ନୂଆଦିଲ୍ଲୀ: ଗତକାଲି ରାତିରେ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ଜେଇଇ-ମେନ୍ ର ଫଳାଫଳ ଘୋଷଣା କରାଯାଇଛି। ଯେଉଁଥିରେ ମୋଟ ୪୪ ଜଣ ପରୀକ୍ଷାର୍ଥୀ ୧୦୦ ପ୍ରତିଶତ ସ୍କୋର କରିଛନ୍ତି। ୧୮ ଜଣ ପ୍ରାର୍ଥୀ ଶୀର୍ଷ ମାନ୍ୟତା ପାଇଛନ୍ତି। ଶିକ୍ଷା ମନ୍ତ୍ରଣାଳୟର ଅଧିକାରୀମାନେ ଗତକାଲି ରାତିରେ ଏହି ସୂଚନା ଦେଇଛନ୍ତି। ଚଳିତ ବର୍ଷଠାରୁ ସଂଯୁକ୍ତ ପ୍ରବେଶିକା ପରୀକ୍ଷା-ମେନ୍ ର ଛାତ୍ରଛାତ୍ରୀମାନେ ରେଜଲ୍ଟରେ ଉନ୍ନତି ଆଣିବା ପାଇଁ ବର୍ଷକୁ ଚାରିଥର ଆୟୋଜନ କରାଯାଉଛି। ପ୍ରଥମ ପର୍ଯ୍ୟାୟ ଫେବୃଆରୀରେ ଏବଂ ଦ୍ୱିତୀୟ ପର୍ଯ୍ୟାୟ ମାର୍ଚ୍ଚରେ କରାଯାଇଥିଲା। ପରବର୍ତ୍ତୀ ପର୍ଯ୍ୟାୟ ପରୀକ୍ଷା ଏପ୍ରିଲ ଏବଂ ମେ ମାସରେ ହେବାକୁ ଥିଲା, କିନ୍ତୁ ଦେଶରେ କୋଭିଡ-୧୯ ମହାମାରୀର ଦ୍ୱିତୀୟ ତରଙ୍ଗକୁ ଦୃଷ୍ଟିରେ ରଖି ଏହାକୁ ସ୍ଥଗିତ ରଖାଯାଇଥିଲା।
Author: Samikhsya Bureau
ନୂଆଦିଲ୍ଲୀ: ଗତ ୨୪ ଘଣ୍ଟାରେ ଦେଶରେ ୨୭ ହଜାର ୧୭୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୮୪ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି। ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୩୩ ଲକ୍ଷ ୧୬ ହଜାର ୭୫୫ ରେ ପହଞ୍ଚିଛି। ତେବେ ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୪୩ ହଜାର ୪୯୭ ରେ ପହଞ୍ଚିଛି। ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୨୫ ଲକ୍ଷ ୨୨ ହଜାର ୧୭୧ ରେ ପହଁଞ୍ଚିଛି। ସେହିପରି ଦେଶରେ କରୋନାରୁ ୩ ଲକ୍ଷ ୪୩ ହଜାର ୪୯୭ ଆକ୍ଟିଭ୍ କେସ୍ ରହିଛି।
ଭୁବନେଶ୍ବର: ଆଜି ରାଜ୍ୟରେ ୪୫୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୨୬୫ ଜଣ ଚିହ୍ନଟ ହୋଇଥିବା ବେଳେ ୧୯୨ ଟି ଲୋକାଲ କେସ୍ ରହିଛ। ୪୫୭ ଆକ୍ରାନ୍ତଙ୍କ ମଧ୍ୟରୁ ୧୮ ବର୍ଷରୁ କମ ବର୍ଗର ୭୩ ଜଣ ପିଲା ଚିହ୍ନଟ ହୋଇଛନ୍ତି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୧୭ ହଜାର ୭୧୮ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୧୦ ଲକ୍ଷ ୩ ହଜାର ୬୦୩ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୫ ହଜାର ୯୪୮ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୮ ହଜାର ୧୦୨ କୁ ବୃଦ୍ଧି ହୋଇଛି। ଆଜି ମୋଟ ୨୬ ଟି ଜିଲ୍ଲାରୁ ୪୫୭ ଆକ୍ରାନ୍ତ ଚିହ୍ନଟ ହୋଇଛନ୍ତି। ସର୍ବାଧିକ ଖୋର୍ଦ୍ଧା…
ଭୁବନେଶ୍ବର: ଭିଜିଲାନ୍ସ ଜାଲରେ ପଡିଛନ୍ତି ଅଙ୍ଗନବାଡି ଦିଦି କବିତା ମଥାନ। ସେ ଭୁବନେଶ୍ୱର କୋରଡ଼କଣ୍ଟାର ଅଙ୍ଗନବାଡ଼ିରେ ଚାକିରୀ କରୁଛନ୍ତି। ତାଙ୍କ ବିରୋଧରେ ଆୟବହିର୍ଭୁତ ସଂପତ୍ତି ଅଭିଯୋଗ ପରେ ଏହି ଚଢାଉ କରାଯାଇଥିଲା। ଏହି ଚଢାଉ ବେଳେ ଜଣାପଡିଥିଲା ଯେ ତାଙ୍କର ଭୁବନେଶ୍ୱରରେ ରହିଛି ୪ଟି ବହୁତଳ କୋଠା। ସେଥିରେ ଗୋଟିଏ ୪ ମହଲା, ଗୋଟିଏ ୩ ମହଲା ଓ ୨ଟି ୨ ମହଲା କୋଠା। ଖାଲି ଏତିକି ନୁହେଁ ଏହା ସାଙ୍ଗକୁ ତାଙ୍କର ମୋଟ ୧୪ ପ୍ଲଟ୍ ରହିଥିବା ବେଳେ କେବଳ ଭୁବନେଶ୍ବରରେ ୧୦ଟି ପ୍ଲଟ୍ ଅଛି। ସେହିପରି ଜଗତସିଂହପୁର ତଳକୁସୁମାରେ ୩ଟି ଓ ବାଲିଅନ୍ତାରେ ଗୋଟିଏ ପ୍ଲଟ୍ ରହିଛି । ଏଥସହିତ ଭିଜିଲାନସ ତାଙ୍କର ଗୋଟିଏ କାର, ୪ଟି ଦୁଇ ଚକିଆ ଗାଡ଼ି, ୨.୨ ଲକ୍ଷ ଟଙ୍କାର ବୀମା ସହିତ ୨୧୨ ଗ୍ରାମର ସୁନା ଜବତ କରିଛି।
ମେଷ : ଏକ ଦୂର ଯାତ୍ରା ଯୋଜନା କରାଯାଇପାରେ। ତୁମର ପ୍ରିୟ ଖାଦ୍ୟ ଉପଭୋଗ କର। ଆପଣ ବୟସ୍କମାନଙ୍କଠାରୁ ମାର୍ଗଦର୍ଶନ ପାଇବେ। ଛାତ୍ର ଶ୍ରେଣୀ ସଫଳତା ପାଇବେ। ପଢିବାକୁ ଆଗ୍ରହ ରହିବ। ପତିପତ୍ନୀଙ୍କ ସ୍ୱାସ୍ଥ୍ୟ ବିଷୟରେ ଚିନ୍ତା ହେବ। ସ୍ୱାସ୍ଥ୍ୟ ଦୁର୍ବଳ ହେବ। ଆଜି ଅସ୍ଥିରତା ଦେଖାଯିବ। ଟଙ୍କା ରୋଜଗାର କରିବା ସହଜ ହେବ। ବୃଷ : ପ୍ରତିଦ୍ୱନ୍ଦ୍ୱିତା ବୃଦ୍ଧି ପାଇବ। ପାରିବାରିକ ଚିନ୍ତା ବୃଦ୍ଧି ପାଇବ। ଆବଶ୍ୟକ ଜିନିଷଗୁଡ଼ିକ ଠିକ ସମୟରେ ଉପଲବ୍ଧ ହେବ ନାହିଁ। ଟେନସନ ହେବ। ତୁମର ବକ୍ତବ୍ୟକୁ ନିୟନ୍ତ୍ରଣ କର। କାହାର ଆଚରଣ ଅସୁବିଧା ସୃଷ୍ଟି କରିପାରେ। ଏକ ପୁରୁଣା ରୋଗ ପୁନର୍ବାର ହୋଇପାରେ। ଆପଣ ଦୁଃଖଦ ଖବର ପାଇପାରନ୍ତି।ଧର୍ଯ୍ୟବାନ ହୁଅନ୍ତୁ। ବିପଦପୂର୍ଣ୍ଣ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ। ମିଥୁନ : ପ୍ରୟାସ ସଫଳ ହେବ। ସାମାଜିକ ପ୍ରତିଷ୍ଠା ବୃଦ୍ଧି ପାଇବ। ଆୟର ଉତ୍ସ ବୃଦ୍ଧି ପାଇପାରେ। ବ୍ୟବସାୟ ଭଲ ହେବ। ଆଘାତ ଏବଂ…
ପୁରୀ : ପୁରୀକୁ ଆଧ୍ୟାତ୍ମିକ ରାଜଧାନୀ ଏବଂ ଭାରତକୁ ହିନ୍ଦୁରାଷ୍ଟ୍ରରେ ପରିଣତ କରିବା ପାଇଁ ମାଆ ସରସ୍ୱତୀଙ୍କ କୃପାରୁ ମୋ ମୁଁହରୁ ଶାଢ଼େ ୩ ବର୍ଷର ଲକ୍ଷ୍ୟ ବାହାରିଛି । ଆଜି ପର୍ଯ୍ୟନ୍ତ କୌଣସି ଅଭିଯାନ ବିଫଳ ହୋଇ ନାହିଁ । ପ୍ରଭୁ ଜଗନ୍ନାଥଙ୍କ କୃପାରୁ ନିଶ୍ଚିତ ଭାବରେ ଆଗାମୀ ଶାଢ଼େ ୩ ବର୍ଷ ମଧ୍ୟରେ ଭାରତ ହିନ୍ଦୁରାଷ୍ଟ୍ର ହେବ । ଏହିପରି ଏକ ଭିନ୍ନ ବୟାନ ଦେଇଛନ୍ତି ପୁରୀ ଶଙ୍କରଚାର୍ଯ୍ୟ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ ମହାରାଜ। ପୁରୀରେ ଦୁଇ ଦିନ ଧରି ଆୟୋଜିତ ହୋଇଥିବା ଆଦିତ୍ୟବାହିନୀ ଓ ଆନନ୍ଦ ବାହିନୀର ଓଡ଼ିଶା ପ୍ରାନ୍ତୀୟ ପରିଷଦ ବୈଠକରେ ଏହି କଥା କହିଛନ୍ତି ଶଙ୍କରଚାର୍ଯ୍ୟ। ଏହି ଅବସରରେ ସେ କହିଛନ୍ତି ଯେ, ଗ୍ରାମେ ଗ୍ରାମେ ଆଦିତ୍ୟବାହିନୀର ସ୍ଥାପନାକୁ ବହୁତ ତୀବ୍ର କରିବାର ଆବଶ୍ୟକତା ଅଛି ବୋଲି କହିଥିଲେ । ସେ କହିଥିଲେ ଯ, ହିନ୍ଦୁ ଶୋଇଛନ୍ତି, ଜାଣିପାରୁ ନାହାଁନ୍ତି ସେମାନଙ୍କ ମୁଣ୍ଡ ଉପରେ…
