Author: Samikhsya Bureau

ଭୁବନେଶ୍ୱର: ପାରମ୍ପରିକ କୃଷିରୁ ଆଗକୁ ଆସି ଏବେ କମ୍‍ ଜମିରେ ସୁରକ୍ଷିତ ଚାଷକାର୍ଯ୍ୟ ସହିତ ଅଧିକ ଫସଲ ଅମଳ ଅଗ୍ରାଧିକାର ବିଷୟ ହୋଇଛି। ଏଭଳି ପରିସ୍ଥିତିରେ ଚାଷୀଙ୍କୁ କୃଷିକାର୍ଯ୍ୟ ସମ୍ପର୍କରେ ସଠିକ ଓ ସମୟୋପଯୋଗୀ ସୂଚନା ପ୍ରଦାନ କରାଯିବା, ସମୟାନ୍ତରରେ ସେମାନଙ୍କୁ ଉଚିତ ମାର୍ଗଦର୍ଶନ କରାଯିବାର ଆବଶ୍ୟକତା ରହିଛି। ଏହାର ଅଭାବରେ ଫସଲ ହାନି ଘଟିବା ସହିତ ଚାଷୀ ଋଣକରି ଚାଷରେ ଲଗାଇଥିବା ପୁଞ୍ଜି ଫେରିପାଇବା ଅସମ୍ଭବ ହୋଇପଡେ। ଏ ଦିଗରେ ସରକାରୀ ଓ ବିଭିନ୍ନ ଅଣ ସରକାରୀ ସଂଗଠନ ପକ୍ଷରୁ ଉଦ୍ୟମ ଜାରି ରହିଥିବାବେଳେ ରିଲାଏନ୍ସ ଫାଉଣ୍ଡେସନ ଚାଷୀଙ୍କୁ ସହାୟତା କରିବାକୁ ଆଗେଇ ଆସିଛି। ଏହାର ବିଶେଷଜ୍ଞ ପରାମର୍ଶ ସେବା ଅନେକ ଚାଷୀଙ୍କ ମୁହଁରେ ହସ ଫୁଟାଇଛି। ଏହିଭଳି ଜଣେ ଚାଷୀ ହେଉଛନ୍ତି ଅନୁଗୁଳ ଜିଲା ଛେଣ୍ଡିପଦା ବ୍ଲକ ଅନ୍ତର୍ଗତ ବରସାହି ଗ୍ରାମର ବାସିନ୍ଦା ପ୍ରଦୀପ କୁମାର ସାହୁ। ୩୩ ବର୍ଷ ବୟସ୍କ ପ୍ରଦୀପ ସାଧାରଣ କୃଷି ସହିତ ଉଦ୍ୟାନ…

ଭୁବନେଶ୍ବର: ପୁଣି ଥରେ ଭୁବନେଶ୍ବରରୁ ଜଣେ କର୍ମଚାରୀ ନିଖୋଜ ଘଟଣା ପଦାକୁ ଆସିଛି। ସେ ହେଉଛନ୍ତି ଭୁବନେଶ୍ବରର ଓକାକ ଟାୱାରରେ ଥିବା ଏକ କଲ ସେଣ୍ଟରରେ କାର୍ଯ୍ୟ କରୁଥିବା ସ୍ବାଧୀନ ବେହେରା। ଗତ 20 ତାରିଖ ସଂଧ୍ୟାରେ ଅଫିସରୁ ବାହାରିବା ପରେ କେଉଁ ଆଡେ ନିଖୋଜ ହୋଇଯାଇଛନ୍ତି। ଏ ନେଇ ତାଙ୍କ ପରିବାର ତରଫରୁ ସହୀଦନଗର ଥାନାରେ ଏକ ଏଫଆଇଆର ଦିଆଯାଇଛି। ହେଲେ ଏ ପର୍ଯ୍ୟନ୍ତ ପୋଲିସର କୌଣସି ତତ୍ପରତା ପ୍ରକାଶ ପାଇ ନାହିଁ। ଘଟଣାରୁ ଜଣାପଡିଛି ଯେ, ସ୍ବାଧୀନ ସବୁଦିନ ପରି ଗତ 20 ତାରିଖ ଶନିବାର ଦିନ କାର୍ଯ୍ୟ କରୁଥିଲେ। ତାଙ୍କର ହାବଭାବରୁ ସେପରି କୌଣସି ଟେନସନ ଥିବାର ଲକ୍ଷଣ ପ୍ରକାଶ ପାଇ ନ ଥିଲା। ସେ ରାତି 7 ଟା 55 ମିନିଟରେ ଅଫିସ ଛାଡିଥିଲେ। ସବୁଦିନ ପରି ସେ ଖଣ୍ଡଗିରି ନିକଟରେ ଥିବା ତାଙ୍କ ଭଡା ଘରକୁ ଯିବା କଥା। ହେଲେ ସେ ଦିନ ବିଳମ୍ବିତ…

ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ଭାରତୀୟ ବିମାନ ସେବାର ଲୋକତାନ୍ତ୍ରିକରଣ ହୋଇଛି, ଏହା କହିଛନ୍ତି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ। ସୋମବାର ଦିନ ଝାରସୁଗୁଡ଼ାସ୍ଥିତ ବୀର ସୁରେନ୍ଦ୍ର ସାଏ ବିମାନ ବନ୍ଦରରେ ଆୟୋଜିତ ଉଡ଼ାନ ଉତ୍ସବ ସମାରୋହରେ ଅତିଥି ଭାବେ ଯୋଗ ଦେଇ ଶ୍ରୀ ସିନ୍ଧିଆ ଏହା କହିଛନ୍ତି। ସେ କହିଥିଲେ ଯେ, ଝାରସୁଗୁଡ଼ା ବିମାନ ବନ୍ଦରର ବିକାଶ ସହଯୋଗୀ ସଂଘୀୟ ବ୍ୟବସ୍ଥାର ଏକ ଶ୍ରେଷ୍ଠ ଉଦାହରଣ ଏବଂ ଏହା ଉଡ଼ାନ ଯୋଜନାର ସବୁଠୁ ସଫଳ କାହାଣୀ। କେନ୍ଦ୍ର ଓ ରାଜ୍ୟ ସରକାର ମିଶି କାର୍ଯ୍ୟ କଲେ କିଭଳି ଚମତ୍କାର ହୋଇପାରିବ, ଏହା ତାହାର ଏକ ଉଦାହରଣ ବୋଲି କେନ୍ଦ୍ର ମନ୍ତ୍ରୀ କହିଥିଲେ। ଶ୍ରୀ ସିନ୍ଧିଆ କହିଥିଲେ ଯେ, କୋଭିଡ ମହାମାରୀ ସମୟରେ ଦେଶର ଅନ୍ୟ ବିମାନ ବନ୍ଦରଗୁଡ଼ିକରେ ଯାତ୍ରୀ ସଂଖ୍ୟା ହ୍ରାସ ପାଇଥିଲା। ମାତ୍ର ଝାରସୁଗୁଡ଼ା ବିମାନ ବନ୍ଦର ଦେଶର କେତୋଟି ହାତଗଣତି ବିମାନବନ୍ଦର…

ସୀତାରାମ ଅଗ୍ରୱାଲ ଚିଲିକା: ଚିଲିକାରେ ସପ୍ତାହବ୍ୟାପି ଚାଲିଥିବା ସର୍ବଭାରତୀୟ ଏନସିସି ନୌଚାଳନା ପ୍ରତିଯୋଗିତା ଆଜି ଶେଷ ହୋଇଛି। ଏନସିସି ନିର୍ଦ୍ଦେଶାଳୟ, ଓଡ଼ିଶା ଶାଖା ପକ୍ଷରୁ ଉକ୍ତ ପ୍ରତିଯୋଗିତାର ଆୟୋଜନ କରାଯାଇଥିଲା। ତେବେ ଉକ୍ତ ପ୍ରତିଯୋଗିତାରେ ଓଡ଼ିଶା ଟିମ ବିଜୟୀ ହୋଇଥିବା ବେଳେ ପଂଜାବ ଟିମ ରନର୍ସ ଅପ ହୋଇଛି। ଆଜି ଅପରାହ୍ନରେ ଏକ ପୁରସ୍କାର ବିତରଣୀ ଉତ୍ସବର ଆୟୋଜନ କରାଯାଇଥିଲା। ଯେଉଁଥିରେ ମୁଖ୍ୟ ଅତିଥି ଭାବେ ଏନସିସି ଡ଼ିଜି ବ୍ରିଗେଡ଼ିଅର ଅଜୟ କୁମାର ମହାଜନ ମୁଖ୍ୟ ଅତିଥି ଭାବେ ଯୋଗଦେଇ ବିଜୟୀ ଓଡ଼ିଶା ଟିମକୁ ପୁରସ୍କାର ପ୍ରଦାନ କରିଥିଲେ। ଏହି ଅବସରରେ ଓଡିଶା ଏନସିସିର ଡେପୁଟି ଡାଇରେକ୍ଟର ଜେନେରାଲ, କମୋଡ଼ର ସୋମେନ ବାନାର୍ଜୀ ସମସ୍ତ ପ୍ରତିଯୋଗୀମାନଙ୍କୁ ଅଭିନନ୍ଦନ ଜଣାଇବା ସହ ଉକ୍ତ ପ୍ରତିଯୋଗିତା ନିମନ୍ତେ ଚିଲିକାରେ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇଦେବା ନିମନ୍ତେ ଆଇଏନଏସ ଚିଲିକାର କମାଣ୍ଡିଙ୍ଗ ଅଫିସର କମୋଡ଼ର ପ୍ରଦୀପ କୁମାରଙ୍କୁ ଧନ୍ୟବାଦ ଜଣାଇଥିଲେ। ସୂଚନା ଥାଉକି ଚିଲିକା…

ଭୁବନେଶ୍ୱର: ଆଜି ପୂର୍ବାହ୍ନରେ ହିନ୍ଦ୍ ମଜଦୁର ସଭା ରାଜ୍ୟ କାର୍ଯ୍ୟାଳୟରେ ମହିଳା କମିଟିର ଏକ ବୈଠକ ରାଜ୍ୟ ସଭାନେତ୍ରୀ ଲକ୍ଷ୍ମୀ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ରାଜ୍ୟରେ ସରକାରୀ ଓ ବେସରକାରୀ ନିଯୁକ୍ତି କ୍ଷେତ୍ରରେ ମହିଳାମାନଙ୍କ ପାଇଁ ୫୦ ପ୍ରତିଶତ ସଂରକ୍ଷଣ କରିବା ଏବଂ ମହିଳାମାନଙ୍କ ପାଇଁ ଏକ ସ୍ୱତନ୍ତ୍ର ବାଟାଲିୟନ ପ୍ରତିଷ୍ଠା କରିବା ପାଇଁ ସର୍ବସମ୍ମତ ମତପ୍ରକାଶ ପାଇଥିଲା। ଏତଦ୍‌ବ୍ୟତୀତ ଅନ୍ୟ ଏକ ପ୍ରସ୍ତାବରେ କେନ୍ଦ୍ର ସରକାର ୩ଟି କଳା କୃଷି ଆଇନକୁ ବାତିଲ୍ କରିବା ପାଇଁ ଘୋଷଣା କରିଥିଲେ ମଧ୍ୟ ଆନ୍ଦୋଳନ ସମୟରେ ପ୍ରାଣବଳୀ ଦେଇଥିବା କୃଷକ ନେତାମାନଙ୍କୁ ଶହୀଦ ଭାବେ ଘୋଷଣା କରିବା ଓ ପ୍ରତ୍ୟେକଙ୍କ ପରିବାରକୁ ଏକକୋଟି ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରିବା ପାଇଁ ଦାବୀ କରାଯିବା ସଙ୍ଗେ ସଙ୍ଗେ ନୂତନ ଶ୍ରମିକ ବିରୋଧୀ କୋଡ୍‌କୁ ବାତିଲ୍ କରିବା ପାଇଁ ବୈଠକରେ କେନ୍ଦ୍ର ସରକାରଙ୍କ ନିକଟରେ ଦାବୀ କରାଯାଇଛି। ଏହି ବୈଠକରେ ହିନ୍ଦ୍…

