ଶ୍ରୀନଗର, ଜମ୍ମୁ, ଲେହ୍, ଅମୃତସର, ପଠାନକୋଟ୍, ଡେରାଡୁନ୍ ଏବଂ ଚଣ୍ଡିଗଡ଼ ସମେତ କେତେକ ବିମାନ ବନ୍ଦରକୁ ବେସାମରିକ ବିମାନ ଚଳାଚଳ ନିମନ୍ତେ ବନ୍ଦ ରଖାଯାଇଥିବା କଥା ବୁଧବାର ଦିନ ବିମାନ ବନ୍ଦରସୂତ୍ରରୁ ଜଣାପଡ଼ିଛି। ଜମ୍ମୁ, ଶ୍ରୀନଗର, ଅମୃତସର ଏବଂ ଚଣ୍ଡିଗଡ଼ର ସମସ୍ତ ୪ଟି ସେକ୍ଟର୍କୁ ମୁମ୍ବାଇ ବିମାନ ବନ୍ଦର ସବୁ ବିମାନ ବାତିଲ୍ କରିଛି। ଫଳରେ ଏହି ବିମାନ ବନ୍ଦରଗୁଡ଼ିକୁ କୌଣସି ବ୍ୟାବସାୟିକ ବିମାନ ଚଳାଚଳ କରିବ ନାହିଁ। ଏହି ସବୁ ବିମାନ ବନ୍ଦରରୁ କେତେକ ବିମାନର ଗତିପଥ ପରିବର୍ତ୍ତନ କରାଯାଇଛି ଆଉ କେତେକଙ୍କୁ ଅଟକ ରଖାଯାଇଛି। ସମସ୍ତ ବିମାନ ବନ୍ଦରରେ ହାଇଆଲର୍ଟ ଜାରି କରାଯାଇଛି । ଭାରତ ଏବଂ ପାକିସ୍ତାନକୁ ଯାତାୟାତ କରୁଥିବା ବହୁ ଆନ୍ତର୍ଜାତିକ ବିମାନ ଚଳାଚଳ ଏଥିଯୋଗୁଁ ପ୍ରଭାବିତ ହୋଇଥିବା ଖବର ଆସିଛି। କେତେକ ବିମାନ ଉଡ଼ାଣ ଆରମ୍ଭ କରିଥିବା ସ୍ଥାନକୁ ଫେରି ଯାଉଥିବା ବେଳେ ଅନ୍ୟ କେତେକ ବିକଳ୍ପ ପଥ ଖୋଜୁଛନ୍ତି। ପାକିସ୍ତାନ ମଧ୍ୟ ତୁରନ୍ତ…
Author: Samikhsya Bureau
ଗତକାଲି ଭାରତ ପକ୍ଷରୁ ହୋଇଥିବା ଏୟାର୍ ଷ୍ଟ୍ରାଇକ୍ର ଜବାବ ଦେବା ପାଇଁ ପାକିସ୍ତାନ ଦୁଇଟି ଲଢୁଆ ବିମାନ ଭାରତୀୟ ବାୟୁସୀମା ଉଲ୍ଲଂଘନ କରି ଜାମ୍ମୁ ଓ କାଶ୍ମୀରର ରାଜୌରୀ ଜିଲ୍ଲାର ନୌସେରାରେ ପ୍ରବେଶ କରିଥିଲା। ତେବେ ପାକିସ୍ତାନର ଏହି ଦୁଃସାହସର ଉଚିତ ଜବାବ ଦେଇଛି ଭାରତ। ପାକିସ୍ତାନ ବାୟୁ ସେନାର ଏଫ୍-୧୬ ଲଢୁଆ ବିମାନ ନିୟନ୍ତ୍ରଣ ରେଖା ଟପି ଭାରତୀୟ ସୀମା ଭିତରକୁ ପଶି ଆସିବା ପରେ ତାହାକୁ ସେନା ପକ୍ଷରୁ ଗୁଳି କରି ଖସାଇ ଦିଆଯାଇଛି। ମିଳିଥିବା ସୂଚନା ଅନୁସାରେ ବିମାନଟି ଜମ୍ମୁ-କଶ୍ମୀରର ନୌସେରା ସେକ୍ଟରର ଲ୍ୟାମ୍ ଭ୍ୟାଲି ନିକଟରେ ଭାରତୀୟ ସୀମା ଭିତରକୁ ପ୍ରାୟ ୩ କିଲୋମିଟର ପଶି ଆସିଥିଲା ଏହାପରେ ଭାରତୀୟ ବାୟୁ ସେନା ପକ୍ଷରୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ବିମାନଟିକୁ ଗୁଳି କରି ଖସାଇ ଦିଆଯାଇଥିଲା। ଏଫ୍-୧୬ ବିମାନକୁ ଭାରତ ଦ୍ବାରା ଗୁଳି କରି ଖସାଇ ଦେବା କଥାକୁ ମିଛ ବୋଲି ପାକିସ୍ତାନ କହିଛି…
