Author: Samikhsya Bureau

ସମୀକ୍ଷା ବ୍ୟୁରୋ ବାଲେଶ୍ବର: ବେଧଡକ ଭାବେ ବେଆଇନ ଦେଶୀ ମଦ କାରବାର ଚାଲିଥିବାର ଅଭିଯୋଗ ହୋଇଛି। ବାଲେଶ୍ବର ଜିଲ୍ଲାର ବାଲିଖଣ୍ଡ ପୁରୁଷୋତ୍ତମପୁର ଗ୍ରାମଠାରେ ଏପରି ହେଉଥିବାର ଖବର ମିଳିଛି।  ଅନେକ ବର୍ଷ ଧରି ଏହି ଗାଁରେ ଦେଶୀ ମଦ ବେଆଇନି ଭାବରେ ତିଆରି କରାଯାଉଥିବାବେଳେ ଏହାକୁ ପିଇବା ପାଇଁ ନିକଟସ୍ଥ ଅଞ୍ଚଳର ଅନେକ ଯୁବକ ଆସୁଛନ୍ତି ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି। ଗ୍ରାମରେ ଏପରି ଅସାମାଜିକ କାର୍ଯ୍ୟକୁ ବୁଦ୍ଧିଜୀବୀମାନେ ନିନ୍ଦା କରିଛନ୍ତି। ସମ୍ପ୍ରତି ଲକ୍‌ ଡାଉନ ସମୟରେ ରାଜ୍ୟ ସରକାରଙ୍କ ତରଫରୁ ମଦ ଦୋକାନ ଖୋଲିବାକୁ ନେଇ କଟକଣା ଜାରି ହୋଇଥିବାବେଳେ ଏହି ବେଆଇନ ଦେଶୀ ମଦ ପିଇବା ପାଇଁ ନିକଟସ୍ଥ ଗ୍ରାମରୁ ଅନେକ ଯୁବକମାନେ ଆସୁଛନ୍ତି। ଏହି ବେଆଇନ ଦେଶୀ ମଦ କାରୋବାରକୁ ନେଇ ପୂର୍ବରୁ ଗ୍ରାମବାସୀମାନେ ଅନେକ ଥର ଅଭିଯୋଗ କରିଥିଲେ ବି କୌଣସି ସୁଫଳ ପାଇପାରିନାହାନ୍ତି। ଏବେ ରାଜ୍ୟରେ କରୋନାର ଭୟଙ୍କର ସଂକଟ ସମୟରେ ଦେଶୀ ମଦ…

ଫ୍ଲୋରିଡା : କରୋନା ଭାଇରସ୍‌ ସାରା ଦୁନିଆରେ ମୃତ୍ୟୁର ତାଣ୍ଡବ ରଚୁଥିବାବେଳେ ବିଶ୍ବରେ ମୃତ୍ୟୁ ସଂଖ୍ୟା 59 ହଜାର ପାର କରିସାରିଲାଣି । ଆମେରିକାର ଏହି ରୋଗ ଏବେ ଦ୍ରୁତ ଗତିରେ ବଢିବାରେ ଲାଗିଛି । ଆମେରିକାର ଫ୍ଲୋରିଡା ସହରରେ ଜଣେ ଦମ୍ପତିଙ୍କ ମୃତ୍ୟୁ ଏହି ଭୟାନକ କରୋନା ଯୋଗୁଁ ହୋଇଛି । ମାତ୍ର ଛଅ ମିନିଟ୍‌ ବ୍ୟବଧାନ ଭିତରେ ଏହି ଦମ୍ପତି କରୋନା ଯୋଗୁଁ ପ୍ରାଣ ହାରିଛନ୍ତି । ମିଳିଥିବା ସୂଚନା ଅନୁସାରେ ସ୍ବାମୀଙ୍କୁ 74 ବର୍ଷ ବୟସ ହୋଇଥିବାବେଳେ ସ୍ତ୍ରୀଙ୍କ ବୟସ 72 ବର୍ଷ । ରବିବାର ଦିନ ଏହି ଦୁହେଁ କରୋନା ଯୋଗୁଁ ପ୍ରାଣ ହାରିଛନ୍ତି । ଦୁହିଁଙ୍କ ବିବାହ 51 ବର୍ଷ ହୋଇଥିଲା । ସ୍ବାମୀ ସ୍ତ୍ରୀ ଉଭୟ ମାର୍ଚ୍ଚର ମଧ୍ୟମ ସପ୍ତାହ ସୁଦ୍ଧା ସୁସ୍ଥ ରହିଥିବାବେଳେ ଶେଷ ଆଡକୁ ଏହି  ମହାମାରୀର ସଂକ୍ରମଣରେ ଆସିଥିଲେ । ପ୍ରଥମେ ସ୍ବାମୀ ଜଣକ ଏହି ରୋଗରେ ସଂକ୍ରମିତ…

ସମୀକ୍ଷା ବ୍ୟୁରୋ ଭୁବନେଶ୍ବର : ଆଜି କରୋନା ସମ୍ପର୍କିତ ସୂଚନା ପ୍ରଦାନ କରିଛନ୍ତି ରାଜ୍ୟସରକାରଙ୍କ  କୋଭିଡ-19ର ମୁଖପାତ୍ର ସୁବ୍ରତ ବାଗ୍‌ଚୀ। ଏହି ଅବସରରେ ନିଜାମୁଦ୍ଦିନ ଫେରନ୍ତାଙ୍କୁ ନିର୍ଭୟରେ ଆଗେଇ ଆସି ସରକାରଙ୍କ ନିକଟରେ ତଥ୍ୟ ଦେବାକୁ ନିବେଦନ କରିଛନ୍ତି ବାଗ୍‌ଚୀ । ସେହିପରି ଯଦି କୌଣସି ବ୍ୟକ୍ତି ଯଦି ନିଜାମୁଦ୍ଦିନରୁ ଫେରିଛନ୍ତି କିମ୍ବା ସେମାନଙ୍କ ସହ କୌଣସି ଲୋକ ସଂସ୍ପର୍ଶରେ ଆସିଛନ୍ତି ତେବେ ତାଙ୍କ ମାଆ ଓ ଭଉଣୀମାନେ ସେମାନଙ୍କୁ ବୁଝାନ୍ତୁ ଆଉ ୧୦୪କୁ କଲ କରି ସବିଶେଷ ତଥ୍ୟ ଦିଅନ୍ତୁ ବୋଲି ଆଜି ମୁଖ୍ୟମନ୍ତ୍ରୀ ନିବେଦନ କରିଥିବା ବାଗଚୀ କହିଛନ୍ତି । ତବଲିଗ ଜମାତରୁ ଫେରିଥିବା 28ଜଣଙ୍କୁ ରାଜ୍ୟ ସରକାର ଟେଷ୍ଟ କରାଯାଇଛି । ସେଥିରୁ 25ଟି ନମୂନା ନେଗେଟିଭ ଆସିଥିବା ବେଳେ ୩ ଜଣଙ୍କ ପଜିଟିଭ ଆସିଛି । ଏହି ତିନି ଜଣ ଯାଜପୁର, କଟକ ଓ ପୁରୀ ଅଞ୍ଚଳର ବୋଲି ଜଣାପଡିଛି । ଆଜି ମୁଖ୍ୟମନ୍ତ୍ରୀ ମଧ୍ୟ…

