Categories
ଆଜିର ଖବର ଜାତୀୟ ଖବର ବ୍ୟବସାୟ

୫ଜି ନବସୃଜନକୁ ଆଗକୁ ବଢ଼ାଇବା ପାଇଁ ରିଲାଏନ୍ସ ଜିଓ ଓ ୱାନପ୍ଲସ୍ ଇଣ୍ଡିଆ ମଧ୍ୟରେ ସହଭାଗିତା

ବେଙ୍ଗାଲୁରୁ / ଭୁବନେଶ୍ୱର: ଭାରତର ସର୍ବବୃହତ ଡିଜିଟାଲ ସେବା ପ୍ରଦାନକାରୀ କମ୍ପାନି ରିଲାଏନ୍ସ ଜିଓ ଏବଂ ଅତ୍ୟାଧୁନିକ ଜ୍ଞାନକୌଶଳର ଅଗ୍ରଣୀ କମ୍ପାନୀ ୱାନ୍‌ପ୍ଲସ୍ ଭାରତରେ ୫ଜି ପ୍ରଯୁକ୍ତିର ସମ୍ପୂର୍ଣ୍ଣ ସମ୍ଭାବନାକୁ ଉନ୍ମୁକ୍ତ କରିବା ପାଇଁ ଅତ୍ୟାଧୁନିକ ୫ଜି ଇନୋଭେସନ ଲ୍ୟାବ୍ ପ୍ରତିଷ୍ଠା କରିବାକୁ ଘୋଷଣା କରିଛନ୍ତି । ଜିଓ ଏବଂ ୱାନ୍‌ପ୍ଲସ୍‌ର ବୈଷୟିକ ନବସୃଜନ ଓ ଭିତ୍ତିଭୂମି ଉପଭୋକ୍ତାଙ୍କୁ ନୂତନ ଅନୁଭୂତି ପ୍ରଦାନ କରିବାରେ ସହାୟକ ହେବ । ଏହି ସହଯୋଗିତାର ଲକ୍ଷ୍ୟ ହେଉଛି ୱାନ୍‌ପ୍ଲସ୍ ଏବଂ ଜିଓ ଟ୍ରୁ-୫ଜି ବ୍ୟବହାରକାରୀଙ୍କୁ ବିଭିନ୍ନ ସୁବିଧାସୁଯୋଗ ଏବଂ ଏକ ଅଦ୍ୱିତୀୟ ନେଟୱାର୍କ ଅନୁଭୂତି ପ୍ରଦାନ କରିବା, ଯାହା ଦ୍ୱାରା ୱାନପ୍ଲସ୍ ଏବଂ ଜିଓ ଟ୍ରୁ-୫ଜି ଗ୍ରାହକମାନେ ଭବିଷ୍ୟତର ଏକ ଅନନ୍ୟ ଅନୁଭୂତିର ଆନନ୍ଦ ନେଇପାରିବେ।

ଜିଓ ପ୍ରବକ୍ତା କହିଛନ୍ତି ଯେ, “ଜିଓ ଟ୍ରୁ-୫ଜି ହେଉଛି ଭାରତର ଶ୍ରେଷ୍ଠ ୫ଜି ନେଟୱାର୍କ। ବର୍ତ୍ତମାନ ଜିଓ ଟ୍ରୁ-୫ଜି ସମଗ୍ର ଦେଶକୁ ଏକ ମଜଭୁତ ଟ୍ରୁ-୫ଜି ନେଟୱାର୍କରେ ପରିଣତ କରିଛି। ଭାରତରେ ମୋଟ ୫ଜି ନେଟୱାର୍କ ର ୮୫% ଜିଓ ଦ୍ୱାରା ସ୍ଥାପନ କରାଯାଇଛି । ଏହା ଆମ ଗ୍ରାହକମାନଙ୍କ ପାଇଁ ଉଲ୍ଲେଖନୀୟ ୫ଜି ଅନୁଭୂତି ଆଣିବାର ସମୟ ଏବଂ ୱାନପ୍ଲସ୍ ସହିତ ଏହି ଭାଗିଦାରୀ ସେହି ଦିଗରେ ଏକ ପଦକ୍ଷେପ । ଆଗାମୀ କିଛି ମାସ ମଧ୍ୟରେ ଆମ ଗ୍ରାହକମାନେ ୫ଜିର ଉତ୍କୃଷ୍ଟ ଏବଂ ଉନ୍ନତ ଗେମିଂ, ଷ୍ଟ୍ରିମିଂ ଏବଂ ଉନ୍ନତ ବ୍ୟବହାର ଅନୁଭବ ହାସଲ କରିବେ।’’

ୱାନପ୍ଲସର ପ୍ରବକ୍ତା କହିଛନ୍ତି ଯେ, “ଆମେ ଯାହା ସମ୍ଭବ ତାହାର ସୀମାକୁ ଆଗକୁ ବଢ଼ାଇବାରେ ବିଶ୍ୱାସ କରୁ ଏବଂ ଜିଓ ସହିତ ଏହି ସହଭାଗିତା ସେହି ପ୍ରତିବଦ୍ଧତାର ପରିଚାୟକ। ଯୋଗାଯୋଗ କ୍ଷେତ୍ରର ଭବିଷ୍ୟତ ଦିଗରେ ଏହି ଭାଗିଦାରୀ ଏକ ବଡ଼ ପଦକ୍ଷେପ ଯେଉଁଠାରେ ନବସୃଜନର କୌଣସି ସୀମା ନାହିଁ । ଜିଓ ଏବଂ ୱାନପ୍ଲସ୍ ଇଣ୍ଡିଆ ମିଳିତ ଭାବେ ଦେଶର ୫ଜି ପରିଦୃଶ୍ୟକୁ ପରିବର୍ଦ୍ଧିତ କରିବାକୁ ପ୍ରସ୍ତୁତ ରହିଛନ୍ତି ଯାହା ଗ୍ରାହକମାନଙ୍କୁ ଆଗାମୀ ଦିନରେ ଅସୀମ ସମ୍ଭାବନାର ଏକ ଝଲକ ପ୍ରଦାନ କରିବ ।’’

ଏହି ସହଭାଗିତା ନୂତନ ସୁବିଧା ଏବଂ ଗ୍ରାହକ ଅନୁଭୂତି ଅଭିଜ୍ଞତାର ବିକାଶ ଏବଂ ପରୀକ୍ଷଣରେ ବୈପ୍ଳବିକ ପରିବର୍ତନ ଆଣିବ ଯାହାର ଫଳସ୍ୱରୂପ ଗ୍ରାହକମାନଙ୍କ ପାଇଁ ଭିନ୍ନ ଭିନ୍ନ ସୁବିଧା ଓ ଫିଚର ସାଙ୍ଗକୁ ଏବଂ ଅନନ୍ୟ ନେଟୱାର୍କ ଅନୁଭୂତି ମିଳିପାରିବ।

Categories
ଜାତୀୟ ଖବର ବିଶେଷ ଖବର ବ୍ୟବସାୟ

ରିଲାଏନ୍ସ ଜିଓର ତୃତୀୟ ତ୍ରୈମାସିକ ନେଟ ଲାଭ ହେଲା ୫୨୦୮ କୋଟି ଟଙ୍କା

ଭୁବନେଶ୍ୱର: ଦେଶର ସର୍ବବୃହତ ଟେଲିକମ ସେଵାପ୍ରଦାନକାରୀ ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ ପକ୍ଷରୁ ଚଳିତ ଆର୍ଥିକ ବର୍ଷର ତୃତୀୟ ତ୍ରୈମାସିକ ଆର୍ଥିକ ଫଳାଫଳ ଘୋଷଣା କରାଯାଇଛି।

ଅକ୍ଟୋବର ରୁ ଡିସେମ୍ବର ୨୦୨୩ ତ୍ରୟମାସରେ କମ୍ପାନୀର ନେଟ ଲାଭ ପୂର୍ବ ବର୍ଷ ସମାନ ଅବଧି ତୁଳନାରେ ୧୨.୨ ପ୍ରତିଶତ ବୃଦ୍ଧି ପାଇ ୫୨୦୮ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ପ୍ରକାଶ କରାଯାଇଛି। ଗତ ଆର୍ଥିକ ବର୍ଷର ସମାନ ତ୍ରୟମାସରେ କମ୍ପାନୀର ନେଟ ଲାଭ ୪୬୩୮ କୋଟି ଟଙ୍କା ରହିଥିଲା।

ସେହିଭଳି ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସରେ ଜିଓର ପରିଚାଳନାଗତ ରାଜସ୍ବ ଗତ ବର୍ଷ ସମାନ ତ୍ରୟମାସ ତୁଳନାରେ ୧୦.୩ ପ୍ରତିଶତ ବୃଦ୍ଧି ପାଇ ୨୫୩୬୮ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି।

ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସରେ ଜିଓ ନେଟୱାର୍କରେ ମୋଟା ଡାଟା ଟ୍ରାଫିକ ଗତ ବର୍ଷ ତୁଳନାରେ ୩୧.୫ ପ୍ରତିଶତ ବୃଦ୍ଧି ପାଇ ୩୮.୧ ବିଲିଅନ ଜିବି ହୋଇଥିବା ବେଳେ ଭଏସ ଟ୍ରାଫିକ ୭.୯ ପ୍ରତିଶତ ବୃଦ୍ଧି ପାଇ ୧.୩୭ ଟ୍ରିଲିଅନ ମିନିଟ ହୋଇଥିବା ଜଣାପଡିଛି।

ସେହିଭଳି ତୃତୀୟ ତ୍ରୟମାସରେ ଜିଓ ସର୍ବାଧିକ ୧୧.୨ ମିଲିଅନ ଗ୍ରାହକ ଯୋଡିବା ସହିତ ଦେଶରେ ଡିସେମ୍ବର ମାସ ଶେଷ ସୁଦ୍ଧା ଏହାର ମୋଟ ଗ୍ରାହକ ସଂଖ୍ୟା ୪୭ କୋଟି ଅତିକ୍ରମ କରିଥିବା କମ୍ପାନୀ ପକ୍ଷରୁ ପ୍ରକାଶ କରାଯାଇଛି।

ସମୟ ପୂର୍ବରୁ ସାରା ଦେଶରେ କମ୍ପାନୀ ଜିଓ ଟ୍ରୁ ୫ଜି ନେଟୱାର୍କ ସ୍ଥାପନ କରିବା ସହିତ ୯ କୋଟି ରୁ ଉର୍ଦ୍ଧ୍ବ ଗ୍ରାହକ ଜିଓ ର ୫ଜି ନେଟୱାର୍କ କୁ ଆପଣାଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି।

ଆର୍ଥିକ ଫଳାଫଳ ଘୋଷଣା ଅବସରରେ ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ର ଅଧ୍ୟକ୍ଷ ଆକାଶ ଅମ୍ବାନୀ କହିଛନ୍ତି ” ଜିଓ ବିଶ୍ୱର ଯେକୌଣସି ସ୍ଥାନରେ ସବୁଠାରୁ ଦ୍ରୁତତମ ୫ଜି ନେଟୱାର୍କ ପ୍ରଚଳନର ସଫଳତା ହାସଲ କରିଛି ଏବଂ ଏବେ ସାରା ଦେଶରେ ଉପଲବ୍ଧ ହୋଇଛି। ଜିଓ ଏୟାର ଫାଇବରର ପ୍ରାରମ୍ଭିକ ଚାହିଦା ଓ ଗ୍ରାହକ ସମ୍ପର୍କ ବେଶ ଦୃଢ ତଥା ଉତ୍ସାହଜନକ ରହିଛି।”

Categories
ଆଜିର ଖବର ଜାତୀୟ ଖବର ବ୍ୟବସାୟ

ରିଲାଏନ୍ସ ଜିଓର ସାଧାରଣତନ୍ତ୍ର ଦିବସ ଅଫର

ଭୁବନେଶ୍ୱର: ରିଲାଏନ୍ସ ଜିଓ ଏହାର ଗ୍ରାହକମାନଙ୍କ ପାଇଁ ସାଧାରଣତନ୍ତ୍ର ଦିବସ ଅଫର ଘୋଷଣା କରିଛି। ଏହି ଅଫର ଅନୁଯାୟୀ ୨୯୯୯ ଟଙ୍କାର ବାର୍ଷିକ ରିଚାର୍ଜ କରିବା ସହିତ ଗ୍ରାହକଙ୍କୁ ୩୬୫ ଦିନର ବୈଧତାଦୈନିକ ୨.୫ ଜିବି ହାଇ-ସ୍ପିଡ଼ ଡାଟା ସାଙ୍ଗକୁ ୩ ହଜାର ଟଙ୍କାରୁ ଅଧିକ ମୂଲ୍ୟର ରିହାତି କୁପନ ମିଳିବ । ସପିଂଭ୍ରମଣ ଏବଂ ଖାଦ୍ୟ ବିଲ୍ ପ୍ରଦାନ ପାଇଁ ଏହି କୁପନ୍ ବ୍ୟବହାର କରାଯାଇପାରିବ । ଗ୍ରାହକ ଜିଓର ଏହି ବାର୍ଷିକ ପ୍ଲାନ୍ ରିଚାର୍ଜ କରିବା ସହିତ ତାଙ୍କୁ ମିଳୁଥିବା କୁପନ୍ ସଙ୍ଗେ ସଙ୍ଗେ ମାଇଁ ଜିଓ ଆପ୍‌‌ରେ ଉପଲବ୍ଧ ହେବ । ଏହି ଅଫରର ଲାଭ କେବଳ ଜାନୁଆରି ୩୧ ପର୍ଯ୍ୟନ୍ତ ମିଳିପାରିବ ।

ମିଳିଥିବା କୁପନ ବଳରେ ରିଲାଏନ୍ସର ଆଜିଓ ଆପ୍‌‌ରୁ ସର୍ବନିମ୍ନ ୨୪୯୯ ଟଙ୍କା କିଣିଲେ ଗ୍ରାହକଙ୍କୁ ୫୦୦ ଟଙ୍କାର ରିହାତି ମିଳିବ । ଏଥିସହିତ ଟିରାର ସୌନ୍ଦର୍ଯ୍ୟ ସାମଗ୍ରୀ କିଣିଲେ ଗ୍ରାହକଙ୍କୁ ୩୦% ରିହାତି ମିଳିବଯାହା ସର୍ବାଧିକ ୧୦୦୦ ଟଙ୍କା ପର୍ଯ୍ୟନ୍ତ ହୋଇପାରିବ । ରିଲାଏନ୍ସ ଡିଜିଟାଲରେ ସର୍ବନିମ୍ନ ୫,୦୦୦ ଟଙ୍କାର କ୍ରୟ ଉପରେ ୧୦ ପ୍ରତିଶତ ରିହାତି ମିଳିବ ଏବଂ ରିଲାଏନ୍ସ ଡିଜିଟାଲରୁ କ୍ରୟ ଉପରେ ସର୍ବାଧିକ ରିହାତି ସୀମା ୧୦,୦୦୦ ଟଙ୍କା ରହିଛି ।

ସେହିଭଳି ଯାତ୍ରା କ୍ଷେତ୍ରରେ ଇକ୍ସିଗୋରୁ ବିମାନ ଟିକେଟ୍ ବୁକିଂ କରିବା ସହିତ ୧୫୦୦ ଟଙ୍କା ପର୍ଯ୍ୟନ୍ତ ରିହାତି ମିଳିବ । ଜଣେ ଯାତ୍ରୀଙ୍କ ଟିକେଟ ସହିତ ୫୦୦ ଟଙ୍କା୨ ଜଣ ଯାତ୍ରୀଙ୍କ ଟିକେଟ ସହିତ ୧୦୦୦ ଟଙ୍କା ଏବଂ ୩ ଜଣ ଯାତ୍ରୀଙ୍କ ଟିକେଟ ସହିତ ୧୫୦୦ ଟଙ୍କା ରିହାତି ଧାର୍ଯ୍ୟ କରାଯାଇଛି । ଖାଦ୍ୟ ପ୍ରେମୀମାନେ ସ୍ୱିଗି ଆପ୍‌‌ରୁ ଖାଦ୍ୟ ବୁକ୍ କରିପାରିବେ ଏବଂ ଅନ୍ୟୁନ ୨୯୯ ଟଙ୍କାର ବରାଦ ମୂଲ୍ୟ ଉପରେ ୧୨୫ ଟଙ୍କା ପର୍ଯ୍ୟନ୍ତ ରିହାତି ପାଇପାରିବେ ।

ଅଧିକରୁ ଅଧିକ କୁପନ୍ ଜିତିବା ପାଇଁ ଗ୍ରାହକ ନିଜ ନମ୍ବରରେ ଯେତିକି ଚାହିଁବେ ରିଚାର୍ଜ କରିପାରିବେ । ଏହି ଅଫର ଅଧୀନରେ ଜିତିଥିବା କୁପନ୍‌‌କୁ ଅନ୍ୟ ଜିଓ ନମ୍ବରକୁ ସ୍ଥାନାନ୍ତରିତ କରାଯାଇପାରିବ ନାହିଁ । ତେବେ କୁପନ୍‌‌କୁ ବନ୍ଧୁ/ପରିବାର ଲୋକଙ୍କ ସହ ସେୟାର କରାଯାଇପାରିବ ।

Categories
ଆଜିର ଖବର ମନୋରଂଜନ ରାଜ୍ୟ ଖବର

ରିଲାଏନ୍ସ ଜିଓ ର ନୂଆ ଓଟିଟି ପ୍ୟକ୍ ରେ କଞ୍ଚାଲଙ୍କା

ଭୁବନେଶ୍ୱର: ଓଡ଼ିଶାର ମନୋରଞ୍ଜନ ଅଧ୍ୟାୟରେ ଆଉ ଏକ ଫର୍ଦ୍ଦ ଯୋଡ଼ିହେଇଛି। ଓଡିଆ ଓଟିଟି କଞ୍ଚାଲଙ୍କା ବର୍ତ୍ତମାନ ଜିଓଟିଭି ପ୍ରିମିୟମରେ ଉପଲବ୍ଧ ହେବ।

ଜିଓଟିଭି ପ୍ରିମିୟମ୍ ସବସ୍କ୍ରିପସନ୍ ଅଫର୍ ରେ ଥିବା ସର୍ବମୋଟ ୧୪ଟି ଓଟିଟି ପ୍ଲାଟଫର୍ମ ମଧ୍ୟରୁ କଞ୍ଚା ଲଙ୍କା ଅନ୍ୟତମ। ଜିଓ ଏହି ନୂତନ ଅଫର୍ ଗ୍ରାହକଙ୍କୁ ଯଥାକ୍ରମେ ୨୮, ୮୪ ଏବଂ ୩୬୫ ଦିନ ପାଇଁ ୩୯୮, ୧୧୯୮, ୪୪୯୮ ଟଙ୍କାରେ ଯୋଗାଉଛି। କଲିଂ, ଏସଏମଏସ, ଡାଟା ଏବଂ ଆକର୍ଷଣୀୟ ଟେଲକମ୍ ପ୍ୟାକ୍ ସହ ଏହି ଅଫର ଟି ଉପଲବ୍ଧ।

ଏହାର ଲଞ୍ଚ ପ୍ୟାକ୍ ରେ, ଜିଓ କେବଳ ୧୪ଟି ଓଟିଟି ଆପ୍ ଯୋଡିଛି ଯେଉଁଥିରେ ୬ଟି ଆଞ୍ଚଳିକ ଓଟିଟି ପ୍ଲାଟଫର୍ମ ଅନ୍ତର୍ଭୁକ୍ତ। ମନୋନୀତ ହୋଇଥିବା ୬ଟି ଆଞ୍ଚଳିକ ଓଟିଟି ମଧ୍ୟରୁ କଞ୍ଚା ଲଙ୍କା ଅନ୍ୟତମ। ଜିଓ ଦ୍ୱାରା ମନୋନୀତ ହୋଇଥିବା ପ୍ରଥମ ୬ଟି ଓଟିଟି ମଧ୍ୟରୁ ଗୋଟିଏ ହେବା ବଜାରରେ କଞ୍ଚା ଲଙ୍କାର ଲୋକପ୍ରିୟତାକୁ ପ୍ରମାଣ କରୁଛି।

ଉପଭୋକ୍ତାମାନେ ରିଚାର୍ଜ କରିଥିବା ମୋବାଇଲ୍ ନମ୍ବର ମାଧ୍ୟମରେ ସାଇନ୍ ଇନ୍ କରିପାରିବେ ଏବଂ ଜିଓଟିଭି ପ୍ରିମିୟମ୍ ଟ୍ୟାବ୍ ରେ କଞ୍ଚା ଲଙ୍କାର ୱେବ ସିରିଜ ତଥା ସିନେମା ଦେଖିପାରିବେ।

ସହଭାଗିତାକୁ ନେଇ ନିଜର ଉତ୍ସାହ ବ୍ୟକ୍ତ କରି କଞ୍ଚା ଲଙ୍କାର ସହ-ପ୍ରତିଷ୍ଠାତା ତଥା ଚେୟାରମ୍ୟାନ୍ ଶ୍ରୀ ଅକ୍ଷୟ ପରିଜା କହିଛନ୍ତି, “ବୃହତ୍ତମ ଜାତୀୟ ପ୍ଲାଟଫର୍ମ ଜିଓରେ ଆମର ଉପସ୍ଥିତି ନିଶ୍ଚିତ ଭାବରେ ଗୁଣାତ୍ମକ ଓଡିଆ ମନୋରଞ୍ଜନ ବିଷୟବସ୍ତୁକୁ ଲୋକଙ୍କ ନିକଟରେ ପହଞ୍ଚାଇବ। ଆମେ ସବୁବେଳେ କ୍ୟୁରେଟେଡ୍ ୱେବ୍ ସିରିଜ୍, ବଛା-ବଛା ଚଳଚ୍ଚିତ୍ର ଏବଂ ଅନ୍ୟାନ୍ୟ ତାଜା ବିଷୟବସ୍ତୁର ମିଶ୍ରଣ ଯୋଗାଇବାକୁ ଚେଷ୍ଟା କରିଛୁ ଏବଂ ବର୍ତ୍ତମାନ ଏହା ଅଧିକ ଓଡ଼ିଆ ସିନେ-ପ୍ରେମୀଙ୍କ ପାଖରେ ପହଞ୍ଚିବା ସହିତ ମୁଁ ନିଶ୍ଚିତ ଯେ ଅଧିକରୁ ଅଧିକ ଲୋକ ଏକ ଅସାଧାରଣ ଦର୍ଶନ ଅଭିଜ୍ଞତାକୁ ପସନ୍ଦ କରିବେ।