ବଲିଉଡ୍ ଅଭିନେତ୍ରୀ କରୀନା କପୁର୍ ଖାନ୍ ଆଗାମୀ ଫିଲ୍ମର ‘ତଖତ୍’ର ତାଙ୍କ ଚରିତ୍ରକୁ ନେଇ ବେଶ୍ ଉତ୍ସାହିତ ଅଛନ୍ତି । କୀରନା କପୁର୍ ବହୁତ ଦିନ ପରେ ନିର୍ମାତା ନିର୍ଦ୍ଦେଶକ କରନ୍ ଜୋହର୍ଙ୍କ ସହ କାମ କରିବାକୁ ନେଇ ବହୁତ ଉତ୍ସାହିତ ରହିଛନ୍ତି । କରନ୍ଙ୍କ ଫିଲ୍ମ ‘କଭି ଖୁସି କଭି ଗମ୍’ରେ କରୀନା ଫୁ ଚରିତ୍ରରେ ନଜର ଆସି ଦର୍ଶକଙ୍କ ହୃଦୟରେ ଛାପ ଛାଡ଼ିଯାଇଥିଲେ । କରୀନା ’ତଖତ୍’ରେ ତାଙ୍କ ଚରିତ୍ରକୁ ନେଇ କହିଛନ୍ତି ଯେ ଏହା ଏକ ପିରିୟଡିକି ଡ୍ରାମା ଅଟେ । ଏହି ଫିଲ୍ମରେ ତାଙ୍କ ଚରିତ୍ରଟି ଫୁ ଚରିତ୍ରକୁ ପଛରେ ପକାଇଦେବ । ସେ ଏଥିରେ ବାଦ୍ଶାହା ଶାହାଜାହାଁଙ୍କ ପୁତ୍ରୀ ଜାହାଁଆରା ଚରିତ୍ରରେ ନଜର ଆସିବେ । ବହୁତ ଦିନ ପରେ କରୀନା ଏପରି ଏକ ପିରିୟିଡିକ ଫିଲ୍ମକୁ ନେଇ ବହୁତ ଆଶାବାଦୀ ରହିଛନ୍ତି । ଏହି ଫିଲ୍ମରେ ଶାହାଜାହାନ୍ଙ୍କ ଚରିତ୍ରରେ ଅଭିନେତା ଅନୀଲ୍ କପୁର…
ଚୀନ୍ରେ ଷୋଡଶ ଆରଆଇସି (ରୁଷ୍-ଭାରତ-ଚୀନ୍) ସମ୍ମିଳନୀ ଆଜି ଆରମ୍ଭ ହୋଇଛି । ଏଥିରେ ୩ ଦେଶର ବୈଦେଶିକ ମନ୍ତ୍ରୀ ଯୋଗ ଦେଇଛନ୍ତି । ଦେଶର ବୈଦେଶିକ ମନ୍ତ୍ରୀଙ୍କ ସହିତ ଅନ୍ୟାନ୍ୟ ପ୍ରତିନିଧିମାନେ ମଧ୍ୟ ଯୋଗଦେଇଛନ୍ତି । ତେବେ ଏହି ସମ୍ମିଳନୀରେ ଭାରତର ବୈଦେଶିକ ମନ୍ତ୍ରୀ ସମ୍ବୋଧିତ କରିବା ଅବସରରେ ପୁଲ୍ୱାମା ଆକ୍ରମଣ ଓ ପିଓକେ ପ୍ରସଙ୍ଗ ଉଠାଇଥିଲେ । ଏହି ଅବସରରେ ଅନ୍ତର୍ରାଷ୍ଟ୍ରୀୟ ସମୁଦାୟକୁ ଆଶ୍ଵସ୍ତ ଦେବା ସହ ଭାରତ ଦ୍ଵାରା ପାକିସ୍ତାନର ସାମିରକ ପ୍ରତିଷ୍ଠାନ ଉପରେ କୌଣସି ପ୍ରକାରର ଆକ୍ରମଣ କରାଯାଇନାହିଁ । ଏହା କେବଳ ଆତଙ୍କବାଦ ଦମନ ପାଇଁ କାର୍ଯ୍ୟାନୁଷ୍ଠାନ ନିଆଯାଇଛି ବୋଲି ସୁଷମା କହିଛନ୍ତି । ଏହି କାର୍ଯ୍ୟାନୁଷ୍ଠାନର ମୂଳ ଉଦ୍ଦେଶ୍ୟ କେବଳ ଆତଙ୍କବାଦର ମୂଳୋତ୍ପାଟନ । ଜୈଶ୍-ଏ-ମହମ୍ମଦ ଆତଙ୍କୀ ସଂଗଠନକୁ ରୋକିବା ତଥା ଏହି ଆତଙ୍କୀ ସଂଗଠନ ବିରୁଦ୍ଧରେ ନିର୍ଣ୍ଣାୟକ ପଦକ୍ଷେପ ସ୍ଵରୂପ ବାଲାକୋଟ ଆକ୍ରମଣ କରାଯାଇଛି । ଭାରତ ପାକିସ୍ତାନ ସହ କୌଣସି ପ୍ରକାରର…
ସୁରସାମ୍ରାଜ୍ଞୀ ଲତା ମଙ୍ଗେସକର ପିତାଙ୍କ ଶ୍ରାଦ୍ଧବାର୍ଷିକୀ ଅବସରରେ ଭାରତୀୟ ସେନାଙ୍କୁ ୧ କୋଟି ଟଙ୍କା ଦାନ କରିଛନ୍ତି । ଗତକାଲି ଭାରତୀୟ ବାୟୁସେନାରର ସାହସିକ ପଦକ୍ଷେପ ପରେ ଲତା ମଙ୍ଗେସକର୍ ଭାରତୀୟ ସେନାକୁ ପ୍ରଶଂସା କରିବା ସହିତ ସାହସିକ ପୁରସ୍କାର ବାବଦକୁ ୧ କୋଟି ଟଙ୍କା ଦାନ କରିଛନ୍ତି । ଗତ ଫେବୃଆରୀ ୧୪ ତାରିଖରେ ଜୈସ୍-ଏ-ମହମ୍ମଦ ଆତଙ୍କବାଦୀ ସଂଗଠନ ପକ୍ଷରୁ ହୋଇଥିବା ଆକ୍ରମଣରେ ୪୦ ଜଣ ଯବାନ୍ ଶହୀଦ୍ ହେବା ପରେ ସାରା ଦେଶ ଦୁଃଖରେ ମ୍ରିୟମାଣ ହୋଇପଡିଥିବାବେଳେ ପ୍ରତିଶୋଧ ନିଆଁରେ ଫୁଟୁଥିଲା । ତେବେ ଭାରତ ପକ୍ଷରୁ ଗତକାଲି ହୋଇଥିବା ଏୟାର୍ଷ୍ଟ୍ରାଇକ୍ ପରେ ଭାରତବାସୀ ସେନାଙ୍କୁ ପ୍ରଶଂସା କରୁଛନ୍ତି । ଭାରତୀୟ ସେନାକୁ ଆମ ବଲିଉଡ୍ ସେଲିବ୍ରିଟିମାନେ ମଧ୍ୟ ବହୁତ ବଧେଇ ଜଣେଇଛନ୍ତି । ପୁଲୱାମା ଆକ୍ରମଣରେ ଶହୀଦ୍ ଯବାନଙ୍କ ପରିବାରକୁ ମଧ୍ୟ ସହାୟତାର ହାତ ବଢାଇଛନ୍ତି ଆମ ବଲିଉଡ୍ କଳାକାରମାନେ ।
ଆଜି କାଶ୍ମୀରର ବଡଗାମଠାରେ ବାୟୁସେନାର ଯୁଦ୍ଧ ବିମାନ ଦୁର୍ଘଟଣାଗସ୍ତ ହୋଇଛି । ବଡ଼ଗାମର ଟେକ୍ନିକାଲ୍ ବିମାନବନ୍ଦରରୁ ବିମାନ ଉଡାଣ ଭରିବାର ସାତ କିଲୋମଟିର ଦୂରରେ ଏକ ଖୋଲା ସ୍ଥାନରେ ଦୁର୍ଘଟଣାଗସ୍ତ ହୋଇଛି । ଏହି ଦୁର୍ଘଟଣାରେ ବିମାନର ପାଇଲଟ୍ ଓ ସହ ପାଇଲଟ୍ଙ୍କ ମୃତ୍ୟୁ ହୋଇଥିବାର ସୂଚନା ରହିଛି । ଯାନ୍ତ୍ରିକ ତ୍ରୁଟି ଯୋଗୁଁ ଏହି ବିମାନଟି ଦୁର୍ଘଟଣା ଗ୍ରସ୍ତ ହୋଇଛି ବୋଲି ସୂଚନା ରହିଛି । ତେବେ ଏହି ବିମାନ ଦୁର୍ଘଟଣାରେ ଅଧିକ କ୍ଷୟକ୍ଷତିର ସୂଚନା ମିଳିପାରିନାହିଁ । ଦୁର୍ଘଟଣାସ୍ଥଳଟିରେ ବିମାନ ଦୁର୍ଘଟଣା ହେତୁ ନିଆଁ ଲାଗିଯାଇଥିବାରୁ ଦମକାଳ ବାହିନୀଙ୍କ ଦ୍ଵାରା ନିଆଁକୁ ଆୟତ୍ତ କରାଯାଇଛି ।
ପାକିସ୍ତାନ ବାଲାକୋଟରେ ଭାରତୀୟ ବାୟୁସେନାର କାର୍ଯ୍ୟାନୁଷ୍ଠାନ ପରେ ଦେଶରେ ହାଇ ଆଲର୍ଟ। ଦିଲ୍ଲୀ, ମୁମ୍ବାଇ ସମେତ ୫ଟି ସହରରେ ହାଇ ଆଲର୍ଟ ଜାରି କରାଯାଇଛି। ଏହା ଭିତରୁ ତିନିଟି ସହର ପାକିସ୍ତାନ ସୀମାବର୍ତ୍ତୀ ରାଜ୍ୟ ପଞ୍ଜାବ, ରାଜସ୍ଥାନ ଓ ଗୁଜୁରାଟର ରହିଛି। ପାକିସ୍ତାନ ସେନା ଅପେକ୍ଷା ଜମ୍ମୁ କାଶ୍ମୀରରେ ଥିବା ଆତଙ୍କବାଦୀଙ୍କ ପଟରୁ ଦେଶ ପାଇଁ ବେଶୀ ବିପଦ ରହିଛି। ଏହାକୁ ଦୃଷ୍ଟିରେ ରଖି ମୁମ୍ବାଇ ଓ ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ଗାଡ଼ିମୋଟର ଯାଞ୍ଚ ବି କଡ଼ାକଡ଼ି। ସଜାଗ ରହିବା ପାଇଁ ସୁରକ୍ଷା ବାହିନୀକୁ ବି ନିର୍ଦ୍ଦେଶ ଦିଆଯାଇଛି।
ବେଙ୍ଗାଲୁରୁ ଚିନ୍ନାସ୍ୱାମୀ ଷ୍ଟାଡିୟମରେ ଆଜି ଖେଳାଯିବ ଭାରତ-ଅଷ୍ଟ୍ରେଲିଆ ଟି-ଟ୍ୱେଣ୍ଟି ସିରିଜର ଦ୍ୱିତୀୟ ତଥା ଅନ୍ତିମ୍ ମ୍ୟାଚ୍। ବିଶାଖାପାଟଣା ମ୍ୟାଚ୍ ହାରିଥିବାରୁ ଏହି ମ୍ୟାଚ୍ ଜିତିବା ପାଇଁ ଭରପୁର ଚେଷ୍ଟା କରିବ ଭାରତ। ନହେଲେ ସିରିଜି ହାତରୁ ଖସିଯିବ। ଚୂଡ଼ାନ୍ତ ଏକଦାଶରେ ଉମେଶ ଯାଦବଙ୍କ ସ୍ଥାନରେ ସିଦ୍ଧାର୍ଥ କୋଲଙ୍କୁ ମିଳିପାରେ ସୁଯୋଗ। ବ୍ୟାଟିଂକୁ ଅଧିକ ମଜଭୁତ କରିବା ପାଇଁ ଅଲରାଉଣ୍ଡର ବିଜୟ ଶଙ୍କରଙ୍କୁ ପ୍ଲେଇଂ ଇଲେଭେନରେ ସାମିଲ ସମ୍ଭାବନା ରହିଛି। ସେପଟେ ଅଷ୍ଟ୍ରେଲିଆ ସିରିଜ କବଜା ଲକ୍ଷ୍ୟରେ ରହିଛି। ତେଣୁ ଆଜିର ମ୍ୟାଚରେ କଡ଼ା ମୁକାବିଲା ହୋଇପାରେ।
