Tag: ବାଣପୁର

ସୀତାରାମ ଅଗ୍ରୱାଲ

ବାଣପୁର: ଗରିବଙ୍କ ପାଇଁ ସରକାର ଅନେକ ଯୋଜନା ପ୍ରଣୟନ କରିଛନ୍ତି। ଘର ନଥିବା ଲୋକଙ୍କୁ ପ୍ରଧାନମନ୍ତ୍ରୀ ଆବାସ ଯୋଗାଇ ଦିଆଯାଉଛି। କିନ୍ତୁ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ମିଳିବା ନେଇ କୁଜି ନେତାମାନେ ଲାଞ୍ଚ ମାଗୁଥିବାର ଅଭିଯୋଗ ହେଉଛି। ଏପରି ଏକ ଅଭିଯୋଗ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକରୁ ଆସିଛି।

ମିଳିଥିବା ସୂଚନା ଅନୁସାରେ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ତୁମୁରାପୁଟ ପଞ୍ଚାତର ରତନପୁର ଗ୍ରାମ ନିବାସୀ ସୁକାନ୍ତ ବେହେରା ଜଣେ ଦିନ ମଜୁରିଆ। ମା’ ବାପା ଓ ପିଲାପିଲିଙ୍କୁ ନେଇ ସମୁଦାୟ ୬ ପ୍ରାଣୀ କୁଟୁମ୍ବ ତାଙ୍କର। ଅଭାବ ଅସୁବିଧାରେ ଜୀବନ ବଞ୍ଚୁଥିବାବେଳେ ମୁଣ୍ଡ ଗୁଞ୍ଜିବା ପାଇଁ ତାଙ୍କ ଘରେ ପକ୍କା ଘରଟେ ନାହିଁ। ବର୍ତ୍ତମାନ ବର୍ଷାଋତୁ ଆସି ଯାଇଥିବା ବେଳେ ଟିକେ ବର୍ଷା ହେଲେ ଭଙ୍ଗା କୁଡ଼ିଆ ଘରେ ପାଣି ଭର୍ତ୍ତି ହୋଇଯାଉଛି। ଘରର ଉପର ଭାଗରେ ପାଲ ପଡ଼ିଥିବା ବେଳେ ଆଉ ଅନ୍ୟ ସ୍ଥାନ ସବୁ ଖୋଲା ଅଛି।

ସୁକାନ୍ତ ଓ ତାଙ୍କ ସ୍ତ୍ରୀ ରୀନା ବେହେରା ଦୀର୍ଘ ୩ ବର୍ଷ ହେଲା ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ସରପଞ୍ଚଙ୍କ କାର୍ଯ୍ୟାଳୟ ଓ ବାଣପୁର ବ୍ଲକ ଅଫିସ ଧାଉଁଥିବା ବେଳେ କିଛି ସୁଫଳ ମିଳୁନି। ସେ ମଇ ୨୯, ୨0୧୭ ରେ ପ୍ରଥମ ଆବେଦନ କରିଥିବା ବେଳେ ଆଜି ସୁଦ୍ଧା ପାଖାପଖି ଚାରି ଥର ଆବେଦନ କରିସାରିଲେଣି ଏବଂ ବାରମ୍ବାର ସରକାରୀ ଅଧିକାରୀ ଘର ନିରୀକ୍ଷଣ ପାଇଁ ଆସି ପ୍ରଧାନମନ୍ତ୍ରୀ ଆବାସ ଯୋଜନା ନିଶ୍ଚିତ ପାଇବ ବୋଲି ଆଶ୍ୱାସନା ଦେଇ ଚାଲି ଯାଉଛନ୍ତି। କିନ୍ତୁ ଗାଁ ର କୁଜିନେତା ମାନେ ସରପଞ୍ଚଙ୍କ ନାମରେ ଆବାସ ଯୋଜନା କରାଇଦେବା ପାଇଁ ୨୦୦୦୦ ଟଙ୍କା ଲାଞ୍ଚ ମାଗୁଥିବାର ସାଙ୍ଘାତିକ ଅଭିଯୋଗ ଆଣିଛନ୍ତି ରୀନା। ଦଳୀୟ ଭିତ୍ତିରେ ଆବାସ ଯୋଜନା ବଣ୍ଟା ହେଉଛି ବୋଲି ଅଭିଯୋଗ ଆଣିଛନ୍ତି।

ଇତି ମଧ୍ୟରେ ସେ ସରପଞ୍ଚ, ଗୋଷ୍ଠୀ ଉନ୍ନୟନ ଅଧିକାରୀ, ବ୍ଲକ ଅଧ୍ୟକ୍ଷା ସମସ୍ତଙ୍କୁ ତାଙ୍କ ଦୁଃଖ ଶୁଣେଇଲା ପରେ ମଧ୍ୟ କେହି କର୍ଣ୍ଣପାତ କରୁନାହାନ୍ତି। ପରିବାର ରୋଜଗାର ଶୂନ୍ୟ ଥିବାରୁ ବାଧ୍ୟ ହୋଇ ରିନାଙ୍କ ସ୍ୱାମୀ ସୁକାନ୍ତ କିଛି ମାସ ତଳେ ସୁଦୂର କେରଳ ଯାଇ ଦାଦନ ଖଟୁଥିଲେ ଏବଂ ବର୍ତ୍ତମାନ କରୋନା ମହାମାରୀ ଲାଗି ନିଜ ଗ୍ରାମକୁ ଫେରିଛନ୍ତି। ହେଲେ ୬ ପ୍ରାଣୀ କୁଟୁମ୍ବର ପରିବାର ଚଲେଇବା ତାଙ୍କ ଲାଗି ଏବେ କଷ୍ଟକର ହୋଇପଡିଛି।

ରାଜ୍ୟ ସରକାର ମହିଳାଙ୍କୁ ଯଥେଷ୍ଟ ସମ୍ମାନ ଦେଉଥିବାର ଡିଣ୍ଡିମ ପିଟୁଥିବାବେଳେ ଜଣେ ମହିଳା ହିସାବରେ ସେ ବାରମ୍ବାର ପଞ୍ଚାୟତ କାର୍ଯ୍ୟାଳୟ ଓ ବ୍ଲକ କାର୍ଯ୍ୟାଳୟ ଦୌଡ଼ି ଦୌଡ଼ି ନୟାନ୍ତ ହୋଇସାରିଲେଣି କିନ୍ତୁ ତାଙ୍କ ଅଭିଯୋଗକୁ ଶୁଣିବା ଦୂରର କଥା ତାଙ୍କୁ ଦଳୀୟ ଭିତ୍ତିରେ  ବ୍ୟବହାର କରାଯାଉଛି ବୋଲି ଅଭିଯୋଗ କରିଛନ୍ତି ରୀନା। ସରକାର ଯଥା ଶୀଘ୍ର ଏଭଳି ଏକ ଗରିବ ପରିବାରଙ୍କୁ ବିନା ଲାଞ୍ଚରେ ଇନ୍ଦିରା ଆବାସ ଯୋଜନା କରାଇଦେବା ପାଇଁ ନିବେଦନ କରିଛନ୍ତି ରୀନା।

ସୀତାରାମ ଅଗ୍ରଓ୍ବାଲ

ବାଣପୁର : ମହାମାରୀ କରୋନା ଯୋଗୁଁ ବାଣପୁର ବ୍ଲକର ଆଉ ଦୁଇଟି ପଞ୍ଚାୟତ ସଟ୍‌ଡାଉନ୍‌ କରାଯାଇଛି। ଆଜିଠାରୁ ଆଗାମୀ ୪୮ ଘଣ୍ଟା ପାଇଁ ଦୁଇଟି ପଞ୍ଚାୟତକୁ ସଟ୍‌ଡାଉନ୍‌  ଘୋଷଣା କରାଯାଇଛି। ମିଳିଥିବା ସୂଚନା ଅନୁସାରେ ବାଣପୁର ବ୍ଲକର ନାଚୁଣୀ ଓ ମୋରାମୋରି ପଞ୍ଚାୟତରୁ ଆକ୍ରାନ୍ତ ଚିହ୍ନଟ ହେବା ପରେ ସମ୍ପୃକ୍ତ ପଞ୍ଚାୟତକୁ ସରପଞ୍ଚ ସଟ୍‌ଡାଉନ୍‌ ଘୋଷଣା କରିଛନ୍ତି। ମୋରାମୋରି ପଞ୍ଚାୟତରେ ଜଣେ ଗୁଜୁରାଟ ଫେରନ୍ତାଙ୍କ ସ୍ବାବ ରିପୋର୍ଟ ପଜିଟିଭ୍‌ ଆସିବା ପରେ ସ୍ଥାନୀୟ ସରପଞ୍ଚ ସବିତା ନାୟକ ଉକ୍ତ ପଞ୍ଚାୟତକୁ ଆସନ୍ତା ୨ ତାରିଖ ଦିନ ୧୦ଟା ପର୍ଯ୍ୟନ୍ତ ଗହୀର ମୋରାମୋରି ଗ୍ରାମକୁ ସଟ୍‌ଡାଉନ୍‌ ଘୋଷଣା କରିଛନ୍ତି।

