ବାଣପୁର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିବସ ଉପଲକ୍ଷେ ସେପ୍ଟେମ୍ବର ୧୭ ତାରିଖରୁ ଅକ୍ଟୋବର ୨ତାରିଖ ପର୍ଯ୍ୟନ୍ତ ବିଜେପି ପକ୍ଷରୁ ସେବାପକ୍ଷ ପାଳନ କରାଯାଉଛି। ଏହି ଉପଲକ୍ଷେ ଚିଲିକା ବିଜେପି ତରଫରୁ ବୃକ୍ଷରୋପଣ, ରକ୍ତଦାନ ଓ ସ୍ୱାସ୍ଥ୍ୟ ଶିବିରର ଆୟୋଜନ ଜାରିରହିଛି।
ଏହି ପରିପ୍ରେକ୍ଷୀରେ ଆଜି ବିଜେପି ବିରଜାଈ ମଣ୍ଡଳ ତରଫରୁ ମଣ୍ଡଳ ସଭାପତି ତଥା ଭେଟେଶ୍ୱର ସରପଞ୍ଚ ସାବିତ୍ରୀ ଭୋଳଙ୍କ ତତ୍ୱାବଧାନରେ ବିଧାରପୁରଠାରେ ଥିବା ଶୁଭମଙ୍ଗଳ କଲ୍ୟାଣ ମଣ୍ଡପ ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଉକ୍ତ ରକ୍ତଦାନ ଶିବିରକୁ ଆନୁଷ୍ଠାନିକ ଭାବେ ଖୋର୍ଦ୍ଧା ଜିଲ୍ଲା ବିଜେପି ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନ ଏବଂ ପୂର୍ବତନ ମଣ୍ଡଳ ସଭାପତି ତଥା ବରିଷ୍ଠ ସଂଗଠକ ଜିତେନ୍ଦ୍ର କୁମାର କୁମାର ଭୋଳ ଉଦଘାଟନ କରିଥିବା ବେଳେ ବିଜେପି ର ବହୁ ପୁରୁଖା ନେତା ଉପସ୍ଥିତ ଥିଲେ।
ଜିତେନ୍ଦ୍ର ଭୋଳଙ୍କ ନିବେଦନ କ୍ରମେ ମଣ୍ଡଳର ବହୁ ଯୁବକଙ୍କ ସହ ବାଣପୁର ଅଞ୍ଚଳର ପ୍ରାୟ ୩୭ ଜଣ ରକ୍ତଦାତା ରକ୍ତଦାନ କରିଥିଲେ। ଭୁବନେଶ୍ୱର କ୍ୟାପିଟାଲ ଡାକ୍ତରଖାନାର ରକ୍ତ ଭଣ୍ଡାରର ଡାକ୍ତର ଦେବାଶିଷ ମିଶ୍ରଙ୍କ ସମେତ ୧୧ଜଣ କର୍ମଚାରୀ ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରିଥିଲେ। ସମସ୍ତ ରକ୍ତଦାତାଙ୍କୁ ମଣ୍ଡଳ ସଭାପତି ସାବିତ୍ରୀ ଭୋଳ ଧନ୍ୟବାଦ ଜ୍ଞାପନ କରିଛନ୍ତି।