ଚୀନ୍ ଗସ୍ତରେ ଯାଇଛନ୍ତି ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ। ସେଠାରେ ଚୀନ୍ ଓ ଋଷ ବୈଦେଶିକ ମନ୍ତ୍ରିସ୍ତରୀୟ ବୈଠକରେ ସେ ଯୋଗ ଦେଇଛନ୍ତି। ଏହି ଅବସରରେ ସେ ଉଠାଇଛନ୍ତି ପୁଲୱାମା ଆତଙ୍କବାଦୀ ଆକ୍ରମଣ ପ୍ରସଙ୍ଗ। ସୁଷମା କହିଛନ୍ତି, ଆକ୍ରମଣ ପଛରେ ପାକିସ୍ତାନୀ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ସଂପୃକ୍ତି ରହିଛି। ଜୈଶ-ଏ-ମହମ୍ମଦ ଭଳି ଆତଙ୍କବାଦୀ ସଂଗଠନ ଉପରେ କଠୋର କାର୍ଜ୍ୟାନୁଷ୍ଠାନ ପାଇଁ ସମର୍ଥନ ଲୋଡ଼ିଛି ଭାରତ। ତ୍ରିପାକ୍ଷିକ ବୈଠକ ପରେ ଋଷ ଓ ଚୀନ୍ ବୈଦେଶିକ ମନ୍ତ୍ରୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ ସୁଷମା ସ୍ୱରାଜ।
ଭାରତ ପୁଲୱାମା ହମଲାର ପ୍ରତିଶୋଧ ନେବା ପରେ ପ୍ରତିହିଂସାପରାୟଣ ହୋଇଛି ପାକିସ୍ତାନ। ଗତକାଲିଠାରୁ ବାରମ୍ବାର ଏଲଓସି ଉପରେ ଗୁଳିମାଡ଼ କରୁଛି। ପାକିସ୍ତାନ ରେଞ୍ଜର୍ସ ପକ୍ଷରୁ ଆଜି ସକାଳେ ଉରି, ପୁଞ୍ଛ, ରାଜୋରୀ, ଅଖନୁର ସମେତ ୧୨ରୁ ୧୫ଟି ସ୍ଥାନରେ ପ୍ରବଳ ଗୁଳିଗୋଳା ମାଡ଼ ହୋଇଛି। ଗତକାଲି ସନ୍ଧ୍ୟାରେ ବି ପାକିସ୍ତାନ ପଟରୁ କିଛି ସ୍ଥାନରେ ଗୁଳିମାଡ଼ ହୋଇଥିଲା। ଯାହାର କଡ଼ା ମୁକାବିଲା କରିଛି ଭାରତୀୟ ସେନା। ଭାରତର ଜବାବରେ ପାକିସ୍ତାନ ରେଞ୍ଜର୍ସର ବହୁ କ୍ଷୟକ୍ଷତି ବି ହୋଇଛି।
ପୁଲୱାମା ଆତଙ୍କବାଦୀ ହମଲା ପରେ ବିଶ୍ୱ ଦରବାରରେ ନିନ୍ଦିତ ପାକିସ୍ତାନକୁ ପୁଣି ଝଟକା ଦେଇଛି ଆମେରିକା। ନିଜ ମାଟିରୁ ଆତଙ୍କବାଦୀଙ୍କ ମୂଳପୋଛ କରୁ ପାକିସ୍ତାନ। ଆତଙ୍କୀ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ତ୍ୱରିତ ପଦକ୍ଷେପ ନେବା ଆବଶ୍ୟକ ରହିଛି। ଆମେରିକା ବୈଦେଶିକ ମନ୍ତ୍ରଣାଳୟ ପକ୍ଷରୁ ଏନେଇ ଜାରି ହୋଇଛି ବିବୃତ୍ତି। ଏନେଇ ଆମେରିକା ବୈଦେଶିକ ମନ୍ତ୍ରୀ ମାଇକ୍ ପାମ୍ପୟୋ, ଭାରତ ଓ ପାକିସ୍ତାନ ବୈଦେଶିକ ମନ୍ତ୍ରୀଙ୍କ ସହ କଥା ବି ହୋଇଛନ୍ତି। ଶାନ୍ତି ବଜାୟ ରଖିବା ପାଇଁ ଦୁଇ ଦେଶକୁ କୁହାଯାଇଛି।
ପଞ୍ଜାବ ନ୍ୟାସନାଲ୍ ବ୍ୟାଙ୍କ ଠକେଇ ମାମଲାରେ ହୀରା ବ୍ୟବସାୟୀ ନିରବ ମୋଦିଙ୍କ ସମ୍ପତ୍ତି ଜବତ। ମୁମ୍ବାଇ ଓ ସୁରଟରେ ଥିବା ୧୪୭ କୋଟି ୭୨ ଲକ୍ଷ ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତି ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଏହା ଭିତରେ ରହିଛି ୮ଟି କାର୍, ପ୍ଲାଣ୍ଟ ଓ ଯନ୍ତ୍ରାଂଶ, ଗହଣା ସମେତ ବହୁ ଦାମୀ ସାମଗ୍ରୀ। ନିରବ ମୋଦି ଓ ତାଙ୍କ କମ୍ପାନୀ ନାଁରେ ଥିବା ସମ୍ପତ୍ତିକୁ ଜବତ କରାଯାଇଛି। ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ ଅନୁସାରେ ସମ୍ପତ୍ତିକୁ ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଏପର୍ଯ୍ୟନ୍ତ ପିଏନବି ଠକେଇ ମାମଲାରେ ନିରବ ମୋଦିଙ୍କର ଦେଶ ଓ ବିଦେଶରେ ଥିାବା ୧ହଜାର ୭୨୫କୋଟି ଟଙ୍କାରୁ ଅଧିକ ଟଙ୍କାର ସମ୍ପତ୍ତି ଜବତ କରିଛି ଇଡି।
ଜ୍ୟୋତି ନନ୍ଦ ଯେହେତୁ ବର୍ତ୍ତମାନ ଭୁବନେଶ୍ଵରରେ ଚାଲିଥିବା ପୁସ୍ତକମେଳା ଏକ ସରକାରୀ କାର୍ଯ୍ୟକ୍ରମ ସେଦୃଷ୍ଟିରୁ ସେଠିକି ସମସ୍ତ ସରକାରୀ କର୍ମଚାରୀ ଯେଉଁମାନେ ଭୁବନେଶ୍ଵରରେ ଅଛନ୍ତି ସେମାନଙ୍କୁ ପ୍ରଦର୍ଶନୀ ପଡିଆରେ ପ୍ରତ୍ୟହ ସଂଧ୍ୟା ଛଅଟା ପରେ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଉ।ଯାହା ଫଳରେ ପୁସ୍ତକମେଳା ପରିସର ଆଉ ଯାହାହେଉ ନା କାହିଁକି ଟିକିଏ ଅଧିକ ଗହଳଚହଳ ଥିଲା ଭଳି ଲାଗିବ। ତାହା ସହିତ ଯଦି ପୁସ୍ତକ ମେଳା ପରିସରରେ ପ୍ରାତ୍ୟହିକ ଅଭଢାର ସୁବନ୍ଦୋବସ୍ତ ହୁଅନ୍ତା ତେବେ ତାହା ଆମର( ପୁସ୍ତକ) କ୍ଷୁଧାକୁ ଅନେକ ପରିମାଣରେ ବି ପ୍ରଶମିତ କରି ପାରନ୍ତା। କହିବା କଥା ହେଉଛି ଯେତେବେଳେ ଏଇଟି ଏକ ସରକାରୀ ପ୍ରାୟୋଜିତ କାର୍ଯ୍ୟକ୍ରମ ସେତେବେଳେ ଅନ୍ୟ ସମସ୍ତ ସେହିଭଳି କାର୍ଯ୍ୟକ୍ରମ ରେ ଭୀଡ-ଉତ୍ପାଦନ ଲକ୍ଷ୍ୟାର୍ଥେ ଯେଉଁ ବ୍ୟବସ୍ଥାମାନ ଥାଏ ତାହା ଏଠାରେ ମଧ୍ୟ ଉପଲବ୍ଧ ରହିବା ବିଧେୟ। ବିଶେଷ କରି ସମସ୍ତ ସରକାରୀ , ବେସରକାରୀ,ତଥା ଅବସରପ୍ରାପ୍ତ (ବେଶି ଏଇ ଶ୍ରେଣୀକୁ)କର୍ମଚାରୀଙ୍କୁ ଓ …
ସମୀକ୍ଷା ବ୍ୟୁରୋ ୨୫ ଫେବୃଆରୀ ଭୋର ୩.