Author: Samikhsya Bureau

ଲକ୍ଷ୍ନୌ: ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ପ୍ରଧାନମନ୍ତ୍ରୀ ପ୍ରାର୍ଥୀ ନା ପ୍ରତିଦ୍ୱନ୍ଦ୍ୱୀ? ୟୁପି ରାଜନୀତିରେ ଏହି ପ୍ରଶ୍ନ କ୍ରମାଗତ ଭାବେ ଉଠୁଛି। ଯେତେବେଳେ ଅଖିଳେଶ ଯାଦବଙ୍କୁ ପ୍ରଧାନମନ୍ତ୍ରୀ ପଦ ପ୍ରସଙ୍ଗରେ ପଚରାଯାଇଥିଲା, ସେ ଏକ ବଡ଼ କଥା କହିଥିଲେ। ଆମେ ରାଜ୍ୟସ୍ତରରେ ଆମ ଦଳ ଚଳାଉଛୁ। ରାଜ୍ୟରେ ଆମର ପରିସର ସୀମିତ। ଏହି ଉତ୍ତର ମାଧ୍ୟମରେ ସେ ପ୍ରଧାନମନ୍ତ୍ରୀ ପଦ ପାଇଁ ଦାବି ଉପରେ ନିଜର ଆଭିମୁଖ୍ୟ ସ୍ପଷ୍ଟ କରିଛନ୍ତି। ସେମାନେ ନିଜକୁ ପ୍ରଧାନମନ୍ତ୍ରୀ ପଦ ପାଇଁ ଦୌଡ଼ରୁ ଅଲଗା ଭାବରେ ଦେଖୁଛନ୍ତି। ତେବେ ୨୦୨୪ ଲୋକସଭା ନିର୍ବାଚନରେ ସାମିଲ ହେବା ପରେ ସେ ଏକ ବଡ଼ ସୂଚନା ଦେଇଛନ୍ତି। ନିର୍ବାଚନ ଲଢ଼ିବାକୁ ହେବ ବୋଲି ସେ ସ୍ପଷ୍ଟ କରିଛନ୍ତି। ଏଭଳି ସ୍ଥିତିରେ ଦଳ ନିଷ୍ପତ୍ତି ନେବ ଯେ ସେମାନଙ୍କୁ କେଉଁଠୁ ନିର୍ବାଚନ ଲଢ଼ିବାକୁ ପଡ଼ିବ। ବାସ୍ତବରେ କନୌଜ ଲୋକସଭା ଆସନରୁ ଅଖିଳେଶ ଯାଦବଙ୍କ ପ୍ରାର୍ଥୀତ୍ୱକୁ ନେଇ ଲଗାତାର ଚର୍ଚ୍ଚା…

ଖୋର୍ଦ୍ଧା: ଆସନ୍ତା ୨୨ ତାରିଖରେ ୫-ଟି ସଚିବ ଭିକେ ପାଣ୍ଡିଆନ ଖୋର୍ଦ୍ଧା ଜିଲ୍ଲା ଗସ୍ତରେ ଆସିବେ। ଏଥି ନିମନ୍ତେ ଚାଲିଛି ଜୋରଦାର ପ୍ରସ୍ତୁତି। ତେବେ ୨୨ ତାରିଖରେ ପାଣ୍ଡିଆନ ଖୋର୍ଦ୍ଧା, ବେଗୁନିଆ ଓ ଚିଲିକା ନିର୍ବାଚନମଣ୍ଡଳି ଗସ୍ତ କରିବେ ବୋଲି ଜଣାପଡିଛି। ଉକ୍ତ ଦିନ ୫-ଟି ସଚିବ ପ୍ରଥମେ ବେଗୁନିଆ ନିର୍ବାଚନମଣ୍ଡଳି ଯାଇ ପୂର୍ବାହ୍ନ ୧୦.୧୫ ମିନିଟରୁ ୧୧.୧୫ ମିନିଟ ପର୍ଯ୍ୟନ୍ତ ବେଗୁନିଆ ସ୍ଥିତ ବିଜୁ ପଟ୍ଟନାୟକ ମିନି ଷ୍ଟାଡିଅମ ପରିସରରେ ଜନ ଅଭିଯୋଗ ଶୁଣାଣି ସଭାରେ ଯୋଗଦେବେ। ଏହାପରେ ଶ୍ରୀ ପାଣ୍ଡିଆନ ଖୋର୍ଦ୍ଧା ନିର୍ବାଚନମଣ୍ଡଳୀ ପହଞ୍ଚି ପୂର୍ବାହ୍ନ ୧୧.୪୫ ମିନିଟରୁ ଅପରାହ୍ନ ୧୨.୪୫ ମିନିଟ ପର୍ଯ୍ୟନ୍ତ ଖୋର୍ଦ୍ଧା ହାବେଳୀ ପଡିଆରେ ଜନ ଅଭିଯୋଗ ଶୁଣାଣି ସଭାରେ ଯୋଗଦେବେ। ଏହାପରେ ସେ ଅପରାହ୍ନ ୧୨.୫୫ ମିନିଟରୁ ୧.୪୫ ମିନିଟ ପର୍ଯ୍ୟନ୍ତ ଖୋର୍ଦ୍ଧା ବ୍ଲକ କାର୍ଯ୍ୟାଳୟ ପରିସରରେ ଉପସ୍ଥିତ ରହି ମିଶନ ଶକ୍ତି କାଫେ ପରିଦର୍ଶନ କରିବା ସହ ବିଭିନ୍ନ ସ୍ୱୟଂ ସହାୟିକା…

ନୂଆଦିଲ୍ଲୀ: ଇଣ୍ଡିଆ ମେଣ୍ଟରେ ଉଭୟ ଆପ୍ ଏବଂ କଂଗ୍ରେସ ସାମିଲ ଅଛନ୍ତି। ଏବେ ଏହି ମେଣ୍ଟର ପରବର୍ତ୍ତୀ ବୈଠକ ଅଗଷ୍ଟ ୩୧ ଓ ସେପ୍ଟେମ୍ବର ୧ରେ ମୁମ୍ବାଇରେ ହେବାକୁ ଯାଉଛି। କିନ୍ତୁ ଏହା ପୂର୍ବରୁ କେଜ୍ରିୱାଲଙ୍କ ଦଳ ଏମିତି କିଛି ଘୋଷଣା କରିଛି ଯାହା କଂଗ୍ରେସ ପାଇଁ ଅତ୍ୟନ୍ତ ଆଶ୍ଚର୍ଯ୍ୟଜନକ। ଦିଲ୍ଲୀ ଓ ପଞ୍ଜାବରେ କଂଗ୍ରେସକୁ ହରାଇଥିବା ଆମ୍ ଆଦମୀ ପାର୍ଟି (ଆପ୍) ଏବେ ରାଜସ୍ଥାନ, ଛତିଶଗଡ଼ ଓ ମଧ୍ୟପ୍ରଦେଶ ବିଧାନସଭା ନିର୍ବାଚନରେ ସମସ୍ତ ଆସନରେ ଏକାକୀ ଲଢ଼ିବାକୁ ଘୋଷଣା କରିଛି। ଦଳ ମଧ୍ୟ ଖୁବଶୀଘ୍ର ପ୍ରାର୍ଥୀ ଘୋଷଣା କରିବାକୁ ଯାଉଛି। କଂଗ୍ରେସ ଓ ବିଜେପି ମଧ୍ୟରେ ସିଧାସଳଖ ଲଢ଼େଇ ଥିବା ରାଜ୍ୟରେ ତୃତୀୟ ଶକ୍ତିର ପ୍ରବେଶ ରାଜନୈତିକ ସମୀକରଣକୁ ବଦଳାଇ ଦେଇପାରେ। ଗୁଜରାଟ ନିର୍ବାଚନରେ ଏହା ଦେଖିବାକୁ ମିଳିଛି। ଆପ୍ ସମସ୍ତ ଆସନରେ ଲଢ଼ିବା କଂଗ୍ରେସ ପାଇଁ ଚିନ୍ତାର ବିଷୟ ହୋଇପାରେ କାରଣ ଦିଲ୍ଲୀ, ପଞ୍ଜାବ ଏବଂ ଗୋଆରେ ଦେଖିବାକୁ…

ନୂଆଦିଲ୍ଲୀ: ସଙ୍କଟରେ ପଡ଼ିଛି ଚୀନର ଅର୍ଥନୀତି। ଜିଡିପି ହ୍ରାସ ପାଇଛି, ରପ୍ତାନି କ୍ରମାଗତଭାବେ ହ୍ରାସ ପାଉଛି, କାରଖାନାଗୁଡ଼ିକରେ ଉତ୍ପାଦନ ହ୍ରାସ ପାଉଛି, ବିଦେଶୀ ପୁଞ୍ଜିନିବେଶ ହ୍ରାସ ପାଉଛି, ବିଦେଶୀ କମ୍ପାନିଗୁଡ଼ିକ ସେମାନଙ୍କ ବ୍ୟବସାୟ ବନ୍ଦ କରୁଛନ୍ତି, ବେରୋଜଗାର ଶୀର୍ଷରେ ରହିଛି, ବ୍ୟବହାର ହ୍ରାସ ପାଉଛି ଏବଂ ରିଅଲ୍ ଇଷ୍ଟେଟ୍ କ୍ଷେତ୍ର ଠପ୍ ହୋଇଯାଇଛି। ପରିସ୍ଥିତି ଏପରି ହୋଇଛି ଯେ ଚୀନ ସରକାର ବେକାରୀ ସଂଖ୍ୟା ଦେବା ବନ୍ଦ କରିଦେଇଛନ୍ତି। ଆମେରିକା ଓ ଚୀନ ମଧ୍ୟରେ ଦିନକୁ ଦିନ ଉତ୍ତେଜନା ବଢ଼ିବାରେ ଲାଗିଛି। ବାଣିଜ୍ୟ ନୀତିଠାରୁ ଆରମ୍ଭ କରି ବୈଷୟିକ ଜ୍ଞାନକୌଶଳ ପର୍ଯ୍ୟନ୍ତ ଅନେକ ପ୍ରସଙ୍ଗରେ ବିଶ୍ୱର ଦୁଇ ବୃହତ୍ତମ ଅର୍ଥନୀତି ମଧ୍ୟରେ ଫାଟ ସୃଷ୍ଟି ହୋଇଛି। କିନ୍ତୁ ଚୀନର ଏହି ବିପଦ ଘଣ୍ଟି ଆମେରିକାରେ ଆତଙ୍କ ଖେଳାଇ ଦେଇଛି। ଗତ ସପ୍ତାହରେ ଆମେରିକା ରାଷ୍ଟ୍ରପତି ଜୋ ବାଇଡେନ୍ ଚୀନର ଉନ୍ନତ ପ୍ରଯୁକ୍ତି ଶିଳ୍ପରେ ଆମେରିକାର ପୁଞ୍ଜିନିବେଶକୁ ସୀମିତ କରିଥିଲେ। ଫଳରେ ସେମାନେ…

ପୁରୀ: ଆଜି ପୁରୀ ଗସ୍ତରେ ଥିବା 5ଟି ସଚିବ ଭିକେ ପାଣ୍ଡିଆନ ଏକ ଅଭାବନୀୟ ଘଟଣାର ସମ୍ମୁଖୀନ ହୋଇଛନ୍ତି। ସେ ସତ୍ୟବାଦୀରେ ଜନସାଧାରଣଙ୍କୁ ସାକ୍ଷାତ କରୁଥିବା ବେଳେ ସେଠାରେ ତାଙ୍କ ମୁହଁକୁ କେହି କାଳି ଫିଙ୍ଗି ଦେଇଛି। ଫଳରେ ପାଣ୍ଡିଆନ ଏବଂ ସେଠାରେ ଉପସ୍ଥିତ ଥିବା ପୁରୀ ଜିଲ୍ଲାପାଳଙ୍କ ମୁହଁରେ କାଳି ଲାଗିଥିଲା। ତେବେ ପାଣ୍ଡିଆନ ସେଠାରୁ ନ ଫେରି ସେହିପରି ଅବସ୍ଥାରେ ଲୋକଙ୍କ ସାକ୍ଷାତ କରୁଥିଲେ। ସେହି ଭିଡ ଭିତରୁ କେତେକ ମହିଳା ତାଙ୍କ ପଣତ କାନିରେ ପାଣ୍ଡିଆନଙ୍କ ମୁହଁରୁ କାଳି ପୋଛି ଦେଉଥିବାର ପରିଲକ୍ଷିତ ହୋଇଥିଲା। ଏପରିକି କେତେକ ମହିଳା କାନ୍ଦୁ ଥିବାର ମଧ୍ୟ ଦେଖାଯାଇଥିଲା। ସେହିପରି ଅନ୍ୟ କେତେକ ମହିଳା ପାଣ୍ଡିଆନଙ୍କ ହାତରେ ରାକ୍ଷୀ ବାନ୍ଧୁଥିବାର ମଧ୍ୟ ଦେଖାଯାଇଥିଲା। ତେବେ ଏପରି ପରିସ୍ଥିତିରେ ପାଣ୍ଡିଆନ ତାଙ୍କ ଗସ୍ତ କାର୍ଯ୍ୟକ୍ରମ ବାତିଲ ନ କରି ସମସ୍ତଙ୍କ ସହିତ ଆଲୋଚନା କରିଥିଲେ। ଯେଉଁମାନେ କାଳି ଫିଙ୍ଗିଥିଲେ ସେମାନଙ୍କୁ ପୋଲିସ ନିଜ…

ନୂଆଦିଲ୍ଲୀ: ରାହୁଲ ଗାନ୍ଧିଙ୍କ କଥା ଲୋକେ ବୁଝିପାରୁନାହାନ୍ତି। କଂଗ୍ରେସ ସାଂସଦଙ୍କ ଉପରେ ଏଭଳି ଆକ୍ରମଣ କରିଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ। ଏକ ଟିଭି ଚ୍ୟାନେଲ କାର୍ଯ୍ୟକ୍ରମରେ ଯୋଗଦେଇ ଗଡ଼କରୀ କହିଛନ୍ତି ଯେ ରାହୁଲ ଗାନ୍ଧି ହାସ୍ୟାସ୍ପଦ କଥା କହୁଛନ୍ତି। ସେ ରାହୁଲଙ୍କୁ ପରାମର୍ଶ ଦେଇଛନ୍ତି ଯେ ଜିନିଷଗୁଡ଼ିକୁ ଏପରି ଭାବରେ ଉପସ୍ଥାପିତ କରନ୍ତୁ ଯେପରି ଲୋକମାନେ ମଧ୍ୟ ବୁଝିପାରିବେ ଯେ ତାଙ୍କ ପାଖରେ ଶକ୍ତି ଅଛି। ଗଡ଼କରୀ କହିଛନ୍ତି ଯେ ଇଣ୍ଡିଆ ନାମକ ଏକ ମେଣ୍ଟ ଗଠନ କରିବା ପାଇଁ ବିରୋଧୀ ଦଳମାନେ ଏକାଠି ହେବା ପରେ ଅସ୍ତିତ୍ୱ ପାଇଁ ସଂଗ୍ରାମ ଲଢ଼ୁଛନ୍ତି । ବିଜେପି ଓ ଏନଡିଏ ବହୁତ ଶକ୍ତିଶାଳୀ ହୋଇଛି। ଆମେ ବିଜେପି ଏକାକୀ ସାମ୍ନା କରିପାରିବୁ ନାହିଁ… ଏହି ମାନସିକତାରେ ଏହି ଦୁର୍ବଳ ଲୋକମାନେ ଗୋଟିଏ ସ୍ଥାନରେ ଏକାଠି ହୋଇଛନ୍ତି। ଗଡ଼କରୀ କହିଛନ୍ତି ଯେ ବିରୋଧୀଙ୍କ ପୂର୍ବ ଦୋକାନ ଦେବାଳିଆ ହୋଇଯାଇଥିଲା, ଏବେ ଏଥିରେ ନୂଆ ବୋର୍ଡ…

ନୂଆଦିଲ୍ଲୀ: ବର୍ତ୍ତମାନ ଭାରତୀୟ ଗଣମାଧ୍ୟମ ଜଗତ ଏକ ଅଭାବନୀୟ ପରିସ୍ଥିତି ଦେଇ ଗତି କରିବାରେ ଲାଗିଛି। ବିଭିନ୍ନ ମିଡିଆ କଂପାନୀ ବର୍ତ୍ତମାନ ସାମ୍ବାଦିକମାନଙ୍କୁ ଛଟେଇ କରିବାରେ ଲାଗିଛି। ସେହି ପରିପ୍ରେକ୍ଷୀରେ ଦେଶର ବୃହତ ମିଡିଆ କଂପାନୀ ଟାଇମସ ଅଫ ଇଣ୍ଡିଆ ଗ୍ରୁପର ଡିଜିଟାଲ ୱଇଙ୍ଗିରୁ କର୍ମଚାରୀ ଛଟେଇ କରାଯାଇଛି। ଇ4ଏମ ତଥ୍ୟ ଅନୁସାରେ ଟାଇମସ ଇଣ୍ଟରନେଟରେ କାମ କରୁଥିବା ପ୍ରାୟ ୨୦୦ ସାମ୍ବାଦିକ ଓ କର୍ମଚାରଙ୍କୁ ଚାକିରୀ ଛାଡିବା ପାଇଁ ନୋଟିସ ପଠାଯାଇଛି। ଏମାନଙ୍କ ମଧ୍ୟରୁ ପ୍ରାୟ ଅର୍ଦ୍ଧାଧିକ ତୁରନ୍ତ ଛାଡିବାକୁ କୁହାଯାଇଥିବା ବେଳେ ଅନ୍ୟ କେତେକଙ୍କୁ କିଛି ଦିନ ସମୟ ଦିଆଯାଇଛି। ତେବେ ଛଟେଇ କରାଯାଇଥିବା କର୍ମଚାରୀଙ୍କୁ କଂପାନୀ ନିୟମ ଅନୁସାରେ କ୍ଷତିପୂରଣ ଦିଆଯାଇଛି। ହେଲେ କଂପାନୀର ଏପରି ପଦକ୍ଷେପକୁ ବିଭିନ୍ନ ମହଲରେ ନିନ୍ଦା କରାଯାଇଛି।

ନୂଆଦିଲ୍ଲୀ: ସୋସିଆଲ ମିଡ଼ିଆରେ ଅଶ୍ଳୀଳ ଓ ଅପମାନଜନକ ପୋଷ୍ଟ କରିବା ନେଇ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ଏକ ମାମଲାର ଶୁଣାଣିବେଳେ ସର୍ବୋଚ୍ଚ ନ୍ୟାୟାଳୟ କହିଛନ୍ତି ଯେ କୌଣସି ପ୍ରକାର ଅପମାନଜନକ ଏବଂ ଅଶ୍ଳୀଳ ପୋଷ୍ଟର ପରିଣାମ ଦଣ୍ଡନୀୟ ହୋଇପାରେ। ଏଥିସହ ଏଭଳି ମାମଲାରେ କେବଳ କ୍ଷମା ମାଗିବା ଅପରାଧିକ କାର୍ଯ୍ୟାନୁଷ୍ଠାନକୁ କ୍ଷମା ଦେବା ପାଇଁ ଯଥେଷ୍ଟ ହେବ ନାହିଁ। ଅଭିନେତା ତଥା ତାମିଲନାଡୁର ପୂର୍ବତନ ବିଧାୟକ ଏସ୍ ଭି ଶେଖର ରାଓଙ୍କ ବିରୋଧରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଥିବା ମାମଲାକୁ ରଦ୍ଦ କରିବାକୁ ସୁପ୍ରିମକୋର୍ଟ ମନା କରିଦେଇଛନ୍ତି। ଏହି ପୋଷ୍ଟରେ ମହିଳା ସାମ୍ବାଦିକଙ୍କ ବିରୋଧରେ ଅଶ୍ଳୀଳ ମନ୍ତବ୍ୟ ଦିଆଯାଇଥିଲା। ଅଜାଣତରେ ପୋଷ୍ଟ ସେୟାର କରାଯାଇଥିଲା ବୋଲି ଓକିଲ କହିଛନ୍ତି ୭୨ ବର୍ଷୀୟ ଅଭିନେତାଙ୍କ ଆବେଦନକୁ କୋର୍ଟ ଖାରଜ କରିଦେଇଛନ୍ତି। ଶେଖର ଏକ ଫେସବୁକ୍ ପୋଷ୍ଟ ସେୟାର କରିବା ପରେ ତାମିଲନାଡୁରେ ତାଙ୍କ ବିରୋଧରେ ଅନେକ ମାମଲା…

ନୂଆଦିଲ୍ଲୀ: ଦେଶରେ ସହମତିକ୍ରମେ ଯୌନ ସମ୍ପର୍କକୁ ଅପରାଧମୁକ୍ତ କରିବା ପାଇଁ ରୋମିଓ-ଜୁଲିଏଟ୍ ଆକ୍ଟ ଆବେଦନ ଉପରେ ସୁପ୍ରିମକୋର୍ଟ ଆଜି କେନ୍ଦ୍ର ସରକାରଙ୍କୁ ଜବାବ ମାଗିଛନ୍ତି। ଏ ନେଇ ସର୍ବୋଚ୍ଚ ନ୍ୟାୟାଳୟରେ ଏକ ଜନସ୍ୱାର୍ଥ ମାମଲା ରୁଜୁ ହୋଇଛି। ପିଟିସନରେ ଦାବି କରାଯାଇଛି ଯେ ୧୮ ବର୍ଷରୁ କମ୍ ବୟସର ଲକ୍ଷ ଲକ୍ଷ ଝିଅ ଏବଂ ୧୮ ବର୍ଷରୁ ଅଧିକ ବୟସର ପୁଅ ସହମତିକ୍ରମେ ଶାରୀରିକ ସମ୍ପର୍କ ରଖିଥାନ୍ତି, କିନ୍ତୁ ଜଣେ ପୁଅକୁ ଗିରଫ କରାଯାଏ। ଝିଅ ଗର୍ଭବତୀ ହେଲେ ଦୁଷ୍କର୍ମ ହୋଇଥାଏ। ଏନେଇ ତାଙ୍କ ପିତାମାତା ଥାନାରେ ଅଭିଯୋଗ କରିଥାନ୍ତି। କ’ଣ କହୁଛି ପୋକ୍ସୋ ଆଇନ ଯୌନ ଅପରାଧରୁ ଶିଶୁ ସୁରକ୍ଷା ଆଇନ, ୨୦୧୨ ଅନୁଯାୟୀ ୧୮ ବର୍ଷରୁ କମ୍ ବୟସର ଶିଶୁଙ୍କ ସହମତି ନଗଣ୍ୟ। ଯଦି କୌଣସି ବ୍ୟକ୍ତି ଏଭଳି ଯୁବକଙ୍କ ସହ ଶାରୀରିକ ସମ୍ପର୍କ ରଖିବାକୁ ଚେଷ୍ଟା କରିବେ ସେ ଯୌନ ନିର୍ଯାତନା ପାଇଁ ଦୋଷୀ ସାବ୍ୟସ୍ତ ହେବେ।…

ଭୁବନେଶ୍ବର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟକ ୪୧୨ ଜଣଙ୍କୁ ନିଯୁକ୍ତି ପ୍ରଦାନ କରିବେ। ରାଜ୍ୟ ଲୋକସେବା ଭବନ ପ୍ରେକ୍ଷାଳୟରେ ଆୟୋଜିତ ଓଡିଶା ନିଯୁକ୍ତି ପର୍ବରେ ଏହି ନିଯୁକ୍ତି ପତ୍ର ପ୍ରଦାନ କରାଯିବ। ଏହି ସମସ୍ତ ନବନିଯୁକ୍ତ ଅଫିସରମାନେ ଓଡିଶା ଶକ୍ତି ବିଭାଗରେ କାର୍ଯ୍ୟ କରିବେ। ତେବେ ମୋଟ ୪୧୨ ଜଣଙ୍କ ମଧ୍ୟରୁ ୧୬୧ ଜଣ ଇଲେଟ୍ରିକାଲ ଇଂଜିନିୟର, ୫୪ କାର‌୍ୟ୍ୟାଳୟ ସହାୟକ, ୧୯୭ ଇଲେଟ୍ରିକାଲ ଟେକନସିଆନ ଭାବେ ନିଯୁକ୍ତି ପାଇବେ। ପୂର୍ବରୁ ରାଜ୍ୟ ସରକାର ବିଭିନ୍ନ ବିଭାଗର ନୂଆ ଅଧିକାରୀଙ୍କୁ ଏହି ନିଯୁକ୍ତି ପର୍ବ ମାଧ୍ୟମରେ ଚାକିରୀ ଦେଇ ଆସୁଛନ୍ତି।

ନୂଆଦିଲ୍ଲୀ: କର୍କଟ ଆମ ଶରୀର ପାଇଁ କେତେ ମାରାତ୍ମକ ତାହା ଆମେ ସମସ୍ତେ ଜାଣୁ। ଏହା ରୋଗୀ ତଥା ପୂରା ପରିବାର ପାଇଁ ଅକଥନୀୟ ଯନ୍ତ୍ରଣା ଭଳି। ଏହି କ୍ରମରେ ଦିଲ୍ଲୀ ଏମ୍ସ ହସ୍ପିଟାଲଦ୍ୱାରା କର୍କଟ ରୋଗ ଉପରେ କରାଯାଇଥିବା ଅଧ୍ୟୟନ ଚିନ୍ତା ବଢ଼ାଇ ଦେଇଛି। ରାଜଧାନୀ ଦିଲ୍ଲୀର ପୁରୁଷ ଓ ମହିଳାଙ୍କ ଉପରେ ଏମ୍ସ ଏହି ଅଧ୍ୟୟନ କରିଛି। ଏହି ଗବେଷଣାରୁ ଜଣାପଡ଼ିଛି ଯେ ସହରରେ ୪୦ ବର୍ଷରୁ କମ୍ ବୟସର ୩୦ ପ୍ରତିଶତ ମହିଳାଙ୍କଠାରେ ସ୍ତନ କର୍କଟ ରୋଗ ଅଧିକ ରହିଛି। ସେହିପରି ପୁରୁଷମାନେ ଫୁସଫୁସ କର୍କଟ ରୋଗରେ ସବୁଠାରୁ ଅଧିକ ପୀଡ଼ିତ ହେଉଛନ୍ତି। ପରିସଂଖ୍ୟାନ କ’ଣ କହୁଛି ଏମ୍ସ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ, ୨୦୧୫ରେ ୩୫ ଜଣ ମହିଳାସ୍ତନ କର୍କଟରେ ପୀଡ଼ିତ ଥିବାବେଳେ ୧ ଲକ୍ଷ ଲୋକଙ୍କ ମଧ୍ୟରୁ ୧୭ ଜଣ ପୁରୁଷଙ୍କୁ ଫୁସଫୁସ କର୍କଟ ହୋଇଥିଲା। ସାତ ବର୍ଷ ମଧ୍ୟରେ ସ୍ତନ କର୍କଟ ରୋଗୀଙ୍କ…

ଭୁବନେଶ୍ୱର: ଜେନେରିକ ଔଷଧ ଲେଖିବାକୁ ନେଇ ଏବେ ଦେଶର ଡାକ୍ତରୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହି ବିତର୍କର କାରଣ ହେଉଛି ନ୍ୟାସନାଲ ମେଡିକାଲ କମିଶନଙ୍କ ଦ୍ୱାରା ଡାକ୍ତରମାନଙ୍କ ପାଇଁ ନୂଆ ନୈତିକତା କୋଡ୍ ଲାଗୁ ହେବାକୁ ଯାଉଛି। ଡାକ୍ତରମାନେ ବ୍ରାଣ୍ଡେଡ୍ ଔଷଧ ପରିବର୍ତ୍ତେ ଜେନେରିକ୍ ଔଷଧ ଲେଖିବା ଉଚିତ ବୋଲି କୋଡରେ କୁହାଯାଇଛି। ଡାକ୍ତରମାନେ ଏହାକୁ ବିରୋଧ କରୁଛନ୍ତି। ଇଣ୍ଡିଆନ ମେଡିକାଲ ଆସୋସିଏସନ (ଆଇଏମଏ) ଏନଏମସି ଉପରେ ବର୍ଷିଛି। ଏହାଦ୍ୱାରା ନିମ୍ନମାନର ଔଷଧକୁ ପ୍ରୋତ୍ସାହନ ମିଳିବ ବୋଲି ଆଇଏମଏ ଦାବି କରିଛି। ଏହି ବିତର୍କ କେବଳ ବୈଷୟିକ କିମ୍ବା ଆଭ୍ୟନ୍ତରୀଣ ନୁହେଁ। ଏହା ସମସ୍ତଙ୍କୁ ପ୍ରଭାବିତ କରିଥାଏ। ଔଷଧର ଗୁଣବତ୍ତା ଓ ମୂଲ୍ୟ ନିତିଦିନିଆ କଥା, କିନ୍ତୁ ପ୍ରଥମେ ଅନ୍ୟ କିଛି ଜିନିଷ ମଧ୍ୟ ଜରୁରୀ। ହଠାତ୍ କାହିଁକି ଏହି ପ୍ରସଙ୍ଗ ବିବାଦୀୟ ପାଲଟିଗଲା? ୨୦୦୨ ମେଡ଼ିକାଲ କାଉନସିଲ ଅଫ୍ ଇଣ୍ଡିଆ କୋଡ଼ରେ ଉଲ୍ଲେଖ ରହିଛି ଯେ ଡାକ୍ତରମାନେ…

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନରେ ବିଜେପି ରାଜ୍ୟର ସମସ୍ତ ୭ଟି ଲୋକସଭା ଆସନ ହରାଇବାକୁ ଯାଉଛି ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦାବି କରିଛନ୍ତି। ଦିଲ୍ଲୀ ସେବା ବିଲ୍ କୁ ନେଇ କେନ୍ଦ୍ର ସରକାରଙ୍କୁ ସମାଲୋଚନା କରି ସେ କହିଛନ୍ତି ଯେ, ରାଜ୍ୟକୁ ପୂର୍ଣ୍ଣ ମାନ୍ୟତା ଦେବା ପ୍ରସଙ୍ଗରେ ଦିଲ୍ଲୀରେ ନିର୍ବାଚନ ହେବ। ନିର୍ବାଚନ ବର୍ଷ ଯେତିକି ପାଖେଇ ଆସୁଛି ଆମ୍ ଆଦମୀ ପାର୍ଟି (ଆପ୍) ଏବଂ ଭାରତୀୟ ଜନତା ପାର୍ଟି (ବିଜେପି) ନିଜର ଏଜେଣ୍ଡା ସ୍ଥିର କରୁଛନ୍ତି। ଦିଲ୍ଲୀ ଆସନକୁ ନେଇ ଇଣ୍ଡିଆ ମେଣ୍ଟରେ ସାମିଲ ଥିବା ଆପ୍ ଏବଂ କଂଗ୍ରେସ ମଧ୍ୟରେ ମଧ୍ୟ ଆଲୋଚନା ଚାଲିଛି। ତେବେ ଏବେ ଏଥିରେ ଅନେକ ସମସ୍ୟା ଫସି ରହିଛି। ତେବେ ଦିଲ୍ଲୀରେ କଂଗ୍ରେସ ଓ ଆପ୍ ଏକାଠି ନିର୍ବାଚନ ଲଢ଼ିଲେ ବିଜେପି କ୍ଷତିଗ୍ରସ୍ତ ହେବ କି? ବାସ୍ତବରେ ୨୦୧୫ରେ ବିହାରରେ ଜେଡିୟୁ ଓ ଆରଜେଡିର ମେଣ୍ଟ ଯେମିତି ଚମତ୍କାର ପ୍ରଦର୍ଶନ…

ଭୁବନେଶ୍ୱର: ଭାରତୀୟ ଜନତା ପାର୍ଟି (ବିଜେପି) ଗୁରୁବାର ମଧ୍ୟପ୍ରଦେଶ ଏବଂ ଛତିଶଗଡ଼ ପାଇଁ ୬୦ ଜଣପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ୨୦୨୪ ସାଧାରଣ ନିର୍ବାଚନ ପୂର୍ବରୁ ୫ଟି ରାଜ୍ୟ ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ, ତେଲେଙ୍ଗାନା ଓ ମିଜୋରାମରେ ବିଧାନସଭା ନିର୍ବାଚନ ହେବାକୁ ଥିବାବେଳେ ପ୍ରଥମ ୩ଟି ରାଜ୍ୟରେ ବିଜେପି ଓ କଂଗ୍ରେସ ମଧ୍ୟରେ ସିଧାସଳଖ ଲଢ଼େଇ ହେଉଥିବା ଦୃଷ୍ଟିରୁ ବିଶେଷ ଗୁରୁତ୍ୱ ରହିଛି। ହିମାଚଳ ପ୍ରଦେଶ ଏବଂ ବିଶେଷ କରି କର୍ଣ୍ଣାଟକ ବିଧାନସଭା ନିର୍ବାଚନରେ କଂଗ୍ରେସଠାରୁ ପରାଜିତ ହେବା ପରେ ବିଜେପି ଏହି ତିନି ରାଜ୍ୟରେ କୌଣସି ବିପଦ ନେବାକୁ ଚାହୁଁନାହିଁ। ବୋଧହୁଏ ସେଥିପାଇଁ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିବା ପୂର୍ବରୁ ଏହି ଦୁଇ ରାଜ୍ୟର ପ୍ରଥମ ପ୍ରାର୍ଥୀ ତାଲିକା ପ୍ରକାଶ କରି ନିର୍ବାଚନ ପ୍ରସ୍ତୁତି କ୍ଷେତ୍ରରେ ପ୍ରତିଦ୍ୱନ୍ଦ୍ୱୀଙ୍କଠାରୁ ବହୁ ଆଗରେ ଥିବା ଦର୍ଶାଇବାକୁ ଚେଷ୍ଟା କରିଛି। ରାଜସ୍ଥାନ ପ୍ରସଙ୍ଗରେ ପ୍ରାର୍ଥୀ ତାଲିକା ପ୍ରକାଶ ପାଇ ନ…

ଭୁବନେଶ୍ଵର: ଚିରାଚରିତ ଧାରା ଠାରୁ ଟିକେ ଅଲଗା ଚିନ୍ତା କରିବା, ଯାହା ଚାଲିଛି ତା’ଠାରୁ ଟିକେ ଅଲଗା ଦେଖାଯିବା, ଏମିତି ଏକ ଚିନ୍ତାଧାରାକୁ ନେଇ ଅର୍ଣ୍ଣବ ପ୍ରଡ଼କସନ୍ସର ପ୍ରଯୋଜକ ଅଶୋକ ଦାସ ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି। ଅର୍ଣ୍ଣବ ପ୍ରଡ଼କସନ୍ସ ସବୁବେଳେ ନୂଆ ଚିନ୍ତାଧାରାର କଥାକୁ ବିଶ୍ୱାସ କରେ। ସେଇ ମାନସିକତାରେ ସେ ଆରମ୍ଭ କରିବାକୁ ଯାଉଛନ୍ତି ଦୁଇଟି ନୂଆ ୱେବ ସିରିଜ୍ ଯାହା ଟିଭିରେ ପ୍ରସାରିତ ହେଉଥିବା ମେଗା ସିରିଏଲ ଭଳି ୱେବ ଚାନେଲରେ ଚାଲିବ ଏବଂ ପ୍ରତ୍ୟେକ ସପ୍ତାହରେ ଗୋଟିଏ ଲେଖାଏଁ ଅଧ୍ୟାୟ ଆସିବ। ଯାହାର ପରିକଳ୍ପନା ଏବଂ ଡିଜାଇନ କରିଛନ୍ତି ଓଡ଼ିଶାର କମେଡି କିଙ୍ଗ ପପୁ ପମ୍ ପମ୍। ଏକ ସମ୍ପୂର୍ଣ୍ଣ କମେଡି ଏବଂ ପ୍ରଥମ ଥର ପାଇଁ ଓଡ଼ିଶାରେ କଳାଧଳା କମେଡି, ସାଇଲେଣ୍ଟ କମେଡି, ଚାର୍ଲି ଚାପ୍ଲିନ୍ କିମ୍ବା ମିଷ୍ଟର ବିନ୍ ଙ୍କ ଭଳିଆ, ଲରେନ୍ସ ଏବଂ ହାର୍ଡି ଙ୍କ କମେଡି ଭଳିଆ…

ଭୁବନେଶ୍ବର: ନ୍ୟାସନାଲ୍ କ୍ୟାରିଅର୍ ସର୍ଭିସ୍ ସେଣ୍ଟର (NCSCDA), ଭୁବନେଶ୍ୱର, ଶ୍ରମ ଓ ନିଯୁକ୍ତି ମନ୍ତ୍ରଣାଳୟ, ଭାରତ ସରକାର ଏବଂ ଭାରତର କୃତିମ ଅଙ୍ଗ ଉତ୍ପାଦନ ନିଗମ (ଆଲିମକୋ), ମୁଖ୍ୟ କାର୍ଯ୍ୟାଳୟ, କାନପୁର ମିଳିତ ଆନୁକୁଲ୍ୟରେ ଦୃଷ୍ଟିବାଧିତ ଏବଂ ଚଳନଶକ୍ତି ବାଧିତ ଭିନ୍ନକ୍ଷମମାନଙ୍କ ପାଇଁ ଏକ ସହାୟତା ଏବଂ ଉପକରଣ ବଣ୍ଟନ କାର୍ଯ୍ୟକ୍ରମ ପାଇଁ ଏକ ମୂଲ୍ୟାଙ୍କନ ଶିବିର ଆୟୋଜନ କରିବାକୁ ଯାଉଛି। ଭିନ୍ନକ୍ଷମମାନେ ସେମାନଙ୍କର ଯୋଗ୍ୟତା ଏବଂ ଉପଲବ୍ଧତା ଉପରେ ଆଧାର କରି ଧଳା ବାଡ଼ି, ସ୍ମାର୍ଟ କେନ, ସ୍ମାର୍ଟଫୋନ୍, ଟ୍ରାଇସାଇକେଲ୍, ହ୍ୱିଲ୍ ଚେୟାର, କ୍ରଚ୍, ମୋଟରାଇଜଡ୍ ଟ୍ରାଇସାଇକେଲ୍ ଇତ୍ୟାଦି ଉପକରଣଗୁଡ଼ିକ ପାଇପାରିବେ। ଏହି ଉପକରଣଗୁଡ଼ିକ ମୂଲ୍ୟାଙ୍କନ ତାରିଖର ୩୦ ଦିନ ମଧ୍ୟରେ ବଣ୍ଟନ କରାଯିବ। ଏହି ସାହାଯ୍ୟ ଏବଂ ଉପକରଣଗୁଡିକ ALIMCO ଦ୍ଵାରା ADIP ସ୍କିମ୍ ରେ ଅନ୍ତର୍ଗତ। ALIMCO ର ଅଧିକାରୀଙ୍କ ଅନୁଯାୟୀ, ଆଗ୍ରହୀ ଭିନ୍ନକ୍ଷମମାନେ ସେମାନଙ୍କର ଫଟୋ, ଭିନ୍ନକ୍ଷମ ପ୍ରମାଣପତ୍ର, ଆୟ ପ୍ରମାଣପତ୍ର, ବିପିଏଲ୍ କାର୍ଡ /…

ଭୁବନେଶ୍ୱର: ରିଲାଏନ୍ସ ଜିଓ ପକ୍ଷରୁ ନେଟ୍‌ଫ୍ଲିକ୍ସ ସବ୍‌ସ୍କ୍ରିପ୍‌ସନ୍ ଥିବା ଦୁଇଟି ନୂଆ ଜିଓ-ନେଟ୍‌ଫ୍ଲିକ୍ସ ପ୍ରିପେଡ୍ ପ୍ଲାନ୍‌ର ଶୁଭାରମ୍ଭ କରାଯାଇଛି। ୧୦୯୯ ଟଙ୍କିଆ ପ୍ଲାନ୍‌ରେ ଗ୍ରାହକମାନଙ୍କୁ ଦୈନିକ ୨ ଜିବି ହାଇ-ସ୍ପିଡ଼ ଡାଟା ମିଳିବ। ସେହିପରି ୧୪୯୯ ଟଙ୍କିଆ ପ୍ଲାନ୍‌ରେ ପ୍ରତିଦିନ ୩ ଜିବି ହାଇ-ସ୍ପିଡ଼ ଡାଟା ମିଳିବ। ଉଭୟ ପ୍ଲାନ୍‌ର ବୈଧତା (ଭାଲିଡିଟି) ୮୪ ଦିନ ରହିଛି ଏବଂ ଅସୀମିତ ଭଏସ କଲ ସୁବିଧା ରହିଛି। ତେବେ ପୂର୍ବରୁ ନିର୍ଦ୍ଦିଷ୍ଟ କେତେକ ଜିଓ ପୋଷ୍ଟପେଡ୍ ଓ ଜିଓ ଫାଇବର ପ୍ଲାନ୍‌ରେ ନେଟ୍‌ଫ୍ଲିକ୍ସ ଉପଲବ୍ଧ ରହିଛି। ପ୍ରଥମ ଥର ପାଇଁ ପ୍ରିପେଡ୍ ପ୍ଲାନ୍ ସହ ନେଟ୍‌ଫ୍ଲିକ୍ସ ସବ୍‌ସ୍କ୍ରିପ୍‌ସନ୍ ଉପଲବ୍ଧ ହୋଇଛି। ବିଶ୍ୱରେ ପ୍ରଥମ ଥର ପାଇଁ ନେଟ୍‌ଫ୍ଲିକ୍ସକୁ ବଣ୍ଡ୍‌ଲଡ୍ ଟେଲିକମ୍ ପ୍ରିପେଡ୍ ପ୍ଲାନ୍ ଜରିଆରେ ଉନ୍ମୋଚନ କରାଯାଇଛି। ଏହା ସହିତ ଜିଓର ୪୦ କୋଟିରୁ ଅଧିକ ପ୍ରିପେଡ୍ ଗ୍ରାହକମାନଙ୍କୁ ନେଟ୍‌ଫ୍ଲିକ୍ସ ସବ୍‌ସ୍କ୍ରିପ୍‌ସନ୍ ଥିବା ପ୍ଲାନ୍ ଚୟନ କରିବାର ସୁଯୋଗ ମିଳିବ। ଗ୍ରାହକମାନେ ନେଟ୍‌ଫ୍ଲିକ୍ସରେ…

ବାରାଣସୀ: ଉତ୍ତର ପ୍ରଦେଶର ବାରାଣସୀ ସ୍ଥିତ ରୁଦ୍ରାକ୍ଷ ଆନ୍ତର୍ଜାତିକ ସହଯୋଗ ଓ କନ୍‌ଭେସସନ ସେଣ୍ଟର (ଆର୍‌ଆଇସିସିସି)ରେ ଶୁକ୍ରବାରଠାରୁ ଯୁବ-୨୦(ୱାଇ-୨୦) ଶିଖର ସମ୍ମିଳନୀର ପ୍ରାରମ୍ଭିକ ଉତ୍ସବ ଆରମ୍ଭ ହୋଇଛି। ଏହାକୁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ, କେନ୍ଦ୍ର ସୂଚନା ଓ ପ୍ରସାରଣ ତଥା କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ଅନୁରାଗ ଠାକୁର ମିଳିତ ଭାବେ ଉଦ୍‌ଘାଟନ କରିଥିଲେ । ଜି-୨୦ ଦେଶ ସମୂହ, ଅତିଥି ରାଷ୍ଟ୍ର ଓ ବିଭିନ୍ନ ଆନ୍ତର୍ଜାତିକ ପ୍ରତିଷ୍ଠାନରୁ ଏଥିରେ ପ୍ରାୟ ୧୨୦ ପ୍ରତିନିଧି ଯୋଗ ଦେଇଥିଲେ । ଏହି ଉତ୍ସବରେ ଉତ୍ତର ପ୍ରଦେଶର କ୍ରୀଡା ଓ ଯୁବ ବ୍ୟାପାର ରାଷ୍ଟ୍ରମନ୍ତ୍ରୀ ଶ୍ରୀ ଗିରିଶ ଚନ୍ଦ୍ର ଯାଦବ, ରାଜ୍ୟର ଶ୍ରମ ଓ ନିଯୁକ୍ତି ରାଷ୍ଟ୍ରମନ୍ତ୍ରୀ ଶ୍ରୀ ଅନିଲ ରାଜଭର, ଷ୍ଟାମ୍ପ ଓ କୋର୍ଟ ଫି ବ୍ୟାପାର ରାଷ୍ଟ୍ରମନ୍ତ୍ରୀ ଶ୍ରୀ ରବୀନ୍ଦ୍ର ଜୟସ୍ୱାଲ, ଜଳଶକ୍ତି ମନ୍ତ୍ରୀ ଶ୍ରୀ ସ୍ୱତନ୍ତ୍ର ଦେବ ସିଂହ, ସହରାଞ୍ଚଳ ବିକାଶ ଓ ଶକ୍ତିମନ୍ତ୍ରୀ…

ଭୁବନେଶ୍ବର: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ବର୍ତ୍ତମାନ ଓଡିଶା ପାଇଁ ଆଉ ବିପଦ ନାହିଁ। ଏହି ସକ୍ରିୟ ଲଘୁଚାପ ଧିରଧିରେ ଛତିଶଗଡ ମୁହାଁଇବାରେ ଲାଗିଛି। ଫଳରେ ଓଡିଶାରେ ଯେଉଁ ପ୍ରବଳ ବର୍ଷା ହେବାର ଥିଲା ତାହା ହ୍ରାସ ପାଇବ ବୋଲି ଜଣାପଡିଛି। ଆଜିଠାରୁ ରାଜ୍ୟରେ ବର୍ଷାର ପ୍ରଭାବ କମିବା ସହିତ ଆଗାମୀ ୪ ରୁ ୫ ଦିନ ଯାଏଁ ରାଜ୍ୟରେ ବିଶେଷ ବର୍ଷାର ସମ୍ଭାବନା ନାହିଁ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି।

ଭୁବନେଶ୍ୱର: ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା)ର ଆହ୍ୱାନରେ ଗାନ୍ଧିମାର୍ଗରେ ଚାଲିଥିବା ଅହୋରାତ୍ର ଗଣଧାରଣାର ଆଜି ତୃତୀୟ ଦିବସ। ଏହି ଦିନ ପୁଣି ହଜାର ହଜାର ଶିକ୍ଷକ ବର୍ଷାକୁ ଖାତିରି ନକରି ଜମା ହୋଇଥିଲେ। ମାଷ୍ଟର କ୍ୟାଣ୍ଟିନ୍ ଛକଠାରୁ ପିଏମଜି ପର୍ଯ୍ୟନ୍ତ ଶିକ୍ଷକମୟ ହୋଇଯାଇଥିଲା। ଗୁରୁ ଗର୍ଜନରେ ପ୍ରକମ୍ପିତ ହୋଇଥିଲା ଗାନ୍ଧୀମାର୍ଗ। ଅନୁଦାନ ଯୋଗ୍ୟ ବିଦ୍ୟାଳୟକୁ ଅନୁଦାନ ନଦେଲେ, ସପ୍ତମ ବେତନ କମିଶନ ପାଇବାରୁ ବଞ୍ଚିତ ବିଦ୍ୟାଳୟ ଗୁଡ଼ିକ ପାଇଁ ଏହା ଲାଗୁ ନହେଲେ, ସମସ୍ତ ନୂତନ ଅନୁଦାନ ପ୍ରାପ୍ତ ବିଦ୍ୟାଳୟରେ କାର୍ଯ୍ୟରତ ଶିକ୍ଷକ ଓ ଶିକ୍ଷା କର୍ମଚାରୀଙ୍କୁ ପେନସନ୍ ତଥା ଚାକିରି ସର୍ତ୍ତାବଳୀ ନଦେଲେ, ସମସ୍ତ ପୂର୍ଣ୍ଣ ଅନୁଦାନ ପ୍ରାପ୍ତ ବିଦ୍ୟାଳୟ ଗୁଡ଼ିକୁ ସରକାରୀକରଣ ନକଲେ, ୨୦୦୪ ରୁ  ୨୦୧୩ ମଧ୍ୟରେ ନିଯୁକ୍ତ ସମସ୍ତ ଚୁକ୍ତି ଭିତ୍ତିକ ଶିକ୍ଷକଙ୍କୁ ଛଅଟି ଇନକ୍ରିମେଣ୍ଟ ଦେବା ସହିତ ବରିଷ୍ଠତା ପ୍ରଦାନ ନକଲେ, ୧୧୦ ବାଳିକା ବିଦ୍ୟାଳୟ ଏବଂ ହିନ୍ଦୀ, ସଂସ୍କୃତ, ଖେଳ ଶିକ୍ଷକ…

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଗତକାଲି ଅତିରିକ୍ତ ଜିଲ୍ଲାପାଳ ସାଫଲ୍ୟମଣ୍ଡିତ ପ୍ରଧାନଙ୍କ ଅଧ୍ୟକ୍ଷତାରେ ଏବଂ ଅତିରିକ୍ତ ଆରକ୍ଷୀ ଅଧିକ୍ଷକ ସୁରେନ୍ଦ୍ର ନାଥ ମୁର୍ମୁ , ସିଡିଏମଓ ଡଃ ଆର୍ତ୍ତବନ୍ଧୁ ନାୟକ ଙ୍କ ଉପସ୍ଥିତି ରେ ସଡ଼କ ସୁରକ୍ଷା ଉପରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଅତିରିକ୍ତ ଜିଲ୍ଲାପାଳ ଜିଲ୍ଲା ରେ କିପରି ସଡ଼କ ଦୁର୍ଘଟଣା ରୋକାଯାଇ ପାରିବ ତାହା ଉପରେ ପ୍ରାଥମିକତା ଦେଇ ପଦକ୍ଷେପ ନେବାକୁ ବିଭାଗୀୟ ଅଧିକାରୀମାନଙ୍କୁ ପରାମର୍ଶ ଦେଇଥିଲେ। ରାସ୍ତା କଡ଼ରେ ଥିବା ବିଦ୍ୟୁତ ଖୁଣ୍ଟଗୁଡିକୁ ହଟେଇଵାକୁ ଏବଂ ବେଆଇନ ଭାବେ ଦୋକାନ ଗୁଡ଼ିକୁ ଉଚ୍ଛେଦ କରିବା ପାଇଁ ପରାମର୍ଶ ଦେଇଥିଲେ ଅତିରିକ୍ତ ଜିଲ୍ଲାପାଳ । ଏପରିକି ଅସାଧୁ ବ୍ୟକ୍ତିମାନଙ୍କ ଡ୍ରାଇଭି ଲାଇସେନ୍ସ ବାତିଲ କରିବା ସହ ଦୃଢ଼ କାର୍ଯ୍ୟାନୁଷ୍ଠାନ ନେବାପାଇଁ ମଧ୍ୟ ସେ ପରାମର୍ଶ ଦେଇଥିଲେ।ଉକ୍ତ ବୈଠକରେ ଏମଭିଆଇ,ଆରଟିଓ ଏବଂ ଅନ୍ୟ ବିଭାଗୀୟ ଅଧିକାରୀ ମାନେ ଉପସ୍ଥିତ ଥିଲେ।