ଭୁବନେଶ୍ବର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ରାଜ୍ୟର ବ୍ୟାଙ୍କ ସୁବିଧା ନ ଥିବା ଅଞ୍ଚଳ ପାଇଁ ଯୁଗାନ୍ତକାରୀ ‘ଆମ ବ୍ୟାଙ୍କ’ ଯୋଜନା ଆରମ୍ଭ କରିଛନ୍ତି। ଏହାଦ୍ବାରା ବ୍ୟାଙ୍କ ସୁବିଧା ନ ଥିବା ୪୩୭୩ ପଞ୍ଚାୟତରେ ଲୋକମାନେ ବ୍ୟାଙ୍କିଙ୍ଗ ସୁବିଧା ପାଇବେ। ୨୦୨୪ ମାର୍ଚ୍ଚ ସୁଦ୍ଧା ଏହି ସମସ୍ତ ପଞ୍ଚାୟତକୁ ବ୍ୟାଙ୍କ ସୁବିଧା ପହଞ୍ଚିବ। ଆଜି ପ୍ରଥମ ପର୍ଯ୍ୟାୟରେ ୭୫୪ଟି ପଞ୍ଚାୟତରେ ଆମ ବ୍ୟାଙ୍କ ସୁବିଧା ଆରମ୍ଭ ହେଲା। ଏହି କାର୍ଯ୍ୟକ୍ରମକୁ ରାଜ୍ୟର ୧୦୦୦ଟି ସ୍ଥାନରେ ୪ ଲକ୍ଷ ଲୋକ ସିଧାପ୍ରସାରଣ ଜରିଆରେ ଲାଇଭ ଦେଖିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ଆମ ବ୍ୟାଙ୍କ ମଡେଲ ସାରା ଦେଶରେ ପ୍ରଥମ। ଏହି ବ୍ୟାଙ୍କିଙ୍ଗ ମଡେଲ ସାରା ଦେଶ ପାଇଁ ଏକ ରୋଲ ମଡେଲ ହେବ ବୋଲି ସେ ମତ ହେବା ସହିତ ଏକ ନୂଆ ଓଡିଶା, ସଶକ୍ତ ଓଡିଶା ଗଠନ ପାଇଁ ଆହ୍ବାନ ଦେଇଛନ୍ତି। ଏହି କାର୍ଯ୍ୟକ୍ରମରେ ୬ଟି ରାଷ୍ଟ୍ରାୟତ…
Author: Samikhsya Bureau
ନୂଆଦିଲ୍ଲୀ: ଉତ୍ତରାଖଣ୍ଡର ସିଲ୍କିୟାର ଟନେଲରେ ଫସି ରହିଥିବା ଶ୍ରମିକମାନେ ଶେଷରେ ୧୭ ତମ ଦିନରେ ବାହାରକୁ ଆସିଛନ୍ତି। ଆଜି ଅପରାହ୍ନରେ ସେମାନଙ୍କ ପାଇଁ ଜୀବନର ଏକ ନୂତନ ଆଲୋକ ଆଣିଛି। ଟନେଲରୁ ବାହାରିବା ମାତ୍ରେ କର୍ମଚାରୀମାନଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା। ଉଦ୍ଧାର କାର୍ଯ୍ୟର ସଫଳତା ପରେ ଶ୍ରମିକଙ୍କ ପରିବାର, ଉଦ୍ଧାରକାରୀ ଦଳ ଏବଂ ପ୍ରଶାସନ ଏକ ଦୀର୍ଘ ନିଶ୍ୱାସ ତ୍ୟାଗ କରିଛନ୍ତି।
ଭୁବନେଶ୍ଵର: ବିକଶିତ ଭାରତ ସଂକଳ୍ପ ଯାତ୍ରା ସମଗ୍ର ଭାରତରେ ଜାତୀୟ ବିକାଶ ଦିଗରେ ରୂପାନ୍ତରଣକାରୀ ପରିବର୍ତ୍ତନର ପ୍ରତୀକ ଭାବେ ଉଭା ହୋଇଛି। ମାନନୀୟ ପ୍ରଧାନମନ୍ତ୍ରୀ ନଭେମ୍ବର ୧୫ ରେ ଝାଡ଼ଖଣ୍ଡର ଖୁଣ୍ଟିରୁ ଶୁଭାରମ୍ଭ କରିଥିବା ଏହି ମହତ୍ୱାକାଂକ୍ଷୀ ଅଭିଯାନ କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ସମ୍ପର୍କରେ ସଚେତନତା ସୃଷ୍ଟି କରିବାରେ ଉଲ୍ଲେଖନୀୟ ସଫଳତା ହାସଲ କରିବା ସହ ଏହାର ସ୍ୱଳ୍ପ କାର୍ଯ୍ୟକାଳ ମଧ୍ୟରେ ବ୍ୟାପକ ପ୍ରଶଂସା ଲାଭ କରିଛି। ଦୁଇ ସପ୍ତାହ ମଧ୍ୟରେ ଆଶ୍ଚର୍ଯ୍ୟଜନକ ଭାବେ ୨୦ ଲକ୍ଷ ଲୋକ ଏହି ଦେଶବ୍ୟାପୀ ଯାତ୍ରାରେ ସକ୍ରିୟ ଭାବରେ ଅଂଶଗ୍ରହଣ କରିଛନ୍ତି, ଯାହା ଉଭୟ ପୁରୁଷ ଓ ମହିଳାଙ୍କ ସମାନ ଏବଂ ଉତ୍ସାହଜନକ ପ୍ରତିନିଧିତ୍ୱକୁ ପ୍ରତିଫଳିତ କରୁଛି। ସେମାନଙ୍କର ସମ୍ପୃକ୍ତି ରାଷ୍ଟ୍ରର ପ୍ରଗତିରେ ନାଗରିକଙ୍କ ସମର୍ପଣ ଓ ସଂକଳ୍ପବଦ୍ଧତା ଉପରେ ଆଲୋକପାତ କରୁଛି। ବର୍ତ୍ତମାନ ସୁଦ୍ଧା ୭,୮୦୦ରୁ ଅଧିକ ଗ୍ରାମ ପଞ୍ଚାୟତ ପରିକ୍ରମା କରି ସାରିଥିବା ଏହି ଯାତ୍ରା ଜନ ସମାଜ ମଧ୍ୟରେ ସାମୂହିକ ଉଦ୍ଦେଶ୍ୟ…
ନୂଆଦିଲ୍ଲୀ: ଆଗାମୀ ଲୋକସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ଟି ରାଜ୍ୟର ବିଧାନସଭା ନିର୍ବାଚନରେ ପ୍ରାୟ ୪୦ଟି ନିର୍ବାଚନୀ ସଭାକୁ ସମ୍ବୋଧିତ କରିଛନ୍ତି। ସେ କିଛି ରୋଡ୍ ସୋ ମଧ୍ୟ କରିଥିଲେ। ମଧ୍ୟପ୍ରଦେଶରେ ସେ ସର୍ବାଧିକ ୧୪ଟି ନିର୍ବାଚନୀ ସଭାକୁ ସମ୍ବୋଧିତ କରିଥିବାବେଳେ ମିଜୋରାମରେ ସେ କୌଣସି ନିର୍ବାଚନୀ କାର୍ଯ୍ୟକ୍ରମରେ ଯୋଗ ଦେଇନଥିଲେ। ଗତମାସ ଅକ୍ଟୋବର ୯ ତାରିଖରେ ୫ଟି ରାଜ୍ୟରେ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯାଇଥିଲା। ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ ଓ ମିଜୋରାମରେ ମତଦାନ ଶେଷ ହୋଇଛି। ତେଲେଙ୍ଗାନାରେ ଡିସେମ୍ବର ୩୦ରେ ମତଦାନ ହେବାକୁ ଥିବାବେଳେ ଆଜି ସନ୍ଧ୍ୟାରେ ପ୍ରଚାର ଶେଷ ହୋଇଛି। ଛତିଶଗଡ଼ରେ ପ୍ରଥମ ରାଲି ଡିସେମ୍ବର ୩ ତାରିଖରେ ୫ଟି ରାଜ୍ୟରେ ଭୋଟ ଗଣତି ପରେ କେଉଁ ରାଜ୍ୟରେ କିଏ ସରକାର ଗଢ଼ିବ ଓ କାହାର ଯାଦୁ କାମ କରିବ ତାହା ସ୍ପଷ୍ଟ ହୋଇଯିବ। ନିର୍ବାଚନ ଘୋଷଣା ପରେ ପ୍ରଧାନମନ୍ତ୍ରୀ ଛତିଶଗଡ଼ରେ ପ୍ରଥମ ରାଲି…
ଭୁବନେଶ୍ଵର: ରେଳବାଇ ସୁରକ୍ଷା ବଳ (ଆରପିଏଫ) ଆଜି ମେରାମଣ୍ଡଳୀ ଏବଂ ବୁଢାପଙ୍କ ରେଳ ଷ୍ଟେସନ ମଧ୍ୟରେ ବନ୍ଦେ ଭାରତ ଏକ୍ସପ୍ରେସକୁ ପଥର ଫିଙ୍ଗି ଏକଜୁକୁଟିଭ ଚେୟାର କାର କୋଚର ୱିଣ୍ଡୋପେନକୁ କ୍ଷତି ପହଞ୍ଚାଇବା ସହ ଯାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି କରିବା ଅଭିଯୋଗରେ ଦୁଇ ଜଣଙ୍କୁ ଗିରଫ କରିଛି। ରାଉରକେଲା ଠାରୁ ପୁରୀକୁ ଯାତ୍ରା କରୁଥିବା ସେମି ହାଇ ସ୍ପିଡ୍ ଟ୍ରେନ୍, ବନ୍ଦେ ଭାରତ ଏକ୍ସପ୍ରେସକୁ ଗତ ରବିବାର ସନ୍ଧ୍ୟାରେ ପଥର ଫିଙ୍ଗି ୱିଣ୍ଡୋ ପେନ୍ ନଷ୍ଟ କରିବା ଅଭିଯୋଗରେ ରେଳବାଇ ସୁରକ୍ଷା ବଳ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଗତ ରବିବାର ସନ୍ଧ୍ୟାରେ ବୁଢାପଙ୍କ ଏବଂ ମେରାମଣ୍ଡଳୀ ରେଳ ଷ୍ଟେସନ ମଧ୍ୟରେ ଏହି ଘଟଣା ଘଟିଥିଲା। ଖୋର୍ଦ୍ଧା ରୋଡରେ ଥିବା ଆରପିଏଫର କ୍ରାଇମ ଇନଭେଷ୍ଟିଗେସନ୍ ଶାଖା (ସିଆଇବି) ଏବଂ ତାଳଚେର ସ୍ଥିତ ରେଳବାଇ ସୁରକ୍ଷା ବଳ ଥାନାର ମିଳିତ ଭାବରେ ଆମ୍ବୁସ୍ ଚେକ୍ କରିଥିଲା। ଗତକାଲି ସନ୍ଧ୍ୟା ସମୟରେ ଆମ୍ବୁସ୍ ୱାଚ୍…
ଭୁବନେଶ୍ବର: ଆସନ୍ତାକାଲି ଆସୁଛି ଛାଡଖାଇ ବାତ୍ୟା, ମାଛ ଛେଳି କୁକୁଡା ଘରୁ ନ ବାହାରିବା ପାଇଁ ଦିଆଯାଇଛି ସତର୍କ ସୂଚନା। ଏହିପରି ବହୁ ଲେଖା ଏବେ ସାମାଜିକ ଗଣମାଧ୍ୟମରେ ଘୁରି ବୁଲୁଛି। ଏପରି ତଥ୍ୟକୁ ମଧ୍ୟ ୟୁଜରସ ମାନେ ବେଶ ପସନ୍ଦ କରିବାରେ ଲାଗିଛନ୍ତି। ଅନେକ ହାଃ ହାଃ କରି କମେଣ୍ଟ ମଧ୍ୟ ଲେଖିଛନ୍ତି। ପ୍ରକୃତରେ ସୋମବାର ଦିନ ଥିଲା କାର୍ତ୍ତିକ ପୂର୍ଣ୍ଣିମା। ଏହାପରେ ଆଜି ମଙ୍ଗଳବାରରେ ଛାଡଖାଇ। ହେଲେ ଏହି ବାରରେ ବହୁ ଲୋକ ଆମିଷ ଖାଉ ନାହାଁନ୍ତି। ଫଳରେ ଆସନ୍ତାକାଲି ବୁଧବାର ଥିବାରୁ ପ୍ରକୃତ ଛାଡଖାଇ ପାଳନ ହେବ। ଆଉ ବଳି ପଡିବେ ଛେଳି ବୋଦା କୁକୁଡା ଆଉ ମାଛ। ଏହାକୁ ନେଇ ସାମାଜିକ ଗଣମାଧ୍ୟମରେ ଭିନ୍ନ ଭିନ୍ନ ଥଟା ତାମସା ଆରମ୍ଭ ହୋଇଯାଇଛି। ବୁଧବାର ଦିନ ଆମିଷ ବଜାରରେ ଭିଡ ଜମିବାର ସମ୍ଭାବନା ଥିବାରୁ ତାହାକୁ ବାତ୍ୟା ବୋଲି ୟୁଜରସ ମାନେ ଉଲ୍ଲେଖ କରିଛନ୍ତି। କେତେକ ଲେଖିଛନ୍ତି ଆଜି…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନଭେମ୍ବର ୩୦, ୨୦୨୩ ଅପରାହ୍ନ ୪ଟାରେ ଭିଡିଓ କନଫରେନ୍ସିଂ ମାଧ୍ୟମରେ ନୂତନ ଭାବେ ନିଯୁକ୍ତି ପାଇଥିବା କର୍ମଚାରୀମାନଙ୍କୁ ୫୧,୦୦୦ରୁ ଅଧିକ ନିଯୁକ୍ତି ପତ୍ର ବଣ୍ଟନ କରିବେ। ଏହି ଅବସରରେ ପ୍ରଧାନମନ୍ତ୍ରୀ ନବନିଯୁକ୍ତ କର୍ମଚାରୀମାନଙ୍କୁ ସମ୍ବୋଧିତ କରିବେ। ସାରା ଦେଶରେ ୩୭ଟି ସ୍ଥାନରେ ରୋଜଗାର ମେଳା ଅନୁଷ୍ଠିତ ହେବ। ଏହି ପଦକ୍ଷେପକୁ ସମର୍ଥନ କରି କେନ୍ଦ୍ର ସରକାରଙ୍କ ବିଭାଗ ତଥା ରାଜ୍ୟ ସରକାର/କେନ୍ଦ୍ରଶାସିତ ଅଞ୍ଚଳରେ ନିଯୁକ୍ତି ପ୍ରଦାନ କରାଯାଉଛି। ଦେଶର ରାଜସ୍ୱ ବିଭାଗ, ଗୃହ ମନ୍ତ୍ରଣାଳୟ, ଉଚ୍ଚଶିକ୍ଷା ବିଭାଗ, ବିଦ୍ୟାଳୟ ଶିକ୍ଷା ଓ ସାକ୍ଷରତା ବିଭାଗ, ଆର୍ଥିକ ସେବା ବିଭାଗ, ପ୍ରତିରକ୍ଷା ମନ୍ତ୍ରଣାଳୟ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଶ୍ରମ ଓ ରୋଜଗାର ମନ୍ତ୍ରଣାଳୟ ସମେତ ବିଭିନ୍ନ ମନ୍ତ୍ରଣାଳୟ/ବିଭାଗରେ ଏହି ନୂତନ ନିଯୁକ୍ତି ମିଳିବ। ରୋଜଗାର ମେଳା ହେଉଛି ନିଯୁକ୍ତି ସୃଷ୍ଟିକୁ ସର୍ବୋଚ୍ଚ ପ୍ରାଥମିକତା ଦେବା ପାଇଁ ପ୍ରଧାନମନ୍ତ୍ରୀଙ୍କ ପ୍ରତିଶ୍ରୁତି ପୂରଣ ଦିଗରେ ଏକ ପଦକ୍ଷେପ।…
ଭୁବନେଶ୍ଵର: ଓଡ଼ିଶା ନୌବାଣିଜ୍ୟ ପରମ୍ପରାର ସମୃଦ୍ଧ ତଥା ଗୌରବମୟ ଇତିହାସର ପ୍ରତୀକ ବିଶ୍ଵ ପ୍ରସିଦ୍ଧ କଟକ ବାଲିଯାତ୍ରା ଯାହା ଆରମ୍ଭ ହୋଇଛି ନଭେମ୍ବର ୨୭ରୁ ଆରମ୍ଭ ହୋଇଛି କଟକ ବାଲିଯାତ୍ରା ପଡିଆରେ ଯେଉଁଠି ‘ଜୀ ସାର୍ଥକ’ର ପକ୍ଷରୁ ଏକ ଷ୍ଟଲ ଖୋଲାଯାଇଛି। ଏହି ଷ୍ଟଲରେ ଜୀ ସାର୍ଥକ ଦର୍ଶକଙ୍କ ଭରପୁର ମନୋରଞ୍ଜନ କରିବା ସହ ଛୋଟ ଛୋଟ ପ୍ରତିଯୋଗିତା ମାଧ୍ୟମରେ ଆକର୍ଷଣୀୟ ପୁରସ୍କାର ମଧ୍ୟ ଦେବ। ଏହି ଷ୍ଟଲରେ ଜୀ ସାର୍ଥକର ଫିଲ୍ମ ଓ ମେଗା ଧାରାବାହିକର ଲୋକପ୍ରିୟ କଳାକାରମାନେ ବାଲିଯାତ୍ରା ବୁଲିବାକୁ ଆସିଥିବା ଦର୍ଶକଙ୍କ ମନୋରଞ୍ଜନ କରିବା ସହ ସେମାନଙ୍କ ସହ ମଧ୍ୟ ମିଶିବେ। ପ୍ରତିଦିନ ଜୀ ସାର୍ଥକରେ ପ୍ରସାରିତ ରିଆଲିଟି ସୋ “ସାରେଗାମାପା”ର କଣ୍ଠଶିଳ୍ପୀମାନେ ଏହି ଠାରେ ଆୟାଜିତ ହେବାକୁ ଥିବା ସାଂସ୍କୃତିକ କାର୍ଯ୍ୟକ୍ରମରେ ଗୀତ ଗାଇବେ ଏବଂ ଲୋକପ୍ରିୟ ସୋ “ଦିଦି ନମସ୍କାର” ଫର୍ମାଟରେ ବାଲିଯାତ୍ରାରେ ଦର୍ଶକଙ୍କ ସହ କୌତୁହଳ ପ୍ରଶ୍ନ ଉତ୍ତର କାର୍ଯ୍ୟକ୍ରମ ବି ରଖାଯିବ। ଦର୍ଶକ…
