ଚ଼ିଲିକା: ଆଜି ଚ଼ିଲିକା ନିର୍ବାଚନ ମଣ୍ଡଳୀ ଅନ୍ତର୍ଗତ ହାଟବରଡ଼ିହ ସ୍ଥିତ ଚ଼ିଲିକା ସରକାରୀ ଉଚ୍ଚ ବିଦ୍ୟାଳୟର ୫୦ତମ ପ୍ରତିଷ୍ଠା ଦିବସ ଉତ୍ସବ ସମାରୋହରେ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ଯୋଗଦେଇ ସଭାକୁ ସମ୍ବୋଧିତ କରିଛନ୍ତି।
ଶିକ୍ଷାନୁଷ୍ଠାନର ୫୦ ବର୍ଷର ଗୌରବମୟ ଯାତ୍ରା କେବଳ ସମୟର ହିସାବ ନୁହେଁ,ବରଂ ଏହା ଅସଂଖ୍ୟ ସ୍ୱପ୍ନ, ସାଧନା,ସଫଳତା ଏବଂ ସମାଜ ଗଠନର ଏକ ସ୍ୱର୍ଣ୍ଣିମ ଇତିହାସ। ଏହି ବିଦ୍ୟାଳୟ ଦୀର୍ଘ ପାଞ୍ଚ ଦଶନ୍ଧି ଧରି ଅଞ୍ଚଳର ଶିକ୍ଷାର ବିକାଶ ସହିତ ଅନେକ ମେଧାବୀ, ଦାୟିତ୍ୱବାନ ନାଗରିକ ସୃଷ୍ଟି କରି ଅଞ୍ଚଳର ଗର୍ବକୁ ଆହୁରି ସମୃଦ୍ଧ କରିଆସିଛି।
ଉତ୍ତମ ସଂସ୍କାର,ଚରିତ୍ର ଗଠନ, ଗୁଣାତ୍ମକ ମାନଯୁକ୍ତ ଶିକ୍ଷାଦାନ ସହିତ ଛାତ୍ରଛାତ୍ରୀ ମାନଙ୍କର ଶାରୀରିକ, ମାନସିକ ତଥା ବୌଦ୍ଧିକ ବିକାଶକୁ ଗୁରୁତ୍ୱ ଦେବା ପାଇଁ ମାନ୍ୟବର ମନ୍ତ୍ରୀ ଶ୍ରୀ ହରିଚନ୍ଦନ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ପରାମର୍ଶ ଦେବା ସହ ଛାତ୍ରଛାତ୍ରୀ ମାନଙ୍କୁ ନିଷ୍ଠା, ଏକାଗ୍ରତା ଓ ସମୟାନୁବର୍ତ୍ତିତା ହୋଇ ପାଠ ପଢିବାକୁ ଆହ୍ୱାନ କରିଛନ୍ତି।
ଲୋକଙ୍କ ସରକାର ଶିକ୍ଷାର ଗୁଣାତ୍ମକ ବିକାଶ,ବିଦ୍ୟାଳୟର ଭିତ୍ତିଭୂମିର ଉନ୍ନତି ଏବଂ ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତ ଗଠନ ପାଇଁ ସଦା ପ୍ରତିବଦ୍ଧ।
ଏହି ଅବସରରେ ଚ଼ିଲିକା ବ୍ଲକ ଅଧ୍ୟକ୍ଷା ଜ୍ୟୋସ୍ନା ବେହେରା, ବାଣପୁର ବ୍ଲକ ଅଧ୍ୟକ୍ଷ ଅମରେନ୍ଦ୍ର ରଣସିଂହ, ଚ଼ିଲିକା ବ୍ଲକ ସାଂସଦ ପ୍ରତିନିଧି ଦୀନବନ୍ଧୁ ସାହୁ,ବିଶିଷ୍ଟ ସମାଜସେବୀ ପ୍ରଫୁଲ୍ଲ ବାରିକ,ହାଟବରଡ଼ିହ ଗ୍ରା:ପର ସରପଞ୍ଚ ହୁଲ୍ଲାସ ବେହେରା, ଚିଲିକା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ପ୍ରଦ୍ୟୁମ୍ନ ପରିଡ଼ା,ବିରିବାଡ଼ି ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ କୁନା ମହନ୍ତଙ୍କ ସମେତ ବିଶିଷ୍ଟ ବ୍ୟକ୍ତିବିଶେଷ ପ୍ରମୁଖ ଉପସ୍ଥିତ ଥିଲେ।