ସମୀକ୍ଷା ବ୍ୟୁରୋ
କୁଜଙ୍ଗ,01/01 : କୁଜଙ୍ଗ ବ୍ଳକ ଅନ୍ତର୍ଗତ ମଙ୍ଗରାଜପୁର ଷ୍ଟାଡିୟମରେ 24 ତମ ନେତାଜୀ କପ ଫୁଟବଲ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ନେତାଜୀ ଆଥେଲେଟିକ୍ ଆସୋସିଏସନ୍ ଆନୂକୁଲ୍ୟରେ ଆୟୋଜିତ ଟୁର୍ଣ୍ଣାମେଣ୍ଟକର ଉଦ୍ଘାଟନୀ ମ୍ୟାଚରେ ମୟୁରଭଞ୍ଜ ଫୁଟବଲ୍ ଦଳକୁ 3-1ଗୋଲ୍ ବ୍ୟବଧାନରେ ପରାସ୍ତ କରି ନିମେଇଶାପୁର କଟକ ଦଳ ସେମିଫିନାଲ ପର୍ଯ୍ୟାଳୟକୁ ଉନ୍ନୀତ ହୋଇଛି । ସେହିପରି 2ୟ ମ୍ୟାଚ୍ରେ ସାଲେପୁରକୁ ପରାସ୍ତ କରି ପାରାଦ୍ୱୀପ ସେମିରେ ପହଞ୍ଚିଛି । ଟ୍ରାଇବେକର ଜରିଆରେ 4-1 ଗୋଲ ବ୍ୟବଧାନରେ ପରାସ୍ତ କରି ସେମିଫାଇନାଲ ପର୍ଯ୍ୟାକୁ ପ୍ରବେଶ କରିଛି । ନେତାଜୀ ଆସୋସିଏସନ୍ ସଭାପତି ପ୍ରଦୀପ୍ତ କୁମାର ଦାସ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ତୈଳବିଶୋଧାନାଗର ପ୍ରକଳ୍ପର ସଜିଏମ୍ ଅରୂପ କୁମାର ଭଗବତୀ ମୁଖ୍ୟ ଅତିଥି ରୂପେ ଯୋଗଦେଇଥିଲେ । ଅନ୍ୟତମ ଅତିଥି ଭାବେ ତୈଳବିଶୋଧାନାଗର ଡିଜିଏମ୍ ଜିକେ ସାହୁ, ପୂର୍ବତନ ସାଂସଦ ତଥା ମଙ୍ଗରାଜପୁର ଷ୍ଟାଡିୟମର ନିର୍ମାତା ଡାକ୍ତର କୁଳମଣି ସାମଲ, ପୂର୍ବତନ ସାଂସଦ ଡ. ବିଭୂ ପ୍ରସାଦ ତରାଇ, ବିଜେପି ଜିଲ୍ଲା ଯୁବମୋର୍ଚ୍ଚା ସଭାପତି ସମ୍ପଦ ସ୍ୱାଇଁ ଯୋଗଦେଇ ବକ୍ତବ୍ୟ ପ୍ରଦାନ କରିବା ସହ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ ଖୋଳାଳି ନିମାଇଁ ଚରଣ ପଣ୍ଡା, କୁଳମଣି ତରାଇ, ଆସୋସିଏସସନର ସାଧାରଣ ସମ୍ପାଦକ ବିପିନ କୁମାର ତ୍ରିପାଠୀ ଉପସ୍ଥିତ ଥିଲେ । ସମ୍ପାଦକ ଦୁଷ୍ମନ୍ତ ମାଝୀ ସ୍ୱାଗତ ଭାଷଣ ଓ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ । ଶିକ୍ଷାବିତ୍ ମାୟାଧର ଦାସ ସଭା ପରିଚାଳନା କରିଥିଲେ । ଆସନ୍ତା କାଲିର ମ୍ୟାଚ୍ ଆୟୋଜକ ମଙ୍ଗରାଜପୁର, ଖୋର୍ଦ୍ଧା, ଧର୍ମଶାଳା ଓ ରାଜକନିକା ମଧ୍ୟରେ ଅନୁଷ୍ଠିତ ହେବ । ଏହି କ୍ରୀଡା ପ୍ରତିଯୋଗୀତାକୁ ଉପସଭାପତି ମାନସ ତରାଇ, କୋଷାଧ୍ୟକ୍ଷ ବିନ୍ଦୁସାଗର ତରାଇ, ଗ୍ୟାନଦା ପ୍ରସାଦ ତରାଇ, ସୁଶାନ୍ତ ବେହେରା, ତପନ ତରାଇ, ପ୍ରଶାନ୍ତ ତରାଇ, ପ୍ରଦୀପ୍ ପରିଡା, ଅମର ପରିଡା, ଦ୍ୱୀବେନ୍ଦୁ ହାତୀ, ଚନ୍ଦନ ସାମଲ, ବଂଟି ସ୍ୱାଇଁ, ଚିନ୍ମୟ ପ୍ରସାଦ ରାଉତ, ବୁଟୁପ୍ରସାଦ ସ୍ୱାଇଁ ଓ ଜଟାଧାରୀ ଦାସ,ସୂଦର୍ଶନ ତରାଇ, କୁମରବର ତରାଇ, ପ୍ରମୁଖ ପରିଚାଳନା କରିଥିଲେ ।