ନୂଆଦିଲ୍ଲୀ: ଶୀତ ଋତୁରେ କେଶ ଝଡ଼ିବା ସମସ୍ୟା ଅତି ସାଧାରଣ ହୋଇଯାଏ। ଏହାର ସବୁଠାରୁ ବଡ କାରଣ ହେଉଛି ରୂପୀ ସମସ୍ୟା। ଭୃଷଙ୍ଗ ପତ୍ର କେଶ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ। ଏହା ଅନେକ ସୌନ୍ଦର୍ଯ୍ଯ ଏବଂ କେଶ ଯତ୍ନ ଉତ୍ପାଦରେ ବ୍ୟବହୃତ ହୁଏ। ଶୀତଦିନେ କେଶ ଝଡ଼ିବା ଏବଂ ରୂପୀ ସମସ୍ୟା ସାଧାରଣ ଦେଖାଯାଏ। ଏହି ପରିସ୍ଥିତିରେ, ଆପଣ ଏହି ସମସ୍ୟାରୁ ମୁକ୍ତି ପାଇବା ପାଇଁ ଭୃଙ୍ଗ ପତ୍ର ହେୟାର ମାସ୍କ ବ୍ୟବହାର କରିପାରିବେ। ତେବେ ଆସନ୍ତୁ ଜାଣିବା ଭୃଷଙ୍ଗ ପତ୍ରର ଏକ ସାହସିକ ମାସ୍କ ତିଆରି କରିବାର ଉପାୟ ବିଷୟରେ- ଅଁଳା, ମେଥି ଏବଂ ଭୃଷଙ୍ଗ ପତ୍ର ସହିତ କେଶ ମାସ୍କ ପ୍ରସ୍ତୁତ କରନ୍ତୁ: ଏହି ହେୟାର ମାସ୍କ ତିଆରି କରିବା ପାଇଁ ପ୍ରଥମେ ଆପଣ ଭୃଷଙ୍ଗ ପତ୍ର ନିଅନ୍ତୁ। ସର୍ବପ୍ରଥମେ ଏହି ପତ୍ରକୁ ଗ୍ରାଇଣ୍ଡ୍ କରି ଏକ ପେଷ୍ଟ ପ୍ରସ୍ତୁତ କରନ୍ତୁ। ଏହା ପରେ ଅଁଳା…
ନୂଆଦିଲ୍ଲୀ: ସବୁଜ ପତ୍ରଯୁକ୍ତ ପନିପରିବା ଉତ୍ତମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ଯେତେବେଳେ ସବୁଜ ପନିପରିବା କଥା ଆସେ, ପାଳଙ୍ଗକୁ ସ୍ୱାସ୍ଥ୍ୟକର ବୋଲି ବିବେଚନା କରାଯାଏ। ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ପୁଷ୍ଟିକର ଖାଦ୍ୟରେ ଭରପୁର ଥିବା ଏକ ସୁପରଫୁଡ୍। ଭିଟାମିନ୍ ଏ, ଭିଟାମିନ୍ ବି ୨, ସି, ଇ, କେ, କ୍ୟାଲସିୟମ୍, ମ୍ୟାଗ୍ନେସିୟମ୍, ମାଙ୍ଗାନିଜ୍, ଫସଫରସ୍, ଜିଙ୍କ, ସେଲେନିୟମ୍, ପ୍ରୋଟିନ୍ ଏବଂ ଫାଇବର ପରି ଗୁଣରେ ଏହା ଭରପୂର। ରୋଗ ପ୍ରତିରୋଧକ ଶକ୍ତି ବୃଦ୍ଧି ସହିତ ଅନେକ ପ୍ରକାରର ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାରେ ଏହାର ବ୍ୟବହାର ଉପକାରୀ। ପାଳଙ୍ଗ ଶରୀରକୁ ନିୟନ୍ତ୍ରଣ କରିଥାଏ, ଗଣ୍ଠିକୁ ତେଲ ପ୍ରଦାନ କରିଥାଏ ଏବଂ କୋଷଗୁଡ଼ିକୁ ପୁଷ୍ଟିକର ଖାଦ୍ୟ ଯୋଗାଇଥାଏ। ସ୍ୱାସ୍ଥ୍ୟ ପାଇଁ ପାଳଙ୍ଗର ଅନନ୍ୟ ଲାଭ: ଯଦି ଆପଣ ଓଜନ ହ୍ରାସ କରିବାକୁ କିମ୍ବା ବଢୁଥିବା ଓଜନକୁ ନିୟନ୍ତ୍ରଣ କରିବାକୁ ଚାହୁଁଛନ୍ତି, ତେବେ ଆଜିଠାରୁ ନିଜେ ପାଳଙ୍ଗ ଖାଇବା ଆରମ୍ଭ କରନ୍ତୁ। ପାଳଙ୍ଗର ଓଜନ…
