Author: Samikhsya Bureau

ଭୁବନେଶ୍ବର : ଭୁବନେଶ୍ବରରେ କରୋନା ଆକ୍ରାନ୍ତ ବଢୁଥିବାରୁ ସରକାର ବଡ଼ ପଦକ୍ଷେପ ନେଇଛନ୍ତି । ରାଜଧାନୀକୁ ତିନୋଟି ଜୋନ୍‌ରେ ବିଭକ୍ତ କରି ବରିଷ୍ଠ ଆଇଏଏସ୍‌ଙ୍କୁ ଦାୟିତ୍ବ ଦିଆଯାଇଛି । ଏହି କ୍ରମରେ ରଞ୍ଜନା ଚୋପ୍ରା ଓ ବିଷ୍ଣୁପଦ ସେଠୀଙ୍କୁ ଉତ୍ତର ଜୋନ୍‌ ଦାୟିତ୍ବ ଦିଆଯାଇଥିବାବେଳେ ଏସ୍‌.କେ. ଲୋହାନୀ ଓ ଶାଶ୍ବତ ମିଶ୍ରଙ୍କୁ ଦକ୍ଷିଣ ପୂର୍ବ ଜୋନ୍‌ ଦାୟିତ୍ବ ଦିଆଯାଇଛି । ସେହିପରି ଅଶୋକ ମୀନା ଓ ଭାସ୍କର ଜ୍ୟୋତି ଶର୍ମାଙ୍କୁ ଦକ୍ଷିଣ ପଶ୍ଚିମ ଜୋନ୍‌ ଦାୟିତ୍ବ ଦିଆଯାଇଛି । ଏହି ସମସ୍ତଙ୍କୁ କଣ୍ଟେନମେଣ୍ଟ ଦାୟିତ୍ବ ସହ ଭୁବନେଶ୍ବରରେ ରୋଗ ନ ବ୍ୟାପିବା ଦେଖିବେ ବୋଲି ଦାୟିତ୍ବ ଦିଆଯାଇଛି । ସମ୍ପୃକ୍ତ ଅଞ୍ଚଳର କଣ୍ଟାକ୍ଟ ଟ୍ରେସିଂ, ଘରକୁ ଘର ସର୍ଭେର ତନଖି କରିବେ । କଣ୍ଟେନମେଣ୍ଟ ଜୋନ୍‌କୁ ଜରୁରୀ ସାମଗ୍ରୀ ଯୋଗାଣ କଥା ମଧ୍ୟ ବୁଝିବେ ।

ନୂଆଦିଲ୍ଲୀ : ବିଶ୍ବରେ କରୋନା ସ୍ଥିତି ଉଦ୍‌ବେଗଜନକ ରହିଥିବାବେଳେ ଭାରତରେ ମଧ୍ୟ ସ୍ଥିତି ସଙ୍ଗୀନ୍‌ ରହିଛି । ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ଦେଶରେ ଏପର୍ଯ୍ୟନ୍ତ 10815 ଜଣ ଆକ୍ରାନ୍ତ ହୋଇଥିବାବେଳେ 353ଜଣଙ୍କର ମୃତ୍ୟୁ ହୋଇଛି । ସେହିପରି 1190 ଜଣ ସୁସ୍ଥ ହୋଇଛନ୍ତି । ସବୁଠୁାର ଅଧିକ କରୋନା ମାମଲା ମହାରାଷ୍ଟ୍ରରୁ ହିଁ ଆସିଛି । ରାଜ୍ୟମାନଙ୍କ ଦୃଷ୍ଟିରେ ଦେଖିଲେ ସର୍ବାଧିକ କରୋନା ଆକ୍ରାନ୍ତ ଓ ମୃତ୍ୟୁ ମହାରାଷ୍ଟ୍ରରେ ହିଁ ହୋଇଛି । ଏଠାରେ 2337 ଜଣ କରୋନା ସଂକ୍ରମିତ ହୋଇଥିବାବେଳେ ସୁସ୍ଥ ହୋଇଛନ୍ତି 229 ଜଣ ଓ ମୃତ୍ୟୁ ବରଣ କରିଛନ୍ତି 160 ଜଣ । ସେହିପରି ଭାରତର ରାଜଧାନୀ ଦିଲ୍ଲୀରେ ମଧ୍ୟ 1500ରୁ ଉର୍ଦ୍ଧ୍ବ ସଂକ୍ରମିତ ହୋଇଥିବାବେଳେ ମୃତ୍ୟୁବରଣ କରିଛନ୍ତି 28 ଜଣ । ଭାରତର ଅଧିକ କରୋନା ସଂକ୍ରମିତ ରାଜ୍ୟଙ୍କ ମଧ୍ୟରେ ମହାରାଷ୍ଟ୍ର ଓ ଦିଲ୍ଲୀଙ୍କ ସମେତ ତାମିଲନାଡୁ, ରାଜସ୍ଥାନ,ତେଲେଙ୍ଗାନା, ଗୁଜୁରାଟ ଓ…

ଭୁବନେଶ୍ବର, ଲକଡାଇନ ସମୟ ବୃଦ୍ଧି ଯୋଗୁଁ ଓଡିଶା ଜଏଣ୍ଟ ଏଣ୍ଟ୍ରାସ ପରୀକ୍ଷା 2020 ପରୀକ୍ଷା ଅନିର୍ଦ୍ଧିଷ୍ଠ ସମୟ ପାଇଁ ଘୁଞ୍ଚାଇ ଦିଆଯାଇଛି। ଏନେଇ ଓଜେଇଇ ତରଫରୁ ଏକ ବିଜ୍ଞପ୍ତି ଜାରୀ କରାଯାଇଛି। ବିଜ୍ଞପ୍ତି ଅନୁସାରେ ଓଜେଇଇ-2020 ପରୀକ୍ଷା ଆସନ୍ତା ମେ ମାସ ପ୍ରଥମ ସପ୍ତାହରେ ହେବ ବୋଲି କୁହାଯାଇଥିଲା। ସେଥିପାଇଁ ଛାତ୍ରଛାତ୍ରୀମାନଙ୍କୁ ଏ ସଂପର୍କରେ ଅବଗତି ମଧ୍ୟ କରାଯାଇଥିଲା। ହେଲେ ପୁଣି ଥରେ ଲକଡାଇନ ସମୟ ବୃଦ୍ଧି ଯୋଗୁଁ ଏହି ପରୀକ୍ଷା ପରବର୍ତ୍ତି ନୋଟିସ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି ବୋଲି କୁହାଯାଇଛି। ଏଥିରେ ପୁଣି କୁହାଯାଇଛି ଯେ, ପରବର୍ତ୍ତି ପରୀକ୍ଷା ସମୟ ଓଜେଇଇ ୱେବସାଇଟରେ ପ୍ରକାଶିତ ହେବ। ସେଥିରେ ଅନଲାଇନ ଫର୍ମ ପୂରଣ, ଆଡମିଟ୍ କାର୍ଡ ଡାଉନଲୋଡ ପ୍ରଭୃତି ପୁଣିଥରେ ୱେବସାଇଟରେ ଉପଲବ୍ଧ ହେବ। ସେଥିପାଇଁ ଛାତ୍ରଛାତ୍ରୀମାନେ କୌଣସି ବ୍ୟସ୍ତ ବିବ୍ରତ ହେବାର ଆବଶ୍ୟକ ନାହିଁ ବୋଲି ଓଜେଇଇ ତରଫରୁ କୁହାଯାଇଛି। ବର୍ତ୍ତମାନ ପରିସ୍ଥିତିରେ ସମସ୍ତେ ଘରେ ରହି ସରକାରଙ୍କ ବିଭିନ୍ନ…

ନୂଆଦିଲ୍ଲୀ : ଚୀନ୍‌ ସହରରରୁ ଆରମ୍ଭ ହୋଇଥିବା ଭୟାନକ କରୋନା ଏବେ ବିଶ୍ବର ସବୁଠୁ ଶକ୍ତିଶାଳୀ ଦେଶ ଆମେରିକାରେ ମୃତ୍ୟୁର ତାଣ୍ଡବ ରଚି ଚାଲିଛି । ଆମେରିକାରେ ଗତ 24 ଘଣ୍ଟା ମଧ୍ୟରେ ଦୁଇ ହଜାର 224 ଜଣଙ୍କର ମୃତ୍ୟୁ ହୋଇଛି, ଯାହା ଏକ ଦିନରେ ସବୁଠାରୁ ଅଧିକ ମୃତ୍ୟୁ ହୋଇଛି ରେକର୍ଡ ହୋଇଛି । ଆମେରିକାରେ କରୋନା ସଂକ୍ରମିତ ମାମଲା ମଧ୍ୟ ବଢିବାରେ ଲାଗିଛି । ମିଳିଥିବା ସୂଚନା ଅନୁସାରେ ଆମେରିକାରେ ଏହି ସଂକ୍ରମଣ ଜନିତ ଆକ୍ରାନ୍ତଙ୍କ ସଂଖ୍ୟା 6ଲକ୍ଷ13 ହଜାର 886ଟି ମାମଲା ସାମ୍ନାକୁ ଆସିଛି । ଏଥିରୁ 5 ଲକ୍ଷ49 ହଜାର 19ଜଣ ଆକ୍ଟିଭ୍‌ ରହିଛନ୍ତି । ସେହିପରି 13 ହଜାର 473ଜଣ ଗମ୍ଭୀର ରୂପରେ ବେମାର ଅଛନ୍ତି । ଦେଶରେ ଏପର୍ଯ୍ୟନ୍ତ 26 ହଜାର 47ଜଣଙ୍କ ମୃତ୍ୟୁ ହୋଇଛି । ସେହିପରି 38 ହଜାର 820ଜଣ ସୁସ୍ଥ ହୋଇଛନ୍ତି । ଦେଶରେ ସର୍ବାଧିକ କରୋନା ଜନିତ…

କେଦାର ମିଶ୍ର ଏବେ ସ୍ପଷ୍ଟ ହୋଇ ଯାଇଛି ଯେ, ଆସନ୍ତା ମଇ ୩ ତାରିଖ ପର୍ୟନ୍ତ ସାରା ଦେଶରେ ଲକ ଡାଉନ ଅବ୍ୟାହତ ରହିବ। ଅର୍ଥାତ ପ୍ରାୟ ଦେଢ ମାସ ବ୍ୟାପୀ ଦେଶର ଆର୍ଥିକ ଓ ସାମାଜିକ ଜୀବନ ଠପ ହୋଇ ରହିବ। ଯିଏ ଯେଉଁଠି ରହିଛନ୍ତି, ସେମାନେ ସେଇଠି ଆଗକୁ ଆହୁରି ୧୮ ଦିନ ଅଟକି ରହିବେ। ତେବେ ସେମାନେ କେମିତି ବଞ୍ଚିବେ, କେମିତି ଘରକୁ ଫେରିବେ, ସେଥିଲାଗି ସରକାରଙ୍କର କୌଣସି ନିର୍ଦ୍ଦିଷ୍ଟ ନୀତି ନାଇଁ। କେବଳ ଘରେ ରୁହନ୍ତୁ ବୋଲି କହିବା ଛଡା, ସରକାରଙ୍କ ପାଖରେ ଲୋକଙ୍କୁ ସହାୟତା ଦେବାକୁ ଅଧିକ କିଛି ନାହିଁ। ଗତ କାଲି ଦେଶବାସୀଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ ଯାହା କହିଲେ, ସେଥିରେ ନୀତିବାଣୀ ପ୍ରବଳ, ହେଲେ ସଙ୍କଟରୁ ମୁକୁଳିବାର ବାସ୍ତବ ବାଟ ଦିଶୁନାହିଁ। ମାସ ମାସ ଧରି ଦେଶର ଅର୍ଥନୀତିକୁ ତାଲା ପକାଇ ଜୀବନ ବଞ୍ଚାଇବାର ସଫଳତା କଥା ଆମେ କହୁଛୁ। ଆମେରିକା…