ସେହିପରି ଗତକାଲି ନାଚୁଣୀ ପଞ୍ଚାୟତର ୬ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ସେହି ଗ୍ରାମର ସରପଞ୍ଚ କାବୁଲ୍‌ ପ୍ରଧାନ ଉକ୍ତ ପଞ୍ଚାୟତକୁ ଆସନ୍ତା ତିନି ତାରିଖ ଯାଏ ସଟ୍‌ଡାଉନ୍‌ ଘୋଷଣା କରିଛନ୍ତି। ଏହି ଆକ୍ରାନ୍ତମାନେ ଗୁଜୁରାଟ ଓ ମହାରାଷ୍ଟ୍ର ଫେରନ୍ତା ବୋଲି ଜଣାପଡିଛି। ନାଚୁଣୀ ପଞ୍ଚାୟତର ଜୀବନଦେଈପୁର, କହ୍ନେଇପୁର, ଗୋରଡାଝରୀ ଗ୍ରାମକୁ ଗତକାଲି ସନ୍ଧ୍ୟା ୬ ଘଟିକାଠାରୁ ଆସନ୍ତା ତିନି ତାରିଖ ସନ୍ଧ୍ୟା ୬ ଘଟିକା ପର୍ଯ୍ୟନ୍ତ ସମ୍ପୂର୍ଣ୍ଣ ଅବରୋଧ ଭାବେ ଘୋଷଣା କରାଯାଇଛି। ଏହି ନୋଟିସ୍‌ର ଅବମାନନା କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦିଆଯାଇଛି।

ଏହି ସମୟରେ ଲୋକମାନଙ୍କୁ ଘରେ ରହିବାକୁ ପରାମର୍ଶ ଦିଆଯାଇଥିବାବେଳେ ବଜାରକୁ ଆସିବାକୁ ବାରଣ କରାଯାଇଛି। ସେହିପରି ଗମ୍ଭାରୀମୁଣ୍ଡା କ୍ବାରେଣ୍ଟାଇନ୍‌ କେନ୍ଦ୍ରକୁ କଣ୍ଟନମେଣ୍ଟ ଜୋନ୍‌ ଭାବେ ଘୋଷଣା କରାଯାଇଛି। ଗମ୍ଭାରୀମୁଣ୍ଡା ସରପଞ୍ଚ ଜେ.କେ ମହାରଥା ମଧ୍ୟ ଗତକାଲି ଗମ୍ଭାରୀମୁଣ୍ଡା ବଜାରର ଦୋକାନ ବଜାର ଖୋଲିବାକୁ ନିଷିଦ୍ଧ କରିଛନ୍ତି। ଏହା ଆସନ୍ତା ତିନି ତାରିଖ  ସକାଳ ୭ଟା ଯାଏ ବଳବତ୍ତର ରହିବ ବୋଲି ଘୋଷଣା କରାଯାଇଛି।

ବାଣପୁର: ସାଧରଣ ଜନତାଙ୍କ ଆଇନ ସହାୟତା ପାଇଁ ଆଂଚଳିକ ସମସ୍ତ ନ୍ୟାୟାଳୟରେ ସିନିୟର ଜଜଙ୍କ ତତ୍ତ୍ବାବଧାନରେ ତାଲୁକ ଲିଗାଲ କମିଟି ଗଠନ କରାଯାଇଛି। ସେହି କମିଟିରେ ଆଇନଜୀବି ଓ ପାରା ଲିଗାଲ ଭଲିଣ୍ଟିୟର(PLV)ରେଜିଷ୍ଟ୍ରୀଭୁକ୍ତ ସଭ୍ୟଙ୍କ ସହାୟତାରେ ଜାତୀୟ ସର୍ଭିସ ଅଥୋରିଟ୍ ଆକ୍ଟ୧୮୮୭ର ଧାରା୧୨ ଅନୁସାରେ ବିଭିନ୍ନ ବର୍ଗର ଜନ ସାଧାରଣଙ୍କୁ ବିନା ଖର୍ଚ୍ଚରେ ଆଇନ ସହାୟତା ପ୍ରଦାନ କରାଯାଇଛି। ଏହି ଆଇନ ସେବା ବିଶେଷଭାବେ ଅନୁସୂଚୀତ ଜାତି, ଜନଜାତି, ମହିଳା, ଶିଶୁ, ଭିକ୍ଷୁକ, ଶାରୀରିକ ବିକଳାଙ୍ଗ, ମାନସିକ ରୋଗୀ, ଘରୋଇ ହିଂସା, ଦୁର୍ଘଟଣାଗ୍ରସ୍ତ ବ୍ୟକ୍ତି, ଶିଳ୍ପ ଶ୍ରମିକ, ଦୁର୍ଘଟଣା ଗ୍ରସ୍ତ ଶିଳ୍ପ ଶ୍ରମିକ, ଜେଲରେ ଥିବା କଏଦୀ, ଗ୍ରାମ ବିବାଦ, ଫୌଜିଦାର ଓ ଦେଓ୍ବାନୀ ମକଦ୍ଦମା ସମାଧାନ ଓ ନ୍ୟାୟ ଦେବାର ପ୍ରଧାନ୍ୟ ଏହି କେନ୍ଦ୍ର ମାନଙ୍କରେ ସମାଧାନ କରିବାର ସମସ୍ତ  ବନ୍ଦୋବସ୍ତ ସହ ବିନା ଖର୍ଚ୍ଚରେ ଶୃଙ୍ଖଳତାର ସହ ସମାଧାନ କରାଯିବ। ଏହି କାର୍ଯ୍ୟକ୍ରମ ଆଗାମୀ ମାସ ଠାରୁ ଆରମ୍ଭ କରାଯିବ।

