ରେଢ଼ାଖୋଲ (କନ୍ଦର୍ପ ବେହେରା): ନାକଟିଦେଉଳ ବନାଞ୍ଚଳର ରେଞ୍ଜ କାର୍ଯ୍ୟାଳୟ ଠାରେ ଜଙ୍ଗଲ ନିଆଁ ନିରାକରଣ ଓ ନିରାକରଣ ଉପରେ ଏକ ସଚେତନତା ସଭା ଅନୁଷ୍ଠିତ ହୋଇଯାଇଛି। ନାକଟିଦେଉଳ ରେଞ୍ଜର ବନାଞ୍ଚଳ ଅଧିକାରୀ ଅଶ୍ବିନୀ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ସଚେତନତା ସଭାରେ, ଅବସରପ୍ରାପ୍ତ କୃଷି କ୍ଷେତ୍ର ପରିଦର୍ଶନ ଅଧିକାରୀ ନାରାୟଣ ସାହୁ, ବାପୁଜୀ ଉଚ୍ଚ ମାଧ୍ୟମିକ ବିଦ୍ୟାଳୟ ର ସହକାରୀ ଶିକ୍ଷକ ହଳଧର ସାହୁ, ବାଟଗାଁ ଉଚ୍ଚ ମାଧ୍ୟମିକ ବିଦ୍ୟାଳୟ ର ରାଜନୀତି ବିଜ୍ଞାନବିଭାଗର ଅଧ୍ୟାପକ ପ୍ରଫୁଲ୍ଲ କୁମାର ପ୍ରଧାନ, ବାଟଗାଁ ଫରେଷ୍ଟର ମନୋରଞ୍ଜନ ପ୍ରଧାନ ପ୍ରମୁଖ ଯୋଗଦେଇ ଜଙ୍ଗଲରେ କିପରି ନିଆଁ ଲାଗିବ ନାହିଁ, ଜଙ୍ଗଲର ଉପକାରିତା ଆଦି ସମ୍ପର୍କରେ ବକ୍ତବ୍ୟ ରଖି ଥିଲେ। ବନାଗ୍ନୀ ନିୟନ୍ତ୍ରଣ ପାଇଁ ନିଆଯାଉଥିବା ବିଭିନ୍ନ ପଦକ୍ଷେପ ଉପରେ ଆଲୋକପାତ କରିଵା ସହିତ ବନାଗ୍ନୀରେ ସଂଶ୍ଲିଷ୍ଟ ଥିବା ବ୍ୟକ୍ତି ଙ୍କ ଉପରେ କି ପ୍ରକାର ଆଇନ ସଙ୍ଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତା ଉପରେ ବିଷଦ ଆଲୋଚନା କରିଥିଲେ।
ନାକଟିଦେଉଳ ରେଞ୍ଜର ବନସଂରକ୍ଷଣ ସମିତିର ସଭ୍ୟ ସଭ୍ୟା, ଗ୍ରାମବାସୀ, କେନ୍ଦୁପତ୍ର ବନାଞ୍ଚଳର ବନପାଳ, ବନରକ୍ଷୀ ତଥା ବନକର୍ମଚାରି ଯୋଗ ଦେଇ ଥିଲେ। ନାକଟିଦେଉଳ ଫରେଷ୍ଟର ଅରୁଣ କୁମାର ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ।