Tag: covid-19

Categories
ଆଜିର ଖବର ରାଜ୍ୟ ଖବର

କରୋନା ଆକ୍ରାନ୍ତଙ୍କ ଚିକିତ୍ସା କେବଳ କୋଭିଡ୍‌ ହସ୍ପିଟାଲରେ ହେବ: ସ୍ବାସ୍ଥ୍ୟ ସଚିବ

ସମୀକ୍ଷା ବ୍ୟୁରୋ

ଭୁବନେଶ୍ବର: କରୋନା ମୁକାବିଲାକୁ ନେଇ ଆଜି ସ୍ବାସ୍ଥ୍ୟ ସଚିବ ନିକୁଞ୍ଜ ବିହାରୀ ଧଳ ପ୍ରେସ ମିଟ୍‌ କରିଛନ୍ତି। ଆଜି ବିଶ୍ବ ସ୍ବାସ୍ଥ୍ୟ ଦିବସ ଅବସରରେ ସ୍ବାସ୍ଥ୍ୟ କର୍ମୀ, ଡାକ୍ତର, ନର୍ସ, ଧାଇ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି। କରୋନା ଯୁଦ୍ଧରେ ଯୋଦ୍ଧା ସାଜିଥିବା ସମସ୍ତଙ୍କୁ  ଶୁଭେଚ୍ଛା ଜଣାଇବା ସହ ରାଜ୍ୟବାସୀଙ୍କୁ କୋଭିଡ୍‌ ହସ୍ପିଟାଲ ସମ୍ପର୍କରେ ସୂଚନା ଦେଇଛନ୍ତି। ଦେଶରେ କିଛି ଡାକ୍ତରଖାନାର  ସ୍ବାସ୍ଥ୍ୟ କର୍ମୀମାନେ କୋଭିଡ୍‌-୧୯ରେ ସଂକ୍ରମିତ ହେବା ଖବର ଆସିବା ପରେ ସାଧାରଣରେ ଟିକେ ଭୟ ସୃଷ୍ଟି ହୋଇଥିଲା। ଏହି ଭୟକୁ ଦୃଷ୍ଟିରେ ରଖି ଆଜି ସ୍ବାସ୍ଥ୍ୟ ସଚିବ ଏହି ସମ୍ପର୍କରେ ସୂଚନା ଦେଇଛନ୍ତି। ରାଜ୍ୟରେ ବର୍ତ୍ତମାନ ୭ଟି କୋଭିଡ୍‌ ହସ୍ପିଟାଲ ପ୍ରତିଷ୍ଠା କରାଯାଇଛି। ଅନ୍ୟାନ୍ୟ ହସ୍ପିଟାଲରେ କୋଭିଡ୍‌ ରୋଗୀ ନାହାନ୍ତି। ରାଜ୍ୟର ବଡ ହସ୍ପିଟାଲ ତଥା କଟକର ଏସ୍‌ସିବିରେ କେହି କରୋନା ସଂକ୍ରମିତ ନଥିବାର ଜଣାଇଛନ୍ତି ସ୍ବାସ୍ଥ୍ୟ ସଚିବ। ସେହିପରି ଲୋକମାନେ କେବଳ କୋଭିଡ୍‌ ହସ୍ପିଟାଲକୁ ଛାଡି ଅନ୍ୟାନ୍ୟ ହସ୍ପିଟାଲକୁ ଅନ୍ୟ ଚିକିତ୍ସା ପାଇଁ ରୋଗୀ ଆସିପାରିବେ। ସେହିପରି କଟକର ସିଟି ହସ୍ପିଟାଲରେ ମଧ୍ୟ କେହି କୋଭିଡ୍‌ ରୋଗୀ ନାହାନ୍ତି। କେବଳ ଭୁବନେଶ୍ବରର କ୍ୟାପିଟାଲ୍‌ ହସ୍ପିଟାଲରେ ଜଣେ କୋଭିଡ ରୋଗୀ ଅଛନ୍ତି। ଏଠାରେ ରହିଥିବା ଆକ୍ରାନ୍ତ ଜଣକ ସୁସ୍ଥ ହୋଇଗଲେଣି। ତାଙ୍କର ଦ୍ବିତୀୟ ନମୁନା ପରୀକ୍ଷା ପରେ ସେ ଖୁବ୍‌ ଶୀଘ୍ର ହସ୍ପିଟାଲରୁ ବାହାରିବେ ବୋଲି ସ୍ବାସ୍ଥ୍ୟ ସଚିବ ଜଣାଇଛନ୍ତି। କରୋନା ଆକ୍ରାନ୍ତଙ୍କ ଚିକିତ୍ସା କେବଳ କୋଭିଡ୍‌ ହସ୍ପିଟାଲରେ ହେବ ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ସଚିବ।

ସେହିପରି  ଫ୍ଲୁ ଭଳି ଲକ୍ଷଣ ଦେଖାଦେଲେ ସଂକୋଚ କରିବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ସଚିବ। ୧୦୪କୁ ଫୋନ କରିବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ସଚିବ। ହେଲ୍ପ ଲାଇନ୍‌ -୧୦୪ରେ ଡାକ୍ତର ଉପଲବ୍ଧ ରହୁଛନ୍ତି। ଏହି ଡାକ୍ତରଙ୍କ ସହ ନିଜ ଲକ୍ଷଣ ସମ୍ପର୍କରେ କଥା ହେବା ପରେ ଚିକିତ୍ସା ଆରମ୍ଭ ହେବ ବୋଲି କହିଛନ୍ତି ସ୍ବାସ୍ଥ୍ୟ ସଚିବ।

Categories
ଆଜିର ଖବର ଜାତୀୟ ଖବର

ମୋଟ୍‌ 4067 କରୋନା ସଂକ୍ରମିତଙ୍କ ମଧ୍ୟରୁ ତବଲିଗି ଜମାତ ସହ ସମ୍ପର୍କରେ ଆସିଛନ୍ତି 1,445 ଜଣ  : ସ୍ବାସ୍ଥ୍ୟ ମନ୍ତ୍ରାଳୟ

ନୂଆଦିଲ୍ଲୀ: ଆଜି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ଭାରତର ମୋଟ କରୋନା ଆକ୍ରାନ୍ତଙ୍କ ମଧ୍ୟରୁ 76% ଆକ୍ରାନ୍ତ ପୁରୁଷ ରହିଥିବାବେଳେ 24% ମହିଳା ରହିଛନ୍ତି ସ୍ୱାସ୍ଥ୍ୟ ଓ ପରିବାର ଯୁଗ୍ମ ସଚିବ ଲବ ଅଗ୍ରୱାଲ ଏହି ସୂଚନା ଦେଇଛନ୍ତି। ସେହିପରି 63 ପ୍ରତିଶତ ରୋଗୀ 60 ବର୍ଷ ବା ଏହାଠାରୁ ଉର୍ଦ୍ଧ୍ବ ବୟସ ବର୍ଗର ରହିଥିବାବେଳେ 40 ବର୍ଷର କମ୍‌ ବୟସର ଆକ୍ରାନ୍ତ 47 ପ୍ରତିଶତ ରହିଛନ୍ତି । ସୂଚନାଯୋଗ୍ୟ ଯେ, ଗତ 24 ଘଣ୍ଟାରେ 693 କୋଭିଡ୍‌-19 ଆକ୍ରାନ୍ତଙ୍କୁ ଠାବ କରାଯାଇଛି। ‍କରୋନା ଆକ୍ରାନ୍ତଙ୍କ ସଂଖ୍ୟା 4067ରେ ପହଞ୍ଚିଥିବାବେଳେ ମୃତ୍ୟୁ ସଂଖ୍ୟା 109 ରହିଛି । ସେହିପରି ଆକ୍ରାନ୍ତଙ୍କ ମଧ୍ୟରୁ 1,445ଜଣଙ୍କର ତବଲିଗି ଜମାତ ସହ ସମ୍ପର୍କ ରହିଛି । ରବିବାର ଦିନ କରୋନା ଜନିତ 30 ଜଣକର ମୃତ୍ୟୁ ହୋଇଥିଲା । ଏଥିରୁ 63 ପ୍ରତିଶତ 60 ବର୍ଷ ବୟସ ବା ତା’ଠାରୁ ଉର୍ଦ୍ଧ୍ବର ରହିଥିବାବେଳେ 30 ପ୍ରତିଶତ ଲୋକଙ୍କ ଚାଳିଶ ରୁ ଷାଠିଏ ବର୍ଷ ବୟସ ମଧ୍ୟରେ ରହିଥିଲା । ସେହିପରି ସାତ ପ୍ରତିଶତ ଲୋକ ଚାଳିଶ ବର୍ଷ କମ୍‌ରୁ ରହିଥିଲେ ।

ସେହିପରି ହରିୟାଣାର ଯେଉଁ ପାଞ୍ଚଟି ଗ୍ରାମକୁ ତବଲିଗି ଜମାତର ଲୋକ ଯାଇଥିଲେ ସେହି ସମସ୍ତ ଗ୍ରାମକୁ ସିଲ୍‌ କରି ଦିଆଯାଇଛି ବୋଲି କହିଛନ୍ତି ଗୃହ ମନ୍ତ୍ରଣାଳୟ ଅଧିକାରୀ । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

