Tag: କୁଜଙ୍ଗ

କୁଜଙ୍ଗ: ପବିତ୍ର ଗୁରୁ ଦିବସ ଅବସରରେ ଗୁରୁବାର କୁଜଙ୍ଗ ସ୍ଥିତ ନ୍ୟାସନାଲ ସ୍କୁଲ ପରିସରରେ ନ୍ୟାସନାଲ ସ୍କୁଲ ଓ ସେଣ୍ଟ ଜାଭିଅର ଇଣ୍ଟରନେସନାଲ ସ୍କୁଲ ଛାତ୍ରୀଛାତ୍ରମାନଙ୍କ ଦ୍ୱାରା ନାଟକ ଦେଲୁ ମୋତେ ମହାଶିକ୍ଷା ମଞ୍ଚସ୍ଥ ହୋଇ ଯାଇଛି। ନାଟକରେ ପୂଜାରାଣୀ ତ୍ରିପାଠୀ, ନଜମିନ ଅକତର, ଶ୍ରୀପର୍ଣ୍ଣା ସୁତାର, ପ୍ରିୟଙ୍କା ଦାସ ଓ ଲକ୍ଷ୍ମୀପ୍ରିୟା ବେଉରା ପ୍ରମୁଖ ପିଲାଙ୍କ ଚମତ୍କାର ଅଭିନୟ ବେଶ ମନ ମୋହିଥିଲା।

ଶିକ୍ଷୟତ୍ରୀ ମୁଗ୍ଧାମୟୀ ରାଉତ ନାଟକ ରଚନା କରିଥିଲେ ଓ ନିର୍ଦ୍ଦେଶନା ମଧ୍ୟ ଦେଇଥିଲେ।  ଆୟୋଜିତ ଗୁରୁଦିବସ ଉତ୍ସବରେ ସ୍କୁଲ ଅଧ୍ୟକ୍ଷା ପ୍ରମିଳା ନନ୍ଦ ସଭାପତିତ୍ୱ କରିଥିଲେ।

ମୁଖ୍ୟଅତିଥି ଭାବେ ଡକ୍ଟର ରଘୁନାଥ ସାହୁ, ସମ୍ମାନିତ ଅତିଥି ଭାବେ ସେଣ୍ଟ ଜାଭିଅର ଇଣ୍ଟରନେସନାଲ ସ୍କୁଲ ପ୍ରିନସିପାଲ ସୁଧାକର ବିଶ୍ୱାଳ, ଶିକ୍ଷାବିତ ମହେଶ୍ୱର ମଲିକ, ଶୁଭେନ୍ଦୁ ନାରାୟଣ ଖଟୁଆ ଓ ସଞ୍ଜୟ ଓଝା ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ।

ଶିକ୍ଷକ, ସରୋଜିନୀ ସାହୁ, ସରୋଜ ପରିଜା, ମମତା ତ୍ରିପାଠୀ, ପ୍ରକାଶ ସ୍ୱାଇଁ, ପବିତ୍ର ନାୟକ ଓ ରିଙ୍କୁ ପଲେଇ, କାହ୍ନା ବେହେରା ଓ ରତିକାନ୍ତ ମହାନ୍ତି ପ୍ରମୁଖ ଉତ୍ସବ ପରିଚାଳନା କରିଥିଲେ। ଛାତ୍ରଛାତ୍ରୀ ମାନେ ଗୁରୁ ବନ୍ଦନା ଓ ବକ୍ତୃତା ପ୍ରତିଯୋଗିତାରେ ଭାଗ ନେଇଥିଲେ।

କୁଜଙ୍ଗ: କେନ୍ଦ୍ର ଓ ରାଜ୍ୟ ସରକାର ସ୍ଵଚ୍ଛତା କୁ ସର୍ବାଗ୍ରେ ରଖି ବ୍ୟାପକ ବ୍ୟବସ୍ଥା ଗ୍ରହଣ କରିବା ସହ ଗ୍ରାମାଞ୍ଚଳରେ ବିଭିନ୍ନ ସଚେତନତା କାର୍ଯ୍ୟକ୍ରମ କରୁଛନ୍ତି। କିନ୍ତୁ କୁଜଙ୍ଗ ବ୍ଲକ୍ ଅଞ୍ଚଳରେ ଏହାର ବ୍ୟତିକ୍ରମ ଦେଖିବାକୁ ମିଳିଛି।କହିବାକୁ ଗଲେ ସ୍ୱଚ୍ଛ ଭାରତ ମିଶନ ଯୋଜନା କୁଜଙ୍ଗରେ ଏକ ପ୍ରକାର ବାଟବଣା ହୋଇଯାଇଛି। ଫଳରେ ବ୍ଲକ୍ ର ବିଭିନ୍ନ ଅଞ୍ଚଳ ଅସୁସ୍ଥ ଓ ଆବର୍ଜନାମୟ ହୋଇ ପଡ଼ିଛି।

ତେବେ ସୁବ୍ୟବସ୍ଥିତ ସଫେଇ କରାଯିବା ପାଇଁ ବିଭିନ୍ନ ମହଲରୁ ଦାବି ହୋଇ ଆସୁଥିଲେ ମଧ୍ୟ କୁଜଙ୍ଗ ବ୍ଲକ୍ ପ୍ରଶାସନ କିମ୍ବା ନିୟନ୍ତ୍ରିତ ବଜାର କମିଟି ରାହାମା ଏ ଦିଗରେ ଯଥେଷ୍ଟ ଧ୍ୟାନ ଦେଉନଥିବା ବେଳେ ଯେମିତି ସ୍ଵଚ୍ଛତା କୁ ଭୁଲି ଯାଇଥିବା ଅଭିଯୋଗ ହେଉଛି।