ଭୁବନେଶ୍ୱର: ଯାହା ହୃଦ୍‍ବୋଧ ଓଡିଶା ବିଜେପି ଏବଂ ଏହାର ରାଜ୍ୟ ସଭାପତି ସମୀର ମହାନ୍ତି ଓଡିଶାର ଦୁର୍ବଳ ଶ୍ରେଣୀର ଲୋକଙ୍କ ସହିତ ନାହାନ୍ତି। କାରଣ ଗରିବ କଲ୍ୟାଣ ଅନ୍ନ ଯୋଜନାକୁ ଆଉ ୮ମାସ ପାଇଁ ବଢାଇବା ସକାଶେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଚିଠି ଲେଖିଛନ୍ତି, ତାହା ଉପରେ ସେ ଆପତ୍ତି ଉଠାଇ ନଥାନ୍ତେ ବୋଲି କହିଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି। ରାଜ୍ୟ ବିଜେପି ସଭାପତିଙ୍କୁ ଜବାବ ଦେଇ ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି ଯେ କୋଭିଡ ମହାମାରୀ ଯୋଗୁଁ ସମାଜର ଦୁର୍ବଳ ଶ୍ରେଣୀର ଲୋକେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି ଏବଂ ଏହି କାର୍ଯ୍ୟକ୍ରମ ଅଧୀନରେ ସେମାନଙ୍କୁ ଆଠ ମାସର ମାଗଣା ଚାଉଳ ଯୋଗାଇବା ପାଇଁ ଓଡିଶାର ମାନ୍ୟବର ମୁଖ୍ୟମନ୍ତ୍ରୀଙ୍କ ଅନୁରୋଧକୁ ରାଜ୍ୟବାସୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଓଡିଶା ବିଜେପି ଦ୍ୱାରା ସମର୍ଥନ କରାଯିବା ଉଚିତ୍‍। ଏଥିରୁ ଜଣାପଡୁଛି ଯେ ଓଡିଶା ବିଜେପି ଆଉ ଓଡିଶାର…

ଭୁବନେଶ୍ବର: ରେଳ ଯାତ୍ରୀ ମାନଙ୍କର ଦାବି ଓ ଚାହିଦାକୁ ଦୃଷ୍ଟିରେ ରଖି ୦୮୪୩୯/୦୮୪୪୦ ପୁରୀ-ପାଟନା-ପୁରୀ ବିଶେଷ ଟ୍ରେନ ସେବାକୁ ଡିସେମ୍ବର ମାସ ଶେଷ ସପ୍ତାହ ପର୍ଯ୍ୟନ୍ତ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ପୁରୀ ଠାରୁ ପ୍ରତି ଶନିବାର ଅପରାହ୍ନ ୨ଘ.୫୫ମି. ରେ ଛାଡୁଥିବା ୦୮୪୩୯ ପୁରୀ-ପାଟନା ସ୍ପେଶାଲ୍ ଡିସେମ୍ବର ୨୫ ତାରିଖ ୨୦୨୧ ପର୍ଯ୍ୟନ୍ତ ଚଳାଚଳ କରିବ। ସେହିପରି ଫେରିବା ମାର୍ଗରେ, ପାଟଣା ଠାରୁ ପ୍ରତି ରବିବାର ଅପରାହ୍ନ ୧ଘ.୪୫ମି.ରେ ଛାଡୁଥିବା ୦୮୪୪୦ ପାଟନା-ପୁରୀ ସ୍ପେଶାଲ୍ ଡିସେମ୍ବର ୨୬ ତାରିଖ ୨୦୨୧ ପର୍ଯ୍ୟନ୍ତ ଚଳାଚଳ କରିବ।

ସୀତାରାମ ଅଗ୍ରୱାଲ ବାଲୁଗାଁ: ଆଜି ପୂର୍ବାହ୍ନରେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଲୁଗାଁ ନିୟନ୍ତ୍ରିତ ବଜାର କମିଟିର ନିୟମିତ କର୍ମଚାରୀମାନେ ମହଙ୍ଗାଭତ୍ତା ବୃଦ୍ଧି ଦାବିରେ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବା ସହ କାର୍ଯ୍ୟ ବନ୍ଦ ଆନ୍ଦୋଳନ ଡାକରା ଦେଇଛନ୍ତି। କର୍ମଚାରୀମାନଙ୍କ ଦାବି ମୁତାବକ ଷଷ୍ଠ ବେତନ କମିଶନ ସୁପାରିଶ ଅନୁଯାୟୀ ମହଙ୍ଗାଭତ୍ତା ବୃଦ୍ଧିପାଇ ୧୬୮ ପ୍ରତିଶତ ପହଞ୍ଚିଥିଲେ ସୁଦ୍ଧା କର୍ମଚାରୀମାନେ ଆଜିସୁଦ୍ଧା ଦୀର୍ଘ ଦଶ ବର୍ଷ ଧରି ୫୧ ପ୍ରତିଶତ ମହଙ୍ଗା ଭତ୍ତା ପାଉଛନ୍ତି। ପୂର୍ବରୁ ଏକାଧିକ ଅଧିକାରୀଙ୍କ ବଦଳି ହୋଇଥିବାସତ୍ତ୍ୱେ କେହି ବି ଉକ୍ତ ସମସ୍ୟାକୁ କର୍ଣ୍ଣପାତ କରୁନାହାନ୍ତି। ତେବେ ଗତବର୍ଷ କର୍ମଚାରୀଙ୍କ ଅନୁରୋଧ କ୍ରମେ ଖୋର୍ଦ୍ଧା ଉପଜିଲ୍ଲାପାଳ ତଥା ନିୟନ୍ତ୍ରିତ ବଜାର କମିଟି ଅଧ୍ୟକ୍ଷ ଡ଼ିଏ ଫାଇଲକୁ ତାଙ୍କ କାର୍ଯ୍ୟାଳୟର ମୁଖ୍ୟ କିରାଣୀଙ୍କୁ ତଦନ୍ତ କରିବା ପାଇଁ ନିର୍ଦ୍ଦେଶ ଦେଇଥିଲେ। କିନ୍ତୁ ଏହା ଭିତରେ ଏଗାର ମାସ ବିତିଯାଇଥିଲେ ମଧ୍ୟ ବର୍ତ୍ତମାନର କମିଟି ସମ୍ପାଦକ ଉକ୍ତ ଫାଇଲକୁ ଅଣଦେଖା କରିବା…

ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ସୋଆ କମ୍ୟୁନିଟି ରେଡିଓ ପକ୍ଷରୁ ଶନିବାର ବିଶ୍ୱ ଶିଶୁ ଦିବସ ପାଳନ ଅବସରରେ ଶିଶୁମାନେ ବିଭିନ୍ନ ପ୍ରଶ୍ନ ପଚାରିବା ଓ ଆଲୋଚନାରେ ଭାଗ ନେଇ ଗୋଟିଏ ଦିନ ପାଇଁ ରେଡିଓ ଜକିଙ୍କ ଭୂମିକା ନିଭାଇଛନ୍ତି। ଭୁବନେଶ୍ୱର ସ୍ଥିତ ଗାଇଡାନ୍ସ ଇଂଲିଶ ମିଡିୟମ୍ ସ୍କୁଲ୍‌ର ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମରେ ସୁଯୋଗ ପାଇଥିବାରୁ ବେଶ ଉତ୍ସାହିତ ହେବା ସହ କାର୍ଯ୍ୟକ୍ରମରେ ଭାଗ ନେଇଥିବା ବ୍ୟକ୍ତିମାନଙ୍କୁ ପ୍ରଶ୍ନ ପଚାରିଥିଲେ। ଅନ୍‌ଲାଇନ୍ ଓ ଅଫ୍‌ଲାଇନ୍ କ୍ଲାସ ସମ୍ପର୍କରେ ନିଜର ଅନୁଭୂତି ଆଲୋଚନା କରିବା ସହ ଧ୍ୟାନ, ସୁସ୍ଥ ଜୀବନଶୈଳୀ, ଯୋଗ ଏବଂ ମହାମାରୀ ଯୋଗୁଁ ଦୀର୍ଘ ଦିନ ଧରି ସ୍କୁଲ୍ ବନ୍ଦ ରହିବା କାରଣରୁ ଘରେ ରହିବା ସମ୍ପର୍କରେ ନିଜର ମତ ରଖିଥିଲେ। ଏହି କାର୍ଯ୍ୟକ୍ରମକୁ ସୋଆ କମ୍ୟୁନିଟି ରେଡିଓ ଏବଂ ୟୁନିସେଫ୍ ଓ କମ୍ୟୁନିଟି ରେଡିଓ ଆସୋସିଏସନ୍ ଅଫ୍ ଓଡ଼ିଶା (ସିଆର୍‌ଏଓ)ର ମିଳିତ ସହଭାଗିତାରେ ଆୟୋଜନ କରାଯାଇଥିଲା।…

ଭୁବନେଶ୍ଵର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି କନ୍ଧମାଳ ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଅଧୀନରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି। ଜିଲ୍ଲାର ୬ ଲକ୍ଷ ୫୦ ହଜାର ଲୋକ ଏହି ସୁବିଧା ପାଇବେ। ଏହାସହିତ ରାଜ୍ୟର ୧୬ଟି ଜିଲ୍ଲାର ଜନସାଧାରଣ ଏହି କାର୍ଯ୍ୟକ୍ରମରେ ସାମିଲ ହେଲେ। ଏହି ଅବସରରେ କନ୍ଧମାଳରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ୬ ଲକ୍ଷ ୫୦ ହଜାରେ ଲୋକ ସ୍ମାର୍ଟ କାର୍ଡ ପାଇବେ ବୋଲି ପ୍ରକାଶ କରି ଏହାଦ୍ବାରା ସେମାନଙ୍କର ଏକ ବଡ ସମସ୍ୟା ଦୂର ହୋଇପାରିବ ବୋଲି ମୁଖ୍ୟମନ୍ତ୍ରୀ କହିଥିଲେ। ମୁଖ୍ୟମନ୍ତ୍ରୀ କହିଲେ ଯେ, ସ୍ମାର୍ଟ ହେଲ୍‌ଥ କାର୍ଡ ଦ୍ବାରା ରାଜ୍ୟର ୯୬ ଲକ୍ଷ ପରିବାରର ସାଢେ ତିନି କୋଟି ଲୋକ ଉପକୃତ ହେବେ। ଏହାଦ୍ବାରା ଆମର ଗରିବ ଲୋକମାନେ ସ୍ବାସ୍ଥ୍ୟ ସେବା ପାଇଁ ଅନେକ ସମସ୍ୟାରୁ, ବିଶେଷକରି ଆର୍ଥିକ ସମସ୍ୟାରୁ ମୁକ୍ତ ହୋଇପାରିବେ। ଲୋକମାନେ ସ୍ବାସ୍ଥ୍ୟ ସମସ୍ୟାରେ ପଡିଲେ ଚିକିତ୍ସା ପାଇଁ…

