ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ପାନବରଜ ଅଙ୍ଗନବାଡି କେନ୍ଦ୍ର ନିକଟରେ ଗତକାଲି ରାତିରେ ସେକ ନସିମ ବବୁଲଙ୍କୁ ଗୁଳିମାଡ ହୋଇଛି। ଭୁବନେଶ୍ବର ସ୍ଥିତ ଏକ ଘରୋଇ ହସ୍ପିଟାଲରେ ସେ ଚିକିତ୍ସାଧୀନ ଅଛନ୍ତି। ଆଜି ଏହି ମାମଲାରେ ବବୁଲଙ୍କ ସ୍ତ୍ରୀ ଥାନାରେ ଏତଲା ଦେଇଛନ୍ତି। ଅଭିଯୋଗ ଉପରେ ପୋଲିସ ଦଫା ୩୦୭/୨୯୪/୧୨୦ ବିଆଇପିସି/୨୫ /୨୭ ଆରମ୍ଭ ଆକ୍ଟରେ ୩୦୩/୨୩ରେ ମାମଲା ରୁଜୁ କରି ଛାନଭିନ ଆରମ୍ଭ କରିଛି। ଘଟଣା ସ୍ଥଳରୁ ପୋଲିସ ଡୋମିନାର – ଡି – ୪୦୦ – ବାଇକ ( ଓଡି-ଠ୨ – ଏଏଚ – ୩୨୫୩ ), ଖୋକା ପୋଲିସ ଜବତ କରିଛି। ଆଜି ମଧ୍ୟାହ୍ନରେ ସାଇଂଟିଫିକ ଟିମ ସହ ପୋଲିସ ପହଂଚିତ ଛାନଭିନ କରିଛି। ସାଇଂଟିଫିକ ଟିମ ସହ ପୋଲିସ ପହଂଚି ଛାନଭିନ କରିଛି। ଅଭିଯୋଗରେ ଦର୍ଶାଯାଇଛି ଯେ, ଗତକାଲି ସାଢେ ୮ଟା ସମୟରେ ଗ୍ରାମର ଅଙ୍ଗନବାଡି କେନ୍ଦ୍ର ନଂ- ୧ ନିକଟରେ ମୋ ସ୍ଵାମୀ…
Author: Samikhsya Bureau
ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ସରକାର ଚାଷୀଙ୍କ ଧାନକୁ ଶୃଙ୍ଖଳିତ ଶୈଳୀରେ କିଣିବା ପାଇଁ ବିଧିବଦ୍ଧ ବ୍ୟବସ୍ଥା କରିଥିବା ବେଳେ ଅନେକ ସମୟରେ ବିଭିନ୍ନ ସମସ୍ୟା ହେଉଥିବା ଚର୍ଚ୍ଚା ହେଉଛି। କଳାହାଣ୍ଡି ଜିଲ୍ଲାରେ ଯୋଗାଣ ବିଭାଗର ତୃଟିପୂର୍ଣ୍ଣ ବ୍ୟବସ୍ଥା ଯୋଗୁ ଧାନ ପରିବହନ ଖର୍ଚ୍ଚରେ ଯୋଗାଣ ନିଗମ ବ୍ୟାପକ କ୍ଷତି ସହୁଥିବା ଚର୍ଚ୍ଚା ହେଉଛି। କେନ୍ଦ୍ର ସରକାରଙ୍କ ଖାଦ୍ୟ ଓ ଯୋଗାଣ ବିଭାଗ ଦ୍ବାରା ଜାରି କରାଯାଇଥିବା କଷ୍ଟିଂ ସିଟ ଅନୁସାରେ ଧାନ କିଣିବା ନିମନ୍ତେ ସମସ୍ତ ପ୍ରକାର ବ୍ୟବସ୍ଥା ପାଇଁ ମୂଲ୍ୟାଙ୍କନ କରାଯାଉଥିବା ବେଳେ ରାଜ୍ୟ ସରକାର ମଧ୍ୟ ନିଜସ୍ବ ଧାନ କିଣା ପରିଚାଳନା ଗାଇଡଲାଇନ ଜାରି କରିଥାନ୍ତି। ସେଣ୍ଟ୍ରାଲ ପୁଲ ଓ ଷ୍ଟେଟ ପୁଲ ପ୍ରକାରେ ଧାନ କିଣା ଯାଉଥିବା ବେଳେ ରାଜ୍ୟ ଯୋଗାଣ ନିଗମ କଳାହାଣ୍ଡି ଜିଲ୍ଲା ସମବାୟ ବ୍ୟାଙ୍କ ଅଧିନସ୍ଥ ପ୍ରାଥମିକ କୃଷି ସମବାୟ ସମିତି, ମହିଳା ସ୍ବୟଂ ସହାୟକ ଗୋଷ୍ଠୀ, ପାଣିପଞ୍ଚାୟତ ମାଧ୍ୟମରେ ବିଭିନ୍ନ…
ସୀତାରାମ ଅଗ୍ରୱାଲ ବାଣପୁର: ସୋମବାର ବିଳମ୍ବିତ ରାତ୍ରିରେ ବାଣପୁରର ଜଣେ ୧୩ ବର୍ଷର ବାଳକକୁ ତଣ୍ଟିଚିପି ହତ୍ୟା ଉଦ୍ୟମ କରିବା ଫଳରେ ଦୁଇ ମହିଳାଙ୍କୁ ଗିରଫ କରି କୋର୍ଟ ସ୍ଥାନାନ୍ତର କରିଛି ବାଣପୁର ପୋଲିସ। ଖବରରୁ ପ୍ରକାଶ ଗୁରବାରି ନାୟକଙ୍କ ଘର ଦାଣ୍ଡ ଦୁଆରକୁ ପାଣ୍ଡୀ ନାୟକ ଓ ମିନତୀ ନାୟକ ନାମକ ଦୁଇଜଣ ମହିଳା ଆସିଥିଲେ। ସେମାନେ ଗୁରବାରିଙ୍କ କବାଟ ଭାଙ୍ଗି ଘର ଭିତରେ ପଶିଥିଲେ। ଏବଂ ବିଭିନ୍ନ ଅଶ୍ରାବ୍ୟ ଭାଷାରେ ଗାଳି ଗୁଲଜ କରି ଗୁରୁବାରୀଙ୍କୁ ମାଡ଼ପିଟ କରିଥିଲେ। ଗୁରୁବାରୀଙ୍କ ୧୩ ବର୍ଷର ନାବାଳକ ପୁଅ ଆସିଯିବାରୁ ପାଣ୍ଡୀ ଓ ମିନତୀ ଜୀବନରେ ମାରିଦେବାର ଉଦ୍ଦେଶ୍ୟ ରଖି ତାର ତଣ୍ଟିକୁ ଚିପି ଦେଇଥିଲେ। କିନ୍ତୁ ସୌଭାଗ୍ୟବଶତଃ ସେ ସେଠାରୁ ଖସି ପଳାଇଯିବାର ସକ୍ଷମ ହୋଇଥିଲା। ଉପରୋକ୍ତ ମହିଳା ଦୁଇଜଣ ଗ୍ରାମର ଲତା ନାୟକଙ୍କ ଘରକୁ ଯାଇ ଲତା ଓ ତାଙ୍କ ଝିଅକୁ ମଧ୍ୟ ଆକ୍ରମଣ କରିଥିଲେ। ଗୁରୁବାରୀ ଉକ୍ତ…
ଭୁବନେଶ୍ୱର: ଭୁବନେଶ୍ୱର ଠାରେ ଚାଲିଥିବା ଜି୨୦ ସଂସ୍କୃତି କାର୍ଯ୍ୟଗୋଷ୍ଠୀର ଦ୍ୱୀତୀୟ ବୈଠକ ଅଧୀନରେ ଆଲୋଚନା ଅଧିବେଶନ ଆଜି ଶେଷ ହୋଇଛି। ଏଥିରେ ଅଂଶଗ୍ରହଣ କରିଥିବା ପ୍ରତିନିଧିମାନେ ସଂସ୍କୃତି କାର୍ଯ୍ୟଗୋଷ୍ଠୀ ଦ୍ୱାରା ନିର୍ଦ୍ଧାରଣ କରାଯାଇଥିବା ତୃତୀୟ ଏବଂ ଚତୁର୍ଥ ପ୍ରାଥମିକତା : ‘ସାଂସ୍କୃତିକ ଓ ସୃଜନଶୀଳ ଶିଳ୍ପର ପ୍ରୋତ୍ସାହନ ଏବଂ ସୃଜନଶୀଳ ଅର୍ଥବ୍ୟବସ୍ଥା’ ଏବଂ ‘ସଂସ୍କୃତିର ସୁରକ୍ଷା ଏବଂ ପ୍ରଚାରପ୍ରସାର ପାଇଁ ଡିଜିଟାଲ ପ୍ରଯୁକ୍ତିର ଉପଯୋଗ’ ବିଷୟବସ୍ତୁ ଉପରେ ଆଲୋଚନା କରିଥିଲେ। ଆଲୋଚନାରେ ଭାଗ ନେଇଥିବା ପ୍ରତିନିଧିମାନେ ମୂଲ୍ୟବାନ ଦୃଷ୍ଟିକୋଣ ଉପସ୍ଥାପନ କରିଥିଲେ, ଯାହାକି ମୂର୍ତ୍ତ ରୂପ ନେବା ସହିତ କାର୍ଯ୍ୟଉନ୍ମୁଖି ସୁପାରିସ ଦିଗରେ ମାର୍ଗପ୍ରଶସ୍ତ କରିବ ବୋଲି ଆଶାବ୍ୟକ୍ତ କରାଯାଉଛି। ଆଲୋଚନାର ପ୍ରାପ୍ତ ପରିଣାମ କାର୍ଯ୍ୟକାରୀ ହୋଇପାରିଲେ ସାଂସ୍କୃତିକ କ୍ଷେତ୍ରରେ ପରିବର୍ତ୍ତନ ଆସିବା ସହିତ ବିଶ୍ୱସ୍ତରରେ ଏ ଦିଗରେ ନୀତି ନିର୍ଦ୍ଧାରଣ କରାଯାଇପାରିବ। ଆଜି ଅନୁଷ୍ଠିତ ହୋଇଥିବା ଦୁଇଟି ଅଧିବେଶନରେ ଅତିଥିମାନେ ସେମାନଙ୍କର ବକ୍ତବ୍ୟ ରଖିଥିଲେ ଏବଂ ଏହାପରେ ତୃତୀୟ ଓ…
ସୀତାରାମ ଅଗ୍ରୱାଲ ବାଣପୁର: ଜୁଆ ଆଡ୍ଡା ଉପରେ ଅତର୍କିତ ଚଢ଼ାଉ କଲା ପୋଲିସ। ୩ ଗିରଫ ହୋଇଥିବା ବେଳେ ଛତ୍ରଭଙ୍ଗ ଦେଲେ ବହୁ ଜୁଆଡ଼ି। ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏହି ଜୁଆ ଖେଳ ଚାଲିଥିଲା। ଆଜି ସଂନ୍ଧ୍ୟାରେ କୋଳଥଡିହ ଗ୍ରାମ ପଡିଆରେ ଜୁଆ ଆଡ୍ଡା ଚାଲିଥିବାର ଖବର ପାଇଥିଲେ ଆଇଆଇସି ଜୟପ୍ରକାଶ ପରିଡ଼ା। ସଙ୍ଗେସଙ୍ଗେ ଆଇଆଇସିଙ୍କ ନିର୍ଦ୍ଦେଶକ୍ରମେ ଏକ ଟିମ ତୁରନ୍ତ ଉକ୍ତ ସ୍ଥାନରେ ଚଢ଼ାଉ କରିଥିଲା। ଚଢ଼ାଉ ବେଳେ ତିନି ଜୁଆଡ଼ି ଗିରଫ ହୋଇଥିବା ବେଳେ ୧୨ ଗୋଟି ବାଇକ ଜବତ କରିଛି ପୋଲିସ। ତେବେ ଅନ୍ୟ ଜୁଆଡ଼ି ମାନେ ଗିରଫ ଭୟରେ ଘଟଣାସ୍ଥଳରୁ ଫେରାର ହେବାରେ ସକ୍ଷମ ହୋଇଥିଲେ। ଗିରଫ ତିନି ଅଭିଯୁକ୍ତଙ୍କ ଠାରୁ ନକଦ ୧୮୮୦ ଟଙ୍କା ଜବତ କରିଛି ପୋଲିସ। ଅଭିଯୁକ୍ତଙ୍କ ବିରୁଦ୍ଧରେ ବାଣପୁର ପୋଲିସ ୩ ଓପିଜି ଧାରା ଅନୁଯାୟୀ କେସ ନମ୍ବର ୧୮୮/୨୩ ରେ ଏକ ମାମଲା ରୁଜୁ କରି…
କୈଳାଶ ଚନ୍ଦ୍ର ଚୌଧୁରୀ କୋଦଳା: କୌଣସି ସୂତ୍ରରୁ ଖବର ପାଇ କୋଦଳା ଥାନା ପୋଲିସ ଦିଘି ଗ୍ରାମ ମୁଖ୍ୟ ରାସ୍ତାରେ ଚଢ଼ାଉ କରି ଏକ ଯାତ୍ରୀବାହୀ ଅଟୋକୁ ଅଟକାଇ ଥିଲା। କିନ୍ତୁ ଡ୍ରାଇଭର ଗାଡ଼ି ଛାଡ଼ି ଚମ୍ପଟ୍ ମାରିଥିଲା। ପୋଲିସ ଅଟୋକୁ ଯାଞ୍ଚ କରିବା ବେଳେ ସେଥିରୁ ମହଜୁଦ ଥିବା ୧୦ ବସ୍ତା ଚୋରା ମଦ ସହ ଅଟୋକୁ ଜବତ କରିଥିଲା। ବର୍ତ୍ତମାନ ପୋଲିସ ଘଟଣାର ତଦନ୍ତ କରୁଛି।
ନୂଆଦିଲ୍ଲୀ: ଜି -୭ ଶିଖର ସମ୍ମିଳନୀରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୁବ ଶୀଘ୍ର ଜାପାନ ଗସ୍ତ କରିବେ। କାର୍ଯ୍ୟସୂଚୀ ଅନୁଯାୟୀ ପିଏମ ମୋଦୀ ମେ ୧୯ ରୁ ୨୧ ତାରିଖ ପର୍ଯ୍ୟନ୍ତ ଜାପାନ ଗସ୍ତରେ ଯିବେ। ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଦା ପ୍ରଧାନମନ୍ତ୍ରୀ ମୋଦୀଙ୍କୁ ଏହି ଶିଖର ସମ୍ମିଳନୀରେ ଭାଗ ନେବାକୁ ଆମନ୍ତ୍ରଣ କରିଛନ୍ତି। ଜି -୭ ଶିଖର ସମ୍ମିଳନୀରେ ଜାପାନ ଅଧ୍ୟକ୍ଷତା କରୁଛି। ଶିଖର ସମ୍ମିଳନୀରେ ଜି -୭ ଅଧିବେଶନରେ ପ୍ରଧାନମନ୍ତ୍ରୀ ମୋଦୀ ସହଯୋଗୀ ଦେଶମାନଙ୍କ ସହ ବିଭିନ୍ନ ଗ୍ରହର ଶାନ୍ତି, ସ୍ଥିରତା ଏବଂ ସମୃଦ୍ଧି, ଖାଦ୍ୟ, ସାର ଏବଂ ଶକ୍ତି ସୁରକ୍ଷା, ସ୍ୱାସ୍ଥ୍ୟ, ଲିଙ୍ଗଗତ ସମାନତା, ଜଳବାୟୁ ପରିବର୍ତ୍ତନ ଏବଂ ବିଭିନ୍ନ ବିଷୟରେ ଆଲୋଚନା କରିବେ। ଭିତ୍ତିଭୂମି ଏବଂ ବିକାଶ ସହଯୋଗ ପରି ପରିବେଶ, ସ୍ଥାୟୀ ସମସ୍ୟାଗୁଡିକ ଅନ୍ତର୍ଭୁକ୍ତ। ଏହି ସମ୍ମିଳନୀ ବ୍ୟତୀତ ପ୍ରଧାନମନ୍ତ୍ରୀ ମୋଦୀ ଏଥିରେ ଅଂଶଗ୍ରହଣ କରୁଥିବା କିଛି ନେତାଙ୍କ ସହ ଦ୍ୱିପାକ୍ଷିକ…
ସୀତାରାମ ଅଗ୍ରୱାଲ ଚିଲିକା: ରାଜ୍ୟରେ ପଛୁଆ ବର୍ଗ ସର୍ଭେ ଜାରି ରହିଥିବା ବେଳେ ପ୍ରତ୍ୟେକ ସହରାଞ୍ଚଳ ଏବଂ ଗ୍ରାମାଞ୍ଚଳରେ ସ୍ଥାନୀୟ ପ୍ରଶାସନ ଏହାକୁ ପରିଚାଳନା କରୁଛି। ତେବେ ସାରା ରାଜ୍ୟରେ ଏହା ସୁରୁଖୁରୁରେ ଜାରି ରହିଛି କି ନାଇଁ ତାହା ତଦାରଖ କରିବା ପାଇଁ ସରକାର ପଛୁଆବର୍ଗ ସର୍ଭେ ରାଜ୍ୟ ପର୍ଯ୍ୟବେକ୍ଷକ ଭାବେ ପୂର୍ତ୍ତବିଭାଗ ସ୍ୱତନ୍ତ୍ର ସଚିବ ବିମଳେନ୍ଦୁ ରାୟଙ୍କୁ ନିଯୁକ୍ତି ଦେଇଛନ୍ତି। ଏହି ପରିପ୍ରେକ୍ଷୀରେ ଶ୍ରୀ ରାୟ ଆଜି ଖୋର୍ଦ୍ଧା ଜିଲ୍ଲାକୁ ଅଚାନକ ଗସ୍ତରେ ଆସି ବାଣପୁର, ଚିଲିକା ବ୍ଲକ ଏବଂ ବାଣପୁର, ବାଲୁଗାଁ ଏନଏସିର ବିଭିନ୍ନ ସର୍ଭେ ସେଣ୍ଟର ପରିଦର୍ଶନ କରିଛନ୍ତି। ଚିଲିକା ବ୍ଲକର ଜରିପଡ଼ା ସ୍କୁଲ,ବାଲୁଗାଁ ଏନଏସି ର ବାଲୁଗାଁ ହାଇସ୍କୁଲ,ବାଣପୁର ଏନଏସି ର ବିଷରପାଟଣା ସ୍କୁଲ ଏବଂ ବାଣପୁର ବ୍ଲକର ମାନସିଂହ ୟୁପି ସ୍କୁଲ ରେ ଥିବା ସର୍ଭେ ସେଣ୍ଟର ଗୁଡ଼ିକ ପରିଦର୍ଶନ କରିଥିଲେ ଶ୍ରୀ ରାୟ। ତେବେ ସମସ୍ତ ସେଣ୍ଟର ଗୁଡିକରେ କରାଯାଇଥିବା ବ୍ୟବସ୍ଥା…
ଭୁବନେଶ୍ୱର: ଧର୍ମେନ୍ଦ୍ର ଭାଇ, ଆପଣ ମୋ ପାଇଁ ଜଣେ ବଡ଼ ଭାଇ ଏବଂ ମୁଁ କପିଳେଶ୍ୱର ମନ୍ଦିରର ଏଏସ୍ଆଇ ବିଜ୍ଞପ୍ତି ବିଷୟରେ ଆପଣଙ୍କର ଭୁଲ ଜଣାଇବା ପରେ ଆପଣ କ୍ରୋଧିତ ହୋଇଥିବାର ଦେଖିବାକୁ ମିଳୁଛି। ଆପଣ ନିଜର ଭୁଲକୁ ସ୍ୱୀକାର କରି ଆଗକୁ ଯାଇପାରିଥାନ୍ତେ ବୋଲି ଧର୍ମେନ୍ଦ୍ରଙ୍କ ଉଦ୍ଦେଶ୍ୟରେ କହିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି। ଆଜି ଏଠାରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି ଯେ ଆପଣ ଆଜି ମହିଳାମାନଙ୍କୁ ସମ୍ମାନ ଦେବା ବିଷୟରେ କହିଥିଲେ। ତଥାପି, ଆପଣ ଏବଂ ଓଡିଶା ବିଜେପିର ଏକ ନିର୍ଦ୍ଦିଷ୍ଟ ଗୋଷ୍ଠୀ ବର୍ଷା ସିଂହ ବରିହା ଏବଂ ଦୀପାଲି ଦାସଙ୍କ ଭଳି ମହିଳାଙ୍କୁ ବଦନାମ ତଥା ଅପମାନିତ କରିଥିଲେ ଯେଉଁମାନେ ନିଜ ପିତାଙ୍କୁ ହରାଇଥିଲେ ଏବଂ ସାଧାରଣ ଜୀବନକୁ ଆସିବାକୁ ଚାହୁଁଥିଲେ। ଆପଣ ପଦମପୁର ଉପନିର୍ବାଚନ ସମୟରେ ବର୍ଷା ସିଂହ ବରିହାଙ୍କ ସହିତ ଏଭଳି ବ୍ୟବହାର କରି ପରାଜୟର ସମ୍ମୁଖୀନ…
ଭୁବନେଶ୍ଵର: ବର୍ତ୍ତମାନର ପରିବର୍ତ୍ତିତ ଦୁନିଆ ଏବଂ ଟେକ୍ଲୋଲୋଜି ଯୁଗରେ ନିଜକୁ ସ୍କିଲିଂ, ରି-ସ୍କିଲିଂ ଏବଂ ଅପ ସ୍କିଲିଂ କରାଇବା ଜରୁରୀ। ବିଶେଷ ଭାବରେ ଆଜି ନିଯୁକ୍ତି ପାଇଥିବା ଯୁବବନ୍ଧୁମାନେ ଏହି ମନ୍ତ୍ରକୁ ନିରନ୍ତର ଜପ କରନ୍ତୁ ଏବଂ ଓଡ଼ିଶା ପାଇଁ ବଡ ଭାବିବା ସହ ବଡ ସ୍ୱପ୍ନ ଦେଖନ୍ତୁ ବୋଲି ମଙ୍ଗଳବାର ଭୁବନେଶ୍ୱର ଠାରେ ‘ରାଷ୍ଟ୍ରୀୟ ରୋଜଗାର ମେଳା’ର ପଞ୍ଚମ ପର୍ଯ୍ୟାୟ ଶୁଭାରମ୍ଭ କରିବା ଅବସରରେ କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ରାଷ୍ଟ୍ରୀୟ ରୋଜଗାର ମେଳାର ପଞ୍ଚମ ପର୍ଯ୍ୟାୟରେ ଓଡ଼ିଶାର ୪୭୩ ଜଣ ଯୁବକ ଯୁବତୀଙ୍କୁ ନିଯୁକ୍ତି ପତ୍ର ବିରତଣ କରିବା ସହ ଶ୍ରୀ ପ୍ରଧାନ କହିଛନ୍ତି ଯେ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦରେ ଜୀବନର ନୂଆ ଅଧ୍ୟାୟ ଆରମ୍ଭ କରିଥିବା ଯୁବବର୍ଗଙ୍କୁ ଶୁଭେଚ୍ଛା। ଏମ୍ସ ଭୁବନେଶ୍ୱର, ଆଇଆଇଟି ଭୁବନେଶ୍ୱର, ଭାରତୀୟ ରେଳ, ଡ଼ାକ ବିଭାଗ, ଇଏସଆଇସି, ଇସ୍ପାତ୍ ବିଭାଗ, ଜିଏସଆଇ ସମେତ ବିଭିନ୍ନ…
ଭୁବନେଶ୍ୱର: ଜାତୀୟ ସ୍ତରୀୟ ବୃତ୍ତିଗତ ଅନୁଷ୍ଠାନ ଇଣ୍ଡିଆନ୍ ଇନ୍ଷ୍ଟିଚ୍ୟୁସନ୍ ଅଫ୍ ଇଣ୍ଡଷ୍ଟ୍ରିଆଲ୍ ଇଞ୍ଜିନିୟରିଂ (ଆଇଆଇଆଇଇ) ପକ୍ଷରୁ ଶ୍ରୀଲଙ୍କାର କଲମ୍ବୋରେ ନିକଟରେ ଆୟୋଜିତ ଏହାର ୨୩ତମ ସିଇଓ ସମ୍ମିଳନୀରେ ଶିକ୍ଷା ଓ ଅନୁସନ୍ଧାନ (ସୋଆ)କୁ ସମ୍ମାନଜନକ “ପରଫର୍ମାନ୍ସ ଏକ୍ସିଲେନ୍ସ ଆୱାର୍ଡ”ରେ ସମ୍ମାନିତ କରାଯାଇଛି। ସୋମବାର ଆଇଆଇଆଇଇ ଜାତୀୟ କାଉନ୍ସିଲ୍ର ଅଧ୍ୟକ୍ଷ ଡକ୍ଟର ଅମୀୟ ବେହେରା ସୋଆର ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକଙ୍କୁ ଏଠାରେ ଭେଟି ଏହି ସମ୍ମାନ ପ୍ରଦାନ କରିଛନ୍ତି। କାର୍ଯ୍ୟଧାରାରେ ଶ୍ରେଷ୍ଠତା ହାସଲ କରିବାର ଲକ୍ଷ୍ୟ ନେଇ ଅବିରତ ଉଦ୍ୟମ ଜାରି ରଖିଥିବାରୁ ସୋଆକୁ ଏହି ସମ୍ମାନ ପ୍ରଦାନ କରାଯାଇଥିବା ଡକ୍ଟର ବେହେରା କହିଛନ୍ତି। ବିଗତ ୬ ଦଶନ୍ଧି ହେବ ଆଇଆଇଆଇଇ ଇଣ୍ଡଷ୍ଟିଆଲ୍ ଇଞ୍ଜିନିୟରିଂ କ୍ଷେତ୍ରକୁ ପରିବ୍ୟାପ୍ତ, ବିକଶିତ ଓ ଉନ୍ନତ କରିବାର ଲକ୍ଷ୍ୟ ନେଇ କାର୍ଯ୍ୟ କରିଆସୁଛି। ଏହି ସମ୍ମିଳନୀଟି ମେ’ ୫ ରୁ ୭ ତାରିଖ ପର୍ଯ୍ୟନ୍ତ କଲମ୍ବୋ ଠାରେ ଆୟୋଜିତ ହୋଇଥିବା ବେଳେ ଏହି…
ନୂଆଦିଲ୍ଲୀ: ସଂଖ୍ୟାଲଘୁ ସମ୍ପ୍ରଦାୟଙ୍କ ଉପରେ ହେଉଥିବା ଆକ୍ରମଣ ଉପରେ ଆମେରିକା ବିଦେଶ ବିଭାଗ ଏକ ରିପୋର୍ଟ ଜାରି କରିଛି। ଏହି ରିପୋର୍ଟ ଅନୁଯାୟୀ, ସାଧାରଣତଃ ଭାରତରେ ଧାର୍ମିକ ସମ୍ପ୍ରଦାୟକୁ ଖୋଲାଖୋଲି ଭାବେ ଟାର୍ଗେଟ କରାଯାଏ। ୱାଶିଂଟନ୍ ରେ ଏକ କାର୍ଯ୍ୟକ୍ରମରେ ସ୍ୱରାଷ୍ଟ୍ର ବିଭାଗ ଦ୍ଵାରା ୨୦୨୨ ବର୍ଷର ଆନ୍ତର୍ଜାତୀୟ ଧାର୍ମିକ ସ୍ୱାଧୀନତା ରିପୋର୍ଟ ପ୍ରକାଶ ପାଇଛି। ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍ ଙ୍କ ଦ୍ଵାରା ଆନ୍ତର୍ଜାତୀୟ ଧାର୍ମିକ ସ୍ୱାଧୀନତା ରିପୋର୍ଟ ୨୦୨୨ ପ୍ରକାଶ ପାଇଛି। ବ୍ଲିଙ୍କେନ୍ ତାଙ୍କ ଅଭିଭାଷଣରେ ଭାରତ ବିଷୟରେ ଉଲ୍ଲେଖ କରିନାହାଁନ୍ତି, କିନ୍ତୁ ଗଣମାଧ୍ୟମ ସଂକ୍ଷିପ୍ତ ବୈଠକରେ ଭାରତରେ ରହୁଥିବା ସଂଖ୍ୟାଲଘୁଙ୍କ ଅବସ୍ଥା ଉପରେ ଅସାଧାରଣ ମନ୍ତବ୍ୟ ଦିଆଯାଇଛି। ଏହି କାର୍ଯ୍ୟକ୍ରମରେ ରଶଦ ହୁସେନ୍ ନାମକ ଜଣେ ଅଧିକାରୀ କହିଛନ୍ତି ଯେ, ଆମର ରିପୋର୍ଟରେ ଖ୍ରୀଷ୍ଟିଆନ, ମୁସଲମାନ, ଶିଖ୍, ହିନ୍ଦୁ ଦଳିତ ତଥା ଆଦିବାସୀ ସମେତ ଧାର୍ମିକ ସମ୍ପ୍ରଦାୟ ଉପରେ କ୍ରମାଗତ ଆକ୍ରମଣ ରହିଛି। ସେ କହିଛନ୍ତି…
ଭୁବନେଶ୍ୱର: କେନ୍ଦୁଝର ପ୍ରଜାମେଳି ନେତା ବିପ୍ଲବୀ ଧରଣୀଧର ନାଏକ (ଭୂୟାଁ)ଙ୍କ ୭୯ତମ ଶ୍ରାଦ୍ଧୋତ୍ସବ ଅବସରରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଅନୁଶାସନ ସଚିବ ଲଷ୍ମୀଧର ବେହେରାଙ୍କ ସଂଯୋଜନାରେ ଆଜି ପ୍ରତୁ୍ୟଷରେ ଭୁବନେଶ୍ୱର ଜୟଦେବ ବିହାର ନିକଟସ୍ଥ ତାଙ୍କ ପ୍ରତିମୂର୍ତ୍ତିସ୍ଥଳୀରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରାଯାଇଅଛି। ଏହି କାର୍ଯ୍ୟକ୍ରମରେ ବିଧାୟକ ପ୍ରଫୁଲ୍ଲ ସାମଲ, ଅଖିଳ ଭାରତୀୟ ଭୂୟାଁ ସମାଜର କର୍ମକର୍ତ୍ତା ବିଜୟ ନାଏକ, ମାନସୀ ନାଏକ, ନୀଳମଣି ମାଝୀ, ପ୍ରବୀର ମହାନ୍ତି, ଗିରିଜା ଶଙ୍କର ମହାପାତ୍ର, ଜୟ ଓଡ଼ିଶା ଅଧ୍ୟକ୍ଷ ରୁଦ୍ରନାରାୟଣ ସାମନ୍ତରାୟ, ଅଧ୍ୟାପକ ଡ଼ଃ ରଙ୍ଗାଧର ସାହୁ, ରମେଶ ଚନ୍ଦ୍ର ପାତାଳସିଂହ, କର୍ପୋରେଟର ଜୟନ୍ତୀ ସାହୁ, ସାମାଜିକ କର୍ମୀ ସନାତନ ବେହେରା, କବ୍ୟୟତ୍ରୀ ଅନ୍ନଦା ମିଶ୍ର, କେନ୍ଦୁଝର ବିକାଶ ପରିଷଦ କର୍ମକର୍ତ୍ତା ପ୍ରମୁଖ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ନିଜ ବକ୍ତବ୍ୟରେ ମାନବିକ ଅଧିକାର ସୁରକ୍ଷା ସହ ବେଠି ବେଗାରୀ, ରାଜ ଅତ୍ୟାଚାର କବଳରୁ ପ୍ରଜାଙ୍କ…
ରାୟପୁର: ଛତିଶଗଡ କଂଗ୍ରେସର ଏକ ଜରୁରୀ ବୈଠକ ଡକାଯାଇଛି। ରାଜ୍ୟ କଂଗ୍ରେସ ଦାୟିତ୍ୱରେ ଥିବା କୁମାରୀ ସୈଲଜାଙ୍କ ଉପସ୍ଥିତିରେ ସିଏମ୍ ହାଉସରେ ଏହି ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସମସ୍ତ କଂଗ୍ରେସ ମନ୍ତ୍ରୀ ଯୋଗ ଦେଇଛନ୍ତି। ଏହି ବୈଠକରେ ଯୋଗଦେବା ପାଇଁ ମନ୍ତ୍ରୀ ଟି.ଏସ୍ ସିଂଦେବ ମଧ୍ୟ ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଛନ୍ତି। ତେବେ ଏହି ବୈଠକ କେଉଁ ପ୍ରସଙ୍ଗରେ ଅନୁଷ୍ଠିତ ହେଉଛି ସେ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ। ବିଧାନସଭା ବାଚସ୍ପତି ଡକ୍ଟର ଚରଣଦାସ ମହନ୍ତ ମଧ୍ୟ ସିଏମ୍ ହାଉସରେ ପହଞ୍ଚିଛନ୍ତି। କର୍ଣ୍ଣାଟକ ନିର୍ବାଚନ ପରେ ଘଟିଥିବା ଏହି ବୈଠକ ଯୋଗୁଁ ହଠାତ୍ ହଲଚଲ ଦେଖାଦେଇଛି।
ଭୁବନେଶ୍ଵର: ଦକ୍ଷିଣ ପଶ୍ଚିମ ମୌସୁମୀ ବାୟୁକୁ ନେଇ ଏକ ବଡ ଖବର ମିଳିଛି। ଏଥର ଦେଶକୁ ବିଳମ୍ବରେ ମୌସୁମୀ ବାୟୁ ପହଞ୍ଚିବ ବୋଲି ପାଣିପାଗ ବିଭାଗ ଅନୁମାନ କରିଛି। ଭାରତୀୟ ପାଣିପାଗ ବିଭାଗ ଅନୁଯାୟୀ, ଚଳିତବର୍ଷ କେରଳକୁ ବିଳମ୍ବରେ ମୌସୁମୀ ଆସିବ। ଚଳିତ ବର୍ଷ ଜୁନ ୪ ତାରିଖ ବେଳକୁ କେରଳରେ ମୌସୁମୀ ବାୟୁ ଛୁଇଁବ ବୋଲି ପୂର୍ବାନୁମାନ କରାଯାଇଛି। ବିଶେଷ କରି ଜୁନ ପହିଲାରେ ମୌସୁମୀ କେରଳ ଛୁଇଁଥାଏ। କିନ୍ତୁ ଏଥର ବିଳମ୍ବ ହେବାର ସମ୍ଭାବନା ରହିଛି।
ଭୁବନେଶ୍ୱର: ଏକ ଉଲ୍ଲେଖନୀୟ ସଫଳତା କ୍ରମେ, ଦେଶର ସବୁଠୁ ଲୋକପ୍ରିୟ ହାଇ-ସ୍ପିଡ୍ ଗୃହ ବ୍ରଡ୍ବ୍ୟାଣ୍ଡ୍ ସେବା ପ୍ରଦାନକାରୀ ଜିଓଫାଇବର୍ ଓଡ଼ିଶାରେ ୨ ଲକ୍ଷରୁ ଅଧିକ ଘରକୁ ଏହାର ହାଇ-ସ୍ପିଡ୍ ଓୟାରଲାଇନ୍ ବ୍ରଡ୍ବ୍ୟାଣ୍ଡ୍ ସେବା ସହ ଯୋଡ଼ିଛି। ଭାରତୀୟ ଟେଲିକମ୍ ନିୟାମକ କର୍ତୃପକ୍ଷ (ଟ୍ରାଇ) ପକ୍ଷରୁ ପ୍ରକାଶିତ ସଦ୍ୟତମ ଓୟାରଲାଇନ୍ ଉପଭୋକ୍ତା ତଥ୍ୟ ଅନୁଯାୟୀ ୨୦୨୩ ଫେବ୍ରୁଆରି ୨୮ ସୁଦ୍ଧା ୨.୦୨ ଲକ୍ଷ ଜିଓଫାଇବର ହାଇସ୍ପିଡ୍ ବ୍ରଡ୍ବ୍ୟାଣ୍ଡ୍ ଗ୍ରାହକଙ୍କ ସହିତ ରାଜ୍ୟର ଏକ ନମ୍ବର ହାଇ-ସ୍ପିଡ୍ ବ୍ରଡ୍ବ୍ୟାଣ୍ଡ୍ ସେବା ପ୍ରଦାନକାରୀ ଭାବେ ଜିଓ ଏହାର ସ୍ଥିତିକୁ ଆହୁରି ମଜଭୁତ କରିଛି। ରିଲାଏନ୍ସ ଜିଓ ଏକମାତ୍ର ଟେଲିକମ୍ ସେବା ପ୍ରଦାନକାରୀ ଭାବେ ୨୦୨୩ ଫେବ୍ରୁଆରିରେ ଓୟାରଲାଇନ୍ ଗ୍ରାହକ ଯୋଡ଼ିଥିବା ଟ୍ରାଇ ପକ୍ଷରୁ ପ୍ରକାଶିତ ତଥ୍ୟରୁ ଜଣାପଡ଼ିଛି। ୨୦୨୩ ଫେବ୍ରୁଆରି ଶେଷ ସୁଦ୍ଧା ଓଡ଼ିଶାରେ ମୋଟ ଓୟାରଲାଇନ୍ ଗ୍ରାହକ ସଂଖ୍ୟା ୩.୮୮ ଲକ୍ଷକୁ ବୃଦ୍ଧି ପାଇଛି। ଜାତୀୟ ସ୍ତରରେ ମଧ୍ୟ ଜିଓ ୨୦୨୩ ଫେବ୍ରୁଆରିରେ ୧.୮୮…
ନୂଆଦିଲ୍ଲୀ: ଆସାମ ପୋଲିସ ବର୍ତ୍ତମାନ ଭାରତୀୟ ପୋଲିସ ସେବା (ଆଇପିଏସ୍) ଅଧିକାରୀଙ୍କ ସମେତ ସମସ୍ତ କର୍ମଚାରୀଙ୍କ ବଡି ମାସ ଇଣ୍ଡେକ୍ସ (BMI) କୁ ବୃତ୍ତିଗତ ଭାବରେ ରେକର୍ଡ କରିବ, ଯାହା ଦ୍ଵାରା ଆଗାମୀ ଦିନରେ ଅପରାଗ ପୋଲିସ କର୍ମୀଙ୍କୁ କାର୍ଯ୍ୟରୁ ମୁକ୍ତି ମିଳିପାରିବ। ପୋଲିସ୍ କର୍ମୀଙ୍କୁ ସେମାନଙ୍କ ଫିଟନେସ୍ ଉପରେ କାମ କରିବାକୁ ତିନିମାସ ସମୟ ଦିଆଯିବ, ଯାହା ପରେ BMI ରେକର୍ଡ ହେବ। ଆସାମ ପୋଲିସ ମହାନିର୍ଦ୍ଦେଶକ ଜିପି ସିଂହ ଆଜି ଏକ ଟୁଇଟ୍ କରି କହିଛନ୍ତି ଯେ, ଆମେ ଆଇପିଏସ୍ ଏବଂ ଏପିଏସ୍ ଅଧିକାରୀଙ୍କ ସମେତ ସମସ୍ତ ଆସାମ ପୋଲିସ୍ କର୍ମଚାରୀଙ୍କୁ ଅଗଷ୍ଟ ୧୫ ପର୍ଯ୍ୟନ୍ତ ତିନି ମାସ ସମୟ ଦେବାକୁ ଯୋଜନା କରୁଛୁ ଏବଂ ତା’ପରେ ୧୫ ଦିନ ମଧ୍ୟରେ ଆମେ BMI ମୂଲ୍ୟାଙ୍କନ ଆରମ୍ଭ କରିବୁ। ମେଦବହୁଳ ବର୍ଗରେ (BMI 30+) ପଡୁଥିବା କର୍ମଚାରୀମାନଙ୍କୁ ଓଜନ ହ୍ରାସ କରିବାକୁ ଆଉ ତିନିମାସ ଦିଆଯିବ ଏବଂ ଏହା…
ପୁର1: ଆସନ୍ତାକାଲି ଜ୍ୟେଷ୍ଠ-କୃଷ୍ଣ ତ୍ରୟୋଦଶୀ ତିଥିରେ ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିଲାଗି ସାଧାରଣ ଦର୍ଶନ ୪ ଘଣ୍ଟା ପାଇଁ ବନ୍ଦ ରହିବ। ସନ୍ଧ୍ୟ। ୬ ଟାରୁ ରାତ୍ର ୧୦ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ। ପରମ୍ପରା ଅନୁଯାୟୀ, ଆଜି ଦ୍ୱିପ୍ରହର ଧୂପ ସରିବାପରେ ଦତ୍ତ ମହାପାତ୍ର ସେବକମାନେ ଶ୍ରୀମନ୍ଦିର ଗର୍ଭଗୃହକୁ ପ୍ରବେଶ କରିବା ସହ ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର କରିବେ। ପ୍ରାକୃତିକ ପ୍ରଣାଳୀରେ ପ୍ରସ୍ତୁତ ପ୍ରସାଧାନରେ ଶ୍ରୀବିଗ୍ରହମାନଙ୍କ ଶ୍ରୀମୁଖକୁ ଶୃଙ୍ଗାର କରାଯିବ। ହିଙ୍ଗୁଳ, ହରିତାଳ, ଶଙ୍ଖ, କସ୍ତୁରୀ ଓ କଳା ରଙ୍ଗରେ ମହାପ୍ରଭୁଙ୍କ ଶ୍ରୀମୁଖ ଚମକିବ। ଏହା ଏକ ଗୁପ୍ତ ସେବା ହୋଇଥିବାରୁ ସନ୍ଧ୍ୟ। ୬ ଟାରୁ ରାତ୍ର ୧୦ଟା ପର୍ଯ୍ୟନ୍ତ ସାଧାରଣ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ସିଜନ ୧୬ ରେ ପ୍ଲେ ଅଫ୍ ଦୌଡ ଅତ୍ୟନ୍ତ ରୋମାଞ୍ଚକର ହୋଇଛି। ସନରାଇଜର୍ସ ହାଇଦ୍ରାବାଦ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ମ୍ୟାଚ୍ ପରେ ପ୍ଲେ ଅଫ୍ ସ୍ଥିତି ଟିକେ ସ୍ପଷ୍ଟ ହୋଇଛି। ହାଇଦ୍ରାବାଦ ବିପକ୍ଷରେ ବିଜୟ ପଞ୍ଜିକରଣ କରି ଗୁଜୁରାଟ ପ୍ରଥମ ଦଳ ହୋଇପାରିଛି ଯାହା ପ୍ଲେ ଅଫରେ ପ୍ରବେଶ କରିଛି। ଏଥି ସହିତ ହାଇଦ୍ରାବାଦ ପ୍ଲେ ଅଫ୍ ଦୌଡରୁ ବାଦ ପଡିଛି। ମୁମ୍ବାଇ ଇଣ୍ଡିଆନ୍ସ, ସିଏସକେ ଏବଂ ଆରସିବି ପାଇଁ ପ୍ଲେ ଅଫରେ ପହଞ୍ଚିବାର ସମ୍ଭାବନା ବଢିଛି। ଯଦି ଆମେ ସିଏସକେ ବିଷୟରେ କହିବା, ଧୋନିଙ୍କ ଦଳ ବର୍ତ୍ତମାନ ୧୫ ପଏଣ୍ଟ ସହ ଟେବୁଲର ଦ୍ୱିତୀୟ ସ୍ଥାନରେ ଅଛି। ଯଦି ସିଏସକେ ସେମାନଙ୍କର ଶେଷ ମ୍ୟାଚ୍ ବିଜୟ ଲାଭ କରେ, ତେବେ ପ୍ଲେ ଅଫ୍ ସ୍ଥାନ ନିଶ୍ଚିତ ହେବ। ଯଦି ଶେଷ ମ୍ୟାଚ୍ ହାରିଯାଏ, ତେବେ ପ୍ଲେ ଅଫ୍ ଟିକେଟ୍ ପାଇବା ପାଇଁ ସିଏସକେ…
ଭୁବନେଶ୍ଵର: ମାଟ୍ରିକ ପରୀକ୍ଷା ଦେଇଥିବା ଛାତ୍ରଛାତ୍ରୀମାନଙ୍କ ପାଇଁ ବଡ ଖବର ଆସିଛି। ଆସନ୍ତା ୧୮ ତାରିଖରେ ମାଟ୍ରିକ ଫଳ ପ୍ରକାଶ ପାଇବ। ସକାଳ ୧୦ଟାରେ ଫଳାଫଳ ପ୍ରକାଶ ପାଇବ। ମଧ୍ୟାହ୍ନ ୧୨ଟାରେ ଛାତ୍ରଛାତ୍ରୀମାନେ ମାଧ୍ୟମିକ ଶିକ୍ଷା ପରିଷଦର ଅଫିସିଆଲ ୱେବ ସାଇଟରୁ ପରୀକ୍ଷା ଫଳ ପାଇପାରିବେ। ଏ ନେଇ ଆଜି ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଘୋଷଣା କରାଯାଇଛି। ମାଟ୍ରିକ୍ ସହିତ ସଂସ୍କୃତ ମଧ୍ୟମା ଏବଂ ଷ୍ଟେଟ ଓପନ ସ୍କୁଲ ସାର୍ଟିଫିକେଟ୍ ପରୀକ୍ଷା ଫଳ ମଧ୍ୟ ପ୍ରକାଶ ପାଇବ। ଚଳିତ ବର୍ଷ ୫ ଲକ୍ଷ ୪୧ ହଜାର ୨୪୭ ଜଣ ପିଲା ମାଟ୍ରିକ୍ ପରୀକ୍ଷା ଦେଇଛନ୍ତି। ୩ ହଜାର ୨୧୮ଟି କେନ୍ଦ୍ରରେ ମାଟ୍ରିକ୍ ପରୀକ୍ଷା ହୋଇଥିଲା। ରାଜ୍ୟରେ ୫୫ଟି ମୂଲ୍ୟାୟନ କେନ୍ଦ୍ରରେ ପରୀକ୍ଷାର୍ଥୀଙ୍କ ଉତ୍ତର ଖାତାର ମୂଲ୍ୟାୟନ ଏପ୍ରିଲ ୩ ତାରିଖରୁ ଆରମ୍ଭ ହୋଇ ୧୨ ଦିନ ପର୍ଯ୍ୟନ୍ତ ଚାଲିଥିଲା।
ଆରା: ବିହାରରୁ ବଡ ଖବର ଆସୁଛି। ଆରାର ଆରଜେଡି ବିଧାୟକଙ୍କ ଠିକଣାରେ ସିବିଆଇ ଚଢାଉ ଜାରି ରହିଛି। ବିଧାୟକ କିରଣ ଦେବୀଙ୍କ ସ୍ୱାମୀ ଅରୁଣ ଯାଦବ ଜଣେ ବଡ ବାଲି ବ୍ୟବସାୟୀ। ବିଧାୟକ କିରଣ ଦେବୀ ଲାଲୁ ପ୍ରସାଦଙ୍କ ଘନିଷ୍ଠ ଏବଂ ପୂର୍ବତନ ବିଧାୟକ ଅରୁଣ ଯାଦବଙ୍କ ପତ୍ନୀ। ଏହି ଚଢାଉ ପାଇଁ ସିବିଆଇ ଟିମ୍ ଭୋଜପୁରର ଅଙ୍ଗିଆଭ ସ୍ଥିତ କିରଣ ଦେବୀଙ୍କ ବାସଭବନରେ ପହଞ୍ଚିଛି। ସୂଚନା ଅନୁଯାୟୀ, ବିଧାୟକ କିରଣ ଦେବୀଙ୍କ ଅନେକ ସ୍ଥାନରେ ସିବିଆଇ ଦଳର ଚଢାଉ ଚାଲିଛି। ପ୍ରକାଶ ଯେ, କିରଣ ଦେବୀ ପ୍ରଥମ ଥର ପାଇଁ ବିଧାୟକ ହୋଇଛନ୍ତି। ସେ ପୂର୍ବତନ ଆରଜେଡି ବିଧାୟକ ତଥା ବାହୁବଲୀ ନେତା ଅରୁଣ ଯାଦବଙ୍କ ପତ୍ନୀ, ଯାହାଙ୍କୁ ଗତ ନିର୍ବାଚନରେ ପ୍ରଥମ ଥର ପାଇଁ ଆରଜେଡି ଟିକେଟ ଦେଇଥିଲା। ଅଙ୍ଗିଆଭରେ ଅରୁଣ ଯାଦବଙ୍କର ଏକ ବିଳାସପୂର୍ଣ୍ଣ ବଙ୍ଗଳା ଅଛି, ଯେଉଁଠାରେ ସିବିଆଇ ଦଳ ପହଞ୍ଚିଛି। ଅରୁଣ ଯାଦବ ମଧ୍ୟ…