ଏହା ପୂର୍ବରୁ କଞ୍ଚା ଲଙ୍କା ୱେବସାଇଟ୍, ଗୁଗୁଲ୍ ପ୍ଲେ ଷ୍ଟୋର୍, ଆପଲ୍ ଆପ୍ ଷ୍ଟୋର୍, ଆଣ୍ଡ୍ରଏଡ୍ ଟିଭି, ଫାୟାର ଟିଭି, ଆପଲ୍ ଟିଭି, ଏୟାରଟେଲ୍ ଏକ୍ସଷ୍ଟ୍ରିମ୍, ଓଟିଟି ପ୍ଲେ, ପ୍ଲେ ବକ୍ସ, ଫ୍ଲିକ ଏବଂ ଅନ୍ୟାନ୍ୟ ବିତରଣ ପ୍ଲାଟଫର୍ମରେ ଉପଲବ୍ଧ ଥିଲା।

ଶ୍ରୀ ପରିଜା ଆହୁରି କହିଛନ୍ତି ଯେ, “ଜିଓ ଦ୍ୱାରା ମନୋନୀତ ଓଟିଟି ପ୍ଲାଟଫର୍ମ ହୋଇ ଆମେ ଗର୍ବିତ। ଆମେ ବିଶ୍ୱାସ କରୁ ଯେ, ବଣ୍ଟନ ଗ୍ରାହକଙ୍କ ପାଖରେ ଯେକୌଣସି ଉତ୍ପାଦ ଏବଂ ସେବା ପହଞ୍ଚାଇବାର ଶ୍ରେଷ୍ଠ ଚାବିକାଠି। ଜିଓ ଟିଭି ସହିତ, ଆମେ ଏକ ପ୍ରମୁଖ ମାଇଲଖୁଣ୍ଟ ହାସଲ କରିଛୁ ଏବଂ ବର୍ତ୍ତମାନ ଦର୍ଶକଙ୍କ ପାଇଁ ଅନେକ ତାଜା ଏବଂ ଲୋକପ୍ରିୟ ବିଷୟବସ୍ତୁ ଆଣିବୁ”।

Categories
ଆଜିର ଖବର ଜାତୀୟ ଖବର

ଜିଓ ଓ ଟିଏମ୍ ଫୋରମ୍ ପକ୍ଷରୁ ମୁମ୍ବାଇରେ ପ୍ରଥମ ଇନୋଭେସନ ହବ୍‌‌ର ଶୁଭାରମ୍ଭ

ମୁମ୍ବାଇ: ରିଲାଏନ୍ସ ଜିଓ ଓ ଟିଏମ୍ ଫୋରମ୍‌‌ର ମିଳିତ ସହଯୋଗରେ ନଭି ମୁମ୍ବାଇ ସ୍ଥିତ ରିଲାଏନ୍ସ କର୍ପୋରେଟ୍ ଆଇଟି ପାର୍କଠାରେ ପ୍ରଥମ ଟିଏମ୍ ଫୋରମ୍ ଇନୋଭେସନ୍ ହବ୍‌‌ର ଶୁଭାରମ୍ଭ କରାଯାଇଛି। ଏହି ଶିଳ୍ପର ପ୍ରଥମ ଧରଣର ଏହି ଇନୋଭେସନ ହବ୍ ଜେନେରେଟିଭ୍ ଏଆଇ (ଆର୍ଟିଫିସିଆଲ ଇଂଟେଲିଜେନ୍ସ), ଲାର୍ଜ ଲାଙ୍ଗୁଏଜ୍ ମଡେଲ୍ (ଏଲ୍‌‌ଏଲ୍‌‌ଏମ୍‌‌) ଓ ଓପନ୍ ଡିଜିଟାଲ୍ ଆର୍କିଟେକ୍‌‌ଚର ବିକାଶ ପ୍ରକ୍ରିୟାକୁ ତ୍ୱରାନ୍ୱିତ କରିବା ଉପରେ ଗୁରୁତ୍ୱାରୋପ କରିବ ଯାହା ଦ୍ୱାରା ସମଗ୍ର ଶିଳ୍ପ ଜଗତ ଉପକୃତ ହେବ।

ଏହ କାର୍ଯ୍ୟକ୍ରମରେ ଆସେଂଚର, ଡ୍ୟୁସ୍ ଟେଲିକମ୍‌‌, ଗୁଗୁଲ କ୍ଲାଉଡ ଅରେଂଜ୍‌‌, ଟେଲିନର ଓ ଭୋଡାଫୋନର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ। ବିଶ୍ୱସ୍ତରରୀୟ ସଫ୍ଟୱେର ପ୍ରତିଭାଙ୍କ କେନ୍ଦ୍ର ସ୍ଥଳ ହୋଇଥିବାରୁ ପ୍ରଥମ ଇନୋଭେସନ ହବ୍ ଲାଗି ମୁମ୍ବାଇକୁ ଚୟନ କରାଯାଇଥିଲା। ଏହି ହବ୍‌‌ରେ ଟେଲିକମ୍ ଓ ପ୍ରଯୁକ୍ତି ଶିଳ୍ପର ପ୍ରତିଭାମାନେ ହାଇବ୍ରିଡ୍ ଟିମ୍ ଭାବେ କାମ କରି ଶିଳ୍ପର ଏହି ସବୁଠୁ ବଡ଼ ଆହ୍ୱାନ ଲାଗି ଉପାୟ ଓ ସମାଧାନ ବିକାଶ କରିବେ। ଭାରତରେ ଟିଏମ୍ ଫୋରମ୍‌‌ର ୩୭୦୦୦ରୁ ଅଧିକ ସଦସ୍ୟ ରହିଛନ୍ତି।

ଏହି ଇନୋଭେସନ ହବ୍ ଜେନେରେଟିଭ୍ ଏଆଇ ଓ ଲାର୍ଜ ଲାଙ୍ଗୁଏଜ ମଡେଲ୍‌‌କୁ ଟେଲିକମ୍ ଶିଳ୍ପରେ ପ୍ରୟୋଗ ଉପରେ ଗୁରୁତ୍ୱ ପ୍ରଦାନ କରିବା ସହ ନିରାପତ୍ତା, ଗୋପନୀୟତା, ସଠିକତା, ପ୍ରଦର୍ଶନ ଓ ବ୍ୟାପକତା ଉପରେ ଗୁରୁତ୍ୱାରୋପ କରିବ। ଏହା ବ୍ୟତୀତ ଟିଏମ୍ ଫୋରମ୍‌‌ର ଓପନ୍ ଡିଜିଟାଲ ଆର୍କିଟେକ୍‌‌ଚ‌ର୍କୁ ତ୍ୱରାନ୍ୱିତ କରିବା ଏବଂ ବିକାଶ କରିବା ଉପରେ ଏହା ଗୁରୁତ୍ୱାରୋପ କରିବ।

ଏହି ଅବସରରେ ରିଲାଏନ୍ସ ଜିଓ ଇନ୍‌‌ଫୋକମ୍ ଲିମିଟେଡ୍‌‌ର ଅଧ୍ୟକ୍ଷ ଆକାଶ ଅମ୍ବାନି କହିଛନ୍ତି ଯେ, “ଟିଏମ୍ ଫୋରମ୍ ଇନୋଭେସନ ହବ୍ ବାସ୍ତବ ଦୁନିଆର ସମାଧାନ ପ୍ରଦାନ କରିବ ଯାହା ଶିଳ୍ପରେ ବ୍ୟାପକ ପରିବର୍ତନ ଆଣିବ। ଆହ୍ୱାନଗୁଡ଼ିକର ମୁକାବିଲା କରିବା ସହିତ ଭବିଷ୍ୟତର ପ୍ରତିବନ୍ଧକଗୁଡ଼ିକୁ ଅତିକ୍ରମ କରିବା ଲାଗି ଉତ୍ତମ ଉପାୟ ବାହାର କରିବା ପାଇଁ ସମଗ୍ର ଶିଳ୍ପ ଜଗତର ପ୍ରତିଭାମାନଙ୍କୁ ବ୍ୟବହାର କରିବାଠାରୁ ଭଲ ବାଟ ଆଉ କଣ ହୋଇପାରେ। ଆମ ମୁମ୍ବାଇ କ୍ୟାମ୍ପସରେ ପ୍ରଥମ ଇନୋଭେସନ ହବ୍ ଖୋଲାଯାଇଥିବାରୁ ଆମେ ଉଲ୍ଲସିତ କାରଣ ଆମର ବିଶ୍ୱାସ ରହିଛି ଯେ ନବସୃଜନକୁ ସୁଦୃଢ଼ କରିବା ଲାଗି ମୁମ୍ବାଇ ହେଉଛି ଉପଯୁକ୍ତ ସ୍ଥାନ। ଜିଓ, ଟିଏମ୍ ଫୋରମ୍ ଓ ସମଗ୍ର ଟେଲିକମ୍ ଶିଳ୍ପ ପାଇଁ ଏହା ହେଉଛି ଏକ ଆକର୍ଷଣୀୟ ସମୟ ଏବଂ ଏହି ପ୍ରକଳ୍ପର ଏକ ଅଂଶ ହୋଇଥିବାରୁ ଆମେ ବେଶ ଗର୍ବିତ।’’

ପ୍ରଥମ ଇନୋଭେସନ ହବ୍ ଶୁଭାରମ୍ଭକୁ ନେଇ ଟିଏମ୍ ଫୋରମ୍‌‌ର ଅଧ୍ୟକ୍ଷ ଡକ୍ଟର ଷ୍ଟିଫେନ୍ ରୋହେନ ଓ ସିଇଓ ନିକ୍ ୱିଲେଟ୍ ଉତ୍ସାହ ପ୍ରକଟ କରିଛନ୍ତି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ଜିଓ ପକ୍ଷରୁ ଓଡ଼ିଶାରେ ଜିଓଏୟାରଫାଇବ‍ର୍ ସେବା ଶୁଭାରମ୍ଭ

ଭୁବନେଶ୍ୱର: ବିଶ୍ୱର ସର୍ବବୃହତ ଘରୋଇ ମୋବାଇଲ ଡାଟା ନେଟୱର୍କ ରିଲାଏନ୍ସ ଜିଓ ଓଡ଼ିଶାରେ ବିଶ୍ୱ ମାନର ସର୍ବାଧୁନିକ ହୋମ୍‌‍ ଏଣ୍ଟରଟେନ୍‌‍ମେଣ୍ଟ, ସ୍ମାର୍ଟ ହୋମ୍‌‍ ସେବା ଏବଂ ହାଇ-ସ୍ପିଡ ବ୍ରଡ୍‌‍ବ୍ୟାଣ୍ଡ୍‌‍ ସମନ୍ୱିତ ଏଣ୍ଡ୍‌‍-ଟୁ-ଏଣ୍ଡ୍‌‍ ସମାଧାନ ଜିଓଏୟାରଫାଇବ‍ର୍ ସେବା ଶୁଭାରମ୍ଭ ସମ୍ପର୍କରେ ଘୋଷଣା କରିଛି।

ଜିଓଏୟାରଫାଇବ‍ର୍ ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବ ଏବଂ ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‍ ବ୍ରଡବ୍ୟାଣ୍ଡ୍‌‍ ସୁବିଧା ବିଭିନ୍ନ ଜଟିଳତା ତଥା ସେମାନଙ୍କ ପରିସରକୁ ଅପ୍‌‍ଟିକାଲ-ଫାଇବର ସମ୍ପ୍ରସାରଣରେ ବିଳମ୍ବ ଘଟିବା କାରଣରୁ ଉପଲବ୍ଧ ହେଉନଥିଲା ସେଭଳି ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ଏହା ସଂଯୋଗ କରିବ।

ଜିଓଏୟାରଫାଇବ‍ର୍ ଭୁବନେଶ୍ୱର ଏବଂ କଟକ ଦ୍ୱୈତନଗରୀରେ ଲାଇଭ୍‌‍ ହେବା ସହିତ ଉଭୟ ସହରରେ ସମସ୍ତ ବାସଗୃହ ଏବଂ ସମସ୍ତ ବ୍ୟବସାୟ ସ୍ଥଳ ଏବେ ଗୋଟିଏ ସମନ୍ୱିତ ସେବା ଜରିଆରେ ଉପଲବ୍ଧ ହେଉଥିବା ବିଶ୍ୱ ମାନର ସର୍ବାଧୁନିକ ହୋମ୍‌‍ ଏଣ୍ଟରଟେନ୍‌‍ମେଣ୍ଟ, ବ୍ରଡବ୍ୟାଣ୍ଡ୍‌‍ ଏବଂ ଡିଜିଟାଲ ଅନୁଭୂତି ଉପଭୋଗ କରିପାରିବେ। ସେବା ଆରମ୍ଭ ସହିତ ଜିଓଏୟାରଫାଇବ‍ର୍ ସଂଯୋଗ ଉଭୟ ସହରରେ ଅନେକ ଗ୍ରାହକଙ୍କ ପରିସରରେ ସ୍ଥାପନ କରାଯାଇଛି। ରାଜ୍ୟର ପ୍ରଥମ ଜିଓଏୟାରଫାଇବ‍ର୍ ସଂଯୋଗ ଜିଓର ଓଡ଼ିଶା ବ୍ୟବସାୟ ମୁଖ୍ୟ ପ୍ରଦୀପ ରାଉତଙ୍କ ଠାରୁ ଭୁବନେଶ୍ୱର ସ୍ଥିତ ସିଏସ୍‌‍ଆଇଆର- ଇନ୍‌‍ଷ୍ଟିଚ୍ୟୁଟ ଅଫ ମିନେରାଲ୍ସ ଆଣ୍ଡ ମ୍ୟାଟେରିଆଲ୍ସ ଟେକ୍‌‍ନୋଲୋଜି (ସିଏସ୍‌‍ଆଇଆର-ଆଇଏମ୍‌‍ଏମ୍‌‍ଟି) ପରିସରରେ ଜଣେ ବୈଜ୍ଞାନିକ ଗ୍ରହଣ କରିଛନ୍ତି।

ଏହି ମାଇଲଖୁଣ୍ଟ ଓଡ଼ିଶାରେ ଡିଜିଟାଲ ଦୃଶ୍ୟପଟ୍ଟରେ ଉଲ୍ଲେଖନୀୟ ପରିବର୍ଦ୍ଧନର ଏକ ନିଦର୍ଶନ ହୋଇଛି, ଯାହା ଦ୍ୱାରା ପ୍ରତ୍ୟେକଟି ଘର ଓ ବ୍ୟବସାୟକୁ ଜିଓର ଏୟାରଫାଇବର ପ୍ରଯୁକ୍ତି ସାଙ୍ଗକୁ ଶ୍ରେଷ୍ଠ ସ୍ତରର ଫାଇବର ଏବଂ ମୋବିଲିଟି ସେବାର ଅନନ୍ୟ ଅନୁଭୂତି ହାସଲ କରିବାରେ ସମର୍ଥ କରାଇବ। ଗଣେଶ ଚତୁର୍ଥୀରେ ଦେଶବ୍ୟାପୀ ଏହି ସେବାର ଶୁଭାରମ୍ଭ ପରବର୍ତ୍ତୀ ପର୍ଯ୍ୟୟରେ ଓଡ଼ିଶାରେ ଜିଓ ଏୟାରଫାଇବର ସେବା ଆରମ୍ଭ କରାଯାଇଛି ଏବଂ ଏହା ସମଗ୍ର ଦେଶରେ ଜନସାଧାରଣଙ୍କୁ ସର୍ବାଧୁନିକ ସଂଯୋଗ ସମାଧାନ ଯୋଗାଇଦେବାରେ ଜିଓର ପ୍ରତିବଦ୍ଧତାକୁ ଅଧିକ ମଜଭୁତ କରୁଛି।

ଜିଓଏୟାରଫାଇବର ଟିଭି ଅଥବା ବ୍ରଡବ୍ୟାଣ୍ଡ୍‌‍ ବ୍ୟବହାରକାରୀଙ୍କୁ ଗୋଟିଏ ସମନ୍ୱିତ ସେବା ଜରିଆରେ ଯୋଗାଇ ଦିଆଯାଉଥିବା ଏକ ବିଶ୍ୱ ମାନର ସର୍ବାଧୁନିକ ହୋମ୍‌‍ ଏଣ୍ଟରଟେନ୍‌‍ମେଣ୍ଟ, ବ୍ରଡବ୍ୟାଣ୍ଡ୍‌‍ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବା ସୁଯୋଗ ପ୍ରଦାନ କରୁଛି। ଜିଓଏୟାରଫାଇବର୍ ପ୍ଲାନ୍‌‌ରେ ଗ୍ରାହକଙ୍କୁ ଅସୀମିତ ଡାଟା ସହିତ ୩୦ ଏମ୍‌‌ବିପିଏସ୍ ଓ ୧୦୦ ଏମ୍‌‌ବିପିଏସ୍ ଭଳି ଦୁଇ ପ୍ରକାର ସ୍ପିଡ୍‌‌ର ପ୍ଲାନ୍ ଉପଲବ୍ଧ ହେଉଛି। ପ୍ରାରମ୍ଭିକ ୩୦ ଏମ୍‌‌ବିପିଏସ୍ ପ୍ଲାନ୍‌‌ର ମୂଲ୍ୟ ୫୯୯ ଟଙ୍କା ରହିଛି। ସେହିପରି ୧୦୦ ଏମ୍‌‌ବିପିଏସ୍ ପ୍ଲାନ୍‌‌ର ମୂଲ୍ୟ ୮୯୯ ଟଙ୍କା ରହିଛି। ଉଭୟ ପ୍ଲାନ୍‌‌ରେ ୫୫୦ରୁ ଅଧିକ ଡିଜିଟାଲ୍ ଚ୍ୟାନେଲ୍ ଓ ୧୪ଟି ଲୋକପ୍ରିୟ ମନୋରଞ୍ଜନ ଓଟିଟି ଆପ୍ ଉପଲବ୍ଧ ରହିଛି। ଜିଓଏୟାରଫାଇବର୍ ପ୍ଲାନ୍‌‌ରେ ୧୦୦ ଏମ୍‌‌ବିପିଏସ୍ ସ୍ପିଡ୍ ରହିଥିବା ଏକ ୧୧୯୯ ଟଙ୍କିଆ ପ୍ଲାନ୍ ମଧ୍ୟ ରହିଛି, ଯେଉଁଥିରେ ୫୫୦ ରୁ ଅଧିକ ଡିଜିଟାଲ୍ ଚ୍ୟାନେଲ୍ ଏବଂ ନେଟ୍‌‌ଫ୍ଲିକ୍ସ, ଆମାଜନ ଓ ଜିଓ ସିନେମା ଭଳି ପ୍ରିମିୟମ ଓଟିଟି ସବସ୍କ୍ରିପସନ ସମେତ ୧୬ ରୁ ଅଧିକ ମନୋରଞ୍ଜନ ଓଟିଟି ଆପ୍ ଉପଲବ୍ଧ ରହିଛି।

ଜିଓଏୟାରଫାଇବ‍ର୍ ଏହି ଶ୍ରେଣୀରେ ସର୍ବୋତ୍ତମ ମୂଲ୍ୟଗତ ଲାଭ ପ୍ରଦାନ କରିବା ସହିତ ଶିକ୍ଷା, ସ୍ୱାସ୍ଥ୍ୟ, ନିରୀକ୍ଷଣ ଓ ସ୍ମାର୍ଟ ହୋମ୍ କ୍ଷେତ୍ରରେ ନିଜସ୍ୱ ସମାଧାନ ଜରିଆରେ ବିଶ୍ୱସ୍ତରୀୟ ଡିଜିଟାଲ୍ ମନୋରଞ୍ଜନ, ସ୍ମାର୍ଟ ହୋମ୍ ସେବା ଏବଂ ବ୍ରଡ୍‌‌ବ୍ୟାଣ୍ଡ୍ ସେବା ପ୍ରଦାନ କରିବ। ଜିଓଏୟାରଫାଇବ‍ର୍ ସହିତ ବିନା କୌଣସି ଅତିରିକ୍ତ ଖର୍ଚ୍ଚରେ ଗ୍ରାହକ ନିଜ ଘର କିମ୍ବା ବ୍ୟବସାୟ ସ୍ଥଳରେ ନିରବଛିନ୍ନ କଭରେଜ ପାଇଁ ୱାଇ-ଫାଇ ରାଉଟର, ୪କେ ସ୍ମାର୍ଟ ସେଟ-ଅପ ବକ୍ସ ଏବଂ ଭଏସ ଆକ୍ଟିଭ ରିମୋଟ ଭଳି ଡିଭାଇସ ପାଇବେ।

ଡିଜିଟାଲ୍ ମନୋରଞ୍ଜନ କ୍ଷେତ୍ରରେ ୫୫୦ ରୁ ଅଧିକ ପ୍ରମୁଖ ଡିଜିଟାଲ ଟିଭି ଚାନେଲ ହାଇ-ଡ଼େଫିନେସନରେ ଉପଲବ୍ଧ ହେବା ସହିତ ଜିଓଏୟାରଫାଇବ‍ର୍ ଗ୍ରାହକ କ୍ୟାଚ-ଅପ ଟିଭି ମାଧ୍ୟମରେ ସେମାନଙ୍କର ପସନ୍ଦର କାର୍ଯ୍ୟକ୍ରମ ଗୁଡିକୁ ନିଜ ଇଚ୍ଛାମୂତାବକ ପଛକୁ ଯାଇ ପୁଣି ଦେଖିପାରିବେ। ସେହିଭଳି ଜିଓଏୟାରଫାଇବ‍ର୍ ଗ୍ରାହକ ୧୬ ରୁ ଅଧିକ ପ୍ରମୁଖ ଓଟିଟି ଆପ୍ପ ଗୁଡିକର ମାଗଣା ସବସ୍କ୍ରିପସନ ସାଙ୍ଗକୁ ସେହି ସବସ୍କ୍ରିପସନ ବ୍ୟବହାର କରି ନିଜ ପସନ୍ଦର ଡିଭାଇସରେ ଯେପରିକି ଲାପଟପ, ଟିଭି, ମୋବାଇଲ କିମ୍ବା ଟାବଲେଟରେ ଏହାର ମଜା ନେଇପାରିବେ।

ଜିଓର ବିଶ୍ୱସନୀୟ ୱାଇଫାଇ ସଂଯୋଗ ଜରିଆରେ ଘର କିମ୍ବା ବ୍ୟବସାୟ ପ୍ରତିଷ୍ଠାନର କୋଣ ଅନୁକୋଣରେ ହାଇ-ସ୍ପିଡ଼ ବ୍ରଡ଼ବ୍ୟାଣ୍ଡ ଅନୁଭୂତି ପାଇପାରିବେ।

ସେହିଭଳି ଜିଓଏୟାରଫାଇବ‍ର୍ ଗ୍ରାହକ ସ୍ମାର୍ଟ ହୋମ ସେବା ଜରିଆରେ ଶିକ୍ଷା ପାଇଁ କ୍ଲାଉଡ଼ ପିସି ଓ ୱାର୍କ ଫ୍ରମ ହୋମ, ସୁରକ୍ଷା ଓ ନିରୀକ୍ଷଣ ସମାଧାନ, ସ୍ୱାସ୍ଥ୍ୟ, ଶିକ୍ଷା, ସ୍ମାର୍ଟ ହୋମ ଆଇଓଟି, ଗେମିଙ୍ଗ ଓ ହୋମ ନେଟୱର୍କିଙ୍ଗ ଭଳି ସେବାର ଉପଯୋଗ କରିପାରିବେ।

ଜିଓଏୟାରଫାଇବ‍ର୍କୁ ଅନଲାଇନ୍ ଓ ଅଫ୍‌‌ଲାଇନ୍‌‌ରେ ବୁକିଂ କରାଯାଇପାରିବ। ୬୦୦୦୮ ୬୦୦୦୮ ନମ୍ବର ରେ ମିସଡ୍ କଲ୍ ଦେଇ କିମ୍ବା www.jio.com ୱେବସାଇଟ୍ ପରିଦର୍ଶନ କରି କିମ୍ବା ଜିଓ ଷ୍ଟୋରରେ ବୁକିଂ ପ୍ରକ୍ରିୟା ଆରମ୍ଭ କରାଯାଇପାରିବ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ, ଏୟାରଟେଲ, ଭୋଡାଫୋନ- ଆପଣଙ୍କ ମୋବାଇଲ୍‍ ବିଲ୍ ବଢ଼ିବାକୁ ଯାଉଛି!

ଭୁବନେଶ୍ୱର: ଟେଲିକମ୍ କମ୍ପାନୀଗୁଡ଼ିକ ପୁଣି ଥରେ ଆପଣଙ୍କ ମୋବାଇଲ୍ ବିଲ୍ ବଢ଼ାଇବାକୁ ଚେଷ୍ଟା କରୁଛନ୍ତି। ଦେଶର ଦୁଇ ବୃହତ୍ତମ ଟେଲିକମ୍ କମ୍ପାନୀ ଏୟାରଟେଲ୍ ଏବଂ ଭୋଡା ଆଇଡିଆ ହାରାହାରି ରାଜସ୍ୱ ବୃଦ୍ଧି ପାଇଁ ଶୁଳ୍କ ବୃଦ୍ଧି କରିବାକୁ ଚାହୁଁଛନ୍ତି, କିନ୍ତୁ ଦେଶର ସର୍ବବୃହତ୍‍ ଟେଲିକମ୍ ଅପରେଟର ରିଲାଏନ୍ସ ଜିଓ ଏହା ସପକ୍ଷରେ ନାହିଁ। ଜିଓ କହିଛି ଯେ ଏହା ଶୁଳ୍କ ବୃଦ୍ଧି କରିବ ନାହିଁ। କମ୍ପାନୀ କହିଛି ଯେ ୫ଜି ଗ୍ରାହକଙ୍କ ପାଇଁ ଶୁଳ୍କ ବୃଦ୍ଧି ସପକ୍ଷରେ ନାହିଁ। ଏୟାରଟେଲ, ଭୋଡାଫୋନ ଆଇଡିଆ ଏବଂ ବିଏସଏନଏଲ/ଏମଟିଏନଏଲର ୨୪ କୋଟି ଗ୍ରାହକଙ୍କ ଉପରେ କମ୍ପାନୀର ନଜର ରହିଛି ଯେଉଁମାନେ ଏବେ ବି ୨ଜି ନେଟୱାର୍କ ବ୍ୟବହାର କରୁଛନ୍ତି।

ରିଲାଏନ୍ସ ଜିଓର ଅଧ୍ୟକ୍ଷ ମାଥ୍ୟୁ ଓମେନ୍ କହିଛନ୍ତି ଯେ କମ୍ପାନୀ ଶୁଳ୍କରେ ବଡ଼ ପରିବର୍ତ୍ତନ କରିବାକୁ ଯୋଜନା କରୁନାହିଁ। ଡାଟା ପ୍ଲାନ ଆଡକୁ ଆସିବାକୁ ଚାହୁଁଥିବା ଗ୍ରାହକଙ୍କ ଉପରେ କମ୍ପାନୀର ଫୋକସ ରହିଛି। ଏହା ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ମୁକେଶ ଅମ୍ବାନୀ ଏବଂ ରିଲାଏନ୍ସ ଜିଓ ଅଧ୍ୟକ୍ଷ ଆକାଶ ଅମ୍ବାନୀଙ୍କ ସ୍ୱପ୍ନ ବୋଲି ସେ କହିଛନ୍ତି। ସେ କହିଛନ୍ତି ଯେ ୨୦୦ ନିୟୁତରୁ ଅଧିକ ଗ୍ରାହକ ଏବେବି ୨ଜି ବ୍ୟବହାର କରୁଛନ୍ତି। ସେମାନଙ୍କୁ ଡିଜିଟାଲ ମାଧ୍ୟମରେ ସଶକ୍ତ କରିବା ଶିଳ୍ପର ଦାୟିତ୍ୱ। ଦେଶକୁ ୨ଜି ମୁକ୍ତ କରିବାର ଏକମାତ୍ର ଉପାୟ ହେଉଛି ଶସ୍ତା ସେବା ଯୋଗାଇବା।

ଏଆରପିୟୁ କ’ଣ ?

ଓମେନ୍ କହିଛନ୍ତି ଯେ ସମସ୍ତ ଭାରତୀୟଙ୍କ ପାଖରେ ଡାଟା ଆକସେସ୍ ହେବା ଉଚିତ। ଆମେ ସେମାନଙ୍କୁ ଏଥିରୁ ବଞ୍ଚିତ କରିପାରିବୁ ନାହିଁ। ଆମେ ସମସ୍ତ ଭାରତୀୟଙ୍କୁ ଏକ ଉତ୍ତମ ଗ୍ରାହକ ଅନୁଭୂତି ଦେବାକୁ ଚାହୁଁଛୁ। ହାରାହାରି ରାଜସ୍ୱ ଉପରେ, ଉପଭୋକ୍ତା କୌଣସି ଟେଲିକମ୍ କମ୍ପାନୀର ଆର୍ଥିକ ସ୍ୱାସ୍ଥ୍ୟର ଏକ ଗୁରୁତ୍ୱପୂର୍ଣ୍ଣ ମାପକ ଭାବରେ ବିବେଚନା କରାଯାଏ। ଦ୍ୱିତୀୟ ତ୍ରୟମାସରେ ଜିଓର ଏଆରପିୟୁ ୧୮୧.୭ ଟଙ୍କାରେ ପହଞ୍ଚିଥିବାବେଳେ ଗତବର୍ଷ ଏହି ତ୍ରୈୟମାସରେ ଏହା ୧୭୭.୨ ଟଙ୍କା ଏବଂ ପୂର୍ବ ତ୍ରୈୟମାସରେ ୧୮୦.୫ ଟଙ୍କା ଥିଲା। ଏୟାରଟେଲ୍ ଏବଂ ଭୋଡାଫୋନ୍ ଆଇଡିଆ ଶୁଳ୍କ ବୃଦ୍ଧି କରିବାକୁ ସମର୍ଥନ କରିଛନ୍ତି। କ୍ୟାପେକ୍ସ ବଢ଼ାଇବା ପାଇଁ ଏପରି କରିବା ଜରୁରୀ ବୋଲି ସେ କହିଛନ୍ତି।

ଭାରତୀ ଏୟାରଟେଲର ସିଇଓ ଗୋପାଳ ଭିଟ୍ଟାଲ କହିଛନ୍ତି ଯେ ଆମେ ଶିଳ୍ପ ପାଇଁ ଅଧିକ ଆର୍ଥିକ ସ୍ୱାସ୍ଥ୍ୟ ଚାହୁଁଛୁ କାରଣ ଏଥିପାଇଁ ବହୁତ ପୁଞ୍ଜି ଖର୍ଚ୍ଚ ହେଉଛି। ତେଣୁ ଏଆରପିୟୁ ବୃଦ୍ଧି ଜରୁରୀ। ସେ କହନ୍ତି ଯେ ଏଆରପିୟୁ ୩୦୦ ଟଙ୍କା ପର୍ଯ୍ୟନ୍ତ ହେବା ଉଚିତ। ପ୍ରଥମ ତ୍ରୈୟମାସ ଶେଷ ସୁଦ୍ଧା ଏୟାରଟେଲର ଏଆରପିୟୁ ୨୦୦ ଟଙ୍କା ଥିଲା, ଯାହା ଇଣ୍ଡଷ୍ଟ୍ରିରେ ସର୍ବାଧିକ। ସେହିପରି ଦ୍ୱିତୀୟ ତ୍ରୈୟମାସରେ ଋଣ ବୋଝରେ ବୁଡ଼ି ରହିଥିବା ଭୋଡାଫୋନ୍ ଆଇଡିଆର ଏଆରପିୟୁ ମାତ୍ର ୧୪୨ ଟଙ୍କା ଥିଲା। ଏଥିରୁ ସ୍ପଷ୍ଟ ହେଉଛି ଯେ ଭୋଡାଫୋନ୍ ଆଇଡିଆ ନିଜକୁ ଦୌଡ଼ରେ ରଖିବା ପାଇଁ ବହୁତ ସଂଘର୍ଷ କରୁଛି।

ସ୍ପେକ୍ଟ୍ରମ୍ ରେ ପାର୍ଥକ୍ୟ

ସ୍ପେକ୍ଟ୍ରମ୍ ଆବଣ୍ଟନ ପ୍ରସଙ୍ଗରେ ମଧ୍ୟ ଟେଲିକମ୍ କମ୍ପାନୀଗୁଡ଼ିକ ମଧ୍ୟରେ ଏକମତତା ନାହିଁ। ରିଲାଏନ୍ସ ଜିଓ ସାଟେଲାଇଟ୍ ସ୍ପେକ୍ଟ୍ରମ୍ ନିଲାମ ପାଇଁ ସମର୍ଥନ କରିଥିବାବେଳେ ଏୟାରଟେଲ୍ ଏବଂ ଭୋଡାଫୋନ୍ ଆଇଡିଆ ପ୍ରଶାସନିକ ଆବଣ୍ଟନ ଦାବି କରୁଛନ୍ତି। ଜିଓ ମଧ୍ୟ ଏଲନ୍ ମସ୍କଙ୍କ କମ୍ପାନୀ ଷ୍ଟାର୍‍ଲିଙ୍କର ଦେଶରେ ପ୍ରବେଶକୁ ସ୍ୱାଗତ କରିଛି। ବିଶ୍ୱର ସର୍ବବୃହତ ଶିଳ୍ପପତି ମସ୍କଙ୍କ କମ୍ପାନୀ ଷ୍ଟାର୍‍ଲିଙ୍କ ଭାରତରେ ଉପଗ୍ରହ ଭିତ୍ତିକ ଇଣ୍ଟରନେଟ ସେବା ଯୋଗାଇବାକୁ ଚାହୁଁଛି। କିନ୍ତୁ ସରକାରଙ୍କ ପକ୍ଷରୁ ଏପର୍ଯ୍ୟନ୍ତ ସବୁଜ ସଙ୍କେତ ମିଳିନାହିଁ।

Categories
ଆଜିର ଖବର ଜାତୀୟ ଖବର

ବିପର୍ଯ୍ୟୟ ସମୟରେ ଯୋଗାଯୋଗକୁ ସୁଦୃଢ଼ କରିବ ଜିଓର “ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା’

ଭୁବନେଶ୍ୱର: ବନ୍ୟା, ଅଗ୍ନିକାଣ୍ଡ, ଭୂକମ୍ପ ଭଳି ପ୍ରାକୃତିକ ବିପର୍ଯ୍ୟୟର ମୁକାବିଲା କରିବା ବେଳେ ଯୋଗାଯୋଗ ବ୍ୟବସ୍ଥା ବିଫଳ ହେଲେ ସରକାର ଓ ପ୍ରଶାସନକୁ କଠିନ ପରିସ୍ଥିତି ସାମ୍ନା କରିବାକୁ ପଡ଼ିଥାଏ ଯାହା ଫଳରେ ଜରୁରୀ ଓ ସଠିକ୍ ସମୟରେ ସହାୟତା ପ୍ରଦାନ କରିବା କଷ୍ଟକର ହୋଇପଡ଼େ। ରିଲାଏନ୍ସ ଜିଓ ପକ୍ଷରୁ ଇଣ୍ଡିଆ ମୋବାଇଲ୍ କଂଗ୍ରେସ-୨୦୨୩ରେ ନିଜର “ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା”କୁ ପ୍ରଦର୍ଶିତ କରାଯାଇଛି ଯାହା ଜୀବନ ବଂଚାଇବାରେ ସହାୟକ ହୋଇପାରିବ।

ଜିଓର ଟ୍ରୁ-୫ଜିରେ ଚାଲୁଥିବା ଏହି “ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା” ବିଭିନ୍ନ ସ୍ତରରେ ଯୋଗାଯୋଗକୁ ସୁଦୃଢ଼ କରିବ। ସ୍ଥାନୀୟ ଟେଲିକମ୍ ବ୍ୟବସ୍ଥା ଅଚଳ ହୋଇପଡ଼ିଲେ ଏହି ବ୍ୟବସ୍ଥାରେ ଉପଗ୍ରହ ସହ ଯୋଡ଼ି ହୋଇଥିବା ଟାୱାର ଅନ୍ ହ୍ୱିଲ୍ କାମ କରିବ ଯାହାକୁ ଯେକୌଣସି ସମୟରେ, ଯେକୌଣସି ସ୍ଥାନରେ ଏବଂ ଯେକୌଣସି ସ୍ଥିତିରେ ମୂତୟନ କରାଯାଇପାରିବ।

ସହାୟତା ପ୍ରଦାନ କରୁଥିବା ଟିମ୍‌ର କମାଣ୍ଡ୍ ସେଂଟର ପାଇଁ ରିଲାଏନ୍ସ ଜିଓ ପକ୍ଷରୁ “ଏକ୍ସଆର୍ କମ୍ପାନିୟନ୍‌’ ନାମକ ଏକ ଶକ୍ତିଶାଳୀ ଆପ୍ ପ୍ରସ୍ତୁତ କରାଯାଇଛିି। ଏହି ଆପ୍ ସହାୟତା ଟିମ୍ ସହ ବାସ୍ତବ ସମୟରେ ଯୋଡ଼ିହୋଇରହିବ। ଆପ୍ ଜରିଆରେ କମାଣ୍ଡ୍ ସେଂଟରରେ କାର୍ଯ୍ୟ ବଂଟନ, ଉଭୟ ପାଶ୍ୱର୍ରୁ ଅଡିଓ ଭିଡିଓ କଲିଙ୍ଗ୍‌, ଜରୁରୀକାଳୀନ ଆମ୍ବୁଲାନ୍ସ କଲିଙ୍ଗ୍‌, ଟିମ୍‌ର ଗତିବିଧି, କାର୍ଯ୍ୟ ପ୍ରଗତି ରିପୋର୍ଟ ଉପରେ ବାସ୍ତବ ସମୟରେ ନଜର ରଖାଯାଇପାରିବ। ଏବେ ଏହି ଆପ୍‌ରେ ୨୦ଟି ଟିମ୍‌କୁ ଯୋଡ଼ିହେବ। ଆବଶ୍ୟକ ସ୍ଥଳେ ଟିମ୍ ସଂଖ୍ୟା ବଢ଼ାଇ ହେବ।

ଦୂରଦୂରାନ୍ତ ସ୍ଥାନରେ ଥିବା ଏନ୍‌ଡିଆର୍‌ଏଫ୍ କିମ୍ବା ସହାୟତା ଅଧିକାରୀ ୫ଜି ସହ ଯୋଡ଼ି ହୋଇଥିବା ଡ୍ରୋନ୍ ଜରିଆରେ ଦୁର୍ଗମ ସ୍ଥାନରେ ହୋଇଥିବା କ୍ଷତିର ଅନୁଧ୍ୟାନ କରିପାରିବେ। ଏହା ବ୍ୟତୀତ ସହାୟତା ପ୍ରଦାନ କରୁଥିବା କର୍ମୀମାନେ ପରସ୍ପର ସହିତ ଭଏସ୍ ଆକ୍ଟିଭେଟେଡ୍ ୫ଜି ଡିଭାଇସ୍‌ର ବ୍ୟବହାର କରି କଥାବାର୍ତା ହୋଇପାରିବେ। ହେଲ୍‌ମେଟ୍‌ରେ ଲାଗି ପାରୁଥିବା ଏହି ୫ଜି ଡିଭାଇସ୍‌ରେ କ୍ୟାମେରା, ଫ୍ଲାସ୍ ଲାଇଟ୍ ଏବଂ ଲେଜର ବିମ୍ ଭଳି ସୁବିଧା ରହିଛି ଯାହା ଫଳରେ ଶୀଘ୍ର ସହାୟତା ପହଂଚାଇ ହେବ।

ବିପର୍ଯ୍ୟୟ ସମୟରେ ଜିଓ ପକ୍ଷରୁ ଡିଜିଟାଲ୍ କମ୍ୟୁନିକେସନ ହାଇୱେରେ ନେଟ୍‌ୱର୍କ ସ୍ଲାଇସିଂ ଜରିଆରେ ଏକ ଉତ୍ସର୍ଗୀକୃତ ଓ ଅତ୍ୟଧିକ ସୁରକ୍ଷିତ ଯୋଗାଯୋଗ ଲେନ୍ ତିଆରି କରାଯିବ ଯାହା ଦ୍ୱାରା ବିନା କୌଣସି ପ୍ରତିବନ୍ଧକରେ ସମ୍ପର୍କିତ ଗୁରୁତ୍ୱପୂର୍ଣ୍ଣ ଟେଲିକମ୍ ଆବଶ୍ୟକତା ପୂରଣ କରାଯାଇପାରିବ। ପୁସ୍ ଟୁ ଟକ୍‌, ଡ୍ରୋନ୍ ନିରୀକ୍ଷଣ, ବାସ୍ତବ ସମୟ ଭିଡିଓ ଷ୍ଟ୍ରିମିଂ, ହାଇ-ବ୍ୟାଣ୍ଡ୍‌ୱିଡ୍‌ଥ ଆପ୍ଲିକେସନ ଭଳି ସୁବିଧା ଉତ୍ତମ ସମନ୍ୱୟ ଓ ନିଷ୍ପତି ଗହଣ କରିବାରେ ସହାୟକ ହେବ।

ବିପର୍ଯ୍ୟୟ ସମୟରେ ନିୟୋଜିତ ହେଉଥିବା ଏନ୍‌ଡିଆର୍‌ଏଫ୍‌କୁ ନିରବଚ୍ଛିନ୍ନ ହାଇ ସ୍ପିଡ୍ ସଂଯୋଗ ପ୍ରଦାନ କରିବା ଲକ୍ଷ୍ୟ ନେଇ ଏହି ଜରୁରୀକାଳୀନ ବ୍ୟବସ୍ଥାର ବିକାଶ କରାଯାଇଛି। ବଡ଼ ଉଦ୍ୟୋଗରେ ହେଉଥିବା ଦୁର୍ଘଟଣାରେ ମଧ୍ୟ ଏହି ବ୍ୟବସ୍ଥାକୁ ବ୍ୟବହାର କରାଯାଇପାରିବ। ଏସ୍‌ଇଏସ୍ ସହିତ ସହଯୋଗିତାରେ ଜିଓ ପକ୍ଷରୁ ଏହି ଜରୁରୀକାଳୀନ ପ୍ରଶମନ ଯୋଗାଯୋଗ ବ୍ୟବସ୍ଥା ବିକାଶ କରାଯାଇଛିି। ଅତ୍ୟନ୍ତ ଭୟଙ୍କର ବିପର୍ଯ୍ୟୟ ସମୟରେ ମଧ୍ୟ ଜିଓର ଏହି ଜରୁରୀକାଳୀନ ବ୍ୟବସ୍ଥା କାର୍ଯ୍ୟ କରିପାରିବ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ରିଲାଏନ୍ସ ଜିଓର ଦ୍ଵିତୀୟ ତ୍ରୟମାସ ନେଟ ଲାଭ ୫୦୫୮ କୋଟି ଟଙ୍କା; ଗତ ବର୍ଷ ଠାରୁ ୧୨ ପ୍ରତିଶତ ବୃଦ୍ଧି