ନୂଆଦିଲ୍ଲୀ : କରୋନାକୁ ନେଇ ସମଗ୍ର ଦେଶରେ ଭୟର ବାତାବରଣ ଖେଳିଯାଇଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୀପ ଜଳାଇବା ଫଣ୍ଡାକୁ ସମାଲୋଚନା କରିଛନ୍ତି ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ । ଦୀପଦାନ ଦ୍ୱାରା ଦେଶରେ କରୋନାକୁ ଲାଗି ରହିଥିବା ସଙ୍କଟ ପ୍ରଶମିତ ହେବ ନାହିଁ ବୋଲି ରାହୁଲ ମତ ଦେଇଛନ୍ତି । ଭାରତ ସରକାର ଆବଶ୍ୟକୀୟ ସଂଖ୍ୟ ଟେଷ୍ଟ କରୁନାହାନ୍ତି ଏବଂ ପ୍ରତିବଦଳରେ ତାଳି ମାରିବା ଓ ଦୀପଦାନ ଭଳି କାମ କରିବାକୁ କହୁଛନ୍ତି । ଏହା ଦେଶରେ କରୋନା ସଙ୍କଟକୁ ପ୍ରତିହତ କରିବାରେ ସଫଳ ହେବ ନାହିଁ ବୋଲି ୱାୟନାଡ ସାଂସଦ ରାହୁଲ ଗାନ୍ଧୀ ଟ୍ୱିଟ୍ କରିଛନ୍ତି । ଭାରତରେ ପ୍ରତି ୧୦ ଲକ୍ଷ ଲୋକଙ୍କ ମଧ୍ୟରେ ମାତ୍ର ୨୯ ଜଣଙ୍କର ଟେଷ୍ଟ କରାଯାଉଛି । ଏହି ତାଲିକାରେ ଭାରତ ପାକିସ୍ତାନ ଠାରୁ ମଧ୍ୟ ପଛରେ ରହିଛି । ଦକ୍ଷିଣ କୋରିଆରେ ୭୬୨୨, ଇଟାଲୀରେ ୭୧୨୨, ଜର୍ମାନୀରେ…

ନୂଆଦିଲ୍ଲୀ : ଦେଶରେ କରୋନା ଭାଇରସ୍ ଆତଙ୍କ ବଢି ଚାଲିଥିବା ବେଳେ ଜେଲ୍‌ରେ କରୋନାକୁ ବ୍ୟାପିବାରୁ ରୋକିବା ନିମନ୍ତେ ପଦକ୍ଷେପ ଗ୍ରହଣ କରିଛନ୍ତି ଦୁଇ ରାଜ୍ୟ । ଦୁଇ ଉତ୍ତର ପୂର୍ବୀୟ ରାଜ୍ୟ ତ୍ରିପୁରା ଓ ମିଜୋରାମ ଏହି ପଦକ୍ଷେପ ଗ୍ରହଣ କରିଛନ୍ତି । ଏହି ଦୁଇ ରାଜ୍ୟ ୯୦୦ କଏଦୀଙ୍କୁ ଅନ୍ତରୀଣ ଜାମିନରେ ଛଡାଯିବାକୁ ନିଷ୍ପତ୍ତି ନେଇଛନ୍ତି । ପିଆର୍ ବଣ୍ଡ ବଳରେ ଏହି କଏଦୀ ମାନଙ୍କୁ ଅନ୍ତରୀଣ ଜାମିନରେ ଛଡାଯିବ ବୋଲି ଜେଲ୍ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି । ୪୮ ସ୍ୱତନ୍ତ୍ର କଏଦୀଙ୍କ ସମେତ ବିଚାର ପ୍ରକ୍ରିୟାରେ ରହିଥିବା ୨୯୦ କଏଦୀଙ୍କୁ ଅନ୍ତରୀଣ ଜାମିନରେ ଛାଡିବା ପାଇଁ ସରକାର ନିଷ୍ପତ୍ତି ନେଇଛନ୍ତି ମିଜୋରାମ ସରକାର । ସେହିପରି ତ୍ରିପୁରା ସରକାର ୫୫୭ କଏଦୀଙ୍କୁ ଅନ୍ତରୀଣ ଜାମିନରେ ଛାଡିବାକୁ ନିଷ୍ପତ୍ତି ନେଇଛନ୍ତି ବୋଲି ତ୍ରିପୁରା ଆଇଜି ଜୟଦୀପ ନାୟକ ପ୍ରକାଶ କରିଛନ୍ତି ।

ରଞ୍ଜିତ୍‌ ପଣ୍ଡା କୁଜଙ୍ଗ : କୁଜଙ୍ଗ ବ୍ଲକର ଅତିରିକ୍ତି ମଣ୍ଡଳ ଉନ୍ନୟନ ଅଧିକାରୀଙ୍କ ରାତି ଅଧିଆ ବଦଳି ପରେ ଆଜି ଜିଲ୍ଲାପାଳ ଅତିରିକ୍ତ ତହସିଲ ଦାରଙ୍କୁ ନୂତନ ବିଡିଓ ଦାୟିତ୍ବ ଦେଇଛନ୍ତି । ରାତିଅଧିଆ ଏବିଡିଓଙ୍କ ବଦଳିକୁ ନେଇ ଚର୍ଚ୍ଚା ସୃଷ୍ଟି ହୋଇଥିଲା। ମିଳିଥିବା ସୂଚନା ଅନୁସାରେ କୁଜଙ୍ଗ ବ୍ଲକର ବିଡିଓ ଭାବରେ ଅତିରିକ୍ତ ବିଡିଓ ସନ୍ତୋଷ କୁମାର ଶତପଥୀ କାର୍ଯ୍ୟ କରୁଥିଲେ। କିନ୍ତୁ ଅଚାନକ ଗତକାଲ ରାତିରେ ତାଙ୍କୁ ବଦଳି କରାଯାଇଛି। ହଠାତ୍‌ ଏପରି ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀଙ୍କ ରାତି ଅଧିଆ ବଦଳିକୁ ନେଇ ଅନେକ ଚର୍ଚ୍ଚା ହେବା ସହ ଏନେଇ ଖବର ମଧ୍ୟ ପ୍ରକାଶିତ ହୋଇଥିଲା। ଖବର ବାହାରିବା ପରେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ତୁରନ୍ତ କୁଜଙ୍ଗ ତହସିଲ କାର୍ଯ୍ୟାଳୟରେ ଥିବା ଅତିରିକ୍ତ ତହସିଲଦାର ପୂଜା ଲେଙ୍କାଙ୍କୁ ବିଡ଼ିଓ ଦାୟିତ୍ୱ ଦେଇଛନ୍ତି । ସେହିପରି କୁଜଙ୍ଗ ବ୍ଲକ୍ ରେ ଗ୍ରାମ ପଞ୍ଚାୟତ ଅଫିସର୍ (ଜିପିଓ) ଦାୟିତ୍ବରେ…

ନୂଆଦିଲ୍ଲୀ : ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ଭାରତରେ ଅନୁଷ୍ଠିତ ହେବାକୁ ଥିବା ଫୁଟବଲ୍ ବିଶ୍ୱକପ୍‌କୁ ସ୍ଥଗିତ କରାଯାଇଛି । ଆସନ୍ତା ନଭେମ୍ବର ମାସରେ ଭାରତରେ ଅନୁଷ୍ଠିତ ହେବାକୁ ଥିବା ଫିଫା ବିଶ୍ୱକପ୍‌କୁ ସ୍ଥଗିତ ରଖାଯାଇଛି । ନଭେମ୍ବର ୨ରୁ ୨୧ ପର୍ଯ୍ୟନ୍ତ ଭାରତରେ ଅନୁଷ୍ଠିତ ହେବାକୁ ଥିବା ୧୭ ବର୍ଷରୁ କମ୍ ମହିଳା ବିଶ୍ୱକପ୍‌କୁ ସ୍ଥଗିତ ରଖାଯାଇଛି । ଫିଫା ପକ୍ଷରୁ ଶନିବାର ଦିନ ଏହି ଘୋଷଣା କରାଯାଇଛି । ଭାରତୀୟ ମହିଳା ଦଳ ପାଇଁ ଏହି ଖବର ନିରାଶାଜନକ ରହିଛି । ପ୍ରଥମ ଥର ପାଇଁ ଭାରତୀୟ ଦଳ ଆୟୋଜକ କୋଟାରେ ବିଶ୍ୱକପ୍‌ରେ ଅଂଶଗ୍ରହଣ କରିଥାନ୍ତା । ତେବେ ଫିଫା ପକ୍ଷରୁ ଏହା ମଧ୍ୟ ସ୍ପଷ୍ଟୀକରଣ ଦିଆଯାଇଛି ଏହି ଟୁର୍ଣ୍ଣାମେଣ୍ଟକୁ ସ୍ଥଗିତ ରଖାଯାଇଥିବା ବେଳେ ଏହାକୁ ଭାରତରୁ ସ୍ଥାନାନ୍ତର କରାଯାଇନାହିଁ ।

ମୁମ୍ବାଇ : ସାରା ଭାରତରେ କରୋନା ବ୍ୟାପିଥିବାବେଳେ ଏହି କରୋନା କାହାରିକୁ ବି ଛାଡୁ ନାହିଁ । ଏହି କରୋନାରେ ଆକ୍ରାନ୍ତ ହୋଇଛନ୍ତି ଛଅ ମାସର ଶିଶୁ । ମୁମ୍ବାଇର କଲ୍ୟାଣର ଜଣେ ମହିଳା କରୋନା ଆକ୍ରାନ୍ତ ଛ’ ମାସର ଶିଶୁକୁ ନେଇ ତିନି ତିନିଟା ହସ୍ପିଟାଲକୁ ଦୌଡ଼ିବାକୁ ପଡିଛି । ମିଳିଥିବା ସୂଚନା ଅନୁସାରେ ମହିଳାଙ୍କ ଶଶ୍ବୁରଙ୍କ ନିକଟରେ କରୋନାର ଲକ୍ଷଣ ଦେଖିବାକୁ ମିଳିଥିଲା। ଏହା ପରେ ମହିଳା ଜଣକ ନିଜ ଛଅ ମାସର ଶିଶୁକୁ ନେଇ ହସ୍ପିଟାଲରେ ଭର୍ତ୍ତି କରିବା ପାଇଁ ତିନି ତିନିଟି ହସ୍ପିଟାଲ ବୁଲିବାକୁ ପଡିଥିଲା । ଗୁରୁବାର ଦିନ ମହିଳାଙ୍କ 67 ବର୍ଷୀୟ ଶ୍ବଶୁର କରେନା ପଜିଟିଭି ଚିହ୍ନଟ ହେବା ପରେ ଘରେ ରହୁଥିବା ଅନ୍ୟ ପାଞ୍ଚଜଣ ସଦସ୍ୟଙ୍କ ପରୀକ୍ଷା ହେବା ପାଇଁ ଆଇସୋଲେସନ୍ ପାଇଁ ନଗରପାଳିକା ହସ୍ପିଟାଲକୁ ପଠାଯାଇଥିଲା ମହିଳା ଜଣକ କହିଛନ୍ତି ଯେ, ସେ ତାଙ୍କର ଦୁଇଟି ସନ୍ତାନ ରହିଛନ୍ତି ଜଣକୁ…

