ଗୋପାଳଗଞ୍ଜ: ବିଷାକ୍ତ ମଦ ମୃୁତ ଘଟଣାରେ ଦୋଷୀ ସାବ୍ୟସ୍ତ ହୋଇଥିବା 13 ଜଣଙ୍କ ମଧ୍ୟରୁ ନଅ ଜଣଙ୍କୁ ମୃତ୍ୟୁଦଣ୍ଡ ଘୋଷଣା କରାଯାଇଛି। ଅନ୍ୟ ଚାରି ଜଣଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି। ବିହାରର ଗୋପାଳଗଞ୍ଜ ଜିଲ୍ଲାର ଏକ କୋର୍ଟ ପ୍ରାୟ ସାଢେ ଚାରି ବର୍ଷ ପୂର୍ବର ଏହି ମାମଲାର ରାୟ ପ୍ରକାଶ କରିଛନ୍ତି। ଏହି ଦୁର୍ଘଟଣାରେ 19 ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଚାରିଜଣ ଦୃଷ୍ଟି ଶକ୍ତି ହରାଇଛନ୍ତି। ଓକିଲ ରବି ଭୂଷଣ ଶ୍ରୀବାସ୍ତବ କହିଛନ୍ତି ଯେ ଅତିରିକ୍ତ ଜିଲ୍ଲା ଜଜ୍ (II) ଲବ କୁଶ କୁମାର ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିବା 13 ଜଣଙ୍କ ମଧ୍ୟରୁ 9 ଜଣଙ୍କୁ ମୃତ୍ୟୁଦଣ୍ଡ ଦେଇଛନ୍ତି। ଏହି ବ୍ୟକ୍ତିମାନେ ଅଗଷ୍ଟ 2016 ରେ ଦୋଷୀ ସାବ୍ୟସ୍ତ ହୋଇଥିଲେ। ସ୍ୱତନ୍ତ୍ର ପବ୍ଲିକ୍ ଓକିଲ ରବି ଭୂଷଣ ଶ୍ରୀବାସ୍ତବ କହିଛନ୍ତି ଯେ ଏହି ମାମଲାରେ ସମୁଦାୟ 14 ଜଣ ଅଭିଯୁକ୍ତ ଥିଲେ, ଯେଉଁମାନଙ୍କ ମଧ୍ୟରୁ ଜଣେ…
Author: Samikhsya Bureau
ନୂଆଦିଲ୍ଲୀ: ତ୍ରୁଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀଙ୍କ ଘନିଷ୍ଠ ବିଜୟ ମିଶ୍ରଙ୍କ ଭାଇ ବିନୟ ମିଶ୍ରଙ୍କ ବିରୋଧରେ ଗୋରୁ ଚୋରା ଚାଲାଣ ମାମଲାରେ ସିବିଆଇ ନୋଟିସ ଜାରି କରିଛି। ଏ ନେଇ ସିବିଆଇ ତରଫରୁ ଶନିବାର ଦିନ ସୂଚନା ଦିଆଯାଇଛି। ସିବିଆଇ କହିଛି ଯେ ବିନୟ ମିଶ୍ରଙ୍କ ବିରୋଧରେ ରେଡକ୍ରନର୍ ନୋଟିସ୍ ଜାରି କରିବା ପାଇଁ ଇଣ୍ଟରପୋଲ ସହିତ ଯୋଗାଯୋଗ କରିବାକୁ ଚିନ୍ତା କରାଯାଉଛି। ବିନୟ ମିଶ୍ରଙ୍କୁ ଏପର୍ଯ୍ୟନ୍ତ ତଦନ୍ତ ପରିସର ଭୁକ୍ତ କରାଯାଇ ନାହିଁ। ସିବିଆଇର ଜଣେ ଅଧିକାରୀ କହିଛନ୍ତି, ଟିଏମସି ନେତା ବିନୟ ମିଶ୍ରଙ୍କ ଭାଇ ବିଜୟ ମିଶ୍ରଙ୍କ ବିରୋଧରେ ଲୁକଆଉଟ ନୋଟିସ ଜାରି କରାଯାଇଛି। ସୋମବାର ପଚରାଉଚରା ପାଇଁ ଏଜେନ୍ସି ଦୁଇ ବରିଷ୍ଠ ପୋଲିସ ଅଧିକାରୀ – ଇନ୍ସପେକ୍ଟର ଜେନେରାଲ ଏବଂ ପଶ୍ଚିମବଙ୍ଗର ପୋଲିସ ଅଧୀକ୍ଷକଙ୍କୁ ମଧ୍ୟ ଡକାଇଛି। ସେ କହିଛନ୍ତି ଯେ ବିନୟ ମିଶ୍ର ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ଟିଏମସି ସୁପ୍ରିମୋ ମମତା ବାନାର୍ଜୀଙ୍କ ପୁତୁରା…