୩୦ ରେ ଭାରତୀୟ ବାୟୁସେନାର ଏକ ସାହସୀ ଆକ୍ରମଣରେ ପାକିସ୍ତାନର ଆଭ୍ୟନ୍ତରରେ ଥିବା ବାଲାକୋଟ ଜଙ୍ଗଲ ଭିତରେ ଚାଲିଥିବା ଜୈଶ ଏ ଅହମଦ ର ଆତଙ୍କବାଦୀ ଶିବିର ଉପରେ ପ୍ରକାଣ୍ଡ ପ୍ରହାର କରାଯାଇଥିଲା। ଏହାକୁ ଏକ ବେସାମରିକ ଲକ୍ଷ୍ୟ ପୂରଣ ଓ ସନ୍ତ୍ରାସବାଦ ଉପରେ ବଡ ଆକ୍ରମଣ ବୋଲି ଆମେ କହିପାରିବା। ସେନାର ଏହି ସଫଳତା ଲାଗି ଆମେ ସମସ୍ତେ ଗର୍ବିତ। ପୁଲବାମା ରେ ଭାରତୀୟ ପାରା ମିଲିଟାରୀ ପୋଲିସ ଉପରେ ହୋଇଥିବା ଆକ୍ରମଣର ୧୨ ଦିନ ପରେ ଭାରତର ଏହି ଦୃଢ କାର୍ୟାନୁଷ୍ଠାନ ପ୍ରଶଂସାର ବିଷୟ। ଏହି ପୃଷ୍ଠଭୂମିରେ ଫେବୃଆରୀ ୧୪ ରୁ ଆଜି ପର୍ଯନ୍ତ ଭାରତର ରାଜନୀତିରେ ଗୋଟେ ନୂଆ କଥା ଘଟିଛି। ସାଧାରଣ ନିର୍ବାଚନ ଘୋଷଣାକୁ ମାତ୍ର ଅଳ୍ପ କିଛି ଦିନ ବାକିଥିବା ସତ୍ତ୍ୱେ ସବୁ ରାଜନୈତିକ ଦଳ ଏକ ସ୍ଵରରେ ଓ ହୃଦୟର ସହିତ ସେନାକୁ ସମ୍ମାନ ଦେଇଛନ୍ତି।…
ପାକିସ୍ତାନ ଓ ଭାରତ ମଧ୍ୟରେ ଉତ୍ତେଜନାକୁ ଦୃଷ୍ଟିରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ କରିବାକୁ ଥିବା ଆନ୍ଦୋଳନକୁ ସ୍ଥଗିତ ରଖିଛନ୍ତି। ଆସନ୍ତା ମାର୍ଚ୍ଚ ୧ ତାରିଖରୁ ଦିଲ୍ଲୀକୁ ପୂର୍ଣ୍ଣ ରାଜ୍ୟ ମାନ୍ୟତା ଦେବା ଦାବିରେ କେଜ୍ରିୱାଲ ଆମରଣ ଅନଶନରେ ବସିବାକୁ ନିଷ୍ପତ୍ତି ନେଇଥିଲେ। ତେବେ ଆଜି ଭାରତୀୟ ବାୟୁସେନା ପୁଲୱାମା ଆତଙ୍କବାଦୀ ଆକ୍ରମଣର ପ୍ରତିଶୋଧ ପୂର୍ବକ ପାକିସ୍ତାନରେ ପ୍ରବେଶ କରି ଏୟାର ଷ୍ଟ୍ରାଇକ୍ କରିଛି। ଏଥିରେ ଜୈଶ ଆତଙ୍କବାଦୀଙ୍କ ଟ୍ରେନିଂ କ୍ୟାମ୍ପ ଧ୍ୱଂସ ହୋଇଯାଇଛି। ପାକିସ୍ତାନ ମଧ୍ୟ ଭାରତକୁ ଧମକ ଦେବା ଆରମ୍ଭ କରିଛି। ଏହାପରେ ପାକିସ୍ତାନ ସହ ଭାରତର ଆଭ୍ୟନ୍ତରୀଣ ସ୍ଥିତି ଅତ୍ୟନ୍ତ ସମ୍ବେଦନାପୂର୍ଣ୍ଣ ରହିଛି । ଦେଶର ଏହିପରି ସମୟରେ ନିଜର ଅନଶନ ସ୍ଥଗିତ ରଖିଥିବାର କେଜ୍ରିୱାଲ ଟ୍ୱିଟ୍ ଯୋଗେ କହିବା ସହିତ ସମସ୍ତଙ୍କୁ ଏକାଠି ଦେଶ ସହ ଛିଡ଼ା ହେବା ଦରକାର ବୋଲି ମଧ୍ୟ ଆହ୍ୱାନ ଦେଇଛନ୍ତି।
ଭାରତୀୟ ବାୟୁସେନା ଏଲ୍ଓସି ଅତିକ୍ରମ କରି ପାକିସ୍ତାନର ବାଲାକୋଟ୍ଠାରେ ପୁଲ୍ୱାମାର ବଦ୍ଲା ନେବାପରେ ପ୍ରତିକ୍ରିୟା ରଖିଛି ଚୀନ୍ । ପାକିସ୍ତାନକୁ ଅହେତୁକ ସମର୍ଥନ ଜଣାଇ ଆସୁଥିବା ଚୀନ୍ ଏହି ଆକ୍ରମଣ ପରେ ଉଭୟ ଭାରତ ଏବଂ ପାକିସ୍ତାନକୁ ସଂଯମ ରକ୍ଷା ପାଇଁ ଆହ୍ୱାନ ଜଣାଇଛି । ଉଭୟ ପଡ଼ୋଶୀ ରାଷ୍ଟ୍ର ସଂଯମ ଅବଲମ୍ବନ କରନ୍ତୁ ବୋଲି ଚୀନ୍ କହିଛି । ଚୀନ୍ର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଲୁ କାଙ୍ଗ କହିଛନ୍ତି, ଆମେ ଆଶା କରୁଛୁ ଉଭୟ ରାଷ୍ଟ୍ର ସଂଯମ ରହି ସେଭଳି କିଛି ପଦକ୍ଷେପ ନେବେ ଯାହା ଦ୍ୱାରା ଏହି ଦୁଇ ଅଞ୍ଚଳରେ ଶାନ୍ତି ଏବଂ ସ୍ଥିରତା ବଜାୟ ରହିବ। ଗତ ଫେବୃଆରୀ ୧୪ ତାରିଖରେ ପୁଲ୍ୱାମାଠାରେ ହୋଇଥିବା ଜୈଶ୍-ଏ-ମହମ୍ମଦ ଦ୍ବାରା ହୋଇଥିବା ବଡ଼ ଆତଙ୍କୀ ଆକ୍ରମଣରେ ୪୦ ଜଣ ଭାରତୀୟ ଯବାନ୍ ଶହୀଦ୍ ହୋଇଥିଲେ । ଏହି ଘଟଣାରେ ଚୀନ୍ ଦୋମୁହାଁ ନୀତି ଆପଣାଇଥିଲା । ଫୁଲ୍ଓ୍ବାମା ଆକ୍ରମଣ ଘଟଣା…