ଭୁବନେଶ୍ୱର : ଭାରତୀୟ ସାହିତ୍ୟରେ ରାମାୟଣ, ମହାଭାରତ ପରେ ପରେ ଭାଗବତ ଗୁରୁତ୍ୱପୂର୍ଣ୍ଣ ସ୍ଥାନ ଅଧିକାର କରିଛି ବୋଲି ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ଆୟୋଜିତ ଅତିବଡ଼ୀ ଜଗନ୍ନାଥ ଦାସଙ୍କ ଜୟନ୍ତୀ କାର୍ଯ୍ୟକ୍ରମରେ ଅତିଥିମାନେ ମତପ୍ରଦାନ କରିଛନ୍ତି । ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ଆଜି ସନ୍ଧ୍ୟାରେ ଆୟୋଜିତ ଅତିବଡ଼ୀ ଜଗନ୍ନାଥ ଦାସ ଜୟନ୍ତୀ କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ଯୋଗଦେଇ ଓଡ଼ିଆ ଶାସ୍ତ୍ରୀୟ ଭାଷା ଉତ୍କର୍ଷ କେନ୍ଦ୍ରର ନିର୍ଦ୍ଦେଶକ ପ୍ରଫେସର ଡ. ବସନ୍ତ କୁମାର ପଣ୍ଡା ମୁଖ୍ୟ ବକ୍ତା ଭାବେ ଯୋଗଦେଇ କହିଛନ୍ତି ଯେ ଭାଗବତରେ ଜୀବନ ଓ ମୃତୁ୍ୟ ମଧ୍ୟରେ ରହିଥିବା ଆଧ୍ୟାତ୍ମିକ ଭାବ ଅନ୍ତର୍ନିହିତ । ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଂଜୟ କୁମାର ଦାସବର୍ମା କାର୍ଯ୍ୟକ୍ରମର ଉଦ୍ଘାଟକ ଭାବେ ବକ୍ତବ୍ୟ ରଖି ଅତିବଡ଼ୀଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ…
ନୂଆଦିଲ୍ଲୀ/ଭୁବନେଶ୍ବର: ରିଲାଏନ୍ସ ଜୁଏଲ୍ସ, ଏହାର ସ୍ୱତନ୍ତ୍ର ଜୁଏଲାରୀ କଲେକ୍ସନ “ବେଲା” ର ଏକ ନୂତନ ଡିଜାଇନର ଶୁଭାରମ୍ଭ କରିଛି ଯାହା ପ୍ରତି ଦିନକୁ ସ୍ୱତନ୍ତ୍ର କରିଥାଏ। ଏହା ଆଧୁନିକ ନାରୀଙ୍କ ପାଇଁ ପ୍ରସ୍ତୁତ। ଫେସନ ଜୁଏଲାରୀ ମାର୍କେଟରେ ରିଲାଏନ୍ସ ଜୁଏଲ୍ସ ବ୍ରାଣ୍ଡର ଏକ ସ୍ୱତନ୍ତ୍ର ଲୋକପ୍ରିୟତା ରହିଛି। ଏହାର ଫେସନ ଜୁଏଲାରୀ ମଧ୍ୟରେ ଅନେକ ଗୁଡ଼ିଏ ପ୍ରିମିୟମ ମାନର ଆକର୍ଷଣୀୟ ଡିଜାଇନ୍ ରହିଛି। ଏହି ନୂତନ କଲେକ୍ସନଟି ପ୍ରତିଟି ଗହଣାକୁ ସ୍ୱତନ୍ତ୍ର ଭାବରେ ହାଇଲାଇଟ୍ କରିଥାଏ। ବେଲା ଏକ କଲେକ୍ସନ ଠାରୁ ଅଧିକ। ନାରୀମାନଙ୍କର ପ୍ରତିଟି ଦିନକୁ ସ୍ୱତନ୍ତ୍ର କରିବା ପାଇଁ ଏହି ଡିଜାଇନକୁ ପ୍ରସ୍ତୁତ କରାଯାଇଛି। ବେଲା ର ଏହି ଗହଣା ଗୁଡ଼ିକ ଅତ୍ୟନ୍ତ ସ୍ୱତନ୍ତ୍ର, ସମସାମୟିକ ଭାବରେ ପ୍ରସ୍ତୁତ ଓ ଯାହାକି ନାରୀ ଏବଂ ମହିଳାଙ୍କ ପାଇଁ ଅତ୍ୟନ୍ତ ଉପଯୋଗୀ ଅଟେ। ପ୍ରତିଦିନ ଓଜନିଆ ଗହଣା ପିନ୍ଧିବା ପରିବର୍ତେ ଏହିପରି ହାଲୁକା ଗହଣାକୁ ବିକଳ୍ପ ଭାବରେ ପିନ୍ଧା ଯାଇପାରିବ। ଏହାର…
