Tag: ଶୀତ

ଭୁବନେଶ୍ବର: ଆଜିଠାରୁ ରାଜ୍ୟରେ ଶୀତର ପ୍ରକୋପ ହ୍ରାସ ପାଇବ। ଗତକାଲି ରାତିର ତାପମାତ୍ରା ପୂର୍ବ ଅପେକ୍ଷା ଅଧିକ ଥିଲା। ଅର୍ଥାତ ଶୀତ ଧୀରେ ଧୀରେ କମିବାରେ ଲାଗିଛି। ବର୍ତ୍ତମାନ ରାତ୍ରିର ତାପମାତ୍ରା ପୂର୍ବ ଅପେକ୍ଷା 1 ରୁ 2 ଡିଗ୍ରୀ ଅଧିକ ରହୁଛି। ସେହିପରି ବିଭିନ୍ନ ସ୍ଥାନରେ ଘନ କୁହୁଡି ମଧ୍ୟ ପରିଲକ୍ଷିତ ହେଉଛି। ରାତିରେ ଏହି କୁହୁଡି ଅଧିକ ରହୁଛି। ଅନେକସ୍ଥାନରେ ଦିନ 10ଟା ପର୍ଯ୍ୟନ୍ତ ମଧ୍ୟ କୁହୁଡିର ଆସ୍ତରଣ ଲାଗି ରହୁଛି।

ହେଲେ ପାଣିପାଗ ବିଭାଗର ସୂଚନା ଅନୁସାରେ ଆସନ୍ତାକାଲିଠାରୁ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି। ଭୁବନେଶ୍ବର ପାଣିପାଗ ବିଭାଗ ଅନୁସାରେ 28 ଏବଂ 29 ତାରିଖରେ ଏହି ବର୍ଷା ହେବ। ତେବେ ଆଜି ଝାରସୁଗୁଡା, ସୁନ୍ଦରଗଡ, କେଉଁଝର ସାମାନ୍ୟ ବର୍ଷା ହେବର ସମ୍ଭାବନା ରହିଛି।

( ଏଥିରେ ଥିବା ଫଟୋଟି ଆଜି ସକାଳେ ଉପଗ୍ରହରୁ ଉତ୍ତୋଳନ କରାଯାଇଛି। ଏଥିରେ ଓଡିଶାରେ କିପରି କୁହୁଡିର ଆସ୍ତରଣ ରହିଛି ତାହା ଦୃଶ୍ୟମାନ ହୋଇଛି। ଫଟୋ ସୌଜନ୍ୟ- ଭୁବନେଶ୍ବର ପାଣିପାଗ ବିଭାଗ )

ଭୁବନେଶ୍ବର: ଗତ ତିନିଦିନ ଧରି ସାରା ରାଜ୍ୟ ଶୀତରେ ଥରୁଛି। ସଂଧ୍ୟା ହେଲେ ରାସ୍ତାଘଟ ଶୂନଶାନ ହୋଇଯାଉଛି। ଗତକାଲି ରାତିରେ ଏହି ଶୀତର ପ୍ରକୋପ ଅଧିକ ଅନୁଭୂତ ହୋଇଥିଲା। ତେବେ ପାଣିପାଗ ବିଭାଗ ଅନୁସାରେ ଏହି ଶୀତର ପ୍ରକୋପ ଆହୁରି ତିନିଦିନ ପର୍ଯ୍ୟନ୍ତ ଲାଗି ରହିବ। ଓଡିଶାର କାଶ୍ମୀର କୁହାଯାଉଥିବା ଦାରିଙ୍ଗିବାଡିରେ ତାପମାତ୍ର 3 ଡିଗ୍ରୀ ତଳକୁ ଖସିଯାଇଛି।

ସାରା ରାତି ଶୀତ ହେଉଥିବା ବେଳେ ଏହାର ପ୍ରକୋପ ସକାଳ 10 ପର୍ଯ୍ୟନ୍ତ ମଧ୍ୟ ରହୁଛି। କେତେକ ସ୍ଥାନରେ ପ୍ରବଳ କୁହୁଡି ଆସ୍ତରଣ ପଡୁଛି। ସୂଚନା ଅନୁସାରେ ରାଜ୍ୟର ତିନୋଟି ସ୍ଥାନରେ ତୁଷାରପାତ ହୋଇଥିବାର ସୂଚନା ମିଳିଛି। ସେହି ତିନୋଟି ସ୍ଥାନ ହେଲା ଦାରିଙ୍ଗବାଡି, ସୁନ୍ଦରଗଡର କୋଏଡା ଓ ସମ୍ବଲପୁରର ବାମରା ବ୍ଲକ। ତେବେ ବିଶେଷ କାମ ନ ଥିଲେ ସଂଧ୍ୟାରେ ବାହାରକୁ ନ ଯିବା ପାଇଁ ପରାମର୍ଶ ଦିଆଯାଇଛି।

ଭୁବନେଶ୍ବର, ଆସନ୍ତା ଡିସେମ୍ବର 30 ତାରିଖରୁ ଜାନୁୟାରୀ 2 ତାରିଖ ପର୍ଯ୍ୟନ୍ତ ପ୍ରବଳ ଶୀତ ହେବ। ପାଞ୍ଚୋଟି ଜିଲ୍ଲାରେ ପ୍ରବଳରୁ ଅତିପ୍ରବଳ ଶୀତ ହେବ ବୋଲି ପାଣିପାଗ ବିଭାଗ କହିଛି। ସେହି ଜିଲ୍ଲାଗୁଡିକ ହେଲା ଝାରସୁଗୁଡା, ଅନୁଗୁଳ, ସୁନ୍ଦରଗଡ, ଦେଓଗଡ, ବୌଦ୍ଧ ଏବଂ କନ୍ଧମାଳ। ଏଗୁଡିକୁ ୟେଲୋ ୱାର୍ଣ୍ଣି ଜାରୀ କରାଯାଇଛି। ପାଞ୍ଚୋଟି ଜିଲ୍ଲାରେ ପ୍ରବଳ ଶୀତର ସମ୍ଭାବନାକୁ ଦୃଷ୍ଟିରେ ରଖି ଏହି ଜିଲ୍ଲାର ଜିଲ୍ଲାପାଳମାନେ ଏସଆରସି ସତର୍କ ରହିବା ନିର୍ଦ୍ଦେଶ ଦେଇଛନ୍ତି। କାରଣ ଏପରି ଶୀତରେ ବିଭିନ୍ନ ରୋଗ ସହିତ ପଶୁପକ୍ଷୀମାନେ ବିପଦରେ ପଡିପାରନ୍ତି ବୋଲି ସତର୍କ କରାଯାଇଛି।

ଭୁବନେଶ୍ବର : ରାଜ୍ୟରେ ପାରଦ ଖସୁଛି । 11 ଡିଗ୍ରୀ ତଳେ ରାଜ୍ୟର 11ଟି ସହର । ସବୁଠୁ ସହର ଭାବେ ଫୁଲବାଣୀଠାରେ ସର୍ବନିମ୍ନ 5.5 ଡିଗ୍ରୀ ସେଲିସିୟସ ତାପମାତ୍ରା ରେକର୍ଡ କରାଯାଇଛି । ସେହିପରି ଝାରସୁଗୁଡାରେ 7.6 ଡିଗ୍ରୀ, ବାରିପଦାରେ 8.5 ଡିଗ୍ରୀ, ଅନୁଗୁଳୁ ଓ କୋରାପୁଟରେ 8.6 ଡିଗ୍ରୀ, ଦାରିଙ୍ଗିବାଡିରେ 9 ଡିଗ୍ରୀ, କେନ୍ଦୁଝରରେ 9.5 ଡିଗ୍ରୀ, ଭବାନୀପାଟଣାରେ 9.2 ଡିଗ୍ରୀ, ବଲାଙ୍ଗିରରେ 9.4 ଡିଗ୍ରୀ ଓ ବୌଦ୍ଧରେ 10.5 ଡିଗ୍ରୀ, କଟକରେ 11 ଡିଗ୍ରୀ ଓ ଭୁବନେଶ୍ବରରରେ 13.9 ଡିଗ୍ରୀ ତାପାମାତ୍ରା ରହିଥିବାର ସୂଚନା ରହିଛି ।