ଭୁବନେଶ୍ୱର: ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ ପକ୍ଷରୁ ଚଳିତ ଆର୍ଥିକ ବର୍ଷର ଦ୍ଵିତୀୟ ତ୍ରୟମାସର ଆର୍ଥିକ ଫଳାଫଳ ଘୋଷଣା କରାଯାଇଛି। ଜୁଲାଇ-ସେପ୍ଟେମ୍ବର ୨୦୨୩ ତ୍ରୟମାସରେ ରିଲାଏନ୍ସ ଜିଓ ଇନ୍ଫୋକମ ଲିମିଟେଡ଼ ର ନେଟ ଲାଭ ଗତ ବର୍ଷ ସମାନ ତ୍ରୟମାସ ତୁଳନାରେ ୧୨ ପ୍ରତିଶତ ବୃଦ୍ଧି ପାଇଁ ୫୦୫୮ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ପ୍ରକାଶ କରାଯାଇଛି । ଗତ ବର୍ଷ ସମାନ ତ୍ରୟମାସରେ କମ୍ପାନୀର ନେଟ ଲାଭ ୪୫୧୮ କୋଟି ଟଙ୍କା ରହିଥିଲା।

ଜୁଲାଇ-ସେପ୍ଟେମ୍ବର ୨୦୨୩ ତ୍ରୟମାସରେ କମ୍ପାନୀର ପରିଚାଳନାଗତ ରାଜସ୍ବ ୯.୮ ପ୍ରତିଶତ ବୃଦ୍ଧି ସହିତ ୨୪୭୫୦ କୋଟି ଟଙ୍କା ରହିଥିବା ଜଣାପଡିଛି।

ସୂଚନାଯୋଗ୍ୟ ଯେ ରିଲାଏନ୍ସ ଜିଓ ସର୍ବାଧିକ ସଂଖ୍ୟକ ଗ୍ରାହକ ଓ ସର୍ବାଧିକ ରାଜସ୍ବ ବଜାର ଅଂଶ ସହିତ ଦେଶର ସର୍ବବୃହତ ଟେଲିକମ ଓ ଡିଜିଟାଲ ସେବା ପ୍ରଦାନକାରୀ କମ୍ପାନୀ ହୋଇଥିବା ବେଳେ ଦ୍ରୁତ ଗତିରେ ଏହାର ୫ଜି ନେଟୱାର୍କର ସମ୍ପ୍ରସାରଣ ଜାରି ରଖିଛି। ଦେଶରେ ଏବେ ରହିଥିବା ମୋଟ ୫ଜି ନେଟୱାର୍କର ୮୫ ପ୍ରତିଶତ ଜିଓ ସ୍ଥାପନା କରିଛି । ନିକଟରେ କମ୍ପାନୀ ପକ୍ଷରୁ ଦେଶର ପ୍ରମୁଖ ସହରଗୁଡିକରେ ଜିଓ ଏୟାର ଫାଇବର ସେବା ଶୁଭାରମ୍ଭ କରାଯାଇଛି ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଏବେ ରିଲାଏନ୍ସ ଜିଓ ଆରମ୍ଭ କରିବ ଏଆଇ ଶକ୍ତି ସମ୍ପନ୍ନ ଇନ୍‌-ହୋମ୍ (ଗୃହ) ସେବା

ଭୁବନେଶ୍ୱର: ଗ୍ରାହକମାନଙ୍କୁ ଆର୍ଟିଫିସିଆଲ ଇଂଟେଲିଜେନ୍ସ (ଏଆଇ)ର ଶକ୍ତି ସମ୍ପନ୍ନ ସ୍ମାର୍ଟ ହୋମ୍ ଓ କ୍ଷୁଦ୍ର ବ୍ୟବସାୟ ସେବା ପ୍ରଦାନ କରିବା ଲାଗି ପ୍ଲମ୍ ସହ ସହଭାଗିତା କରିଛି ରିଲାଏନ୍ସ ଜିଓ ଇନ୍‌ଫୋକମ୍ ଲିମିଟେଡ୍। ପ୍ଲମ୍‌ର ବ୍ୟାପକ କ୍ଲାଉଡ୍ ପ୍ଲାଟଫର୍ମ ମାଧ୍ୟମରେ ଏହି ସହଯୋଗିତା ଭାରତରେ ପ୍ରାୟ ୨୦ କୋଟି ପରିସରକୁ ଅତ୍ୟାଧୁନିକ ସେବା ପ୍ରଦାନ କରିବ।

ରିଲାଏନ୍ସ ଜିଓ ଗ୍ରାହକମାନଙ୍କ ଲାଗି ପ୍ଲମ୍‌ର ଏଆଇଭିତିକ ଓ କ୍ଲାଉଡ୍ ପ୍ଲାଟଫର୍ମ ଉପରେ ଆଧାରିତ ହୋମ୍‌ପାସ୍ ଓ ୱାର୍କପାସ ସେବାର ଶୁଭାରମ୍ଭ କରିବ। ହୋମ୍‌ପାସ୍ ଜରିଆରେ ଘର ଏକ ସ୍ମାର୍ଟ ହୋମ୍‌ରେ ପରିଣତ ହେବ। ଘର ସାରାର ଡିଭାଇସ୍ ସମୂହ ୱାଇ-ଫାଇରେ ଯୋଡ଼ିହୋଇପାରିବେ। ଆପ୍ଲିକେସନ୍‌ର ପ୍ରଦର୍ଶନରେ ସୁଧାର ଆସିବ, କନେକ୍ଟେଡ୍ ଡିଭାଇସ୍‌କୁ ସାଇବର ଆକ୍ରମଣରୁ ସୁରକ୍ଷା ମିଳିବ ଏବଂ ଶିଶୁମାନଙ୍କ ଲାଗି ବିଷୟବସ୍ତୁକୁ ଅଭିଭାବକମାନେ ଭଲ ଭାବେ ନିୟନ୍ତ୍ରଣ କରିପାରିବେ। ୱାଇ-ଫାଇ ମୋସନ ସେନ୍‌ସିଂ ଭଳି ସୁବିଧା ମଧ୍ୟ ମିଳିବ।

କ୍ଷୁଦ୍ର ବ୍ୟବସାୟୀମାନଙ୍କ ଲାଗି ପ୍ଲମ୍‌ର ୱାର୍କପାସ୍ ମଧ୍ୟ ବେଶ ଉପଯୋଗୀ ସାବ୍ୟସ୍ତ ହେବ। ୱାର୍କପାସ୍ ହେଉଛି ଏକ ବିଜନେସ୍ ଇଂଟେଲିଜେନ୍ସ ପ୍ଲାଟଫର୍ମ ଯାହା କ୍ଷୁଦ୍ର ବ୍ୟବସାୟ ପାଇଁ ସରଳ ସମାଧାନ ଏବଂ ତାହାର ସୁଗମତା ସହିତ ଏଂଟରପ୍ରାଇଜ୍ ମାନର ଔଦ୍ୟୋଗିକ କ୍ଷମତାର ସନ୍ତୁଳନ ବଜାୟ ରଖିବ। ଏଥିରେ ଆବଶ୍ୟକ କନେକ୍ଟିଭିଟି (ସଂଯୋଗ), ଉତ୍ପାଦକତା ଓ ସୁରକ୍ଷା ଟୁଲ୍ ମଧ୍ୟ ରହିଛି।

ଗ୍ରାହକମାନଙ୍କୁ ଉତ୍ତମ ଅନୁଭବ ପ୍ରଦାନ କରିବା ଲାଗି ପ୍ଲମ୍‌ର ହେଷ୍ଟେକ୍ ସପୋର୍ଟ ଓ ଅପରେସନ୍ସ ସୁଟ୍‌କୁ ଜିଓ ବ୍ୟବହାର କରିବ। ଏହା ମାଧ୍ୟମରେ ଜିଓର ଗ୍ରାହକ ସହାୟତା ଓ ପରିଚାଳନା ଟିମ୍‌ର ପ୍ରଦର୍ଶନ ଅଧିକ ସମୃଦ୍ଧ ହେବ। ଏଥି ସହିତ ନେଟ୍‌ୱର୍କକୁ ସୁଦୃଢ଼ କରିବା, ଗ୍ରାହକ ସମ୍ପର୍କିତ ବିଷୟକୁ ଚିହ୍ନଟ କରିବା, ବିଶ୍ଳେଷଣ କରିବା ଏବଂ ଦ୍ରୁତ ଗତିରେ କାର୍ଯ୍ୟ ସମ୍ପାଦନ କରିବାରେ ତାହା ସହାୟକ ହୋଇପାରିବ।

ରିଲାଏନ୍ସ ଜିଓର ସଭାପତି ମାଥ୍ୟୁ ଓମ୍ମନ କହିଛନ୍ତି ଯେ, “କନେକ୍ଟେଡ୍ ହୋମ୍ ସେବା ଲାଗି ଆମେ ନିରନ୍ତର ଭାବେ ଆମର ପୋର୍ଟଫୋଲିଓର ସମ୍ପ୍ରସାରଣ କରୁଛୁ। ନିଜ ଗ୍ରାହକମାନଙ୍କୁ ଉନ୍ନତ ଓ ସୁରକ୍ଷିତ ଇନ୍‌-ହୋମ୍ ଡିଜିଟାଲ୍ ସେବା ପ୍ରଦାନ କରିବା ଜିଓ ପାଇଁ ବେଶ ମହତ୍ୱପୂର୍ଣ୍ଣ। ପ୍ଲମ୍ ଭଳି ସହଯୋଗୀଙ୍କ ସହ ବ୍ୟାପକ ଓ ଅଗ୍ରଣୀ ପ୍ଲାଟଫର୍ମ ସହିତ ଜିଓ ନିଜର କନେକ୍ଟେଡ୍ ହୋମ୍ ସେବାକୁ ଆହୁରି ସୁଦୃଢ଼ କରିବ।’’

ପ୍ଲମ୍‌ର ମୁଖ୍ୟ ରାଜସ୍ୱ ଅଧିକାରୀ ଆଡ୍ରିଆନ୍ ଫିଟଜରାଲ୍ଡ କହିଛନ୍ତି ଯେ, “ସାରା ଭାରତରେ ଗ୍ରାହକମାନଙ୍କୁ ଅଦ୍ୱିତୀୟ ଓ ବ୍ୟକ୍ତିଗତ ସୁହାଇବା ଭଳି ଇନ୍‌-ହୋମ୍ ଡିଜିଟାଲ୍ ସେବା ପ୍ରଦାନ କରିବାରେ ଆମେ ଜିଓକୁ ସହାୟତା ପ୍ରଦାନ କରିବୁ। ଜିଓକୁ ଏହି ବିକାଶ ଯାତ୍ରାରେ ସହଯୋଗ ପ୍ରଦାନ କରିବା ଲାଗି ଆମେ ବେଶ ଉତ୍ସାହିତ ରହିଛୁ।’’

ଫିକ୍ସଡ୍ ଲାଇନ୍ ଓ ଓୟାରଲେସ୍ ସେବା ଜରିଆରେ ଭାରତରେ ଗ୍ରାହକମାନଙ୍କ ଡିଜିଟାଲ୍ ଆବଶ୍ୟକତାକୁ ଜିଓ ପୂରଣ କରୁଛି। ଦେଶରେ ପ୍ରତିଟି ଘରେ ବିଶ୍ୱସନୀୟ ଓ ହାଇ-ସ୍ପିଡ୍ ଇଂଟରନେଟ୍ ଓ ମନୋରଂଜନ ସେବା ପ୍ରଦାନ କରିବା ଲାଗି ବିଶ୍ୱସ୍ତରୀୟ ଜିଓଫାଇବର ଓ ଜିଓ ଏୟାରଫାଇବର ନେଟ୍‌ୱର୍କକୁ ପ୍ରସ୍ତୁତ କରାଯାଇଛି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ଜୁଲାଇରେ ରାଜ୍ୟରେ ସର୍ବାଧିକ ନୂଆ ଗ୍ରାହକ ଯୋଡ଼ି ଏକ ନମ୍ବର ସ୍ଥାନକୁ ସୁଦୃଢ଼ କଲା ଜିଓ: ଟ୍ରାଇ ତଥ୍ୟ

ଭୁବନେଶ୍ୱର: ରିଲାଏନ୍ସ ଜିଓ ରାଜ୍ୟର ସବୁଠାରୁ ପସନ୍ଦର ଡିଜିଟାଲ ସେବା ପ୍ରଦାନକାରୀ ଭାବେ ନିଜର ଜୟଯାତ୍ରା ଜାରି ରଖି ଜୁଲାଇ ମାସରେ ସର୍ବାଧିକ ସଂଖ୍ୟକ ନୂଆ ମୋବାଇଲ୍ ଗ୍ରାହକ ଯୋଡ଼ିଛି। ଭାରତୀୟ ଦୂରସଂଚାର ନିୟାମକ କର୍ତୃପକ୍ଷ (ଟ୍ରାଇ) ଦ୍ୱାରା ପ୍ରକାଶିତ ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ରିଲାଏନ୍ସ ଜିଓ ୨୦୨୩ ଜୁଲାଇ ମାସରେ ପ୍ରାୟ ୧.୪୨ ଲକ୍ଷ ନୂତନ ମୋବାଇଲ୍ ଗ୍ରାହକ ଯୋଡ଼ିଛି। ଏହା ସହିତ ଜିଓ ୨୦୨୩ ଜୁଲାଇ ୩୧ ସୁଦ୍ଧା ସର୍ବାଧିକ ୧.୪୩ କୋଟି ମୋବାଇଲ ଗ୍ରାହକ ଏବଂ ୨.୩୮ ଲକ୍ଷ ଜିଓଫାଇବର ହୋମ୍ ବ୍ରଡବ୍ୟାଣ୍ଡ ଉପଭୋକ୍ତାଙ୍କ ସହିତ ଉଭୟ ଓୟାରଲେସ୍ ଏବଂ ଓୟାରଲାଇନ୍ ବର୍ଗରେ ରାଜ୍ୟରେ ନିଜର ଏକ ନମ୍ବର ସ୍ଥାନ ଆହୁରି ସୁଦୃଢ଼ କରିଛି। ଏହି ମାସରେ ରାଜ୍ୟରେ ମୋଟ ମୋବାଇଲ୍ ଉପଭୋକ୍ତାଙ୍କ ସଂଖ୍ୟା ୧.୫ ଲକ୍ଷ ବୃଦ୍ଧି ପାଇଛି।

ଟ୍ରାଇ ଦ୍ୱାରା ପ୍ରକାଶିତ ସଦ୍ୟତମ ଟେଲିକମ୍ ଉପଭୋକ୍ତାଙ୍କ ତଥ୍ୟ ଅନୁଯାୟୀ, ସାରା ଦେଶରେ ଜୁଲାଇ ମାସରେ ୩୯ ଲକ୍ଷରୁ ଅଧିକ ନୂଆ ଗ୍ରାହକ ଜିଓ ନେଟୱାର୍କରେ ଯୋଡ଼ିହୋଇଛନ୍ତି। ଏହାକୁ ମିଶାଇ ୨୦୨୩ ଜୁଲାଇ ୩୧ ସୁଦ୍ଧା ଦେଶରେ ଜିଓର ୪୪.୨ କୋଟିରୁ ଅଧିକ ମୋବାଇଲ ଗ୍ରାହକ ରହିଛନ୍ତି। ରିଲାଏନ୍ସ ଜିଓ ମଧ୍ୟ ଜୁଲାଇରେ ୧.୯୭ ଲକ୍ଷରୁ ଅଧିକ ଜିଓଫାଇବର ହାଇସ୍ପିଡ୍ ବ୍ରଡବ୍ୟାଣ୍ଡ ଗ୍ରାହକ ଯୋଡ଼ିଛି ଯାହା ଫଳରେ ଦେଶରେ ଜିଓ ଫାଇବର ଗ୍ରାହକଙ୍କ ସଂଖ୍ୟା ଏକ କୋଟିରୁ ଅଧିକ ହୋଇଛି।

ସୂଚନାଯୋଗ୍ୟ ଯେ ରିଲାଏନ୍ସ ଜିଓ ଓଡ଼ିଶାରେ ସର୍ବାଧିକ ପସନ୍ଦଯୋଗ୍ୟ ଡିଜିଟାଲ ସେବା ପ୍ରଦାନକାରୀ କମ୍ପାନି ହୋଇଥିବା ବେଳେ ଶିଳ୍ପରେ ସର୍ବାଧିକ ଗ୍ରାହକ ଓ ରାଜସ୍ୱ ବଜାର ଅଂଶ ହାସଲ କରିଛି। ଓଡ଼ିଶାର ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ଜିଓ ଦ୍ରୁତ ଗତିରେ ନିଜର ଟ୍ରୁ- ୫ଜି ନେଟୱାର୍କକୁ ବିସ୍ତାର କରୁଛି ଏବଂ ରାଜ୍ୟର ସମସ୍ତ ଜିଲ୍ଲାରେ ୫ଜି ନେଟୱାର୍କ ପହଂଚାଇଥିବା ପ୍ରଥମ ଟେଲିକମ୍ ଅପରେଟର ହୋଇଛି। ଜିଓ ହେଉଛି ଏକମାତ୍ର ସେବା ପ୍ରଦାନକାରୀ ଯିଏ ପ୍ରିମିୟମ ୭୦୦ ମେଗାହର୍ଜ ବ୍ୟାଣ୍ଡରେ ସ୍ପେକ୍ଟ୍ରମ୍ ରଖିଛି, ଯାହାକୁ ୫ଜି ନେଟୱାର୍କ ମୂତୟନ ପାଇଁ ଅଧିକ ଉପଯୁକ୍ତ ବୋଲି ବିବେଚନା କରାଯାଏ। ନିକଟରେ ଟେଲିକମ୍ ବିଭାଗ (ଡିଓଟି) ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ଜିଓ ସାରା ରାଜ୍ୟରେ ଟ୍ରୁ-୫ଜି ସେବା ପାଇଁ ସର୍ବାଧିକ ୫ଜି ବିଟିଏସ୍ ନିୟୋଜିତ କରିଛି।

ଶିକ୍ଷା କ୍ଷେତ୍ରରେ ଟ୍ରୁ ୫ଜିର ବିପୁଳ ପରିବର୍ତନଶୀଳ ସମ୍ଭାବନାକୁ ଉପଯୋଗ କରି ଜିଓ ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ପରିସରରେ ଜିଓ ଟ୍ରୁ- ୫ଜି ପରିବର୍ତନ ଯାତ୍ରା ଆରମ୍ଭ କରିଛି। ଦ୍ରୁତ ଏବଂ ବିଶ୍ୱସନୀୟ ସଂଯୋଗ ପ୍ରଦାନ କରି, ଜିଓ ଟ୍ରୁ- ୫ଜି ଛାତ୍ରଛାତ୍ରୀଙ୍କ ପାଇଁ ଏକ ଉନ୍ନତ ଶିକ୍ଷଣୀୟ ଅନୁଭୂତି ପ୍ରଦାନ କରୁଛି ଏବଂ ଶିକ୍ଷକମାନଙ୍କୁ ସେମାନଙ୍କର ସର୍ବୋତମ ପ୍ରଦର୍ଶନ କରିବା ଲାଗି ସଶକ୍ତ କରୁଛି। ଯେହେତୁ ଅଧିକ ଶିକ୍ଷାନୁଷ୍ଠାନ ଏହି ଜ୍ଞାନକୌଶଳକୁ ଆପଣାଉଛନ୍ତି ଏହା ଦେଶର ଶିକ୍ଷା କ୍ଷେତ୍ରରେ ବୈପ୍ଳବିକ ପରିବର୍ତନ ଆଣିବାର କ୍ଷମତା ରଖିଛି, ଯାହା ଜ୍ଞାନ ଆଦାନପ୍ରଦାନ, ନବସୃଜନ ଏବଂ ସହଯୋଗ ପାଇଁ ଅସୀମ ସମ୍ଭାବନା ଉନ୍ମୁକ୍ତ କରିବ।  ସମଗ୍ର ଭାରତରେ ଶିକ୍ଷାନୁଷ୍ଠାନ ପରିସରଗୁଡ଼ିକୁ ଡିଜିଟାଲ କରିବା ପାଇଁ ଜିଓର ପ୍ରତିବଦ୍ଧତା ଶିକ୍ଷାକୁ ପ୍ରୋତ୍ସାହିତ କରୁଥିବା ବେଳେ ପରବର୍ତୀ ପିଢ଼ି ପାଇଁ ଏକ ଉଜ୍ଜ୍ୱଳ ଭବିଷ୍ୟତ ଗଠନ କରିବା ଦିଗରେ ଏହାର ସମର୍ପଣ ଭାବକୁ ପ୍ରଦର୍ଶିତ କରୁଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ମେଡ଼-ଇନ-ଇଣ୍ଡିଆ ଆଇଫୋନ ୧୫ ସହିତ ଜିଓ ର ସ୍ୱତନ୍ତ୍ର ଅଫର