ତେଲୁଗୁ ଚଳଚିତ୍ର “ଓରିୟା ବୁଜ୍ଜି ଗା” ର ଏକ ବିଶେଷ ଦୃଶ୍ୟରେ ଅଭିନେତା ଏବଂ ଅଭିନେତ୍ରୀ ଏକ ବିଶେଷ ଭଙ୍ଗିରେ

ନୂଆଦିଲ୍ଲୀ, ସମ୍ବାଧାନ ପ୍ରଣେତା ଡକ୍ଟର ବି,ଆର ଆମ୍ବେଦକରଙ୍କ ଜନ୍ମ ଦିବସ ଉପଲକ୍ଷେ ଭାରତର ଉପରାଷ୍ଟ୍ରପତି ଏମ ଭେଙ୍କେୟାନାଇଡୁ ଏବଂ ତାଙ୍କ ଧର୍ମପତ୍ନ ଉଷାମ୍ମାଙ୍କ ଶ୍ରଦ୍ଧାଞ୍ଜଳୀ ପ୍ରଦାନ।

(ସମୀକ୍ଷା ବ୍ୟୁରୋ) ଗୁଜରାଟ ର ଜଣେ କଂଗ୍ରେସ ବିଧାୟକଙ୍କ ରକ୍ତ ନମୂନାରେ ଆଜି କୋଭିଡ-୧୯ ଭୂତାଣୁ ମିଳିଛି। ଜ୍ଵର ଥିବା ସତ୍ତ୍ୱେ ଉକ୍ତ ବିଧାୟକ ଆଜି ମୁଖ୍ୟମନ୍ତ୍ରୀ ବିଜୟ ରୂପାଣିଙ୍କ ଦ୍ଵାରା ଡକା ଯାଇଥିବା ଏକ ବୈଠକରେ ଯୋଗ ଦେଇଥିଲେ। ଅନ୍ୟ ବିଧାୟକମାନେ ମଧ୍ୟ ଏହି ବୈଠକରେ ଉପସ୍ଥିତ ଥିଲେ। ଇତି ମଧ୍ୟରେ ଗୁଜରାଟରୁ ପ୍ରଥମ ରାଜନୈତିକ ବ୍ୟକ୍ତି ଭାବରେ ଏହି ବିଧାୟକ କରୋନା ଆକ୍ରାନ୍ତ ଭାବେ ଚିହ୍ନଟ ହୋଇଛନ୍ତି।

ନୂଆଦିଲ୍ଲୀ : ଲକଡାଉନ୍‌ ସମୟରେ ମଦ ତସ୍କରୀ ଅପରାଧରେ ଦିଲ୍ଲୀ ପୋଲିସ୍‌ର ଜଣେ କନେଷ୍ଟବଳଙ୍କ ସମେତ ଚାରିଜଣ ଗିରଫ ହୋଇଛନ୍ତି । ରବିନ୍ଦ୍ର ନାମକ ଏହି କନେଷ୍ଟବଳ ଜଣକ ବେଗପୁର ପୋଲିସ୍‌ ଥାନାରେ ନିୟୋଜିତ ଥିଲେ। ସେ ତାଙ୍କ ସାଥୀମାନଙ୍କ ସହିତ ମଦ ଚୋରାଚାଲାଣରେ ସାମିଲ୍‌ ରହିଥିଲେ । ପୋଲିସ୍‌ ଏହି ଘଟଣା ସମ୍ପର୍କରେ ସୂଚନା ମିଳିବା ପରେ ତତକ୍ଷଣାତ୍‌ କାର୍ଯ୍ୟାନୁଷ୍ଠାନ କରିଛି । ମିଳିଥିବା ସୂଚନା ଅନୁସାରେ ପୋଲିସ୍‌କୁ ଜହାଙ୍ଗିରୀପୁରୀଠାରେ ଏକ ହୋଟେଲ୍‌ ସାମ୍ନାରୁ କନେଷ୍ଟବଳଙ୍କ ସମେତ ତାଙ୍କ ସାଥୀଙ୍କୁ ଧରିବାରେ ସଫଳ ହୋଇଥିଲା ।  50 ବୋତଲ ମଦ ଜବତ ହେବା ସହିତ ଏହି ଅପରାଧୀମାନଙ୍କ ବିରୋଧରେ ମାମଲା ଦାଏର କରାଯାଇଛି । କରୋନା ସହ ମୁକାବିଲା କରିବା ପାଇଁ ଦେଶରେ ମାର୍ଚ୍ଚ 24ରୁ ଲକ୍ ଡାଉନ୍‌ ଜାରି ରହିଛି । ଏହି ଲକ୍‌ ଡାଉନ୍‌ ସମୟରେ ରାଜ୍ୟର ସମସ୍ତ ମଦଦୋକାନକୁ ବନ୍ଦ କରାଯିବା ସହିତ ମଦ ବିକ୍ରି…

ଫ୍ଲୋରିଡା : ବିଶ୍ବ ଏବେ ମହାମାରୀ କରୋନା ଗ୍ରସ୍ତ । ବିଶ୍ବବାସୀ ଏଥିରୁ ନିସ୍ତାର ପାଇବାକୁ ବାଟ ଖୋଜିଚାଲିଥିବାବେଳେ କୌଣସି ପ୍ରକାର ଦୃଢ ନିଶ୍ଚିତ ହୋଇପାରୁନାହାନ୍ତି । ଠିକ୍‌ ଏପରି ସମୟରେ ଦୀର୍ଘ ନଅ ମାସ କାଳ ପୃଥିବୀ ବାହାରେ ରହିଥିବା ତିନି ଜଣ ମହାକାଶଚାରୀ ପୃଥିବୀକୁ ପ୍ରତ୍ୟାବର୍ତ୍ତନ କରୁଛନ୍ତି । ଏହି ତିନି ମହାକାଶଚାରୀ ଆସନ୍ତା ସପ୍ତାହରେ ପୃଥିବୀ ପୃଷ୍ଠରେ ଅବତରଣ କରିବେ ବୋଲି ସୂଚନା ରହିଛି । ତେବେ ବିଶ୍ବରେ ଚାଲିଥିବା ଏପରି ଏକ ମହାସଂକଟକୁ ସେ କିପରି ସାମ୍ନା କରିବେ ସେନେଇ ସନ୍ଦିହାନ ହୋଇପଡିଛନ୍ତି । ନଅମାସ କାଳ ପୃଥିବୀ ବାହାରେ ରହିଥିବା ଏହି ମହାକାଶଚାରୀ ପୃଥିବୀ ପୃଷ୍ଠରେ ପହଞ୍ଚିବା କ୍ଷଣି ନିଜର ପ୍ରିୟ ଜନଙ୍କ ସହ ଆବେଗପୂର୍ଣ୍ଣ ଆଲିଙ୍ଗନ ମଧ୍ୟ କରିପାରିବେ ନାହିଁ । ଏହି ତିନି ମହକାଶଚାରୀ ହେଲେ ଜେସିକା ମୀର୍‌, ଆଣ୍ଡ ମୋର୍ଗାନ୍‌ ଏବଂ କ୍ରିସ୍‌ କ୍ରାସିଡି । ଏହି ତିନି ମହାକାଶଚାରୀ…

ଭୁବନେଶ୍ବର: କୋଭିଡ-୧୯ ମହାମାରୀ କାରଣରୁ ଦେଶରେ ଲକଡାଉନ ଜାରି ହୋଇଥିବା ଅଧିକାଂଶ ସଂସ୍ଥାରେ ବର୍ତ୍ତମାନ କାର‌୍ୟ୍ୟ ବନ୍ଦ ରହିଛି। ଏହାକୁ ଦୃଷ୍ଟିରେ ରଖି କର୍ମଚାରୀ ରାଜ୍ୟ ବୀମା ନିଗମ (ଇସଏଆଇସି) ପକ୍ଷରୁ ଏହାର ଅଂଶୀଦାର ବିଶେଷକରି ନିଯୁକ୍ତିଦାତା ଏବଂ ବୀମାଭୁକ୍ତ ବ୍ୟକ୍ତିଙ୍କ ପାଇଁ କେତେକ ରିହାତି ପଦକ୍ଷେପ ଘୋଷଣା କରାଯାଇଛି। ଏହାଛଡ଼ା ଇଏସଆଇସି ପକ୍ଷରୁ କୋଭିଡ-୧୯ ମୁକାବିଲାରେ ନିଜର ଡାକ୍ତରୀ ସମ୍ବଳକୁ ମଧ୍ୟ ବିନିଯୋଗ କରାଯାଉଛି। ଫେବୃଆରୀ ଏବଂ ମାର୍ଚ୍ଚ ମାସ ପାଇଁ ଇଏସଆଇ ଯୋଗଦାନ ଦାଖଲ କରିବାର ଅବଧି ୧୫ ଏପ୍ରିଲକୁ ଧାର୍ଯ୍ୟ କରାଯାଇଥିବା ବେଳେ ଏହାକୁ ଏବେ ମେ ୧୫ ତାରିଖ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ସେହିପରି ନିଯୁକ୍ତିଦାତାଙ୍କ ଅସୁବିଧାକୁ ଆଖି ଆଗରେ ରଖି ଫେବୃଆରୀ ମାସର ଇଏସଆଇ ଯୋଗଦାନ ଦାଖଲ ଅବଧି ୧୫ ଏପ୍ରିଲରୁ ୧୫ ମେ ପର୍ଯ୍ୟନ୍ତ ବୃଦ୍ଧି କରି ଦିଆଯାଇଛି। ଏଥିପାଇଁ କୌଣସି ଜୋରିମାନା କିମ୍ବା ସୁଧ ଅଥବା ଶୁଳ୍କ ଲାଗୁ ହେବ ନାହିଁ।…

ଭୁବନେଶ୍ବର : 2020-21 ଶିକ୍ଷା ବର୍ଷ ପାଇଁ ଦଶମ ଶ୍ରେଣୀ ବହି ବଦଳିଲା । 8ଟି ବହି ବଦଳିଥିବା ନେଇ ବୋର୍ଡ ସମ୍ପାଦକ ସୂଚନା ଦେଇଛନ୍ତି । ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଏହି ନିଷ୍ପତ୍ତି ନିଆଯାଇଛି। 2020-21ରେ ରାଜ୍ୟ ବୋର୍ଡର ଦଶମ ଶ୍ରେଣୀ ଛାତ୍ରଛାତ୍ରୀମାନେ ନୂଆ ବହି ପଢ଼ିବେ। ମୋଟ 14ଟି ବିଷୟରୁ 8ଟି ବିଷୟ ବଦଳିଛି। ଲକଡାଉନ ପରେ ଏହି ବହି ବିକ୍ରି ହେବ ବୋଲି ସୂଚନା ଦିଆଯାଇଛି। କରୋନା ଯୋଗୁଁ ସାରା ରାଜ୍ୟରେ ଲକ୍‌ ଡାଉନ୍‌ ଜାରି ରହିଥିବାବେଳେ ଅନ୍‌ଲାଇନ୍‌ରେ ପାଠ ପଢିବାକୁ ପରାମର୍ଶ ଦେଇଥିଲେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । କେନ୍ଦ୍ର ସରକାରଙ୍କ ଦୀକ୍ଷା ଆପ୍ ଦ୍ୱାରା ପିଲାଙ୍କୁ ପାଠ ପଢିବା ଲାଗି କୁହାଯାଇଛି । ଏ କ୍ଷେତ୍ରରେ ପିଲାମାନଙ୍କୁ ସାହାଯ୍ୟ କରିବା ପାଇଁ ଶିକ୍ଷକ ଶିକ୍ଷୟିତ୍ରୀମାନଙ୍କୁ କୁହାଯିବ ବୋଲି କହିଥିଲେ ମନ୍ତ୍ରୀ ସମୀର ଦାଶ।  ଲକ୍ ଡାଉନ୍‌ ଯୋଗୁଁ…

