ନୂଆଦିଲ୍ଲୀ: ମୁଦ୍ରାସ୍ଫୀତିରୁ ସାଧାରଣ ଲୋକଙ୍କୁ ଆଶ୍ଵସ୍ତି ଦେବା ପାଇଁ ସରକାର ନିରନ୍ତର ହସ୍ତକ୍ଷେପ କରୁଛନ୍ତି। ଏହି କାରଣରୁ ଟମାଟୋ ସାଧାରଣ ଲୋକଙ୍କ ପାଇଁ ପ୍ରାୟ ଏକ ମାସ ପାଇଁ ଶସ୍ତା ଦରରେ ଉପଲବ୍ଧ ହେଉଛି। ବର୍ତ୍ତମାନ ସରକାର ମଧ୍ୟ ଶସ୍ତା ମୂଲ୍ୟରେ ପିଆଜ ଉପଲବ୍ଧ କରିବାକୁ ଯାଉଛନ୍ତି। ଏହା ଅଧୀନରେ ଲୋକମାନେ କିଲୋଗ୍ରାମ ପିଛା 2୨୫ ଟଙ୍କା ଦରରେ ପିଆଜ ପାଇବେ। ରିହାତି ମୂଲ୍ୟରେ ପିଆଜ ବିକ୍ରି ଆସନ୍ତାକାଲି ଠାରୁ ଆରମ୍ଭ ହେବ। ଶସ୍ତା ଦାମରେ ଏହି ପିଆଜ ବିକ୍ରୟ ଏନସିସିଏଫ୍ ଦ୍ୱାରା କରାଯିବ। ଗୋଟିଏ ଦିନ ପୂର୍ବରୁ ଲାଗିଲା ରପ୍ତାନି ଶୁଳ୍କ: ସରକାରୀ ପ୍ରକାଶନରେ ଏହା କୁହାଯାଇଛି ଯେ, ସୋମବାର ଠାରୁ ଏନସିସିଏଫ କିଲୋଗ୍ରାମ ପିଛା ୨୫ ଟଙ୍କା ରିହାତିରେ ପିଆଜ ବିକ୍ରି କରିବ। ଏହାପୂର୍ବରୁ ଶନିବାର ଦିନ ପିଆଜ ରପ୍ତାନି ଉପରେ ପ୍ରତିବନ୍ଧକ ଲଗାଇବାକୁ ସରକାର ସୂଚନା ଦେଇଥିଲେ। ଦେଶରୁ ପିଆଜ ରପ୍ତାନି ଉପରେ ୪୦ ପ୍ରତିଶତ ଶୁଳ୍କ…
Author: Samikhsya Bureau
ନୂଆଦିଲ୍ଲୀ: ଅଗଷ୍ଟ ୩୦ ତାରିଖରୁ ଏସିଆ କପ୍ ଆୟୋଜିତ ହେଉଛି। ଏଥି ସହିତ, ଏହି ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ ସେପ୍ଟେମ୍ବର ୧୭ ତାରିଖରେ ଖେଳାଯିବ। ତେବେ ଏସିଆ କପ୍ ପାଇଁ ଭାରତୀୟ ଦଳ ସୋମବାର ଦିନ ଘୋଷଣା କରାଯିବ। ଏହି ସମୟରେ ବିସିସିଆଇ ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କ ବ୍ୟତୀତ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ଉପସ୍ଥିତ ରହିବେ। ଗଣମାଧ୍ୟମର ରିପୋର୍ଟ ଅନୁଯାୟୀ, ସୋମବାର ଦିନ ଦ୍ୱିପ୍ରହର ସମୟରେ ଏକ ବୈଠକ ହେବ। ଏହା ପରେ ଏସିଆ କପ୍ ପାଇଁ ୧୭ ଜଣିଆ ଭାରତୀୟ ଦଳର ଖେଳାଳିଙ୍କ ନାମ ଅପରାହ୍ନ ୧.୩୦ରେ ଘୋଷଣା କରାଯିବ। ରୋହିତ ଶର୍ମା ଏବଂ ରାହୁଲ ଦ୍ରାବିଡ ଉପସ୍ଥିତ ରହିବେ: ତେବେ ଏହି ସମୟ ମଧ୍ୟରେ ଭାରତୀୟ ଦଳର ଅଧିନାୟକ ରୋହିତ ଶର୍ମା ବୈଠକରେ ଉପସ୍ଥିତ ରହିବେ କିମ୍ବା ଭିଡିଓ କଲ ମାଧ୍ୟମରେ ଯୋଗଦେବେ, ବର୍ତ୍ତମାନ ସୁଦ୍ଧା ଏହା ସ୍ପଷ୍ଟ ହୋଇନାହିଁ। ଏହି ସଭାରେ ଅଜିତ…
ନୂଆଦିଲ୍ଲୀ: ବିଶ୍ୱ ବଜାରରେ ଭାରତୀୟ କେଶକୁ ‘କଳା ସୁନା’ଭାବେ ବିକ୍ରି କରାଯାଏ। କାରଣ ବଜାରରେ ସବୁଠାରୁ ଅଧିକ ଚାହିଦା ହେଉଛି ‘ଭର୍ଜିନ୍ ହେୟାର’ ଏବଂ ‘ରେମି ହେୟାର’। ଆପଣ ପଚାରିବେ ତାହା କ’ଣ! ଲମ୍ବା ଓ ରାସାୟନିକ ପ୍ରତିରୋଧୀ କେଶକୁ ‘ଭର୍ଜିନ୍ ହେୟାର’ କୁହାଯାଏ। ଯେଉଁ କେଶ ଉପରୁ ତଳ ପର୍ଯ୍ୟନ୍ତ ପ୍ରାକୃତିକ ଦିଗ ବଜାୟ ରଖେ ତାକୁ ‘ରେମି ହେୟାର’ କୁହାଯାଏ। ଭାରତର ମନ୍ଦିର ଏବଂ ଆମ ଘରର ପାନିଆରୁ ବାହାରୁଥିବା କେଶ ଏହି ଦୁଇଟି ମାନଦଣ୍ଡପୂରଣ କରିଥାଏ। ଭାରତୀୟ କେଶର ଗଠନ ବହୁତ ଭଲ, ଏଥିରେ ହାଲୁକା ତରଙ୍ଗ ଥାଏ ଏବଂ ୟୁରୋପୀୟ ଲୋକଙ୍କ କେଶ ସହ ମେଳ ଖାଇଥାଏ। ବ୍ରିଟିଶ ମାନବବିଜ୍ଞାନୀ ଏମା ଟାର୍ଲୋ ତାଙ୍କ ପୁସ୍ତକ ‘ଏନଟାଲମେଣ୍ଟ: ଦ ସିକ୍ରେଟ୍ ଲାଇଭ୍ସ ଅଫ୍ ହେୟାର’ରେ ଭାରତୀୟ କେଶ ଉପରେ ବିସ୍ତୃତଭାବେ ଲେଖିଛନ୍ତି। ବିଲିୟନ ଡଲାରରୁ ଅଧିକ ବିଶ୍ୱ କେଶ ଶିଳ୍ପରେ ଭାରତର ଏକ ଗୁରୁତ୍ୱପୂର୍ଣ୍ଣ ଯୋଗଦାନ…
ଭୋପାଳ: ମଧ୍ୟପ୍ରଦେଶ ବିଧାନସଭା ନିର୍ବାଚନ-୨୦୨୩ରେ ବିଜୟ ସୁନିଶ୍ଚିତ କରିବା ପାଇଁ ବିଜେପି ନିଜର ସମସ୍ତ ଶକ୍ତି ଲଗାଇଛି। ଏଥିସହିତ ଏଭଳି ଅନେକ ପରୀକ୍ଷଣ କରାଯାଉଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏମପିରେ ପ୍ରଥମ ଥର ପାଇଁ ବିଜେପି ନୂଆ ସେନା ଗଠନ କରିଛି। ଏହା ହେଉଛି ବ୍ରିଗେଡ୍ ୨୩୦। ବ୍ରିଗେଡ୍ ୨୩୦ର ପୂରା ଟିମ୍ ଭୋପାଳରେ ପହଞ୍ଚିଛି। ସେମାନଙ୍କୁ ଏଠାରେ ପ୍ରଶିକ୍ଷଣ ଦିଆଯାଉଛି। ବ୍ରିଗେଡ୍ ୨୩୦ରେ ବିଜେପି ବିହାର, ୟୁପି, ଗୁଜରାଟ ଓ ମହାରାଷ୍ଟ୍ରର ବିଧାୟକଙ୍କୁ ସାମିଲ କରିଛି। ଏହି ବ୍ରିଗେଡ୍ ମଧ୍ୟପ୍ରଦେଶର ସମସ୍ତ ୨୩୦ ବିଧାନସଭା ଆସନରେ କାମ କରିବ। ସେମାନଙ୍କୁ ଭୋପାଳରେ କାର୍ଯ୍ୟ ପ୍ରଶିକ୍ଷଣ ଦିଆଯାଉଛି। ସମସ୍ତ ବିଧାୟକଙ୍କୁ ଗୋଟିଏ ଲେଖାଏଁ ଆସନ ଦାୟିତ୍ୱ ଦିଆଯିବ। ୪ଟି ରାଜ୍ୟରୁ ଆସିଥିବା ବିଜେପି ବିଧାୟକଙ୍କ ପାଇଁ ଶନିବାର ଭୋପାଳରେ ଏକ ପ୍ରଶିକ୍ଷଣ ଅଧିବେଶନ ଆରମ୍ଭ ହୋଇଛି। ଏହାପରେ ସେମାନେ ରାଜ୍ୟରେ ସେମାନଙ୍କ ଆବଣ୍ଟିତ ବିଧାନସଭା ଆସନ ଗସ୍ତ ଆରମ୍ଭ…
ନୂଆଦିଲ୍ଲୀ: ୨୦୨୩ ୟୁ-୨୦ ବିଶ୍ୱ ଚାମ୍ପିୟନସିପରେ ମହିଳା ରେସଲିଂ ଟିମ୍ ଟାଇଟଲ ଜିତିଥିବା ଭାରତୀୟ ଦଳକୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ‘ଭାରତୀୟ ମହିଳା କୁସ୍ତି ଯୋଦ୍ଧାଙ୍କ ପାଇଁ ଏକ ସ୍ମରଣୀୟ ବିଜୟ! ଆମ ଟିମ୍ ୨୦୨୩ ୟୁ-୨୦ ବିଶ୍ୱ ଚାମ୍ପିୟନସିପରେ ମହିଳା ରେସଲିଂ ଟିମ୍ ଟାଇଟଲ ହାସଲ କରି ୭ ପଦକ ସହ ଏକ ଅଭୂତପୂର୍ବ ପ୍ରଦର୍ଶନ କରିଛନ୍ତି, ଯେଉଁଥିରେ ୩ଟି ସ୍ୱର୍ଣ୍ଣ ପଦକ ରହିଛି। ସ୍ମରଣୀୟ ପ୍ରଦର୍ଶନ ସହ ଏହି ଟାଇଟଲ ଦୁଇଥର ବଜାୟ ରଖିବାରେ ଅନ୍ତିମ ପ୍ରଥମ ହୋଇପାରିଛନ୍ତି। ଏହି ଗୌରବମୟ ବିଜୟ ଆମ ଉଦୀୟମାନ କୁସ୍ତିଯୋଦ୍ଧାଙ୍କ ଅଦମ୍ୟ ପ୍ରତିବଦ୍ଧା, ନିଷ୍ଠା ଏବଂ ଅତୁଳନୀୟ ପ୍ରତିଭାର ପ୍ରତୀକ ହୋଇଛି’।
ନୂଆଦିଲ୍ଲୀ: ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଜୟନ୍ତୀ। ତାଙ୍କ ପୁଅ ତଥା କଂଗ୍ରେସ ସାଂସଦ ରାହୁଲ ଗାନ୍ଧି ତାଙ୍କୁ ନିଜ ଢଙ୍ଗରେ ମନେ ପକାଇଛନ୍ତି। ଲଦାଖର ପାଙ୍ଗୋଙ୍ଗସୋ ହ୍ରଦ କୂଳରେ ରାହୁଲ ତାଙ୍କ ପିତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏକବିଂଶ ଶତାବ୍ଦୀର ନିର୍ମାତା କୁହାଯାଉଥିବା ରାଜୀବ ଗାନ୍ଧୀ ପ୍ରଧାନମନ୍ତ୍ରୀ ଥିବା ସମୟରେ ଭାରତୀୟ ଟେଲିକମ୍ ନେଟୱର୍କ ଗଠନ କରିଥିଲେ, ମତଦାନ ସୀମା ଥିଲା ୨୧ରୁ ୧୮ ବର୍ଷ, ପ୍ରଥମ ଥର ପାଇଁ ଦେଶରେ କମ୍ପ୍ୟୁଟର ଆଣିବା, ପଞ୍ଚାୟତିରାଜ ବ୍ୟବସ୍ଥାକୁ ସୁଦୃଢ଼ କରିବା ଇତ୍ୟାଦି ତାଙ୍କ ସଫଳତା ମଧ୍ୟରେ ଗଣାଯାଏ। ରାଜୀବ ଗାନ୍ଧୀଙ୍କ ସହ ଜଡ଼ିତ ପୁରୁଣା କାହାଣୀ ମଧ୍ୟ ବହୁତ ପ୍ରସିଦ୍ଧ। ସେଥିମଧ୍ୟରୁ ଗୋଟିଏ କାହାଣୀ ହେଉଛି ମହାତ୍ମା ଗାନ୍ଧୀଙ୍କ ସହ ତାଙ୍କର ସାକ୍ଷାତ୍ ବିଷୟରେ। ସେତେବେଳେ ରାଜୀବଙ୍କୁ ମାତ୍ର ୪ ବର୍ଷ ହୋଇଥିଲା। ଏହି ସାକ୍ଷାତ୍ ବିଷୟରେ ଉଲ୍ଲେଖ କରିବା ମଧ୍ୟ ଗୁରୁତ୍ୱପୂର୍ଣ୍ଣ କାରଣ ପରଦିନ ମହାତ୍ମା ଗାନ୍ଧୀଙ୍କୁ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାରାଜା ବୀର ବିକ୍ରମ ମାଣିକ୍ୟ ବାହାଦୂରଙ୍କ ଜୟନ୍ତୀରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଏକ ଏକ୍ସ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, ‘ମହାରାଜା ବୀର ବିକ୍ରମ ମାଣିକ୍ୟ ବାହାଦୂରଙ୍କୁ ତାଙ୍କ ଜନ୍ମବାର୍ଷିକୀରେ ସ୍ମରଣ କରୁଛି। ତାଙ୍କ ଦର୍ଶନ ଏବଂ ନେତୃତ୍ୱ ପିଢ଼ି ପରେ ପିଢ଼ିକୁ ପ୍ରେରଣା ଯୋଗାଇବ। ସେ ଜଣେ ମହାନ ବ୍ୟକ୍ତିତ୍ୱ ଥିଲେ ଯିଏ କି ତ୍ରିପୁରାର ସାମାଜିକ-ଅର୍ଥନୈତିକ ପ୍ରଗତି ପାଇଁ ନିରନ୍ତର କାର୍ଯ୍ୟ କରିଥିଲେ’।
ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ରବିବାର କଂଗ୍ରେସ କାର୍ଯ୍ୟକାରିଣୀ କମିଟି ଗଠନ ନେଇ ଘୋଷଣା କରିଛନ୍ତି। ୩୯ ଜଣିଆ ଏହି କମିଟିରେ ସୋନିଆ, ରାହୁଲ, ପ୍ରିୟଙ୍କା ରହିଛନ୍ତି। ସେହିପରି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ମଧ୍ୟ ଏହି କମିଟିରେ ରଖାଯାଇଛି। ଖାସ୍ କଥା ହେଉଛି ଖାର୍ଗେ ତାଙ୍କ ବିପକ୍ଷରେ ଲଢ଼ିଥିବା ଶଶି ଥରୁରଙ୍କୁ ମଧ୍ୟ ଏହି କମିଟିରେ ସ୍ଥାନ ଦେଇଛନ୍ତି। କମିଟିରେ ୩୯ ଜଣ ସଦସ୍ୟ, ୧୪ ଜଣ ସ୍ଥାୟୀ ସଦସ୍ୟ, ୧୪ ଜଣ ପ୍ରଭାରୀ ଓ ୯ ଜଣ ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ରହିଛନ୍ତି।
ନିରାକାରପୁର: ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ନିରାକାରପୁର ରେଳ ଷ୍ଟେସନ ନିକଟସ୍ଥ କାଶୀପୁର ରେଳ ଟ୍ରାକ ନିକଟରୁ ଏକ ଅଚିହ୍ନା ଗଳିତ ଶବ ଉଦ୍ଧାର କରିଛି ଜିଆରପି। ମୃତ ବ୍ୟକ୍ତିଙ୍କ ବୟସ ଆନୁମାନିକ ୪୦ ବର୍ଷ ହୋଇଥିବା ବେଳେ ସେ ଟ୍ରେନରୁ ପଡ଼ି ମୃତ୍ୟୁବରଣ କରିଥିବା ଆଶଙ୍କା କରାଯାଉଛି। ନିରାକାରପୁର ଜିଆରପି ସୂଚନା ମୁତାବକ ଗତ ୧୬ ତାରିଖ ଦିନ ଜଣେ ବ୍ୟକ୍ତି ଟ୍ରେନରୁ ଖସି ପଡ଼ିଥିବା ସ୍ଥାନୀୟ କଲେଜ ଛାତ୍ରମାନେ ଅଭିଯୋଗ କରିଥିଲେ। ତେବେ ଉକ୍ତ ଦିନ ବହୁ ଖୋଜାଖୋଜି ପରେ ମଧ୍ୟ ବ୍ୟକ୍ତିଙ୍କ ପତ୍ତା ମିଳିପାରିନଥିଲା। ତେବେ ଆଜି ଜନୈକ ବୁଦା ମଧ୍ୟରୁ ଦୁର୍ଗନ୍ଧ ବାହାରିବାରୁ ଜିଆରପି ଓ ଆରପିଏଫ ସେଠାରେ ପହଞ୍ଚି ଗଳିତ ଶବକୁ ଉଦ୍ଧାର କରିଛନ୍ତି।
ନୂଆଦିଲ୍ଲୀ: ଛାତ୍ରବୃତ୍ତି ଯୋଜନାରେ ସଂଖ୍ୟା ଲଘୁ ମନ୍ତ୍ରାଳୟ ଏବେ ବଡ ଦୁର୍ନୀତି ଧରିଛି। ସୂଚନାନୁସାରେ, ୨୧ ଟି ରାଜ୍ୟରେ ଛାତ୍ରବୃତ୍ତି ଯୋଜନାର ଦୁର୍ନୀତି ଚାଲିଛି। ୧୫୭୨ ସଂଖ୍ୟାଲଘୁ ଅନୁଷ୍ଠାନ ମଧ୍ୟରୁ କେବଳ ୮୩୦ ଅନୁଷ୍ଠାନ କାଗଜରେ ଚାଲୁଛି। ଏହି ମାମଲାର ତଦନ୍ତ କରିବା ପାଇଁ ମନ୍ତ୍ରଣାଳୟ ସିବିଆଇକୁ ହସ୍ତାନ୍ତର କରିଛି। ସୂତ୍ରରୁ ପ୍ରକାଶ ଯେ, ରାଜ୍ୟ ସରକାରୀ କର୍ମଚାରୀଙ୍କ ସହ ମିଶି ସଂଖ୍ୟାଲଘୁ ସଂସ୍ଥାଗୁଡ଼ିକ ଗତ ୫ ବର୍ଷ ମଧ୍ୟରେ ଛାତ୍ରଙ୍କ ନାମରେ ୧୪୪.୮୩ କୋଟି ଟଙ୍କା ଠକେଇ କରିଛନ୍ତି। ସମଗ୍ର ବିଷୟ କ’ଣ?: ଛାତ୍ରବୃତ୍ତି ଯୋଜନାରେ ହୋଇଥିବା ଏହି ଦୁର୍ନୀତି କେନ୍ଦ୍ର ସରକାରଙ୍କ ସଂଖ୍ୟାଲଘୁ ମନ୍ତ୍ରଣାଳୟର ଅନୁସନ୍ଧାନରେ ସାମ୍ନାକୁ ଆସିବା ପରେ ନକଲି ମଦ୍ରାସା ଏବଂ ନକଲି ଛାତ୍ରଙ୍କ ନାମରେ ବ୍ୟାଙ୍କ ଆକାଉଣ୍ଟ ଜରିଆରେ କୋଟି କୋଟି ଟଙ୍କାର ଛାତ୍ରବୃତ୍ତି ପ୍ରତ୍ୟାହାର କରି ନିଆଯାଇଥିବା ଜଣାପଡିଛି। ଏହି ମାମଲା ସମ୍ପର୍କରେ ସୂଚନା ପାଇବା ମାତ୍ରେ ସଂଖ୍ୟାଲଘୁ ମନ୍ତ୍ରଣାଳୟ ଏହାର ତଦନ୍ତ…
ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ହଳନ୍ଦା ଗ୍ରାମରେ ଏକ ଦୁଃଖଦ ଘଟଣା ଘଟିଯାଇଛି। ଉକ୍ତ ଗ୍ରାମର ସୁଧାକର ବିଶ୍ୱାଳଙ୍କ ପୁତ୍ର ଶ୍ରୀନିବାସ ବିଶ୍ୱାଳ (୪୦)ଙ୍କ ଚିକିତ୍ସାଧୀନ ଅବସ୍ଥାରେ ବାଣପୁର ମେଡିକାଲରେ ମୃତ୍ୟୁ ହୋଇଛି। ଡାକ୍ତରଙ୍କ ସୂଚନା ମୁତାବକ ଶ୍ରୀନିବାସଙ୍କୁ ଆଜି ମଧ୍ୟାହ୍ନରେ ପରିବାରବର୍ଗ ବାଣପୁର ମେଡିକାଲରେ ଭର୍ତ୍ତି କରିଥିଲେ। ତାଙ୍କର ଜ୍ୱର ହେବା ସହ ପରିସ୍ରା ହେଉନଥିଲା। ତେବେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ଖବର ପାଇ ବାଣପୁର ପୋଲିସ ମେଡିକାଲରେ ପହଁଚିଛି। ମେଡିକାଲ ପରିସରରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ।
ବେଙ୍ଗାଲୁର: ବେଙ୍ଗାଲୁରୁରେ ଜି-୨୦ ଅର୍ଥନୀତି ମନ୍ତ୍ରୀସ୍ତରୀୟ ବୈଠକକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଭାରତ ଏଆଇ ଚାଳିତ ଭାଷା ଅନୁବାଦ ପ୍ଲାଟଫର୍ମ ‘ଭାଷିନୀ’ ସୃଷ୍ଟି କରୁଛି। ଡିଜିଟାଲ ଇଣ୍ଡିଆର ସମ୍ପ୍ରସାରଣର ଏକ ଅଂଶ ଭାବରେ ‘ଭାଷିନୀ’ ଏବେ ୧୦ ପରିବର୍ତ୍ତେ ୨୨ଟି ଭାଷା ଅନୁବାଦ କରିବ ବୋଲି କେନ୍ଦ୍ର ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ କହିବାର ତିନିଦିନ ପରେ ଏହି ଘୋଷଣା କରାଯାଇଛି। ମୋଦି ସରକାର ଏହାକୁ ଏକ ଉଚ୍ଚାକାଂକ୍ଷୀ ପ୍ରକଳ୍ପଭାବେ ବିଚାର କରୁଛନ୍ତି। ଏହା ପୂର୍ବରୁ ଏସସିଓ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ଅତ୍ୟନ୍ତ ଗର୍ବିତ ଶବ୍ଦରେ ବିଶ୍ୱ ସାମ୍ନାରେ ‘ଭାଷିନୀ’ର ଉଲ୍ଲେଖ କରିଥିଲେ। ଏହା ସହ ସେ ଏହା ମଧ୍ୟ କହିଛନ୍ତି ଯେ ଏହି ଟେକ୍ନୋଲୋଜିକୁ ବିଶ୍ୱ ସହ ବାଣ୍ଟିଲେ ଭାରତ ଖୁସି ଅନୁଭବ କରିବ। ଆସନ୍ତୁ ଜାଣିବା କେମିତି କାମ କରେ ‘ଭଷିନୀ’। ଗତବର୍ଷ ଡିସେମ୍ବରରେ ଚାଟ୍ ଜିପିଟି ବିଶ୍ୱକୁ ଦଖଲ କରିବାର କିଛି ମାସ…
ମାନସ ପୂର୍ଣ୍ଣ ଆଚାର୍ଯ୍ୟ ଆସିକା: ଗଞ୍ଜାମ ଜିଲ୍ଲା ଆସିକା କଳିଙ୍ଗ ରୋଡ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ବିଭାଗ ଓ ସମ୍ଭାଗ ସ୍ତରୀୟ ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଏହି ବିଭାଗ ଓ ସମ୍ଭାଗ ସ୍ତରୀୟ ଜ୍ଞାନ ବିଜ୍ଞା ମେଳା ଦୁଇ ଦିନ ଧରି ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ଆସିକା ଗୋଷ୍ଠୀ ଶିକ୍ଷା ଅଧିକାରୀ ମୁନରାଣି ମହାନ୍ତି ଯୋଗ ଦେଇ ଜ୍ଞାନ ବିଜ୍ଞାନ ମେଳାକୁ ଉଦଘାଟନ କରିଥିବା ବେଳେ ମୁ୍ଖ୍ୟବକ୍ତା ରୁପେ ଆସିକା ବିଜ୍ଞାନ ମହାବିଦ୍ୟାଳୟ ରାସାୟନିକ ବିଜ୍ଞାନ ଅଧ୍ୟାପକ ସୁରଜ କୁମାର ପାଣିଗ୍ରାହି, ସମ୍ମାନୀୟ ଅତିଥୀ ରୁପେ ବିଦ୍ୟାଳୟ ପରିଚାଳନା ସଭାପତି ସୁବାଷ ଚନ୍ଦ୍ର ସେନାପତି, ସମ୍ପାଦକ ପ୍ରସନ୍ନ କୁମାର ପ୍ରଧାନ, ଓଡିଶା ଶିକ୍ଷା ବିକାଶ ସମିତି ଦକ୍ଷିଣ-ପୂର୍ବ ସମ୍ଭାଗ ବିଭାଗ ସଂଯୋଜକ ପ୍ରକାଶ ଚନ୍ଦ୍ର ତ୍ରିପାଠୀ, ଦକ୍ଷିଣ-ପୂର୍ବ ସମ୍ଭାଗ ବିଭାଗ ସହନିରୀକ୍ଷକ ପଦ୍ମନାଭ ସାମଲ, ଆସିକା ସରସ୍ୱତୀ ଶିଶୁ ବିଦ୍ୟା ମନ୍ଦିର ପ୍ରଧାନ ଆଚାର୍ଯ୍ୟ…
କୁଜଙ୍ଗ: କୁଜଙ୍ଗ ବ୍ଳକ ସାଇଲୋ ଠାରେ ଆଜି ବ୍ଳକ ସ୍ତରୀୟ ଉଦ୍ୟାନ କୃଷୀ ସମ୍ପର୍କୀତ କର୍ମଶାଳା ଅନୁଷ୍ଠିତ ହୋଇ ଯାଇଛି। ଦକ୍ଷତା ବିକାଶ ଓ ପ୍ରଶିକ୍ଷଣ ମିଶନ ଯୋଜନା ଯୋଜନାରେ ଅନୁଷ୍ଠିତ ହୋଇଥିବା ଏହି କର୍ମଶାଳାରେ ଉଦ୍ୟାନ କୃଷୀ ବିଭାଗର ଅତିରିକ୍ତ ଉଦ୍ୟାନ କୃଷୀ ଅଧିକାରୀ ଉଷାରାଣୀ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା କର୍ମଶାଳାରେ ବୈଜ୍ଞାନିକ ଡକ୍ଟର ଦ୍ୱାରିକା ମୋହନ ଦାସ, ମୂର୍ତ୍ତିକା ସରଂକ୍ଷଣ ବିଭାଗର ବୈଜ୍ଞାନିକ ପ୍ରଦୀପ୍ତ ମାଝୀ, ଡକ୍ତର ଦେବାଶୀଷ ପଣ୍ଡା, କୃଷୀ ଅଧିକାରୀ ପ୍ରଦୋଷ ବେହେରା, ଜ୍ୟୋତ୍ସ୍ନାରାଣୀ ମନ୍ତ୍ରୀ, ସ୍ଥାନୀୟ ସରପଂଚ ସରୋଜ କୁମାର ସେଠୀ, ସମିତିସଭ୍ୟା ମନୀଷାରାଣୀ ମଲ୍ଲ ପ୍ରମୁଖ ଅଂଶ ଗ୍ରହଣ କରିଥିଲେ। ଏହି ଅବସରରେ ସ୍ଥାନୀୟ ଅଂଚଳର ମହିଳା ସ୍ୱୟଂ ସହାୟିକା ଦଳର ସଦସ୍ୟା ମାନେ ବହୁ ସଙ୍ଖ୍ୟାରେ ଉପସ୍ଥିତ ଥିଲେ।
ନୂଆଦିଲ୍ଲୀ: ରୁଷିଆର ଲୁନା-୨୫ ମହାକାଶଯାନରେ ଶନିବାର ବୈଷୟିକ ତ୍ରୁଟି ଦେଖାଦେଇଛି। ଅବତରଣ ପୂର୍ବରୁ କକ୍ଷପଥ ପରିବର୍ତ୍ତନ ବେଳେ ଜରୁରୀ କାଳୀନ ପରିସ୍ଥିତି ସୃଷ୍ଟି ହୋଇଥିଲା। ମହାକାଶ ଯାନ କକ୍ଷପଥକୁ ଠିକ୍ ଭାବେ ପରିବର୍ତ୍ତନ କରିପାରିନଥିଲା। ରୁଷ୍ର ମହାକାଶ ଏଜେନ୍ସି ଟିମ୍ ଏବେ ପରିସ୍ଥିତିର ସମୀକ୍ଷା କରୁଛି। ଅଗଷ୍ଟ ୨୧ତାରିଖରେ ଲୁନା ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବାର କାର୍ଯ୍ୟକ୍ରମ ରହିଛି। ରୁଷିଆର ମହାକାଶ ଏଜେନ୍ସି ରୋସ୍କୋସମୋସ୍ କହିଛି ଯେ ଲୁନା-୨୫ର ଉଡ଼ାଣ କାର୍ଯ୍ୟକ୍ରମ ଅନୁଯାୟୀ ମହାକାଶଯାନକୁ ଅବତରଣ ପୂର୍ବରୁ କକ୍ଷପଥରେ ପ୍ରବେଶ କରିବାକୁ କମାଣ୍ଡ ଦିଆଯାଇଥିଲା। ଭାରତୀୟ ସମୟ ଅନୁଯାୟୀ ଶନିବାର ଅପରାହ୍ନ ସାଢ଼େ ୪ଟାରେ ଏହି କମାଣ୍ଡ ଦିଆଯାଇଥିଲା। ଏହି ସମୟରେ ନିର୍ଦ୍ଧାରିତ ପାରାମିଟର ଅନୁଯାୟୀ ମହାକାଶଯାନ ଥ୍ରଷ୍ଟରକୁ ଗୁଳି କରିନପାରିବାରୁ ଲୁନାରେ ଏକ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଥିଲା। ଲୁନା-୨୫ ଅଗଷ୍ଟ ୧୧ରେ ଲଞ୍ଚ ହୋଇଥିଲା ଲୁନା-୨୫ ମହାକାଶଯାନକୁ ଅଗଷ୍ଟ ୧୧ ତାରିଖରେ ସୋୟୁଜ ୨.୧ବି ରକେଟରେ ଭୋଷ୍ଟୋନି…
ନୂଆଦିଲ୍ଲୀ: ଶନିବାର-ରବିବାର ମଧ୍ୟରାତ୍ରିରେ ଚନ୍ଦ୍ରଯାନ-୩ର ଦ୍ୱିତୀୟ ତଥା ଅନ୍ତିମ ଉଡ଼ାଣ କାର୍ଯ୍ୟ ପୂର୍ବାହ୍ନ ୧ଟା ୫୦ରେ ଶେଷ ହୋଇଛି। ଏହି ଅପରେସନ ପରେ ଚନ୍ଦ୍ରଠାରୁ ଲ୍ୟାଣ୍ଡରର ସର୍ବନିମ୍ନ ଦୂରତା ୨୫ କିଲୋମିଟର ଏବଂ ସର୍ବାଧିକ ଦୂରତା ୧୩୪ କିଲୋମିଟର ରହିଛି। ଡିବଷ୍ଟିଂରେ ମହାକାଶଯାନର ବେଗ ମନ୍ଥର ହୋଇଯାଏ। ଇସ୍ରୋ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ (ଟ୍ୱିଟର)ରେ ଏକ ପୋଷ୍ଟରେ କହିଛି ଯେ ଲ୍ୟାଣ୍ଡରର ବର୍ତ୍ତମାନ ଆଭ୍ୟନ୍ତରୀଣ ତଦନ୍ତ ହେବ ଏବଂ ଅବତରଣ ସ୍ଥଳରେ ସୂର୍ଯ୍ୟ ଉଦୟ ହେବା ପର୍ଯ୍ୟନ୍ତ ଅପେକ୍ଷା କରିବ। ଅଗଷ୍ଟ ୨୩ ତାରିଖ ଅପରାହ୍ନ ୫ଟା ୪୫ମିନିଟରେ ସର୍ବନିମ୍ନ ଦୂରତା ଅର୍ଥାତ୍ ୨୫ କିଲୋମିଟର ଉଚ୍ଚତାରୁ ସଫ୍ଟ ଲ୍ୟାଣ୍ଡିଂ କରିବାକୁ ଚେଷ୍ଟା କରାଯିବ। ପ୍ରଜ୍ଞାନ ରୋଭର ଚନ୍ଦ୍ରରେ ଅଶୋକ ସ୍ତମ୍ଭର ଛାପ ଛାଡ଼ିବ ଚନ୍ଦ୍ରଯାନ-୧ ଓ ଚନ୍ଦ୍ରଯାନ-୨ ମିଶନର ପ୍ରକଳ୍ପ ନିର୍ଦ୍ଦେଶକ ଥିବା ଏମ୍ ଆନ୍ନାଦୁରାଇଙ୍କ କହିବାନୁଯାୟୀ, ଅଗଷ୍ଟ ୨୩ ତାରିଖ ସନ୍ଧ୍ୟାରେ ଚନ୍ଦ୍ରଯାନ-୩ ଲ୍ୟାଣ୍ଡରକୁ ୨୫ କିଲୋମିଟର…
କୁଜଙ୍ଗ: ପାରାଦୀପର ଉପକଣ୍ଠ ଦୋଛକିଠାରେ ଆଜି କୁଜଙ୍ଗ ଅଂଚଳର ସ୍ୱେଛାସେବୀ ସାପ ଧରାଳୀ ପ୍ରଭାତ ବେହେରା ଏକ ୮ ଫୁଟର ନାଗ ସାପ ଉଧାର କରିଥିବା ଜଣାପଡ଼ିଛି। ସ୍ଥାନୀୟ ଏକ ମୋଟର ଗ୍ୟାରେଜ ଘରେ ଏହି ଏହି ନାଗଟି ରହିଥିଲା। ଗ୍ୟାରେଜର କର୍ମଚାରୀମାନେ ସେଠାକୁ ଯିବାବେଳେ ସାପର ଗର୍ଜ୍ଜନ ଶୁଣା ଯାଇଥିଲା। ଫଳରେ ସାଙ୍ଗେସାଙ୍ଗେ କୁଜଙ୍ଗ ଅଂଚଳର ସାପ ଧରାଳୀ ପ୍ରଭାତଙ୍କୁ ସୂଚନା ପ୍ରଦାନ କରାଯାଇଥିଲା। ପ୍ରଭାତ ତୁରନ୍ତ ସେଠାରେ ପହଂଚି ଏହି ସାପକୁ ଉଧାର କରିଥିଲେ। ପରେ ନିକଟସ୍ଥ ଜଙ୍ଗଲରେ ଏହି ସାପଟିକୁ ଛାଡି ଦିଆଯାଇଥିବା ଜଣାପଡ଼ିଛି।
କୁଜଙ୍ଗ: ଆଜି ପୁରୀ ଜିଲ୍ଲା ସତ୍ୟବାଦୀ ଠାରେ ୫-ଟି ସଚିବ ଭିକେ ପାଣ୍ଡିଆନଙ୍କୁ ଦୁବୃତ୍ତ କାଳିମାଡ କରିବା ଘଟଣାରେ କୁଜଙ୍ଗ ବ୍ଳକ ବିଜୁ ଯୁବ ଜନତା ଦଳ ପକ୍ଷରୁ କଡା ନିନ୍ଦା କରାଯାଇଛି। ଏହି ଘଟଣାରେ କୁଜଙ୍ଗ ବ୍ଳକ ବିଜୁ ଯୁବ ଜନତା ଦଳର ସଭାପତି ଯୁବ ସମାଜସେବୀ ଅରୁପ୍ରସାଦ ମହାନ୍ତି ତୀବ୍ର ପ୍ରତିକ୍ରିୟା ପ୍ରକାଶ କରି ଏହି କାଳୀମାଡ ଘଟଣାକୂ ତୀବ୍ର ନିନ୍ଦା କରିଛନ୍ତି। ସେ ବିଜୁ ଜନତା ଦଳର ବିକାଶର ରଥ ତୀବ୍ର ଗତିରେ ଆଗକୁ ମାଡି ଚାଲିଛି। ୫-ଟି ସଚିବ ମୁଖ୍ୟମନ୍ତ୍ରୀଙ୍କ ପ୍ରତିନିଧି ଭାବେ ରାଜ୍ୟର ବିଭିନ୍ନ ଅଂଚଳ ଗସ୍ତକରି ଲୋକମାନଙ୍କ ଆପତ୍ତି ଅଭିଯୋଗ ଶୁଣିବା ସହିତ ବିଭିନ୍ନ ବିକାଶ ମୂଳକ କାର୍ଯ୍ୟପାଇଁ ଦାବୀପତ୍ର ଗ୍ରହଣ କରୁଛନ୍ତି। ଯାହାର ଆଧାରରେ ରାଜ୍ୟରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ତ୍ୱରାନ୍ୱୀତ ହୋଇପାରିଛି। ତେବେ ଏଭଳି ବିକାଶ ମୂଳକ କାର୍ଯ୍ୟକୁ ବିରୋଧ କରିବାକୁ ଯେଉଁମାନେ ଏହି କାଳୀମାଡ ଘଟଣା କରିଛନ୍ତି…
ସୀତାରାମ ଅଗ୍ରୱାଲ ଚିଲିକା: ପୁରୀ ଲୋକସଭା ଅନ୍ତର୍ଗତ ଚିଲିକା ବିଧାନସଭା ନିର୍ବାଚନମଣ୍ଡଳୀର କାଳୁପଡାଘାଟ ରେଳଷ୍ଟେସନରେ ପ୍ରଶାନ୍ତି ଏକ୍ସପ୍ରେସ ( ଭୁବନେଶ୍ୱର – ବେଙ୍ଗାଳୁରୁ )ର ରହଣି ଆଜିଠୁ ଆରମ୍ଭ ହେଇଛି। ଏହି ଅବସରରେ ପ୍ରଶାନ୍ତି ଏକ୍ସପ୍ରେସକୁ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର, ବରିଷ୍ଠ ନେତା ପୃଥିବୀରାଜ ହରିଚନ୍ଦନ ଓ ରେଳ ବିଭାଗର ବରିଷ୍ଠ ଅଧିକାରୀ ପତାକା ଦେଖେଇ କାଳୁପଡାଘାଟ ରେଲଷ୍ଟେସନରୁ ଶୁଭାରମ୍ଭ କରିଛନ୍ତି। କାଳୁପଡାଘାଟ ରେଳ ଷ୍ଟେସନରେ ରଣପୁର ଓ ଚିଲିକା ଅଞ୍ଚଳର ସାଧାରଣ ଜନତା ନିଜ ଗମନାଗମନ ପାଇଁ ନିର୍ଭର କିନ୍ତୁ ଏହି ଷ୍ଟେସନରେ ଅନେକ ଏକ୍ସପ୍ରେସ ଟ୍ରେନ ରହୁ ନ’ ଥିବା କାରଣରୁ ସ୍ଥାନୀୟ ଜନତା ଅନେକ ସମସ୍ୟା ଦେଇ ଗତିରୁଥିଲେ ଓ ଏକ୍ସପ୍ରେସ ଟ୍ରେନ ପାଇଁ ପୁରୀ ଓ ଖୋର୍ଦ୍ଧା ରୋଡ଼ ରେଳଷ୍ଟେସନରେ ନିର୍ଭର କରୁଥିଲେ। ସ୍ଥାନୀୟ ଜନତାଙ୍କ ଏହି ସମସ୍ୟା ବିଷୟରେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତାଙ୍କ ଦ୍ଵାରା ସମ୍ବିତ ପାତ୍ର…
କୁଜଙ୍ଗ: ଆଜି କୁଜଙ୍ଗ ଥାନା ଅଂଚଳ ବାଲିତୁଠ ଓ ହଂସୁରା ପଂଚାୟତରେ ପୃଥକ ପୃଥକ ମାମଲାରେ ୪ ଜଣ ଗିରଫ ହୋଇଥିବା ଜଣାପଡ଼ିଛି। ଏହି ଦୁଇଟି ଘଟଣାରେ ବିଭିନ୍ନ ଦଫାରେ ଦୁଇଟି ମାମଲା ରୁଜୁ କରାଯାଇଥିବା କୁଜଙ୍ଗ ଥାନା ଅଧିକାରୀ ରଶ୍ମୀରଞ୍ଜନ ଦାଶ ପ୍ରକାଶ କରିଛନ୍ତି। ଘଟଣାରୁ ପ୍ରକାଶଯେ, କୁଜଙ୍ଗ ଥାନା ବାଲିତୁଠ ପଂଚାୟତର ଗଣ୍ଡମୁଣ୍ଡ ଗ୍ରାମର ଜନୈକ ଯୁବତୀଙ୍କୁ କୁଜଙ୍ଗ ଥାନା ଗୋପିଆକୁଦ ପଂଚାୟତର ବାଲିସାହୀ ଗ୍ରାମର ବାବୁ ମାଝୀ ଏକ ତରଫା ଭାବେ ପ୍ରେମ ନିବେଦନ କରିଆସୁଥିଲେ। ଯୁବତୀ ଜଣକ ତାଙ୍କର ଏହି ଜୁଲମକୁ ବରଦାସ୍ତ କରିଆସୁଥିଲେ। ତେବେ ଅତ୍ୟନ୍ତ ଗରୀବ ଓ ଅସହାୟ ପରିବାରର ହୋଇଥିବାରୁ ତାଙ୍କ ବିରୋଧରେ କୌଣସି ପଦକ୍ଷେପ ଗ୍ରହଣ କରିବାକୁ ସହାସ ଜୁଟାଇ ପାରୁନଥିଲେ। ମାତ୍ର ଗତକାଲି ପୂର୍ବାହ୍ନ ୧୧ଟା ସମୟରେ ଅଭିଯୁକ୍ତ ବାବୁ ତାଙ୍କର ଭାଇ ବିକ୍ରମ ମାଝୀ ଓ ଭିଣୋଇ ଶିଶିର ବେହେରାଙ୍କ ସହିତ ତାଙ୍କ ଘରକୁ ଯାଇ ତାଙ୍କୁ…
ଭୁବନେଶ୍ଵର: ପୁରୀ-ପାଟନା-ପୁରୀ ସ୍ପେଶାଲ ଏବଂ ଭୁବନେଶ୍ୱର-ଧାନବାଦ-ଭୁବନେଶ୍ୱର ଏକ୍ସପ୍ରେସର ସେବାକୁ ଅକ୍ଟୋବର 2023 ର ଶେଷ ସପ୍ତାହ ପର୍ଯ୍ୟନ୍ତ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ଯାତ୍ରୀ ସଂରଚନା ପରିଚାଳନା ସମୀକ୍ଷା କରିବା ସହିତ ଯାତ୍ରୀ ମାନଙ୍କ ଦାବିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ଶନିବାର ଦିନ ପୁରୀରୁ ଛାଡୁଥିବା 08439 ପୁରୀ-ପାଟନା ସ୍ପେଶାଲ୍ ଚଳାଚଳ ସେବାକୁ 28 ଅକ୍ଟୋବର 2023 ପର୍ଯ୍ୟନ୍ତ ବୃଦ୍ଧି କରାଯାଇଛି। ଫେରିବା ମାର୍ଗରେ ରବିବାର ଦିନ ପାଟନାରୁ ଛାଡୁଥିବା 08440 ପାଟନା-ପୁରୀ ସ୍ପେଶାଲ ଚଳାଚଳ ସେବାକୁ 29 ଅକ୍ଟୋବର 2023 ପର୍ଯ୍ୟନ୍ତ ବୃଦ୍ଧି କରାଯାଇଛି। ସେହିଭଳି ଭୁବନେଶ୍ୱରରୁ ପ୍ରତିଦିନ ଛାଡୁଥିବା 02832 ଭୁବନେଶ୍ୱର-ଧାନବାଦ ସ୍ପେଶାଲ ଚଳାଚଳ ସେବାକୁ 31 ଅକ୍ଟୋବର 2023 ପର୍ଯ୍ୟନ୍ତ ବୃଦ୍ଧି କରାଯାଇଥିବାବେଳେ ଫେରିବା ମାର୍ଗରେ ଧାନବାଦରୁ ଛାଡୁଥିବା 02831 ଧାନବାଦ-ଭୁବନେଶ୍ୱର ସ୍ପେଶାଲ୍ ଚଳାଚଳ ସେବାକୁ 1 ନଭେମ୍ବର 2023 ପର୍ଯ୍ୟନ୍ତ ବୃଦ୍ଧି କରାଯାଇଅଛି। ଉପରୋକ୍ତ ଟ୍ରେନ୍ ଦ୍ବୟ ପାଇଁ ନିର୍ଦ୍ଧାରିତ ସମୟ ସାରଣୀ…