ବିଭିନ୍ନ ରାଜ୍ୟର ଆକ୍ରାନ୍ତଙ୍କ ସଂଖ୍ୟା ହିସାବରେ ଓଡ଼ିଶା 19 ତମ ସ୍ଥାନରେ ରହିଛି : ସୁବ୍ରତ ବାଗ୍‌ଚୀ

ସମୀକ୍ଷା ବ୍ୟୁରୋ

ଭୁବନେଶ୍ବର : ଆଜି କରୋନା ଅପଡେଟ୍‌କୁ ନେଇ କରୋନା-19ର ରାଜ୍ୟସରକାରଙ୍କ ମୁଖପାତ୍ର ସୁବ୍ରତ ବାଗ୍‌ଚୀ ସୂଚନା ଦେଇ କହିଛନ୍ତି ଯେ, ଏଯାବତ୍‌ 1888ଟି ସାମ୍ପଲ୍‌ ଟେଷ୍ଟ ହୋଇଛି । ସେଥିରୁ 39ଟି ପଜିଟିଭି ବାହାରିଛନ୍ତି । ଭୁବନେଶ୍ବରରେ ସର୍ବାଧିକ 31 ଜଣ ପଜିଟିଭି ଚିହ୍ନଟ ହୋଇଛନ୍ତି । ଖୁବ ଶୀଘ୍ର ବୁର୍ଲା ଓ ବ୍ରହ୍ମପୁର ମେଡ଼ିକାଲ କଲେଜରେ କରୋନା ଟେଷ୍ଟ୍‌ । କରୋନା ଟେଷ୍ଟ ଆରମ୍ଭ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ବୋଲି ସାମ୍ବାଦିକ ସମ୍ମିଳନୀରେ ବାଗ୍‌ଚୀ କହିଛନ୍ତି । ଉଭୟରେ କରୋନା ଟେଷ୍ଟ ପ୍ରସ୍ତୁତି ଯୁଦ୍ଧକାଳୀନ ଭିତ୍ତିରେ କରିବାକୁ ନିର୍ଦ୍ଦେଶ ଦିଆଯାଇଛି । ଏବେ ଦୈନିକ 300 ସାମ୍ପଲ ପରୀକ୍ଷା କରାଯାଉଛି ବୋଲି ସୁବ୍ରତ ବାଗ୍‌ଚୀ କହିଛନ୍ତି । ପାଞ୍ଚ ଦିନ ମଧ୍ୟରେ ଦୈନିକ 1 ହଜାର ସାମ୍ପଲ୍‌ ଟେଷ୍ଟ ପାଇଁ ଲକ୍ଷ୍ୟ ରଖାଯାଇଛି ।

କରୋନା ଆକ୍ରାନ୍ତ ତଥ୍ୟ ଦେଇ ସୁବ୍ରତ୍‌ ବାଗଚୀ କହିଛନ୍ତି ଯେ, ବିଶ୍ବରେ ଏଯାବତ୍‌ 12 ଲକ୍ଷ 76 ହଜାର 732 ଜଣ ଆକ୍ରାନ୍ତ ହୋଇଛନ୍ତି । ଆକ୍ରାନ୍ତଙ୍କ ତାଲିକାରେ 28ତମ ସ୍ଥାନରେ ଭାରତ ରହିଛି । ସେହିପରି ବିଭିନ୍ନ ରାଜ୍ୟର ଆକ୍ରାନ୍ତଙ୍କ ସଂଖ୍ୟା ହିସାବରେ ଓଡ଼ିଶା 19 ତମ ସ୍ଥାନରେ ରହିଛି ।

ସେହିପରି ଆଜିଠାରୁ ବଜାରକୁ ସମ୍ପୂର୍ଣ୍ଣ ରୂପେ ଗାଡି ବାରଣ କରାଯିବ ।  ଲକ୍‌ଡାଉନ୍ ପିରିୟଡ଼ରେ ହୋଲସେଲ ମାର୍କେଟକୁ ଯାଇପାରିବେନି ସାଧାରଣ ଲୋକେ। ସଉଦା ପାଇଁ ବଜାରକୁ ଗଲେ ବାଇକ୍ ଓ କାରକୁ ସମ୍ପୂର୍ଣ୍ଣ ବାରଣ କରାଯାଇଛି । ଯଦି କେହି ବ୍ୟକ୍ତି ଗ୍ରୋସରି କିମ୍ବା ପରିବା କିଣିବାକୁ ଯାଆନ୍ତି, ସେମାନେ ଘର ପାଖ ବଜାରକୁ ଚାଲି କରି କିମ୍ବା ସାଇକେଲରେ ଯିବାକୁ ନିବେଦନ କରିଛନ୍ତି ସରକାର।  କୋଭିଡ୍-୧୯ ମୁକାବିଲା କମିଟି ମୁଖ୍ୟ ମୁଖପାତ୍ର ସୁବ୍ରତୋ ବାଗ୍‌ଚୀ ଆଜି ଏହି ସୂଚନା ଦେଇଛନ୍ତି। କଣ୍ଟେନମେଣ୍ଟ ଜୋନ୍‌ରେ ଘରୁ ବାହାରିବା ସଂପୂର୍ଣ୍ଣ ମନା କରାଯାଇଛି।

ଲକ୍ ଡାଉନ୍ ନିୟମ ଭାଙ୍ଗି 24 ଘଣ୍ଟାରେ 427 ଜଣ ଗିରଫ ହୋଇଥିବାର କହିଛନ୍ତି ବାଗ୍‌ଚୀ । ଗତ 24 ଘଣ୍ଟା ମଧ୍ୟରେ ମୋଟ 249ଟି ମାମଲା ରୁଜୁ ହୋଇଛି । ଲକ୍‌ ଡାଉନ୍‌ ଭଙ୍ଗ ପାଇଁ 233ଟି ମାମଲା ରୁଜୁ ହୋଇଥିବାବେଳେ ଗୁଜବ ସୃଷ୍ଟି ପାଇଁ ତିନୋଟି ମାମଲା ରୁଜୁ କରାଯାଇଛି । ସାମାଜିକ ଦୂରତ୍ବ ନିୟମ ଭାଙ୍ଗି ଭଦ୍ରକରେ 19 ଦୋକାନୀ ଗିରଫ ।

ପରିଶେଷରେ କରୋନାଠାରୁ ବିଜୟୀ ହେବା ପାଇଁ ସରକାରଙ୍କ ଦ୍ବାରା ପ୍ରସ୍ତୁତ ନିୟମକୁ ମାନିବା ସହିତ ଘରେ ରହିବାକୁ ପରାମର୍ଶ ଦେଇଛନ୍ତି ସୁବ୍ରତ ବାଗ୍‌ଚୀ ।

Categories
ଆଜିର ଖବର ବିଶେଷ ଖବର

ନିଜାମୁଦ୍ଦିନ ଲିଙ୍କ୍‌ ଥିଲେ ଭୟ ଓ ଲଜ୍ଜା ନ କରି ନିର୍ଭୟରେ ସାମ୍ନାକୁ ଆସନ୍ତୁ : ସୁବ୍ରତ ବାଗ୍‌ଚୀ

ସମୀକ୍ଷା ବ୍ୟୁରୋ

ଭୁବନେଶ୍ବର : ଆଜି କରୋନା ସମ୍ପର୍କିତ ସୂଚନା ପ୍ରଦାନ କରିଛନ୍ତି ରାଜ୍ୟସରକାରଙ୍କ  କୋଭିଡ-19ର ମୁଖପାତ୍ର ସୁବ୍ରତ ବାଗ୍‌ଚୀ। ଏହି ଅବସରରେ ନିଜାମୁଦ୍ଦିନ ଫେରନ୍ତାଙ୍କୁ ନିର୍ଭୟରେ ଆଗେଇ ଆସି ସରକାରଙ୍କ ନିକଟରେ ତଥ୍ୟ ଦେବାକୁ ନିବେଦନ କରିଛନ୍ତି ବାଗ୍‌ଚୀ । ସେହିପରି ଯଦି କୌଣସି ବ୍ୟକ୍ତି ଯଦି ନିଜାମୁଦ୍ଦିନରୁ ଫେରିଛନ୍ତି କିମ୍ବା ସେମାନଙ୍କ ସହ କୌଣସି ଲୋକ ସଂସ୍ପର୍ଶରେ ଆସିଛନ୍ତି ତେବେ ତାଙ୍କ ମାଆ ଓ ଭଉଣୀମାନେ ସେମାନଙ୍କୁ ବୁଝାନ୍ତୁ ଆଉ ୧୦୪କୁ କଲ କରି ସବିଶେଷ ତଥ୍ୟ ଦିଅନ୍ତୁ ବୋଲି ଆଜି ମୁଖ୍ୟମନ୍ତ୍ରୀ ନିବେଦନ କରିଥିବା ବାଗଚୀ କହିଛନ୍ତି ।

ତବଲିଗ ଜମାତରୁ ଫେରିଥିବା 28ଜଣଙ୍କୁ ରାଜ୍ୟ ସରକାର ଟେଷ୍ଟ କରାଯାଇଛି । ସେଥିରୁ 25ଟି ନମୂନା ନେଗେଟିଭ ଆସିଥିବା ବେଳେ ୩ ଜଣଙ୍କ ପଜିଟିଭ ଆସିଛି । ଏହି ତିନି ଜଣ ଯାଜପୁର, କଟକ ଓ ପୁରୀ ଅଞ୍ଚଳର ବୋଲି ଜଣାପଡିଛି । ଆଜି ମୁଖ୍ୟମନ୍ତ୍ରୀ ମଧ୍ୟ ନିଜାମୁଦ୍ଦିନ ଫେରନ୍ତାଙ୍କୁ ଭୟ ଓ ଲଜ୍ଜ୍ୟା ନ କରି ନିର୍ଭୟରେ ସାମ୍ନାକୁ ଆସନ୍ତୁ ବୋଲି ଅପିଲ୍‌ କରିଥିଲେ ବୋଲି ବାଗ୍‌ଚୀ କହିଛନ୍ତି । ଅପରପକ୍ଷରେ  ଆଜି ସୁଦ୍ଧା ରାଜ୍ୟରେ ଏଯାଏ 1395ଟି ସାମ୍ପଲ୍‌ ଟେଷ୍ଟ କରାଯାଇଥିବାବେଳେ 20ଟି ପଜିଟିଭି ବାହାରିଛି । ସେଥି ମଧ୍ୟରୁ ଦୁଇଜଣ ସୁସ୍ଥ ରହିଛନ୍ତି  ବୋଲି କହିଛନ୍ତି ବାଗ୍‌ଚୀ । ଗତକାଲି ସର୍ବାଧିକ 15 ଜଣ କରୋନା ରୋଗୀ ଚିହ୍ନଟ ହୋଇଛନ୍ତି। ସେହିପରି ଚତୁର୍ଥ ରୋଗୀଙ୍କ ସଂସ୍ପର୍ଶରେ ଆସିଥିବା 42 ଜଣ ଚିହ୍ନଟ ହୋଇଥିବାବେଳେ ପଞ୍ଚମ ରୋଗୀଙ୍କ ସଂସ୍ପର୍ଶରେ ଆସିଥିବା 38ଜଣ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା 51 ଜଣ ଆଇସୋଲେସନ୍‌ରେ ଅଛନ୍ତି  । ଅନ୍ୟ ଆକ୍ରାନ୍ତମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଖୋଜା ଚାଲିଛି ବୋଲି କହିଛନ୍ତି ବାଗ୍‌ଚୀ । ସେହିପରି 20 ଜଣ ଆକ୍ରାନ୍ତଙ୍କ ମଧ୍ୟରୁ 16 ଜଣ କଟକ ଅଶ୍ବିନୀ ହସ୍ପିଟାଲରେ ଅଛନ୍ତି ବୋଲି ସୂଚନା ଦେଇଛନ୍ତି ବାଗ୍‌ଚୀ ।

ସେହିପରି ଘରୋଇ ହସ୍ପିଟାଲଗୁଡିକୁ କଡା ତାଗିଦ୍‌ କରାଯାଇଛି । ଫ୍ଲୁ, ଶ୍ବାସ ଲୁଚାଇଲେ ଲାଇସେନ୍ସ ରଦ୍ଦ କରାଯିବ ବୋଲି ରାଜ୍ୟ ସରକାର କଡା ଚେତାବନୀ ଦେଇଛନ୍ତି । ଘରୋଇ ହସ୍ପିଟାଲଗୁଡିକୁ ଚିକିତ୍ସା ପାଇଁ ଆସୁଥିବା ଫ୍ଲୁ ଏବଂ ଶ୍ବାସ ରୋଗୀଙ୍କ ତଥ୍ୟ ଦେବାକୁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ବାଗ୍‌ଚୀ । ନିର୍ଦ୍ଦିଷ୍ଟ ଫର୍ମାଟ୍‌ରେ ତଥ୍ୟ ଦେବାକୁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ବାଗ୍‌ଚୀ । ଏହି ସମ୍ପର୍କୀୟ ତଥ୍ୟ ଲୁଚାଇଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ବାଗ୍‌ଚୀ ।

ଅପପ୍ରଚାର କଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଏହି ପ୍ରେସ୍‌ ମିଟ୍‌ରେ ଡିଜିପି ଅଭୟ ସୂଚନା ଦେଇଛନ୍ତି । କୋଭିଡ୍‌ – 19ର ସଂକ୍ରମଣକୁ ରୋକିବା ପାଇଁ ସାରା ଦେଶରେ ଲକ୍‌ ଡାଉନ୍‌ ଘୋଷଣା କରାଯାଇଥିବାବେଳେ ଗତକାଲି ଠାରୁ ଭୁବନେଶ୍ବର, କଟକ ଓ ଭଦ୍ରକ ମଧ୍ୟରେ ସଟ୍‌ ଡାଉନ୍‌ର ଘୋଷଣା କରାଯାଇଛି । ଏହି ସମୟରେ ସଟ୍ ଡାଉନ୍ ଓ ଲକ୍ ଡାଉନ୍‌ର ନିର୍ଦ୍ଦେଶ ନ ମାନୁଥିବା ଜନସାଧାରଣଙ୍କୁ ଗିରଫ କରାଯାଉଛି ଓ ଅଟକ ରଖାଯାଉଛି। ହେଲେ ଏହି ସାମ୍ପ୍ରତିକ ପରିସ୍ଥିତିରେ କିଛି ଅସାଧୁ ବ୍ୟକ୍ତି କରୋନାକୁ ନେଇ ସୋସିଆଲ ମିଡିଆରେ ଅନେକ ଖବର ପ୍ରସାରିତ କରୁଛନ୍ତି । ଯାହା ଓଡ଼ିଶାବାସୀଙ୍କ ମନରେ ଭୟ ସୃଷ୍ଟି କରିବା ସହ ରାଜ୍ୟର ବିଭିନ୍ନ ସମ୍ପ୍ରଦାୟଙ୍କ ମଧ୍ୟରେ ତିକ୍ତତା ସୃଷ୍ଟି କରୁଛି। ତେଣୁ ରାଜ୍ୟବାସୀ ନିଜ ସୋସିଆଲ ମିଡିଆ ଆକାଉଣ୍ଟରେ ଯଦି କିଛି ଏପରି ଖବର ଦେଖୁଛନ୍ତି, ତାକୁ ଅନ୍ୟକାହାକୁ ଫରୱାର୍ଡ କରନ୍ତୁ ନାହିଁ। ଘଟଣାର ସତ୍ୟତା ଜାଣିବା ପାଇଁ ପୋଲିସ୍‌ର ସହାୟତା ନିଅନ୍ତୁ କିମ୍ବା ୧୦୦କୁ ଫୋନ୍ କରି ସଠିକ୍ ଖବର ନିଅନ୍ତୁ ବୋଲି ଡିଜି ଅଭୟ କହିଛନ୍ତି । ଅପପ୍ରଚାର କଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ଦେଇଛନ୍ତି ଡିଜିିପି ।

ସର୍ବୋପରି ଦେଶରେ ବ୍ୟାପୁଥିବା ଏହି ମହମାରୀ ସଂକଟରୁ ଆମେ ସଚେତନ ଓ ସତର୍କ ଦ୍ବାରା ହିଁ ରକ୍ଷା ପାଇପାରିବା ବୋଲି କହିଛନ୍ତି କୋଭିଡ-19ର ମୁଖପାତ୍ର ସୁବ୍ରତ ବାଗ୍‌ଚୀ । ଘରେ ରହି, ସତର୍କ ରହି ନିଜ ସହ ଅନ୍ୟକୁ ସଂକ୍ରମଣରୁ ରକ୍ଷା କରିବା ପାଇଁ ଆହ୍ବାନ ଦେଇଛନ୍ତି ବାଗ୍‌ଚୀ ।