ଭୁବନେଶ୍ୱର: ନଭେମ୍ବର ଶେଷ ସୁଦ୍ଧା ରାଜ୍ୟରେ ପ୍ରବଳ ଥଣ୍ଡା ଅନୁଭୂତ ହେବ । ଉଭୟ ରାତି ଓ ଦିନର ତାପମାତ୍ରା ଆଖିଦୃଶିଆ ହ୍ରାସ ପାଇବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ଅନୁମାନ କରିଛି । କେନ୍ଦ୍ରର ସୂଚନା ଅନୁସାରେ ଆସନ୍ତା ଦୁଇ ଦିନ ରାଜ୍ୟରେ କିଛି କିଛି ସ୍ଥାନରେ ବର୍ଷା ସମ୍ଭାବନା ଥିବାରୁ ସର୍ବନିମ୍ନ ତାପମାତ୍ରାରେ ହ୍ରାସ ଘଟିବ ନାହିଁ । ଦୁଇ ଦିନ ପରେ ଅର୍ଥାତ 22 ତାରିଖଠାରୁ ତାପମାତ୍ରା ହ୍ରାସ ଘଟିବ । 3 ରୁ 4 ଦିନରେ ପାରଦ 4 ଓ 5 ଡିଗ୍ରୀ ଖସିବା ସହ ରାଜ୍ୟରେ ଶୀତର ପ୍ରକୋପ ବଢ଼ିବ। ପଞ୍ଚୁକ ଓ କାର୍ତ୍ତିକ ପୂର୍ଣ୍ଣିମା ବେଳକୁ ପ୍ରବଳ ଶୀତ ଅନୁଭୂତ ହେବ । ଅପରପକ୍ଷେ କେନ୍ଦ୍ରର ପୂର୍ବ ଆକଳନ ଅନୁଯାୟୀ ସକାଳେ କଟକ, ଅନୁଗୁଳ, ଢେ଼ଙ୍କାନାଳ ଜିଲ୍ଲାର କେତେକ ସ୍ଥାନରେ ଘନ କୁହୁଡ଼ି ଦେଖାଯାଇଥିଲା ।

ବଙ୍ଗୋପସାଗର ଉପରେ ଥିବା ଗୁରୁଚାପର ପ୍ରଭାବ କମିବା ଫଳରେ ରାଜ୍ୟରେ ବିଶେଷ କୁହୁଡ଼ି ଦେଖାଯିବ ନାହିଁ । କେନ୍ଦ୍ରର ବୈଜ୍ଞାନିକ ଉମାଶଙ୍କର ଦାସ କହିଛନ୍ତି 22 ତାରିଖ ସକାଳ ପର୍ଯ୍ୟନ୍ତ ଉପକୂଳ ଓଡ଼ିଶା ସମତେ ଆଭ୍ୟନ୍ତରୀଣ ଓଡ଼ିଶାରେ କିଛି କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ଫଳରେ ଏହି ଦୁଇ ଦିନ ରାଜ୍ୟର ରାତ୍ରି ତାପମାତ୍ରାରେ ଅପରିବର୍ତ୍ତିତ ରହିବ । ବର୍ଷା ଛାଡ଼ିଲେ ତାପମାତ୍ରା ଖସିବା ଆରମ୍ଭ ହୋଇଯିବ ଓ 26 ତାରିଖ ସୁଦ୍ଧା ପ୍ରାୟ 4 ଡିଗ୍ରୀ ପର୍ଯ୍ୟନ୍ତ ତାପମାତ୍ରା ଖସି ଶୀତ ପଡ଼ିବା ଆରମ୍ଭ ହେବ । ଅନ୍ୟପଟେ ବର୍ତ୍ତମାନ ଭାରତ ମହାସାଗର ବିଷୁବରେଖା ଆଖପାଖ ତଥା ସଂଲଗ୍ନ ଦକ୍ଷିଣ ପୂର୍ବ ବଙ୍ଗୋପସାଗର ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ଏହାର ପ୍ରଭାବରେ ଆସନ୍ତା 23 ତାରିଖ ବେଳକୁ ଏକ ଲଘୁଚାପ କ୍ଷେତ୍ର ଦକ୍ଷିଣ ବଙ୍ଗୋପସାଗରର କେନ୍ଦ୍ରରେ ସୃଷ୍ଟି ହେବାର ସମ୍ଭାବନା ରହିଛି ।