କଳାହାଣ୍ଡି: କଳାହାଣ୍ଡି ଜିଲ୍ଲାର ବହୁ ପ୍ରତୀକ୍ଷିତ ଜିଲ୍ଲା ଜଜ ତଥା ତାଙ୍କ ଅଧିନସ୍ଥ କୋର୍ଟ ସମୁହ, ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଡ଼ଃ ଏସ ମୁରଲୀଧରନଙ୍କ କରକମଳରେ ଭବାନୀପାଟଣାରେ ଉଦ୍ଘାଟିତ ହେଇ ଯାଇଛି। ଏହି ଅଦାଲତ ସାଧାରଣ ଜନତାଙ୍କ ପାଇଁ ଉଦିଷ୍ଟ ତଥା ନ୍ୟାୟପାଇଁ ଆସୁଥିବା ଲୋକଙ୍କୁ ଅଦାଲତଠାରୁ ନିର୍ଦ୍ଧାରିତ ସମୟରେ ନ୍ୟାୟ ମିଳିବା ଉଚିତ ବୋଲି ମୁଖ୍ୟ ବିଚାରପତି ଜଷ୍ଟିସ ଏସ ମୁରଲୀଧର କହିଥିଲେ। ଏହି କାର୍ଯ୍ୟକ୍ରମରେ ଓଡିଶା ଉଚ୍ଚ ନ୍ୟାୟାଳୟର ବିଚାରପତି ସଂଜୀବ ପାଣିଗ୍ରାହୀ ତଥା ଜିଲ୍ଲା ଓ ଦୌରା ଜଜ ପ୍ରଦୀପ କୁମାର ପାଣିଗ୍ରାହୀ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମର ପ୍ରାରମ୍ଭରେ କଳାହାଣ୍ଡି ଲେଖକ କଳା ପରିଷଦ ସଂଗୀତ ମହାବିଦ୍ୟାଳୟର ଛାତ୍ରୀମାନେ ବନ୍ଦେ ଉତ୍କଳ ଜନନୀ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ, ଜିଲ୍ଲା ଓକିଲ ସଙ୍ଘର ସଭାପତି ନାରାୟଣ ପଟ୍ଟନାୟକ ସ୍ୱାଗତ ଅଭିଭାଷଣ ଦେଇଥିବା ବେଳେ ସମ୍ପାଦକ ବଟକୃଷ୍ଣ ଆଚାର୍ଯ୍ୟ ଧନ୍ୟବାଦ ଅର୍ପଣ…
ଭୁବନେଶ୍ବର: ଆଜି ରାଜଧାନୀ ଭୁବନେଶ୍ବରରୁ ୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜିର ୬ ଆକ୍ରାନ୍ତଙ୍କ ମଧ୍ୟରୁ ୪ ଜଣ କ୍ଵାରେଣ୍ଟିନରୁ ଚିହ୍ନଟ ହୋଇଥିବା ବେଳେ ୨ ଜଣ ସ୍ଥାନୀୟ ଆକ୍ରାନ୍ତ। ଆଜିର ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରର ମୋଟ ଆକ୍ରାନ୍ତଙ୍କ ସଂଖ୍ୟା ୩୨ ହଜାର ୩୩ କୁ ବୃଦ୍ଧି ହୋଇଛି। ସେହିପରି ଆଜି ଭୁବନେଶ୍ବରରୁ ୫ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ଏହି ସୁସ୍ଥ ଆକ୍ରାନ୍ତକୁ ମିଶାଇ ମୋଟ ୩୧ ହଜାର ୬୮୦ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ବେଳେ ୮୩ ଜଣ ସକ୍ରିୟ ଆକ୍ରାନ୍ତ ଚିକିତ୍ସିତ ହେଉଛନ୍ତି ଏବଂ ୨୪୯ ଜଣ କରୋନାରେ ମୃତ୍ୟୁବରଣ କରିଛନ୍ତି।
କନ୍ଧମାଳ: କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ଅଂଚଳର ଏକ ନାବାଳିକା ଦୁଷ୍କର୍ମ ମାମଲାର ବିଚାରଣ କରି ଆଜି ଫୁଲବାଣୀ ସ୍ୱତନ୍ତ୍ର ପୋକ୍ସୋ କୋର୍ଟ ବିଚାରପତି ସମର ବିଳାସ ବେହେରା ଅଭିଯୁକ୍ତକୁ ପିଡୀତାର ବୟାନ, ଡାକ୍ତରୀ ରିପୋର୍ଟ ଏବଂ ସାଖ୍ୟ ପ୍ରମାଣ ଆଧାରରେ ନାବାଳିକାଙ୍କ ଗ୍ରାମର ଅଭିଯୁକ୍ତକୁ ଦୋଷି ସାବ୍ୟସ୍ତ କରିବା ସହିତ ତାକୁ ୧୦ ବର୍ଷ ଜେଲ ଏବଂ ୧୭ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କରିଛନ୍ତି। ଜରିମାନା ଅନାଦ୍ୟେ ଅଭିଯୁକ୍ତକୁ ଆଉ ୬ ବର୍ଷ ଅଧିକ ଜେଲ ଦଣ୍ଡ ଭୋଗିବାକୁ ପଡିବ ବୋଲି ନିର୍ଦ୍ଧେଶ ଦେଇଛନ୍ତି ବିଚାରପତି। ସୂଚନା ଅନୁସାରେ ତା ୧୭.୦୫.୨୦୧୫ ରିଖରେ ବ୍ରାହ୍ମଣୀଗାଁ ଥାନା ଅଂଂଚଳର ଏକ ଗ୍ରାମର ଜଣେ ୧୬ ବର୍ଷର ନାବାଳିକା ଶୌଚ ପାଇଁ ଯାଇ ଫେରୁଥିବାବେଳେ ସେହି ଗ୍ରାମର ଜଣେ ୨୩ ବର୍ଷର ଅଭି୍ୁକ୍ତ ତାକୁ ଏକୁଟିଆ ଦେଖି ନାବାଳିକାର ମୁହଁରେ ଗାମୁଛା ଦେଇ ଜୋରଜବରଦସ୍ତ କରି ନିକାଂଚନ ଯାଗାକୁ ନେଇ…