ଖୋର୍ଦ୍ଧା ଜିଲ୍ଲା ବାଣପୁର”ତାଲୁକ ଲିଗାଲ ସର୍ଭିସ କମିଟି(TLSC)ର ସଭାପତି ମାନ୍ୟବର ସବଜଜ୍‌ ଓ ଆସିଷ୍ଟାଣ୍ଟ ସେସନ୍ସ ଜଜ ଶ୍ରୀଯୁକ୍ତ ଦିଲ୍ଲିପ କୁମାର ଶତପଥିଙ୍କ ଦ୍ବାରା ଗାଲୁଆ ଗ୍ରାମପଞ୍ଚାୟତ ଅଫିସ ପରିସରରେ ରାଜ୍ୟ ଓ ଜିଲ୍ଲା ଜଜଙ୍କ ନିର୍ଦ୍ଦେଶ କ୍ରମେ ଉକ୍ତ ପଞ୍ଚାୟତ ଅଫିସ ଠାରେ ଏକ “ଭିଲେଜ ଲିଗାଲ କେୟାର ଆଣ୍ଡ ସପୋର୍ଟ ସେଣ୍ଟର’ ପୁନଃସ୍ଥାପନ କରାଗଲା।

ଏହି କର୍ଯ୍ୟକ୍ରମରେ ଆସୋସିଏଟ ଆଡଭୋକେଟ ସଚ୍ଚିତ କୁମାର ମିଶ୍ର, ଆଡଭୋକେଟ ସନ୍ତୋଷ କୁମାର ବେହେରା, ଫ୍ରଣ୍ଟ ଲାଇନ ଅଫିସ ରିଟେନର ଆଡଭୋକେଟ ସୁନୀଲ କୁମାର ମହାପାତ୍ର, ତାଲୁକ ଲିଗାଲ ସର୍ଭିସ କମିଟିର”ପାରା ଲିଗାଲ ଭଲୁଣ୍ଟିୟର ବରିଷ୍ଠ ନାଗରିକ ରାଜେନ୍ଦ୍ର ପ୍ରସାଦ ରଥ, ଶ୍ରୀ ଗୋଦାବରୀଶ ମହାପାତ୍ର, ସେକ ମୋହିନୁଲ ହକ, ସନ୍ତୋଷ କୁମାର ଚୌଧୁରୀ, ଶ୍ରୀ ଅମିତାଭ ପଟ୍ଟୋଯୋଶି, ପ୍ରଭାତୀ ମହାପାତ୍ର, ଗାତାମଣୀ ଦେଇ, EPTର ପ୍ରତିନିଧି ଦୀପକ କୁମାର, ପଞ୍ଚାୟତ ସରପଞ୍ଚ ରୋଜାଲିନ୍‌ ସମାନ୍ତରାୟ, ସାଂସଦ ପ୍ରତିନିଧି ସତ୍ୟ ନାରାୟଣ ପ୍ରଧାନ, ସ୍ଵେଚ୍ଛାସେବୀ ଚିତ୍ତରଞ୍ଜନ ସାମନ୍ତରାୟ, ବାଣପୁର ପୋଲିସ୍‌ ପ୍ରଶାସନର ଏସ୍‌ଆଇ ଦିଗ୍‌ବିଜୟ ବିଶ୍ବାଳ ଓ ତାଙ୍କ ସହକର୍ମୀ ଚିନ୍ତାମଣି ଘଡାଇ ସୌମ୍ୟ ରଞ୍ଜନ ସାହୁ, ପ୍ରହ୍ଲାଦ ବେହେରା, ସାମ୍ବାଦିକ ସୁନୀଲ୍‌ କୁମାର ସୁବୁଦ୍ଧି, ସାମ୍ବାଦିକ ସୀତାରାମ ଅଗ୍ରଓ୍ବାଲ, ଦିଗମ୍ବର ଜେନା ପ୍ରମୁଖ ଉପସ୍ଥିତ ରହି ଏହି ସଭାକୁ ସାଫଲ୍ୟମଣ୍ଡିତ କରିଥିଲେ।