ନୂଆଦିଲ୍ଲୀ : ଲକ୍ ଡାଉନ୍‌ ମଧ୍ୟରେ ଦିଲ୍ଲୀର ଶାହଦରା ଜିଲ୍ଲାର ଜଣେ ଯୁବକଙ୍କୁ ଅତି ନିର୍ମମ ଭାବେ ହତ୍ୟା କରିଥିବା ମାମଲା ସାମ୍ନାକୁ ଆସିଛି । ଏହି ହତ୍ୟା ପୁଣି କରିଛି ମୃତ ଯୁବକର ବନ୍ଧୁ । ପାରସ୍ପରିକ ପ୍ରତିଦ୍ବନ୍ଦ୍ବିତା ପାଇଁ  ଏହି ହତ୍ୟାକାଣ୍ଡ ଘଟିଛି ବୋଲି ଜଣାପଡିଛି । ପୋଲିସ୍‌ ଏହି ଘଟଣାର ତଦନ୍ତ ଜାରି ରଖିଛି । ମିଳିଥିବା ସୂଚନା ଅନୁସାରେ ଶାହଦରାର ବିବେକ ବିହାର ଏହି ଘଟଣାଟି ଘଟିଛି । ମୃତକଙ୍କ ନାମ ସୁରଜିତ୍‌ ବୋଲି ଜଣାପଡିଛି । ମୃତକ ସୁରଜିତ୍‌ ଗୁଣ୍ଡା ରୂପେ ପରିଚିତ । ସେ ତାଙ୍କ ସାଙ୍ଗ ସୁରଜିତଙ୍କ ସହ ଗ୍ୟାଙ୍ଗ୍‌ରେ ସାମିଲ୍‌ ରହିଛନ୍ତି । କିଛି ଦିନ ପୂର୍ବରୁ ଦୁହିଁ ବନ୍ଧୁ ଅଲଗା ଅଲଗା ଗ୍ୟାଙ୍ଗ୍‌ କରି ଅବୈଧ ଚାନ୍ଦା ମାଗିବାର ଧନ୍ଦା ଆରମ୍ଭ କରିଥିଲେ । ଏହାକୁ ନେଇ ଦୁଇ ବନ୍ଧୁଙ୍କ ମଧ୍ୟରେ ପ୍ରତିଦ୍ବନ୍ଦ୍ବିତା ଆରମ୍ଭ ହୋଇଥିଲା । ସୋମବାର…

ହାଇଦ୍ରାବାଦ: ଡାକ୍ତର ଏବଂ ସ୍ବାସ୍ଥ୍ୟକର୍ମୀଙ୍କ ଉପରେ ପୁନର୍ବାର ଆକ୍ରମଣ କରାଯାଇଛି। ଘଟଣାଟି ଘଟିଛି ହାଇଦ୍ରାବାଦରେ। ନିଜ ପୁଅ କରୋନା ସଙ୍କ୍ରମିତ ବୋଲି ଜାଣିବା ପରେ ହସ୍ପିଟାଲର ଜୁନିୟର ଡାକ୍ତରଙ୍କୁ ଏହି ବ୍ୟକ୍ତି ଜଣକ ଆକ୍ରମଣ କରିଥିଲେ। ଓସ୍‌ମାନିଆ ଜେନେରାଲ୍‌ ହସ୍ପିଟାଲ୍‌ରେ ମଙ୍ଗଳବାର ଏହି ଘଟଣା ଘଟିଛି। ଆକ୍ରାନ୍ତ ଜଣାପଡିବା ପରେ ଉକ୍ତ ଯୁବକଙ୍କୁ ଗାନ୍ଧୀ ହସ୍ପିଟାଲରେ ଭର୍ତ୍ତି କରାଯାଇଛି। ଉକ୍ତ ବ୍ୟକ୍ତି ଜଣକ ନିଜ ପରିବାର ସହିତ କ୍ବାରାଣ୍ଟାଇନ୍‌ରେ ରହିଥିଲେ। ତାଙ୍କ ପୁଅକୁ ଡାକ୍ତର ମାନେ ଜାଣିଶୁଣି ଜଣେ କରୋନା ସଂକ୍ରମିତଙ୍କ ସହିତ ରଖିଥିଲେ। ଏପରି ଅଭିଯୋଗ କରିବା ସହିତ ଉପସ୍ଥିତ ଜୁନିୟର ଡାକ୍ତରଙ୍କୁ ଆକ୍ରମଣ କରିଥିଲେ। ଏହାପରେ ସମସ୍ତ ସ୍ବାସ୍ଥ୍ୟକର୍ମୀ ଧାରଣାରେ ବସିଥିଲେ। ଏହାପରେ ହସ୍ପିଟାଲ ପରିସରରେ କଡା ସୁରକ୍ଷା ବ୍ୟବସ୍ଥା ଦାବି କରାଯାଇଥିଲା। (ଏଜେନ୍ସି)