ସୂଚନା ଅନୁସାରେ, କୁଜଙ୍ଗ ବଜାର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏଠାରେ ବ୍ଲକ, କୋର୍ଟ, ତହସିଲ,ରାଷ୍ଟ୍ରାୟତ ବ୍ୟାଙ୍କ୍, କଲେଜ୍, ସ୍କୁଲ୍ ଭଳି ବିଭିନ୍ନ ବିଭାଗୀୟ କାର୍ଯ୍ୟଳୟ ରହିଛି। ଏଠାକୁ ଦୈନନ୍ଦିନ ବିଭିନ୍ନ କାର୍ଯ୍ୟ ପାଇଁ ହଜାର ହଜାର ସଂଖ୍ୟାରେ ଲୋକ ମାନେ ଆସିଥାନ୍ତି। ମାତ୍ର ବଜାରର ବିଭିନ୍ନ ସ୍ଥାନରେ ଅଳିଆ ଆବର୍ଜ୍ଜନା ଭର୍ତ୍ତି ହୋଇଥିବା କାରଣରୁ ଲୋକେ ଯାତାୟାତ କରିବାକୁ ନାନାଦି ଅସୁବିଧା ଭୋଗ କରୁଛନ୍ତି। ବିଶେଷ କରି କୁଜଙ୍ଗ ମେଡ଼ିକାଲ ରାସ୍ତା, ମହିଳା ଶିଶୁ ସମନ୍ୱୟ ବିକାଶ କାର୍ଯ୍ୟଳୟ, କେନାଲ ରାସ୍ତା,ପୁରୁଣା ବସ୍ ଷ୍ଟାଣ୍ଡ ଓ ବଜାର ରେ ଅଳିଆ ଆବର୍ଜ୍ଜନା ସଫେଇ କରାନଯିବା କାରଣରୁ ଲୋକେ ପ୍ରଦୂଷିତ ପରିବେଶରେ ଜୀବନଯାପନ କରିବାକୁ ବାଧ୍ୟ ହେଉଛନ୍ତି।

ଅନ୍ୟ ପକ୍ଷରେ ପରିମଳ ବ୍ୟବସ୍ଥା ଦାୟିତ୍ବ ବ୍ଲକ ଓ ପଞ୍ଚାୟତ ହାତରେ। ସ୍ଵଚ୍ଛତା ବ୍ୟବସ୍ଥାରେ ସୁଧାର ଆଣିବାକୁ ବ୍ଲକ୍ କୌଣସି ପଦକ୍ଷେପ ଗ୍ରହଣ କରୁନାହିଁ। ଫଳରେ ବଜାରରେ ଥିବା ବିଭିନ୍ନ ଡ୍ରେନ ରେ ଲୋକ ମାନେ ଅଳିଆ ଆବର୍ଜ୍ଜନା ପକାଉଛନ୍ତି। ଏବେ ବର୍ଷା ଦିନ ଆସିଲାଣି।

ତେବେ ଏହି ଆବର୍ଜ୍ଜନା ଭର୍ତ୍ତି ଡ୍ରେନ୍ ସଫେଇ ହେଉନଥିବାରୁ ବର୍ଷା ପାଣି ଜମି ରହୁଛି।ଫଳରେ ପରିବେଶ ଦୂର୍ଗନ୍ଧମୟ ହେବା ସହ ଉକ୍ତ ରାସ୍ତାରେ ଲୋକ ମାନେ ଅପ୍ରୀତିକର ସ୍ଥିତିରେ ଯିବାଆସିବା କରୁଛନ୍ତି। ତଥାପି ପ୍ରଶାସନ ଏଦିଗରେ କୌଣସି ପଦକ୍ଷେପ ନେବା ବଦଳରେ ଚୁପ୍ ହୋଇ ରହିବା କେତେ ଦୂର ଯୁକ୍ତିଯୁକ୍ତ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।

କୁଜଙ୍ଗ: କୁଜଙ୍ଗ ଥାନା କଟକ-ପାରାଦ୍ୱୀପ ରାସ୍ତାରେ କୁଜଙ୍ଗ ପୋଲିସ୍ ନାକାବନ୍ଦୀ କରି ବିଭିନ୍ନ ଗାଡ଼ି ଯାଂଚ କରୁଥିବା ବେଳେ ଦୁଇ ଯୁବକ ମଦ୍ୟପାନ କରି ଗାଡି ଚଳାଉଥିଲେ। ପୋଲିସ୍ ଗାଡିଟିକୁ ଅଟକାଇଥିଲେ। ମାତ୍ର ଦୁଇ ଯୁବକ ଅତ୍ୟଧିକ ମଦ୍ୟପାନ କରି ଗାଡି ଚଳାଉଥିବାରୁ ପୋଲିସ୍ ତାଙ୍କୁ ଗିରଫ କରିଛି। ତାସହିତ ବ୍ୟବହୃତ ବୁଲେଟ୍ ଗାଡି ନମ୍ବର (ଓଡି୨୧ବି୮୩୪୪)ଟିକୁ ଜବତ କରିଛି। ଅଭିଯୁକ୍ତ ଦ୍ୱୟହେଲେ ତିର୍ତୋଲ ଥାନା ରସୁଲପୁର ଅଂଚଳର ଆସିଫ୍ ଖାନ (୨୪) ଏବଂ ସେକ୍ ସଲମନ୍ ହୁସେନ୍ (୩୭)। ଆଜି ଅଭିଯୁକ୍ତ ମାନଙ୍କୁ ପୋଲିସ୍ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରଶ୍ମୀରଂଜନ ଦାଶ ପ୍ରକାଶ କରିଛନ୍ତି।

ଅନୁରୁପଭାବେ ଗତକାଲି ବିଳମ୍ବିତ ରାତିରେ ଏରସମା ଥାନା ଅଂଚଳର ସର୍ବେଶ୍ୱର ସ୍ୱାଇଁ, ବସନ୍ତ ବିଶ୍ୱାଳ, ସରୋଜ ନାୟକ ବାଲିତୁଠ ବଜାରରେ ମଦ୍ୟପାନ କରି ସ୍ଥାନିୟ ବ୍ୟବସାୟିଙ୍କ ସାଂଗରେ ଝଗଡ଼ା କରୁଥିଲେ। ଏହି ଖବର ପୋଲିସ୍ ପାଇବା ମାତ୍ରେ ଘଟଣାସ୍ଥଳରେ ପହଁଚି ୩ ଯୁବକଙ୍କୁ ଥାନାକୁ ଉଠାଇଆଣିଥିଲେ। ପରେ ସେମାନଙ୍କ ନାମରେ ୧୦୭ ଦଫା ଦେଇ ସେମାନଙ୍କୁ ଛାଡିଦେଇଥିବା ପୋଲିସ୍ କହିଛି।

