ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଖୁଣ୍ଟପଲ୍ଲୀ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ବିଲରେ ଧାନ ଚୁରାଉଥିବା ବେଳେ ମେସିନରେ ଗୋଡ଼ ଫସିଯିବାରୁ ଜଣେ ଯୁବକ ଗୁରୁତର ଆହତ ହୋଇଛନ୍ତି।
ଖବର ମୁତାବକ ଆଜି ପୂର୍ବାହ୍ନରେ ଖୁଣ୍ଟପଲ୍ଲୀ ଗ୍ରାମର କୈଳାଶ ତରାଇଙ୍କ ପୁଅ ସଞ୍ଜୟ ତରାଇ ବିଲରେ ଧାନ ମେସିନ ସାହାଯ୍ୟରେ ଧାନ ଚୁରାଉଥିବା ବେଳେ ଅସାବଧାନତାବଶତଃ ତାଙ୍କ ଡାହାଣ ଗୋଡ଼ ମେସିନ ମଧ୍ୟକୁ ପଶିଯାଇଥିଲା। ସଞ୍ଜୟ ଚିତ୍କାର କରିବାରୁ ସ୍ଥାନୀୟ ଅଞ୍ଚଳବାସି ତାଙ୍କୁ ଗୁରୁତର ଅବସ୍ଥାରେ ବାଣପୁର ମେଡିକାଲରେ ଭର୍ତ୍ତି କରିଥିଲେ। ତେବେ ସଞ୍ଜୟଙ୍କ ଅବସ୍ଥା ସଂକଟାପନ ଥିବାରୁ ତାଙ୍କୁ ବ୍ରହ୍ମପୁରସ୍ଥିତ ଏମକେସିଜି ମେଡିକାଲ ସ୍ଥାନାନ୍ତରିତ କରାଯାଇଥିବାର ଜଣାପଡିଛି।