ମାଟ୍ରିକ ପରୀକ୍ଷାରେ ହୋଇଥିବା କପି ଅଭିଯୋଗରେ ବୋର୍ଡ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ବୋର୍ଡ ପକ୍ଷରୁ ତିନୋଟି ପରୀକ୍ଷା କେନ୍ଦ୍ରର ଇଂରାଜୀ ପରୀକ୍ଷା ବାତିଲ୍ କରିବା ପାଇଁ ନିଷ୍ପତ୍ତି ନିଆଯାଇଥିଲେ ମଧ୍ୟ ଖାତା ମୂଲ୍ୟାୟନ ପରେ ବୋର୍ଡର ପରୀକ୍ଷା କମିଟି ଏହି ସମ୍ପର୍କରେ ନିଷ୍ପତ୍ତି ନେବେ ବୋଲି ଜଣାପଡିଛି । ପରୀକ୍ଷା ବାତିଲ୍ ପାଇଁ ନିଷ୍ପତ୍ତି ହୋଇଥିବା କେନ୍ଦ୍ରଗୁଡ଼ିକ ମଧ୍ୟରେ ରହିଛି – ବଲାଙ୍ଗୀର ଜିଲ୍ଲାର ଘୁନୁସର ସରକାରୀ ଉଚ୍ଚ ବିଦ୍ୟାଳୟ, ଢେଙ୍କାନାଳ ଜିଲ୍ଲା ପଳାସପିଠାର ପି.ଆର୍. ଉଚ୍ଚ ବିଦ୍ୟାଳୟ ଏବଂ କଟକ ଗୋପୀନାଥପୁରର କୃପାସିନ୍ଧୁ ନୋଡାଲ ଉଚ୍ଚ ବିଦ୍ୟାଳୟ । ବାକି ଥିବା ପରୀକ୍ଷା ପାଇଁ ସମ୍ପୃକ୍ତ ବିଦ୍ୟାଳୟରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଗତକାଲି ତୃତୀୟ ଭାଷାର ପରୀକ୍ଷା ଅନୁଷ୍ଠିତ ହେବ ।
ଭାରତୀୟ ବାୟୁସେନା ଦ୍ଵାରା ଆକ୍ରମଣ ପାକିସ୍ତାନରେ ଘୋର ଅଶାନ୍ତି ସୃଷ୍ଟି କରିଛି ଯାହା ପଡୋଶୀ ଦେଶର ଗଭୀରତାକୁ ସ୍ପର୍ଶ କରିଛି ବୋଲି ଦୃଢୋକ୍ତି ପ୍ରକାଶ ପାଇଛି । ଜୈସ-ଏ-ମହମ୍ମଦର ଆକ୍ରମଣକୁ ପ୍ରତିହତ କରିବାକୁ ଏହା ଏକ ନୂତନ ରଣ କୌଶଳ ବୋଲି ଜାମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମର ଅବଦୁଲ୍ଲା କହିଛନ୍ତି । ଏହି ଆକ୍ରମଣ ପାକିସ୍ତାନକୁ ଦୋହଲାଇ ଦେଇଛି । ସେ କହିଛନ୍ତି ଯେ ବାଲାକୋଟ ବାୟୁ ଆକ୍ରମଣ ପରେ ଭାରତ ଏକ ନୂତନ ଦିଗନ୍ତକୁ ପ୍ରବେଶ କରିଛି । ଉରି ଆକ୍ରମଣ ପରେ ଆମେ ଆମ ଏହାର ଭରଣା କରିଥିଲୁ କିନ୍ତୁ ବାଲାକୋଟ ଜୈଶ୍ ଆକ୍ରମଣକୁ ପ୍ରତିହତ କରିବା ପାଇଁ ଏକ ଆଗୁଆ ପଦକ୍ଷେପ ବୋଲି ସେ କହିଛନ୍ତି । ଏହା ଏକ ସଂପୂର୍ଣ୍ଣ ନୂତନ ରଣ କୌଶଳ । ସେ ଆହୁରି ମଧ୍ୟ କହିଛନ୍ତି ଯେ, ଏହା ପରେ ଲାଇନ ଅଫ କଣ୍ଟ୍ରୋଲ ପାଖରେ ରହୁଥିବା ଲୋକେ…