Categories
ବିଶେଷ ଖବର ରାଜ୍ୟ ଖବର

ଷଷ୍ଠ ଆକ୍ରାନ୍ତ ଦିଲ୍ଲୀ ନିଜାମୁଦ୍ଦିନରୁ ଫେରିଥିଲେ- ସୁବ୍ରୋତ ବାଗ୍‌ଚୀ

ସମୀକ୍ଷା ବ୍ୟୁରୋ

ଭୁବନେଶ୍ବର: ଆଜି ରାଜ୍ୟରେ ଷଷ୍ଠ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତ କଟକର ବୋଲି ଜଣାପଡିଛି। ସେ ଦିଲ୍ଲୀ ନିଜାମୁଦ୍ଦିନରୁ ଫେରିଥିବାର ଜଣାଇଛନ୍ତି କୋଭିଡ – 19ର ମୁଖପାତ୍ର ସୁବ୍ରତୋ ବାଗ୍‌ଚୀ। କଟକର ଅଶ୍ବିନୀ ହସ୍ପିଟାଲରେ ତାଙ୍କର ଚିକିତ୍ସ କରାଯାଉଛି ବୋଲି କହିଛନ୍ତି ବାଗ୍‌ଚୀ। ଏଯାବତ୍‌ 27 ଜଣ ନିଜାମୁଦ୍ଦିନରୁ ଓଡ଼ିଶା ଫେରିଆସିଛନ୍ତି ବୋଲି ସୂଚନା ରହିଛି। ଏହି 27 ଜଣଙ୍କ ମଧ୍ୟରେ 7 ଜଣ ବିଦେଶୀ ମଧ୍ୟ ରହିଛନ୍ତି। 27ଜଣଙ୍କ କରୋନା ପରୀକ୍ଷାରୁ 21ଟି ନେଗେଟିଭ୍‌ ଆସିଥିବାବେଳେ ଜଣକର ପଜିଟିଭି ଚିହ୍ନଟ ହୋଇଛନ୍ତି। ଏହି ବ୍ୟକ୍ତି ଜଣକ କଟକର ବୋଲି ଜଣାପଡିଛି। ସମ୍ପୃକ୍ତ ବ୍ୟକ୍ତି ଓ ତାଙ୍କ ପରିବାରକୁ ଆଇସୋଲେସନରେ ରଖାଯାଇଛି ବୋଲି କହିଛନ୍ତି ବାଗ୍‌ଚୀ। ନିଜାମୁଦ୍ଦିନ ଯାଇଥିବା ଆଉ 40 ଜଣ ବାହାରେ ରହିଛନ୍ତି ବୋଲି ସୂଚନା ରହିଛି। ଦିଲ୍ଲୀ, ପଶ୍ଚିମବଙ୍ଗ, ବିହାର, ଆନ୍ଧ୍ରରେ ଥିବା କ୍ବାରେଣ୍ଟାଇନ୍‌ ସେଣ୍ଟରରେ ଅଛନ୍ତି ବୋଲି ସୂଚନା ଦେଇଛନ୍ତି କୋଭିଡ୍‌ ମୁଖପାତ୍ର। କିଛି ଦିନ ତଳେ ପଶ୍ଚିମବଙ୍ଗରୁ 10 ଜଣ ଆସି ତାଳଚେର ବୁଲି ଯାଇଛନ୍ତି। ସେ ସମସ୍ତଙ୍କର କଣ୍ଟାକ୍ଟ ଟ୍ରେସିଂ କରି ନମୁନା ପରୀକ୍ଷା ପାଇଁ ପଠାଯାଉଛି ବୋଲି କହିଛନ୍ତି ବାଗ୍‌ଚୀ।

ଏତଦ୍‌ବ୍ୟତୀତ ଓଡ଼ିଶାରେ କରୋନା ଅପଡେଟ୍‌ ସମ୍ପର୍କରେ ସୂଚନା ଦେଇଛନ୍ତି ବାଗ୍‌ଚୀ। ଏଯାବତ୍‌ 113ଟି ସାମ୍ପଲ୍‌ ଟେଷ୍ଟ ହୋଇଥିବାବେଳେ ସେଥିରୁ 6ଟି ପଜିଟିଭି ଆସିଛି। ପ୍ରଥମ ଦୁଇ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତୃତୀୟ ଏବଂ ଚତୁର୍ତ ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି 124 ଜଣ। ସେହିପରି ପଞ୍ଚମ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା 30 ଜଣଙ୍କୁ ଚିହ୍ନଟ କରାଯାଇଛି ବୋଲି କହିଛନ୍ତି ବାଗ୍‌ଚୀ। ଷଷ୍ଠ ଜଣକ ସମ୍ପର୍କରେ କେତେଜଣ ଆସିଛନ୍ତି, ତାହାର ଅନୁସନ୍ଧାନ ଜାରି ରହିଛି ବୋଲି ସୂଚନା ଦେଇଛନ୍ତି କୋଭିଡ -19ର ମୁଖପାତ୍ର।

ପଞ୍ଚମ ଜଣକଙ୍କର କୌଣସି ଗସ୍ତ ସୂଚନା ରହିନଥିବାବେଳେ ତାଙ୍କୁ ନେଇ ରାଜ୍ୟ ସରକାର ଚିନ୍ତାରେ ପଡିଛନ୍ତି। ଏଥିପାଇଁ ରାଜ୍ୟ ସରକାର 48 ଘଣ୍ଟିଆ ସମ୍ପୂର୍ଣ୍ଣ ସଟ୍‌ ଡାଉନ୍‌ର ଘୋଷଣା କରିଛନ୍ତି ବୋଲି କହିଛନ୍ତି ସୁବ୍ରୋତ ବାଗ୍‌ଚୀ।

Categories
ଆଜିର ଖବର ଜାତୀୟ ଖବର

କରୋନାରେ ପ୍ରାଣ ହାରିଲେ ପଦ୍ମଶ୍ରୀ ନିର୍ମଳ ସିଂହ

ଚଣ୍ଡୀଗଡ : ପଦ୍ମଶ୍ରୀ ନିର୍ମଳା ସିଂହ 62 ବର୍ଷ ବୟସରେ କରୋନା ଯୋଗୁଁ ମୃତ୍ୟୁବରଣ କରିଛନ୍ତି। କିଛି ଦିନ ପୂର୍ବରୁ ଇଂଲଣ୍ଡରୁ ଫେରିଥିବାବେଳେ ଗତ 30 ତାରିଖରେ ନିଃଶ୍ବାସ ପ୍ରଶ୍ବାସରେ କଷ୍ଟ ଅନୁଭୂତ କରି ଗୁରୁନାନକ ଦେବ ହସ୍ପିଟାଲରେ ଭର୍ତ୍ତି ହୋଇଥିଲେ । ବୁଧବାର ଦିନ ସେ କରୋନା ପଜିଟିଭି ଥିବାର ଜଣାପଡିଥିଲା ।

ମିଳିଥିବା ସୂଚନା ଅନୁସାରେ ନିର୍ମଳ ସିଂହ ବିଦେଶରୁ ଫେରିବା ପରେ ଦିଲ୍ଲୀ ତଥା ଅନ୍ୟାନ୍ୟ କିଛି ସ୍ଥାନଠାରେ ଧାର୍ମିକ ସଭା ଆୟୋଜନ କରିଥିଲେ । ସେହିପରି ମାର୍ଚ୍ଚ 19 ତାରିଖରେ ଚଣ୍ଡୀଗଡସ୍ଥିତ ଘରେ ନିଜ ପରିବାରର ସଦସ୍ୟ ତଥା ଅନ୍ୟ କିଛି ସମ୍ପର୍କୀୟଙ୍କ ଏକ କୀର୍ତ୍ତନ କାର୍ଯ୍ୟକ୍ରମ ମଧ୍ୟ କରିଥିଲେ ।

ନିର୍ମଳ ସିଂହଙ୍କ ଦୁଇ ଝିଅ, ପୁଅ, ସ୍ତ୍ରୀ ତଥା ଡ୍ରାଇଭର ଓ ତାଙ୍କ ସମ୍ପର୍କରେ ଆସିଥିବା 6 ଅନ୍ୟ ଲୋକଙ୍କୁ ଆଇସୋଲେସନରେ ରଖାଯାଇଛି । ସୂଚନାଯୋଗ୍ୟ, ସୂର୍ଣ୍ଣ ମନ୍ଦିରର ପୂର୍ବ ହଜୁରୀ ରାଗୀ ରହିଥିବା ନିର୍ମଳ ସିଂ ଗୁରୁ ଗ୍ରନ୍ଥ ସାହିବର ଗୁରୁବାନୀର ସମସ୍ତ 31 ରାଗର ଜ୍ଞାନୀ ରହିଥିଲେ । 2009 ମସିହାରେ ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା । (ଏଜେନ୍ସି)

 

Categories
ଆଜିର ଖବର ଜାତୀୟ ଖବର

ଅରୁଣାଚଳପ୍ରଦେଶରୁ ଆସିଲା କରୋନା ଜନିତ ପ୍ରଥମ ମାମଲା, ରାଜସ୍ଥାନରେ ଜଣେ ବ୍ୟକ୍ତିଙ୍କଠାରୁ 17 ଜଣ ହେଲେ ସଂକ୍ରମିତ