ସମୀକ୍ଷା ବ୍ୟୁରୋ ନୂଆଦିଲ୍ଲୀ:  ମହାମାରୀ କରୋନା ଭାରତରେ ବ୍ୟାପିଚାଲିଥିବାବେଳେ ଦିଲ୍ଲୀର ସାର୍‌ ଗଙ୍ଗାରାମ ହସ୍ପିଟାଲର 108 ଡାକ୍ତର ଓ ନର୍ସଙ୍କୁ କ୍ବାରେଣ୍ଟାଇନରେ ରଖାଯାଇଛି । ଏହି ଷ୍ଟାଫ ଦୁଇ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ। ଏହି ଦୁଇ କରୋନା ଆକ୍ରାନ୍ତଙ୍କ ଦ୍ଵିତୀୟ ଟେଷ୍ଟ ରିପୋର୍ଟ ମଧ୍ୟ କରୋନା ପଜିଟିଭ ଆସିଥିଲା। ଡାକ୍ତରଖାନାର ଏହି 108 ଜଣଙ୍କ ମଧ୍ୟରୁ 85 ଜଣ ହୋମ କ୍ୱାରେଣ୍ଟାଇନ୍‌ରେ ରହିଥିବାବେଳେ ଅନ୍ୟ 23 ଜଣଙ୍କୁ ଡାକ୍ତରଖାନାରେ ରଖାଯାଇଛି।  ଏବେ ଏକ ଡାକ୍ତରୀ ଟିମ୍ ଏହି ସ୍ୱାସ୍ଥ୍ୟକର୍ମୀଙ୍କ ଉପରେ ନଜର ରଖିଛି। ତେବେ ଏପର୍ଯ୍ୟନ୍ତ ସେମାନଙ୍କ ମଧ୍ୟରୁ କେହି କରୋନା ସଂକ୍ରମିତ ହୋଇଥିବା ନିଶ୍ଚିତ ହୋଇନାହିଁ।

ପୁରୀ, ଆନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବର୍ତ୍ତମାନ କରୋନା ଭାଇରସ ଉପରେ ସିରିଜ ବାଲୁକା କଳା କରିବାରେ ଲାଗିଛନ୍ତି। ପୁରୀ ବେଳାଭୂମିରେ କେହି ଦର୍ଶକ ନ ଥିଲେ ମଧ୍ୟ ସେ ତାଙ୍କର କଳା ମାଧ୍ୟମରେ ସଚେତନା ବଜାଇ ରଖିଛନ୍ତି। ଏହି ଭାଇରସ ବ୍ୟାପିବା ଦିନଠାରୁ ସୁଦର୍ଶନ ବିଭିନ୍ନ ସମୟରେ ଭିନ୍ନ ଭିନ୍ନ କଳା କରି ବିଶ୍ବବାସୀଙ୍କ ଦୃଷ୍ଟି ଆକର୍ଷଣ କରିବାରେ ଲାଗିଛନ୍ତି। ସେହିପରି ଯେତେବେଳେ ଲକଡାଉନ ଘୋଷଣା ହେଲା ସେତେବେଳେ ଘରେ ରୁହନ୍ତୁ ନେଇ ଏକ ବାଲୁକା କଳା କରିଥିଲେ। ଯାହା ବିଶ୍ବର ବିଭିନ୍ନ ଉଚ୍ଚ ବର୍ଗ ପ୍ରଶଂସା କରିଥିଲେ। ବର୍ତ୍ତମାନ ସୁଦର୍ଶନ ଏହି ଭାଇରସ ଆକ୍ରାନ୍ତ ପାଇଁ ସେବା କରୁଥିବା ଡାକ୍ତର ଓ ନର୍ସଙ୍କ ପାଇଁ ନିର୍ମାଣ କରିଛନ୍ତି ଏକ ବାଲୁକା କଳା। ଏଥିରେ ସେ ଷ୍ଟେଥୋ ଧରିଥିବା ଡାକ୍ତର ଏବଂ ନର୍ସର ବାଲୁକା ମୂର୍ତ୍ତି କରିଛନ୍ତି। ସେହି ଷ୍ଟେଥୋରେ ଆମେ ଆପଣଙ୍କ ପାଇଁ ବୋଲି ସୁନ୍ଦର ସ୍ଲୋଗାନଟିଏ…

ରଞ୍ଜିତ୍‌ କୁମାର ପଣ୍ଡା କୁଜଙ୍ଗ : କୁଜଙ୍ଗ ବ୍ଲକର ଅତିରିକ୍ତି ମଣ୍ଡଳ ଉନ୍ନୟନ ଅଧିକାରୀଙ୍କ ରାତି ଅଧିଆ ବଦଳିକୁ ନେଇ ଚର୍ଚ୍ଚା। ମିଳିଥିବା ସୂଚନା ଅନୁସାରେ କୁଜଙ୍ଗ ବ୍ଲକର ବିଡିଓ ହେମନ୍ତ ନନ୍ଦ କାର୍ଯ୍ୟରେ ଯୋଗଦେବାର 10 ଦିନ ପରେ ଏକ ଦୁର୍ଘଟଣାର ସମ୍ମୁଖୀନ ହୋଇ ଛୁଟିରେ ଥିବାବେଳେ ତାଙ୍କ ସ୍ଥାନରେ ଅତିରିକ୍ତ ବିଡିଓ ସନ୍ତୋଷ କୁମାର ଶତପଥୀ କାର୍ଯ୍ୟ କରୁଥିଲେ। କିନ୍ତୁ ଅଚାନକ ଗତକାଲି ରାତିରେ ତାଙ୍କୁ ବଦଳି କରାଯାଇଛି। ହଠାତ୍‌ ଏପରି ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀଙ୍କ ରାତି ଅଧିଆ ବଦଳିକୁ ନେଇ ଚର୍ଚ୍ଚା ସୃଷ୍ଟି ହୋଇଛି । ସମ୍ପ୍ରତି ରାଜ୍ୟରେ କରୋନା ପରିସ୍ଥିତି ପାଇଁ ଲକ୍‌ ଡାଉନ୍‌ ଜାରି ହୋଇଥିବାବେଳେ ସମଗ୍ର ଜିଲ୍ଲା ପ୍ରଶାସନ ବେଶ୍‌ ତତ୍ପର ରହିଛନ୍ତି । ସେହିପରି କୁଜଙ୍ଗ ବ୍ଲକର ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀ ଏହି ସମସ୍ତ କାର୍ଯ୍ୟକୁ ତଦାରଖ କରୁଥିବାବେଳେ ହଠାତ୍‌ ତାଙ୍କର ବଦଳିକୁ ନେଇ ବୁଦ୍ଧିଜୀବୀମାନେ ଅସନ୍ତୋଷ ପ୍ରକାଶ…

