Author: Samikhsya Bureau

ଭୁବନେଶ୍ଵର: ପୂର୍ବତଟ ରେଳପଥ ମହାପ୍ରବନ୍ଧକ ମନୋଜ ଶର୍ମାଙ୍କ ଉପସ୍ଥିତିରେ ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନ (ଇକୋରୋ) ର ସଭାପତି ଦିବ୍ୟା ଶର୍ମା ରେଳ ବିହାର ଠାରେ ଶିଶୁମାନଙ୍କ ପାଇଁ ଉଦ୍ଧିଷ୍ଟ ଚିଲଡ୍ରେନ ପ୍ଲେ ଗ୍ରାଉଣ୍ଡର ନବୀକରଣକୁ ଉଦ୍ଘାଟନ କରୁଛନ୍ତି। ପାର୍କରେ ବିଭିନ୍ନ ସୁବିଧା ଯୋଗାଇ ଦିଆଯାଇଛି ଯାହା ଦ୍ୱାରା ପିଲାମାନେ ମଜା ନେବା ସହିତ ଶାରୀରିକ ବ୍ୟାୟାମ ଉପଭୋଗ କରିବେ। ଏହା ବ୍ୟତୀତ, ଶ୍ରୀମତୀ ଶର୍ମା ଇକୋରୋ ଦ୍ୱାରା ପରିଚାଳିତ ଫୁଲୱାରି ସ୍କୁଲ୍ ର ନବୀକରଣ ହୋଇଥିବା ଶ୍ରେଣୀଗୃହର ଉଦଘାଟନ କରିଥିଲେ। ଏହି ଅବସରରେ ରେଳପଥର ପ୍ରମୁଖ ବିଭାଗୀୟ ଅଧିକାରୀ ମାନଙ୍କ ସହିତ ମହିଳା କଲ୍ୟାଣ ସଂଗଠନର ସଦସ୍ୟାମାନେ ଉପସ୍ଥିତ ଥିଲେ।

ଖୋର୍ଦ୍ଧା: ଯୁବ ମହୋତ୍ସବ ପାଳନ ଅବସରରେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ଠାରୁ CDM & PHO ଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ଗଣ ଦୌଡ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଉକ୍ତ ଗଣ ଦୌଡ଼ ଟିକୁ ଖୋର୍ଦ୍ଧା ଜିଲ୍ଲାର ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ସକାଳ ସମୟ 7.30 ମିନିଟିରେ ପତାକା ଦେଖାଇ ଶୁଭାରମ୍ଭ କରିଥିଲେ। ଏଥିରେ ରେଡ ରିବନ କ୍ଲବ (RRC), ୟୁଥ ରେଡ କ୍ରସ (YRC), ନେହେରୁ ଯୁବ କେନ୍ଦ୍ର (NYK), ରିଲିଆନ୍ସ ଫାଉଣ୍ଡେସନ ଓ ଭୁବନେଶ୍ୱର ଏବଂ ଖୋର୍ଦ୍ଧା କଲେଜର ପ୍ରାୟ 100 ରୁ ଉର୍ଦ୍ଧ୍ଵ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ। ଏଚଆଇଭି ର ବହୁଳ ପ୍ରସାର ଓ ପ୍ରଚାର ଉଉଦ୍ଦେଶ୍ୟରେ ଯୁବ ଗୋଷ୍ଠୀ ମନେ ଉକ୍ତ ଗଣ ଦୌଡରେ ସାମିଲ ହୋଇଥିଲେ। ମହର୍ଷି କଲେଜ, ରାଜଧାନୀ କଲେଜ, ଚନ୍ଦକା ଡିଗ୍ରୀ କଲେଜ, କୀଟ ବିଶ୍ୱବିଦ୍ୟାଳୟ, ଗୋଦାବରୀଶ ମହାବିଦ୍ୟାଳୟ, ବାଲୁଗାଁ ଡିଗ୍ରୀ କଲେଜ, ରମାଦେବି ବିଶ୍ୱବିଦ୍ୟାଳୟ, କେରଙ୍ଗ…

ଭୁବନେଶ୍ବର: ଓଡିଆ ସଂଗତ ଜଗତର ପ୍ରଖ୍ୟାତ କଣ୍ଠଶିଳ୍ପୀ ପ୍ରଣବ ପଟ୍ଟନାୟକ ଅସୁସ୍ଥ ହୋଇପଡିଛନ୍ତି। ଗତ ପାଞ୍ଚଦିନ ତଳେ ସେ ଅସୁସ୍ଥତା ଅନୁଭବ କରିବାରୁ ତାଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ନିକଟରେ ତାଙ୍କୁ ଡେଙ୍ଗୁ ହୋଇଥିବାରୁ ସେ ଡାକ୍ତରଖାନାରେ ଚିକିତ୍ସିତ ହୋଇ ଘରକୁ ଫେରିଥିଲେ। ହେଲେ କିଛି ଦିନ ପରେ ସେ ଦୁର୍ବଳ ଅନୁଭବ କରିବା ସହିତ ଛାତିରେ ଯନ୍ତ୍ରଣା ମଧ୍ୟ ହୋଇଥିଲା। ଫଳରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ସେ ବର୍ତ୍ତମାନ ସ୍ଥିର ଅଛନ୍ତି ବୋଲି ଜଣାପଡିଛି।