ସୀତାରାମ ଅଗ୍ରଓ୍ବାଲ

ବାଣପୁର: କରୋନା ମୁକାବିଲା ଲାଗି ଦେଶରେ ଜାରି ରହିଛି ଲକ୍‌ ଡାଉନ୍‌। ଏବେ ଦେଶରେ ତୃତୀୟ ପର୍ଯ୍ୟାୟ ଲକଡାଉନ୍‌ ଜାରି ରହିଛି। ଏହା ମେ ୧୭ ପର୍ଯ୍ୟନ୍ତ ଜାରି ରହିବ। ଏହି ଲକ୍‌ ଡାଉନରେ ବେଶି ପ୍ରଭାବିତ ହେଉଛନ୍ତି ଛୋଟ ମୋଟ ବ୍ୟବସାୟୀ ଓ ପ୍ରବାସୀ ଶ୍ରମିକ। ଛୋଟ ଦୋକାନୀ ହୁଅନ୍ତୁ ଅବା ରାସ୍ତା କଡରେ ବିକ୍ରି କରୁଥିବା ଫୁଲ ବିକାଳୀମାନେ ହୁଅନ୍ତୁ। ଏମାନେ ନାହିଁ ନଥିବାର ହଇରାଣ ହେଉଛନ୍ତି। ବିଭିନ୍ନ ରାଜ୍ୟରୁ ଆସି ସହରରେ ବିକ୍ରି ବଟା କରି ପେଟ ପୋଷୁଥିବାବେଳେ ଏହି ଲକ୍‌ ଡାଉନ୍‌ ଯୋଗୁଁ ତାଙ୍କ ବ୍ୟବସାୟ ଠପ୍‌ ହେବା ସହିତ ଏମାନେ ଏବେ ଖାଦ୍ୟ ପାଇଁ ସଂଘର୍ଷ କରୁଛନ୍ତି। ଦେଶରେ ଚାଲିଥିବା ମହାମାରୀ ସଂକଟ ସମୟରେ ନିଜ ଭିଟାମାଟିକୁ ଫେରିଯିବାକୁ ଆକୁଳ ପ୍ରାର୍ଥନା କରୁଛନ୍ତି ଏହି ଲୋକମାନେ। ନିଜ ଭିଟାମାଟିକୁ ଫେରିଯିବାକୁ ଅନୁନୟ ହୋଇ ସାହାଯ୍ୟ ଭିକ୍ଷା କରିଛନ୍ତି ବାଣପୁରରେ ରହିଥିବା ଆନ୍ଧ୍ରପ୍ରଦେଶର କିଛି  ଫୁଲ ବ୍ୟବସାୟୀ।

ଆନ୍ଧ୍ରପ୍ରଦେଶର ନେଲୁର ଜିଲ୍ଲା ଟେକିଲିମଣ୍ଡଳମ ଥାନା ଅନ୍ତର୍ଗତ ମୋପୁର କ୍ରସ ରୋଡ ଅଞ୍ଚଳର ପ୍ଲାଷ୍ଟିକ ଫୁଲ ବିକାଳୀମାନେ ବ୍ୟବସାୟ କରିବା ଉଦ୍ଦେଶ୍ୟରେ ବାଣପୁରକୁ ଆସିଥିଲେ। ବାଣପୁରର ପଞ୍ଚୁଦୋଳ ଓ ବାଣପୁର ଲୋକ ମହୋତ୍ସବରେ ଏହି ଫୁଲ ବିକାଳୀମାନେ ବ୍ୟବସାୟ କରିବା ପାଇଁ ଆସି କରୋନା ଯୋଗୁଁ ଫସି ଯାଇଛନ୍ତି।

