Author: Samikhsya Bureau

ନୂଆଦିଲ୍ଲୀ: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଥିବା ତିନିଟି ଦିନିକିଆ ସିରିଜରେ ଟିମ୍ ଇଣ୍ଡିଆ ୨-୦ ଅଗ୍ରଣୀ ହାସଲ କରି ସିରିଜ୍ ଜିତିଛି। ରାୟପୁରରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ଭାରତୀୟ ଦଳ ୮ ୱିକେଟ୍ ଜିତିଛି। ନ୍ୟୁଜିଲ୍ୟାଣ୍ଡ ବିପକ୍ଷରେ ଭାରତୀୟ ଦଳ କ୍ରମାଗତ ସପ୍ତମ ସିରିଜ ଜିତିଛି। ଏହି ସିରିଜ୍ ବିଜୟ ସହିତ ଏହା ସ୍ପଷ୍ଟ ହୋଇଯାଇଛି ଯେ, ଘରୋଇ ପିଚରେ ଭାରତୀୟ ଦଳକୁ ଦିନିକିଆ ସିରିଜରେ ପରାସ୍ତ କରିବା ପ୍ରାୟ ଅସମ୍ଭବ। ଏହି ସାତୋଟି ସିରିଜରେ ଭାରତୀୟ ଦଳ କ୍ରିକେଟ୍ ଜଗତର ବଡ ଦଳକୁ ପରାସ୍ତ କରିଛି। ଏଥିରେ ନ୍ୟୁଜିଲ୍ୟାଣ୍ଡ, ଇଂଲଣ୍ଡ, ଅଷ୍ଟ୍ରେଲିଆ, ୱେଷ୍ଟଇଣ୍ଡିଜ୍, ଦକ୍ଷିଣ ଆଫ୍ରିକା ଏବଂ ଶ୍ରୀଲଙ୍କା ଭଳି ଦଳ ଅନ୍ତର୍ଭୁକ୍ତ। ନିକଟରେ ଭାରତୀୟ ଦଳ ଦିନିକିଆ ସିରିଜରେ ଶ୍ରୀଲଙ୍କାକୁ ୩-୦ ରେ କ୍ଳିନ ସ୍ଵିପ କରିଥିଲା। ଦଳ ଶ୍ରୀଲଙ୍କା ବିପକ୍ଷ ଟି-୨୦ ସିରିଜ ଜିତି ୨୦୨୩ ଆରମ୍ଭ କରିଥିଲା। ଭାରତୀୟ ଦଳ ୨୦୨୦ ରେ ୱେଷ୍ଟଇଣ୍ଡିଜ୍…

ଭୁବନେଶ୍ବର: ବରିଷ୍ଠ ଓଏଏସ ତଥା ବୟନିକାର ପରିଚାଳନା ନିର୍ଦ୍ଦେଶକ ଓ ରାଜ୍ୟ ହସ୍ତତନ୍ତ ନିର୍ଦ୍ଦେଶକ ଶ୍ୟାମଭକ୍ତ ମିଶ୍ରଙ୍କୁ ଓଡ଼ିଶା ଲୋକସେବା ଆୟୋଗ(ଓପିଏସ୍‌ସି)ର ନୂଆ ସଦସ୍ୟ ଭାବେ ନିଯୁକ୍ତି ପାଇଛନ୍ତି । ଶନିବାର ରାଜ୍ୟ ସାଧାରଣ ପ୍ରଶାସନ ବିଭାଗ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି । ଶ୍ୟାମ୍‌ଭକ୍ତ ବାବୁଙ୍କ ଅବସର ନେବାକୁ ଆହୁରି ୫ମାସ ବାକି ରହିଥିବା ବେଳେ ସେ ଏହି ନୂଆ ନିଯୁକ୍ତି ପାଇଛନ୍ତି । ଶ୍ରୀ ମିଶ୍ର ଏହି ନୂଆ ଦାୟିତ୍ୱ ଗ୍ରହଣ କରିବା ଠାରୁ ୬ବର୍ଷ ପର୍ଯ୍ୟନ୍ତ କିମ୍ବା ୬୨ବର୍ଷ ବୟସ ହେବା ପର୍ଯ୍ୟନ୍ତ ଯାହା ଆଗ ପଡ଼ିବ ସେ ପର୍ଯ୍ୟନ୍ତ କାର୍ଯ୍ୟ ସମ୍ପାଦନ କରିବେ।

ନୂଆଦିଲ୍ଲୀ: ଚୀନ୍ ସହିତ ଚାଲିଥିବା ବିବାଦ ମଧ୍ୟରେ ଆମର ବାୟୁସେନା ଉତ୍ତର ପୂର୍ବ ଭାରତରେ ଏକ ବଡ ଯୁଦ୍ଧାଭ୍ୟାସ କରିବାକୁ ଯାଉଛି। ଏହି ଯୁଦ୍ଧ ଅଭ୍ୟାସର ନାମ ‘ପ୍ରଳୟ’ ରଖାଯାଇଛି। ବାୟୁସେନା ସହ ଜଡିତ ସୂତ୍ରରୁ ଜଣାପଡିଛି ଯେ, ସମସ୍ତ ପ୍ରମୁଖ ଏୟାରବେସରୁ ଅଭ୍ୟାସ କରାଯିବ। ନିକଟରେ ନିୟୋଜିତ ଡ୍ରୋନ୍ ସ୍କ୍ବାଡ୍ରନ୍ ମଧ୍ୟ ଏହାର ଏକ ଅଂଶ ହେବ। ଏସ-୪୦୦ ଏୟାର ଡିଫେନ୍ସ ସ୍କ୍ବାଡ୍ରନ୍ ମଧ୍ୟ ନିୟୋଜିତ: ପ୍ରଳୟ ଅଭ୍ୟାସ ଏପରି ଏକ ସମୟରେ ଘଟୁଛି, ଯେତେବେଳେ ଭାରତୀୟ ବାୟୁସେନା ପୂର୍ବ ସେକ୍ଟରରେ ଏସ-୪୦୦ ଏୟାର ଡିଫେନ୍ସ ସ୍କ୍ବାଡ୍ରୋନ୍ ନିୟୋଜିତ ଏବଂ ସକ୍ରିୟ କରିଛି, ଯାହା ୪୦୦ କିଲୋମିଟର ମଧ୍ୟରେ କୌଣସି ଶତ୍ରୁ ବିମାନ କିମ୍ବା କ୍ଷେପଣାସ୍ତ୍ରକୁ ନଷ୍ଟ କରିପାରିବ। ଦୁନିଆର ବହୁତ କମ୍ ଦେଶରେ ଏହି ପ୍ରକାରର ବାୟୁ ପ୍ରତିରକ୍ଷା ବ୍ୟବସ୍ଥା ଅଛି। ଋଷ ସହିତ କୋଟି କୋଟି ଡଲାରରେ ଭାରତ ଏହି ଚୁକ୍ତି କରିଛି। ଅଧିକାରୀଙ୍କ କହିବାନୁସାରେ, ଭାରତୀୟ…

ରଣପୁର: ରଣପୁର କଦମ୍ବ ସାହି ସ୍ଥିତ ମା’ ହାବୁଡ଼ାସିଂହୀ ମନ୍ଦିରରେ ୨୬ତମ ଚଣ୍ଡୀ ମହାଯଜ୍ଞ ଅନୁଷ୍ଠିତ ହୋଇ ଆଜି ଗୋଧୂଳି ସମୟରେ ପୂର୍ଣ୍ଣାହୁତି କାର୍ଯ୍ୟ ସମାପ୍ତ ହୋଇଛି। ଏହି ଯଜ୍ଞ ଚଳିତ ମାସ ୧୭ ତାରିଖରୁ ଆରମ୍ଭ ହୋଇ ୨୧ ତାରିଖ ପର୍ଯ୍ୟନ୍ତ ଚାଲିଥିଲା। ଯଜ୍ଞ ସମିତି ତରଫରୁ ମିଳିଥିବା କାର୍ଯ୍ୟ ସୂଚୀ ଅନୁଯାୟୀ ଚଳିତ ମାସ ୧୭ ତାରିଖରେ ଅଙ୍କୁରାରୋପଣ, ୧୮ ତାରିଖରେ କଳସ ଯାତ୍ରା, ୧୯ ତାରିଖରେ ଯଜ୍ଞ ଆରମ୍ଭ ଓ ୨୦ ତାରିଖରେ ଯଜ୍ଞ କାର୍ଯ୍ୟ କରାଯାଇଥିଲା। ୨୧ ତାରିଖ ଶନିବାର ତ୍ରିବେଣୀ ଅମାବାସ୍ୟା ଦିନ ଗୋଧୂଳି ସମୟରେ ପୂର୍ଣ୍ଣାହୁତି କାର୍ଯ୍ୟ ସମ୍ପନ୍ନ କରାଯାଇଥିଲା। ଏହି ଯଜ୍ଞରେ ପ୍ରତ୍ୟେକ ଦିନ ଶହ ଶହ ଭକ୍ତ ଆସି ମା ହାବୁଡ଼ାସିଂହୀଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରନ୍ତି। ପୂର୍ଣ୍ଣାହୁତି ଦିନ ହଜାରରୁ ଅଧିକ ଭକ୍ତଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା। ଏହି ମନ୍ଦିର ସମ୍ବନ୍ଧରେ ଏକ ଜନଶ୍ରୁତି ରହିଛି।…

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ରାଜ୍ୟ ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁଙ୍କ ପୋଲସରା ନିର୍ବାଚନ ମଣ୍ଡଳୀ ଅନ୍ତର୍ଗତ ବୁଗୁଡ଼ା ବ୍ଳକ ଭଗବାନପୁର ପଞ୍ଚାୟତ ପାଣିକେଶ୍ଵର ଗ୍ରାମର ବୟସ୍କ ମହିଳା ଉଲି ପ୍ରଧାନ ଆଜକୁ ଦୁଇ ବର୍ଷ ହେଲା ମଧୁମେହ ରୋଗରେ ପୀଡିତ ହୋଇ ଅର୍ଥ ଅଭାବରୁ ଜୀବନ ଯନ୍ତ୍ରଣା ଭୋଗ କରୁଛନ୍ତି। ରୋଗୀଣା ମହିଳା ଉଲିଙ୍କ ସ୍ବାମୀ ସାଧୁ ପ୍ରଧାନ ଜଣେ ଚାଷୀ ଅଟନ୍ତି। ଚାଷ କାମ ତାଙ୍କର ବେଉସା ହେଲେ ମଧ୍ୟ ଘର ଚଳାଇବା ବହୁତ କଷ୍ଟ ହେଉଥିବାର ସାଧୁଙ୍କ ଠାରୁ ପ୍ରକାଶ। ଧାର ଉଧାର କରି ଘର ଚଳାଇବା ସହିତ ରୋଗୀଣା ସ୍ତ୍ରୀ ର ଔଷଧ ଖର୍ଚ୍ଚ ତୁଲାଇବା ନିମନ୍ତେ ବହୁ କଷ୍ଟ ହେଉଥିବାର କହୁଛନ୍ତି। ଅନ୍ୟଥା ସାଧୁ ପ୍ରଧାନଙ୍କର ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା କାର୍ଡ ଥିଲେ ମଧ୍ୟ ତାହା କାର୍ଯ୍ୟରେ ଆସୁନାହିଁ। ବର୍ତ୍ତମାନ ପରିସ୍ଥିତିରେ ସରକାରୀ ସହାୟତା ନମିଳିଲେ ଧର୍ମ ପତ୍ନୀ ଙ୍କର ଜୀବନ ବିପନ୍ନ…

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ୧୭ ବର୍ଷିୟା କଲେଜ ଛାତ୍ରୀ ତଥା ମଡେଲର ଅର୍ଚ୍ଚିତା ମହାପାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ବଡ଼ବଜାର ଥାନା ଅନ୍ତର୍ଗତ ଆସ୍କା ରୋଡ଼ ଜଗନ୍ନାଥ ବିହାରରେ ଅର୍ଚ୍ଚିତା ମହାପାତ୍ର ରହୁଥିବା ବେଳେ ନିଜ ଶୋଇବା ଘରେ ବେକରେ ଓଢ଼ଣୀ ବାନ୍ଧି ଆତ୍ମହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି। ଘଟଣାରୁ ପ୍ରକାଶ ସ୍ବର୍ଗତ ଅର୍ଚ୍ଚିତାଙ୍କ ବାପା ବିଷ୍ଣୁ ମହାପାତ୍ରଙ୍କ ବିୟୋଗ ପରେ ସେ ଓ ବଡ଼ ଭଉଣୀ ମାଁ ଙ୍କ ସହ ଜଗନ୍ନାଥ ବିହାର ଘରେ ରହୁଥିଲେ ଓ ସେ ଯୁକ୍ତ ଦୁଇ ଶ୍ରେଣୀରେ ପଢ଼ିବା ସହ ମଡେଲିଂ କରୁଥିଲେ। କିନ୍ତୁ ମାଁ ସୁପ୍ରଭା ମହାପାତ୍ର ଏଥିରୁ ବାରଣ କରୁଥିଲେ। ଏହି ଭଳି ପରିସ୍ଥିତିରେ ସେ ଆତ୍ମହତ୍ୟାର ବାଟ ବାଛିବା ସହିତ ଏକ…

ଭୁବନେଶ୍ୱର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଜଟଣୀର ଜାମୁକୋଳି ଅଞ୍ଚଳରେ ଥିବା ଭୁବନେଶ୍ୱର ମହାନଗର ନିଗମ ଅଧୀନସ୍ଥ ଗୋଶାଳା ପରିଦର୍ଶନ କରି ଗୋରୁ ମାନଙ୍କ ରକ୍ଷଣା ବେକ୍ଷଣ ଓ ସେମାନଙ୍କ ପାଇଁ ଥିବା ବ୍ୟବସ୍ଥା ସମ୍ପର୍କରେ ପ୍ରତ୍ୟକ୍ଷ ଅନୁଧ୍ୟାନ କରିଛନ୍ତି। ଗାଈ ମାନଙ୍କର ଉପଯୁକ୍ତ ଯତ୍ନ ନେବା ପାଇଁ କର୍ମଚାରୀ ମାନଙ୍କୁ ପରାମର୍ଶ ଦେଇଛନ୍ତି। ଗାଈ ମାନଙ୍କ ପାଇଁ ଥିବା ବିଭିନ୍ନ ବ୍ୟବସ୍ଥା, ଦିଆ ଯାଉଥିବା ଗୋ ଖାଦ୍ୟ ସବୁ ବୁଲି ଦେଖିଥିଲେ ଏବଂ କିଛି ଗାଈ ମାନଙ୍କୁ ଫଳ ଓ ପନିପରିବା ମଧ୍ୟ ଖାଇବାକୁ ଦେଇଥିଲେ। ଏକ ନବ ଜନ୍ମିତ ବାଛୁରୀକୁ ଦେଖି ମୁଖ୍ୟମନ୍ତ୍ରୀ ଏହାର ନାମ କଣ ବୋଲି ପଚାରି ଥିଲେ। ତାହାର ନାମ ଦିଆ ଯାଇ ନାହିଁ ବୋଲି ଜାଣିବା ପରେ ମୁଖ୍ୟମନ୍ତ୍ରୀ ତା’ର ନାମ ରଖିଥଲେ କ୍ରିଷ୍ଣା। ସୂଚନା ଯୋଗ୍ୟ ଯେ ଜାମୁକୋଳି ଠାରେ ୨୦୧୮ ମସିହାରେ ଭୁବନେଶ୍ୱର ମହାନଗର ନିଗମ ପକ୍ଷରୁ ୫.୫…

ସୀତାରାମ ଅଗ୍ରୱାଲ ବାଲୁଗାଁ: ଆଜି ବାଲୁଗାଁ ମହାବିଦ୍ୟାଳୟର ଦର୍ଶନ ଶାସ୍ତ୍ର ବିଭାଗ ପକ୍ଷରୁ ଏକ ସ୍ୱତନ୍ତ୍ର ଆଲୋଚନା ଚକ୍ର ଅଧ୍ୟକ୍ଷା ବିନତି ମଞ୍ଜରୀ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।  ବିଭାଗୀୟ ମୁଖ୍ୟ ଅଧ୍ୟାପକ ଡକ୍ଟର କୈଳାଶ ଚନ୍ଦ୍ର ମହାରଣା ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିଲେ। ଏହାପରେ ଜ୍ୟୋତି ବିଶ୍ୱାସଙ୍କ ଦ୍ୱାରା ଅତିଥି ପରିଚୟ ପ୍ରଦାନ ପରେ ମୁଖ୍ୟ ଅତିଥିଭାବେ ଯୋଗଦେଇ ଚେନ୍ନାଇସ୍ଥିତ ମାଡ୍ରାସ ବିକାଶ ଅଧ୍ୟୟନ କେନ୍ଦ୍ରର ପ୍ରଫେସର ଅନନ୍ତ କୁମାର ଗିରି ଛାତ୍ରଛାତ୍ରୀ ମାନଙ୍କୁ ଦର୍ଶନ ଶାସ୍ତ୍ରର ଉପଯୋଗିତା ଓ ଗ୍ରୀକ ଦାର୍ଶନିକ ମାନଙ୍କର ବିଶ୍ୱକୁ ଅବଦାନ ସମ୍ପର୍କରେ ଉଲ୍ଲେଖ କରି କହିଥିଲେ ଯେ, ଦର୍ଶନ ହେଉଛି ସର୍ବ ବିଦ୍ୟାର ଆଧାର ଓ ସକଳ ଜ୍ଞାନର ସମନ୍ୱୟ। ଏଥି ସହିତ ମହାସରସ୍ବତୀଙ୍କ ବିଭାବ, ଦର୍ଶନ ଓ ଭାଷାର ନବ ଉନ୍ମେଷ ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ବିଭାଗ ପକ୍ଷରୁ ପ୍ରଫେସର ଗିରିଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।  ପ୍ରାଧ୍ୟାପିକା ଡକ୍ଟର…

ନିରାକାରପୁର: ଖୋର୍ଦ୍ଧା ରୋଡ ରେଳଡିଭିଜନ ଅନ୍ତର୍ଗତ ନିରାକାରପୁର ଗୋଳବାଇ ଷ୍ଟେସନ ମଧ୍ୟରେ ରେଳ ଧାରଣାରୁ ଜଣେ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର। ମୃତକ ଜଣଙ୍କ ପରିଚୟ ମିଳିପାରି ନଥିବା ବେଳେ ଯୁବକ ଜଣଙ୍କ ଫୁଲପ୍ୟାଣ୍ଟ ସାର୍ଟ ପିନ୍ଧି ଥିବା ଜଣାପଡିଛି।ଯୁବକ ଜଣଙ୍କ ଆନୁମାନିକ ବୟସ ୩୦/୩୫ବର୍ଷ ମଧ୍ୟରେ ହେବ। ନିରାକାରପୁର ଜିଆରପି ପୋଲିସ ଏକ ୟୁଡି କେସ ୫/୨୩ରେ ରୁଜୁକରି ଶବ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ମେଡିକାଲକୁ ପଠାଇ ତଦନ୍ତ ଜାରି ରଖିଥିବା ଜଣାପଡିଛି।

ଭୁବନେଶ୍ବର: ବହୁଦିନ ପରେ ଓଡିଶାରେ ଓଡ଼ିଆ ସିନେମାର ସ୍ବର୍ଣ୍ଣିମ ଯୁଗ ଫେରିଛି। ରାଜ୍ୟରେ ପୂର୍ଣ୍ଣ ପ୍ରେକ୍ଷାଳୟ ସହ ୫୦ ଦିନ ସଂପୂର୍ଣ୍ଣ କରିଛି ସୁପରହିଟ୍ ଓଡ଼ିଆ ଚଳଚ୍ଚିତ୍ର ‘ପ୍ରତୀକ୍ଷା’। ଏହି ଅବସରରେ ଭୁବେଶ୍ବରର ସ୍ତୁତି ସିନେମା ହଲରେ ଅନୁଷ୍ଠିତ ହୋଇଥିଲା ଏକ ସେଲେବ୍ରେସନ୍ ଉତ୍ସବ। ଏଥିରେ ଯୋଗଦେଇଥିଲେ ଓଡ଼ିଆ ସିନେମାର ମହାନ୍ କଳାକାର ପ୍ରଶାନ୍ତ ନନ୍ଦ, ସିଦ୍ଧାନ୍ତ ମହପାତ୍ର, ସାଂସଦ ସୁଲତା ଦେଓ, ନିର୍ଦ୍ଦେଶକ ଅନୁପମ ପଟ୍ଟନାୟକ, କ୍ରିଏଟିଭ୍ ହେଡ ମୁଖ୍ୟ ପ୍ରଣୟ ଜେଠୀ, ଲାଇନ୍‌ ପ୍ରଡ୍ୟୁସର ଗୋପାଳ ଘଡେଇ ଓ ଚଳଚ୍ଚିତ୍ରର ସମସ୍ତ କଳାକାର ଓ ଟେକ୍ନିସିଆନ୍ ଉପସ୍ଥିତ ଥିଲେ। ଏହି ଅବସରରେ ସ୍ତୁତି ସିନେମା ହଲର ମାଲିକ ବିଜେନ୍ଦ୍ର ମହାନ୍ତି (ବାବୁଲି ବାବୁ) ଙ୍କୁ ସମ୍ବର୍ଦ୍ଧନା ଦିଆଯାଇଥିଲା। ଆସନ୍ତାକାଲି ଭୁବନେଶ୍ବରସ୍ଥିତ ସିନେପୋଲିସ୍ ରେ ଆୟୋଜିତ ହେବ ‘ପ୍ରତୀକ୍ଷା’ ଏକ ବିଶେଷ ସ୍କ୍ରିନିଂ ଆୟୋଜିତ ହେବ। ଏଥିରେ ହିନ୍ଦୀ ଚଳଚ୍ଚିତ୍ର ଜଗତର ସୁନାମଧନ୍ୟ କଳାକାର ଶ୍ରୀଯୁକ୍ତ ଅନୁପମ ଖେର ଯୋଗଦେବାର…

ନୂଆଦିଲ୍ଲୀ: ବିଶ୍ୱ ଟେଷ୍ଟ ଚାମ୍ପିଅନସିପ୍ ର ଫାଇନାଲିଷ୍ଟ ଦଳ ସ୍ଥିର କରିବାକୁ ଅଧିକ ସମୟ ବାକି ନାହିଁ। ସମ୍ଭବତଃ ଆସନ୍ତା ମାସରେ ସ୍ପଷ୍ଟ ହୋଇଯିବ ଯେ, ଏଥର କେଉଁ ଦଳ WTC ଫାଇନାଲରେ ଲଢିବେ। ସମ୍ପ୍ରତି ବିଶ୍ୱ ଟେଷ୍ଟ ଚାମ୍ପିଅନସିପ୍ ଅଧୀନରେ ତିନୋଟି ସିରିଜ୍ ବାକି ଅଛି, ଯେଉଁଥିରେ ମୋଟ ୮ ଟି ମ୍ୟାଚ୍ ଖେଳାଯିବ। ଏହି ୮ ଟି ମ୍ୟାଚ୍ WTC ଫାଇନାଲିଷ୍ଟମାନଙ୍କୁ ସ୍ଥିର କରିବ । ଏଭଳି ପରିସ୍ଥିତିରେ ଟିମ୍ ଇଣ୍ଡିଆ କିପରି ଫାଇନାଲରେ ପ୍ରବେଶ କରିପାରିବ, ଏଠାରେ ବୁଝନ୍ତୁ… WTC ପଏଣ୍ଟ ଟେବୁଲରେ ବର୍ତ୍ତମାନ ଅଷ୍ଟ୍ରେଲିଆ (୭୫.୫୬%) ପ୍ରଥମ ସ୍ଥାନରେ ଏବଂ ଭାରତୀୟ ଦଳ (୫୮.୯୩%) ଦ୍ୱିତୀୟ ସ୍ଥାନରେ ଅଛି। ଏବଂ ଏହି ଦୁଇ ଦଳ ମଧ୍ୟ WTC ର ଫାଇନାଲରେ ପହଞ୍ଚିବା ପାଇଁ ସବୁଠାରୁ ବଡ ପ୍ରତିଦ୍ୱନ୍ଦ୍ୱୀ। WTC ଫାଇନାଲ ଦୃଷ୍ଟିରୁ ଏହି ଦୁଇ ଦଳ ମଧ୍ୟରେ ଫେବୃଆରୀରୁ ଆରମ୍ଭ ହୋଇଥିବା ବର୍ଡର-ଗାଭାସ୍କର ଟ୍ରଫି ସବୁଠାରୁ…

ରଣପୁର: ଆଜି ରଣପୁର ମଣିନାଗ ମନ୍ଦିର ନିକଟସ୍ଥ ହନୁମାନ ମନ୍ଦିର ଠାରେ ରଣପୁର ବ୍ଲକ ପ୍ରାଥମିକ ଶିକ୍ଷକ ସଙ୍ଘ ଦ୍ୱାରା ଏକ ସେବା ନିବୃତ ସେବା ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟକ୍ରମରେ ବ୍ଲକ ଶିକ୍ଷା ଅଧିକାରିଣୀ ବନଲତା ବେହେରା, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ରାଉତ, ଜିଲ୍ଲା ପ୍ରାଥମିକ ସଙ୍ଘ ସଭାପତି ଜ୍ୟୋତି ରଞ୍ଜନ ଦାଶ, ସମ୍ପାଦକ ଭକ୍ତ ରଞ୍ଜନ ମିଶ୍ର, ସଂଗଠନ ସମ୍ପାଦକ ସୁରେଶ ଚନ୍ଦ୍ର ମହାପାତ୍ର, ରଣପୁର ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି ପ୍ରଫୁଲ କୁମାର ବିଶ୍ୱାଳ, ସମ୍ପାଦକ ଜଗନ୍ନାଥ ଦାଶ ପ୍ରମୁଖ ଅତିଥି ଭାବେ ମଞ୍ଚାସିନ ଥିଲେ। ଏହି ସେବା ନିବୃତ ସେବାରେ ଅବସର ପ୍ରାପ୍ତ ଶିକ୍ଷକ ପ୍ରଫୁଲ କୁମାର ମିଶ୍ର, ବିରଞ୍ଚି ନାରାୟଣ ରଣା ଓ ପଞ୍ଚୁ ନାୟକଙ୍କୁ ଉପଢୌକନ, ମାନପତ୍ର ଓ ପୁଷ୍ପଗୁଚ୍ଛ ପ୍ରଦାନ କରି ବିଦାୟ ସମ୍ବର୍ଦ୍ଧନା ଦିଆ ଯାଇଥିଲା। ଉପସ୍ଥିତ ଥିବା ଶିକ୍ଷକ ଶିକ୍ଷୟତ୍ରୀମାନେ ବିଦାୟୀ…

ସୀତାରାମ ଅଗ୍ରୱାଲ ଚିଲିକା: ଆଜି ପୂର୍ବାହ୍ନରେ ଜିଲ୍ଲାର ଅଗ୍ରଣୀ ସାମ୍ବାଦିକ ସଂଘ ‘ଶାଳିଆ ପ୍ରେସ କ୍ଲବ’ ର ଏକ ପ୍ରତିନିଧି ମଣ୍ଡଳି ସଭାପତି ଅଜିତ କୁମାର ସାହୁଙ୍କ ନେତୃତ୍ୱରେ ଖୋର୍ଦ୍ଧା ଜିଲ୍ଲାପାଳ କେ. ସୁଦର୍ଶନ ଚକବର୍ତ୍ତୀଙ୍କୁ ସାକ୍ଷାତ କରି ବାଣପୁର, ବାଲୁଗାଁ ଓ ଚିଲିକା ଅଞ୍ଚଳର ବିଭିନ୍ନ ସମସ୍ୟା ଉପରେ ବିସ୍ତୃତ ଭାବେ ଆଲୋଚନା କରିବା ସହ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଥିଲେ। ବାଣପୁର ସ୍ଥିତ ଶାଳିଆ ଡ୍ୟାମ ରାଜ୍ୟର ଏକ ପ୍ରମୁଖ ପର୍ଯ୍ୟଟନ ସ୍ଥଳ ହୋଇଥିବା ସ୍ଥଳେ ଏହାକୁ ସଂଯୋଗ କରୁଥିବା ପ୍ରତାପ ଗ୍ରାମ ପର୍ଯ୍ୟନ୍ତ ଉପର ରୋଡ ଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି ଯାହାଫଳରେ ପର୍ଯ୍ୟଟକ ଏବଂ ସ୍ଥାନୀୟ ଅଞ୍ଚଳବାସୀ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଉକ୍ତ ରୋଡ ଉପରେ ଖୋର୍ଦ୍ଧା ଏବଂ ଗଞ୍ଜାମ ଜିଲ୍ଲାର ଜନସାଧାରଣ ନିର୍ଭର କରୁଥିବା ବେଳେ ବିଭାଗୀୟ ଅବହେଳା ପାଇଁ ଏହାର ମରାମତି କାର୍ଯ୍ୟ ହୋଇପାରୁନାହିଁ। ସେହିପରି ଭାବେ ଆଉ କେଇ…

ଭୁବନେଶ୍ୱର: ବଢ଼ିଲା ଅନୁଦାନପ୍ରାପ୍ତ ବେସରକାରୀ କଲେଜ କର୍ମଚାରୀଙ୍କ ଗ୍ରାଣ୍ଟ-ଇନ୍ ଏଡ୍।  ଏନେଇ ରାଜ୍ୟ କ୍ୟାବନେଟରେ ମୋହର ଲାଗିଛି। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିଲା ଗୁରୁତ୍ୱପୂର୍ଣ୍ଣ ରାଜ୍ୟ କ୍ୟାବିନେଟ ବୈଠକ। ମୋଟ ବାର ପ୍ରସ୍ତାବ ଅନୁମୋଦନ ଲାଭ କରିଛି। ବୈଠକ ପରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର କହିଛନ୍ତି ଯେ, ଗ୍ରାମୀଣ ପାଇପ ଜଳ ଯୋଗାଣରେ ୨ଟି ପ୍ରକଳ୍ପକୁ ଅନୁମୋଦନ ଦେଇଛନ୍ତି ରାଜ୍ୟ କ୍ୟାବିନେଟ। ଅନ୍ୟ ପ୍ରସ୍ତାବଗୁଡ଼ିକ ହେଉଛି.. ଯାଜପୁରର ବରୀ ଓ କୋରେଇ ବ୍ଲକରେ ନିର୍ମାଣ ହେବ ଏହି ପ୍ରକଳ୍ପ। -ନୟାଗଡ଼ର ଦଶପଲା, ଗଣିଆ ଓ ନୂଆଗାଁରେ ହେବ ୩ଟି ପାନୀୟଜଳ ପ୍ରକଳ୍ପ ହେବ। -ମାଲକାନଗିରିର ୪ଟି ପାନୀୟ ଜଳ ପ୍ରକଳ୍ପକୁ କ୍ୟାବିନେଟ ମଞ୍ଜୁରୀ। -ଜଳେଶ୍ୱର ଗୋବରୀ ଘାଟର ସୁବର୍ଣ୍ଣରେଖା ନଦୀରେ ହେବ ବ୍ରିଜ୍। ଓଡ଼ିଶା ଗ୍ରୁପ-ବି କର୍ମଚାରୀ ନିଯୁକ୍ତି ଓ ସେବାସର୍ତ୍ତରେ ସଂଶୋଧନ।

ଭୁବନେଶ୍ବର: ନବ ବର୍ଷ ସହିତ, ରିଲାଏନ୍‌ସ ଡିଜିଟାଲ୍ ଭାରତର ସର୍ବବୃହତ୍ ଇଲେକ୍‌ଟ୍ରୋନିକ ସେଲ୍ ‘ଡିଜିଟାଲ୍ ଇଣ୍ଡିଆ ସେଲ୍‌’ ସହିତ ଆପଣଙ୍କର ଟେକ୍ ଉତ୍ପାଦକୁ ଅପଗ୍ରେଡ୍ କରିବାର ଏକ ନୂତନ ସୁଯୋଗ ନେଇ ଆସିଛି। ଆପଣଙ୍କର ପସନ୍ଦର ଇଲେକ୍‌ଟ୍ରୋନିକ୍‌ସ ଉପରେ ଅତୁଳନୀୟ ଅଫର ଓ ଡିସକାଉଂଟ ଲାଭ କରନ୍ତୁ। ଏବଂ କେବଳ ଏତିକି ନୁହେଁ ! ସମସ୍ତ କ୍ରେଡିଟ୍ ଓ ଡେବିଟ୍ କାର୍ଡ଼ରେ ଟ.୨୦,୦୦୦ ପର୍ଯ୍ୟନ୍ତ ଇନ୍‌ଷ୍ଟାଂଟ ଡିସକାଉଂଟଞ୍ଚ ସୁବିଧାକୁ କେବଳ ରିଲାଏନ୍‌ସ ଡିଜିଟାଲ, ମାଇଁ ଜିଓ ଷ୍ଟୋର ଓ www.reliancedigital.in ରେ ୨୯ ଜାନୁୟାରୀ ପର୍ଯ୍ୟନ୍ତ ଉପଭୋଗ କରନ୍ତୁ। ଆହୁରି ମଧ୍ୟ, ଚଳିତ ବର୍ଷର ଡିଜିଟାଲ୍ ଇଣ୍ଡିଆ ସେଲ୍ ଅନୁଭୂତି ଆହୁରି ଅଧିକ ରିୱାର୍ଡିଂ ହୋଇଛି ଏବଂ ଏଥିରେ ରହିଛି ସହଜିଆ ଫାଇନାନ୍ସିଂ ଓ ଇଏମଇଆଇ ବିକଳ୍ପ। ଗ୍ରାହକମାନେ ମଧ୍ୟ ଇନଷ୍ଟା ଡେଲିଭରିଞ୍ଚ (୩ ଘଂଟାରୁ କମ୍ ସମୟ ମଧ୍ୟରେ ଡେଲିଭରି) ଓ ଷ୍ଟୋର ପିକ୍‌-ଅପ୍‌ଞ୍ଚ ବିକଳ୍ପ ସେମାନଙ୍କର ନିକଟତମ ଷ୍ଟୋରରୁ…

ଭୁବନେଶ୍ୱର: ଦେଶର ସର୍ବବୃହତ ଦୂରସଂଚାର କମ୍ପାନୀ ରିଲାଏନ୍ସ ଜିଓ ପକ୍ଷରୁ ଆଜି ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସ ପାଇଁ ଆର୍ଥିକ ଫଳାଫଳ ଘୋଷଣା କରାଯାଇଛି। ଅକ୍ଟୋବରରୁ ଡିସେମ୍ବର ତ୍ରୟମାସରେ କମ୍ପାନୀର ନେଟ୍ ଲାଭ ଗତ ବର୍ଷ ତୁଳନାରେ ୨୮.୩ପ୍ରତିଶତ ବୃଦ୍ଧି ପାଇ ୪୬୩୮ କୋଟିରେ ପହଂଚିଛି। ଗତ ବର୍ଷ ସମାନ ତ୍ରୟ ମାସରେ କମ୍ପାନୀର ନେଟ୍ ଲାଭ ୩୬୧୫କୋଟି ଟଙ୍କା ରହିଥିଲା। ସେହିଭଳି ଗତବର୍ଷର ତୃତୀୟ ତ୍ରୟ ମାସ ତୁଳନାରେ ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସରେ କମ୍ପାନୀର ମୋଟ ପରିଚାଳନାଗତ ରାଜସ୍ୱ ଆୟ ୨୨୯୯୮ କୋଟି ଟଙ୍କାକୁ ବୃଦ୍ଧି ପାଇଛି। ଏହି ତ୍ରୟମାସରେ ଜିଓ ଉପଭୋକ୍ତାଙ୍କ ସଂଖ୍ୟା ବୃଦ୍ଧି ପାଇ ୪୩.୨୯ କୋଟିରେ ପହଞ୍ଚିଥିବା ବେଳେ ଗ୍ରାହକ ପିଛା ପ୍ରତିମାସ ରାଜସ୍ୱ(ଆର୍ପୁ) ୧୭୮.୨ ଟଙ୍କାକୁ ବୃଦ୍ଧି ପାଇଛି। ସେହିଭଳି ଏହି ତ୍ରୟ ମାସରେ ଜିଓ ନେଟୱାର୍କରେ ଡାଟା ଟ୍ରାଫିକ ୨୯ ବିଲିଅନ ଜିବିକୁ ବୃଦ୍ଧି ପାଇଥିବା ବେଳେ ଭଏସ୍…

ନୂଆଦିଲ୍ଲୀ: ବିଶ୍ୱ ଟେଷ୍ଟ ଚାମ୍ପିଅନସିପ୍ ର ଅନ୍ତିମ ମ୍ୟାଚ୍ ତାରିଖ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ, କିନ୍ତୁ ସୂଚନା ମୁତାବକ ଲଣ୍ଡନର ‘ଓଭାଲ୍’ କ୍ରିକେଟ୍ ଗ୍ରାଉଣ୍ଡରେ ଜୁନ୍ ୮ ରୁ ୧୨ ତାରିଖ ମଧ୍ୟରେ ଖେଳାଯାଇପାରେ। ଏହି ମ୍ୟାଚ୍ ପାଇଁ ଏକ ରିଜର୍ଭ ଦିନ ମଧ୍ୟ ବ୍ୟବସ୍ଥା କରାଯିବ ବୋଲି ଖବର ଅଛି, ଯଦି ବର୍ଷା ହେତୁ ସମୟ ନଷ୍ଟ ହୁଏ, ତେବେ ଏହି ଦିନକୁ ବ୍ୟବହାର କରାଯାଇପାରେ। TOI ର ଏକ ରିପୋର୍ଟରେ, ଏକ ନିର୍ଭରଯୋଗ୍ୟ ଉତ୍ସକୁ ଉଦ୍ଧୃତ କରି ଏହି ସୂଚନା ପ୍ରକାଶ ପାଇଛି। ଯଦି ଏହା ଘଟେ, ତେବେ ଆଇପିଏଲ୍ ଫାଇନାଲ୍ ଏବଂ ଡବ୍ଲୁଟିସି ଫାଇନାଲ୍ ମଧ୍ୟରେ ଖେଳାଳିମାନେ ପ୍ରସ୍ତୁତି ପାଇଁ ପର୍ଯ୍ୟାପ୍ତ ସମୟ ପାଇବେ। ଉଲ୍ଲେଖନୀୟ କଥା ହେଉଛି, ଆଇପିଏଲର ଫାଇନାଲ ସମ୍ଭବତଃ ମେ ମାସର ଶେଷ ସପ୍ତାହରେ ଖେଳାଯିବ। ଏଭଳି ପରିସ୍ଥିତିରେ ଖେଳାଳିମାନେ WTC ଫାଇନାଲ ପାଇଁ ପ୍ରାୟ ଦୁଇ ସପ୍ତାହ…

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ହତ୍ୟା ଉଦ୍ୟମ କରି ଜେଲେ ଯାଇଥିବା ଯୁବକ ଜାମିନରେ ଆସିବା ପରେ ସାକ୍ଷୀଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ଯାହା ପରେ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ନିମଖଣ୍ଡି ଥାନା ଅନ୍ତର୍ଗତ ଜଗଦଲପୁର ଗ୍ରାମରେ ଏଭଳି ଏକ ଘଟଣା ଘଟିଛି। ସୂଚନା ମୁତାବକ ନିମଖଣ୍ଡି ଥାନା ଅନ୍ତର୍ଗତ ଜଗଦଲପୁର ଗ୍ରାମର ହେମନ୍ତ କୁମାର ଡାକୁଆ ନାମକ ଜଣେ ଯୁବକ ଗତ ବର୍ଷ ମେ ମାସରେ ଜେଲ ଯାଇଥିଲେ। ଘରର କାନ୍ଥ ନିର୍ମାଣକୁ ନେଇ ଦୁର୍ଯୋଧନ ବିଷୋୟୀ ନାମକ ଜଣେ ଲୋକକୁ ହତ୍ୟା ଉଦ୍ୟମ କରିଥିବା ଅଭିଯୋଗରେ ତାଙ୍କୁ ଜେଲ୍ ହୋଇଥିଲା। ହେଲେ କିଛି ଦିନ ପରେ ସେ ଜାମିନରେ ଆସିଥିଲେ। ଇତ୍ୟବସରରେ ଉକ୍ତ ମକଦ୍ଦମାରେ ନିଳାଚଳ ବେହେରା ନାମକ ଜଣେ ଯୁବକ ସାକ୍ଷୀ ଥିଲେ। କିନ୍ତୁ ଜେଲରୁ ଆସିବା ପରେ ହେମନ୍ତ ନିଳାଚଳକୁ ବିଭିନ୍ନ ଧମକ ଚମକ ଦେଉଥିଲା। ଏହି ଗତ ବୁଧବାର ଦିନ ନିଳାଚଳ…

ନୂଆଦିଲ୍ଲୀ: ଗୁରୁବାର ସକାଳେ ତୁର୍କୀର ବର୍ସାଠାରେ ଏକ ଅଜ୍ଞାତ ଉଡନ୍ତା ବସ୍ତୁ ପରି ଏକ ବିରଳ ବାଦଲ ଉଡୁଥିବାର ଦେଖିବାକୁ ମିଳିଥିଲା। ଦି ଗାର୍ଜିଆନ୍ ଅନୁଯାୟୀ, ଲେଣ୍ଟିକୁଲାର୍ କ୍ଲାଉଡ୍ ଭାବରେ ଜଣାଶୁଣା ପ୍ରାୟ ଗୋଲାକାର ମେଘ ପ୍ରାୟ ଏକ ଘଣ୍ଟା ପର୍ଯ୍ୟନ୍ତ ଦୃଶ୍ୟମାନ ହେଉଥିଲା। ଅନେକ ଇଣ୍ଟରନେଟ୍ ବ୍ୟବହାରକାରୀ ଏହି ବିରଳ ଘଟଣାକୁ ନିଜ ଫୋନରେ କଏଦ କରିଥିଲେ। ଏହା ସୂର୍ଯ୍ୟୋଦୟ ସମୟରେ ଦେଖାଗଲା ଏବଂ ଏହାର ମାଝିରେ ଏକ ବଡ଼ ଛିଦ୍ର ଦେଖାଯାଉଥିଲା। ଅଜବ ଦେଖାଯାଉଥିବା ମେଘର ଭିଡିଓ ଏବଂ ଚିତ୍ର ସମଗ୍ର ବିଶ୍ୱରେ ଭାଇରାଲ ହୋଇଛି। ଶହ ଶହ ସୋସିଆଲ ମିଡିଆ ବ୍ୟବହାରକାରୀ କହିଛନ୍ତି ଯେ, ଏହି ମେଘ UFO ପରି ଦେଖାଯାଉଛି। ତେବେ ତୁର୍କୀର ରାଜ୍ୟ ପାଣିପାଗ ବିଭାଗ ସ୍ପଷ୍ଟ କରିଛି ଯେ, ଏହି ବିରଳ ଘଟଣା କେବଳ ଏକ ଲେଣ୍ଟିକୁଲାର ମେଘ ଅଟେ। https://twitter.com/lankanist/status/1616126420232683539?ref_src=twsrc%5Etfw%7Ctwcamp%5Etweetembed%7Ctwterm%5E1616126420232683539%7Ctwgr%5Ee3cc9a7e1e311888784135fdc766e9cdfc77e7da%7Ctwcon%5Es1_&ref_url=https%3A%2F%2Fndtv.in%2Fzara-hatke%2Fbizarre-ufo-like-cloud-formation-seen-in-the-sky-over-turkey-people-thought-it-was-alien-internet-stunned-3711627 ଫକ୍ସ ନ୍ୟୁଜ୍ ଅନୁଯାୟୀ, ବାୟୁମଣ୍ଡଳର ସ୍ତର ସାଚୁଚରେସନ୍ ଉପରେ ଥିବାବେଳେ…

ନୂଆଦିଲ୍ଲୀ: ମସ୍କୋରୁ ଗୋଆ ଆସୁଥିବା ଏକ ବିମାନକୁ ବୋମାରେ ଉଡେଇଦେବା ପାଇଁ ଧମକ ହୋଇଛି। ଏହି ଧମକ ଗୋଆ ବିମାନ ବନ୍ଦରର ନିର୍ଦ୍ଦେଶକଙ୍କୁ ଇମେଲ ମାଧ୍ୟମରେ ପଠାଯାଇଛି। ଏହା ପରେ ବିମାନଟି ଭାରତର ଆକାଶରେ ପ୍ରବେଶ କରିବା ପୂର୍ବରୁ ଉଜବେକିସ୍ତାନକୁ ପଠାଇଦିଆଯାଇଛି। ଉଜବେକିସ୍ତାନରେ ବିମାନ ଅବତରଣ କରିବା ପରେ ଏହାର ଅନୁସନ୍ଧାନ କରାଯାଉଛି। ଅଧିକାରୀ କହିଛନ୍ତି ଯେ, ଅଜୁର ଏୟାର ବିମାନରେ ୨୪୭ ଜଣ ଯାତ୍ରୀ ଥିଲେ, ଯାହା ଉଜବେକିସ୍ତାନର ଏକ ବିମାନବନ୍ଦରରେ ସୁରକ୍ଷିତ ଭାବେ ଅବତରଣ କରିଥିଲା। ଏହା ଦ୍ୱିତୀୟ ଘଟଣା, ଯାହା ଗୋଆକୁ ଆସୁଥିବା ବିମାନଟିକୁ ବୋମାରେ ଉଡ଼ାଇବାର ଧମକ ହୋଇଥିଲା। ଜାନୁଆରୀ ଆରମ୍ଭରେ ଆଜୁର ଏୟାରର ଏକ ଚାର୍ଟର ବିମାନକୁ ବୋମାରେ ଉଡାଇବାକୁ ଧମକ ହୋଇଥିଲା, ଯାହାକୁ ଗୁଜରାଟର ଜାମନଗରକୁ ପଠାଯାଇଥିଲା। ଏହି ବିମାନରେ ୨୩୬ ଜଣ ଯାତ୍ରୀ ଥିଲେ।

ନୂଆଦିଲ୍ଲୀ: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ଆଜି ରାୟପୁରରେ ଖେଳାଯିବ। ଭ୍ରମଣକାରୀ ଦଳ ପାଇଁ ଏହି ମ୍ୟାଚ୍ ଗୁରୁତ୍ୱପୂର୍ଣ୍ଣ। ସିରିଜରେ ରହିବାକୁ ହେଲେ ତାଙ୍କୁ ଯେକୌଣସି ମୂଲ୍ୟରେ ଏହି ମ୍ୟାଚ ଜିତିବାକୁ ପଡିବ। ଏଥି ସହିତ ଦ୍ୱିତୀୟ ମ୍ୟାଚ୍ ଜିତିବା ଏବଂ ସିରିଜରେ ଅପରାଜିତ ଅଗ୍ରଣୀ ହାସଲ କରିବା ଟିମ୍ ଇଣ୍ଡିଆର ଉଦ୍ଦେଶ୍ୟ ହେବ। ନ୍ୟୁଜିଲ୍ୟାଣ୍ଡ ଦଳ ଆଜି ପର୍ଯ୍ୟନ୍ତ ଭାରତରେ ଏକଦିବସୀୟ ସିରିଜ୍ ଜିତିବାରେ ସକ୍ଷମ ହୋଇ ନାହିଁ। ସେଥିପାଇଁ ସେମାନେ ଦ୍ୱିତୀୟ ମ୍ୟାଚରେ ଏକ ଶକ୍ତିଶାଳୀ ପ୍ରତ୍ୟାବର୍ତ୍ତନ କରିବାକୁ ଚାହୁଁଛନ୍ତି। ଦ୍ୱିତୀୟ ମ୍ୟାଚ୍‌ରେ ଦୁଇ ଦଳ ମଧ୍ୟରେ ଏକ ରୋମାଞ୍ଚକର ଲଢେଇ ଦେଖିବାକୁ ମିଳିବ। ଭାରତ ଗୋଟିଏ ପଟେ ସିରିଜରେ ଏକ ନିର୍ଣ୍ଣାୟକ ଅଗ୍ରଣୀ ନେବାକୁ ଚାହୁଁଥିବାବେଳେ ନ୍ୟୁଜିଲ୍ୟାଣ୍ଡ ଏହି ସିରିଜ୍ କୁ ବରାବର କରିବା ପାଇଁ ସମସ୍ତ ଶକ୍ତି ପ୍ରୟୋଗ କରିବ। ଦ୍ୱିତୀୟ ମ୍ୟାଚରେ କେଉଁ ଖେଳାଳିମାନେ ଗୁରୁତ୍ୱପୂର୍ଣ୍ଣ ଭୂମିକା…