ଭୁବନେଶ୍ୱର: ଆଇଫୋନ କିଣିବାରେ ରୁଚି ରଖୁଥିବା ଗ୍ରାହକମାନଙ୍କ ପାଇଁ ରିଲାଏନ୍ସ ଜିଓ ନେଇଆସିଛି ଏକ ସ୍ୱତନ୍ତ୍ର ଅଫର। ରିଲାଏନ୍ସ ଡିଜିଟାଲ, ଜିଓ ମାର୍ଟ କିମ୍ବା ରିଲାଏନ୍ସ ରିଟେଲ ଷ୍ଟୋରରୁ ନିକଟରେ ବଜାରକୁ ଆସିଥିବା ଭାରତରେ ନିର୍ମିତ ଆଇଫୋନ ୧୫ କିଣୁଥିବା ଗ୍ରାହକ ଏହି ଆକର୍ଷଣୀୟ ଅଫରର ଲାଭ ନେଇପାରିବେ।

ରିଲାଏନ୍ସ ରିଟେଲ କିମ୍ବା ଅନଲାଇନ ଷ୍ଟୋରରୁ ଆଇଫୋନ ୧୫ କିଣିବା ସହିତ ଗ୍ରାହକମାନେ ବିନା ମୂଲ୍ୟରେ ଛଅ ମାସ ପାଇଁ ଜିଓର ମାସିକ ୩୯୯ ଟଙ୍କିଆ ପ୍ଲାନ ଟଙ୍କିଆ ପ୍ଲାନର ଲାଭ ନେଇପାରିବେ, ଯେଉଁଥିରେ ଦୈନିକ ୩ ଜିବି ହାଇସ୍ପିଡ଼ ଡାଟା, ଅସୀମିତ ଭଏସ କଲ ଓ ଦୈନିକ ୧୦୦ ଏସଏମଏସ ସମେତ ଆହୁରି ଅନେକ ସୁବିଧା ରହିଛି। ମୋଟ ଉପରେ ଏହି ଅଫରରେ ୨୩୯୪ ଟଙ୍କାର ଲାଭ ବିନା ମୂଲ୍ୟରେ ମିଳୁଛି।

ଏହି ଅଫର ୧୪୯ ଟଙ୍କା କିମ୍ବା ଉର୍ଦ୍ଧ୍ୱ ପ୍ଲାନର ନୂଆ ପ୍ରିପେଡ଼ ଆକ୍ଟିଭେସନରେ ହିଁ ଉପଲବ୍ଧ ରହିଛି। ଅଣ ଜିଓ ଗ୍ରାହକମାନେ ଏକ ନୂଆ ସିମ ନେଇ କିମ୍ବା ଏମଏନପି କରି ଏହି ଅଫରର ସୁଯୋଗ ନେଇପାରିବେ। ତେବେ ଜିଓ ପକ୍ଷରୁ ଦିଆଯାଉଥିବା ଏହି ଛଅ ମାସର ମାଗଣା ପ୍ଲାନ କେବଳ ଆଇଫୋନ ୧୫ ଡିଭାଇସରେ ହିଁ କାର୍ଯ୍ୟ କରିବ।

Categories
ଜାତୀୟ ଖବର ବିଶେଷ ଖବର ବ୍ୟବସାୟ

ମୁକେଶ ଆମ୍ବାନି କଲେ ବଡ ଘୋଷଣା, ଏଣିକି ଘରେ ଘରେ ଜିଓ ପହଞ୍ଚାଇବ ‘ଏଆଇ’

ଭୁବନେଶ୍ୱର: ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ)କୁ ସମସ୍ତଙ୍କ ପାଖରେ ଓ ସବୁ ସ୍ଥାନରେ ପହଞ୍ଚାଇ ଭାରତୀୟ ଏଆଇ ମଡେଲ୍‌ରେ ଅଗ୍ରଣୀ ଭୂମିକା ଗ୍ରହଣ କରିବା ଏବଂ ଏହି ନୂଆ ପ୍ରଯୁକ୍ତିର ଲାଭକୁ ଭାରତୀୟ ନାଗରିକମାନଙ୍କ ପାଖରେ ପହଂଚାଇବା ପାଇଁ ଜିଓ ପ୍ଲାଟଫର୍ମ ଆଗ୍ରହୀ ବୋଲି ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନି କହିଛନ୍ତି ।

ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ୪୬ତମ ବାର୍ଷିକ ସାଧାରଣ ବୈଠକ (ଏଜିଏମ୍‌) ଅବସରରେ ସେ ଏନେଇ ମହତ୍ୱକାଂକ୍ଷୀ ଯୋଜନା ଘୋଷଣା କରିବା ସହ କହିଛନ୍ତି ଯେ ଜିଓର ଅଭିବୃଦ୍ଧି ପାଇଁ ଏଆଇ ହେଉଛି ସବୁଠୁ ଆକର୍ଷଣୀୟ ଦିଗନ୍ତ ।

ଦୀର୍ଘସ୍ଥାୟୀ ଅଭ୍ୟାସ ଓ ସବୁଜ ଭବିଷ୍ୟତକୁ ଗ୍ରହଣ କରି ଉଭୟ କ୍ଲାଉଡ୍ ଓ ଏଜ୍ ଲୋକେସନରେ ୨୦୦୦ ମେଗାୱାଟ୍‌ର ଏଆଇ-ପ୍ରସ୍ତୁତ କମ୍ପ୍ୟୁଟର ଦକ୍ଷତା ସୃଷ୍ଟି କରିବା ପାଇଁ ଜିଓର ପ୍ରତିବଦ୍ଧତା ବିଷୟରେ ମୁକେଶ ଘୋଷଣା କରିଛନ୍ତି।

ସେ କହିଛନ୍ତି ଯେ ବିଶ୍ୱସ୍ତରରେ ଏଆଇ ବିପ୍ଳବ ଦୁନିଆକୁ ଏକ ନୂଆ ଆକାର ପ୍ରଦାନ କରୁଛି ଏବଂ କୃତ୍ରିମ ବୁଦ୍ଧିମତା (ଏଆଇ) ର ପ୍ରୟୋଗ ଶିଳ୍ପ, ଅର୍ଥନୀତି, ଦୈନନ୍ଦୀନ ଜୀବନରେ ଖୁବ୍‌ଶୀଘ୍ର ବିପ୍ଳବ ଆଣି ତାହାର ସଂଜ୍ଞା ବଦଳାଇଦେବ। ବିଶ୍ୱସ୍ତରରେ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ରହିବା ପାଇଁ ଭାରତକୁ ନିଶ୍ଚିତ ରୂପେ ଏଆଇର ନବସୃଜନ, ଅଭିବୃଦ୍ଧି ଓ ଜାତୀୟ ସମୃଦ୍ଧିକୁ ବ୍ୟବହାର କରିବାକୁ ପଡ଼ିବ।

ମୁକେଶ ଅମ୍ବାନି କହିଛନ୍ତି ଯେ ସାତ ବର୍ଷ ପୂର୍ବେ ସମସ୍ତଙ୍କ ପାଖରେ ଓ ସବୁ ସ୍ଥାନରେ ବ୍ରଡ୍‌ବ୍ୟାଣ୍ଡ୍ ସଂଯୋଗ ପ୍ରଦାନ କରିବାକୁ ଜିଓ ପ୍ରତିଶ୍ରୁତି ଦେଇଥିଲା ଓ ଆମେ ତାହା ପ୍ରଦାନ କରିଛୁ। ଆଜି ଜିଓ ଏଆଇକୁ ସମସ୍ତଙ୍କ ପାଖରେ ଓ ସବୁ ସ୍ଥାନରେ ପହଞ୍ଚାଇବାର ପ୍ରତିଶ୍ରୁତି ଦେଉଛି। ଆମେ ତାହା ପ୍ରଦାନ କରିବୁ ବୋଲି ସେ କହିଛନ୍ତି।

ବିଶ୍ୱସ୍ତରରେ ଏଆଇକୁ ନେଇ ଚାଲିଥିବା ନବସୃଜନ, ବିଶେଷ କରି ଜେନେରେଟିଭ୍ ଏଆଇ କ୍ଷେତ୍ରରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏହାର ପ୍ରତିଭାବାନ କର୍ମଚାରୀ ଓ ଦକ୍ଷତାରେ ଉନ୍ନତି ଆଣୁଛି । ଆଗାମୀ ଦିନରେ ସବୁ କ୍ଷେତ୍ର ପାଇଁ ଭାରତ ସ୍ୱତନ୍ତ୍ର ଏଆଇ ମଡେଲ୍ ଓ ଏଆଇଭିତିକ ସମାଧାନ ବିକାଶ କରିବା ଉଦ୍ୟମରେ ଜିଓ ପ୍ଲାଟଫର୍ମସ୍ ଆଗରେ ରହିବାକୁ ଚାହୁଛି, ଯାହା ଫଳରେ ଏଆଇର ଲାଭକୁ ଭାରତୀୟ ନାଗରିକ, ବ୍ୟବସାୟ ଓ ସରକାରଙ୍କ ନିକଟରେ ପହଞ୍ଚାଇ ହେବ । ଭାରତରେ ପାଖରେ ସେହି ବ୍ୟାପକତା, ଡାଟା ଓ ପ୍ରତିଭା ରହିଛନ୍ତି ବୋଲି ମୁକେଶ କହିଛନ୍ତି ।

ଏଆଇର ବ୍ୟାପକ କମ୍ପ୍ୟୁଟିଂ ଚାହିଦାର ପରିଚାଳନା କରିବା ଲାଗି ଭାରତ ପାଇଁ ଡିଜିଟାଲ୍ ଭିତିଭୂମି ଆବଶ୍ୟକ। ଏହି କ୍ଷେତ୍ର ସମ୍ପ୍ରସାରିତ ହେଲେ ଆମେ ଉଭୟ କ୍ଲାଉଡ୍ ଓ ଏଜ୍ ଲୋକେସନରେ ୨୦୦୦ ମେଗାୱାଟ୍‌ର ଏଆଇ ପ୍ରସ୍ତୁତ କମ୍ପ୍ୟୁଟିଂ ଦକ୍ଷତା ସୃଷ୍ଟି କରିବାକୁ ପ୍ରତିବଦ୍ଧ ରହିଛୁ। ଆଗାମୀ ୫ ବର୍ଷରେ ଆମେ ଆମର ଅଧିକାଂଶ ଶକ୍ତିକୁ ଯୋଗଯୋଗ, ଡିଜିଟାଲ୍ ସେବା ଓ ଶକ୍ତିରେ ବ୍ୟବହାର କରିବାକୁ ଯୋଜନା ରଖିଛୁ ଯାହା ପରିବେଶ ମିତବ୍ୟୟୀ ହେବା ସହ ସୁଲଭ ମଧ୍ୟ ରହିବ ବୋଲି ମୁକେଶ ଅମ୍ବାନୀ କହିଛନ୍ତି।

Categories
ଆଜିର ଖବର ରାଜ୍ୟ ଖବର

ଓଡ଼ିଶାର ଶିକ୍ଷାନୁଷ୍ଠାନଗୁଡିକରେ ଜିଓ ଟ୍ରୁ-୫ଜିର ରୂପାନ୍ତରଣ ଯାତ୍ରା ଶୁଭାରମ୍ଭ

ଭୁବନେଶ୍ୱର: ସାରା ଓଡ଼ିଶାରେ ଜିଓ ଟ୍ରୁ-୫ଜିର ଶୁଭାରମ୍ଭ ଦ୍ରୁତ ଗତିରେ ଆଗେଇ ଚାଲିଥିବା ବେଳେ ଶିକ୍ଷା କ୍ଷେତ୍ରରେ ଟ୍ରୁ-୫ଜିର ବ୍ୟାପକ ସମ୍ଭାବନାକୁ ଦୃଷ୍ଟିରେ ରଖି ରିଲାଏନ୍ସ ଜିଓ ପକ୍ଷରୁ ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ପରିସରଗୁଡ଼ିକରେ ଜିଓ ଟ୍ରୁ-୫ଜିର ରୂପାନ୍ତରଣ ଯାତ୍ରାର ଶୁଭାରମ୍ଭ କରାଯାଇଛି।

ଟ୍ରୁ-୫ଜି ଜରିଆରେ ଶିକ୍ଷା କ୍ଷେତ୍ରରେ ଆସିବାକୁ ଥିବା ବୈପ୍ଲବିକ ରୂପାନ୍ତରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ ଭୁବନେଶ୍ୱରର ସୋଆ ବିଶ୍ୱବିଦ୍ୟାଳୟ ପରିସରରୁ ଏହି ଅଭିଯାନର ଶୁଭାରମ୍ଭ କରାଯାଇଛି। ରିଲାଏନ୍ସ ଜିଓ ପକ୍ଷରୁ ସୋଆ ବିଶ୍ୱବିଦ୍ୟାଳୟର କୃଷି ବିଜ୍ଞାନ ପ୍ରତିଷ୍ଠାନ ଅଡିଟୋରିୟମରେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀଙ୍କୁ ୫ଜି ସେବା ସମ୍ପର୍କିତ ସୂଚନା ଓ ବିଭିନ୍ନ ବ୍ୟବହାରିକ ପ୍ରୟୋଗ ପ୍ରଦର୍ଶିତ କରାଯାଇଥିଲା।

ଏହି ଅବସରରେ ସୋଆ କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ, ରିଲାଏନ୍ସ ଜିଓର ଓଡିଶା ମୁଖ୍ୟ ପ୍ରଦୀପ ରାଉତ, ସୋଆ ଫାକଲ୍ଟି ଅଫ ଏଗ୍ରିକଲଚରାଲ ସାଇନ୍େସସର ଡିନ ପ୍ରଫେସର ସନ୍ତୋଷ କୁମାର ରାଉତ, ଉପଦେଷ୍ଟା ପ୍ରଫେସର ବିଜୟ କୁମାର ସାହୁ, ଛାତ୍ର ମଙ୍ଗଳ ଡିନ ପ୍ରଫେସର ଜ୍ୟୋତି ରଞ୍ଜନ ଦାସ ପ୍ରମୁଖ ଉପସ୍ଥିତ ଥିଲେ। ଶିକ୍ଷାନୁଷ୍ଠାନ ପରିସରରେ ଛାତ୍ରଛାତ୍ରୀଙ୍କ ଅଧିକ ଡାଟା ଆବଶ୍ୟକତା ଓ ବ୍ୟବହାରକୁ ନଜରରେ ରଖି ଜିଓ ପକ୍ଷରୁ ବ୍ୟବହାରକାରୀମାନଙ୍କୁ ଶ୍ରେଷ୍ଠ ଅନୁଭୂତି ପ୍ରଦାନ କରିବା ଏବଂ ନିରବଚ୍ଛିନ୍ନ ୫ଜି ସଂଯୋଗକୁ ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରାଯାଇଛି। ରିଲାଏନ୍ସ ଜିଓ ପକ୍ଷରୁ ପ୍ରମୁଖ ଶିକ୍ଷାନୁଷ୍ଠାନଗୁଡ଼ିକରେ ଏକାଧିକ ୫ଜି ନେଟ୍‌ୱର୍କ ସାଇଟ୍ ସ୍ଥାପନ କରାଯାଇଛି।

ସୋଆ ବିଶ୍ୱବିଦ୍ୟାଳୟ ପରିସରରେ ଛାତ୍ରଛାତ୍ରୀମାନଙ୍କ ସହ ଏକ ଭାବ ବିନିମୟ କାର୍ଯ୍ୟକ୍ରମରେ ଜିଓ ଓଡ଼ିଶା ଟିମ୍ ପକ୍ଷରୁ ଟ୍ରୁ-୫ଜିର ବହୁମୁଖୀ ଲାଭ ଓ ସମ୍ଭାବନାକୁ ଉପସ୍ଥାପନ କରାଯାଇଥିଲା ଏବଂ ଡିଜିଟାଲ ଶିକ୍ଷାଦାନରେ ବିପ୍ଳବ ଆଣିବା, ନବସୃଜନ, ସହଯୋଗିତା ଓ ଜ୍ଞାନପ୍ରଦାନର ପରିବେଶକୁ ସୁଦୃଢ଼ କରିବା ଦିଗରେ ରହିଥିବା ବ୍ୟାପକ ସମ୍ଭାବନାକୁ ଉପରେ ଗୁରୁତ୍ୱାରୋପ କରି ଟ୍ରୁ-୫ଜିର ରୂପାନ୍ତରଣ ସମ୍ଭାବନା ବିଷୟରେ ବର୍ଣ୍ଣନା କରାଯାଇଥିଲା। ବିଭିନ୍ନ କ୍ଷେତ୍ରରେ ୫ଜିର ବିଭିନ୍ନ ବ୍ୟବହାରିକ ପ୍ରୟୋଗ ଭିଡ଼ିଓ ମାଧ୍ୟମରେ ସିଧାସଳଖ ଛାତ୍ରଛାତ୍ରୀମାନଙ୍କୁ ପ୍ରଦର୍ଶନ କରାଯାଇଥିଲା ଏବଂ ଇ-ଗଭର୍ଣ୍ଣାସ, ଶିକ୍ଷା, ଅଟୋମେସନ, ଆର୍ଟିଫିସିଆଲ ଇଂଟେଲିଜେନ୍ସ, ଗେମିଂ, ସ୍ୱାସ୍ଥ୍ୟ ସେବା, କୃଷି, ଆଇଟି ଓ ଏସ୍‌ଏମ୍‌ଇ କ୍ଷେତ୍ରରେ ଏହାର ରହିଥିବା ବ୍ୟାପକ ଅଭିବୃଦ୍ଧି ସୁଯୋଗ ବିଷୟରେ ଅବଗତ କରାଯାଇଥିଲା।

ଓଡ଼ିଶାର ଏକ ନମ୍ବର ଡିଜିଟାଲ୍ ସେବା ପ୍ରଦାନକାରୀ ରିଲାଏନ୍ସ ଜିଓ ସାରା ରାଜ୍ୟରେ ଏହାର ଟ୍ରୁ-୫ଜି ନେଟ୍‌ୱର୍କକୁ ଦ୍ରୁତ ଗତିରେ ସମ୍ପ୍ରସାରଣ ଜାରି ରଖିଛି ଏବଂ ଏହା ହେଉଛି ଏକମାତ୍ର ଟେଲିକମ୍ ଅପରେଟର ଯାହାର ଓଡ଼ିଶାର ସମସ୍ତ ଜିଲ୍ଲାରେ ୫ଜି ନେଟ୍‌ୱର୍କ ଉପଲବ୍ଧ ରହିଛି। ଜିଓ ହେଉଛି ଏକମାତ୍ର ଟେଲିକମ୍ ଅପରେଟର ଯାହା ପାଖରେ ପ୍ରିମିୟମ୍ ୭୦୦ ମେଗାହର୍ଜର ସ୍ପେକ୍ଟ୍ରମ୍ ବ୍ୟାଣ୍ଡ୍ ରହିଛି ଯାହା ୫ଜି-ସ୍ଥାପନ ପାଇଁ ସବୁଠୁ ଉପଯୁକ୍ତ ବିବେଚନା କରାଯାଉଛି। ଟେଲିକମ୍ ବିଭାଗ ପକ୍ଷରୁ ନିକଟରେ ପ୍ରଦାନ କରାଯାଇଥିବା ଜିଲ୍ଲାଭିତିକ ତଥ୍ୟ ଅନୁସାରେ ଓଡ଼ିଶାରେ ସ୍ଥାପନ କରାଯାଇଥିବା ମୋଟ ୭୭୫୬ ଟି ୫ଜି ବିଟିଏସ୍ ମଧ୍ୟରୁ ଜିଓ ସର୍ବାଧିକ ୬୩୪୫ ଟି ୫ଜି ବିଟିଏସ୍ ସ୍ଥାପନ କରିଛି।

ଜିଓ ଟ୍ରୁ-୫ଜିର ତିନି-ସ୍ତରୀୟ ଲାଭ ଏହାକୁ ଭାରତର ଏକମାତ୍ର ଟ୍ରୁ-୫ଜି ନେଟ୍‌ୱର୍କରେ ପରିଣତ କରିଛି ଯେଉଁଥିରେ ସାମିଲ ରହିଛି ଷ୍ଟାଣ୍ଡ୍‌-ଏଲୋନ୍ ୫ଜି ଢାଂଚା ସହିତ ଉନ୍ନତ ୫ଜି ନେଟ୍‌ୱର୍କ ଯାହାର ୪ଜି ନେଟ୍‌ୱର୍କ ଉପରେ କୌଣସି ନିର୍ଭରଶୀଳତା ନାହିଁ; ୭୦୦ ମେଗାହର୍ଜ, ୩୫୦୦ ମେଗାହର୍ଜ ଓ ୨୬ ଗିଗାହର୍ଜ ବ୍ୟାଣ୍ଡ୍‌ର ସର୍ବବୃହତ ଓ ଶ୍ରେଷ୍ଠ ୫ଜି ସ୍ପେକ୍ଟ୍ରମ୍ ମିଶ୍ରଣ, କ୍ୟାରିୟର ଏଗ୍ରିଗେସନ ଯାହା କ୍ୟାରିୟର ଏଗ୍ରିଗେସନ ନାମକ ଏକ ଉନ୍ନତ ପ୍ରଯୁକ୍ତିକୁ ବ୍ୟବହାର କରି ଏହି ୫ଜି ଫ୍ରିକ୍ୟୁଏନ୍‌ସିଗୁଡ଼ିକୁ ନିରବଚ୍ଛିନ୍ନ ଭାବେ ମିଶ୍ରଣ କରି ଏକ ସୁଦୃଢ଼ “ଡାଟା ହାଇୱେ’ରେ ପରିଣତ କରିଛି।