କରୋନା ମୁକାବିଲା ପାଇଁ ଭାରତ ସରକାର ଲକ୍‌ ଡାଉନ୍‌ ଜାର କରିବା ପରେ ପଞ୍ଚୁଦୋଳରେ ବ୍ୟବସାୟ କରିବାକୁ ଆନ୍ଧ୍ର ପ୍ରଦେଶରୁ ବାଣପୁର ଆସିଥିବା ପାଖାପାଖି ୨୭ ଜଣ ନାଗରିକ ମାନେ ବାଣପୁର ପଲଟନ ପଡିଆରେ ଅସ୍ଥାୟୀ ଟେଣ୍ଟ କରି ରହିଆସୁଛନ୍ତି। ଏହି 27ଜଣଙ୍କ ମଧ୍ୟରେ ଛୋଟ ପିଲା 6 ଜଣ ରହିଥିବାବେଳେ  ଯୁବକ, ସ୍ତ୍ରୀ ଲୋକ ଓ ବୃଦ୍ଧ ଲୋକ ଝିଅପିଲା ରହିଛନ୍ତି ।  ପ୍ରଥମେ କିଛି ଦିନ ଭୋକ ଉପାସରେ ଦିନ କାଟୁଥିବା ଏହି ପରିବାର ପରବର୍ତ୍ତୀ ସମୟରେ ସ୍ଥାନୀୟ ସାମ୍ବାଦିକ ଭାଇମାନଙ୍କ ସହଯୋଗ ଦ୍ୱାରା ବାଣପୁର ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ସନ୍ତୋଷ ନିଆଲଙ୍କଠୁ କିଛି ସହଯୋଗ ପାଇଥିଲେ। ମାତ୍ର ତାଙ୍କ ପାଇଁ ଏହି ସରକାରୀ ସାହାଯ୍ୟ ସମୁଦ୍ରକୁ ଶଙ୍ଖେ ଥିଲା ଭଳି। ତେଣୁ ସ୍ଥାନୀୟ ଅଞ୍ଚଳର ବହୁ ସ୍ବେଛାସେବୀ ସଂଗଠନ, ଉଦାର ବ୍ୟକ୍ତି, ସମାଜସେବୀ, ସାମ୍ବାଦିକ ଭାଇ ଆଦି କିଛି କିଛି ଖାଦ୍ୟ ସହଯୋଗ କରୁଥିଲେ ସେମାନଙ୍କୁ। ଯେଣତେଣ ପ୍ରକାରଣେ ପ୍ରଥମ ପର୍ଯ୍ୟାୟ ଲକ୍‌ ଡାଉନ୍‌ ସମୟରେ ନିଜକୁ ବଞ୍ଚାଇ ରଖିଥିବାବେଳେ ଏହି ପରିବାର ପାଇଁ ଦ୍ବିତୀୟ ପର୍ଯ୍ୟାୟ ଲକ୍‌ ଡାଉନ୍‌ ସେମାନଙ୍କ ମନୋବଳକୁ ଭାଙ୍ଗି ଦେଇଥିଲା। ଲକ୍‌ ଡାଉନ୍‌ର ଅବଧି ବଢିବା ସହିତ ସେମାନଙ୍କ କଷ୍ଟ ମଧ୍ୟ ବଢିବାରେ ଲାଗିଥିଲା। ତଥାପି ଦେଶର ସୁରକ୍ଷା ଦୃଷ୍ଟିରୁ ନିଜ ସ୍ୱାର୍ଥକୁ ଜଳାଞ୍ଜଳି ଦେଇ ଏହି ପରିବାର ଦ୍ବିତୀୟ ପର୍ଯ୍ୟାୟ ଲକ୍‌ ଡାଉନ 19 ଦିନ ଯାଏଁ ପଡି ରହିଲେ ବାଣପୁର ପଲଟନ ପଡିଆରେ। ଏହା ମଧ୍ୟରେ ନିଜ ରାଜ୍ୟକୁ ଫେରିବା ପାଇଁ ସାହାଯ୍ୟ କରିବାକୁ କାର୍ଯ୍ୟନିର୍ବାହୀ ଅଧିକାରୀ ଓ ତହସିଲଦାରଙ୍କୁ ଅନୁରୋଧ କରି ଆସିଛନ୍ତି।

ପୁନଶ୍ଚ ଦେଶରେ ତୃତୀୟ ପର୍ଯ୍ୟାୟ ଲକ୍‌ ଡାଉନ୍‌ ଜାରି ହେବା ପରେ ଏହି ପରିବାରମାନେ ବେଶ୍‌ ଅସହାୟ ହୋଇପଡିଛନ୍ତି। ଏହି ପରିବାରକୁ ଏବେ ସରକାରୀ ସାହାଯ୍ୟ ମିଳୁନଥିବାବେଳେ ଯିବା ପାଇଁ ପ୍ରଶାସନ ବ୍ୟବସ୍ଥା ମଧ୍ୟ କରୁନାହିଁ। ସେମାନେ ନିଜ ରାଜ୍ୟକୁ ଫେରିଯିବା ପାଇଁ ଆକୁଳ ନିବେଦନ କରି ପଡିରହିଛନ୍ତି ବାଣପୁର ପଲଟନ ପଡିଆରେ। ଆଜି ଚିଲିକା ବିଧାୟକ ବ୍ଲକ ପରିଦର୍ଶନ ଆସିଥିବା ସ୍ଥଳେ ଏହି ପରିବାର ତାଙ୍କୁ ମଧ୍ୟ ଅନୁରୂପ ଭାବେ ନିବେଦନ କରିଛନ୍ତି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ଏହି ପରିବାରର ମୁଖ୍ୟ ମୁଡ ଗୋବିନ୍ଦା। ଏନ.ଏ.ସି ଅଧିକାରୀ ଗତ ଦେଢ଼ ମାସ ହେଲା କେବଳ ଲୋକଦେଖାଣିଆ ଖାଦ୍ୟ ଯୋଗାଉଥିବା ବେଳେ ଆଜି ପର୍ଯ୍ୟନ୍ତ ସେମାନଙ୍କ ଆନ୍ଧ୍ର ଯିବା ବ୍ୟବସ୍ଥା ଉପରେ ତିଳେ ହେଲେ ଦୃଷ୍ଟିପାତ ନକରିବା ତାଙ୍କ ଅମାନବିକତା ର ପରିଚୟ ଦେଉଛି। ତୁରନ୍ତ ଖୋର୍ଦ୍ଧା ଜିଲ୍ଲାପାଳଙ୍କ ଦୃଷ୍ଟିଗୋଚରକୁ ଏହି ସମସ୍ୟା ଆଣି ସେମାନଙ୍କ ଯିବା ବନ୍ଦୋବସ୍ତ କରିବା ପାଇଁ ଗଣମାଧ୍ୟମକୁ କୋହଭରା କଣ୍ଠରେ ଅନୁରୋଧ କରିଛନ୍ତି ଏହି ପରିବାର । ପ୍ରବାସୀ ଶ୍ରମିକମାନଙ୍କ ପାଇଁ ରାଜ୍ୟ ସରକାର ରନ୍ଧା ଖାଦ୍ୟ ଦେଉଥିବାବେଳେ ବାଣପୁର ପଡିଆରେ ପଡି ରହିଥିବା ଏହି ଆନ୍ଧ୍ର ପରିବାର ଏଥିରୁ ବଞ୍ଚିତ ହେଉଛନ୍ତି।  ଭୋକ ଓପାସରେ ପଡି ରହିଥିବା ଏହି ପରିବାର ଆକୁଳ କଣ୍ଠରେ ସାହାଯ୍ୟ ପାଇଁ ଅନାଇ ରହିଛନ୍ତି।