ମୁମ୍ବାଇ : ମହାରାଷ୍ଟ୍ରର ଭୀମା କୋରେଗାଓଁ ଦଙ୍ଗା ମାମଲାରେ ଦୁଇ ଅଭିଯୁକ୍ତ ଏନ୍‌ଆଇଏ ସମ୍ମୁଖରେ ଆତ୍ମ ସମର୍ପଣ କରିଛନ୍ତି । ଦୁଇ ଦଳିତ ନେତା ଗୌତମ ନଭଲଖା ଏବଂ ଆନନ୍ଦ ତେଲତୁମ୍ବଦେ ମଙ୍ଗଳବାର ଜାତୀୟ ତଦନ୍ତକାରୀ ସଂସ୍ଥା(ଏନ୍‌ଆଇଏ) ନିକଟରେ ଆତ୍ମ ସମର୍ପଣ କରିଛନ୍ତି । ଉଭୟଙ୍କୁ ଏନ୍‌ଆଇଏ କୋର୍ଟରେ ହାଜର କରାଯିବ ବୋଲି ଜଣାପଡିଛି । 9 ତାରିଖରେ ସୁପ୍ରିମକୋର୍ଟଙ୍କମ ନିର୍ଦ୍ଦେଶ ପରେ ଦୁଇ କଦଳିତ ନେତା ଆଜି ଆତ୍ମସମର୍ପଣ କରିଛନ୍ତି । ଏହାକୁ ନେଇ ବିଭିନ୍ନ ବିରୋଧୀ ଦଳଙ୍କ ପକ୍ଷରୁ ସରକାରଙ୍କୁ ସମାଲୋଚନା କରାଯାଇଛି । ବରିଷ୍ଠ କଂଗ୍ରେସ ନେତା କପିଲ୍‌ ଶିବଲ୍‌ ଏହାକୁ କଳାଦିବସ ବୋଲି ଅଭିହିତ କରିଥିଲେ । ଆମ୍ବେଦକରଙ୍କ ଜୟନ୍ତୀରେ ଦଳିତ ନେତାଙ୍କୁ ଗିରଫ କରାଯିବା ଅଣ ସାମ୍ବିଧାନିକ ବୋଲି ଶିବଲ ଟ୍ବିଟ୍‌ କରିଥିଲେ । (ଏଜେନ୍ସି)

ଭୁବନେଶ୍ବର: କରୋନା ସହ ଦୃଢ ମୁକାବିଲା କରିବାରେ ରାଜ୍ୟ ସରକାର ସବୁ ପ୍ରକାରର ପଦକ୍ଷେପ ନେଉଛନ୍ତି। କରୋନା ଆକ୍ରାନ୍ତଙ୍କୁ ଚିହ୍ନଟ କରିବା ପରେ ତାଙ୍କର କଣ୍ଟାକ୍ଟ ଟ୍ରେସିଂ କରିବା ଚିହ୍ନଟ ହୋଇଥିବା ସ୍ଥାନକୁ କଣ୍ଟେନମେଣ୍ଟ ଜୋନ୍‌ ଘୋଷଣା କରି ବ୍ୟାପକ ପଦକ୍ଷେପ ଗ୍ରହଣ କରୁଛନ୍ତି। ଏହି କ୍ରମରେ ରାଜ୍ୟ ସରକାର କରୋନା ଆକ୍ରାନ୍ତ ଯାତ୍ରା ବିବରଣୀର ସମ୍ପୂର୍ଣ୍ଣ ସୂଚନା ପ୍ରଦାନ କରୁଛନ୍ତି। ଯେପରିକି କରୋନା ଚେନ୍‌କୁ ଭାଙ୍ଗିବାରେ ଆମେ ସଫଳ ହୋଇପାରିବା। ଆଜି ରାଜ୍ୟ ସରକାର ଚିହ୍ନଟ ହୋଇଥିବା ପାଞ୍ଚ ଜଣ କରୋନା ଆକ୍ରାନ୍ତଙ୍କ ଯାତ୍ରା ବିବରଣୀ ପ୍ରଦାନ କରିଛନ୍ତି। ତେବେ ଏହି ଯାତ୍ରା ବିବରଣୀକୁ ନେଇ ଏବେ ପ୍ରଶ୍ନ ଉଠିଛି। ମିଳିଥିବା ସୂଚନା ଅନୁସାରେ ଆଜି ରାଜ୍ୟ ସରକାର 57 ନମ୍ବର ଆକ୍ରାନ୍ତଙ୍କ ତଥ୍ୟ ପ୍ରଦାନ କରିଥିଲେ। କିନ୍ତୁ ଏବେ ତଥ୍ୟରେ ପରିବର୍ତ୍ତନ ହୋଇଛି। ସୂଚନା ଓ ଲୋକ ସମ୍ପର୍କ ବିଭାଗ ତଥ୍ୟ ପରିବର୍ତ୍ତନ କରାଯାଇଛି। ପ୍ରଥମରୁ ଜାରି ହୋଇଥିବା…