ଭୁବନେଶ୍ବର: ଯାତ୍ରୀମାନଙ୍କ ସୁବିଧା ପାଇଁ ଏବଂ ପରିଚାଳନାଗତ ପ୍ରତିବନ୍ଧକକୁ ଏଡ଼ାଇବା ପାଇଁ, ଢେଙ୍କାନାଳ-ଅନୁଗୁଳ ଏବଂ ଜଖପୁରା-ନୟାଗଡ଼ ରେଳ ସେକ୍ସନ ର ପ୍ରତ୍ୟକ ତିନୋଟି ଭିନ୍ନ ଷ୍ଟେସନରେ ତିନୋଟି ଟ୍ରେନର ସମୟ ପରିବର୍ତ୍ତନ କରିବାକୁ ନିଷ୍ପତ୍ତି ନିଆଯାଇଛି। 12894 ବଲାଙ୍ଗୀର-ଭୁବନେଶ୍ୱର ଇଣ୍ଟର ସିଟି ଏକ୍ସପ୍ରେସ ଅନୁଗୁଳ, ତାଳଚେର ରୋଡ ଏବଂ ମେରାମଣ୍ଡଳୀ ରେଳ ଷ୍ଟେସନ ମାନଙ୍କରେ 16 ଅଗଷ୍ଟ 2023 ଠାରୁ ବର୍ତ୍ତମାନର ନିର୍ଦ୍ଧାରିତ ସମୟ ସାରଣୀ ପରିବର୍ତ୍ତେ ନୂତନ ସଂଶୋଧିତ ସମୟ ସାରଣୀରେ ଚଳାଚଳ କରିବ ଯାହାକି ପୁରୁଣା ସମୟ ସାରଣୀ ଠାରୁ କିଛି ସମୟ ପୂର୍ବରୁ ଯାତ୍ରା କରିବ। ବାଲାଙ୍ଗୀରରୁ ଛାଡୁଥିବା ଏହି ଟ୍ରେନ୍ ବର୍ତ୍ତମାନ ଅନୁଗୁଳ ଠାରେ ସନ୍ଧ୍ୟା 07ଘ.10 ମି.ରେ ପହଞ୍ଚି ସନ୍ଧ୍ୟା 07ଘ.12 ମି.ରେ ଛାଡିବ, ତାଳଚେର ରୋଡ଼ ଠାରେ ସନ୍ଧ୍ୟା 07ଘ.15 ମି.ରେ ପହଞ୍ଚି ସନ୍ଧ୍ୟା 07ଘ.17 ମି.ରେ ଛାଡିବ ଓ ମେରାମଣ୍ଡଳୀ ଠାରେ ସନ୍ଧ୍ୟା 07ଘ.37 ମି.ରେ ପହଞ୍ଚି ସନ୍ଧ୍ୟା 07ଘ.38 ମି.ରେ…

ଭୁବନେଶ୍ୱର/ଭଦ୍ରକ:  ବିଜେପି ରାଜ୍ୟ ସଭାପତି ମନମୋହନ ସାମଲ ଆଜି ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନମଣ୍ଡଳୀ ଅନ୍ତର୍ଗତ ତିହିଡି ବ୍ଲକର ବାରସର ପଂଚାୟତର ବଙ୍ଗାଳୀଦପା, ତାଳଦପା, ନୁଅବନ୍ଧ ଓ ଗୋବିନ୍ଦପୁର ପଂଚାୟତର ଗୋବିନ୍ଦପୁର, କୁଆଁର ଚତା, ହଂସପାଟ ଗାଁ ଏବଂ ଘଟପୁର ପଂଚାୟତର ବିଭିନ୍ନ ଗାଁକୁ ଯାଇ ଲୋକଙ୍କ ସହ ଆଲୋଚନା କରିବା ସହ ବନ୍ୟାସ୍ଥିତି ସଂପର୍କରେ ସମୀକ୍ଷା କରିଛନ୍ତି। ବନ୍ୟା ଘେରରେ ଥିବା ଜଳବନ୍ଦୀଙ୍କୁ ତୁରନ୍ତ ରିଲିଫ୍ ଯୋଗାଇ ଦିଆଯିବାର ନିୟମ ଥିବା ସତ୍ୱେ ବର୍ତମାନ ସୁଦ୍ଧା ପ୍ରଶାସନ କିମ୍ବା ସରକାର ବନ୍ୟା ପ୍ରପୀଡିତଙ୍କ ପାଖରେ ରିଲିଫ୍ ପହଁଚାଇ ନାହାଁନ୍ତି। ସମୁଦ୍ରକୁ ଶଙ୍ଖେ ଭଳି କାଁ ଭାଁ ରିଲିଫ୍ ଲୋକଙ୍କୁ ମିଳିଛି ବୋଲି ସାମଲ ଅଭିଯୋଗ କରିଛନ୍ତି। ବନ୍ୟା କାରଣରୁ ଯେଉଁ ରାସ୍ତାଘାଟ ନଷ୍ଟ ହୋଇଛି ତାକୁ ତୁରନ୍ତ ମରାମତି କରାଯାଉ। ସେହିପରି ବନ୍ୟାଜଳ କାରଣରୁ ନଷ୍ଟ ହୋଇଯାଇଥିବା ଫସଲ କ୍ଷୟକ୍ଷତିର ଆକଳନ କରି ତୁରନ୍ତ କ୍ଷତିପୁରଣ ଦିଆଯିବା ସହିତ ନୂତନ…

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ‘ଭାରତ ଯୋଡା ଯାତ୍ରା’ର ଦ୍ୱିତୀୟ ପର୍ଯ୍ୟାୟ ଆରମ୍ଭ କରିବାକୁ ଯାଉଛନ୍ତି। ଏହି ସମୟ ମଧ୍ୟରେ ସେ ଗୁଜୁରାଟରୁ ମେଘାଳୟ ପର୍ଯ୍ୟନ୍ତ ପଦଯାତ୍ରା କରିବେ। ଯେଉଁ ସମୟରେ ରାହୁଲ ଗାନ୍ଧୀ ତାଙ୍କର ଯାତ୍ରା ଆରମ୍ଭ କରିବେ, ସେତେବେଳେ ହିଁ ମହାରାଷ୍ଟ୍ର କଂଗ୍ରେସ ମଧ୍ୟ ସମଗ୍ର ରାଜ୍ୟରେ ପଦଯାତ୍ରା ଆରମ୍ଭ କରିବ। ମହାରାଷ୍ଟ୍ର କଂଗ୍ରେସ ମୁଖ୍ୟ ନାନା ପାଟୋଲ ଏହି ସୂଚନା ଦେଇଛନ୍ତି। ତେବେ ସେ ଯାତ୍ରାର ମାର୍ଗ ଏବଂ ତାରିଖ ବିଷୟରେ କୌଣସି ସୂଚନା ଦେଇ ନାହାଁନ୍ତି। ସେ କହିଛନ୍ତି ଯେ, ସେ ନିଜେ ପୂର୍ବ ବିଦର୍ଭରେ ପଦଯାତ୍ରାକୁ ଆଗେଇ ନେବେ। ଏହି ପଦଯାତ୍ରାରେ ପଶ୍ଚିମ ବିଦର୍ଭରେ ବିଜୟ ୱାଡେଟିୱାର, ଉତ୍ତର ମହାରାଷ୍ଟ୍ରର ବାଲାସାହେବ ଥୋରାଟ, ମରାଠୱାଡାର ଅଶୋକ ଚହ୍ଵାନ ଏବଂ ପଶ୍ଚିମ ମହାରାଷ୍ଟ୍ରର ପୃଥ୍ବୀରାଜ ଚହ୍ଵାନ ଏବଂ ମୁମ୍ବାଇର ବର୍ଷା ଗାଇକ୍ଵାଡ ନେତୃତ୍ୱ ନେବେ। ସମସ୍ତ ନେତା କୋକଣରେ ସେମାନଙ୍କର ପଦଯାତ୍ରା ସମାପ୍ତ କରିବେ।…

ଭୁବନେଶ୍ବର: ରାଜ୍ୟର ବରିଷ୍ଠ ଓକିଲ ଆତ୍ମା ପ୍ରକାଶ ମହାନ୍ତି ଆଜି ରାଜ୍ୟ ଆଇନିଜୀବି ପରିଷଦର ସଭ୍ୟ ଭାବେ ବିଜୟଲାଭ କରିଛନ୍ତି। ଏ ନେଇ ଆଜି ଭୋଟ ଗଣତି ହୋଇଥିଲା। ଏଥିରେ ସେ ଭଲ ଭୋଟରେ ବିଜୟ ଲାଭ କରିଛନ୍ତି। ସମଗ୍ର ରାଜ୍ୟର ପ୍ରାୟ ସବୁ ଜିଲ୍ଲା ସବୁ କୋର୍ଟରୁ ସେ ପ୍ରଥମ ପସନ୍ଦ ଭୋଟ ପାଇ ବିଜୟ ଲାଭ କରିଛନ୍ତି। ସେ ଏହି ପଦବୀରେ ଦ୍ୱିତୀୟ ଥର ନିର୍ବାଚିତ ହୋଇଛନ୍ତି। ଗତ ଥର ମଧ୍ୟ ମହାନ୍ତି ରେକର୍ଡ ସଂଖ୍ୟକ ଭୋଟ ପାଇ ନିର୍ବାଚିତ ହୋଇଥିଲେ। ଆଜି ଶ୍ରୀ ମହାନ୍ତିଙ୍କ ବିଜୟ ଘୋଷଣା ପରେ ବିଭିନ୍ନ ବରିଷ୍ଠ ଆଇନଜୀବୀମାନେ ଭୁବନେଶ୍ୱର କୋର୍ଟ ପରିସରରେ ସମ୍ବର୍ଦ୍ଧନା କରିଥିଲେ। ଏହି ଅବସରରେ ଲୟର୍ସ ଗୃପ୍ ପକ୍ଷରୁ ତାଙ୍କୁ କୋର୍ଟ ପରିସରରେ ଉତ୍ତରୀୟ ଓ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧନା କରାଯାଇଥିଲା । ଆଇନଜୀବୀ ଲିଙ୍ଗରାଜ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅଶୋକ କୁମାର ପାତ୍ର,…

ନୂଆଦିଲ୍ଲୀ: ଦେଶରେ ୟୁନିଫର୍ମ ସିଭିଲ କୋଡ (ୟୁସିସି) ଲାଗୁ କରିବାକୁ କେନ୍ଦ୍ର ସରକାରଙ୍କ ଯୋଜନା ବିରୋଧରେ କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନ ଆଜି ବିଧାନସଭାରେ ଏକ ପ୍ରସ୍ତାବ ଉପସ୍ଥାପନ କରିଛନ୍ତି, ଯାହା ସର୍ବ ସମ୍ମତି କ୍ରମେ ପାରିତ ହୋଇଛି। କଂଗ୍ରେସ ନେତୃତ୍ୱାଧୀନ ବିରୋଧୀ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (UDF) ରାଜ୍ୟ ସରକାରଙ୍କ ପଦକ୍ଷେପକୁ ସ୍ୱାଗତ କରିଛି। ଏହା ସହିତ UDF ମଧ୍ୟ ମୁଖ୍ୟମନ୍ତ୍ରୀଙ୍କ ପ୍ରସ୍ତାବ ଉପସ୍ଥାପିତ ହେବା ପରେ UCC ରେ ଅନେକ ସଂଶୋଧନ ଏବଂ ପରିବର୍ତ୍ତନ ପାଇଁ ପରାମର୍ଶ ଦେଇଛି। ତରବରିଆ ଭାବେ ନିଆଯାଇଛି ପଦକ୍ଷେପ: ଏହି ସଂକଳ୍ପକୁ ଉପସ୍ଥାପାନ କରି ମୁଖ୍ୟମନ୍ତ୍ରୀ କହିଛନ୍ତି ଯେ, ୟୁସିସି କାର୍ଯ୍ୟକାରୀ କରିବାକୁ କେନ୍ଦ୍ରର ପଦକ୍ଷେପ ନେଇ କେରଳ ବିଧାନସଭା ଚିନ୍ତିତ ଏବଂ ନିରାଶ ହୋଇଛି। କେନ୍ଦ୍ର ସରକାରଙ୍କ ଏହି ନିଷ୍ପତ୍ତିକୁ ଏକପାଖିଆ ଏବଂ ତ୍ୱରିତ ପଦକ୍ଷେପ ବୋଲି ଶ୍ରୀ ବିଜୟନ କହିଛନ୍ତି। UCC ର କଳ୍ପନା ସମ୍ବିଧାନ ଅନୁଯାୟୀ ନୁହେଁ- ବିଜୟନ…

ନୂଆଦିଲ୍ଲୀ: କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଆଜି ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ସମନ ପଠାଇଛି। ବେଆଇନ ଖଣି ମାମଲାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପ୍ରକାଶ ଯେ, ସିଏମ୍ ସୋରେନ୍ ଙ୍କ ଉପରେ ପ୍ରାୟ ୧୦୦୦ କୋଟି ଟଙ୍କା ଖଣି ଖନନ ଅଭିଯୋଗ ରହିଛି। ଏହି ମାମଲାରେ ଇଡି ସୋରେନଙ୍କ ଘନିଷ୍ଠ ସହଯୋଗୀ ପଙ୍କଜ ମିଶ୍ରଙ୍କୁ ଗିରଫ କରିସାରିଛି।

ନୂଆଦିଲ୍ଲୀ: ସେପ୍ଟେମ୍ବର ୫ ତାରିଖରେ ଦେଶର ୬ ଟି ରାଜ୍ୟରେ ୭ ଟି ବିଧାନସଭା ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଏହାର ଫଳାଫଳ ସେପ୍ଟେମ୍ବର ୮ ତାରିଖରେ ଆସିବ। ଏଥିରେ ଉତ୍ତରପ୍ରଦେଶରେ ଗୋଟିଏ ସିଟ୍, ପଶ୍ଚିମବଙ୍ଗରେ ଗୋଟିଏ ସିଟ୍, କେରଳରେ ଗୋଟିଏ ସିଟ୍, ଝାଡଖଣ୍ଡରେ ଗୋଟିଏ ସିଟ୍, ଉତ୍ତରାଖଣ୍ଡରେ ଗୋଟିଏ ସିଟ୍ ଏବଂ ତ୍ରିପୁରାରେ ଦୁଇଟି ସିଟ୍ ରହିଛି। ନିର୍ବାଚନ ଆୟୋଗ କହିଛନ୍ତି ଯେ, ଝାଡଖଣ୍ଡର ଡୁମ୍ରି, କେରଳର ପୁଥୁପଲ୍ଲୀ, ତ୍ରିପୁରାର ବାକ୍ସନଗର ଏବଂ ଧାନପୁର ଆସନରେ ଏହି ଉପ-ନିର୍ବାଚନ ଅନୁଷ୍ଠିତ ହେବ। ଏହା ବ୍ୟତୀତ ବଙ୍ଗଳାର ଧୂପଗୁଡି, ୟୁପିରେ ଘୋଷୀ ଏବଂ ଉତ୍ତରାଖଣ୍ଡର ବାଗେଶ୍ୱର ଆସନରେ ନିର୍ବାଚନ ଅନୁଷ୍ଠିତ ହେବ।

ଭୁବନେଶ୍ୱର: ଅଗଷ୍ଟ ୧୫ତାରିଖରେ ଲାଲକିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଭିଭାଷଣ ଦେଖିବାକୁ ପାଇବେ ଆମେରିକୀୟ ସାଂସଦଙ୍କ ଏକ ଦ୍ୱିପାକ୍ଷିକ ଦଳ ଭାରତ ଗସ୍ତରେ ଆସିବାର କାର୍ଯ୍ୟକ୍ରମ ରହିଛି। ଏକ ସରକାରୀ ବିବୃତିରେ ଏହି ସୂଚନା ଦିଆଯାଇଛି। ଭାରତୀୟ-ଆମେରିକୀୟ କଂଗ୍ରେସ ସଦସ୍ୟ ରୋ ଖାନ୍ନା ଏବଂ କଂଗ୍ରେସ ସଦସ୍ୟ ମାଇକେଲ ୱାଲ୍ଟଜ୍ ଏହି ଦ୍ୱିପାକ୍ଷିକ ପ୍ରତିନିଧି ଦଳର ନେତୃତ୍ୱ ନେବେ। ଏହି ଦୁଇ ସାଂସଦ ଭାରତ ଏବଂ ଭାରତୀୟ ଆମେରିକୀୟଙ୍କ ଉପରେ ଦ୍ୱିପାକ୍ଷିକ କଂଗ୍ରେସନାଲ କକସର ସହ-ଅଧ୍ୟକ୍ଷ ଅଟନ୍ତି। ଲାଲକିଲ୍ଲାରେ ପ୍ରଧାନମନ୍ତ୍ରୀ ମୋଦୀଙ୍କ ଭାଷଣ ଅଗଷ୍ଟ ୧୫ରେ ଭାରତର ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲା ଗସ୍ତ କରିବେ ଯେଉଁଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ସମ୍ବୋଧିତ କରିବେ। ମୁମ୍ବାଇ, ହାଇଦ୍ରାବାଦ ଏବଂ ନୂଆଦିଲ୍ଲୀର ବ୍ୟବସାୟ, ବୈଷୟିକ ଜ୍ଞାନକୌଶଳ, ସରକାର ଏବଂ ହିନ୍ଦୀ ଚଳଚ୍ଚିତ୍ର ଜଗତର ନେତାମାନଙ୍କ ସହ ଆମେରିକୀୟ ସାଂସଦମାନେ ସାକ୍ଷାତ୍‍ କରିବେ । ସେ ନୂଆଦିଲ୍ଲୀର ମହାତ୍ମା…

ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନର ୧୪ତମ ଦିନରେ ଗୃହରେ ରାଜନୈତିକ ବିତର୍କ ପୂର୍ବରୁ ସରକାର ଓ ବିରୋଧୀ ବୈଠକ ହୋଇଯାଇଛି। ଆଜି ଲୋକସଭାରେ ମୋଦି ସରକାରଙ୍କ ବିରୋଧରେ ବିରୋଧୀ ଆଣିଥିବା ଅନାସ୍ଥା ପ୍ରସ୍ତାବ ଉପରେ ଆଲୋଚନା ହେଉଛି। ଏଭଳି ପରିସ୍ଥିତିରେ ବିରୋଧୀଙ୍କ ପ୍ରଶ୍ନର ମୁକାବିଲା ପାଇଁ ରଣନୀତି ପ୍ରସ୍ତୁତ କରିବା ପାଇଁ ବିଜେପି ସଂସଦୀୟ ଦଳର ଏକ ବୈଠକ ଅନୁଷ୍ଠିତ ହୋଇଥିଲା, ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା ଦଳର ସାଂସଦ ଜେପି ନଡ୍ଡା, କେନ୍ଦ୍ର ଗୃହମନ୍ତ୍ରୀ ଉପସ୍ଥିତ ଥିଲେ। ମିଳିଥିବା ସୂଚନା ଅନୁଯାୟୀ, ବୈଠକରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ବିରୋଧୀ ଅବିଶ୍ୱାସରେ ପରିପୂର୍ଣ୍ଣ ଏବଂ ଏହାକୁ ଦେଖାଇବା ପାଇଁ ସେ ଅନାସ୍ଥା ପ୍ରସ୍ତାବ ଆଣିଛନ୍ତି। ବିରୋଧୀ ଦଳ ସେମିଫାଇନାଲ ଚାହୁଁଥିଲା ଏବଂ ଗତକାଲି ସେମିଫାଇନାଲ ଥିଲା। ଯାହାର ଫଳାଫଳ ସମସ୍ତଙ୍କ ସାମ୍ନାରେ ରହିଛି। ଯେଉଁମାନେ ସାମାଜିକ ନ୍ୟାୟ କଥା କହୁଛନ୍ତି ସେମାନେ ବଂଶବାଦ, ତୁଷ୍ଟୀକରଣ,…

ଭୁବନେଶ୍ବର: ସମ୍ବଲପୁର ସାଂସଦ ନୀତିଶ ଗଙ୍ଗଦେବଙ୍କ ଧର୍ମପତ୍ନୀ ଅରୁନ୍ଧତୀ କୁମାରୀ ଦେବୀଙ୍କ ବୟାନକୁ ନେଇ ବର୍ତ୍ତମାନ ରାଜ୍ୟ ରାଜନୀତି ପଡୁଛି ଉଠୁଛି। ବିଶେଷ କରି ଓଡିଶା ବିଜେପି ରାଜନୀତିରେ ଏ ନେଇ ଚାଲିଛି ଗରମାଗରମ ଆଲୋଚନା। କାରଣ ଅରୁନ୍ଧତୀ ଦେବୀ ଯେପରି କଥା କହିଛନ୍ତି ତାହାକୁ ନେଇ ବିଭିନ୍ନ ମହଲରେ ଚାଲିଛି ଜୋରଦାର ଚର୍ଚ୍ଚା। ଅରୁନ୍ଧତୀ ସିଧା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନକୁ ଟାର୍ଗେଟ କରିଛନ୍ତି। କେବଳ ଟାର୍ଗେଟ କହିଲେ ଠିକ ହେବ ନାହିଁ, ବଂର ତାଙ୍କୁ ଗାଳି କରିଛନ୍ତି। ଅରୁନ୍ଧତୀ ଧର୍ମେନ୍ଦ୍ରଙ୍କୁ ‘କୁଚକ୍ରୀ’, ‘ରୁଗ୍ନ ମାନସିକତା’, ‘ଦମ ଅଛି ତ ସମ୍ବଲପୁରରୁ ଆସି ଲଢେଇ କର’ ବୋଲି ଆହ୍ବାନ ଦେଇଛନ୍ତି। ଧର୍ମେନ୍ଦ୍ର ପ୍ରଧାନଙ୍କ ସହିତ ସେ ରେଙ୍ଗାଲି ବିଧାୟକ ନାଉରୀ ନାୟକଙ୍କୁ ମଧ୍ୟ ଗାଳି କରିଛନ୍ତି। ସେ ଜଣେ ମାନସିକ ରୋଗାଗସ୍ତ ବିଧାୟକ ବୋଲି ଅରୁନ୍ଧତୀ କହିଛନ୍ତି। ତେବେ ସେ ଉଭୟଙ୍କ ନାମ ନ ନେଇ କେନ୍ଦ୍ରମନ୍ତ୍ରୀ ଓ ବିଧାୟକ ବୋଲି…

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନରେ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ଏବଂ ନୂଆ ବିରୋଧୀ ମହାମେଣ୍ଟ ଇଣ୍ଡିଆନ୍ ନ୍ୟାସନାଲ୍ ଡେଭଲପମେଣ୍ଟ ଇନକ୍ଲୁସିଭ୍ ଆଲାଏନ୍ସ (ଇଣ୍ଡିଆ) ମଧ୍ୟରେ ରାଜନୈତିକ ଲଢ଼େଇ ପ୍ରସ୍ତୁତ ହୋଇଛି। ‘ଇଣ୍ଡିଆ’ ଶିବିରରେ ସମୁଦାୟ ୨୬ଟି ଦଳ ରହିଛନ୍ତି। ଅନ୍ୟପକ୍ଷରେ ଏନଡିଏ ପକ୍ଷରେ ଅଧିକାଂଶ କ୍ଷୁଦ୍ର ଦଳକୁ ମିଶାଇ ଏହି ବଂଶ ୩୯ଟି ଦଳରେ ପହଞ୍ଚିଛି। ବିଜେପି ନେତୃତ୍ୱାଧୀନ ଏନଡିଏ କିମ୍ବା ଏହି ମହାମେଣ୍ଟର ଅଗ୍ରଣୀ ଦଳ କଂଗ୍ରେସଠାରୁ ଆଗାମୀ ନିର୍ବାଚନରେ ଇଣ୍ଡିଆକୁ ଅଧିକ ଫାଇଦା ମିଳିବ କି ନାହିଁ ତାହା ଆସନ୍ତୁ ଜାଣିବା ନିକଟରେ ହୋଇଥିବା ସର୍ଭେ ତଥ୍ୟ କ’ଣ କହୁଛି? କଂଗ୍ରେସ ବ୍ୟତୀତ ଏହି ଦଳଗୁଡ଼ିକର ନିଜ ଅଞ୍ଚଳରେ ଦଖଲ ରହିଛି କଂଗ୍ରେସ ପରେ ଲାଲୁ ପ୍ରସାଦ ଯାଦବଙ୍କ ଆରଜେଡି ଏବଂ ନୀତୀଶ କୁମାରଙ୍କ ଜେଡିୟୁ ହେଉଛି ‘ଇଣ୍ଡିଆ’ ମହାମେଣ୍ଟର ପ୍ରମୁଖ ଦଳ । ଏହାବ୍ୟତୀତ ୟୁପିରେ ଅଖିଳେଶ ଯାଦବଙ୍କ ନେତୃତ୍ୱାଧୀନ ସମାଜବାଦୀ ପାର୍ଟି । ମହାରାଷ୍ଟ୍ରରେ…

ଭୁବନେଶ୍ୱର: ୨ବର୍ଷ ଜେଲ ଦଣ୍ଡାଦେଶ ପରେ ରାହୁଲ ଗାନ୍ଧିଙ୍କ ସଦସ୍ୟତା ଯେଉଁ ବେଗରେ ଚାଲିଯାଇଥିଲା, ଏହା ଉପରେ ରୋକ ଲାଗିବାରୁ ସେହି ଗତିରେ ତାଙ୍କ ସଦସ୍ୟତା ପୁନରୁଦ୍ଧାର କରାଯାଇଛି। ସୋମବାର ସେ ସଂସଦରେ ପହଞ୍ଚିଥିଲେ। ରାହୁଲଙ୍କ ଦଣ୍ଡାଦେଶରେ ବିଜେପି ଭୁଲ କଲା? ଗତ ମାର୍ଚ୍ଚ ମାସରେ ସୁରଟର ଏକ ନିମ୍ନ ଅଦାଲତ ରାହୁଲ ଗାନ୍ଧିଙ୍କୁ ୨ ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ। ଗୁଜରାଟ ହାଇକୋର୍ଟ ମଧ୍ୟ ଏହାକୁ ବଜାୟ ରଖିଥିଲେ। ଏହା ଉପରେ ବିଜେପି କହିଥିଲା- ଏହି ନିଷ୍ପତ୍ତି ଉପଯୁକ୍ତ ଏବଂ ସ୍ୱାଗତଯୋଗ୍ୟ। ବିଜେପି ପ୍ରଚାର କରିଛି ଯେ ତାଙ୍କ ଦଳର ଜଣେ ନେତା ଏହି ପିଟିସନ ଦାଖଲ କରିଛନ୍ତି। ଏହା ମାମଲାକୁ ରାଜନୈତିକ ରଙ୍ଗ ନେଇଥିଲା। ରାଜନୈତିକ ବିଶେଷଜ୍ଞ ରସିଦ କିଦୱାଇ କହିଛନ୍ତି ଯେ ସୁପ୍ରିମକୋର୍ଟଙ୍କ ରାୟ ରାହୁଲ ଗାନ୍ଧୀଙ୍କ ପାଇଁ ଏକ ନୈତିକ ବିଜୟ। ବିଜେପି ଏହି ଆଇନଗତ ମାମଲାକୁ ରାଜନୈତିକ ରଙ୍ଗ ଦେଇ ଭୁଲ କରିଛି। ବିଜେପି…

ନୂଆଦିଲ୍ଲୀ: ଲୋକସଭାରେ ମୋଦୀ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହୋଇଛି। ଆଲୋଚନା ଆରମ୍ଭ କରି କଂଗ୍ରେସ ସାଂସଦ ଗୌରବ ଗୋଗୋଇ କହିଛନ୍ତି ଯେ, ବାଚସ୍ପତିଙ୍କ କାର୍ଯ୍ୟାଳୟ ଭିତରେ ପ୍ରଧାନମନ୍ତ୍ରୀ ଯାହା କହିଛନ୍ତି ତାହା ଆମେ କହିବୁ କି? ଯାହା ଉପରେ ଅମିତ ଶାହା କହିଛନ୍ତି ଯେ, ହଁ କହିବା ଉଚିତ୍। କଂଗ୍ରେସ ସାଂସଦ ଗୌରବ ଗୋଗୋଇ ପ୍ରଧାନମନ୍ତ୍ରୀ ମୋଦୀଙ୍କୁ ଏକ ପ୍ରଶ୍ନ ପଚାରିଛନ୍ତି, “ମଣିପୁର ସମସ୍ତେ ଯାଇଥିଲେ କିନ୍ତୁ ପ୍ରଧାନମନ୍ତ୍ରୀ ମୋଦୀ କାହିଁକି ଯାଇନାହାଁନ୍ତି? ମଣିପୁର ପ୍ରସଙ୍ଗରେ କହିବା ପାଇଁ ତାଙ୍କୁ ୮୦ ଦିନ କାହିଁକି ଲାଗିଲା? ଆମେ ଅନାସ୍ଥା ପ୍ରସ୍ତାବ ଆଣିବାକୁ ବାଧ୍ୟ। ଏହା କଦାପି ସଂଖ୍ୟା ବିଷୟରେ ନୁହେଁ, ଏହା ମଣିପୁର ପାଇଁ ନ୍ୟାୟ ବିଷୟରେ ଥିଲା।”

ନୂଆଦିଲ୍ଲୀ: ଗୃହକୁ ଅସମ୍ମାନ କରିଥିବାରୁ ଟିଏମସି ସାଂସଦ ଡେରେକ ଓ’ବ୍ରାଇନ୍ ଙ୍କ ସମଗ୍ର ଅଧିବେଶନ ପାଇଁ ନିଲମ୍ବିତ କରାଯାଇଛି। ନିୟମ ୨୬୭ ଅଧୀନରେ ମଣିପୁର ଉପରେ ଆଲୋଚନା କରିବାକୁ ଦାବି କରୁଥିବା ଡେରେକ କ୍ରମାଗତ ଭାବରେ ସଭାପତିଙ୍କ ନିକଟରେ ପାଟି କରିଥିଲେ। ମଣିପୁର ଉପରେ ଡେରେକ ବାରମ୍ବାର ଆଲୋଚନା କରିବାକୁ ଦାବି କରୁଥିଲେ ବୋଲି ଚେୟାରମ୍ୟାନ୍ ପ୍ରଥମେ ଚେତାବନୀ ଦେଇଛନ୍ତି। ଏହା ପରେ ପୀୟୁଷ ଗୋୟଲ ତାଙ୍କ ନିଲମ୍ବନ ପ୍ରସ୍ତାବ ଦେଇଥିଲେ ଏବଂ ପରେ ଚଳିତ ସିଜନରେ ଡେରେକଙ୍କୁ ନିଲମ୍ବିତ କରାଯାଇଥିଲା। ପ୍ରକାଶ ଯେ ଏହା ପୂର୍ବରୁ AAP ନେତା ସଞ୍ଜୟ ସିଂଙ୍କୁ ପୁରା ଅଧିବେଶନ ପାଇଁ ନିଲମ୍ବିତ କରାଯାଇଛି।

ନୂଆଦିଲ୍ଲୀ: ଆଜି ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତୃତୀୟ ଟି -୨୦ ଖେଳାଯିବ। ଯଦି ପ୍ରଥମ ଦୁଇଟି ଟି -୨୦ ହାରିଥିବା ଭାରତୀୟ ଦଳ ଆଜି ବି ହାରିଯାଏ, ତେବେ ଦଳ ସିରିଜ୍ ହରାଇବ। ଏଭଳି ପରିସ୍ଥିତିରେ ଟିମ୍ ଇଣ୍ଡିଆ ପାଇଁ ଏହା କର ବା ମର ପରିସ୍ଥିତି ସୃଷ୍ଟି ହୋଇଛି। ହାର୍ଦ୍ଦିକ ପାଣ୍ଡ୍ୟାଙ୍କ ଦଳ ଏହି ମ୍ୟାଚ ଜିତି ସିରିଜ ହରାଇବାର ବିପଦକୁ ଏଡାଇବାକୁ ଚାହିଁବ। ଏଥି ସହିତ ୱେଷ୍ଟଇଣ୍ଡିଜ୍‌ର ଆଖି ସିରିଜ ଜିତିବା ଉପରେ ରହିବ। ୱେଷ୍ଟଇଣ୍ଡିଜ୍ ୨୦୧୬ ଠାରୁ ଭାରତ ବିପକ୍ଷରେ ଟି-ଟ୍ୱେଣ୍ଟି ସିରିଜ୍ ଜିତି ନାହିଁ: ଦ୍ୱିତୀୟ ଟି -୨୦ ରେ ବିଜୟ ପରେ ୱେଷ୍ଟଇଣ୍ଡିଜ୍ ଅଧିନାୟକ ରୋଭମାନ ପାୱେଲ କହିଥିଲେ ଯେ, ସେ ୨୦୧୬ ପରଠାରୁ ପ୍ରଥମ ଥର ପାଇଁ ଭାରତ ବିପକ୍ଷରେ ଟି -୨୦ ସିରିଜ ଜିତିବେ। ପ୍ରକାଶ ଯେ, ଦ୍ୱିପାକ୍ଷିକ ସିରିଜରେ ପ୍ରଥମ ଥର ପାଇଁ ୱେଷ୍ଟଇଣ୍ଡିଜ୍ କ୍ରମାଗତ ଦୁଇଟି ଟି…

ଭୁବନେଶ୍ବର: ଖୁବ ଶିଘ୍ର କଳାହାଣ୍ଡିକୁ ଉଡିବ ଉଡାଜାହାଜ। ଏ ନେଇ ଡିଜିସିଏ ବା ଡାଇରେକ୍ଟର ଜେନେରାଲ ଅଫ ସିଭିଲ ଆଭିଏସନ ଅନୁମତି ପ୍ରଦାନ କରିଛନ୍ତି। ଗତକାଲି ଡିଜିସିଏ କଳାହାଣ୍ଡିର ଉତ୍କେଳା ବିମାନ ବନ୍ଦରକୁ ଅପରେସନାଲ ବିମାନ ବନ୍ଦର ଭାବେ ଲାଇସେନସ ପ୍ରଦାନ କରିଛି। ଫଳରେ ଭବାନୀପାଟଣର ଏହି ଉତକେଲା ବିମାନବନ୍ଦରକୁ ବିମାନ ଉଡାଣ ଆରମ୍ଭ ହେବ। ଡିଜିସିଏ ତରଫରୁ ଏକ ଟିମ ଭବାନୀ ପାଟଣା ଆସି ସେଠାରେ ଦୁଇଦିନ ଧରି ବିମାନବନ୍ଦର ବିମାନ ଚଳାଚଳ ପାଇଁ ଉପଯୁକ୍ତ କି ନାହଁ ଅନୁଧ୍ୟାନ କରିଥିଲେ। ସେମାନେ ଦିଲ୍ଲୀ ଫେରିଯିବା ପରେ ତାଙ୍କର ରିପୋର୍ଟ ଆଧାରରେ ଏହି ଅନୁମତି ପ୍ରଦାନ କରାଯାଇଛି। ପ୍ରଥମେ ଏହି  ଉତ୍କେଳା ବିମାନ ବନ୍ଦରକୁ  2B ଲାଇସେନସ ପ୍ରଦାନ କରାଯାଇଛି। ଖୁବ ଶିଘ୍ର ଭୁବନେଶ୍ବରରୁ ଭବାନୀପାଟଣକୁ ବିମାନ ଉଡିବ ବୋଲି ଜଣାପଡିଛି।

ଭୁବନେଶ୍ୱର/ଯାଜପୁର: ଯାଜପୁର ଜିଲ୍ଲା ସଦର ମହକୁମାରେ ପ୍ରତିଷ୍ଠା କରାଯାଇଥିବା ରାଜ୍ୟର ପ୍ରଥମ “ମିଶନ ଶକ୍ତି ଭବନ” ସ୍ଥାନୀୟ ମହିଳା ସ୍ୱ୍ୱୟଂ ସହାୟକ ଗୋଷ୍ଠୀର ମା’ମାନଙ୍କ ଜୀବିକା ପାଇଁ ଏକ ନୂଆ ବାଟ ହୋଇପାରିଛି। ଏହି ବହୁମୁଖୀ ଭିତ୍ତିଭୂମି ମାଧ୍ୟମରେ ମହିଳାମାନଙ୍କର ଦକ୍ଷତା ବିକାଶ ସହିତ ଏସଏଚଜି ଦ୍ୱାରା ପ୍ରସ୍ତୁତ ବିଭିନ୍ନ ସାମଗ୍ରୀ ବର୍ଷ ସାରା ବିକ୍ରୟ ପାଇଁ ଏକ ପ୍ରମୁଖ କେନ୍ଦ୍ର ପାଲଟିଛି। ଓଡ଼ିଶା ଖଣିଜ ପଦାର୍ଥ ଧାରକ ଅଞ୍ଚଳ ଉନ୍ନୟନ ନିଗମ ବା ଓମ୍ବାଡ୍‌ସି ପାଣ୍ଠି ବିନିଯୋଗରେ ଯାଜପୁର ଟାଉନଠାରେ ସରକାର ଏହି ଭବନ ନିର୍ମାଣ କରିଛନ୍ତି। ଏହି ଅତ୍ୟାଧୁନିକ ଭିତ୍ତିଭୂମିଠାରେ ଜିଲ୍ଲାର ଏସଏଚଜି ମହିଳାମାନଙ୍କ ପାଇଁ କମ୍ପ୍ୟୁଟର ତାଲିମ ସହ ଆର୍ଥିକ ସାକ୍ଷରତା ଓ ମୋବାଇଲ ମାଧ୍ୟମରେ ବିଭିନ୍ନ ପ୍ରକାର ଡିଜିଟାଲ କାରବାର ସମ୍ପର୍କରେ ଶିକ୍ଷା ଦିଆଯାଉଛି। ଫଳରେ ସେମାନେ ନିଜ ନିଜର ବ୍ୟବସାୟ ପରିଚାଳନା ଲାଗି ଅଧିକ ଦକ୍ଷ ହୋଇପାରୁଛନ୍ତି। “କମ୍ପ୍ୟୁଟର ଶିଖିବା ଲାଗି ମୋ’ ମନରେ…

ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ପକ୍ଷରୁ ଆସନ୍ତା ଅଗଷ୍ଟ ୨୮ ତାରିଖରେ ହେବାକୁ ଥିବା ୪୬ତମ ବାର୍ଷିକ ସାଧାରଣ ବୈଠକ (ଏଜିଏମ୍‌) ପୂର୍ବରୁ କମ୍ପାନୀର ବାର୍ଷିକ ରିପୋର୍ଟ ଜାରି କରାଯାଇଛି। କମ୍ପାନୀର ବାର୍ଷିକ ରିପୋର୍ଟ ଅନୁସାରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ମୁକେଶ ଅମ୍ବାନି ଲଗାତାର ତୃତୀୟ ବର୍ଷ ପାଇଁ କୌଣସି ଦରମା ନେଇନାହାନ୍ତି। ତିନି ବର୍ଷ ଧରି କୌଣସି ବେତନ ନନେଇ ସେ କମ୍ପାନୀ ପାଇଁ କାର୍ଯ୍ୟ କରୁଛନ୍ତି। କୋଭିଡ୍ ମହାମାରୀରେ ବ୍ୟବସାୟ ପ୍ରଭାବିତ ହୋଇଥିବା ସମୟରେ କମ୍ପାନୀର ସ୍ୱାର୍ଥକୁ ଦୃଷ୍ଟିରେ ରଖି ମୁକେଶ ସ୍ୱଇଚ୍ଛାରେ ବେତନ ନେବେ ନାହିଁ ବୋଲି ଘୋଷଣା କରିଥିଲେ। ୨୦୨୨-୨୩ ଆର୍ôଥକ ବର୍ଷରେ ମଧ୍ୟ ତାଙ୍କ ବେତନ ଶୂନ ରହିଥିବା କମ୍ପାନୀର ବାର୍ଷିକ ରିପୋର୍ଟରେ ଉଲ୍ଲେଖ କରାଯାଇଛି। କେବଳ ବେତନ ନୁହେଁ, ବିଗତ ତିନି ବର୍ଷରେ ମୁକେଶ ଭତ୍ତା, ଅନ୍ୟାନ୍ୟ ଲାଭ, ସେବାନିବୃତ ଲାଭ, କମିସନ କିମ୍ବା ଷ୍ଟକ ବିକଳ୍ପ ବି ନେଇନାହାନ୍ତି। ସେ ବ୍ୟକ୍ତିଗତ…