ଜୀବନଶୈଳୀ: ସଫଳତାର ଚାବି କହେ ଯେ, ଅନେକ ପରିଶ୍ରମ ଏବଂ ସଂଘର୍ଷ ପରେ ହିଁ ସଫଳତା ମିଳିଥାଏ। କଠିନ ପରିଶ୍ରମ ଏବଂ ସଂଘର୍ଷ ଦ୍ୱାରା ପ୍ରାପ୍ତ ସଫଳତାକୁ ସର୍ବଦା ସମ୍ମାନ ଦେବା ଉଚିତ୍। ଯଦି ଆପଣ ଏହା କରନ୍ତି ନାହିଁ, ତେବେ ଆପଣଙ୍କୁ ପରେ ଅସୁବିଧାର ସମ୍ମୁଖୀନ ହେବାକୁ ପଡିବ। ସଫଳତାର ଚାବି କହୁଛି ସମ୍ମାନ ଦେଲେ ସମ୍ମାନ ମିଳିଥାଏ। ଏହା ଏକ ସିଧା ଏବଂ ସରଳ ମନ୍ତ୍ର। ଏହାକୁ ଜୀବନରେ ଭଲ ଭାବରେ ବୁଝିବା ଉଚିତ୍। ଆଜିର ଦୁନିଆରେ ପ୍ରତ୍ୟେକ ବ୍ୟକ୍ତି ସକ୍ଷମ ଅଟନ୍ତି। ପ୍ରତ୍ୟେକ ବ୍ୟକ୍ତିଙ୍କର ନିଜର ସମ୍ମାନ ଅଛି। ଯଦି ଆପଣ ଏହାର ଯତ୍ନ ନିଅନ୍ତି ନାହିଁ, ତେବେ ଆପଣଙ୍କୁ ସବୁବେଳେ ଅସୁବିଧାର ସମ୍ମୁଖୀନ ହେବାକୁ ପଡିବ। କାରଣ ଏକାକୀ ବଡ଼ ସଫଳତା ହାସଲ କରାଯାଇପାରିବ ନାହିଁ। ବଡ କାମ କରିବା ପାଇଁ ଲୋକଙ୍କ ସହଯୋଗ ମଧ୍ୟ ଆବଶ୍ୟକ। ଏହି ଜିନିଷ କେବେବି ଭୁଲିଯିବା ଉଚିତ୍ ନୁହେଁ।…
ଭୁବନେଶ୍ୱର: ମାନବ ସମାଜର ସ୍ୱାସ୍ଥ୍ୟରକ୍ଷା ଓ ସାମଗ୍ରିକ ବିକାଶ ପାଇଁ ଆଜି ସମଗ୍ର ବିଶ୍ୱରେ ପ୍ରଦୂଷଣ ନିୟନ୍ତ୍ରଣ ଅତ୍ୟନ୍ତ ଆବଶ୍ୟକ ହୋଇପଡ଼ିଛି । ପ୍ରଦୂଷଣ କମାଇବା ପାଇଁ ପ୍ରତିକାର ଏବଂ ହ୍ରାସ ସମ୍ବନ୍ଧୀୟ ବ୍ୟବସ୍ଥା ହେଉଛି ପ୍ରମୁଖ ଅସ୍ତ୍ର । ରାଜ୍ୟ ସରକାର ଏଥି ନିମନ୍ତେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡକୁ ଅଧିକ କ୍ଷମତାପନ୍ନ ଓ କ୍ରିୟାଶୀଳ କରିଛନ୍ତି ବୋଲି ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ, ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ପ୍ରକାଶ କରିଛନ୍ତି । ଆଜି ପୂର୍ବାହ୍ନରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସମ୍ମିଳନୀ କକ୍ଷରେ ବୋର୍ଡର ୩୮ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର। ଏଥିରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଡ. ମୋନା ଶର୍ମା, ବୋର୍ଡର ସଦସ୍ୟ ସଚିବ ଡ. କେ.…
ନୂଆଦିଲ୍ଲୀ: ନଡିଆ ତେଲ ବ୍ୟବହାର କରିବା ଦ୍ୱାରା କେଶ ସହିତ ଚର୍ମକୁ ମଧ୍ୟ ଉପକାର ମିଳିଥାଏ। ଆୟୁର୍ବେଦ ଅନୁଯାୟୀ, ଯଦି ଆପଣ ନଡ଼ିଆ ତେଲକୁ ସଠିକ୍ ଉପାୟରେ ବ୍ୟବହାର କରନ୍ତି, ତେବେ ଏହା ଆପଣଙ୍କ ତ୍ୱଚାର ଚମକ ଆଣିଥାଏ। ଅନ୍ୟ ପଟେ, ଯଦି ଆପଣ ନିଜ କେଶରେ ନଡିଆ ତେଲ ଲଗାନ୍ତି, ତେବେ ଏହା ଆପଣଙ୍କ କେଶ ଝଡିବା ବନ୍ଦ କରିଦିଏ। ଏଭଳି ପରିସ୍ଥିତିରେ, ଆମେ ଆପଣଙ୍କୁ କହିବୁ ଆପଣ କିପରି ନଡ଼ିଆ ତେଲ ବ୍ୟବହାର କରିପାରିବେ। ଏହାକୁ କିପରି ସଠିକ୍ ଭାବରେ ବ୍ୟବହାର କରାଯିବ ଆସନ୍ତୁ ଜାଣିବା। ଏହିପରି ମୁହଁରେ ଲଗାନ୍ତୁ ନଡିଆ ତେଲ: – ନଡ଼ିଆ ତେଲ ଆପଣଙ୍କ ଚର୍ମରେ କ୍ରିମ୍ ଭଳି କାମ କରେ। ଏଥିପାଇଁ ଏକ ଚାମଚ ନଡ଼ିଆ ତେଲ ନିଅନ୍ତୁ। ଏହା ପରେ ଏହାକୁ ମୁହଁ ଏବଂ ବେକରେ ଲଗାନ୍ତୁ। ଏହା ପରେ ଏହାକୁ ରାତିସାରା ଛାଡିଦିନ୍ତୁ। ଏହା କରିବା ଆପଣଙ୍କ ଚେହେରାରେ ଚମକ…
ସୀତାରାମ ଅଗ୍ରୱାଲ ଚିଲିକା: ଓଡ଼ିଶାର ପ୍ରତ୍ୟେକ ଶକ୍ତି ପୀଠରେ ଆଶ୍ୱିନ ଶୁକ୍ଳ ମୂଳାଷ୍ଟମୀ ଠାରୁ ଶାରଦୀୟ ପର୍ବ ଆରମ୍ଭ ହୋଇଥାଏ। ଏହି ପ୍ରରିପ୍ରେକ୍ଷୀରେ ଖୋର୍ଦ୍ଧା ଜିଲ୍ଲା ବାଣପୁରର ଅଧିଷ୍ଠାତ୍ରୀ ଦେବୀ ମା’ ଭଗବତୀଙ୍କ ପୀଠରେ ଭାଦ୍ରବ ଶୁକ୍ଳ ଷଷ୍ଠୀ ବା ଷଷ୍ଠୀ ଓଷା ଠାରୁ ଆରମ୍ଭ ହୋଇଥିବା ଏକ ନିଆରା ପରମ୍ପରା କାହିଁ କେଉଁ କାଳରୁ ପ୍ରଚଳିତ ହୋଇ ଆସୁଛି। ଉକ୍ତ ଦିନ “ମା” ଷଷ୍ଠୀ ଦେବୀ ବା ଭାଗ୍ୟବିଧାତାର ଦେବୀ ଷଷ୍ଠୀ ଦେବୀ ବେଶରେ ଭକ୍ତଜନଙ୍କୁ ଦର୍ଶନ ଦେଇ ରୀତିନୀତି ଅନୁସାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହା ପରେ ସୋମବାର ଭାଦ୍ରବ କୃଷ୍ଣ ଲଳିତା ସପ୍ତମୀ ରାତିରେ ପାଳିଆ ମାଳି, ପୂଜକ, ଘଣ୍ଟୁଆ, କାହାଳିଆ, ମଶାଲଧାରୀ ପ୍ରଭୁତି ସେବକଙ୍କ ଗହଣରେ ମା’ ଭଗବତୀଙ୍କ ବିଜେ ପ୍ରତିମା କାଠି ଠାକୁରାଣୀ ମନ୍ଦିରରୁ ବାହାରି ପୂର୍ବ ଦିଗକୁ ଯାତ୍ରା କରି ଚିଲିକା କୁଳରେ ବିଜେ ହୋଇଥିଲେ। ସେଠାରୁ ନୌକା ଯୋଗେ ମା’ କାଳିଜାଇଙ୍କୁ…
କନ୍ଦର୍ପ ବେହେରା ରେଢ଼ାଖୋଲ: ରେଢ଼ାଖୋଲ ବନଖଣ୍ଡ ଚାରମାଳ ବନାଂଚଳ ସାନମୁଗପାଳ ଗ୍ରାମ ଜଙ୍ଗଲରୁ ୨ ବର୍ଷର ଏକ ମାଈ ହରିଣକୁ ଉଦ୍ଧାର କରିଛି ବନବିଭାଗ। ବନବିଭାଗ ସୂତ୍ରରୁ ପ୍ରକାଶ ଯେ, ଚାରମାଳ ବନାଂଚଳ ସାନମୁଗପାଳ ଗ୍ରାମ ନିକଟରେ ଏକ ମାଈ ହରିଣକୁ ଆହତ ଅବସ୍ଥାରେ ଗ୍ରାମବାସୀ ଦେଖିବାକୁ ପାଇଥିଲେ। ଏନେଇ ଗ୍ରାମବସୀ ବନ ବିଭାଗକୁ ଖବର ଦେଇଥିଲେ। ଚାରମାଳ ଫରେଷ୍ଟର ପ୍ରବୀଣ କୁମାର ପ୍ରଧାନ, ରେଞ୍ଜ ଅଧିକାରୀ ଦର୍ଶନୀୟା ଭୋଇ ପହଂଚି ଆହତ ହରିଣକୁ ପ୍ରାଥମିକ ଚିକିତ୍ସା କରିଥିଲେ। ପ୍ରାଣୀଚିକିତ୍ସକ ପ୍ରଦୀପ କୁମାର ସାହୁ ହରିଣର ଚିକିତ୍ସା କରିଥିଲେ। ହରିଣର ଗୋଡ଼ରେ କ୍ଷତ ରହିଛି। ହରିଣଟି ସୁସ୍ଥ ଥିବା ଚାରମାଳ ଫରେଷ୍ଟର ପ୍ରବୀଣ କୁମାର ପ୍ରଧାନ ପ୍ରକାଶ କରିଛନ୍ତି। ହରିଣଟିକୁ ବୁଲା କୁକୁର କାମୁଡ଼ିଥିବା ଅନୁମାନ କରଯାଉଛି।