ମୁମ୍ବାଇ: ସାରା ଦେଶରେ ଜାରି ରହିଛି ଲକ୍‌ ଡାଉନ୍‌। ସାମାଜିକ ଦୂରତ୍ବ ସାହାଯ୍ୟରେ କରୋନା ଚେନ୍‌କୁ ପ୍ରତିହତ କରିବା ପାଇଁ ଚେଷ୍ଟା ଜାରି ରଖାଯାଇଥିବାବେଳେ ମୁମ୍ବାଇର ବାନ୍ଦ୍ରା ଅଞ୍ଚଳରେ ହଜାର ହଜାର ଲୋକଙ୍କ ସମାବେଶ ହୋଇଥିବାର ଜଣାପଡିଛି। ଲକ୍ ଡାଉନ୍‌ ସମୟରେ ମୁମ୍ବାଇର ବାନ୍ଦ୍ରାଠାରେ ବହୁ ପ୍ରବାସୀ ଶ୍ରମିକ ରୁଣ୍ଡ ହୋଇଥିବାର ସୂଚନା ମିଳିଛି। ସେମାନଙ୍କ ପାଖରେ ଖାଇବା ପାଇଁ କିଛି ନାହିଁ ସେମାନେ ନିଜ ଘରକୁ ଫେରିବାକୁ ଚାହୁଁଛନ୍ତି ବୋଲି ଦାବି କରିଥିଲେ। ଘରକୁ ଯିବା ପାଇଁ ଅନୁମତି ମାଗିଥିଲେ। ବାନ୍ଦ୍ରା ଷ୍ଟେସନ ସାମ୍ନାରେ ଜାମା ମସ୍‌ଜିଦ୍‌ ପାଖରେ ଭିଡ ଜମାଇଥିଲେ। ଏହି ଶ୍ରମିକଙ୍କ ମଧ୍ୟରେ ଅଧିକାଂଶ ବିହାର ଓ ୟୁପିର ପ୍ରବାସୀ ଶ୍ରମିକ ଥିଲେ। ସ୍ଥାନୀୟ ନେତା ଓ ପୋଲିସ୍‌ ହସ୍ତକ୍ଷେପ ପରେ ସେମାନେ ସେଠାରୁ ଯାଇଥିଲେ। ଶ୍ରମିକଙ୍କୁ ସେହି ଜାଗାରୁ ହଟାଇବାକୁ ପୋଲିସ୍‌କୁ ଲାଠି ଚାର୍ଜ କରିବାକୁ ମଧ୍ୟ ପଡିଥିଲା। ବାନ୍ଦ୍ରାଠାରେ ଅଚାନକ ଏପରି ପ୍ରବାସୀ ଶ୍ରମିକଙ୍କ…

ସୀତାରାମ ଅଗ୍ରଓ୍ବାଲ ବାଣପୁର: ବାଣପୁର ବିଜ୍ଞାପିତ ଅଞ୍ଚଳ ପରିଷଦରେ କରୋନା ମୁକାବିଲା ପାଇଁ ଜିଲ୍ଲା ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି। ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ କ୍ବିକ୍‌ ରେସ୍‌ପନ୍ସ ଟିମ୍‌ ପକ୍ଷରୁ ଘର ଘର ବୁଲି କରୋନା ସର୍ବେକ୍ଷଣ ଏବଂ ସଚେତନତା କାର୍ଯ୍ୟକ୍ରମ କରାଯାଇଛି। ଏହି କାର୍ଯ୍ୟକ୍ରମରେ ଶିକ୍ଷକ/ଶିକ୍ଷୟିତ୍ରୀ, ସ୍ବାସ୍ଥ୍ୟ କର୍ମୀ, ସ୍ବଚ୍ଛସାଥୀ ଏବଂ ଅଙ୍ଗନବାଡି କର୍ମୀ ଯୋଗ ଦେଇଥିଲେ। ଦୁଇ ଦିନ ବ୍ୟାପୀ ଏହି କର୍ମୀ ମାନଙ୍କୁ ପ୍ରଶିକ୍ଷଣ ଦିଆଯିବା ପରେ ଆଜିଠାରୁ ଏହି କାର୍ଯ୍ୟକମ ଆରମ୍ଭ କରାଯାଇଛି। 11 ଏବଂ 12 ତାରିଖରେ ପ୍ରଶିକ୍ଷଣ ଦିଆଯାଇଥିବା ବେଳେ ଆସନ୍ତା 17 ତାରିଖରେ ଏହି କାର୍ଯ୍ୟକ୍ରମ ସମାପ୍ତ ହେବ। 15ଟି ଓ୍ବାର୍ଡରେ 21ଟି ଅଙ୍ଗନବାଡି କେନ୍ଦ୍ର ରହିଥିବା ବେଳେ ପ୍ରତି କେନ୍ଦ୍ରରେ ଗୋଟିଏ ଲେଖାଏଁ ୟୁନିଟ୍‌ ସ୍ଥାପନ କରାଯାଇଛି। ପ୍ରତି ୟୁନିଟ୍‌ରେ ଜଣେ ଲେଖାଏଁ /ଶିକ୍ଷୟିତ୍ରୀ, ସ୍ବାସ୍ଥ୍ୟ କର୍ମୀ, ସ୍ବଚ୍ଛସାଥୀ ଏବଂ ଅଙ୍ଗନବାଡି କର୍ମୀ ରହିଛନ୍ତି। ଏହି ଟିମ୍‌…