ଭଦ୍ରକ: ଭଦ୍ରକ ଜିଲ୍ଲା ନାୟକାଣିଡ଼ିହି ଥାନା ଅନ୍ତର୍ଗତ ଦାମୋଦରପୁର ଗ୍ରାମରେ ଅଗ୍ନିକାଣ୍ଡ ଘଟି ଦୁଇଟି ପରିବାରର ୧୦ ବଖରା ଘର ସମେତ ଘର ମଧ୍ୟରେ ଥିବା ଲକ୍ଷାଧିକ ଟଙ୍କା ମୂଲ୍ୟର ଆସବାବପତ୍ର ଜଳି ପୋଡ଼ି ପାଉଁଶ ହୋଇଯାଇଛି। ପୂର୍ବ ଶତୃତାକୁ କେନ୍ଦ୍ର କରି କେହି ଘରେ ନିଆଁ ଲଗାଇଥିବା ନେଇ ଉଭୟ ପରିବାର ପକ୍ଷରୁ ଅଭିଯୋଗ ହୋଇଛି। ପୋଲିସ ଘଟଣାର ତଦନ୍ତ କରିବା ସହ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହେଉଛି।
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁରରେ ଆଜିଠାରୁ ବାଦୀପାଲା ପରିବେଷଣ କରାଯାଉଛି। ବାଦୀପାଲା ମଞ୍ଚ କମିଟି, ବିଧାରପୁର ଏହାକୁ ଆୟୋଜନ କରୁଥିବା ବେଳେ ଏହି କାର୍ଯ୍ୟକ୍ରମରେ ଯୋଗଦେଇ ଶ୍ରୀ ଶ୍ରୀ ସତ୍ୟନାରାୟଣ ଦେବଙ୍କ କୃପା ଲାଭ କରିବା ପାଇଁ ଲୋକମାନଙ୍କୁ ନିବେଦନ କରାଯାଇଛି। ଏହାକୁ ଆଜିଠାରୁ ଆସନ୍ତା ୮ ତାରିଖ ପର୍ଯ୍ୟନ୍ତ ତିନି ଦିନ ଧରି ପରିବେଷଣ କରାଯିବ। ଏହି ମଞ୍ଚ ଦୁଇଟି ପର୍ଯ୍ୟାୟରେ ଚାଲିବ। ପ୍ରଥମ ପର୍ଯ୍ୟାୟ ସନ୍ଧ୍ୟା ୬ ଘଟିକା ଠାରୁ ୯ ଟା ୩୦ ମିନିଟ ପର୍ଯ୍ୟନ୍ତ ଏବଂ ଦ୍ଵିତୀୟ ପର୍ଯ୍ୟାୟ ରାତ୍ର ୯ ଟା ୩୦ ମିନିଟରୁ ଆରମ୍ଭ ହୋଇ ୧୧ ଟା ୩୦ ପର୍ଯ୍ୟନ୍ତ ଚାଲିବ। ଏହି ବାଦୀପାଲା ମଞ୍ଚରେ ଓଡିଶାର ପ୍ରସିଦ୍ଧ ଗାୟକମାନେ ଯୋଗ ଦେଉଛନ୍ତି। ପ୍ରଥମ ଦିନରେ ଓଡିଶାର ପ୍ରସିଦ୍ଧ ଗାୟକ ପ୍ରମୋଦ କୁମାର ସାହୁ ଏବଂ ଗାୟକ ବେଦବାଚସ୍ପତି ବିଚିତ୍ରାନନ୍ଦ ପଣ୍ଡାଙ୍କ ମଧ୍ୟରେ ଅନୁଷ୍ଠିତ ହେବ। ସୂଚନା ଥାଉ…
ଭୁବନେଶ୍ୱର, ଅଯୋଧ୍ୟାରେ ମର୍ଯ୍ୟଦା ପୁରୁଷୋତ୍ତମ ଭଗବାନ ଶ୍ରୀରାମଚନ୍ଦ୍ରଙ୍କ ଭବ୍ୟ ମନ୍ଦିର ନିର୍ମାଣାର୍ଥେ ସାମାଜିକ କର୍ମୀ ତଥା ଯୁବ ଭାଜପା ନେତା ଉମେଶ ଖଣ୍ଡେଲୱାଲଙ୍କ ଦ୍ବାରା ରାମ ଭକ୍ତଙ୍କ ଠାରୁ ୫୧ଲକ୍ଷ ୩୬ ହଜାର ୨୧୭ ଟଙ୍କା ସଂଗୃହିତ ହୋଇଥିଲା। ଏହି ସଂକଳ୍ପର ପ୍ରେରଣାଦାତ୍ରୀ ତଥା ଭାଜପାର ଜାତୀୟ ମୁଖପାତ୍ର ଓ ଭୁବନେଶ୍ବରର ସାଂସଦ ଅପରାଜିତା ଷଡଙ୍ଗୀଙ୍କ ଉପସ୍ଥିତିରେ ନିଧି ସମର୍ପଣ ସମିତିକୁ ଏହି ସଂଗୃହିତ ଅର୍ଥ ହସ୍ତାନ୍ତରିତ କରାଯାଇଛି। ସମାଜସେବୀ ଉମେଶ ଖଣ୍ଡେଲୱାଲଙ୍କ ବାସଭବନରେ ଅନୁଷ୍ଠିତ କାର୍ଯ୍ୟକ୍ରମରେ ତାଙ୍କ ମାତା ଉର୍ମିଳା ଖଣ୍ଡେଲୱାଲଙ୍କ ସମେତ ପରିବାରର ଅନ୍ୟ ସଦସ୍ୟମାନେ ଉପସ୍ଥିତ ରହି ସଂକଳ୍ପ ରାଶି ପ୍ରଦାନ କରିଥିଲେ। ଏହି ଅବସରରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଅହରହ ସଂକଳ୍ପ ପଥରେ ଅଗ୍ରସର ହୋଇ ବନ୍ଧୁ ସହୋଦର ଓ ରାମଭକ୍ତ ମାନଙ୍କ ଠାରୁ ସହଯୋଗ ରାଶି ସଂଗ୍ରହରେ ଉମେଶ ଭାଇଙ୍କ ନିଷ୍ଠା ଓ ଏକାଗ୍ରତାର ଭୁରି ଭୁରି ପ୍ରଂଶସା କରିଥିଲେ। ନିଧି ସମର୍ପଣ…
ଭୁବନେଶ୍ୱର, ଫ୍ରାନ୍ସର ରାଷ୍ଟ୍ରଦୂତ ଏମାନୁଏଲ୍ ଲେନାଇନ୍ ଭୁବନେଶ୍ବରରେ ଥିବା କଳାଭୂମି ପରିଦର୍ଶନ କରିଛନ୍ତି । ତାଙ୍କ ସହିତ କୋଲକାତାସ୍ଥିତ ଫ୍ରାନ୍ସ ଦୂତାବାସରେ ଅବସ୍ଥାପିତ କନ୍ସୁଲେଟ୍ ଜେନେରାଲ୍ ର୍ଭିଜିନି କର୍ଟେଭାଲ୍ ଏବଂ ଦୂତାବାସର ଅର୍ଥନୈତିକ ତଥା ବୈଜ୍ଞାନିକ ସହେ୩⁄୪ାଗ ପରାମର୍ଶଦାତା ଏମିଲିଆ କାର୍ଟିଆର୍ ମଧ୍ୟ କଳାଭୂମି ପରିଦର୍ଶନ କରିଥିଲେ । ଅତିଥିମାନେ ସଂଗ୍ରହାଳୟ ପରିସରରେ ପ୍ରଦର୍ଶିତ ହୋଇଥିବାବିଭିନ୍ନ ପ୍ରକାର ହସ୍ତତନ୍ତ ଓ ହସ୍ତଶିଳ୍ପକୁ ଭର ପୂର ଉ ପଭୋଗ କରିଥିଲେ । କୋଭିଡ୍-୧୯ ପାଇଁ ସରକାରଙ୍କ ଅନୁମୋଦିତ ନିର୍ଦ୍ଦେଶାବଳୀ ପାଳନ କରି କଳାଭୂମି କର୍ମଚାରୀମାନେ ଅତିଥିମାନଙ୍କୁ ସଂଗ୍ରହାଳୟ ପରିଦର୍ଶନରେ ସହାୟତା କରିଥିଲେ । ପରିଦର୍ଶନ ସମୟରେ ଅତିଥିମାନେ ଓଡ଼ିଶାର କାରିଗର ଏବଂବୁଣାକାରମାନଙ୍କ କଳାକୃତିର ଭୂୟସୀ ପ୍ରଶଂସା କରିଥିଲେ ।
ସୀତାରାମ ଅଗ୍ରୱାଲ ଚିଲିକା: କାଳୁପଡ଼ା ଜଗାବଳିଆ ଲଜ୍ ରେ ଯୁବକଙ୍କୁ ଆକ୍ରମଣ ପରେ ତୃତୀୟ ମହଲାରୁ ଠେଲି ହତ୍ୟା ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଯୁବକ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଯୁବକଙ୍କ ଦଦା ଅର୍ଜ୍ଜୁନ ବିଶ୍ଵାଳଙ୍କ ଅଭିଯୋଗ ଅନୁଯାୟୀ, ତାଙ୍କ ପୁତୁରା ନିରଞ୍ଜନ ଗତକାଲି ରାତି ୧୦ ଟା ସମୟରେ ଜଗବଳିଆ ଲଜ୍ ରେ ରହୁଥିବା ଜଣେ ସମ୍ପର୍କୀୟଙ୍କୁ ଦେଖା କରିବାକୁ ଯାଇଥିଲେ। ହେଲେ ଲଜ୍ ମାଲିକ ଏବଂ ତାଙ୍କର ସହଯୋଗୀ ଲଜ୍ ଭିତରକୁ ଯିବା ପାଇଁ ମନା କରିଥିଲେ। କିନ୍ତୁ ନିରଞ୍ଜନ ଏହି ଲଜ୍ ରେ ଦୁଇ ନମ୍ବର ଧନ୍ଦା ଚାଲୁଛି କି, ସେଥିପାଇଁ ମତେ ବାରଣ କରୁଛ ବୋଲି ସେମାନଙ୍କୁ ପ୍ରଶ୍ନ କରିଥିଲେ। ଫଳରେ ସେମାନେ ରାଗି ଯାଇ ତାଙ୍କୁ ଗୋଟିଏ ଘରେ ବାନ୍ଧି ନିରଞ୍ଜନଙ୍କୁ ମାଡ ମାରିଥିଲେ। ପରିବାର ଲୋକ ସୂଚନା ପାଇ ପହଞ୍ଚିବାରୁ ଲଜ୍ ର ମାଲିକ ଏବଂ…