ଭାରତର ଶିକ୍ଷା କ୍ଷେତ୍ରରେ ରୂପାନ୍ତରଣ ଆଣିବାରେ ଜିଓର ଟ୍ରୁ-୫ଜି ପ୍ରଯୁକ୍ତି ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛି। ଦ୍ରୁତ ଓ ଭରସାଯୋଗ୍ୟ ଯୋଗାଯୋଗ ପ୍ରଦାନ କରି ଜିଓ ଟ୍ରୁ-୫ଜି ଛାତ୍ରଛାତ୍ରୀମାନଙ୍କ ପାଇଁ ଏକ ଉନ୍ନତ ଶିକ୍ଷଣୀୟ ଅନୁଭୂତି ପ୍ରଦାନ କରୁଥିବା ବେଳେ ନିଜର ଶ୍ରେଷ୍ଠତା ପ୍ରଦାନ କରିବା ଲାଗି ଫାକଲ୍‌ଟି ସଦସ୍ୟମାନଙ୍କୁ ସଶକ୍ତ କରୁଛି। ଅଧିକ ଶିକ୍ଷାନୁଷ୍ଠାନ ଏହି ପ୍ରଯୁକ୍ତି ବ୍ୟବହାର କରୁଥିବାରୁ ଦେଶର ଶିକ୍ଷା ଦୃଶ୍ୟପଟ୍ଟରେ ବିପ୍ଳବ ଆଣିବାର ସମ୍ଭାବନା ଏହି ପ୍ରଯୁକ୍ତି ପାଖରେ ରହିଛି ଯାହା ଜ୍ଞାନ ପ୍ରସାରଣ, ନବସୃଜନ ଓ ସହଯୋଗିତାର ଅସୀମ ସମ୍ଭାବନାକୁ ଉଜାଗର କରୁଛି। ସାରା ଭାରତର ଶିକ୍ଷାନୁଷ୍ଠାନ ପରିସରଗୁଡ଼ିକୁ ଡିଜିଟାଇଜ୍ କରିବା ଲାଗି ଜିଓର ପ୍ରତିବଦ୍ଧତା ଶିକ୍ଷାକୁ ସୁଦୃଢ଼ କରିବା ଏବଂ ପରବର୍ତ୍ତୀ ପିଢ଼ିର ଭବିଷ୍ୟତକୁ ଆକାର ପ୍ରଦାନ କରିବାରେ ଏହାର ପ୍ରତିବଦ୍ଧତାକୁ ଦୋହରାଉଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ ପକ୍ଷରୁ ୫ଜି ଏମ୍‌ଏମ୍ ୱେଭ ସ୍ପେକ୍ଟ୍ରମ୍ ଆଧାରିତ ସେବା ଶୁଭାରମ୍ଭ, ଉଦ୍ୟୋଗକୁ ଆହୁରି କରିବ ସକ୍ଷମ

ଭୁବନେଶ୍ୱର: ରିଲାଏନ୍ସ ଜିଓ ଇନ୍‌ଫୋକମ୍ ଲିମିଟେଡ୍ ପକ୍ଷରୁ ଘୋଷଣା କରାଯାଇଛି ଯେ ଏହା ସମସ୍ତ ସ୍ପେକ୍ଟ୍ରମ୍ ବ୍ୟାଣ୍ଡ୍ ରେ ସବୁ ଲାଇସେନ୍ସ ସେବା କ୍ଷେତ୍ରରେ ସେବା ଶୁଭାରମ୍ଭର ସର୍ବନିମ୍ନ ଆବଶ୍ୟକତା ସର୍ତ୍ତକୁ ପୂରଣ କରିଛି । ୨୦୨୩ ଅଗଷ୍ଟ ୧୭ ସୁଦ୍ଧା ଏହି ଲକ୍ଷ୍ୟ ହାସଲ କରିବାକୁ ସ୍ପେକ୍ଟ୍ରମ୍ ନେବା ବେଳେ ଜିଓ ପ୍ରତିଶ୍ରୁତି ଦେଇଥିଲା । ସେହି ଲକ୍ଷ୍ୟକୁ ସମୟ ସୀମା ଶେଷ ହେବା ପୂର୍ବରୁ ଜିଓ ହାସଲ କରିଛି ।

୨୦୨୩ ଜୁଲାଇ ୧୯ରେ ଏହି ଆବଶ୍ୟକତାର ପ୍ରଥମ ପର୍ଯ୍ୟାୟକୁ ଜିଓ ପୂରଣ କରିଥିଲା ଏବଂ ଅଗଷ୍ଟ ୧୧ରେ ଟେଲିକମ୍ ବିଭାଗ ପକ୍ଷରୁ ସବୁ ସର୍କଲ୍‌ରେ ତାହାର ପରୀକ୍ଷଣ କରାଯାଇଥିଲା ।

ଲୋ ବ୍ୟାଣ୍ଡ୍‌, ମିଡ୍ ବ୍ୟାଣ୍ଡ୍ ଓ ଏମ୍‌ଏମ୍ ୱେଭ ସ୍ପେକ୍ଟ୍ରମ୍ ବ୍ୟାଣ୍ଡ୍‌ର ସମିଶ୍ରଣକୁ ଜିଓ ହାସଲ କରିଛି ଏବଂ ସମୃଦ୍ଧ ଫାଇବର୍ ନେଟ୍‌ୱର୍କ ଓ ସ୍ୱଦେଶୀ ପ୍ରଯୁକ୍ତିରେ ପ୍ରସ୍ତୁତ ନେଟ୍‌ୱର୍କକୁ ଯୋଡ଼ାଯାଇଥିବାରୁ ସମସ୍ତ ନାଗରିକଙ୍କ ପାଖରେ ୫ଜି ସେବା ଉପଲବ୍ଧ କରାଇବା ଲାଗି ଜିଓ ଦେଇଥିବା ପ୍ରତିଶ୍ରୁତିକୁ ପୂରଣ କରିବାରେ ତାହା ସହାୟକ ହେବ ।

ଜିଓର ସ୍ପେକ୍ଟ୍ରମ୍ ଉପସ୍ଥିତି ସାରା ଦେଶରେ ସବୁଠୁ ଦୃଢ଼ । ମିଲିମିଟର ୱେଭ (୨୬ ଗିଗାହର୍ଜ) ବ୍ୟାଣ୍ଡ୍‌ରେ ଜିଓ ପାଖରେ ସମସ୍ତ ୨୨ ସର୍କଲ୍‌ରେ ୧୦୦୦ ମେଗାହର୍ଜ ଉପଲବ୍ଧ ରହିଛି । ଏହା ଜରିଆରେ ଜିଓ ବ୍ୟବସାୟିକ ତଥା ଅନ୍ୟାନ୍ୟ ସଂସ୍ଥା ଗୁଡ଼ିକୁ ଦମଦାର ସେବା ପ୍ରଦାନ କରିପାରିବ ଏବଂ ଏଥି ସହିତ ଉଚ୍ଚ କୋଟିର ଷ୍ଟ୍ରିମିଂ ସେବା ମଧ୍ୟ ପ୍ରଦାନ କରିପାରିବ ।

ଦୁନିଆର ସବୁଠୁ ଦ୍ରୁତ ଗତିର ୫ଜି ସେବା ଶୁଭାରମ୍ଭ କାର୍ଯ୍ୟକୁ ସଫଳ କରିବା ଲାଗି ଜିଓର ଇଞ୍ଜିନିୟରମାନେ ଦିନରାତି କାମ କରୁଛନ୍ତି । ଭାରତର ୭୭ତମ ସ୍ୱାଧୀନତା ଦିବସ ଅବସରରେ “ଆଜାଦୀ ର ଅମୃତକାଳ’ରେ ଜିଓ ପକ୍ଷରୁ ଦେଶବାସୀଙ୍କ ପ୍ରତି ଏମ୍‌ଏମ୍ ୱେଭ ଆଧାରିତ ଜିଓ ଟ୍ରୁ-୫ଜି ବିଜନେସ୍ କନେକ୍ଟିଭିଟି ସେବାକୁ ସମର୍ପିତ କରାଯାଉଛି ।

ଜିଓର ବିଶ୍ୱାସ ରହିଛି ଯେ ଏମ୍‌ଏମ୍ ୱେଭ ସ୍ପେକ୍ଟ୍ରମ୍ ସହିତ ଷ୍ଟାଣ୍ଡ୍ ଏଲୋନ୍ ପ୍ରଯୁକ୍ତିକୁ ନେଇ ଏହା ଲକ୍ଷ ଲକ୍ଷ କ୍ଷୁଦ୍ର, ମଧ୍ୟମ ଓ ବଡ଼ ସଂସ୍ଥାଗୁଡ଼ିକୁ ୫ଜିର ବ୍ୟବସାୟିକ ସଂଯୋଗ ପ୍ରଦାନ କରିପାରିବ ।

ଏହି ଅବସରରେ ରିଲାଏନ୍ସ ଜିଓ ଇନ୍‌ଫୋକମ୍ ଲିମିଟେଡ୍‌ର ଅଧ୍ୟକ୍ଷ ଶ୍ରୀ ଆକାଶ ଅମ୍ବାନି କହିଛନ୍ତି ଯେ, “ଦ୍ରୁତ ଗତିରେ ୫ଜି ସେବାର ଶୁଭାରମ୍ଭ କରିବା ଲାଗି ଭାରତ ସରକାର, ଟେଲିକମ୍ ବିଭାଗ ଓ ଦେଶର ୧୪୦ରୁ ଅଧିକ ଲୋକଙ୍କୁ ଆମେ ପ୍ରତିଶ୍ରୁତି ଦେଇଥିଲୁ । ଆଜି ଆମେ ଗର୍ବର ସହିତ କହିପାରିବୁ ଯେ ଦୁନିଆର ସବୁଠୁ ଦ୍ରୁତ ଗତିରେ ୫ଜି ସେବାର ଶୁଭାରମ୍ଭ କରି ଆମେ ଭାରତକୁ ଅଗ୍ରଣୀ ସ୍ଥାନରେ ପହଂଚାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଛୁ । ଏଥି ସହିତ ଆମେ ୫ଜିର ସମ୍ପ୍ରସାରଣ ସର୍ତ୍ତକୁ ପୂରଣ କରିବାର ଲକ୍ଷ୍ୟକୁ ମଧ୍ୟ ହାସଲ କରିପାରିଛୁ ।

ଗତବର୍ଷ ଅଗଷ୍ଟ ୫ରେ ଆମକୁ ୫ଜି ସ୍ପେକ୍ଟ୍ରମ୍ ମିଳିଥିଲା । ସେହି ଦିନଠାରୁ ଆମ ଟିମ୍ ଦିନରାତି କାମ କରି ଚଳିତ ବର୍ଷ ଶେଷ ସୁଦ୍ଧା ଦେଶର କୋଣ ଅନୁକୋଣରେ ଥିବା ସବୁ ନାଗରିକଙ୍କ ପାଖରେ ୫ଜି ସେବା ପହଞ୍ଚାଇବା ଉଦ୍ୟମ କରୁଛି । ଏହା ହେଉଛି ଦୁନିଆର ସବୁଠୁ ଦ୍ରୁତ ଗତିିର ୫ଜି ସେବା ଶୁଭାରମ୍ଭ ଯାହା ଭାରତକୁ ବିଶ୍ୱ ୫ଜି ମାନଚିତ୍ରରେ ଏକ ଅଗ୍ରଣୀ ସ୍ଥାନ ପ୍ରଦାନ କରିବ ।

୫ଜି ଏମ୍‌ଏମ୍ ୱେଭର ଅର୍ଥ ହେଉଛି ଅଧିକ ବ୍ୟାଣ୍ଡ୍‌ୱିଡ୍‌ଥ ଓ କମ୍ ଲାଟେନ୍‌ସି । ମୋଟ ଉପରେ ଏହା ହେଉଛି ଏକ ଉତ୍ତମ ଇଣ୍ଟରନେଟ ଅନୁଭବ । ନୂତନ ପ୍ରଯୁକ୍ତି ଓ ଅତ୍ୟାଧୁନିକ ଆପ୍ ଉପରେ କାମ କରୁଥିବା ଉଦ୍ୟୋଗ ଏବେ ହୃଦୟଙ୍ଗମ କରିପାରିବେ ଯେ ଜିଓ ଏବେ ଯେଉଁ ଅନୁଭବ ପ୍ରଦାନ କରୁଛି ପୂର୍ବ ନେଟ୍‌ୱର୍କ ତାହା ସହ ତୁଳନୀୟ ନଥିଲା । ଏମ୍‌ଏମ୍ ୱେଭ ସମାଧାନରେ ଲିଜ୍ ଲାଇନ୍ ସେବା ବ୍ୟବସାୟରେ ବୃଦ୍ଧି ଘଟିବ, କାରଣ ଜିଓ ଉନ୍ନତ ଫିକ୍ସଡ୍ ଲାଇନ୍ ସେବା ପ୍ରଦାନ କରି ଲକ୍ଷ ଲକ୍ଷ ଛୋଟ ଓ ମଧ୍ୟମ ଉଦ୍ୟୋଗକୁ ଦୃଢ଼ ସଂଯୋଗ ଓ ଦମଦାର ପ୍ରଦର୍ଶନର ଶୁଭାରମ୍ଭ କରିବ । ଆପଣମାନେ ଏହା ଜାଣି ଖୁସି ହେବେ ଯେ ଏହି ସ୍ପେକ୍ଟ୍ରମ୍ ୨ ଜିବିପିଏସ୍‌ର ଅଲ୍‌ଟ୍ରା ହାଇ-ସ୍ପିଡ୍ ବ୍ରଡ୍‌ବ୍ୟାଣ୍ଡ୍ ପ୍ରଦାନ କରିବ ।’’

Categories
ଆଜିର ଖବର ରାଜ୍ୟ ଖବର

ଓଡ଼ିଶାରେ ୨୬ ଗିଗାହର୍ଜ ଓ ୩୩୦୦ ମେଗାହର୍ଜ ବ୍ୟାଣ୍ଡ୍‌ରେ ରିଲାଏନ୍ସ ଜିଓର ୫ଜି ନେଟ୍‌ୱର୍କର ପରୀକ୍ଷଣ

ଭୁବନେଶ୍ୱର: ଓଡ଼ିଶାରେ ଦ୍ରୁତ ଗତିରେ ୫ଜି ସେବାର ସମ୍ପ୍ରସାରଣ ଜାରି ରହିଥିବା ବେଳେ ଭାରତ ସରକାରଙ୍କ ଦୂରସଂଚାର ବିଭାଗ, ଓଡ଼ିଶା ଲାଇସେନ୍ସ ସର୍ଭିସ୍ ଅଂଚଳ (ଏଲ୍‌ଏସ୍‌ଏ) ପକ୍ଷରୁ ରାଜ୍ୟରେ ୨୬ ଗିଗାହର୍ଜ ଓ ୩୩୦୦ ମେଗାହର୍ଜ ବ୍ୟାଣ୍ଡ୍‌ରେ ରିଲାଏନ୍ସ ଜିଓର ୫ଜି ସାଇଟ୍‌ରେ ପ୍ରଥମ ପର୍ଯ୍ୟାୟ ସେବା ପରୀକ୍ଷଣ କରାଯାଇଛି। ଓଡ଼ିଶା ଏଲ୍‌ଏସ୍‌ଏର ଡେପୁଟି ଡାଇରେକ୍ଟର ଜେନେରାଲ୍ ଅନିଲ କୁମାର ସୁବୁଦ୍ଧି, ନିର୍ଦ୍ଦେଶକ ଚନ୍ଦ୍ର ପ୍ରକାଶ ଯାଦବ ଓ ଏଡିଜି ଚିତରଂଜନ ଦେବ୍‌ତାଙ୍କ ସମେତ ଟେଲିକମ୍ ବିଭାଗର ବରିଷ୍ଠ ଅଧିକାରୀଙ୍କ ଏକ ଟିମ୍ ପକ୍ଷରୁ ଏହି ପରୀକ୍ଷଣ କରାଯାଇଥିଲା।

ଏହି କାର୍ଯ୍ୟକ୍ରମର ଅଂଶ ସ୍ୱରୂପ ୨୦୨୩ ଅଗଷ୍ଟ ୯ରେ ଭୁବନେଶ୍ୱରଠାରେ ରିଲାଏନ୍ସ ଜିଓକୁ ଆବଂଟନ କରାଯାଇଥିବା ୨୬ ଗିଗାହର୍ଜ ବ୍ୟାଣ୍ଡ୍‌ରେ ୫ଜି ସାଇଟ୍‌ର ପ୍ରଥମ ପର୍ଯ୍ୟାୟ ସେବା ପରୀକ୍ଷଣ କରାଯାଇଥିବା ନେଇ ଟେଲିକମ ବିଭାଗ ଓଡ଼ିଶା ଏଲ୍‌ଏସ୍‌ଏ ପକ୍ଷରୁ ଟୁଇଟ୍ ଜରିଆରେ ସୂଚିତ କରାଯାଇଛି। ୨୬ ଗିଗାହର୍ଜରେ ଜିଓ ନେଟ୍‌ୱର୍କରେ ପରୀକ୍ଷଣ ସମୟରେ ସର୍ବାଧିକ ୫ଜି ସ୍ପିଡ୍ ୧.୨ ଜିବିପିଏସ୍ ରହିଥିଲା। https://twitter.com/LsaOdisha/status/1689195126940377088?s=୨୦
ଅନ୍ୟ ଏକ ଟୁଇଟ୍‌ରେ ଟେଲିକମ୍ ବିଭାଗର ଓଡ଼ିଶା ଏଲ୍‌ଏସ୍‌ଏ ପକ୍ଷରୁ ସୂଚନା ଦିଆଯାଇଛି ଯେ ରିଲାଏନ୍ସ ଜିଓକୁ ଆବଂଟନ କରାଯାଇଥିବା ୩୩୦୦ ମେଗାହର୍ଜ ବ୍ୟାଣ୍ଡ୍‌ରେ ୫ଜି ସାଇଟ୍‌ର ପ୍ରଥମ ପର୍ଯ୍ୟାୟ ପରୀକ୍ଷଣ ୨୦୨୩ ଅଗଷ୍ଟ ୮ରେ ଓଡ଼ିଶାର ପୁରୀ ଜିଲ୍ଲାର ପିପିଲିଠାରେ କରାଯାଇଥିଲା। ଏହି ପରୀକ୍ଷଣ ବେଳେ ୩୩୦୦ ମେଗାହର୍ଜ ବ୍ୟାଣ୍ଡ୍‌ରେ ୫ଜି ନେଟ୍‌ୱର୍କର ସ୍ପିଡ୍ ୮୨୦ ଏମ୍‌ବିପିଏସ୍ ରହିଥିଲା।


ରିଲାଏନ୍ସ ଜିଓ ଦ୍ରୁତ ଗତିରେ ସାରା ଓଡ଼ିଶାରେ ୫ଜି ନେଟ୍‌ୱର୍କର ସମ୍ପ୍ରସାରଣ କରୁଛି ଏବଂ ଏହା ହେଉଛି ଏକମାତ୍ର ଟେଲିକମ୍ ଅପରେଟର ଯାହାର ଓଡ଼ିଶାର ସମସ୍ତ ଜିଲ୍ଲାରେ ୫ଜି ନେଟ୍‌ୱର୍କ ଉପଲବ୍ଧ ରହିଛି । ଜିଓ ହେଉଛି ଏକମାତ୍ର ଟେଲିକମ୍ ସେବା ପ୍ରଦାନକାରୀ ଯାହା ପାଖରେ ପ୍ରିମିୟମ୍ ୭୦୦ ମେଗାହର୍ଜ ବ୍ୟାଣ୍ଡ୍ ସ୍ପେକ୍ଟ୍ରମ୍ ରହିଛି ଯାହାକୁ ୫ଜି ନେଟ୍‌ୱର୍କ ମୂତୟନ ପାଇଁ ସବୁଠୁ ଉପଯୁକ୍ତ ବିବେଚନା କରାଯାଉଛି । ଜିଓ ୱେଲ୍‌କମ୍ ଅଫର ମାଧ୍ୟମରେ ବ୍ୟବହାରକାରୀମାନେ ଏବେ ବିନା କୌଣସି ଅତିରିକ୍ତ ଖର୍ଚ୍ଚରେ ୧ ଜିବିପିଏ୍‌ରୁ ଅଧିକ ସ୍ପିଡ୍ ପର୍ଯ୍ୟନ୍ତ ଅସୀମିତ ଡାଟାର ଅନୁଭୂତି ପାଉଛନ୍ତି ।