ସୀତାରାମ ଅଗ୍ରଓ୍ବାଲ
ବାଣପୁର: ବାଣପୁରର ପ୍ରସିଦ୍ଧ ଦକ୍ଷପ୍ରଜାପତି ମନ୍ଦିର ନିକଟରେ ରହିଥିବା ଅସ୍ଥାୟୀ ଡମ୍ପିଂୟାର୍ଡକୁ ହଟାଯାଇଛି। ମନ୍ଦିର ନିକଟରେ ଅସ୍ଥାୟୀ ଡମ୍ପିଂୟାର୍ଡ ରହିଥିବା ସମୀକ୍ଷା ନ୍ୟୁଜ୍‌ରେ ଗତ ୧୧ ତାରିଖରେ ଖବର ପ୍ରକାଶ ପାଇବା ପରେ ଆଜି ଏନ୍‌ଏସି ପକ୍ଷରୁ ଉକ୍ତ ଅସ୍ଥାୟୀ ଡମ୍ପିଂ ୟାର୍ଡକୁ ହଟାଯାଇଛି। ଅସ୍ଥାୟୀ ଡମ୍ପିଂ ୟାର୍ଡ ସ୍ଥାନାନ୍ତର ନେଇ ଦକ୍ଷପ୍ରଜାପତି-ଭଗବତୀ ଏଣ୍ଡାଓମେଣ୍ଟ କାର୍ଯ୍ୟନିର୍ବାହୀ ଅଧିକାରୀ ତକ୍ଷରାଜ ଭିତିରିଆ ଏବଂ ପ୍ରତ୍ନତତ୍ତ୍ବ ବିଭାଗ ଅଧିକାରୀ ନିର୍ମଳ ମହାପାତ୍ରଙ୍କ ନିକଟରେ ଆମ ପ୍ରତିନିଧିଙ୍କ ତରଫରୁ ଅଭିଯୋଗ କରାଯାଇଥିଲା।

ଉଭୟ ଅଧିକାରୀ ଘଟଣାକୁ ଗୁରୁତର ସହ ନେଇ ତୁରନ୍ତ ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀଙ୍କ ସହ ଯୋଗାଯୋଗ କରିଥିଲେ। ଫଳ ସ୍ୱରୂପ ଆଜି ଅସ୍ଥାୟୀ ଡମ୍ପିଂ ୟାର୍ଡକୁ ଏନ.ଏ.ସି ତରଫରୁ ଖାଲି କରାଯାଇଛି। ଆଜି ସକାଳେ ଏନ.ଏ.ସି କାର୍ଯ୍ୟନିର୍ବାହୀ ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଏକ ଜେସିବି ମେସିନ ସାହାଯ୍ୟରେ ଅସ୍ଥାୟୀ ଡମ୍ପିଂ ୟାର୍ଡକୁ ଖୋଳି ସେହି ସ୍ଥାନକୁ ସଫା କରାଯାଇଥିଲା।

