ୍ଷୀରେ ଆଜି ମଧ୍ୟାହ୍ନରେ ହଠାତ ଭାରତୀୟ ରେଳବାଇ ନିରାପତ୍ତା ମୁଖ୍ୟ କମିଶନର ଶୈଳେଶ କୁମାର ପାଠକ ଓ ତାଙ୍କ ପରିବାର ସଦସ୍ୟ ମା’ ଭଗବତୀଙ୍କ ଦର୍ଶନ ଓ ପୂଜାର୍ଚ୍ଚନା କରି ମନ୍ଦିର ବେଢ଼ା ପରିକ୍ରମା କରିଥିଲେ।

ମା’ ଙ୍କ ଦର୍ଶନ କରି ଶ୍ରୀ ପାଠକ ଏକ ଆଧ୍ୟାତ୍ମିକ ଭାବାବେଗ ସହ ଜଡିତ ରହି ଅତି ଉତ୍ସାହିତ ସହାକାରେ ମା’ ଙ୍କ ଭୋଗପ୍ରସାଦ ସେବନ କରି ମନ୍ଦିର ପରିସରରେ ପ୍ରାୟ ଏକଘଣ୍ଟା ରହିଥିଲେ। ଏବଂ ଏହି ସମୟ ମଧ୍ୟରେ ମନ୍ଦିର ସେବାୟତ ଓ ଦେବୋତ୍ତର ବିଭାଗ କର୍ମଚାରୀଙ୍କ ସହ ମନ୍ଦିର କିମ୍ବଦନ୍ତୀ ବିଷୟରେ ବିଭିନ୍ନ ଆଲୋଚନା କରିଥିଲେ। ଆଜିର ଏହି ଦର୍ଶନ ଏକ ଅଦ୍ଭୂତପୂର୍ବ ଓ ଏକ ନିଆରା ଅନୁଭବର ଅନୁଭୂତି ବୋଲି ପରିପ୍ରକାଶ କରିଥିଲେ ଶ୍ରୀ ପାଠକ।

ସୀତାରାମ ଅଗ୍ରୱାଲ 

ବାଣପୁର: ଲୌହମାନଵ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଜନ୍ମ ଦିବସକୁ ରାଷ୍ଟ୍ରୀୟ ଏକତା ଦିବସ ରୂପେ ସମଗ୍ର ଦେଶରେ ପାଳନ କରାଯାଏ। ପ୍ରତି ବର୍ଷ ଅକ୍ଟୋବର ୩୧ ତାରିଖରେ ଦେଶର କୋଣ ଅନୁକୋଣରେ ରାଷ୍ଟ୍ରୀୟ ଏକତା ଦିବସ ଧୂମଧାମରେ ପାଳନ ହୋଇଥାଏ। ଆଜି ସମଗ୍ର ଦେଶରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ମଧ୍ୟ କରୋନା କଟକଣା ମାନି ଏହି ଦିବସକୁ ପାଳନ କରୁଛି।

ଏହି ପରିପ୍ରେକ୍ଷୀରେ ଆଜି ଏବିଭିପି ବାଣପୁର ଶାଖା ତରଫରୁ ସ୍ୱଳ୍ପ କାର୍ଯ୍ୟକର୍ତ୍ତାଙ୍କ ଉପସ୍ଥିତିରେ ରାଷ୍ଟ୍ରୀୟ ଏକତା ଦିବସ ପାଳିତ ହୋଇଯାଇଅଛି। କାର୍ଯ୍ୟକର୍ତ୍ତା ମାନେ ମା’ ଭଗବତୀଙ୍କ ନିକଟରେ ସାରା ବିଶ୍ୱରୁ କରୋନା ଦୂର ହେଉ ଏବଂ ସମଗ୍ର ଭାରତୀୟ ଏକତାର ସୂତ୍ରରେ ବାନ୍ଧି ହୋଇ ରହିବା ଉଦ୍ଦେଶ୍ୟରେ ସଂକଳ୍ପ ନେଇଥିଲେ। ଏହା ସହିତ ମା’ ନିକଟରେ ସାମୁହିକ ଭାବେ ଦ୍ବିପଦାନ କରିଥିଲେ। ପ୍ରତିବର୍ଷ ଅକ୍ଟୋବର ୩୧ ରେ ଏବିଭିପି ବାଣପୁର ପକ୍ଷରୁ ଗଣଦୌଡ଼ ପ୍ରତିଯୋଗିତା ଅନୁଷ୍ଠିତ ହୋଇଥାଏ। ହେଲେ ଚଳିତ ବର୍ଷ କରୋନା ମହାମାରୀ ଲାଗି କୌଣସି କାର୍ଯ୍ୟକ୍ରମ ନକରି କେବଳ ମା’ ଭଗବତୀଙ୍କ ନିକଟରେ ସମଗ୍ର ବିଶ୍ୱରୁ କରୋନା ଲୋପପାଇବା ଉଦ୍ଦେଶ୍ୟରେ ପ୍ରାର୍ଥନା କରାଗଲା ବୋଲି ବାଣପୁର-ବାଲୁଗାଁ ନଗର ସହ ସମ୍ପାଦକ ବିବେକାନନ୍ଦ ଗଡ଼ନାୟକ ସୂଚନା ଦେଇଛନ୍ତି।

