Tag: ରିଲାଏନ୍ସ ଜିଓ

ଭୁବନେଶ୍ୱର: ରିଲାଏନ୍ସ ଜିଓ ଓଡିଶା ଟେଲିକମ୍ ବଜାରରେ ନିଜ ନେତୃତ୍ୱ ସ୍ଥାନକୁ ଆହୁରି ସୂଦୃଢ କରି ଅକ୍ଟୋବର ମାସରେ ଏକମାତ୍ର ମୋବାଇଲ ସେବା ଯୋଗାଣକାରୀ ଭାବେ ରାଜ୍ୟରେ ଏହାର ଗ୍ରାହକ ସଂଖ୍ୟା ବୃଦ୍ଧି କରିଥିବାବେଳେ ଭାରତୀ ଏୟାରଟେଲ୍‌, ଭୋଡାଫୋନ୍ ଆଇଡିଆ ଓ ବିଏସ୍‌ଏନ୍‌ଏଲ୍ ଭଳି ଅନ୍ୟ ଅପରେଟର ମାନେ ହଜାର ହଜାର ସଂଖ୍ୟାରେ ଗ୍ରାହକ ହରାଇଥିବା ଭାରତର ଦୂରସଂଚାର ନିୟାମକ କର୍ତ୍ତୃପକ୍ଷ (ଟ୍ରାଇ) ପକ୍ଷରୁ ସଦ୍ୟ ପ୍ରକାଶିତ ତଥ୍ୟରୁ ଜଣାପଡିଛି ।

ଟ୍ରାଇ ପକ୍ଷରୁ ଟେଲିକମ୍‍ ଗ୍ରାହକଙ୍କ ସମ୍ପର୍କରେ ସଦ୍ୟ ପ୍ରକାଶିତ ତଥ୍ୟ ଅନୁଯାୟୀ, ରିଲାଏନ୍ସ ଜିଓ ୨୦୨୦ ଅକ୍ଟୋବର ମାସରେ ଓଡ଼ିଶାରେ ୭୨,୦୦୦ରୁ ଉର୍ଦ୍ଧ୍ୱ ଗ୍ରାହକ ଯୋଗ କରିଥିବା ବେଳେ ଏହି ସମୟରେ ଭାରତୀ ଏୟାରଟେଲ ରାଜ୍ୟରେ ୭୫୦୦ରୁ ଅଧିକ ଗ୍ରାହକ ହରାଇଛି ଏବଂ ଭୋଡାଫୋନ ଆଇଡିଆ ୨୧,୦୦୦ରୁ ଅଧିକ ଗ୍ରାହକ ହରାଇଛି । ସେହିଭଳି ଏହି ସମୟରେ ବିଏସଏନଏଲ ମଧ୍ୟ ଓଡ଼ିଶାରେ ୩୦,୦୦୦ରୁ ଅଧିକ ଗ୍ରାହକ ହରାଇଛି । ଅକ୍ଟୋବର ମାସରେ ରାଜ୍ୟରେ ମାତ୍ର ଦଶ ହଜାର ନୂଆ ମୋବାଇଲ୍ ଉପଭୋକ୍ତା ଯୋଡିହୋଇଥିବାବେଳେ ୨୦୨୦ ଅକ୍ଟୋବର ୩୧ସୁଦ୍ଧା ଓଡ଼ିଶାରେ ମୋଟ ମୋବାଇଲ ଗ୍ରାହକ ସଂଖ୍ୟା ୩.୩୩ କୋଟି ରହିଥିବା ଟ୍ରାଇ ପ୍ରକାଶ କରିଛି ।

