ବାଣପୁର: ଗୋଦାବରୀଶ ମହାବିଦ୍ୟାଳୟରେ ଅଧ୍ୟକ୍ଷ ସୁରପ୍ରତାପ ନରେନ୍ଦ୍ର ସିଂ ବର୍ମାଙ୍କ ସଭାପତିତ୍ୱରେ ଶେଷ ବର୍ଷ ଏନ. ସି. ସି. କ୍ୟାଡେଟ ମାନଙ୍କ ନିମନ୍ତେ ବିଦାୟକାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ଏହି ସଭାରେ ନିମନ୍ତ୍ରିତ ଅତିଥି ରୂପେ ବୈରାଗୀ ଚରଣ ବଳ, ରଣପୁର ମହାବିଦ୍ୟାଳୟର ଏନ. ସି. ସି ଅଫିସର ଭାଗ୍ୟ ଧର ସ୍ୱାଇଁ ଓ଼ ଗୋଦାବରୀଶ ମହାବିଦ୍ୟାଳୟର ପ୍ରଶାସନିକ ଅଧିକାରୀ ଆଦିତ୍ୟ ସାରଥୀ ବେଦମତ୍ତା ଓ଼ ଆବାହକ କ୍ୟାପଟେନ ଡ଼ଃ ଗୁରୁକିଶୋର ନାୟକ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଦେଶ ସେବାରେ ନିଜକୁ ନିୟୋଜିତ କରିବାକୁ ଉତ୍ସାହ ପ୍ରଦାନ କରିଥିଲେ।
କ୍ୟାପଟେନ ଗୁରୁକିଶୋର ନାୟକ ଅଧକ୍ଷ ଓ଼ ଅତିଥି ମାନଙ୍କୁ ମାନପତ୍ର, ଉତ୍ତରୀୟ ଓ଼ ପୁଷ୍ପ ଗୁଚ୍ଛ ପ୍ରଦାନ କରିଥିଲେ।ପ୍ରଥମ ଓ଼ ଦ୍ୱତୀୟ ବର୍ଷର କ୍ୟାଡେଟମାନେ ଶେଷ ବର୍ଷ କ୍ୟାଡେଟମାନଙ୍କ ଉଦ୍ଦେଶ୍ୟରେ ନିଜ ନିଜ ସ୍ମୃତି ବର୍ଣ୍ଣନା କରିଥିଲେ।
ଶେଷ ବର୍ଷ କ୍ୟାଡେଟ ମାନେ ସାନ ଭାଇ ଓ଼ ଭଉଣୀ ମାନଙ୍କୁ ଉତ୍ତମ ନାଗରିକ ହେଵା ସହ ଅନୁଷ୍ଠାନର ପ୍ରତ୍ୟେକ କାର୍ଯ୍ୟରେ ସାହାଯ୍ୟ ସହୋଯାଗ କରିବାକୁ ପ୍ରେରଣା ପ୍ରଦାନ କରିଥିଲେ। ଧନ୍ୟବାଦ ପ୍ରଦାନ କରାଯିବା ପରେ ସଭା ସାଙ୍ଗ ହୋଇଥିଲା। ପରିଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।