ସ୍ୱାସ୍ଥ୍ୟ ଟିପ୍ସ: ବର୍ତ୍ତମାନ ଭାରତରେ ଶୀତ ଋତୁ ଆରମ୍ଭ ହୋଇଯାଇଛି। ଏହି ଋତୁରେ ଥଣ୍ଡା, ଫ୍ଲୁ ଏବଂ ସଂକ୍ରମଣ ବ୍ୟାପିବାର ଆଶଙ୍କା ଯଥେଷ୍ଟ ବୃଦ୍ଧି ପାଇଥାଏ। ଶରୀରକୁ ଗରମ ରଖିବା ପାଇଁ ଲୋକମାନେ ଚା-କଫି, କାଢା ଭଳି ଜିନିଷ ବ୍ୟବହାର କରି ଶରୀରକୁ ଗରମ ରଖିବାକୁ ଚେଷ୍ଟା କରନ୍ତି। କିନ୍ତୁ, ଅନେକ ଥର ଶୀତ ଋତୁରେ ଆମେ ଏପରି କିଛି ଭୁଲ କରିଥାଉ, ଯାହା ଆମ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ। ୧- ଶୀତ ଦିନରେ ଅଧିକାଂଶ ଲୋକ ଗରମ ପାଣିରେ ଦୀର୍ଘ ସମୟ ଧରି ସ୍ନାନ କରନ୍ତି। ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ। କାରଣ ଦୀର୍ଘ ସମୟ ଧରି ଗରମ ପାଣିରେ ଗାଧୋଇବା ଶରୀରରେ ଥିବା କିରାଟିନ୍ ନାମକ କୋଷକୁ କ୍ଷତି ପହଞ୍ଚାଇଥାଏ। ଏହି କାରଣରୁ ଆପଣଙ୍କର କୁଞ୍ଚନ, ଦାଗ ଏବଂ ଶୁଷ୍କତା ଭଳି ସମସ୍ୟା ହୋଇପାରେ। ୨- ଅତ୍ୟଧିକ ଥଣ୍ଡା ହେଲେ ଅନେକ ଲୋକ ବହୁତ ଗରମ…
ବାଣପୁର (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏକ ଦୁଃଖଦ ଘଟଣା ଘଟିଯାଇଛି। ନଦୀରେ ବୁଡ଼ି ଜଣେ ଯୁବକଙ୍କର ମୃତ୍ୟୁ ହୋଇଛି। ମୃତ ବ୍ୟକ୍ତି ଜଣକ ପ୍ରତାପ ଗ୍ରାମର ଭିକାରି ଚରଣ ବେହେରାଙ୍କ ପୁତ୍ର ନାରାୟଣ ବେହେରା (୩୮) ବୋଲି ଜଣାପଡିଛି। ସୂଚନା ମୁତାବକ ଆଜି ମଧ୍ୟାହ୍ନରେ ନାରାୟଣ ଶାଳିଆ ନଦୀ ଅତିକ୍ରମ କରି ନିଜ ବିଲକୁ ଯାଉଥିବା ବେଳେ ନଦୀରେ ତାଙ୍କ ଗୋଡ଼ ଖସିଯାଇଥିଲା ଏବଂ ସେ ବୁଡ଼ି ଯାଇଥିଲେ। ଏ ନେଇ ସ୍ଥାନୀୟବାସି ଦେଖିବା ପରେ ତାଙ୍କୁ ନଦୀରୁ ଉଦ୍ଧାର କରି ଏକ ବାଇକ ଯୋଗେ ବାଣପୁର ମେଡିକାଲରେ ଭର୍ତ୍ତି କରିଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିତିହଲେ। ଏ ନେଇ ବାଣପୁର ପୋଲିସ କେସ ନମ୍ବର ୨୨/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଦେଇଛି।
ନୂଆଦିଲ୍ଲୀ: ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲାରେ ଟନେଲ ଦୁର୍ଘଟଣାରେ ଫସି ରହିଥିବା ୪୧ ଜଣ ଶ୍ରମିକଙ୍କୁ ଉଦ୍ଧାର କରିବା ପାଇଁ ଚାଲିଥିବା ଖନନ କାର୍ଯ୍ୟ ଶେଷ ହୋଇଛି। ଶ୍ରମିକମାନେ ଗତ ୧୭ ଦିନ ଧରି ସେଠାରେ ଫସି ରହିଥିଲେ। ଏଭଳି ପରିସ୍ଥିତିରେ ସେମାନଙ୍କୁ ବାହାରକୁ ଆଣିବା ପାଇଁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଚାଲିଥିଲା। ଏହିପରି ୧୭ ଦିନ କାର୍ଯ୍ୟ କରିବା ପରେ ଟନେଲ୍ ଖୋଲିଛି। କିଛି ସମୟ ମଧ୍ୟରେ ଶ୍ରମିକମାନଙ୍କୁ ଉଦ୍ଧାର କରିବା ପ୍ରକ୍ରିୟା ଆରମ୍ଭ ହେବାକୁ ଯାଉଛି। ଗଣମାଧ୍ୟମ ରିପୋର୍ଟରଙ୍କ ଅନୁଯାୟୀ, NDRF ଏବଂ SDRF ର ପ୍ରତ୍ୟେକ ଯବାନ ଶ୍ରମିକମାନଙ୍କୁ ଟନେଲରୁ ବାହାରକୁ ଆଣିବା ପାଇଁ ଭିତରକୁ ଯିବେ। ଶ୍ରମିକମାନଙ୍କୁ ଏକ ନିରାପଦ ଚିକିତ୍ସା ସୁବିଧାକୁ ନେବାକୁ ଆମ୍ବୁଲାନ୍ସ ପହଞ୍ଚିଛି। ଟନେଲ ଭିତରେ ଡାକ୍ତରମାନଙ୍କୁ ମଧ୍ୟ ପଠାଯାଇଛି। ଟନେଲ ଭିତରେ ୭ ରୁ ୮ ଶଯ୍ୟା ସ୍ଥାପନ କରାଯାଇଛି। ଶ୍ରମିକମାନେ ପରିବର୍ତ୍ତିତ ତାପମାତ୍ରାରେ କୌଣସି ସମସ୍ୟାର ସମ୍ମୁଖୀନ ନହେବା ପାଇଁ…
ଭୁବନେଶ୍ୱର: ଶାସକ ବିଜୁ ଜନତା ଦଳରେ ଧାର୍ମିକ ମାସ କାର୍ତ୍ତିକ ପୂର୍ଣ୍ଣିମାରେ କାର୍ତ୍ତିକେୟ ପାଣ୍ଡିଆନଙ୍କ ଯୁଗ ବିଧିବଦ୍ଧ ଭାବରେ ଆରମ୍ଭ ହୋଇଛି। ଦଳରେ ପାଣ୍ଡିଆନଙ୍କ ଯୁଗ ଆରମ୍ଭ ହେବା ସହିତ ବରିଷ୍ଠ ନେତାମାନଙ୍କର ଯୁଗ ଶେଷ ହେବ ବୋଲି ରାଜନୀତିକ ମହଲରେ ଚର୍ଚ୍ଚା ଜୋର ଧରିଛି। ଏହି ନେତାମାନେ ଏବେ ନିଜର ପୁଅ ଓ ନିଜର ସମ୍ପର୍କୀୟମାନଙ୍କୁ ରାଜନୀତିରେ ସେଟ କରିବାକୁ ତତ୍ପର ହୋଇଉଠିଛନ୍ତି। ୨୦୨୪ ନିର୍ବାଚନ ପାଇଁ ଚାଲିଥିବା ଟିକଟ ରାଜନୀତିରେ ଏହାହିଁ ମୁଖ୍ୟ ପ୍ରସଙ୍ଗ ପାଲଟିଛି। ଶାସକ ବିଜୁ ଜନତା ଦଳରେ ସର୍ବାଧିକ ନେତା ଦଳର ନେତୃତ୍ୱ ନେଉଥିବା ଯୁବନେତାମାନଙ୍କ ସହିତ ଖାପ ଖୁଆଇ ପାରୁ ନ ଥିବାରୁ ନିଜର ରାଜନୀତିକ ପତିଆରାକୁ ଅକ୍ଷୁର୍ଣ୍ଣ ରଖିବା ପାଇଁ ପର ପିଢ଼ିକୁ ରାଜନୀତିରେ ସେଟ କରିବା ପାଇଁ ଲବି କରିବା ଆରମ୍ଭ କରିଛନ୍ତି। ଏହି ଯୋଜନାରେ ପୂର୍ବରୁ ଚୌଦ୍ୱାରରୁ ପ୍ରଭାତ ବିଶ୍ୱାଳ, ବାଙ୍କୀରୁ ପ୍ରଭାତ କୁମାର ତ୍ରିପାଠୀ, ସୁକିନ୍ଦାରୁ ପ୍ରଫୁଲ ଘଡ଼େଇ,…
ନୂଆଦିଲ୍ଲୀ: ବିଶିଷ୍ଟ ଗୁଜରାଟୀ ଫଟୋ ସାମ୍ବାଦିକ ଜାଭେରିଲାଲ ମେହତାଙ୍କ ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଦୁଃଖ ପ୍ରକାଶ କରିଛନ୍ତି। ଫଟୋ ସାମ୍ବାଦିକତା କ୍ଷେତ୍ରରେ ଦୀର୍ଘ ଏବଂ ପ୍ରତିଷ୍ଠିତ କ୍ୟାରିୟରରେ ତାଙ୍କର ବିଶିଷ୍ଟ ଅବଦାନକୁ ପ୍ରଧାନମନ୍ତ୍ରୀ ମନେ ପକାଇଛନ୍ତି। ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରି କହିଛନ୍ତି ଯେ, ‘ଗୁଜରାଟର ବିଶିଷ୍ଟ ଫଟୋ ସାମ୍ବାଦିକଙ୍କ ଦେହାନ୍ତ ଖବର ଶୁଣି ଅତ୍ୟନ୍ତ ଦୁଃଖିତ। ଫଟୋ ସାମ୍ବାଦିକତା କ୍ଷେତ୍ରରେ ଦୀର୍ଘ ଏବଂ ପ୍ରତିଷ୍ଠିତ କ୍ୟାରିୟରରେ ତାଙ୍କର ବିଶିଷ୍ଟ ଅବଦାନକୁ ସବୁବେଳେ ସ୍ମରଣ କରାଯିବ। ତାଙ୍କ ଆତ୍ମାର ସଦ୍ଗତି ହେଉ। ଶୋକସନ୍ତପ୍ତ ପରିବାରକୁ ସମବେଦନା। ଓମ୍ ଶାନ୍ତି।’
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର କାଶୀ ଦେବ ଦୀପାବଳିରେ ଭାରତର ସାଂସ୍କୃତିକ ଜୀବନ୍ତତାର ଝଲକ ପାଇଥିବା ଅନେକ ଦେଶର କୂଟନୀତିଜ୍ଞଙ୍କ ଉପସ୍ଥିତିକୁ ନେଇ ଖୁସି ବ୍ୟକ୍ତ କରିଛନ୍ତି। ଶ୍ରୀ ମୋଦୀ ଏକ୍ସରେ ପୋଷ୍ଟ କରି କହିଛନ୍ତି ଯେ, ‘କାଶୀ ଦେବ ଦୀପାବଳି ସହ ସମକକ୍ଷ ଏବଂ ଚଳିତ ବର୍ଷ ମଧ୍ୟ ଭବ୍ୟ ଉତ୍ସବ ପାଳନ ହୋଇଛି। ଅନେକ ଦେଶର କୂଟନୀତିଜ୍ଞଙ୍କ ଗରିମାମୟ ଉପସ୍ଥିତି ମଧ୍ୟ ବେଶ୍ ଖୁସିଦାୟକ, ଯେଉଁମାନେ ଭାରତର ସାଂସ୍କୃତିକ ଜୀବନ୍ତତାର ଝଲକ ପାଇଛନ୍ତି।’
ବୃଷ ରାଶି- ବୃଷ ରାଶିର ପ୍ରଭୁ ହେଉଛନ୍ତି ଶୁକ୍ର। ଜ୍ୟୋତିଷ ଶାସ୍ତ୍ରରେ ଶୁକ୍ର ଗ୍ରହକୁ ଧନ ଏବଂ ଭୋଗର କାରଣ ଭାବରେ ବିବେଚନା କରାଯାଇଛି। ଯେତେବେଳେ ଶୁକ୍ର ଗ୍ରହ ବୃଷ ରାଶିରେ ଶୁଭ ସ୍ଥିତିରେ ଥାଆନ୍ତି, ସେତେବେଳେ ବ୍ୟକ୍ତି ଧନୀ ହୋଇଯାଏ। ଗୌରବର କୌଣସି ଅଭାବ ରହିବ ନାହିଁ। ଏହିପରି ଲୋକମାନେ ବିଳାସପୂର୍ଣ୍ଣ ଜୀବନଯାପନ କରନ୍ତି। ବୃଷ ରାଶିର ଲୋକମାନେ ଅଧିକ ଅର୍ଥ ଖର୍ଚ୍ଚ କରନ୍ତି। ସେମାନେ ଭ୍ରମଣ କରିବାକୁ ଏବଂ ସାଙ୍ଗମାନଙ୍କ ସହିତ ସମୟ ବିତାଇବାକୁ ଭଲ ପାଆନ୍ତି। ଅଧିକ ଅର୍ଥ ଖର୍ଚ୍ଚ ହେତୁ ବେଳେବେଳେ ସେମାନଙ୍କୁ ମଧ୍ୟ ଅସୁବିଧାର ସମ୍ମୁଖୀନ ହେବାକୁ ପଡେ। ସେମାନେ ଜୀବନରେ ସମସ୍ତ ପ୍ରକାରର ଭୋଗ ଉପଭୋଗ କରନ୍ତି। ବିଛା ରାଶି- ବିଛା ରାଶିର ଲୋକମାନେ ବହୁତ ପରିଶ୍ରମୀ। ପ୍ରତିକୂଳ ପରିସ୍ଥିତିରେ ମଧ୍ୟ ସେମାନେ ସେମାନଙ୍କର ଲକ୍ଷ୍ୟ ହାସଲ କରନ୍ତି। ସେମାନେ ହିଁ ପ୍ରତ୍ୟେକ କାର୍ଯ୍ୟକୁ ଅତି ଯତ୍ନ ସହକାରେ କରନ୍ତି। ସେମାନେ ସେମାନଙ୍କର ଯୋଜନା ସମସ୍ତଙ୍କ…
ନୂଆଦିଲ୍ଲୀ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ଚାଲିଛି। ଏହି ସିରିଜର ପ୍ରଥମ ଦୁଇଟି ମ୍ୟାଚ୍ ଭାରତ ଜିତିଛି ଏବଂ ଆଜି ତୃତୀୟ ଟି -୨୦ ମ୍ୟାଚ୍ ଗୁଆହାଟୀରେ ଖେଳାଯିବ, କିନ୍ତୁ ଏହି ମ୍ୟାଚ୍ ପୂର୍ବରୁ ଅଷ୍ଟ୍ରେଲିଆ ନିଜ ଦଳରେ ପରିବର୍ତ୍ତନ ଆଣିଛି। ନୂଆ ଦଳରେ କେଉଁ ଖେଳାଳିଙ୍କୁ ଅନ୍ତର୍ଭୁକ୍ତ କରାଯାଇଛି, ଆସନ୍ତୁ ଜାଣିବା….. ଅଷ୍ଟ୍ରେଲିଆର ନୂଆ ଟି -୨୦ ଦଳ: ମାଥ୍ୟୁ ୱେଡ (ଅଧିନାୟକ), ଜେସନ ବେହେରେଣ୍ଡର୍ଫ, ଟିମ ଡେଭିଡ, ବେନ ଡ୍ୱାରଶୁଇସ୍, ନାଥନ୍ ଏଲିସ୍, କ୍ରିସ୍ ଗ୍ରୀନ୍, ଆରୋନ୍ ହାର୍ଡି, ଟ୍ରାଭିସ୍ ହେଡ୍, ବେନ୍ ମ୍ୟାକଡର୍ମଟ, ଜୋଶ ଫିଲିପ, ତନଭୀର ସାଙ୍ଘା, ମ୍ୟାଟ ସର୍ଟ, କେନ ରିଚାର୍ଡସନ।
ଭୁବନେଶ୍ବର: ଆଜି ବୈପାରୀଗୁଡା ଥାନା ଅଧିକାରୀ ସୁଶାନ୍ତ ଶତପଥୀଙ୍କ ଘରୁ ନଗଦ ୨୫ ଲକ୍ଷ ଟଙ୍କା ଜବତ ହୋଇଛି। ଏହି ଟଙ୍କା କଟକସ୍ଥିତ ତାଙ୍କ ବାସଭବନରୁ ଜବତ କରାଯାଇଛି। ତେବେ ଏହି ଟଙ୍କା ଗଣତି ଶେଷ ହୋଇ ନ ଥିବାରୁ ଆହୁରି ଅଦିକ ହେବ ବୋଲି ଅନୁମାନ କରାଯାଉଛି। ଏଥିସହିତ ତାଙ୍କ ଘରୁ କେତେକ ସୁନା ଅଳଙ୍କାର ମଧ୍ୟ ଜବତ କରାଯାଇଛି। ଏତେ ଟଙ୍କା ଥାନା ଅଧିକାରୀଙ୍କଠାରୁ ମିଳିବା ସମସ୍ତଙ୍କୁ ଆଶ୍ଚର୍ୟ୍ୟ କରିଦେଇଛି। ଗତକାଲି ସେ ବୈପାରୀଗୁଡାରୁ ବସ ଯୋଗେ କଟକ ଆସୁଥିବା ବେଳେ ଭିଜିଲାନସ ଦ୍ବାରା ଧରାପଡିଥିଲେ। ତାଙ୍କ ପାଖରେ ଟଙ୍କା ଅଛି ବୋଲି ଭିଜିଲାନସ ଖବର ପାଇ ତାଙ୍କୁ ବାଟରେ ଜଗି ରହିଥିଲେ। ଜୟପୁରରେ ବସ ଭିତରେ ତାଙ୍କୁ ଚେକ କରିବା ପରେ ତାଙ୍କଠାରୁ ନଗଦ ୨ ଲକ୍ଷ ୭୦ ହଜାର ଟଙ୍କା ମିଳିଥିଲା। ତାଙ୍କୁ ବସରୁ ଓହ୍ଲାଇ ଭିଜିଲାନ୍ସ ଅଫିସକୁ ଅଣାଯାଇଥିଲା। ଏହାପରେ ତାଙ୍କ ବୈପାରୀଗୁଡା ଥାନା ଅଫିସ…