ଭୁବନେଶ୍ବର : କରୋନାକୁ ନେଇ କୋଭିଡ-19ର ମୁଖପାତ୍ର ସୁବ୍ରତ ବାଗ୍‌ଚୀ ଆଜି ସୂଚନା ଦେଇ କହିଛନ୍ତି। କରୋନା ମୁକାବିଲା ନେଇ ଓଡ଼ିଶାକୁ ପ୍ରଶଂସା କରାଯାଉଛି ।  ଓଡ଼ିଶାର ଆଗୁଆ ପଦକ୍ଷେପକୁ ଦେଶ ବିଦେଶରେ ପ୍ରଶଂସା କରାଯାଉଛି ବୋଲି କହିଛନ୍ତି ସୁବ୍ରତ ବାଗ୍‌ଚୀ। ଦେଶରେ ଲକ୍ ଡାଉନ୍‌ ଅବଧି ବୃଦ୍ଧି ହେବା ପୂର୍ବରୁ ଓଡ଼ିଶା ପ୍ରଥମ ରାଜ୍ୟ ଭାବେ ଲକ୍‌ ଡାଉନ୍‌ର ଅବଧିକୁ ଏପ୍ରିଲ୍‌ 30 ପର୍ଯ୍ୟନ୍ତ ବୃଦ୍ଧି କରିଥିଲା। କରୋନା ସହ ଲଢେଇ କରିବାରେ ଲକ୍‌ ଡାଉନ୍‌ ଜରିଆରେ କରୋନା ଚେନ୍‌କୁ ଭାଙ୍ଗିବା ପାଇଁ ରାଜ୍ୟ ସରକାର ବେଶ୍‌ କଡା ପଦକ୍ଷେପ ନେଉଛନ୍ତି। ଆଜି ମୁଖ୍ୟମନ୍ତ୍ରୀ ରାଜ୍ୟରେ କୋଭିଡ୍‌-19 ମୁକାବିଲା ନେଇ ସମୀକ୍ଷା କରିଛନ୍ତି। କୋଭିଡ୍‌ ହସ୍ପିଟାଲ୍‌, କରୋନା ନିୟନ୍ତ୍ରଣ ଆଦି ସମସ୍ତ ବିଷୟରେ ମୁଖ୍ୟମନ୍ତ୍ରୀ ଆଲୋଚନା କରିଛନ୍ତି। ପ୍ରଥମେ 7ଟି କୋଭିଡ୍‌ ହସ୍ପିଟାଲ କରାଯାଇଥିବାବେଳେ ଏବେ ଏହାକୁ ପ୍ରତ୍ୟେକ ଜିଲ୍ଲାରେ କରାଯିବା ନେଇ ଲକ୍ଷ୍ୟ ରଖାଯାଇଛି। ରାଜ୍ୟରେ କୋଭିଡ୍‌ ହସ୍ପିଟାଲଗୁଡିକୁ …

ଭୁବନେଶ୍ବର : ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା 60 ଛୁଇଁଛି । ପୂର୍ବରୁ ଯାଜପୁରର ସଙ୍କ୍ରମିତଙ୍କ ଯାତ୍ରା ଇତିହାସ ସମ୍ପର୍କରେ ସୂଚନା ପ୍ରଦାନ କରାଯାଇଥିବା ବେଳେ ଅପରାହ୍ନରେ ଅନ୍ୟ 4 ଆକ୍ରାନ୍ତଙ୍କ ଯାତ୍ରା ଇତିହାସ ସମ୍ପର୍କରେ ସୂଚନା ପ୍ରଦାନ କରାଯାଇଛି । ଝାରପଡାର ଆକ୍ରାନ୍ତ ବା ଆକ୍ରାନ୍ତ ନମ୍ବର 60 ଜଣକ ବିଭିନ୍ନ ଜନଗହଳି ପୂର୍ଣ୍ଣ ସ୍ଥାନ ବୁଲିଛନ୍ତି । ପଳାଶୁଣି ଓ ରସୁଲଗଡ ହାଟ ବୁଲିଥିବା ସମ୍ପର୍କରେ ସରକାର ସୂଚନା ଦେଇଛନ୍ତି । ସେହିପରି ମାର୍ଚ୍ଚ 22ରୁ ଏପ୍ରିଲ୍‌ 13 ପର୍ଯ୍ୟନ୍ତ ନିଜର ନୀଳାଦ୍ରିନଗର ସ୍ଥିତ ଘରେ ରହିଥିବା ଜଣା ପଡିଛି । ଏହା ମଧ୍ୟରେ ସଉଦା ପାଇଁ ହାଟ ବଜାର ବୁଲିଥିବା ଜଣାପଡିଛି । ସାମ୍ପଲ ପଜିଟିଭ୍‌ ଆସିବା ପରେ ତାଙ୍କୁ କିମ୍ସ କୋଭିଡ୍‌ ହସ୍ପିଟାଲରେ ଭର୍ତ୍ତି କରାଯାଇଛି । ସେହିପରି ବମିଖାଲର ତିନି ଆକ୍ରାନ୍ତ 57, 58 ଏବଂ 59 ରିଲାଏନ୍ସ ଫ୍ରେଶ୍‌ ଯାଇଥିଲେ । ମାର୍ଚ୍ଚ…

ଭୁବନେଶ୍ବର : କରୋନା ମୁକାବିଲା ପାଇଁ ସାରା ଦେଶ ଲକଡାଉନ୍ ଥିବା ବେଳେ କୃଷି କାର୍ଯ୍ୟକୁ କଟକଣା ମୁକ୍ତ କରିଛନ୍ତି ଓଡ଼ିଶା ସରକାର । ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ‘ଆମ କୃଷି’ ନାମରେ ଏକ ନିଶୁଳ୍କ ଟେଲିଫୋନ୍ ସେବା ଆରମ୍ଭ କରିଛନ୍ତି । 18001025166 ଏହି ନମ୍ବରରେ ଫୋନ୍ କରି କୃଷି ଓ ଆନୁଷଙ୍ଗିକ କ୍ଷେତ୍ରର ବୈଷୟିକ ସମସ୍ୟାର ସମାଧାନ ସମ୍ପର୍କରେ ପ୍ରତ୍ୟେକ କୃଷି ଭାଇ ଭଉଣୀମାନେ ଜାଣିପାରିବେ। ପ୍ରତି ସୋମବାରରୁ ଶନିବାର ଦିନ 12ଟାରୁ ରାତି 8ଟା ଯାଏଁ ଏହି ନମ୍ବର ଖୋଲା ରହିବ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଯଦି ରାତି 8ଟା ପରେ  ଯଦି କେହି ଫୋନ୍ ନଉଠାନ୍ତି, ତେବେ ଏହି ଫୋନ୍‌ରେ ପଚାରାଯାଇଥିବା ପ୍ରଶ୍ନ ରେକର୍ଡ ହୋଇଯିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କୃଷି ସଚିବ ସୌରଭ ଗର୍ଗ । ସେହିପରି କୃଷିଜାତ ଦ୍ରବ୍ୟ ପରିବହନ ମଧ୍ୟ…