ନୂଆଦିଲ୍ଲୀ : ଦେଶରେ କରୋନା ଭାଇରସ୍‌ ସମ୍ପର୍କିତ ମାମଲା ବେଶ୍‌ ଦ୍ରୁତ ଗତିରେ ବଢିବାରେ ଲାଗିଛି । ଗୁରୁବାର ସକାଳ 10ଟା ସୁଦ୍ଧା ମହାରାଷ୍ଟ୍ର, ରାଜସ୍ଥାନ, ଜମ୍ମୁ-କାଶ୍ମୀରରେ ନୂତନ କରୋନା ମାମଲା ସାମ୍ନାକୁ ଆସିଛି । ସେହିପରି ଦେଶର ଉତ୍ତରପୂର୍ବ ଅଞ୍ଚଳରେ ମଧ୍ୟ କରୋନା ବିସ୍ତାର ଲାଭ କରୁଛି । ଅରୁଣାଚଳ ପ୍ରଦେଶରେ ନୂତନ ମାମଲା ସାମ୍ନାକୁ ଆସିଛି । ଏହି ବ୍ୟକ୍ତି ଜଣକ ଦିଲ୍ଲୀର ନିଜାମୁଦ୍ଦିନସ୍ଥିତ ତବଲିଗ୍‌ ଜମାତରୁ ଫେରିଥିଲେ । ଏପର୍ଯ୍ୟନ୍ତ ଦେଶରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 2000 ପାଖାପାଖି ହୋଇଥିବାବେଳେ 40ରୁ ଉର୍ଦ୍ଧ୍ବଙ୍କର ମୃତ୍ୟୁ ହୋଇଛି । କେବଳ ମହାରାଷ୍ଟ୍ରରେ ସର୍ବାଧିକ ଆକ୍ରାନ୍ତ 338ଟି ମାମଲା ସାମ୍ନାକୁ ଆସିଛି । ସେଥିରୁ 17ଜଣଙ୍କର ମୃତ୍ୟୁ ହୋଇଥିବାବେଳେ 41 ଜଣ ଠିକ୍‌ ହୋଇଛନ୍ତି।

ସେହିପରି ରାଜସ୍ଥାନରେ ଗୁରୁବାର ଦିନ 9ଟି ମାମଲା ସାମ୍ନାକୁ ଆସିଥିଲା । ଜୟପୁରର ରାମଗଞ୍ଜରୁ 7ଟି ନୂଆ ମାମଲା ଆସିଛି । ତେବେ ରାମଗଞ୍ଜର ଜଣେ ବ୍ୟକ୍ତିଙ୍କ ସମ୍ପର୍କରେ ଆସିବା ଯୋଗୁଁ 7 ଜଣ କରୋନାରେ ସଂକ୍ରମିତ ହୋଇଥିବାର ଖବର ସାମ୍ନାକୁ ଆସିଛି । ଏହି ବ୍ୟକ୍ତି ଜଣକ ପ୍ରାୟ 17 ଜଣଙ୍କୁ ସଂକ୍ରମିତ କରିଥିବାର ସୂଚନା ରହିଛି । ରାଜସ୍ଥାନରେ 129ଟି ମାମଲା ସାମ୍ନାକୁ ଆସିଛି । ଝୁନ୍‌ଝୁନ୍‌ର ସଂକ୍ରମିତ ବ୍ୟକ୍ତି ତବଲିଗ୍‌ ଜମାତ୍‌ ସହ ସମ୍ପର୍କରେ ଥିଲେ ।

ସେହିପରି ଜମ୍ମୁକାଶ୍ମୀରରେ ଗୁରୁବାର ଦିନ ନୂତନ ସାତଟି ମାମଲା ସାମ୍ନାକୁ ଆସିଛି । ରାଜ୍ୟରେ ସଂକ୍ରମିତଙ୍କ ସଂଖ୍ୟା 62କୁ ବୃଦ୍ଧି ପାଇଛି । ଏଥିରୁ ଦୁଇଜଣଙ୍କର ମୃତ୍ୟୁ ହୋଇଥିବାବେଳେ ଦୁଇ ଜଣ ଠିକ୍‌ ହୋଇଛନ୍ତି । ସେହିପରି ମଣିପୁରରେ ମଧ୍ୟ ଦୁଇଜଣ ଆକ୍ରାନ୍ତ ରହିଥିବାବେଳେ ଆସାମରେ ଆକ୍ରାନ୍ତଙ୍କ ସଂଖ୍ୟା 5କୁ ବୃଦ୍ଧି ପାଇଛି ।

କେଉଁ ରାଜ୍ୟରେ କିପରି ରହିଛି କରୋନା ସ୍ଥିତି

କେରଳ : 265

ମହାରାଷ୍ଟ୍ର : 335

କର୍ଣ୍ଣାଟକ : 110

ତେଲେଙ୍ଗାନା : 97

ଗୁଜୁରାଟ : 82

ରାଜସ୍ଥାନ : 108

ଉତ୍ତରପ୍ରଦେଶ : 116

ଦିଲ୍ଲୀ : 152

ପଞ୍ଜାବ : 46

ତାମିଲନାଡୁ : 234

ହରିୟାଣା : 43

ମଧ୍ୟପ୍ରଦେଶ : 86

ଜମ୍ମୁକାଶ୍ମୀର : 62

ପଶ୍ଚିମବଙ୍ଗ : 27

ଆନ୍ଧ୍ରପ୍ରଦେଶ : 87

ଲଦାଖ : 13

ବିହାର : 23

ଚଣ୍ଡୀଗଡ : 15

ଆଣ୍ଡାମାନ ନିକୋବର : 10

ଛତିଶଗଡ : 9

ଉତ୍ତରାଖଣ୍ଡ : 7

ଗୋଆ : 5

ଓଡ଼ିଶା : 4

ହିମାଚଳ ପ୍ରଦେଶ : 3

ମିଜେରାମ : 1

ପୁଡୁଚେରୀ : 1

ମଣିପୁର : 2

ଅରୁଣାଚଳ ପ୍ରଦେଶ  : 1

ଆସାମା : 5

 

 

 

Categories
ଅନ୍ତରାଷ୍ଟ୍ରୀୟ ଆଜିର ଖବର ସ୍ବାସ୍ଥ୍ୟ

ଆମେରିକାରେ କରୋନା ଅଣାୟତ୍ତ : ଏକ ଲକ୍ଷରୁ ଅଧିକ ଲୋକେ ହେଲେଣି ଆକ୍ରାନ୍ତ

ନୂଆଦିଲ୍ଲୀ : ଚୀନରୁ ବୁହାନ ସହରରୁ ବ୍ୟାପିଥିବା କରୋନା ଏବେ ଦେଶର 199ଟି ଦେଶରେ ବ୍ୟାପି ସାରିଛି। ଦେଶର ସବୁଠୁ ଶକ୍ତିଶାଳୀ ଦେଶ ଆମେରିକାରେ ଆକ୍ରାନ୍ତଙ୍କ ସଂଖ୍ୟା ଏକଲକ୍ଷ 42 ହଜାରରୁ ଅଧିକ ହୋଇଥିବାବେଳେ ଏହି ମହାମାରୀରେ ମୃତ୍ୟୁବରଣ କଲେଣି ଦୁଇ ହଜାରରୁ ଅଧିକ ଲୋକେ। ସେହିପରି ଇଟାଲୀ ଓ ସ୍ପେନ୍‌ରେ ମଧ୍ୟ ଉଦ୍‌ବେଗଜନକ ସ୍ଥିତି ରହିଛି । ବିଶ୍ବରେ ସର୍ବାଧିକ ମୃତ୍ୟୁ ଇଟାଲୀରେ ହୋଇଥିବାବେଳେ ଏହା ପଛକୁ ରହିଛି ସ୍ପେନ୍‌। ଇଟାଲୀରେ ସର୍ବମୋଟ୍‌ ମୃତ୍ୟୁ ସଂଖ୍ୟା ଦଶହଜାର ଡେଇଁ ସାରିଲାଣି । ଅପରପକ୍ଷରେ ଅନ୍ୟାନ୍ୟ ରାଷ୍ଟ୍ର ଜର୍ମାନ, ଇରାନରେ ମଧ୍ୟ କାୟା ମେଲୁଛି କରୋନା । ସେହିପରି ଭାରତରେ ହଜାରରୁ ଉର୍ଦ୍ଧ୍ବ ସଂକ୍ରମିତ ହୋଇଥିବାବେଳେ ମୃତ୍ୟୁ ସଂଖ୍ୟା 27ରେ ପହଞ୍ଚିଲାଣି । ତେବେ ସାରା ବିଶ୍ବରେ ଏହି ରୋଗରୁ ସୁସ୍ଥ ହୋଇଛନ୍ତି ପ୍ରାୟ ଦେଢ ଲକ୍ଷରୁ ଅଧିକ ଲୋକେ । ଚୀନ୍‌ରେ ଏବେ କରୋନାର ସ୍ଥିତି ନିୟନ୍ତ୍ରଣାଧୀନ ରହିଥିବାବେଳେ ଅନ୍ୟାନ୍ୟ ରାଷ୍ଟ୍ରମାନେ ଏବେ କରୋନା ସହ ଲଢେଇ ଜାରି ରଖିଛନ୍ତି ।

ସମୀକ୍ଷା ତରଫରୁ କରୋନା ଅପଡେଟ୍‌ :

Categories
ଅନ୍ତରାଷ୍ଟ୍ରୀୟ ଆଜିର ଖବର ସ୍ବାସ୍ଥ୍ୟ

କରୋନା ଅପଡେଟ୍‌ : ଇଟାଲୀରେ ଦଶହଜାର ଟପିଲା ମୃତକଙ୍କ ସଂଖ୍ୟା

Coronavirus.