ନୂଆଦିଲ୍ଲୀ: ନ୍ୟୁୟର୍କର ଏକ ଗୁରୁଦ୍ୱାରରେ ଭାରତୀୟ ରାଷ୍ଟ୍ରଦୂତ ତରଣଞ୍ଜିତ ସିଂ ସାନ୍ଧୁଙ୍କୁ ଆକ୍ରମଣ କରାଯାଇଥିବା ଘଟଣାକୁ ଏକ ଆମେରିକୀୟ ଶିଖ ସଂଗଠନ ନିନ୍ଦା କରିଛି। ଏହା ବ୍ୟତୀତ ଶିଖ ସଂଗଠନ ଗୁରୁଦ୍ୱାର ପରିଚାଳନାକୁ ସମ୍ପୃକ୍ତ ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି। ସୋମବାର ଦିନ ଏକ ବିବୃତ୍ତିରେ “ଶିଖ୍ ଅଫ ଆମେରିକା” ନାମକ ଏକ ସଂଗଠନ କହିଛି ଯେ, ଗୁରୁଦ୍ୱାର ଏକ ପୂଜାସ୍ଥଳ ଏବଂ ଲୋକମାନେ ଏଠାକୁ ଆସିବାବେଳେ ବ୍ୟକ୍ତିଗତ ରାଜନୈତିକ ଦୃଷ୍ଟିକୋଣରୁ ଦୂରେଇ ରହିବା ଉଚିତ୍। ପ୍ରକାଶ ଯେ, ରବିବାର ଦିନ ଗୁରୁ ପର୍ବ ଅବସରରେ ତରଣଞ୍ଜିତ ସିଂ ସାନ୍ଧୁ ନ୍ୟୁୟର୍କର ଲଙ୍ଗ ଦ୍ୱୀପରେ ଅବସ୍ଥିତ ହିକ୍ସଭିଲ୍ ଗୁରୁଦ୍ୱାରରେ ପ୍ରାର୍ଥନା କରିଥିଲେ। ସାନ୍ଧୁଙ୍କ ସହ ଘଟିଥିବା ଘଟଣାର ଭିଡିଓ ସୋସିଆଲ ମିଡିଆରେ ଉପଲବ୍ଧ। ଭିଡିଓରେ ଖାଲିସ୍ତାନୀ ସମର୍ଥକଙ୍କ ଏକ ଦଳ ସାନ୍ଧୁଙ୍କୁ ଗୁରୁଦ୍ୱାରରେ ଧକ୍କା ମାରି ଖାଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜ୍ଜରଙ୍କ ବିଷୟରେ ପ୍ରଶ୍ନ ପଚାରୁଛନ୍ତି।…
ବାଲୁଗାଁ (ସୀତାରାମ ଅଗ୍ରୱାଲ): ଚିଲିକା ବୋଇତ ବନ୍ଦାଣ ମହୋତ୍ସବ କମିଟି ଓ ବିଜ୍ଞାପିତ ଅଞ୍ଚଳ ପରିଷଦ ମିଳିତ ଆନୁକୂଲ୍ୟରେ ବାଲୁଗାଁ ମହାବିଦ୍ୟାଳୟ ପରିସରରେ ଦୁଇ ଦିନ ବ୍ୟାପି ବୋଇତ ବନ୍ଦାଣ ମହୋତ୍ସବ ଆୟୋଜିତ ହୋଇଥିବା ବେଳେ ବହୁ ଆଡମ୍ବରରେ ଉଦଯାପିତ ହୋଇଯାଇଛି। ପ୍ରାତଃ ସମୟରେ କାଳିଜାଇ ମୋଟର ବୋଟ ଆସୋସିଏସନ ଦ୍ଵାରା ଆତସବାଜି ପ୍ରଦର୍ଶନ କରି ପ୍ରଜାପିତା ବ୍ରହ୍ମକୁମାରୀ ଇଶ୍ଵରୀୟ ବିଶ୍ଵବିଦ୍ୟାଳୟର ସତସଙ୍ଗୀ ଭାଇଭଉଣୀମାନଙ୍କ ସହଯୋଗରେ ପାରମ୍ପରୀକ ବୋଇତ ବନ୍ଦାଣ କରାଯାଇଥିଲା। ଅପରାହ୍ନରେ ବାଲୁଗାଁ-ବାଣପୁର ଚିଲିକା ସାହିତ୍ୟ ସମାଜ ପକ୍ଷରୁ ଚିଲିକା ଗୀତ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏଥିସହିତ ସ୍ଥାନୀୟ ବିଦ୍ୟାଳୟ ଓ ସାଂସ୍କୃତିକ ଅନୁଷ୍ଠାନର କଳାକାରମାନଙ୍କ ଦ୍ୱାରା ନୃତ୍ୟ ପରିବେଷଣ କରାଯାଇଥିଲା। ସାନ୍ଧ୍ୟ ଅଧିବେଶନରେ ପ୍ରାଚୀନ ନୌବାଣିଜ୍ୟ ପରମ୍ପରା, ଐତିହ୍ୟ, ବୈଭବ ଓ ମରାଳ ମାଳିନୀ ନିଳାମ୍ବୁ ଚିଲିକାର ସମୃଦ୍ଧିଶାଳୀ ସାଂସ୍କୃତିକ ଚେତନାକୁ ପ୍ରତିଟି ବୀର ଓଡ଼ିଆଙ୍କ ହୃଦୟରେ ଉଦ୍ବିଜୀବିତ କରିବା ଉଦ୍ବେଶରେ ମହୋତ୍ସବ କମିଟିର ସଭାପତି ତଥା ଏନଏସି ଅଧ୍ୟକ୍ଷା…