ଏଥିସହିତ ଓଡ଼ିଶାର ମୋବାଇଲ ଗ୍ରାହକ ବଜାରରେ ଜିଓର ସଂପ୍ରତି ୪୦.୫ ପ୍ରତିଶତରୁ ଅଧିକ ବଜାର ଅଂଶ ରହିଛି ଏବଂ ଏହାର ମୋଟ ଗ୍ରାହକ ସଂଖ୍ୟା ୧.୩୫ କୋଟି ରହିଛି । ନିକଟତମ ପ୍ରତିଦ୍ୱନ୍ଦୀ ଏୟାରଟେଲର ଗ୍ରାହକ ବଜାର ଅଂଶ ୩୨ ପ୍ରତିଶତ ରହିଛି । ଦୂରସଂଚାର କ୍ଷେତ୍ରରେ ଦେଶର ତିନିଟି ରାଜ୍ୟ ମଧ୍ୟରେ ଓଡ଼ିଶା ଅନ୍ୟତମ, ଯେଉଁଠି ଜିଓର ଗ୍ରାହକ ବଜାର ଅଂଶ ୪୦ ପ୍ରତିଶତରୁ ଅଧିକ ରହିଛି ।

ଏଠାରେ ଉଲ୍ଲେଖଯୋଗ୍ୟ ଯେ ଜିଓ ଓଡ଼ିଶାରେ ତାହାର ସର୍ବବୃହତ ୪ଜି ନେଟୱର୍କ, ଦ୍ରୁତ ନେଟୱର୍କ ସଂପ୍ରସାରଣ, ଏପର‌୍ୟ୍ୟନ୍ତ ସଂଯୁକ୍ତ ହୋଇନଥିବା ଅଂଚଳଗୁଡିକୁ ସଂଯୁକ୍ତ କରିବା ସହିତ ଭାଲ୍ୟୁ ଫର ମନି ଅଫର୍‍ ଏବଂ ପ୍ରତ୍ୟେକ ଶ୍ରେଣୀର ଗ୍ରାହକଙ୍କ ପାଇଁ ଆକର୍ଷଣୀୟ ଅଫର୍‍ ସହିତ କ୍ରମାଗତ ଭାବରେ ସର୍ବାଧିକ ସଂଖ୍ୟାରେ ନୂଆ ଗ୍ରାହକ ଯୋଗକରିଆସୁଛି । ଟ୍ରାଇ ପକ୍ଷରୁ ନିକଟରେ ପ୍ରକାଶିତ ଆର୍ଥିକ ରିପୋର୍ଟ ଅନୁଯାୟୀ ଓଡ଼ିଶାରେ ଟେଲିକମ୍‍ କ୍ଷେତ୍ରର ମୋଟ ରାଜସ୍ୱରେ ଜିଓର ବଜାର ଅଂଶ ୫୦ ପ୍ରତିଶତରୁ ଅଧିକ ରହିଛି ଏବଂ ତତ୍‍ସହିତ ଓଡ଼ିଶାରେ ଉଭୟ ଗ୍ରାହକ ଓ ରାଜସ୍ୱ ବଜାର ଅଂଶ ଦୃଷ୍ଟିରୁ ଜିଓ ୧ ନମ୍ବର ସ୍ଥାନରେ ରହିଛି ।

ରିଲାଏନ୍ସ ଜିଓ ଏହାର ଜିଓଫାଇବର ହାଇ-ସ୍ପିଡ ବ୍ରଡବ୍ୟାଣ୍ଡ୍‍ ସେବା ଓଡ଼ିଶାର ଭୁବନେଶ୍ୱର, କଟକ, ପୁରୀ, ଜଟଣି, ଅନୁଗୁଳ, ସମ୍ବଲପୁର, ରାଉରକେଲା, ଝାରସୁଗୁଡା, ବ୍ରଜରାଜନଗର, ବେଲପାହାଡ, ସୁନ୍ଦରଗଡ, ବଲାଙ୍ଗୀର, କେନ୍ଦୁଝର, ଭବାନୀପାଟଣା, କୋରାପୁଟ, ରାୟଗଡା, କେନ୍ଦ୍ରାପଡା, ଜଗତସିଂହପୁର, ଯାଜପୁର ରୋଡ, ଭଦ୍ରକ, ତାଳଚେର ସମେତ ଓଡ଼ିଶାର ୨୧ଟି ପ୍ରମୁଖ ସହର ଓ ନଗରର ପ୍ରମୁଖ ଅଂଚଳରେ ପ୍ରଚଳନ କରିସାରିଥିବା ବେଳେ ରାଜ୍ୟର ଅନ୍ୟ ପ୍ରମୁଖ ସହର ଓ ନଗରଗୁଡିକୁ ଦ୍ରୁତ ସଂପ୍ରସାରଣ କରୁଛି ।