ଭାରତର ଏୟାର ଷ୍ଟ୍ରାଇକ୍ ପରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କ ଅଧ୍ୟକ୍ଷତାରେ ଜାତୀୟ ସୁରକ୍ଷା ପରିଷଦ ବୈଠକ ବସିଥିଲା। ଏଥିରେ ଇମ୍ରାନ୍ ଖାନ୍ ଦେଶର ସମସ୍ତ ସୁରକ୍ଷାକର୍ମୀ ଏବଂ ସାଧାରଣ ଲୋକଙ୍କୁ ସବୁ ପ୍ରକାରର ପରିସ୍ଥିତିର ସାମ୍ନା କରିବା ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି। ପାକିସ୍ତାନ ଭାରତ ନିୟନ୍ତ୍ରଣ ରେଖା (ଏଲ୍ଓସି)ର ଉଲ୍ଲଂଘନ କରିଥିବା ବିଷୟକୁ ସଂଯୁକ୍ତ ରାଷ୍ଟ୍ର ଓ ଅନ୍ତରାଷ୍ଟ୍ରୀୟ ଫୋରମ୍ରେ ଉଠାଇବ । ଏହି ବୈଠକରେ ସେନାର ଶୀର୍ଷସ୍ତରୀୟ ନେତା ତଥା ସେନା ପ୍ରମୁଖ ଜେନେରଲ୍ କମର୍ ଜାଭେଦ ବାଜ୍ଓ୍ବା ପ୍ରମୁଖ ସାମିଲ୍ ରହିଥିଲେ । ଭାରତ ଦ୍ବାରା ଏଲ୍ଓସିର ଉଲ୍ଲଂଘନ ବିଷୟକୁ ଯଥାଶୀଘ୍ର ଇସଲାମିକ୍ ସହଯୋଗ ସଂଗଠନ, ସଂଯୁକ୍ତ ରାଷ୍ଟ୍ର ଓ ମିତ୍ର ରାଷ୍ଟ୍ରଙ୍କ ସମ୍ମୁଖରେ ଉପସ୍ଥାପନ କରିବ । ଭାରତ ସରକାର କେବଳ ନିଜର ବ୍ୟକ୍ତିଗତ ଫାଇଦା ଓ ନିର୍ବାଚନକୁ ଦୃଷ୍ଟିରେ ରଖି ଏଭଳି ଆକ୍ରମଣାତ୍ମକ ରୂପ ଦେଖାଇଛନ୍ତି ବୋଲି ଇମ୍ରାନ୍ କହିଛନ୍ତି ।…
ପୁଲୱାମା ଆକ୍ରମଣର ୧୨ ଦିନ ପରେ ପ୍ରତିଶୋଧ ସ୍ଵରୂପ ଭାରତ ପକ୍ଷରୁ କରାଯାଇଥିବା ବାୟୁସେନାର ପିଓକେ ଉପରେ ଆକ୍ରମଣକୁ ସମର୍ଥନ ଜଣାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀୱାଲ । ସେ ସେନାକୁ ପ୍ରଶଂସା କରିବା ସହିତ ଏହି ସମୟରେ ସମଗ୍ର ଦେଶ ସରକାର ଓ ପ୍ରଧାନମନ୍ତ୍ରୀଙ୍କ ସହିତ ଅଛନ୍ତି ବୋଲି କହିଛନ୍ତି । ସମଗ୍ର ଦେଶ ଏବେ ଗର୍ବିତ ଅନୁଭବ କରୁଛି କହିବା ସହିତ ଭାରତୀୟ ସେନାକୁ ଅଭିନନ୍ଦନ ଜଣାଇଛନ୍ତି ।
ଫୁଲଓ୍ବାମା ଆକ୍ରମଣ ଉପରେ ଦେଇଥିବା ମନ୍ତବ୍ୟକୁ ନେଇ ବିବାଦରେ ଫଶିଥିବା କଂଗ୍ରେସ ନେତା ତଥା କ୍ରିକେଟ୍ର ନବଜୋତ ସିଂ ସିଦ୍ଧୁ ଆଜି ପିଓକେର ହୋଇଥିବା ଆକ୍ରମଣକୁ ନେଇ ନିଜ ମନ୍ତବ୍ୟ ରଖିଛନ୍ତି । ଭାରତୀୟ ବାୟୁସେନାକୁ ପ୍ରଶଂସା କରିବା ସେ ଏକ ଟ୍ବିଟ୍ କରିଛନ୍ତି । ସେ ଏହି ଟ୍ବିଟ୍ରେ ଲେଖିଛନ୍ତି – ‘ଲୁହା ଲୁହାକୁ କାଟିଥାଏ, ନିଆଁ ନିଆଁକୁ କାଟିଥାଏ, ସାପ ବିଷରୁ ବଞ୍ଚିବାର ଔଷଧ ମଧ୍ୟ ବିଷରୁ ହିଁ ତିଆରି ହୁଏ, ଆତଙ୍କବାଦୀଙ୍କ ବିନାଶ ଅନିବାର୍ଯ୍ୟ । ଭାରତୀୟ ବାୟୁସେନାର ଜୟ ହେଉ । ଜୟ ହିନ୍ଦ୍, ଜୟ ହିନ୍ଦ୍ କି ସେନା ।’ ଆଉ ଏକ ଟ୍ବିଟ୍ରେ ସିଦ୍ଧୁ ଲେଖିଛନ୍ତି ଯେ – ଭୁଲ ଠିକ୍ର ଯୁଦ୍ଧରେ ନିରପେକ୍ଷ ରହିହେବ ନାହିଁ। ଆତଙ୍କବାଦୀଙ୍କ ବିରୋଧରେ ଯୁଦ୍ଧ ଆରମ୍ଭ ହୋଇଯାଇଛି । ସାବାସ୍ ଭାରତୀୟ ବାୟୁସେନା । ଜୟ ହିନ୍ଦ । ଗତ ଫେବୃଆରୀ ୧୪ ତାରିଖ ଫୁଲ୍ଓ୍ବାମା…