ନୂଆଦିଲ୍ଲୀ: ଯଦି ସ୍ମାର୍ଟଫୋନର ବ୍ୟାଟେରୀ ନଷ୍ଟ ହୋଇଯାଏ, ତେବେ ଫୋନ୍ ଚଳାଇବା ଅତ୍ୟନ୍ତ କଷ୍ଟକର ହୋଇଯାଏ। ଯଦି ଆପଣ ମଧ୍ୟ ସ୍ମାର୍ଟଫୋନର ବ୍ୟାଟେରୀ ଦ୍ୱାରା ଅସୁବିଧାରେ ପଡ଼ନ୍ତି ଏବଂ ଏକ ଶକ୍ତିଶାଳୀ ବ୍ୟାଟେରୀ ସହିତ ଏକ ଫୋନ୍ କିଣିବାକୁ ଚାହାଁନ୍ତି, ତେବେ ଆପଣଙ୍କର ଅନେକ ଭଲ ବିକଳ୍ପ ଅଛି। ଯଦି ଆପଣ ଭାବୁଛନ୍ତି ଯେ, ୬୦୦୦ ଏମଏଚ ବ୍ୟାଟେରୀର ଫୋନ୍ କିଣିବା ପାଇଁ ଆପଣଙ୍କୁ ଅଧିକ ମୂଲ୍ୟ ଦେବାକୁ ପଡିବ, ତେବେ ଆପଣ ଭୁଲ୍ ଭାବୁଛନ୍ତି। ବାସ୍ତବରେ, ବଜାରରେ ଅନେକ ୬୦୦୦ ଏମଏଚ ବ୍ୟାଟେରୀ ଫୋନ୍ ଅଛି, ଯାହାର ମୂଲ୍ୟ ବହୁତ କମ୍ ଅଟେ। ଆଜି ଆମେ ଆପଣଙ୍କୁ ଏପରି କିଛି ଫୋନ୍ ବିଷୟରେ କହିବୁ, ଯାହାର ୬୦୦୦ ଏମଏଚ ବ୍ୟାଟେରୀ ସହିତ ସୁନ୍ଦର କ୍ୟାମେରା ସେଟଅପ୍ ଏବଂ ଅନ୍ୟାନ୍ୟ ସୁବିଧା ଥିବା ବେଳେ ମୂଲ୍ୟ ୮ ହଜାରରୁ କମ୍ ହୋଇଥିବା। ୧- ଇନଫିନିକ୍ସ ସ୍ମାର୍ଟ-୫: – ଏହି ଫୋନରେ ୮୨ଇଞ୍ଚ…
ଭୁବନେଶ୍ବର: ଆଜି ରାଜ୍ୟରୁ ଆଉ ୭୯୩ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି। ଆଜି ସର୍ବାଧିକ ଖୋର୍ଦ୍ଧାରୁ ୩୪୩, କଟକରୁ ୧୦୯, ବାଲେଶ୍ଵରରୁ ୩୪, ଜଗତସିଂହପୁରରୁ ୨୨, ମୟୂରଭଞ୍ଜରୁ ୨୧, ପୁରୀରୁ ୨୦, ଯାଜପୁରରୁ ୧୯, ସୁନ୍ଦରଗଡରୁ ୧୬, କେନ୍ଦ୍ରାପଡାରୁ ୧୫, ଭଦ୍ରକରୁ ୧୪, କେନ୍ଦୁଝରରୁ ୧୪, ସମ୍ବଲପୁରରୁ ୧୪, ଅନୁଗୁଳରୁ ୧୦, ଢେଙ୍କାନାଳରୁ ୧୦, କୋରାପୁଟରୁ ୮, ଗଜପତିରୁ ୭, ନୟାଗଡରୁ ୬, ବରଗଡରୁ ୫, ବଲାଙ୍ଗୀରିରୁ ୪, ଗଞ୍ଜାମରୁ ୪, ନବରଙ୍ଗପୁରରୁ ୪, ଦେବଗଡରୁ ୩, ମାଲକାନଗିରିରୁ ୩, ରାୟଗଡାରୁ ୩, ଝାରସୁଗୁଡାରୁ ୨ ଏବଂ ଷ୍ଟେଟ ପୁଲରୁ ୮୩ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୧୦ ଲକ୍ଷ ୩ ହଜାର ୬୦୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ଆକ୍ରାନ୍ତଙ୍କ…
ଭୁବନେଶ୍ୱର: ବିଶିଷ୍ଟ ଗବେଷକ ତଥା ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ବାୟୋଫୁଏଲ୍ ଆଣ୍ଡ ବାୟୋପ୍ରୋସେସିଙ୍ଗ୍ ରିସର୍ଚ୍ଚ ସେଂଟରର ନିର୍ଦ୍ଦେଶକ ପ୍ରଫେସର ଲାଲା ବିହାରୀ ଶୁକ୍ଳାଙ୍କୁ ଇଞ୍ଜିନିୟରିଂ, ବିଜ୍ଞାନ ଓ ଔଷଧ କ୍ଷେତ୍ର ନିମନ୍ତେ ଭିଡିଗୁଡ୍ ଇଂଟରନ୍ୟାସ୍ନାଲ୍ ସାଇନ୍ଟିଷ୍ଟ ଆୱାର୍ଡରେ ସମ୍ମାନିତ କରାଯାଇଛି। ସବୁ କ୍ଷେତ୍ରରେ ଜୀବନକୁ ସରଳ କରିବା ନିମନ୍ତେ ନୂଆ ଗବେଷଣା ଦିଗରେ ଭିଡିଗୁଡ୍ କାର୍ଯ୍ୟ କରୁଛି। ଏହି ଅନୁଷ୍ଠାନ ପକ୍ଷରୁ ବିଶିଷ୍ଟ ବୈଜ୍ଞାନିକ ଆୱାର୍ଡ ପ୍ରଫେସର ଶୁକ୍ଳାଙ୍କୁ ପ୍ରଦାନ କରାଯାଇଛି। ଉତ୍କୃଷ୍ଟ ଶିକ୍ଷାଦାନ କ୍ଷେତ୍ରରେ ତାଙ୍କର ଅବିରତ କାର୍ଯ୍ୟଧାରାର ଅବଦାନକୁ ନେଇ ପ୍ରଫେସର ଶୁକ୍ଳାଙ୍କୁ ଏହି ସମ୍ମାନ ପ୍ରଦାନ କରାଯାଇଥିବା ମାନପତ୍ରରେ ଉଲ୍ଲେଖ କରାଯାଇଛି। ଗତବର୍ଷ ୟୁଏସ୍ଏର ଷ୍ଟାନ୍ଫୋର୍ଡ ୟୁନିଭର୍ସିଟି ଦ୍ୱାରା ପ୍ରସ୍ତୁତ ବିଶ୍ୱର ଶ୍ରେଷ୍ଠ ୨ ପ୍ରତିଶତ ବୈଜ୍ଞାନିକଙ୍କ ତାଲିକାରେ ପ୍ରଫେସର ଶୁକ୍ଳାଙ୍କ ନାମ ସ୍ଥାନୀତ ହୋଇଥିବା ବେଳେ ଆନ୍ତର୍ଜାତିକ ସ୍ତରରେ ତାଙ୍କର ଅବଦାନକୁ ନେଇ ନିକଟରେ ତାଙ୍କୁ ଗ୍ଲୋବାଲ୍ ଟିଚିଂ ଏକ୍ସିଲେନ୍ସ ଆୱାର୍ଡରେ ମଧ୍ୟ…
ଭୁବନେଶ୍ୱର: ନବପ୍ରବର୍ତ୍ତନ, ଧୈର୍ଯ୍ୟ ଓ ସମୟୋପଯୋଗୀ ପଦକ୍ଷେପ ଦ୍ୱାରା ଜଣେ ସଫଳ ଉଦ୍ୟୋଗୀ ହୋଇପାରିବ ବୋଲି ଭାରତ ସରକାରଙ୍କ ଶିକ୍ଷା ବିଭାଗ ଅନ୍ତର୍ଗତ ଇନୋଭେସନ୍ ସେଲ୍ର ନିର୍ଦ୍ଦେଶକ ଡ. ମୋହିତ ଗମ୍ଭିର କହିଛନ୍ତି। ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟରେ ମଙ୍ଗଳବାର ଅନୁଷ୍ଠିତ ଏକ ଉଦ୍ୟୋଗୀ ପ୍ରଶିକ୍ଷଣ କର୍ମଶାଳାରେ ମୁଖ୍ୟ ଅତିଥି ଭାବେ ଯୋଗ ଦେଇ ଡ଼. ଗମ୍ଭୀର ଏହା କହିଛନ୍ତି। ଏହି କର୍ମଶାଳାରେ ମୁଖ୍ୟବକ୍ତା ରୂପେ ଏଜି-ହବ୍, ହାଇଦ୍ରାବାଦର ମୁଖ୍ୟ କାର୍ଯ୍ୟନିର୍ବାହୀ ବିଜୟ ନଦୀମିନତି ଯୋଗ ଦେଇଥିଲେ। ଶ୍ରୀ ନଦୀମିନତି ତାଙ୍କର ବକ୍ତବ୍ୟରେ ଉଦ୍ୟମୀ, ଉଦ୍ୟମୀତା, ଉଦ୍ୟୋଗୀ ଓ ସଫଳ ଉଦ୍ୟୋଗର ସୋପାନ ଗୁଡ଼ିକ ବିଷୟରେ ଗୁରୁତ୍ୱାରୋପ କରିଥିଲେ। ସେ କହିଥିଲେ ଯେ ଏହି ବିଶ୍ୱବିଦ୍ୟାଳୟ ଅତୀତରେ ଅନେକ ସଫଳ ଉଦ୍ୟୋଗୀ ତିଆରି କରିଛି ଏବଂ ଭବିଷ୍ୟତରେ ଅନେକ ନିଯୁକ୍ତି ପ୍ରଦାନକାରୀ ସଫଳ ଉଦ୍ୟୋଗୀ ମାନଙ୍କୁ ମଧ୍ୟ ଗଢ଼ି ତୋଳିବ। ବିଶ୍ୱବିଦ୍ୟାଳୟର ଉପ-କୁଳପତି ପ୍ରଫେସର ଡ. ପ୍ରଦୀପ୍ତ କୁମାର ନନ୍ଦ କର୍ମଶାଳାରେ…
ନୂଆଦିଲ୍ଲୀ: ରାଜା ମହେନ୍ଦ୍ର ପ୍ରତାପ ସିଂ ରାଜ୍ୟ ବିଶ୍ବବିଦ୍ୟାଳୟର ଆଜି ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ଅବସରରେ ସେ କହିଛନ୍ତି ଯେ, ଏବି ବିଶ୍ବବିଦ୍ୟାଳୟ ଆଧୁନିକ ଶିକ୍ଷାର ଏକ ବଡ଼ କେନ୍ଦ୍ରରେ ପରିଣତ ହେବ ନାହିଁ ବରଂ ଏହା ପ୍ରତିରକ୍ଷା ସମ୍ବନ୍ଧୀୟ ଅଧ୍ୟୟନ, ପ୍ରତିରକ୍ଷା ଉତ୍ପାଦନ ପ୍ରଯୁକ୍ତିବିଦ୍ୟା ଏବଂ ମାନବ ବିକାଶ ପାଇଁ ମଧ୍ୟ ପରିଚିତ ହେବ। ଭାରତର ସ୍ୱାଧୀନତା ସଂଗ୍ରାମରେ ରାଜ ମହେନ୍ଦ୍ର ପ୍ରତାପ ସିଂଙ୍କ ଅବଦାନକୁ ଆଜି ଅଭିନନ୍ଦନ ଜଣାଇବାକୁ ପ୍ରଧାନମନ୍ତ୍ରୀ କହିଛନ୍ତି। ଏହି ଉତ୍ସବରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ବହୁ ଅଧିକାରୀ ଉପସ୍ଥିତ ଥିଲେ।