ମା’ ଭଗବତୀଙ୍କ ଅଙ୍ଗଲାଗି ସେବକ ଶ୍ରୀଯୁକ୍ତ ଭାସ୍କର ଚନ୍ଦ୍ର ନାୟକ ଉକ୍ତ କାର୍ଯ୍ୟକ୍ରମରେ ଉପସ୍ଥିତ ରହି କାର୍ଯ୍ୟକର୍ତ୍ତାମାନଙ୍କୁ ଉତ୍ସହିତ କରିଥିଲେ। ସର୍ଦ୍ଦାର ପଟେଲଙ୍କ ପରି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ଵାନ କ୍ରମେ ସାରା ଭାରତୀୟ ବର୍ତ୍ତମାନ ଏକ ହୋଇ କରୋନା ମହାମାରୀ ବିରୁଦ୍ଧରେ ଯୁଦ୍ଧ ଲଢ଼ୁଛନ୍ତି। ଏବଂ ନିଶ୍ଚିତ ଭାବେ ଏହି ଯୁଦ୍ଧରେ ବିଜୟୀ ହେବେବୋଲି ଶ୍ରୀଯୁକ୍ତ ନାୟକ ଉଦବୋଧନ ଦେଇଥିଲେ। ଏହି କାର୍ଯ୍ୟକ୍ରମରେ କୀର୍ତ୍ତିରାଜ ହରିଚନ୍ଦନ, ଆଶାତୀତ ସାହୁ, ସିଦ୍ଧାର୍ଥ ବାରିକ, ସୋମନାଥ ପଣ୍ଡା, ସମ୍ବିତ ସାମନ୍ତରାୟ ଆଦି କାର୍ଯ୍ୟକର୍ତ୍ତାମାନେ ଯୋଗଦେଇଥିଲେ।

ସୀତାରାମ ଅଗ୍ରୱାଲ

ବାଣପୁର: ଚିଲିକା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ବର୍ତ୍ତମାନ କରୋନାରେ ଆକ୍ରାନ୍ତ ହୋଇ ସଙ୍ଗରୋଧରେ ଅଛନ୍ତି। ଏହି ଖବର ତାଙ୍କର ହଜାର ହଜାର ଅନୁଗାମୀମାନଙ୍କୁ ବ୍ୟଥିତ କରିଛି। ସେପ୍ଟେମ୍ବର ୨୮ ତାରିଖରେ ଚିଲିକା ବିଧାୟକ ପ୍ରଶାନ୍ତ କୁମାର ଜଗଦ୍ଦେବଙ୍କ ସମେତ ଓଡିଶା ବିଧାନସଭାର ୧୨ ଜଣ ବିଧାୟକ ଏବଂ ମନ୍ତ୍ରୀଙ୍କ କରୋନା ରିପୋର୍ଟ ପଜିଟିଭ ଆସିଥିଲା। ସେହିଦିନ ଠାରୁ ବିଧାୟକ ବର୍ତ୍ତମାନ ସଙ୍ଗରୋଧରେ ଅଛନ୍ତି। ପ୍ରତିଦିନ ନିଜର ପ୍ରିୟ ନେତାଙ୍କ ଆଶୁ ଆରୋଗ୍ୟ କାମନା କରୁଛନ୍ତି ବହୁ କର୍ମୀମାନେ। ଏହି ପରିପ୍ରେକ୍ଷୀରେ ଆଜି ଅପରାହ୍ନରେ ବାଣପୁର ବ୍ଲକ ବିଜେଡି ଯୁବ ସଭାପତି ତଥା ବିଷ୍ଣୁଡିହ ଗ୍ରାମ ପଞ୍ଚାୟତ ସରପଞ୍ଚ ଶେଷଦେବ ପ୍ରଧାନଙ୍କ ନେତୃତ୍ୱରେ ବାଣପୁର ବିଜୁ ଜନତା ଦଳ ତରଫରୁ ଚିଲିକା ବିଧାୟକଙ୍କ ଆଶୁ ଆରୋଗ୍ୟ କାମନାକରି ମା’ ଭଗବତୀଙ୍କ ନିକଟରେ ସାମୂହିକ ଦ୍ବୀପ ଦାନ ଓ ପ୍ରାର୍ଥନା କରାଯାଇଥିଲା।