ଭୁବନେଶ୍ୱର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଇଡ୍କୋ ପ୍ରଦର୍ଶନୀ ପଡ଼ିଆରେ ଆୟୋଜିତ ନବମ ଅଣୁ, କ୍ଷୁଦ୍ର, ମଧ୍ୟମ ଉଦ୍ୟୋଗ ବାଣିଜ୍ୟ ମେଳାକୁ ଭର୍ଚୁଆଲ୍ ଭାବେ ଉଦ୍ଘାଟନ କରିଛନ୍ତି । ଏହି ଅବସରରେ ସେ ମିଶନ ଶକ୍ତି ଓ ମହିଳା ଉଦ୍ୟୋଗୀଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିବାରୁ ସନ୍ତୋଷ ବ୍ୟକ୍ତ କରି ମେଳାରେ ଅଂଶଗ୍ରହଣ କରିଥିବା ୩୨୦ଟିି ଏମ୍ଏସ୍ଏମ୍ଇ ଓ ୬୦ଟି ଷ୍ଟାର୍ଟ ଅପ୍କୁ ସ୍ୱାଗତ ଜଣାଇଥିଲେ । ଏହି ଅବସରରେ ସମ୍ମାନିତ ଅତିଥି ଭାବେ ଯୋଗଦେଇ ଶକ୍ତି, ଶିଳ୍ପ, ଏମ୍ଏସ୍ଏମ୍ଇ, ଗୃହ ରାଷ୍ଟ୍ରମନ୍ତ୍ରୀ କ୍ୟାପ୍ଟେନ୍ ଦିବ୍ୟଶଙ୍କର ମିଶ୍ର ଏମ୍ଏସ୍ଏମ୍ଇରେ ପର୍ଯ୍ୟାପ୍ତ ନିଯୁକ୍ତି ସୁଯୋଗ ଥିବା ହେତୁ ଏହି ଦିଗରେ ଅଧିକରୁ ଅଧିକ ଧ୍ୟାନ ଦେବାର ଆବଶ୍ୟକତା ରହିଛି ବୋଲି କହିଥିଲେ। ଏହି ମେଳାରେ ଉଦ୍ୟୋଗ ନିମନ୍ତେ ଆଲୋଚନା ଚକ୍ର, ସଂପାନ, ସମସ୍ୟା ସମାଧାନ ଶିବିର, ନୂତନ ସୁଯୋଗ ସୃଷ୍ଟି ତଥା ଉଦ୍ୟୋଗୀ ଓ ଅଧିକାରୀମାନଙ୍କ ମଧ୍ୟରେ ମତବିନିମୟର ସୁଯୋଗ ସୃଷ୍ଟି କରାଯିବା ପାଇଁ…
ଭୁବନେଶ୍ବର, ଆଜି ଭୁବନେଶ୍ୱରର ମଞ୍ଚେଶ୍ୱର ଠାରେ ଥିବା ରେଳବାଇ କେନ୍ଦ୍ରୀୟ ଚିକିତ୍ସାଳୟରେ ପ୍ରାୟ ୧୪୦ ଜଣ ଅବସରପ୍ରାପ୍ତ ରେଳ କର୍ମଚାରୀଙ୍କୁ କୋଭିଡ ଟୀକା ଦିଆଯାଇଛି। ପୂର୍ବରୁ ପୂର୍ବତଟ ରେଳପଥ ମାର୍ଚ୍ଚ ମାସ ୪ ତାରିଖ ଠାରୁ ରେଳବାଇ କେନ୍ଦ୍ରୀୟ ଚିକିତ୍ସାଳୟରେ ସମସ୍ତ ଅବସରପ୍ରାପ୍ତ ରେଳ କର୍ମଚାରୀଙ୍କୁ କୋଭିଡ ଟିକା ପ୍ରଦାନ କରିବାକୁ ଘୋଷଣା କରିଥିଲା। ଅବସରପ୍ରାପ୍ତ ରେଳବାଇ କର୍ମଚାରୀମାନେ ସରକାରୀ ଛୁଟି ଦିନ ବ୍ୟତୀତ ସପ୍ତାହର ସୋମବାର ଠାରୁ ଶୁକ୍ରବାର ମଧ୍ୟରେ ପୂର୍ବାହ୍ନ ୯ ଘଟିକା ଠାରୁ ଅପରାହ୍ନ ୪ ଘଟିକା ମଧ୍ୟରେ କେନ୍ଦ୍ରୀୟ ଚିକିତ୍ସାଳୟରେ ସେମାନଙ୍କ ନାମ ପଞ୍ଜିକରଣ କରିବା ପାଇଁ କୁହାଯାଇଅଛି। ଅବସରପ୍ରାପ୍ତ ରେଳ କର୍ମଚାରୀମାନେ ସେମାନଙ୍କର ଆଧାର କାର୍ଡ (ବାଧ୍ୟତାମୂଳକ), ପ୍ୟାନ୍ କାର୍ଡ, ଡ୍ରାଇଭିଂ ଲାଇସେନ୍ସ, ପାସପୋର୍ଟ, RELHS କାର୍ଡ ପଞ୍ଜିକରଣ ସମୟରେ ଦାଖଲ କରିବା ସହିତ OTP ପାଇଁ ସେମାନଙ୍କର ଆଧାର ସଂଯୁକ୍ତ ମୋବାଇଲ୍ ନମ୍ବର ପାଖରେ ରଖିବା ଉଚିତ୍।