ମୁମ୍ବାଇ, ରିଲାଏନ୍ସ ଜିଓ ତାହାର ନୂଆ ପୋଷ୍ଟପେଡ ପ୍ଲାନ ସମ୍ପର୍କରେ ଘୋଷଣା କରିବାର ଦିନକ ପରେ ଦୂରସଂଚାର କ୍ଷେତ୍ରରେ ପ୍ରତିଦ୍ୱନ୍ଦୀ କମ୍ପାନୀଗୁଡିକର ଷ୍ଟକମୂଲ୍ୟରେ ବୁଧବାର ଆକସ୍ମିକ ଭାବେ ୧୦% ପର୍ଯ୍ୟନ୍ତ ହ୍ରାସ ଘଟିଥିଲା । ଭୋଡାଫୋନ ଆଇଡିଆ ଷ୍ଟକ ମୂଲ୍ୟ ବମ୍ବେ ଷ୍ଟକ ଏକ୍ସଚେଞ୍ଜରେ ସର୍ବାଧିକ ୧୦.୦୫% ହ୍ରାସ ପାଇ ସେୟାର ପିଛା ୯.୨୨ ଟଙ୍କାରେ ବନ୍ଦ ହୋଇଥିଲା । ଦିନର କାରବାର ସମୟରେ ଏହା ୧୪% ହ୍ରାସପାଇ ୮.୮୧ ଟଙ୍କା ପର‌୍ୟ୍ୟନ୍ତ ହ୍ରାସ ପାଇଥିଲା । ଅନୁରୂପ ଭାବେ ଭାରତୀ ଏୟାରଟେଲ ସେୟାର ମୂଲ୍ୟ ବୁଧବାର ଦିନ ୭.୮୯% ହ୍ରାସପାଇ ୪୩୩.୯୦ ଟଙ୍କାରେ ବନ୍ଦ ହୋଇଥିଲା । ଦିନର କାରବାର ସମୟରେ ଏଥିରେ ୯.୯୯% ହ୍ରାସ ପରିଲକ୍ଷିତ ହେବା ସହିତ ଏହା ୪୨୩.୯୫ ଟଙ୍କା ପର‌୍ୟ୍ୟନ୍ତ ହ୍ରାସ ପାଇଥିଲା ।

ଏସମ୍ପର୍କରେ ବଜାର ବିଶ୍ଳେଷଣକାରୀ ସଂସ୍ଥା ଚଏସ୍ ବ୍ରୋକିଂ ପକ୍ଷରୁ କୁହାଯାଇଛି, ରିଲାଏନ୍ସ ଜିଓ ନୂଆ ପୋଷ୍ଟପେଡ ତାରିଫ ପ୍ଲାନ ଘୋଷଣା କରିବାପରେ ଭୋଡାଫୋନ ଆଇଡିଆ ଏବଂ ଏୟାରଟେଲ ଭଳି ଦୂରସଂଚାର କମ୍ପାନୀଗୁଡିକର ଷ୍ଟକ ମୂଲ୍ୟ ହ୍ରାସ ଘଟିଥିଲା । ପୂର୍ବରୁ ମୋବାଇଲ ତାରିଫ ଏବଂ ଫାଇବର-ବ୍ରଡବ୍ୟାଣ୍ଡ୍ ସେବା ମୂଲ୍ୟରେ ତୀବ୍ର ପ୍ରତିଯୋଗିତା ଆରମ୍ଭ କରିଥିବା ମୁକେଶ ଅମ୍ବାନିଙ୍କ ନେତୃତ୍ୱାଧୀନ ରିଲାଏନ୍ସ ଜିଓ ମଙ୍ଗଳବାର ଦିନ ନୂଆ ସୁଲଭ ପୋଷ୍ଟପେଡ ପ୍ଲାନ ସମୂହ ଉନ୍ମୋଚନ କରିଥିଲା । ଏଥିରେ ୫୦୦ ଜିବି ପର‌୍ୟ୍ୟନ୍ତ ଡାଟା ଏବଂ ନେଟଫ୍ଲିକ୍ସ, ଆମାଜନ ପ୍ରାଇମ ଓ ଡିଜ୍‌ନି+ ହଟ୍‌ଷ୍ଟାର ସବ୍‌ସ୍କ୍ରିପସନକୁ ସଂଯୁକ୍ତ କରାଯାଇଛି ।