ନୂଆଦିଲ୍ଲୀ : ଭୟାନକ କରୋନା ସାରା ବିଶ୍ବରେ ତା’ର ପ୍ରକୋପ ଜାରି ରଖିଥିବାବେଳେ ଦୁନିଆର 199ଟି ଦେଶ ଏବେ ତା’ର କବଳରେ। ବିଶ୍ବରେ ସାଢେ ଛଅ ଲକ୍ଷରୁ ଅଧିକ ସଂକ୍ରମିତ ମାମଲା ସାମ୍ନାକୁ ଆସିଥିବାବେଳେ 31 ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ସୂନା ରହିଛି। ସେହିପରି 42 ହଜାର ଲୋକ ସୁସ୍ଥ ହୋଇଛନ୍ତି। ଚୀନର ବୁହାନ ସହରରୁ ଆରମ୍ଭ ହୋଇଥିବା କରୋନା ବିଶ୍ବରେ କରୋନା ଜନିତ ସର୍ବାଧିକ ମୃତ୍ୟୁ ଇଟାଲୀରେ ହୋଇଛି। ଏଠାରେ ମୃତକଙ୍କ ସଂଖ୍ୟା ଦଶହଜାର ପାର୍‌ କରିଥିବାବେଳେ ସଂକ୍ରମିତ ମାମଲା 92ହଜାର 472ରେ ପହଞ୍ଚିଛି। ଇଟାଲୀ ପରକୁ ରହିଛି ସ୍ପେନ୍‌। ଏଠାରେ ଏପର୍ଯ୍ୟନ୍ତ ପାଞ୍ଚ ହଜାର 992 ଜଣଙ୍କର ମୃତ୍ୟୁ ହୋଇଥିବାବେଳେ ସଂକ୍ରମିତଙ୍କ ସଂଖ୍ୟା 73 ହଜାର 235ରେ ପହଞ୍ଚିଛି। ସେହିପରି ଆମେରିକାରେ ମଧ୍ୟ ଚୀନଠାରୁ ଅଧିକ ଲୋକ ସଂକ୍ରମିତ ହୋଇଛନ୍ତି। ଆମେରିକାରେ ଏକ ଲକ୍ଷ 23 ହଜାର 750ଟି ସଂକ୍ରମିତ ମାମଲା ସାମ୍ନାକୁ ଆସିଥିବାବେଳେ 2,227ଜଣଙ୍କର ମୃତ୍ୟୁ ହୋଇଛି।

ସମୀକ୍ଷା ତରଫରୁ ପ୍ରସ୍ତୁତ କରୋନା ଅପଡେଟ୍‌ :

Categories
ଆଜିର ଖବର ଜାତୀୟ ଖବର

କରୋନା ରୋଗୀଙ୍କ ପାଇଁ ଗୁଜୁରାଟରେ ମାତ୍ର 6 ଦିନରେ ପ୍ରସ୍ତୁତ ହେଲା 2200 ଶଯ୍ୟା ବିଶିଷ୍ଟ ହସ୍ପିଟାଲ୍‌

ଗୁଜୁରାଟ : ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାବେଳେ ଉଭୟ କେନ୍ଦ୍ର ଓ ରାଜ୍ୟସରକାରମାନେ ମୁକାବିଲା କରିବା ପାଇଁ କଡା ପଦକ୍ଷେପ ନେଉଛନ୍ତି। ଏହି କ୍ରମେ ଗୁଜୁରାଟ ସରକାର କରୋନା ସଂକ୍ରମିତଙ୍କ ଦେଖାରେଖା ପାଇଁ ମାତ୍ର 6 ଦିନରେ 2200 ଶଯ୍ୟା ବିଶିଷ୍ଟ ହସ୍ପିଟାଲ୍‌ ପ୍ରସ୍ତୁତ କରିଛନ୍ତି। ମୁଖ୍ୟମନ୍ତ୍ରୀ ବିଜୟ ରୂପାଣି ଏହି ସମ୍ପର୍କରେ ସୂଚନା ଦେଇ କହିଛନ୍ତି ଯେ, ଏଠାରେ କରୋନା ରୋଗୀଙ୍କୁ ସବୁପ୍ରକାରର ଚିକିତ୍ସା ମିଳିପାରି । ସେହିପରି କୋଭିଡ -19 ସମ୍ବନ୍ଧୀୟ ଚାରୋଟି ବିଶେଷ ହସ୍ପିଟାଲ୍‌ର ଆରମ୍ଭ କରିଛନ୍ତି । ଏହା ଅହାମଦାବାଦ, ରାଜକୋଟ୍‌, ସୁରତ୍‌ ଓ ବଡଦୋରଠାରେ ପ୍ରସ୍ତୁତ କରାଯାଇଛି । ଏହି ହସ୍ପିଟାଲଗୁଡିକୁ ଚାରି ଉଚ୍ଚ ଅଧିକାରୀଙ୍କ ଦାୟିତ୍ବରେ ରହିଛି।

ସୁରତଠାରେ କୋଭିଡ୍‌-19 ପାଇଁ ସ୍ପେଶାଲ୍‌ ହସ୍ପିଟାଲ୍‌ରେ 40ଟି ଆଇସିୟୁ ଶଯ୍ୟା, ଓ 140 ଟି ସାଧାରଣ ଶଯ୍ୟା ପ୍ରସ୍ତୁତ କରାଯାଇଛି । ସେହିପରି ବଡଦୋରାଠାରେ 50ଟି ଆଇସିୟୁ ଶଯ୍ୟା, 200ଟି ସାଧାରଣ ଶଯ୍ୟା ପ୍ରସ୍ତୁତ କରାଯାଇଥିବାବେଳେ ରାଜକୋଟଠାରେ 40ଟି ଆଇସିୟୁ ଶଯ୍ୟା ଓ 160ଟି ସାଧାରଣ ଶଯ୍ୟା ପ୍ରସ୍ତୁତ କରାଯାଇଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ହଜାରେ ଡେଇଁଲା ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା, ଜାଣନ୍ତୁ କେଉଁଠି କିପରି ରହିଛି କରୋନାର ସ୍ଥିତି

ନୂଆଦିଲ୍ଲୀ : ସାରା ଦୁନିଆରେ କରୋନା ତା’ର ତାଣ୍ଡବ ରଚୁଥିବାବେଳେ ଭାରତରେ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି। ଦେଶରେ ଆକ୍ରାନ୍ତଙ୍କ ସଂଖ୍ୟା 1000 ଟପି ସାରିଲାଣି । ସବୁଠୁ ଅଧିକାଂଶ ଆକ୍ରାନ୍ତ ମହାରାଷ୍ଟ୍ରରେ ରହିଛନ୍ତି । କରୋନା ଭାଇରସ୍‌ ଯୋଗୁଁ ଭାରତ ସରକାର 21 ଦିନିଆ ଲକ୍‌ ଡାଉନ୍‌ର ଘୋଷଣା କରିଛନ୍ତି । ଆଜି ଲକ୍‌ ଡାଉନ୍‌ର ପଞ୍ଚମ ଦିବସ ହୋଇଥିବାବେଳେ ସାରା ଦେଶ ଏକ ପ୍ରକାର ଠପ୍‌ ହୋଇଥିବାବେଳେ ଖଟିଖିଆ ଓ ଶ୍ରମିକମାନେ ନିଜ ନିଜ ଘରକୁ ପଳାୟନ କରୁଥିବାବେଳେ ଏହା ସରକାରଙ୍କ ପାଇଁ ଏକପ୍ରକାରର ଚ୍ୟାଲେଞ୍ଜ ପାଲଟି ଯାଇଛି । ଭାରତରେ କରେନା ମୃତ୍ୟୁ ସଂଖ୍ୟା 20ରେ ପହଞ୍ଚିଥିବାବେଳେ ଦେଶରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା 1029ରେ ପହଞ୍ଚିଛି। ସେହିପରି 85 ଜଣ ସୁସ୍ଥ ହୋଇ ଫେରିଯାଇଛନ୍ତି। ସର୍ବାଧିକ ମହାରାଷ୍ଟ୍ରରେ 186ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

ମିଳିଥିବା ରିପୋର୍ଟ ଅନୁସାରେ ମାର୍ଚ୍ଚ 15 ରେ ଦେଶରେ ଶହେଟି ମାମଲା ଆସିଥିବାବେଳେ ବିଗତ 13 ଦିନ ଭିତରେ ଏହା 1000 ପାଖାପାଖିରେ ପହଞ୍ଚିଛି ।