ଭୁବନେଶ୍ବରେ, ଗତ କିଛି ଦିନ ଧରି ସାରା ଓଡିଶାରେ ଶୀତ ଅନୁଭୂତ ହେବାରେ ଲାଗିଛି। ଏହି ଶୀତ ଆଉ ଗୋଟିଏ ଦିନ ହେବ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି। ଏହାପରେ ପାଗରେ ସାମାନ୍ୟ ପରିବର୍ତ୍ତନ ହେବ। ତେବେ ଗତକାଲିର ତାପମାତ୍ରା ଏନୁସାରେ ସୋନପୁରରେ ସର୍ବାଧିକ ଶୀତ ଅନୁଭୂତ ହୋଇଛି। ପାଣିପାଗର ରେକର୍ଟ ଅନୁସାରେ ସୋନପୁରରେ ତାପମାତ୍ରା ଥିଲା 9.6 ଡିଗ୍ରୀ। ସେହିପରି ଫୁଲବାଣୀ ଓ ଦାରିଙ୍ଗୀବାଡିରେ 10.5, ଅନୁଗୁଳରେ 11, କୋରାପୁଟରେ 11.6, ଭବାନୀପାଟଣାରେ 12.2 ତାପମାତ୍ରା ରହିଛି। ଭୁବନେଶ୍ବର, ପୁରୀ, ବାଲେଶ୍ବରର ତାପମାତ୍ରା 18.00 ଡିଗ୍ରୀ ଥିଲା।

ଭୁବନେଶ୍ବର : ମୌସୁମୀ ଫେରିଯିବା ପରେ ରାଜ୍ୟରେ ଅନୁଭୂତ ହୋଇଛି ଶୀତ ଗତ 4ରୁ 5 ଦିନ ହେବ ରାଜ୍ୟରେ ଟିକେ ଟିକେ ଶୀତ ଅନୁଭୂତ ହେଲାଣି । ରାଜ୍ୟର ବିଭିନ୍ନସ୍ଥାନରେ ଶୀତ ଅନୁଭୂତ ହେଉଥିବାବେଳେ ବହୁ ସ୍ଥାନରେ ତାପମାତ୍ରା କମିଛି । ରାଜ୍ୟରେ 4 ସହରର ତାପମାତ୍ରା  15  ଡିଗ୍ରୀ ତଳେ ରହିଛି । 12.8 ଡିଗ୍ରୀ  ସହ ସୋନପୁର ସବୁଠୁ ଥଣ୍ଡା ସହର ଚିହ୍ନଟ ହୋଇଛି। ଅନୁଗୁଳ 13.8 ଡିଗ୍ରୀ ରହିଥିବାବେଳେ ଫୁଲବାଣୀ ଓ ଦାରିଙ୍ଗିବାଡିରେ 14 ଡିଗ୍ରୀ ତାପମାତ୍ରା ରହିଛି । ସେହିପରି ରାଜଧାନୀ ଭୁବନେଶ୍ବରରେ ତାପମାତ୍ରା 19.8 ଡିଗ୍ରୀ ରହିଛି ।କଟକ ତାପମାତ୍ରା 20 ଡିଗ୍ରୀ ରେକର୍ଡ ହୋଇଥିବା ସୂଚନା ରହିଛି ।

ପାଣିପାଗ ବିଭାଗର ପୂର୍ବାନୁମାନ ଅନୁସାରେ ଚଳିତ ବର୍ଷ ଅଧିକ ଶୀତ ଅନୁଭୂତ ହେବ । ନଭେମ୍ବର ଦ୍ୱିତୀୟ ସପ୍ତାହରୁ ରାଜ୍ୟରେ ତାପମାତ୍ରା କମିବା ସହ ଶୀତର ପ୍ରକୋପ ବଢିବ ।