ସମୀକ୍ଷା ବ୍ୟୁରୋ ପୁରୀ : ଦାନଗହିରକୁ ଦଶ ଦିନ ପାଇଁ ସଟ୍‌ ଡାଉନ୍‌ ଘୋଷଣା କରାଗଲା । ପୁରୀ ଜିଲ୍ଲା ପିପିଲି ବ୍ଲକ ଦାନଗହିର ଗ୍ରାମକୁ ସଟ୍‌ ଡାଉନ୍‌ର ଘୋଷଣା କରାଯାଇଛି। ଏହି ଗ୍ରାମକୁ 10 ଦିନ ପାଇଁ ସଟ୍‌ ଡାଉନ୍‌ର ଘୋଷଣା କରାଯାଇଛି ବୋଲି ସୂଚନା ଦେଇଛନ୍ତି ପୁରୀ ଜିଲ୍ଲାପାଳ। ଗତକାଲି ପୁରୀ ଜିଲ୍ଲାର କରୋନା ଆକ୍ରାନ୍ତ ଚିହ୍ନଟ ହେଲା ପରେ ପିପିଲି ଥାନା ଅନ୍ତର୍ଗତ ଦାନଗହିର ଗାଁକୁ ଆଜି ଜିଲ୍ଲା ପ୍ରଶାସନ ସିଲ୍ କରିଥିବା ଜଣାଯାଇଛି। ଏହାଛଡ଼ା ଏହି ଗାଁକୁ ୧୦ ଦିନ ଲାଗି ଅର୍ଥାତ୍ ୧୪ ତାରିଖ ଯାଏଁ ସଟଡାଉନ୍ ଘୋଷଣା କରାଯାଇଛି। ଆଜି ସକାଳ ୭ଟାରୁ୧୪ ତାରିଖ ମଧ୍ୟରାତ୍ର ପର୍ଯ୍ୟନ୍ତ ଏହି ବନ୍ଦ ରହିବ। ଏହା ଭିତରେ ରହୁଥିବା କୌଣସି ବାସିନ୍ଦା ବାହାରକୁ ଯିବେ ନାହିଁ। ଉପଜିଲ୍ଲାପାଳ ବିଭିନ୍ନ ଦଳ ମାଧ୍ୟମରେ ଅତ୍ୟାବଶ୍ୟକ ତଥା ଚିକିତ୍ସା ଆବଶ୍ୟକତା ଯୋଗାଣ ବ୍ୟବସ୍ଥା କରିବେ।

ସମୀକ୍ଷା ବ୍ୟୁରୋ ଭୁବନେଶ୍ବର : ରାଜ୍ୟବାସୀଙ୍କ ଉଦ୍ଦେଶ୍ୟରେ ଆଜି ପୁଣି ସଚେତନତାର ବାର୍ତ୍ତା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କରୋନା ମାନବ ଜାତିର ସବୁଠାରୁ ବଡ ଶତ୍ରୁ, ଏହାକୁ ହରାଇବାକୁ ସହଯୋଗ କରନ୍ତୁ ବୋଲି ମୁଖ୍ୟମନ୍ତ୍ରୀ ନିବେଦନ କରିଛନ୍ତି । ସଚେତନତା ଦ୍ୱାରା ହିଁ , ଆମେ କରୋନା ସଂକ୍ରମଣକୁ ରୋକି ପାରିବା ବୋଲି କହିଛନ୍ତି ମୁଖ୍ୟମନ୍ତ୍ରୀ । କରୋନାକୁ ଡରିବାର କିଛି ନାହିଁ । କିନ୍ତୁ ଆମକୁ ସାବଧାନ ରହିବାକୁ ପଡିବ । ଏଥିସହ ଦିଲ୍ଳୀ ନିଜାମୁଦ୍ଦିନ ସଭାରେ ଓଡିଶାରୁ ଯୋଗଦେଇଥିବା ସମସ୍ତଙ୍କୁ ଟ୍ରୋଲ ଫ୍ରି ନମ୍ବର ୧୦୪ରେ ତୁରନ୍ତ ଯୋଗଯୋଗ କରିବାକୁ ଅନୁରୋଧ କରିଛନ୍ତି । 24ଘଣ୍ଟା ମଧ୍ୟରେ ଏଥିପାଇଁ ଆଗେଇ ଆସନ୍ତୁ। ଏଥିପାଇଁ ଡରିବାର ଆବଶ୍ୟକତା ନାହିଁ ବୋଲି କହିଛନ୍ତି ମୁଖ୍ୟମନ୍ତ୍ରୀ । ବିଳମ୍ବ କଲେ ଏହା ନିଜ ସହିତ ନିଜ ପରିବାରକୁ ବିପଦରେ ପକାଇବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ମାଆମାନେ ନିଜ ପରିବାର ଓ…

ସମୀକ୍ଷା ବ୍ୟୁରୋ ଭୁବନେଶ୍ବର : ଗତକାଲି ରାତ୍ରି 8ଟାରୁ ଭୁବନେଶ୍ବର, କଟକ, ଭଦ୍ରକଠାରେ 48 ଘଣ୍ଟା ପାଇଁ ସଟ୍‌ଡାଉନ୍‌ ଘୋଷଣା କରାଯାଇଛି। ଏହି ସଟ୍‌ ଡାଉନ୍‌କୁ ଉଲ୍ଲଂଘନ କଲେ ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବା ନେଇ ସୂଚନା ଦିଆଯାଇଥିଲା । ଏହି ପରିପ୍ରେକ୍ଷୀରେ ଭୁବନେଶ୍ବରରେ 45 ଜଣଙ୍କୁ ବାଧ୍ୟତାମୂଳକ କ୍ବାରେଣ୍ଟାଇନ୍‌ରେ ପଠାଯାଇଛି । ସଟ୍‌ ଡାଉନ୍‌ ସମୟରେ ବାହାରେ ବୁଲିବା ଏମାନଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି ।  ନିୟମ ଭାଙ୍ଗି ଅଭିଯୋଗରେ ଆଉ 64 ଜଣଙ୍କୁ ଅଟକ ରଖାଯାଇଛି । ସେହିପରି ଗଳି ରାସ୍ତା, ବସ୍ତି ପାଇଁ ମଧ୍ୟ କଟକଣା ଲାଗୁ କରାଯାଇଛି । ରାଜ୍ୟରେ ଗତକାଲି 48 ଘଣ୍ଟିଆ ସଟ୍‌ ଡାଉନ୍‌ର ଘୋଷଣା କରାଯାଇଥିଲା । ଗତକାଲି ରାତ୍ରି 8ଟାରୁ ରବିବାର ରାତ୍ରି 8 ଘଟିକା ପର୍ଯ୍ୟନ୍ତ  ସଟ୍‌ ଡାଉନ୍‌ର ଘୋଷଣା ହୋଇଛି। ଓଡ଼ିଶାରେ ସର୍ବମୋଟ 20ଜଣ ଆକ୍ରାନ୍ତ ଚିହ୍ନଟ କରାଯାଇଥିବାବେଳେ ଭୁବନେଶ୍ବରରୁ 10 ଜଣ ରହିଛନ୍ତି…

ନୂଆଦିଲ୍ଲୀ : ସାରା ବିଶ୍ବରେ କରୋନା ଯୋଗୁଁ ହାହାକାର ଲାଗିରହିଥିବାବେଳେ ବିଶ୍ବର ବହୁ ଦେଶ ଏବେ ଏହି ମହାମାରୀ କବଳରେ । ଏବେ ଏହି ଭୟାନକ କରୋନା କବଳରେ ବିଶ୍ବର ସବୁଠୁ ଶକ୍ତିଶାଳୀ ରାଷ୍ଟ୍ର । ଏହି ରାଷ୍ଟ୍ରରେ ବିଶ୍ବର ସର୍ବାଧିକ କରୋନା ସଂକ୍ରମିତ ରହିଛନ୍ତି । ଏହା ମଧ୍ୟରେ ଗତ 24 ଘଣ୍ଟା ମଧ୍ୟରେ 1400ରୁ ଅଧିକ ମୃତ୍ୟୁ ହୋଇଥିବାର ସୂଚନା ରହିଛି । ଚୀନର ବୁହାର ସହରରୁ ବ୍ୟାପିଥିବା ଏହି ଭୟାବହ କରୋନା ଏବେ ସାରା ଦୁନିଆରେ ତାଣ୍ଡବ କରୁଛି । ଆମେରିକାରେ କରୋନା ସଂକ୍ରମିତଙ୍କ ସଂଖ୍ୟା 3 ଲକ୍ଷ ପାଖାପାଖିରେ ପହଞ୍ଚିଛି ।  ଏପର୍ଯ୍ୟନ୍ତ ଆମେରିକାରେ 2.70 ଲକ୍ଷରୁ ଅଧିକ ଲୋକେ ସଂକ୍ରମିତ ହୋଇଛନ୍ତି । ସେହିପରି ଆମେରିକାରେ କରୋନା ଯୋଗୁଁ ମୃତ୍ୟୁ ସଂଖ୍ୟା 7406ରେ ପହଞ୍ଚିଛି । ସେହିପରି  12,283ଜଣ ସୁସ୍ଥ ହୋଇଛନ୍ତି । ସେହିପରି ଇଟାଲୀରେ ଆକ୍ରାନ୍ତଙ୍କ ସଂଖ୍ୟା 1,19,827ରେ ପହଞ୍ଚିଥିବାବେଳେ ମୃତ୍ୟୁସଂଖ୍ୟା 14,681ରେ…

ଦେଶରେ କରୋନା ଭାଇରସ୍‌ ମାମଲା ଲଗାତାର ଭାବରେ ବଢି ଚାଲିଥିବାବେଳେ ଏଥିପାଇଁ ଲୋକଙ୍କୁ କ୍ବାରେଣ୍ଟାଇନ୍‌ରେ ରଖାଯାଉଛି । ଇତିମଧ୍ୟରେ ଗୁଜୁରାଟର ବନାସକାଣ୍ଠାରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ବାନାସକାଣ୍ଠାରେ ଜଣେ ବ୍ୟକ୍ତି ହୋମ କ୍ବାରେଣ୍ଟାଇନ୍‌ ରହିଥିବାବେଳେ  ଦଉଡି ଦେଇ ଆତ୍ମହତ୍ୟା କରିଛନ୍ତି । ମିଳିଥିବା ସୂଚନା ଅନୁସାରେ କରୋନା ଭାଇରସ୍‌ ସଂକଟ  ଚାଲିଥିବା ସମୟରେ ମୃତକ ଗତ 14 ଦିନ ଧରି ହୋମ କ୍ବାରେଣ୍ଟାଇନ୍‌ରେ ରହିଥିଲେ । ବ୍ୟକ୍ତି ଜଣକ ଶୁକ୍ରବାର ଦିନ ଫାଶୀ ଲଗାଇ ଆତ୍ମହତ୍ୟା କରିଛି । 20 ମାର୍ଚ୍ଚରୁ ମୃତକ ଜଣକ ହୋମ କ୍ବାରେଣ୍ଟାଇନରେ ରହିଥିଲେ । ତେବେ ମାନସିକ ବିକାର ଯୋଗୁଁ ସେ ଆତ୍ମହତ୍ୟା କରିଥାଇପାରନ୍ତି ବୋଲି ସୂଚନା ମିଳୁଛି । ସୂଚନାଯୋଗ୍ୟ, ଗୁଜୁରାଟରେ ଆକ୍ରାନ୍ତଙ୍କ ସଂଖ୍ୟା 90ଟପି ସାରିଛି ।