ଗ୍ରାହକଙ୍କ ପାଇଁ ଜିଓପୋଷ୍ଟପେଡ ପ୍ଲ୍‌ଓ ପ୍ଲାନ୍‌ରେ ମାସିକ ତାରିଫ ୩୯୯ ଟଙ୍କାରୁ ଆରମ୍ଭ କରି ୧୪୯୯ ଟଙ୍କା ପର‌୍ୟ୍ୟନ୍ତ ରହିଛି ଏବଂ ସେଥିରେ ବିଭିନ୍ନ ଫାଇଦା ମିଳିବ ବୋଲି କମ୍ପାନୀ ପକ୍ଷରୁ ଏକ ପ୍ରେସ୍ ବିବୃତିରେ ସୂଚନା ଦିଆଯାଇଛି । ପୋଷ୍ଟପେଡ କ୍ଷେତ୍ରରେ ଜିଓ ପକ୍ଷରୁ ସୁଲଭ ତାରିଫ୍ ଘୋଷଣା କରାଯାଇଥିବାରୁ ଏହି ପଦକ୍ଷେପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚିନା କରାଯାଉଛି ।

ନୂଆକରି ପ୍ରଚଳନ କରାଯାଇଥିବା ଜିଓପୋଷ୍ଟପେଡ ପ୍ଲସ୍ ସେବାର ମୁଖ୍ୟ ଉଦ୍ଦେଶ୍ୟ ହେଉଛି ସମସ୍ତ ସଂଯୋଗ, ମନୋରଞ୍ଜନ ଏବଂ ଅନୁଭୂତି କ୍ଷେତ୍ରରେ ସର୍ବଶ୍ରେଷ୍ଠ ସେବା ଯୋଗାଣ ବୋଲି ଜିଓ ପକ୍ଷରୁ ପ୍ରକାଶ କରାଯାଇଛି । ତୀବ୍ର ପ୍ରତିଯୋଗିତାମୂଳକ ଭାରତୀୟ ଦୂରସଂଚାର ବଜାରରେ ନିଜର ଅଧୁନାତମ ପୋଷ୍ଟପେଡ ଆକମଣାତ୍ମକ ତାରିଫ ଘୋଷଣା ସହିତ ଜିଓ ମଧ୍ୟ ମାଗଣା ହୋମ୍ ଡେଲିଭରୀ ଏବଂ ଆକ୍ଟିଭେସନ ତଥା ପ୍ରିମିୟମ କଲ୍ ସେଣ୍ଟର ସେବା ଯୋଗାଇ ଦେଉଛି ।