କୁଜଙ୍ଗ: ବିନା ସରକାରୀ ପ୍ରଶିକ୍ଷଣ ଓ ପ୍ରୋତ୍ସାହନରେ କୁଜଙ୍ଗ ଅଂଚଳର ସ୍ଵେଚ୍ଛାସେବୀ ପ୍ରଭାତ ବେହେରା (ବାବୁନି) ଦିନକୁ ଦିନ ସାପ ଧରିବାରେ ରେକର୍ଡ କରି ଚାଲିଛନ୍ତି। ସେ ପୂର୍ବରୁ ଗୋଟିଏ ଦିନରେ ୬ ଟି ନାଗସାପ ଉଦ୍ଧାର କରିଥିବାବେଳେ ଆଜି ୪ଟି ନାଗ ସାପ ଉଧାର କରିଥିବା ଜଣାପଡ଼ିଛି।

ଶ୍ରୀ ବେହେରା ଆଜି ସମାଗୋଳର ଦୁଲେଇ କଳ ଘରୁ, ବଳରାମପୁର ଗ୍ରାମର ସୁବାଷ ବେହେରାଙ୍କ ଶୌଚାଳୟରୁ, ଗୋପିଆକୁଦ ପଂଚାୟତ ଗୋଠଡିଆ ଗ୍ରାମର କୁଳମଣୀ ସାମଲଙ୍କ ରୋଷେଇ ଘରୁ ଓ କୁଜଙ୍ଗ ବଜାରର ନିକୁ ଚାହା ଦୋକାନ ନିକଟରୁ ଗୋଟିଏ ,ସେହିପରି ମୋଟ ୪ଟି ନାଗସାପ ଉଧାର କରିଥିବା ଜଣାପଡ଼ିଛି। ନିଜସ୍ୱ ଖର୍ଚ୍ଚରେ ଜୀବନକୁ ବିପନ୍ନକରି ପ୍ରଭାତ ଏହିଭଳି ଭାବେ ଲୋକସେବା ଜାରି ରଖିଛନ୍ତି।

ତେବେ ତାଙ୍କୁ ସରକାରୀ ଭାବେ ପ୍ରଶିକ୍ଷଣ, ପୋତ୍ସାହନ ଓ ଆର୍ଥିକ ଭାବେ ସହାୟତା ପ୍ରଦାନ କଲେ ସେ ଆଗକୁ ଏହି କ୍ଷେତ୍ରରେ ଅଧିକ କାର୍ଯ୍ୟ କରିପାରେିବେ ବୋଲି କୁଜଙ୍ଗ ଅଂଚଳର ବୁଦ୍ଧିଜିବୀ ମାନେ ପ୍ରକାଶ କରିଛନ୍ତି।

କୁଜଙ୍ଗ: ଆଜି ପୁରୀ ଜିଲ୍ଲା ସତ୍ୟବାଦୀ ଠାରେ ୫-ଟି ସଚିବ ଭିକେ ପାଣ୍ଡିଆନଙ୍କୁ ଦୁବୃତ୍ତ କାଳିମାଡ କରିବା ଘଟଣାରେ କୁଜଙ୍ଗ ବ୍ଳକ ବିଜୁ ଯୁବ ଜନତା ଦଳ ପକ୍ଷରୁ କଡା ନିନ୍ଦା କରାଯାଇଛି। ଏହି ଘଟଣାରେ କୁଜଙ୍ଗ ବ୍ଳକ ବିଜୁ ଯୁବ ଜନତା ଦଳର ସଭାପତି ଯୁବ ସମାଜସେବୀ ଅରୁପ୍ରସାଦ ମହାନ୍ତି ତୀବ୍ର ପ୍ରତିକ୍ରିୟା ପ୍ରକାଶ କରି ଏହି କାଳୀମାଡ ଘଟଣାକୂ ତୀବ୍ର ନିନ୍ଦା କରିଛନ୍ତି। ସେ ବିଜୁ ଜନତା ଦଳର ବିକାଶର ରଥ ତୀବ୍ର ଗତିରେ ଆଗକୁ ମାଡି ଚାଲିଛି। ୫-ଟି ସଚିବ ମୁଖ୍ୟମନ୍ତ୍ରୀଙ୍କ ପ୍ରତିନିଧି ଭାବେ ରାଜ୍ୟର ବିଭିନ୍ନ ଅଂଚଳ ଗସ୍ତକରି ଲୋକମାନଙ୍କ ଆପତ୍ତି ଅଭିଯୋଗ ଶୁଣିବା ସହିତ ବିଭିନ୍ନ ବିକାଶ ମୂଳକ କାର୍ଯ୍ୟପାଇଁ ଦାବୀପତ୍ର ଗ୍ରହଣ କରୁଛନ୍ତି। ଯାହାର ଆଧାରରେ ରାଜ୍ୟରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ତ୍ୱରାନ୍ୱୀତ ହୋଇପାରିଛି।

ତେବେ ଏଭଳି ବିକାଶ ମୂଳକ କାର୍ଯ୍ୟକୁ ବିରୋଧ କରିବାକୁ ଯେଉଁମାନେ ଏହି କାଳୀମାଡ ଘଟଣା କରିଛନ୍ତି ସେମାନଙ୍କୁ ଆସନ୍ତା ଦିନରେ ରାଜ୍ୟବାସୀ ଜବାବ ଦେବେ ବୋଲି ସେ ପ୍ରକାଶ କରିଛନ୍ତି।

ଅନ୍ୟ ମାନଙ୍କ ମଧ୍ୟରେ କୁଜଙ୍ଗ ପଂଚାୟତ ସମିତି ଅଧ୍ୟକ୍ଷା ନୀନାରାଣୀ ସାହୁ, କୁଜଙ୍ଗ ସରପଂଚ ବନ୍ଦିତା ଦାସ, ନାରୀନେତ୍ରୀ ଅବନ୍ତୀ ମାଝୀ, ସୁନାକର ବେହେରା, ଚିରଞ୍ଜୀବ ନାୟକ, ପ୍ରଭାଷ ରଞ୍ଜନ ଦାସ, ସୁଧାଂଶୁ ବେହେରା, ଅରୁଣ ବେହେରା, ଧୃବ ଚରଣ ନାୟକ, ସରୋଜ ସେଠୀ, ମାନଭଞ୍ଜନ ମଲ୍ଲ, ନରହରୀ ତରାଇ, ଅକ୍ଷୟ କୁମାର ତରାଇ, ଛବିନ୍ଦ୍ର ବେହେରା ପ୍ରମୁଖ ଏହି ଘଟଣାର ତୀବ୍ର ନିନ୍ଦା କରିଛନ୍ତି।

କୁଜଙ୍ଗ: କୁଜଙ୍ଗ ପୋଲିସ୍ ଗତକାଲି କୁଜଙ୍ଗ-ବାଲିତୁଠ ରାସ୍ତାର ବାଲିତୁଠ ନିକଟରୁ ବିପୁଳ ପରିମାଣର ଦେଶୀ ମଦ (ଆସ୍କା୪୦) ଜବତ କରିଥିବା ଜଣାପଡ଼ିଛି। ଏଥିରେ ବ୍ୟବହୃତ ହୋଇଥିବା ଏକ ମୋଟର ସାଇକେଲକୁ ପୋଲିସ୍ ସିଜ୍ କରିଥିବା କହିଛି। ଅଭିଯୁକ୍ତମାନେ ହେଲେ କୁଜଙ୍ଗ ଅଂଚଳର ସୌମ୍ୟରଞ୍ଜନ ପରିଡ଼ା, ନିରୋଜ କୁମାର ଦାସ, ଚିଂଟୁ ନାଥ, ବିକ୍ରମ ନାରାୟଣ ଦାସ। ଏମାନଙ୍କ ନାମରେ ଅବକାରୀ ଆଇନ୍ ଆଧାରରେ କେସ୍ ନଂ ୩୭୩/୨୩ରେ ମାମଲା ରୁଜ୍ଜୁ କରିଥିବା ଥାନା ଅଧିକାରୀ ରଶ୍ମୀରଞ୍ଜନ ଦାଶ କହିଛନ୍ତି।

ସୂଚନା ଯୋଗ୍ୟ ଗୁରୁବାର ବିଳମ୍ବିତ ରାତିରେ କୁଜଙ୍ଗର ଲାଇସେନ୍ସ ପ୍ରାପ୍ତ ଦେଶୀ ମଦ ଦୋକାନରୁ ବିପୁଳ ପରିମାଣରେ ମଦ ବାଲିତୁଠ ଅଂଚଳକୁ ଯାଉଥିବା ପୋଲିସ୍ ବିଶେଷ ସୂତ୍ରରୁ ଖବର ପାଇଥିଲା। ତୁରନ୍ତ ଥାନାଅଧିକାରୀ ଦୁଇଟି ଟିମ୍ ଗଠନ କରି ବାଲିତୁଠ ଓ କୁଜଙ୍ଗ ଅଂଚଳରେ ଜଗି ବସିଥିଲା। ସେହି ସମୟରେ ସୌମ୍ୟରଞ୍ଜନ ଓ ନିରୋଜ ଏକ ମୋଟରସାଇକେଲ ଯୋଗେ ଦେଶୀ ମଦ ନେଇ ବାଲିତୁଠ ଅଂଚଳକୁ ଯାଉଥିଲେ। ପୂର୍ବରୁ ଛକି ବସିଥିବା ପୋଲିସ୍ ଏହି ଦୁଇ ଯୁବକଙ୍କୁ ମାଡ଼ି ବସିଥିଲେ। ସେମାନଙ୍କ ଠାରୁ ୩୮ ଲିଟର (ଆସ୍କା୪୦) ମଦ ଜବତ କରିବା ସହ ଏହିକାରବାରେ ବ୍ୟବହୃତ ମୋଟର ସାଇକେଲକୁ ପୋଲିସ୍ ସିଜ୍ କରିଥିଲା।

ଏହି ଦେଶୀ ମଦ ଚୋରା କାରବାରରେ ସଂପୃକ୍ତି ଅଭିଯୋଗରେ ବିକ୍ରମ ଓ ଚିଂଟୁକୁ ପୋଲିସ୍ ମଦ ଦୋକାନରୁ ଉଠାଇ ଆଣି ତାଙ୍କ ନାମରେ ମାମଲା ରୁଜ୍ଜୁ କରି ତାଙ୍କୁ ଗିରଫ କରିଥିଲା।

କୁଜଙ୍ଗ: ବନ୍ୟା ଦାଉରୁ ସୁରକ୍ଷା ଓ ଲୋକଙ୍କ ଯାତାୟତ ପାଇଁ ସରକାର ନଦୀବନ୍ଧକୁ ସୁଦୃଢିକରଣ ଓ ରାସ୍ତା ନିର୍ମାଣରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ହେଲେ ବିଭାଗୀୟ ଯନ୍ତ୍ରୀ ଓ ଠିକାଦାରଙ୍କ ମଧୁଚନ୍ଦ୍ରିକାରେ ନିମ୍ନମାନର କାର୍ଯ୍ୟ କରି ଠିକାଦାର ମାଲାମାଲ ହେଉଥିବା ବେଳେ ସରକାରଙ୍କ ଯୋଜନା ଫସର ଫାଟୁଛି। ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ମଣିଜଙ୍ଗା ଜଳସମ୍ପଦ ବିଭାଗ ସାଉଥ୍ ଡିଭିଜନ ଅଧୀନରେ ଥିବା ମହାନଦୀ ବନ୍ଧ ସୁଦୃଢିକରଣ ଓ ରାସ୍ତା ନିର୍ମାଣ କାର୍ଯ୍ୟରେ।

ମଣିଜଙ୍ଗା ଜଳସମ୍ପଦ ବିଭାଗ କାର୍ଯ୍ୟାଳୟ ଅଧିନ ମହାନଦୀ ବାମପାର୍ଶ୍ୱ ନଦୀବନ୍ଧର ତାର୍ତ୍ତୋଲ ଠାରୁ ବାଲିକଣୀ ପର୍ଯ୍ୟନ୍ତ ନଦୀବନ୍ଧକୁ ସୁଦୃଢିକରଣ ଓ ପିଚୁରାସ୍ତା ନିର୍ମାଣ ପାଇଁ ୩କୋଟି ୮୭ଲକ୍ଷ ଟଙ୍କା ବ୍ୟୟବରାଦ କରାଯାଇଛି। ନଦୀବନ୍ଧରେ ମାଟି ମେଟାଲ-ମୋରମ ପକାଇ ରୋଲିଂ କରିବା ପରେ ଡଷ୍ଟ ପକାଇ ପିଚୁରାସ୍ତା ନିର୍ମାଣ କରିବା କଥା। ମାତ୍ର ନଦୀବନ୍ଧରେ ମାଟି ବଦଳରେ ବାଲି ପକାଯାଇଥିବା ଦେଖିବାକୁ ମିଳିଛି। ଅସରାଏ ବର୍ଷାରେ ପକାଯାଇଥିବା ବାଲି ଅନେକ ସ୍ଥାନରେ ଧୋଇ ଗଲାଣି। ସ୍ଥାନୀୟ ଲୋକ ଯେତେ ପ୍ରତିବାଦ କଲେ ମଧ୍ୟ ବିଭାଗୀୟ ଯନ୍ତ୍ରୀ କିମ୍ବା ଠିକାଦାର କେହି ଶୁଣୁନଥିବା ଲୋକ ଅଭିଯୋଗ କରିଛନ୍ତି।