ନୂଆଦିଲ୍ଲୀ : ଦେଶରେ କରୋନା ଭାଇରସ୍‌କୁ ନେଇ ମାମଲା ଲଗାତାର ଭାବରେ ବଢି ଚାଲିଛି । ଏ ପର୍ଯ୍ୟନ୍ତ ଦେଶରେ 2500ରୁ ଅଧିକ ସଂକ୍ରମିତ ହୋଇଥିବାର ଖବର ମିଳିଛି । ଏହା ମଧ୍ୟରେ ମହାରାଷ୍ଟ୍ର ଓ ଉତ୍ତରାଖଣ୍ଡରୁ ତବଲିଗ୍‌ ଜମାତରୁ ଲୋକେ ଫେରାର ହୋଇଥିବା ଖବର ସାମ୍ନାକୁ ଆସିଛି । ମହାରାଷ୍ଟ୍ରର ପୁଣେରେ ତବଲିଗି ଜମାତର 10 ଜଣ ଫେରାର୍‌ ହୋଇଯାଇଛନ୍ତି । ସେହିପରି ଉତ୍ତରାଖଣ୍ଡର କାଶୀପୁର କ୍ବାରେଣ୍ଟାଇନ୍‌ ସେଣ୍ଟରୁ ଦୁଇ ଜମାତୀ ଫେରାର୍ ହୋଇଯାଇଛନ୍ତି ।  ଉତ୍ତରାଖଣ୍ଡରେ ଝରକା ଭାଙ୍ଗି ଦୁଇ ଜମାତୀ ପଳାୟନ କରିଛନ୍ତି । ଏହା ପରେ ପୋଲିସ୍ ତାଙ୍କୁ ଖୋଜିବା ସହିତ ସହରରେ ବନ୍ଦ କରିଛି । ସେହିପରି ପୁଣେର ଶିରୁର ତହସିଲରୁ ତବଲିଗି ଜମାତର 10 ଜଣ ଫେରାର ହୋଇଯାଇଛନ୍ତି। ଏହି ଦଶଜଣ 23 ଫେବୃଆରୀ ନୂଆଦିଲ୍ଲୀରୁ ମହାରାଷ୍ଟ୍ର ପୁଣେ ଫେରିଥିଲେ। 23 ଫେବୃଆରୀରେ ମାର୍ଚ୍ଚ 6 ପର୍ଯ୍ୟନ୍ତ ସମସ୍ତ 10 ଜଣ ଯାକ…

ସମୀକ୍ଷା ବ୍ୟୁରୋ ଭଦ୍ରକ : ଭଦ୍ରକରେ ସଟ୍‌ ଡାଉନ୍‌ ଉଲ୍ଲଂଘନ କରି ଧରାପଡ଼ିଲେ 9 ଜଣ । ଏହି ସମସ୍ତଙ୍କୁ14 ଦିନ ପାଇଁ ଇନ୍‌ଷ୍‌ଟିଚୁ୍ୟସନାଲ୍‌ କ୍ବାରେଣ୍ଟାଇନକୁ ପଠାଯାଇଛି । ସଟ୍‌ ଡାଉନ୍‌ ସମୟରେ ବାହାରେ ବୁଲୁଥିବାରୁ ଏହି 9ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥିବା ନେଇ ଉପଜିଲ୍ଲାପାଳ ସୂଚନା ଦେଇଛନ୍ତି । ଭଦ୍ରକରୁ ଚତୁର୍ଥ କରୋନା ସଂକ୍ରମିତଙ୍କ ସୂଚନା ମିଳିଥିଲେ । ସମ୍ପୃକ୍ତ ବ୍ୟକ୍ତି ଜଣକ ଭଦ୍ରକ ପୁରୁଣା ବଜାର ଅଂଚଳର ବୋଲି ଚିହ୍ନଟ ହୋଇଥିଲେ । ଅନ୍ୟପଟେ ଚତୁର୍ଥ କରୋନା ଆକ୍ରାନ୍ତଙ୍କୁ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଥିବାବେଳେ ତାଙ୍କ ପରିବାରର ଅନ୍ୟ ସଦସ୍ୟମାନଙ୍କୁ କ୍ୱାରାଂଟାଇନରେ ରଖାଯାଇଛି । ଯୁବକ ଜଣଙ୍କ ଦୁବାଇରୁ ଫେରିବା ପରେ ୧୪ ଦିନ ଧରି ଭଦ୍ରକରେ ରହିଥିଲେ । ଗତକାଲି ରାତ୍ରି 8ଟାରୁ ଭଦ୍ରକ, କଟକ ଓ ଭୁବନେଶ୍ବରୁ 48ଘଣ୍ଟା ପାଇଁ ସମ୍ପୂର୍ଣ୍ଣ ସଟ୍‌ ଡାଉନ କରାଯାଇଛି । ଏହି ସମୟରେ କେବଳ କିଛି ଔଷଧ ଦୋକାନକୁ…