ଏହି ସ୍ଥାନକୁ ଆଗାମୀ ଦିନରେ ଏନ.ଏ. ସି ପକ୍ଷରୁ କଂକ୍ରିଟ କରାଯାଇ ଏହାକୁ ଦଣ୍ଡଯୁକ୍ତ ଅଞ୍ଚଳ ଘୋଷଣା କରାଯିବ ଏବଂ ଏହି ସ୍ଥାନରେ ଯଦି କୌଣସ ବ୍ୟକ୍ତି ଅଳିଆ ଆବର୍ଜନା ପକାଇବେ ତାହାଲେ ସେମାନଙ୍କଠୁ ଫାଇନ୍‌ ଆଦାୟ କରାଯିବ ବୋଲି ଏନ.ଏ.ସି କାର୍ଯ୍ୟନିର୍ବାହୀ ଅଧିକାରୀ ସନ୍ତୋଷ ନିଆଲ ସୂଚନା ଦେଇଛନ୍ତି। ଦୀର୍ଘ ଦିନ ଧରି ପରିତ୍ୟକ୍ତ ଅବସ୍ଥାରେ ପଡି ରହିଥିବା ଉକ୍ତ ଅସ୍ଥାୟୀ ଡମ୍ପିଂ ୟାର୍ଡ଼ କୁ ହଟାଯିବାରୁ ବାଣପୁର ଜନସାଧାରଣ ଏନ.ଏ.ସି ପ୍ରଶାସନ କୁ ସାଧୁବାଦ ଜଣାଇଛନ୍ତି।

ସମୀକ୍ଷା ବ୍ୟୁରୋ

ବାଣପୁର: ଆଜି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ବାଣପୁର ଶାଖା ତରଫରୁ ମନୋଜ ମଲିକ ଓ ଅମିତ ସ୍ୱାଇଁଙ୍କ ନେତୃତ୍ୱରେ ବାଣପୁର ସହରାଞ୍ଚଳର କରୋନା ଲକ ଡାଉନ ପରିପ୍ରେକ୍ଷୀରେ ବିଭିନ୍ନ ସେବା କାର୍ଯ୍ୟ କରାଯାଇଅଛି। କରୋନା କଟକଣାକୁ ଦୃଷ୍ଟିରେ ରଖି ଏବିଭିପିର ସ୍ୱଳ୍ପ କାର୍ଯ୍ୟକର୍ତ୍ତା ଆଜି ସକାଳେ ବାଣପୁର ପୋଲିସ ଥାନାକୁ ଯାଇ ଲକ୍‌ ଡାଉନ ସମୟରେ ନିଜର ପରିବାରକୁ ଭୁଲି ଜୀବନର ବାଜି ଲଗାଇ ଆମର ସୁରକ୍ଷା ପାଇଁ ଦିନ ରାତି ପ୍ରହରା ଦେଉଥିବା ପୋଲିସ ଭାଇମାନଙ୍କ ଉଦ୍ଦେଶ୍ୟରେ ଥାନାଧିକାରୀଙ୍କୁ କିଛି ପଇଡ଼ ଓ ବିସ୍କୁଟ ହସ୍ତାନ୍ତର କରିଥିଲେ।

ଅନୁରୂପ ଭାବେ ବାଣପୁର ପଲଟନ ପଡିଆରେ କରୋନା ଲକ ଡାଉନ ଲାଗି ଫସି ରହିଥିବା ଆନ୍ଧ୍ରପ୍ରଦେଶ ନେଲ୍ଲୁର ଜିଲ୍ଲାର କିଛି ପରିବାରଙ୍କୁ  ଶୁଖିଲା ଖାଦ୍ୟ ପ୍ରଦାନ କରିଥିଲେ। ସହରରେ ଥିବା କିଛି ଭିକ୍ଷୁକ ଓ ପରିଶେଷରେ ବାଣପୁର ଶନି ମନ୍ଦିର ନିକଟସ୍ଥ ଲଡ଼ୁକେଶ୍ୱର ଵୃଦ୍ଧାଶ୍ରମରେ ଥିବା ଅନ୍ତେବାସୀଙ୍କୁ ମଧ୍ୟ ଶୁଖିଲା ଖାଦ୍ୟ ପ୍ରଦାନ କରାଯାଇଥିଲା। ଏହି ଅବସରରେ କରୋନା ଉପରେ ସଚେତନତା ମଧ୍ୟ କରାଯାଇଥିଲା। ଉକ୍ତ ସେବା କାର୍ଯ୍ୟକୁ ଏବିଭିପି ଖୋର୍ଦ୍ଧା ଜିଲ୍ଲା ସହ-ପ୍ରମୁଖ ସୀତାରାମ ଅଗ୍ରୱାଲ ପରିଚାଳନା କରିଥିବା ବେଳେ ବିଶ୍ୱ, ପୂଜା, ଓମ, ସୁରଜିତ, ଅଜୟ, ରାମଚନ୍ଦ୍ର, ସୁନୀଲ ଓ ତୋଫାନ ଆଦି ସହଯୋଗ କରିଥିଲେ।