ଏହି ନଦୀବନ୍ଧ ମହାନଦୀ-ପାଇକା ଦ୍ୱିପାଞ୍ଚଳର କୋଲର, ପୋରଗଦେଇ, କାଠକୋଟ, ହଂସୁରା ଓ ବଡବାଲିକଣୀ ପ୍ରଭୃତି ପାଞ୍ଚଟି ପଞ୍ଚାୟତର ୨୫ହଜାର ଲୋକଙ୍କୁ ସୁରକ୍ଷା ଯୋଗାଇଦେଉଥିବା ବେଳେ ନଦୀବନ୍ଧର ସୁଦୃଢିକରଣ ଓ ରାସ୍ତା ନିର୍ମାଣରେ ଚଞ୍ଚକତା କରାଯାଉଛି ଯାହାକୁ ନେଇ ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି।

ନଦୀବନ୍ଧରେ ମାଟି ବଦଳରେ ବାଲି ପକାଇଥିବା ବେଳେ ରୋଲର ବ୍ୟବହାର କରାଯାଇନଥିବା ଅଭିଯୋଗ ହୋଇଛି। ୮ଇଞ୍ଚି ମେଟାଲ ୪୦ଏମ.ଏମ, ୨୦ଏମ.ଏମ ଓ ୧୦ଏମ.ଏମ ମେଟାଲର ଡଷ୍ଟ ବଦଳରେ ୫ଇଞ୍ଚିର ବାଲି ମିଶା ଡଷ୍ଟ ପକାଯାଇଛି। ଲାବ୍ରଟୋରି ଟେଷ୍ଟ ନକରି ମାନଯାଞ୍ଚ କରିବାକୁ ଆସିଥିବା ଅଧିକାରୀଙ୍କୁ ମୋଟା ଅଙ୍କର ଲାଞ୍ଚଦେଇ ଠିକାଦାର ଠକିବାକୁ ଷଡଯନ୍ତ୍ର କରିଥିବା ସୁଚନା ମିଳିଛି।

ନଦୀବନ୍ଧକୁ ସୁଦୃଢିକରଣ କରିବା ବଦଳରେ ରଠ କାମକରି ଏହା ଉପରେ ନାମକୁ ମାତ୍ର ପିଚୁ କରାଯାଇଛି। ୨୦ଏମ.ଏମ ଗୋଡି ସହିତ ୨ଇଞ୍ଚି ଓ ଅଧା ଇଞ୍ଚି ଗୋଡିରେ ପିଚୁ ସିଲି କୋଟିଂ କରିବା ବଦଳରେ ନାମକୁ ମାତ୍ର ପିଚୁ କରାଯାଇଛି। ନିମ୍ନମାନର ପିଚୁରାସ୍ତା ନିର୍ମାଣ ହୋଇଥିବାରୁ ଅନେକ ସ୍ଥାନରେ ପିଚୁରାସ୍ତା ଫାଟି ଆଁ କଲାଣି ତ କେଉଁଠି ବନ୍ଧ ତଳକୁ ଖସିଗଲାଣି। ଅନେକ ସ୍ଥାନରେ ପିଚୁ ହାତମାରିଲେ ଉଠିଯାଉଛି।

ଏପରିକି ନଦୀବନ୍ଧ ପାର୍ଶ୍ଵରେ ଥିବା ଗାଁକୁ ଯାଆଆସ କରିବାକୁ ଆପ୍ରୋଚ ରୋଡ ମଧ୍ୟ କରାଯାଇନାହିଁ। ଖୋସାଲପୁର ଠାରୁ ବାଲିକଣୀ ପର୍ଯ୍ୟନ୍ତ ଏପରି ନିମ୍ନମାନର ପିଚୁରାସ୍ତା କରାଯାଇଥିବା ବେଳେ ଖୋସାଲପୁର ଠାରୁ ତାର୍ତ୍ତୋଲ ପର୍ଯ୍ୟନ୍ତ ପିଚୁରାସ୍ତା ନିର୍ମାଣ ହୋଇନାହିଁ। ନିମ୍ନମାନର ନିର୍ମାଣ ସମ୍ପର୍କରେ କ୍ୟାମେରା ଆଗରେ ବିଭାଗୀୟ ସହକାରୀ ନିର୍ବାହୀ ଯନ୍ତ୍ରୀ ମୁହଁ ଖୋଲୁନଥିବା ବେଳେ କୌଣସି ମତାମତ ଦେବାକୁ ସମ୍ପୂର୍ଣ୍ଣ ମନା କରିଦେଉଛନ୍ତି।

ଠିକାଦାର ଯନ୍ତ୍ରୀଙ୍କ ମଧୁଚନ୍ଦ୍ରିକାରେ ସାଧାରଣ ଜନତାଙ୍କ ସ୍ୱାର୍ଥ ବଳିପଡୁଛି। କୋଟି କୋଟି ଟଙ୍କା ହରିଲୁଟ କରି ଠିକାଦାର ଓ ଯନ୍ତ୍ରୀ ମାଲମାଲ ହେଉଥିବାରୁ ଏହି ଦୁର୍ନୀତି ମାମଲାର ଭିଜିଲାନ୍ସ ତଦନ୍ତ ଜରୁରୀ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଯୋର ଧରିଛି।