କଟକ, ଦିନକୁ ଦିନ କରୋନା ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବାରୁ ଏଥିପାଇଁ ବିଭିନ୍ନ ହସପିଟାଲ କର୍ତ୍ତୁପକ୍ଷ ଚିନ୍ତାରେ ପଡିଯାଇଛନ୍ତି। ଅନ୍ୟ ରୋଗୀମାନେ ଯେପରି ପ୍ରଭାବିତ ନ ହେବେ ସେଥିପାଇଁ କଟକ ଏସସିବି ହସପିଟାଲ ତରଫରୁ ନିଆଯାଇଛି ନୂଆ ନିଷ୍ପତି। ନିଷ୍ପତି ଅନୁସାରେ ଏଣିକି କଟକ ନିକଟସ୍ଥ ଅଞ୍ଚଳର ସମସ୍ତ କୋବିଡ19 ଆକ୍ରାନ୍ତ ଏସସିବିରେ ନ ରହି ଅଶ୍ବନୀ କୋବିଡ19 ହସପିଟାଲରେ ଚିକିତ୍ସା ହେବେ। ଗତକାଲି ଏସସିବିରେ ଏକ ଉଚ୍ଚସ୍ତରୀୟ ବୈଠକ କରାଯାଇ ଏହି ନିଷ୍ପତି ନିଆଯାଇଛି। ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ହସପିଟାଲକୁ ଭିଡିଓ କନଫ୍ରନେସିଂ ମାଧ୍ୟମରେ ଉଦଘାଟନ କରିଥିଲେ। କଟକର ପ୍ରତିଷ୍ଠିତ ଅଶ୍ବନୀ ହସପିଟାଲ ସହିତ ସରକାରଙ୍କ ଭାଗୀଦାରୀରେ ଦେଢଶହ ବେଡ ବିଶିଷ୍ଠ ଏହି ହସପିଟାଲ ନିର୍ମାଣ କରାଯାଇଛି। ଏଥିରେ କେବଳ କରୋନା ରୋଗୀଙ୍କ ଆବଶ୍ୟକ ମେଡିକାଲ ଉପକରଣ ଉପଲବ୍ଧ କରାଯାଇଛି। ଭାଇରସ ଯେପରି ସଂକ୍ରାମଣ ନ ହେବ ସେଥିପାଇଁ ମଧ୍ୟ ଏହି ହସପିଟାଲରେ ବନ୍ଦୋବସ୍ତ ମଧ୍ୟ କରାଯାଇଛି।…

କେଦାର ମିଶ୍ର କୋଭିଡ-୧୯ ଭୂତାଣୁକୁ ମୁକାବିଲା କରିବା ଲାଗି ସାମାଜିକ ଦୂରତା ହିଁ ଏକମାତ୍ର ବାଟ ଓ ସେଥିଲାଗି ବର୍ତ୍ତମାନ ସମୟରେ ଆମେ ସାରା ଦେଶରେ ୨୧ ଦିନିଆଁ ତାଲା ବନ୍ଦ ମାନି ଆସୁଛୁ। କେବଳ ଅପରିହାର୍ୟ ଖାଦ୍ୟଦ୍ରବ୍ୟ ଓ ଔଷଧ ଇତ୍ୟାଦିକୁ ବାଦ ଦେଲେ ପୂରା ଜୀବନଯାତ୍ରା ଅଚଳ ହୋଇ ପଡିଛି। ତେବେ ଓଡିଶାରେ ୨୦ ତାରିଖରୁ ଲକ ଡାଉନ ଆରମ୍ଭ ହୋଇ ସାରିଥିବାରୁ ଓ ତାର ସପ୍ତାହେ ଆଗରୁ ଏକ ପ୍ରକାର ଆଂଶିକ ବନ୍ଦ ଆରମ୍ଭ ହୋଇଯାଇଥିବାରୁ ଅନ୍ୟ ରାଜ୍ୟ ତୁଳନାରେ ଓଡିଶା ଟିକେ ଅଧିକ ସତର୍କ ରହିଥିବା କଥା ଆମେ ଜାଣିଛୁ। ଏତେ ସବୁ ସତର୍କତା ଭିତରେ ହଠାତ ଗତ କାଲି ଗୋଟିଏ ଦିନରେ ୧୫ ଜଣ କୋଭିଡ-୧୯ ଆକ୍ରାନ୍ତ ଚିହ୍ନଟ ହେବା, ଲୋକଙ୍କ ମନରେ ଅଧିକ ଆଶଙ୍କା ସୃଷ୍ଟି କରିଛି। ଭୁବନେଶ୍ୱର ସୂର୍ୟ ନଗରର ଜଣେ ବ୍ୟକ୍ତି ଦେଶ କିମ୍ବା ରାଜ୍ୟ ବାହାରକୁ ଯାଇ ନଥିବା…

ନୂଆଦିଲ୍ଲୀ: କରୋନା ଭାଇରସ୍‌  ସହ ଦେଶ ଲଢୁଥିବାବେଳେ ତବଲିଗି ଜମାତ ଧର୍ମ ସମ୍ମଳିନୀରେ ଯୋଗ ଦେଇଥିବା ଲୋକଙ୍କୁ ନେଇ ବଡ ଚିନ୍ତାର ବିଷୟ ପାଲଟିଯାଇଛି । ଲଗାତାର ଭାବରେ ଏହି ଜମାତରେ ଅଂଶଗ୍ରହଣ କରିଥିବା ଲୋକଙ୍କ ନିକଟରୁ କରୋନା ପଜିଟିଭି ଚିହ୍ନଟ ହେଉଛି । ସାରା ଦେଶରେ ମୋଟ ୬୪୭ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି, ଯେଉଁମାନେ ତବଲିଗି ଜମାତ ଧର୍ମ ସମ୍ମିଳନୀରେ ଯୋଗ ଦେଇଥିଲେ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି  ସୂଚନା ଦିଆଯାଇଛି। ଗତ ମାର୍ଚ୍ଚ ମାସରେ ଦିଲ୍ଲୀର ନିଜାମୁଦ୍ଦିନ୍‌ ଅଞ୍ଚଳରେ ଏହି ସମାରୋହ ଆୟୋଜିତ ହୋଇଥିଲା। ସ୍ୱାସ୍ଥ୍ୟ ମନ୍ତ୍ରଣାଳୟର ଅଧିକାରୀ ଲଭ୍‌ ଅଗ୍ରୱାଲ କହିଛନ୍ତି, ଏହି ସବୁ ସଂକ୍ରମିତଙ୍କୁ 14ଟି ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ଠାବ କରାଯାଇଛି। ସେଗୁଡ଼ିକ ହେଲା ଆଣ୍ଡାମାନ ଓ ନିକୋବର, ଆସାମ, ଦିଲ୍ଲୀ, ହିମାଚଳ, ହରିଆଣା, ଜମ୍ମୁ-କଶ୍ମୀର, ଝାରଖଣ୍ଡ, ମହାରାଷ୍ଟ୍ର, ରାଜସ୍ଥାନ, ତାମିଲନାଡ଼ୁ, ତେଲେଙ୍ଗାନା, ଓଡ଼ିଶା, ଉତ୍ତରାଖଣ୍ଡ ଏବଂ ଉତ୍ତରପ୍ରଦେଶ।…