ନୂଆଦିଲ୍ଲୀ: ତୃଣମୂଳ କଂଗ୍ରେସର ପୂର୍ବତନ ସାଂସଦ ଦିନେଶ ତ୍ରିବେଦୀ ଆଜି ବିଜେପିରେ ସାମିଲ ହୋଇଛନ୍ତି। ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଉପସ୍ଥିତିରେ ଶ୍ରୀ ତ୍ରିବେଦୀ ବିଜେପିରେ ଯୋଗ ଦେଇଛନ୍ତି। ବିଜେପିରେ ଯୋଗ ଦେବା ପରେ ଦିନେଶ କହିଛନ୍ତି ଯେ, ମୁଁ ଏଭଳି ସ୍ବର୍ଣ୍ଣିମ ସମୟକୁ ଅପେକ୍ଷା କରିଥିଲି। ଆଜି ମୁଁ ‘ଜନତା ପରିବାର’ରେ ଯୋଡି ହୋଇପାରିଲି। ଅନ୍ୟ ଦଳରେ ଜନତାଙ୍କ ସେବା କରାଯାଏ ନାହିଁ, କିନ୍ତୁ ସେଠାରେ କେବଳ ଗୋଟିଏ ପରିବାରକୁ ସେବା କରିବାକୁ ପଡିଥାଏ। ତେବେ ଦିନେଶ ତ୍ରିବେଦୀ ବିଜେପିରେ ସାମିଲ ହେବା ପରେ ଟିଏମସି ମୁଖ୍ୟ ମମତା ବାନର୍ଜିଙ୍କୁ ଆଉ ଏକ ଝଟକା ଲାଗିଛି। ମମତାଙ୍କ ଅତି ବିଶ୍ଵସ୍ତ ଦିନେଶ ଦଳ ଛାଡିବା ପରେ ବିଜେପିର ଲାଭ ହେବ ବୋଲି କୁହାଯାଉଛି।
ଭୁବନେଶ୍ବର: ମାର୍ଚ୍ଚ ୧୧ ତାରିଖରେ ମହାଶିବରାତ୍ରି ପାଳନ କରାଯାଉଛି। ହେଲେ କରୋନା କାରଣରୁ ମହାଦେବଙ୍କ ଜାଗର ଯାତ୍ରାରେ ବିଭିନ୍ନ ମନ୍ଦିରରେ କଟକଣା ଲଗାଯାଇଛି। ତେବେ ଭୁବନେଶ୍ୱରର ପ୍ରଭୁ ଶ୍ରୀଲିଙ୍ଗରାଜଙ୍କ ମନ୍ଦିର ପରିସରରେ କୋଭିଡ କଟକଣା ଭିତରେ କିଭଳି ଜାଗର ଯାତ୍ରା ଅନୁଷ୍ଠିତ ହେବ ସେଥିପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ପୋଲିସ ପ୍ରଶାସନ ଏନେଇ ମନ୍ଦିରର ୩ ସେବାୟତ ନିଯୋଗ ସହ ବୈଠକ କରିଛି। ଏହି ବୈଠକରେ ଭକ୍ତମାନେ ଏକାଠି ବସି ଦୀପ ଜାଳିବା ପାଇଁ ବାରଣ କରାଯାଇଛି। ଶାନ୍ତି ଶୃଙ୍ଖଳା ପାଇଁ ବ୍ୟାପକ ପୋଲିସ ଫୋର୍ସ ମୁତୟନ କରାଯିବ ବୋଲି ଏହି ବୈଠକରେ ନିଷ୍ପତ୍ତି ହୋଇଛି। ରାତି ୧୦ଟାରେ ମହାଦୀପ ଉଠିବ। ତା’ପୂର୍ବରୁ ଭକ୍ତମାନଙ୍କୁ ମନ୍ଦିର ପରିସରରୁ ବାହାରକୁ ବାହାରି ପାଇଁ ବ୍ୟବସ୍ଥା କରାଯିବ ବୋଲି ଆଲୋଚନା ହୋଇଛି।
ପୁରୀ: ଶ୍ରୀମନ୍ଦିରରେ ରକ୍ତର ଛିଟା ଦେଖିବାକୁ ମିଳିଛି। ଶ୍ରୀମନ୍ଦିରର ଭିତରକାଠ ନିକଟରେ ରକ୍ତଛିଟା ଦେଖିବାକୁ ମିଳିଛି। ଯାହାଦ୍ୱାରା ସକାଳ ନୀତିରେ ବିଳମ୍ବ ହୋଇଥିଲା। ଶ୍ରୀଜିଉଙ୍କର ମହାସ୍ନାନ ପରେ ସକାଳ ନୀତିର ଆୟୋଜନ କରାଯାଇଥିଲା। ଏହାପରେ ମହାପ୍ରଭୁଙ୍କ ଦର୍ଶନ ଲାଗି ସାଧାରଣ ଭକ୍ତଙ୍କୁ ଅନୁମତି ମିଳିଛି। ହେଲେ ଶ୍ରୀମନ୍ଦିର ପରିସରରେ ଏଭଳି ଏକ ଅଭାବନୀୟ ଘଟଣା କିପରି ଘଟିଲା, ତାହା ଏଯାଏଁ ସ୍ପଷ୍ଟ ହୋଇନାହିଁ।
ଭଦ୍ରକ: ଚଳିତ ବର୍ଷ କରୋନା କଟକଣା ପାଇଁ ପ୍ରଶାସନିକ ନିଷ୍ପତ୍ତି ପ୍ରକାରେ ଭଦ୍ରକ ଆରଡ଼ି ସ୍ଥିତ ପ୍ରସିଦ୍ଧ ଆଖଣ୍ଡଳମଣି ପୀଠରେ ବିନା ଶ୍ରଦ୍ଧାଳୁରେ ଅନୁଷ୍ଠିତ ହେବ ଜାଗର ଯାତ୍ରା। ୧୦ ତାରିଖ ସକାଳ ୭ଟା ଠାରୁ ୧୨ ତାରିଖ ସକାଳ ୭ଟା ପର୍ଯ୍ୟନ୍ତ ମନ୍ଦିର ଚର୍ତୁପାଶ୍ୱର୍ରେ ୧୪୪ ଧାରା ଜାରୀ କରାଯାଇଛି। କେବଳ ମନ୍ଦିର ସେବାୟତ ମାନେ ପରମ୍ପରା ଅନୁଯାୟୀ ବାବା ଆଖଣ୍ଡଳମଣିଙ୍କ ସମସ୍ତ ନୀତିକାନ୍ତି କରିବେ।