ବିଧାୟକ ଶୀଘ୍ର କରୋନାରୁ ସୁସ୍ଥ ହୋଇ ଚିଲିକା ନିର୍ବାଚନମଣ୍ଡଳୀରେ ବିଗତ ଏକ ବର୍ଷ ମଧ୍ୟରେ କରିଥିବା ବିକାଶକୁ ଆହୁରି ତ୍ୱରାନ୍ୱିତ କରିବା ପାଇଁ ବାଣପୁର ବ୍ଲକ ବିଜେଡି ଯୁବ ସଭାପତି ଶେଷଦେବ ପ୍ରଧାନ ମା’ ଭଗବତୀଙ୍କ ନିକଟରେ ପ୍ରାର୍ଥନା କରିଥିଲେ।

ଏଥି ସହ ଚିଲିକା ତଥା ଖୋର୍ଦ୍ଧା ଜିଲ୍ଲାର ସମସ୍ତ ଜନସାଧାରଣ ବିଧାୟକଙ୍କ ଆଶୁ ଆରୋଗ୍ୟ ପାଇଁ ପ୍ରାର୍ଥନା ଜାରି ରଖିଛନ୍ତି ବୋଲି ଶ୍ରୀ ପ୍ରଧାନ ମତପ୍ରକାଶ କରିଥିଲେ। କରୋନା କଟକଣାକୁ ଦୃଷ୍ଟିରେ ରଖି କର୍ମୀମାନଙ୍କ ଦ୍ୱାରା ଉକ୍ତ କାର୍ଯ୍ୟକ୍ରମ କରାଯାଇଥିଲା।

ସାମୂହିକ ଦ୍ବୀପ ଦାନ କାର୍ଯ୍ୟକ୍ରମରେ ଚିଲିକା ବିଧାୟକଙ୍କ ପ୍ରତିନିଧି ଗୋପୀନାଥ ମହାରଣା, ପୁରୀ ସାଂସଦ ପ୍ରତିନିଧି ମାନସ ରଞ୍ଜନ ପ୍ରଧାନ, କୁମାରାଙ୍ଗ ଗ୍ରାମ ପଞ୍ଚାୟତ ସରପଞ୍ଚ ମନୋଜ ପ୍ରଧାନ, ଗାଲୁଆ ଗ୍ରାମ ପଞ୍ଚାୟତ ସରପଞ୍ଚଙ୍କ ପ୍ରତିନିଧି ଚିତ୍ତରଞ୍ଜନ ସାମନ୍ତରାୟ, ବାଣପୁର ବ୍ଲକର ବରିଷ୍ଠ ବିଜେଡି ନେତା ଦିବାକର ଶାସମଲ୍, ଯୁବ ନେତା ନିରଞ୍ଜନ ପ୍ରଧାନ, ଆଲୋକ ପ୍ରଧାନ, ରଂଜିତ ନାୟକ, ସମ୍ବିତ ବରାଳ, ଅଶୋକ ନରେନ୍ଦ୍ର ସିଂ ଏବଂ ବହୁ ନେତା ଓ କର୍ମୀ ମାନେ ଯୋଗଦେଇଥିଲେ।