ବଜାର ବିଶ୍ଳେଷଣକାରୀ ସଂସ୍ଥା ଜେପି ମୋର୍ଗାନ ଏହାର ରିପୋର୍ଟରେ କହିଛି ଯେ ଜିଓର ନୂଆ ପୋଷ୍ଟପେଡ୍ ପ୍ଲାନ୍‌ରେ ଓଟିଟି ସମ୍ମିଳିତ ପ୍ରତି ୧ଜିବି ଡାଟା ପିଛା ହାରାହାରି ଯେତିକି ଖର୍ଚ୍ଚ ହେଉଛି, ସମଷ୍ଟିଗତ ଭାବରେ ପ୍ରଦାନ କରାଯିବା ଦ୍ୱାରା ତାହା ଜିଓର ନିଜସ୍ୱ ପ୍ରପେଡ ପ୍ଲାନ୍‌ରେ ସେହି ସମାନ ଡାଟା ଠାରୁ ୫୦ରୁ ୫୩% ପର‌୍ୟ୍ୟନ୍ତ ଶସ୍ତା ପଡୁଛି । ଏହାଦ୍ୱାରା ସାମଗ୍ରିକ ଭାବେ ଦୂରସଂଚାର ବଜାରକୁ ଅଧିକ ରାଜସ୍ୱ ମିଳିପାରିବ ଏବଂ ଏହା ସମୁଦାୟ ଦୂରସଂଚାର ଶିଳ୍ପ ପାଇଁ ଏକ ସକାରାତ୍ମକ ପ୍ରୟାସ। ଜିଓ ମଧ୍ୟ ଏହାର ବିଶାଳ ସ୍ମାର୍ଟଫୋନ ଗ୍ରାହକଙ୍କୁ ପୋଷ୍ଟପେଡ ଗ୍ରାହକଭାବେ ରୂପାନ୍ତରଣ କରିବା ଯୋଜନା ରଖିଥିବା କୁହାଯାଇଛି।

ଅନ୍ୟ ଏକ ବିଶ୍ଲେଷଣକାରୀ ସଂସ୍ଥା ଜେଫେରିଜ୍ ପକ୍ଷରୁ କୁହାଯାଇଛି, ପୋଷ୍ଟପେଡ ଗ୍ରାହକଙ୍କୁ ନଜରରେ ରଖି ଜିଓ ପକ୍ଷରୁ ଏହା ଦ୍ୱିତୀୟ ପ୍ରୟାସ ହୋଇଛି ଏବଂ ଏହା ଭୋଡାଫୋନ ଆଇଡିଆର ପ୍ରାୟ ୨୩ ନିୟୁତ ପୋଷ୍ଟପେଡ ଗ୍ରାହକଙ୍କ ମଧ୍ୟରେ ଆଲୋଡନ ସୃଷ୍ଟି କରିବା ପାଇଁ ଏଭଳି କରାଯାଇଛି। ଭୋଡାଫୋନ ଆଇଡିଆର ସେବାର ମାନରେ ପାର୍ଥକ୍ୟ ବୃଦ୍ଧିପାଇଚାଲିବାବେଳେ ତାହାର ପୋଷ୍ଟପେଡ ଗ୍ରାହକମାନେ ଆନ୍ଦୋଳିତ ହେବାନେଇ ଅତି ସମ୍ବେଦନଶୀଳ ବିବେଚିତ ହେଉଛନ୍ତି ଏବଂ ଏହି ସୁଯୋଗର ସଦ୍‌ବ୍ୟବହାର କରିବାକୁ ଜିଓ ଠିକଣା ସମୟରେ ତାହାର ତାଜା ପୋଷ୍ଟପେଡ ତାରିଫ ପ୍ଲାନ ପ୍ରଚଳନ କରିଛି।

ଏମ୍‌କେ ପକ୍ଷରୁ ପ୍ରସ୍ତୁତ ଏକ ରିପୋର୍ଟରେ କୁହାଯାଇଛି, ପୋଷ୍ଟପେଡ୍ କ୍ଷେତ୍ରରେ ଜିଓ ପକ୍ଷରୁ ପ୍ରଦାନ କରାଯାଉଥିବା ନେଟ୍‌ଫ୍ଲିକ୍ସ, ଆମାଜନ ପ୍ରାଇମ, ଡିଜ୍‌ନି-ହଟ୍‌ଷ୍ଟାର ଭିଆଇପି ଭଳି ବ୍ୟାପକ ମାତ୍ରାରେ ଆକ୍ରମଣାତ୍ମକ କଣ୍ଟେଣ୍ଟ ଗ୍ରାହକଙ୍କ ପାଇଁ ମୁଖ୍ୟ ଆକର୍ଷଣ ପାଲଟିବା ଆଶା କରାଯାଉଛି। ଅନ୍ୟପକ୍ଷରେ ଭୋଡାଫୋନ ଆଇଡିଆର ଦୁର୍ବଳ ଆର୍ଥିକ ସ୍ଥିତି ଏବଂ ଅଧିକ ସଂଖ୍ୟାରେ ପୋଷ୍ଟପେଡ ଗ୍ରାହକ ଏହାକୁ ଅଧିକ କ୍ଷତି ପହଞ୍ଚାଉଛି।