ଭୋପାଳ: ମଧ୍ୟ ପ୍ରଦେଶରେ କୃଷି ଅଧିକାରୀ ନିଯୁକ୍ତି ପାଇଁ ହୋଇଥିବା ପରୀକ୍ଷାରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ପରୀକ୍ଷା ଫଳ ବାହାରିବା ପରେ ଜଣାପଡିଲା ଯେ, ଦଶ ଜଣ ପରୀକ୍ଷାର୍ଥୀ ଟପର ହୋଇଛନ୍ତି। ହେଲେ ଆଶ୍ଚର୍ଯ୍ୟର କଥା ହେଲା ଏହି ଦଶ ଜଣ ପୁରା ସମାନ ନମ୍ବର ରଖିଛନ୍ତି। ସେତିକି ନୁହେଁ ସେମାନଙ୍କ ଉତ୍ତର ଖାତା ଦେଖିବା ପରେ ଜଣାପଡିଲା ଏହି ଦଶ ଜଣ ସମାନ ଭୁଲ ମଧ୍ୟ ଲେଖିଛନ୍ତି। ଆଉ ଏକ ବଡ କଥା ହେଲା ଏହି ଦଶଜଣ ପରୀକ୍ଷାର୍ଥୀ ଗୋଟିଏ କଲେଜରେ ମଧ୍ୟ ପଢୁଛନ୍ତି। ଏହାକୁ ନେଇ ବର୍ତ୍ତମାନ ସମସ୍ତଙ୍କର ସନ୍ଦେହ ଘନିଭୂତ ହେବାରେ ଲାଗିଛି। ଗତ ଫେବୃୟାରୀ ୧୦ ଏବଂ ୧୧ ତାରିଖରେ ମଧ୍ୟ ପ୍ରଦେଶ ପ୍ରଫେସନାଲ ଏକଜାମିନେସନ ବୋର୍ଡ ଦ୍ବାରା ଏକ ପରୀକ୍ଷା ହୋଇଥିଲା। ଏଥିରେ ରାଜ୍ୟ ପାଇଁ ୮୨୩ ଟି କୃଷି ଅଧିକାରୀ ପଦପାଇଁ ଏହି ପରୀକ୍ଷା ହୋଇଥିଲା। ଗତ ଫେବୃୟାରୀ ୧୭ ତାରିଖରେ ଏହାର…
ଭୁବନେଶ୍ବର: ଆଜି ରାଜ୍ୟରେ ୫୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍ କେନ୍ଦ୍ରରୁ ୩୨ ଜଣ ଚିହ୍ନଟ ହୋଇଥିବା ବେଳେ ୨୨ ଟି ଲୋକାଲ କେସ୍ ରହିଛି। ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୩୭ ହଜାର ୬୭୪ କୁ ବୃଦ୍ଧି ହୋଇଥିବାବେଳେ ସୁସ୍ଥ ହୋଇଛନ୍ତି ୩ ଲକ୍ଷ ୩୪ ହଜାର ୯୦୨ ଜଣ। ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୮୦୨ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୧୯୧୭ କୁ ବୃଦ୍ଧି ହୋଇଛି। ଆଜି ମୋଟ ୧୫ ଟି ଜିଲ୍ଲାରୁ ୫୪ ଆକ୍ରାନ୍ତ ଚିହ୍ନଟ ହୋଇଛନ୍ତି। ସର୍ବାଧିକ ସମ୍ବଲପୁର ଜିଲ୍ଲାରୁ ୧୦ ଜଣ, ସୁନ୍ଦରଗଡ ଜିଲ୍ଲାରୁ ୭ ଜଣ, ଖୋର୍ଦ୍ଧା ଜିଲ୍ଲାରୁ ୬ ଜଣ, ଅନୁଗୁଳ ଜିଲ୍ଲାରୁ ୭ ଜଣ,…
କୋରେଇ: ସମାଜିକ ଗଣମାଧ୍ୟମରେ ହିନ୍ଦୁ ଧର୍ମ, ହିନ୍ଦୁ ପୁରାଣ ଶାସ୍ତ୍ର ଓ ହିନ୍ଦୁ ଦେବାଦେବୀଙ୍କୁ କଦର୍ଥ କରି ଲେଖା ଓ ଟିପ୍ପଣୀ ପ୍ରଦାନ କରୁଥିବା ମନୋରଞ୍ଜନ ଯେନାଙ୍କୁ ଗିରଫ କରି କଠୋର ଦଣ୍ଡ ବିଧାନ ନିମନ୍ତେ ଯାଜପୁର ଜିଲ୍ଲା ବିଶ୍ୱହିନ୍ଦୁ ପରିଷଦ ଓ ବଜରଙ୍ଗ ଦଳ ପକ୍ଷରୁ ଜିଲ୍ଲା ପୁଲିସ ମୁଖ୍ୟାଳୟରେ ଏସପିଙ୍କୁ ଲିଖିତ ଦାବି ପତ୍ର ପ୍ରଦାନ କରାଯାଇଛି। ଅଭିଯୋଗ ମୁତାବକ ବଡଚଣା ଥାନା ଅଂଚଳର ମନୋରଞ୍ଜନ ଯେନା ଦୀର୍ଘ ଦିନ ହେବ ସାମାଜିକ ଗଣମାଧ୍ୟମ ଓ ଫେସବୁକ୍ ମାଧ୍ୟମରେ ହିନ୍ଦୁ ଧର୍ମ ସମ୍ପର୍କରେ କଦର୍ଥ ଟିପ୍ପଣୀ ମାନ ପୋଷ୍ଟ କରି ସମାଜରେ ହିଂସା ଓ ଅଶାନ୍ତି ସୃଷ୍ଟି କରିବାରେ ଲାଗିଛନ୍ତି। ଏହିଭଳି ନକାରାତ୍ମକ ଲେଖା ସମାଜରେ ପ୍ରତ୍ୟେକ ଦିନ ଅଶାନ୍ତିର ବିଷ ମଞ୍ଜି ବୁଣି ଚାଲିଛି। ଏଭଳି କାର୍ଯ୍ୟକଳାପକୁ ରୋକା ନଗଲେ ନିଆଁ ଭଳି କୁହୁଳୁଥିବା ଅସନ୍ତୋଷ ସମଗ୍ର ରାଜ୍ୟକୁ ବ୍ୟାପିବ। ତେଣୁ ଜିଲ୍ଲା ବଜରଙ୍ଗ ଦଳ ଓ…