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି କନ୍ଧମାଳ ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଅଧୀନରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି। ଜିଲ୍ଲାର ୬ ଲକ୍ଷ ୫୦ ହଜାର ଲୋକ ଏହି ସୁବିଧା ପାଇବେ। ଏହାସହିତ କନ୍ଧମାଳରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଛନ୍ତି। ଏହି ଅବସରରେ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ ପର୍ଯ୍ୟଟନ ଓ ଜୈବିକ ଫସଲ ପାଇଁ କନ୍ଧମାଳ ଜିଲ୍ଲାର ଖୁବ୍‌ ପ୍ରଶଂସା କରିଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ କନ୍ଧମାଳ ହେଉଛି ସୁନାର ଭୂମି। ଜୈବିକ ଫସଲ ବିଶେଷ କରି କନ୍ଧମାଳ ହଳଦୀ ଆଜି ସାରା ଦେଶରେ ଏକ ଲୋକପ୍ରିୟ ବ୍ରାଣ୍ଡ ଭାବରେ ପ୍ରତିଷ୍ଠା ଲାଭ କରିଛି। ଜୈବିକ ଫସଲ ପାଇଁ ଏବେ ଆଗ୍ରହ ବଢୁ ଥିବାରି ଏ କ୍ଷେତ୍ରରେ କନ୍ଧମାଳର ବହୁତ ସୁଯୋଗ ରହିଛି ବୋଲି ସେ କହିଥିଲେ। ସେହିପରି ଇକୋ-ଟୁରିଜିମ୍ ପାଇଁ ମଧ୍ୟ କନ୍ଧମାଳ ସାରା ଦେଶର ପର୍ଯ୍ୟଟକ ମାନଙ୍କ ପାଇଁ…

ସ୍ୱାସ୍ଥ୍ୟ ଟିପ୍ସ: ଅଙ୍ଗୁର ଏପରି ଏକ ଫଳ ଯାହା ସମସ୍ତେ ଖାଇବାକୁ ପସନ୍ଦ କରନ୍ତି। ଏହାକୁ ଖାଇବା ପାଇଁ ଅଧିକ ପରିଶ୍ରମ କରିବାକୁ ପଡ଼େ ନାହିଁ। ଅଙ୍ଗୁର ଋତୁକାଳୀନ ଫଳ ସହିତ ଅତ୍ୟନ୍ତ ମିଠା ଏବଂ ରସାତ୍ମକ ଫଳ। ଅନ୍ୟ ପଟେ ଅଙ୍ଗୁର ଶୁଖାଯାଇ କିସମିସ ତିଆରି କରାଯାଏ। କିସମିସ୍ ଶୁଖିଲା ଫଳ। ଅନ୍ୟ ପଟେ କିସମିସ୍ ଅଧିକାଂଶ ମିଠାର ସ୍ୱାଦ ବଢାଇବା ପାଇଁ କାମ କରେ। ଅଙ୍ଗୁରରେ ୮୦ ପ୍ରତିଶତ ଜଳ ଥାଏ। କିସମିସରେ ମାତ୍ର ୧୫ ପ୍ରତିଶତ ଜଳ ରହିଥାଏ। ଏହା ସତ୍ତ୍ୱେ କିସମିସ୍ ଅଙ୍ଗୁର ଅପେକ୍ଷା ଆଣ୍ଟିଅକ୍ସିଡାଣ୍ଟର କ୍ଷମତା ଗୁଣ ଥାଏ। ଏପରି ପରିସ୍ଥିତିରେ, ଏଠାରେ ଆମେ ଆପଣଙ୍କୁ କହିବୁ ଯେ, ଅଙ୍ଗୁର କିସମିସ୍ ମଧ୍ୟରୁ କେଉଁ ଫଳ ଆପଣଙ୍କ ସ୍ୱାସ୍ଥ୍ୟ ପାଇଁ ଭଲ। ଆସନ୍ତୁ ଜାଣିବା….. ୧- କିସମିସରେ ଅଧିକ ପରିମାଣର କ୍ୟାଲୋରୀ: କିସମିସରେ ଅଙ୍ଗୁର ଅପେକ୍ଷା ଅଧିକ କ୍ୟାଲୋରୀ ଥାଏ। ଅଙ୍ଗୁର ଶୁଖାଇ କିସମିସ୍…

ନୂଆଦିଲ୍ଲୀ:  ଆସିବା ମାତ୍ରେ ଲୋକମାନଙ୍କର କେଶ ଝଡ଼ିବା ଆରମ୍ଭ କରେ। ବାସ୍ତବରେ, ଅଧିକାଂଶ ଲୋକ ଏହି ସମସ୍ୟା ଦ୍ୱାରା ଅସୁବିଧାରେ ରୁହନ୍ତି। ବଜାରରେ ଅନେକ ପ୍ରକାରର ସୌନ୍ଦର୍ଯ୍ୟ ପଦାର୍ଥ ଉପଲବ୍ଧ ଅଛି, ଯେଉଁଥିପାଇଁ ଆପଣ କେଶ ଝଡ଼ିବା ସମସ୍ୟାରୁ ମଧ୍ୟ ମୁକ୍ତି ପାଇପାରିବେ। କିନ୍ତୁ ଏହି ଉତ୍ପାଦଗୁଡ଼ିକରୁ ପାର୍ଶ୍ୱ ପ୍ରତିକ୍ରିୟା ହେବାର ଆଶଙ୍କା ମଧ୍ୟ ଅଛି। ଏହି କ୍ଷେତ୍ରରେ, ଆପଣ ଘରୋଇ ଉପଚାର ଗ୍ରହଣ କରି ଏହି ସମସ୍ୟାରୁ ମୁକ୍ତି ପାଇପାରିବେ। ଏଥିପାଇଁ ଆପଣ ମେଥି ଏବଂ ଅଣ୍ଡା ହେୟାର ମାସ୍କ ପ୍ରୟୋଗ କରିପାରିବେ, ଆସନ୍ତୁ ଜାଣିବା ଏହାକୁ କିପରି ପ୍ରସ୍ତୁତ କରାଯାଏ। ମେଥି ହେୟାର ମାସ୍କ ପ୍ରୟୋଗ କରିବାର ଲାଭ: ମେଥିରେ ଆଇରନ, ପ୍ରୋଟିନ୍ ଏବଂ ଭିଟାମିନ୍ ସି ଥାଏ। ଯାହା କେଶ ମୂଳକୁ ଶକ୍ତିଶାଳୀ କରିଥାଏ। ଏହା ସହିତ, ଯଦି ଆପଣ ଏହାକୁ ସପ୍ତାହରେ ୨ ଦିନ ପ୍ରୟୋଗ କରନ୍ତି, ତେବେ କେଶ ଝଡ଼ିବା ସମସ୍ୟାକୁ ଏଡାଇ ଦିଆଯାଇପାରେ।…