ନୂଆଦିଲ୍ଲୀ: ବୁଧବାର ଦିନ ଏକ ନୂଆ ନ୍ୟୁଜ ଚ୍ୟାନେଲ ‘ସଂସଦ ଟିଭି’ ର ଶୁଭାରମ୍ଭ ହେବ। ଏହାକୁ ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଏମ ଭେଙ୍କୟା ନାଇଡୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଲୋକସଭା ବାଚସ୍ପତି ଓମ୍ ବିର୍ଲା ମିଳିତ ଭାବେ ଶୁଭାରମ୍ଭ କରିବେ। ସଂସଦର ମୁଖ୍ୟ କମିଟ ରୁମରେ ଆସନ୍ତାକାଲି ସଂଧ୍ୟା 6 ଟା ସମୟର ଏହାର ଶୁଭାରମ୍ଭ ହେବ। ପୂର୍ବରୁ ଥିବା ଲୋକସଭା ଟିଭି ଏବଂ ରାଜ୍ୟସଭା ଟିଭିର ମିଶ୍ରଣରେ ଏହି ନୂଆ ଚ୍ୟାନେଲର ପରିକଳ୍ପନା କରାଯାଇଛି। ଗତ ଫେବୃଆରୀ 2021 ରେ ଲୋକସଭା ଟିଭି ଏବଂ ରାଜ୍ୟସଭା ଟିଭି ମିଶ୍ରଣ କରିବାର ନିଷ୍ପତ୍ତି ନିଆଯାଇଥିଲା ଏବଂ ମାର୍ଚ୍ଚ 2021 ରେ ସଂସଦ ଟିଭିର ସିଇଓ ନିଯୁକ୍ତ ହୋଇଥିଲେ। ସେ ହେଲେ ବରିଷ୍ଠ ଆଇଏଏସ ଅଫସିର ରବି କାପୁର। ସଂସଦ ଟିଭି କାର୍ଯ୍ୟକ୍ରମ ମୁଖ୍ୟତ 4 ଟି ବର୍ଗରେ ରହିବ । ସେଗୁଡିକ ହେଲା ସଂସଦର କାର୍ଯ୍ୟକାରିତା ଏବଂ ଗଣତାନ୍ତ୍ରିକ…
ନୂଆଦିଲ୍ଲୀ: ଜୀବନଶୈଳୀ ବଦଳିବା ହେତୁ କାର୍ଯ୍ୟରତ ଲୋକମାନେ ପ୍ରାୟତଃ ରାତିରେ ଠିକ ଭାବେ ଶୋଇପାରନ୍ତି ନାହିଁ କିମ୍ବା ନିଦ ଆସେ ନାହିଁ। ଯଦି ଏହା ମଧ୍ୟ ଆପଣଙ୍କ ସହିତ ଘଟୁଛି, ତେବେ ଏହାକୁ ଅଣଦେଖା କରିବାରେ ଭୁଲ କରନ୍ତୁ ନାହିଁ। ଅନ୍ୟଥା ଏହା ଆପଣଙ୍କ ପାଇଁ ଅତ୍ୟନ୍ତ ବିପଦଜ୍ଜନକ ପ୍ରମାଣିତ ହୋଇପାରେ। ଶୋଇବା ସମୟରେ ଆପଣ ହଠାତ୍ ଉଠି ପଡନ୍ତି କି? ଯଦି ଆପଣଙ୍କର ଉତ୍ତର ହଁ, ତେବେ ଏହା ଆପଣଙ୍କ ପାଇଁ ଚିନ୍ତାର ବିଷୟ। ଅନେକ କାର୍ଯ୍ୟରତ ଲୋକଙ୍କର ରାତିରେ ବାରମ୍ବାର ନିଦରୁ ଉଠିବାର ଅଭ୍ୟାସ ଅଛି, ବରଂ ରାତିରେ ଶୋଇବା ସମୟରେ ଅନାବଶ୍ୟକ ଭାବରେ ନିଦ ଭାଙ୍ଗି ଯାଇଥାଏ। ଏହାର କାରଣ କଟଷ୍ଟ୍ରୋଫାଇଜିଂ କିମ୍ବା ରାତିର ଭୟ ନାମକ ଏକ ରୋଗ ହୋଇପାରେ। ଏହି ରୋଗରେ, ରାତି ଅଧରେ ନିଦ ଭାଙ୍ଗିଯାଇଥାଏ ଏବଂ ବ୍ୟକ୍ତି ଚକିତ ହୋଇ ବସିଥାଏ। ଦୀର୍ଘ ସମୟ ଧରି ଏହିପରି ସମସ୍ୟା ରହିଲେ, ଏଭଳି…
ଭୁବନେଶ୍ବର: ବର୍ତ୍ତମାନ ରାଜ୍ୟରେ ତିନିଦିନ ଧରି ଲଗାଣ ବର୍ଷା ଥମି ନ ଥିବା ବେଳେ ପୁଣି ଏକ ଲଘୁଚାପ ଆସିବ। ଏ ନେଇ ପାଣିପାଗ ବିଭାଗ ତରଫରୁ ସତର୍କ କରାଯାଇଛି। ଏହି ଦିନ ଉତ୍ତର ବଙ୍ଗୋବ ସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେଉଛି। ଯାହା ଓଡିଶା ଏବଂ ପଶ୍ଚିମ ବଂଗ ଆଡକୁ ମୁହାଁଇବ ବୋଲି ଜଣାପଡିଛି। ଏହାଦ୍ବାରା ମଧ୍ୟ ରାଜ୍ୟରେ କିଛିଦିନ ଧରି ଲଗାଣ ବର୍ଷା ହେବ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି। ଓଡିଶା ସହିତ ପଶ୍ଚିମ ବଂଗରେ ମଧ୍ୟ ଏହାର ପ୍ରକୋପ ଦେଖାଦେବ। ତେବେ ଏହିର ଚିତ୍ର ଆସନ୍ତା କାଲି ସ୍ପଷ୍ଟ ହୋଇଯିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି।