ସୀତାରାମ ଅଗ୍ରୱାଲ
ବାଣପୁର: ବାଣପୁର ଏନଏସି ୮ ନମ୍ବର ୱାର୍ଡ ଦୀର୍ଘ ଦିନ ଧରି ଅନ୍ଧକାରରେ ରହିଥିବା ବେଳେ ଏଥିପ୍ରତି କାହାର ନିଘା ନାହିଁ। ଏହି ୱାର୍ଡ ଅନ୍ତର୍ଗତ ବଜାର ସାହି ଏକ ଗୁରୁତ୍ୱପୂର୍ଣ୍ଣ ଅଞ୍ଚଳ ହୋଇଥିବା ବେଳେ ଏଠାରେ ଏକାଧିକ ବ୍ୟବସାୟିକ ପ୍ରତିଷ୍ଠାନଗୁଡିକ ଅଛି। ଏବଂ ଏହି ରାସ୍ତା ସିଧା ମା’ ଭଗବତୀଙ୍କ ମନ୍ଦିରକୁ ଯୋଡିଥାଏ। ସନ୍ଧ୍ୟା ହେଲେ ବଜାର ସାହି ଅନ୍ଧକାରମୟ ହୋଇ ରହୁଛି ଫଳରେ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଉଛି। ୱାର୍ଡରେ ଲାଗିଥିବା ଷ୍ଟ୍ରିଟ ଲାଇଟ ସବୁ ଅଚଳ ହୋଇଯାଇଛି।
ତେବେ ଏ ନେଇ ସ୍ଥାନୀୟ କାଉନସିଲର ସସ୍ମିତା ପୃଷ୍ଟିଙ୍କୁ ପଚାରିବାରୁ ସେ ଏନଏସି କର୍ତ୍ତୃପକ୍ଷ ଏବଂ ଅଧ୍ୟକ୍ଷଙ୍କୁ ପାଖାପାଖି ୨୫ ଥର ଉକ୍ତ ସମସ୍ୟା ବିଷୟରେ ଅବଗତ କରିବାପରେ ମଧ୍ୟ ଏହାର ପ୍ରତିକାର ପାଇଁ କୌଣସି ପଦକ୍ଷେପ ନିଆଯାଉନାହିଁ। ତେବେ ୮ ନମ୍ବର ୱାର୍ଡର କାଉନସିଲର ବିରୋଧୀ ବିଜେପି ଦଳର ହୋଇଥିବାରୁ ତାଙ୍କ ୱାର୍ଡର ସମସ୍ୟାକୁ ଜାଣିଶୁଣି ଉପେକ୍ଷା କରାଯାଉଥିବାର କହିଛନ୍ତି କାଉନସିଲର ଶ୍ରୀମତୀ ପୃଷ୍ଟି।
ତେବେ ଶାସକ ବିରୋଧୀ ଦଳ କଳିରେ ସାଧାରଣ ନାଗରିକମାନେ ହଇରାଣ ହେଉଥିବା
ବେଳେ ତୁରନ୍ତ ଉକ୍ତ ୱାର୍ଡର ଷ୍ଟ୍ରିଟ ଲାଇଟ କାର୍ଯ୍ୟକ୍ଷମ କରିବାକୁ ସାଧାରଣରେ ଦାବି ହେଉଛି।