ନିକଟରେ ସଂସଦରେ ଟେଲିକମ୍ ବିଭାଗ ପକ୍ଷରୁ ପ୍ରଦାନ କରାଯାଇଥିବା ଉତରରେ ଉଲ୍ଲେଖ କରାଯାଇଥିଲା ଯେ ଓଡ଼ିଶା ସମେତ ସାରା ଦେଶରେ ୫ଜି ନେଟ୍‌ୱର୍କ ମୂତୟନ କରିବାରେ ରିଲାଏନ୍ସ ଜିଓ ବହୁ ଆଗରେ ରହିଛି । ଟେଲିକମ୍ ବିଭାଗ ପ୍ରଦାନ କରିଥିବା ଜିଲ୍ଲା ହିସାବରେ ତଥ୍ୟ ଅନୁସାରେ ଓଡ଼ିଶାରେ ମୂତୟନ କରାଯାଇଥିବା ମୋଟ ୭୭୫୬ଟି ୫ଜି ବିଟିଏସ୍ ମଧ୍ୟରୁ ଜିଓ ସର୍ବାଧିକ ୬୩୪୫ଟି ୫ଜି ବିଟିଏସ୍ ସ୍ଥାପନ କରିଛି । ଏହାର ନିକଟତମ ପ୍ରତିଦ୍ୱନ୍ଦ୍ୱୀ ଏୟାରଟେଲ୍ ମାତ୍ର ୧୪୧୧ଟି ୫ଜି ବିଟିଏସ୍ ସ୍ଥାପନ କରିଥିବା ସୂଚନା ଦିଆଯାଇଥିଲା । ଜିଲ୍ଲାଗୁଡ଼ିକ ମଧ୍ୟରୁ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୩୫୬ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ସେଥିରୁ ୧୧୨୪ଟି ଜିଓ ମୂତୟନ କରିଛି । ସେହିପରି କଟକର ମୋଟ ୭୯୨ଟି ୫ଜି ବିଟିଏସ୍ ମଧ୍ୟରୁ ଜିଓ ୭୧୦ଟି ୫ଜି ବିଟିଏସ୍ ସ୍ଥାପନ କରିଛି ।

ଜିଓ ପକ୍ଷରୁ ଗଂଜାମ ଜିଲ୍ଲାରେ ୪୨୦, ସୁନ୍ଦରଗଡ଼ରେ ୪୪୮ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ଏହି ଦୁଇ ଜିଲ୍ଲାରେ ଏୟାରଟେଲ୍ ଯଥାକ୍ରମେ ୧୨୨ ଓ ୬୬ଟି ୫ଜି ବିଟିଏସ୍ ସ୍ଥାପନ କରିଛି । ବାଲେଶ୍ୱରରେ ୪୪୪ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ଜିଓ ୩୫୬ଟି ଓ ଏୟାରଟେଲ୍ ୮୮ଟି ୫ଜି ବିଟିଏସ୍ ସ୍ଥାପନ କରିଛି ।

ଜିଓ ପାଖରେ ରହିଥିବା ତିନି ସୂତ୍ରୀ ଲାଭ ଏହାକୁ ଭାରତର ଏକମାତ୍ର ଟ୍ରୁ-୫ଜି ନେଟ୍‌ୱର୍କରେ ପରିଣତ କରିଛି । ଏହା ମଧ୍ୟରେ ସାମିଲ ରହିଛି ଷ୍ଟାଣ୍ଡ୍‌-ଏଲୋନ୍ ୫ଜି ଢାଂଚା ସହିତ ୪ଜି ଉପରେ ଶୂନ ନିର୍ଭରଶୀଳ ଥିବା ଉନ୍ନତ ୫ଜି ନେଟୱର୍କ, ୭୦୦ ମେଗାହର୍ଜ, ୩୫୦୦ ମେଗାହର୍ଜ ଓ ୨୬ ଗିଗାହର୍ଜ ବ୍ୟାଣ୍ଡ୍‌ର ସର୍ବବୃହତ ଓ ଶ୍ରେଷ୍ଠ ୫ଜି ସ୍ପେକ୍ଟ୍ରମ୍ ମିଶ୍ରଣ ଏବଂ କ୍ୟାରିୟର ଏଗ୍ରିଗ୍ରେସନ ଯାହା ଉନ୍ନତ କ୍ୟାରିୟର ଏଗ୍ରିଗ୍ରେସନ ନାମକ ପ୍ରଯୁକ୍ତିକୁ ବ୍ୟବହାର କରି ନିରବଚ୍ଛିନ୍ନ ଭାବେ ୫ଜି ଫ୍ରିକୁଏନ୍‌ସିକୁ ଗୋଟିଏ ଦୃଢ଼ “ଡାଟା ହାଇୱେ’ରେ ପରିଣତ କରୁଛି ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

୧୦ କୋଟି ଗ୍ରାହକଙ୍କୁ ଯୋଡ଼ିବାର କ୍ଷମତା ରଖିଛି ଜିଓ ଭାରତ ଫୋନ୍‌: ବୋଫା ସିକ୍ୟୁରିଟିଜ୍ ରିପୋର୍ଟ

ଭୁବନେଶ୍ୱର: ରିଲାଏନ୍ସ ଜିଓର ନୂଆ ଜିଓ ଭାରତ ମୋବାଇଲ୍ ଆଗାମୀ ଦୁଇ ତିନି ବର୍ଷରେ ୧୦ କୋଟିରୁ ଅଧିକ ନୂଆ ଗ୍ରାହକ ଯୋଡ଼ିପାରିବା ସମ୍ଭାବନା ସୃଷ୍ଟି ହୋଇଛି। ପ୍ରତିଷ୍ଠିତ ବ୍ରୋକରେଜ୍ ସଂସ୍ଥା ବୋଫା ସିକ୍ୟୁରିଟିଜ୍‌ର ରିପୋର୍ଟରେ ଏହା ପ୍ରକାଶ କରାଯାଇଛି। ରିପୋର୍ଟ ଅନୁଯାୟୀ, ଯଦି ବଜାରର ଚାହିଦା ଅନୁସାରେ ଜିଓ ଭାରତ ଫୋନର ଉତ୍ପାଦନ ବୃଦ୍ଧି କରାଯାଇପାରିବ ତେବେ ରିଲାଏନ୍ସ ଜିଓର ଜିଓ ଭାରତ ୪ଜି ଫିଚର ଫୋନ୍ ଅନ୍ୟ ଟେଲିକମ୍ କଂପାନିଗୁଡ଼ିକର ବହୁ ସଂଖ୍ୟକ ୨ଜି ଫିଚର୍ ଫୋନ୍ ଗ୍ରାହକଙ୍କୁ ଆକୃଷ୍ଟ କରିପାରିବ। ୨ଜି ଗ୍ରାହକଙ୍କୁ ନିଜ ପାଖରେ ରଖିବା ଏୟାରଟେଲ ଓ ଭୋଡାଫୋନ୍ ଆଇଡିଆ ଭଳି କମ୍ପାନୀ ପାଇଁ ବେଶ କଷ୍ଟକର ହୋଇପଡ଼ିବ ବୋଲି ଏହି ରିପୋର୍ଟରେ ଉଲ୍ଲେଖ କରାଯାଇଛି।

ବୋଫା ସିକ୍ୟୁରିଟିଜ୍ ଅନୁଯାୟୀ, ୨ଜି ଏବଂ ଫିଚରଫୋନ୍ ଗ୍ରାହକମାନଙ୍କ ପାଇଁ ଜିଓ ଭାରତ ଫୋନ୍ ଆକର୍ଷଣୀୟ ପ୍ୟାକେଜ୍ ସହ ଉପଲବ୍ଧ ହୋଇଛି। ରିପୋର୍ଟ ଅନୁସାରେ ୯୯୯ ଟଙ୍କିଆ ଜିଓ ଭାରତ ୪ଜି ଫିଚର ଫୋନ୍ ବଜାରରେ ଉପଲବ୍ଧ ଅଧିକାଂଶ ଫିଚର ଫୋନ୍ ତୁଳନାରେ ବେଶ ଶସ୍ତା। ଏହା ସହିତ ସେଥିରେ ଅସୀମିତ ମାଗଣା ଭଏସ୍ କଲିଂ ସୁବିଧା ପ୍ରଦାନ କରାଯାଉଛି ଯାହା ୨ଜି ଗ୍ରାହକଙ୍କୁ ଆକୃଷ୍ଟ କରିବ।

ବଜାର ବିଶ୍ଳେଷଣ ଅନୁଯାୟୀ, ଭାରତରେ ପ୍ରାୟ ୨୫ କୋଟି ୨ଜି ଗ୍ରାହକ ରହିଛନ୍ତି ଏବଂ ସେଥିରୁ ପାଖାପାଖି ୧୩ କୋଟି ଭାରତୀ ଏୟାରଟେଲ୍ ପାଖରେ ରହିଛି। ସେହି ୧୩ କୋଟି ଗ୍ରାହକଙ୍କ ମଧ୍ୟରୁ ପ୍ରାୟ ୧୦ କୋଟି ଏଭଳି ଗ୍ରାହକ ରହିଛନ୍ତି ଯେଉଁମାନେ କେବଳ କଥାବାର୍ତା କରିବା ଲାଗି ଏୟାରଟେଲ୍‌କୁ ମୂଲ୍ୟ ଦେଉଛନ୍ତି। ଅସୀମିତ ମାଗଣା ଭଏସ୍ କଲିଂ ସହିତ ଉପଲବ୍ଧ ଥିବା ଜିଓ ଭାରତ ଫିଚର ଫୋନ୍ ଏୟାରଟେଲ୍ ଓ ଭୋଡାଫୋନ୍ ଆଇଡିଆର ୨ଜି ଗ୍ରାହକଙ୍କ ସଂଖ୍ୟାକୁ ପ୍ରଭାବିତ କରିପାରିବ ବୋଲି ମତପ୍ରକାଶ ପାଇଛି।

ଅନ୍ୟ ଏକ ବ୍ରୋକରେଜ୍ ସଂସ୍ଥା ଜେଫେରିଜ୍ ଏହାର ରିପୋର୍ଟରେ ସ୍ୱୀକାର କରିଛି ଯେ ଜିଓ ଭାରତ ମୋବାଇଲ୍‌ରେ ଫିଚର ଫୋନ୍ ଗ୍ରାହକମାନଙ୍କ ମୋବାଇଲ୍ ଖର୍ଚ୍ଚ (ଡିଭାଇସ୍ ସହ ସେବା)ରେ ୨୬ ପ୍ରତିଶତ ପର୍ଯ୍ୟନ୍ତ ସଂଚୟ ହେବାର ସମ୍ଭାବନା ରହିଛି। ଜେଫେରିଜ୍ ଅନୁସାରେ ୨ଜି ଫିଚର ଫୋନ୍ ବଜାରର ସବୁଠୁ ବଡ଼ ସେବା ପ୍ରଦାନକାରୀ ହେଉଛି ଏୟାରଟେଲ୍। ତେଣୁ ଜିଓ ଭାରତ ଫିଚର ଫୋନ୍‌ର ସର୍ବାଧିକ ପ୍ରଭାବ ଏହା ଉପରେ ପଡ଼ିପାରେ। ଜେଫେରିଜ୍ ଏହାର ରିପୋର୍ଟରେ ପୂର୍ବାନୁମାନ କରିଛି ଯେ ୨୦୨୬ ପର୍ଯ୍ୟନ୍ତ ଏୟାରଟେଲ୍ ଛାଡ଼ୁଥିବା ୨ଜି ଗ୍ରାହକଙ୍କ ସଂଖ୍ୟାରେ ଲାଗାତାର ବୃଦ୍ଧି ଘଟିବ। ସେଥିପାଇଁ ୨୦୨୪-୨୦୨୬ ପର୍ଯ୍ୟନ୍ତ ଭାରତୀ ଏୟାରଟେଲ୍ ପାଇଁ ଜେଫେରିଜ୍ କରିଥିବା ପୂର୍ବାନୁମାନରେ ୧-୪% ହ୍ରାସ କରିଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଦେଶରେ ମୃତୟନ ହୋଇଥିବା ମୋଟ ୫ଜି ବିଟିଏସ ମଧ୍ୟରୁ ୮୧% ରୁ ଅଧିକ ମୃତୟନ କରିଛି ରିଲାଏନ୍ସ ଜିଓ

ଭୁବନେଶ୍ୱର /ନୂଆଦିଲ୍ଲୀ: କେନ୍ଦ୍ର ଦୂରସଂଚାର ମନ୍ତ୍ରଣାଳୟ ପକ୍ଷରୁ ସଂସଦରେ ଉପସ୍ଥାପିତ ତଥ୍ୟ ଅନୁଯାୟୀ ଜୁଲାଇ ୭ ତାରିଖ ସୁଦ୍ଧା ଦେଶରେ ମୃତୟନ କରାଯାଇଥିବା ମୋଟ ୨୮୧୯୪୮ ଟି ୫ଜି ବିଟିଏସ ମଧ୍ୟରୁ କେବଳ ରିଲାଏନ୍ସ ଜିଓ ୨୨୮୬୮୯ ଟି ୫ଜି ବିଟିଏସ ମୃତୟନ କରିଛି। ସାରା ଦେଶରେ ମୃତୟନ ହୋଇଥିବା ମୋଟ ୫ଜି ବିଟିଏସ ସଂଖ୍ୟାରେ ଜିଓ ଏକାକୀ ଯୋଗଦାନ ୮୧ ପ୍ରତିଶତରୁ ଅଧିକ ରହିଛି। ଅନ୍ୟପକ୍ଷରେ ଭାରତୀ ଏୟାରଟେଲ ପକ୍ଷରୁ ସାରା ଦେଶରେ ମାତ୍ର ୫୨୨୨୩ ଟି ୫ଜି ବିଟିଏସ ସ୍ଥାପନ କରାଯାଇଥିବା ଜଣାପଡ଼ିଛି। ସଂସଦରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ଦୂରସଂଚାର ରାଜ୍ୟମନ୍ତ୍ରୀ ଦେବୁସିଂ ଚୌହାନ ଏହି ତଥ୍ୟ ପ୍ରଦାନ କରିଛନ୍ତି।

କେନ୍ଦ୍ର ସରକାରଙ୍କ ପକ୍ଷରୁ ସାରା ଦେଶର ପ୍ରତି ଜିଲ୍ଲା ହିସାବରେ ୫ଜି ନେଟୱାର୍କ ମୃତୟନର ତଥ୍ୟ ପ୍ରଦାନ କରାଯାଇଛି। ଏହି ସୂଚନା ଅନୁସାରେ ଦେଶର ରାଜଧାନୀ ଦିଲ୍ଲୀରେ ମୃତୟନ ହୋଇଥିବା ୧୦୫୩୨ ଟି ୫ଜି ବିଟିଏସ ମଧ୍ୟରୁ ଜିଓ ୮୨୦୪ ଟି ୫ଜି ବିଟିଏସ ମୃତୟନ କରିଥିବା ବେଳେ ଏୟାରଟେଲ ମାତ୍ର ୨୩୧୦ ଟି ୫ଜି ବିଟିଏସ ମୃତୟନ କରିଛି। ସେହିଭଳି ଦେଶର ଆର୍ôଥକ ରାଜଧାନୀ ମୁମ୍ବାଇରେ ମଧ୍ୟ ଜିଓ ଏୟାରଟେଲ ଠାରୁ ବେଶ ଆଗରେ ରହିଛି। ବିଭାଗ ଦ୍ୱାରା ପ୍ରଦତ୍ତ ତଥ୍ୟ ଅନୁଯାୟୀ ମୁମ୍ବାଇରେ ମୃତୟନ ହୋଇଥିବା ମୋଟ ୫୧୬୭ ଟି ୫ଜି ବିଟିଏସ ମଧ୍ୟରୁ ୩୯୫୩ ଟି ଜିଓର ହୋଇଥିବା ବେଳେ ଏୟାରଟେଲର ୧୨୧୪ ଟି ରହିଛି।

ଦୂରସଂଚାର ବିଭାଗ ଦ୍ୱାରା ପ୍ରଦତ୍ତ ଜିଲ୍ଲା ହିସାବରେ ୫ଜି ବିଟିଏସ ମୃତୟନ ତଥ୍ୟ ଅନୁଯାୟୀ ଓଡ଼ିଶାରେ ଜୁଲାଇ ୭ ସୁଦ୍ଧା ମୋଟ ୭୭୫୬ ଟି ୫ଜି ବିଟିଏସ ମୃତୟନ କରାଯାଇଥିବା ଜଣାପଡିଛି। ଏଥି ମଧ୍ୟରୁ ଜିଓ ସର୍ବାଧିକ ୬୩୪୫ ଟି ୫ଜି ବିଟିଏସ ମୃତୟନ କରି ବେଶ ଆଗରେ ରହିଥିବା ବେଳେ ଏୟାରଟେଲ ମାତ୍ର ୧୪୧୧ ଟି ୫ଜି ବିଟିଏସ ମୃତୟନ କରିଛି।

ଏକମାତ୍ର ଟେଲିକମ ଅପରେଟର ଭାବରେ ରିଲାଏନ୍ସ ଜିଓ ଓଡ଼ିଶାର ସବୁ ଜିଲ୍ଲାରେ ୫ଜି ନେଟୱାର୍କ ଉପଲବ୍ଧ କରିଥିବା ଏହି ତଥ୍ୟରୁ ଜଣାପଡିଛି। ଜିଲ୍ଲା ହିସାବରେ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୩୫୬ ଟି ୫ଜି ବିଟିଏସ ମୃତୟନ ହୋଇଥିବା ବେଳେ ଏଥିରେ ଜିଓର ୧୧୨୪ ଏବଂ ଏୟାରଟେଲର ୨୩୨ ଟି ୫ଜି ବିଟିଏସ ରହିଛି। ଖୋର୍ଦ୍ଧା ଜିଲ୍ଲା ପରେ କଟକ ଜିଲ୍ଲାରେ ମୃତୟନ ହୋଇଥିବା ଦ୍ୱିତୀୟ ସର୍ବାଧିକ ୭୯୨ ଟି ୫ଜି ବିଟିଏସ ମଧ୍ୟରୁ ୭୧୦ ଟି ଜିଓ ପକ୍ଷରୁ ମୃତୟନ କରାଯାଇଥିବା ବେଳେ ଏୟାରଟେଲ ପକ୍ଷରୁ ମାତ୍ର ୮୨ ଟି ୫ଜି ବିଟିଏସ ମୃତୟନ କରାଯାଇଥିବା ଏହି ତଥ୍ୟରୁ ସୂଚନା ମିଳିଛି।

ସେହିଭଳି ଗଂଜାମ ଜିଲ୍ଲାରେ ମୃତୟନ ହୋଇଥିବା ୫୪୨ ଟି ୫ଜି ବିଟିଏସ ମଧ୍ୟରୁ ୪୨୦ ଟି ଜିଓର ଓ ୧୨୨ ଟି ଏୟାରଟେଲର ରହିଛି। ସୁନ୍ଦରଗଡ ଜିଲ୍ଲାରେ ମୃତୟନ ହୋଇଥିବା ୫୧୪ ଟି ୫ଜି ବିଟିଏସ ମଧ୍ୟରୁ ଜିଓର ୪୪୮ଟି ଏବଂ ଏୟାରଟେଲର ୬୬ଟି ୫ଜି ବିଟିଏସ ରହିଛି। ସେହିଭଳି ବାଲେଶ୍ୱର ଜିଲ୍ଲାରେ ମୃତୟନ ହୋଇଥିବା ୪୪୪ଟି ୫ଜି ବିଟିଏସ ମଧ୍ୟରୁ ଜିଓ ୩୫୬ ଟି ୫ଜି ବିଟିଏସ ସ୍ଥାପନ କରିଥିବା ବେଳେ ଏୟାରଟେଲର ୮୮ଟି ରହିଛି।

ଯାଜପୁର ଜିଲ୍ଲାରେ ରହିଥିବା ୪୦୫ ଟି ୫ଜି ବିଟିଏସ ମଧ୍ୟରୁ ୩୧୮ ଟି ଜିଓର ରହିଥିବାବେଳେ ଏୟାରଟେଲର ୮୭ଟି ରହିଛି। ସେହିଭଳି ପୁରୀ ଜିଲ୍ଲାରେ ମୃତୟନ ହୋଇଥିବା ୩୪୭ ଟି ୫ଜି ବିଟିଏସ ମଧ୍ୟରୁ ଜିଓର ସର୍ବାଧିକ ୨୮୨ ଟି ୫ଜି ବିଟିଏସ ରହିଥିବା ବେଳେ ଏୟାରଟେଲର ୬୫ଟି ୫ଜି ବିଟିଏସ ରହିଛି। ଅନୁଗୁଳ ଜିଲ୍ଲାରେ ରହିଥିବା ୩୧୭ ଟି ୫ଜି ବିଟିଏସ ମଧ୍ୟରୁ ଜିଓର ୨୫୨ ଟି ରହିଥିବା ଏୟାରଟେଲର ୬୫ଟି ୫ଜି ବିଟିଏସ ରହିଛି।

ସେହିଭଳି ସମ୍ବଲପୁର ଜିଲ୍ଲାରେ ମୃତୟନ ହୋଇଥିବା ୨୫୪ ଟି ୫ଜି ବିଟିଏସ ମଧ୍ୟରୁ ୨୦୦ ଟି ଜିଓର ହୋଇଥିବା ବେଳେ ଏୟାରଟେଲର ୫୪ଟି ରହିଛି। ଭଦ୍ରକ ଜିଲ୍ଲାରେ ମୋଟ ୨୫୬ ଟି ୫ଜି ବିଟିଏସ ମଧ୍ୟରୁ ଜିଓର ୨୦୬ ଟି ଏବଂ ଏୟାରଟେଲର ୫୦ ଟି ରହିଛି। ସେହିଭଳି କେନ୍ଦୁଝର ଜିଲ୍ଲାର ୧୫୩ ଟି ୫ଜି ବିଟିଏସ ମଧ୍ୟରୁ ଜିଓର ୨୨୬ ଟି ରହିଥିବା ବେଳେ ଏୟାରଟେଲର ୨୭ଟି ରହିଛି। ଓଡ଼ିଶାର ସମସ୍ତ ଜିଲ୍ଲାରେ ଜିଓ ପକ୍ଷରୁ ସର୍ବାଧିକ ୫ଜି ବିଟିଏସ ସ୍ଥାପନ କରାଯାଇଥିବା ବିଭାଗ ଦ୍ୱାରା ପ୍ରଦତ୍ତ ତଥ୍ୟରୁ ସୂଚନା ମିଳିଛି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ରିଲାଏନ୍ସ ଜିଓର ତ୍ରୈମାସିକ ନେଟ ଲାଭ ୧୨.୧% ବୃଦ୍ଧି ସହ ୪୮୬୩ କୋଟି

ଭୁବନେଶ୍ୱର: ରିଲାଏନ୍ସ ଜିଓ ଇନଫୋକମ ଲିମିଟେଡ଼ ପକ୍ଷରୁ ଚଳିତ ଆର୍ଥିକ ବର୍ଷର ପ୍ରଥମ ତ୍ରୈମାସିକ ଆର୍ଥିକ ଫଳାଫଳ ଘୋଷଣା କରାଯାଇଛି। ଅପ୍ରେଲ ରୁ ଜୁନ ୨୦୨୩ ତ୍ରୟମାସରେ ରିଲାଏନ୍ସ ଜିଓର ନେଟ ଲାଭ ୧୨ ପ୍ରତିଶତ ବୃଦ୍ଧି ସହିତ ୪୮୬୩ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ଘୋଷଣା କରାଯାଇଛି। ପୂର୍ବ ଆର୍ଥିକ ବର୍ଷର ସମାନ ତ୍ରୟମାସରେ ଜିଓର ନେଟ ଲାଭ ୪୩୩୫ କୋଟି ଟଙ୍କା ରହିଥିଲା। ଅପ୍ରେଲ ରୁ ଜୁନ ତ୍ରୟମାସରେ ରିଲାଏନ୍ସ ଜିଓ ର ମୋଟ ଆୟ ପୂର୍ବ ବର୍ଷର ସମାନ ସମୟରେ ରହିଥିବା ୨୧୯୯୫ କୋଟି ଟଙ୍କାରୁ ବୃଦ୍ଧି ପାଇ ୨୪୧୨୭ କୋଟି ଟଙ୍କାରେ ପହଂଚିଛି।

ଏହି ତ୍ରୟମାସରେ ଜିଓ ୯୨ ଲକ୍ଷରୁ ଅଧିକ ଗ୍ରାହକ ଯୋଡି ଦେଶର ସର୍ବବୃହତ ଡିଜିଟାଲ ସେବାପ୍ରଦାନକାରୀ ଭାବରେ ନିଜର ସ୍ଥାନ ସୁଦୃଢ କରିବା ସହିତ ମୋଟ ଡାଟା ଟ୍ରାଫିକ ୨୮.୩ ପ୍ରତିଶତ ବୃଦ୍ଧି ପାଇ ୩୩.୨ ବିଲିଅନ ଜିବିରେ ପହଂଚିଛି। ଜୁନ ଶେଷ ସୁଦ୍ଧା ଜିଓର ମୋଟ ଗ୍ରାହକ ସଂଖ୍ୟା ୪୪.୮୫ କୋଟିକୁ ବୃଦ୍ଧିପାଇଛି। ଜିଓର ଗ୍ରାହକ ପିଛା ମାସିକ ରାଜସ୍ୱ (ଆରପୁ) ୧୮୦.୫ ଟଙ୍କାକୁ ବୃଦ୍ଧି ପାଇଛି। ସେହିଭଳି ୫ଜି ନେଟୱାର୍କର ପ୍ରସାର ଏବଂ ଜିଓ ଫାଇବରର ସମ୍ପ୍ରସାରଣ ବଳରେ ଜିଓ ନେଟୱାର୍କରେ ମାସିକ ଡାଟା ବ୍ୟବହାର ଏହି ତ୍ରୟମାସରେ ୧୧ ଏକ୍ସାବାଇଟ ଅତିକ୍ରମ କରିଛି। ଏହି ଅବଧିରେ ଜିଓ ୧୧୫୦୦୦ ନୂଆ ନେଟୱାର୍କ ସାଇଟରେ ୬୯୦୦୦୦ ୫ଜି ସେଲ ମୃତୟନ ସହିତ ୯୦ ପ୍ରତିଶତ ସହର ଓ ନଗରରେ ପହଂଚିବା ସହିତ ଉଭୟ ନେଟୱାର୍କ ଉପଲବ୍ଧତା ଓ ଗ୍ରାହକ ଅନୁଭୁତିରେ ସର୍ବାଗ୍ରେ ରହିଛି।

ଚଳିତ ଆର୍ôଥକ ବର୍ଷର ପ୍ରଥମ ତ୍ରୟମାସରେ ଜିଓ ପ୍ଲାଟଫର୍ମସ ଲିମିଟେଡ଼ (ଜେପିଏଲ) ର ନେଟ ଲାଭ ୧୨.୫ ପ୍ରତିଶତ ବୃଦ୍ଧି ସହିତ ୫୦୯୮ କୋଟି ଟଙ୍କା ହୋଇଥିବା କମ୍ପାନୀ ପକ୍ଷରୁ ଘୋଷଣା କରାଯାଇଛି। ଜିଓ ପ୍ଲାଟଫର୍ମସର ତ୍ରୈମାସିକ ଇବିଆଇଟିଡିଏ ୧୪.୮ ପ୍ରତିଶତ ବୃଦ୍ଧି ପାଇ ରେକର୍ଡ ୧୩୧୧୬ କୋଟି ଟଙ୍କା ହୋଇଛି।

ସୂଚନାଯୋଗ୍ୟ ଯେ ରିଲାଏନ୍ସ ଜିଓ ଦେଶର ସର୍ବବୃହତ ଡିଜିଟାଲ ସେବା ପ୍ରଦାନକାରୀ ଭାବେ ନିଜର ସ୍ଥାନ ସୁଦୃଢ କରିବା ସହିତ ସାରା ଦେଶରେ ୫ଜି ସେବାର ଦ୍ରୁତ ସମ୍ପ୍ରସାରଣ ଜାରି ରଖିଛି। ନିକଟରେ ଦେଶର ପ୍ରାୟ ୨୫ କୋଟି ୨ଜି ମୋବାଇଲ ସେବା ବ୍ୟବହାରକାରୀଙ୍କୁ ୪ଜି ସେବାକୁ ଉନ୍ନୀତ ହେବାର ସୁଯୋଗ ପ୍ରଦାନ କରି ଏହା ଜିଓ ଭାରତ ୪ଜି ଫିଚର ଫୋନ ଶୁଭାରମ୍ଭ କରିଛି। ମାତ୍ର ୯୯୯ ଟଙ୍କାରେ ଉପଲବ୍ଧ ଜିଓ ଭାରତ ୪ଜି ଫିଚର ଫୋନରେ ଉତ୍ତମ ମାନର ଭଏସ କଲିଂ ସୁବିଧା ସହିତ ଜିଓ ସିନେମା, ଜିଓ ସାବନ ଭଳି ମନୋରଞ୍ଜନ ଆପ୍ପ ସହିତ ଜିଓ ପେ ମାଧ୍ୟମରେ ୟୁପିଆଇ ପେମେଂଟ ସୁବିଧା ରହିଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

ରିଲାଏନ୍ସ ଜିଓ ପକ୍ଷରୁ ୯୯୯ ଟଙ୍କିଆ ୪ଜି ଫୋନ୍ “ଜିଓ ଭାରତ ଭି୨’ ଉନ୍ମୋଚିତ

ଭୁବନେଶ୍ୱର: ରିଲାଏନ୍ସ ଜିଓ ପକ୍ଷରୁ ୪ଜି ଫୋନ୍ “ଜିଓ ଭାରତ ଭି୨’କୁ ଉନ୍ମୋଚନ କରାଯାଇଛି। ଜିଓ ଭାରତ ଭି୨ ଅତ୍ୟନ୍ତ ସୁଲଭ ମୂଲ୍ୟ ୯୯୯ ଟଙ୍କାରେ ଉପଲବ୍ଧ ହେବ। ଭାରତରେ ଥିବା ୨୫ କୋଟି ୨ଜି ଗ୍ରାହକଙ୍କ ଉପରେ କମ୍ପାନୀର ନଜର ରହିଛି, ଯେଉଁମାନେ ଏବେ ଏୟାରଟେଲ୍ ଓ ଭୋଡାଫୋନ୍ ଆଇଡିଆ ଭଳି କଂପାନିର ୨ଜି ନେଟ୍‌ୱର୍କରେ ଅଛନ୍ତି ଏବଂ ଇଂଟରନେଟ ବ୍ୟବହାରରୁ ବଂଚିତ ଅଛନ୍ତି। ରିଲାଏନ୍ସ ଜିଓ କେବଳ ୪ଜି ଓ ୫ଜି ନେଟ୍‌ୱର୍କରେ ସେବା ପ୍ରଦାନ କରୁଛି। ଜିଓ ଭାରତ ଭି୨ ଫୋନ୍ ଜରିଆରେ ୧୦ କୋଟିରୁ ଅଧିକ ୨ଜି ଗ୍ରାହକଙ୍କୁ ଆକୃଷ୍ଟ କରିବାକୁ ରିଲାଏନ୍ସ ଜିଓ ଲକ୍ଷ୍ୟ ରଖିଛି। ଏହି ଫୋନ ଏବେଯାଏଁ ୨ଜି ସେବାରେ ସୀମିତ ରହିଥିବା ୨୫ କୋଟିରୁ ଅଧିକ ଲୋକଙ୍କ ପାଇଁ ବାସ୍ତବରେ ଡିଜିଟାଲ ସ୍ୱାଧୀନତାର ଶୁଭାରମ୍ଭ କରିବା ସହିତ ଡିଜିଟାଲ ବୈଷମ୍ୟକୁ ଦୂର କରିବାରେ ସହାୟକ ହେବ।

ଇଂଟରନେଟରେ କାର୍ଯ୍ୟ କରୁଥିବା ବଜାରରେ ଯେତେ ସବୁ ଫୋନ ରହିଛି ସେଥି ମଧ୍ୟରେ ଜିଓ ଭାରତ ଭି୨ ଫୋନ୍‌ର ଦାମ୍ ହେଉଛି ସବୁଠୁ କମ୍। ୯୯୯ ଟଙ୍କା ଭଳି କମ୍ ଦାମ୍‌ରେ ଉପଲବ୍ଧ ହୋଇଥିବା ଜିଓ ଭାରତ ଭି୨ ଫୋନ୍‌ର ମାସିକ ପ୍ଲାନ୍ ମଧ୍ୟ ସବୁଠୁ ଶସ୍ତା ରହିଛି। ଗ୍ରାହକମାନଙ୍କୁ ୧୨୩ ଟଙ୍କାରେ ୨୮ ଦିନର ଭାଲିଡିଟି (ବୈଧତା) ମିଳିବ। ଏହା ବ୍ୟତୀତ ଜିଓ ଭାରତ ଭି୨ ଗ୍ରାହକମାନଙ୍କୁ ମାସିକ ୧୪ ଜିବି ଡାଟା ମଧ୍ୟ ମିଳିବ। ଅର୍ଥାତ ପ୍ରତିଦିନ ଅଧା ଜିବି ଡାଟା ମିଳିବ ଯାହା ପ୍ରତିଦ୍ୱନ୍ଦ୍ୱୀ ଅପରେଟରମାନେ ପ୍ରଦାନ କରୁଥିବା ଡାଟା ତୁଳନାରେ ୭ ଗୁଣା ଅଧିକ। ଅନ୍ୟ ଅପରେଟରମାନଙ୍କ ଭଏସ୍ କଲ୍ ଓ ମାତ୍ର ୨ ଜିବି ଡାଟା ଥିବା ମାସିକ ପ୍ଲାନ୍‌ର ମୂଲ୍ୟ ୧୭୯ ଟଙ୍କା ଭଳି ଦାମ୍‌ରୁ ଆରମ୍ଭ ହେଉଛି। ସେହି ତୁଳନାରେ ଜିଓ ଭାରତ ଭି୨ ର ମାସିକ ପ୍ଲାନ୍ ଦାମ୍ ବହୁତ କମ୍ ରହିଛି। ଜିଓ ଭାରତ ଭି୨ର ବାର୍ଷିକ ପ୍ଲାନ୍ ମଧ୍ୟ ରହିଛି ଯାହାର ମୂଲ୍ୟ ୧୨୩୪ ଟଙ୍କା ରଖାଯାଇଛି।

ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ମୁକେଶ ଅମ୍ବାନି ବହୁ ସାର୍ବଜନୀନ ମଂଚରେ ୨ଜି ମୁକ୍ତ ଭାରତ ପାଇଁ ଆହ୍ୱାନ ଦେଇଛନ୍ତି। ଦେଶରେ ଥିବା ୨୫ କୋଟି ୨ଜି ଗ୍ରାହକମାନଙ୍କୁ ୪ଜିରେ ସାମିଲ କରିବା ଲାଗି କଂପାନି ପକ୍ଷରୁ “ଜିଓ ଭାରତ’ ପ୍ଲାଟଫର୍ମର ମଧ୍ୟ ଶୁଭାରମ୍ଭ କରାଯାଇଛି। ୪ଜି ଫୋନ୍ ତିଆରି କରିବା ଲାଗି ଅନ୍ୟ କଂପାନିଗୁଡ଼ିକ ଏହି ପ୍ଲାଟଫର୍ମକୁ ବ୍ୟବହାର କରିପାରିବେ। କାର୍ବନ୍ କଂପାନି ପକ୍ଷରୁ ଏହି ପ୍ଲାଟଫର୍ମର ବ୍ୟବହାର ଆରମ୍ଭ କରାଯାଇଛି।

ବିଶେଷଜ୍ଞମାନେ ଆକଳନ କରିଛନ୍ତି ଯେ ଖୁବ୍‌ଶୀଘ୍ର ୨ଜି ଫୋନ୍‌ଗୁଡ଼ିକର ସ୍ଥାନ ନେବ ୪ଜି ଭାରତ ସିରିଜ୍ ମୋବାଇଲ୍ ଫୋନ୍।

ଜିଓ ଭାରତ ଭି୨ ମୋବାଇଲ୍ ଗ୍ରାହକମାନଙ୍କୁ ଜିଓ ସିନେମାର ସବ୍‌ସ୍କ୍ରିପ୍‌ସନ୍ ସହିତ ଜିଓ-ସାବନରେ ଥିବା ୮ କୋଟି ଗୀତ ଶୁଣିବାର ସୁଯୋଗ ମିଳିବ। ଗ୍ରାହକମାନେ ଜିଓ ପେ’ ଜରିଆରେ ୟୁପିଆଇ କାରବାର କରିପାରିବେ। ଭାରତର ପ୍ରମୁଖ ଭାଷାଭାଷୀ ଗ୍ରାହକମାନେ ଜିଓ ଭାରତ ଭି୨କୁ ବ୍ୟବହାର କରିପାରିବେ। ଏହି ମୋବାଇଲ୍ ୨୨ ଭାରତୀୟ ଭାଷାରେ କାମ କରିପାରିବ।

ଦେଶ ଭିତରେ ଉତ୍ପାଦନ କରାଯାଉଥିବା ଏବଂ ମାତ୍ର ୭୧ ଗ୍ରାମ ଓଜନର ଜିଓ ଭାରତ ଭି୨ ଫୋନ୍ ୪ଜି ନେଟ୍‌ୱର୍କରେ କାମ କରୁଛି। ଏଥିରେ ଏଚ୍‌ଡି ଭଏସ୍ କଲିଂ, ଏଫ୍‌ଏମ୍ ରେଡିଓ, ୧୨୮ ଜିବିର ଏସ୍‌ଡି ମେମୋରି କାର୍ଡ ସପୋର୍ଟ ଭଳି ସୁବିଧା ରହିଛି। ମୋବାଇଲ୍‌ରେ ୪.୫ ସେମିର ଟିଏଫ୍‌ଟି ସ୍କ୍ରିନ୍‌, ୦.୩ ମେଗାପିକ୍‌ସେଲ୍ କ୍ୟାମେରା, ୧୦୦୦ ଏମ୍‌ଏଏଚ୍ ବ୍ୟାଟେରି, ୩.୫ ଏମ୍‌ଏମ୍‌ର ହେଡ୍‌ଫୋନ୍ ଜ୍ୟାକ୍‌, ଶକ୍ତିଶାଳୀ ଲାଉଡ୍‌ସ୍ପିକର ଓ ଟର୍ଚ ଭଳି ସୁବିଧା ରହିଛି।

୨ଜି ଗ୍ରାହକଙ୍କୁ ଆକୃଷ୍ଟ କରିବା ଲାଗି ୨୦୧୮ରେ କଂପାନି ପକ୍ଷରୁ ଜିଓଫୋନ୍ ର ଶୁଭାରମ୍ଭ କରାଯାଇଥିଲା। ବର୍ତ୍ତମାନ ୧୩ କୋଟିରୁ ଅଧିକ ଗ୍ରାହକଙ୍କ ପସନ୍ଦରେ ପରିଣତ ହୋଇଛି ଜିଓଫୋନ୍। ଜିଓ ଭାରତ ଭି୨ ଫୋନ୍‌ରୁ ମଧ୍ୟ କଂପାନି ସେଭଳି ସଫଳତା ଆଶା କରୁଛି। କଂପାନି ପକ୍ଷରୁ ଜୁଲାଇ ୭ରେ ଜିଓ ଭାରତ ଭି୨ର ବିଟା ପରୀକ୍ଷଣ ଶୁଭାରମ୍ଭ କରାଯିବ ବୋଲି ଘୋଷଣା କରାଯାଇଛି। ଜିଓ ଭାରତ ଭି୨ ଫୋନ୍‌କୁ ଦେଶର ୬୫୦୦ ତହସିଲରେ ପହଂଚାଇବାକୁ କଂପାନି ଲକ୍ଷ୍ୟ ରଖିଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

୩ ବର୍ଷରେ ଜିଓ ଗ୍ରାହକ ସଂଖ୍ୟା ୫୦ କୋଟି ପହଁଚିବ: ବର୍ଣ୍ଣଷ୍ଟିନ୍ ରିପୋର୍ଟ

ଭୁବନେଶ୍ୱର/ ନୂଆଦିଲ୍ଲୀ: ରିଲାଏନ୍ସ ଜିଓର ଗ୍ରାହକ ସଂଖ୍ୟା ୨୦୨୬ ସୁଦ୍ଧା ୫୦ କୋଟି ହୋଇଯିବ ବୋଲି ବ୍ରୋକରେଜ୍ ସଂସ୍ଥା ବର୍ଣ୍ଣଷ୍ଟିନ୍ ଏହାର ରିପୋର୍ଟରେ ଆକଳନ କରିଛି। ଏହି ରିପୋର୍ଟରେ କୁହାଯାଇଛି ଯେ, ଜିଓ ଗ୍ରାହକ ସଂଖ୍ୟା ୫୦ କୋଟି ହେବା ସହ ଗ୍ରାହକ କ୍ଷେତ୍ରରେ ଏହାର ବଜାର ଅଂଶ ବୃଦ୍ଧି ପାଇ ୪୮ ପ୍ରତିଶତ ଏବଂ ରାଜସ୍ୱ ବଜାର ଅଂଶ ପାଖାପାଖି ୪୭ ପ୍ରତିଶତ ହେବାର ସମ୍ଭାବନା ରହିଛି। ରିଲାଏନ୍ସ ଜିଓର ବର୍ତମାନ ଗ୍ରାହକ ସଂଖ୍ୟା ହେଉଛି ୪୩ କୋଟି ୩୦ ଲକ୍ଷ। ୫୦ କୋଟି ସଂଖ୍ୟାରେ ପହଁଚିବା ଲାଗି ଜିଓକୁ ଆସନ୍ତା ୩ ବର୍ଷରେ ପ୍ରାୟ ୬ କୋଟି ୭୦ ଲକ୍ଷ ନୂଆ ଗ୍ରାହକ ଯୋଡ଼ିବାକୁ ପଡ଼ିବ।

ରିପୋର୍ଟରେ କୁହାଯାଇଛି ଯେ, ବର୍ତ୍ତମାନ ମୋବାଇଲ୍ ଟାରିଫ୍‌ରେ ସେଭଳି କୌଣସି ବୃଦ୍ଧି ହେବନାହିଁ। ୨୦୧୬ରେ ଜିଓ ବଜାରରେ ପ୍ରବେଶ କରିବା ବେଳେ ଟାରିଫ୍ ମୂଲ୍ୟରେ ଦ୍ରୁତ ହ୍ରାସ ଘଟିଥିଲା। ଟେଲିକମ୍ କଂପାନିଗୁଡ଼ିକ ମଧ୍ୟରେ ତୀବ୍ର ପ୍ରତିଦ୍ୱନ୍ଦ୍ୱିତା ପାଇଁ ଟାରିଫ୍ ମୂଲ୍ୟ ପ୍ରାୟ ୯୫ ପ୍ରତିଶତ ହ୍ରାସ ପାଇଥିଲା। ୨୦୨୬ ସୁଦ୍ଧା ଜିଓର ଗ୍ରାହକ ପିଛା ମାସିକ ହାରାହାରି ରାଜସ୍ୱ (ଆର୍‌ପୁ) ୨୨୫ ଟଙ୍କାରେ ପହଁଚିବ ବୋଲି ରିପୋର୍ଟରେ ଆକଳନ କରାଯାଇଛି। ବର୍ଣ୍ଣଷ୍ଟିନ୍ ଆକଳନ କରିଛି ଯେ ୫ଜି ଯୋଗୁଁ ଜିଓ ଲାଗି ରାଜସ୍ୱର ନୂଆ ରାସ୍ତା ଖୋଲିବ ଏବଂ ଏହିଭଳି ଭାବେ ଆର୍‌ପୁରେ ମଧ୍ୟ ବୃଦ୍ଧି ଘଟିବ।