ସେହିପରି ମହାରାଷ୍ଟ୍ରରେ ଚାରି, ଗୁଜୁରାଟ ଓ କର୍ଣ୍ଣାଟକରେ ତିନି, ମଧ୍ୟପ୍ରଦେଶରେ ଦୁଇ, ତାମିଲନାଡୁ, ବିହାର, ପଞ୍ଜାବ, ଦିଲ୍ଲୀ, ପଶ୍ଚିମ ବଙ୍ଗ, ଜମ୍ମୁକାଶ୍ମୀର ଓ ହିମାଚଳ ପ୍ରଦେଶରେ ଓ କେରଳରେ ଜଣେ ଜଣେ କରୋନା ଯୋଗୁଁ ମୃତ୍ୟୁବରଣ କରିଛନ୍ତି । ଦେଶରେ ସର୍ବାଧିକ ମହାରାଷ୍ଟ୍ରରେ ପାଞ୍ଚ ଜଣଙ୍କର କରୋନା ଜନିତ ମୃତ୍ୟୁ ଘଟିଛି। ଭାରତରେ କରୋନା ଦ୍ବିତୀୟ ଷ୍ଟେଜ୍‌ରେ ରହିଥିବାବେଳେ ଏହା ଯେପରି ତୃତୀୟ ଷ୍ଟେଜ୍‌କୁ ନ ବ୍ୟାପେ ସେଥିପାଇଁ ସାମାଜିକ ଦୂରତ୍ବ ଓ ସଙ୍ଗରୋଧକୁ ବେଶ୍‌ କଡାକଡି କରାଯାଇଛି ।  ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ’ମନ କୀ ବାତ୍‌’ କାର୍ଯ୍ୟକ୍ରମ ଜରିଆରେ କରୋନା ସମ୍ପର୍କରେ ସୂଚନା ଦେବେ ବୋଲି ଜଣାପଡିଛି ।

କେଉଁ ରାଜ୍ୟରେ କିପରି ରହିଛି କରୋନାର ସ୍ଥିତି :

ଆନ୍ଧ୍ରପ୍ରଦେଶ : 13

ଛତିଶଗଡ : 6

ଦିଲ୍ଲୀ : 49

ଗୁଜୁରାଟ : 55

ହରିୟାଣା : 33

ହିମାଚଳ ପ୍ରଦେଶ : 3

କର୍ଣ୍ଣାଟକ : 81

କେରଳ : 182

ମଧ୍ୟପ୍ରଦେଶ : 34

ମହାରାଷ୍ଟ୍ର : 186

ଓଡ଼ିଶା : 3

ପୁଡୁଚେରୀ : 1

ପଞ୍ଜାବ : 38

ରାଜସ୍ଥାନ : 54

ତାମିଲନାଡୁ : 42

ତେଲେଙ୍ଗାନା : 67

ଚଣ୍ଡୀଗଡ : 8

ଜମ୍ମୁକାଶ୍ମୀର : 33

ଲଦାଖ : 13

ଉତ୍ତରପ୍ରଦେଶ : 65

ଉତ୍ତରାଖଣ୍ଡ : 6

ପଶ୍ଚିମବଙ୍ଗ : 17

ବିହାର : 9

ମଣିପୁର : 1

ମିଜୋରାମ : 1

ପୁଡୁଚେରୀ :1

ଗୋଆ : 3

ଆଣ୍ଡାମାନ ନିକୋବର : 9

Categories
ବିଶେଷ ଖବର ରାଜ୍ୟ ଖବର

କରୋନା ପାଇଁ 2200 କୋଟି ଟଙ୍କାର ପ୍ୟାକେଜ ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ସମୀକ୍ଷା ବ୍ୟୁରୋ

ଭୁବନେଶ୍ବର : କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ 22ଶହ କୋଟିର ପ୍ୟାକେଜ୍‌ର ଘୋଷଣା କରିଛନ୍ତି । ଗରିବ, ଖଟିଖିଆ, ଶ୍ରମିକଙ୍କ ପାଇଁ ମୁଖ୍ୟମନ୍ତ୍ରୀ ଏହି ପ୍ୟାକେଜ୍‌ ଘୋଷଣା କରିଛନ୍ତି। ଖାଦ୍ୟ ସୁରକ୍ଷା ଯୋଜନାରେ ଆସୁଥିବା 94 ଲକ୍ଷ ପରିବାରକୁ ଏକ ହଜାର ଟଙ୍କା ଲେଖାଏଁ ସହାୟତା ଦେବାକୁ ଘୋଷଣା କଲେ ନବୀନ। ଏଥିପାଇଁ 940 କୋଟି ଖର୍ଚ୍ଚ ହେବ। ସେହିପରି ଖାଦ୍ୟ ସୁରକ୍ଷା ଯୋଜନାରେ ତିନି ମାସର ରାସନ ଆଗୁଆ ମିଳିଛି। ବିଭିନ୍ନ ସାମାଜିକ ସୁରକ୍ଷା ଯୋଜନାର 48 ହିତାଧିକାରୀଙ୍କୁ 4 ମାସର ଭତ୍ତା ଆଗୁଆ ଦିଆଯାଉଛି। ବୃଦ୍ଧବୃଦ୍ଧା, ବିଧବା, ଭିନ୍ନକ୍ଷମଙ୍କୁ ଚାରି ମାସର ଭତ୍ତା ଆଗୁଆ ମିଳୁଛି। ଚାରି ମାସର ଆଗୁଆ ଭତ୍ତା ପାଇଁ 932 ଟଙ୍କା ଖର୍ଚ୍ଚ ହେବ । ରାଜ୍ୟର 94 ଲକ୍ଷ ପରିବାରକୁ 1 ହଜାର ଟଙ୍କା ଲେଖାଏଁ ସହାୟତା ମିଳିବ। ସେହିପରି ରାଜ୍ୟର 22 ଲକ୍ଷ ନିର୍ମାଣ ଶ୍ରମିକଙ୍କୁ ମଧ୍ୟ ଆର୍ଥିକ ସହାୟତା ମିଳିବ। 22 ଲକ୍ଷ ନିର୍ମାଣ ଶ୍ରମିକଙ୍କୁ 15 ଶହ ଟଙ୍କା ଲେଖାଏଁ ସହାୟତା ଯୋଗାଇଦେବ । ନିର୍ମାଣ ଶ୍ରମିକଙ୍କୁ ସହାୟତା ବାବଦରେ 330 କୋଟି ଖର୍ଚ୍ଚ ହେବ।

Categories
ଆଜିର ଖବର ଜାତୀୟ ଖବର

ପ୍ରବାସୀଙ୍କ ଉପରେ ନଜର ରଖିବାକୁ ନିର୍ଦ୍ଦେଶ ଦେଲେ ଗୃହ ମନ୍ତ୍ରାଳୟ

ନୂଆଦିଲ୍ଲୀ : ପ୍ରବାସୀଙ୍କ ଉପରେ କଡା ନଜର ରଖିବା ପାଇଁ  ଗୃହ ମନ୍ତ୍ରାଳୟ କଡା ନିର୍ଦ୍ଦେଶ  ଦେଇଛନ୍ତି। ବିଦେଶ ଫେରନ୍ତାଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରିବାକୁ ଗୃହ ମନ୍ତ୍ରାୟ ତରଫରୁ ଚିଠିରେ ନିର୍ଦ୍ଦେଶ ରହିଛି। ଆଇସୋଲେସନ୍‌, କ୍ବାରେଣ୍ଟାଇନ୍‌ ଓ ନିରୀକ୍ଷଣ ବ୍ୟବସ୍ଥା କରିବାକୁ ମଧ୍ୟ ପରାମର୍ଶ ଦିଆଯାଇଛି। ପ୍ରବାସୀଙ୍କ ଉପରେ ନଜର ରଖିବା ସହ କଡାକଡି ଯାଞ୍ଚ କରିବାକୁ ପରାମର୍ଶ। 35ଟି ଲାବୋରେଟୋରୀରେ ନମୁନା ପରୀକ୍ଷା ପାଇଁ ବ୍ୟବସ୍ଥାର ସୂଚନା ଦିଆଯାଇଛି।

ଲକ୍‌ଡାଉନ ଘୋଷଣା ହେବା ପରେ ଦିଲ୍ଲୀ ସମେତ ଅନ୍ୟାନ୍ୟ କିଛି ପ୍ରଦେଶରେ ଖଟିଖିଆମାନେ ପଳାୟନ କରୁଛନ୍ତି। ଶ୍ରମିକମାନେ ଶହ ଶହ କିଲୋମିଟର ପାଦରେ ଚାଲି ଚାଲି ନିଜ ଭିଟାମାଟିକୁ ଫେରୁଛନ୍ତି। ବିଗତ ଦୁଇ ଦିନ ଧରି ଏହିପରି ଖବର ସାମ୍ନାକୁ ଆସିଛି। ଗୃହ ମନ୍ତ୍ରାଳୟ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶକୁ ଆଡ୍‌ଭାଇଜାରୀ ଜାରି କରି ଏହି ଖଟିଖିଆ ଓ ଶ୍ରମିକଙ୍କୁ ସାହାଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି।

କରୋନା ସହ ଯୁଦ୍ଧ କରିବା ପାଇଁ ମୋଦି ସରକାର 21 ଦିନିଆ ଲକ୍‌ଡାଉନ୍‌ର ଘୋଷଣା କରିଛନ୍ତି। ଏହି ଘୋଷଣା ପରେ ଭିନ୍ନ ଭିନ୍ନ ରାଜ୍ୟରେ ଶ୍ରମିକ ବା ଦିନମଜୁରିଆମାନେ ସେହି ସ୍ଥାନ ଛାଡି ନିଜ ଭିଟାମାଟିକୁ ଫେରୁଛନ୍ତି। ଏହିପରି ଖବର ଜଣାପଡିବା ପରେ ସରକାର ଏହିପରି ପ୍ରବାସୀ ଶ୍ରମିକ ବା ଖଟିଖିଆମାନଙ୍କୁ ସାହାଯ୍ୟ କରିବା ପାଇଁ ନିର୍ଦ୍ଦେଶ ଦିଆଯାଇଛି। (ଏଜେନ୍ସି)