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଂଚଳରେ ନିୟମିତଭାବେ ଗାଡି ବ୍ୟାଟେରି ଚୋରି ହେଉଥିôବାର ଅଭିଯୋଗ ହୋଇଆସୁଥିଲେ ବି ପୂର୍ବରୁ କୁଜଙ୍ଗ ପୋଲିସ ଚୋରଙ୍କର ଟେର ପାଇପାରୁନଥିଲା। ମାତ୍ର ନୂତନ ଅଧିକାରୀଭାବେ ରଶ୍ମିରଂଜନ ଦାଶ ଯୋଗଦେବାପରେ କୁଜଙ୍ଗ ପୋଲିସ ବୁଧବାର ବିଳମ୍ବିତ ରାତିରେ ତିନି ଜଣା ବ୍ୟାଟେରି ଚୋରଙ୍କୁ ଧରିବାରେ ସକ୍ଷମ ହୋଇଛି।

ଅନ୍ୟପକ୍ଷରେ ଜରେ ଫେରାର ଥିବା ପୋଲିସ ସୂତ୍ରରୁ ପ୍ରକାଶ। ତତ ସହିତ ଚୋରି ସାମଗ୍ରି ସମେତ ଗୋଟେ ମଟର ସାଇକେଲ ଓ ତିନୋଟି ମୋବାଇଲ , ଦୁଇଟି ଟ୍ରକ ବ୍ୟାଟେରି ଜବତ କରାଯାଇଛି।

ଏଠାରେ ସୂଚନା ଯୋଗ୍ୟକି ରାସ୍ତାକଡରେ, ଘର ସାମ୍ନାରେ ଯଦି ଭାରିଯାନ ବା ଚାରି ଚକିଆଯାନ ଛିଡା ହେଉଥିଲା ଚୋରମାନେ ରାତ୍ରିରେ ସୁଯୋଗ ଉଣ୍ଡି ବ୍ୟାଟେରି ଚୋରି କରି ନେଇ ବିକ୍ରି କରୁଥିବାର ଖବର ପାଇବାପରେ ଥାନା ଅଧିକାରୀ ଶ୍ରୀ ଦାଶ ଚୋରଙ୍କ ଉପରେ କଡା ନଜର ରଖିବାକୁ ଅନ୍ୟାନ୍ୟ ଅଧିକାରୀଙ୍କୁ ନିର୍ଦ୍ଧେଶ ଦେଇଥିଲେ। ସେହି କ୍ରମରେ ଏକ ଚାରିଜଣିଆ ବ୍ୟାଟେରି ଚୋର ର‌୍ୟାକେଟ ଚୋରି ବ୍ୟାଟେରି ବିକ୍ରି କରୁଥିବାର ଖବର ପାଇ ବୁଧବାର ଦିନ ନବାଡିଆ ଓ ସମାଗୋଳ ଗ୍ରାମରେ ଚଢାଉ କରି ସେହି ଗ୍ରାମର ବିଶ୍ୱଜିତ ସ୍ୱାଇଁ (ସୋନୁ), ଲକ୍ଷ୍ମୀଧର ସ୍ୱାଇଁ ଓ ରାଉର କେଲାରୁ ଆସି ଅସ୍ଥାୟୀଭାବେ ରହୁଥିବା ବିଜୟ ଯାଦବଙ୍କୁ କାବୁ କରିବାରେ ସଫଳ ହୋଇଛନ୍ତି।

ଏନେଇ କୁଜଙ୍ଗ ଥାନା ସବ୍‌ଇନିସ୍ପେକ୍ଟର ବିଶ୍ୱଜିତ ଗଡନାୟକ ଅଭିଯୋଗ ଆଧାରରେ କେସ ନଂ.୩୫୪/୨୩, ମାମଲା ରୁଜୁ କରି ଆସାମି ୩ଜଣଙ୍କୁ ଗୁରୁବାର ଦିନ କୋର୍ଟ ଚାଲଣ କରିଥିବାର ଥାନାଧିକାରୀଙ୍କଠାରୁ ପ୍ରକାଶ।

କୁଜଙ୍ଗ: କୁଜଙ୍ଗ ଥାନାରେ ନୂତନ ଭାବେ ଥାନାଧିକାରୀ ରଶ୍ମୀରଞ୍ଜନ ଦାସ ଯୋଗଦେବା ପରେ ଚୋରା ମଦ, ଗଞ୍ଜେଇ, ବ୍ରାଉନ୍ ସୁଗର ଭଳି ନିଶା ବେପାରୀଙ୍କ ମନରେ ଛନକା ପଶିଗଲାଣି। ଯୋଗ ଦେବାର ଗୋଟେ ଦିନ ପରେ ଥାନାର ବିଭିନ୍ନ ଅଂଚଳରେ ବ୍ୟାପକ ଭାବେ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିଦେଇଛନ୍ତି।

ଏହି ପରିପ୍ରେକ୍ଷୀରେ ଗତକାଲି ବିଳମ୍ବିତ ରାତିରେ ଥାନାଧିକାରୀଙ୍କ ତତ୍ୱାବଧାନରେ କୁଜଙ୍ଗ ପୋଲିସ୍ ଏକ ଟିମ୍ ବିଭିନ୍ନ ଚୋରା ନିଶା ବେପାରୀଙ୍କ ଆଡ୍ଡାସ୍ଥଳୀରେ ଚଢାଉ କରିଥିଲେ। କୌଣସି ସୂତ୍ରରୁ ଖବର ପାଇ ଏହି ଥାନା ଗଣ୍ଡକୀପୁର ଗ୍ରାମରେ ପୋଲିସ୍ ସଦଳବଳେ ପହଁଚି ନିଶା ବେପାରୀ ଅରିକ୍ଷିତ ସାମଲକୁ ଚୋରା ମଦ ବିକ୍ରି କରୁଥିବା ଅବସ୍ଥାରେ ମାଡ଼ି ବସିଥିଲା। ତାଙ୍କ ନିକଟରୁ ୧୦ ଲିଟର ବିଦେଶୀ ମଦ ଯବତ କରାଯାଇଥିଲା।

ଆଜି ଏହି ଘଟଣାରେ ପୋଲିସ୍ ୩୫୨/୨୩ ରେ ମାମଲା ରୁଜ୍ଜୁ କରି ନିଶା ବେପାରୀ ଅରିକ୍ଷିତକୁ ଜେଏମ୍‌ଏଫ୍‌ସି କୋର୍ଟରେ ହାଜର କରିଥିଲା। ମାତ୍ର ସେଠାରେ ଜାମିନ୍ ନାମଞ୍ଜୁର ହେବାରୁ କୁଜଙ୍ଗ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଜଣାପଡିଛି।