ନୂଆଦିଲ୍ଲୀ: ପ୍ରତିବର୍ଷ ଚାଲୁଥିବା ରାମାୟଣ ଏକ୍ସପ୍ରେସରେ ଏଥର ଅନେକ ନୂତନ ବୈଶିଷ୍ଟ୍ୟ ଯୋଡା ଯାଇଛି। ଏଥର ରାମାୟଣ ଏକ୍ସପ୍ରେସ ଏକ ଡିଲକ୍ସ ଏସି ଟ୍ରେନ୍ ହେବ, ଯେଉଁଥିରେ କ୍ୟାଟରିଂ ଷ୍ଟାଫ୍ ୱେଟରଙ୍କ ପାଇଁ ଏକ ନୂଆ ଡ୍ରେସ୍ କୋଡ୍ ମଧ୍ୟ ଅନ୍ତର୍ଭୁକ୍ତ କରାଯାଇଛି। ଏଥର ୱେଟରମାନେ ଗେରୁଆ ପୋଷାକ ପିନ୍ଧିବେ ଏବଂ ଫୁଲମାଳ ପିନ୍ଧିବେ। ଏହାସହ ସେମାନେ ପଗଡି ମଧ୍ୟ ପିନ୍ଧିବେ। ପଗଡିଟି ମଧ୍ୟ ଗେରୁଆ ରଙ୍ଗର ହେବ। ଆଇଆରସିଟିସି ଅନୁଯାୟୀ, ଏଥର ପ୍ରଥମ ରାମାୟଣ ଏକ୍ସପ୍ରେସ ନଭେମ୍ବର ୭ ତାରିଖରେ ସମ୍ପୂର୍ଣ୍ଣ ବୁକିଂ ସହିତ ଯାତ୍ରା ଆରମ୍ଭ କରିଛି। ଏହା ଦ୍ୱାରା ଉତ୍ସାହିତ ହୋଇ ବର୍ତ୍ତମାନ ଦ୍ୱିତୀୟ ରାମାୟଣ ଏକ୍ସପ୍ରେସ ଟ୍ରେନ୍ ମଧ୍ୟ ଚଳାଚଳ କରିବ। ନୂତନ ଗନ୍ତବ୍ୟସ୍ଥଳ ଭାବରେ ଭଦ୍ରାଚଲମ୍ ଯୋଡି ହେଲା: ପରବର୍ତ୍ତୀ ରାମାୟଣ ଏକ୍ସପ୍ରେସ ଦିଲ୍ଲୀର ସଫଦରଜଙ୍ଗ ଷ୍ଟେସନରୁ ଆରମ୍ଭ ହୋଇ ଡିସେମ୍ବର ୧୨ ତାରିଖରେ ରମେଶ୍ୱରାମରେ ପହଞ୍ଚିବ। ଏଥର ଭଦ୍ରାଚଲମକୁ ଏକ ନୂତନ ଗନ୍ତବ୍ୟ…

ସୀତାରାମ ଅଗ୍ରୱାଲ ଚିଲିକା: ରନ୍ଧନ ଗ୍ୟାସ ଦର ବୃଦ୍ଧି ପ୍ରତିବାଦରେ ରାସ୍ତାକୁ ଓଲ୍ହାଇଛି ବିଜେଡି। ପୂର୍ବ ଘୋଷଣା ମୁତାବକ ଆଜିଠାରୁ ଆସନ୍ତା ତିନି ଦିନ ଧରି ରାଜ୍ୟର ସମସ୍ତ ଆରଡ଼ିସି ଜୋନ ଏବଂ ଏହା ଅନ୍ତର୍ଗତ ବ୍ଲକଗୁଡ଼ିକ ସମ୍ମୁଖରେ ଦଳ ପକ୍ଷରୁ ଆନ୍ଦୋଳନ କରାଯିବ। ଏହି ପରିପ୍ରେକ୍ଷୀରେ ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ବ୍ଲକ ସମ୍ମୁଖରେ ରନ୍ଧନ ଗ୍ୟାସ ଦର ବୃଦ୍ଧି ପ୍ରତିବାଦରେ ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯିବା ସହ ଏକ ପ୍ରତିବାଦ ସଭାର ଆୟୋଜନ କରାଯାଇଥିଲା। ଉକ୍ତ ପ୍ରତିବାଦ ସଭାରେ ବିଜୁ ଯୁବ, ଛାତ୍ର ଏବଂ ମହିଳା ଜନତା ଦଳର ଶହ ଶହ କର୍ମକର୍ତ୍ତା ମାନେ ସାମିଲ ହେବା ସହ କେନ୍ଦ୍ର ସରକାରକୁ ଟାର୍ଗେଟ କରିଥିଲେ। କେନ୍ଦ୍ର ସରକାର ଦର ହ୍ରାସ ନକରିବା ଯାଏଁ ଆନ୍ଦୋଳନ ଜାରି ରହିବ ବୋଲି କର୍ମୀ ମାନେ ଚେତାବନୀ ଦେଇଥିଲେ। ଅନୁରୂପଭାବେ ଚିଲିକା ବ୍ଲକ ସମ୍ମୁଖରେ ବିଜେଡ଼ିର ଶତାଧିକ କର୍ମୀ ଧାରଣାରେ…

