Categories
ଆଜିର ଖବର ଖେଳ ଜାତୀୟ ଖବର

ମୁମ୍ବାଇ ବିରୋଧରେ ବିଜୟ ସତ୍ତ୍ୱେ କେ.ଏଲ୍ ରାହୁଲଙ୍କୁ ଲାଗିଲା ଝଟକା, ଦେବାକୁ ପଡିବ ୨୪ ଲକ୍ଷ ଜରିମାନା

ମୁମ୍ବାଇ: ଲକ୍ଷ୍ନୌ ସୁପର ଜିଆଣ୍ଟସ୍ ଅଧିନାୟକ କେ.ଏଲ୍ ରାହୁଲଙ୍କୁ ମୁମ୍ବାଇ ଇଣ୍ଡିଆନ୍ସ ବିପକ୍ଷ ଆଇପିଏଲ ମ୍ୟାଚରେ ମନ୍ଥର ଗତି ବୋଲିଂ ପାଇଁ ୨୪ ଲକ୍ଷ ଟଙ୍କା ଜରିମାନା କରାଯାଇଛି। ଏହି ସଂସ୍କରଣରେ ରାହୁଲଙ୍କ ଏହା ଦ୍ୱିତୀୟ ଥର ପାଇଁ ମନ୍ଥର ଗତି ବୋଲିଂ ଥିଲା। ଏହାପୂର୍ବରୁ କେଏଲ ରାହୁଲଙ୍କ ଉପରେ ୧୨ ଲକ୍ଷ ଟଙ୍କା ଜୋରିମାନା ଲାଗୁ କରାଯାଇଥିଲା। ଆଇପିଏଲ ଏକ ବିବୃତ୍ତିରେ କହିଛି ଯେ, କେଏଲ ରାହୁଲଙ୍କୁ ୨୪ ଲକ୍ଷ ଟଙ୍କା ଜରିମାନା ଏବଂ ବାକି ଖେଳୁଥିବା ଏକାଦଶକୁ ୬ ଲକ୍ଷ ଟଙ୍କା କିମ୍ବା ମ୍ୟାଚ ଫି ର ୨୫% ଜରିମାନା କରାଯାଇଛି।

ଚଳିତ ସିଜନରେ ଦ୍ୱିତୀୟ ଥର ପାଇଁ କେଏଲ ରାହୁଲ ଧୀର ଓଭର ହାରରେ ଦୋଷୀ ସାବ୍ୟସ୍ତ ହୋଇଛନ୍ତି। ଯଦି ଏହି ସଂସ୍କରଣରେ କେ.ଏଲ୍ ରାହୁଲ ପୁଣିଥରେ ଏଭଳି ମନ୍ଥର ବୋଲିଂ କରନ୍ତି, ତେବେ ତାଙ୍କୁ ଗୋଟିଏ ମ୍ୟାଚ୍ ପାଇଁ ପ୍ରତିବନ୍ଧକ ଲାଗିବ। ମୁମ୍ବାଇ ବିପକ୍ଷରେ ୬୨ ବଲରୁ ଅପରାଜିତ ୧୦୩ ଟି ଖେଳି ଦଳ ଜିତିବାରେ କେଏଲ ରାହୁଲ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ପ୍ରଥମେ ବ୍ୟାଟିଂ କରି ଲକ୍ଷ୍ନୌ ଦଳ ନିର୍ଦ୍ଧାରିତ ୨୦ ଓଭରରେ ୧୬୮ ରନ୍ ସଂଗ୍ରହ କରିଥିଲା। ଏହାର ଜବାବରେ ମୁମ୍ବାଇ ଦଳ ମାତ୍ର ୧୩୨ ରନ ସ୍କୋର କରି ମ୍ୟାଚକୁ ୩୬ ରନରେ ହରାଇଥିଲା। ଏହି ବିଜୟ ସହିତ ଲକ୍ଷ୍ନୌ ଦଳ ପଏଣ୍ଟ ଟେବୁଲରେ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି।

ମୁମ୍ବାଇ ବିପକ୍ଷରେ କେଏଲ ରାହୁଲ ୬୨ ବଲରେ ୧୪ ଚୌକା ଓ ଦୁଇଟି ଛକା ସହ ୧୦୩ ରନ୍ ସଂଗ୍ରହ କରିଥିଲେ। ଏହି ସଂସ୍କରଣରେ କେ.ଏଲ୍ ରାହୁଲ ତାଙ୍କର ଦ୍ୱିତୀୟ ଶତକ ସ୍କୋର କରିଥିଲେ ଏବଂ ଆଇପିଏଲ୍ ରେ ଏହା ତାଙ୍କର ଚତୁର୍ଥ ଶତକ ଥିଲା। ସେ ଏହା କରିବାରେ ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ୍ ମଧ୍ୟ ହୋଇଛନ୍ତି। ଏହା ବ୍ୟତୀତ ସେ ଏପର୍ଯ୍ୟନ୍ତ ଟି-୨୦ କ୍ରିକେଟ୍ ରେ ମୋଟ ୬ ଟି ଶତକ ହାସଲ କରିଛନ୍ତି ଏବଂ ଏହା ସହ ସେ ରୋହିତ ଶର୍ମାଙ୍କ ସହ ସମକ୍ଷକ ହୋଇଛନ୍ତି। ସେ ଏହି ପ୍ରସଙ୍ଗରେ ବିରାଟ କୋହଲିଙ୍କୁ ପଛରେ ପକାଇଦେଇଛନ୍ତି। ଟି-୨୦ କ୍ରିକେଟରେ ବିରାଟ କୋହଲିଙ୍କ ନାମରେ ୫ ଶତକ ରହିଛି। ବର୍ତ୍ତମାନ, ରୋହିତ ଶର୍ମା ଏବଂ କେ.ଏଲ୍ ରାହୁଲଙ୍କର ୬-୬ ଶତକ ରହିଛି।

Categories
ବିଶେଷ ଖବର

ଯଦି ଦୁର୍ଘଟଣା ସମୟରେ ଖୋଲିବ ନାହିଁ ଏୟାରବ୍ୟାଗ, ତେବେ କାର୍ କମ୍ପାନୀକୁ ଦେବାକୁ ପଡିବ ଜରିମାନା

ନୂଆଦିଲ୍ଲୀ: ଗୋଟିଏ କାର କିଣିବାବେଳେ, ପ୍ରତ୍ୟେକ ଗ୍ରାହକ ଅନ୍ୟାନ୍ୟ ବୈଶିଷ୍ଟ୍ୟ ସହିତ ସୁରକ୍ଷା ବୈଶିଷ୍ଟ୍ୟକୁ ବହୁତ ଗୁରୁତ୍ୱ ଦିଅନ୍ତି। ଆଜିକାଲି କାରରେ ଦୁର୍ଘଟଣା ଘଟିଲେ ଏକ ଏୟାରବ୍ୟାଗ ଗୁରୁତ୍ୱପୂର୍ଣ୍ଣ ସୁରକ୍ଷା ବୈଶିଷ୍ଟ୍ୟ ଭାବରେ କାର୍ଯ୍ୟ କରିଥାଏ। କିନ୍ତୁ, ଏହା ମଧ୍ୟ ଅନେକ ଥର ଦେଖାଯାଇଛି ଯେ, ଦୁର୍ଘଟଣା ପରେ ମଧ୍ୟ କିଛି କାରର ଏୟାରବ୍ୟାଗ ଖୋଲେନାହିଁ। ଏହି କାରଣରୁ କାରରେ ବସିଥିବା ଲୋକମାନେ ବଡ ଆଘାତ ପାଇଥାନ୍ତି। କିନ୍ତୁ, ବର୍ତ୍ତମାନ ଯଦି ଦୁର୍ଘଟଣା ସମୟରେ ଏୟାରବ୍ୟାଗ ଖୋଲିବ ନାହିଁ, ତେବେ ଏପରି ପରିସ୍ଥିତିରେ କାର କମ୍ପାନୀଗୁଡ଼ିକୁ ଗ୍ରାହକଙ୍କୁ ଜରିମାନା ଦେବାକୁ ପଡିବ।

ସୁପ୍ରିମକୋର୍ଟଙ୍କ କଠୋର ମନ୍ତବ୍ୟ:

ଏଭଳି ଏକ ମାମଲାର ଶୁଣାଣି କରି ସୁପ୍ରିମକୋର୍ଟ ଗୁରୁବାର କହିଛନ୍ତି ଯେ, ଯଦି ଦୁର୍ଘଟଣା ଘଟଣାରେ ଯାତ୍ରୀମାନଙ୍କୁ ସୁରକ୍ଷା ଦେବା ପାଇଁ ବ୍ୟବହୃତ ଏୟାରବ୍ୟାଗ ଖୋଳିପାରେ ନାହିଁ, ତେବେ କମ୍ପାନୀମାନଙ୍କୁ ଜରିମାନା ଦେବାକୁ ପଡ଼ିବ। ଏୟାରବ୍ୟାଗ ନ ଖୋଲିବା କାର କମ୍ପାନୀଗୁଡିକର ଏକ ପ୍ରମୁଖ ଅବହେଳା ବୋଲି ବିବେଚନା କରାଯିବ। ଜରିମାନା ଆଦାୟ କରି କମ୍ପାନୀଗୁଡିକରେ ସୁରକ୍ଷା ବିଷୟରେ ଅଧିକ ସଚେତନତା ସୃଷ୍ଟି ହେବ ଏବଂ ସେମାନେ ଏହା ଉପରେ ଅଧିକ ଗମ୍ଭୀର ହେବେ। ପ୍ରକାଶ ଯୋଗ୍ୟ ଯେ, ଏହି ଶୁଣାଣି ଜଷ୍ଟିସ୍ ବିନୀତ ସରନ୍ ଏବଂ ଜଷ୍ଟିସ୍ ଅନିରୁଦ୍ଧ ବୋଷଙ୍କ ବେଞ୍ଚ ଦ୍ୱାରା କରାଯାଇଛି।

ଉଲ୍ଲେଖ ଯୋଗ୍ୟ ଯେ, ୨୦୧୫ ମସିହାରେ ଶୈଲେନ୍ଦ୍ର ଭଟନଗର ନାମକ ଜଣେ ବ୍ୟକ୍ତି ହୁଣ୍ଡାଇ ମୋଟର ଇଣ୍ଡିଆ ଲିମିଟେଡର କାର କ୍ରେଟା କିଣିଥିଲେ। ୨୦୧୭ ମସିହାରେ ଏହି କାରଟି ଦୁର୍ଘଟଣାଗ୍ରସ୍ତ ହୋଇଥିଲା, ​​ଯେଉଁଥିରେ କାରର ଏୟାରବ୍ୟାଗ ଖୋଲା ନଥିଲା। ଏହି କାରଣରୁ, ଗ୍ରାହକ ଏହି ଦୁର୍ଘଟଣାରେ ଗୁରୁତର ଆହତ ହୋଇଥିଲେ। ଏହା ପରେ ଶୈଳେନ୍ଦ୍ର ଗ୍ରାହକ ଫୋରମରେ କାର କମ୍ପାନୀ ବିରୋଧରେ ଏକ ପିଟିସନ ଦାଖଲ କରି କହିଥିଲେ ଯେ, ସୁରକ୍ଷା ବୈଶିଷ୍ଟ୍ୟକୁ ଦୃଷ୍ଟିରେ ରଖି ସେ ଏହି କାର କିଣିଥିଲେ। କିନ୍ତୁ ଏହାର ସୁରକ୍ଷା ବୈଶିଷ୍ଟ୍ୟ ଏଥିରେ କାମ କରୁନାହିଁ। ଦୁର୍ଘଟଣାରେ ସେ ଗୁରୁତର ଆହତ ହୋଇଥିଲେ। ଏହା ପରେ ଗ୍ରାହକ ଫୋରମ୍ ଶୈଳେନ୍ଦ୍ର ଭଟନଗରଙ୍କ ସପକ୍ଷରେ ଏକ ରାୟ ଦେଇଥିଲେ। ସୁପ୍ରିମକୋର୍ଟରେ ହୁଣ୍ଡାଇ ଏହି ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ ମଧ୍ୟ କୋର୍ଟ ହୁଣ୍ଡାଇଙ୍କ ଆବେଦନକୁ ପ୍ରତ୍ୟାଖ୍ୟାନ କରିଥିଲେ। ଗ୍ରାହକଙ୍କ କାର ବଦଳାଇବାକୁ କୋର୍ଟ କମ୍ପାନୀକୁ ନିର୍ଦ୍ଦେଶ ଦେଇଛନ୍ତି। ଏହା ସହିତ ତାଙ୍କୁ ୩ ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି।

ସୂଚନା ଯୋଗ୍ୟ ଯେ, ଯାତ୍ରୀମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ଜାନୁଆରୀ ୧ ତାରିଖ ୨୦୨୨ ରୁ କାରରେ ଏୟାରବ୍ୟାଗ ଲଗାଇବାକୁ କେନ୍ଦ୍ର ସରକାର ବାଧ୍ୟତାମୂଳକ କରିଛନ୍ତି। ଏହା କାରରେ ଯାତ୍ରା କରିବା ସମୟରେ ଯାତ୍ରୀମାନଙ୍କୁ ଉତ୍ତମ ସୁରକ୍ଷା ଦେବ।

Categories
ଆଜିର ଖବର ଜାତୀୟ ଖବର

ବାଧ୍ୟତାମୂଳକ ହେଲା ମାସ୍କ ପିନ୍ଧିବା, ନଚେତ୍ ଦେବାକୁ ପଡିବ ୫୦୦ ଟଙ୍କା ଜରିମାନା

ନୂଆଦିଲ୍ଲୀ: ପୁଣିଥରେ ଦେଶର ସମସ୍ତ ରାଜ୍ୟ ସମେତ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ କରୋନାଭାଇରସ୍ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି। କୋଭିଡ ମାମଲା ବୃଦ୍ଧି ହେତୁ ଚିନ୍ତାଜନକ ପରିସ୍ଥିତି ମଧ୍ୟରେ ଆଜି ଦିଲ୍ଲୀ ବିପର୍ଯ୍ୟୟ ପରିଚାଳନା ପ୍ରାଧିକରଣ (DDMA) ର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଦିଲ୍ଲୀରେ ମାସ୍କ ପିନ୍ଧିବା ପାଇଁ ବାଧ୍ୟତାମୂଳକ କରାଯାଇଛି।

ଦିଲ୍ଲୀର ଲେଫ୍ଟନାଣ୍ଟ ଗଭର୍ଣ୍ଣର (ଏଲଜି) ଅନିଲ ବୈଜଲ, ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ, ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜେନା ଏବଂ ଅନ୍ୟାନ୍ୟ ଅଧିକାରୀଙ୍କ ଉପସ୍ଥିତିରେ ଅନୁଷ୍ଠିତ ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଦିଲ୍ଲୀରେ କେଉଁ ପ୍ରତିବନ୍ଧକ ଲଗାଯାଇଛି, ଆସନ୍ତୁ ଜାଣିବା…

– ଆଜି ଅନୁଷ୍ଠିତ DDMA ବୈଠକରେ କୋଭିଡ-୧୯ ର ପରିସ୍ଥିତିକୁ ଦୃଷ୍ଟିରେ ରଖି ମାସ୍କକୁ ପୁଣି ବାଧ୍ୟତାମୂଳକ କରାଯାଇଛି।

– ବର୍ତ୍ତମାନ ଯେଉଁମାନେ ମାସ୍କ ପିନ୍ଧିବେ ନାହିଁ, ସେମାନଙ୍କୁ ୫୦୦ ଟଙ୍କା ଜରିମାନା କରାଯିବ।

– କୋଭିଡ-ପରୀକ୍ଷଣ ବୃଦ୍ଧି କରାଯିବ।

– ଟୀକାକରଣ ଉପରେ ଅଧିକ ଗୁରୁତ୍ୱ ଦିଆଯିବ।

– DDMA ବୈଠକରେ ବିଦ୍ୟାଳୟ ବନ୍ଦ ନକରିବାକୁ ନିଷ୍ପତ୍ତି ନିଆଯାଇଛି।

– ଏଥିସହିତ ସରକାର ସାମାଜିକ କାର୍ଯ୍ୟ ଉପରେ ତୀକ୍ଷ୍ଣ ନଜର ରଖିବେ।

ଉଲ୍ଲେଖ ଯୋଗ୍ୟ ଯେ, ଦିଲ୍ଲୀରେ କରୋନା ମାମଲା ବିଷୟରେ କହିବାକୁ ଗଲେ ଗତ ୨୪ଘଣ୍ଟା ମଧ୍ୟରେ ୨୬ ପ୍ରତିଶତ ବୃଦ୍ଧି ପଞ୍ଜିକୃତ ହୋଇଛି। ଉଲ୍ଲେଖନୀୟ ବିଷୟ ହେଉଛି, ମଙ୍ଗଳବାର ଦିନ ରାଜଧାନୀରେ କୋଭିଡ-୧୯ ର ୬୩୨ଟି ନୂଆ ମାମଲା ପଞ୍ଜିକୃତ ହୋଇଛି। ଏହାପୂର୍ବରୁ ସୋମବାର ଦିନ ଦିଲ୍ଲୀରେ କୋଭିଡ -୧୯ ର ୫୦୧ ଟି ନୂଆ ମାମଲା ରିପୋର୍ଟ ହୋଇଥିଲା।

Categories
ବିଶେଷ ଖବର

ଭଗବାନ ଶିବଙ୍କୁ କାରଣ ଦର୍ଶାଅ ନୋଟିସ୍ ପଠାଇଲେ କୋର୍ଟ, ହାଜର ନହଲେ ଦେବାକୁ ପଡିବ ୧୦ ହଜାର ଜରିମାନା

ରାୟପୁର: ଛତିଶଗଡର ରାୟଗଡ ଜିଲ୍ଲାର ତହସିଲଦାର କୋର୍ଟ ନୋଟିସ ଜାରି କରି ଭଗବାନ ଶିବଙ୍କ ସମେତ ୧୦ ଜଣଙ୍କୁ ଡକାଇଛନ୍ତି। ଏହି ନୋଟିସରେ ଭଗବାନଙ୍କ ସମେତ ସମସ୍ତଙ୍କୁ ତହସିଲଦାର ଚେତାବନୀ ଦେଇଛନ୍ତି। ଶୁଣାଣିରେ ଯୋଗଦେବାରେ ବିଫଳ ହେଲେ ୧୦ ହଜାର ଟଙ୍କା ଜରିମାନା ଏବଂ ସମ୍ପତ୍ତି ଜବତ ହୋଇପାରେ। ଭୋଲେନାଥଙ୍କ ଉପରେ ବେଆଇନ ଭାବେ ଏହି ଜମି ଦଖଲ କରିଥିବା ଅଭିଯୋଗ ହୋଇଛି। ଛତିଶଗଡରେ ଭଗବାନ ଶିବଙ୍କୁ ନୋଟିସ ଦେବାର ଏହା ଦ୍ୱିତୀୟ ଘଟଣା। ଏହାପୂର୍ବରୁ ନଭେମ୍ବର ୨୦୨୧ ମସିହାରେ ଯାଞ୍ଜଗିର-ଚାମ୍ପା ଜିଲ୍ଲାର ଜଳସେଚନ ବିଭାଗ ଭୋଲେନାଥଙ୍କୁ ଏହି ସ୍ଥାନ ଖାଲି କରିବାକୁ ନୋଟିସ ଜାରି କରିଥିଲା।

ସୂଚନାନୁସାରେ, ରାଇଗଡ ସହରର ୱାର୍ଡ ନମ୍ବର -୨୫ କୋହକୁଣ୍ଡାରେ ଏକ ଶିବ ମନ୍ଦିର ଅଛି। ବିଲାସପୁର ହାଇକୋର୍ଟରେ ସୁଧା ରାଜୱାଡେ ଏକ ପିଟିସନ ଦାଖଲ କରିଥିଲେ। ଯେଉଁଥିରେ ଶିବ ମନ୍ଦିର ସମେତ ୧୬ ଜଣ ସରକାରୀ ଜମି ଦଖଲ କରିଥିବା ଅଭିଯୋଗ ହୋଇଛି। ଏହି ମାମଲା ହାଇକୋର୍ଟରେ ଶୁଣାଣି ହୋଇଥିଲା। ଏହାର ତଦନ୍ତ ପାଇଁ ରାଜ୍ୟ ସରକାର ଏବଂ ତହସିଲଦାରଙ୍କ କାର୍ଯ୍ୟାଳୟକୁ କୋର୍ଟ ନିର୍ଦ୍ଦେଶ ଦେଇଛନ୍ତି। କୋର୍ଟଙ୍କ ନିର୍ଦ୍ଦେଶ ଅନୁଯାୟୀ ତହସିଲଦାରଙ୍କ କାର୍ଯ୍ୟାଳୟ ୧୦ ଜଣଙ୍କୁ ନୋଟିସ ଦେଇଛି। ଅଧିବାସୀମାନଙ୍କୁ ଦିଆଯାଇଥିବା ବିଜ୍ଞପ୍ତିରେ ଶିବ ମନ୍ଦିରର ନାମ ଷଷ୍ଠ ସ୍ଥାନରେ ରହିଛି। ମନ୍ଦିରର ଟ୍ରଷ୍ଟି, ମ୍ୟାନେଜର କିମ୍ବା ପୁରୋହିତଙ୍କୁ ଏହି ନୋଟିସ ଦିଆଯାଇ ନାହିଁ। ବରଂ ଶିବ ମନ୍ଦିର ଯଥା ପ୍ରଭୁ ଶଙ୍କରଙ୍କୁ ନୋଟିସ ସିଧାସଳଖ ପ୍ରଦାନ କରାଯାଇଛି।

ପ୍ରଭୁ ଶଙ୍କରଙ୍କ ନିକଟକୁ ପଠାଯାଇଥିବା ବିଜ୍ଞପ୍ତିରେ ତହସିଲଦାର କୋର୍ଟ ଏକ ଚେତାବନୀ ଦେଇଛନ୍ତି ଯେ, ଛତିଶଗଡ ଜମି ରାଜସ୍ୱ ସଂହିତା ଅନୁଯାୟୀ ଆପଣଙ୍କ ଏହି କାର୍ଯ୍ୟ ଅପରାଧ ଶ୍ରେଣୀରେ ଆସିଛି। ଆପଣ ୧୦ ହଜାର ଟଙ୍କା ଜୋରିମାନା ସହିତ ଦଣ୍ଡିତ ହୋଇପାରନ୍ତି ଏବଂ ଅଧିକୃତ ଜମିରୁ ଆପଣଙ୍କୁ ବାହାର କରାଯାଇପାରିବ। ଭଗବାନ ଶିବଙ୍କ ସମେତ ସମସ୍ତଙ୍କୁ ନୋଟିସରେ କୁହାଯାଇଛି ଯେ, ମାର୍ଚ୍ଚ ୨୩ ତାରିଖରେ ଏହି ମାମଲାର ଶୁଣାଣି ସ୍ଥିର କରାଯାଇଛି। ଏହି ସମୟ ମଧ୍ୟରେ ଜମିରେ କୌଣସି ପ୍ରକାରର ନିର୍ମାଣ କରାଯାଇପାରିବ ନାହିଁ। ଯଦି ଉତ୍ତର ଦାଖଲ କରା ନ ଯାଏ, ନିୟମ ଅନୁଯାୟୀ ଜମି ଜବତ ଏବଂ ଦଣ୍ଡବିଧାନ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଏହି ନୋଟିସ ଜାରି କରିଥିବା ନାୟବ ତହସିଲଦାର ବିକାଶ ସିଂ ଠାକୁର କହିଛନ୍ତି ଯେ, ହାଇକୋର୍ଟଙ୍କ ନିର୍ଦ୍ଦେଶ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଯେହେତୁ ସରକାରୀ ଜମିକୁ ବେଆଇନ ଭାବେ ଜବରଦଖଲ କରିବା ମାମଲା ରହିଛି। ତେଣୁ ହାଇକୋର୍ଟରେ ଦାଖଲ ହୋଇଥିବା ଆବେଦନରେ ୧୬ ଜଣଙ୍କୁ ଜମି ଦଖଲ କରିବାକୁ କୁହାଯାଇଛି। କିନ୍ତୁ ଘଟଣାସ୍ଥଳ ଯାଞ୍ଚ କରିବା ପରେ ୧୦ ଟି ନାମ ଆସିଛି। ଏଥିରେ ଏକ ଶିବ ମନ୍ଦିର ମଧ୍ୟ ଅଛି, ଯାହାକି ଅଧିକୃତ ଜମିରେ ନିର୍ମିତ। ସମସ୍ତଙ୍କୁ ନୋଟିସ୍ ଜାରି କରି ଦଶ ଦିନର ଉତ୍ତର ଦେବାକୁ ସମୟ ଦିଆଯାଇଛି। ଏହା ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

Categories
ଆଜିର ଖବର ରାଜ୍ୟ ଖବର

ବାଣପୁରର ବିଭିନ୍ନ ଦୋକାନରେ ଜିଲ୍ଲାସ୍ତରୀୟ ଏନ୍ଫୋର୍ସମେଣ୍ଟ ସ୍କ୍ୱାର୍ଡର ଚଢ଼ାଉ, ଆଦାୟ ହେଲା ଜରିମାନା

ସୀତାରାମ ଅଗ୍ରୱାଲ

ବାଣପୁର: ଆଜି ପୂର୍ବାହ୍ନରେ ଜିଲ୍ଲାସ୍ତରୀୟ ଏନ୍ଫୋର୍ସମେଣ୍ଟ ସ୍କ୍ୱାର୍ଡ ପକ୍ଷରୁ ଖୋର୍ଦ୍ଧା ଜିଲ୍ଲା ବାଣପୁର ଏନଏସି ଅଞ୍ଚଳରେ କୋଟପା ଅଧିନିୟମକୁ କାର୍ଯ୍ୟକାରୀ କରିବା ଉଦ୍ଦେଶ୍ୟରେ ଏକାଧିକ ପାନ ମସଲା ଦୋକାନରେ ଚଢ଼ାଉ କରାଯାଇଥିଲା। ଲକ୍ଷ୍ୟ ଥିଲା ସର୍ବସାଧାରଣ ସ୍ଥାନରେ ଗୁଟଖା, ସିଗାରେଟ ଆଦି ତମାଖୁ ଜନିତ ଜିନିଷ ବିକ୍ରି ନିଷିଦ୍ଧ କରିବା ସହ ଜନସାଧାରଣଙ୍କୁ ସଚେତନ କରାଇବା। ସହରରେ ଅବସ୍ଥିତ ଥିବା କଲେଜ, କୋର୍ଟ, ସ୍କୁଲ, ତହସିଲ ନିକଟରେ ବିଭିନ୍ନ ପାନ ଦୋକାନ ଉପରେ ଚଢ଼ାଉ କରାଯାଇଥିଲା ଏବଂ ସର୍ବସାଧାରଣ ସ୍ଥାନରେ ଗୁଟଖା, ସିଗାରେଟ ଆଦି ମାଦକ ଦ୍ରବ୍ୟ ବିକ୍ରିକୁ ନିଷିଦ୍ଧ ବୋଲି ଦୋକାନୀମାନଙ୍କୁ ଅବଗତ କରାଇବା ସହ ସଚେତନ କରାଯାଇଥିଲା।

ଆଜି ସହରର ୨୫ ଗୋଟି ପାନ ମସଲା ଦୋକାନ ଉପରେ ଚଢ଼ାଉ କରାଯାଇଥିବା ବେଳେ ସେମାନଙ୍କ ଠାରୁ ୨୪୦୦ଟଙ୍କା ଜରିମାନା ଆଦାୟ କରାଯାଇଥିଲା। ଉକ୍ତ ଚଢ଼ାଉରେ ଖାଦ୍ୟ ଓ ସୁରକ୍ଷା ବିଭାଗର ଡେଜିଗନେଟେଡ୍ ଅଧିକାରୀ ସତ୍ୟଜିତ୍ ପଟେଲ, ଖୋର୍ଦ୍ଧା ରେଞ୍ଜ ଡ୍ରଗ ଇନ୍ସପେକ୍ଟର ସୁଶାନ୍ତ ସାହୁ, ବାଲୁଗାଁ ଅବକାରୀ ଅଧିକାରୀ ରଞ୍ଜନ ଦାସ, ଏନଟିପିସି ଖୋର୍ଦ୍ଧା କାଉନସିଲର ସ୍ଵର୍ଣ୍ଣଲତା ଦାସ ଏବଂ ବାଣପୁର ପୋଲିସ କର୍ମଚାରୀ ସାମିଲ ଥିଲେ। ତେବେ ଉକ୍ତ ଚଢ଼ାଉ ଆଗକୁ ମଧ୍ୟ ଜାରି ରହିବ ବୋଲି ଉକ୍ତ ଅଧିକାରୀମାନେ କହିଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ଆରଜେଡି ମୁଖ୍ୟ ଲାଲୁ ଯାଦବଙ୍କୁ ୫ ବର୍ଷ ଜେଲ ଦଣ୍ଡାଦେଶ: ୬୦ ଲକ୍ଷ ଜରିମାନା

ନୂଆଦିଲ୍ଲୀ: ଗୋଖାଦ୍ୟ ଦୁର୍ନୀତିରେ ରାଷ୍ଟ୍ରିୟ ଜନତା ଦଳ ସୁପ୍ରିମୋ ଲାଲୁ ଯାଦବଙ୍କୁ ପାଞ୍ଚ ବର୍ଷ ଜେଲ ଏବଂ ୬୦ ଲକ୍ଷ ଜୋରିମାନା ଦଣ୍ଡାଦେଶ ହୋଇଛି। ରାଞ୍ଚିର ଡୋରାଡା ଟ୍ରେଜେରୀରୁ ୯୫୦ କୋଟି ଟଙ୍କାର ସବୁଠାରୁ ବଡ ଚୋରାଚାଲାଣ ମାମଲାରେ ଆରଜେଡି ସଭାପତି ଲାଲୁ ପ୍ରସାଦ ଯାଦବଙ୍କ ସମେତ ୩୮ ଜଣ ଅଭିଯୁକ୍ତଙ୍କୁ ସିବିଆଇ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି।

ସିବିଆଇର ସ୍ୱତନ୍ତ୍ର ଓକିଲ ବିଏମପି ସିଂ କହିଛନ୍ତି ଯେ, ୩୮ ଦୋଷୀମାନଙ୍କ ମଧ୍ୟରୁ ୩୫ ଜଣ ବିର୍ସା ମୁଣ୍ଡା ଜେଲରେ ଅଛନ୍ତି ଏବଂ ସ୍ୱାସ୍ଥ୍ୟଗତ କାରଣରୁ ଲାଲୁ ପ୍ରସାଦ ଯାଦବଙ୍କ ସମେତ ଅନ୍ୟ ତିନିଜଣ ଦୋଷୀଙ୍କୁ ରାଜେନ୍ଦ୍ର ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (RIMS) ରେ ଭର୍ତ୍ତି କରାଯାଇଛି। ଏହି ମାମଲାରେ ସିବିଆଇ ମୋଟ ୧୭୦ ଅଭିଯୁକ୍ତଙ୍କ ବିରୋଧରେ ଚାର୍ଜସିଟ ଦାଖଲ କରିଥିବାବେଳେ ସେପ୍ଟେମ୍ବର ୨୬ ତାରିଖ ୨୦୦୫ ରେ ୧୪୮ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଥିଲା।

ଚାରୋଟି ଭିନ୍ନ ଭିନ୍ନ ଗୋଖାଦ୍ୟ ମାମଲାରେ ଚଉଦ ବର୍ଷ ଦଣ୍ଡିତ ହୋଇଥିବା ଲାଲୁ ପ୍ରସାଦ ଯାଦବଙ୍କ ସମେତ ୯୯ ଜଣଙ୍କ ବିରୋଧରେ ସମସ୍ତ ପକ୍ଷର ଯୁକ୍ତି ଶୁଣିବା ପରେ ଜାନୁଆରୀ ୨୯ ତାରିଖରେ କୋର୍ଟ ଏହାର ରାୟ ସଂରକ୍ଷଣ କରିଥିଲେ।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

ପାଖେଇ ଆସିଲା ଆଧାର-ପାନ୍ ସଂଯୋଗ କରିବାର ଅବଧି: ଶୀଘ୍ର କରିନିଅନ୍ତୁ, ନଚେତ୍ ଦେବାକୁ ହେବ ଜରିମାନା

ନୂଆଦିଲ୍ଲୀ: ଅଦ୍ୟାବଧି ଆପଣ ପାନ୍ କୁ ଆପଣଙ୍କର ଆଧାର କାର୍ଡ ସହିତ ଲିଙ୍କ୍ କରିନାହାଁନ୍ତି, ତେବେ ତୁରନ୍ତ କରନିଅନ୍ତୁ। କାରଣ ସେପ୍ଟେମ୍ବର ୩୦ ତାରିଖରେ ଆଧାର ନମ୍ବରକୁ ପାନ୍ ସହିତ ସଂଯୋଗ କରିବାର ଶେଷ ତାରିଖ। ଏହି ସମୟସୀମା ଶେଷ ହେବାକୁ କେବଳ ୧୯ ଦିନ ବାକି ଅଛି। ଯଦି ଆପଣଙ୍କର ପାନ୍ ଆପଣଙ୍କର ଆଧାର ସହିତ ଲିଙ୍କ୍ ହୋଇନାହିଁ, ତେବେ ବର୍ତ୍ତମାନ ଆପଣଙ୍କୁ ୧୦୦୦ ଟଙ୍କା ପର୍ଯ୍ୟନ୍ତ ଜୋରିମାନା ଦେବାକୁ ପଡିବ। ଏହା ସହିତ ଏଲଆଇସି, ମ୍ୟୁଚୁଆଲ୍ ଫଣ୍ଡ ଭଳି ଅନେକ ଜିନିଷରେ ମଧ୍ୟ ସମସ୍ୟା ହୋଇପାରେ। ଯଦି ଏହି କାର୍ଯ୍ୟ ସେପ୍ଟେମ୍ବର ୩୦ ତାରିଖ ପୂର୍ବରୁ କରାଯାଇ ନଥାଏ, ତେବେ ଜରିମାନା ଦେବାକୁ ପଡିବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆସନ୍ତାକାଲି ପ୍ୟାନ-ଆଧାର ଲିଙ୍କର ଶେଷ ତାରିଖ: ନଚେତ୍ ଜରିମାନା ସହ ଅବୈଧ ହେବ କାର୍ଡ଼

ନୂଆଦିଲ୍ଲୀ: ଯଦି ଆପଣଙ୍କର ପ୍ୟାନ ସହ ଆଧାର ଲିଙ୍କ କରି ନାହାନ୍ତି, ତେବେ ଶୀଘ୍ର କରିନିଅନ୍ତୁ। ଏଥିପାଇଁ ଆପଣଙ୍କ ପାଖରେ ଆଉ ଦୁଇ ଦିନର ସମୟ ବାକି ରହିଛି। ଆସନ୍ତାକାଲି ଏହାର ଶେଷ ତାରିଖ ରହିଛି। ନଚେତ୍ ଆପଣଙ୍କୁ ୧୦୦୦ ଟଙ୍କା ପର୍ଯ୍ୟନ୍ତ ଜରିମାନା ଲାଗିବ।

ଏହା ପୂର୍ବରୁ କେନ୍ଦ୍ର ସରକାର ବହୁତ ଥର ଆଧାର ସହ ପ୍ୟାନ ଲିଙ୍କ କରିବା ପାଇଁ ଅବଧି ବଢାଇଛି। କିନ୍ତୁ ଏବେ ଲିଙ୍କ କରି ନପାରିଲେ କେନ୍ଦ୍ର ସରକାର ଜରିମାନାର ପ୍ରାବଧାନ ଆଣିଛି। ଏହାସହିତ କାର୍ଡ ଧାରକଙ୍କ ପ୍ୟାନକୁ ମଧ୍ୟ ଅବୈଧ ଘୋଷିତ କରାଯିବ।

ଉଲ୍ଲେଖ ଯୋଗ୍ୟ ଯେ, ଗତ ମଙ୍ଗଳବାର ଦିନ ଆର୍ଥିକ ବିଲ-୨୦୨୧ ପାରିତ କରାଯାଇଛି। ଯେଉଁଥିରେ ଆୟକର ଧାରା, ୧୯୬୧ରେ ନୂଆ ଧାରା ୨୩୪ଏଚ ଅନୁଯାୟୀ, ପ୍ୟାନ ସହ ଆଧାର ଲିଙ୍କ କରାନଗଲେ ଏବେ ଲୋକଙ୍କୁ ୧୦୦୦ ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡ଼ିପାରେ। ଏତଦବ୍ୟତିତ ସେହି ଲୋକଙ୍କ ପ୍ୟାନକୁ ଅବୈଧ ଘୋଷଣା କରାଯାଇପାରେ।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

ଏହି ତାରିଖ ସୁଦ୍ଧା ପ୍ୟାନ ସହ ଆଧାର ଲିଙ୍କ କରିନିଅନ୍ତୁ: ନଚେତ୍ ଜରିମାନା ସହ ଅବୈଧ ଘୋଷଣା ହେବ କାର୍ଡ଼

ନୂଆଦିଲ୍ଲୀ: ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ପ୍ୟାନ ସହ ଆଧାର ଲିଙ୍କ କରିବାର ଶେଷ ତାରିଖ ରହିଛି। ଯଦି ପ୍ୟାନ ସହ ଆଧାର ଲିଙ୍କ କରିନାହାନ୍ତି, ତେବ ଖୁବ ଶୀଘ୍ର କରିନିଅନ୍ତୁ। ନଚେତ ୧୦୦୦ ଟଙ୍କା ପର୍ଯ୍ୟନ୍ତ ଜରିମାନା ଲାଗିବ। ଏହା ପୂର୍ବରୁ ବହୁତ ଥର ଆଧାର ସହ ପ୍ୟାନ ଲିଙ୍କ କରିବା ପାଇଁ ଅବଧି କେନ୍ଦ୍ର ସରକାର ବଢାଇଛି। କିନ୍ତୁ ଏବେ ଲିଙ୍କ କରି ନପାରିଲେ କେନ୍ଦ୍ର ସରକାର ଜରିମାନାର ପ୍ରାବଧାନ ଆଣିଛି। ଏହାସହିତ କାର୍ଡ ଧାରକଙ୍କ ପ୍ୟାନକୁ ମଧ୍ୟ ଅବୈଧ ଘୋଷିତ କରାଯିବ।

ଉଲ୍ଲେଖ ଯୋଗ୍ୟ ଯେ, ଗତ ମଙ୍ଗଳବାର ଦିନ ଆର୍ଥିକ ବିଲ-୨୦୨୧ ପାରିତ କରାଯାଇଛି। ଯେଉଁଥିରେ ଆୟକର ଧାରା, ୧୯୬୧ରେ ନୂଆ ଧାରା ୨୩୪ଏଚ ଅନୁଯାୟୀ, ପ୍ୟାନ ସହ ଆଧାର ଲିଙ୍କ କରାନଗଲେ ଏବେ ଲୋକଙ୍କୁ ୧୦୦୦ ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡ଼ିପାରେ। ଏତଦବ୍ୟତିତ ସେହି ଲୋକଙ୍କ ପ୍ୟାନକୁ ଅବୈଧ ଘୋଷଣା କରାଯାଇପାରେ।

Categories
ଆଜିର ଖବର ଖେଳ ଜାତୀୟ ଖବର

ଅନ୍ତିମ ଟି-୨୦ ପାଇଁ ଭାରତୀୟ ଦଳର ସମସ୍ତ ଖେଳାଳିଙ୍କ ଉପରେ ଲାଗିଲା ଜରିମାନା

ନୂଆଦିଲ୍ଲୀ: ଇଂଲଣ୍ଡ ବିରୋଧରେ ଅନ୍ତିମ ଟି-୨୦ ମ୍ୟାଚ ଜିତି ଭାରତ ୩-୨ରେ ସିରିଜକୁ ହାତେଇ ନେଇଛି। ହେଲେ ଭାରତୀୟ ଦଳକୁ ଏହି ମ୍ୟାଚ ପାଇଁ ଜରିମାନା ଲାଗିଛି। ଭାରତୀୟ ଦଳର ସମସ୍ତ ଖେଳାଳିଙ୍କୁ ମ୍ୟାଚ ଫି’ ର ୪୦ ପ୍ରତିଶତ କାଟି ଦିଆଯାଇଛି। ସ୍ଲୋ ଓଭର ବୋଲିଂ ପାଇଁ ଆଇସିସି ପକ୍ଷରୁ ଖେଳାଳିଙ୍କୁ ଏହି ଜରିମାନା ଲାଗିଛି।

ଏହି ସିରିଜରେ ବିରାଟ କୋହଲୀଙ୍କ ନେତୃତ୍ବରେ ଦୁଇଥର ଭାରତୀୟ ଦଳକୁ ଜରିମାନା ଲାଗିଛି। ଏହା ପୂର୍ବରୁ ଦ୍ଵିତୀୟ ଟି-୨୦ରେ ମଧ୍ୟ ଭାରତ ନିର୍ଦ୍ଧାରିତ ସମୟ ଠାରୁ ୨ ଓଭର କମ ବୋଲିଂ କରିଥିଲା। ମ୍ୟାଚ ରେଫରୀ ତଥା ଭାରତୀୟ ଦଳର ପୂର୍ବ ଦ୍ରୁତ ବୋଲର ଜବାଗଲ ଶ୍ରୀନାଥ ଭାରତୀୟ ଦଳକୁ ଏହି ଜରିମାନା ଲଗାଇଛନ୍ତି।

Categories
ଆଜିର ଖବର ରାଜ୍ୟ ଖବର

ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଟଙ୍କା ଜରିମାନା- ଜିଲ୍ଲାପାଳ

ଗଞ୍ଜାମ: ରାଜ୍ୟରେ କରୋନାର ଦ୍ୱିତୀୟ ଷ୍ଟ୍ରେନ୍ କୁ ଦୃଷ୍ଟିରେ ରଖି ସଂକ୍ରମଣକୁ ପ୍ରତିହତ କରିବା ପାଇଁ ସର୍ବସାଧାରଣ ସ୍ଥାନରେ କିମ୍ବା ରାସ୍ତା ଘାଟରେ ଛେପ ପକାଇଲେ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସମ୍ପୃକ୍ତ ବ୍ୟକ୍ତିଙ୍କ ଠାରୁ ୫୦୦ ଟଙ୍କା ଜରିମାନା ଆଦାୟ କରାଯିବ ବୋଲି ନିର୍ଦ୍ଦେଶ ଜାରୀ କରିଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ।

Categories
ଆଜିର ଖବର ରାଜ୍ୟ ଖବର

ବାଇକ ଚାଳକଙ୍କୁ ୨୨ ହଜାର ୫ ଶହ ଟଙ୍କା ଜରିମାନା

ସୁନ୍ଦରଗଡ: ଜଣେ ବାଇକ ଚାଳକଙ୍କ ଠାରୁ ୨୨ ହଜାର ୫ ଶହ ଟଙ୍କା ଜରିମାନା କରାଯାଇଛି। ଚେକିଂ ସମୟରେ ଆରଟିଓ କର୍ମଚାରୀ ବାଇକ ଚାଳକଙ୍କ ଠାରୁ ଏହି ଜରିମାନା କରିଛନ୍ତି। ଗାଡି ଚାଳକ ମଦ ପିଇ ଗାଡି ଚଳାଉଥିଲେ ବୋଲି ସୂଚନା ରହିଛି। ଏହା ସହିତ ତାଙ୍କ ପାଖରେ ଗାଡିର ଆବଶ୍ୟକୀୟ କାଗଜପତ୍ର ନଥିବା ଜଣାପଡିଛି।

Categories
ଆଜିର ଖବର ଜାତୀୟ ଖବର

ଏଣିକି ଅଯଥାରେ ପାଣି ନଷ୍ଟ କଲେ କଡା କାର୍ଯ୍ୟାନୁଷ୍ଠାନ : ଜେଲ୍‌ ଦଣ୍ଡାଦେଶ ସହ 5 ଲକ୍ଷଟଙ୍କାର ଜରିମାନା

ନୂଆଦିଲ୍ଲୀ :  ଅଯଥା ପାଣି ନଷ୍ଟ କରୁଛନ୍ତି କି ? ଏବେଠୁ ସତର୍କ ହୋଇଯାଆନ୍ତୁ । ସେଣ୍ଟ୍ରାଲ୍‌ ଗ୍ରାଉଣ୍ଡ ଓ୍ବାଟର ଅଥୋରିଟି (ସିଜିଡବ୍ଲୁଏ)ର ନୂଆ ନିର୍ଦ୍ଦେଶ ଅନୁସାରେ ପିଇବା ପାଣିର ଦୂରୁପଯୋଗ କଲେ ମୋଟା ଅଙ୍କରର ଜରିମାନା ସହ 5 ବର୍ଷ ଜେଲ୍‌ ଦଣ୍ଡାଦେଶ ହେବ । ଏବେଠାରୁ ପିଇବା ପାଣି ବା ପୋଟେବଲ ଓ୍ବାଟରକୁ ନଷ୍ଟ କରିବା କିମ୍ବା ଅଯଥାରେ ବ୍ୟବହାରେ କଲେ ଏହାକୁ ଦଣ୍ଡନୀୟ ଅପରାଧ ବୋଲି ବିଚାର କରାଯାଇ କଡା ଦଣ୍ଡାଦେଶ ହେବ । ଏନେଇ ସିଜିଡବ୍ଳୁଏ 2020 ଅକ୍ଟୋବର 8 ରେ ସବୁ ରାଜ୍ୟକୁ ଚିଠି ଲେଖିଛନ୍ତି । ସିଜିଡବ୍ଲୁଏ ଦେଶର ସବୁ ରାଜ୍ୟ, କେନ୍ଦ୍ର ଶାସିତ ପ୍ରଦେଶକୁ ପିଇବା ପାଣି ଓ ଭୂଗର୍ଭ ଜଳର ଦୁରୁପଯୋଗ ରୋକିବା ପାଇଁ ଏକ କମିଟି ବିକଶିତ କରିବା ସହ ଏନେଇ କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି । ଏବେଠାରୁ କୌଣସିବ୍ୟକ୍ତି, ସଂସ୍ଥା ଆଦି ପାନୀୟ ଜଳକୁ ଅପବ୍ୟବହାର କଲେ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ହେବ । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

ବାହାଘରରେ କୋଭିଡ୍‌ ନିୟମ ଉଲ୍ଲଂଘନ କରିବା ପଡିଲା ମହଙ୍ଗା : 50ହଜାର ଜରିମାନା ଆଦାୟ କଲା ପ୍ରଶାସନ

ବ୍ରହ୍ମପୁର : ବ୍ରହ୍ମପୁରରେ ଆୟୋଜିତ ଏକ ବାହାଘର ଭୋଜିକୁ 50 ହଜାର ଜରିମାନା ହୋଇଛି । କନ୍ୟା ଓ ବରପକ୍ଷଙ୍କଠାରୁ 50 ହଜାର ଜରିମାନା ଆଦାୟ କରିଛି ପ୍ରଶାସନ । ବାହାଘର ଶୋଭାଯାତ୍ରାରେ କରୋନା କଟକଣା ଉଲ୍ଲଂଘନ କରିଥିବାରୁ ଏହି ଜରିମାନା ଆଦାୟ କରାଯାଇଛି । ବର ଏବଂ କନ୍ୟା ପକ୍ଷଠାରୁ ଏହି ଜରିମାନା ଆଦାୟ କରାଯାଇଛି । ଜରିମାନା ଆଦାୟ ସହ ଉଭୟ ପକ୍ଷ ନାଁରେ ମାମଲା ରୁଜୁ ହୋଇଛି । ଉଭୟ ପକ୍ଷର 2ଟି ଗାଡି ଜବତ ହେବା ସହିତ ତଦନ୍ତ ପାଇଁ ଆରଟିଓଙ୍କୁ ନିର୍ଦ୍ଦେଶ ଦିଆଯାଇଛି ।

ଗୋପାଳପୁରର ଏକ ହୋଟେଲ୍‌ରେ ବାହାଘର କାର୍ଯ୍ୟକ୍ରମ ଚାଲିଥିଲା । ରାସ୍ତାରେ ନାଚି ନାଚି ବରଯାତ୍ରୀ ଯିବା ଦୃଶ୍ୟ ଭାଇରାଲ୍‌ ହୋଇଥିଲା । ବିବାହ ଶୋଭାଯାତ୍ରାରେ କୋଭିଡ୍‌ ନିୟମକୁ ସମ୍ପୂର୍ଣ୍ଣ ଭାବରେ ଉଲ୍ଲଂଘନ କରାଯାଇଥିଲା। ଯାହାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ ହେବା ପରେ କାର୍ଯ୍ୟାନୁଷ୍ଠାନ ନିଆଯାଇଛି । ଏହି ବିବାହ ଶୋଭାଯାତ୍ରାରେ କେହି ମୁହଁରେ ମାସ୍କ ନ ପିନ୍ଧିଥିବାବେଳେ କେହି ସାମାଜିକ ଦୂରତ୍ବକୁ ଗୁରୁତ୍ବ ମଧ୍ୟ ଦେଇନଥିଲେ ।

Categories
ଆଜିର ଖବର ଜାତୀୟ ଖବର

ବାହାଘରକୁ ଅଧିକ ଲୋକ ଡାକି ଫସିଲେ ବର ପିତା :  କରୋନାରେ ଜଣକର ମୃତ୍ୟୁ ସହ 15 ଜଣ ସଂକ୍ରମିତ

ରାଜସ୍ଥାନ : କରୋନା କଟକଣାକୁ ଖାତିର୍‌ ନ କରି ବିବାହ ସମାରୋହରେ ଅଧିକ ଲୋକଙ୍କୁ ସାମିଲ୍‌ କରିବା ଏବେ ବେଶ୍‌ ମହଙ୍ଗା ସାବ୍ୟସ୍ତ ହୋଇଛି । ରାଜସ୍ଥାନର ଭୀଲଓ୍ବାଡାର ଏକ ବିବାହ ସମାରୋହରେ 250 ଜଣ ଲୋକ ସାମିଲ୍‌ ହୋଇଥିଲେ । ଏହା ଏବେ ବରପକ୍ଷ ଲୋକଙ୍କୁ ବେଶ୍‌ ମହାଙ୍ଗା ସାବ୍ୟସ୍ତ ହୋଇଛି । ବରଯାତ୍ରୀର କରୋନା ସଂକ୍ରମଣ ବ୍ୟାପିବା ଯୋଗୁଁ ଜଣକର ମୃତ୍ୟୁ ହୋଇଥିବାସ୍ଥଳେ 15 ଜଣ ପଜିଟିଭ୍‌ ଚିହ୍ନଟ ହୋଇଛନ୍ତି । ବରର ଜେଜେବାପାଙ୍କର କରୋନା ଯୋଗୁଁ ମୃତ୍ୟୁ ହୋଇଥିବାବେଳେ ଅନ୍ୟ 15 ଜଣ ସଂକ୍ରମିତ ହୋଇଛନ୍ତି ।

ବର ଓ ବରପିତା ସମେତ ସମସ୍ତ 15 ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେହିପରି ରାଜସ୍ଥାନ ସରକାର ଅନ୍ୟ 127 ଜଣଙ୍କୁ କ୍ବାରେଣ୍ଟାଇନ୍‌ କରିଛନ୍ତି । ସେହିପରି ଏହି ସମସ୍ତଙ୍କୁ କ୍ବାରେଣ୍ଟିନ୍‌ ସୁବିଧା ଓ ଚିକିତ୍ସାର ସମସ୍ତ ଖର୍ଚ୍ଚକୁ ଜରିମାନା ରୂପେ ବରପିତାଙ୍କୁ ଦେବାକୁ ପଡିଛି । ଏପର୍ଯ୍ୟନ୍ତ ବର ପିତାଙ୍କ ଉପରେ 6 ଲକ୍ଷ 26 ହଜାର 600 ଟଙ୍କାର ଜରିମାନା କରାଯାଇଥିବାବେଳେ ତିନି ଦିନ ମଧ୍ୟରେ ଏହାକୁ ଆାଦାୟ କରିବା ପାଇଁ ଭିଲଓ୍ବାଡା ଜିଲ୍ଲା ମାଜିଷ୍ଟ୍ରେଟ୍‌ ନୋଟିସ୍‌ ଜାରି କରିଛନ୍ତି । ସେହିପରି ଆଗକୁ ମଧ୍ୟ ଏହି ଜରିମାନାର ଆକାର ବଢିପାରେ ବୋଲି ସୂଚନା ରହିଛି। ଏହି ଆଦାୟ ଜରିମାନା ଟଙ୍କାକୁ ମୁଖ୍ୟମନ୍ତ୍ରୀ ରିଲିଫ୍‌ ଫଣ୍ଡକୁ ଦିଆଯିବ ବୋଲି ସୂଚନା ରହିଛି ।

ସୂଚନାଯୋଗ୍ୟ, କରୋନା ଭାଇରସ ସଂକ୍ରମଣ ଉପରେ ପ୍ରଭାବି ନିୟନ୍ତ୍ରଣ ପାଇଁ ‘ଭିଲୱାରା ମଡେଲ’ ଦେଶରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲା । କିନ୍ତୁ ଏଠାରେ ଏକ ବିବାହ କାର୍ଯ୍ୟକ୍ରମରେ ଏକକାଳୀନ 15 ଜଣ କରୋନା ପଜିଟିଭ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ କାର୍ଯ୍ୟାନୁଷ୍ଠାନ ନେଇଛି ।

ଜୁନ୍‌ 19 ତାରିଖରେ ଭୀଲଓ୍ବାଡା ରେ ବିବାହ କରାଯାଇଥିବାବେଳେ ଏହି ବିବାହରେ ବର, ବରର କାକା, ପିଇସୀ, ବର ପିତା, ଉଣୀ ଆଦି ସାମିଲ୍‌ ଥିଲେ । ତେବେ ନବବଧୂ ସମେତ 17ଜଣଙ୍କ କରୋନା ରିପୋର୍ଟ ନେଗେଟିଭ୍‌ ଆସିଛି । (ଏଜେନ୍ସି)