ଅନ୍ୟତମ ବଜାର ବିଶ୍ଳେଷଣକାରୀ ସଂସ୍ଥା ବିଏନ୍‌ପି ପାରିବାସ୍ କହିଛି, ଜିଓ ଅତ୍ୟନ୍ତ ସୁଲଭ ଓ ପକେଟକୁ ସୁହାଇଲା ଭଳି ମୂଲ୍ୟରେ ତାହାର ପ୍ରିମିୟମ କଣ୍ଟେଣ୍ଟକୁ ଏକତ୍ର ଭାବେ ଯୋଗାଇବା ଆରମ୍ଭ କରିଛି। ଆକର୍ଷଣୀୟ କଣ୍ଟେଣ୍ଟକୁ ଏକାଠି ପ୍ରଦାନ କରାଯିବା ପ୍ରସ୍ତାବ ଯୋଗୁ ବହୁସଂଖ୍ୟକ ଗ୍ରାହକଙ୍କ ପାଇଁ ଏହି ପୋଷ୍ଟପେଡ ଯୋଜନା ଆକର୍ଷଣୀୟ ହୋଇପାରେ ଏବଂ ଏହା ପୋଷ୍ଟପେଡ ବଜାରକୁ ଅଧିକ ପରିବ୍ୟାପ୍ତ କରିବା ସମ୍ଭାବନା ରହିଛି ବୋଲି ଏହା କହିଛି।

ମୁମ୍ବାଇ: ଚଳିତ ଆର୍ଥିକ ବର୍ଷର ଏପ୍ରିଲ୍ ରୁ ଜୁନ୍ ୨୦୨୦ ପର୍ଯ୍ୟନ୍ତ ପ୍ରଥମ ତ୍ରୟମାସରେ ରିଲାଏନ୍ସ ଜିଓର ନିଟ୍ ଲାଭରେ ୧୮୩ ପ୍ରତିଶତ ବୃଦ୍ଧି ଘଟି ଏହା ୨୫୨୦ କୋଟି ଟଙ୍କାରେ ପହଞ୍ଚିଥିବା କମ୍ପାନୀ ପକ୍ଷରୁ ପ୍ରକାଶ କରାଯାଇଛି । ଗତ ଆର୍ଥିକ ବର୍ଷର ଏହି ସମାନ ତ୍ରୟମାସରେ ଜିଓର ନିଟ୍ ଲାଭ ୮୯୧ କୋଟି ଟଙ୍କା ରହିଥିଲା ।

କମ୍ପାନୀ ପକ୍ଷରୁ ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସ ପାଇଁ ଘୋଷଣା କରାଯାଇଥିବା ଆର୍ଥିକ ଫଳାଫଳ ଅନୁଯାୟୀ ଏପ୍ରିଲ୍ ରୁ ଜୁନ୍ ତ୍ରୟମାସରେ ଜିଓର ପରିଚାଳନାଗତ ରାଜସ୍ୱ ଗତ ବର୍ଷ ତୁଳନାରେ ୩୩.୭ ପ୍ରତିଶତ ବୃଦ୍ଧି ପାଇ ୧୬୫୫୭ କୋଟି ଟଙ୍କା ହୋଇଛି । ୨୦୨୦ ଜୁନ୍ ୩୦ ସୁଦ୍ଧା କମ୍ପାନୀର ମୋଟ ଗ୍ରାହକ ସଂଖ୍ୟା ୩୯.୮୩ କୋଟିରେ ପହଞ୍ଚିଥିବାବେଳେ ଗ୍ରାହକ ପ୍ରତି ରାଜସ୍ୱ (ଆର୍ପୁ) ବୃୃଦ୍ଧି ପାଇ ମାସକୁ ୧୪୦.୩ ଟଙ୍କାରେ ପହଞ୍ଚିଛି । ଏହି ତ୍ରୟମାସରେ କମ୍ପାନୀ ୯୯ ଲକ୍ଷ ଗ୍ରାହକ ଯୋଡିଛି । ଶ୍ରେଷ୍ଠ ୪ଜି ନେଟ୍‌ୱର୍କ ବଳରେ ଗତ ବର୍ଷ ତୁଳନାରେ ଏହି ତ୍ରୟମାସରେ ଜିଓ ନେଟ୍‌ୱର୍କରେ ଡାଟା ବ୍ୟବହାର ୩୦ ପ୍ରତିଶତ ବୃଦ୍ଧି ପାଇ ୧୪.୨ ଏକ୍ସାବାଇଟରେ ପହଞ୍ଚିଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି ।