ନୂଆଦିଲ୍ଲୀ: ତ୍ରିପୁରାରେ ପୋଲିସର ଅତ୍ୟାଚାର ଅଭିଯୋଗରେ ମମତା ବାନାର୍ଜୀଙ୍କ ପାର୍ଟି ତୃଣମୂଳ ସାଂସଦଙ୍କ ଏକ ପ୍ରତିନିଧୀ ଗୃହ ମନ୍ତ୍ରଣାଳୟ ବାହାରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଟିଏମସି ସାଂସଦମାନେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବା ପାଇଁ ସମୟ ମାଗିଛନ୍ତି। ଡେରେକ ଓ’ବ୍ରାଇନ୍, ସୁଖେନ୍ଦୁ ଶେଖର ରୟ, ଶାନ୍ତନୁ ସେନ୍, ଡୋଲା ସେନଙ୍କ ସମେତ ୧୬ ଜଣ ତୃଣମୂଳ ସାଂସଦ ଆଜି ସକାଳେ ଦିଲ୍ଲୀର ପାର୍ଟି କାର୍ଯ୍ୟାଳୟରେ ପହଞ୍ଚିଛନ୍ତି। ଗୃହ ମନ୍ତ୍ରଣାଳୟ ବାହାରେ ବିରୋଧ ବେଳେ ଟିଏମସି ସାଂସଦ ସୁଖେନ୍ଦୁ ଶେଖର ରୟ କହିଛନ୍ତି ଯେ, ତ୍ରିପୁରା ସରକାରଙ୍କୁ ବରଖାସ୍ତ କରାଯିବା ଉଚିତ। ତ୍ରିପୁରାରେ ଗୁଣ୍ଡାରାଜ ପ୍ରତିଷ୍ଠା କରାଯାଇଛି। ଆମେ ଗୃହମନ୍ତ୍ରୀଙ୍କୁ ଭେଟିବାକୁ ଚାହୁଁଥିଲୁ, କିନ୍ତୁ ସେ ଆମକୁ ସମୟ ଦେଇନାହାଁନ୍ତି। ଆମର ଟିଏମସି ଯୁବ ନେତାଙ୍କ ବିରୋଧରେ ଏକ ମିଥ୍ୟା ମାମଲା ରୁଜୁ ହୋଇଛି। ଏଥି ସହ ଟିଏମସି ସାଂସଦ ସୌଗତ ରାୟ କହିଛନ୍ତି ଯେ, ତ୍ରିପୁରାରେ ଏହି ଘଟଣା ଗଣତନ୍ତ୍ର…

ନୂଆଦିଲ୍ଲୀ: ମୋବାଇଲ୍ ଫୋନ୍ ରିଚାର୍ଜ ବର୍ତ୍ତମାନ ମହଙ୍ଗା ହୋଇଛି। ମୋବାଇଲରେ କଥାବାର୍ତ୍ତା କରି ନେଟ୍ ସର୍ଫିଂ ପାଇଁ ଆପଣଙ୍କୁ ଅଧିକ ଟଙ୍କା ଦେବାକୁ ପଡିବ। ଦେଶର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ ଭାରତୀ ଏୟାରଟେଲ୍ ମୋବାଇଲ୍ ଶୁଳ୍କକୁ 20 ରୁ 25 ପ୍ରତିଶତ ବୃଦ୍ଧି କରିବାକୁ ଘୋଷଣା କରିଛି। ନଭେମ୍ବର 26 ତାରିଖରୁ ଏହି ବୃଦ୍ଧି କାର୍ଯ୍ୟକାରୀ ହେବ। ଏହା ସହିତ, ଏୟାରଟେଲର 28 ଦିନର ବୈଧତା ସହିତ ଶସ୍ତା ପ୍ରିପେଡ୍ ମୋବାଇଲ୍ ଶୁଳ୍କ ଯୋଜନା ପୂର୍ବରୁ 79 ଟଙ୍କା ଦେବାକୁ ପଡୁଥିଲା, କିନ୍ତୁ ଶୁଳ୍କ ବୃଦ୍ଧି କରିବା ପରେ ଆପଣଙ୍କୁ 99 ଟଙ୍କା ଦେବାକୁ ପଡିବ। ସେହିଭଳି 28 ଦିନର ବୈଧତା ସହିତ 149 ଟଙ୍କା ପ୍ରିପେଡ୍ ଯୋଜନା, ବର୍ତ୍ତମାନ ଆପଣଙ୍କୁ 179 ଟଙ୍କା ଦେବାକୁ ପଡିବ। ପ୍ରିପେଡ୍ ଶୁଳ୍କ ଯୋଜନା କେତେ ମହଙ୍ଗା ହେଲା?: ଆସନ୍ତୁ ଏୟାରଟେଲର ଅନ୍ୟାନ୍ୟ ପ୍ରିପେଡ୍ ଯୋଜନାଗୁଡ଼ିକୁ ଦେଖିବା ଯାହାର ଶୁଳ୍କ ବୃଦ୍ଧି କରାଯାଇଛି।…

ନୂଆଦିଲ୍ଲୀ: ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଦ୍ଵାରା ଆଜି ବାୟୁସେନା ପାଇଲଟ ଗ୍ରୁପ କ୍ୟାପଟେନ ଅଭିନନ୍ଦନ ବର୍ଦ୍ଧମାନଙ୍କୁ ସମ୍ମାନଜନକ ବୀର ଚକ୍ର ପ୍ରଦାନ କରାଯାଇଛି। ସୂଚନାଯୋଗ୍ୟ ଯେ, ଫେବୃଆରୀ ୨୦୧୯ରେ ବାଲାକୋଟ ଏୟାର ଷ୍ଟ୍ରାଇକ୍ ସମୟରେ ପାକିସ୍ତାନର ଏକ ଯୁଦ୍ଧ ବିମାନ ଏଫ-୧୬ କୁ ଅଭିନନ୍ଦନ ତଳକୁ ଖସାଇ ଦେଇଥିଲେ। ଅବଶ୍ୟ, ଏହି ସମୟରେ ତାଙ୍କର ମିଗ୍ ୨୧ ମଧ୍ୟ ପଡିଯାଇଥିଲା ଏବଂ ପାକିସ୍ତାନ ତାଙ୍କୁ ଧରିଥିଲା। ପଡୋଶୀ ଦେଶ ଅଭିନ୍ନନ୍ଦଙ୍କୁ ତିନି ଦିନ ଧରି ବନ୍ଧକ ରଖିଥିଲା, ଯଦିଓ ଏହା ପରେ ସେ ନିରାପଦ ସହିତ ଦେଶକୁ ଫେରି ଆସିଥିଲେ। ଅଭିନ୍ଦନ ସେହି ସମୟରେ ୱିଙ୍ଗ କମାଣ୍ଡର ଥିଲେ। ତାଙ୍କର ଉତ୍ସାହ ପାଇଁ ରାଷ୍ଟ୍ରପତି ତାଙ୍କୁ ଆଜି ବୀର ଚକ୍ର ପୁରସ୍କାର ପ୍ରଦାନ କରିଛନ୍ତି।

ସୀତାରାମ ଅଗ୍ରୱାଲ ଟାଙ୍ଗୀ: ମାରଣା ହାତୀକୁ ଟ୍ରାଙ୍କୁଲାଇଜ୍ ବେଳେ ଅଘଟଣ ଘଟିଛି। ମାରଣା ହାତୀ ବେକରେ ରେଡିଓ କଲାର ଲଗାଇବା ପାଇଁ ଟ୍ରାଙ୍କୁଲାଇଜ୍ କରାଯିବା ବେଳେ ହାତୀର ପାଲଟା ଆକ୍ରମଣରେ ଫରେଷ୍ଟର ସହ ୪ ଆହତ ହୋଇଛନ୍ତି। ସମସ୍ତ ଆହତଙ୍କୁ ଚିକିତ୍ସା ପାଇଁ ଭୁବନେଶ୍ଵର ସ୍ଥାନାନ୍ତର କରାଯାଇଛି। ଖୋର୍ଦ୍ଧା ବନ ଖଣ୍ଡ ଟାଙ୍ଗୀ ରେଂଜ୍ ଗୟାବନ୍ଧ ନିକଟ ମୁଣ୍ଡା ଆମ୍ବ ଜଙ୍ଗଲରେ ଏଭଳି ଅଭାବନୀୟ ଘଟଣା ଘଟିଛି। ସୂଚନା ଅନୁଯାୟୀ, ଟାଙ୍ଗୀ ବନ ଖଣ୍ଡରେ ହାତୀ ଉପଦ୍ରବ ବଢୁଥିବାରୁ ହାତୀ ସୁରକ୍ଷା ଓ ଗତିବିଧି ଉପରେ ନଜର ରଖିବା ପାଇଁ ପ୍ରୟାସ କରାଯାଉଥିଲା। ବନ ବିଭାଗ ପକ୍ଷରୁ ଗୋଟିଏ ହାତୀ ବେକରେ ରେଡିଓ କଲାର ଲଗାଇବା ପାଇଁ ଟ୍ରାଙ୍କୁଲାଇଜ୍ କରାଯାଇଥିଲା।  ଟ୍ରାଙ୍କୁଲାଇଜ୍ ବେଳେ ହାତୀ ପାଲଟା ଆକ୍ରମଣ କରିବାରୁ ଜଣେ ଫରେଷ୍ଟର ସହ ୪ ଗୁରୁତର ଆହତ ହୋଇପଡିଥିଲେ। ସେମାନଙ୍କୁ ତୁରନ୍ତ ଉଦ୍ଧାର କରାଯାଇ ଭୁବନେଶ୍ୱେର ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ତେବେ…

ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୮ ହଜାର ୪୮୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଯାହା ୫୩୮ ଦିନ ପରେ ଦେଶରେ ସବୁଠୁ କମ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିଭଲାଇ ଗତ ୨୪ ଘଣ୍ଟାରେ ୨୪୯ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୫ ଲକ୍ଷ ୧୮ ହଜାର ୯୦୧ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୬୫ ହଜାର ୯୧୧ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୩୯ ଲକ୍ଷ ୩୪ ହଜାର ୫୪୭ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୧ ଲକ୍ଷ ୧୮ ହଜାର ୪୩୩ ଆକ୍ଟିଭ୍‌ କେସ୍ ରହିଛି।

ଭୁବନେଶ୍ବର:  ଆଜି ରାଜ୍ୟରେ ୧୭୧ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୦-୧୮ ବର୍ଷର ୩୪ ଜଣ ଅଛନ୍ତି। ସେହିପରି ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନରୁ ୯୮ ଜଣ ଏବଂ ସ୍ଥାନୀୟ ସଂକ୍ରମିତ ୭୩ ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ଅନୁଗୁଳ ଜିଲ୍ଲାରୁ- ୧ ବାଲେଶ୍ୱର ଜିଲ୍ଲାରୁ – ୫ ବରଗଡ ଜିଲ୍ଲାରୁ- ୧ ବୌଦ୍ଧ ଜିଲରୁ- ୩ କଟକ ଜିଲ୍ଲାରୁ – ୧୦ ଢେଙ୍କାନାଳ ଜିଲ୍ଲାରୁ- ୧ ଗଜପତି ଜିଲ୍ଲାରୁ- ୨ ଗଞ୍ଜାମ ଜିଲ୍ଲାରୁ- ୭ ଜଗତସିଂହପୁର ଜିଲ୍ଲାରୁ – ୧ ଯାଜପୁର ଜିଲ୍ଲାରୁ – ୭ ଝାରସୁଗୁଡା ଜିଲ୍ଲାରୁ- ୨ କଳାହାଣ୍ଡି ଜିଲ୍ଲାରୁ- ୨ କେନ୍ଦ୍ରାପଡ଼ା ଜିଲ୍ଲାରୁ – ୪ କେନ୍ଦୁଝର ଜିଲ୍ଲାରୁ- ୧ ଖୋର୍ଦ୍ଧାରୁ- ୭୬ ମୟୂରଭଞ୍ଜ ଜିଲ୍ଲାରୁ- ୫ ପୁରୀ ଜିଲ୍ଲାରୁ- ୫ ରାୟଗଡା ଜିଲ୍ଲାରୁ- ୧ ସମ୍ବଲପୁର ଜିଲ୍ଲାରୁ- ୧୩ ସୋନପୁର ଜିଲ୍ଲାରୁ…