 

Categories
ଆଜିର ଖବର ରାଜ୍ୟ ଖବର

କର କ୍ଲିନିକ ଯିବାକୁ ବାରଣ, କୋଭିଡ19 ଗାଇଡ ଲାଇନ ଉଲ୍ଲଂଘନକାରୀ ହସପିଟାଲ ବିରୋଧରେ କାର୍ଯ୍ୟାନୁଷ୍ଠାନ

ଭୁବନେଶ୍ୱର:  ଗତକାଲି ରାଜ୍ୟରେ ତୃତୀୟ କରୋନା ପଜିଟିଭି ଚିହ୍ନଟ ହେବା ପରେ ଘରୋଇ କ୍ଲିନିକ୍‌ଗୁଡିକ କୋଭିଡି -19ର ଗାଇଡଲାଇନ୍‌ ଉଲ୍ଲଂଘନ କରୁଥିବା ନେଇ କ୍ଷୁବ୍ଧ ହୋଇଛି ରାଜ୍ୟ ସ୍ବାସ୍ଥ୍ୟ ବିଭାଗ । ଏଣିକି ଘରୋଇ କ୍ଲିନିକଗୁଡିକ ଗାଇଡ୍‌ଲାଇନ୍‌ ନ ମାନିଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ମଧ୍ୟ ଦିଆଯାଇଛି । ସାଧାରଣ ଥଣ୍ଡା, କାଶ ଯାଞ୍ଚ ବେଳେ ମଧ୍ୟ କୋଭିଡ୍‌-19 ଗାଇଡଲାଇନ୍‌ ମାନିବାକୁ ପରାମର୍ଶ ଦିଆଯାଇଛି ।

ସୂଚନାଯୋଗ୍ୟ ଗତକାଲି ରାଜ୍ୟରେ ତୃତୀୟ ରୋଗୀ ଚିହ୍ନଟ ହେବା ପରେ ଭୁବନେଶ୍ବର ଭୌମନଗରସ୍ଥିତ କର କ୍ଲିନିକ୍‌କୁ ନ ଯିବା ପାଇଁ ପରାମର୍ଶ ଦେଇଛି ସ୍ବାସ୍ଥ୍ୟ ବିଭାଗ । ମିଳିଥିବା ସୂଚନା ଅନୁସାରେ ଆକ୍ରାନ୍ତଙ୍କ ବୟସ 60 ବର୍ଷ । ସେ ଗତ 10 ତାରିଖରେ ଦିଲ୍ଲୀରୁ ବିମାନ ଯୋଗେ ଭୁବନେଶ୍ବର ଫେରିଥିଲେ । ଗତ 21 ତାରିଖରେ ସମ୍ପୃକ୍ତ ରୋଗୀ ଜଣକ କର କ୍ଲିନିକ୍‌ ଆସିଥିଲେ । ପୁନର୍ବାର ମାର୍ଚ୍ଚ 24ରେ କର କ୍ଲିନିକ୍‌ରେ ଆଡମିଟ୍‌ ହୋଇ ଗୋଟିଏ ଆଇସିୟୁରେ ମଧ୍ୟ ରହିଥିଲେ । ସମ୍ପୃକ୍ତ ବ୍ୟକ୍ତିଙ୍କ ଚିକିତ୍ସା କରିଥିବା ଡାକ୍ତର, ନର୍ସ ଏବଂ ତାଙ୍କ ସମ୍ପର୍କରେ ଆସିଥିବା ସମସ୍ତ ବ୍ୟକ୍ତି ବିଶେଷଙ୍କୁ ଆଇସୋଲେସନରେ ରଖିବା ପାଇଁ ବ୍ୟବସ୍ଥା କରନ୍ତୁ ବୋଲି ବିଭାଗ ନିର୍ଦ୍ଦେଶ ଦେଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ରାସ୍ତାକୁ ଓହ୍ଲାଇ ଲୋକଙ୍କୁ ସାମାଜିକ ଦୂରତ୍ବର ପାଠ ପଢାଇଲେ ମମତା

କୋଲକତା : ଦେଶରେ କରୋନା ମୁକାବିଲା ପାଇଁ 21 ଦିନ ଲକ୍‌ ଡାଉନ୍‌ ଘୋଷଣା କରାଯିବା ସହ ସାମାଜିକ ଦୂରତ୍ବ ରଖିବାକୁ ଅନୁରୋଧ କରାଯାଇଛି।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକଙ୍କୁ ଘରୁ ବାହାରକୁ ନ ବାହାରିବାକୁ ଅପିଲ୍‌ କରିଛନ୍ତି । ଯଦି ଘରୁ ବାହାରୁଛନ୍ତି ତେବେ ସୋସିଆଲ୍‌ ଡିଷ୍ଟାସିଂ ବା ସାମାଜିକ ଦୂରତ୍ବ ରଖିବାକୁ କହିଛନ୍ତି।  ମୋଦିଙ୍କ କଥାକୁ ସମେସ୍ତ ଗ୍ରହଣ କରୁଥିବାର ଦେଖାଯାଉଛି । ସେହିପରି ରାଜ୍ୟ ସରକାରମାନେ ମଧ୍ୟ ସାମାଜିକ ଦୂରତ୍ବ ରଖିବା ନିମେନ୍ତ ନିଜ ନିଜ କ୍ଷେତ୍ରରେ ବହୁ ଉଦ୍ୟମ କରୁଛନ୍ତି । ଏହି କ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ ରାସ୍ତାକୁ ଆସି ଲୋକଙ୍କୁ ଏହି ସମ୍ବନ୍ଧରେ ସଚେତନ କରୁଛନ୍ତି ।

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ରାସ୍ତାକୁ ଆସି ଲୋକଙ୍କୁ ସାମାଜିକ ଦୂରତ୍ବର ପାଠ ପଢାଇଛନ୍ତି । ଏକ ଫଳ ମାର୍କେଟ୍‌କୁ ମମତା ଯାଇ ସେଠାରେ ଗୋଲାକାର ବୃତ୍ତ ଅଙ୍କନ କରି ସାମାଜିକ ଦୂରତ୍ବ ନିମେନ୍ତ ନିଜ ଭିତରେ ଅତି କମ୍‌ରେ 1 ମିଟର ଦୂରତ୍ବ ରଖିବା ନିମେନ୍ତ ଲୋକଙ୍କୁ ବୁଝାଇଥିଲେ । ଦୋକାନ ଆଗରେ ନିର୍ମିତ ହୋଇଥିବା ଗୋଲାକାର ବୃତ୍ତ ମଧ୍ୟରେ ଛିଡା ହୋଇ ଆବଶ୍ୟକୀୟ ସାମଗ୍ରୀ ଆଣିବାକୁ କହିଥିଲେ । ମମତା ରାସ୍ତା ଉପରେ ଲୋକଙ୍କୁ ଏପରି ସଚେତନ କରାଉଥିବା ନେଇ ଏକ ଭିଡିଓ ଭାଇରାଲ୍‌ ହୋଇଛି । ମମତା ଧଳା ଶାଢି ପିନ୍ଧିଥିବାବେଳେ ମୁହଁରେ ରୁମାଲ୍‌ ବାନ୍ଧି ରାସ୍ତାକୁ ଆସିଥିବାବେଳେ ଲୋକଙ୍କୁ ସାମାଜିକ ଦୂରତ୍ବ ରଖିବା ନେଇ ଅପିଲ୍‌ କରିଥିଲେ ।

ଲକ୍‌ ଡାଉନ୍‌ ସମୟରେ ଲୋକଙ୍କର ଯେପରି କିଛି ଅସୁବିଧା ନହୁଏ, ସେଥିପ୍ରତି ସରକାର ସଜାଗ ଅଛନ୍ତି ବୋଲଇ କହିଛନ୍ତି ମମତା । ସମସ୍ତ ପୋଲିସ୍‌ ଷ୍ଟେସନ୍‌ ଲୋକଙ୍କ ଘର ଦୁଆର ମୁହଁରେ ଖାଦ୍ୟ ପହଞ୍ଚାଇବାର ବ୍ୟବସ୍ଥା କରାଯାଇଛି । ଏହି କାର୍ଯ୍ୟ ମାଜିଷ୍ଟ୍ରଟ୍‌ ଓ ପୋଲିସ୍‌ ଅଧୀକ୍ଷକଙ୍କ ଦାୟିତ୍ବରେ କରାଯାଉଛି ।

ସୂଚନାଯୋଗ୍ୟ, ପଶ୍ଚିମବଙ୍ଗରେ କରୋନା ଆକ୍ରାନ୍ତଙ୍କ ସଂଖ୍ୟା 10 ରହିଥିବାବେଳେ ଜଣକର ମୃତ୍ୟୁ ହୋଇଛି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 694 ରହିଥିବାବେଳେ ଏଥିରେ 16ଜଣଙ୍କର ମୃତ୍ୟୁ ହୋଇଛି ।(ଏଜେନ୍ସି)