ହେମାଙ୍ଗ ପ୍ରସାଦ ରାଉଳ ଛତ୍ରପୁର: ଓଡିଆ ଲେଖାପଢା ଜାଣିନଥିବାରୁ ସରପଂଚଙ୍କ ପଦଗଲା। ଛତ୍ରପୁର ବ୍ଲକ ଅଗସ୍ତିନୂଆଗାଁ ସରପଂଚ ପି.ସିମାଦ୍ରିଙ୍କୁ ଅଯୋଗ୍ୟ ଘୋଷଣା କରିଛନ୍ତି ଛତ୍ରପୁର ସିଭିଲ ଜର୍ଜ ଜୁନିଅର ଡିଭିଜନ ବିଚାରପତି ସନ୍ତୋଷ କୁମାର ପାଣିଗ୍ରାହି। ସୂଚନା ମୁତାବକ ୨୦୧୭ ପଚାଂୟତ ନିର୍ବାଚନରେ ପି.ସିମାଦ୍ରୀ ଅଗସ୍ତିନୂଆଗାଁ ସରପଂଚ ଭାବେ ବିଜୟୀ ହୋଇଥିଲେ। କିନ୍ତୁ ତାଙ୍କ ନିକଟତମ ପ୍ରତିଦ୍ୱନ୍ଦୀ ନିବାସୀ ଗୈାଡ ସେହି ସମୟରେ ଓକିଲଙ୍କ ଜରିଆରେ ଛତ୍ରପୁର ସିଭିଲ କୋର୍ଟରେ ଏକ ପିଟିସନ ଦାଖଲ କରିଥିଲେ। ସରପଂଚ ପି.ସିମାଦ୍ରୀ ଓଡିଆ ଲେଖିପଢି ଜାଣିନାହାନ୍ତି, ସେ ଦୁଇଟି ବିବାହ କରିଛନ୍ତି ଏବଂ ତାଙ୍କରି ୬ଟି ସନ୍ତାନ ରହିଥିବା ଉକ୍ତ ପିଟିସନରେ ଉଲ୍ଲେଖ କରିଥିଲେ। ଏନେଇ ଆଜି ଏହି ପିଟିସନ ଉପରେ ରାୟ ପ୍ରକାଶ ପାଇଛି। ୪ଜଣଙ୍କ ସାକ୍ଷ୍ୟପ୍ରମାଣ ଭିତିରେ ମାନ୍ୟବର ବିଚାରପତି ସିମାଦ୍ରୀଙ୍କୁ ସରପଂଚ ପଦବୀରୁ ଅଯୋଗ୍ୟ ଘୋଷଣା କରିଥିବା ନିବାସୀଙ୍କ ଓକିଲ ଶ୍ରୀକାନ୍ତ ମିଶ୍ର ସୂଚନା ଦେଇଛନ୍ତି। ଏବଂ ବିହିତ କାର୍ଯ୍ୟନୁଷ୍ଠାନ…
ଭୁବନେଶ୍ବର, ରାଜସ୍ଥାନରେ ଏକ ରାଜକୀୟ ଢଙ୍ଗରେ ବାହାଘର ସାରିବା ପରେ ଆଜି ଭୁବନେଶ୍ବର ଫେରିଛନ୍ତି ସବ୍ୟର୍ଚ୍ଚିତା। ଓଡିଆ ଚଳଚିତ୍ରର ଏହି ଚର୍ଚ୍ଚିତ ଦମ୍ପତିଙ୍କୁ ଭୁବନେଶ୍ବରର ବିମାନ ବନ୍ଦରରେ ପରିବାର ବର୍ଗ ତଥା ତାଙ୍କ ପ୍ରଶଂସକମାନେ ଫୁଲତୋଡା ଦେଇ ସ୍ବାଗତ କରିଥିଲେ। ସବ୍ୟର୍ଚ୍ଚିତା ଚଳିତ ମାର୍ଚ୍ଚ ଏକ ତାରିଖରେ ବିବାହ ବନ୍ଧନର ବାନ୍ଧି ହୋଇଥିଲେ। ଖୁବ କମ ସଂଖ୍ୟକ ବନ୍ଧୁଙ୍କୁ ନେଇ ଏହି ବାହାଘର ହୋଇଥିଲା। ହିନ୍ଦୁ ଧର୍ମର ପରଂପରା ଅନୁସାରେ ଅର୍ଚ୍ଚିତା ମଥାରେ ସିନ୍ଦୁର ଏବଂ ହାତରେ ଚୁଡିରେ ଭର୍ତ୍ତି ହୋଇ ରହିଥିଲା। ଭୁବନେଶ୍ବରର ବିମାନ ବନ୍ଦରରେ ସବ୍ୟସାଚୀ କହିଛନ୍ତି ଯେ, ଗତ ବର୍ଷ ମାର୍ଚ୍ଚ ମାସରେ ଆମର ବାହାଘର ହେବ ବୋଲି ସ୍ଥିର ହୋଇଥିଲା। ହେଲେ କୋଭିଡ ପାଇଁ ଏହି ବାହାଘର ହୋଇପାରି ନ ଥିଲା। ତେବେ ବର୍ତ୍ତମାନ ସୁଦ୍ଧା କୋଭିଡ କଟକଣା ରହିଛି। ଓଡିଶାରେ ବାହାଘର କଲେ ବେଶ ଗହଳି ହୋଇଥାଆନ୍ତି। ହେଲେ ଏପରି କଟକଣା ଭିତରେ ସମସ୍ତଙ୍କୁ…