କୁଜଙ୍ଗ: ଜଗତ୍‌ସିଂହପୁର ଜିଲ୍ଲା କୁଜଙ୍ଗ ଥାନାରେ ନୂତନ ଆଇଆଇସି ଭାବେ ଆଜି କାର୍ଯ୍ୟରେ ଯୋଗଦେଇଛନ୍ତି ଇନିସ୍‌ପେକ୍ଟର ରଶ୍ମୀରଞ୍ଜନ ଦାଶ। ଖୋର୍ଦ୍ଧା ଜିଲ୍ଲା ବାଲୁଗାଁ ଥାନାର ଇନିସ୍‌ପେକ୍ଟର ଶ୍ରୀ ଦାଶ ଗତ ଶନିବାର ଦିନ ଜଗତ୍‌ସିଂହପୁର ଜିଲ୍ଲାକୁ ବଦଳି ହୋଇ ଆସିବା ପରେ ଜିଲ୍ଲା ଆରକ୍ଷୀ ଅଧିକ୍ଷକ ରାହୁଲ ପି.ଆର ଆଜି କୁଜଙ୍ଗ ଭଳି ଏକ ସମ୍ବେଦନଶୀଳ ଓ ମର୍ଯ୍ୟାଦାଜନକ ଥାନାର ଦାୟିତ୍ୱ ଭାର ପ୍ରଦାନ କରିଛନ୍ତି।

ଶ୍ରୀ ଦାଶ ଦକ୍ଷ ଅଧିକାରୀ ଭାବେ ବେଶ୍ ଜଣାଶୁଣା। ବିଶେଷ କରି ଅପରାଧୀଙ୍କ ବିରୁଦ୍ଧରେ ଆକ୍ରମଣାତ୍ମକ ଆଭିମୁଖ୍ୟ ପାଇଁ ଶ୍ରୀ ଦାଶ ବେଶ୍ ଚର୍ଚ୍ଚିତ। ଖୋର୍ଦ୍ଧା ଜିଲ୍ଲାରେ କାର୍ଯ୍ୟ କରିଥିବା ସମୟରେ ଆଇନ୍ ଶୃଙ୍ଖଳା, ବ୍ରାଉନ୍‌ସୁଗର ବେପାରୀଙ୍କ ଉପରେ ଚଢ଼ାଉ, ବେଆଇନ୍ ଖଣି ଚଢ଼ାଉ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରି ସେତେବେଳେ ଚର୍ଚ୍ଚାକୁ ଆସିଥିଲେ।

ତେବେ କୁଜଙ୍ଗ ଏକ ସମ୍ବେଦନ ଶୀଳ ଥାନା ହୋଇଥିବା ବେଳେ ଉକ୍ତ ଅଂଚଳକୁ ଅପରାଧମୁକ୍ତ, ଆଇନ୍ ଶୃଙ୍ଖଳା, ବ୍ରାଉନ୍ ସୁଗର, ବନ୍ଧୁକ କାରବାର, ଚୋରା ମଦ ଓ ଗଞ୍ଜେଇ ବେପାରୀଙ୍କୁ ଗିରଫ କରିବା ସହ ରାଜ୍ୟ ସରକାରଙ୍କର ୫-ଟି ବ୍ୟବସ୍ଥାକୁ ଗୁରତ୍ୱ ଦେବେ ବୋଲି ଶ୍ରୀ ଦାସ କହିଛନ୍ତି।

ସୂୁଚନା ଥାଉକି, କୁଜଙ୍ଗ ଥାନା ଅଧିକାରୀ ସୁଜିତ୍ କୁମାର ପ୍ରଧାନଙ୍କ ବାରିପଦା ଏସ୍‌ଡିପିଓ ଭାବେ ପଦୋନ୍ନତି ହୋଇ ବଦଳି ହୋଇଥିବାରୁ ତାଙ୍କ ସ୍ଥାନରେ ଆଜି ଥାନା ଅଧିକାରୀ ଯୋଗଦେଇଛନ୍ତି ଶ୍ରୀ ଦାଶ।

ରମେଶ ମହାନ୍ତି

ଜଗତସିଂହପୁର: କୁଜଙ୍ଗ ବ୍ଲକ ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ ଓଡିଶା ମୋ ପରିବାର ଓ ଜୀବନ ବିନ୍ଦୁ କାର୍ଯ୍ୟକ୍ରମ ଶୁକ୍ରବାର ପୂର୍ବାହ୍ନ ୯ ଘଟିକା ସମୟରେ ସ୍ଥାନୀୟ ସୂଚନା ଭବନରେ ଅନୁଷ୍ଠିତ ହୋଇଯାଇଛି। ପାରାଦ୍ବୀପ ବିଧାୟକ ସମ୍ବିତ ରାଉତରାୟ ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଦୀପ ପ୍ରଜ୍ଜ୍ବଳନ ପୂର୍ବକ ଶୁଭ ଉଦ୍‌ଘାଟନ କରିଥିଲେ।

ଏହି ରକ୍ତଦାନ ଶିବିରରେ ୬୭ ୟୁନିଟ ରକ୍ତ ସଂଗୃହୀତ ହୋଇଥିଲା। କୁଜଙ୍ଗ ବ୍ଲକ୍ ଯୁବ ବିଜେଡି ସଭାପତି ମାନଭଞ୍ଜନ ମଲ୍ଲ, ଉପସଭାପତି ଜଗବନ୍ଧୁ ଦାସ, କୁଜଙ୍ଗ ବ୍ଲକ ଛାତ୍ର ବିଜେଡି ସଭାପତି ମହେଶ୍ୱର ଦାସ, ଯୁବ ବିଜେଡି ସଂଗଠକ ତଥା ଆଇଟି ସେଲ ମୁଖ୍ୟ ଅରୂପ୍ରସାଦ ମହାନ୍ତି, ରାଜ୍ୟ ଯୁବ ବିଜେଡି ସଂପାଦକ ତ୍ରିଲୋଚନ ତରାଇ, ରାଜ୍ୟ ଯୁବ ସାଂଗଠନିକ ସଂପାଦକ ରଶ୍ମିରଞ୍ଜନ ଦାସ, ରାଜ୍ୟ ଛାତ୍ର ସଂପାଦକ ସୁଚିସ୍ମିତା ବେହେରା,ଜଗତସିଂହପୁର ଜିଲ୍ଲା ଛାତ୍ର ସଭାପତି ସମ୍ବିତ ଲେଙ୍କା, ସାଂସଦ ପ୍ରତିନିଧି ସୁଢଳ ସ୍ୱାଇଁ ,ପ୍ରକାଶ ପରିଡା, ମାନସ ପରିଡା, ଭାରତ ଭୁଷଣ ନାୟକ, ସ୍ମୃତି ରଂଜନ ବେହେରା, ଭାରତ ଭୁଷଣ ଦାସ, ପୁଷ୍ପଲତା ବେହେରା, ନରେନ୍ଦ୍ର ପରିଡ଼ା, ମଦନ ମୋହନ ସ୍ବାଇଁ, ରାଜେନ୍ଦ୍ର ସାହୁ, ବିଚିତ୍ରାନନ୍ଦ ପ୍ରଧାନ, ସବିତା ମହାପାତ୍ର, ସୁରେନ୍ଦ୍ର ନାଥ ମହାପାତ୍ର, ଅଜିତ ପ୍ରସାଦ ମହାନ୍ତି, ନନ୍ଦିନୀ ପଣ୍ଡା, ମିହିର ପଟ୍ଟନାୟକ, ରାଜେଶ୍ ଭୁଆଁ, ସଂଗ୍ରାମ ମନ୍ତ୍ରୀ, ନିରଞ୍ଜନ ପ୍ରଧାନ,କବି ରଂଜନ ବେହେରା ପ୍ରମୁଖ ଯୋଗଦେଇ ଏହି ଜୀବନ ବିନ୍ଦୁ କାର୍ଯ୍ୟକ୍ରମରେ ସ୍ଥାନୀୟ ବିଜେଡି ଯୁବ ଓ ଛାତ୍ର ସଦସ୍ୟଙ୍କୁ ଅଧିକ ଉତ୍ସାହିତ କରିବା ସହ ପୂର୍ଣ୍ଣ ସହଯୋଗ କରିଥିଲେ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯୋଗୁଁ ଓଡିଶା ମୋ ପରିବାର, ଜୀବନ ବିନ୍ଦୁ କାର୍ଯ୍ୟକ୍ରମ ରାଜ୍ୟର ପୁରପଲ୍ଲୀରେ ସଫଳ ଓ ସାକାର ହୋଇ ପାରିଛି। ସଂଗୃହିତ ରକ୍ତରେ ବହୁ ମୂଲ୍ୟବାନ ଜୀବନ ବଞ୍ଚାଇ ହେଉଛି ବୋଲି ବିଧାୟକ ଶ୍ରୀ ରାଉତରାୟ ମତ ରଖିଥିଲେ। ଶେଷରେ ରକ୍ତଦାତା କରୋନା ଯୋଦ୍ଧାଙ୍କୁ ପ୍ରମାଣ ପତ୍ର ମୁଖ୍ୟ ଅତିଥିଙ୍କ ଦ୍ବାରା ପ୍ରଦାନ କରାଯାଇଥିଲା।

ରମେଶ ମହାନ୍ତି

ଜଗତସିଂହପୁର: ତିର୍ତ୍ତୋଲ, କୁଜଙ୍ଗ ଓ ଏରସମା ବ୍ଲକ ଅଞ୍ଚଳରେ ଥିବା ବିଭିନ୍ନ ମଠ ମନ୍ଦିର ମାନଙ୍କରେ ଆଲୋକିକରଣ ନିମନ୍ତେ ମହାଶକ୍ତି ଫାଉଣ୍ଡେସନ୍ ଓ ସ୍ମାର୍ଟ ପାୱାର ଇଣ୍ଡିଆ ସହଯୋଗରେ ମାଗଣା ଏଲ୍.ଇ.ଡି ଲାଇଟ୍ ବଣ୍ଟନ କରାଯାଇଛି। ସ୍ମୃତି ରଞ୍ଜନ ଦାଶ ଓ ହେମନ୍ତ ତ୍ରିପାଠୀଙ୍କ ମିଳିତ ସହଯୋଗରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଜୁଳି ଦିଦି ମାନଙ୍କ ଦ୍ୱାରା ଏହି ଏଲ୍.ଇଡି. ଲାଇଟ୍ ବଣ୍ଟନ କରାଯାଇଛି।

ରଞ୍ଜିତ୍‌ ପଣ୍ଡା

କୁଜଙ୍ଗ: କୋଭିଡ୍‌-19ର ମୁକାବିଲା ପାଇଁ ସାରା ଦେଶରେ ଲକ୍‌ଡାଉନ୍‌। ଏହି ସମୟରେ ବହୁ ବ୍ୟକ୍ତି, ଅନୁଷ୍ଠାନ ଆର୍ଥିକ ସହାୟତାର ହାତ ବଢାଇଛନ୍ତି। ଏହି କ୍ରମରେ ଆଜି କୁଜଙ୍ଗ ବରିଷ୍ଠ ନାଗରିକ ମଞ୍ଚ ତରଫରୁ ମୁଖ୍ୟମନ୍ତ୍ରୀ ରିଲିଫ୍‌ ଫଣ୍ଡ୍‌କୁ 10 ହଜାର ଟଙ୍କା ଦାନ କରାଯାଇଛି। କୁଜଙ୍ଗ ବରିଷ୍ଠ ନାଗରିକ ମଞ୍ଚର ସମ୍ପାଦକ ବାବୁରାମ ଚୌଧୁରୀଙ୍କ ନେତୃତ୍ବରେ ଅନଙ୍ଗ କୁମାର ମହାପାତ୍ର, ବିଷ୍ଣୁ ଚରଣ ମୁଦୁଲି, ସତ୍ୟାନନ୍ଦ ନାଥ, ଦେବୀ ପ୍ରସାଦ ପଟ୍ଟନାୟକ ଭାରପ୍ରାପ୍ତ ବିଡିଓ ଡ. ପୂଜା ଲେଙ୍କାଙ୍କୁ ଏହି ଅର୍ଥ ପ୍ରଦାନ କରିଛନ୍ତି।