ଏହି ଅବସରରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ କହିଛନ୍ତି ଯେ “ଏକ ଦୃଢ ଏବଂ ସୁରକ୍ଷିତ ୱେୟାରଲେସ୍ ଏବଂ ଡିଜିଟାଲ ନେଟୱାର୍କ ନିର୍ମାଣ କରି ସବୁ କିଛିକୁ ସଂଯୁକ୍ତ କରିବା ସହିତ ପ୍ରତିଟି ଭାରତୀୟଙ୍କୁ ଡିଜିଟାଲ ସଂଯୋଗର ସୁଫଳ ପହଞ୍ଚାଇବା ଲକ୍ଷ୍ୟ ରଖି ଜିଓ ଆରମ୍ଭ ହୋଇଥିଲା । ଆମର ଏହି ସମାନ ଲକ୍ଷ୍ୟରେ ଏବେ ସାମିଲ ହୋଇଛନ୍ତି ବିଶ୍ୱର ୧୩ଟି ବୃହତ୍ତମ ପ୍ରଯୁକ୍ତି କମ୍ପାନୀ ଓ ନିବେଶକ ।’’

ବିଗତ ତିନି ମାସ ମଧ୍ୟରେ ଜିଓ ପ୍ଲାଟଫର୍ମସ୍ ବିଶ୍ୱର ଅଗ୍ରଣୀ ପ୍ରଯୁକ୍ତି କମ୍ପାନୀ ଓ ନିବେଶକଙ୍କଠାରୁ ୧,୫୨,୦୫୬ କୋଟି ଟଙ୍କାର ପୁଂଜି ନିବେଶ ହାସଲ କରିଛି । ଏମାନଙ୍କ ମଧ୍ୟରେ ରହିଛନ୍ତି ଫେସ୍‌ବୁକ୍‌, ଗୁଗୁଲ୍‌, ସିଲଭର ଲେକ୍‌, ଭିଷ୍ଟା ଇକ୍ୱିଟି ପାର୍ଟନର୍ସ, ଜେନେରାଲ ଆଟଲାଣ୍ଟିକ୍‌, ମୁବାଦଲା, ଏଡିଆଇଏ, ଟିପିଜି, ଏଲ କାଟରଟନ୍‌, ପିଆଇଏଫ୍‌, ଇନଟେଲ କ୍ୟାପିଟାଲ୍ ଏବଂ କ୍ୱାଲକମ୍ ଭେଂଚର୍ସ ।

ଗୁରୁବାର ଘୋଷଣା ହୋଇଥିବା ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ପ୍ରଥମ ତ୍ରୟମାସ ଆର୍ଥିକ ଫଳାଫଳ ଅନୁଯାୟୀ, ଏପ୍ରିଲରୁ ଜୁନ୍ ତିନି ମାସରେ କମ୍ପାନୀର ନିଟ୍ ଲାଭ ଗତ ବର୍ଷ ତୁଳନାରେ ୩୦.୬ ପ୍ରତିଶତ ବୃଦ୍ଧି ପାଇ ୧୩, ୨୪୮ କୋଟି ଟଙ୍କାରେ ପହଞ୍ଚିଛି ।